💗💗💗💗💗💗
هَاجـر 💛
@hajer_n
هذا أنا ، انسان يُحب أن يعمل بأستمرار على مشاريعه الخاصة.. وأنا مشروعي الاكبر . ⭐️
@hajer55_bot
هَاجـر 💛 (Arabic)
هَاجـر 💛 هو قناة تليجرام تديرها المستخدمة hajer_n. تعرض القناة مشاريع شخصية لهاجر، شخص تحب العمل المستمر على أفكارها ومشاريعها. هاجر تعتبر نفسها مشروعها الأكبر، وتسعى دائماً لتحقيق أهدافها وتحقيق أحلامها. إذا كنت تبحث عن الإلهام والإبداع، فهذه القناة هي المكان المثالي لك. انضم إلى هَاجـر 💛 اليوم لتكون جزءًا من رحلة هاجر وتستلهم من مشاريعها الشخصية وروحها الإبداعية. تابع hajer_n على تليجرام واستعد لموجة من الإلهام والتحفيز!
هَاجـر 💛
10 Jan, 15:18
مرحباً اصدقائي 🎈
" مَنْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً "
يجب أن تكون هذه الاية دستورنا الخاص في التعامل مع الله في يومنا كله من اوله الى أخره .
التجارة مع الله من اكثر التجارات المربحة وتعود عليك بأكثر من انفاقك ، حتى تجعلك مندهش وانت جالس في احد الايام وتتسائل ، أي عمل صالح نتاجه الخير الذي في متناول يديك ؟
أقسم أنك ستعيش المعنى الحرفي للمعجزات ، تخيل أن تأتيك المساعدة وانت لم تطلبها من احد وأن تتسابق في طريقك الخيرات والمنع الصالح الذي يحجب عنك سوء محتمل غير ظاهر لك . ✨
في يوم سمعت أحد المشايخ قال " اختم اي عمل تتمه في اليوم بجملة أني ذاهب الى ربي " أي عمل او تزكية سواء في وقتك او في علمك او مالك او مساعدتك لاي حيوان في طريقك ، او تسهيلك لامر مؤمن ، او حتى ابتسامتك وتعاملك الطيب مع الاخرين ، اقصد بها كلها وجه الله وتناسى أنك فعلتها حتى تعود عليك اعمالك في يوم من الايام وانت مندهش ! ولا تعلم ماذا انفقت حتى عادت عليك كل هذه الخيرات .
فأنفقوا يا اصحاب بكل ما تستطيعون انفاقه في يومكم ، أنفقوا حتى من عواطفكم وصدقوني سوف يدهشكم الرحمن بثمار ما زرعتم ، ورددو دائماً " اللهم وفقني للاعمال الصالحة و لمارضيك ولكل خير وأعني لانفق فيما تحب وترضى " ♥️
" مَنْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً "
يجب أن تكون هذه الاية دستورنا الخاص في التعامل مع الله في يومنا كله من اوله الى أخره .
التجارة مع الله من اكثر التجارات المربحة وتعود عليك بأكثر من انفاقك ، حتى تجعلك مندهش وانت جالس في احد الايام وتتسائل ، أي عمل صالح نتاجه الخير الذي في متناول يديك ؟
أقسم أنك ستعيش المعنى الحرفي للمعجزات ، تخيل أن تأتيك المساعدة وانت لم تطلبها من احد وأن تتسابق في طريقك الخيرات والمنع الصالح الذي يحجب عنك سوء محتمل غير ظاهر لك . ✨
في يوم سمعت أحد المشايخ قال " اختم اي عمل تتمه في اليوم بجملة أني ذاهب الى ربي " أي عمل او تزكية سواء في وقتك او في علمك او مالك او مساعدتك لاي حيوان في طريقك ، او تسهيلك لامر مؤمن ، او حتى ابتسامتك وتعاملك الطيب مع الاخرين ، اقصد بها كلها وجه الله وتناسى أنك فعلتها حتى تعود عليك اعمالك في يوم من الايام وانت مندهش ! ولا تعلم ماذا انفقت حتى عادت عليك كل هذه الخيرات .
فأنفقوا يا اصحاب بكل ما تستطيعون انفاقه في يومكم ، أنفقوا حتى من عواطفكم وصدقوني سوف يدهشكم الرحمن بثمار ما زرعتم ، ورددو دائماً " اللهم وفقني للاعمال الصالحة و لمارضيك ولكل خير وأعني لانفق فيما تحب وترضى " ♥️
هَاجـر 💛
08 Jan, 22:28
احب افتح عيوني بفضول تجاه كل شي
واحب خبصتي واني داتعلم شي جديد ومايبقى شخص ما احجيله عنه
احب فضولي تجاه المعرفة واحب كل شخص يزودني بيها
احب قيمة العلم وشلون توسع مدارك الانسان
احب حتى دفع الثمن مقابل الحصول على العلم .
فيارب الهمني الحكمة وعلمني شلون ممكن اصنع من عقلي ارث للاجيال الي بعدي ♥️♥️♥️♥️♥️♥️
واحب خبصتي واني داتعلم شي جديد ومايبقى شخص ما احجيله عنه
احب فضولي تجاه المعرفة واحب كل شخص يزودني بيها
احب قيمة العلم وشلون توسع مدارك الانسان
احب حتى دفع الثمن مقابل الحصول على العلم .
فيارب الهمني الحكمة وعلمني شلون ممكن اصنع من عقلي ارث للاجيال الي بعدي ♥️♥️♥️♥️♥️♥️
هَاجـر 💛
08 Jan, 22:26
من كم يوم جنت امتحن امتحان صعب وسعيي قليل بي وحسيت بتوتر ، فكلت لاختي تتحديني أصفي بيانات شركة وهاي الارقام الدتشوفيها كدامج اسويها صفارة ؟
كالت يلا بله شوفيني
كعدت احل بسؤال ومن وصلت لاخر صفر حسيت بأنجاز رهيب ، مثل الي ديصنع شي بأيده وضبط ويا .. مع انُ اني حالة هالسؤال وغلطانة بي هواي بس من غيرت منظوري وشفتها تحدي ، حليته صح ♥️.
كالت يلا بله شوفيني
كعدت احل بسؤال ومن وصلت لاخر صفر حسيت بأنجاز رهيب ، مثل الي ديصنع شي بأيده وضبط ويا .. مع انُ اني حالة هالسؤال وغلطانة بي هواي بس من غيرت منظوري وشفتها تحدي ، حليته صح ♥️.
هَاجـر 💛
08 Jan, 22:25
توني سديت الكتاب وعيوني تعبانة من كد العمليات الحسابية الي درستها ، واحس اجتني لحظة امتنان رهيبة لنعمة التعلم الي صرنا ناقمين عليها وعيونا تروح بس على العلامات الدراسية .
العلامات شي مهم منكدر ننكر هالشي بس هي مو الاهم ، وصراحة اني هم اهلع وانضغط واخاف من الرسوب بس دائماً اكول لنفسي " ماكو شي يصعب على انسان يريد يتعلم والحمد لله مادام عندي صحة وعقل سليم اكدر اتعلم أي شي اريده والنجاح سهل بالنسبة الي ♥️.
العلامات شي مهم منكدر ننكر هالشي بس هي مو الاهم ، وصراحة اني هم اهلع وانضغط واخاف من الرسوب بس دائماً اكول لنفسي " ماكو شي يصعب على انسان يريد يتعلم والحمد لله مادام عندي صحة وعقل سليم اكدر اتعلم أي شي اريده والنجاح سهل بالنسبة الي ♥️.
هَاجـر 💛
03 Jan, 22:45
مرحباً اصدقائي 🎈
توصلت لادراك لطيف واصبحت اردده مؤخراً كلما شعرت بتعظيم شعور معين بداخلي مُذكرة نفسي بعبارة " الانسان مكشوف امام ذاته " ✨
توصلت لهذا الادراك وانا جالسة في أحد الاماكن العامة واشعر بتصاعد شعور معين بداخلي واود اخفائه عن أعين الغرباء فتسائلت " كيف ابدوا من الخارج ؟ هادئة كالمارة ام أن التعب يعلوا ملامحي !
هل يرون الافكار التي تتقافز فوق ذهني و مخاوفي ! "
لا اتذكر حينها الا الصوت الحكيم الذي رد على تساؤلاتي " حَبيبتي ، الانسان مكشوف امام ذاته فيشعر بثقل الشعور والفكرة ويعظم احزانه وكل مايفقد وهذا طبيعي جداً فهذا الاضطراب جزء من تكوينكِ البشري والجميع يبدوا كذلك ، فلا تنسبي الشعور الى ذاتك سواء شعرتي بحزن او فشل او ضياع او ضللتي الطريق فهذه المشاعر ليست انتِ ، حاولي أن تحتويهن بدون خوف من وجودهن لان وحدك من يعرف القصة الكاملة بالتفاصيل الدقيقة ، فلا بأس ان بدوتي متعبة من الخارج او مضطربة او مبالغة بسعادتك ، تذكري دائماً بانكِ مكشوفة امام ذاتك و وحدك من يستطيع تسمية مشاعرك والتحكم بردود افعالك تجاههن وكيف تبدين من الخارج بسببهن " ♥️
توصلت لادراك لطيف واصبحت اردده مؤخراً كلما شعرت بتعظيم شعور معين بداخلي مُذكرة نفسي بعبارة " الانسان مكشوف امام ذاته " ✨
توصلت لهذا الادراك وانا جالسة في أحد الاماكن العامة واشعر بتصاعد شعور معين بداخلي واود اخفائه عن أعين الغرباء فتسائلت " كيف ابدوا من الخارج ؟ هادئة كالمارة ام أن التعب يعلوا ملامحي !
