قناة حسين بكري مشروعات business

فقط لأصحاب المشروعات القائمة
(كورس إدارة وتشغيل المشروع)
بالحضور بمدينة نصر كل يوم أثنين من ٩ سبتمبر
من ٧ ل ١١ مساءا

٤ ورش عمل تفاعلية خلال شهر.
------؛--------
الموضوعات:
١- تقييم مشروعك وتحليل بياناته الماليه
٢- الادارة والتنظيم والتخطيط والتوظيف والمتابعة.
٣- المالية.
٤-التمويل.
٥-إدارة السيولة.
٦- ادارة المخاطر.
٧- دراسة السوق والتسويق.
٨- الشركات والشراكات.
٩- البيع الآجل والبيع بالتقسيط.
١٠- تطوير المشروع.
١١- التفويض وإدارة الوقت
١٢- مايستجد في ضوء المناقشات.
-------------؛--------------
- ٨ جلسات عمل، بكل يوم ٢ جلسة ويتخللهم بريك
- عدد الحضور ١٢ فقط..
- الحضور لأصحاب المشروعات القائمة فقط وليس للموظفين او للتدريب على عمل مشروع جديد او للتعليم.
- الغرض من الكورس تنشيط وتصحيح المعلومات وتبادل الرآي والخبرة مع مجتمع المشروعات الصغيرة والمتوسطة.
- للاشتراك: إرسل بيانات عن مشروعك أو آخر ميزانية وقائمة دخل ورابط الموقع الالكتروني او صفحة مشروعك أو آخر إعلان..برسالة على ماسنجر/ انبوكس،وليس بتعليق على البوست..لان الاشتراك للمشروعات المناسبة للشروط فقط.
حسين بكري

فقط لمن يخطط لعمل مشروع جديد أو توسعة مشروع قائم
(كيف تُعد دراسة جدوى مشروعك بنفسك؟).
كورسات سبتمبر ٢٠٢٤.
أون لاين على زووم
أو بالحضور بمدينة نصر
----------؛------------
بالحضور بمدينة نصر- كل أربعاء من ١١ سبتمبر- من ٧ ل١١ مساءا.

يرجى قراءة التفاصيل جيدا..
الموضوعات
----؛-----
مقدمة :- أهمية تحديد المشروع وتشكيلة المنتجات والعميل المستهدف وطريقة تشغيل المشروع
1- دراسة السوق:
- مصادر بيانات دراسة السوق.
- تحليل العرض و الطلب والتنبؤ بالمبيعات.
2- الدراسة الفنية:
- تحديد حجم ونظام عمل المشروع.
- تحديد احتياجات تنفيذ المشروع من الموارد المالية والبشرية.
- تحديد المكان المناسب للمشروع.
3- الدراسة المالية:
- بناء الموازنة التقديرية للمشروع والارباح المتوقعة.
- تقييم المشروع.
-------؛--------
المرشحين المناسبين لحضور الدورة:
---------؛-------------
- الراغبين في عمل مشروع جديد.
- الراغبين في إضافة نشاط جديد لمشروع قائم.
------------؛------------
- المواعيد: إن شاء الله:
الاربعاء ١١ سبتمبر
الاربعاء ١٨ سبتمبر
الأربعاء ٢٥ سبتمبر

الوقت:
من الساعة ٧ الي ١١ مساء
- عدد المحاضرات ٣
- كل محاضرة ٤ ساعات
-------------؛------------
- سيتم إرسال نموذج كراسة دراسة الجدوي للتطبيق عليه
- يوجد هوم وورك عبارة عن بحوث ودراسات وإطلاع على كتب وتطبيق على مشروعك المقترح.
- عدد المتدربين محدود ..للتركيز.
- الكورس تفاعلي وعملي،ويتطلب الحضور والتركيز والمشاركة في المناقشات.
-جهز نوع مشروعك الذي ترغب في مناقشته والتطبيق عليه..لتكون الدراسة عملية.
للاستفسار والاشتراك: إرسل رسالة أنبوكس.
حسين بكري

العاقل..يغضب..بالعقل.
---------------؛----------------
س:
- ياريت ماتقوليش إشتغل في مجال خبرتك..أنا عايز أعمل مشروع بعيد عن دراستي او تخصصي او خبرتي ،أنا تعبت وقرفت من المجال ده وكل اللي فيه بناسه وبتفاصيله.

ج:
- إهدى بس وصلى على النبي.. أنا مش هاأسألك مجال ايه؟
ولا ايه اللي قفلك منه؟
ولا هااقولك خسارة ماتضيعش خبرتك ومعرفتك وعلاقاتك في المجال.

س:
ياريت والله تبقى حضرتك ريحتني..حاسس إني عايز أبدأ على نضيف واتولد من جديد..صحيح انا مجالي ماكانش غلط ولا حرام.. لكن قول شبعت او قفلت او اتعقدت من كل حاجه فيه.

ج:
تمام يارياسة..
نهدى كده ونركز..
عشان احنا دلوقتي بنفكر بإبتكار.. وبنبدأ حاجة مش عارفينها ،ومن الصفر.

س:
كده انا مع حضرتك..
حتى لو قلتلي ارمي نفسك في البحر.

ج:
اعوذ بالله..ليه كده..
ترمي نفسك ليه بس..
إحنا هانرمي حبة فلوس وحبة وقت وحبة مجهود..
وهنخاطر لغاية مانعمل رؤية في مجال جديد.

س:
بس ياريت يكونوا حبة قليلة
لو سمحت..
انا اخدت وقت طويل ومجهود كبير لغاية ماعملت القرشين.. وماعنديش استعداد اضيعهم ولا لسه فاضل عندي وقت ولا مجهود كتير.

ج:
هو حضرتك خدت وقت ومجهود وعملت القرشين منين؟

س:
من المجال المدعوق بتاعي.

ج:
لامؤاخذة..معلش فكرتك بمجالك المدعوق ده..
خلاص مش هنتكلم فيه تاني.

