♥️♥️♥️♥️♥️♥️✨✨✨✨✨✨
Soul's hand touch
@sajoday
-أصليّ من أجلِ أنّ تغمرَ المحبةَ هذهِ الروحَ. ✨
-مَدونةْ شـخصية🌾
Soul's hand touch (Arabic)
هل تبحث عن قناة تلغرام مليئة بالمحتوى الروحي والملهم؟ إذاً، قناة "Soul's hand touch" هي المكان المثالي بالنسبة لك! تقدم هذه القناة المسماة "sajoday" محتوى ملهم يدعم الروح والعقل. بمجرد دخولك إلى هذه القناة، ستجد نفسك في عالم من الصور والكلمات التي تلامس القلب وتحفز التأمل. يسعى صاحب القناة إلى أن تُغمر روحك بالمحبة والسلام من خلال مشاركة تجاربه وأفكاره الشخصية. إذا كنت تبحث عن مصدر للإلهام والتأمل، فلا تبحث بعيدًا! انضم إلى "Soul's hand touch" اليوم ودع الروح تسترخي وتتغذى بالإيجابية والجمال.
Soul's hand touch
05 Feb, 09:05
تدرون
اني كل يوم دا يمشي دا اكون بيّ مَمتنة اكثر وهذا لا يعني انُ حياتي ٢٤/٧ وردية لا ابداً بس شگد ما اكدر دا أوسع مدى لرؤيتي لإبداع ربنّا وخياراته اللامتناهية الي موجودة ومرات ابجي لان اكون عاجزة عن طريقة وصفيّ لكل خيره الي محاوطنا لان صدگوني اكو هواي خير واكو ناس تعرف تحب واكو الي يخاف علينا ويشيل همنّا اكو الي يداري الخاطر ويداوي الجرح بس كل شي بوقته ،
كل شي مرسوم بخطة لو شكد نحاول ما نغير وقت دخولنا ودخولها لحياتنا قطعاً
وكلما نؤمن ونصبر لهل شي
راح نعرف شگد بيها خير لان حاشاه ينطي رزقنا لغيرنا
♥️♥️♥️
اني كل يوم دا يمشي دا اكون بيّ مَمتنة اكثر وهذا لا يعني انُ حياتي ٢٤/٧ وردية لا ابداً بس شگد ما اكدر دا أوسع مدى لرؤيتي لإبداع ربنّا وخياراته اللامتناهية الي موجودة ومرات ابجي لان اكون عاجزة عن طريقة وصفيّ لكل خيره الي محاوطنا لان صدگوني اكو هواي خير واكو ناس تعرف تحب واكو الي يخاف علينا ويشيل همنّا اكو الي يداري الخاطر ويداوي الجرح بس كل شي بوقته ،
كل شي مرسوم بخطة لو شكد نحاول ما نغير وقت دخولنا ودخولها لحياتنا قطعاً
وكلما نؤمن ونصبر لهل شي
راح نعرف شگد بيها خير لان حاشاه ينطي رزقنا لغيرنا
♥️♥️♥️
Soul's hand touch
05 Feb, 09:00
هواي حُب
هواي عَطاء
وهوايةةةةةة سكينةَ .
أربيل .٢٠٢٥ ♥️♥️♥️♥️♥️♥️
هواي عَطاء
وهوايةةةةةة سكينةَ .
أربيل .٢٠٢٥ ♥️♥️♥️♥️♥️♥️
Soul's hand touch
05 Feb, 08:58
اول ما غيرت فونيّ بأيام قليلة السماعة عطلت وكالوا ما تتصلح إلا ينفتح الجهاز لهسة أتذكر الغصة الي بصوتي من كدما انقهرت لان هواي وفّرت على نفسي وتحملت مغثة الدوام وفوك وقتي في سبيل اخذ هالاصدار ومرت اشهر طويلة وما صلحته حتى لا يقل سعره اليوم وبعد اشهر هواي فجأة رجع الصوت وبقيت مذهولة انُ ياربّ معقولة !وخابرت اخويه وشي دا اتأكد وطلع لي دا تشتغل ووسط كل هذا ماكو صوت اسمعه غير شوفي ورا الصبر اكو فرج وبيها حكمة وهذا تذكير الي والكم مهما تعسرت الظروف يجي يوم وتنحل يا رِفاقَ وبطريقة لا متوقعينها ولا وقت مخلينه يبالنا لدرجة ممكن نكون فقدنا الأمل بس ربنا سبحانه كريم وماكو لكرمه اي حاجز ويداويّ كلوبنا بلحظة تنسينا كل الصار ..
Soul's hand touch
04 Feb, 08:46
وحدة من الأشياء الي صرت محافظة عليها هي الأذكار ويا كل مشوار امشي بيّ ولا ارادياً صاير گلبي يردد بالشكر والامتنان حتى لمن اكون بحالة متعبة وما اعرف شلون كل هذا دا يصير بس صرت مؤمنة أنهُ ربنا ما خلانيّ بكل الفات عبثاً وسبحان الله على هالشعور شگد دافي وفكرة انك ماكو شي تخاف تفقده غير علاقتك بربك وشلون تحافظ عليها وبالنهاية ما بوسعيّ اكول غير الحمدلله ،الحمدلله هووواي ياربّ ♥️♥️♥️♥️♥️♥️
Soul's hand touch
04 Feb, 08:33
ويا مرور الأيام دا اكتشف أنُ الي يشتريك راح تكون تصرفاته وافعاله حقيقية ماتحتاج تسأل نفسك هو علمودي هيج يسوي لو وهم وبكل مرة تكون خايف بيها تلگاه يطمنك ويجاوب كل اسئلتك بدون ما تطلب هل شي وأعتقد هي هاي العلاقة الحقيقية الي كل شخص من عندنا محتاج يكون بيها وما يخاف على گلبي من الجاي لان الي وياه ناضج فاهم ومخلي الهدف .♥️
Soul's hand touch
26 Jan, 17:29
﴿وَمَا كَانَ عَطَاءُ رَبِّكَ مَحْظُورًا﴾.
من نفشل بالامتحان اكو دور ثاني حتى نعوض ومن تخرب طبخة معينة نگدر نجرّبها مرة ثانية وثالثة لحد ما تضبط والوظيفة الي ما ننقبل بيها نتعوض بالأحسن منها والعلاقة الي ما تتكلل بالزواج يجي مكانها الشريك الصح الي يختارنا من بين زحمة الناس والسيارة الي تفوتنا وما نلحك نصعد بيها تجي غيرها ونروح للدوام ولكل شي بحياتنا اكو فرصة ثانية وبديل وهذا كله مو من ذراعنا بگد ماهو حقيقة ثابتة من تسهيل ربنّا النا ومن بحر عطاءهَ اللامتناهي بالضبط هيج بكل مرة نحس بيها الأبواب انسدت والليلة هي فرصة انطانياها حتى نطمع بكرمه ورحمته ويفتح بوجوهنا كل باب انسد وكل خاطر انكسر وكل گلب خايف لان حاشاه ما يتلگه گلوبنا ويطبطب عليها فليش ما نسارع مثلما تكول هاجر ونبني بيت النا بالجنة ونكسب راحة وطمأنينة بالدنيا !