هل يرون الافكار التي تتقافز فوق ذهني و مخاوفي ! "
لا اتذكر حينها الا الصوت الحكيم الذي رد على تساؤلاتي " حَبيبتي ، الانسان مكشوف امام ذاته فيشعر بثقل الشعور والفكرة ويعظم احزانه وكل مايفقد وهذا طبيعي جداً فهذا الاضطراب جزء من تكوينكِ البشري والجميع يبدوا كذلك ، فلا تنسبي الشعور الى ذاتك سواء شعرتي بحزن او فشل او ضياع او ضللتي الطريق فهذه المشاعر ليست انتِ ، حاولي أن تحتويهن بدون خوف من وجودهن لان وحدك من يعرف القصة الكاملة بالتفاصيل الدقيقة ، فلا بأس ان بدوتي متعبة من الخارج او مضطربة او مبالغة بسعادتك ، تذكري دائماً بانكِ مكشوفة امام ذاتك و وحدك من يستطيع تسمية مشاعرك والتحكم بردود افعالك تجاههن وكيف تبدين من الخارج بسببهن " ♥️
هَاجـر 💛
03 Jan, 13:56
احب الدعوات القلبية جداً و اكو دعوة علمتني عليها صديقتي ، الله يذكرها بالخير من سنين واحب ادعي بيها دائماً " اللهم اصلح فساد قلبي وطهرني من كل حقد وغل وحسد ورياء وغيبة ونميمة حتى القاك " ♥️
هَاجـر 💛
02 Jan, 21:02
مَرة داحجي وي صديقتي وكلتلها " الناس الي شفت منهم سوء بحياتي ابد ما انطيتهم القدرة على انُ يخلقون معتقد سيء بداخلي ويخلوني افقد ايماني بوجود الناس الخَيرة والحنينة
رسولنا الكريم يكول " الخير في أمتي الى يوم القيامة " فشلون أخلي احد يشيل شيلة غيره بس لان طال گلبي سوء وعلى اساسها قررت افقد النظرة الخيرة تجاه هالامة " ♥️
فالشكر لله الف مرة على الناس الحنينة الي يخليهم الله بطريقنا والحمد اله على حصتنا اليومية من الاحضان والضحكات والمديح والكلام الطيب والتعاملات الانسانية من نطلع لحد ما نرجع للبيت .♥️
رسولنا الكريم يكول " الخير في أمتي الى يوم القيامة " فشلون أخلي احد يشيل شيلة غيره بس لان طال گلبي سوء وعلى اساسها قررت افقد النظرة الخيرة تجاه هالامة " ♥️
فالشكر لله الف مرة على الناس الحنينة الي يخليهم الله بطريقنا والحمد اله على حصتنا اليومية من الاحضان والضحكات والمديح والكلام الطيب والتعاملات الانسانية من نطلع لحد ما نرجع للبيت .♥️
هَاجـر 💛
01 Jan, 20:03
اريد أن تتعود خطاي للذهاب الى المساجد والاماكن المقدسة حتى تبدوا طرقاتها مألوفة لدى قدماي
اريد سماع صوت الاذان والتوجيهات الدينية وجملة "سووا صفوفكم واصطفوا"
والصلاوات الجماعية والدعوات اللامتناهية
احب ألفة هذه الاماكن وكيف نبدوا فيها بنسختنا الهينة ونردد أمين لدعوات بعضنا البعض .
منذ ساعات شاهدت امي تقرأ ايات قرانية وتمسح على كتف امرآة غريبة جالسة بجانبها وتدعوا لها ، وعندما انتهت سألتها من تكون ؟
قالت لا اعرفها لكنها كانت تبدوا حزينة وحاولت التخفيف عنها ، وهذا ما اقصده عندما قلت لكم أن الاماكن المقدسة تخرج جوانبنا الانسانية جداً . ♥️
فعسى اللهم أن تأخذنا خطانا الى كل الاماكن التي يذكر فيها اسم الله ، وعسى أن تأخذنا خطانا الى بيته وهذا مراد قلبي الاكبر .♥️
اريد سماع صوت الاذان والتوجيهات الدينية وجملة "سووا صفوفكم واصطفوا"
والصلاوات الجماعية والدعوات اللامتناهية
احب ألفة هذه الاماكن وكيف نبدوا فيها بنسختنا الهينة ونردد أمين لدعوات بعضنا البعض .
منذ ساعات شاهدت امي تقرأ ايات قرانية وتمسح على كتف امرآة غريبة جالسة بجانبها وتدعوا لها ، وعندما انتهت سألتها من تكون ؟
قالت لا اعرفها لكنها كانت تبدوا حزينة وحاولت التخفيف عنها ، وهذا ما اقصده عندما قلت لكم أن الاماكن المقدسة تخرج جوانبنا الانسانية جداً . ♥️
فعسى اللهم أن تأخذنا خطانا الى كل الاماكن التي يذكر فيها اسم الله ، وعسى أن تأخذنا خطانا الى بيته وهذا مراد قلبي الاكبر .♥️
هَاجـر 💛
31 Dec, 16:07
مرحباً اصدقائي 🎈
من الجميل أننا سوف نفتتح هذه السنة الميلادية ببركة افضل شهور السنة روحانية ، وامي دائماً ما كانت تقول لنا كلام الرسول عليه الصلاة والسلام :
"رجَبٌ شهرُ اللَّهِ وشعبانُ شهري ورمضانُ شهرُ أمتي " ♥️
لنتهيء معاً لفضل هذه الاشهر من اعمال تقربنا الى الله ضمن استطاعة كل منا و نجدد بها علاقتنا معه ونجعل هذه العلاقة المركز الذي تدور حوله باقي اهتماماتنا
ونراقب أنفسنا بأي عبادة مقصرين ؟
واين تزل خطانا عند توجهنا اليه ؟
وكيف نشعر بسكينة الصلاة بدل من أن نجعلها مجرد اسقاط فرض ؟
وكيف نستحق الجنة ؟
والله يا اصدقائي لا انجاز يُذكر اهم من هذه العلاقة ولا راحة تحصل عليها حتى لو جبت مشارق الارض ومغاربها وتعددت نجاحاتك وانجازاتك لا شيء يظاهي شعور السكينة الحقيقية بعد الصلاة ، كلام جوف الليل مع الله ، والاعمال التي لا يطلع عليها سواه
وسعيك الدائم لتكون صالح بعينه متجرد من كل شيء ومتوكل عليه حق التوكل
فأجعل دعواك الدائمة " اللهم أعني على شكرك وذكرك وحسن عبادتك "
سنة سعيدة ومُباركة ومليئة بالرحمة والحُب عليكم يا اصحاب 🎈
من الجميل أننا سوف نفتتح هذه السنة الميلادية ببركة افضل شهور السنة روحانية ، وامي دائماً ما كانت تقول لنا كلام الرسول عليه الصلاة والسلام :
"رجَبٌ شهرُ اللَّهِ وشعبانُ شهري ورمضانُ شهرُ أمتي " ♥️
لنتهيء معاً لفضل هذه الاشهر من اعمال تقربنا الى الله ضمن استطاعة كل منا و نجدد بها علاقتنا معه ونجعل هذه العلاقة المركز الذي تدور حوله باقي اهتماماتنا
ونراقب أنفسنا بأي عبادة مقصرين ؟
واين تزل خطانا عند توجهنا اليه ؟
وكيف نشعر بسكينة الصلاة بدل من أن نجعلها مجرد اسقاط فرض ؟
وكيف نستحق الجنة ؟
والله يا اصدقائي لا انجاز يُذكر اهم من هذه العلاقة ولا راحة تحصل عليها حتى لو جبت مشارق الارض ومغاربها وتعددت نجاحاتك وانجازاتك لا شيء يظاهي شعور السكينة الحقيقية بعد الصلاة ، كلام جوف الليل مع الله ، والاعمال التي لا يطلع عليها سواه
وسعيك الدائم لتكون صالح بعينه متجرد من كل شيء ومتوكل عليه حق التوكل
فأجعل دعواك الدائمة " اللهم أعني على شكرك وذكرك وحسن عبادتك "
سنة سعيدة ومُباركة ومليئة بالرحمة والحُب عليكم يا اصحاب 🎈
هَاجـر 💛
26 Dec, 14:58
مو بس اخاف عليهم ، داطور من نفسي حتى اكونلهم خير رفيق ومرجع وحضن دافي 💗💗💗💗💗💗💗.
هَاجـر 💛
26 Dec, 09:36
مرحباً اصدقائي 🎈
رسولنا الكريم عليه افضل الصلاة والسلام يقول " إن قامت الساعة وبيد أحدكم فسيلة فإن استطاع أن لا يقوم حتى يغرسها فليفعل" ✨
بكد ما عيونه على النتائج النهائية وترقبنا الها ، صرنا ما نسعى صح
تخيل نبيك يوصيك تزرع الفسيلة الصغيرة الي بأيدك والساعة قائمة وانت اصلاً مراح تشوف نتيجة عملك ولا حتشوف هالفسيلة تكبر و حتندثر ، بس حتى يبنلك انُ نتائج السعي مو بيدك وانت ماخذ أجر السعي ومكافئته بعد حين مو أله تشوفه عيونك .
فشنو مطلوب منك اليوم ؟
دراسة ، عمل ، اصلاح امور في دينك ودنياك كوم اسعى واغرس فسيلتك ، ماكو وقت ضائع كل الاوقات مناسبة للسعي ومراحت عليك ابد ولا انت متأخر فتوكل على الحي الذي لا يموت وسوي اليوم كل الي يطلع بأيدك . ♥️
{وَأَن لَّيْسَ لِلْإِنسَانِ إِلَّا مَا سَعَىٰ وَأَنَّ سَعْيَهُ سَوْفَ يُرَىٰ ثُمَّ يُجْزَاهُ الْجَزَاءَ الْأَوْفَىٰ}
رسولنا الكريم عليه افضل الصلاة والسلام يقول " إن قامت الساعة وبيد أحدكم فسيلة فإن استطاع أن لا يقوم حتى يغرسها فليفعل" ✨
بكد ما عيونه على النتائج النهائية وترقبنا الها ، صرنا ما نسعى صح
تخيل نبيك يوصيك تزرع الفسيلة الصغيرة الي بأيدك والساعة قائمة وانت اصلاً مراح تشوف نتيجة عملك ولا حتشوف هالفسيلة تكبر و حتندثر ، بس حتى يبنلك انُ نتائج السعي مو بيدك وانت ماخذ أجر السعي ومكافئته بعد حين مو أله تشوفه عيونك .