س:
ياريت لو سمحت.

ج:
المجال ده سئ ولازم نعاقبه.. ايه رايك نعمل عكسه؟

س:
يعني ايه؟

ج:
يعني انت مثلا مثلا.. مجالك تصنيع منتج،
وبالتالي قرفت من..
العمالة
والصيانة
وموردين الخامات
والتجار اللي بتبيعلهم..
ايه رأيك تشتغل في تجارة المنتج ده.. بالعند في مجال التصنيع اللي بتشتغل فيه؟

س:
هي فكره..بس انا ماباصنعش ..انا بابيع.

ج:
خلاص صنع..
وانتقم من زمايلك التجار اللي بيحرقوا اسعار وينافسوك والعمالة اللي بتدلع..
واخلص من زباين القطاعي المناكفين.. وبيع لبياعين كميات بقى وصفقات كبيرة.

س:
بس كل المصانع اللي باخد منها بيشتكوا برضه.

ج:
تمام..
فكر في صناعة مغذية او خدمات زي النقل او التسويق او الاستشارات او التدريب للمجال اللي بتشتغل فيه.

س:
مابلاش حضرتك المجال المدعوق ده كله..ونشوف غيره.

ج:
مين جاب سيرة انك هتشتغل في المجال المدعوق ده..انا معاك..لازم نسيب المجال ده خالص.. لكن في نفس الوقت.. لازم نعذب كل الناس اللي عذبوك في المجال ده..
ماهو مش صح اننا نسيبهم من غير عقاب..
وياخدوا عمرك وجهدك وكمان نروح نجرب بفلوس شقاك في حاجة مالكش فيها.. يعني ياخدوا وقتك وعمرك وخبرتك وفلوسك؟.

س:
والله عندك حق.. بس انا عايز ابعد عن المجال كله.

ج:
طيب ماشي..
قولي اسم خامة واحدة مهمة.. في المجال اللي بتشتغل فيه.

س:
مممممم... مسامير مثلا.

ج:
جميل.. هو انت لو
١- بعت مسامير
والا
٢-صنعت مسامير.
والا
٣-تاجرت في خاماتها
او
٤- ماكيناتها ..
هتبقى في نفس المجال؟

س:
لا طبعا.. المسامير انواع وممكن تتصنع او تتباع لعشرين تلاتين مجال ونفس الحكاية الخامات والماكينات.

ج:
طيب خلاص.. فكر كده.

س:
يعني اعمل ايه فيهم..
ابيع جملة او قطاعي والا اصنع والا ابيع خامات والا ماكينات؟

ج:
احنا بنقول مثلا.. لكن انت ادري بباقي الخامات او الخدمات اللي ممكن تتقدم..وفي كل الاحوال لازم تبحث وتسأل كويس وتعمل دراسة سوق ودراسة جدوى وتخطط.

س:
اه طبعا ها ابحث وادرس واخطط وكل حاجة.. بس اغلب المعلومات عارفها وفي دماغي.

ج:
فل الفل يامعلم..
وهو المطلوب اثباته.

س:
اثبات ايه ياباشا؟..
انا معلم ابن معلم ابن معلم.

ج:
تمام يامعلم.

س:
طيب. ايه راي حضرتك اني ممكن استمر زي ماانا مؤقتا..
عشان بس افضل على معرفة بتطورات السوق،
واخفف من مراحل وعلاقات الشغل وكل المراحل اللي مضيقاني.. واضيف اكتر من نشاط من اللي اتناقشنا فيهم.. وحبة حبة اكبر نشاطي الجديد بعيد عن المجال المدعوق ده؟

ج:
أيوه كده..ماتسيبش المدعوق ده غير لما تترسمل من شغلك الجديد على حساب المدعوق ده.

س:
آه.. مش سايبه إلا لما انحل وبره..ويا أنا ياهو.

(الحوار حقيقي ماعدا كلمة واحدة..مسامير).
- شير عشان غيرك مايتسرعش، وكمان عشان الريتش واقع.
حسين بكري

س: يعني مشروع ب ٢ مليون مايكسبش ٥٠ الف شهريا؟.

ج: يكسب إن شاء الله..لو فاهم فيه.

س: فاهم او مش فاهم..ده حتى لو بعت ايه يكسب.

ج: تمام..طالما انت عارف انه هيكسب..توكل على الله.

س: بس انا عايز اعرف رآي حضرتك.

ج: ماهو انت واضح انك من اللي هيزعلوا من اول سؤال.

س: انا عايز رآي حضرتك في الفكرة نفسها..هل ٢ مليون مايعملوش ٥٠ الف شهريا؟.

ج: انا ماسمعتش فكرة اصلا..
و ٢ مليون ومعاهم فكرة ممكن يكسبوا كويس..
على حسب الفكرة،
ومن غير فكرة..مافيش داعي أقولك هيحصل إيه..

س: خلاص هااقولك اي حاجة..سوبر ماركت صغير مثلا.

ج: حلو جدا..عايزين بقى حد فاهم في الشغلانة ومكان كويس يكون بياع وإيجاره معقول،وتشكيلة مناسبة،وديكور وتجهيزات بمبلغ مناسب..نقدر معاه نجيب بضاعة بأكبر مبلغ..خصوصا الاصناف اللي عمرها طويل.

س: لأ..انا مش هاأجر..انا قدامي محل تمليك..هو مكان جديد وسعره ١،٥ مليون والباقي مابين تلاجات وارفف واستاندات وتشكيلة بضاعة.

ج:انت قللت كده البضاعة الي هتحقق الربح.

س: ماهي هتدور.

ج: مش كلها هتدور ومش بسرعة لانك بتقول مكان جديد.

س: يعني لو ٢٠٠ الف بضاعة ودارت مرتين في الشهر ب ٢٥% هتعمل١٠٠ الف مستريح،وممكن اشتري آجل وازود المبيعات.

