حارسات السنة ️🦋

اعرف أخت جميلة أووووي حرفيًا من أنقى الأخوات ، الأخت دي كان نفسها جدًا تطلع عمرة
لكن الظروف صعبة جدًا تكاد تجد قوت يومها بالعافية ، يعني إمكانية إنها تطلع عمرة بحساباتنا صفر !!

لكن كان عندها حسن ظن في الله إنها هتطلع
إزاي ؟؟
ما تعرفش ، منين ؟؟! برده ما تعرفش .

في يوم لقيتها بعتت لي رسالة تقولي ادعيلي
في موضوع مهم نفسي ربنا ييسره

المهم أنا وقع في قلبي إنه موضوع العمرة
فاتصلت بها
اخبارك ايه يا غالية خير طمنيني
هي اصلا مش عارفة تتكلم مشاعر فرحة و دموع
قلت لها في مشروع للعمرة صح ؟؟!

قالت لي أيوة
و تقريبًا أنا من فرحتي لها بكيت و هي كمان و قفلنا ماعرفناش نكمل المكالمة

ياااااه عمرة بدون أي أسباب سبحان الجبار
و مش عمرة ترانزيت ٤ أيام لا دا اللهم بارك اسبوعين

أنا أصلا فاكرة كويسة قلت لها لما يبعتولك التأشيرة ارسليها لي عشان اطمن ابقى شفت بعيني 😅

أنا عارفة قد ايه ربنا كريم لكن الواحد مش مستوعب 🙃

اضحكم بقى 😄
قبل ما تسافر بكم يوم
قلت لها لازم ضروري تشوفي موضوع الريالات تعملي فيه ايه دا عشان تجيبي موال

قسمًا بالله العظيم ليلة السفر باكلمها اشوفها عملت ايه لأن لازم معها أي ريالات تحسبًا لأي شيئ

باكلمها ها عملت ايه ؟؟
قالت لي ماعرفتش اجيب .

قلقت أنا بقى ؟؟!
لا خالص دا أنا دخلت أنام مطمنة جدًا 😎

هو أنا اللي طلعتها؟؟
دي واحدة ربنا اللي تكفل بها و طلعها
يبقى هيوديها هناك يضيعها؟؟

قلت لها أما توصلي هناك ابقي طمنيني عليك

طيب هتجيب خط منين و الفلوس و الأكل ووو

لما راحت هناك بفضل الله اعتمرت أكثر من عمرة
و لما كانت في المطار اخدت خط سعودي مجانًا.

حوار الريالات؟
نزلت لها فلوس من السما؟؟😅

اه 😧

الأخت اللي هي كانت طالعة معاها اعطتها ريالات هناك . 🙈

و تيسيرات كتيييير دماغنا مش هتجيبها أصلًا

و الموضوع مش بالورقة و القلم

الموضوع أن كل شيئ بيد الله سبحانه ❤

ها لسه خايفة تطلبي من ربنا ؟؟
لسه قلقانة أو حاسة إنها مشكلة ليس لها حل ؟!

يرزق بالسبب و بدون السبب و بضد السبب سبحانه و بحمده

داخلين على رمضان و الدعاء بيقين في الله عظيييييم

الدعاء هو الحل
(إنما أمره إذا أراد شيئًا قال له كن فيكون فسبحان الذي بيده ملكوت كل شيئ و إليه ترجعون )

( إن ربي قريب مجيب )
(فاستجبنا له)

ادعي ربنا بقلب جامد اطلبي من ربنا براحتك 👌

#سارة_العبسي

ما تبقى من اسم الله السلام

ليلة الجمعة صلوا على النبي صلى الله عليه وسلم و أكثروا ❤

#لرمضان_فلنستعد 👏
اسم الله السلام

شرح المعلمة أمنية بنت محمد حفظها الله ❤

للمزيد تابعونا
https://t.me/Haresat

رابط مجمع للأسماء الماضية 👇
https://t.me/Haresat/31845

كل شيء يمرّ، حتى الألم

هناك لحظات في الحياة تظنّ أنها لن تمضي أبدًا، لحظات ثقيلة بقدر ما تحمل من وجع، تكاد تشعر معها أن الزمن قد توقّف، وأنك محاصرٌ داخلها بلا مخرج. لكن الحقيقة التي يغفل عنها القلب وسط العاصفة هي أن كل شيء يمرّ، حتى الألم.

🔹 حين يشتدّ البلاء، قد يتساءل القلب المضطرب: لماذا أنا؟ لماذا يحدث لي هذا؟ لكن القلب الواثق يهمس: لأن الله اختارك لهذا الاختبار بعينه، لأنه يعلم أنك قادر على حمله، ولأنه يريد أن يُطهّرك به، ويرفعك به، ويقودك من خلاله إلى حيث لم تكن قدماك لتصل وحدها.

🔹 ليس البلاء في شدّته، بل في غياب البصيرة التي تجعلك تراه بنور الحكمة، لا بمرارة الألم.
فالثقة بالله ليست أن تسكن نفسك حين تنكشف لك الحكمة، بل أن يطمئن قلبك حتى وإن حجبت عنك.
أن توقن في أعماقك أن ما أصابك لم يكن ليخطئك، وأن في كل قدر يختاره الله لك خير، وإن غاب عن عينك اليوم، فستبصره غدًا

🔹 حين بلغ يعقوب نبأ افتراس الذئب ليوسف، لم يجزع، لكنه ثبت بقلبٍ يملؤه اليقين، وقال: “فَصَبْرٌ جَمِيلٌ وَاللَّهُ الْمُسْتَعَانُ عَلَىٰ مَا تَصِفُونَ.”

لأنه أدرك أن أقدار الله تجري بحكمة لا تدركها الأعين، وأن من بيده تدبير الكون لن يضيع عباده، حتى وهم في قاع الجب، حتى حين يوقن الناس بهلاكهم، فالله يُقدّر الأمور بحكمته، ويهيئ لعباده من رحم المحن ما لم يخطر لهم على بال.

🔹 الألم يمرّ، لكن ماذا ستفعل بعده؟

الأهم ليس متى ينتهي الألم، بل ماذا ستصبح بعده؟ هل ستخرج منه أكثر وعياً، أم أكثر انكسارًا؟
الحياة لا تسألنا إن كنا نريد الألم أم لا؟ لكنها تترك لنا خيارًا آخر: كيف سنتعامل معه؟

من اجتاز المحن دون الاعتبار بها، فقد فوّت دروسها.
أما من صاغ من ألمه جسرًا يعبر به إلى رحابة الفقه والإيمان، فقد خرج منها أنقى قلبًا، وأصفى روحًا، وأقرب إلى الله وإلى حقيقة نفسه.

🔹 أقدار الله كلها خير، لكنها أحيانًا تُؤلم

نحن لا نختار أقدارنا، لكنها وفق حكمة الله، قُدّرت بلطفه، لا يشوبها نقص ولا يعترضها عبث، فكل ما ساقه إلينا هو الخير، وإن ارتدى في أعيننا رداء الحزن أول الأمر.

🌾 لذلك، لا تخف من الغد، لأنه بيد الله. ولا تحزن على اليوم، لأنه من الله. ولا تندم على الأمس، لأن الله كتبه لحكمة.

وحتى إن كان القلب يئنُّ الآن، فتمهّل قليلًا، سيحين الوقت الذي تنظر فيه إلى الوراء، وتبتسم، لأنك أدركت حينها لماذا اختارك الله لهذا الطريق.

فقط اصبر، وكن على يقين… لأن كل شيء يمرّ، حتى الألم.

محمد سعد الأزهري

الدوبامين هو أحد هرمونات السعادة.. يفرزه مخ الإنسان عند إتمام إنجاز ما أو الشعور بالتقدير.. سواء تقدير الذات أو تقدير الآخرين.. الجميل أن إفراز الدوبامين ليس مقصورًا فقط على الإنجازات المادية.. بل جعله الله الكريم جائزة فورية يحصل عليها كل من أتم شيئاً من الفرائض أو نوافل العبادات.

لذلك حين تخذلك الدُنيا أو يُثبط الآخرون منك.. احرص أن يكون لك عبادة خاصة تُعيد لك توازنك قبل أن تجزع.

(وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ ۝ فَسَبِّحْ بِحَمْدِ رَبِّكَ وَكُن مِّنَ السَّاجِدِينَ ۝ وَاعْبُدْ رَبَّكَ حَتَّىٰ يَأْتِيَكَ الْيَقِينُ)

#لكنود
#إسلام_جمال

ليلة الجمعة صلوا على النبي صلى الله عليه وسلم و أكثروا 💙

ستعلّمك الأماكن التي قابلَت غزارتك وعفويتك الزائدة بالرفض معني الإتزان والتريّث، وكيف تتمهّل في إظهار جوانبك، وكَبحِ مشاعرك السائلة وعدم الإندفاع بها.
كل صفعَةِ خذلان هي في الحقيقة شُعاعُ نور يُسلَّط لك علي مَن يستحقُّك دون مَن لا يستحقُّك، ويُشير لك نحو ما يتوجّب عليك إظهاره منك للناس، دون ما لا يستحق أن يراه منك الناس، فتُأثره لنفسك.

تمهّل ولا تندفع؛ يَطِيبُ عيشك.

- مي الشوبكي

#لرمضان_فلنستعد 👏
اسم الله الملك

شرح المعلمة أمنية بنت محمد حفظها الله ❤

للمزيد تابعونا
https://t.me/Haresat

رابط مجمع للأسماء الماضية 👇
https://t.me/Haresat/31845

للأمهات اللواتي يطمحن لبداية مختلفة في تربية أطفالهن إليكن هذه القائمة المميزة وكلها موجودة على النت ..

- كتاب أيقظي العبقرية النائمة في طفلك
لعالمة الرياضيات الهندية حيث تعلمك تنمية قدرات الطفل العقلية واستغلال مواهبه إلى أقصى حد ممكن ..

- كتاب علم طفلك كيف يفكر لمجدي حبيب
هذا الكتاب سيؤثر بقوة على مستقبل طفلك .. هذا الكتاب يبني خطوات التفكير الصحيح للأطفال الأذكياء ..

- كتاب كلمات نقتل بها أولادنا لجوزيف وكارولين
في الكتاب كلمات تهدم الطفل نفسيا وعاطفيا ..والكتاب يقدم لك بديلا عنها

- كتاب التقدير الذاتي للطفل للدكتور أبو سعده
كتاب يحوي معلومات مهمة لكل أم وأب

- كتاب أسئلة طفلك الحرجة لمحمد الفايد
أجوبة شافية لأسئلة تحتار الأم في الإجابة عنها

- كتاب تأسيس عقلية الطفل للدكتور بكار
قواعد في صناعة عقل مميز

- كتاب طفل المخ الكامل لدانيال سينجل
يعتبر ثورة استراتيجية في تعليم الأمرتنمية مخ الطفل

- كتاب فن تربية الأولاد في الإسلام للدكتور مرسي
كتاب يعلمك التربية الشرعية لطفلك منذ الصغر

- كتاب الحاجات النفسية للطفل للدكتور أبو سعده
يعلم الأم حاجات طفلها الطبيعية مما يبعدها عن ضبابية فهم الطفل

القراءة مع الدعاء الدائم
هي معنى التربية الصالحة ..
تقبل الله منكم ...

- د. كفاح أبوهنّود

ليلة الجمعة صلوا على النبي صلى الله عليه وسلم و أكثروا ❤

مع كل إعلان جديد لبرامج الشيخ أحمد السيد لاسيما البناء المنهجي
ينشط أهل الحقد و الغل للتحذير منه و من برامجه
و هناك رسالة طويلة بدايتها 👈 البناء المنهجي في الميزان.
هذه رسالة كاذبة ميزانها أعور كالذي كتبها تمامًا!!
و صاحبها بلاعقل هو فقط كالببغاء يردد ما يُملى عليه .
هم يحذرونكم من البناء المنهجي لأنكم بعد البناء ستكونون مختلفين تماما عما قبله
البرنامج ليس فقط مجرد علم شرعي بل يضبط الأفكار
و يرتقي بكم و هؤلاء لا يريدون لكم إلا أن تكونوا إمعة منساقين لا تفكرون .

قاتل الله أصحاب الأحزاب و الجماعات
و بارك الله البناء و أهله و جميع القائمين عليه .

لو أول مرة تطلب علم شرعي اشتركي في المسار الميسر
ولو عندك خلفية جيدة بالعلم الشرعي اشتركي في المسار الأساسي.

تفاصيل الإنضمام في أول تعليق.

#سارة_العبسي

خريجة دفعة العزم و افتخر ✊🎓

في أي دفعة أنتِ؟؟

#لرمضان_فلنستعد 👏
اسم الله المجيب

شرح المعلمة أمنية بنت محمد حفظها الله ❤

للمزيد تابعونا
https://t.me/Haresat

رابط مجمع للأسماء الماضية 👇
https://t.me/Haresat/31845

#بشرى 🤗🤗
أخواتي اللي دايمًا يسألوني نطلب علم شرعي فين أو ايه الأكاديمية المناسبة؟؟
الان متاح الإنضمام للبناء المنهجي 💙
الدفعة السادسة دفعة الفتح ✊
و المرة دي بدل البرنامج اتنين🙃 اختاري ما يناسبك
البرنامج الأساسي مكثف زي كل دفعة
و #الجديد برنامج مُيسر لمن لا يناسبه الأول.

حفظ الله البناء و أهله 🥰
تفاصيل الإنضمام 👇👇

هبت رياح الخير، وأقبلت الخيرات وشرّعت أبوابها، وحانت اللحظة المرُتقبة:

يسرنا أن نعلن فتح باب التسجيل في الدفعة السادسة من برنامج #البناء_المنهجي.

المسار الأساسي:
https://binaamanhajii.social/3am

المسار الميسر:
https://binaamanhajii.social/Muyassar

نسأل الله أن يفتح عليكم ويسدد خطاكم 🍃

بما أن أبناءنا في عطلة من المدارس الآن..أنصح الآباء بنصيحة:
اطلبوا من أبنائكم أن يكتبوا إنجازاتهم اليومية على دفتر.
هذا أسلوب اتبعه معي أبي رحمه الله، ليس في العطلة، لكن رآني في مرحلةٍ ما أضيع وقتي أيام المدرسة، فقال لي: "إياد، أحضر دفتراً واكتب عليه ما تدرسه كل يوم..اسم المادة، والوقت الذي صرفته في دراستها. قد لا أطلع على الدفتر دائماً، لكن أريدك أنت أن تتابع يوميا كيف تصرف وقتك".
وبالفعل، أصبحت أكتب ما أنجزه في الدراسة، حتى أني كنت أستحي -أما نفسي ثم أمام أبي- أن تكون هناك صفحة فارغة!
تطبيقاً للفكرة مع أبنائنا: اطلبوا منهم أن يكتب كل منهم على دفتر ما ينجزه يومياً في العطلة على الأقل، مع توسيع مفهوم الإنجاز: قراءة القرآن وتفسيره، قراءة كتاب، رياضة، أذكار، زيارة أقربائهم خاصة من كبار السن كالجد والجدة، إصلاح ذات بين أصدقائهم، بث الوعي تصحيح المفاهيم بين أقرانهم، أمر بمعروف أو نهي عن منكر، متابعة فيديوهات مفيدة، إتمام متطلبات برامج شرعية انتسبوا إليها، الوعي بقضايا المسلمين بشكل إيجابي، تعلُّم حرفة تساعدهم على اكتساب عيشهم، إصلاح ما يحتاج إصلاحا في البيت، بل وحتى الترفيه المنضبط الذي يبني علاقات اجتماعية بينهم كإخوة ومع محيطهم...وغير ذلك مما ينفع دنيا وآخرة.
عودوهم أن يكرهوا أن يروا صفحات دفاترهم فارغة أو بكتابة هزيلة. تفقدوا هذه الدفاتر من فترة لأخرى مع قليل من التعليق والتوجيه المركز وثناء على ما يستحق الثناء.
وذكروهم أن هذا تدريب على يوم القيامة، حين يقال لكل منا منهم: (اقرأ كتابك كفى بنفسك اليوم عليك حسيبا). وذكروهم بقول سيد أصحاب الهمم صلى الله عليه وسلم: (ما قعدَ قَومٌ مَقعدًا لا يذكرونَ اللهَ فيهِ ويصلُّونَ علَى النَّبيِّ صلَّى اللهُ عليهِ وسلَّمَ إلَّا كانَ عليهِم حسرةً يَومَ القيامةِ وإن دخلوا الجنَّةَ للثَّوابِ).
ربنا هب لنا من أزواجنا وذرياتنا قرة أعين واجعلنا للمتقين إماما.

د إياد قنيبي

من الأخطاء المتكررة للأسف
الشتاااااات
يعني إيه🤔
يعني دلوقت مثلاً تم الإعلان عن ٤ دورات استعداد لرمضان
انطباعك ايه بقى عن الخبر الجميل دا؟
جمييييل جدًا هاشترك فيهم كلهم 😍
دلوقت تم الإعلان عن ٥ دورات علوم شرعية
ها؟
جميل جدًا هاشترك في ٣ منهم 😍
تمام و دا غير الحاجات اللي إنت مشتركة فيها قبل كده ؟
أيوة .
و دا خطأ جدًا
أغلب اللي بيعملوا كده مش بيحصلوا حاجة و مش بيتقنوا إلا الفتات من الدورات
و لو حصلهم أي ظروف بيضطروا يتركوا معظم الدورات أو كلها و طبعا بيحصلهم إحباط 💔
و بيحسوا إنهم مش بينجحوا و مش بيكملوا في أي حاجة يبدأوا فيها .
عشان كده مؤخرًا في الدورات اللي تحت إشرافي باشترط على الطالبات عدم الإشتراك في دورات أخرى أو دورات كثيرة .
العبرة يا حبيبات بالكيف و ليست بالكم
مش بكمية الدورات والله ولا كمية المعلومات
إنما العبرة بالإنتفاع و العمل بالعلم
و كل الدورات تعاد يعني مفيش حاجة هتفوتك إن شاء الله
و عايزة أقولك لما تدخلي دورة قاتلي لحد ما تكمليها
لأن البدايات للجميع و العبرة بمن اجتهد ووصل للنهاية
سبحان الله لما بدأنا دورة عقيدة
عملنا مجموعة واحدة على الواتس ووصل عددها لفوق الألف طالبة
فالمشرفة قلقت و قالت هأتابع كل دا إزاي 😳😳
قلت لها لا تقلقي 🤗 مش هيكمل منهم نصفهم حتى !!
و لو قلت دلوقت حالاً يلا بينا هنعمل تحفيظ قرءان
هنلاقي مئات و آلاف هيقولوا معاكم يلا بينا
لكن اللي هيكمل فعلا صاحب الهمة و الهدف
حاليا في استعدادنا لرمضان انضم بفضل الله مئات الأخوات
والقنوات فيها آلاف
لكن العدد الفعلي اللي بيتابع تقريبًا ١٥٠ أخت أو أزيد قليلا
فين الباقي ؟؟؟!
مشتتين بين الدورات و بين البرامج و شوية هنا و شوية هنا
#الخلاصة
ركزوا على الهدف و كفاية شتات
و الزموا ما ينفعكم و لا تزحموا أنفسكم

إعادة نشر
#سارة_العبسي

ليلة الجمعة صلوا على النبي صلى الله عليه وسلم و أكثروا ❤

اليوم حلقة مختلفة تماما 💥

قبل ما نبدأ تدبر سورة ال عمران 👇👇

💥في استضافتي طالبة جميلة انضمت لنا منذ فترة قصيرة كانت ألحدت و عمرها ١٢ عام و عادت للإسلام و عمرها ٢٤

لماذا ارتدت⁉️
لماذا عادت مرة أخرى للإسلام ⁉️
ماذا فعلت خلال فترة الالحاد⁉️
ماذا بعد العودة للإسلام⁉️
ماذا كان رد فعل أهلها ⁉️

💥لماذا اهتميت بهذه القضية و أحببت مناقشتها معكم؟؟

كل هذا و أكثر نعرفه الليلة ان شاء الله 👌

في انتظاركم حبيباتي الغاليات

٨ مساءً توقيت مصر لا تتأخروا ⏰

مباشر على قناتنا 👇👇

https://t.me/alqeraah

حلقة هامة لاتفوتكم 🥰
شير على أوسع نطاق

#لرمضان_فلنستعد 👏
اسم الله الحكيم
قد نعلم الحكمة و قد تخفى علينا و على كل حال لابد من التسليم للحكيم سبحانه لا يفعل شيئًا عبثًا حاشاه و كل تقديره رحمة 🌹

شرح المعلمة أمنية بنت محمد حفظها الله ❤

للمزيد تابعونا
https://t.me/Haresat

رابط مجمع للأسماء الماضية 👇
https://t.me/Haresat/31845

غدًا تبدأ الأيام البيض لشهر رجب صوموا و ذكروا غيركم 🤗❤
اللهم بلغنا رمضان

في زحمة الأخبار دي كلها و مشاغل الحياة ما تنسيش إن رمضان قرب جدًا 🥰
إنت جاهزة ولا لسه ؟؟!
طيب أجهز إزاي ؟؟
خطوة جميلة مهمة جدًا بتفرق معايا كل سنة و مع أخوات كتييير جربوها بفضل الله
ألا و هي البدء في عمل ختمة سماع كاملة للقرءان ❤
و هألحق اخلص قبل رمضان؟؟!
مش شرط أبدًا تخلصيها قبل رمضان ، براحتك ابدأي من دلوقت و كملي بحيث تخلصيها في رمضان.
كل يوم بعد الفجر و قراءة أذكار الصباح
الهاند فري في ودانك و تحت البطانية في الدفا الجميل
و الجو كله هدوء مفيش دوشة 🤗
و اسمعي ١٠ دقايق ربع ساعة نصف ساعة على حسب ربنا مايفتح عليك
و اختاري صوت القارئ اللي تحبيه هتجدي جميع القراء تلاوة كاملة للقرءان على الرابط دا 👇👇
https://t.me/quranvoice1/7295

و عيشي مع القرءان ❤❤
البوست دا متأخر شوية معلش 🙈 أنا كنت فكرت الأخوات معايا في الحلقات بالسماع و بدأنا من ٣ اسابيع تقريبًا .
يلا همة همة 👏👏
#لرمضان_فلنستعد
اللهم بلغنا رمضان و بارك لنا فيه

#سارة_العبسي

لا تعبث بالنار مع خالق الجحيم.

-أ. يوسف الدِّموكي.

ليلة الجمعة صلوا على النبي صلى الله عليه وسلم و أكثروا ❤

من كم يوم ظهر جروب فيه بعض المختلين من الآباء و الأمهات بيبيعوا فيه أولادهم
و عادي جدًا تلاقي تعليق لواحدة كاتبة أنا هاولد كمان شهر و ابيعه!!

بصراحة أنا ما استغربتش عارفين ليه؟؟!
لأن الشكاوى اللي بتجيلي على الخاص من البنات من أهاليهم لاسيما الأمهات للأسف شكاوى تشيب لها الرؤوس .

بقيت عادي اسمع عن الأم اللي بتغير من بنتها
بقيت عادي اسمع عن الأم اللي بتعمل سحر لبنتها
بقيت عادي اسمع عن الأم اللي بتقهر بنتها و تبقى البنت كبيرة في العشرينات من عمرها و أمها تضربها ضرب ينتج عنه آثار في جسمها

أو الأم اللي بتوقع بين أولادها
و الأم اللي تفرق بين الصبيان و البنات

أو الأم اللي بتكره أولادها في أبيهم
عشان ياخدوا صفها و كأننا في حلبة مصارعة !!

ولا أنسى أبدًا أخت لي في الله كانت تحكي لي عن طبيب ألحد بسبب أمه و أبيه !!

و لا أنسى ابدًا الأخت اللي كلمتني مقهورة من البكاء و بتقولي أمي عايزة تجنني !!

و بلاوي كتير و لا أعتقد إنها حالات بسيطة أو نادرة
البيوت فيها خلل كبير بسبب سوء التربية

لاسيما التربية القديمة التي كانوا يتشدقون بها !!
تربية فاسدة تعامل الأولاد كأنهم آلات و ليسوا بشر
و تفتخر بعض الأمهات الجاهلات
بأنها تضرب ابنها الكبير بالحذاء و يناوله لها .
بدل ما يتقالها ليه تعاملي ابنك كده دا راجل كبير
انت كده تضعفي شخصيته انت كده بتدمريه

يتقال لها ياااه ما شاء الله تربية ممتازة .
مش عارفة ايه الممتاز اللي فيها بصراحة؟!

أهو الولد الطويل العريض اللي أمه بتضربه بالشبشب ولا بالحذاء دا
بكره لما يتزوج لو ربنا سلط عليه واحدة من المختلات نفسيا
هتضربه بالشبشب !!
اه والله مش بهزر
و لو تفتكروا كان مرة الشيخ الحويني يحكي إن رجل قال له زوجتي تفت في وشي و ضربتني و رفعت عليا السكينة و قالت لي لو إنت راجل من ضهر راجل طلقني !!

طيب هو ازاي أصلا راجل يوصل لكده و فين كرامته ؟؟

كرامته الله يرحمها مش الست الوالدة كانت معوداه ينضرب بالشبشب و هو طول بعرض كده ما شاء الله!!

ليه الأم تهين أولادها بالشكل دا و تربيهم على الذلة و عدم تقدير الذات ؟؟

و العجيب الغريب المريب المرعب
إني لما اسأل عن عبادات الأم عاملة إزاي
يُقال لي بتقوم من الليل و كثيرة الصيام و كثيرة الصدقة وووو
و ممكن كمان هي بنفسها تتكلم أحلى كلام عن الدار الآخرة و الخوف من الله !!

الأشكال اللي زي كده مهما صلوا و صاموا و قاموا لم و لن يفلحوا
و كيف يرجون فلاحًا و هم يأذون فلذات أكبادهم ؟؟!
نعوذ بالله من انتكاس الفطرة
نعوذ بالله من انتكاس الفطرة

#ملحوظة أنا لا قلت إني باعمل بحث ولا استفتاء عن الحالات دي

أنا قاعدة في أمان الله ألاقي الرسايل دي و الإستشارات دي

ابتلاء كبيييير أووووووي إن أحد الوالدين يكون غير سوي نفسيًا
ابتلاء ضخم لكن الله رحيم
أكيد في رسالة من ورا الإبتلاء دا

💥و أكيد الابتلاء دا رحمة من ربنا لتهذيب الشخصية
لأن أكيد نتاج تربية هؤلاء سيكون فيها خلل و تشويه نفسي كبير لهؤلاء الضحايا إما بالإنغلاق على أنفسهم و عدم تقدير ذاتهم و ضعف شخصيتهم أو إنهم ياخدوا الإتجاه الآخر و هو العدوانية اتجاه الجميع لتفريغ شحنات الغضب المكبوتة
و النوع الأول بيظلم نفسه كتييير جدًا لأنه بيكون طيب أو الأصح نسميه ساذج جدًا و بيتغفل كتييير و بيتعرض لضغوطات كتير لأنه بيكون فريسة سهلة للناس السامة أو اللي بنسميهم التوكسيك، و النوع الثاني العدواني بيظلم نفسه مرتين مرة بما ارتكب من ذنوب و تخطيط وكيد و مكر و مرة بإيذائه للناس يعني بيشيل وزرين وزر تقصيره في حق الله و تعديه على حقوق الناس .

💥لو مش هتقدري تكوني أم سوية الفطرة تعاملي أولادك بالرحمة و الحب الغير مشروط و تتعاملي معاهم على إنهم بشر مش آلات فأنا بقولك بلاش .

و الله لا أنسى أبدًا بكاء إحدى الأخوات و هي كبيرة في السن كانت تحكي لي عن أبيها و كيف كان يضربها بسلك الكهرباء و يفرق بينها و بين إخوانها و يوم وفاته وقفت على قبره تدعو عليه !!
و لازالت تعاني رغم مرور سنوات و سنوات .

💥الخلاصة لا نريد تربية قديمة ولا تربية إيجابية نريد تربية قرءانية نبوية ❤

💥قسوة الآباء و الأمهات لاسيما المتعمدة و أكرر مرة أخرى المتعمدة لا تُنسى .
أما من قصر من الآباء و الأمهات جهلا و ليس عمدا فنسأل الله أن يغفر لهم .

و نعوذ بالله من القاسية قلوبهم
اللهم باعد بيننا و بينهم و لا تجعل لهم علينا سبيلا .

كتبته على غرار مشكلة أتتني قبل قليل 🤦‍♀️ .

#سارة_العبسي

كثرة سماع القُرآن يرمّم النفس البالية، ويجمع القلب المُشتّت، ويملأ الجوف الفارغ.
سبحان الله، وكأن القرآن يسْرِي بداخلنا ليَبني ما هدَمه الشيطان وما حطمه الناس"

د/ أحمد عبد المنعم.

#لرمضان_فلنستعد 👏
اسم الله الواسع

شرح المعلمة أمنية بنت محمد حفظها الله 💙

للمزيد تابعونا
https://t.me/Haresat

رابط مجمع للأسماء الماضية 👇
https://t.me/Haresat/31845

حارسات السنة ️🦋 pinned «هل قرأتم الحلقة ٧٤ الأخيييرة ؟؟»

انتهت سلسلة أحداث نهاية البداية بفضل الله
كل الحلقات موجودة مثبتة في رسائل القناة
مبارك لمن قرأوا و انتفعوا❤

طيب تخيل بقى لو حصل العكس🙃
يعني مع شدة خطورة الكسر وشدة ألمه لقيتك مشغول جدا بالخدش البسيط إللي في إيدك وبتدوّر على علاج له وخايف أحسن الخدش يسيب أثر في الجلد ،
ومخلي تركيزك كله في الخدش ومتجاهل تماما كسر رِجلك إللي لو متعالجش فورا ممكن رِجلك يحصل فيها مشاكل جامدة وممكن توصل لمرحلة إن الدكتور يضطر إنه يقطعها لك عشان تعيش😶

فمع خطورة الموقف انت متجاهل تمامارجلك المكسورة ومركز على الخدش البسيط ده،
أكيد انت لو بالعقلية دي؛ هنقول عليك مجنون ومش عارف مصلحتك وهتضيّع نفسك 😬
طيب تخيل إن أكثر الناس عايشة مشغولة بالخدش الصغير وسايبين رِجلهم المكسورة يحصل لها مضاعفات سيئة جدا ومش حاسين بخطورة إللي هم فيه ده👌

الخدش الصغير ده هو الدنيا، أما الرِّجل المكسورة فهي الآخرة🙂

فانت انشغل واهتم برجلك المكسورة وسيبك من الخدش إللي في إيدك، كده كده هيخف لوحده ومش هيكون له أثر بعدين،
أما الرِّجل المكسورة فهي إما إنك تعالجها وتستمتع بيها أو إنك تخسرها للأبد👌
وأحسن من كل ده أفكرك بكلام ربنا:
أَفَمَن   يُلْقَىٰ   فِي   النَّارِ   خَيْرٌ   أَم   مَّن   يَأْتِي   آمِنًا  يَوْمَ  الْقِيَامَةِ

اختر لنفسك ولا تغرّك الحياة الدنيا ولا تغرك رحمة الله ولا يغرك الشيطان ويخدعك، الله شديد العقاب كما أنه غفور رحيم سبحانه👌

♡وفي الختام أحب أقول لكم:
جزاكم الله خيرا على المتابعة والقراءة وصبركم معايا على الانقطاعات المتكررة خلال فترة كتابة الحلقات وإللي بالمناسبة أكثر من سنة😅

ربنا ينفعنا جميعا بالحلقات ويجعلها في ميزان حسناتنا ويجمعنا أولا تحت ظل عرشه وثانيا في الدرجات العُلى من الجنة مع النبيين والصديقين والشهداء والصالحين من غير سابقة عذاب ولا حساب يارب🤲

♡ملحوظة مهمة:
أنا حقيقي اجتهدت جدا في البحث والمراجعة واستشارة مَن أثق في رأيهم وأنا بكتب الحلقات عشان أنقل لكم معلومة صحيحة مُبسّطة،
وحاولت إني أنقل لكم صورة ولو بسيطة عن أحداث الآخرة،
فبعتذر جدا لو حصل إني نقلت معلومة خطأ، أو شرحت أو وصّلت لكم معلومة بطريقة خطأ🙈

وأكيد مقدرتش أقول كل الأحاديث والأحداث بالتفصيل الشديد؛ لأن ده محتاج وقت طويل جدا، وشرح كتير😅
فأنا اكتفيت بس بالخطوط العريضة إللي ترسّخ الإيمان باليوم الآخر في قلوبنا وتخلينا عارفين الأحداث بصفة عامة وجاوبت على معظم الأسئلة إللي كتير منا بيسأل عنها،
وإللي حابب يستزيد هيلاقي في تعليقات كل حلقة المصادر بتاعتها يقدر يرجع لها ويقرأ منها😊

ولو حد لقى خطأ ياريت يقول لي وأنا هصحح الخطأ إن شاء الله، فكما قال رسول الله ﷺ:
"المؤمِنُ مرآةُ أخيهِ"《صحيح الأدب المفرد》
وأنا في النهاية بشر والكمال لله وحده، فما كان من توفيق فمن فضل الله وكرمه،
وما كان من خطأ أو سهو أو نسيان فمني ومن الشيطان والله ورسوله منه بَرَاء،
وأعوذ بالله أن أذكّركم به وأنساه، ثبتنا الله وإياكم على الإيمان حتى نلقاه سبحانه🤲

ألقاكم على خير في سلسلة الخلفاء الراشدين إن شاء الله من بداية شهر يونيو؛ الحلقة الأولى يوم: الأحد ٢٠٢٢/٦/٢
《طبعا إذا لم يحدث شيء خارج عن إرادتي يعطلني😀🙂🥲》