فشنو مطلوب منك اليوم ؟
دراسة ، عمل ، اصلاح امور في دينك ودنياك كوم اسعى واغرس فسيلتك ، ماكو وقت ضائع كل الاوقات مناسبة للسعي ومراحت عليك ابد ولا انت متأخر فتوكل على الحي الذي لا يموت وسوي اليوم كل الي يطلع بأيدك . ♥️
{وَأَن لَّيْسَ لِلْإِنسَانِ إِلَّا مَا سَعَىٰ وَأَنَّ سَعْيَهُ سَوْفَ يُرَىٰ ثُمَّ يُجْزَاهُ الْجَزَاءَ الْأَوْفَىٰ}
هَاجـر 💛
25 Dec, 08:36
مرحباً اصدقائي 🎈
اكتبوا ثم اكتبوا ثم اكتبوا ..
اصبحنا ممتلئين نشاهد الاف الصور والفديوهات والمعلومات والافلام والاخبار اللامتناهية ، ونتعرض لعشرات المواقف الشخصية في اليوم ونذهب بعدها الى السرير ونحن ممتلئين ونصحو لنزيد هذا الامتلاء بأمتلاء أخر ، الى أن نصل الى مرحلة نكول غير قادرين حتى على اداء ابسط مهامنا اليومية .
شعرت بهذا الشعور مؤخراً ، كنت عاجزة حتى عن النهوض من الفراش ولا استطيع تحديد سبب ما اشعر به الى أن بدأت بالكتابة ، لا اذكر كم صفحة كتبت لكنني تتابعت بطي صفحة تلو الاخرى الى أن شعرت بالخواء الحقيقي الذي كنت افتقد الاحساس به منذ فترة
كتبت كل شعور وفكرة وايمائة رأس تحسست منها
كتبت عن كل الكلمات العابرة التي علقت في ذهني وماشاهدت وماسمعت مؤخراً، كتبت عن الفكرة الكبيرة المخيفة التي تتجول في رأسي وفي الواقع كان حجمها اصغر من أن تحتل كل المساحة التي شغلتها ...
انا اؤمن بالحكمة الداخلية التي اودعها الله في جوف كل واحد منا ، تلك التي يكون صوتها خافت وتحتاج الى أن تخفض أصوات العالم وتنصت لها بكل جوارحك .
فدعونا نكتب اليوم وكل يوم عن ما نريد وما لا نريد ، عن الحب اولاً و عاشراً واخيراً ،عن المخاوف والكلمات
أن نكتب لنفَرغ مساحة بدواخلنا لله ولحكمته و لنكون قادرين حقاً على الاتصال به
لنكتب حد التوازن . ♥️
اكتبوا ثم اكتبوا ثم اكتبوا ..
اصبحنا ممتلئين نشاهد الاف الصور والفديوهات والمعلومات والافلام والاخبار اللامتناهية ، ونتعرض لعشرات المواقف الشخصية في اليوم ونذهب بعدها الى السرير ونحن ممتلئين ونصحو لنزيد هذا الامتلاء بأمتلاء أخر ، الى أن نصل الى مرحلة نكول غير قادرين حتى على اداء ابسط مهامنا اليومية .
شعرت بهذا الشعور مؤخراً ، كنت عاجزة حتى عن النهوض من الفراش ولا استطيع تحديد سبب ما اشعر به الى أن بدأت بالكتابة ، لا اذكر كم صفحة كتبت لكنني تتابعت بطي صفحة تلو الاخرى الى أن شعرت بالخواء الحقيقي الذي كنت افتقد الاحساس به منذ فترة
كتبت كل شعور وفكرة وايمائة رأس تحسست منها
كتبت عن كل الكلمات العابرة التي علقت في ذهني وماشاهدت وماسمعت مؤخراً، كتبت عن الفكرة الكبيرة المخيفة التي تتجول في رأسي وفي الواقع كان حجمها اصغر من أن تحتل كل المساحة التي شغلتها ...
انا اؤمن بالحكمة الداخلية التي اودعها الله في جوف كل واحد منا ، تلك التي يكون صوتها خافت وتحتاج الى أن تخفض أصوات العالم وتنصت لها بكل جوارحك .
فدعونا نكتب اليوم وكل يوم عن ما نريد وما لا نريد ، عن الحب اولاً و عاشراً واخيراً ،عن المخاوف والكلمات
أن نكتب لنفَرغ مساحة بدواخلنا لله ولحكمته و لنكون قادرين حقاً على الاتصال به
لنكتب حد التوازن . ♥️
هَاجـر 💛
20 Dec, 10:23
كل ما اكبر يتشكل عندي مفهوم جديد عن شعور الامان ويبدي يتخذ صور واشكال جديدة ، ويتركز بأشياء ذات قيمة حقيقية ما تنطلب من الاخرين ولا تنشرح هي تنحس بس
وينحصر من اتساع العالم الخارجي ويضم حدود البيت الصغير الحاويني وصوت القران المدفي اركان هذا البيت ، والروحانية الي احسها واني اصلي بزاوية من زواياه ، وريحة طبخ امي الي يسوة عندي كل مطاعم العالم
والاذان الي ينرفع واني كاعدة اشرب كهوتي
والستر والعافية الي كل ما اكول لامي ادعيلي دعوة تدعيلي بيهن وجنت عن جهل اكوللها ادعيلي بشي اكبر وطلع ماكو شي اكبر منهن ♥️
وينحصر من اتساع العالم الخارجي ويضم حدود البيت الصغير الحاويني وصوت القران المدفي اركان هذا البيت ، والروحانية الي احسها واني اصلي بزاوية من زواياه ، وريحة طبخ امي الي يسوة عندي كل مطاعم العالم
والاذان الي ينرفع واني كاعدة اشرب كهوتي
والستر والعافية الي كل ما اكول لامي ادعيلي دعوة تدعيلي بيهن وجنت عن جهل اكوللها ادعيلي بشي اكبر وطلع ماكو شي اكبر منهن ♥️
هَاجـر 💛
03 Dec, 09:52
تدرون احنة ينقصنا انُ بس نباوع لابتلائاتنا بعيون الرضا وندور على الوسائل التساعدنا على التأقلم بنص هالابتلاء
لان مثل ما وضعك الرحمن بهالاختبار ، منطيك بنفس الوقت كل السبل الي تعينك على تخفيف ثقل حمله . ♥️
لان مثل ما وضعك الرحمن بهالاختبار ، منطيك بنفس الوقت كل السبل الي تعينك على تخفيف ثقل حمله . ♥️
هَاجـر 💛
03 Dec, 09:49
احب شعور الالهام الي احصل عليه من تجارب الاخرين وطريقة تعاملهم مع اختبارات الحياة
وهذا الرجل ألهمني جداً ، تخيل يكون اختبارك بأولادك ويكون عندك اربع اولاد اعاقة تامة ( صم وبكم ومكفوفين وتوحد وكل ميكبرون يختل توازنهم ) وماتعرف تتواصل وياهم ولا تعرف تخليهم يتواصلون وي العالم الخارجي ، فبدل ميحس باليأس شاف ابتلائه نعمة ودليل على محبة الله اله وراح يدور على حلول وسافر بيهم وعلم اولاده القراءة والكتابة وحفظ القران عن طريق لغة الاشارة بالايد ! يعني يتواصل وياهم بأيدهم بس
وتخرجو وألقو كلمة عن طريق لغة الاشارة بس ! ♥️
كلش بقى بالي كلامه من كال " المستحيل كلمة ابتدعها العقل حتى يخلينا بمكانا
بس ماكو شي مستحيل للشحص اليحاول ، اني صاير عيون اولادي اليشوفون بيها العالم ولسانهم واذانهم وماشوف بيهم أي اعاقة لان الاعاقة الحقيقية بالقلب مو بالحواس " ♥️♥️♥️♥️
وهذا الرجل ألهمني جداً ، تخيل يكون اختبارك بأولادك ويكون عندك اربع اولاد اعاقة تامة ( صم وبكم ومكفوفين وتوحد وكل ميكبرون يختل توازنهم ) وماتعرف تتواصل وياهم ولا تعرف تخليهم يتواصلون وي العالم الخارجي ، فبدل ميحس باليأس شاف ابتلائه نعمة ودليل على محبة الله اله وراح يدور على حلول وسافر بيهم وعلم اولاده القراءة والكتابة وحفظ القران عن طريق لغة الاشارة بالايد ! يعني يتواصل وياهم بأيدهم بس
وتخرجو وألقو كلمة عن طريق لغة الاشارة بس ! ♥️
كلش بقى بالي كلامه من كال " المستحيل كلمة ابتدعها العقل حتى يخلينا بمكانا
بس ماكو شي مستحيل للشحص اليحاول ، اني صاير عيون اولادي اليشوفون بيها العالم ولسانهم واذانهم وماشوف بيهم أي اعاقة لان الاعاقة الحقيقية بالقلب مو بالحواس " ♥️♥️♥️♥️
هَاجـر 💛
22 Nov, 21:34
من جنت صغيرة جنت هواي اخاف وبوقتها جان الوضع الامني بمنطقتنا ابد مو زين والخوف زاد بسبب هالموضوع بحيث ما اتحرك من غرفة لغرفة الا امي وياي
وبمرة ذبو تهديد لامي ورحت شايلته بيدي ، اتذكر رد فعلها شلون جانت ثابتة بس حتى متخوفني
وسمعت من اخواني انُ امي جايها تهديد ومن الخوف رفضت اروح للمدرسة ، بوقتها كلتلي " مراح يصير شي عليج ولا على اخوانج لان اني معينة شخص يحرسكم ، وبكل مرة تخافين باعي للسيارة الوراج هاي اني دازتها " ♥️
اتذكر لوحت لسيارات بغداد كلها 😂 وجنت متطمنة حيل لفكرة انُ امي دازه شخص يحرسني ، وبكل ما اخاف اباوع للسيارة الوراي .