ج: مش هتقدر تبيع في مكان جديد يوميا بحوالي ١٣ الف جنيه، وبربح ٢٥%..لا المكان الجديد هيبيع بكده ولاربح البقالة ٢٥%.

س: ماانا باتكلم على ضعف ال ٥٠ الف..يعني الحكاية مبحبحة.

ج: مش مبحبحة ولا حاجة وعايزة تتحسب..
خصوصا انك ماطلعتش المصاريف..زي العمالة والمرافق والتسويق والاهلاك.

س: هو عامل واحد مثلا ب ٤٠٠٠ جنيه والمرافق قول ٢٠٠٠ جنيه..
يعني ٦٠٠٠ جنيه في الشهر وأنا اللي هااسوق.

ج:لا دي بضاعة، ولادي مصروفات ولا ده مكان يبيعوا ب ١٣ الف يوميا ..انا ماقدرش اعتمد خطة بالشكل ده،
ولو حصل..فلازم فترة لغاية ماتبني زبون وتزيد المبيعات وتعرف تشكل بضاعة مطلوبة وتفهم الشغلانة..وماتنتظرش لمدة ٦ شهور ارباح..مثلا.

س: عايز تخسرني ٦ شهور ب ٣٠٠ الف من قبل ماافتح.

ج: هي الزباين مستنينك طابور لغاية ماتفتح.

س: يعني الخلاصة..رآي حضرتك إيه؟.

ج: إشتغل الأول عند غيرك في سوبر ماركت بنفس الحجم اللي عايز تنفذه،وفكر في موضوع الايجار بدل التمليك..عشان تكون عندك مشتريات متنوعة بسعر كاش كويس وتحقق مبيعات كبيرة.

س: هو كده حضرتك بتنمي المشروعات؟.

ج: آه..المشروعات المدروسة.
حسين بكري

كورس(شركاء البيزنس)

الهدف من الكورس
--------؛----------
تنمية رؤية شركاء المشروع الواحد لتكوين رؤية استراتيجية للشركة، ومشاركة تجارب الآخرين،وتقييم المشروع وتطويره.

الفئات المستهدفة
----------؛--------
شركاء المشروع الواحد سواء عاملين او صامتين.
٩
شروط الاشتراك:
-----------؛--------
- شريكين على الاقل، أو صاحب المشروع وواحد او اكثر من المديرين،وبحد اقصى ٣ حاضرين عن المشروع الواحد.
( اكثر من ذلك يتم عقد دورة خاصة لكل مشروع)

توصيف المشروعات المشتركة
-------------؛--------------------
مبيعات سنوية من حوالي ٢٤ مليون الي ١٠٠ مليون جنيه سنويا.
(اقل من ذلك..لهم دورات أخرى، واكثر من ذلك يحتاج دورة خاصة)

الموضوعات
--------؛-----
١- الإدارة..التخطيط،التنظيم،التوظيف،التوجيه،الرقابة.
٢- الإدارة المالية والتمويل وتقييم الشركة.
٣- التسويق والخطة التسويقية
٤- التطوير وحل المشاكل وادارة..الازمات والمخاطر والتغيير والشراكات.

عدد الحضور ١٢ او ١٣ ( من ٤ ل ٥ شركات)

المواعيد
------؛-----
كل يوم اثنين او جمعة من ٢ ل٧ مساءا
(إختار) بين:
الاثنين ٥ ، ١٢ ، ١٩ ، ٢٦ أغسطس.
أو
الجمعة ٩، ١٦، ٢٣ ، ٣٠ أغسطس

عدد المحاضرات/ المناقشات التفاعلية
-------؛--------
٤ ورش عمل،كل ورشة ٥ ساعات
( يتخللهم بريك وغداء).

مكان الحضور
--------؛--------
القاهرة،مدينة نصر،اول عباس العقاد.

للإشتراك:
----------؛------
التواصل على واتساب..عن طريق شريك او صاحب المشروع.
01227402240
حسين بكري

(كيف تُعد دراسة جدوى مشروعك بنفسك؟).
كورسات يوليو ٢٠٢٤.
----------؛------------
أون لاين على زووم-كل ثلاثاء من ٩ يوليو- من ٧ ل١١ مساءا.
أو
بالحضور بمدينة نصر - كل أربعاء من ١٠ يوليو من ٧ل ١١ مساءا.

يرجى قراءة التفاصيل جيدا..
كورس يوليو ٢٠٢٤ لدراسة الجدوى
دورة تدريبية تفاعلية
الموضوعات
----؛-----
مقدمة :- تحديد المشروع وتشكيلة المنتجات والعميل المستهدف وطريقة تشغيل المشروع
1- دراسة السوق:
- مصادر بيانات دراسة السوق.
- تحليل العرض و الطلب والتنبؤ بالمبيعات.
2- الدراسة الفنية:
- تحديد حجم ونظام عمل المشروع.
- تحديد احتياجات تنفيذ المشروع من الموارد المالية والبشرية.
- تحديد المكان المناسب للمشروع.
3- الدراسة المالية:
- بناء الموازنة التقديرية للمشروع والارباح المتوقعة.
- تقييم المشروع.
-------؛--------
المرشحين المناسبين لحضور الدورة:
---------؛-------------
- الراغبين في عمل مشروع.
- الراغبين في إضافة نشاط جديد لمشروع قائم.
------------؛------------
- المواعيد: إن شاء الله