نسأل الله السداد والتوفيق 🤲

♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊

◇مصادر حلقة النهاردة في التعليقات 👇

♡طبعا أي ملاحظة ياريت تقوليلي فالمؤمن مرآة أخيه❤

¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌

#Eman_Shalapy

《سورة الكهف آية( 107)》
وقال:
" وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ ۙ لَهُم مَّغْفِرَةٌ وَأَجْرٌ عَظِيمٌ"
《سورة المائدة آية(9)》
وهتلاقي آيات كثيرة في القرآن ربنا بيوصف فيها المؤمنين بأنهم يؤمنون بالله واليوم الآخر، أو يؤمنون بالغيب بصفة عامة،
يعني مثلا في الآية الثالثة من سورة البقرة إللي هي بداية القرآن ربنا بيقول عن صفات المتقين إللي هيدخلوا الجنة:
"الَّذِينَ يُؤْمِنُونَ بِالْغَيْب"
وقال في الآية إللي وراها على طول:
"وَالَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ 《وَبِالْآخِرَةِ هُمْ يُوقِنُونَ》"
وقال في سورة النساء الآية (162):
"لَّٰكِنِ الرَّاسِخُونَ فِي الْعِلْمِ مِنْهُمْ وَالْمُؤْمِنُونَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ ۚ وَالْمُقِيمِينَ الصَّلَاةَ ۚ وَالْمُؤْتُونَ الزَّكَاةَ وَالْمُؤْمِنُونَ بِاللَّهِ 《وَالْيَوْمِ الْآخِرِ 》أُولَٰئِكَ سَنُؤْتِيهِمْ أَجْرًا عَظِيمًا"

وفي نفس الوقت قال عن إللي مش بيؤمن بالله واليوم الآخر وبأركان الإيمان بصفة عامة إنه ضال وضلاله ده بعيد كل البعد عن طريق الله المستقيم، قال تعالى:
"وَمَنْ يَكْفُرْ بِاللَّهِ وَمَلائِكَتِهِ وَكُتُبِهِ وَرُسُلِهِ وَالْيَوْمِ الْآخِرِ فَقَدْ ضَلَّ ضَلالًا بَعِيداً"《سورة النساء الآية(136)》

فعشان كده لازم العلم عشان نؤمن صح👌
وده إللي حاولت أوفره من خلال السلسلة دي،
جمعت لكم أكبر كمية معلومات عن الموضوع بصفة عامة،
وكمان عرضت أكثر الأسئلة والشبهات المنتشرة و الرد عليها عشان تكون قلوبنا مطمئنة والشيطان ميدخلناش منها ويشككنا في الدين بسببها،
وكل ده بالاعتماد على الأحاديث الصحيحة فقط👌
وكمان قلت على خطوات عملية عشان نحول الكلام ده لواقع عملي نستفيد بيه في آخرتنا،
فكل واحد بقى يقف مع نفسه ويسألها:
¤هل يا ترى بعد ما قرأت الحلقات دي كلها؛ هل حالي زي ما هو محصلش فيه أي تغيير؟

¤هل أنا لسه متهاون في الصلاة بعد ما عرفت إنها أول حاجة هنتحاسب عنها، ولّا بقيت محافظ عليها في وقتها ومش بضيع ولا صلاة؟

¤هل أنا لسه بظلم الناس وبتعدى على حقوقهم أيا كانت بعد ما عرفت إنهم هياخدوا من حسناتي؛ ولّا بقيت أنتبه جدا من كل صغيرة وكبيرة لما بتعامل مع الناس عشان مظلمش حد ولو بمقدار ذرة؟

¤هل أنا لسه مش بطلع زكاة مالي بعد ما عرفت إني هتعذب بالزكاة دي في أرض المحشر؛ ولّا بقيت أراعي حق ربنا ومش بس بطلع الزكاة، ده أنا بقيت أطلع صدقات؟

¤هل أنا لسه مُفرط ومش بتبع سنة رسول الله ﷺ وبمشي وراء البدع بعد ما عرفت إن محدش هيشرب من حوضه ﷺ إلا إللي كانوا متبعينه؛
ولّا بقيت متمسك بسنة رسول الله ﷺ أكثر ومش بعمل أي حاجة في الدين غير لما يكون عندي دليل صحيح من رسول الله ﷺ؟

هل.....هل ......أسئلة كثيرة محتاج تسألها لنفسك،
فلو كنت فعلا اتغيرت فأبشِر بالخير واعرف إنك مُهتدي صاحب عقل سليم زي ما ربنا قال:
"الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ ۚ أُولَٰئِكَ الَّذِينَ هَدَاهُمُ اللَّهُ ۖ وَأُولَٰئِكَ هُمْ أُولُو الْأَلْبَابِ"

أما بقى لو متغيرتش ولو بمقدار بسيط؛ فأخشى إن العلم إللي اتعلمته ده يكون حُجة عليك يوم القيامة😓
ربنا يقول لك أرسلت لك إللي يذكرك بلقائي وانت استمريت على معاصيك وغفلتك، فاليوم ننساكم كما نسيتم لقاء يومكم هذا👌

انت لسه في الدنيا ولسه عندك فرصة فبلاش تضيع الفرصة دي، وأحسن فيما بَقِي يُغفر لك ما مضى، العبرة بالخواتيم،
خد القرار بالتوبة وإنوي الاستقامة والعمل الصالح لحد ما تموت، لعل نيتك دي تكون آخر حاجة تعملها وبعدها يأتيك ملك الموت ومعاه ملائكة الرحمة فيقبضوا روحك ويبشروك بالجنة😊

احنا نقدر نلخص كووول الحلقات إللي فاتت دي في جزء من آية واحدة فقط👌
وهي قول ربنا:
《وَفِي  الْآخِرَةِ  عَذَابٌ  شَدِيدٌ  وَمَغْفِرَةٌ  مِنَ  اللَّهِ  وَرِضْوَانٌ
وَمَا  الْحَيَاةُ  الدُّنْيَا  إِلَّا  مَتَاعُ  الْغُرُورِ》
"سورة الحديد آية(20)"

في النهاية هقول لك مثال خليك فاكره دايما عشان تكون عينك دايما على الآخرة،
تخيل لو انت اتزحلقت ووقعت لا قدر الله، فلما وقعت إيدك حصل فيها خدش صغير أوي، وفي نفس الوقت رِجلك اتكسرت ربنا يعافي الجميع،
الطبيعي والمنطقي: انت هتتألم وتنشغل بأنهي جرح أكثر؟
هل هيكون همك وشغلك الشاغل الخدش الصغير إللي في إيدك؛ ولّا المصيبة الكبرى إللي في رِجلك وإللي محتاجة تتجبس دي عشان ميحصلش مضاعافات؟!

هتقول إن الطبيعي والمنطقي وأي عاقل هيقول إن طبعا الانشغال والألم هيكون برجلي المكسورة💁
ده أنا أصلا ممكن منتبهش من الخدش إللي في إيدي من شدة انشغالي بألم رجلي المكسورة 😕

5️⃣ الكلام عن اليوم الآخر بيقطَع تَعلُّق القلب بالدنيا👌
لأن لما الواحد يشوف حقارة الدنيا بالنسبة للآخرة وإن إزاي الدنيا في النهاية تحولت لقطعة خبز يأكلها المؤمن، ويشوف الآخرة  وأهوالها ونعيمها وعذابها مش هيهتم أصلا للدنيا وهيَزهد فيها وهيخلي تركيزه كله على العمل للآخرة؛
لأنه هيبقى عنده يقين إن:《الآخرة خير وأبقى من الدنيا》
وحتى شوفوا رسول الله ﷺ بيوضح لنا الفرق بين نعيم الدنيا والآخرة وبيقول إيه👌
قال رسول الله ﷺ:
"واللَّهِ ما الدُّنْيا في الآخِرَةِ إلَّا مِثْلُ ما يَجْعَلُ أحَدُكُمْ إصْبَعَهُ هذِه، وأَشارَ  بالسَّبَّابَةِ، في اليَمِّ، فَلْيَنْظُرْ بمَ تَرْجِعُ؟"
《 صحيح مسلم》
يعني شوفوا كده البحر الواااسع ده لما نضع فيه إصبع السبابة 👇ونطلعه، المية على الإصبع هتكون أد إيه🤷‍♂️
تقريبا قطرة أو قطرتين ماء بالكتير، أهه دي الدنيا في قِصَرِ مُدَّتِها، وفَناءِ لَذَّاتها بالنسبة للآخرة ودوامِها ودوامِ لذَّاتِها👌
وانتم شوفتم وعرفتم نعيم الجنة عامل إزاي، فأكيد يعني مفيش مقارنة خالص💁

☆ممكن حد يقول طب وإيه المشكلة يعني لما القلب يتعلق بالدنيا، ماهي دي اللي احنا عايشين فيها🤨

إللي يجاوبنا على السؤال ده هو رسول الله ﷺ 👌
قال رسول الله ﷺ:
"مَنْ كَانَتِ الآخِرَةُ هَمَّهُ جَعَلَ اللَّهُ غِنَاهُ فِي قَلْبِهِ وَجَمَعَ لَهُ شَمْلَهُ، وَأَتَتْهُ الدُّنْيَا وَهِيَ رَاغِمَةٌ،
وَمَنْ كَانَتِ الدُّنْيَا هَمَّهُ جَعَلَ اللَّهُ فَقْرَهُ بَيْنَ عَيْنَيْهِ، وَفَرَّقَ عَلَيْهِ شَمْلَهُ، وَلَمْ يَأْتِهِ مِنَ الدُّنْيَا إِلَّا مَا قُدِّرَ لَهُ"《 صحيح التِّرمذي》

يعني رسول الله ﷺ بيقول إن إللي دايما مشغول بالآخرة وهي قَصْدَه في عمَلِه وحياتِه في الدُّنيا؛ الله يرزَقه الكِفايةَ ويخلي عنده قناعة باللي في إيده مهما كان إللي معاه ده حاجة بسيطة،
فيكونُ مُستغنِيًا باللهِ عن النَّاسِ،
وكمان مهما كانت أموره متفرقة يعني خايف على عياله وعنده هموم وخايف من الأمراض ومن كذا ومن كذا؛
ربنا هيكفيه كل الهموم دي وهييسر له كل شيء، وفوق كل ده تأتيه الدُّنيا وهي ذَليلةٌ؛ لأنَّه لم يتَطلَّعْ إليها، يعني رزقه المكتوب له هيأتيه بكل سهولة ويُسْر،
بعكس بقى إللي الدنيا همه وشغله الشاغل ومش بيفكر غير في شهواته ورغباته الدنيوية فقط:
هياكل إيه، هيلبس إيه، هيخرج يروح فين، هيشتغل فين وغيرها وغيرها من أمور الدنيا،
فاللي حياته كلها كده هيعيش طول عمره في احتياج دائم حتى ولو كان من الأغنياء😬
وهتبقى حياته مشتتة مش مرتاح ولا حاسس باستقرار، ومهما سعى في طلب الرزق بالحرام وبمعصية الله فلن يأتيه من الدنيا غير رزقه إللي ربنا كتبه له👌
فرسول الله ﷺ في الحديث هنا بيوجهنا إلى إننا نركز دايما على الآخرة وتكون هي أكبر همنا💁

ومش معنى كده إننا مننشغلش باللي يصلح أمور دنيانا🙆‍♂️
لأ، احنا بناخد من الدنيا إللي نحتاجه، بس بدون إفراط أو تفريط، فالدنيا دار مَمَر لا دار مُستقر،
يعني شوفوا كده لما واحد فينا عشان يروّح بيته، مش ساعات بيعدي من طريق صغير كده بيكون هو الممر إللي بيوصله لبيته🤔
هل من المنطقي إن الواحد يعيش في الممر ده ياكل ويشرب وينام، ولّا بس يعدي منه عشان يوصل لبيته💁‍♂️
كذلك الدنيا بنستخدمها في إنها توصلنا للآخرة وبس، عشان كده مينفعش نتعلق بيها،
عشان لو اتعلقنا بيها هيبقى تركيزنا كله فيها وهنترك الآخرة وننسى الحساب ونتفاجئ بالموت ونلاقي نفسنا والعياذ بالله مقدمناش حاجة ونندم حيث لا ينفع الندم👌
إللي عايز يا جماعة بقى يعرف الدنيا همه ولّا الآخرة همه يشوف نفسه هو مشغول بإيه؛ لأنه كما قيل:
《هَمُّك ما أَهَمَّك》
يعني لو واحدة امتحانات عيالها قرّبت هتلاقيها مشغولة ومهمومة بالعيال والدروس والمذاكرة،
ولو واحد مريض هتلاقيه مشغول ومهموم بتعبه وإنه عايز يروح يكشف، وهكذا،
فالشاهد إن الواحد لو عايز يعرف هو همه إيه؛ يشوف هو مشغول وبيفكر في إيه دايما👌
ويا سعده وهناه إللي دايما بيفكر ومشغول بالآخرة😊

وخليني أفكرك بنقطة مهمة وهي إن الواحد فينا لما يتعلم عن اليوم الآخر ده مش حاجة اختيارية، لأ ده إجباري وواجب على كل مسلم؛ لأن من أركان الإيمان الستة:
الإيمان باليوم الآخر 👌
وكلمة الإيمان معناها التصديق التااام بشيء معين بدون ما يكون فيه أي شك زي ما اتكلمنا في حلقة شروط لا إله إلا الله👌

فعشان تكون مؤمن لازم تحقق أركان الإيمان الستة، وربنا وعدك بالمغفرة والأجر العظيم وكمان وعدك بالفردوس إذا آمنت وعملت الصالحات👌
قال تعالى:
"إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا"

1️⃣تحقيق الإيمان باليوم الآخر👌
بمعنى إننا نصدق ونوقن باليوم الآخر ويستقر ده في قلوبنا، واحنا مكناش هنقدر نحقق ده لو معرفناش التفاصيل إللي قلناها في الحلقات إللي فاتت دي،
يعني إزاي هنصدق بحاجة احنا منعرفش أي تفاصيل عنها🤷
فلما نعرف التفاصيل هنكون دايما فاكرين الآخرة وهنكون مشغولين بيها،
وبالتالي محدش هيسيب نفسه غرقان في المعاصي وبيجاهر بيها كده عادي وعايش من غير صلاة ولا طاعة وبيظلم ده وبياكل مال ده وبيتعدّى على ده وهو عارف وموقن إنه هيتحاسب مش بس على معاصيه؛ لأ ده هيتحاسب على مثقال الذرة من السيئات👌

فبكده هيبقى مُسارع للخيرات لأنه كذلك هيكون عارف إن ربنا هيكافؤه على مثقال الذرة من العمل الصالح👌

وحتى وقوعه في المعصية مش هيبقى سهل، و لو حصل ووقع في المعصية بسبب ضعف النفس وغلبة الهوى والشيطان؛ هيرجع ويتوب ويستغفر بسرعة؛
لأنه عرف إن ربنا الرحيم يقبل التوبة وهيستره في الآخرة ويغفرها له زي ما شوفنا👌
فهنا نقدر نقول إن العلاقة بين الآخرة وبين المعاصي علاقة عكسية، كل ما زاد انشغال القلب بالآخرة كل ما قل وقوع الإنسان في المعاصي💁‍♂️

2️⃣تحقيق الإيمان بالآخرة بيُصلح لنا الدنيا👌
يعني لما الواحد يكون عارف وعنده يقين إنه لو سرق أو زنى أو أخذ اموال الناس بالباطل أو ظلم أو ......أو.....؛ إنه هيقف أمام ربنا زي ما شوفنا كده وهيحاسبه على كل إللي عمله وإن الناس هتاخد من حسناته؛ أكيد هيفكر ألف مرة قبل ما يعمل أي حاجة من الحاجات إللي تغضب ربنا دي👌
وبالتالي مفيش حد هيتعرض للظلم ولا للقتل ولا لغيره🤷

لكن بسبب عدم معرفة الناس بالآخرة وبالتالي ضعف اليقين عندهم؛ خلانا نوصل للحالة إللي احنا فيها دي من انتشار المعاصي والكبائر والاعتداءات بكل أنواعها من سرقة وظلم وقتل😞

3️⃣الكلام عن يوم القيامة بيهوّن على المؤمن مصائب الدنيا من الابتلاء والتعرّض للظلم؛ لأنه عارف إنه لما يصبر على البلاء ويرضى بقضاء الله هيلاقي جزاؤه في الآخرة،
و رسول الله ﷺ قال:
" عَجَبًا لِأَمْرِ الْمُؤمنِ إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لِأَحَدٍ إِلَّا لِلْمُؤْمِنِ: إِنْ أَصَابَتْهُ سَرَّاءُ شَكَرَ، فَكَانَ خَيْرًا لَهُ، وَإِنْ أَصَابَتْهُ ضَرَّاءُ، صَبَرَ فَكَانَ خَيْرًا لَهُ"《رواه مسلم》
فالإيمان باليوم الآخر يُحْيِي في نفوس المؤمنين معاني الصبر والرضا والاحتساب💁‍♂️

بعكس أهل الدنيا وعُبَّاد الشهوات لو حد فيهم أُصيب ببلاء زي مرض، أو سجن، أو فقر، هنلاقيهم في غاية الجَزع والهلع، وده بسبب ضعف الإيمان بالآخرة👌

ده غير إن الإيمان باليوم الآخر بيخلي المسلم عنده هدف يتطلع إليه،
يعني تخيلوا كده لما الواحد فينا يكون عايش على أمل رؤية وجه الله الكريم في الجنة،
ورؤية رسول الله ﷺ والصحابة والأنبياء والجلوس معهم في الجنة زي ما شوفنا كده في سوق الجنة، ده غير الجنة ونعيمها الأبدي؛ ده واحد هتكون حياته عاملة إزاي😻

بعكس التاني إللي عايش بياكل ويشرب وينام، حياة بائسة فعلا ولا لها أي طعم، ده غير الأهوال إللي مستنياه في الآخرة كمان😶

4️⃣الإيمان باليوم الآخر بيسهّل على المسلم مسألة العفو عن المُسيء وعن إللي ظلمه؛ لأنه بيكون واثق في وعد الله والجزاء،
ده غير إنه يُحيِي معاني التضحية، والبذل، والإنفاق؛ لأن مَن أيقن بالخَلف جاد بالعَطِية،
يعني إيه إللي يخلي واحد يضحي أو يبذل أو ينفق من وقته وماله وصحته وهو راضي ومبسوط إلا لو كان مستني مقابل لده في الآخرة🤷‍♂️
فكل ما ازداد الإيمان بالآخرة، ازدادت هذه العبادات وضوحًا👌
يعني بكل بساطة نقدر نقول:
《الإيمان باليوم الآخر يدفع الإنسان دفعا إلى طاعة الله》

عشان كده الصحابة كانوا قمة في البذل والإنفاق، والتضحية، والعفو؛ لأنهم كان عندهم يقين تااام في الآخرة، واحنا شوفنا في السيرة مواقفهم المذهلة وتضحياتهم إللي ملهاش مثيل كانت عاملة إزاي👌

¤وفي المقابل يا جماعة هتلاقوا إن:
《عدم الإيمان باليوم الآخر يدفع إلى المعصية》،
بمعنى إن الذي لا يؤمن باليوم الآخر أو غافل عنه؛ هتلاقوا إنه معندوش هَم ولا غاية غير الحياة الدنيا،
عايز يتمتع فيها بكل حاجة يقدر يعملها أو يوصل لها من أكل وشرب ومسكن أو جاه ومنصب، بغض النظر بقى عن الحلال أو الحرام،
هو بس عايش لإشباع شهواته واتباع أهوائه،
فبسبب عدم الإيمان باليوم الآخر؛ بيبقى شايف حياته على الأرض قصيرة مهما طال عمره،
فبيحاولون استغلال الفُرص المُتاحة له لإشباع نفسه التي لا تشبع، وتحقيق رغباته التي لا تنقطع من ملذات الدنيا الجسدية بدون قَيد👌
وده يفسر لنا حال العالم دلوقتي وخصوصا الغرب، تلاقيهم بيعملوا  كل حاجة تخطر على بالهم مهما كانت حتى لو ضد الفطرة زي الشذوذ، وكل ده السبب الرئيسي فيه هو عدم الإيمان باليوم الآخر👌

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الرابعة_والسبعون_والأخيرة
#الخاتمة

طبيعة البشر إنهم بيحبوا النهايات السعيدة حتى لو النهاية السعيدة غير منطقية في بعض الأحيان أو ضد كل القوانين أو....أو...
المهم إنها تبقى نهاية سعيدة👌

يعني الواحد فينا يتخيل نفسه كده ربنا يعافينا جميعا إنه تعرض لظلم كتير وحس بالقهر،
وناس أخذت حقوقه وعايش في فقر، والدنيا ملطشة معاه وبيمر بكل أنواع الابتلاءات،
فمع إللي كل الواحد بيمر بيه ده؛ دايما بيحلم إن حياته هتتغير للأحسن وبالتالي يحصل على النهاية السعيدة إللي يعيش فيها مرتاح البال ومفيش أي حاجة تنغص عليه عيشته،
وممكن فعلا يتحقق حلمه ده في يوم من الأيام وحقه يرجع له وينتقم من إللي ظلمه وربنا يفتح عليه من خيرات الدنيا كلها،
نهاية سعيدة بقى😅

لكن عارفين،
مهما كان الإنسان في غاية النعيم، وبقى عنده كل حاجة يتمناها في الدنيا من الأموال والخدم وكل ما يشتهي؛
مجرد بس ما يتذكر إن ممكن النعيم إللي هو فيه ده يزول؛ هيحس بالهم والغم،
وحتى لو كان عنده ضمان مثلا إنه هيستمر في النعيم ده؛ مجرد ما يفتكر إنه هيكبر في السن أو هيموت ويترك النعيم إللي هو فيه؛ يصيبه الهم والغم وتتكدر حياته😕

فالدنيا ليس فيها نهايات سعيدة، النهاية السعيدة إللي بجد هي الجنة،
رسول الله ﷺ قال عن إللي يدخل الجنة:
"مَن دخلَها ينعَمُ ولا يبأسُ، ويخلدُ ولا يموتُ، لا تبلَى ثيابُهُم، ولا يفنى شَبابُهُم"《صحيح الترمذي》

يعني بيقول لنا إن إللي يدخل الجنة هيتنعم بكل المُتع إللي في الجنة، ومش هيحصل أبدا إنه يتعرّض لشدة أو فقر،
وملابسه عمرها ما هتتوسخ ولا هيحصل إنها تكون قديمة، لأ دي هتكون جديدة على طول،
و مش هيكبر في السن، يعني هيفضل شباب على طول، وفوق كل ده فهو هيعيش في الجنة والنعيم ده للأبد👌

كل حسرة وألم وكَدر حسيته في الدنيا؛ مش هتلاقيه أبدا أبدا في الجنة و ربنا هيعوضك عنه في الجنة، وإللي هيكون نفسك هتاخده في الجنة،

كل واحد يتخيل نفسه كده وهو قاعد في وسط أهله على الأرائك المرفوعة في القصر بتاعه إللي مصنوع من طوبة فضة وطوبة ذهب،
أو بيته إللي من لؤلؤة شفافة،
وقاعد لابس ملابس من الحرير...
ولابس اللؤلو والذهب ومختلف أنواع الزينة...
وشايف قصادك شجر الجنة إللي جذعه من الذهب...
وأنهار العسل واللبن والخمر والماء بتجري أمامك...
وشايف الطيور بتطير...
والولدان المخلدون رايحين جايين بيطوفوا عليك وبيلبوا رغباتك...
وبتسمع غناء الحور العين إللي بيغنوا بأجمل صوت وألحان ممكن تسمعهم...

وانت بقى قاعد كده وشايف كل ده وبتفتكر تعبك في الدنيا وصبرك على أذى الناس وسخريتهم منك،
وبتفتكر صبرك على الطاعات بصفة عامة وفي مواسم الطاعة زي رمضان وذي الحجة بصفة خاصة،
وتفتكر صبرك على البلاء وصبرك عن المعاصي وبُعدك عنها مع إن كان كل حاجة بتغريك للوقوع فيها ومع ذلك جاهدت نفسك، والملائكة نفسها كل شوية يدخلوا عليك من أبواب قصرك المفتوحة عشان يسلموا عليك زي ما كنت بتسلم عليهم في الدنيا في صلاتك وبيقولوا لك:
"سَلَٰمٌ عَلَيْكُم بِمَا صَبَرْتُمْ ۚ فَنِعْمَ عُقْبَى ٱلدَّارِ"《سورة الرعد آية(24)》
يعني عيش في أمان وسلام في الجنان العالية جزاء على صبرك على كل ما يرضي الله،

لما تبقى شايف كل ده تطلع من قلبك كلمة:
الحمد لله...

"ٱلْحَمْدُ لِلَّهِ ٱلَّذِىٓ أَذْهَبَ عَنَّا ٱلْحَزَنَ ۖ إِنَّ رَبَّنَا لَغَفُورٌ شَكُورٌ"
《سورة فاطر آية(34)》

الحمد لله إن ربنا نجانا من النار....
الحمد لله إللي صَدقنا وعده و أدخلنا الجنة...
الحمد لله إللي أذهب عني الخوف....
الحمد لله إللي انتقم لنا ممن ظلمونا وقهرونا وعذبونا وقتلونا....
الحمد لله....
قمة الرضا والسلام النفسي والسعادة وانت بتقول الحمد لله بكل ذرة في قلبك👌

فالنهاية السعيدة هي:
أنت في الجنة أبدا...
الكافر في النار أبدا...
الملائكة مُحيطين بعرش الرحمن خاضعين لجلاله، معترفين بكماله، يسبحون بحمد ربهم....
"وَتَرَى ٱلْمَلَٰٓئِكَةَ حَآفِّينَ مِنْ حَوْلِ ٱلْعَرْشِ يُسَبِّحُونَ بِحَمْدِ رَبِّهِمْ ۖ وَقُضِىَ بَيْنَهُم بِٱلْحَقِّ وَقِيلَ ٱلْحَمْدُ لِلَّهِ رَبِّ ٱلْعَٰلَمِينَ"
《سورة الزمر آية(75)》

ففي النهاية الكل يقول:
الحمد لله 🤲

فالحمد لله كما ينبغي لجلال وجهه وعظيم سلطانه على تمام الحلقات بعون الله وفضله وكرمه وحوله وقوته🤲

أخيرا وليس آخرا....
بعد ما شوفنا أحداث الدار الآخرة أو أحداث اليوم الآخر من أول خروج الروح لحد نهاية المطاف سواء في الجنة أو في النار؛ أكيد عرفنا ليه الكلام عن الدار الآخرة مهم، وليه دايما لازم نتذكر الدار الآخرة👌
وبسبب أهميته دي كان أول ما أُنزل من القرآن هو الكلام بالتفصيل عن البعث وعن أهوال يوم القيامة وعن الجنة والنار،

فتعالوا كده نلخص مع بعض أهمية معرفة أحداث اليوم الآخر في نقط محددة عشان نفضل فاكرينها دايما:

🌴قــال عبــدالله إبـن عـباس
            رضـﮯ اللـہ عنـہ :

قـــال تـعـالـﮯ :
(لَتَرْكَبُنَّ طَبَقًا عن طَبَقٍ)

حَالًا بَعْدَ حَالٍ، قالَ هذا نَبِيُّكُمْ صلَّى اللهُ عليه وسلَّم

📚 صحيح البخاري ٤٩٤٠

🌴قـــال العلامہ ابـن عثيمين
          رحمـہ اللـہ تعالـﮯ :

والخطاب هنا لجميع الناس أي: لتركبن حالاً عن حال، يشير إلى أن الأحوال تتغير، فيشمل أحوال الزمان، وأحوال المكان، وأحوال الأبدان، وأحوال القلوب

📚 【 تفسير ابن عثيمين 】

حديث هدايا العمال غلول لا علاقة له بهدايا المدرسين البسيطة الترند المنتشر اليومين دول .
شرح جميل للشيخ مصطفى العدوي جزاه الله خيرًا
#لاتتشددوا

ليلة الجمعة صلوا على النبي صلى الله عليه وسلم و أكثروا ❤

اليوم ذكرى سقوط الاندلس 💔
ألبوم  جمعت فيه صور و معلومات لأكثر الأماكن أهمية في بلادنا الفردوس المفقود

https://www.facebook.com/media/set/?set=a.541648960034839&type=3



https://www.facebook.com/share/r/15bpfZZ7U6/
#ذكرى_سقوط_الأندلس

الليلة دي مختلفة نعمل ايه🤔
ولا أي حاجة خالص كلبوشك في راسك و اشربي لك حاجة سخنة و نامي عشان تعرفي تقومي تصلي الفجر في السقعة دي 🥶🙄
هي مش ليلة القدر عشان الأدعية دي كلها
ولا الليلة دي دعوة مستجابة عشان ليلة رجب
وتخصيص الليلة الساعة ١٢ بركعتين قيام ليل بدعة
و مفيش حاجة اسمها نخصص وقت أعياد الكفار بالعبادات
لأن النبي صلى الله عليه وسلم كان معاه كفار و يهود و لهم أعياد و لم يرد أنه جمع الصحابة على إحياء هذه الأوقات بالعبادات .
و خير الهدي هدي محمد صلى الله عليه وسلم.
أنت مسلمة الإنتقال من سنة ميلادية لأخرى لا يعني لك أي شئ 👌

#سارة_العبسي

أعتقد أن غاية ما قد يُنعِم الله به على عبدِه أن يتوقَّف عقله عن مساءلة الأقدار.. صغيرها وكبيرها، أن تكون الإجابة دائمًا " الله"، أراد فقدَّر فحكَم.. قدَّر فلطف.
أن تكفي عقلك تلك الإجابة، فيتحرَّك في هذه الدائرة بشكل تلقائي، أن يغزوه المعنى.. فيُسائل نفسَه إلى أقدارِه و ليس العكس.

أن تكون كسيدنا الخضر لسيدنا موسى عليه السلام مع نفسك.. فتنتهي محاولاتك إلى
" رحمةً من ربِّك و ما فعلته عن أمري.. "

ذلك تأويل ما لم تسطع عليه صبرا..

#مقتبس

أول ليلة في رجب الدعاء مستجاب؟؟
حديث موضوع احذروا

#لرمضان_فلنستعد 👏
اسم الله الحفيظ 

شرح المعلمة أمنية بنت محمد حفظها الله 💙

للمزيد تابعونا
https://t.me/Haresat

رابط مجمع للأسماء الماضية 👇
https://t.me/Haresat/31845

حارسات السنة ️🦋 pinned «هل قرأتم الحلقة ٧٣؟»

¤ثانيا:
لو واحدة طُلقت وماتت من غير ما تتزوج بواحد تاني؛ فدي كمان ربنا يزوجها باللي تقر بها عينها في الجنة من رجل من أهل الدنيا.

¤ثالثا:
لو واحدة كانت متزوجة ودخلت الجنة لكن زوجها كان في النهاية من أهل النار؛ فدي كمان ربنا يزوجها باللي تقر بها عينها في الجنة من رجل من أهل الدنيا.

¤ثالثا:
لو واحدة ماتت بعد ما تزوجت فهي هتكون زوجة لزوجها إللي ماتت وهي متزوجاه.

¤رابعا:
لو واحدة مات عنها زوجها ولم تتزوج بعده؛ فهي تكون زوجته في الجنة.

¤خامسا:
لو واحدة مات عنها زوجها وتزوجت بعده فالموضوع على خلاف، إما إنها تكون زوجة لآخر أزواجها أو تكون لأحسنهما أخلاقا والله أعلم،
والخلاف حصل لأن الحديثين إللي جاء فيهما أن المرأة لآخر أزواجها أو إنها تُخيّر بينهم؛ فيهم ضعف ولا يصحوا عن رسول الله ﷺ،
فالله أعلم بحالها، لكنه هيرضيها في النهاية👌

أما بقى إللي معترضة إنها تكون زوجة تانية في الجنة سواء لرجل أعزب معاه الحور العين أو لرجل كان متزوج في الدنيا ومعاه زوجته من أهل الدنيا وكمان الحور العين فدي أحب أقولها:
يا حبيبة قلبي الجنة مفيهاش غيرة نهائي، ولا فيها حزن ولا زعل ولا أي حاجة تعكر صفو حياتك😊
مشاعرنا في الجنة هتكون مختلفة خالص وهنكون راضيين،
ربنا قال:
"وَنَزَعْنَا مَا فِى صُدُورِهِم مِّنْ غِلٍّۢ تَجْرِى مِن تَحْتِهِمُ ٱلْأَنْهَٰار"
《سورة الأعراف آية( 43)》
وانتِ أصلا مش هتشوفي زوجات زوجك في الجنة، والدليل على كده قول رسول الله ﷺ:
"إنَّ في الجَنَّةِ خَيْمَةً مِن لُؤْلُؤَةٍ مُجَوَّفَةٍ، عَرْضُها سِتُّونَ مِيلًا، في كُلِّ زاوِيَةٍ مِنْها أهْلٌ، ما يَرَوْنَ الآخَرِينَ"
《صحيح البخاري》
فانتِ هتبقي عايشة مشغولة في النعيم إللي هينسيكِ كل حاجة تانية😅
فمفيش في الجنة إلا النعيم والسرور، ولا مكان للحقد والغل في قلوب أهل الجنة،
والحور العين خَلْق من خلقِ الله تعالى إكراماً لأهل الجنة زيادة في نعيمهم،
وانتِ مش هيكون في قلبك شيء من إللي بيكون في الدنيا تجاه الزوجة الثانية من غيرة أو أي شيء👌
ثم يعني على الراجح من أقوال العلماء فانتِ كإمرأة مؤمنة صبرت على طاعة الله وصبرت على ابتلاءات الدنيا؛ أفضل حالا من الحور العين وأعلى درجة وأكثر جمالاً منها،
يعني انتِ داخلة جزاءً لكِ على العمل الصالح وكرامة من الله لكِ لدينك وصلاحك،
أمَّا الحور التي هي من نعيم الجنة أصلا؛ فهي خُلقت في الجنة من أجل غيرها وجُعِلَت جزاء للمؤمن على العمل الصالح،
وفرق شاسع بين مَن دخلت الجنة جزاء على عملها الصالح، وبين من خُلقت ليُجَازَى بها صاحب العمل الصالح👌
فالأولى ملكة سيِّدة آمِرَة، والثانية - على عظم قدرها وجمالها - إلا أنها ـ فيما يتعارفه الناس ـ أقل من الملكة، وهي مأمورة من سيِّدها المؤمن الذي خلقها الله تعالى جزاء له،
زي كده الفرق بين النساء الأحرار والإماء في الدنيا، دي لها مكانة ودي لها مكانة👌
ثم زي ما قلت احنا بس ندخلها وكل حاجة سهلة بعد كده😄

يبقى خُلاصة موضوع نعيم المرأة في الجنة في نقط محددة:

1- المرأة لها من النعيم مثل الرجل تماما إلا نقطة الحور العين وحضور سوق الجمعة وشرحنا السبب.