ومن جنت ارجع تكلي ، الحارس كلي عن كل اخبارج اليوم بس اريد اسمعهم منج بالاول .. وتكعد تسمع اخباري بلا ملل
ومنا بدت تعودني شلون استقل عنها واتخطى الخوف لحد ما نستنيا .♥️
وبمرة ذبو تهديد لامي ورحت شايلته بيدي ، اتذكر رد فعلها شلون جانت ثابتة بس حتى متخوفني
وسمعت من اخواني انُ امي جايها تهديد ومن الخوف رفضت اروح للمدرسة ، بوقتها كلتلي " مراح يصير شي عليج ولا على اخوانج لان اني معينة شخص يحرسكم ، وبكل مرة تخافين باعي للسيارة الوراج هاي اني دازتها " ♥️
اتذكر لوحت لسيارات بغداد كلها 😂 وجنت متطمنة حيل لفكرة انُ امي دازه شخص يحرسني ، وبكل ما اخاف اباوع للسيارة الوراي .
ومن جنت ارجع تكلي ، الحارس كلي عن كل اخبارج اليوم بس اريد اسمعهم منج بالاول .. وتكعد تسمع اخباري بلا ملل
ومنا بدت تعودني شلون استقل عنها واتخطى الخوف لحد ما نستنيا .♥️
هَاجـر 💛
22 Nov, 21:19
قريت مقولة جانت بما معنى " اهلك ايضاً ديعيشون الحياة لاول مرة مثل ما انت دتعيشها لاول مرة ، فخفف حكم عليهم "
بالغالب من جنة بعمر اصغر نحاول نخلي أهلنا بقالب المثالية ونحكم عليهم
لكن لو قلبنا الادوار شوي وصرنا احنة الاهل ، راح نتجرد من المثالية ونحب تنشاف افعال الحب الي نسويها لاولادنا
راح نغمرهم بالحب بالطريقة المتعودين نعبر بيها سواء فهموها او لا ، راح نغلط ومنعرف نتصرف بعض المواقف ومحتكون عدنا حلول فورية لكلشي ولا راح نكدر نمنع الالم عن گلوب اولادنا ، بس راح نساعدهم ونحبهم ونفتحلهم احضانا وهذا اكثر ما نجيد فعله .
وهاي الانسانية النحتاجها من اولادنا والي يحتاجوها اهلنا من عدنا .♥️
بالغالب من جنة بعمر اصغر نحاول نخلي أهلنا بقالب المثالية ونحكم عليهم
لكن لو قلبنا الادوار شوي وصرنا احنة الاهل ، راح نتجرد من المثالية ونحب تنشاف افعال الحب الي نسويها لاولادنا
راح نغمرهم بالحب بالطريقة المتعودين نعبر بيها سواء فهموها او لا ، راح نغلط ومنعرف نتصرف بعض المواقف ومحتكون عدنا حلول فورية لكلشي ولا راح نكدر نمنع الالم عن گلوب اولادنا ، بس راح نساعدهم ونحبهم ونفتحلهم احضانا وهذا اكثر ما نجيد فعله .
وهاي الانسانية النحتاجها من اولادنا والي يحتاجوها اهلنا من عدنا .♥️
هَاجـر 💛
22 Nov, 21:16
مرة سئلتها بفضول " شلون تحبيني اني واخواني ، يعني الواحد شلون يكدر يوزع محبته على اكثر من شخص بنفس الوقت .. معقولة تحبينا كلنا نفس الحب ؟
ضحكت و كالتلي راح تصيرين أم بيوم من الايام وتفهمين شلون الواحد يوزع گلبه على اكثر من شخص ، وراح تنطين لكل واحد الحب الي يحتاجه هو
الحب اليحتاجه اخوج الجبير يختلف عن الحب التحتاجي وانت اصغر وحدة بالعائلة .♥️
ضحكت و كالتلي راح تصيرين أم بيوم من الايام وتفهمين شلون الواحد يوزع گلبه على اكثر من شخص ، وراح تنطين لكل واحد الحب الي يحتاجه هو
الحب اليحتاجه اخوج الجبير يختلف عن الحب التحتاجي وانت اصغر وحدة بالعائلة .♥️
هَاجـر 💛
22 Nov, 21:14
امي عدها قدرة انُ تصلح اشياء ما خربتها
بكل مرة اكون تعبانة واحاول اخفي عنها تعبي ، تنطيني طبطبة تخليني ابجي بحضنها وتكلي " اي هذا الاريده ، طلعي الخانكج "
اليوم امي الي عمرها ٦٣سنة لازمة كتابي بكل حضور وتحاول تفهم حتى تشرحلي شي من ضمن اختصاصي بالوقت الي المفروض ترتاح بي ، ورغم عدها الف مسؤولية اختارت تشاركني بحب بشيء مايعود عليها بنفع بس حتى ترجعلي واهسي بالدراسة . ♥️
بكل مرة اكون تعبانة واحاول اخفي عنها تعبي ، تنطيني طبطبة تخليني ابجي بحضنها وتكلي " اي هذا الاريده ، طلعي الخانكج "
اليوم امي الي عمرها ٦٣سنة لازمة كتابي بكل حضور وتحاول تفهم حتى تشرحلي شي من ضمن اختصاصي بالوقت الي المفروض ترتاح بي ، ورغم عدها الف مسؤولية اختارت تشاركني بحب بشيء مايعود عليها بنفع بس حتى ترجعلي واهسي بالدراسة . ♥️
هَاجـر 💛
17 Nov, 13:19
اليوم حضرت ندوة دينية وجان اكو فقرة اسئلة يكتبوها بورقة وينطوها للشيخ
الي لفتني انُ تقريباً جنة نسئل نفس الاسئلة ، ( عن الحجاب ، عن القرب من الله , عن الصلاة , عن استجابة الدعوات حتى الي سئل عن تعامل وي موقف شخصي )
بحيث الي يسئل سؤال جان كأنه ديحجي عن لسان حال غيره .
هنا تذكرت مقولة كارل يونغ من يكول بما معنى " انو احنه نتشارك بعقل جمعي لا واعي " فلذلك تلمسنا تجارب الاخرين التشبه تجاربنا
وتلهمنا طريقة تعاملهم وياها .
فكلنا على طريق الله وتحت رحمته ودنحاول بهالطريق ونتشارك الايمان ذاته بس اكو بينا الي ما معير هالايمان أهمية ومخفت نوره ، مع أنه موجود ومحفوظ ومن ينتبهله ويشيل الغشاوة من عليه راح يشوف وهَجه شلون يسطع سطع . ♥️
الي لفتني انُ تقريباً جنة نسئل نفس الاسئلة ، ( عن الحجاب ، عن القرب من الله , عن الصلاة , عن استجابة الدعوات حتى الي سئل عن تعامل وي موقف شخصي )
بحيث الي يسئل سؤال جان كأنه ديحجي عن لسان حال غيره .
هنا تذكرت مقولة كارل يونغ من يكول بما معنى " انو احنه نتشارك بعقل جمعي لا واعي " فلذلك تلمسنا تجارب الاخرين التشبه تجاربنا
وتلهمنا طريقة تعاملهم وياها .
فكلنا على طريق الله وتحت رحمته ودنحاول بهالطريق ونتشارك الايمان ذاته بس اكو بينا الي ما معير هالايمان أهمية ومخفت نوره ، مع أنه موجود ومحفوظ ومن ينتبهله ويشيل الغشاوة من عليه راح يشوف وهَجه شلون يسطع سطع . ♥️
هَاجـر 💛
16 Nov, 17:49
وترة حتتعرضون لهواي مواقف يختبر بيها رب العالمين صدق الخطوة الي أتخذتوها ومدى ثباتكم عليها ، فأثبتوا وجاوبوا بأختباركم صح .
( أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ ) ♥️
( أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ ) ♥️
هَاجـر 💛
16 Nov, 17:41
مَرة احد الشيوخ يكول جنت كاعد بسيارة وشغلو اغاني فواحد من الويانا كال " طفو الاغاني ترة الشيخ مايحبهن " فجاوبته " منو كال اني ماحبهن ، بس الله مايحبهن واني ماكدر اكول لله لا ولا افضل الاحبه على الهو يحبه " ♥️♥️
بدون مثالية زايدة اني هم جنت مثلكم ماحب الحجاب ومالبسه عدل وماحب شكلي بي ، بس من بديت اطفي الاسئلة الي بعقلي تجاهه صرت صدقاً ما اتخيل روحي بدون حجاب اصلاً .
واتذكر رديت على احد الاشخاص الي كلي شكلج قبل احلى " كتله اني حلوة بعين رب العالمين وهذا كافي . ♥️
فهاي لازم تكون نظرتنا تجاه احكام رب العالمين ، منقيسها على اساس حبنا وتفضيلنا الشخصي .
بدون مثالية زايدة اني هم جنت مثلكم ماحب الحجاب ومالبسه عدل وماحب شكلي بي ، بس من بديت اطفي الاسئلة الي بعقلي تجاهه صرت صدقاً ما اتخيل روحي بدون حجاب اصلاً .
