Kafkaesque

شكد حلو هالتعبير 🫶🏻

اكو اشياء تخليني ما اكدر اتقبل البشر شكد ما جانوا زينين ، منها ‏الإملاء ، ما اعرف اتقبل الناس الي متعرف تكتبب ، و ما اقصد انو يسحكون ، اقصد همة اصلاً ميعرفون انو " رأيي" تنكتب هيج و ليس " رئيي" و " الذين" هيج مو " اللذين" و شؤون هيج مو " شوؤن " و اسوأ " هيج مو " اسوء " 😭😭😭

شتسوون من اكو فكرة مضايقتكم براسكم بس هي متسوى هل مساحة الفكرية و تريدون تركزون ع غير اشياء بس هذي الفكرة لازگة مثل الذبانة

شلون تكدرون تتحكمون بعقلكم ، اذا ممكن هل شي طبعاً

حبايب ، التسجيل ع شهر الثاني بعده مفتوح
هاي اخر ايام قبل ما نبدي
- اسعار تناسب الجميع
التسجيل ع اخر مقاعد

@Zaynebs_bot

When I Was Your Man

القاعدة العامة تكول ، كل ما تحاول تعجب الناس اكثر ، كل ما يقل اعجابهم بيك

سبق و كون مشاعر لناس اي ، لكن ما اعتقد عشت الحب بحياتي ، على الاقل مو هذا الحب الي تنكتب عنه الاغاني ، بس خل نشوف المستقبل شنو كاتب النا؟

https://tellonym.me/zayneb.taher سولفوا

انتي انشري ماترينه مناسبا
اني استاذ جامعه ومن عائله زينه والحمد لله
وساكن ببيت وحدي اني والحجيه
مشكلتي تزوجت وماتفقت وطلقت زوجتي بالحسنى وبدون مشاكل وحته اطفال ماعندي
وصارلي 4 سنوات مطلك وطليقتي تزوجت
كل ماتقدم لبنيه(مرتبه وتعجبني)تكول ماتزوجك بس لان مطلق
زين يعني جان لازم اظلم نفسي او اظلم زوجتي ويايه طول العمر افضل لو اطلك؟
زين اذا اطلك احسن لعد ليش كل ماتعجبني وحده ترفضني لان مطلق
رح اتابع الاجابات وشكرا جزيلا

اكو هواي مشاكل هنا مادري بشنو ابدي

اريد المتابعيين كلها تنطي رئيهة منو الغلطان روحي محترگة حرگ 6/1   2024
اتقدملي شخص شفتة بالشوفة الشرعية وحچينة هوايه أمور من اول گعدة وچنة كلش جديين بالكلام وكأنو فعلا نريد نكون عائلة ومحبين ف وافقت وهوه هم والمفروض بأجر الخطوبة اليوم المغرب خربت خربهة عمي لانو على أساس سامع ع الولد كلام وطبعا مرت عمي گالت ظلم الولد واني سئلت علي مابي شي المهم بابا قفل اني يوافق ع الولد ومر شهر ع الخراب وبقى الولد أبالي راسلتة حتى لأن والله چنت اموت خاف اهلي كسرو أذو طعنو بسمعتة وبقينة نحچي واكتشفت انو الولد منفصل مرتين المرة الأولى : البنية شبهه الخبلة يعني كلشي  متعرف وچان زغير ومزوجي ومگاعد وياهة ولا فترة خطوبة يعني تقليدي بحتاً والزواج الثاني : خيانة وهذا الزواج دمره وشكل عنده عقدة الخيانة ومع مرور الوقت اكتشفت انو هوه خربانة آلة 13 خطوبة والسبب عنده عارض ميخلي مرة عنده البنية الصالحة خطوبة ومتصير والبنية الموزينة تصير بس تطلك طبعا قبلت بكلشي لأن تعلقت بالولد كلش وحسيتة مظلوم گتلة اصيرلك كلشي ومن نتزوج اخليك تلتزم بصلاتك مع انو حاولت يلتزم بس ما التزم وندفع صدقة ونزور في سبيل الزواج يستمر المهم هوه هم حب والدليل اتقدم 6 مرات ورفضوا اهلي إلى أن اهلة ملو وهم جابولة بنات ورفضهم بس أمة جابتلة رقم بنية من ديالى يتعرف ويتواصل حتى يخطب طبعا اتواصل وياهة بعلمي بس چنت اموت واگعد ع المصلاية كلشي بية يرجع من الغيره هوه من حس اني متأذية كلش من الموضوع حلف انو البنية ميريدهة وكلشي انتهى وراح يرجع يحاول ويه أهلي من شاف تعلقي وحبي زاد ضميره أنبة گال ام ديالى فعلياً انتهت قبل اسبوع يعني شهر يحجون بدون علمي وعلى أساس حتى ميخلي بخاطرها عمالهة ابرود حتى تترك بس ما تركت البنية وتتصل وبليلة من الليالي واحنة نحجي گلي صوريلي دايركت الانستا طبعا اني حذفت ولد عابره يردون ع الستوري واجاوبهم ويشهد الله ما ناكره علاقتي بي گدامهم وحلفتلة بالعباس انو أحبة وماعندي غيره بحياتي گلي ماريدج بعد ولا اريد حبج انتي خاينة وحضرني ورحت أتوسل من كل البرامج وحضر ودزيت اختي وحضرهة ودزيت صديقتي گللهة آلة الخيانة ما تتصلح وحضرهة وعطل حسابة فترة ورجعة الحساب الي اني اعرفة ورجع الاغاني الي چان ناشرهن علمودي وهوه چان امأرشفهن وغير ستايلة وطلع الغير محافظة وصور وماخلة بنية بالانستا ما ضافهة ويعرف هالحركة تموتني ونشر صورة ماحبهة أذاني حيل 28 يوم مامر يوم إذا ما بچيت صرت اطفر من نومي السجاده بس حتى گلبي يهدئ اتخيلي ادعيلة بصلاة الليل اذا فعلا حاس بالخيانة رب العالمين يخفف عنة