باب الله مفتوح كدامنا يا رِفاقَ خلينا نكون يمه بهل ليلة المُباركة بكل تجردنا وارواحنا ومخاوفنا ونرجع أطفال ونطلب منه كل الي نتمناه وسبحانه ما يرد احد وما ينسى گلب من گلوبنا وهل اية هي تذكير النا حتى نعيد التفكير ونراجع انفسنا وندگ بابه من جديد بقلب صادق ونية صافية وحقيقية ✨♥️♥️♥️♥️♥️♥️♥️✨✨
من نفشل بالامتحان اكو دور ثاني حتى نعوض ومن تخرب طبخة معينة نگدر نجرّبها مرة ثانية وثالثة لحد ما تضبط والوظيفة الي ما ننقبل بيها نتعوض بالأحسن منها والعلاقة الي ما تتكلل بالزواج يجي مكانها الشريك الصح الي يختارنا من بين زحمة الناس والسيارة الي تفوتنا وما نلحك نصعد بيها تجي غيرها ونروح للدوام ولكل شي بحياتنا اكو فرصة ثانية وبديل وهذا كله مو من ذراعنا بگد ماهو حقيقة ثابتة من تسهيل ربنّا النا ومن بحر عطاءهَ اللامتناهي بالضبط هيج بكل مرة نحس بيها الأبواب انسدت والليلة هي فرصة انطانياها حتى نطمع بكرمه ورحمته ويفتح بوجوهنا كل باب انسد وكل خاطر انكسر وكل گلب خايف لان حاشاه ما يتلگه گلوبنا ويطبطب عليها فليش ما نسارع مثلما تكول هاجر ونبني بيت النا بالجنة ونكسب راحة وطمأنينة بالدنيا !
باب الله مفتوح كدامنا يا رِفاقَ خلينا نكون يمه بهل ليلة المُباركة بكل تجردنا وارواحنا ومخاوفنا ونرجع أطفال ونطلب منه كل الي نتمناه وسبحانه ما يرد احد وما ينسى گلب من گلوبنا وهل اية هي تذكير النا حتى نعيد التفكير ونراجع انفسنا وندگ بابه من جديد بقلب صادق ونية صافية وحقيقية ✨♥️♥️♥️♥️♥️♥️♥️✨✨
Soul's hand touch
26 Jan, 13:51
والبيوت المتروسة محبة ومساحة للتبرير اساسها الأول هم الأب والأم فلو كنتوا والدينّ حافظوا على هل شي ولو مقبلين على الزواج او الإنجاب فتعلموا من كل هفوةَ تصير وتفهموا لبعض وصونوا بعضكم لان صدگوني البيت هو حجارة حجارة تُبنى على أساس التوضيح والمسامحة والخلگ الطويل وعلى حجاية امي تگول يا أميّ لو گلتي لاحد عيني وخدي راح تشتريه ببلاش بدون ما تنطين عينج او خدج اي بالكلمة الطيبة الحنونة تسوي كل شي او تخسر كل شي ♥️✨♥️♥️♥️♥️♥️♥️♥️♥️♥️✨
Soul's hand touch
26 Jan, 13:46
وصراحةً رغم كل شي أشوف ماكو للإنسان بينا ملجأ غير أهله لو شگد ما تصير خلافات واختلاف وزعل وهل شي ديخليني اباوع واخلي نفسي بمكانهم مرات وبمواقف ما اشوف وياهم حق والعكس طبعاً هم موجود بس ويا ذلك احاول اتفهم خوفهم ،حرصهم ،غضبهم وما أنطي للموقف اكثر مما يستحق وأدرب نفسي على أنُ أتعلم من كل هذا حتى يكون بيتي بالمستقبل متروس حُب وتفاهم وحنية ،بيت دافي يكون آمن لشموساتَ ومينا وما يخلون بينهم حيز للغضب والخصام الطويل
بيت مليانّ بالرضا والراحة ويبقى حضنّه الهم دافي بدون ما يخافون منه او يترددون يدخلون بيّ ♥️
بيت مليانّ بالرضا والراحة ويبقى حضنّه الهم دافي بدون ما يخافون منه او يترددون يدخلون بيّ ♥️
Soul's hand touch
26 Jan, 13:41
اليوم غيرت نمط دراستي وگعدت ويا اهلي وبقيت اقرأ حاولت شگد ما اكدر اركز واستمتع باللحظتين بينهم وبين الي ادرسه وكل شويه احس هذا دا يخفف عني لان من سنوات طويلة واني ما اختلط وراكضة بين الدراسة والشغل وشوط الحياة بس الي اكتشفته اليوم ومن گعدات سابقة انهُ شگد ما صار فالهوسة والأصوات من يرتفعون راح يخففون أصوات افكارنا القلقةَ ،المخاوف الي تخنگنا وحتلو هل شي مؤقت لساعة او ساعتين بس ميخالف لان كلما يمر الوقت دا يزيد يقيني بأنهُ فعلًا الجنة بدون ناس ما تنداس "فكيف ما ويا حياتنا هاي وهوستها !⚡️
Soul's hand touch
26 Jan, 13:37
﴿ إنّما يُوَفّى الصَابِرونَ أجْرَهُم بِغيْرِ حِسَاب ﴾.
٢٦.١.٢٠٢٥
البحثية 💛
٢٦.١.٢٠٢٥
البحثية 💛
Soul's hand touch
25 Jan, 14:54
فَمن الألف للياء وبكل لُغات العالم خلينا متفقين بأنهُ ماكو شي اهم من استقرارنا نفسياً وبيئة تصنعنا وتخلينا نشوف افضل نسخة منا .🎈💗
Soul's hand touch
25 Jan, 14:53
ورا ساعتين دراسة كملت تنظيف المطبخ هسة سقيت نباتات اميّ وطول وقت التنظيف جان صوت بعقلي يگول شوفي من زمان لازم تنشغلين لهل حد بعيداً عن ركضة الحياة والشغل وغيرها هواي وتتفرغين بروحج"وهنا خليني اعترف أنهُ احد أكبر مخاوفي في وقت ما جانت انُ أتخلى عن وظيفتي بأكثر من مكان وهل شي جنت أتجادل ويا اهلي علموده ،ركضت هواي ركضت ،مرت أيام بس اريد الحك اشبع نوم وثاني يوم نفس المارثون ناسية دائرتي واهتماماتي وصحتي ولمن صحيت لگيت الوقت ماشي واني ضايعة صدقاً ضايعة يمكن لان بذاك الوقت مفهومي للنجاح كان متمحور على أنُ يكون عندي وظيفة وراتب واستقل مادياً بس المقابل لكل هذا هو نفسيتي وحياتي ورغم أنه الوعي اجى متأخر ورا ما استهلكت طاقتي هواي بس طلعت بدرس متأكدة منه بأنهُ بكل فترة من حياتنا تتغير رؤيتنا لمفهوم النجاحات يمكن اكو ناس تشوفه بالزواج او الدراسة او المنصب او السفر او العزلة ..الخ لكن عن نفسي كلما دا اكبر ساعة بعمري يزداد يقيني بأنُ النجاح الحقيقي هو آنيّ اكون بمكان يشبهني ويحتويني ومتقبلني ،مكان الگه بيّ راحتي النفسية والجسدية ما ابرر بي ولا اقدم اكثر من اللازم واهم شي الگه تقدير لليّ أنطيه ولو كان هل شي موجود حتلو بغرفة صغيرة وبرفقةَ شخص حقيقي ومتفهم وحنون فهذا يكفيني وحكون اسعد إنسانة وصدقاً ما دون ذلك لا يهم .
