Elite Dentistry 2027 pinned «مسا الخير جميعا🌚❤️ عُدنا اليكم من جديد برابط استبيان التطوع لفريق ايليت 😁❤️ وتذكر أن من انبل اعمال الإنسان التطوع لفائدة الغير😊 مدة الاستبيان دقيقة وحدة 😉 موفقين جميعا فيما هو قادم❤️❤️ https://docs.google.com/forms/d/e/1FAIpQLSfePxQSUuCLJ5QoLu--dtkBNGUVO…»
مسا الخير جميعا🌚❤️ عُدنا اليكم من جديد برابط استبيان التطوع لفريق ايليت 😁❤️ وتذكر أن من انبل اعمال الإنسان التطوع لفائدة الغير😊 مدة الاستبيان دقيقة وحدة 😉 موفقين جميعا فيما هو قادم❤️❤️
زعيم المواد☠️ التشريح المرضي 🔥 كالعادة العملي 30 ابو المجاهر سهل المرضي العام ينجاب فيه علامة بالعملي كتير😂 طبعا من اسمو مرضي رح تدرس الحالات المرضية بشكل عام لكل خلايا الجسم بعدين بالفصل التاني بتخصص الحفرة الفموية بس ..... النظري 70 النظري حلو مو صعب المادة في الها وقت كافي بالعادة قبل الامتحان حوالي 10 محاضرات بتنجاب معدل اذا العملي عالي مارح تختلف عليكن عن النسج ابدا نفس المبدأ ونفس الدراسة 😜🔥 بس المرضي ممتعة اكتر بكتير من النسج....🏃
علم نفس (مادة معدل) المادة شي 12 محاضرة بصمية بحت ..... (يلي بحب الفلسفة ح يروق 😜) حاولوا تدرسوا منها خلال الفصل حتى لو نصها لأن غالبا معها يومين بس 😶 متل ما انبصمت ضمنت معدلها يعني فيك تقول وش تاني لمادة (الثقافة) موفقين يارب❤️❤️
🔴الإنفشكن كونترول(أو كما تسمى السيطرة على الإنتان☠️) 👈مادة عبارة عن 80 سؤال تقريبا مافيهاش عملي 🤞 كل سنة بيختلف عدد الاسئلة حسب الدكاترة ..... المادة كلها باللغة الإنلكيزية ☹️ سؤال وجواب كامل لغة دراستها كلها باللغة بصمية جدا....😬 يلي لغتو قوية تعتبر مادة معدل غير هيك يلي ضعيف لازم يدرس منها بالفصل غالبا ما معها فترة طويلة قبل الامتحان بس يومين....🤓 وهية 10 محاضرات تقريبا 🔴بتحكي عن طرق التعقيم 🔴حرارة جافة وحرارة رطبة 🔴طرق الوقاية من الأمراض 🔴طرق تعقيم الأدوات 🔴تهوية العيادة السنية 🔴الملابس الواقية لطبيب الأسنان 🔴بعض الأمراض الممكن أن تنتقل ضمن العيادة...... المادة دسمة خصوصا انها باللغة حاولوا تدرسوها بالفصل موفقين😜🖤🖤
🔴طب الفم الوقائي(معدل بامتياز) المادة سهلة وحلوة عملي 40 رح تفوتوا بمرحلة الفحص السريري للمريض😁🔥 فيكن تفحصوا على حالكم اول مرة بعدين بتجيبوا عالم تفحصوها العملي سهل وممتع وكتير بتاخد حقك فيه واكتر كمان🔥 بتفحص عدة حالات متل حالات نخرية عالية بدك حالتين حالة نخر بدئية بدك حالة حالات التهاب اللثة بدك حالتين فلور حالتين سيلانت حالة وعندك عمل بحث طبي صاروا 9 اعمال تقريبا ... غراض العملي : طقمين فحص اقل شي / علبتين تعقيم/ شانات مريض / صينية وشانات صينية/ علبة فراشي بوند / كمامات وكفوف😁 النظري 60 النظري كتير سهل كمان حوالي 10 محاضرات تقريبا بتدرس فيها 👈الصحة الفموية 👈الوقاية من الأمراض 👈انواع المعاجين (تجميلية_علاجية_وقائية) 👈انواع الفراشي 👈النخر بشكل مفصل 👈امراض اللثة عالخفيف والخ...... المادة معدل وحلوة كتير وسهلة سر صغير : دراسة النظري أساس للعملي 🤫 (قولوا ما عنا مادة معدل 🏂)