واتذكر رديت على احد الاشخاص الي كلي شكلج قبل احلى " كتله اني حلوة بعين رب العالمين وهذا كافي . ♥️
فهاي لازم تكون نظرتنا تجاه احكام رب العالمين ، منقيسها على اساس حبنا وتفضيلنا الشخصي .
هَاجـر 💛
16 Nov, 17:37
صح الخطوات الاولى من كلشي تكون مو واضحة وخاصة الحجاب نستغرب شكلنا بي ومحيطنا ينطينا تعليق منا ومنا ومنعرف شلون نشوف نفسنا بنفس النظرة السابقة ، والعقل يحاول يرجعنا لمنطقة الراحة المألوفة والشيطان ميقصر ، بحيث نحس السوينا مو صح واحنة مو كد هالخطوة . ✨
بس صدكوني هاي كلها دلالات الخطوة الصح ، وحتبدون بهالطريق مثل الضاع بمنطقة جديدة وبعدين صار هو الدليل بيها لناس غيره
فتبدون ترتبون نفسكم اكثر وتعرفون الي يلوكلكم وشلون تخترعون شي يوازن بين الجمال والاحتشام .
واني من بديت البس العبايات بالبداية حسيت روحي مبهذلة ومداعرف شلبس ، بعدين كلت " انتِ تعرفين ترتبين نفسج حتى لو جان لبسج قطعة وحدة " وبديت اختار القطع وادمج بين لبسي القديم والجديد واخترع لبسة جديدة واغير بلفات الحجاب لحد ما صارو من يشترون عباية يسئلوني عن أي نوعية احسن ، هاي اني نفسي الي رحت للسوك اول مرة ومعرفت شختار وشلبس وحاسة روحي كلش مو حلوة وامشي بأطراف الطريق من الخجل "♥️
بس صدكوني هاي كلها دلالات الخطوة الصح ، وحتبدون بهالطريق مثل الضاع بمنطقة جديدة وبعدين صار هو الدليل بيها لناس غيره
فتبدون ترتبون نفسكم اكثر وتعرفون الي يلوكلكم وشلون تخترعون شي يوازن بين الجمال والاحتشام .
واني من بديت البس العبايات بالبداية حسيت روحي مبهذلة ومداعرف شلبس ، بعدين كلت " انتِ تعرفين ترتبين نفسج حتى لو جان لبسج قطعة وحدة " وبديت اختار القطع وادمج بين لبسي القديم والجديد واخترع لبسة جديدة واغير بلفات الحجاب لحد ما صارو من يشترون عباية يسئلوني عن أي نوعية احسن ، هاي اني نفسي الي رحت للسوك اول مرة ومعرفت شختار وشلبس وحاسة روحي كلش مو حلوة وامشي بأطراف الطريق من الخجل "♥️
هَاجـر 💛
16 Nov, 17:33
ربنا خله احكام الطلاق والميراث اياتها واضحة الدلالة حتى منجي نلعب بيها ، وخله الصلاة والحجاب من ايات ضمنية الدلالة
بحيث فسروا حسب القران انُ الصلاة وقتين ولكيت شخص ذاك اليوم يحاجج بهالحجة ويكول هي فقط صلاة الفجر والعشاء ! هذا التفسير السطحي الي اكوللكم عليه
في حين عدنا سنة نبوية فسرت كلشي وانطت احكام كل اية ضمنية ♥️
بحيث فسروا حسب القران انُ الصلاة وقتين ولكيت شخص ذاك اليوم يحاجج بهالحجة ويكول هي فقط صلاة الفجر والعشاء ! هذا التفسير السطحي الي اكوللكم عليه
في حين عدنا سنة نبوية فسرت كلشي وانطت احكام كل اية ضمنية ♥️
هَاجـر 💛
16 Nov, 17:32
قبل كم يوم جنت بالمواصلات وكاعدة بصفي بنية شكلها كلش سَمح ولطيف ، فتبادلنا الحديث وكالتلي " شكد حلو الحجاب عليج ، اني داحاول استقيم بكلشي الا خطوة الحجاب ماعرف اخذهه رغم عمري 33 سنة بس ما مقتنعة بعدني وعايفتها للوقت "
ابتسمتلها وكلت " طفي الاسئلة الي بعقلج بالاول تجاه أي خطوة دينية تردين تخطيها حتى ميبقى مدخل للشيطان يشككج بأصحية هالخطوة ، والوقت مراح يزيدج الا شك فبحثي وأعرفي الفرق بين الايات ضمنية الدلالة و واضحة الدلالة والضمنية ارجعي بيها للسنة النبوية ، ولا تحاججين بالقران على اساس قراءة سطحية ، مثل الي يگلج عن احكام هواي ما مذكورة بالقران وهو يفسر حسب قراءته الظاهرية بس " ♥️
ابتسمتلها وكلت " طفي الاسئلة الي بعقلج بالاول تجاه أي خطوة دينية تردين تخطيها حتى ميبقى مدخل للشيطان يشككج بأصحية هالخطوة ، والوقت مراح يزيدج الا شك فبحثي وأعرفي الفرق بين الايات ضمنية الدلالة و واضحة الدلالة والضمنية ارجعي بيها للسنة النبوية ، ولا تحاججين بالقران على اساس قراءة سطحية ، مثل الي يگلج عن احكام هواي ما مذكورة بالقران وهو يفسر حسب قراءته الظاهرية بس " ♥️
هَاجـر 💛
14 Nov, 13:53
بس العالم الخارجي مو هيج طلع ، بحيث اليوم رجعت للبيت واني بعمر ال ٢٤ ابجي لان ماعرفت ارد وقاحة شخص بسبب اعتقادي انه راح يخلي نفسه بمكاني وميوجهلي كلام جارح .
اليوم الدكتورة كدام الطلاب كلتلي " ليش لابسة هيج انتِ ؟ كلتلها اني البس عبايات
كلتلي اي مو مناسب لبسج للجامعة ، لا تلبسي بعد " وضلت الامتحان كله تريد حجة حتى تطردني .
زعلت لان نريد نفرض المناسب مالتنا ونمط بعض ونصير نسخة وحدة ومنحترم اختلاف بعض ، وزعلت اكثر لان طلع العالم الخارجي ميحط نفسه بمكاني قبل لا يحجي حجاية مو حلوة مثل ما كالت امي .
اليوم الدكتورة كدام الطلاب كلتلي " ليش لابسة هيج انتِ ؟ كلتلها اني البس عبايات
كلتلي اي مو مناسب لبسج للجامعة ، لا تلبسي بعد " وضلت الامتحان كله تريد حجة حتى تطردني .
زعلت لان نريد نفرض المناسب مالتنا ونمط بعض ونصير نسخة وحدة ومنحترم اختلاف بعض ، وزعلت اكثر لان طلع العالم الخارجي ميحط نفسه بمكاني قبل لا يحجي حجاية مو حلوة مثل ما كالت امي .
هَاجـر 💛
14 Nov, 13:52
امي عودتني من الصغر انُ الوعود ينوفي بيها دائماً وبأي شكل من الاشكال بحيث جانت تكلي نامي الظهر وراح تلكين هدية من العصافير جوة راسج ، واكعد فعلاً الكاهه جوه راسي
عمرها ماوعدتني بشي وخلفت الوعد لحد هالعمر وخلتني اني هم اكون كد كل وعد اقطعة .
وانُ بعمري ما اعامل الناس بالطريقة الي ما حب احد يعاملني بيها
وكبرت واني متيقنة انُ الوعود موفية وكلنا حنعامل بعض مثل منحب أن نُعامل .
عمرها ماوعدتني بشي وخلفت الوعد لحد هالعمر وخلتني اني هم اكون كد كل وعد اقطعة .
وانُ بعمري ما اعامل الناس بالطريقة الي ما حب احد يعاملني بيها
وكبرت واني متيقنة انُ الوعود موفية وكلنا حنعامل بعض مثل منحب أن نُعامل .