Soul's hand touch
25 Jan, 07:57
سبحان الي يمليّ هالگلب بكل الامل الموجود بالدنيا ويطمنك رغم الظلام الي حواليك .♥️
Soul's hand touch
24 Jan, 15:12
https://youtu.be/nkil1U1GxdA?si=u5KfoA3s0aMsZ8q4
مُذهلة مُذهلة 💛💛💛💛💛💛
مُذهلة مُذهلة 💛💛💛💛💛💛
Soul's hand touch
24 Jan, 14:50
ما اعرف شنو مشاعري بهل فترة غير أنها تعب وقلق من كل شي وعلى كل شي وشگد ما اكدر دا احاول أسيطر على نفسيتي وأرخي إيدي من كل الي ديصير واليوم أنطيت حق نفسي نمت هواي وصليت ودرست وحاولت اكسر الروتين وسويت كيك بالليمون لأول مرة ومتحمسةَ للطعم وهذا كلّه حتى ما أبقى كاعدة أفكر وانهار ورغم كل شي دا أذكر نفسي إنها فترة وتخلص ودا اتهيأ لنسخة أحسن من الي قبلها بشخصيتي ويمكن هي هيج الأيام ماكو شي اسمه سعادة تامة أو حزن تام وتذكرت اقتباس يگول "بعد ذلك سيأتيَ يوم وأنا من اشرق على الشمس "وهل شي ديهدأ افكاري ويخفف التوتر وما باليد حيلة غير أنُ انتظر هل يوم واگول الحمدلله .
Soul's hand touch
18 Jan, 19:54
شُكراً للناس الي تشاركنا قصص نجاحها وتعطينا أمل بأن لكل جهد اكو نتيجة ولليّ يشاركونا شلون التمسوا عوض ربنّا ويملونّ گلوبنا يقين ورضا بالظروف والخسارات الي خلف الكواليس ولليّ يخلونا شاهدين على قصص حُبهم الحقيقي سواء من خلال حجيهم النا او أنُ نكون وياهم رغم المسافات ويزيدون الإيمان بداخلنا بأنهُ لسه اكو حُب حقيقين وأشخاص يشترون سعادتنا بالدنيا ويخافون الله بينا ،شُكراً لكل أم تحجي عن مشوار أمومتها وتخلينا نستفاد وتذكرنا بأنُ ميخالف الخوف والخطأ موجودين ولولا حدوثهم ما حَنتعلم ،شُكراً لليّ كلما نفقد الضوه يضوونّ أرواحنا بطبطبة وكلام دافيّ ،شُكراً من الگلب لكل شخص بعده يعرف يحب بصدقَ ويشاركنا هالحُب بمختلف مَفاهيمه ✨♥️
Soul's hand touch
18 Jan, 16:54
يوم طويل
خلال كل لحظة بيّ
أخذت دور كل شخص صار گدامي المريض والطالب والموظف والأم والي يركض على شغلة والي يحاول ،الخايف والسعيد والتعبان ،حاولت للحظةَ ما احس بمشاعر هاي الوجوه كلها ،ارسم ملامحهم على وجهي ،واسمع الأصوات الي تدور ببال كل شخص وللتوّ صرتَ متأكدةَ بأنه الدنيا مو سهلة بس بنفس الوقت نكدر نسلتذ بيها يعني وسط كل هالمواقف گدرت اخذ صور حلوة رغم نتائج التحليل أزعجتني وضحكت ويا طفل وبقى يسولف وياي واكو خالة لطيفة بقت تهون عليه وأخويه كومة ضحكنا
ويمكن هي هيج
وما بوسعنا غير نعيش كل شعور من مشاعرها
وهنا تُكمن اللذةَ الحقيقية
وهذا تذكير صغيروني
عيشوا كل لحظة تستقبلوها برحابةَ صدرَ
ولا تفوتون شي لان الي يفوت ما يرجع
..
💗🎈
خلال كل لحظة بيّ
أخذت دور كل شخص صار گدامي المريض والطالب والموظف والأم والي يركض على شغلة والي يحاول ،الخايف والسعيد والتعبان ،حاولت للحظةَ ما احس بمشاعر هاي الوجوه كلها ،ارسم ملامحهم على وجهي ،واسمع الأصوات الي تدور ببال كل شخص وللتوّ صرتَ متأكدةَ بأنه الدنيا مو سهلة بس بنفس الوقت نكدر نسلتذ بيها يعني وسط كل هالمواقف گدرت اخذ صور حلوة رغم نتائج التحليل أزعجتني وضحكت ويا طفل وبقى يسولف وياي واكو خالة لطيفة بقت تهون عليه وأخويه كومة ضحكنا
ويمكن هي هيج
وما بوسعنا غير نعيش كل شعور من مشاعرها
وهنا تُكمن اللذةَ الحقيقية
وهذا تذكير صغيروني
عيشوا كل لحظة تستقبلوها برحابةَ صدرَ
ولا تفوتون شي لان الي يفوت ما يرجع
..
💗🎈
Soul's hand touch
17 Jan, 16:43
يوم ورا يوم دا آتعلم شلون اترك الأمور لإرادةَ الله وخطته بترتيبها وهالشي ديخليني مطمئنةَ ،صبورة،وراضية. 💗
Soul's hand touch
16 Jan, 15:02
وعليه لا تخطأون خطأي لمن استعجلت وما طلع الشكل مضبوط وخلوا خطوة تأنيّ بكل المواقف والتجارب لان مرات او بالغالب ضروري نبطل انتظار ونترك الوقت يشوفنا شنو حيسوي .✨
Soul's hand touch
16 Jan, 15:01
من فترة طويلة ما مسوية سمبوسةَ واليوم قررت أسويها وبأول قطعتين شكلهم ما طلع مرتب فأمي كالت ميخالف خلي العجينة شويه تأخذ راحتها وانتظرت شويه وراها كملت وطلعوا الأشكال يخبلون وكلُش ضابطين وخلال ما دا أكمل خطر ببالي تعاملنا ويا كل الأشياء بالبدايات لمن ما تضبط او لمن ردود افعالنا تكون قوية بلحظة أذى ولمن نخلي مسافة بينا وبين شخص عزيز ونقرر وراها نخلي نقطة بعد ما تتوضح الأمور ومثل الي ادركت انُ كلنا بلا استثناء گلوبنا مثل العجينة تزعل لوقت ،تفرح لوقت وتخلي مسافات لمن ما تلگه نفس الي قدمته وممكن تجي الأشياء ورا ما قررنا نتخلى عنها وللابد بس بوقتها ما يكون الها معنى او أهمية وهل شي ذكرني باقتباس قريته الصبح يگول "تأتيك الأشياء راكعةَ بعد ما تتخلى عن انتظارها أو بما معناه يعني "
Soul's hand touch
15 Jan, 21:03
وتذكروا تبقى مرايةَ الإنسان هو الگلب الحنون الي يصونّه ويخاف الله بيّ .♥️
Soul's hand touch
15 Jan, 21:00
قصصنا المختلفة
تجاربنا الي عشناها
والطرق الطويلة الي مشينا بيها خايفين
الأشخاص الي تخلينا أو تخلوا عنا
والأماكن الي أقسمنا ما نفوتها مرةَ لُخ حتى ما نتذكر موقف أو نشتاق لشخص ما ،كل هذا وما خلف الكواليس الي محد شاهد عليه من بعد ربنّا غير أنفسنا وقلةَ قليلة من أشخاصنا ترك اثر بدواخلنا وما من الممكن أنُ الإنسان ينسى أو يتخطى كل شي بيوم وليلة لكن هذا ما يعني ابدًا أنُ حتى ما ننكسر أو نكسر فلازم نبقى على حساب اذيتنا ،هل شي يوم ورا يوم دا أتعلمه اكثر وأدربّ نفسي على أنهُ ما تصعبّ الأمور وتختار الي يريحها وتاخذ وقتها بالحزن والألم والتعب حالها حال باقي المشاعر حلوة وهل شي ما يعني الأنانية بس صدگوني ورا شوط طويل صرت مؤمنة إيمان تام بأنهُ يبقى الاحترام والود بينا محفوظ وعن بُعد بدال ما قريبين وأتصنع بيهم واكون مو بحقيقتي
لان مهما يبقى الأمان اعلى منزلةً من الحُب
وبُعد يريحك ولا قربَ يأذيك
نُئطةَ .