أون لاين على زووم
الثلاثاء ٩ يوليو
الثلاثاء ١٦ يوليو
الثلاثاء ٢٣ يوليو

او بالحضور بمدينة نصر
الاربعاء ١٠ يوليو
الاربعاء ١٧ يوليو
الاربعاء ٢٤ يوليو

٣ محاضرات
الوقت:
من الساعة ٧ الي ١١ مساء
- عدد المحاضرات ٣
- كل محاضرة ٤ ساعات
-------------؛------------
- سيتم إرسال نموذج كراسة دراسة الجدوي للتطبيق عليه
- يوجد هوم وورك عبارة عن بحوث ودراسات وإطلاع على كتب وتطبيق على مشروعك المقترح.
- الحضور أون لاين على زووم - ويفضل الحضور من لاب توب أو كمبيوتر.
- عدد المتدربين محدود ..للتركيز.
- الدورة غير مسجلة لطبيعة المناقشات المفتوحة،وتتطلب الحضور والتركيز والمشاركة في المناقشات.
-جهز نوع مشروعك الذي ترغب في مناقشته والتطبيق عليه..لتكون الدراسة عملية
--------------؛-----------------
-لأي استفسار او سؤال: إرسل رسالة.
-للاشتراك: إرسل رسالة/ انبوكس/ ماسنجر ب
١- نوع مشروعك المقترح.
٢- قيمة رأس ماله المتوقع
٣-عملك الحالي.
٤- مؤهلك الدراسي
٥- طريقة الحضور..أون لاين أم بالحضور بمدينة نصر.
حسين بكري

للمرة المليون،وبدون حلفان..
لو بتشتغل بفلوس غيرك،
(خاصة لو فلوسهم تتعدي قيمة رأس مالك الشخصي)
ومابتكسبش..ماتدفعش ارباح للممولين.

لو بتسأل(طيب أعمل إيه؟)..هاأقولك:
صغر مشروعك
او بيع أصل عندك،
او اتنازل عن مشروعك للدائنين..
المهم..ترجع للناس فلوسها..اللي بتعد عليك،وبتضطرك تضحك على ممولين جدد..
او اقفل،او اعلن خسارتك،
او حتى اتسجن بدري..ارخص..بمديونية أقل..
قبل ماتتسجن بعشرة اضعافها،
او لاقدر الله تسيب للورثة مديونية وفضيحة..

والله علاج الموضوع ده..
لابيكون بتمويل جديد ولاقرض..
والمديونية بتضاعف كل ٦ شهور على الاقل..
لغاية المغفلين مايخلصوا..فتتكشف.
حسين بكري

ماهي دراسة جدوى المشروع؟.
https://www.facebook.com/share/r/tpxYSxYj2EXfDe86/?mibextid=oFDknk

س: انا باعمل براند لمشروعي بقالي ٦ سنين والحمد لله قدرت اكون اسم وسمعة وعندي مبيعات كويسة..لكن مافيش ارباح.

ج: ٦سنين فترة طويلة اربع مرات..
وإيه هو البراند وانت مابتحققش ارباح،
وسمعة ايه ومبيعات ايه بالخسارة؟.

س: لأ انا ماباخسرش..لكن مابغطيش مصاريفي.

ج: مصاريفك الشخصية والا مصاريف مشروعك؟.

س: ممممم.. الاتنين.

ج: تبقى بتخسر يعني.

س: لا..انا باكسب في المبيعات..يعني باشتري ب ١٠٠ وابيع ب ب ١٢٥ لكن الفرق مابيكفيش حتى مصروفات المشروع.

ج: ايوه ماهو الربح والخسارة بيكونوا بعد التكاليف والمصاريف..هو انت كنت بتعمل براند بإيه؟ بتخفيض السعر؟.

س: ايوه دي الفكرة..آخد حصة سوقية اكتر واعمل زبون بتخفيض السعر.

ج: ممكن تعمل كده..لو ابتكرت طريقة تخفض التكاليف او المصروفات..مش بتحقيق خسارة..وخسارتك كام لغاية دلوقتي؟.

س: مااعرفش..معلش مش ماسك حسابات منتظمة.

ج: تقريبا انت مش عايز تعرف..لكن انا هااقولك..
شوف بدات بكام وزودت رأس مال كام وعليك كام..واطرحهم من اصولك الحالية.

س: هو انا تقريبا اضطريت احسب كده..لما السيولة والبضاعة قلت..واغلب الموردين بقوا يرفضوا يدوني آجل.

ج: بيرفضوا يدوك عشان الآجل بس..والا قلقانين من الاسعار المنخفضة اللي بتبيع بيها.

س: حضرتك مابيفوتكش حاجة..طبعا هما وباقي المنافسين..ماكانش عاجبهم سياستي..لكن انا حققت حصة كبيرة من السوق، وسؤالي ليك..ازاي أحافظ عليها وفي نفس الوقت..احقق ربح واتنفس بعد ٦ سنين خسارة؟.

ج: لا..مش هتتنفس بخلفيتك دي.. لازم ترجع تسعر كويس وساعتها هتقابلك مشكلة مع عملاءك اللي بيشتروا منك عشان رخيص،
وهتفقدهم..
لكن خطوة خطوة هتبدا تتوازن ويرجعلك جزء من العملاء اللي شايف فيك ميزة..غير السعر..زي الالتزام او الامانة او خدمات فنية او سرعة الاستجابة، او حتى تخفيض سعري معقول.

س: يعني كل الخسارة دي على الفاضي؟.

ج: انت حاسب خسارتك،ومش حاسب خسارة المنافسين اللي اضطروا يجاروك.. عشان يستمروا، والا اللي قفلوا عشان مش هيقدروا يعملوا زيك..راجع حساباتك وشوف ممكن توفر ايه من المصروفات وعيد تنظيم الشغل..على اعتبار الربحية.
حسين بكري