هَاجـر 💛
12 Nov, 15:53
في كل مرة يمسني الضر أتذكر أني تحت ظلّك، أنت الذي لا يعجزك شيء تولني برحمتك ولا تكلني لسواك.. فلا أضل ولا أشقى. ♥️
هَاجـر 💛
12 Nov, 15:38
لكيت كنز ( يحجي عن الادعية والاعمال وفضل كل واحد بيهن بالادلة من القران والسنة النبوية ) 🤎
هَاجـر 💛
09 Nov, 20:38
كلما اسمع الاذان احسن كأنو داسمع هالنداء اول مرة ، بحيث امنيتي ادخل كل المساجد والاماكن الي يذكر بيها اسم الله واسمع الاذان هناك ♥️
هَاجـر 💛
09 Nov, 20:18
صارلي ايام امشي واردد " الزهد الحقيقي ان لا يملكك شيء يا هاجر "
احنة هنا جايين مو حتى ننملك ، احنة ملك لله اصلاً وهذا جداً كافي
فتعاملي وي الحياة مثل متعاملتي وي الـ ٤ اشهر الكضيتيها بالشغل والي ما جنتي بانية عليها توقعات اصلاً وماشية بيها يوم بيوم وطلعت احلى فترة مثمرة عشتيها بهالسنة كلها ♥️
فأنتوا هم لاتنسون انُ هالحياة بكبرها هي ايام الها نهاية فلا تخلون شي يملكم بيها
وميخالف اذا تناسيتوا هالمفهوم وكعدتو على اطراف الحياة تبجون من التعلق ومن ضغط الحياة وكثرة المسؤوليات ومن الخيبات ، نفضو كل هذا من على اكتافكم وتذكرون انُ هاي لا دارنا ولا ديارنا وراح نلاكي مصيرنا الي ننتظره بعد حين وهذا الي يطمن ♥️
احنة هنا جايين مو حتى ننملك ، احنة ملك لله اصلاً وهذا جداً كافي
فتعاملي وي الحياة مثل متعاملتي وي الـ ٤ اشهر الكضيتيها بالشغل والي ما جنتي بانية عليها توقعات اصلاً وماشية بيها يوم بيوم وطلعت احلى فترة مثمرة عشتيها بهالسنة كلها ♥️
فأنتوا هم لاتنسون انُ هالحياة بكبرها هي ايام الها نهاية فلا تخلون شي يملكم بيها
وميخالف اذا تناسيتوا هالمفهوم وكعدتو على اطراف الحياة تبجون من التعلق ومن ضغط الحياة وكثرة المسؤوليات ومن الخيبات ، نفضو كل هذا من على اكتافكم وتذكرون انُ هاي لا دارنا ولا ديارنا وراح نلاكي مصيرنا الي ننتظره بعد حين وهذا الي يطمن ♥️
هَاجـر 💛
09 Nov, 20:10
بس اذا نرجع للواقع تطبيق هالكلام شوي صعب ، شلون مانتعلق واحنة واحدنا اذا عَطل التلفون الي بأيده ينگلب يومه كله . ✨
اتذكر بحثت باليوتيوب عن مفهوم الزهد وشلون الواحد يبلغ هالمرتبة ، فلكيت شخص سائل احد المشايخ " شلون تريدني ازهد بنص عالم اقتصادي عايش على مفهوم انُ تملك ، فصارت قيمتنا بما نملك فشلون اني ما املك شي بنصهم ؟ "
جاوبه الشيخ احلى جواب اسمعه بحياتي " الزهد لا يعني انك لا تملك شيء ، الزهد الحقيقي ان لا يملكك شيء " ♥️♥️♥️♥️♥️♥️♥️♥️♥️♥️♥️
اتذكر بحثت باليوتيوب عن مفهوم الزهد وشلون الواحد يبلغ هالمرتبة ، فلكيت شخص سائل احد المشايخ " شلون تريدني ازهد بنص عالم اقتصادي عايش على مفهوم انُ تملك ، فصارت قيمتنا بما نملك فشلون اني ما املك شي بنصهم ؟ "
جاوبه الشيخ احلى جواب اسمعه بحياتي " الزهد لا يعني انك لا تملك شيء ، الزهد الحقيقي ان لا يملكك شيء " ♥️♥️♥️♥️♥️♥️♥️♥️♥️♥️♥️
هَاجـر 💛
09 Nov, 20:08
هذا كله صار لان متشبثت بشي ، ما تعاملت وي المكان والاشخاص على انهم ابديين وهذا صراحة الي علمني متعة عيش اللحظة بوقتها
بس احنة بالعادة نسوي العكس بالحياة متناسين مغادرتنا منها مانتعامل وياها على انها مكان حنأدي بي دور معين ونغادر منه مهما طالت فترة مكوثنا بي ، فضلينا نمشي ونتعلق بالاشخاص والاماكن ونشخصن تصرفات بعض ونتنافس ونغدر ونشيل الحزن بگلوبنا ونفتر بي وناسين نعيش . ♥️
بس احنة بالعادة نسوي العكس بالحياة متناسين مغادرتنا منها مانتعامل وياها على انها مكان حنأدي بي دور معين ونغادر منه مهما طالت فترة مكوثنا بي ، فضلينا نمشي ونتعلق بالاشخاص والاماكن ونشخصن تصرفات بعض ونتنافس ونغدر ونشيل الحزن بگلوبنا ونفتر بي وناسين نعيش . ♥️
هَاجـر 💛
09 Nov, 20:06
اخر شغل اشتغلته جنت متفقة وي اصحاب الشغل انُ على كد العطلة فقط اشتغل وبعدها اترك المكان لان يتعارض وي دراستي ، اتذكر وقتها كضيت احلى وأمتع ٤ اشهر
جان اذا يصير سوء فهم ما اتدخل لان اعرف حغادر المكان ، مجنت اشخصن تصرفات احد تجاهي وجنت اشارك بهداية اعياد ميلاد الموظيف الوياي بدون نية ان تنردلي اصلاً .. جنت كل الي اسوي اكمل شغلي واكون على الحياد وعلاقة طيبة وي الكل . ✨
والي صار انُ فعلاً هالاشهر جانت انتقالة حلوة بحياتي ، تعلمت هواي اشياء جديدة و تعرفت على اشخاص جدد وتطورت مهارة التواصل عندي وتعلمت عن منتجات هواي وشلون اكدر انصح الناس بيها وتعلمت التسويق وشلون اراعي اختلاف شخصيات الزبائن بحيث جانو يطلبوني بالاسم وحتى بعد ما تركت المكان ضلو يسئلون عني هم والموظفين . ♥️
جان اذا يصير سوء فهم ما اتدخل لان اعرف حغادر المكان ، مجنت اشخصن تصرفات احد تجاهي وجنت اشارك بهداية اعياد ميلاد الموظيف الوياي بدون نية ان تنردلي اصلاً .. جنت كل الي اسوي اكمل شغلي واكون على الحياد وعلاقة طيبة وي الكل . ✨
والي صار انُ فعلاً هالاشهر جانت انتقالة حلوة بحياتي ، تعلمت هواي اشياء جديدة و تعرفت على اشخاص جدد وتطورت مهارة التواصل عندي وتعلمت عن منتجات هواي وشلون اكدر انصح الناس بيها وتعلمت التسويق وشلون اراعي اختلاف شخصيات الزبائن بحيث جانو يطلبوني بالاسم وحتى بعد ما تركت المكان ضلو يسئلون عني هم والموظفين . ♥️
هَاجـر 💛
03 Nov, 20:05
تدرون انُ سقر انذكرت بأربع مواضع بالقران والي هي باب من ابواب جهنم ( الله يجيرنا وأياكم من دخولها ) وهنا أهل سقر يحجون سبب دخولهم الها .
هَاجـر 💛
02 Nov, 13:23
ياجماعة احجو ويا خلو المحادثة بينكم مفتوحة واطلبو منه الرد
(اني افتح القران واكله يارب احجي وياي ، كلي شلون اتصرف ؟ واكعد احجيله الموضوع القاهرني وافتح القران عشوائي واقرا السورة التطلعلي
ياجماعة اقسملكم انُ ماعرف اكمل قراءة من البجي لان الرد يجي مفصل على سؤالي بحيث اكوم واني خفيفة ، ومن الدهشة اضل اردد " من وجدك ماذا فقد ومن فقدك ماذا وجد يا حبيبي ! )♥️♥️♥️♥️
(اني افتح القران واكله يارب احجي وياي ، كلي شلون اتصرف ؟ واكعد احجيله الموضوع القاهرني وافتح القران عشوائي واقرا السورة التطلعلي
ياجماعة اقسملكم انُ ماعرف اكمل قراءة من البجي لان الرد يجي مفصل على سؤالي بحيث اكوم واني خفيفة ، ومن الدهشة اضل اردد " من وجدك ماذا فقد ومن فقدك ماذا وجد يا حبيبي ! )♥️♥️♥️♥️
هَاجـر 💛
02 Nov, 13:21
بالغالب احنة صرنا نمشي ونتشكى من رب العالمين بدون منحس ، نجزع من التأخير وينهز ايمان الاغلبية كل ما طالت فترة الابتلاء ونتشرط شلون تكون شكل ارزاقنا وشلون نريد نعيشهن ، وكل هذا وهو ما يعاملنا بصفاتنا البشرية ، ما يعاقبنا على عجلتنا الي نوكف بعدها متفشلين كدامه وهو يراوينا الحكمة من التأني
ميطرد المذنب وميقاطع كلامك حتى وانت مزعله بعد ذنب جبير ، وما يعاملنا مثل منعامل بعض لكن احنة نعامله مثل منعامل بعضنا وقت منحس نفسنا غلطانين ، نتهرب ونتفشل ونستحي عن الاعتذار خوفاً من الرفض .. متناسين انُ هو مايرفض المدبر فكيف حاله مع المقبل ! ♥️
ميطرد المذنب وميقاطع كلامك حتى وانت مزعله بعد ذنب جبير ، وما يعاملنا مثل منعامل بعض لكن احنة نعامله مثل منعامل بعضنا وقت منحس نفسنا غلطانين ، نتهرب ونتفشل ونستحي عن الاعتذار خوفاً من الرفض .. متناسين انُ هو مايرفض المدبر فكيف حاله مع المقبل ! ♥️
هَاجـر 💛
02 Nov, 13:20
مَرة سمعت محاضرة للشعراوي جان يحجي بيها عن الابتلاء وكال شيء جان بما معنى " لا تشكو ربك للناس ، لا تكول فعل بي كذا وكذا وطالتني المصيبة الفلانية وتأخرت ارزاقي لان انت بهالحالة دتشكو من ربك الي هو مسبب هذا الابتلاء والتأخير لحكمة معينة .. فأذا ابتلى احدكم فليستتر " ♥️
هَاجـر 💛
29 Oct, 17:16
مردت انزللكم هالفديو اليوم لان مجنت بأفضل حالاتي وكوة كمت من فراشي ومكدرت أسكت هواي اسئلة بعقلي وهالشي شكد ينعكس على ملامح الوجه ، بس معلش هذا الانسان كل يوم بمزاج وقدرة تحمل وهاي هي طبيعته الي مخلتنا نشوفها السوشيل ميديا لان نحس الكل سعيد ومتوازن كل يوم ، بس بالحقيقة هم مو هيج ♥️
هَاجـر 💛
29 Oct, 17:00
وانت هم داوي گلبك من كسرته حتى تكدر تخط بعدين قصة حب تخلص مع العمر .♥️
اعرف ناس هواي تأذت بأسم الحب بطرق بشعة ، واعرف شكد صعبة انُ الانسان يرجع يلملم شتات گلبه بعد خيبة جبيرة ويحاول يرجع لحياته ومايخلي هالكسرة تفَقد هالگلب ايمانه ..