تجاربنا الي عشناها
والطرق الطويلة الي مشينا بيها خايفين
الأشخاص الي تخلينا أو تخلوا عنا
والأماكن الي أقسمنا ما نفوتها مرةَ لُخ حتى ما نتذكر موقف أو نشتاق لشخص ما ،كل هذا وما خلف الكواليس الي محد شاهد عليه من بعد ربنّا غير أنفسنا وقلةَ قليلة من أشخاصنا ترك اثر بدواخلنا وما من الممكن أنُ الإنسان ينسى أو يتخطى كل شي بيوم وليلة لكن هذا ما يعني ابدًا أنُ حتى ما ننكسر أو نكسر فلازم نبقى على حساب اذيتنا ،هل شي يوم ورا يوم دا أتعلمه اكثر وأدربّ نفسي على أنهُ ما تصعبّ الأمور وتختار الي يريحها وتاخذ وقتها بالحزن والألم والتعب حالها حال باقي المشاعر حلوة وهل شي ما يعني الأنانية بس صدگوني ورا شوط طويل صرت مؤمنة إيمان تام بأنهُ يبقى الاحترام والود بينا محفوظ وعن بُعد بدال ما قريبين وأتصنع بيهم واكون مو بحقيقتي
لان مهما يبقى الأمان اعلى منزلةً من الحُب
وبُعد يريحك ولا قربَ يأذيك
نُئطةَ .
Soul's hand touch
14 Jan, 18:06
هاي مو أحسن فترة بحياتي وعلى مدار آخر يومين بجيت هواي وحتى نومي مخربط بس مع ذلك بكل مرة دا يداهمني شعور الانسحاب من كل شي اذكر نفسي أنُ اني الي اختاريت هذا الطريق بما فيه ولابد ربنا دا يختبرني ويختبر صبريّ وتحملي ومَيخالف لان ماكو شي سهل ويجي بالساهل واللذة تكون بالنتيجة الي جاي بتعبَ وحتلو مش على مستوى الدراسة فَميخالف لان حاشاه ينطي شي لاحد بينا إذا ما يكون عارف شگد هو گده وهذا تذكير الي والكم مهما كانت المعارك الي دنحارب بيها 🎈💗
Soul's hand touch
14 Jan, 15:04
مَمتنة بكل ما تعنيهَ هالكلمة من معنى لهذا الحُب والاحترام الي يوصلني منكم ،مَمتنة لان هالمكان ديفيدكم رغم كل الي ينكتب هنا هو تجارب شخصية حقيقية أتعلم هنا بس ما تخيلت هلگد اكون مؤثرة ومع ذلك اني سعيدة بيكم وسعيدة اكثر لان شي يوم قررت ابنيّ هالبيت وهيج صارت نتيجته ،صدقاً هواية احبكم ♥️🙏
Soul's hand touch
14 Jan, 14:56
الإيمان جزء من السعي ولأن السعي جزء لا يتجزء من النتيجة فما بأيدنا شي غير نبقى متوازنين بقدرِ ما يكون وما نفقد هالشعور مهما اختلفت تجاربنا الي دا نحاول علمودها .
Soul's hand touch
09 Jan, 17:39
والامتنان الأكبر لآيّا ،وجودها ،معرفتها ،ولهل حُب والأمان الي بهالگلب الها ياربّ ♥️⚡️
Soul's hand touch
09 Jan, 17:38
مَمتنة يا الله على كل شي من مواقف ،لحظات ،انعدام بي خير الي ،للمحاولات ، للبيت ،للطرق ،لكل إنسان حقيقي ويعرف يحب بلا اي أذى ✨♥️
Soul's hand touch
09 Jan, 17:34
لان ماكو اعظم من وجود شخص حقيقي يقدرك ويتفهمك بكل حالاتك وظروفك ومثل كل مرة لو ما لگينا هل شخص خلينا نكون هو بحياة الي يتمنونه 🎈♥️
Soul's hand touch
09 Jan, 17:33
بنفس الوقت تعلمت هواي وهالاسبوع صدقاً نقلةَ بحياتي وشخصيتي على كل المستويات واكتشفت هم ماكو أهم من وجود شخص داعم ،فخور ،مُقدر للي نبذله وهل شي الحمدلله دا آشوفه من مُشرفي لدرجة دا آتعلم أكاديمياً وشخصياً ومن المواقف انُ كلما اخطأ بشي يذكرني أنهُ كلنا طلاب علم بهل دنيا وكلنا نخطأ ونحاول نتعلم وماكو واحد صح دائماً وشگد يأخذ حتى الدنّ الي أكولها من انجح بخطوة برحابةَ ويشجعني اكثر وأعتقد هو هذا دورنا كلنا ودور كل الي بحياتنا. ،
🎈
🎈
Soul's hand touch
09 Jan, 17:29
ومن أصفن اتأكد أنهُ ماكو احن منها ومن طريقتها بالعيشَ رغم كل الظروف ،ما اعرف شنو ممكن اكون قدمت الها لأنها صدقاً حقيقيةَ مُعطاءة وتستاهل كل شي ،هالكلام دا اكتبه وهو قليل گدام مشاعري الي دا احس بيها بعد اتجاههّ بس لان اعرف حتقرأه واتمنى لو اني شخص يعرف يعبر لليّ يحبه وجه بوجه إلا أنُ المهم نترجم افكارنا بصدق وما نبخل بيها .✨
Soul's hand touch
09 Jan, 17:26
شلونكم يا رِفاقَ ✨🎈
أنتهى أسبوع كامل من مشوار السنة الجديدة والركضات الطويلة بمشوار الماجستير والكورس ..أسبوع بكل تفاصيله الي عشتها زاد يقينيّ بأنهُ خطة ربّنا جانت أقوى من كل شي وهو هذا الطبيعي الي لازم نتقبله برحابة َ صدر ،ورغم كل الأحداث الي صارت بس بي لذة َ عشت تجربة مختلفة ويا رفيقَ حقيقي ،تشاركنا تجاربنا ،حجينا بلا خوف ،حجينا عشوائي وجانت إدراكات حقيقية او افكار خايفين احد يسمعها او الأصح نصارح انفسنا بيها ،غنينا رغم بشاعة أصواتنا بالغنا ،شربنا گهوة دافية ،بچينا وضحكنا وخططنا ،
تشاركنا بالطريق والإنتظار وقدرنا محاولات بعض وافتخرنا بالبدايات الجديدة النا اثنينا ..
أنتهى أسبوع كامل من مشوار السنة الجديدة والركضات الطويلة بمشوار الماجستير والكورس ..أسبوع بكل تفاصيله الي عشتها زاد يقينيّ بأنهُ خطة ربّنا جانت أقوى من كل شي وهو هذا الطبيعي الي لازم نتقبله برحابة َ صدر ،ورغم كل الأحداث الي صارت بس بي لذة َ عشت تجربة مختلفة ويا رفيقَ حقيقي ،تشاركنا تجاربنا ،حجينا بلا خوف ،حجينا عشوائي وجانت إدراكات حقيقية او افكار خايفين احد يسمعها او الأصح نصارح انفسنا بيها ،غنينا رغم بشاعة أصواتنا بالغنا ،شربنا گهوة دافية ،بچينا وضحكنا وخططنا ،
تشاركنا بالطريق والإنتظار وقدرنا محاولات بعض وافتخرنا بالبدايات الجديدة النا اثنينا ..