كورس فبراير ٢٠٢٤ لدراسة الجدوى
دورة تدريبية تفاعلية
- بمدينة نصر،اول عباس العقاد
(كيف تعد دراسة جدوى مشروعك بنفسك؟).
الموضوعات
----؛-----
مقدمة :- تحديد المشروع وتشكيلة المنتجات والعميل المستهدف وطريقة تشغيل المشروع
1- دراسة السوق:
- مصادر دراسة السوق.
- تحليل العرض و الطلب والتنبؤ بالمبيعات.
2- الدراسة الفنية:
- تحديد حجم ونظام عمل المشروع.
- تحديد احتياجات تنفيذ المشروع من الموارد المالية والبشرية.
- تحديد المكان المناسب للمشروع.
3- الدراسة المالية:
- بناء الموازنة التقديرية للمشروع والارباح المتوقعة.
- تقييم المشروع.
-------؛--------
المرشحين المناسبين لحضور الدورة:
---------؛-------------
- الراغبين في عمل مشروع.
- الراغبين في إضافة نشاط جديد لمشروع قائم.
------------؛------------
- المواعيد: إن شاء الله
الاربعاء ١٥ فبراير
الاربعاء ٢٢ فبراير
الاربعاء ٢٩ فبراير
الاربعاء ٧ مارس
الوقت:
من الساعة ٧ مساء حتى ١٠ مساءا.
- عدد المحاضرات 4
- كل محاضرة ٣ ساعات
-------------؛------------
- سيتم إرسال نموذج كراسة دراسة الجدوي للتطبيق عليه
- يوجد هوم وورك عبارة عن بحوث ودراسات وإطلاع على كتب وتطبيق على مشروعك المقترح.
- عدد المتدربين محدود جدا..للتركيز.
--------------؛-----------------
-إقرأ التفاصيل جيدا ،وارسل رسالة للاشتراك.

- إعد الإستماع لأغنيتي الوحيدة
إحسب وإبحث وإدرس وخطط..وإعمل اللي بتفهم فيه.
----------------؛-----------
لو مش عايز تحسب..لأنك خايف النتيجة تطلع سلبية..
فأنت عندك مشكلتين..قلة الحسابات،وكثرة الوهم،
ولو كلامي بيحبطك..ففكرتك أوهى من خيوط العنكبوت،
ولو شايف أن دراسة المشروع وحساب المخاطر والبداية الحذرة..ضد التوكل..فبالعكس هي ضد التواكل..
إهدى كده،وماتحركش القرشين الحيلة من مكانهم..
قبل ماتبحث وتسأل وتدرس مشروعك كويس وتخطط لكل خطوة على المدى القصير والبعيد وإعرف التاريخ وحدث معلوماتك..
كي لاتنضم للنادمين والصارخين من الظروف..
ماتقعدش تقسم طريقة عمل مشروعك مابين حد يقولك فكرة وحد يدرسلك وحد ينفذلك وحد يديرلك وحد يسوقلك
( إلا لو رأس مالك كبير وهيكسب لوحده ويقدر يشتري فكرة وخبرات وإدارة،وتقبل نسبة ربح منخفض عليه..
وبرضه لازم تفهم انت هتعمل ايه وهتشرف عليه إزاي)..
المشرحة مش ناقصة قتلة..وفلوسك في جيبك /ابنك على كتفك،ماتضيعهوش /ماتبعزقهاش وترجع تدور عليهم..

الكلام ده مش وليد ولا بسبب الظروف الحالية..
موضوع إنك تبحث وتدرس وتخطط..ده الأصل في عمل المشروعات،
لأن الموارد قليلة والاحتياجات كثيرة والمنافسين قدام وجداد،

والاستثناء والصدفة ونادرا ان يحدث ومش عندنا ولا حوالينا حاليا..
ان تكون الدنيا في حالة رواج ورفاهية..فينجح بالصدفة بعض عشوائي التفكير والتنفيذ،

علما بأن كلاس A بيتخانقوا عليه الآف،
وكلاسB نزل ل C
و C عايز حد فاهم..يقدمله حلول لتلبية إحتياجاته الأساسية..مش مجرد منافسين مابين تخفيض ٢% او حبة إعلانات.
حسين بكري

عليكم السلام
- (كيف تعد دراسة جدوى مشروعك بنفسك؟).
كل أحد لمدة شهر، من الاحد ٧ يناير ٢٠٢٤
الموضوعات
----؛-----
1- دراسة السوق:
- مصادر دراسة السوق.
- تحليل العرض و الطلب والتنبؤ بالمبيعات.
2- الدراسة الفنية:
- تحديد حجم ونظام عمل المشروع.
- تحديد احتياجات تنفيذ المشروع من الموارد المالية والبشرية.
- تحديد المكان المناسب للمشروع.
3- الدراسة المالية:
- بناء الموازنة التقديرية للمشروع والارباح المتوقعة.
- تقييم المشروع.
-------؛--------
المرشحين المناسبين لحضور الدورة:
---------؛-------------
- الراغبين في عمل مشروع.
- الراغبين في إضافة نشاط جديد لمشروع قائم.
- كل من يرغب في تقييم دراسة جدوى.
- الراغبين في تعلم كيفية عمل دراسة جدوى.
------------؛---------
(دورة كيف تعد دراسة جدوى مشروع بنفسك)
المواعيد
من الاحد ٧ يناير كل أحد
الوقت:
من الساعة ٧ ونصف مساء حتى ١٠ ونصف مساءا.
- عدد المحاضرات 4
- كل محاضرة ٣ ساعات
مع متابعة خلال شهر
-------------؛------------
- سيتم إرسال نموذج كراسة دراسة الجدوي للتطبيق عليه
- يوجد هوم وورك عبارة عن بحوث ودراسات وإطلاع على كتب وتطبيق على مشروعك المقترح.
- الحضور أون لاين على زووم - ويفضل الحضور من لاب توب أو كمبيوتر.
- عدد المتدربين محدود جدا..للتركيز.
- المحاضرات عبارة عن ورشة عمل تفاعلية ولايتم تسجيلها حفاظا على خصوصية المناقشات والمشتركين.
للاشتراك: إرسل رسالة

ج:والله يابني
مايستحق النشر في موضوعك..
غير كلامك..
والباقي..يحلها ربنا
ومابيني وبينك.
-----------؛-------
(نتائج متابعة ٥ سنوات)
الزيارة الاولي:التوصية بالإستمرار في توزيع كل الماركات.
المتابعة الثانية: الاتفاق على تصنيع بعض المنتجات لدى الغير بأسمه.
المتابعة الثالثة: جاري عمل مصنع لنفسه.
حسين بكري

قصة مشروع تستحق إعادة إعادة النشر.
------------------؛------------------
س: هو أنا ممكن أكلم حضرتك مكالمة تفصيلية شوية؟.

