ھیچستان

ئەم میوزیکە لە خولەکی ٢:٥٠ەوە، هاواری منە.

هەمیشە حەزم کردووە کافێم هەبێت. من هەمیشە حەزمکردووە ئەو میوزیکانەی کە گوێیان لێدەگرم، لە جێگەیەکدا بە دەنگی بەرز پەخشبکەم و تەماشای کاردانەوەی خەڵکی بکەم. هەمیشە حەزم کردووە بەهۆی میوزیکەوە خەڵکی بناسم. پێموایە کافێ ئەم کارە ئاسانتر دەکات. پێمخۆشە لە کافێدا میوزیکی کات’ی هانس پەخشبکەم و تەماشا بکەم و ببینم کێ لەسەر کورسیەکەی خەوی لێدەکەوێت. کێ هاوار دەکات؛ ئەوە هانسە! پیاوماقوڵ و شاپیاوی نێو دونیای میوزیک. پێمخۆشە کاس پلەی بکەم و ببینم کام دوو عاشق دەستت لە ملی یەک دەکەن. حەزدەکەم کۆهن پلەی بکەم و ببینم کێ کڵاوەکەی لەسەر دەکات و یەخەی چاکەتەکەی بەرزدەکاتەوە. کریس ڕیە پەخش بکەم و ببینم کێ دەست دەکات بە سەما.لیودۆڤیکۆ بە گرامافۆن پلەی بکەم و ببینم و بزانم کێ داوا دەکات دوبارەی بکەمەوە. میوزیک دەتوانێت خەڵکیم بۆ فلتەر بکات. بۆیە حەز دەکەم کافێم هەبێت، تا بتوانم سەرنجی خەڵکی بدەم. تێیان بگەم و هەڵیانبژێرم و بیانناسم و لەگەڵیان بمرم.

من ئێوەم خۆشەوێ بۆیە ئەمەتان بۆ دادەنێم:

https://youtu.be/zh777IPgt_c?si=pwemzffpRza3boQh

ئازار بەشێکە لە سروشتی مرۆڤ. هەمیشە هەیە. ڕێژەییە و لەسەرو سفرەوەیە. واتە مرۆڤ ئەوکاتانەش کە قاقا لێدەدات و پێدەکەنێت و باڵ با دەدات کە یانی ها من دڵخۆشم و ئارامم و گوو! ئازارێکی هەیە. هەندێکجار ئەم ئازارە خۆزگەیەکی بەدی نەهاتووە. ڕێگەیەکی بنبەستە. ئاهێکە. چوزانم ئیتر کاکە. تۆ بڵێ پەشیمانی! تاریکی! نادیاری. یا هەرچی… ئازارێکە. هەیە. یەخەت دەگرێت و هەمووی پێکەنینەکەت لێ دەکات بە زەهری مار. بەڵێ بەڵێ ئیگزاکتلی، بەوجۆرەیە.

کە هاتمە ئێرەوە ئەو دیمەنەی لاست ئۆف ئەسم بیرکەوتەوە کە پێدەخاتە ناو شارە چۆڵکراو و وێرانەکەوە. کۆتا جار سەیری ئێرەم کرد ٥ هەزار و شتێک کەسی تێدابوو، ئێسە چوار هەزارە. چۆڵ و هۆڵ. ئەو مرۆڤانە بۆ کوێ چوون؟ ئەکرا لەگەڵ هەندێکیان یادگاری جوان دروستبکەم من.

دەممێکە هیچم نیە بیڵێم. هەرچی هەبێ وتومە. خاڵی خاڵیم. دوور لە ژاوە ژاو ژیان دەکەم. دوور لە سۆشیال و بلا بلا بلا… ئارامترم. لەراستیدا زۆر باش ناژیم، بەڵام ڕازیم. زۆریش. لانیکەم لەپێشوتر ئاسودەترم. ئەگەر جاران هەر پرتەوبۆڵە و نرکەنرک و شینوڕۆڕۆبووە، ئێستا تەنها پێکەنین و بێدەنگیە. پێموایە ژیانیش هەر ئەمەیە؛ پێکەنین، پێکەنین، پێکەنین تا دەمرین! بەڵێ بێگومان.

لایبە ئەوانەی ئنستا زۆر خوێرین. من هەر ئێوەم خۆشەوێ.

کەوایە با یەک دوو میوزیکتان بۆ دانێم