Soul's hand touch
08 Jan, 06:44
بگد الحماس الي بداخلي وبگد ما اول خطواتي مشت صح بجيت لان للتوّ اكتشفت فونيّ شبه مُحطم وما اعرف شنو أنطي رد فعل بس هاي اول مرة وصدقاً أوصل مرحلة اگول ياربّ والله تعبت من كمية الأشياء الي دتصير وهذا مو اعتراض ولا عتب حاشا لان اني العبد الخايف المؤمن برحمتك دائماً ومن گد ماكو غصة دا احس بيها اكو صوت اسمعه دفع الله ما كان اعظم وميخالف بالتلفون ولا بغيره..ويمكن هي هيج فعلًا ❤️🩹
Soul's hand touch
26 Dec, 08:16
هواي ليالي تَمر على الإنسان تخليّ يفكر انُ هالدنيا ابد مو عادلة ولا بيها اي شيءَ يرتبط ويا مفهوم العدل الي كل الأديان والكتب تحجي بيّ وتأكد على ضرورته والبارحة اعرف بنوتة بسبب تجربة ما واگفة بهل نقطة والخوف مسيطر عليها لدرجة فاقدة الأمل بأن اكو أمل لتعويضها لكن بالحقيقة لو نفكر شويه فأنُّ كل شي بهل دنيا هو تحصيل حاصل وعوض عن كل الخسارات حتلو هاي الخسارة كانت غصبَ علينا وبقى النا نفس بيها وهالتعويض يكون بدل من الحزن بسعادة والمرض بشفاء والخوف بطمأنينة تغمر گلبك من حيثُ لا تعلم وبدل العلاقة الي بذلت بيها هواي وحاولت تستمر بشريك صح حقيقي يسوي كل شي قبل لا تطلب ،شريك عارفك وفاهمك ويشتري ضحكتك بالدنيا كلها ،وهل الأشياء كلها من الممكن أنها تكون عكس ما انت تريد حتى تعلمك شلون توسع دائرة اختياراتك يعني مربط الفرس على كولتهم بأن ترضى بالخطة الإلهية وتطلع من منطقة الراحة الي تعودت عليها ،تكسر القيود وتنطي روحك للدنيا حتى تغذيها بطريقة مختلفة ،لذيذة ،وبأسلوب يخليك تعرف بأن مو كل شي من الضروري يكون يشبه ذوقك وأحلامك بالعكس ممكن هالتعويض المختلف هو بداية لمشوار استلذاذك بكل الي جنت تحلم بي بس من خلال رأي مختلف عنك وعيون تشوفك العالم بنظرة تبهرك ..
ويمكن هذا تذكير لكل شخص خايف من انُ يبدأ قصته من جديد او ويا شريك او صاحب مختلف عنه بالذوق اكسر خوفك وابدأ عسى تكون هل بداية هي النور الي يعيشك من جديد. ♥️✨
ويمكن هذا تذكير لكل شخص خايف من انُ يبدأ قصته من جديد او ويا شريك او صاحب مختلف عنه بالذوق اكسر خوفك وابدأ عسى تكون هل بداية هي النور الي يعيشك من جديد. ♥️✨
Soul's hand touch
26 Dec, 07:43
https://youtu.be/TtJzO83joFk?si=WNltn3ZKu0n-JcXG
هيج مثل الي يشغل ضوهَ بكل خلاياك !
هيج مثل الي يشغل ضوهَ بكل خلاياك !
Soul's hand touch
25 Dec, 17:26
التسجيل على حجوزات شهر الواحد ينتهي يوم ٣٠/١٢ ما عدا البنات الي بلغوني قبل فترة انُ عندهم فاينل وهم ياريت تذكروني حتى اثبت حجز 🫂😭♥️
Soul's hand touch
25 Dec, 17:08
حبيت اذكركم الحجز على كورس مفتوح للسنة الجديدة وباسعار مناسبة والنتائج ويا البنوتات دا تكون رهيبة ❤️🔥
Soul's hand touch
25 Dec, 15:25
حبقى احاول بگلب مليان يقين حتى أوصل لهل لحظة ❤️🔥
٢٥.١٢.٢٠٢٤
البحثية ✨⚡️
٢٥.١٢.٢٠٢٤
البحثية ✨⚡️
Soul's hand touch
25 Dec, 12:17
وتذكروا الإنجازات مو بالسفر ولا الستايل تبع هالسنة ولا بعدد الكورسات الي أخذتوها ويمكن العالم دا يتسابقون بهذولي بينما إنجازكم الوحيد هوَ ليلة هدأتوا بيها إنسان خايف وبكلمة طيبة انقذتوا من الموت .❤️🔥
Soul's hand touch
25 Dec, 12:16
شلونكم يا رِفاقَ 🎈♥️
بوسط هوسة البوستات الطويلة الي دا تتنافس عليها الأشخاص ومنو اكثر واحد سافر وعدد الدول بجوازهَ السنة وفوضى الأعياد والزينةَ والستايل والصور ..الخ
صار كم يوم أفكر بكل تجارب هالسنة ،الطرق الي مشيت بيها ،محاولاتي ،نجاحاتي ،كم مرة جنت تعبانة وكنسلت طلعة او امتحان او أخذت أوف من الشغل ،كم مرة اختفيت من الميديا ،شگد أنطيت وقت لنفسي وأحبابي ،شگد كنت خايفة من نتيجة ما ،شگد انتظرت ،شگد ما خلف الكواليس صعب ومحد يعرف عنه شي بس عدا وصار سوالف
ولو اكو شي يخليني أبقى فخورة بنفسي هو انُ ما توقفت عن المحاولة
وبكل مرة جنت اكول راضية بخطتك يارب مهما كانت لأنها الأفضل الي وهذا الجزء علمنيّ الصبر ،القناعة وانُ مو كل شي تحت سيطرتي ويصير مثلما اريد
ومن جوانب ثانية كنت مقصرة اعترف بس لابد اكو سبب لهل شي ومع ذلك ما اكدر اكول غير أنها جانت ٣٦٥ يوم مليانة عافية ،عطاء من والى ،انتظار ،قلق ،دعوات ،ترجي ،مُتعة ،واكيد لا تخلو من الحُب والامتنان لكل اي عندي وهو السر الكبير ورا كل شي حيكون موجود فيما بعد
وبهل لحظة حابةَ اذكركم انُ تگعدون وتكولون الحمدلله حتى على لحظات الحزن الي عشتوها وميخالف عدت والي جاي أكيد خير لان ماكو شك بهل شي وبگلب مليان يقين الحمدلله على كل شي ولأن مرتَ بدون ما نعيش شعور الفقد او الحرمان .♥️
بوسط هوسة البوستات الطويلة الي دا تتنافس عليها الأشخاص ومنو اكثر واحد سافر وعدد الدول بجوازهَ السنة وفوضى الأعياد والزينةَ والستايل والصور ..الخ
صار كم يوم أفكر بكل تجارب هالسنة ،الطرق الي مشيت بيها ،محاولاتي ،نجاحاتي ،كم مرة جنت تعبانة وكنسلت طلعة او امتحان او أخذت أوف من الشغل ،كم مرة اختفيت من الميديا ،شگد أنطيت وقت لنفسي وأحبابي ،شگد كنت خايفة من نتيجة ما ،شگد انتظرت ،شگد ما خلف الكواليس صعب ومحد يعرف عنه شي بس عدا وصار سوالف
ولو اكو شي يخليني أبقى فخورة بنفسي هو انُ ما توقفت عن المحاولة
وبكل مرة جنت اكول راضية بخطتك يارب مهما كانت لأنها الأفضل الي وهذا الجزء علمنيّ الصبر ،القناعة وانُ مو كل شي تحت سيطرتي ويصير مثلما اريد
ومن جوانب ثانية كنت مقصرة اعترف بس لابد اكو سبب لهل شي ومع ذلك ما اكدر اكول غير أنها جانت ٣٦٥ يوم مليانة عافية ،عطاء من والى ،انتظار ،قلق ،دعوات ،ترجي ،مُتعة ،واكيد لا تخلو من الحُب والامتنان لكل اي عندي وهو السر الكبير ورا كل شي حيكون موجود فيما بعد
وبهل لحظة حابةَ اذكركم انُ تگعدون وتكولون الحمدلله حتى على لحظات الحزن الي عشتوها وميخالف عدت والي جاي أكيد خير لان ماكو شك بهل شي وبگلب مليان يقين الحمدلله على كل شي ولأن مرتَ بدون ما نعيش شعور الفقد او الحرمان .♥️
Soul's hand touch
24 Dec, 18:01
الله يعوضّ كل گلبّ خايف وبقى واگف يم اسئلة ما لگه ولا حيلگالها جواب، يعوضه لدرجة ينسيهّ شنو عاش وليش خاف .❤️🩹
Soul's hand touch
24 Dec, 17:59