2- المرأة يكافؤها الله بما تشتهي في الجنة بأي شيء تريده.

3- ربنا بيكافئ المرأة ويعوّضها من جنس الشيء الذي صبرت عليه في الدنيا《الجزاء من جنس العمل》

4- المرأة أجمل وأعلى منزلة من الحور العين على الراجح من أقوال العلماء.

5- المرأة لا تعيش عزباء في الجنة ويزوجها الله بما تقر به عينها بحسب حالها.

6- المرأة تعيش في نعيم وسرور، ولا مكان للغيرة ولا للحقد ولا الغل في قلبها.

7- المرأة ترى ربها مثلها مثل الرجل تماما وتصيبها ريح الشمال مثل الرجل كذلك.

8- المرأة ترى رسول الله ﷺ وتجلس معه وتكلمه فهو بمثابة الأب لها، وتكلم الأنبياء والصالحين إذا اشتهت ذلك《في الجنة》.

9- تعيش المرأة في الجنة في مملكتها تتنعم بكافة أنواع النعيم مثل الأميرات وبنات الملوك، وتستطيع الخروج في البساتين ورياض الجنة كما تشاء وتشتهي.

10- ربنا يكرمنا كده و ندخل الجنة وكل حاجة محلولة إن شاء الله😁

♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊

◇مصادر حلقة النهاردة في التعليقات 👇

♡طبعا أي ملاحظة ياريت تقوليلي فالمؤمن مرآة أخيه❤

¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌

#Eman_Shalapy

هي لا تطلب في الجنة غير زوجها ولا ترغب إلا به،
ولا هتبحث عن أشخاص كانت تعرفهم في الدنيا مثلا، ولا حتى الرجل هيبحث عن نساء كان يعرفهن في الدنيا؛
لأنه عنده زوجاته إللي جمال وكمال الواحدة منهن بلغ مرحلة تخليه مش شايف غيرها👌
وده بيدل على جمال الرجال والنساء في الجنة، ومحبة بعضهم بعضا محبة تجعل أحدهم لا يبحث عن شخص غيره،
وبيدل كمان على شدة عفّتهم كلهم،
فالجنة دار كرامة لا فيها خُبث ولا شر ولا سُوء، وليس فيها شهوة مُحرمة حتى لو مجرد أمنية،
يعني مفيش مثلا حد هيتمنى إنه يتزوج من نفس جنسه، لا رجل يتزوج رجل ولا امرأة تتزوج امرأة، الكلام ده ضد الفطرة أصلا😅

وكل حاجة المرأة هتكون عايزاها هتلاقيها عندها، وتقدر تخرج في البساتين ورياض الجنة زي ما هي عايزة،
فنساء الدنيا زي الحور العين كده《مَقْصُورَاتٌ فِي الْخِيَامِ و قاصرات الطرف》، يعني موجودين في خيام اللؤلؤ ولا ينظرن ولا يُحببن إلا أزواجهن👌
فبالتالي المرأة لا هتتكلم مع الرجال ولا هتخرج في وسطهم ولا هتختلط بيهم زي اختلاطهم في الدنيا كده💁

¤طب ورسول الله ﷺ، النساء كده مش هيشوفوه ولا يكلموه😥
والصحابة والصالحين، النساء مش هيشوفوهم ولا يكلموهم؟!

¤أولا:
رسول الله ﷺ وضعه مختلف، فهو في منزلة الأب لبنات أمته،
يعني نساء الجنة يشوفوه ويكلموه عادي جدا، فكل نبي أبو أمته
زي ما قال لوط عليه السلام لقومه:
"هَؤُلَاءِ بَنَاتِي هُنَّ أَطْهَرُ لَكُمْ"《سوؤة هود آية(78)》
يعني هو مكنش بيتكلم عن بناته إللي من صلبه، لكنه كان بيتكلم عن بنات أمته، فالنبي للأُمة بمنزلة الوالد للرجال والنساء👌

¤ثانيا:
بالنسبة لرؤية النساء للصحابة والصالحين، أو حتى رؤية الرجال للصحابيات والصالحات؛
فالظاهر من خلال الآيات والأحاديث الصحيحة إن المرأة تعيش مع زوجها وذريتها في مملكتها في الجنة وأنها تكتفي بزوجها عن الناس زي ما قلنا من شوية،
ومفيش نص واضح وصريح من القرآن أو السنة بيوضح مسألة رؤية المرأة للرجال الأجانب عنها زي الصحابة والصالحين،
أو رؤية الرجل ومقابلته  للصالحات والعابدات من المؤمنات من أهل الجنة أو حتى أمهات المؤمنين،
فدي من أمور الغيب إللي محدش يعرفها ومحدش يقدر يتكلم فيها برأيه،
فمفيش نفي ولا إثبات لرؤية الرجال للنساء ولا رؤية النساء للرجال،
لكن زي ما قلنا من شوية إن ظاهر الأدلة بيقول إن مفيش اختلاط بين الرجال والنساء،
وإللي دل عليه القرآن إن المؤمنين بيلتقوا مع بعض وبيجلسوا على السرر متقابلين، زي ما ربنا قال:
"عَلَى سُرُرٍ مَوْضُونَةٍ ۩ مُّتَّكِـِٔينَ عَلَيْهَا مُتَقَٰبِلِينَ"
《سورة الواقعة آية(15-16) 》
وقال:
"وَنَزَعْنَا مَا فِى صُدُورِهِم مِّنْ غِلٍّ إِخْوَٰنًا عَلَىٰ سُرُرٍۢ مُّتَقَٰبِلِينَ"
《سورة الحِجر آية(47)》
والآيتين معناهم:
إن الواحد منهم هيبقى قاعد ومريّح وهو باله رايق على سرير منسوج بالذهب والفضة واللؤلؤ، والجواهر، وغير ذلك من الزينة التي لا يعلمها إلا الله،
وكل واحد منهم وجهه في وجه الآخر، مبسوطين وفرحانين برؤية بعضهم البعض؛ لأن رؤية وجوه الأحباب يزيد الأنس والبهجة👌

فالرؤية هنا ظاهرها إنها عامة، ومنعرفش هل تشمل رؤية الرجال للنساء ورؤية النساء للرجال كمجرد رؤية أم هي فقط رؤية الرجال للرجال ورؤية النساء للنساء🤷
فاحنا محتاجين ننشغل بالعمل إللي يدخلنا الجنة أكثر من انشغالنا بالأسئلة والبحث عن التفصيلات الدقيقة،
احنا مش هنروح لصحراء مهلكة يا جماعة فعايزين نطمن على نفسنا 😅
دي الجنة إللي مفيش زيها،
بمجرد ما الواحد يدخلها؛ هتختفي كل تعاسة أو شقاء الواحد مر بها ويتحول كل ده إلى سعادة دائمة، وخلود أبدي👌
ويكفي إن ربنا قال عن إللي يدخل الجنة:
"لَا يَمَسُّهُمْ فِيهَا نَصَبٌ وَمَا هُم مِّنْهَا بِمُخْرَجِين"
《الحجر آية(48)》
والقاعدة عندنا بتقول إن إللي يشتهي حاجة《في الجنة》 ربنا هيحققها له زي ما شرحنا👌
"وَفِيهَا مَا تَشْتَهِيهِ ٱلْأَنفُسُ وَتَلَذُّ ٱلْأَعْيُنُ ۖ وَأَنتُمْ فِيهَا خَٰلِدُونَ"
《الزخرف آية(71)》
فلو واحدة اشتهت وهي《في الجنة》إنها عايزة تقابل الأنبياء أو الصالحين أو الصحابة هتقابلهم عادي💁

☆ممكن واحدة تقول:
طيب في نساء دلوقتي لم يتزوجن، أو واحدة تزوجت وزوجها مات فتزوجت بعده، أو واحدة طُلقت وماتت وهي مطلقة،
إيه وضع النساء دي🤔

شوفوا،
مبدئيا كده مفيش حد أعزب في الجنة، يعني كل واحد عنده على الأقل زوجتين،
والنساء كمان مفيش واحدة كده هتعيش في الجنة من غير زوج،
فخلونا كده نقسم أوضاع النساء في موضوع الزواج👌
¤أولا:
لو واحدة متزوجتش خالص وماتت ودخلت الجنة؛ دي ربنا يزوجها باللي تقر بها عينها في الجنة من رجل من أهل الدنيا،
إما رجل أعزب من إللي ماتوا برده من غير ما يتزوجوا أو تتزوج واحد كان متزوج عادي ولكنه كان صاحب خلق ودين فبقى صاحب مكانة عالية في الجنة👌

◇يعني آخرتها هكون زوجة تانية🙂
♤صبّرني يارب🤦
هتكلم عن النقطة دي كمان شوية إن شاء الله👌

يعني الرجل ربنا بيختبره بالمرأة وهل هيصبر ويغض بصره عنها وميقربش منها ويقاوم طبعه ولّا هيعمل العكس؟!
وكذلك المرأة ربنا بيختبرها بإخفاء زينتها مع حبها الفطري إللي في طبعها لإظهار الزينة دي بسبب وجود الرجل وإنها لا تفتنه،
فهل هتصبر؟ ولّا هتتفنن بإظهار الزينة حتى وهي لابسة حجابها؟!
وأكيد طبعا انتم مش ناسيين الوعيد للنساء الكاسيات العاريات إللي لا يدخلن الجنة ولا يجدن ريحها💁

فدلوقتي بعد ما فهمنا طبيعة وطبع كل واحد هنفهم إن لما كان اختبار الرجل في النساء وصبر على اختباره ده؛ كانت مكافئته وتشويقه إلى الجنة من جنس صبره وهي المكافأة بالنساء الجميلات وهن الحور العين💁

وكذلك المرأة لما كان اختبارها وفتنتها في الزينة وصبرت على عدم إظهار زينتها وأُمرت بتغطية جسدها كلها حتى الوجه والكفين؛ كانت مكافئتها بكل ما تشتهيه من أنواع الزينة في الجنة وما لم يخطر حتى على بالها💁
فربنا العالم بما خلق كافأ كل واحد بأكثر شيء هو ابتُليَ فيه وصبر عليه👌

فيبقى خلاصة الكلام كوووله إن ربنا بيكافئ كل واحد من جنس الحاجة إللي صبر عليها بصفة عامة👌
وكون إن الرجل ربنا فضله بالحور العين، فده لا يمنع من أن المرأة قد تفضله بأشياء أخرى كالدرجة الأعلى والأرفع وما فيها من النعيم الذي يناسبها،
والمرأة مثل الرجل في وعد الله لها بالدرجات العُلى، وبارتفاع درجتها لحفظها القرآن الكريم، فتقرأ وترقى، وتكون منزلتها عند آخر آية كانت تقرؤها،
وممكن تكون في درجة نازلة، فيرفعها الله إلى درجة زوجها، زي ما ربنا قال:
"ادْخُلُوا الْجَنَّةَ أَنتُمْ وَأَزْوَاجُكُمْ تُحْبَرُونَ"《سورة الزخرف آية(70)》

فالواحدة فينا كده لما تكون عارفة إن أكثر أهل النار النساء وعارفة الوعيد إللي منتظر المرأة الكاسية العارية إللي بتظهر زينتها؛
أكيد هتجتهد بكل طاقتها عشان متبقاش مع الأكثرية دي،
ومش هتنظر للرجال هم لهم إيه في الجنة واشمعنى هم يعني إللي ياخدوا الحور العين واحنا ملناش حاجة زيهم كده والكلام ده💁

ثم يعني الحور العين دي نعمة بسيطة بجانب نعيم فيه ما لا عين رأت ولا أذن سمعت ولا خطر على قلب بشر إللي النساء هتحصل عليه😅
ومتنسوش يا جماعة إن محدش بياخد كل حاجة،
يعني المؤمن عارف إنه مش هيقدر يَحصُل على منازل ودرجات كثيرة في الجنة زي درجات الأنبياء أو درجات الشهداء مثلا،

فهل الواحد بقى يقعد يقول اشمعنى هم لهم كذا وكذا وأنا لأ😑
مش منطق أبدا🤷
كل واحد في الجنة له نعيمه إللي ربنا اختصه بيه، والكل في الجنة هيبقى في قمة الرضا والسعادة ومش هيبقى في حد ساخط👌
فاحنا بس ربنا يكرمنا كده و ندخل الجنة وكل حاجة محلولة بعدين إن شاء الله😄

☆ملحوظة:
وجوب تغطية الوجه للنساء قال به فقهاء المذاهب الأربعة بدون أي خلاف في زمن الفتن، وزمن الفتن هو:
"الزمن الذي يَكثُر وينتشر فيه الفسق، ويَضعُف فيه الوازع الإيماني وكذلك يَنعدم الرّادع السلطاني"
والفسق معناه انتشار فِعل المحرمات وعدم الاستجابة لأوامر الله بسبب ضعف الالتزام بالدين عند الناس وبالتالي ضعف الوازع الإيماني يعني ضعف الإيمان،
وانعدام الرادع السلطاني يعني مفيش قانون من الدولة يمنع انتشار المعاصي، فما بالكم إذا كانت الدولة هي الراعية للمعاصي وبتساعد على انتشارها🤷
فاللي يشوف زماننا دلوقتي هيلاقي إنه تحقق فيه وبقوة معنى《زمن الفتن》👌
وطبعا اعتراض أكثر النساء على الكلام ده فيه دليل تاني إن فتنة واختبار النساء هو في أمرهن بإخفاء الزينة وإخفاء جمالهن😅

☆ممكن واحدة تقول:
طب هل معنى كده إن النساء مش هتلبس حجاب في الجنة ومش هتغطي وشها، وهتخرج عادي وسط الرجال وتقعد معاهم وتكلمهم 🤔

¤أولا: بالنسبة للبس النساء للحجاب في الجنة وتغطية الوجه:
فلا يظهر أن المرأة في الجنة تغطي وجهها،
وأصلا ليس في الجنة نظر سوء، ولا مرض قلب حتى تُلزَم المرأة بتغطية وجهها، ولا هي في موضع للعمل والأمر والنهي، يعني الجنة دار جزاء مش دار تكليف،
وبالنسبة لحديث رسول الله ﷺ عن نساء الجنة:
"لَنَصِيفُهَا عَلَى رَأْسِهَا خَيْرٌ مِنْ الدُّنْيَا وَمَا فِيهَا"
《رواه البخاري》
فالنصيف هو خمار الرأس، وهو من الزينة إللي المرأة بتتزين بيه في الجنة، مش إنها بتلبس حجاب وخمار زي الدنيا كده،
عارفين زي كده العروسة إللي بتلبس طرحة مع فستان فرحها للزينة،
فالنصيف ده كده، المرأة بتحطه على رأسها لتتزين بيه👌

¤ثانيا:
المرأة تكون في الجنة في مملكتها تتنعم بكافة أنواع النعيم من غير ما تكون مختلطة بالرجال،
يعني هي أصلا مش هتبقى محتاجة إنها تختلط بالرجال ولا تشوفهم ولا تكلمهم، هي مفيش في عينها غير زوجها وبس💁

هو لو واحدة زوجها وصل لأعلى درجات الجمال والكمال وحُسن الخلق؛ هتحتاج تنظر لغيره من الرجال أو تتكلم معاهم ليه 🤷

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثالثة_والسبعون
#المرحلة_الثالثة_اليوم_الآخر
#وصف_الجنة_والنار_الجزء_السابع_عشر
#ما_للنساء_في_الجنة_الجزء_الثاني

وقفنا في الجزء إللي فات عند سؤال:
لما الرجال ليهم الحور العين، النساء ليهم إيه؟!

احنا قلنا فعلا إن نعيم الرجال والنساء زي بعض بالضبط إلا فقط لو حاجة معينة مخصوصة للرجال فقط أخبر بها رسول الله ﷺ،
زي موضوع السوق ده وزي إن الرجال لهم زوجات من الحور العين، وإن المرأة تكون قاصرة على زوجها فقط💁

وقبل ما أشرح سبب اختصاص الرجال بالحور العين؛ خلينا كده نحط قاعدة مهمة جدا عشان تكون الأمور واضحة:
الله عز وجل عادل ولا يظلم عباده مثقال ذرة،
وهو الحكيم العليم الذي يضع الأشياء في مواضعها، وهو الرحيم الكريم الذي يُكرم عباده ويتفضل عليهم👌
فمهما شوفنا بعقولنا القاصرة إن هناك أمر ظاهره ظلم أو ظاهره على غير هوانا فده غير صحيح🙅
احنا إللي بنكون مش فاهمين حكمة ربنا مش أكتر👌

بالنسبة بقى لنقطة الحور العين للرجال،
شوفوا،
احنا عشان نعرف الإجابة محتاجين نفهم طبيعة الرجل وطبيعة المرأة المختلفة،
فزي ما قلت من شوية إن ربنا خلقنا للعبادة، وقال لنا إن الدنيا دار بلاء واختبار،
واللي هينجح في الاختبار ربنا هيكافؤه بالجنة، وإللي مش هينجح مصيره إلى النار،
والاختبار أو الفتنة بيكون في نقطة ضعف كل واحد فينا بحسب طبيعته إللي ربنا خلقها له، فربنا جعل نقطة ضعف الرجال إللي ممكن تضيّعه وتضيّع دينه؛ في النساء👌
فأي حاجة خاصة بالنساء سواء شكلها أو صورتها أو هيئتها أو صوتها حتى لو مغطية نفسها بإسود في أسود ومش باين منها حاجة؛
فهي بتلفت نظر الرجال وتحرك شهوتهم وممكن تفتنهم، عشان كده ربنا أمر النساء بالحجاب وبالقرار في البيت وعدم الخروج إلا لضرورة👌

وربنا جعل شهوة الرجال أعلى من شهوة النساء بكتييير؛ والدليل على كده إن ربنا جعل للرجل القدرة إنه يتزوج من أربع نساء،
وده بعكس المرأة إللي بتتزوج رجل واحد،
≡《بتكلم على القاعدة العامة محدش يقولي في نساء شهوتها أعلى والكلام ده، بتكلم عن القاعدة العامة في الرجال والقاعدة العامة في النساء، تمام😀》≡
نكمل👌
فربنا بقى جعل ابتلاء الرجل في حبه للنساء والتعلق بهن، ورسول الله ﷺ قال: "ما تَرَكْتُ بَعْدِي فِتْنَةً أضَرَّ علَى الرِّجالِ مِنَ النِّساء"
《صحيح البخاري》
يعني أكتر ابتلاء وفتنة ممكن تضر الرجل وتخليه يضيع دينه زي ما قلت هي النساء،
والشيطان عارف الكلام ده كويس جدا😬
وهو مهمته إللي عايش عشانها إنه يضل بني آدم ويدخلهم النار، فبيُدخل للإنسان من نقطة ضعفه👌
عشان كده المرأة إذا خرجت من البيت:
"استشرفها الشيطانُ"《صحيح الترمذي》
يعني يتَطلَّعَ إليها الشَّيطانُ، فيزيَّنَها للرجال ويرفَعَ أبصارهم إليها، ليَغْوِيَها أو يغوِيَ بها غيرَها، فيُوقِع أحدَهما، أو كليْهما في الفتنةِ،

عشان كده ربنا أمر الرجل بغض البصر وعدم الخلوة مع النساء الغير المَحارم والابتعاد عنهن تماما،
وفي قصص كتير جدا عن انحراف شباب ملتزم عن الدين بسبب امرأة أحبها أو فُتن بيها،
لأ وكمان أئمة وعُبّاد تركوا الدين بالكلية وراحوا لدين تاني بسبب عشقهم لامرأة،
وإللي قرأ منكم السيرة معايا يفتكر قصة بِرصِيصَا العابد إللي كانت نهايته الكفر بالله والموت على الكفر ده بسبب امرأة👌

والعكس برده، ممكن تلاقي واحد دخل الدين بسبب حبه لامرأة، في حين إن الموضوع ده قليل في النساء《مقارنة》بالرجال💁
فالرجل هنا بيقاوم طبعه إللي ربنا فطره عليه زي ما اتكلمنا من شوية عن نقطة الطبع في النساء👌

أما المرأة فربنا جعل ابتلاءها في حبها للزينة وإظهار الزينة دي، يعني هي بتحب جدا تتزين وتظهر جمالها،
والكاسيات العاريات المتبرجات بالزينة إللي في الشوارع أكبر دليل على الكلام ده😀
وتلاقوا البنات بتتنافس في إظهار جمالهن وتزينهن وأكيد شوفتوا البنات في الأفراح والمولات بيكونوا عاملين إزاي😅
ده حتى الزينة وصلت للنقاب والخمار وبقينا نشوف العجب🙂وكمان البنت من صِغرها بتحب الزينة،
وربنا قال عن النساء:
"أَوَمَنْ يُنَشَّؤُا فِي الْحِلْيَةِ"《سورة الزخرف آية(18)》
يعني المرأة من صغرها تنشأ على لبس الزينة والحُلِي، يعني ده طبع فيها أهه،
ومن أصعب الأمور إللي ممكن تقنع بيها امرأة إنها تلبس الحجاب الشرعي الصحيح بما في ذلك تغطية الوجه😅
ولما كمان ربنا يقول لها تقعد في بيتها ومتخرجش إلا لضرورة عشان متفتنش الرجال حتى وهي لابسة حجابها الشرعي؛ بتحس إنها مقيدة والموضوع ثقيل على نفسها جدا😣
وفي إللي تبدأ تعترض على شرع ربنا وساعات تتعدى بألفاظ سيئة تؤدي بيها للكفر والعياذ بالله😓

لكن زي ما قلنا الموضوع ابتلاء واختبار وربنا قال:
"وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ"《سورة الفرقان آية(20)》

ليلة الجمعة صلوا على النبي صلى الله عليه وسلم و أكثروا ❤

كفاية تشدد بقى 🤦‍♀️
لحد امتى الجهل دا
ايه المشكلة لما نهني النصارى بعيدهم
تهنيهم بعيدهم اللي بيشتموا فيه ربنا ؟؟!
🙄 بيشتموا ربنا إزاي يعني ؟!
النبي صلى الله عليه وسلم في الحديث القدسي عن الله تبارك و تعالى قال 👇👇👇

كذَّبني ابنُ آدمَ ولم يَكن ينبغي لهُ أن يُكذِّبني وشتَمني ابنُ آدمَ ولم يَكن ينبغي لهُ أن يشتُمَني أمَّا تَكذيبُه إيَّايَ فقولُه إنِّي لا أعيدُه كما بدأتُه وليسَ آخِرُ الخلقِ بأعزَّ عليَّ من أوَّلِه وأمَّا شتمُه إيَّايَ فقولُه {اتَّخَذَ اللَّهُ وَلَدًا} وأنا اللَّهُ [الأحدُ] الصَّمدُ لم ألِد ولم أولَد ولم يَكن لي كفُوًا أحدٌ .
الحديث أخرجه البخاري

ها لسه مصممين على تهنئة من يشتمون الله ؟!
طيب مستعدين تقابلوا ربنا و يسألكم على التهنئة دي؟!

جارك النصراني يجوز لك تهنئته في مناسبة نجاح زواج تواسيه في حزن وواجب عليك تعامله بالبر مادام ليس محاربًا
إنما الأعياد العقدية فلا و ألف لا
و كل من قال بجواز التهنئة على الأعياد العقدية فهو كاذبٌ على الله و رسوله و مضلل .

إعادة نشر
#سارة_العبسي

تشويقة 🤗❤

لحلقة الغد

موعدنا غدًا ٨ مساءً توقيت مصر

قناة مجالس القرءاة

تلاوة طيبة 💥 اللهم بارك
أريحوا قلوبكم بكلام ربكم
https://t.me/Haresat

#لرمضان_فلنستعد 👏
اسم الله الرقيب

شرح المعلمة أمنية بنت محمد حفظها الله 💙

للمزيد تابعونا
https://t.me/Haresat

رابط مجمع للأسماء الماضية 👇
https://t.me/Haresat/31845

نبدأ استعدانا لرمضان بهذا الكتاب المبارك

أول مرة اتدبر القرءان 💥

و كما أقول دائمًا أهم استعداد لرمضان نجهز قلوبنا للقرءان سماعا و تلاوة و تدبرا

أعاننا الله و إياكم على طاعته
و جعله كتابا مباركا نافعا علينا وعليكم 💙

#حملوا الكتاب و انتظروني

موعدنا كل ثلاثاء ٨ مساءً توقيت مصر مباشر هنا على القناة 🥰🌹

أهم حاجة المصحف يكون معاك أثناء الحلقة🤗

شير مع كل صديقاتك ❤

حارسات السنة ️🦋 pinned «هل قرأتم الحلقة ٧٢؟»

لكن في الجنة يستحيل تشتهي حاجة مخالفة لشرع الله أو ما فرضه الله عليها،
يعني هيكون هواها ورغباتها تابعة لإرادة ربنا؛ لأنه بيكون أحب إليها من أي شيء مهما كان هو إيه👌
فلو المرأة اشتهت أي شيء《في الجنة》مهما كان هو إيه؛ ربنا هيحققه لها كما وعد سبحانه💁

☆ممكن واحدة تقول لي:
انتِ قلتِ دلوقتي إن نعيم الرجال والنساء زي بعض، طيب الرجال ليهم الحور العين، النساء بقى ليهم إيييه👀 👀؟!!

ده إللي هنعرفه في الجزء القادم ...

♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊

◇مصادر حلقة النهاردة في التعليقات 👇

♡طبعا أي ملاحظة ياريت تقوليلي فالمؤمن مرآة أخيه❤

¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌

#Eman_Shalapy

وعلى الأساس ده كلف كل واحد فيهم بتكاليف تناسب طبيعته،
و بكده يحصل التكامل بينهم عشان الحياة البشرية تستمر،
فمثلا ربنا كلف الرجل بالعمل عشان ينفق على زوجته ويرعى شؤونها وأعطاه من القوة الجسدية إللي تساعده على تحمل أقسى درجات العمل، ولم يكلفه بالحمل والرضاعة مثلا😅
في حين إن المرأة مُكلفة بالحمل والرضاعة ورعاية الأولاد وعندها من القوة النفسية إللي تخليها تتحمل زن العيال وأرفهم😬

☆طبعا مليش دعوة بانتكاس الفطرة إللي حاصل في زمننا دلوقتي بخروج المرأة للعمل《بدون داعي ولا ضرورة》والزوج عايش على مرتب زوجته وبيشترط كمان إنها تكون بتشتغل عشان يتزوجها،
أنا بتكلم في شرع ربنا إللي فيه الصلاح ومع ذلك الناس تركته ومشيت وراء أهواءها😓

فالشاهد يعني إن إللي بيكون مفروض على الرجال والنساء هو بما يتناسب مع طبيعة كل واحد فيهم،
ولو شاء ربنا لجعل الرجال والنساء زي بعض،
لكن هو بيبتلي وبيكلف كل واحد على حسب القدرات إللي هو أعطاها لكل واحد منهم، فالمطلوب إننا نسارع في تنفيذ أمر ربنا زي ماهو أمر بالضبط👌
"وَلَوْ شَآءَ ٱللَّهُ لَجَعَلَكُمْ أُمَّةً وَٰحِدَةً وَلَٰكِن لِّيَبْلُوَكُمْ فِى مَآ ءَاتَاكُمْ ۖ فَٱسْتَبِقُواْ ٱلْخَيْرَٰتِ"《المائدة آية( 48)》
《طبعا سياق الآية مختلف، لكن معناها العام ينفع الاستشهاد بيه هنا إن شاء الله》

فلما ييجي بقى يوم القيامة في الجنة؛ ربنا بيكافئ كل واحد على حسب إللي هو صَبر عليه، يعني الجزاء من جنس العمل،
فلما كان الرجال بيروحوا يصلوا في المساجد ربنا عمل ليهم سوق الجمعة كمكافأة خاصة بيهم عشان يلتقوا ببعض ويشوفوا ربنا زي ما كانوا بيلتقوا في الدنيا،
وفي نفس الوقت ده النساء هتشوف ربنا برده في بيوتهن زي ما كانوا بيصلوا لربنا في بيوتهن زي ما رسول الله ﷺ قال عن صلاة المرأة في بيتها إن أفضل من صلاتها في المسجد💁
فربنا سبحانه لا يشغله شيء عن شيء سبحانه،
فزي ما كنتِ بتصلي له في بيتك، و زوجك أو ابنك أو والدك بيصلوا في المسجد؛
كذلك هتشوفيه وانتِ في بيتك مُعززة مُكرمة؛ وزوجك أو ابنك أو والدك هيشوفه في سوق الجمعة مع المؤمنين إللي كان بيصلي معاهم👌

وحتى الرياح إللي اتكلمنا عنها المرة إللي فاتت فهيكون ليكي منها نصيب، لأنها هتصيب النساء وهن في بيوتهن برده عادي زيهم زي المؤمنين فيزدادوا جمال على جمالهن💁
زي كده لما تكوني في بيتك في الدنيا والريح تدخل البيت وتحسي بيها وكمان زوجك يحس بيها وهو في الشارع،
فكل نعيم انتِ مشتركة فيه مع الرجل سواء بسواء، يعني النتيجة واحدة لكن المكان بس هو إللي بيختلف،
هم بيشوفوا ربنا في السوق واحنا كنساء بنشوفه في قصورنا وبيوتنا، يعني ربنا أعزنا وأكرمنا دنيا وآخرة😁

ورؤية ربنا العامة لكل أهل الجنة رجالا ونساءا تكون كل جمعة ودي عليها الدليل الواضح الصريح،
وممكن يكون في إللي بيشوفه في أوقات تانية غير يوم الجمعة بحسب تفاوت واختلاف درجات أهل الجنة،
لكن عشان نثبت موضوع رؤية ربنا في أوقات تانية غير يوم الجمعة محتاجين دليل صحيح،
و مفيش دليل على كده، لكن برده مفيش حاجة تمنع حصول الرؤية في أوقات تانية غير سوق الجمعة للرجال والنساء👌

فخلاصة الكلام إن سوق الجمعة ده خاص بالرجال فقط زي صلاة الجمعة كده،
وظاهر الحديث إللي قلناه المرة إللي فاتت بيدل على كده فعلا، الحديث بيقول إن أهل الجنة من الرجال بعد السوق بيرجعوا إلى أهليهم، يعني زوجاتهم، فدل رجوعهم إليهن على أنهن لم يكن يرافقنهم👌
ولعل والله أعلم≡ والكلام إللي هقوله ده معلهوش دليل وهو استنتاج《شخصي》 مني≡:
إن سوق الجمعة يحضره الرجال ومعاهم زوجاتهم المؤمنات من أهل الدنيا  إللي دخلوا الجنة،
والأهل إللي في البيوت وإللي هيرجع إليهم أزواجهم هم من الحور العين، باعتبار إن المرأة المؤمنة درجتها أعلى من الحور العين فهي راحت مع زوجها،
لكن زي ما قلت الكلام ده ليس عليه أي دليل🙅
وظاهر الأدلة إن السوق هو للرجال فقط زي ما شرحنا والله أعلى وأعلم👌

☆ممكن واحدة تقول طب هو مش ممكن يكون ربنا عمل سوق للنساء مخصوص يجتمعن فيه؟🤔
الله أعلم🤷
مفيش برده أي دليل على كده، إللي ربنا أخبرنا بيه إن في سوق في الجنة وإللي هيحضره هم الرجال فقط👌

☆طب ربنا قال عن الجنة إن فيها ما تشتهيه الأنفس، أنا دلوقتي أشتهي إني أروح سوق الجمعة ده، هل هروح ولّا لأ؟👀

ربنا قال إن إللي يشتهي حاجة《في الجنة》هيحققها له، وإللي بيشتهي حاجة في الدنيا غير إللي بيشتهيها في الجنة🤷
يعني مثلا ممكن واحدة في الدنيا كانت بتحب زوجها أو أمها أو أبوها ولكن مثلا حد فيهم مات على الكفر والعياذ بالله ومصيره إلى النار،
هي ممكن تشتهي في الدنيا إن ربنا يدخله الجنة ولا يعذبه في النار،

☆ممكن واحدة تقول لي: طيب ما هو في رجال بيعملوا كده اشمعنى بقى👀
ثم يعني ده طبع في النساء زي ما قلتي أهه، يعني ربنا خلقنا كده، فلماذا نُحاسب على الطبع😑

¤أولا: احنا محتاجين نركز في ورقة امتحاننا احنا ونسيبنا من الرجال،
كل واحد هيتحاسب على أفعاله هو،
إللي فيه الصفات دي من الرجال ربنا هيحاسبه،
كفران العشير ده يعني جحود النعمة وإنكارها من كبائر الذنوب على الرجال والنساء سواء بسواء،
أصلا الإنسان بطبيعته جاحد للإحسان وجاحد للمعروف زي ما ربنا قال: "إِنَّ الْإِنْسانَ لِرَبِّهِ لَكَنُودٌ" 《سورة العاديات آية(6)》
والكنود هو إللي ييقعد يعد المصائب، وينسى النعم،
لكن التحذير من كفران النعمة وجحودها للنساء أكثر لأنه يغلب عليهن أكثر من الرجال لطبيعة خلقتهن👌

فاحنا نخلينا زي الصحابيات إللي أول ما سمعوا الكلام ده؛ قامت كل واحدة منهن وقعدت تتصدق باللي معاها من ذهب وغيره لأن الصدقة تطفئ غضب الرب👌
مفيش واحدة فيهم قالت مثلا اشمعنى احنا يعني إللي تقول لنا الكلام ده يا رسول الله، ما الرجال فيهم العِبَر😑
هم سألوا رسول الله ﷺ عن السبب ليه هم أكثر أهل النار عشان يتجنبوا الوقوع في الحاجة إللي تدخلهم النار،
فاحنا عايزين ننجي نفسنا من النار إللي شوفنا أهون عذابها عامل إزاي😥
وربنا بيقول لنا:
"فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ"
《سورة آل عمران آية(185)》
يعني مجرد بس ما الواحد اتزاح عن النار ودخل الجنة خلاص كده  هو فاز،
فمحدش فينا يقدر يستحمل في النار ثانية؛ ناهيكم إنه يقعد يتعذب فيها أصلا،
فاحنا بلاش نبقى مركزين مع غيرنا ونقعد نقارن ونقول اشمعنى والكلام ده،
خلونا نكون مركزين مع نفسنا وإصلاحها عشان نعدي بيها إلى الجنة👌