بس ماكو شي يحصل عبثاً وراح تحصل على الحكمة وراء هالكسرة من تتعايش وي حزنك وتبجيه وتشيل غشاوته من على عيونك وتحاول تخفف من ثقل وزنه بكل الطرق الممكنة ، ومن تبطل تشوفه على أنه معاناة صارت بس حتى تأذيك وتوكفك بمكانك لفترة من الزمن ..
كلشي مرتب وبمكانه الصحيح وراح يفهم هالگلب المكسور حكمته وراح يلكه دواه وحيجدد ايمانه ويرجع يحب ويعرف قدر الحُب الينطي واليستحق يستقبلة وحيخط قصته الخاصة الي راح يرويها لاحفادة من يكبر ويكون شاكر لكل الكسرات الي هيئته حتى يكون شخص افضل ويستحق خيار افضل . ♥️
اعرف ناس هواي تأذت بأسم الحب بطرق بشعة ، واعرف شكد صعبة انُ الانسان يرجع يلملم شتات گلبه بعد خيبة جبيرة ويحاول يرجع لحياته ومايخلي هالكسرة تفَقد هالگلب ايمانه ..
بس ماكو شي يحصل عبثاً وراح تحصل على الحكمة وراء هالكسرة من تتعايش وي حزنك وتبجيه وتشيل غشاوته من على عيونك وتحاول تخفف من ثقل وزنه بكل الطرق الممكنة ، ومن تبطل تشوفه على أنه معاناة صارت بس حتى تأذيك وتوكفك بمكانك لفترة من الزمن ..
كلشي مرتب وبمكانه الصحيح وراح يفهم هالگلب المكسور حكمته وراح يلكه دواه وحيجدد ايمانه ويرجع يحب ويعرف قدر الحُب الينطي واليستحق يستقبلة وحيخط قصته الخاصة الي راح يرويها لاحفادة من يكبر ويكون شاكر لكل الكسرات الي هيئته حتى يكون شخص افضل ويستحق خيار افضل . ♥️
هَاجـر 💛
23 Oct, 21:56
احب من اصدقائي يسبقوني بتجربة معينة وينقلولي بعدها دروسهم الحياتية ونتائج محاولاتهم الي ما اعتقد احصلها بهالدقة بـو لا مكان .
هَاجـر 💛
22 Oct, 19:26
صدكني راح تلكة الحب بأوانه وتتزوج بأوانه وتجرب طعم انُ يكون عندك اولاد وتعيش كل المراحل الي دتجي عينك عليها وتتمناها بس بالوقت الي تكون جاهز تعيش هالمراحل بالتدريج مو ركض خلف تريند ولا هرب من ضغط مجتمعي . ♥️
ولاتحس روحك وحيد ومنسي وارزاقك متأخرة وبعيدة ، لا تنسى خزائن ربك مليانة من كل رزق تتمناه روحك وراح يسوقلك التحبه لحد باب گلبك ومراح يعز عليه شي موجود بخاطرك وهو الغني .
انت بس عز هالگلب وعز الله الموجود بهالگلب واذا قررت بيوم من الايام ترخص احد منهم فراح تخسرهم ثنيهم . ♥️
ولاتحس روحك وحيد ومنسي وارزاقك متأخرة وبعيدة ، لا تنسى خزائن ربك مليانة من كل رزق تتمناه روحك وراح يسوقلك التحبه لحد باب گلبك ومراح يعز عليه شي موجود بخاطرك وهو الغني .
انت بس عز هالگلب وعز الله الموجود بهالگلب واذا قررت بيوم من الايام ترخص احد منهم فراح تخسرهم ثنيهم . ♥️
هَاجـر 💛
22 Oct, 19:23
فقبل شوي شفت بنية معلقة على بوست حب وكاتبة " الواحد بنص كل تريندات الحب صار نفسه يلاكي اليحبه هو هم ، ومن قلة الاختيارات يقرر يرجع للاكس " ✨
صفنت على تعليقها هواي وحسيت شلون الاجواء المحيطة تولد عند الانسان ضغط ورغبة بأن اريد اعيش الي ديعيشو اني هم مع اي شخص كدامي ، اريد احس نفسي منشاف ومنتمي لشخص (مع انُ هذا الشي طبيعي جداً واحتياج فطري لكن ما يتحقق بهالطريقة )
فلا تخلي مراحل الناس تخليك تنقم من المرحلة الي انت بيها حالياً ، اشبع منها وحسها حيل ومن تقرر تفتح گلبك الهو اعز ما على الانسان، هالگلب المليان خير وقوة وضعف وحنية وتجارب ومليان بالله والي هو اصلاً ملك الله ، افتح بيبانه بالاماكن الي تقدر ثقل وزنه ومستعده تدفع اي ثمن في سبيل الحصول عليه ♥️
صفنت على تعليقها هواي وحسيت شلون الاجواء المحيطة تولد عند الانسان ضغط ورغبة بأن اريد اعيش الي ديعيشو اني هم مع اي شخص كدامي ، اريد احس نفسي منشاف ومنتمي لشخص (مع انُ هذا الشي طبيعي جداً واحتياج فطري لكن ما يتحقق بهالطريقة )
فلا تخلي مراحل الناس تخليك تنقم من المرحلة الي انت بيها حالياً ، اشبع منها وحسها حيل ومن تقرر تفتح گلبك الهو اعز ما على الانسان، هالگلب المليان خير وقوة وضعف وحنية وتجارب ومليان بالله والي هو اصلاً ملك الله ، افتح بيبانه بالاماكن الي تقدر ثقل وزنه ومستعده تدفع اي ثمن في سبيل الحصول عليه ♥️
هَاجـر 💛
22 Oct, 19:19
مرحباً اصدقائي 🎈
قبل فترة اكو نوعية من الشوكولا صارت تريند وحَصلت على مديح وهالة جبيرة بحيث الناس صارت تحجز عليها وتوصيها مهما كان الثمن ومن جربو طعمها طلع اقل من العادي ومايشبه الوصف ، وبعدها تغير شكل التريند واجتمعو نفس الاشخاص لتجربة شي جديد وعادو خائبين وهكذا ..
اني هنا مداحجي عن الشوكولا ، بس داراويكم رغبة الامتلاك الي عند الانسان التخلي يرغب بتجربة كل ما يجربو من حوله حتى وأن كان هالشيء ما يناسبه شخصياً بس المهم يطفي رغبة الامتلاك الي عنده ومايحس نفسه وحيد لكونه ماضاك طعم الي ضاكو همَ
فتلكة الناس ما عايشة ادوارها بهالحياة صح ولا شبعانة منها ، كلها تركض لهثة على المرحلة الي بعدها فاتحة عينها بفضول تريد تضوك الاحساس الي وصفه الغير عن هالمرحلة ، والبعض يرجع خائب لان ماناسب الطعم توقعاته
وهيج تلكه الانسان عايش بدوامة من عدم الرضا واللهث المتواصل .♥️
قبل فترة اكو نوعية من الشوكولا صارت تريند وحَصلت على مديح وهالة جبيرة بحيث الناس صارت تحجز عليها وتوصيها مهما كان الثمن ومن جربو طعمها طلع اقل من العادي ومايشبه الوصف ، وبعدها تغير شكل التريند واجتمعو نفس الاشخاص لتجربة شي جديد وعادو خائبين وهكذا ..
اني هنا مداحجي عن الشوكولا ، بس داراويكم رغبة الامتلاك الي عند الانسان التخلي يرغب بتجربة كل ما يجربو من حوله حتى وأن كان هالشيء ما يناسبه شخصياً بس المهم يطفي رغبة الامتلاك الي عنده ومايحس نفسه وحيد لكونه ماضاك طعم الي ضاكو همَ
فتلكة الناس ما عايشة ادوارها بهالحياة صح ولا شبعانة منها ، كلها تركض لهثة على المرحلة الي بعدها فاتحة عينها بفضول تريد تضوك الاحساس الي وصفه الغير عن هالمرحلة ، والبعض يرجع خائب لان ماناسب الطعم توقعاته
وهيج تلكه الانسان عايش بدوامة من عدم الرضا واللهث المتواصل .♥️
هَاجـر 💛
21 Oct, 14:15
اكو فترة من حياتي جانت كلش صعبة وقررت بيها انُ اغلق كل حساباتي واغيرها واختفي لحد ما اتشافى ، اتذكر بوقتها احد الاشخاص المقربين مني كلي " لاتغيرين برامجج هاجر انت ما محتاجة لهالشي غيري داخلج ، أن غيرتيهن فهذا مو حل وأن اختفيتي هذا مو حل حقيقي ولا حيخليج تتشافين "
من وقتها واني ادركت انُ الشفاء ميجيك وانت منسحب ومغادر وكاعد بأطراف الحياة ، حتشفى من تقرر تكوم من فراشك الصبح وانت مستثقل الكعدة بس تحاول ماتخلي الاحزان تعطل گلبك عن السعي
حتشفى وانت متربع بنص المكان الرايد تهرب منه .
لو كل مرة تأذينا انسحبنا بيها وغادرنا وكعدنا بالزوايا ، جان هسة ضايق علينا وَسع هالارض كلها .
وكل مرة اتعب بيها اتذكر ﴿إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ﴾
واني منه واله وامشي بحمايته ومتوكلة علي وهاي كلش كافية ، فليش اختار ماعيش واكعد بالزوايا في حين أنُ ممكن اكدر امشي ودليلي الله حتى لو جانت رؤيتي ضبابية ♥️
من وقتها واني ادركت انُ الشفاء ميجيك وانت منسحب ومغادر وكاعد بأطراف الحياة ، حتشفى من تقرر تكوم من فراشك الصبح وانت مستثقل الكعدة بس تحاول ماتخلي الاحزان تعطل گلبك عن السعي
حتشفى وانت متربع بنص المكان الرايد تهرب منه .
لو كل مرة تأذينا انسحبنا بيها وغادرنا وكعدنا بالزوايا ، جان هسة ضايق علينا وَسع هالارض كلها .