أحبّ الرفقةَ ،الي بوجودها حسيتَ شگد اني زينة ،الي يشوفون أحلامنا ويأخذونها على محمل الجد، الصادقينّ الي يشجعونا ويخففون مخاوفنا ويرسمون لأحلامهم يمنا ،الي نشهد على قصصهم ويريدونا بأحلى أيام عُمرهم ،الرفاق الحقيقين بلا زَيفَ وجزء منهم بگد ما شهدت على حزنه دا اشهد على قصة حُبه وسعادته وماكو شي بگلبي غير السعادة مثل طفل صغير يفرح ببالون جديد ورا ما طار الأول وهواي انقهر عليه ،حُب حقيقي يستاهله وعوض اله عن كل ليلة مليانة قلق وتساؤلات وبگد ما كانت عندي تجارب بالصداقة حزينة إلا انُ الله عوضنيّ برفاقِ رغم المسافات إلا انُ حنيتهم غامرتني وماكو شي بوسعي أكوله غير آنيّ سعيدة ،مَمتنة ،وفرحانة لفرحتهم بگد الدنيا وأي هذا هم حُب وگلبي مغمور بيّ والله .❤️🔥🎈
Soul's hand touch
24 Dec, 10:12
شلونكم يا رِفاقَ ♥️
اليوم تعلمتَ انُ بحقائبنا لازم يكون اكو أشياء أساسية ويا أشياءنا الي تعودنا نشيلهم ومن اهم هذولي الاشياءات
ما أظن
نسيت
ما اعتقد
متأكد
بلحظاتَ الحزن والقلق والتوتر وعدمية التأكيد وبكل مرة احد يشكك بيها بمصداقيتنا ومشاعرنا وكلنا يمشي الوقت دا اتأكد انُ من نتعود على الاعتراف بهذولي الأشياء راح نگدر نختبر صدقَ تخطي گلوبنا لكل اثر اخذ من طاقتها وهو بالحقيقة ميسوه حتى التفكير
وهذا تذكير منيّ انُ تشيلوهم وياكم دائماً لان صدقاً مش كلو يستاهل حقيقةَ قلبكَ
✨🎈
اليوم تعلمتَ انُ بحقائبنا لازم يكون اكو أشياء أساسية ويا أشياءنا الي تعودنا نشيلهم ومن اهم هذولي الاشياءات
ما أظن
نسيت
ما اعتقد
متأكد
بلحظاتَ الحزن والقلق والتوتر وعدمية التأكيد وبكل مرة احد يشكك بيها بمصداقيتنا ومشاعرنا وكلنا يمشي الوقت دا اتأكد انُ من نتعود على الاعتراف بهذولي الأشياء راح نگدر نختبر صدقَ تخطي گلوبنا لكل اثر اخذ من طاقتها وهو بالحقيقة ميسوه حتى التفكير
وهذا تذكير منيّ انُ تشيلوهم وياكم دائماً لان صدقاً مش كلو يستاهل حقيقةَ قلبكَ
✨🎈
Soul's hand touch
21 Dec, 21:18
مو وحدكم تعبانيينّ وماكو اختيار ولا طريق واضح گدامكم اني هم مثلكم بس لسه ما فقدت الأمل وهذا بحد ذاتهّ محاولةَ .
Soul's hand touch
23 Nov, 07:40
فَميخالف وهَتعدي وبقينا نحاول ما دام هالگلب عنده القوة حتى يحاول .💛
Soul's hand touch
23 Nov, 07:39
وصدگوني مدا أحجيلكم هيج وانطيكم صورة انُ حياتي وردية لا ابد لان اساساً اني بفترة قلقَ هواية جبيرةَ بس يلي مبقيني صبورة هو كله اختبار وبالنهاية اكو اجر عليه فليش لا !🎈
Soul's hand touch
23 Nov, 07:38
وعليه اجيت اذكرنا انُ لو مهما انقطع الأمل خلينا نتخيل انفسنا بمكان مغلق وظلمة هواية بس فجأة لمن تباوع بلا انتباه نشوف اكو مكان صغير تبين منه الشمس وهو هذا الوصف الأدق برأيي لرحمته
Soul's hand touch
23 Nov, 07:36
جانت صديقتي بالليل دتسولفلي عن شعورها ومحاولاتها فگالت سوجي "ما اعرف اني دا أدور على الطريق الاريده او طريقي ديدور عليه ورغم ضياعي بالمنتصف بس عندي يقين انُ حنلتقي بيوم " تعرفون اول مرة اسمع هالكلام بس ما اعرف شلون تلقائياً كتلها كلنا دنحاول ،كلنا نريد نوصل لطرقاتنا الي حلمنا بيها وقدمنا هواي لاجلها فمو مهم انتِ وين بالضبط بگد أهميةً يقينج انُ بالنهاية حتلگين هالدرب الي الله سخرج لاجله ..
Soul's hand touch
22 Nov, 18:48
(وَأَنْ لَيْسَ لِلْإِنْسَانِ إِلَّا مَا سَعَى ، وَأَنَّ سَعْيَهُ سَوْفَ يُرَى ، ثُمَّ يُجْزَاهُ الْجَزَاءَ الْأَوْفَى)
٢٤.١١.٢٠٢٤ ✨💛
٢٤.١١.٢٠٢٤ ✨💛
Soul's hand touch
22 Nov, 18:48
وإذا اكو شي اريد اشبع منهَ فهو لمةّ البيت ومحبتنا وما دون ذلك لا يهم وأي مَعلشْ نرستَ ونركز على هذا الجانب لان صدقاً لا شيءَ يُظاهيَ الأهل ♥️
Soul's hand touch
22 Nov, 18:47
وعليه ماكو اي ندم لو انُ نتوقف ولا اي اتفاق ويا فكرة تعب العشرين ولا ندم الأربعين "لا حبايب احنا هم نحتاجنا والي حوالينا ويعزونا هم الهم حق علينا وهل كلام دا أكوله لان ورا ٨ سنوات فتَ اليوم لگيتني مضيعة هواي لحظات صح اني بالمقابل اكتسبت مستقبل ونجاحات وقائمة إنجازات جبيرة إلا انُ الثمن كان افقد أوقات هواية حلوة وأهلي بحاجتي انذاك ،ورغم ماكو اي ندم والحمدلله وراضية بكل خطة الله بحياتي إلا انُ الوقت هسة هو لنفسي وبيتيّ ومستقبلي
Soul's hand touch
22 Nov, 18:43
الوقت يمشي
اي حرفياً يمشي ومرات يحتاج احنا الي نتوقف ونأخذ مسافة عن كل شي ونگعد ونراجع قراراتنا ،خطواتنا الراحت والي حتجي وهنا حنلگه اكثر من هالخطوات اكو أمور فاتتنا صح من الممكن أنها جان لازم تفوت بس من زاوية لُخ اكو احتمال احنا الي ضيعناها وهسة حتى انتبهنا
اي حرفياً يمشي ومرات يحتاج احنا الي نتوقف ونأخذ مسافة عن كل شي ونگعد ونراجع قراراتنا ،خطواتنا الراحت والي حتجي وهنا حنلگه اكثر من هالخطوات اكو أمور فاتتنا صح من الممكن أنها جان لازم تفوت بس من زاوية لُخ اكو احتمال احنا الي ضيعناها وهسة حتى انتبهنا
Soul's hand touch
21 Nov, 17:13
لا قصفَ ولا خوف ولا موتَ يمنع منَ انَهُ يكون حقيقي وعلمودها يحاول ويفرحها !♥️
Soul's hand touch
21 Nov, 09:58
اليوم اريد اعترف بأنُ هواي جوانب بالحياة اني مو شاطرة بيها وابسط مثال الطبخ ومع ذلك دا احاول انجح بي وبنفس الوقت هذا ما يعني الفشل ولا الغباء بس صرت متأكدة انُ إذا حنحاول نتعلم كل شي بهل كون الواسع فما راح نوصل للمعرفة التامة المطلوبة قطعاً مو لان مستوى استيعابنا بطيء وأنما الحقيقة الثابتة انُ ولا اي احد يكدر يكون كامل لو شگد ما حاول وهل شي كلما حنتقبلهَ حيزداد هدوئنا النفسي ونخفف سرعتنا بهالعمر لان ماكو كمال للإنسان ابد 💯✨
Soul's hand touch
19 Nov, 06:46
انُ يبقى هالشعور محاوطنيّ ،تارسّ گلبي وخلايايّ لا اكثر ياربّ هذا دعائي .💗
Soul's hand touch
19 Nov, 06:43
إذا هذا كله يارب حقيقة فما أريدها تنتهي ابد وإذا حلم أريده يستمر للابد وما اعرف شنو شعوري بس مرتاحة ومَمتنة وهنيالي بيّ ♥️
Soul's hand touch
19 Nov, 06:42
سمعني واني خايفة واني ابچي وبعزَ تعبي ،تحمل وديتحمل خوفيّ ،قلقي معاناتي ويا الشغل والدراسة وكلما اباوع اگول هو هذا العوض ياربّ معقولة !ولمن ما انام من الكحة البارحة لكيتهّ يمي ويگُلي بيه ولا بيج اسكتي بس ونامي لتفكرين بشنو يصير وبهل لحظة يدزلي صورة البزونة الي موصيها علمودي حتى يغير نفسيتي !