¤ثانيا:
يا جماعة احنا لا نُحاسب على الطبع إللي ربنا جعله فينا، ولكن نحاسب على الإرادة،
يعني انتم متفقين معايا إن الدنيا دار ابتلاء واختبار💁
فربنا وضع فينا بعض الأمور عشان نقاومها؛ ليتبين ويظهر الشخص إللي هيقاوم رغباته وطباعه ممن سيستلم لها، وبالتالي نؤجر عليها👌
يعني مثلا ربنا جعل فينا الشهوة وهي من طبيعة البشر،
لكن هناك مَن يستخدمها بإرادته في الحلال وهناك من يستخدمها بإرادته في الحرام، فاللي استخدمها في الحرام؛ يأثم، وإللي استخدمها في الحلال؛ يُؤجر،
فهنا ربنا لا يحاسبنا على الشهوة نفسها لكن يحاسبنا على طريقة استخدامها👌
ففي طبع النساء أنهن لا يصبرن ولا يشكرن ويكثرن اللعن أكثر من الرجال،
فاللي بتجاهد نفسها وتصبر وتشكر ولا تشتكي وتحفظ لسانها وتحفظ لصاحب المعروف معروفه؛ تخرج من الدائرة دي كلها وربنا يكافؤها بالجنة👌
ثم إزاي يكون البلاء بلاءا إذا لم يكن صعبا على النفس🤷
هل مذاكرة الإنسان لمادة سهلة وبيحبها هتكون مثل مذاكرة مادة صعبة ويكرهها؟
طبعا لأ💁
واحنا جئنا للدنيا هنا للعبادة وللاختبار عشان ندخل الجنة في الآخرة،
والجنة حُفّت بالمكاره، يعني أي طريق يوصلنا للجنة هنلاقي فيه الأمور إللي نكرهها ويجب علينا تخطيها،
وتختلف المكاره لكل إنسان فينا، فابتلائي غير ابتلائك غير ابتلاء فلان،
ممكن يكون ابتلاء امرأة معينة في طبعها إللي اتكلمنا عنه ده، وواحدة تانية قدرت إنها تتغلب على طبعها ده فكان ابتلائها في حاجة تانية خالص، وهكذا👌

فربنا جعل للرجال والنساء ابتلاءات بحسب طبيعة كل واحد فيهم وإللي يقدر يستحمله،
وربنا قال إنه لا يكلف نفس إلا طاقتها وإللي تقدر عليه، فعشان كده مثلا أوجب على الرجال إنهم يصلوا الصلوات الخمس في المسجد،

≡《صلاة الجماعة في{المسجد} واجبة على الرجال القادرين و تاركها من غير عذر؛ يأثم، مع صحة صلاته،
وده على الصحيح من أقوال العلماء لأدلة كثيرة مش هقدر أذكرها هنا لأنها مش موضوعنا وهتلاقوا رابط في التعليقات 👇 من موقع الإسلام سؤال وجواب لتوضيح المسألة بالأدلة الصحيحة》≡

و أوجب عليهم كمان صلاة الجمعة في المسجد، مع إن اليوم ده يوم أجازة الرجل فبيبقى عايز يريّح فيه،
وفي وعيد شديد للي بيفوت صلاة الجمعة ثلاث مرات ورا بعض زي ما جاء في أحاديث رسول الله ﷺ إللي منها قوله:
"مَنْ تَرَكَ ثَلَاثَ جُمَعٍ تَهَاوُنًا بِهَا طَبَعَ اللَّهُ عَلَى قَلْبِهِ"
《صحيح الجامع》
طَبَعَ اللَّهُ عَلَى قَلْبِهِ يعني ختم على قلبه وجعل عليه غشاوة ومنعه ألطافه، وجعل فيه الجهل والجفاء والقسوة ، أو جعل قلبه قلب منافق👌

فالرجل بيقاوم نفسه في إنه يترك شغله وعمله ودنيته ووقت راحته عشان ينزل للصلاة في عز الحر أو عز البرد،
وده غير مفروض على النساء تماما؛ لأن طبيعة خلقتها مستحملش ده،
يعني ربنا خلق المرأة بطبيعة تختلف عن طبيعة الرجل من حيث البنية الجسدية ومن حيث التكوين النفسي💁

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثانية_والسبعون
#المرحلة_الثالثة_اليوم_الآخر
#وصف_الجنة_والنار_الجزء_السادس_عشر
#ما_للنساء_في_الجنة_الجزء_الأول

تخيلي نفسك كده قاعدة في شاليه أو فيلا في الساحل الشمالي أو في جزر المالديف أو في أجمل مكان شافته عينك هنا أو هنا،
قاعدة كده باسترخاء على كرسي مُريح مُبّطن وطري وناعم باسترخاء وفي إيدك كوباية العصير ولابسة الملابس إللي انتِ عايزاها وقاعدة في المكان ده لوحدك لا حد يبص لك نظرة مش كويسة، ولا حد يعلق على طريقة قعدتك ولا على ملابسك،
قاعدة كده بالك رايق لا وراكي مواعين ولا وراكي غسيل ولا وراكي عيال هتذاكري لهم ولا وراكي أكل هتعمليه، ده الأكل نفسه هيجيلك لحد عندك بالتحلية كمان😅
أو ممكن تخرجي تاكلي في مكان حلو براحتك برده، ولا شايلة هم فلوس ولا مستقبل هيحصل فيه إيه، ولا خايفة على عيل من العيال يجراله حاجة،
ولا متخانقة مع حد وحارق دمك،
ولا بيجيلك حيض ولا نفاس، ولا بتقومي كل شوية تدخلي الحمام،

القعدة دي لوحدها كده مع الهدوء النفسي ده جنة والله😅
فما بالك بقى بإنك فوق كل ده هتستمتعي بكل حاجة مش بس تخطر على بالك، لأ ده حتى إللي متخطرش على بالك👌
≈خروج وفُسح ماشي،
≈ذهب ولؤلؤ وياقوت وكل ما تتصوريه من أشكالهم وتصاميمهم؛ موجود وليكي لوحدك محدش هيورثك فيهم ولا محتاجة تحوشيهم للزمن💁
≈أكل وشرب أشكال وألوان من غير ما تحطي إيدك في حاجة؛ ولا في أحلى من كده😀
≈وحتى زوجك هيكون أجمل وأحسن خُلق من أي حد شوفتيه أو عرفتيه👌
≈ولو مرة كده كان نفسك تخلفي؛ هتحملي وتولدي وطفلك يكبر لحد ما يوصل ثلاثين سنة؛ كل ده خلال ساعة واحدة فقط💁
قال رسول الله ﷺ:
"المؤمنُ إذا اشتَهَى الولدَ في الجنَّةِ، كانَ حملُهُ ووضعُهُ وسِنُّهُ في ساعةٍ كما يشتَهي"《صحيح الترمذي》

فكل حاجة اتكلمنا عنها في الحلقات إللي فاتت عن نعيم الجنة هي للرجال والنساء مع بعض👌
يعني ربنا وعد المؤمنين رجالا ونساءا بالجنة والنعيم والثواب الكريم،
فكل نعيم سواء الأنهار والطعام والشراب والبيوت والقصور وتحقيق الأماني والسُرر والآرائك و...و...
كل ده هو للرجال والنساء👌
والدليل على كده قول ربنا:
"وَمَنْ يَعْمَلْ مِنْ الصَّالِحَاتِ مِنْ《ذَكَرٍ أَوْ أُنثَى》وَهُوَ مُؤْمِنٌ فَأُوْلَئِكَ يَدْخُلُونَ الْجَنَّةَ وَلا يُظْلَمُونَ نَقِيرًا"《سورة النساء آية(124)》
وقال:
"مَنْ عَمِلَ صَالِحًا مِنْ《ذَكَرٍ أَوْ أُنثَى》وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ"
《سورة النحل آية(97)》
فالأصل أن النعيم للرجال والنساء الاتنين زي بعض👌
وأعظم نعيم لأهل الجنة زي ما قلنا المرة إللي فاتت هو رؤية الله عز وجل، يعني أهل الجنة هيشوفوا إن مفيش نعيم أعظم من رؤية الله عز وجل،
والنعيم ده برده يكون للرجال والنساء، ومن الأدلة على ده قول ربنا:
"لِّلَّذِينَ أَحْسَنُواْ ٱلْحُسْنَىٰ وَزِيَادَة"
والنساء من الذين أحسنوا، فلهن الحسنى يعني الجنة وكذلك الزيادة وهي النظر إلى وجه الله عز وجل زي ما شرحنا المرة إللي فاتت.

فاللي يخلي الواحدة مننا كنساء تصبر على طاعة الله وتتمسك بدينها وبأحكامه الشرعية والتسليم لأوامر الله وتجتهد في العمل الصالح وتحب لقاء الله؛ هو شوقها لمغفرة الله تعالى، والتنعم بالجنة والنجاة من عذاب النار، زيها زي الرجل تماما👌

وخصوصا بقى إن رسول الله ﷺ قال عننا كنساء إننا أكثر أهل النار😥
قال رسول الله ﷺ:
"اطَّلَعْتُ فِي الْجَنَّةِ فَرَأَيْتُ أَكْثَرَ أَهْلِهَا الْفُقَرَاءَ وَاطَّلَعْتُ فِي النَّارِ فَرَأَيْتُ أَكْثَرَ أَهْلِهَا النِّسَاء"《رواه البخاري ومسلم》

طب ليه كده😳
فعلا الصحابيات لما سمعوا كلام رسول الله ﷺ تعجّبن وسألنه:
ليه النساء أكثر أهل النار😳
فقال لهن رسول الله ﷺ:
"لأنَّكُنَّ تُكْثِرْنَ الشَّكَاةَ، وَتَكْفُرْنَ العَشِيرَ"
《صحيح مسلم》
وفي رواية تانية قال: "تُكْثِرْنَ اللَّعْنَ وَتَكْفُرْنَ الْعَشِير"
《رواه البخاري》
يعني لأن النساء بيعملوا ثلاثة أشياء كتير جدا، يعني مش مجرد مرة أو مرتين لأ ده حاجة كده زي الطبع فيهن،
¤أولا:
بيشتكوا كتير ومش بترضى بالقليل، يعني كل حاجة النساء تقعد تشتكي منها ومش عاجبها حاجة😅
وعلى فكرة ده واقع أنا شوفته بعيني بين النساء وانتم شايفين مواقع التواصل وإللي بيحصل فيها،
ده الشكوى واصلة لأتفه الأمور🤦
وحتى البنات الصغيرات تلاقيهم بيشتكوا عمّال على بطال، بداعي وبدون داعي، وأنا عندي نسختين منهم🙂

¤ثانيا: بيكثروا من اللعن يعني بيلعنوا كتير برده، وانتم عارفين إن مش من صفات المؤمن إنه يكون لعان💁

¤ثالثا: وَتَكْفُرْنَ الْعَشِير يعني المرأة تنكر وتجحد فضل زوجها عليها،
فتقول مثلا عن زوجها ده بخيل وظالم أذاقني الأمرَّين عشان موقف حصل أغضبها فيه لكنه في الحقيقة محسن إليها😅

ليلة الجمعة صلوا على النبي صلى الله عليه وسلم و أكثروا ❤

من لطف الله بك أن يُجلسك مع من يرضيك عنه سبحانه .

أ أمنية بنت محمد

لو انت أب أو أم ونفسكم تعملوا معروف كبير أوي في أولادكم أهم حتى من الفلوس والتعليم .
علّم ابنك ( التقبل )
خليه يختبر كل المشاعر الانسانية اللي هيمرّ بها في حياته من دلوقتي ويتمرن عليها ويواجهها مواجهة شجاعة ويتغلب عليها
خليه يجرب بعض الحزن والملل وبعض القلق وبعض الجوع وبعض الاحتياج وبعض الفراق
( بعض ) _ فلا يتحمل فوق طاقته
يعني مش كل ما يجوع نجري على حلويات فوراً
ومش كل ما يملّ يكون في ايده شاشة ولعب
ومش كل ما يشتكي من حد تنتقم له فوراً
ومش كل ما يغضب يكون هو اللي عنده حق
ومش كل ما يطلب فلوس ياخدها
ولا تعزله بالكلية عن العوارض السلبية الحياتية وتحميه مطلقاً منها
لو عزلته عن تلك المشاعر ولم يختبرها صغيراً _ خوفاً وحرصاً أو محبة _
فإن معاناته وهو شاب وكبير تكون مبالغة جداً إذا تطلبت مشكلات الحياة بعض صبر .
هو لن يقوى على الصبر لأنه لا يعرفه ولم يتعود عليه وفي الحديث المتفق عليه " ومن يتصبر يصبره الله " أي أن الصبر مران ومهارة زي تعلّم المشي والكلام
والتعود على الصبر منذ الصغر هو اللي بيفرق بين شخص ناضج ومتزن وآخر بالغ ملول ومستهتر وأناني
وهو اللي بيفرق بين مراهق عنده هشاشة نفسية ينهار بكل سهولة ويستسهل السخط والتمرد على البذل والتقبل
صباحكم مبارك جميل ☕🌸

رقية سرور

#لرمضان_فلنستعد 👏
اسم الله الولي المولى

شرح المعلمة أمنية بنت محمد حفظها الله 💙

للمزيد تابعونا
https://t.me/Haresat

رابط مجمع للأسماء الماضية 👇
https://t.me/Haresat/31845

(فَدَعَا رَبَّهُ أَنِّي مَغْلُوبٌ)

اهتف بوجعك، بمرضك، بانكسارك، بهزيمتك، بعجزك.. حينها يولد التغيير في السماء.
د. عبدالله بلقاسم

‏﴿ هُوَ عَلَيَّ هَيِّن ﴾

مُصابك الذي يُؤلمك ،
حزنك الذي يكبت صدرك ،
كدرك الذي يتغشّاك ،
هيّن على الله أن يذهبه

#قيام_الليل_شرف_المؤمن

#الوتر_جنتكم_يا_رفاق

#دثروا_إخوانكم_بصالح_دعواتكم

الدرس الجديد هينزل بعد الغد ان شاءالله

يارب تكونوا استمتعتوا بأول درس
ياريت تكتبوا لي رأيكم و ما استفدتم💙👇

حارسات السنة ️🦋 pinned «هل قرأتم الحلقة ٦٨؟»

ليلة الجمعة صلوا على النبي صلى الله عليه وسلم و أكثروا 💙

حارسات السنة ️🦋 pinned «نبدأ باسم الله #الوكيل_الكفيل 👆 شرح رائع ماتع للمعلمة أمنية بنت محمد هيغسل قلبك من كل قلق و خوف هيصلح نفسيتك ان شاءالله معنا اسبوع كامل للسماع من تستفد معلومة تكتبها في التعليقات تحت الدرس ممنوع سماع الرجال هذه رغبة المعلمة ❌ #أسماء_الله_الحسنى»

شوف،
كلمة《مع》في اللغة العربية بنستخدمها لما نعبر عن اشتراك شخص في أمر معين مع شخص تاني،
ومش شرط إن الطرفين يشتركوا في كل الأمور،
يعني مثلا انت ممكن تقول أنا كنت مع الشيخ الفلاني النهاردة،
فممكن《مع》دي يكون معناها إنك كنت معاه في نفس المكان ولكن هو مثلا كان قاعد على كرسي بيدي محاضرة وانت قاعد في آخر المسجد،
فكذلك في الآية هنا كلمة《مع》معناها إن إللي يعمل ما أمره الله به ويترك ما نهاه الله عنه ورسوله؛
فإن الله عز وجل يسكنه دار كرامته ويجعله مرافقاً للأنبياء ثم لمَن بعدهم في الرتبة وهم الصديقون، ثم الشهداء والصالحون الذين صَلُحَت سرائرهم وعلانيتهم،
فكل دول هيكونوا جميعا مشتركين في دخول الجنة والتنعم بنعيمها؛ وإن كان لكل واحد من المؤمنين درجته التي أنزله الله إياها بحسب عمله،
فعادي يكون في صحبة ومرافقة النبيين، لكن مش شرط إن الواحد يبلغ نفس منزلتهم،
فالمؤمنون يَسْتَمْتِعُونَ بِرُؤْيَتِهِمْ وَالْحُضُورِ مَعَهُمْ، لكن في نفس الوقت لَا يُسَاوُونَهُمْ فِي الدَّرَجَةِ؛ لأنهم متفاوتين في الدرجة، لكن في نفس الوقت كُلُّ واحد فِيهَم ربنا رزقَه الرِّضَا بِحَالِهِ فمش هيحس بنقص ولا أي منغصات👌

رزقنا الله وإياكم الجنة من غير سابقة عذاب ولا حساب 🤲

♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊

◇مصادر حلقة النهاردة في التعليقات 👇

♡طبعا أي ملاحظة ياريت تقوليلي فالمؤمن مرآة أخيه❤

¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌

#Eman_Shalapy

فمَن سابق في الدنيا وسبق إلى الخير؛ كان في الآخرة من السابقين إلى الكرامة؛ لأن الجزاء من جنس العمل، ربنا قال:
"وَالسَّابِقُونَ السَّابِقُونَ ۩ أُولَئِكَ الْمُقَرَّبُونَ ۩ فِي جَنَّاتِ النَّعِيمِ"
《سورة الواقعة آية(10–12)》
يبقى مطلوب منك عشان توصل للفردوس الأعلى:
1️⃣ الدعاء:
يعني إنك تدعي ربنا بصدق من قلبك إنه يدخلك الفردوس الأعلى،
فلما ربنا يستجيب لك؛ هتلاقيه وفقك لعمل الصالحات ويسر لك الطاعات وأبعدك عن إللي بيغضبه وأماتك على الإيمان👌
و ربنا قال:
"فَأَمَّا مَنْ أَعْطَى وَاتَّقَى ۩ وَصَدَّقَ بِالْحُسْنَى ۩ فَسَنُيَسِّرُهُ لِلْيُسْرَى"
《سورة الليل آية( 5-7)》

2️⃣ الإخلاص والصدق مع الله:
يعني تخلي أعمالك كلها خالصة لله، وتكون صادق مع ربنا لما تدعوه ويكون فعلا نفسك إن ربنا يدخلك الفردوس الأعلى 👌
واحنا قلنا في الحلقة الخامسة والستين أن رسول الله ﷺ قال:
إِنَّ أَهْلَ الْجَنَّةِ يَتَرَاءَوْنَ أَهْلَ الْغُرَفِ مِنْ فَوْقِهِمْ كَمَا يَتَرَاءَوْنَ الْكَوْكَبَ الدُّرِّيَّ الْغَابِرَ فِي الْأُفُقِ مِنْ الْمَشْرِقِ أَوْ الْمَغْرِبِ لِتَفَاضُلِ مَا بَيْنَهُمْ،
قَالُوا يَا رَسُولَ اللَّهِ تِلْكَ مَنَازِلُ الْأَنْبِيَاءِ لَا يَبْلُغُهَا غَيْرُهُمْ ؟
قَالَ: بَلَى وَالَّذِي نَفْسِي بِيَدِهِ رِجَالٌ آمَنُوا بِاللَّهِ وَصَدَّقُوا الْمُرْسَلِينَ"
《صحيح البخاري》
فدي شهادة من رسول الله ﷺ إن المنازل والدرجات دي مش بس للأنبياء والمرسلين فقط، ولكن هي كمان لرِجالٌ آمَنوا باللهِ وصَدَّقوا المرسَلين حَقَّ تَصديقِهم،
ف جمعوا بين كمال الإخلاص لله، والمتابعة والانقياد للرسول ﷺ بتنفيذ أوامره واجتناب نواهيه بتسليم تام وبدون أي اعتراض👌

3️⃣إسْباغُ الوُضُوءِ علَى المَكارِهِ، وكَثْرَةُ الخُطا إلى المَساجِدِ، وانْتِظارُ الصَّلاةِ بَعْدَ الصَّلاةِ《صحيح مسلم》:
يعني لما الواحد يتوضأ صح ويعطي كلِّ عُضوٍ حقَّه في الوضوء حتى في شدة البرد،
ويكثر مِنَ الذَّهابِ إلى المَساجِدِ لإدراكِ الجَماعاتِ، وينتظر الصَّلاةِ بعدَ الصَّلاةِ بالبقاءِ في المَسجِدِ وانتظارِ الفرائضِ بها ولا يَقطَعُه منها إلَّا الضرورة أو إن يكون قلبه منتظر للصلاة بعد الصلاة ومشغول بيها ومتشوق لها حتى وهو خارج المسجد؛
فالطاعات دي منَ الأسبابِ التي يغفَرُ ويُمحي الله بها الذُّنوبُ والمَعاصي، وتكونُ سَبب في عُلُوِّ المَنزِلةِ في الجنة👌

4️⃣ إنك تعمل الطاعات التي جاءت في الأخبار الصحيحة أنها سبب في معية النبي ﷺ ومصاحبته في الجنة زي كثرة الصلاة وبالتالي كثرة السجود، وكفالة الأيتام، وغيرها.

فالخلاصة وإللي نطلع بيه من الكلام ده كله هو إن الاجتهاد في الأعمال الصالحة والمسارعة في الخيرات والاستمرار على العمل الصالح وصنائع المعروف ومسابقة أهل الخير والصلاح؛ هو أصل الوصول إلى الدرجات العُلى من الجنة👌
جعلنا الله وإياكم من أهل الفردوس الأعلى🤲

في بقى مائة درجة لوحدهم كده؛ ربنا جعلهم للمجاهدين في سبيل الله، قال رسول الله ﷺ:
"إنَّ في الجَنَّةِ مِئَةَ دَرَجَةٍ، أعَدَّها اللَّهُ لِلْمُجاهِدِينَ في سَبيلِ اللَّهِ، ما بيْنَ الدَّرَجَتَيْنِ كما بيْنَ السَّماءِ والأرْضِ"
《رواه البخاري》
والجهاد هنا معناه مُجاهَدةِ المشركينَ وقتالهم لإعلاءِ كَلمةِ الإسلامِ،
فالمجاهدين لهم منزلة خاصة دونًا عن غيرهم، وهي مائة درجة مخصوصة بهم لا يشاركهم فيها أحد،
وهو مقلش إن دي منازل للشهداء، لأ هو قال المنازل دي للمجاهدين👌
فحتى لو الواحد منهم كان مات على فراشه في الدنيا ولكنه كان مجاهد في سبيل الله يعني جاهد عشان تكون كلمة الله هي العليا؛ هيكون في درجة من الدرجات المائة دي بحسب اجتهاده في الدنيا.

وممكن واحد يكون له درجة معينة في الجنة لكن ربنا يرفع درجته بأسباب، زي مثلا:
¤التحاق الرجل بأقاربه زي ما قلنا من شوية،
¤شفاعة رسول الله ﷺ لبعض المؤمنين إن ربنا يرفع درجتهم في الجنة واتكلمنا عنها قبل كده.
¤شفاعة المؤمنين في بعضهم البعض.
¤دعاء واستغفار الولد لوالده.

ولو حصل إن واحد عايز يزور صاحب له ولكنه في منزلة أقل فهو إما إنه ينزل إليه ليزوره أو إن صاحبه يطلع له إلى منزلته ويزوره وبعدين يرجع تاني لمنزلته على حسب أقوال العلماء👌

☆وأكيد هتسأل:
هل ممكن الواحد مننا يكون مع رسول الله ﷺ ومع الأنبياء في الجنة في نفس منزلتهم بالضبط زي ما ربنا قال:
"وَمَنْ يُطِعِ اللَّهَ وَالرَّسُولَ فَأُولَئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ وَحَسُنَ أُولَئِكَ رَفِيقًا"
《سورة النساء آية (69)》
ولّا الوضع هيكون إيه🤔

فمعنى كلمة أوسط في الحديث مش إنه في المنتصف، لأ، أوسط معناها الأَعْدَلُ، والأفضَلُ👌
ومفيش أحاديث بتفصّل لنا إيه هو النعيم الموجود في درجة الفردوس وبتخليه مميز عن باقي درجات الجنة،
لكن موسى عليه السلام كان سأل ربنا عن أدنى أهل الجنة منزلة وأعلاهم منزلة،
فقال له الله عز وجل عن أعلاهم منزلة:
"أُولَئِكَ الَّذِينَ أرَدْتُ غَرَسْتُ كَرامَتَهُمْ بيَدِي، وخَتَمْتُ عليها، فَلَمْ تَرَ عَيْنٌ، ولَمْ تَسْمَعْ أُذُنٌ، ولَمْ يَخْطُرْ علَى قَلْبِ بَشَرٍ"
《صحيح مسلم》
يعني هؤلاء عباد لله؛ هو سبحانه اختارهم واصطفاهم وهم ممّن تولاهم الله وأعد لهم نعيم عظيم جدا محدش يتصوره ولا يخطر على باله👌
زي ما ربنا قال في القرآن:
"فَلا تَعْلَمُ نَفْسٌ ما أُخْفِيَ لهمْ مِن قُرَّةِ أعْيُنٍ"《السجدة آية( 17)》

ودرجة الفردوس نفسها عبارة عن درجات، أعلى درجة فيها هي درجة《الوسيلة》،
يعني لو افترضنا مثلا إن الفردوس الأعلى عشر درجات، يبقى الوسيلة هي رقم واحد👌
والدرجة دي هي الدرجة إللي يكون فيها رسول الله ﷺ ولا تكون لأحد غيره👌
قَالَ رَسُولُ اللَّهِ ﷺ:"سَلُوا اللَّهَ لِيَ الوَسِيلَةَ"
قَالُوا: يَا رَسُولَ اللَّهِ وَمَا الوَسِيلَةُ؟
قَالَ: "أَعْلَى دَرَجَةٍ فِي الجَنَّةِ؛ لَا يَنَالُهَا إِلَّا رَجُلٌ وَاحِدٌ، أَرْجُو أَنْ أَكُونَ أَنَا هُو"《صحيح الترمذي》
فلأن رسول الله ﷺ سيد ولد آدم، وأفضلهم وأقربهم إلى الله عز وجل؛ كان من الطبيعي إنه تكون له درجة ومنزلة خاصة بيه ﷺ،
واتسمت درجة النبي ﷺ بالوسيلة؛ لأنها أقرب الدرجات إلى عرش الرحمن جل جلاله، وهي أقرب الدرجات إلى الله👌

☆طبعا هتقول لي هنا إزاي يعني رسول الله ﷺ هيكون في المنزلة دي لوحده والمفروض إن زوجاته هيكونوا معاه💁

هي الوسيلة فعلا منزلة خاصة برسول الله ﷺ ولا ينالها أحد غيره،
لكن ربنا هيُلحق برسول الله ﷺ زوجاته فيكونوا معاه في درجته إكراما لرسول الله ﷺ،
زي ما ربنا قال كده:
"وَالَّذِينَ آمَنُوا وَاتَّبَعَتْهُمْ ذُرِّيَّتُهُم بِإِيمَانٍ أَلْحَقْنَا بِهِمْ ذُرِّيَّتَهُمْ وَمَا أَلَتْنَاهُم مِّنْ عَمَلِهِم مِّن شَيْءٍ"《الطور آية(21)》
يعني المؤمنين إللي آمنوا بالله حق الإيمان وكان أبناؤهم بيتبعوهم على نفس المنهج والصراط المستقيم؛ الأبناء دول هيكونوا مع آبائهم في نفس درجتهم العالية في الجنة،
فيُلحق الأولاد والزوجات بالآباء والأزواج في درجاتهم،
فيكون الجميع سواسية ومع بعض في نفس الدرجة حتى وإن كان عمل الأبناء أقل من عمل الآباء،
وده من باب إكرام الله للآباء، فمن السعادة إللي ربنا تكفّل بها لعباده المؤمنين أن يجمع شمل الأسرة الواحدة مع بعض في الجنة ماداموا كلهم ماتوا على الإيمان،
فالأعلى درجة يُرفع إليه الأقل درجة، فالأب مش هينزل إلى منزلة الولد، ولكن الولد هو إللي هيُرفع إلى درجة أبيه، وطبعا من غير ما ينقص شيء من أجور الآباء،
وطبعا ده مع الآباء والأبناء أو الأبناء مع الآباء، يعني إللي هيكون في منزلة أعلى؛ ربنا هيُلحق التاني بيه👌

فكذلك نفس الموضوع مع رسول الله ﷺ، درجته في الجنة هي مخصوصة له، لكن يلحق به زوجاته وأبناؤه👌
زي كده لما يكون واحد عنده قصر كبير يملكه فيجيب زوجته تعيش معاه في القصر ده،
فالأصل إن القصر هو ملك للشخص ده وأي حد تاني يدخله فيكون بإذن صاحب القصر👌

☆نيجي بقى للسؤال المهم:
الواحد فينا يعمل إيه عشان يصل لدرجة الفردوس الأعلى بما إننا لسه في الدنيا🤔
شوف،
الأول كده ربنا أخبرنا على لسان رسوله ﷺ أن الجنة بصفة عامة سلعة غالية وتحتاج مننا إلى مجهود وعبادات عشان ندخلها،وأخبرنا إن الجنة برده حُفَّتْ بِالْمَكَارِهِ والمشاق،
يعني الحاجات إللي النفس بتكرهها وبتلاقيها شاقة عليها،
زي الاستيقاظ في عز البرد لصلاة الفجر،
و زي المحافظة على حفظ القرآن ومراجعته، وهكذا،

فمتفكرش إن الحصول على الجنة ممكن يحصل بالأماني والأحلام،
انت لازم تبذل الأسباب إللي توصل للجنة، وبكده يتعرف الفرق بين الصادق والكاذب👌
فالفردوس الأعلى هو درجة غالية جدا وزي ما شفت؛ هو أعلى الجنان وأفضلها، فبالتالي الوصول إليه مش حاجة سهلة ومحتاج إلى مجهود أكبر،
وكمان المكاره إللي مُحاطة بالدرجة دي هتكون أكبر، فمحتاجة إلى مجاهدة نفس أكثر💁
زي مثلا كده لما تكون بتذاكر في الثانوية العامة عشان تنجح وخلاص وتجيب ٥٠% مثلا أو حتى أكتر شوية، وبين إنك بتذاكر عشان تجيب ١٠٠% وتدخل كلية الطب،
فالمجهود إللي بتبذله مختلف تماما في الحالتين👌

فإللي هيصل إلى الفردوس هو إللي ربنا اختصه بمزيد فضله👌
وأهل الفردوس الأعلى هم السابقون إللي بيسارعوا إلى فعل الخيرات والطاعات زي ما ربنا أمرهم بالضبط،

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثامنة_والستون
#المرحلة_الثالثة_اليوم_الآخر
#وصف_الجنة_والنار_الجزء_الثاني_عشر
#درجات_الجنة

اتكلمنا قبل كده عن الجنة وريحتها وأرضها وأشجارها وأنهارها وقصورها وبيوتها،
هندخل بقى معاك بيتك وقصرك في الجنة ونشوف فيه إيه👌
لكن محتاجين نعرف الأول انت في أنهي منزلة أو أنهي درجة؛ لأن الجنة درجات، فبحسب أعمال العبد تكون درجته💁
قال تعالى:
"وَلِكُلٍّ دَرَجَاتٌ مِمَّا عَمِلُوا"《الأنعام آية(132)》

وكل درجة عالية بيكون النعيم فيها أحسن من النعيم إللي في الدرجة الأقل،
يعني مثلا الحور إللي فيها أجمل، والفُرُش أجمل، و العسل والخمر ألذ، والطعام أشهى، وهكذا..
زي كده لما تروح كذا مطعم بيقدموا نفس الوجبات لكن الطعم بيختلف من حيث الحلاوة والمكان والسعر وهكذا😅

وطبعا من عظيم عدل ربنا وجود درجات مختلفة في الجنة،
يعني مش منطق أبدا ولا من العدل إن ربنا يجعل أهل الجنة كلهم في نفس الدرجة وهم اجتهادهم في الطاعة في الدنيا و أعمالهم الصالحة مختلفة🤷
يعني إزاي يستوي مَن اجتهد واستقام مع شخص قصّر وفرط وعصى حتى لو في النهاية دخل الجنة بعفو الله، أو خرج من النار من عصاة الموحدين، ودخل الجنة؟!
مستحيل يتساووا أبدا 👌

☆ممكن تقول، طب ما كده المؤمنين لما يشوفوا درجات بعض المختلفة هيحزنوا😥

لأ، هي الجنة مفيهاش لا ألم ولا حُزن ولا أي شيء من الكلام ده،
فكلُّ واحد فيهم؛ ربنا رزقه الرضا بحاله، ومبيجيش في باله أصلا إن في حد أحسن منه،
تخيل إن آخر واحد هيخرج من النار وقبل حتى ما يدخل الجنة هيقول إن ربنا أعطى له حاجة لم يعطها أحد من العالمين لمجرد إنه أخرجه من النار😅
فما بالك باللي في الجنة هيبقى شايف النعيم إزاي💁
أيوة احنا في الدنيا ممكن نحس بالتفاضل ده،
وده من حكمة ربنا عشان نسعى للدرجة الأعلى، لكن الجنة خلاص، مفيش الكلام ده، هي دار الجزاء فكل واحد راضي ومبسوط بمكافئته👌

¤ممكن تقول لي طب حديث رسول الله ﷺ إللي بيقول فيه:
"لَيْسَ يتحسر أهل الْجنَّة إِلَّا على سَاعَة مرت بهم لم يذكرُوا الله تَعَالَى فِيهَا"
أهه رسول الله ﷺ قال إن أهل الجنة هيتحسروا😑
—أولا الحديث ضعيف.
—ثانيا حتى لو كان صحيح فمعناه إن الناس إللي هيدخلوا الجنة لما يكونوا واقفين للحساب وتُعرض عليهم أعمالهم في الدنيا ويشوفوا أد إيه هم ضيعوا أجور عظيمة؛ ساعتها هيتحسروا أو يندموا على الأوقات إللي ضيعوها بدون ذكر لله👌
لكن مش إنهم هيتحسروا وهم داخل الجنة😅

نرجع لدرجات الجنة،
عدد درجات الجنة غير معروف هي كم درجة تحديدا لكن رسول الله ﷺ قال في حديث في صحيح البخاري إنها جنان كثيرة يعني درجات كثيرة،
وبعض العلماء استنتج عدد الدرجات من حديث رسول الله ﷺ:
"يُقالُ لصاحِبِ القرآنِ اقرأ وارتَقِ ورتِّل كما كنتَ ترتِّلُ في الدُّنيا فإنَّ منزلَكَ عندَ آخرِ آيةٍ تقرؤُها"《صحيح أبي داود》
فيبقى عدد الدرجات بعدد الآيات، وعدد آيات القرآن ٦٢٣٦ آية،
فيبقى عدد درجات الجنة ٦٢٣٦ درجة والله أعلم 🤷
والمسافة بين كل درجة والتانية زي كده المسافة بين السماء والأرض، يعني مسافة ضخمة جدا😮

أعلى درجة في الجنة وإللي ممكن يدخلها العبد سواء كان من الأنبياء والمرسلين أو المؤمنين؛ هي درجة الفردوس، أو جنة الفردوس👌

وكلمة《الفردوس》نفسها هي اسم من أسماء الجنة بصفة عامة،
يعني الجنة إللي هيدخلها المؤمنون يوم القيامة لها أسماء زي ما هنشوف إن شاء الله بعدين، فمن الأسماء دي《الفردوس》💁
قال تعالى: "إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلاً"《الكهف آية(108)》

وكمان بيُطلق الاسم ده على أعلى درجة في الجنة، وهي سقفها عرش الرحمن، يعني انت عارف إن كل مكان له سقف، فحتى لو انت واقف على الأرض فالسقف بتاعك هو السماء، دي بقى السقف بتاعها عرش ربنا😮
والعرش هو أطهر وأشرف وأوسع المخلوقات وأعلاها قدرا،
وكل ما كان الشيء أقرب إلي العرش؛ كان أطهر وأشرف وأعلى قدرا من الأشياء البعيدة عنه،
عشان كده جنة الفردوس دي هي أعلى الجنان وأشرفها وأنورها وأعظمها،
ومن الدرجة دي تتفجر أنهار الجنة إللي اتكلمنا عنها قبل كده،
وفيها من النعيم الذي لا يوصف👌
يعني إذا كانت الجنة بصفة عامة فيها ما لا عين رأت ولا أذن سمعت ولا خطر على قلب بشر؛ فدرجة الفردوس الأعلى دي حاجة كده فوق الوصف😅
قال رسول الله ﷺ:
"إذا سَأَلْتُمُ اللَّهَ، فاسْأَلُوهُ الفِرْدَوْسَ، فإنَّه أوْسَطُ الجَنَّةِ وأَعْلَى الجَنَّةِ  فَوْقَهُ عَرْشُ الرَّحْمَنِ، ومِنْهُ تَفَجَّرُ أنْهارُ الجَنَّةِ"
《رواه البخاري ومسلم》

ملخص كتاب "أو كلما اشتهيت اشتريت؟"

يتناول الكتاب موضوع التحكم في الرغبات الاستهلاكية وكيفية بناء عادات مالية ذكية تساهم في تحسين إدارة الأموال والابتعاد عن الشراء العشوائي أو غير الضروري. يركز الكتاب على تقديم نصائح عملية للتخلص من العادات الاستهلاكية السيئة، وإليك بعض النصائح الرئيسية المستفادة من الكتاب:

▪️1. تحكم في رغباتك الاستهلاكية

- لا تدع الإعلانات والتسويق يدفعانك إلى شراء أشياء لا تحتاجها. بدلاً من ذلك، اسأل نفسك قبل كل عملية شراء: هل هذا الشيء ضروري بالفعل أم مجرد رغبة عابرة؟
- تجنب التسوق العاطفي الذي يعتمد على المزاج مثل الشراء عند الشعور بالتوتر أو السعادة.