وكل مرة اتعب بيها اتذكر ﴿إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ﴾
واني منه واله وامشي بحمايته ومتوكلة علي وهاي كلش كافية ، فليش اختار ماعيش واكعد بالزوايا في حين أنُ ممكن اكدر امشي ودليلي الله حتى لو جانت رؤيتي ضبابية ♥️
هَاجـر 💛
19 Oct, 10:05
احنة هم مثل دياسطي نتمنى ننشاف ابطال بنص السرعة والتطور والانجازات الي دتنخط حوالينا ، لدرجة صرنا نركض وما نحس بالرضا ونتمنى نلمح ايادي تصفك لانجازاتنا او حتى لمحاولاتنا .
لكن لو هدينا السرعة شوية راح نشوف شلون الكومة من الفراش بهالزمن بطولة ، انُ تطلع تكمل سعي وتخلي عينك على حياتك بدون ما تتشتت بسعي الغير وما تنملي روحك بأحساس التأخير والعجز هاي بطولة
أنُ تثبت على مبادئك وتتجرد من التبعيات والركض وراء التريندات وتكون انسان بما تحمله الكلمة من معنى هاي بطولة عظيمة .
انُ تقرب من ربك وتحاول تبني بيتك الي بالجنة بدون متتأثر بالتعليقات الجانبية والسخرية كونك صاير شيخ ومزودها هاي بطولة .
أنُ تضمد الجرح الموجود بروحك وتكمل هاي بطولة
نحتاج بس نباوع للكواليس والمحاولات الي متشوفها الناس ونقدرها لان هاي هي حياتنا الحقيقية وهاي بطولتنا ♥️
لكن لو هدينا السرعة شوية راح نشوف شلون الكومة من الفراش بهالزمن بطولة ، انُ تطلع تكمل سعي وتخلي عينك على حياتك بدون ما تتشتت بسعي الغير وما تنملي روحك بأحساس التأخير والعجز هاي بطولة
أنُ تثبت على مبادئك وتتجرد من التبعيات والركض وراء التريندات وتكون انسان بما تحمله الكلمة من معنى هاي بطولة عظيمة .
انُ تقرب من ربك وتحاول تبني بيتك الي بالجنة بدون متتأثر بالتعليقات الجانبية والسخرية كونك صاير شيخ ومزودها هاي بطولة .
أنُ تضمد الجرح الموجود بروحك وتكمل هاي بطولة
نحتاج بس نباوع للكواليس والمحاولات الي متشوفها الناس ونقدرها لان هاي هي حياتنا الحقيقية وهاي بطولتنا ♥️
هَاجـر 💛
19 Oct, 10:04
مرحباً اصدقائي 🎈
شفت مسلسل يحجي عن شخص يكدر يرجع بالزمن لحقبة الاربعينات
وجان يلتقي بساعي بريد مصري من الاربعينات (اسمه دياسطي) هالشخص يتمنى يكون بطل قومي ويحارب الانكليز ، و جان دائماً يشوف نفسه قليل وما منشاف ومحد يقبل يضمه بأي تنظيم وياه ، لدرجة يكعد يسوي خطط حتى يحرر بلده وحده ويوكف كدام الشباك ويتخيل الناس تصفكله . ✨
لحد ما بيوم من الايام صار اشتباك كدامه ودخل ضرب واحد من الانكليز وضربو بالطلق ، وبعد ما تشافى صارو اصدقائه يكولوله البطل ، لكن هو شنو جان رد فعله !
كال " من شفت نفسي قريب على الموت ادركت انُ مو لازم نموت علمود نكون ابطال ، كل انسان بطل بمكانه وبدوره الي يأدي .. كوني ساعي بريد اقطع مسافات حتى احمل رسائل واطمن شخص عن شخص هاي بطولة .
المدرس الي يعلم الطلاب القراءة والكتابة هاي بطولة ، وانُ تطلع من بيتك وتواجه العالم وتأدي واجباتك هاي الي تستحق عليها لقب البطل " ♥️
شفت مسلسل يحجي عن شخص يكدر يرجع بالزمن لحقبة الاربعينات
وجان يلتقي بساعي بريد مصري من الاربعينات (اسمه دياسطي) هالشخص يتمنى يكون بطل قومي ويحارب الانكليز ، و جان دائماً يشوف نفسه قليل وما منشاف ومحد يقبل يضمه بأي تنظيم وياه ، لدرجة يكعد يسوي خطط حتى يحرر بلده وحده ويوكف كدام الشباك ويتخيل الناس تصفكله . ✨
لحد ما بيوم من الايام صار اشتباك كدامه ودخل ضرب واحد من الانكليز وضربو بالطلق ، وبعد ما تشافى صارو اصدقائه يكولوله البطل ، لكن هو شنو جان رد فعله !
كال " من شفت نفسي قريب على الموت ادركت انُ مو لازم نموت علمود نكون ابطال ، كل انسان بطل بمكانه وبدوره الي يأدي .. كوني ساعي بريد اقطع مسافات حتى احمل رسائل واطمن شخص عن شخص هاي بطولة .
المدرس الي يعلم الطلاب القراءة والكتابة هاي بطولة ، وانُ تطلع من بيتك وتواجه العالم وتأدي واجباتك هاي الي تستحق عليها لقب البطل " ♥️
هَاجـر 💛
14 Sep, 18:44
هواي مرات نحس نفسنا ما منشافين وصوتنا ما مسموع ، ونحاول نفتش على عيون حقيقية تشهد على حياتنا و مواقفنا الصغيرة قبل الجبيرة ، وتساعدنا نضمد جروحنا من الجرح الصغير اليصير بأصبع أيدنا لحد ذاك الجرح المخفي الموجود بأحساسنا . ♥️
مع ذلك ورغم أهمية هذا الاحتياج الفطري ، يبقى الاهم أنُ تختار العيون التستاهل تشوف حقيقتك
لا تختار عين سطحية ماتعرف تشوف عمقك ، ولا عين تشوف بس الي هي حابة تشوفه
ولا عين تراويك مدى سوئك رغم كل محاسنك .. أختار العين المهتمة فعلاً أنُ تشوفك وتساعدك تشوف حتى الاشياء الي ماتبصرها أنتَ بذاتك . ♥️
مع ذلك ورغم أهمية هذا الاحتياج الفطري ، يبقى الاهم أنُ تختار العيون التستاهل تشوف حقيقتك
لا تختار عين سطحية ماتعرف تشوف عمقك ، ولا عين تشوف بس الي هي حابة تشوفه
ولا عين تراويك مدى سوئك رغم كل محاسنك .. أختار العين المهتمة فعلاً أنُ تشوفك وتساعدك تشوف حتى الاشياء الي ماتبصرها أنتَ بذاتك . ♥️
هَاجـر 💛
14 Sep, 18:42
أحتياجك لعيون تشوفك ، هذا أحتياج طبيعي فطري يبدي وياك من الطفولة ، من تسوي أي فعل حتى تجذب انتباه الاهل وتضل تكرر بي لان أكو عيون مهمة كاعدة تشوفك .
ومن تكبر شوي تكوم تشارك بالاعمال المنزلية ( مثل منغسل المواعين ونكعد نراقب رد فعل امهاتنا اذا انتبهو او لا ) في سبيل تحصل على النظرة المطلوبة من أهلك .
وهيج نضل ندور وندور على العيون المهمة المهتمة طول ما احنا عايشين ومهما كُبرت اعمارنا . ♥️
مَرة قريت بوست على الانستا عن شخص مشهور يصنع محتوى مختلف ويشارك الناس بكثره ، وفجئة توقف عن صنع المحتوى وصارت منشوراته جداً قليلة وعلى فترات متباعدة ، ومن سئلو المتابعين وين محتواك وليش متغير ؟ ردلهم " اني قبل جان عندي فوك المية الف متابع بس جنت حاسس بوحدة ونقص وقلة عاطفة بس من دخلت زوجتي على حياتي أكتفيت ، وماصرت أهتم بمصدر أخر للحب والتشجيع غيرها " ♥️
ومن تكبر شوي تكوم تشارك بالاعمال المنزلية ( مثل منغسل المواعين ونكعد نراقب رد فعل امهاتنا اذا انتبهو او لا ) في سبيل تحصل على النظرة المطلوبة من أهلك .
وهيج نضل ندور وندور على العيون المهمة المهتمة طول ما احنا عايشين ومهما كُبرت اعمارنا . ♥️
مَرة قريت بوست على الانستا عن شخص مشهور يصنع محتوى مختلف ويشارك الناس بكثره ، وفجئة توقف عن صنع المحتوى وصارت منشوراته جداً قليلة وعلى فترات متباعدة ، ومن سئلو المتابعين وين محتواك وليش متغير ؟ ردلهم " اني قبل جان عندي فوك المية الف متابع بس جنت حاسس بوحدة ونقص وقلة عاطفة بس من دخلت زوجتي على حياتي أكتفيت ، وماصرت أهتم بمصدر أخر للحب والتشجيع غيرها " ♥️
هَاجـر 💛
13 Sep, 12:21
https://t.me/Henih_1
متجر صديقتي وحبيبتي هاجر ، حتجهزلكم اوردرات مليانة حنية وأني واثقة من هالشي 💗
الله يجعله أية الرزق يابعد عيني
متجر صديقتي وحبيبتي هاجر ، حتجهزلكم اوردرات مليانة حنية وأني واثقة من هالشي 💗
الله يجعله أية الرزق يابعد عيني
هَاجـر 💛
12 Sep, 21:54
بالشغل اصلي بغرفة تجهيزات حديثي الولادة ، وكل ما ارفع ايدي ادعي ، تجي عيني على هالتجهيزات وابتسم واردد " رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ " ♥️♥️♥️♥️♥️
4,427
subscribers
955
photos
17
videos