للعلم اني اموت علي گلبي محترگ علي وميفارق تفكيري وراح اموت من القهر

مرحبا زينب اني احبج واحب الي بالقناة
ف اتمنى تساعدوني

ماعندي شخص احجيله
واني مو خبلة اني شخص طبيعي وحتخرج من اختصاص راقي
هسه وصلت بيه الحالة اريد اقنع بروحي ما انتحر والله كلش مقهورة على نفسي اتمنى اي احد عنده كلمة حلوة خل يحجيها اليه و يطيب خاطري حتى انسى موضوع الانتحار
المسجات الي حقراها هي املي الوحيد حتى مانتحر

ماما دتنعفني حتى بالمطعم تبچيني ترزلني لان بجيت وتحرجني وبالبيت يوميه تكعدني برزالة بصوت عالي وتخرعني تشوفني شخص عاق وفاشل وغبي وميستاهل شي بالدنيا اي شغلة تضوجها تجي تطلعها بيه
حتى زوجة اخويه انتبهت
واختي الجبيره متزوجة ملت وهي تكلها على كيفج ويه اختي واني هلكد ما احجي لاختي كمت استحي احجيلها بعد واختي تكلي هي امنا هيج تحسسنا بنقص هي تزوجت يلا خلصت
اني شسوي؟ ماعندي جد لو بيبي كلهم متوفين واني بنيه ماكدر اروح مكان جان هجيت انوب حتى ادويتي انتحار ما تسويلي كلهن بندول
واني والله حبابة واشتغل شغل البيت حتى اكلي اقسمه بنص نص للبزون ونص الي واتبرع واصلي بس استغفر الله يأست من الرحمة كرهت نفسي ماريد استمر بالحياة بس لحد يكلي لا تهتمين لان هي يومية ترزلني مرتين اقل شي بشكل يخليني انهار بچي والله كلامها يگطع الروح اتمنى الله ياخذ امانته واخلص من الدنيا شسوي كلولي

كمت اشوفني ناقصة وما استاهل شي  وميصير براسي خير

غمضوا عيونكم و تخيلوا وين تريدون تصيرون بعد ٥ سنوات.

تخيلوا كلشي ، كل التفاصيل.

اشتغلوا على الي تريدوه ستب باي ستب ، يعني خطوة خطوة ، شيلوا طابوكة طابوكة ، وحتلكون انو احلامكم كلها انبنت نتيجة الجُهد المُتواصل.

الاحلام الجبيرة متتحقق بيوم و ليلة!
الاحلام تحقق نتيجة انتصارات و انهزامات و مُحاولات صغيرة مُستمرة.

كان يلزمني قربك ، وليس وجودك .