2. ضع خطة مالية

- قم بكتابة ميزانية شهرية تتضمن دخلك ومصاريفك الأساسية (الطعام، السكن، المواصلات، إلخ). التزم بهذه الميزانية لتحافظ على استقرارك المالي.
- حدد مبلغًا معينًا للإنفاق على الأمور الترفيهية أو غير الأساسية، والتزم بهذا المبلغ دون تجاوزه.

▪️ 3. فكر في القيمة وليس السعر

- عند شراء أي منتج، ركز على القيمة التي سيقدمها لك على المدى الطويل وليس فقط السعر. من الأفضل الاستثمار في منتجات ذات جودة عالية تدوم طويلاً بدلًا من المنتجات الرخيصة التي تتلف بسرعة.

▪️4. تجنب الإغراءات التسويقية

- لا تقع في فخ العروض الترويجية مثل "اشترِ واحدًا واحصل على الآخر مجانًا" أو التخفيضات الكبرى التي قد تدفعك لشراء أشياء غير ضرورية.
- خذ وقتًا قبل اتخاذ قرار الشراء، وابتعد عن الشراء الفوري أو القرارات السريعة.

▪️5. قم بتأجيل الشراء

- حاول تأجيل قرار الشراء لمدة 24 ساعة أو أكثر قبل اتخاذ القرار النهائي. قد تجد بعد التفكير أنك لا تحتاج إلى هذا المنتج.
- هذا الأسلوب يساعد في تقليل الشراء العاطفي والاندفاعي.

▪️6. استثمر في تجارب حياتية وليس في الأشياء:

- بدلاً من إنفاق أموالك على شراء أشياء مادية، فكر في الاستثمار في تجارب حياتية مثل السفر أو التعلم، التي تضيف قيمة معنوية أكبر لحياتك.

▪️ 7. تعلم من أخطائك السابقة

- قم بمراجعة مشترياتك السابقة وتحديد الأشياء التي كنت قد اشتريتها ولم تكن بحاجة إليها. استخدم هذا التعلم لتفادي الوقوع في نفس الأخطاء مستقبلاً.

▪️ 8. تبسيط حياتك

- تجنب تكديس الأشياء التي لا تحتاج إليها، واعمل على تبسيط حياتك من خلال شراء ما هو ضروري فقط. ذلك لا يحسن وضعك المالي فحسب، بل يعزز من راحتك النفسية أيضًا.

▪️ 9. استمتع بما لديك

- ركز على الاستمتاع بما تملكه حاليًا بدلاً من السعي المستمر للحصول على أشياء جديدة. هذا سيساعدك في تقدير قيمة الأشياء وتقليل الرغبة في الشراء.

10. ممارسة الامتنان

- قدّر النعم الموجودة في حياتك وحاول أن تشعر بالامتنان بدلاً من الانغماس في التفكير في ما ينقصك، مما يحد من الدافع للشراء غير الضروري.

م ن ق و ل

الحلقة ٦٨ من سلسلة أحداث النهاية هتنزل غدًا ان شاء الله
الهمة الهمة في إنجاز ما فاتكم
قاربت السلسلة على الانتهاء 🫂

حارسات السنة ️🦋 pinned «هل قرأتم الحلقة ٦٧؟»

هذا الدرس زائد عن شرح اسم الله الوكيل
و ذكرت الأستاذة حفظها الله
حديث اقرأوا يس على موتاكم .
لكن هذا الحديث ضعيف فلننتبه🚫

نبدأ باسم الله #الوكيل_الكفيل 👆

شرح رائع ماتع للمعلمة أمنية بنت محمد

هيغسل قلبك من كل قلق و خوف
هيصلح نفسيتك ان شاءالله

معنا اسبوع كامل للسماع
من تستفد معلومة تكتبها في التعليقات تحت الدرس

ممنوع سماع الرجال هذه رغبة المعلمة ❌
#أسماء_الله_الحسنى

من النضج ألا تصدق كل ما يُقال من وعود و كلام معسول حتى ترى بعينك فالمواقف تثبت أو تنفي فلا تنخدع بمجرد الكلام فكثيرون يجيدونه و قلة من يفعلون !!

#سارة_العبسي

المفاجأة🙈🥰

بأجهز لكم مفاجأة جاهزين ؟؟

أظن مش هترحمه😀
وده مجرد حرامي صغير فما بالك بالحرامية الكبار إللي واكلين أموال الناس بالباطل ومعيشينهم في عذاب🙂
أظن انت لو اتمكنت من واحد فيهم هتطلع عليه القديم والجديد😅
فما بالك لو واحد قتل لك أبناءك أو أمك وأباك وأهلك وذبحهم كده قصاد عينك؟
ممكن تعمل فيه إيه؟!
أكيد كل ما جريمة الشخص تكون كبيرة هيكون شدة انتقامك منه أكبر💁
تعال بقى شوف الناس إللي قتلوا ملايين البشر، ونهبوا الأموال واغتصبوا النساء وعملوا كل ما تتخيله من جرائم،
كل دول جرائمهم هي أقل عند الله من الشرك،
يعني الشرك بالله هو أعظم الجرائم والذنوب مطلقا، فكان طبيعي إن عقوبة مَن كفر بالله تكون أعظم العقوبة، وهذا حق الله👌

◇تعال بقى شوف حقوق العباد،
هو إللي بيتعذب في الدنيا ده مش من حقه ياخد حقه ويشوف إللي عذبه بيتعذب هو كمان؟!
طب هو مش هيقدر ياخد حقه في الدنيا هيعمل إيه؟!
ربنا ياخد له حقه في الآخرة🙂
تخيل لما واحد يُقتل بمنشار كهربائي أو بحفّار يوضع في عموده الفقري ويُحفر فيه ويُقتل ودي حاجة أنا شفتها بعيني وكان منظر بشع ومؤلم جدا وكل ده لمجرد إنه مسلم،
والناس إللي قُتلت في محاكم التفتيش في الأندلس واتعرضوا لأبشع أنواع التعذيب والقتل عشان بيقولوا لا إله إلا الله،
والتتار إللي قتلوا مليون مسلم في يوم واحد فقط، وغيرهم وغيرهم، مآسي على مر التاريخ،
كل دول عايزين حقهم، لو مفيش نار في الآخرة، وخلاص يُهلك الكفار دول كده بدون عذاب؛ هيكون في ظلم للمؤمنين، وربنا لا يظلم مثقال ذرة👌
فمن نعيم أهل الجنة إنه هيشوفوا الناس إللي عذبتهم وهم بيتعذبوا في الآخرة، فهم يستاهلوا إللي يجرالهم، هم إللي جابوه لنفسهم،
ولولا الموت إللي ربنا كتبه عليهم في الدنيا كان زمانهم استمروا في القتل والتعذيب،
احنا دلوقتي بندعي على الظلمة والمفسدين عشان ربنا يخلصنا منهم ومستنيين موتهم بفارغ الصبر؛ لأنهم مستمرين في طغيانهم بدون أي رادع،
تخيل بقى لو واحد منهم فضل عايش على طول ولم يمت هيعمل إيه؟!
فمن حكمة الله البالغة أن يكون هناك عذاب لمثل هؤلاء الظالمين👌

◇والنقطة الآخيرة هي إن الإنسان محتاج ترغيب وترهيب، يعني محتاج حاجة تشجعه وحاجة تخوفه،
لو ذاكرت هتنجح، ولم مذاكرتش هتسقط، كذلك لو أطعت أمر ربنا هتدخل الجنة، ولو لم تطع هتدخل النار💁
ولما تشوف النار وإزاي ربنا نجاك منها؛ هتحس بنعمة ربنا عليك إنه لم يجعلك من أهلها وأدخلك الجنة برحمته👌

☆ممكن تقول طيب خلاص يعذبهم بقدر معين بحسب أفعالهم وخلاص يموتهم مش لازم يعني عذاب أبدي😥
الإجابة في الجزء الثاني من حلقة النهاردة  ...

♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊

◇مصادر حلقة النهاردة في التعليقات 👇

♡طبعا أي ملاحظة ياريت تقوليلي فالمؤمن مرآة أخيه❤

¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌

#Eman_Shalapy

يعني بيقول لهم:
اسكتوا وامكثوا فى النار صاغرين مُهانين أَذِلاء وَلاَ تُكَلِّمُونِ فى شأن خروجكم منها، أو فى شأن عودتكم إلى الدنيا،
يعني طلبهم مرفوض تماما👌
زي كده لما تقول لواحد بغضب: انت تخرس خالص ومتتكلمش في الموضوع ده تاني لأن مهما قلت مش هحقق لك إللي انت عايزه😠

وده أعظم قول على الإطلاق يسمعه أهل النار في تخييب الآمال والتوبيخ، والذل، والتأييس من كل خير، والبشرى بكل شر يسمعه،
فهذا الكلام والغضب من الرب الرحيم هو أشد عليهم وأبلغ في نكايتهم من عذاب الجحيم👌

وبعدين بقى يقول لهم عن السبب إللي خلاهم يوصلوا للي هم فيه ده وهو إن كان فى الدنيا فريق كبير من عبادي المؤمنين يقولون بإخلاص ورجاء:
يارب آمَنَّا بك واتبعنا رسلك فاغفر لَنَا ذنوبنا وارحمنا برحمتك التى وسعت كل شىء وَأَنتَ خَيْرُ الراحمين🤲

فانتم بقى عملتوا إيه بعد ما سمعتوا كلامهم؟
بدل ما تتعظوا وتتفكروا وتعملوا زيهم؛ قعدتوا تسخروا منهم وتضحكوا عليهم وتستهزأوا بيهم وتتغامزوا لما تشوفوهم وبقت دي شغلتكم لحد ما نسيتم  ذكر ربكم إللي المفروض كنتم تتفكروا في آياته،
فالنعيم إللي هم فازوا بيه دلوقتي كان بسبب صبرهم على طاعتي وصبرهم على أذاكم وسخريتكم منهم👌

☆وعلى فكرة دي عادة كل إنسان فاشل في شيء مش قادر يعمله لما يشوف الناجحين فيه🙂
يعني ساعات تلاقي واحد متمسك بأخلاق معينة أو بطاعات معينة أو ربنا هداه لطريق الاستقامة، فييجي واحد مش زيه ولا عنده نفس أهدافه ولا عارف يعمل زيه فيقعد يسخر منه ويحاول إنه يجره للغلط، طب ليه؟
لأنه حاسس بالنقص إنه مش قادر يعمل الحاجة دي، فعايز الناس كلها تبقى زيه فميحسش بتأنيب الضمير👌
فلما تلاقي واحد بيسخر من صلاتك، أو بيسخر من استقامتك على الدين أو بيسخر من أي شيء صح بتعمله؛ اعرف إنه حاسس بنقص وإنه مش قادر يعمل زيك فبيهاجمك،
ودي حاجة تخليك تثبت أكثر على طريقك وإنك تزيد في طاعاتك، وربنا هيدافع عنك يوم القيامة أمام أهل النار وهيجازيك بإنك تفوز بجنة عرضها السماوات والأرض👌

بعد ما أهل النار يسمعوا الكلام ده من ربنا؛ ينقطع عنهم كل أمل في الخروج من النار، ولا يتكلموا بعدها بكلمة واحدة، ولا يُسمع لهم إلا الزفير والشهيق في نار جهنم، وده يشمل الجن والإنس👌

☆وطبعا الحوارات دي كلها هتحصل على مدار سنين طويلة،
يعني علماء التفسير، فيهم إللي قال إن مالك بيرد على أهل النار بعدها بألف سنة،
وفيهم إللي قال إن ربنا هيرد على أهل النار بعد ما يمر زمن ما يساوي عمر الدنيا مرتين، يعني أزمان رهيبة بتمر عليهم في العذاب، وده أصلا لوحده عذاب،
يعني لما تدعي بيكون عندك أمل إن دعاءك ممكن يتحقق فتفضل قاعد مستني هيحصل معاك إيه، وتحاول تصبر على إللي انت فيه لعل الفرج يأتي لك في يوم من الأيام،
فده إللي أهل النار هيعملوه، هيفضلوا صابرين صابرين زي ما أهل الإيمان صبروا في الدنيا لعل ده يكون سبب في خروجهم،
لكن في النهاية هيتبين لهم إنهم مهما عملوا مش هيخرجوا منها وهيقولوا:
"سَوَآءٌ عَلَيْنَآ أَجَزِعْنَآ أَمْ صَبَرْنَا مَا لَنَا مِن مَّحِيصٍۢ"
《إبراهيم آية(21)》
يعني لو صبرنا أو بكينا وتضرعنا فمفيش مهرب من عذاب الله،
وشوف بقى قمة الحسرة لما أهل الجنة ينادوا عليهم ويسخروا منهم ويقولوا:
يا أهل النار😀
احنا تحقق لنا وعد ربنا، وكافئنا بجنات عرضها السماوات والأرض،
فيا ترى بقى انتم كمان اتحقق لكم ما وعدكم ربكم من العقاب وسوء المصير؟🙂
فيرد أهل النار بكل حسرة وخزي وألم ويقولوا:
نعم، تحقق وعيد الله لنا😔
"وَنَادَىٰ أَصْحَابُ الْجَنَّةِ أَصْحَابَ النَّارِ أَن قَدْ وَجَدْنَا مَا وَعَدَنَا رَبُّنَا حَقًّا فَهَلْ وَجَدتُّم مَّا وَعَدَ رَبُّكُمْ حَقًّا ۖ قَالُوا نَعَمْ"
《الأعراف آية(44)》

فهنا يقوم مؤذن ويأذن بين الجنة والنار وينادي بصوت يسمعه الطرفين ويقول:
"أَن لَّعْنَةُ اللَّهِ عَلَى الظَّالِمِينَ"《الأعراف آية(44)》

يعني أهل الجنّة كان مقصدهم من سؤال أهل النّار هو إظهار غلطهم وفساد معتقدهم وضلالهم،
فقام المؤذن ده عشان يؤكد مقصد أهل الجنة و أنّ أهل النّار مُبعَدون عن رحمة الله، عشان يكون زيادة في التّأييس لهم من رحمة الله👌

¤ممكن تقول طب هو ليه ربنا يعذبهم كده، هو مش كان ممكن ينعّم الطائعين ويهلك الكفار وخلاص😥

◇تخيل معايا كده نفسك وانت راجع آخر اليوم و قابض المرتب بتاعك بعد عناء شغل شهر كامل ومع غلاء الأسعار وعمال تفكر هتدفع إيه للمية والكهرباء، ومصاريف المدارس وأكل البيت و...و ...
وفجأة يطلع عليك واحد حرامي يسرق منك الفلوس دي إللي معندكش غيرها،
إحساسك في اللحظة دي هيبقى عامل إزاي؟
طب لو مسكت الحرامي ده واتمكنت منه هتعمل فيه إيه؟

وهم قالوا(ربكم) من باب إن الملائكة أقرب إليهم من الله فبالتالي هيستجيب دعاءهم، فرد عليهم خزنة جهنم وقالوا لهم:
هو مش انتم جاءتكم رسلكم بالحجج الواضحة من الله فكذبتموهم؟!🙄
وسؤال الملائكة هنا مش للاستفهام فمستنيين منهم إجابة؛ لأ ده  سؤال للتوبيخ والتأنيب،
فأهل النار هيقولوا أيوة جاؤونا بالبينات ولكننا كذبناهم😥
فيقول لهم الخزنة:
ما دام الموضوع زي ما بتقولوا من أن الرسل قد نصحوكم ولكنكم أعرضتم عنهم؛ فادعوا انتم بقى، احنا ملناش دعوة مش هندعي لكم🤷
يعني زي ما انتم كنتم مسؤولين عن قرار الإعراض عن الرسل استبداداً بآرائكم؛ فتحملوا مسؤولية أنفسكم دلوقتي برده وانتم إللي تدعوا لها،
وكده كده الدعاء بتاعكم ملوش فايدة ولا هينفعكم بشيء لأنكم كافرين👌
قال تعالى:
"قَالُوٓاْ أَوَلَمْ تَكُ تَأْتِيكُمْ رُسُلُكُم بِٱلْبَيِّنَٰتِ قَالُواْ بَلَىٰ ۚ قَالُواْ فَٱدْعُواْ وَمَا دُعَاءُ الْكَافِرِينَ إِلَّا فِي ضَلَالٍ"《غافر آية(50)》

فكده مفيش قصادهم غير دعاء ربنا فعلا، فهيصرخوا ويصيحوا  ويستغيثوا ويقولوا:
"رَبَّنَا أَخْرِجْنَا نَعْمَلْ صَالِحًا غَيْرَ الَّذِي كُنَّا نَعْمَلُ"
《فاطر آية(37)》
يعني يارب أخرجنا من النار واحنا هنعمل أعمال تانية صالحة بدل أعمال الكفر إللي عملناها😩

فهنا يقول لهم الله عز وجل:
"أَوَلَمْ نُعَمِّرْكُم مَّا يَتَذَكَّرُ فِيهِ مَن تَذَكَّرَ وَجَاءَكُمُ النَّذِيرُ ۖ فَذُوقُوا فَمَا لِلظَّالِمِينَ مِن نَّصِيرٍ"《فاطر آية(37)》
يعني مش أنا أعطيتكم مهلة فى الحياة الدنيا، وأعطيتكم العمر والوقت إللي كنتم تقدروا فيه تتذكروا وتعتبروا وتتبعوا طريق الحق،
وكمان أرسلت لكم نذير عشان ينبهكم ويحذركم من سوء عاقبة إصراركم على كفركم، ولكنكم كذبتموه وأعرضتم عن دعوته👌

ويقول لهم سبحانه على سبيل التوبيخ:
"أَلَمْ تَكُنْ آيَاتِي تُتْلَىٰ عَلَيْكُمْ فَكُنتُم بِهَا تُكَذِّبُونَ"
《المؤمنون آية(105)》
يعني هي مش آياتي الدالة على وحدانيتي وقدرتي كانت بتتعرض عليكم على لسان رسلي وكنتم بتشوفوا آياتي الكونية المختلفة فكنتم بتكذبوا بيها وتعرضوا عنها؟!

فهنا هيتوجهوا لربنا الرحيم بالاعتذار لعله يرحمهم ويقولوا له:
"رَبَّنَآ أَخِّرْنَآ إلى أَجَلٍ قَرِيبٍ نُّجِبْ دَعْوَتَكَ وَنَتَّبِعِ الرسل"
《سورة إبراهيم آية(44)》
يعني يارب أعدنا إلى الحياة مرة تانية، وأخّر أعمارنا وحسابنا إلى وقت قريب، حتى نستطيع فيه أن نستجيب لدعوتك التى تأمرنا بإخلاص العبادة لك، وأن نتبع رسلك فى كل ما أمرونا به ونتدارك ما فرطنا فيه من أعمال الدنيا😩

فيرد عليهم ربنا ويقول لهم:
"أَوَلَمْ تَكُونُوٓاْ أَقْسَمْتُم مِّن قَبْلُ مَا لَكُم مِّن زَوَالٍۢ ۩
وَسَكَنتُمْ فِى مَسَٰكِنِ ٱلَّذِينَ ظَلَمُوٓاْ أَنفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ ٱلْأَمْثَالَ"《سورة إبراهيم آية(44-45)》

يعني هو مش انتم كنتم بتحلفوا بالأيمان المُغلظة فى الدنيا بأنكم بعد ما تموتوا هتفضلوا فى قبوركم لحد ما أجسادكم تَبلى ومفيش حاجة اسمها بعث ولا حساب، ولا ثواب ولا عقاب؟!
مع إنكم ذهبتم إلى أماكن الظالمين إللي كانوا موجودين قبلكم وشوفتم أنا عملت فيهم إيه وأهلكتهم إزاي، وضربت لكم أمثلة على كده زي عاد وثمود،
فكان المفروض تعتبروا وتتعظوا لكنكم كنتم فاسقين مجرمين، فاليوم ذوقوا بقى العذاب إللي كنتم بتكذبوا بيه هسيبكم تتعذبوا فيه على كفركم وضلالكم للأبد👌
"فَذُوقُوا بِمَا نَسِيتُمْ لِقَاءَ يَوْمِكُمْ هَذَا إِنَّا نَسِينَاكُمْ《يعني تركناكم》 وَذُوقُوا عَذَابَ الْخُلْدِ بِمَا كُنْتُمْ تَعْمَلُونَ"
《سورة السجدا آية(14)》

فيرد أهل النار ويقولوا لربنا في محاولتهم الأخيرة للنجاة:
يارب احنا اتغلّبت علينا لذاتنا وأهواؤنا واحنا كنا غلطانين في إللي عملناه وانت كنت كتبت علينا الشقاء😣
يارب طلعنا من النار ورجّعنا إلى الدنيا، ولو عدنا إلى الضلال مرة تانية فاحنا هنكون ظالمين نستحق عقاب أكبر من إللي احنا فيه ده😖
"قَالُوا رَبَّنَا غَلَبَتْ عَلَيْنَا شِقْوَتُنَا وَكُنَّا قَوْمًا ضَآلِّينَ ۩ رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ"
《سورة المؤمنون آية(106-107)》

☆وطبعا هم كذابين، هم لو رجعوا للدنيا هيعيشوا في نفس الضلال بتاعهم😑
وربنا مكتبش عليهم الشقاء ولا حاجة، ربنا كتب فقط اختيارهم للضلال👌

فربنا بقى يرد عليهم رد نهائي يخرسهم خالص ويقول لهم:
"ٱخْسَـُٔواْ فِيهَا وَلَا تُكَلِّمُونِ۩
إِنَّهُۥ كَانَ فَرِيقٌ مِّنْ عِبَادِى يَقُولُونَ رَبَّنَآ ءَامَنَّا فَٱغْفِرْ لَنَا وَٱرْحَمْنَا وَأَنتَ خَيْرُ ٱلرَّٰحِمِينَ۩
فَٱتَّخَذْتُمُوهُمْ سِخْرِيًّا حَتَّىٰٓ أَنسَوْكُمْ ذِكْرِى وَكُنتُم مِّنْهُمْ تَضْحَكُونَ۩
إِنِّى جَزَيْتُهُمُ ٱلْيَوْمَ بِمَا صَبَرُوٓاْ أَنَّهُمْ هُمُ ٱلْفَآئِزُونَ"
《سورة المؤمنون آية(108-111)》

♤ملحوظة قبل القراءة:
حلقة النهاردة كانت طويلة جدا فأنا قسمتها على جزئين هنزلهم ورا بعض في حلقتين منفصلتين،
ومكنش ينفع أنزل الجزء التاني في يوم منفصل لوحده لأن كل الكلام مرتبط ببعضه مينفعش يتجزأ فمعلش اعذروني،
ده الجزء الأول من حلقة النهاردة 👇 والجزء التاني هتلاقوا الرابط بتاعه في نهاية الجزء👇

#قصة_نهاية_البداية_إيمان_شلبي
#الدار_الآخرة_بالعامية
#الحلقة_السادسة_والستون
#المرحلة_الثالثة_اليوم_الآخر
#وصف_الجنة_والنار_الجزء_العاشر
#خلود_الكفار_في_النار

اتكلمنا المرة إللي فاتت عن مساكن أهل النار وقلنا إنهم هيكون محبوسين في توابيت من نار، وقلنا إنهم هيكونوا مُغلّفين بالعذاب يوم القيامة في النار،
وفي أنواع تانية من العذاب أشكال وألوان،
زي مثلا تعذيبهم بالثعابين والعقارب والعياذ بالله، يعني كل واحد هيتعذب بيهم بحسب كُفره وصده عن سبيل الله👌
قال تعالى:
"الَّذِينَ كَفَرُوا وَصَدُّوا عَنْ سَبِيلِ اللَّهِ زِدْنَاهُمْ عَذَابًا فَوْقَ الْعَذَابِ بِمَا كَانُوا يُفْسِدُونَ"《سورة النحل آية (88)》

قال عبد الله بن مسعود رضي الله عنه إن العذاب الزيادة المذكور في الآية ده هو عقارب عندها أنياب طويلة زي النخل الطويل تلسع الواحد منهم لسعة يقعد يتألم منها أربعين سنة👌
قال رسول الله ﷺ:
"إِنَّ فِي النَّارِ حَيَّاتٍ كَأَمْثَالِ أَعْنَاقِ الْبُخْتِ، تَلْسَعُ إِحْدَاهُنَّ اللَّسْعَةَ فَيَجِدُ حَمْوَتَهَا أَرْبَعِينَ خَرِيفًا،
وَإِنَّ فِي النَّارِ عَقَارِبَ كَأَمْثَالِ الْبِغَالِ الْمُوكَفَةِ، تَلْسَعُ إِحْدَاهُنَّ اللَّسْعَةَ، فَيَجِدُ حَمْوَتَهَا أَرْبَعِينَ سَنَةً"
《حسنه الألباني في صحيح الترغيب والترهيب》
يعني ثعابين بحجم الجِمال طويلة العنق وعقارب في حجم البغال، لما تلسع الواحد فيهم لسعة يفضل حاسس بألمها أربعين سنة👌

وزي ما شوفنا قبل كده إزاي إنهم بيتعذبوا بحَرِّ النار والحميم؛
كذلك هيتعذبوا بالزَمْهَرِير، وهو شدة البرد🥶
قال ابن عباس رضي الله عنه:
"يستغيثُ أهلُ النارِ من الحَرّ فيُغاثون بريح باردةٍ يُصَدعُّ العِظامَ بَرْدُها، فيسألون الحَرَّ"《تفسير ابن رجب الحنبلي》
يعني من شدة الحر إللي هم فيه؛ هيستغيثوا أن يأتيهم البرد، فيُرسَل عليهم رياح شديدة البرودة لدرجة إن عظامهم هتتشقق وتتكسر، فيقوموا يطلبوا الحر تاني وهكذا.

☆سبحان الله الموقف ده مثل الناس في الدنيا، يكونوا في الصيف فلما يشتد عليهم الحر يقعدوا يقولوا فين الشتاء وامتى هييجي واحنا اشتقنا له،
ولما ييجي الشتاء ويُعاينوا شدة البرد يتمنوا الصيف ييجي،
فأهل النار برده هيكونوا كده ربنا يعافينا😓

والموضوع مش هيتوقف على العذاب الجسدي فقط، ده حتى العذاب النفسي مستمر ولا ينقطع،
يعني في وسط العذاب الجسدي ده؛ الكفار هيتسألوا سؤال توبيخ وسخرية ويُقال لهم:
"أَيْنَ مَا كُنتُمْ تُشْرِكُونَ مِنْ دُونِ اللَّهِ"
《سورة غافر آية(73)》
يعني هي فين بقى الآلهة إللي كنتم بتعبدوها من دون الله تيجي تخلصكم من العذاب إللي انتم فيه ده😏
يلا ادعوهم كده وشوفوا هينفعوكم ولّا لأ😏
فيرد الكفار ويقولوا:
"ضَلُّواْ عَنَّا بَل لَّمْ نَكُن نَّدْعُواْ مِن قَبْلُ شَيْـًٔا"😖
《سورة غافر آية(74)》
يعني بيقولوا إن الآلهة بتاعتهم ضاعت وغابوا عنهم فلا نعرف لهم طريق، ولا يعرفون لنا طريق،
وبعدين غيروا كلامهم وقالوا ده احنا مكناش بنعبد في الدنيا حاجة تقدر تساعدنا في إللي احنا فيه ده، عبادتنا للآلهة دي كانت أوهام وضلال😞
فهم هنا بيقروا ببطلان الآلهة إللي كانوا بيعبدوها وإن ربنا ليس له شريك في الحقيقة، ولكن هم إللي كانوا ضالين مخطئين بعبادة آلهة لا تملك لهم أي شيء👌
لكن طبعا معذرتهم وإقرارهم ببطلان آلهتهم لا ينفعهم في الآخرة بشيء🤷
كل شيء انتهى، لو كانوا أقروا بده في الدنيا وآمنوا بالله كان الوضع اختلف تماما، ولكن الظالمين بآيات الله يجحدون، يعني عارفين الحق ومتأكدين منه لكنهم بينكروه👌

وهيفضلوا يتعذبوا كده بدون أي انقطاع ولا راحة فينادوا على مالك خازن النار ويقولوا له:
"يَا مَالِكُ لِيَقْضِ عَلَيْنَا رَبُّكَ"《الزخرف آية(77)》
يعني خليه يموّتنا ونستريح من الغم الشديد، والعذاب الغليظ إللي احنا فيه ده😖

فيرد عليهم مالك بعد زمن طويل يقال أربعين سنة أو ألف سنة ويقول لهم: "إِنَّكُم مَّٰكِثُونَ"《الزخرف آية(77)》
يعني انتم مقيمون في النار مش هتخرجوا منها أبدا، فيزيد غمهم وألمهم،
ويستمر العذاب عليهم أشكال وألوان، فمن شدة اليأس إللي هم فيه هيقولوا لخزنة جهنم:
"ٱدْعُواْ رَبَّكُمْ يُخَفِّفْ عَنَّا يَوْمًا مِّنَ ٱلْعَذَابِ"
《غافر آية(49)》
يعني ادعوا ربكم إنه يخفف عنا يوما واحدا بس من الأيام الكثيرة إللي بينزل علينا العذاب فيها بدون انقطاع عشان نرتاح شوية وناخد نَفَسْنا😖

*السلام عليكم ورحمة الله وبركاته*
           
    *مشروع (ورتل القرآن ترتيلا)*
            النور المبين

     *📚قسم السنة المطهرة*

*📚 يسر القسم أن يعلن عن فتح باب القبول في دورته الجديدة*

*📜دورة( وَأَقِيمُوا الصَّلاةَ )*
     *صلاتـي قـرة عـيني*

*الصلاة عماد الدين والركن الثاني من الإسلام وأول ما يحاسب عليه العبد يوم القيامة*
*وهي الصلة بين العبد وربه... من تركها فقد قطع الصلة بينه وبين خالقه*
*إذا صلحت صلح العمل كله وإذا فسدت فسد العمل كله*

*🕌 واستكمالا لدورة صفة صلاة النبي صلى الله عليه وسلم*

*نعلن عن دورتنا الجديدة ( وَأَقِيمُوا الصَّلاةَ )*
*دراسة أربعون حديث في تعظيم قدر الصلاة وأهميتها*

*📝نظام الدورة*

▪️ حفظ حديث يوميا بمعدل خمس أدعية أسبوعيا
▪️اختبارات دورية شفوية و إلكترونية
▪️متابعة يومية
▪️مدة الدورة شهرين ونصف

*📌شروط الدورة*

▪️الالتزام بالحفظ اليومي للأحاديث ودخول الاختبارات الدورية والمتابعة اليومية
وسيتم تقييم الطالبات خلال الدورة وحذف غير الملتزمات بالحفظ والاختبارات

▪️الزامي وجود التليجرام لأن دروس الدورة ستكون عليه

🔴درجة النجاح في الدورة ٧٠٪

*للجادات فقط... التسجيل في الاستمارة 🔰

https://docs.google.com/forms/d/e/1FAIpQLSfVHPdLOb61HClkdXob8wWyOWEPanhN1fKF4GO4-sdM3ypCwg/viewform?usp=sf_link


📆 تبدأ الدورة يوم السبت ١٦ نوفمبر بإذن الله
        ١٤ جمادى الأول

⌛️وينتهي التسجيل عند اكتمال العدد

*العدد محدود*

🌸 *الدورةللنساء فقط* 🌸

*📜مشـروع النـور المـبين*
مشروع نسائي - مجاني


▫️قناة الدورات لمشروع النور المبين

📎https://t.me/dwaratwartel

▫️صفحة مشروع النور المبين

📎.https://www.facebook.com/profile.php?id=100095525915213&mibextid=ZbWKwL

حارسات السنة ️🦋 pinned «هل قرأتم الحلقة ٦٥؟»

قال أحد السلف:

" كُنَّا نُصبِحُ فَنَجِدُ مَا سَجَدنَا لِأَجلِهِ فِي اللَّيلِ "

• قِيَامُ اللَّيْلِ زَادُكَ أيُّهَا المُؤمِن

ليلة الجمعة صلوا على النبي صلى الله عليه وسلم و أكثروا ❤

اسم الله اللطيف
شرح أ أمنية بنت محمد 👆

ممنوع سماع الرجال ❌❌❌

🌷 *اسم الله اللطيف واثره على الصحة النفسية*🍀

     📚 *من كتاب ولله الاسماء الحسنى للشيخ ناصر الجليل*

🌷علاج المخاوف المستقبلية

🌷فتنة الزوجة بالازمات النفسية في شكلها امام زوجها

🌷اغلب النساء تقول لماذا حظي قليل؟ لماذا انا حالي هكذا

🌷الازمة النفسية بأنها تستحق اكثر من ذلك بكثير

🍀اقتران اسم الله اللطيف باسمه الخبير

🌷كيف يلطف الله بي في الشدائد

..... ربي يعلم دقائق امورك كلها

🌷القلق ليس شعور طبيعي

..... لطيف في هدايته

🌷الابتلائات الباطنه من الخواطر والخوف والحزن والاكتئاب

رأيت أقوامًا من المنتسبين إلى العلم، أهملوا نظر الحق عز وجل إليهم في الخلوات، فمحا محاسن ذكرهم في الجلوات، فكانوا موجودين كالمعدومين، لا حلاوة لرؤيتهم، ولا قلب يحن إلى لقائهم.