ج: ههه.. اتفضل.. عادة كلهم بيقولوا مكالمة مختصرة.

س: اول ماتحب اختصر..قولي حضرتك..
أنا بدات من ٦ سنين ب تمن عربية ابويا.. اللي خرج على المعاش يوم تخرجي.. يومها قالي
(انا ماعملتلكش حاجة..حتى ماعنديش علاقات..عشان اشوفلك وظيفة، والمعاش ممكن يكفيني انا ووالدتك.. وانت خد العربية واعمل بيها اللي انت عايزه)..
كان تمنها ٧٠ الف جنيه..
فكرت اعملها تاكسي
والا ابيعها وافتح بتمنها اي مشروع من اللي كان موضة ساعتها..
كافيه..
بلاي استيشن..
اجيب ملابس بالة وابيعها..
ملابس كاجوال..
كل نوع نشاط كنت باقترحه على ابويا..
كان بيبان في عينيه من غير مايقول رأيه.. كأنه بيقول ياخسارة تعب السنين..في تعليم وتربية ومصاريف وكلية اقتصاد..
في الاخر قالي..
(دي كل فلوسك.. انت حر..لو كان عندي رأيي مناسب ليك ..ماكنتش فضلت شغال عند الناس لغاية مااطلع معاش ب ١٠٠٠ جنيه)..
بعت العربية وحطيت الفلوس قدامي.. وسألتهم..
(هو ازاي اخليكم كتير.. قولولي عشان خاطري..طيب..
عشان خاطر الراجل الطيب اللي ناقص يخلعلي عين من عينيه.. بس يشوفني كويس).،
اتقطعت عن صحابي ٣ شهور..
امشي في الشارع ،وابحث على الانترنت وأسأل اسئلة..زي التايه.. في كل اتجاه وعن اي حاجة.. واكتب كل كلمة سمعتها او شفتها او قرأتها.. عملت من كل ده خريطة للمشروعات حوالين بيتنا..كيلو متر من كل اتجاه ووسعتها لكل المدينة..
وبرضه مالقتش حاجة مناسبة او حاجة اقلدها..
فكرت اخرج بره المدينة خالص..
روحت محطة السرفيس..
وقلت اختار اي بلد قريبة مننا واشوف فيها ايه..
على المحطة لاقيت خناقة مابين صاحب ورشة اعرفه.. وسواق ميكروباص.. بدون تردد .. دخلت الخناقة في صف جاري..بالكلام بس طبعا.. ولما عرفت اصل الخناقة اتضح ان السواق بيتخانق مع صاحب الورشة على اجرة نقل صندوق فيه خامات. واختلافهم..هل الصندوق يتحسب براكب والا اتنين .. مااطولش على حضرتك..

ج: لأ.. طول.

س: ههههه.. إكتشفت ان الخامات دي مش موجودة الا في القاهرة ومطلوبة لاكثر من نشاط وماحدش من اصحاب الورش بيأمن ان يبعت حد يشتريها واسعارها كل يوم بتزيد..وهنا..جزء من بحثي اللي ماجابش نتيجة..نفعني..
نزلت القاهرة وشفت تجار الجملة،
وفوجئت ان جملتها عدد كبير..
واقل من كده سعرها قطاعي حتى لو بالدستة..اقل حاجة جملة.. كانت تساوي كل تمن العربية بالتمام والكمال..
مافيش فائض منهم ولا انا معايا ولا اقدر أسأل والدي..حتى عن مصاريف نقلهم..
رجعت ابص على الفلوس في دولابي..اللي كنت شايلهم في شنطة متفرقين..لاقيتهم رزمة واحدة مربوطة باستك ملابس كبير ..دخل ورايا والدي وقالي.. (انا كنت باطمن لتكون صرفت منهم حاجة وقلت اجمعهملك..عشان مايبقوش متفرقين) حسيتهم بيقولولي. ( احنا متجمعين..اتصرف فينا كلنا مع بعض..ماتفكرش)
قلت لوالدي (انا بافكر ا شتري ...... جملة وابيع قطاعي للورش والعملاء حوالينا..
قالي: )إسألهم الاول)..
نزلت سألتهم واحد واحد واغلبهم وافق يشتري ولكن شرطهم انهم ياخدوا بالوحدة.. لما يحتاجوها ولما الزبون يطلبها.. وكان شرطي ان السعر هيبقى مناسب للقطاعي.. واتفقنا..قبل ماامشي من عندهم كان تقديري لمتوسط طلبهم الاسبوعي ربع الكمية، وقالولي ان فيه عملاء ممكن يشتروا.. وكان معنى كده ان البضاعة هتقعد عندي شهر او اقل.. حسبت الربح مابين الشراء مع النقل والبيع مع التوصيل طلع ٥ الاف جنيه شهري ولا وراهم ولا قدامهم.. رجعت استاذنت ابويا في عمل اوضتي مخزن.. سألني (لغاية امتى)
قلتله (لغاية مالبلاد اللي حوالينا تشتري منى واقلل فترة الدوران لاسبوعين او عشر ايام ويطلع مكسب ..اخد بيه مخزن او محل..
نزلت اشتري اول طلبية..معايا تمنها..لكن مافيش معايا اجرة نقلها..طلبت من المورد انه ينقص جزء من البضاعة..رفض وقالي دي سياسة بيع.. اتصلت على ٤ ورش واتفقت معاهم اني انزلهم شغل اول مااوصل ويدوني جزء من سعره..ووافقوا.. واتفقت مع عربية نقل للتوصيل.. فطلب جزء من الاجرة لبنزين الطريق..قلتله الاجرة كلها لما نوصل..ووافق..
وخدتها ٦ شهور على رجلي وعلى كتفي.. عامل وموصل وعتال..
يادوب العميل يطلب حتة واحدة يلاقيني عنده.. ولما اطمنوا وظبطت السعر بقوا ياخدوا بالدستة، واتعرفت حوالينا على مستوى المحافظة..
وبعدهم اصبحت باشتري من مخزن توريد كبير وبنهاية السنة بقيت اشتر ي من المصنع ومن ٣ سنين ٣ مصانع اصبحوا بيبعتولي عربيتهم بالبضاعة..
ومشكلتي حاليا..
ان اكبر مصنع منهم.. عايزني ابقى وكيله الوحيد في وجه بحري..
بشرط اني مااوزعش غير منتجه..
وده سؤالي اللي انا عايز اقابل حضرتك او تشرفني نتكلم.. بخصوصه.