💥المناعة (تالت اصعب مادة😁) كانت ع وقتنا مقسمة بين د.سمر و د.نوال..... مالهاش عملي (اريح😁) المادة حوالي 12 ل13 محاضرة اخر 3 اصعب من كل حياتك بصميين بشكل رهيب اول كم محاضرة فراطة بس برضو لازم تندرس بتركيز☠️ خلال الفصل مو تخليها لاسبوعها .... اسئلتها صعبة ورسمات وكذا... اصعب من الأحياء كمان(قسم الصعبين هاد😬) بتجي حوالي 60 سؤال ..🏂 المناعة بتدرسوا فيها : 👈خلطية 👈خلوية 👈تحمل الذات وأمراض المناعة الذاتية 👈نضج الخلايا اللمفاوية 👈تفعيل الجهاز المناعي والبروتينات المتممة . 👈امراض العوز المناعي المكتسب (كفر جدا هالمحاضرة 🤣) مو انو اذا صعبة ما بتجي معدل بالعكس رغم انو كانت صعبة جبناها معدل☠️🔥 دراسة وإعادة أموركن بالسليم... بس هدول المواد ال3 هنن أساس الفصل الأول عندكن متل ما فرمتوهن الباقي صار فراطة ❤️
🔴الاطباق (اكبر مادة بالفصل) المادة بيعطيها 7 ل8 دكاترة😜 المادة حوالي ال25 محاضرة .... المادة ضخمة كتير بس مو مستحيلة 👈حلاوتها بتندرس مع العملي اول 8 محاضرات فيها معلومات بحرررر ويلي بدو يدرسها بدو يكون فهمان منيح مو بس بصم .... بيندرس👈 انواع الاطباق الطبيعي والغير طبيعي عضلات ماضغة حالات الصرير سوء اطباق مشاكل مفصل الفكي صدغي جبيرة اطباقية وكتير شغلات كمان حلوة لازم من اول الفصل تلتزموا فيها☠️☠️ العملي 30 النظري ب70 العملي مضمون اذا بتدرس نظري كتير حلو عمليها بس بدك تكب الجينات 🤣💥 غراض العملي : مطبق / الجينات/الواح شمع/ جبس ابيض/ورق عض/وشي مريض تدرس عليه الحالة😁 النظري اذا درست بتضمن علامة . قد ما درست بتزيد علامتك وبدها التزام لأن ضخمة ..... في كم سؤال بيجي من التقويم😂 برا المنهاج بس يلي دارس منيح بحلهن النصيحة الأخيرة للمادة ادرسها وانت حاببها لأن كتير ح تساعدك لقدام و ح تخليك تضمن علامتها...☠️🔥
☠️جلدية @ باطنة الباطنة بتدرسوا فيها الجسم ووظائفو بشكل عام بتركز عالقلب ووظائفو الدوران الكلى وأمراض الرئوية والسرطانات البلعومية وكتير شغلات تانية بس بالمجمل مادة كتير حلوة حضورها ما بفيد زيادة .... المادة بتندرس بتنضمن المادة 10 محاضرات .... الأسئلة 30 سؤال بس الجلدية(وهي الأصعب 🔥) اصعب من نظيرتها الباطنة مادة بصمية كتير خصوصا اول محاضرتين (حطاطة_حمامية_اشكال امراض جلدية كتير بصمية_ لويحات حمرا_الخ.....) المادة 5 محاضرات بالمدرج (كل محاضرة محاضرتين) يعني 10 كاملة بدها تركيز ودراسة خلال الفصل😁 وكتير بفيد الإعادة فيها☠️ دكتورتها جدا حبابة🤍 بس اسئلتها صعبة صراحة وبدها تركيز .... كمان 30 سؤال لا تهملوها للجلدية ادرسوها منيح صح بعيدة عن مجالك بس حلوة وبتفيدك بمجموعة امراض مشتركة بين الفم والجلد 🔥☠️ نوتس : ك تقديم فالمادتين سوا بنفس اليوم ك دراسة كل مادة لحال 🤣 20 محاضرة🤓