فَاللهَ اللهَ في مراقبة الحق عز وجل.
فإن ميزان عدله تبين فيه الذرة، وجزاؤه مرصد للمخطئ، ولو بعد حين.
وربما ظن أنه العفو، وإنما هو إمهال، وللذنوب عواقب سيئة.

فَاللهَ اللهَ! الخلوات.. الخلوات.
البواطن البواطن
النيات النيات.
فإن عليكم من الله عينًا ناظرةً.

وإياكم والاغترار بحلمه وكرمه، فكم قد استدرج!
وكونوا على مراقبة الخطايا، مجتهدين في محوها!

وما شيء ينفع كالتضرع مع الحمية عن الخطايا، فلعله..

وهذا فصل إذا تأمله المعامل لله تعالى نفعه.

ابن الجوزي | صيد الخاطر

أهل النار ليس لهم مساكن زي أهل الجنة،
لكن لهم توابيت من نار، وملابس وفراش من نار👌
قال عبد الله بن مسعود رضي الله عنه:
"إذا أُلقيَ في النارِ مَن يَخلُد فيها، جُعِلُوا في توابيت من نار، ثم جُعِلَت تلك التوابيت في توابيت أخرى،
ثم جعلت تلك التوابيت في توابيت أخرى، فيها مسامير من نار، فلا يَرى أحد منهم أن في النار أحدًا يُعذّب غيره"
《تفسير: ابن كثير-الطبري-البغوي》

يعني عبد الله بن مسعود بيقول إن الناس إللي هيكونوا خالدين في النار سواء كانوا كفار أو منافقين هيُوضعوا في توابيت من نار، والتابوت هو عبارة عن صندوق بيوضع فيه الميت زي كده👈⚰
فالخالد في جهنم هيتحط في تابوت من نار،
والتابوت ده هيتحط داخل تابوت تاني من نار برده، والتابوت ده كمان هيتحط داخل تابوت ثالث من نار فيه مسامير من نار،
يعني قمة الانعزال والضيق الشديد، زي كده لو واحد اتحبس حبس انفرادي في سجن ضيق على قدر جسده،
لكن طبعا مفيش مقارنة بين الاتنين، والمُعذَّب ده هيبقى شايف إن مفيش حد بيتعذب في النار غيره👌
قال تعالى:
"لَهُمْ فِيهَا زَفِيرٌ وَهُمْ فِيهَا لَا يَسْمَعُونَ"《سورة الأنبياء آية( 100)》

فهم مش هيبقوا سامعين غير صوت جهنم لشدة غليانها، واشتداد زفيرها وتغيّظها.

وهيكون لهم ثياب من نار، يعني تُقطع لهم في الآخرة ثياب من نار على قدر أجسامهم، ولما تكون الثياب من النار هتكون ثياب مُحرِقة للجلود،
وكذلك الفرش بتاعهم وإللي هيتغطوا بيه من النار،
قال تعالى: "لَهُم مِّن جَهَنَّمَ مِهَادٌ وَمِن فَوْقِهِمْ غَوَاشٍ"
《سورة الأعراف آية(41)》

تخيل كده انت لما تكون عايز ترتاح بتبحث عن فرش مريح تقعد عليه أو تنام عليه،
دول بقى مُحاطين بالنار من كل ناحية، ثياب على جلودهم من نار، ومن تحتهم نار ومن فوقهم نار،
تخيل إن الواحد لما يكون حاسس بالحر بيبحث عن ظل يحميه من حر الشمس، دول بقى الظل بتاعهم هيكون عبارة عن طبقات من النار من فوق ومن تحت، قال تعالى:
"لَهُم مِّن فَوْقِهِمْ ظُلَلٌ مِّنَ النَّارِ وَمِن تَحْتِهِمْ ظُلَلٌ"
《سورة الزمر آية(16)》

وقال: "يَوْمَ يَغْشَاهُمُ الْعَذَابُ مِن فَوْقِهِمْ وَمِن تَحْتِ أَرْجُلِهِمْ"
《سورة العنكبوت آية(55)》

انت تقدر تقول إن الكافر هيكون مُغلّف بالعذاب يوم القيامة في النار، فيجتمع عليه الضيق الشديد، سواء الضيق الباطن أو الظاهر؛
فقلبه ونفسه تضيق، وكذلك المكان ضيق عليه،
فيصيبه من الهم والغم والحسرة في العذاب ما لا يوصف،
تخيل كده حر وحميم وسلاسل وأصفاد، وظُلمة، وسواد، وضرب بالمقامع😣

ده الواحد فينا في الدنيا بيعمل ألف حساب إنه ميعملش حاجة تخليه يدخل السجن في الدنيا،
يعني تخيل إن في ناس ممكن تبيع دينها وتتنازل عنه في مقابل إنها متدخلش السجن أو حتى متكونش معرّضة لدخول سجن من سجون الدنيا😓
طيب مش الأَوْلى إننا نعمل حسابنا وناخد احتياطنا إننا لا ندخل سجون جهنم؟!
هل أحد فينا قادر إنه يتحمل سجنها المظلم؟!
أو إنه يتحمل حرها ولهيبها وثقل الأغلال وضيق المكان فيها؟!

الصبر على الطاعة والصبر عن المعصية أيسر وأسهل من الصبر على النار👌
نجانا الله وإياكم من النار🤲

ومع العذاب ده في أشكال وألوان العذاب الأخرى هنعرفها المرة الجاية إن شاء الله 👌

♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊

◇مصادر حلقة النهاردة في التعليقات 👇

♡طبعا أي ملاحظة ياريت تقوليلي فالمؤمن مرآة أخيه❤

¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌

#Eman_Shalapy

☆وفي آخر سورة الفرقان ربنا وصف العباد إللي هيجازيهم بالغرف دي ب12 صفة هي:
التواضع، والحِلم، والتهجد، والخوف، وترك الإسراف والإقتار(البخل)، والبعد عن الشرك، واجتناب القتل، والنزاهة عن الزّنى، والتوبة، وتجنب الكذب، وقبول المواعظ، والابتهال إلى الله تعالى.
قال تعالى:
"أُولَئِكَ يُجْزَوْنَ الْغُرْفَةَ بِمَا صَبَرُوا وَيُلَقَّوْنَ فِيهَا تَحِيَّةً وَسَلَامًا"
《الفرقان(75)》

¤ولو عايز يكون عندك بيت في الجنة فاعمل بحديث رسول الله ﷺ إللي قال فيه:
"مَن ثابرَ على ثنتي عشرةَ رَكعةً منَ السُّنَّةِ بنى اللَّهُ لَهُ بيتًا في الجنَّةِ أربعِ رَكعاتٍ قبلَ الظُّهرِ ورَكعتينِ بعدَها ورَكعتينِ بعدَ المغربِ ورَكعتينِ بعدَ العشاءِ ورَكعتينِ قبلَ الفجرِ"《صحيح الترمذي》
وفي رواية:
"مَا مِنْ عَبْدٍ مُسْلِمٍ يُصَلِّي لِلَّهِ كُلَّ يَوْمٍ ثِنْتَيْ عَشْرَةَ رَكْعَةً تَطَوُّعًا غَيْرَ فَرِيضَةٍ إِلَّا بَنَى اللَّهُ لَهُ بَيْتًا فِي الْجَنَّةِ أَوْ إِلَّا بُنِيَ لَهُ بَيْتٌ فِي الْجَنَّةِ"
《رواه مسلم》
يعني إللي يجاهَد نفْسَه ويحرَص ويداوَم ويواظَب على صلاة سنن الصلوات الخمس إللي مجموعهم 12 ركعة كل يوم؛ ربنا هيبني له بيت في الجنة👌

¤وإذا بنيت مسجد لله ولو في حجم عش الطائر؛ ربنا هيبني لك بيت في الجنة👌
قال رسول الله ﷺ:
" مَنْ بَنَى مَسْجِدًا لِلَّهِ كَمَفْحَصِ قَطَاةٍ، أوْ أَصْغَرَ، بَنَى اللَّهُ لَهُ بَيْتًا فِي الْجَنَّةِ"《صحيح ابن حِبّان》
يعني إللي يبني مسجد لله بحجم مَفْحَصِ قَطَاةٍ أو أصغر، الله يبني له بيت في الجنة،
ومَفْحَصِ قَطَاة معناه المكان إللي يبيض فيه طائر القَطَا داخل العش بتاعه، وانت عارف عش الطائر صغير أد إيه😅
والهدف من بناء المسجد هو إقامة الصلوات فيه،
فإزاي الواحد هيصلي في مكان صغير جدا بالحجم ده🙃
فالمقصود من الحديث هنا ضرب المثل،
يعني مهما كان حجم المسجد إللي هتبنيه لله؛ ربنا هيجازيك ويبني لك بيه بيت في الجنة، حتى لو ساهمت بمبلغ بسيط جدا في بناء مسجد👌

يعني الموضوع سهل أهه مفيش فيه أي صعوبة، يعني لا محتاج تسافر عشان تشتغل وتجيب مئات الألوف، ولا محتاج تاخد قرض عشان تبني لك شقة تتجوز فيها😀
لا لا خالص، الموضوع يسير جدا فبلاش تضيع فرصة زي دي👌

أما خيام الجنة فهي عبارة عن لؤلؤ مجوّف، يعني لؤلؤة مفرغة من الداخل واسعة جدا، وهي عرضها سِتُّون مِيلًا، ما يساوي تقريبا 96560 متر،
يعني مساحة قصر المؤمن في الجنة ما يساوي 9323 مليون متر مربع تقريبا👌
أكثر من تسعة آلاف مليون متر مربع😮
مساحة كبيرة جدا مش شقة بقى ٢٠٠ متر ولّا حتى ألف متر😅
والمتر في الجنة مش متر عادي زي بتاع الدنيا، لأ👌
ده أغلى من الدنيا وما فيها💁
قال رسول الله ﷺ:
"ومَوْضِعُ سَوْطِ أَحَدِكُمْ مِنَ الجَنَّةِ خَيْرٌ مِنَ الدُّنْيَا وما عَلَيْهَا"
《صحيح البخاري》
يعني تخيل كده عصاية رفيعة وقعت من إيدك على الأرض،
شوف المكان إللي هي موجودة فيه على الأرض ده وإللي عبارة عن كم سنتيمتر؛
أهه الحتة الصغيرة دي في الجنة أحسن من الدنيا باللي فيها، تخيل😶
وداخل الخيمة أو اللؤلؤة دي جنتين، يعني حديقتين، واحدة منهم من فضة وواحدة تانية من ذهب، يعني كل ما فيهما من آنية وأشجار وحوائط وغيرها إما من الذهب أو الفضة،
وفي كل ناحية من نواحي الخيمة يوجد زوجة للمؤمن، محدش فيهم شايف التاني، وده من اتساع الخيمة،
فهذه الزوجة لا ترى ماذا يصنع المؤمن مع زوجته الأخرى، وطبعا مفيش غيرة بقى والكلام ده👌
قال رسول الله ﷺ:
"إنَّ في الجَنَّةِ خَيْمَةً مِن لُؤْلُؤَةٍ مُجَوَّفَةٍ، عَرْضُها سِتُّونَ مِيلًا، في كُلِّ زاوِيَةٍ مِنْها أهْلٌ، ما يَرَوْنَ الآخَرِينَ،
يَطُوفُ عليهمُ المُؤْمِنُونَ، وجَنَّتانِ مِن فِضَّةٍ؛ آنِيَتُهُما وما فِيهِما، وجَنَّتانِ مِن كَذا؛ آنِيَتُهُما وما فِيهِما"
《صحيح البخاري》
هتدخل بقى بيتك إللي بنيته سواء كان بيت أو قصر أو غرفة عشان نشوف إيه إللي موجود داخله، لكن محتاجين نعرف الأول انت في أنهي درجة في الجنة😕
هل انت في الفردوس في أعلى الجنة، ولا في جنة عدن ولّا مع الشهداء ولّا فين بالضبط🤷

فاحنا للأسف هنضطر نسيب أهل الجنة يتفرجوا الأول على الأنهار والثمار والطيور والمساكن من برة ونروح نشوف إيه الوضع مع أهل النار وهل هم كمان عندهم مساكن ولّا لأ،
وبعدين نبقى نرجع تاني معاك لأهل الجنة ونشوف الدرجات ونشوف المساكن من الداخل عاملة إزاي ونظام الحياة إيه👌

أهل النار خلاص دخلوا النار والملائكة الغلاظ الشداد بيعذبوهم العذاب إللي اتكلمنا عليه قبل كده،
بالنسبة بقى لمساكن أهل النار فهم وضعهم مختلف شوية عن أهل الجنة، أو تقدر تقول وضعهم مختلف خالص😬

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الخامسة_والستون
#المرحلة_الثالثة_اليوم_الآخر
#وصف_الجنة_والنار_الجزء_التاسع
#مساكن_أهل_الجنة_ومساكن_أهل_النار

بعد ما شوفت أرض الجنة وزرعها وثمارها وطيورها وحيواناتها وشميت ريحتها وشوفت أنهارها؛
تروح بقى لبيتك إللي في الجنة وتشوف أنواع مساكن الجنة💁

هتمشي في الجنة فهتلاقي غُرف وقصور وبيوت وخيام،
لكن شكل مساكن الجنة دي لا يخطر ببال أحد، والوصف إللي هنقوله لا يَقرُب من الحقيقة إلا مجرد تخيّلات😅
والحاجة لما تسمع عنها وتتخيلها بتكون مختلفة خالص عن لما بتشوفها بعينك،
فمهما سمعت من أوصاف؛ فانت عقلك لا يستطيع أن يُدرك شكل الجنة على الحقيقة، لكن تؤمن بما جاء عن الله ورسوله ﷺ ويكون ده دافع لك للعمل للفوز بجنة عرضها السماوات والأرض👌

المباني في الجنة مش مبنية زي مباني الدنيا طوب أحمر وأسمنت و رمل، لأ 😅
ده البناء في الجنة من الذهب والفضة،
يعني طوبة من الذهب وطوبة من الفضة، أما مِلاطُها فهو المسك شديد الرائحة الطيبة، يعني المُونة أو المادة إللي بتكون بين الطوب عشان تمسكه ببعضه هو المسك الخالص من كل الشوائب👌
قال رسول الله ﷺ عن بناء الجنة:
"لبِنةٌ من فضَّةٍ ولبنةٌ من ذَهَبٍ، وملاطُها المسكُ الأذفرُ"
《صحيح الترمذي》

ومساكن الجنة أنواع زي ما قلنا، فيها غُرف وقصور وبيوت وخيام👌
فأما غرف الجنة فهي القصور الشاهقة العالية، وطبعا دي غير قصور الجنة التانية، يعني الغرف دي هي أفضل قصور الجنة وبتكون عالية مُعلّقة، وهي عبارة عن طبقات بعضها فوق بعض،
تجري الأنهار إللي اتكلمنا عليها المرة إللي فاتت من تحت القصور دي ومن تحت أشجارها، قال الله عز وجل:
"لَكِنِ الَّذِينَ اتَّقَوْا رَبَّهُمْ لَهُمْ غُرَفٌ مِّن فَوْقِهَا غُرَفٌ مَّبْنِيَّةٌ تَجْرِي مِن تَحْتِهَا الْأَنْهَارُ وَعْدَ اللَّهِ لَا يُخْلِفُ اللَّهُ الْمِيعَادَ"
《سورة الزمر آية(20)》

والغرف دي تكون لأصحاب الدرجات العالية👌
قال رسول الله ﷺ:
"إنَّ أهْلَ الجَنَّةِ يَتَرَاءَوْنَ أهْلَ الغُرَفِ مِن فَوْقِهِمْ،
كما يَتَرَاءَوْنَ الكَوْكَبَ الدُّرِّيَّ الغَابِرَ في الأُفُقِ، مِنَ المَشْرِقِ أوِ المَغْرِبِ؛ لِتَفَاضُلِ ما بيْنَهُمْ.
قالوا: يا رَسولَ اللَّهِ، تِلكَ مَنَازِلُ الأنْبِيَاءِ لا يَبْلُغُهَا غَيْرُهُمْ؟
قالَ: بَلَى، والذي نَفْسِي بيَدِهِ، رِجَالٌ آمَنُوا باللَّهِ وصَدَّقُوا المُرْسَلِينَ."
《صحيح البخاري》

يعني إللي درجاتهم في الجنة أقل؛ هيشوفوا أهْلِ الغُرَفِ والدَّرجاتِ العُليا فَوقَهم زي ما بنشوف النجوم البعيدة في السماء كأنها نقطة وممكن يكون النجم ده أكبر من كوكبنا مئات المرات،
يعني المسافة بينهم بعيدة جدا، وده بسبب تفاضل الأعمال بينهم،
فلما الصحابة سمعوا الوصف ده لأصحاب الدرجات العالية؛ سألوا رسول الله ﷺ هل أصحاب الدرجات العالية دول هم الأنبياء والمرسلين فقط محدش يقدر يبلغها غيرهم؟
فأقسم لهم رسول الله ﷺ إن المنازل والدرجات دي مش بس للأنبياء والمرسلين، لكن هي كمان لرِجالٌ آمَنوا باللهِ وصَدَّقوا المرسَلين حَقَّ تَصديقِهم،
يعني جمعوا بين كمال الإخلاص لله، والمتابعة والانقياد للرسول ﷺ👌

وصف الغرف دي بقى من الداخل عجيب سبحان الله😮
هي بتكون شفافة، بحيث إن إللي في الداخل يرى إللي موجود في الخارج، وإللي في الخارج يرى الموجود في الداخل،
زي كده لما يكون بيت مصنوع من زجاج، أو أَلْماسٍ أو دُرٍّ وياقوتٍ،
لكن الغرف دي لا يَعلَمُ حَقيقَتَها إلَّا اللهُ عز وجل👌
وطبعا مش محتاجة أقول إن القصور والغرف دي بتكون مفروشة، يعني فيها السرائر والفُرش والأواني والزينة والطعام والشراب وغيره وهنتعرف عليهم بالتفصيل إن شاء الله لما ييجي وقتها، فانت هتلاقي فيها كل ما تتخيله وما لا تتخيله👌
قال رسول الله ﷺ:
"إِنَّ في الجنةِ غُرَفًا يُرَى ظَاهِرُها من باطِنِها، و باطِنُها من ظَاهِرِها"
《حديث حسن صحيح》

أكيد طبعا تتمنى إن يكون عندك غرفة زي كده😅
طيب تعمل إيه عشان يبقى عندك زيها بما إنك لسه في الدنيا🤔

¤واحد من الصحابة سأل رسول الله ﷺ عن الغرف دي وقال:
لِمَنْ هيَ يا رسولَ اللهِ؟
يعني مين الناس إللي ربنا هيكافئها بالغرف أو القصور دي؟
فقال رسول الله ﷺ:
"لِمَنْ أَطَابَ الكَلامَ، و أَطْعَمَ الطَّعَامَ، و باتَ قائِمًا و الناسُ نِيامٌ"
《حديث حسن صحيح》
وفي رواية تانية:
لِمَنْ أَطَابَ الكَلَامَ، وَأَطْعَمَ الطَّعَامَ، وَأَدَامَ الصِّيَامَ، وَصَلَّى بِاللَّيْلِ وَالنَّاسُ نِيَامٌ"《حسنه الألباني 》

يعني الغرف دي هتكون مكافئة للناس إللي بتتكلم الكلام الطيب وتترك الكلام القبيح البذيء الفاحش،
وإللي بتطعم الجَوْعى من الفُقراءِ والمَساكينِ، وإللي بيحافَظَوا على قِيامِ اللَّيلِ والتَّهجُّدِ للهِ عزَّ وجلَّ والناس في غَفْلةٍ نائِمونَ، حتى لو هتصلي ركعتين بعد العشاء ومعهم ركعة الوتر،
وكمان إللي بيحافظوا على صيام النوافل👌

"قد يُبعد الله عنك شيئًا تحبه فينفطر قلبك على فواته وتحزن على خسارته لكنك لا تدري، لعل الله أبعده كي لا يضرّك في دينك فيكون سببًا في بُعدك عن ربك أو في دُنياك فيكون سبيلًا في شقاء حياتك، تذكّر أن الله لا يمنع بُخلًا ولا عجزًا، وإنما رحمةً ورأفةً وعناية ولطفًا بعباده
‏ (وَلَمْ أَكُن بِدُعَائِكَ رَبِّ شَقِيّاً )
‏لاَ تستعجل أمرًا رجوت الله به
‏خير الله آتيك
‏- فلا تيأس ألح بالدعاء
‏- فلا يشقى عبد دعا ربّه ."

#راقتني

بناتنا الجميلات إن شاء الله نستأنف الحلقات ❤🫂

المستوى الثاني من العقيدة
شرح بسيط جدًا لكتاب أصول الإيمان
في دقائق معدودات

لا تشغلنكم الدراسة عن العلم الشرعي 🥰

جددوا النوايا و انتظروا الدروس يا حلوين
أحبكم في الله

خايفة و قلقانة؟؟

إليك حلقات اسم الله المؤمن للمعلمة أمنية 👆👆

رائعة اللهم بارك

ممنوع سماع الرجال
ممنوع سماع الرجال
هذه رغبة المعلمة و هي أمانة
و متاح سماع ابنك معك مادام لم يتجاوز ١٣ سنة

امنع أولادك من مشاهدة مظاهر البذخ والرفاهية والاستهلاك ولو على سبيل التسلية. من ذلك مقاطع تجارب الأكل والمطاعم والأماكن السياحية الفخمة.

عوِّدهم ألا ينظروا إلى من هو أعلى منهم وألا يُستدرجوا إلى فخ الاستهلاكية. عوِّدهم أن ينظروا إلى من هو أدنى منهم معيشةً.

علمهم أن يقولوا اللهم إن العيش عيش الآخرة.

علمهم أن يخشوشنوا فإن النعم لا تدوم.

لا تحرمهم من المباح ولكن لا تغرقهم في الشهوات والملذات. ولتربِّهم على التوسط في العيش.

منقول

🟠قال ابن القيم - رحمه الله :

" شاهدت شيخ الإسلام ابن_تيمية إذا خرج إلى الجمعة يأخذ ما وجد في البيت من خبز أو غيره فيتصدق به في طريقه سرًا.."

📚 [ زاد_المعاد 1/395 ]
‏
#روائع_السلف

موضوع ChatGPT المنتشر يذكرني بدرس لابد تسمعوه للدكتور أحمد عبد المنعم ، درس ( أجوف )

و تذكر دائما أنك أجوف ، و إن لم تملأ نفسك بالوحي ستبحث عن أي شيء تمتلىء به ، حتى لو كان آلة لا تسمع لا ترى لا تتكلم ، و كأننا رجعنا إلى عهد الأصنام مرة أخرى !! غير أنهم طوروها و جعلوها تتحدث معك في الشات و تشعرك أنها من البشر

و لم لا ، فالتعلق الشديد يفعل أكثر من ذلك ، و يجعلك عبدا لما تتعلق به

اللهم عافنا و اهد عبادك و ردهم إليك ردا جميلا

https://youtu.be/me-hz_YNVRc?si=gm8nxxQ-2SgHu1tq


سمر إبراهيم

من رحمةِ الله بك؛ أنه لا يزالُ يجعلُ لكَ إليهِ حاجة، كلما قضى لك حاجةً أحدثَ لك أخرى، حتى لا تنقطعَ عنه، فإن النفوسَ مجبولةٌ على الانقطاعِ عمن تستغني عنه، ومن استغنى عن الله وانقطعَ عنهُ هلك وضاع، ولذلك قال بعض أهل العلم: " يُنْشِئُ الله لك الحاجات، لتنشأَ منك العبوديات "

عمر بن عبدالعزيز.

#راقتني

ليلة الجمعة صلوا على النبي صلى الله عليه وسلم و أكثروا 💙

وقد يكُون الأجنبيُّ أنفع للميّت من أهله، كما قال بعض الصالحين: وأين مثل الأخ الصالح؟! أهلك يقتسمون ميراثك، وهو قد تفرّد بحزنك، يدعو لك، وأنت بين أطباق الأرض.

[مجموع الرسائل (423/2) لابن رجب]

الناشئة الذين يتصدرون اليوم للحديث في شأن الزواج - أصحاب زوبعة القائمة وما إليها - يشتركون في أمور، أهمها ثلاثة:
١- الكلام في دين الله بجهل.
٢- الوقيعة في أهل العلم.
٣- الخوض في أعراض المؤمنين والمؤمنات بكلمات تصل إلى القذف.

وغالبهم ليسوا من الديانة والرجولة في شيء، ومن أمارات: ذلك أن الواحد منهم يتخفى خلف اسم غير اسمه، فيقول ما يشاء ويقع فيمن يشاء، ولو عقل لعلم أنه مكشوف أمام الله عز وجل فما الذي يفيده التستر عن الناس!


الشيخ أحمد الجوهري

وقد يصلحك الله بما يؤلمك
يقول النبي صلى الله عليه وسلم:
الشفاء في ثلاث:
شربة عسل، وشرطة محجم، وكية بنار ،
وأنهى أمتي عن الكي.
وهذا وإن كان في شفاء الأبدان، فهو كذلك في شفاء القلوب والأمم
فمن الناس من يشفيه من غفلته لذة الإحسان الرباني
ومن الناس من يحتاج إلى جرح بلاء ليستخرج منه الفاسد الذي أمرضه
ومن الناس من لا ينفع معه إلا الكي، بلاء عظيم يكويه ويتألم منه أشد الألم لكنه إن لم يفعل ربما تلف العضو أو مات الجسد
وهكذا أمتنا المجيدة، قد تكون الأحداث مثل الكي بالنار لكنها شفاء بردها إلى الله

محمد سعد

وكل ما يؤلم النفوس ويشقّ عليها فإنَّه كفارة للذنوب.

[مجموع الرسائل (17/4) لابن رجب]

كيف تضعف شخصية ابنك⁉️👇
https://www.facebook.com/share/v/ZxK1myr3ogpYGfWB/

ومش بس هتشوف الأنهار العظيمة دي، ده كمان في عيون للماء في الجنة😅
يعني الإنسان بطبيعته بيحب الماء، فربنا عز وجل جعل في الجنة عيونًا كثيرة مختلفة الطعوم والمشارب والأوصاف😮
قال تعالى:
"إِنَّ الْمُتَّقِينَ فِي جَنَّاتٍ وَعُيُونٍ"《سورة الحجر آية( 45)》
ومن صفات هذه العيون: أنها جارية في غير أخدود هي كمان زي الأنهار كده، ويشرب منها أهل الجنة ويقدروا يوجهوها لأي مكان هم عايزينه،
فإن شاءوا؛ وجّهوها إلى البساتين و الحدائق أو بين جوانب القصور والمساكن أو إلى أي جهة👌
قال تعالى:
"عَيْنًا يَشْرَبُ بِهَا عِبَادُ اللَّهِ يُفَجِّرُونَهَا تَفْجِيرًا"
《سورة الإنسان آية( 6)》

وعيون الجنة متنوعة ففيها مثلا:
عين تسنيم، عين زنجبيل، عين سلسبيل، العين الجارية، عين نضّاخة.