Soul's hand touch
11 Nov, 21:10
يارب سعادةٌ تماثل سعادة ماجدولين حين قالت: "ولا أزال ألمس صدري بيدي؛ لأعلم أين مكان قلبي من أضلاعي مخافة أن يكون قد طار سرورًا بتلك السعادة التي هي كل ما يتمنى المخير أن يكون"
Soul's hand touch
11 Nov, 17:55
ورا كل التجارب الي مريت بيها اليوم اعترفتَ اني احن إنسان على كل شي حواليهّ بالدنيا وبعمره ما عرف يكرهَ أو يقسيّ وأعرف مرات القسوة مطلوبة بس بكل مرة تعاملت بيها بحنيتيّ لكيت الله ينقذني ويرزقني بگدها أضعاف مُضاعفةَ وتأكدت انُ التجربة الي نعيشها ونطلع منها بگلب رحيمَ بغض النظر عن دروس الحياة الأخرى فهذا هو الدرس الچبير والفوز الي نستحق نفتخر بي ونبوسَ أنفسنا عليه ..
فأي الحمدلله ياربّ على نعمة هالگلب الرحيم المُحب والي لمن يلمس اي شي أسود يحوله لبياض ناصعَ ومُريح ..✨🤍
فأي الحمدلله ياربّ على نعمة هالگلب الرحيم المُحب والي لمن يلمس اي شي أسود يحوله لبياض ناصعَ ومُريح ..✨🤍
Soul's hand touch
10 Nov, 16:00
فميخالف نوسع گلوبنا ونترسها حُب ومودة وسماح ونخلي كل شي نسويه خالص لوجه الكريم وصدگوني حيعوض الاجر مُعجزة ومو مهم بالدنيا بگد أهميته بالآخرة ♥️✨
Soul's hand touch
10 Nov, 15:59
ومن اليوم اتخذت وعد لو حتى حيغلط احد بحقي فيما بعد اكوله تسلم مو خوفاً منه بس لان المغفرة عند الله ما تضيع والخير يرجع بخير والهجر الجميل الي مو بأذى عنده شي عظيم ولأن مهما كان وصار الشكر من الله مثلما گالت هاجر والي بدواخلنا من نوايا صادقة الله شايفها وعارفها هي المُهمة وهل شي بحد ذاته يغنينا عن الدنيا بما فيها ..✨
Soul's hand touch
10 Nov, 15:57
مرة الأمام علي (ع) وسيدنا عُمر (رض)تخاصموا وواحد جان ينتظر الثاني يبادر إلى ان ورا كم يوم تصالحوا فسألوا كل واحد منهم ليش ما بادرت وجان جوابهم متشابه اني انتظرت عليً حتى يحصل الاجر واني انتظرت عُمر حتى يحصل الاجر هم وهنا المقصود بالاجر هو الحفاظ على صلة الرحم رغم كل شي يصير ورغم المواقف او الأخطاء الي تخلينا نعتب ونگول ليش وهل شي ينطي المعنى الحقيقي لقول الرسول (ص)
(أفضَلُ الْفَضَائِلِ أَنْ تَصِلَ مَنْ قَطَعَكَ، وَتُعْطِيَ مَنْ
حَرَمَكَ، وَتَصْفَحَ عَمَّنْ ظَلَمَكَ)
وللحظة حسيت كل مرة أصالح بيها احد حتى لو غلطان بحقي فهي دتعودلي بستر ،شكر ،خير ،مساعدة ،حُب
(أفضَلُ الْفَضَائِلِ أَنْ تَصِلَ مَنْ قَطَعَكَ، وَتُعْطِيَ مَنْ
حَرَمَكَ، وَتَصْفَحَ عَمَّنْ ظَلَمَكَ)
وللحظة حسيت كل مرة أصالح بيها احد حتى لو غلطان بحقي فهي دتعودلي بستر ،شكر ،خير ،مساعدة ،حُب
Soul's hand touch
08 Nov, 13:02
بنفس الوقت حبيت اكوللكم ابقوا مثلما انتم ولا تكونون النسخة الحقيرة مثلهم ابد ومهما صار الظرف وصدگوني هنا دنكسب انفسنا ونخسر الجزء التعيس الي هم يمتلكوه والاهم الله شايف وعارف نيتنا وصدقَ مشاعرنا
Soul's hand touch
08 Nov, 13:00
وما اعرف شنو السبب ورا كل هذا بس متأكدة انُ خير وبي حكمة وأذية أيام أعيشها وأتقبلها ولا أبقى مخدوعة
Soul's hand touch
08 Nov, 12:59
ويمكن الشعور صعب بس تعلمت انُ الإنسان ابد مو بالسنين ولا عمرها العلاقة تشوفك كل شي ولا الحُب يكفي حتى الشخص ميأذيك وانّ جنت وياه صادق وماكو احسن منك
Soul's hand touch
08 Nov, 12:56
البارحة طلعت ابجي من الدوام ومنهارة من فكرة انُ شخص يعرفك يتهمك بشي ويحاول أذيتك بلا اي سبب منك او خطأ بين كل هذا عمو ابو آلخط گال تدرين انتِ بعدج طفلة ما شايفة من الدنيا شي ولا شايفة سوء الناس وخليها بالج الي تحول عدو الج فجأة هو من الأساس هيج بس انتِ ما شفتيه ،بالحقيقة كلامه خلاني ابجي اكثر بس بعدين تذكرت انُ قبل أيام كتله ياربّ أنطيني إشارة وشوفني الحقيقة بلا ما ابذل جهد وسبحان الله البارحة الي صار كشف كل الأمر …
Soul's hand touch
05 Nov, 17:38
لأنني أعرفُك يا الله
أثِق
أن حياتي ستتخذ الصورة الصحيحة
يومًا ما
أعرف أنني تخبطتُ كثيرًا
هُنا وهناك
وأعرفُ أنكَ تُشاهدني
بحنان جميع من على هذهِ الأرض
وتحنُوّ عليّ بطريقتِك السريّة
أعرف أن تعبي
لا يهون عليك وحدك
فخُذ بيدّي إِلهيّ رجوتُك
نَحْو هدايتِك، نَحْو رحمتِك، نَحْو سمائِك.