ج: ماتجيش.. أنا هااجي لحضرتك
(بسعر انك تجيلي)..
لكن تسمحلي انشر موضوعك.

س: ايوه بس حضرتك دايما..
بتنشر المشكلة والحل، ولسه ماحلنهاش.

كل علامات إستفهام عمل مشروع
------------------------------
لاتتخيل ان لعبة البيزنس هي مباراة بينك وبين نفسك فقط..ستجري أحداثها كما تريد..
اترك خيالك لحصر عدد الاشخاص والاحداث..الذين يتحكمون في احداث اللعبة وفيك ويجب ان تحاول التحكم بها..
وسيتحسن خيالك لمواجهة الواقع..
وتقرر الا تعيش في الخيال فقط..
وأن تجابه الواقع بعلم ومعلومات،
وتجربة لاحقا في ظروف محددة وبخلفية واضحة واقل مخاطرة..بعد معرفة:
- هل تعمل مشروع أم لا؟.
- ماذا تحتاج لعمل مشروع؟.
- كيف تختار المشروع المناسب وتدرسه وتقيم صلاحيته؟.
- اين تبدا مشروعك؟
- ماذا تحتاج لبدء مشروعك؟.

هذا هو موضوع ورشة العمل:
(كل علامات استفهام عمل مشروع).
-ورشة عمل تفاعلية بالحضور.
- ٤ ساعات بمدينة نصر.
- من الساعة ٦ الي ١٠ مساءا.
- يوم الجمعة القادم ان شاء الله ٢٤ نوفمبر.
(فقط للمشروعات برأس مال من ١٠٠ الف الي ٥٠٠ الف جنيه)
- للاشتراك ..ارسل رسالة..من فضلك إرسل رسالة ولاتسأل في تعليق.
- التفاصيل كما بالبوست
حسين بكري

دورة تدريبية أون لاين
دراسة جدوى الاحد
٣ ديسمبر ٢٠٢٣
--------------------
(كيف تعد دراسة جدوى مشروعك بنفسك؟).
كل أحد لمدة شهر، من الاحد ٣ ديسمبر ٢٠٢٣
الموضوعات
----؛-----
1- دراسة السوق:
- مصادر دراسة السوق.
- تحليل العرض و الطلب والتنبؤ بالمبيعات.
2- الدراسة الفنية:
- تحديد حجم ونظام عمل المشروع.
- تحديد احتياجات تنفيذ المشروع من الموارد المالية والبشرية.
- تحديد المكان المناسب للمشروع.
3- الدراسة المالية:
- بناء الموازنة التقديرية للمشروع والارباح المتوقعة.
- تقييم المشروع.
-------؛--------
المرشحين المناسبين لحضور الدورة:
---------؛-------------
- الراغبين في عمل مشروع.
- الراغبين في إضافة نشاط جديد لمشروع قائم.
- كل من يرغب في تقييم دراسة جدوى.
- الراغبين في تعلم كيفية عمل دراسة جدوى.
------------؛---------
(دورة كيف تعد دراسة جدوى مشروع بنفسك)
المواعيد
الاحد ٢٩ أكتوبر
من الاحد ٣ ديسمبر وكل أحد
الوقت:
من الساعة ٧ ونصف مساء حتى ١٠ ونصف مساءا.
- عدد المحاضرات 4
- كل محاضرة ٣ ساعات
مع متابعة خلال شهر
-------------؛------------
- سيتم إرسال نموذج كراسة دراسة الجدوي للتطبيق عليه
- يوجد هوم وورك عبارة عن بحوث ودراسات وإطلاع على كتب وتطبيق على مشروعك المقترح.
- الحضور أون لاين على زووم - ويفضل الحضور من لاب توب أو كمبيوتر.
- عدد المتدربين محدود جدا..للتركيز.
- المحاضرات عبارة عن ورشة عمل تفاعلية ولايتم تسجيلها حفاظا على خصوصية المناقشات والمشتركين.
--------------؛-----------------
للاشتراك: إرسل رسالة لتحديد طريقة السداد من مصر او من خارجها.

بعض العقول تخطط في البداية للتراجع..
وتنسى التخطيط للتنفيذ والاستمرار والتقدم..

(لو خسر المشروع هاابيعه بكام؟)..
طيب ماتخطط عشان مايخسرش.

(لو فضينا الشركة نصيبي هيبقى كام؟)..
طيب ماتحط نظام وتوزع ادوار وتحدد نسب من الملكية والربحية وتعمل عقود رسمية.

(نشتري ماكينات مستعملة عشان لو بعتاها مانخسرش كتير)..
انت بسترخص في اكل العيش.

(بلاش نأجر محل كبير في موقع جيد..نشتري أحسن محل صغير في مكان مش بياع..عشان لو خسرنا يبقى ماضعش علينا مصاريف التشغيل)..
انت بتعمل مشروع والا بتبيع عقارات؟

(هااشتري آجل ولو بزيادة. واسيب رأس مالي في عقار او دهب)..
انت مش شايف انك كده لاهتعرف تبيع ولاتنافس.