¤عين تسنيم:
هي عين تجري في الهواء بقدرة الله تعالى، وتنزل من أعلى فتنصب في أواني أهل الجنة، وهو أشرف شراب أهل الجنة وأعلاه، يشرب منه المقربون مباشرة.
"وَمِزَاجُهُ مِن تَسْنِيمٍ ۩ عَيْنًا يَشْرَبُ بِهَا الْمُقَرَّبُونَ"
《سورة المطففين آية( 27-28)》
أما أصحاب اليمين فيشربوا من ماء التسنيم وهو ممزوج معه أنواع أخرى من الشراب👌

¤عين الزنجبيل:
هي عين في الجنة فيها طعم الزنجبيل، و العرب كانت بتحب مزج الخمرة بالزنجبيل بسبب طيب نكهته وطعمه،
ومعلوم أن الخمرة سيئة الطعم فكانوا بيخلطوها بالزنجبيل عشان  يحصلوا على طعم حلو، فالقرآن خاطبهم باللي يعرفوه من أنواع اللذات👌
قال تعالى: "وَيُسْقَوْنَ فِيهَا كَأْسًا كَانَ مِزَاجُهَا زَنْجَبِيلا"
《سورة الإنسان آية( 17)》

¤عين سلسبيل:
ومعنى السلسبيل هو السائغ السهل القوي في جريانه وسهل الحصول عليه، وكمان سهل في حال شربه، فانت هتشربه من غير تكدير، ولا يحصل لك عناء ولا مشقة وانت بتشربه، فهو عذبٌ سهلُ الدُّخولِ في الحَلقِ👌
قال تعالى:
"وَيُسْقَوْنَ فِيهَا كَأْسًا كَانَ مِزَاجُهَا زَنْجَبِيلًا ۩عَيْنًا فِيهَا تُسَمَّى سَلْسَبِيلًا" 《سورة الإنسان آية(17- 18)》
والعين دي هي العين إللي يشرب منها أهل الجنة أول ما يدخلوا  إلى الجنة واتكلمنا عن الموضوع بالتفصيل في الحلقة 60 لو تفتكروا😅
فعين السلسبيل دي من أفضل عيون الجنة👌

☆في قول للعلماء بيقول إن في عين كمان اسمها عين كافور،
لكن الراجح وإللي عليه أغلب علماء التفسير إن الكافور يُمزج بالخمر ليبرّده ويَكسِر حدته،
فيكون النتيجة شراب لذيذ لا يمكن وصفه، والشراب ده لا ينتهي ولا ينقطع، فهو موجود في عين دائمة الفيضان والجريان بيحركوها في أي اتجاه عايزينه أو يفجروها، يُخرجوها يعني من أي مكان عايزينه👌
قال تعالى:
"إِنَّ الْأَبْرَارَ يَشْرَبُونَ مِن كَأْسٍ كَانَ مِزَاجُهَا كَافُورًا ۩عَيْنًا يَشْرَبُ بِهَا عِبَادُ اللَّهِ يُفَجِّرُونَهَا تَفْجِيرً"《سورة الإنسان آية(5- 6)》

يبقى أهل الجنة لما يشربوا أنواع الخمر المختلفة؛ أحيانا يُمزَج لهم الشراب بالكافور وهو بارد، وأحيانا يُمزَج لهم بالزنجبيل وهو حار، ليعتدل الأمر ويبقى في توازن، وكذلك يمزج لهم من التسنيم،
لكن المقربون وضعهم مختلف فهم يشربون من كل منهم صِرْفًا بدون أي مزج 👌

¤العين الجارية:
تسرح لتسقي الأشجار والأغصان فتُثمر من جميع الألوان.
قال تعالى:
"فِيهِمَا عَيْنَانِ تَجْرِيَانِ"《سورة الرحمن آية( 50)》

¤العين النّضّاخة:
هي العين إللي بتفور بالماء ولا ينقطع الماء منها.
قال تعالى:
"فِيهِمَا عَيْنَانِ نَضَّاخَتَانِ"《سورة الرحمن آية( 66)》

فانت بقى تخيل نفسك في وسط كل الأنهار والعيون المختلفة دي بجمالها وتنوعها وحلاوة طعمها وانت قاعد بتستمتع بيها؛
وفجأة تسمع أهل النار إللي مش بيشربوا غير الماء الحميم والغِسلين بينادوا عليك وعلى أهل الجنة وبيقولوا:
《أَفِيضُواْ عَلَيْنَا مِنَ ٱلْمَآءِ》
عايزين شوية مية تخفف عنهم عطشهم واللهيب إللي هم فيه😥
فانت ترد وتزيدهم حسرة على حسرتهم وتقول لهم
إنها محرمة عليهم🙂
تخيل سعادتك ساعتها إنك مش معاهم وبتعاني معانتهم،
وتخيل برده لو كنت وسطهم؛ حالك كان هيبقى إيه والعياذ بالله😶

فالاختيار لسه في إيدك دلوقتي👌
إما إنك تعيش وسط أنهار وعيون الجنة تشرب وتستمتع، أو إنك تعيش في عطش دائم لا ينتهي وتشرب الحميم والغِسلين👌

رزقنا الله وإياكم الجنة من غير سابقة عذاب ولا حساب🤲

♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊

◇مصادر حلقة النهاردة في التعليقات 👇

♡طبعا أي ملاحظة ياريت تقوليلي فالمؤمن مرآة أخيه❤

¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌

#Eman_Shalapy

☆وفي هنا ملحوظة:
إللي يشرب الخمر من المسلمين ويموت من غير توبة، فهو مات على كبيرة من الكبائر،
فهو حكمه إلى الله، إذا شاء الله عذبه وإذا شاء غفر له،
ولو دخل الجنة بمشيئة الله، فهو إما يُحرم من الشرب من خمر الجنة إلى الأبد،
أو إنه مُعرّض للحرمان من خمر الجنة لفترة مؤقتة،
وظاهر حديث رسول الله ﷺ إن شارب الخمر في الدنيا هيتحرم منها للأبد في الجنة، يقول رسول الله ﷺ:
"مَنْ مَاتَ مِنْ أُمَّتِي وَهُوَ يَشْرَبُ الْخَمْرَ، حَرَّمَ اللهُ عَلَيْهِ شُرْبَهَا فِي الْجَنَّةِ"《صحيح الترغيب والترهيب》
ويدخل في حكم الخمر هنا؛ المخدرات والحشيش وكل حاجة تُسكر وتُذهب العقل👌

☆طبعا ممكن تسأل وتقول إزاي هيتحرم من شرب الخمر في الجنة و الجنة مفيهاش حرمان وربنا قال:
"وَفِيهَا مَا تَشْتَهِيهِ الْأَنْفُسُ وَتَلَذُّ الْأَعْيُنُ وَأَنْتُمْ فِيهَا خَالِدُونَ"
《الزخرف آية(71)》
وكمان الحرمان نوع من أنواع الألم والعذاب، والجنة مفيهاش لا ألم ولا عذاب، فإزاي بقى يتحرم منها🤔

بكل بساطة ربنا هينزع من قلبه اشتهاء الخمر💁
يعني مش هيبقى عايز يشرب خمر ومش هيكون حاببها ولا هتيجي على باله أصلا،
لكن نعيمه هيبقى ناقص وهتفوته لذة عظيمة، ونقصان النعيم مش من العذاب؛ لأن معروف إن أهل الجنة درجات وإللي بيتحرم من الدرجات العالية في الجنة لا يَحزن وبيكون راضي باللي ربنا أعطاه له👌

يوجد كمان في الجنة أنهار تانية غير الأربعة دول، يعني في نهر بارِق و نهر البَيْذَخ أو البَيْدَح،
ونهران ظاهران ونهران باطنان ونهر الكوثر و نهر سَيْحانُ وجَيْحانُ.
¤نهر بارق:
موجود عند باب الجنة، كان يجلس عنده الشهداء في حياة البرزخ  فيأتيهم رزقهم من الجنة بإذن الله عزّ وجل،
قال رسول الله ﷺ:
"الشُّهَدَاءُ عَلَى بَارِقٍ فِي قُبَّةٍ خَضْرَاءَ، يَخْرُجُ عَلَيْهِمْ رِزْقُهُمْ بُكْرَةً وَعَشِيًّا"《حديث حسن》

¤نهر البَيْذَخ أو البَيْدَح:
وهو نهر يُغمس فيه الشهداء فيخرجون منه كالقمر ليلة البدر وقد ذهب عنهم ما وجدوه من أذى الدنيا.

¤نهران ظاهران ونهران باطنان:
"رَأَى رسول الله ﷺ في رحلة المعراج أَرْبَعَةَ أَنْهَارٍ يَخْرُجُ مِنْ أَصْلِهَا نَهْرَانِ ظَاهِرَانِ، وَنَهْرَانِ بَاطِنَانِ،
فَقُلْتُ: يَا جِبْرِيلُ، مَا هَذِهِ الْأَنْهَارُ؟ قَالَ: أَمَّا النَّهْرَانِ الْبَاطِنَانِ: فَنَهْرَانِ فِي الْجَنَّةِ، وَأَمَّا الظَّاهِرَانِ: فَالنِّيلُ وَالْفُرَاتُ"
《صحيح البخاري》
يعني رسول الله ﷺ شاف أربع أنهار بتتفجر من أصل سدرة المنتهى، فسأل جبريل عليه السلام عن الأنهار دي فقال له عن اتنين منهم وهما النهران الظاهران الواضحين للي يشوفهم؛ أنهما نهر النيل ونهر الفرات،
فنهر النيل والفرات أصلهما من الجنة، فهما يخترقان السماء وبعدين ربنا بيُرسل ماء النيل لجبال أثيوبيا ووسط أفريقيا،
ويرسل ماء الفرات لجبال تركيا فينزل على هيئة مطر هناك، ويتكون النهرين ويمشوا في المسار بتاعهم إللي ربنا خلقه لهما👌

أما النهرين الباطنين فهما مختفيان ومنعرفش هم إيه النهرين دول🤷
قال بعض العلماء أنهما السلسبيل والكوثر، ولكن ده معلوش دليل، ولو كانوا فعلا السلسبيل والكوثر كان رسول الله ﷺ قال كده👌

¤نهر الكوثر: وهو النهر إللي ربنا أعطاه لرسول الله ﷺ وهو إللي بيمد حوض رسول الله ﷺ بالماء في أرض المحشر واتكلمنا عنه بالتفصيل في حلقة حوض النبي ﷺ.

¤نهر سَيْحانُ وجَيْحانُ:
قَالَ رَسُولُ اللهِ ﷺ:"سَيْحَانُ وَجَيْحَانُ، وَالْفُرَاتُ وَالنِّيلُ: كُلٌّ مِنْ أَنْهَارِ الْجَنَّةِ"《رواه مسلم》
سَيْحَانُ وَجَيْحَانُ دول نهرين موجودين ببلاد الأَرْمِن وهما من أنهار الجنة.

فكده يكون موجود في الأرض أربع أنهار من الجنة،
منهم اتنين منبعهم من سدرة المنتهى وهما النيل والفرات، ولما الأنهار دي نزلت إلى الأرض بقى لها حكم أنهار الدنيا؛ لأن زي ما قلنا إن التشابه بين الدنيا والجنة في الأسماء فقط👌

☆ملحوظة مهمة:
حصل خلاف بين العلماء في موضوع الأنهار الأربعة دول،
◇فريق قال إن ده مجرد تشبيه للتعبير إنها أفضل الأنهار.
◇وفريق قال أن الله عز وجل يأخذ الأنهار دي من الأرض فيجعلها في الجنة، وتتغير طباعها إذا صارت في الجنة.
◇وفريق قال إنها فعلا من أنهار الجنة وربنا قادر على كل شيء، وخصوصا إن ظاهر الأدلة الصحيحة بتؤيد الرأي ده،
والأصل أن يُؤخذ بظاهر الحديث، وكمان عندنا مثال تاني يؤكد المعنى ده وهو الحجر الأسود إللي هو حجر من الجنة،
فأنا ذكرت القول الثالث وشرحته على الأساس ده وهو الراجح إن شاء الله👍

وبكده لو حسبنا أنهار الجنة هنلاقيهم ثلاثة عشر نهرا👌
《نهر الخمر واللبن والعسل المُصفى والماء الغير آسن، ونهر بارق و نهر البَيْذَخ أو البَيْدَح،
ونهران ظاهران ونهران باطنان ونهر الكوثر و نهر سَيْحانُ وجَيْحانُ》

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الرابعة_والستون
#المرحلة_الثالثة_اليوم_الآخر
#وصف_الجنة_والنار_الجزء_الثامن
#أنهار_وعيون_الجنة

قلنا المرة إللي فاتت إنك هتشوف حاجة هي من أجمل وأعجب الحاجات إللي هتشوفها في الجنة وإللي لا تُذكَر الجنة وإلا ويُذكَر معها الحاجة دي👌
والحاجة دي هي أنهار الجنة😊
وانت بتقرأ آيات القرآن هتلاحظ إن كل ما ربنا بيكلمنا عن الجنة وبيوصفها لنا في القرآن؛ هتلاقيه بيقول لنا معاها إنها تجري من تحتها الأنهار، حوالي خمسة وثلاثين مرة في القرآن جاء ذكر:
《جنات تجري من تحتها الانهار》،
يعني مثلا ربنا قال:
"وَبَشِّرِ الَّذِين آمَنُواْ وَعَمِلُواْ الصَّالِحَاتِ أَنَّ لَهُمْ جَنَّاتٍ{تَجْرِي مِن تَحْتِهَا الأَنْهَارُ}"《البقرة آية( 25)》
وقال:
"أُوْلَـئِكَ جَزَآؤُهُم مَّغْفِرَةٌ مِّن رَّبِّهِمْ وَجَنَّاتٌ{تَجْرِي مِن تَحْتِهَا الأَنْهَارُ}"
《آل عمران آية(136)》
وقال:
"تِلْكَ حُدُودُ اللّهِ وَمَن يُطِعِ اللّهَ وَرَسُولَهُ يُدْخِلْهُ جَنَّاتٍ{تَجْرِي مِن تَحْتِهَا الأَنْهَارُ} خَالِدِينَ فِيهَا وَذَلِكَ الْفَوْزُ الْعَظِيمُ"
《النساء آية(13)》
وغيرها وغيرها من الآيات، فكل ده يدل على إن أنهار الجنة عظيمة وجميلة جدا وأكيد مختلفة عن أنهار الدنيا😅

ولو بصيت لوصف الأنهار دي هتلاقي إن أول اختلاف ظاهر فيها هي إنها تجري على السطح في غير《أخاديد》👌
والأخدود هو المجرى الذي يشقه النهر في الأرض، زي كده مثلا لما الفلاح بيحفر الأرض ويعمل فيها مجرى للماء،
فكل الأنهار في الدنيا بتمشي في مجرى للماء سواء كان المجرى كبير أو صغير،
أنهار الجنة بقى بتمشي سائحة على وجه الأرض كده، وفي نفس الوقت سبحان الله الأنهار دي تجري من تحت القصور والمنازل والغرف ومن تحت الأشجار😮

وأنهار الجنة منبعها من أعلى درجة في الجنة وهي درجة الفردوس وهنعرفها بالتفصيل بعدين إن شاء الله،
فبتبدأ أنهار الجنة من الفردوس وتنحدر إلى باقي أجزاء الجنة،
قال رسول الله ﷺ عن الفردوس:
"مِنْهُ تَفَجَّرُ أنْهارُ الجَنَّةِ"《رواه البخاري》

وأنهار الجنة الرئيسية أربعة، قال رسول الله ﷺ:
"إنَّ في الجنَّةِ بحرَ الماءِ، وبحرَ العسَلِ، وبحرَ اللَّبنِ، وبحرَ الخمرِ، ثمَّ تشقَّقُ الأنهارُ بعدُ"《صحيح الترمذي》
وقال الله عز وجل:
"مَثَلُ الْجَنَّةِ الَّتِي وُعِدَ الْمُتَّقُونَ فِيهَا أَنْهَارٌ مِنْ مَاءٍ غَيْرِ آسِنٍ وَأَنْهَارٌ مِنْ لَبَنٍ لَمْ يَتَغَيَّرْ طَعْمُهُ وَأَنْهَارٌ مِنْ خَمْرٍ لَذَّةٍ لِلشَّارِبِينَ وَأَنْهَارٌ مِنْ عَسَلٍ مُصَفًّى"《 سورة محمد آية( 15)》

يعني الجنة فيها أنهارًا مِن ماءِ عذْبٍ مش بيتغير لا بريح منتنة، ولا بمرارة، ولا بتكدير لأي سبب؛ بالعكس ده هو أعذب المياه وأصفاها، وأطيَبها ريحًا، وألذها في الطعم،
والبحر في الحديث معناه النهر الكبير، والمقصود بتتشقق الأنهار منها بعدُ يعني بيخرج من الأنهار دي الفروع الأصغر ومَجاري الماءِ الصَّغيرة والقَنَوات،
وربنا بيتكلم عن الماء العذب الصافي ده؛ لأن غالب مياه العَرب زمان كانت من الغُدران إللي هي جمع كلمة غدير، والغدير معناه الماء الراكد إللي بيتبقّى بعد ما ييجي السّيل،
وكمان كان عندهم زي الأحواض كده بيبنوها من الطين، فكانت بتمتلئ من ماء المطر أو من مرور السيول عليها،
فإذا استقر الماء فيها أياما؛ المياه تبدأ تتغير بسبب ما يدخل فيها من الأيدي وما يدخل فيها من الأواني، وكمان شرب الحيوانات منها،
فيبدأ يظهر على وش المية الطحالب الخضراء دي أو إللي بنقول عليه الرّيم،
وكانت بلاد قليلة إللي بتكون مجاورة للأنهار الجارية، فربنا بيقول للعرب إللي نزل عليهم القرآن إن عندكم في الجنة نهر جاري صاف مش هيتغير ماؤه لأي سبب من الأسباب،
زي كده لما مثلا تفتح الحنفية وتلاقي ريحتها مجاري أو ريحتها كلور🙂
في الجنة بقى مفيش الكلام ده خالص، الماء عذب صافي مفيش أحسن من طعمه وريحته👌

وكمان الجنة فيها أنهار مِن عسَل صافي من كل الشوائب، والعسل كان مرغوب عند العرب وبيحبوه،
وكانوا بيجيبوه من بلاد الجبال إللي النبات موجود فيها على طول إللي هو العسل الجبلي،
يعني حاجة جودتها عالية، والعسل الجبلي ده فعلا طعمه جميل جدا، مع إني مبحبش العسل بس العسل الجبلي ده كان طعمه مختلف تماما سبحان الله،
فما بالنا بنهر من عسل في الجنة طعمه لا يوصف أصلا😮
ربنا يرزقنا وإياكم الجنة يارب🤲

وفيها أنهار من لبن لا يتغير طعمه بحموضة أو غيره، فهو في غاية البياض والحلاوة والنعومة.

وكمان أنهار من الخمر يستمتع بيه إللي يشربه ويحس بلذة عظيمة، غير خمر الدنيا إللي طعمه كريه وبيسبب الصداع ويخلي الواحد يِسكَر ويغيب عقله،
فخمر الجنة لا يُسكِر ولا يُغيّب العقل👌

وكل ده فيه إشارة إلى إن ربنا بيقولك إن الحاجة اللي انت بتحبها وتشتهيها هتلاقيها في الجنة في أكمل صورة وأجمل وألذ طعم لا يخطر لك على بال👌

علم نفسك الغنى!
أي الاستغناء عن أي شيء!
وإياك أن تعلقها بشيء، حتى يصير كل شيء بالنسبة لها على مستوى واحد، إن نالته سَعِدَت، وإن لم تنَله لم تجزع.

وهذا -وربي- هو الغنى الحقيقي، بل قمة الغنى وذروته، وليس هناك أغنى من صاحبه، بل هو المَلِكُ من غير مُلكٍ!

ولذا كان من دعائه ﷺ:
" اللهم إني أسألك الهدى، والتقى، والعفاف، والغنى "

والغنى هنا غنى النفس، والغنى عن الناس وعما في أيديهم.

قال الشافعيُّ -مرسخا في نفسك هذا المعنى-:

النفسُ تجزعُ أن تكونَ فقيرةً
والفقرُ خيرٌ مِن غِنًى يُطغِيهَا

وغِنى النفوسِ هو الكفافُ فإن أَبَت
{ فجميع ما في الأرض لا يكفيها }

د أحمد العربي

وقفتُ وقفة مع تعليق ابن كثير في البداية والنهاية على هذا الحدث في عام ٦١٦ هـ.

قال: "استحوذت الفرنج لعنهم الله على مدينة دمياط ودخلوها بالأمان فغدروا بأهلها، وقتلوا رجالها، وسبوا نساءها وأطفالها، وفجَروا بالنساء، وبعثوا بمنبر الجامع ورؤوس القتلى إلى الجزائر، وجعلوا الجامع كنيسة"

وبعد أن فرغ ابن كثير من ذكر هذه الأحداث الشنيعة المروعة، قال:

(ولو شاء ربك ما فعلوه)

هكذا باختصار، فوقفتُ لذلك وقفة.


الشيخ أحمد السيد

°•
▪️أماكن ولادة بعض العلماء، للفائدة:

● الإمام أبو حنيفة: الكوفة - العراق.
● الإمام الشافعي: غزة - فلسطين.
● الإمام أحمد بن حنبل: بغداد - العراق.
● الإمام مالك بن أنس: المدينة النّبوية.  

● الإمام ابن كثير: دمشق.
● الإمام الذهبي: دمشق.
● الإمام البخاري: بخارى - أوزبكستان.
● الإمام الترمذي: ترمذ  -أوزبكستان. 

● الإمام مسلم: نيسابور - إيران حاليًا.
● الإمام القاضي عياض: سبتة -الأندلس.
● وهبُ بنُ مُنَبِّه: ذمار - اليمن.
● سفيانُ الثوري: خرسان.

● الحسنُ البصري: المدينة النبوية. 
● الشَّعبِيّ: الكوفة - العراق.
● النَّوويّ: نوى - سوريا.
● شيخ الإسلام ابن تيميّة: حران الشّام -حاليًا تركيا.

● الإمام ابن القيّم: دمشق.
● ابن حِبّان: بُست - خراسان - أفغانستان حاليًا.
● أبو داود: سجستان -خراسان - أفغانستان حاليًا.
● ابن ماجه: قزوين - إيران حاليًا.

● الحاكم: نيسابور  -إيران حاليًا.
● النَّسائي: نسا - تركمانستان حاليًا.
● الطبري: آمل - طبرِستان.

مني السّلامُ إلى أرواحِ مَن بَذلوا
أغْلىٰ الدِّماءِ لهذَا الدِّينِ، وارتَحَلوا

رحمهم اللهُ تعالىٰ واسكنهم جنات الفردوس الأعلىٰ وموتى المسلمين.

منقول

حارسات السنة ️🦋 pinned «هل قرأتم الحلقة ٦٣؟»

إنّما يُعرف قدر البلاء إذا كشف الغطاء يوم القيامة، كما في الترمذي عن جابر عن النبي ﷺ قال: (يود أهل العافية يوم القيامة حين يُعطى أهل البلاء الثواب لو أنّ جلودهم قُرِضَت بالمقاريض في الدُّنيا).

[مجموع الرسائل (213/1) لابن رجب]

ليلة الجمعة صلوا على النبي صلى الله عليه وسلم و أكثروا ❤

ليس أقل من أن تعرف ما يحصل لإخوانك في #شمال_غزة
وليس أصعب على نفوسهم من أن يحسوا بأنهم أصبحوا منسيين حتى من صالحي أمتهم
عصابات الصهاينة المدعومة من العرب والعجم تقوم بقصف وإحراق مراكز الإيواء
فيضطر من لم يُصِبه القصف أن يخرج
فتعترض العصابات الصهيونية طريقهم لتُعدِم بعض الرجالَ والشبان و تعتقل البعض الآخر
وترعب النساء والأطفال وتفرق بعض الأمهات عن أطفالهن ثم ينطلقن هائمات لا يعرفن أين يذهبن
المستشفيات محاصرة ومدمرة وخرجت عن الخدمة
وسيارات الإسعاف قُصفت
ومشاهد رؤوس الأطفال المتفجرة والأجساد المحترقة أصبحت معتادة!
وصهاينة العرب في هذا كله فرحون...ليقولوا لشعوب المسلمين: اخضعوا واركعوا وارضوا بالعار وإلا: فالدمار
وشعار "أمان الأوطان" يُرفع لإخراس المسلمين عن نجدة إخوانهم إلى حين يأتي الدور على البقية !
لذلك:
لا تلتفتوا عن المجرمين أيها الناس!...لا تنشغلوا بصراعات داخلية ورجوع إلى الوراء وتقاذفات تهم وتلاوُم..
هذه الفُرقة لا تزيدنا إلا ضعفاً..
فلتبقَ القضية واضحة، والمجرم معروفاً ومداناً وبغيضاً إلى النفوس..
لعل الله يأذن بيوم يشفي به صدور قومٍ مؤمنين.


د إياد قنيبي

وطبعا بما إننا قلنا إن الجنة فيها شجر يبقى أكيد فيها طيور💁
قال رسول الله ﷺ:
"إنَّ طَيْرَ الجَنَّةِ كأمثالِ البُخْتِ، تَرْعى في شجَرِ الجَنَّةِ"
《أخرجه أحمد بسند صحيح》
يعني الطيور إللي ترعي في الجنة كبيرة في حجم الإبل،
وفي حديث تاني:
"سُئِلَ رسولُ اللَّهِ ﷺ ما الكوثَرُ ؟
قالَ: ذاكَ نَهْرٌ أعطانيهِ اللَّهُ يعني في الجنَّةِ أشدُّ بياضًا منَ اللَّبنِ وأحلَى منَ العسَلِ فيه طيرٌ أعناقُها كأعناقِ الجُزُرِ،
قالَ عمرُ: إنَّ هذهِ لناعمةٌ،
فقالَ رسولُ اللَّهِ ﷺ: أكَلَتُها أنعَمُ مِنها"《صحيح الترمذي》

يعني رسول الله ﷺ اتسأل عن الكوثر المذكور في سورة الكوثر عبارة عن إيه، فقال إنه عبارة عن نهر، ماؤه وآنيته كثيرة، وماؤه أشَدُّ بياضًا مِن اللَّبَنِ، وأحْلَى مِن العسَلِ،
《واحنا اتكلمنا عنه بالتفصيل في حلقة حوض النبي ﷺ لو تفتكروا》
فبيقول بقى إن النهر ده تأتيه طيور ضخمة، أعناقها فقط عاملة زي أعناق الإبل، فما بالكم بباقي الجسد😮
فقال عمر بن الخطاب رضي الله عنه: ده الطيور دي في ترَفٍ ورَفاهِيةً ورَخاءٍ،
فرد عليه رسول الله ﷺ وقال له إن إللي هياكل الطيور دي هو في نعمة وترف أكثر منها👌
فطيور الجنة عظيمة وعجيبة وناعمة لذيذة، مجرد ما يشتهيها المؤمن يلاقيها أمامه مشوية أو مطبوخة أو زي ما هو عايزها،
قال الله عز وجل:
"وَلَحْمِ طَيْرٍ مِّمَّا يَشْتَهُونَ"《سورة الواقعة آية(21)》
وفي حديث《ضعيف》بيقول:
"إنك لتنظرُ إلى الطيرِ في الجنةِ فتشتهيه فيجيءُ مشويًّا بينَ يديكَ"
يعني الواحد لو شاف طائر في الجنة وحب إنه يأكله يقوم نازل مشوي على طول قصاده ياكل منه زي ما هو عايز😅
فحتى لو الحديث فيه ضعف فده فعلا وارد عشان الآية إللي قلناها الأول👌

¤طيب هل الجنة فيها دواب غير الطيور؟ يعني فيها حيوانات🤔

أيوة في دواب في الجنة، ولكنها ليست كدواب الدنيا، التشابه في الأسماء فقط،
أما حقيقة صفتها فلا يعلمها إلا الله عز وجل، لكن احنا عارفين إنها في غاية الجمال والبهاء👌
والدواب دي زي:
1️⃣الخيول:
قال رسول الله ﷺ لرجل سأله عن إذا كان في الجنة خيل:
"إِِنِ اللَّهُ أَدْخَلَكَ الجَنَّةَ، فَلَا تَشَاءُ أَنْ تُحْمَلَ فِيهَا عَلَى فَرَسٍ مِنْ يَاقُوتَةٍ حَمْرَاءَ يَطِيرُ بِكَ فِي الجَنَّةِ حَيْثُ شِئْتَ."
《حسَّنه الألباني في صحيح الترغيب》
يعني أي شيء تشتهيه نفسك هتلاقيه في الجنة حتى لو نفسك اشتهت فرس من ياقوتة حمراء هتلاقيه👌

2️⃣الإبل:
جَاءَ رَجُلٌ بنَاقَةٍ مَخْطُومَةٍ، فَقالَ: هذِه في سَبيلِ اللهِ،
فَقالَ رَسولُ اللهِ ﷺ: :لكَ بهَا يَومَ القِيَامَةِ سَبْعُ مِئَةِ نَاقَةٍ كُلُّهَا مَخْطُومَةٌ".《رواه مسلم》
يعني واحد جاء لرسول الله ﷺ ومعاه ناقة متعلق على رقبتها حبل بتتشد منه، وده معناه إنها مُذللة وصالحة للركوب والسفر،
فقال الرجل إنها صدقة في سبيل الله،
فرسول الله ﷺ قال له إنه ربنا هيعطيه بدالها سَبْعُ مِئَةِ نَاقَةٍ في الجنة يركبهن حيث شاء للتنزُّه.

3️⃣الأغنام:
قال رسول الله ﷺ:
"عليكم بالغَنمِ، فإنَّها من دوابِّ الجنةِ، وصَلُّوا في مُراحِها، وامسحُوا رِغامَها"《صحيح الجامع》
يعني احرصوا على تربية الغنم لأنها من حيوانات الجنة وصَلّوا في أماكِنِ تجمُّعِ الغَنَمِ وده يدل على إنها طاهرة،
وامسحُوا رِغامَها يعني امسَحوا عنها التُّرابَ، أو امسَحوا ما سالَ مِن أنْفِها إصلاحًا لشأنِها ورعايةً لها.

☆طيب لو حد كان في الدنيا بيربي قطة أو عصافير أو...أو...وحب يكون عنده حيوانات زي دي تاني في الجنة ممكن ولّا لأ🤔

هو مفيش دليل بيمنع إن الواحد يربي حيوانات في الجنة وخصوصا يعني إنها حاجة مش مستحيلة وربنا قال للمؤمنين عن الجنة:
"وَلَكُمْ فِيهَا مَا تَشْتَهِي أَنْفُسُكُمْ وَلَكُمْ فِيهَا مَا تَدَّعُونَ"
《فصلت آية(31)》
يعني كل إللي الإنسان يشتهيه هيلاقيه👌
فمفيش مانع إن ربنا يخلق لمُريد شيء من الحيوانات في الجنة ما يشاء منها🤷
لكن طبعا محدش يقول أنا عايز نفس الحيوان إللي كنت بربيه في الدنيا👀
لأن كل حيوانات الدنيا هتتحول إلى تراب في الآخرة بعد ما يُقتص من بعضها البعض👌

هتشوف بقى حاجة هي من أجمل وأعجب الحاجات إللي هتشوفها في الجنة وإللي لا تُذكَر الجنة وإلا ويُذكَر معها الحاجة دي😮
إيه هي الحاجة دي؟
ده إللي هنعرفه الحلقة الجاية إن شاء الله 👌

♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊

◇مصادر حلقة النهاردة في التعليقات 👇

♡طبعا أي ملاحظة ياريت تقوليلي فالمؤمن مرآة أخيه❤

¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌

#Eman_Shalapy

إللي يجاوبنا على السؤال ده هو رسول الله ﷺ👌
في يوم من الأيام كان رسول الله ﷺ قاعد مع الصحابة وكان عنده رجل من البادية، يعني واحد من إللي بيسكنوا الصحراء،
فقال لهم رسول الله ﷺ:
"إنَّ رَجُلًا مِن أهْلِ الجَنَّةِ اسْتَأْذَنَ رَبَّهُ في الزَّرْعِ، فَقَالَ له: ألَسْتَ فِيما شِئْتَ؟
قَالَ: بَلَى، ولَكِنِّي أُحِبُّ أنْ أزْرَعَ،
قَالَ: فَبَذَرَ، فَبَادَرَ الطَّرْفَ نَبَاتُهُ واسْتِوَاؤُهُ واسْتِحْصَادُهُ، فَكانَ أمْثَالَ الجِبَالِ،
فيَقولُ اللَّهُ: دُونَكَ يا ابْنَ آدَمَ؛ فإنَّه لا يُشْبِعُكَ شَيءٌ."
《صحيح البخاري》
يعني في رجل من أهل الجنة هيطلب من ربنا إنه يزرع بنفسه زي ما كان بيزرع في الدنيا، فربنا بيقول له هو انت مش عندك إللي يكفيك وكل ما تشتهي وبتتقلب في النعيم؟
فالرجل قال له أيوة بس أنا بحب الزرع والزراعة😅
فربنا أذِنَ له واستجاب لطلبه، فأَلْقى الرَّجُلُ البُذُورَ على أرضِ الجنَّةِ،
فالنبات خرج بسرعة واستوى واشتد حتَّى وَصَل إلى الحالِ الَّتي يُحصَدُ عندَها،
وكل ده حصل في طرفة عين فقط، وكان الزرع إللي اتحصد مِثْلَ الجِبالِ في ضَخامتِه👌
فربنا بيقول له خذ الحصاد الضخم ده يا ابن آدم انت مفيش حاجة بتشبعك ولا تملأ عينك،
فالرجل الأعرابي إللي من البادية وكان قاعد بيسمع رسول الله ﷺ قال وهو يمازح رسول الله ﷺ:
واللَّهِ لا تَجِدُهُ إلَّا قُرَشِيًّا أوْ أنْصَارِيًّا؛ فإنَّهُمْ أصْحَابُ زَرْعٍ، وأَمَّا نَحْنُ فَلَسْنَا بأَصْحَابِ زَرْعٍ😏
يعني هتلاقي الرجل إللي طلب من ربنا الزرع ده إما من قريش أو من الأنصار لأنهم إللي بيحبوا الزراعة ومهتمين بيها،
مع إن قريش مكنش عندهم زراعة لأن معظم أرض مكة جبلية، فتقريبا الأعرابي ده مكنش يعرف طبيعة مكة الجبلية😅
فلما سمع رسول الله ﷺ كلامه ضَحِكَ ﷺ😄
فالشاهد إن إللي هيتمنى شيء هيلاقيه مهما كان👌
طبعا إلا ما كان فيه تعدّي👀
زي مثلا إن واحد يتمنى إنه يكون نبي أو يتمنى إخراج واحد من الكافرين من النار، وهكذا👌

☆طب هل ده معناه فعلا إن أهل الجنة لا يشبعوا وبيكونوا جعانين على طول ولّا إيه🤔

شوف،
هو نَفْي الشبع لا يوجب الجوع، بمعنى إني لو سألتك هل انت شبعان في الوقت الحالي وقلت لي لأ، فهل ده معناه إنك جعان؟
لأ مش شرط؛
لأن في وَسط بين الجوع والشبع، إللي هي مرحلة الكفاية، وأكل أهل الجنة للتنعم والاستلذاذ، لا عن الجوع👌
والجنة لا شِبَع فيها؛ لأن الواحد لو شبع هيتوقف عن الأكل لأن بيكون له حد وطاقة، لكن الوضع في الجنة مختلف،
فأهل الجنة بيأكلوا عشان يتنعموا مش عشان هم جعانين👌

¤ممكن تقول: طيب معنى إنهم بيفضلوا ياكلوا على طول كده يبقى هيحتاجوا يدخلوا الحمام😕

لأ مش هيحتاجوا،
الجنة مفيهاش بول ولا غائط، زي الجنين إللي في بطن أمه، بيتغذى في بطنها ولا يبول ولا يتغوّط👌
قال رسول الله ﷺ عن أهل الجنة:
يَأْكُلُ أهْلُ الجَنَّةِ فيها ويَشْرَبُونَ، ولا يَتَغَوَّطُونَ ولا يَمْتَخِطُونَ ولا يَبُولونَ"《صحيح مسلم》
وفي حديث تاني قال:
"لا يَسْقَمُونَ، ولَا يَمْتَخِطُونَ، ولَا يَبْصُقُونَ"《صحيح البخاري》
يعني أهل الجنة لا هيمرضوا ولا هيحتاجوا يدخلوا الحمام ولا هيحتاجوا يخرجوا المخاط من أنوفهم ولا البُصاق،
يعني باختصار كده؛ الجنة لا يوجد فيها أذى، ولا نجاسات، ولا قَذر ولا آفة💁

¤طيب الأكل الزيادة بيروح فين🤨
شوف حديث رسول الله ﷺ👌
قال رسول الله ﷺ:
"إنَّ الرَّجلَ من أهلِ الجنَّةِ يُعطى قوَّةَ مائةِ رجلٍ في الأكلِ والشُّربِ والشَّهوةِ والجماعِ،
فقالَ رجلٌ منَ اليهودِ فإنَّ الَّذي يأكلُ ويشربُ وتكونُ لهُ الحاجةُ،
فقالَ لهُ رسولُ الله ﷺ:
"حاجة أحدِهم عَرَقٌ يفيضُ من جِلدِهِ فإذا بطنُهُ قد ضمُرَ"
《الصحيح المسند》
يعني الواحد من أهل الجنة بياكل ويشرب ويشتهي بمقدار قوة مائة رجل، وربنا زاد له القوة في التمتع بالأمور دي بالذات؛ لأنَّها مَحِلُّ الفِتْنةِ والحِرْمانِ في الدُّنيا💁
يعني الواحد بيجاهد نفسه عشان لا يأكل ولا يشرب إلا من الحلال الطيب،
وكذلك يقاوم شهواته ورغباته المختلفة التي لا ترضي الله،
وكذلك بالنسبة للنساء فهو مأمور بغض البصر عنهن مع شدة تعلق الرجال بالنساء وهن فتنته في الدنيا،
فربنا جعل لِمَن يَتَّقيهِ في الدُّنيا ما يُقابِلُها في الجنَّةِ مِن الأجْرِ والثَّوابِ عِوَضًا عنها؛ حيثُ أعطاهُ هذه القُوَّةَ العظيمةَ؛ ليتمتَّعَ المُتْعةَ الكامِلةَ بنَعيمِ الجَنَّةِ👌
فواحد يهودي سمع كلام رسول الله ﷺ فتعجب وقال له إللي بياكل ويشرب محتاج يقضي حاجته،
فقال له رسول الله ﷺ إن الفضلات تخرج من الجِسمِ على صُورةِ عَرَق تكون ريحته زي ريحة المسك، وبعدها بطنه يقل حجمها ويرجع ياكل تاني وهكذا.