أثِق
أن حياتي ستتخذ الصورة الصحيحة
يومًا ما
أعرف أنني تخبطتُ كثيرًا
هُنا وهناك
وأعرفُ أنكَ تُشاهدني
بحنان جميع من على هذهِ الأرض
وتحنُوّ عليّ بطريقتِك السريّة
أعرف أن تعبي
لا يهون عليك وحدك
فخُذ بيدّي إِلهيّ رجوتُك
نَحْو هدايتِك، نَحْو رحمتِك، نَحْو سمائِك.
Soul's hand touch
03 Nov, 16:14
عمو ابو الخط يسولف على زوجته وعلى حبهم لبعض رغم الظروف وشلون برأيه البرگر الي هي تسويه هو أطيب شي بالعالم وضحكتها وسوالفها ماكو احلى منهم والاهم من كل هذا بالأسبوع يومين يفرغهم الها حتى يكملون اي احتياج للبيت وانُ اول مرة شافها بيها جان عن بعد ١٥ متر وبلمحة سريعة بس أخذت گلبه ولو شما يصير ما يبدلها بأحد ،بالحقيقة لمن يسولف عيونه تلمع وفخور هواي فخور كونها بحياته وإنها مصدر رزقه وعلى وجودها هواي الله يسرلّه أمور ..صدقاً ما شفت انظف من هالحُب وهيج إنسان يوصف شريكته بس طريقته جانت لذيذة مُنعشة زرعت بداخلي هواي أمل ورسخت بعقلي فكرة لابد بيوم الله يعوضك بحُبَ ينسيك شنو خسرت قبله !✨
Soul's hand touch
01 Nov, 17:00
يهون تعبك يحوله ضحك ،يشاركك حتى صور الغيم والجو وتفاصيل دوامه رغم الهوسة الي بيها ،تحجون كل شي بدون مقدمات ،يكُلك عن أكثر الأشياء الي يحبها ويكرههّا ،وبنهاية كل مرة يذكرك شگد إنسان زين وتستحق ينعاش علمودك ويحاول وياك لمن تكون باسوء ايامك ،هذا كلّه مو حُب لا ابد وأنما أمان وبيت دافي يحتويك والجتفَ الي تتعب وتخلي رأسك عليه باطمئنان لأنك متأكد ما حيميل وتوگع ويا الله شگد عظيم !♥️
Soul's hand touch
31 Oct, 15:58
انتهى شهر كامل تعلمت وعشت بي هواية مشاعر بالحقيقة استهلكني نفسياً ومريت بتنقلات مختلفة من كل النواحي واكتشفت بي انُ اني هواي إنسان زين وعلى نيتّه بدون زيفَ ،ما مؤذي ،حقيقي ولمن ينطي فيكون من كل گلبه فعلًا وهالشي كله بهذا الوقت يأذيّ وإنك تكون نوعاً ما حقير فهو المطلوب لان اكو ناس ما تمشي إلا بهل أسلوب ومتعودة عليه وهم عرفت الصديق الي صار عدو وديحاول يأذيك فهو عدو من البداية بس انت مغفل وما شفته من وقت مع ذلك بالنهاية ما يفوز إلا الگلب الحنون الي نيته صافية لو شگد ما تأذى وانهار وحاولوا يشوهوهّ والأيام تمشي وكل الي تقدمه يرجعلك سواء خير او شر والحقيقة الثانية "الي الك ابد ما يصير عليك او لغيرك "✨
Soul's hand touch
30 Oct, 18:25
اليوم ميلاد إنسانة اعرفها وبينا أيام وسنوات وضحكة ودموع ،الانسانة الي شاركتها هواي عني بس فيما بعد اكتشفتَ انها استكثرتَ تشاركني زواجها ،إلي اخر مرة عرفت أنها بخير من عشر شهور !بالحقيقة دا اكتب والغصةَ بگلبي ودمعتْ ودا اتساءل شكد هذا كله صعب وشگد فكرة التخلي عن الي تحبه !خاصةَ لشخص مثلي يمنح كل عاطفته وبكل صدقَ!بنفس الوقت اني اعرف مشاويرنا ويا الأشخاص تنتهي بمكان ما بس تعرفون اتمنى شي يوم تكون النهايات لأسباب تسوهَ وبعتبَ يقلل هالغصةَ !💯
Soul's hand touch
29 Oct, 16:18
جنت بالسوبرماركت دا أتسوق أشياء ولمن دا اطلع اكو ولد ورايه يحجي ويا الكاشير على حليب بالموز ومخلصين فگال اني متعود اخذه منكم لبنتي وهسة راح ارجع أدور حتى اخذلهيا بالموز لان تحب هالنكهة وما أريدها تزعل لمن ارجع بدونه ،بالحقيقة من يمي ابتسمت وتساءلت شنو المقابل الي نقدمه للأهل !لركضهم علمودنا طول العمر ،لمحاولاتهم حتى ما نحس بنقص !والاهم من وين نلگه الي يحبنا بنفس الشكل بلا مقابل وشلون بس يحبنا بگلب نظيف وعيون تباوعلنا بفخر حتى لمن نرسم اول وردة بحياتنا ومش يمكن لا أكيد حبهم هو اصدق حُب بالدنيا حسينا بي وراح نحسهَ !✨♥️
Soul's hand touch
28 Oct, 20:10
بنفس الوقت تذكير الي والكم بأنهُ شگد ما يطول الانتظار فالنتيجة موجودة واني اعرف أصعب شعور نعيشه هو الصبر بين شوكت !وتعبت !واخاف ما يصير !لكن كل هذا يروح لمن نشوف عطاءهَ وندرك حكمته فأي كلّه خير يا عيوني ✨🤍
Soul's hand touch
28 Oct, 20:08
ساكتة
أيام مرت خلال هالشهر واني ساكتة ولو حجيت فمن خلال دموعي ورجائي يمه وبين إيديه ولحد البارحة بالصلاة كتله ياربّ نور بصيرتيّ ،شوفني الطريق وراضيني هواي راضيني لان هالگلب ما مطمئن وكلما دتمشي الساعات دا يتوضح الظلام گدامي وتتسع الزاوية وينكشف كل شي فأي ينطي ويمنع لسبب ويشوفنا الصورة بوضوحها الحقيقي بالوقت المناسب وبدون ما نبذل جهد وهذا كله وهم لا شيء گدما خيره الي غامرنا بيّ ….
أيام مرت خلال هالشهر واني ساكتة ولو حجيت فمن خلال دموعي ورجائي يمه وبين إيديه ولحد البارحة بالصلاة كتله ياربّ نور بصيرتيّ ،شوفني الطريق وراضيني هواي راضيني لان هالگلب ما مطمئن وكلما دتمشي الساعات دا يتوضح الظلام گدامي وتتسع الزاوية وينكشف كل شي فأي ينطي ويمنع لسبب ويشوفنا الصورة بوضوحها الحقيقي بالوقت المناسب وبدون ما نبذل جهد وهذا كله وهم لا شيء گدما خيره الي غامرنا بيّ ….
1,367
subscribers
1,541
photos
65
videos