(هااشتري عربية نقل..افضل من الايجار..عشان سعرها بيزيد)..
المهم عندك سيولة تشغيل بعد كده والا لأ؟.

(مش مهم ان العربية تكون كويسة..المهم الريسل)..
هو انت بتبدأ والابتنتهي؟.

(مش هااستعين بمحاسب عشان ما يعرفش تفاصيل شغلي) ..
ماانت كمان مش هتعرف.

(هااجيب عمالة يوميات..عشان ماالتزمش بمرتبات)..
المهم يبقوا خبرة ويجوا الشغل بأنتظام اصلا.

-كفاية كده..الحبة دول هيجيبوا تعليقات واعتراضات كفاية..
لأن اللي مقتنعين بيهم.. كتير..عشان كده حالنا زي مانتم شايفين.
حسين بكري

دراسة جدوى المشروع السوقية والفنية
https://fb.watch/oa8aKx1aEj/?mibextid=Nif5oz

بوست تعليمي أحسن من الأتعاب
(التفاصيل واقعية بتعديل يحفظ السرية)
-------------------------------
١- التواصل الأول

ج: إزاي يعني هو ليه النص وانت النص وبتقول اشيل ب ١٠٠
لكن هو يشيل ب ٣٠٠.

س١: اما كده أو لا انا هأشتري نصيبه ولا ها ابيعله نصيبي..
ولازم نصفي ونبيع لغيرنا.

ج: دي مش اصول وكده مش حل وانت كمان هتتضر.

س١: مش مهم..المهم أحرق قلبه وبسرعة عشان أبدا مشروع لوحدي.

ج: ماهو قدامك المشروع واكيد تكلفته هتبقى اقل.

س١: لأ مش هااخليه يتهنى بجنيه مني.

ج: تمام.. سيبله المشروع وخد انت فلوس.

س١: لأ لازم اضيعله نتيجة شغله ال ٤ سنين اللي فاتت وابيع البراند ومايستفيدش بيه او يكسب.

ج: خلينا نقعد أحنا التلاتة نتكلم وربنا يوفقنا.

س١: ماشي..بس على الاساس اللي قلتلك عليه.

ج: لأ احنا هنتكلم على اساس الارقام والحقاىق وتقريب وجهات النظر ومصلحة المشروع.
----------------------------
٢- الجلسة الاولى:

ج: انا سمعتكم ٣ ساعات ووضحتلكم موقف المشروع وموقف الشركة اللي مابينكم ومصلحة كل واحد من غير عند في ساعتين..
وجاء وقت السؤال اللي لازم تجاوبوه بعد كل المناقشة دي..
طلباتكم ايه من بعض ؟.

س١: انا عايز اصفي المشروع.

س: وانا مش عايز اصفي.

ج: تمام ..وفقا لتقييم المشروع فهو يساوي من حيث الاصول ٨ مليون جنيه ومن حيث قيمة المشروع فيساوي ١٢ مليون وانتم شركاء بالنص..يبقى واحد يدفع والتاني يشيل.

س١: لا المشروع يساوي اقل من كده.

س٢: لا المشروع يساوي اكتر من كده.

ج: كويس جدا..اللي بيقول يساوي اكتر يدفع ويشيل واللي بيقول يساوي اقل ياخد فلوس ويسيب.

س:١ انا مش هااسيب ولا هادفع وحسابات العملاء عندي وهما عملائي اصلا.

س٢ وانا مش عبيط وكل الشغل والتنفيذ عندي و ولا هتعرف تعمل شغلانة واحدة من غيري.

ج: على فكرة انتم الاتنين شركاء متضامنين..يعني كل واحد مسئول عن كل التزامات المشروع وحلم كل واحد انه يعدي بالمشروع لوحده صعب بدون تكسير عظامكم وعظام المشروع.

س:١: احنا قافلين من اسبوعين وممكن اكمل على كده سنة.

س٢: وانا اكمل على كده ١٠ سنين.

ج: تمام وانا مش هااكمل معاكم دقيقة كمان..
شوفلكم حد غيري..سلام عليكم.
------------------------------
٣- التواصل الثالث والأخير:

س١: معلش يااستاذنا..ادينا فرصة تانية نقعد معاك ونعيد التقسيم،
وانا بأعتذرلك وهو كمان هيتصل بحضرتك ويعتذرلك على عدم سماعنا لكلامك وزعيقنا واختلافنا قدامك،وبأعتذرلك كمان على اني من شهر مااتصلتش بحضرتك واعذرني في تحويل اتعابك لاني لسه باناقش قيمتها وتقسيمها مابينا

ج: يعني.. سيبك انت من ان كل واحد فيكم متمسك برأيه وعايز يضر التاني اكثر مايستفيد وانكم قعدتم تبهدلوا في مشروع واعد بملايين..لاهمكم النعمة ولامستقبل ولادكم ولاعمالكم ولاموردينكم
ولا دائنينكم، وقابلتوا كل اقتراح بالرفض. بما فيه..
(واحد يقسم وواحد يختار، وواحد يدفع والتاني يشيل)..
لكن..حكاية مناقشة اتعابي وتقسيمها مابينكم..تبين انكم مختلفين لدرجة التضحية بأي حاجة واي حد في سبيل إستمرار العند مابينكم ..ومش عايزين توفيق بالتراضي..ولو عندي نصيحة مناسبة لموقفكم من بعض ..فهي..حلوها في المحكمة..بعد ٥ سنين..يكون براند المشروع اطفى وعمالتكم مشيت وموردينكم سابوكم ودائنينكم حبسوكم وفلوسكم خلصت.

س١: عندك حق فعلا يااستاذ..لكن أديك شايف..هو اللي مش عايز يحل.

ج: طيب ماتحل انت.

س١: الحل بالنسبة لي يااما ياخد ٢ مليون يااما يديني ٦ مليون..
ألو..الو...الو...يظهر الشبكة قطعت.
حسين بكري

الفيديو دا عظمة ❤️