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثالثة_والستون
#المرحلة_الثالثة_اليوم_الآخر
#وصف_الجنة_والنار_الجزء_السابع
#ثمار_ودواب_الجنة

اتكلمنا المرة إللي فاتت عن ميراث أهل الجنة واتكلمنا عن شجر الجنة وقلنا إن سِيقان الشجر في الجنة من الذهب، وقلنا إن الشجر حجمه كبير جدا،
بالنسبة بقى للثمار والفواكه إللي بتخرج من شجر الجنة فهي متنوعة، يعني كل أنواع الثمرات والفواكه تخرج من شجر الجنة، وكل ما  تشتهي أو تختار فاكهة معينة؛ تلاقيها عندك،
قال تعالى:
"وَفَاكِهَةٍ مِّمَّا يَتَخَيَّرُونَ"《سورة الواقعة آية(20)》
وقال: "إِنَّ الْمُتَّقِينَ فِي ظِلَالٍ وَعُيُونٍ۩ وَفَوَاكِهَ مِمَّا يَشْتَهُونَ"
《سورة المرسلات آية(41-42)》

والفواكه والثمار دي موجودة على طول في كل الأوقات،
فلا هي بتخلص؛ لأنها كثيرة جدا،
ولا بييجي عليها وقت ومتكنش موجودة بسبب اختلاف الفصول مثلا زي ثمار الدنيا، قال تعالى:
"وَفَاكِهَةٍ كَثِيرَةٍ لَا مَقْطُوعَةٍ وَلَا مَمْنُوعَةٍ"《سورة الواقعة آية(33)》

وأشهر ثمار وفواكه الجنة هي العنب والرمان، قال تعالى:
"فِيهِمَا فَاكِهَةٌ وَنَخْلٌ وَرُمَّانٌ"《سورة الرحمن آية(68)》
وقال رسول الله ﷺ:
"إنِّي رَأَيْتُ الجَنَّةَ، فَتَنَاوَلْتُ عُنْقُودًا، ولو أصَبْتُهُ لَأَكَلْتُمْ منه ما بَقِيَتِ الدُّنْيَا"《صحيح البخاري》
يعني عنقود واحد يأكل مليارات البشر على مدار مئات السنين😮

أما نخل الجنة فوصفه عجيب👌
قال عبد الله بن عباس رضي الله عنه:
نَخْلُ الجنةِ جُذُوُعُها من زُمُرُّدٌ أخضَرُ،
وكَرَبُهَا ذهبٌ أحمَرُ وسَعَفُهَا كِسْوَةٌ لأهلِ الجنَّةِ، منها مُقَطَّعَاتُهُمْ، وحُلَلُهُم،
وثمرُها أمثالُ القِلالِ والدِّلاءِ، أحْلَى منَ العَسَلِ، وألْيَنُ منَ الزُّبْدِ لَيْسَ له عَجَمٌ"《صحيح الترغيب والترهيب》

يعني ربنا جعل جذع النخل من الزمرد الأخضر، وهو عبارة عن حَجَر كَريم لونه أخضرُ شديدُ الخُضرةِ وفي نفس الوقت شفَّاف.

☆والأحجار الكريمة(Gemstone) معناها: أحجار نادرة غالية الثَّمن، وأشكالها وألوانها جميلة جدا، وقيمتها عالية جدا يعني هي أغلى من الذهب، وأشهر أنواعها:
اللؤلؤ، المرجان الأحمر، والعنبر، والزمرد، والياقوت، والألماس.

وانتم لو بحثتم على النت هتشوفوا صور الأحجار الكريمة دي، شكلها فعلا سبحان الله جميل جدا😮
فلو كان جذع النخلة مصنوع من الزمرد الأخضر بتاع الدنيا ده هيبقى شكلها تحفة، فما بالكم بزمرد الجنة إللي منعرفش عامل إزاي والتشابه في الاسم فقط👌
《هتلاقوا في التعليقات👇 صورتين لأشكال الأحجار الكريمة》

يبقى كده الجذع زمرد أخضر، نطلع بقى على ساق النخل وورقه،
"كَرَبُهَا ذهبٌ أحمَرُ" يعني أُصولُ السَّعَفِ والجَريدِ،
عارفين النخيل، مش بيبقى في الساق بتاعته حاجات مدببة كده
👈🌴أهه ده أصل سعف النخيل، وده إللي هيكون من الذهب الأحمر.

السَّعَف نفسه بقى إللي هو أوراق النخيل؛ عبارة عن:
1️⃣ كسوة لأهل الجنة، فمنها يَأخُذونُ ثيابَهم،

2️⃣ ومنها "مُقطَّعاتُهم"، ودي لها كذا معنى إما إنها الثِّيابُ المَخيطةُ مِثلُ الجُبَّةِ وغيرِها، أو قِصارُ الثِّيابِ، أو كلُّ ما يُفصَّلُ ويُخاطُ مِن قَميصٍ وغيرِه👌

3️⃣منها "حُلَلُهم" والحُلّة هي ما يُلبَسُ فوْقَ الثِّيابِ للزِّينَةِ والرَّفاهيَةِ، زي كده الملوك زمان لما كانوا بيلبسوا فوق ملابسهم رداء طويل ملون ومزخرف👌

وعادي يكون أكثر من مكان تخرج منه الثياب،يعني المرة إللي فاتت قلنا إن ثمار شجرة طوبى عبارة عن ملابس أهل الجنة،
والنهاردة قلنا إن ورق نخل الجنة عبارة عن ملابس وحُلَل لأهل الجنة💁

أما ثمر النخيل فهو كبير جدا، يعني الثمرة الواحدة عامل زي القلة والدلو، ودي كانت أَوعيَةٌ كَبيرةُ الحَجمِ كانوا بيملوها بالماءِ،
والثمار دي طعمها أحلى من العسل وملمسها ليّن وطري جدا لدرجة إنه ألين من الزبد😮
والثمر "ليس له عَجَمٌ"، يعني مفيش داخل الثمر ده نوى زي ثمر نخيل الدنيا👌

فإللي عايز بقى يكون عنده شجر ونخل وثمار في الجنة ينفذ وصية إبراهيم عليه السلام لأمة الإسلام وهي زي ما قالها لرسول الله ﷺ في رحلة والمعراج:
"يا محمَّدُ، أقرئ أمَّتَكَ منِّي السَّلامَ وأخبِرْهُم أنَّ الجنَّةَ طيِّبةُ التُّربةِ عذبةُ الماءِ، وأنَّها قيعانٌ،
وأنَّ غِراسَها سُبحانَ اللَّهِ والحمدُ للَّهِ ولا إلَهَ إلَّا اللَّهُ واللَّهُ أَكْبرُ"《صحيح الترمذي》
يعني إللي عايز يتغرس له شجر ونخيل في الجنة؛ يسبح ويحمد ويوحّد الله ويكبّره👌
واحنا اتكلمنا عن موضوع الذكر قبل كده في حلقة الميزان👌

☆طيب نفترض مثلا إنك كنت واحد بتحب الزراعة، وبعد ما دخلت الجنة اشتهيت إنك تزرع، هل هتقدر تحقق أمنيتك تزرع ولّا خلاص الزراعة والغرس كان في الدنيا ومفيش في الجنة🤔

السلام عليكم ورحمه الله وبركاته حبيباتي الجميلات الغاليات
*هذه الدوره للمشرفات و الداعيين لله فقط*
تعلن اكاديميه روح و ريحان
عن دورة (مركزيات الإصلاح) لشيخ أحمد السيد
أي أخت تسير على درب المصلحين الداعين إلى الله أرى أن من الواجب حضور هذه
السلسلة نافعة جدًا جدًا
١/تصحح المفاهيم
٢/ توسع الإدراك
٣/ضبط المنهجيات الأساسية في طريق الإصلاح
عدد الحلقات (١٣ حلقة )
الشروط /الجديه و الالتزام بالمطلوب
*العدد محدود ي غاليات*
عند انتهاء التسجيل سيغلق الرابط ولا مجال لإضافة طالبات
*الدورة نساء فقط*
*هل تعلمي ي أخت بنشرك للإعلان أجرك يكون مثل أجر المعلمه و القائمين علي العمل الدال عالخير كفاعله انشروااا الإعلان أحبتي*
https://chat.whatsapp.com/GbmGgeO8ZrC03K8IKDQ8dN

إن الليث لا ترثيه النعاج !!

رحم الله السنوار و أخلف الأمة خيرًا

( ولا تهنوا ولا تحزنوا و أنتم الأعلون إن كنتم مؤمنين )

لما رجل كافر أو فاجر يدعم قضية تخص المسلمين
فالمفروض هنا لا أتعامل معه على أنه بطل من الأبطال
إنما هنا نتذكر قول النبي صلى الله عليه وسلم( إن الله ليؤيد هذا الدين بالرجل الفاجر)

إنما إظهار الفرح و السرور بأمثال هؤلاء و الثناء عليهم لايصح

و اسأل الله أن ينصر دينه بأحب الرجال إليه .

#وعي
#سارة_العبسي

إعادة نشر

حارسات السنة ️🦋 pinned «هل قرأتم الحلقة ٦٢؟»

اليوم جمعة صلوا على النبي صلى الله عليه وسلم و أكثروا 💙

صيام الأيام البيض

الاربعاء ١٣ ربيع الثاني ، ١٦ اكتوبر أول
أيام البيض.

الخميس ١٤ ربيع الثاني، ١٧ اكتوبر ثاني أيام البيض.

الجمعة ١٥ ربيع الثاني ، ١٨ اكتوبر ثالث أيام البيض.

١_ وعنْ أَبي ذَرٍّ رضي الله عنه ، قَالَ:
قالَ رسولُ اللَّهِ ﷺ: إِذا صُمْتَ مِنَ الشَّهْرِ ثَلاثًا، فَصُمْ ثَلاثَ عَشْرَةَ، وَأَرْبعَ عَشْرَةَ، وخَمْسَ عَشْرَةَ. 

رواه الترمِذيُّ وقال: حديثٌ حسن

٢_ عن أبي هريرة رضي الله عنه قال : قال رسول الله ﷺ :
(من صامَ يومًا في سبيلِ اللهِ زحزحَ اللَّهُ وجْهَهُ عنِ النَّارِ بذلِكَ اليومِ سبعينَ خريفًا. ) صحيح مسلم

يعني بيقول إن نبقها يعني ثمرة النبق بتاعها عاملة زي القُلة، وورق الشجر بتاعها عامل زي أذان الفيلة، يعني ورقة شجرها تشبه أذن الفيل 🐘
هو رسول الله ﷺ بيربط لنا بين الأشكال عشان نتصور معاه المنظر إللي شافه 😅
والأوراق دي كبيرة جدا لدرجة إن الورقة الواحدة ممكن تغطي الناس كلها،
وبعدين غطى الشجرة دي ألوان لا يعرفها رسول الله ﷺ، يعني احنا نعرف ألوان في الدنيا: أصفر، وأحمر، وأزرق، وأخضر، وغيره، لكنه قال: ألوان لا أدري ما هي😮

سبحان الله، مهما الواحد حاول يتصور أشجار الجنة بكثرة أغصانها وطول عمودها وانسياب أركانها وأعوادها والجمال إللي ربنا جعله في شكلها وحُسن منظرها وبهاء لونها وطيب ثمارها؛ فلن يستطيع أبدا إدراكه إلا لو شافه👌

يا ترى بقى إيه الثمار إللي بتخرج من شجر الجنة؟
ده إللي هنعرفه الحلقة الجاية إن شاء الله 👌

♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊

◇مصادر حلقة النهاردة في التعليقات 👇

♡طبعا أي ملاحظة ياريت تقوليلي فالمؤمن مرآة أخيه❤

¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌

#Eman_Shalapy

والفِكاك في الحديث يعني الفداء،
فيكون فداء المسلم هو اليهودي أو النصراني بسبب إللي عملوه ضد الإسلام وصدهم عن سبيل الله💁
ولحد نهاية الدنيا الصراع قائم بين المؤمنين واليهود والنصارى بالذات زي ما شرحنا في علامات الساعة لو تفتكروا👌
فدلوقتي بقى وضحت الصورة وهيعرفوا إن محدش هيدخل الجنة إلا لو كان مسلما مؤمن برسول الله ﷺ🙂

وقبل ما العبد يدخل الجنة ربنا هيخليه يشوف مكانه من النار لو كان أساء ومات على الكفر، فهنا يزداد العبد شكرا لله عز وجل، ويقول:
"وَمَا كُنَّا لِنَهْتَدِيَ لَوْلا أَنْ هَدَانَا اللَّهُ"《سورة الْأَعْرَافِ آية(43)》
وكذلك الكافر ربنا هيخليه يشوف مكانه من الجنة لو كان أسلم عشان يزداد حسرة، فيقول:
"لَوْ أَنَّ اللَّهَ هَدَانِي لَكُنْتُ مِنَ الْمُتَّقِينَ"
《سورة الزُّمَرِ آية(57)》
وقال رسول الله ﷺ:
"لا يَدْخُلُ أحَدٌ الجَنَّةَ إلَّا أُرِيَ مَقْعَدَهُ مِنَ النَّارِ لو أساءَ؛ لِيَزْدادَ شُكْرًا، ولا يَدْخُلُ النَّارَ أحَدٌ إلَّا أُرِيَ مَقْعَدَهُ مِنَ الجَنَّةِ لو أحْسَنَ؛ لِيَكونَ عليه حَسْرَةً."《صحيح البخاري》

¤محدش بقى يقول لي يعني هم اليهود والنصارى إللي قبل رسول الله ﷺ وكانوا موحدين مش هيدخلوا الجنة😅
ركزوا في سياق الكلام👌
احنا بنتكلم عن اليهود والنصارى إللي جاءوا بعد بعثة رسول الله ﷺ وأنكروا بعثته إلى يوم القيامة💁

أما بقى إزاي هيكون الميراث ده وهيتوزع إزاي على المؤمنين؟ وعلى أي أساس هيكون الميراث؟
فده علمه عند الله 🤷
احنا مش مُطالبين نعرف ده ولا ينبني عليه عمل أصلا، احنا بس ربنا يكرمنا كده وندخلها ومش مهم أي حاجة بعد كده😅

نكمل بقى هتشوف إيه في الجنة وانت ماشي في الطريق إلى بيتك مع المؤمنين جعلنا الله وإياكم من أهلها🤲

هتشوف في الجنة حبائل اللؤلؤ متعلقة في نواحي الجنة المختلفة،
زي كده لما بِنُزيّن البيت بشرائط ملونة مدلدلة من السقف في المناسبات، يعني ده تزيين للجنة ذاتها😅
ورسول الله ﷺ كان شاف حبائل اللؤلؤ دي لما دخل إلى الجنة في رحلة الإسراء والمعراج، قال رسول الله ﷺ:
"ثُمَّ أُدْخِلْتُ الجَنَّةَ، فَإِذَا فِيهَا حَبَايِلُ اللُّؤْلُؤِ وَإِذَا تُرَابُهَا المِسْكُ"
《رواه البخاري》

وهتشوف الألوان المختلفة في الجنة، لكن اللون الغالب على الجنة هو اللون الأخضر، ربنا قال عن الجنة:
"مُدْهَامَّتَانِ"《سورة الرحمن آية(64)》
يعني لونها شديد الخضار من كثرة ما ارتوت بالماء👌

فالجنة فيها حدائق وبساتين من نخيل وأشجار من كل الأنواع، قال تعالى:
"إِنَّ لِلْمُتَّقِينَ مَفَازًا ۩ حَدَائِقَ وَأَعْنَابًا"《سورة النبأ آية(31-32)》
وشجر الجنة مش زي شجر الدنيا، يعني مش هتلاقي مثلا واقع منه أعواد تالفة زي شجر الدنيا، لأ؛ لأن أصلا سيقان شجر الجنة من الذهب مش من الخشب، واحنا حتى منعرفش حقيقة ذهب الجنة؛ هو بس بيشترك في الاسم مع ذهب الدنيا👌
قال رسول الله ﷺ:
"ما في الجنَّةِ شجرةٌ إلَّا ساقُها مِن ذهَبٍ"
《صحيح سنن الترمذي》

ومن أمثلة شجر الجنة؛ الشجرة المشهورة:《شجرة طوبى》
قال رسول الله ﷺ:
"طوبى شجرةٌ في الجنَّةِ، مسيرةُ مائَةِ عامٍ، ثيابُ أهلِ الجنةِ تخرجُ مِنْ أكْمامِها"《صحيح الجامع》
يعني الشجرة دي حجمها كبير جدا لدرجة إن لو الواحد حاول يمشي في ظلها هيقعد مائة سنة ماشي ومش هيخلصها،
قال تعالى: "وَظِلٍّۢ مَّمْدُودٍۢ"《سورة الواقعة آية(30)》
وثمار الشجرة دي عبارة عن ملابس أهل الجنة،
يعني في شجر للتفاح وشجر للمانجا وشجر للعنب وهكذا،
دي بقى شجرة للملابس😅

☆طب إزاي الشجرة يكون لها ظل ومفيش شمس👀
ربنا قادر على كل شيء سبحانه، ده غير إن ظل الجنة غير ظل الدنيا أصلا،
يعني مثلا ربنا بيقول عن المؤمنين:
"لَّهُمْ فِيهَا أَزْوَاجٌ مُّطَهَّرَةٌ وَنُدْخِلُهُمْ ظِلاًّ ظَلِيلاً"
《سورة النساء آية(57)》
فالظل الظليل معناه إنه ظل عميق كثير، وهو دائم وغزير طيب،
وظل الجنة لا ينحسر ويتقلص زي ظل الدنيا،
يعني الظل في الدنيا متغير على حسب تغيير مكان الشمس، أما ظل الجنة فهو ممدود لا يتغير👌
فالشاهد يعني إن ربنا قادر على إنه يجعل للأشجار ظلال حتى بدون وجود الشمس💁

وفي كمان شجرة سدرة المنتهى، وهي عبارة عن شجرة السدر، إللي هو النّبق، ويقول العلماء إن أصلها في السماء السادسة...يعني الجذر والساق في السماء السادسة،
وثمارها وأوراقها إللي هو رأس الشجرة موجود فوق السماء السابعة،
فهي حجمها كبير جدا،
بيوصفها رسول الله ﷺ لما شافها في رحلة المعراج ويقول:
ثم انطلقَ بى حتى انتهى إلى سدرةِ المُنْتهى، ونبْقُها مثلُ قِلالِ هَجَرَ وورقُها كآذانِ الفيلةِ، تكادُ الورقةُ تغطّى هذِه الأمة، فغشيها ألوانٌ لا أدري ما هيَ"《صحيح الجامع》

خليني أقول لك مثال،
إيه رأيك لو الشركة إللي انت بتشتغل فيها صرفت لك مكافأة بسبب مجهودك وتعبك وشغلك الممتاز،
فلما روحت تاخد المكافأة لقيتهم بيقولوا شوف زميلك ده مكنش بيشتغل وكان مضيع وقت الشغل كله في اللعب والتهريج، فاحنا هنديك المكافأة بتاعته إللي المفروض كان هياخدها لو كان اشتغل،
ساعتها انت هتبقى سعيد أد إيه😅

أهه ده إللي هيحصل معاك ومع المؤمنين يوم القيامة👌
بمعنى إن المؤمنين لما يدخلوا الجنة مش بس هياخدوا نصيبهم من الجنة إللي ربنا كافئهم بيه، لأ، دول كمان هياخدوا نصيب الكفار من الجنة👌
ركز معايا كده وشوف المثال إللي هقوله💁
تخيل معايا مدرس وعنده مجموعة من الطلاب، خلينا نقول عددهم مثلا ثلاثين طالب،
المدرس أعطى الطلبة كلهم مجموعة واجبات يعملوها وقال لهم إن إللي هيعمل الواجبات دي هياخد مكافأة وإللي مش هيعملها هيتعاقب،
فالمدرس هنا المفروض إنه يجهز كم مكافأة وكم عقاب؟
أكيد ثلاثين مكافأة بحسب عدد الطلبة إللي عنده وإللي الأصل أصلا إنهم كلهم هيعملوا الواجبات دي💁
وكذلك هيجهز ثلاثين عقاب بحسب برده عدد الطلبة لو حصل إنهم كلهم معملوش الواجبات، تمام كده😅

إللي حصل إن نص الطلبة بس هم إللي اجتهدوا وحلوا الواجبات،
أما النص التاني كانوا فاشلين ومحلوش حاجة😕
ومش كده وبس دول كمان كانوا بيحاولوا يعطلوا النص الأول المجتهد بكل الطرق عشان ميعملوش الواجبات هم كمان عشان يكونوا زيهم،
فلما المدرس شاف النتيجة وشاف اجتهاد نص الطلبة الأول وحلهم للواجب؛ أعطاهم المكافأة بتاعتهم، وشاف إن النص التاني معملوش الواجبات فبالتالي يستحقوا العقاب💁

فكده اتبقى عندنا النص التاني من المكافأة إللي المفروض كان هيبقى من نصيب باقي الطلبة لو كانوا حلوا الواجبات، واتبقى النص التاني من العقاب إللي كان هيروح للطلبة المجتهدين لو مكنوش حلوا الواجبات، فدول كده هيروحوا فييين؟🤔

النص التاني من المكافأة هيروح للنص الأول المجتهد لأنهم مسمعوش كلام الطلبة الفاشلة ولم يستجيبوا لهم وعملوا واجباتهم،
فكده تكون مكافئتهم تضاعفت،
فهم أخذوا مكافأة اجتهادهم وكمان أخذوا نصيب النص التاني إللي سبّبوا لهم الأذى وكانوا هيكونوا سبب في حرمانهم من المكافأة،
في حين إن الطلبة الفاشلة هيحصلوا على النص التاني من العقاب بسبب إنه حاولوا يفتنوا ويعطلوا ويؤذوا النص الأول المجتهد👌

ولله المثل الأعلى في السماوات والأرض👌
ربنا خلق كل البشر لعبادته سبحانه وجعلهم كلهم على الفطرة، فخلق الجنة لمكافأة المُطيع وخلق النار لعقاب الغير مطيع،
فكل واحد له مكانين: مكان في الجنة إذا آمن ومكان في النار إذا لم يؤمن، زي كده الطالب إللي له نصيبه من المكافأة وله نصيب من العقاب،
فالمؤمنين خلاص كده كل واحد له نصيبه من الجنة أو من المكافأة بسبب إيمانه وأعماله الصالحة واجتهاده،
وكذلك الكافرين كل واحد له نصيبه من النار أو من العقاب بسبب كفره،
فكده اتبقى نص المكافأة إللي هو نصيب الكفار من الجنة لو كانوا آمنوا واتبقى نص العقاب إللي هو نصيب المؤمنين لو لم يؤمنوا👌

يبقى كده نص المكافأة ونص العقاب هيروحوا لمين😀
أيواااا بالضبط كده👌
المؤمنين هياخدوا نص المكافأة التاني إللي هو كان نصيب الكفار بسبب إن الكفار كانوا بيحاولوا يفتنوا المؤمنين عن دينهم في الدنيا وبيعذبوهم وبيحاولوا بكل الطرق إنهم يخلوهم كفار زيهم،
أما الكفار فهم هياخدوا نص العقاب الثاني بسبب فتنتهم للمؤمنين وتعذيبهم لهم👌
فالعلاقة بين المؤمنين والكفار هنا《تُشبِه》علاقة الظالم والمظلوم،
يعني المظلوم بياخد من حسنات الظالم،
فكذلك لما الكفار كانوا بيفتنوا المؤمنين وبيعملوا كل حاجة تضيّع عليهم دينهم وبيصدوهم عن سبيل الله؛ كانوا في منزلة الظالم لهم فأخذوا نصيبهم من الجنة واستحقوا هم العقاب،
زي مثال الطلبة إللي محلوش الواجب وكانوا بيؤذوا الطلبة المجتهدين وبيعطلوهم👌

والكلام إللي قلناه ده👆 هو شرح لقول الله عز وجل:
"وَتِلْكَ الْجَنَّةُ الَّتِي أُورِثْتُمُوهَا بِمَا كُنْتُمْ تَعْمَلُونَ"
《سورة الزخرف آية(72)》
يعني المؤمن يرث نصيب الكافر من الجنة، والكافر يرث نصيب المؤمن من النار وده بسبب أعمال كل واحد👌

وكمان هو شرح باختصار لقول رسول الله ﷺ:
"إِذَا كَانَ يَوْمُ الْقِيَامَةِ دَفَعَ اللَّهُ عَزَّ وَجَلَّ إِلَى كُلِّ مُسْلِمٍ يَهُودِيًّا أَوْ نَصْرَانِيًّا فَيَقُولُ هَذَا فِكَاكُكَ مِنْ النَّارِ"《صحيح مسلم》
هو هنا في الحديث ذكر اليهود والنصارى بالذات؛ لأن اليهود والنصارى كان كل فريق منهم بيقول إن محدش هيدخل الجنة إلا لو كان يهودي ودول اليهود،
أو محدش هيدخل الجنة إلا لو كان نصراني و دول النصارى،
قال تعالى:
"وَقَالُوا لَنْ يَدْخُلَ الْجَنَّةَ إِلَّا مَنْ كَانَ هُودًا أَوْ نَصَارَى"
《سورة البقرة آية(82)》

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثانية_والستون
#المرحلة_الثالثة_اليوم_الآخر
#وصف_الجنة_والنار_الجزء_السادس
#ميراث_أهل_الجنة_وأشجار_الجنة

اتكلمنا المرة إللي فاتت عن أرض الجنة وقلنا إنها من الفضة وقلنا إن التراب بتاعها من المسك والزعفران، والمسك بتاعها لونه أبيض شديد البياض،
وقلنا إن لها رائحة جميلة جدا بتتشم من على بُعد أربعين عامًا، أو سبعين عامًا أو مائة عام أو خمسمائة عام بحسب أعمال العبد ودرجته في الجنة،
وقلنا إن في ناس هيتحرموا من شم ريحة الجنة دي، مين هم بقى؟
عد معايا وخد بالك لتكون منهم أو حد من أهل بيتك منهم👌

1️⃣ النساء المتبرجات الكاسيات العاريات وما أكثرهن في زماننا😓
يعني إللي مش لابسين حجاب شرعي صحيح وبيلبسوا ملابس ضيقة أو خفيفة فتكون الواحدة كأنها لابسة ومش لابسة في نفس الوقت،
فتخيل بُعد النساء المتبرجات الكاسيات العاريات عن الجنة نفسها،
يعني الريحة تتشم من على أقصى بُعد وهو خمسمائة سنة، والكاسيات العاريات مش هيشموا الريحة دي ربنا يعافينا، يعني هم بُعاد أوي عن ريحة الجنة فما بالك ببعدهم عن الجنة نفسها هيكون أد إيه😶
وكل ده في مقابل إيه؟!
في مقابل ملابس ضيقة مفصّلة لجسدها؟!!
في حد عاقل يبيع جنة عرضها السماوات والأرض عشان شوية ملابس؟!!!
قال رسول الله ﷺ:
صِنْفَانِ مِنْ أَهْلِ النَّارِ لَمْ أَرَهُمَا، وذكر منهما:
"نِسَاءٌ كَاسِيَاتٌ عَارِيَاتٌ مُمِيلَاتٌ مَائِلَاتٌ، رُؤُوسُهُنَّ كَأَسْنِمَةِ الْبُخْتِ الْمَائِلَةِ  لَا يَدْخُلْنَ الْجَنَّةَ وَلَا يَجِدْنَ رِيحَهَا"《رواه مسلم》

2️⃣الشخص إللي بيصبغ شعره بالسواد بأي طريقة، سواء كان ذكر أو أنثى،
قال رسول  اللهﷺ: "يَكونُ قومٌ يخضِبونَ في آخرِ الزَّمانِ بالسَّوادِ كحواصلِ الحمامِ
لا يريحونَ رائحةَ الجنَّةِ"《صحيح أبي داود》
و حواصلِ الحمامِ معناه صدور الحمام، فالناس دي هتصبغ شعرها باللون الأسود زي صدور الحمام إللي بيكون غالب لونه أسود،
فمادام الصبغ بلون مختلف عن الأسود فمفيش مشكلة،
لكن النهي عن الصبغ بالأسود👌

3️⃣الشخص إللي بيكون مسؤول عن رعِية فيُقصّر في حَقِّ رَعِيَّتِه ولا يَرعَاهَا ولا يَنصَحْ لها، ويضَيَّعَ حُقوقَها الدِّينيَّةَ والدُّنيويَّةَ،
سواء كان حاكم أو حتى زوج مع أهل بيته أو زوجة مع أهل بيتها أو أي واحد كان مسؤول عن مجموعة من الناس سواء المجموعة دي كبيرة أو صغيرة👌
يعني الأزواج إللي مقصرين في تحمل مسؤولياتهم وراميين كل حاجة على زوجاتهم ومقصرين في تربية أولادهم يلحقوا نفسهم ويصلحوا لأنهم ممكن يدخلوا في الحديث ده😓
وأنا بركز على النقطة دي لأنها منتشرة جدا في زماننا دلوقتي، فكل واحد يراجع حياته ويراجع نفسه،
مسؤولية الزوج مش توفير أكل وشرب بس، مسؤولية الزوج أكبر من كده بكتير👌
قال رسول الله ﷺ:
"ما مِن عَبْدٍ اسْتَرْعاهُ اللَّهُ رَعِيَّةً، فَلَمْ يَحُطْها بنَصِيحَةٍ، إلَّا لَمْ يَجِدْ رائِحَةَ الجَنَّةِ"《صحيح البخاري》
لم يَحُطْها بنَصِيحَةٍ يعني: لم ينصح لرعيته ولم يولها عنايته، ولم يقم عليها بما ينبغي سواء كانت الرعية صغيرة أو كبيرة👌

4️⃣ الشخص إللي بيتعلم العلم والمفروض يكون بيتعلمه لله لكنه بيتعلمه لأجل دنيا، سواء شهرة أو مدح أو عايز منصب من وراء العلم ده. قال رسول الله ﷺ:
"من تعلَّم علمًا مما يبتغى به وجهَ اللهِ تعالى، لا يتعلَّمُه إلا ليُصيبَ به عرضًا من الدنيا لم يجِدْ عَرْفَ الجنةِ يومَ القيامةِ"
《صحيح الترغيب والترهيب》
و عَرْفَ الجنة في الحديث يعني ريحَها👌

5️⃣ إللي بيقتل مُعاهَدًا، والمعاهد هو واحد كافر دخل إلى دارِ الإسلامِ بأمانٍ سواء كان يهودي أو نصراني، قال رسول الله ﷺ:
"مَن قَتَلَ نَفْسًا مُعاهَدًا لَمْ يَرِحْ رائِحَةَ الجَنَّةِ، وإنَّ رِيحَها لَيُوجَدُ مِن مَسِيرَةِ أرْبَعِينَ عامًا"《صحيح البخاري》

6️⃣ المرأة إللي بتطلب الطلاق بدون سبب وبدون ضرر، قال رسول الله ﷺ:
"أيُّمَا امرأةٍ سألت زوجَها طلاقًا في غيرِ ما بأسٍ فحرامٌ عليها رائحةُ الجنةِ"《صحيح أبي داود》
يعني المرأة إللي تطلب الطلاق مِن زوجِها دونَ وُقوعِ ضرَرٍ أو أذًى عليها مِن زوجِها، ودونَ سببٍ واضحٍ ومقبول؛ تكون من الناس إللي مش هيشموا رائحة الجنة،
وكل أصناف الناس دي لو ماتوا على التوحيد فهم في النهاية هيدخلوا الجنة، لكنهم مش هيشموا رائحةَ الجنَّة زي ما هيشمها المُحسِنون من البداية، ولن يدخُلوها مع أوَّلِ الدَّاخلين👌

فتخيل ابتعاد الناس دي عن الجنة أد إيه😓
ربنا يصلح حالنا وحال المسلمين ويرزقنا جميعا توبة قبل الموت🤲

نرجع بقى للجنة ووصفها،
كده انت شميت ريحة الجنة وشوفت الأرض وشوفت الحصى والرمل،
بعدين هترفع رأسك تنظر إيه موجود حواليك،
لكن قبل ما أقولك هتشوف إيه، خليني أقولك معلومة مهمة👌
انت لما تدخل الجنة مش بس هتاخد نصيبك من النعيم؛ ده انت كمان هتورث نصيب الكافر من النعيم😀
يعني إيه الكلام ده🤨

#تلاوات_خاشعة 💚

من الآية 93 إلى الآية 118 من سورة المؤمنون
بصوت القارىء رعد الكردي
اللهم اجعل القرآن العظيم ربيع قلوبنا ونور صدورنا وجلاء أحزاننا وذهاب همومنا

ما يجري في شمال غزة الآن وفي  #جباليا يفوق الوصف والخيال: أهوال ونيران ودماء وأشلاء، وجوع وعطش وقلة دواء، وطغيان وجبروت واستعلاء من العدو، وثبات وصمود وصبر وعزم من أهل الشمال والمقاومة؛ أيامٌ ربما لم يمرّ مثلها من بداية الأحداث منذ عام.
#شمال_غزة_يباد ويجب على الكل أن يترك كل شيء ويركّز مع هذه القضية الآن، وكل من كان إلى فلسطين أقرب فصوته أعلى وأكثر تأثيراً، ومن لم يستطع إلا الدعاء فليدعُ بقلبه قبل لسانه.

ونصيحة من محب: لنقترب من بعضنا ونوحد كلمتنا  ونتسامح فلعل الله يرحم أمتنا بوحدة صفّنا وائتلاف قلوبنا.
✍ الشيخ/أحمد السيد