ميادة الحناوي
-١٩٨٣

سايبة ريحتك بين هدومي، سايبة قلقك بين همومي، سايبة ايامك في يومي، سايبة حاجة بكل حاجة رغم إنكِ ، مش معايا.

لستة تطوير الذات 2025 :

الكتب //

1. English: The Power of Now by Eckhart Tolle

2. English: Mindset: The New Psychology of Success by Carol S. Dweck

3. الوعي الكامل (Full Awareness) by Anthony De Mello

4. الإنسان بين الشرق والغرب (Man Between East and West) by Muhammad Asad)

6. نقد العقل العربي / محمد اركن

5. انسان يبحث عن معنى

———————————————————

الافلام //

1. English: The Pursuit of Happyness

2. English: The Secret

3. Arabic: الطريق إلى كابول (The Road to Kabul)

4. Arabic: فيلم الممر

5- بداية النهاية

6. فليم الجنة الان

7.درب 2000

8. English: Synecdoche, New York (2008) – Explores life, death, and the complexity of identity.

———————————————————

الوثائقيات //

Documentaries:
1. English: The Mind, Explained

2. English: The Secret (deep dive into law of attraction and the mind)

3.English: The Social Dilemma

4. English: Jiro Dreams of Sushi

5. Arabic: نحن لا نعيش في العالم الذي نراه (We Don’t Live in the World We See)

Disappointed but not surprised

باجر اغيب لو اداوم؟

احب الناس الكلاس و بهل كلمة ما اقصد الي عندهم فلوس و انما الناس الي:

١- عدهم ثقة ، بس مو غرور
٢- يحترمون الناس ، ونفسهم
٣- ينطون اطراءات ، مو غزل
٤-مؤدبين ، مو خجولين
٥-يلبسون بشكل انيق و نظيف ، مو هوت
٦- الناس متلاحظهم ، وانما تذكرهم

من اكثر المسجات الي تجيني ع التيل ناس يكولون فلان او فلانه بيناتنا نظرات او يلمحولي بنظرات

و ع هل اساس بانين قصص براسهم .
صراحة ما اتصور اغلب هل سنايوهات حقيقة ، ما اتخيل احد ممكن يعرف شنو براس لانسان من نظرة ، يعني الي يباوع اكو مليووون احتمال شنو ديفكر غير انه معجب شلون ممكن دائما الاغلبية يفسروه اعجاب؟

دا اسوي لسته تطوير الذات مال ٢٠٢٥🔥🫣

الحجز ع كورس شهر الواحد مفتوح من اليوم
وكذلك اكو عروض ع راس السنة🥰🎄🎄

-حجز و استفسار

@Zaynebs_bot

اني ك ال " الابن الاوسط" تعودت دائماً و لا شعورياً انو اخلي احتياجات اخواني الاكبر و الاصغر قبلي ، من اني و صغيرة جنت احس انو الاكبر عدهم شغلات اولى و الاصغر خطية ، ف احس هل شي خلاني من كبرت اصير انسان غير اعتمادي و صعب يطلب شي من احد و يستغرب اذا احد سواله شي ، الوسطانيين انتوا هم مثلي لو بس اني؟

هي الناس لازم تعتذر ع گدر افعالها لو هم لازم تعتذر ع كسر الخواطر؟

الأخلاق تتآكل في الفقر؛ كما يتآكل المعدن الذي يقطر فوقه الماء.

— د. أحمد خالد توفيق، يوتوبيا

Hello sweet December ♥️

واحد اجيه اضيع الوقت وياه ، وواحد ان ضيعني الوقت ، جيته .

اكو نوعين من الناس

عروض البلاك فرايدي اجت🔥
سويتلكم خصومات ع الكورس
الحجز و الاستفسار هنا

@Zaynebs_bot

دزوا ميمز

للاسف يوم عن يوم دا اتاكد انه الناس تحب الناس الفيك
و تحب تسمع الكذبات الحلوة ع الحقائق غير المريحة
و الطبقية لسة موجودة بشكل جبيرة
و الاغلب يحكمون ع غيرهم من الشكليات
و اغلب الي يكلون منحب الناس الفيك عدهم استعاد يسحبون كلامهم بحظور ذول الناس

العالم مو مكان امن للي ميعرف يلبس
قناعين ميعرف يتملق

احس جيبوا ورقة و قلم و اكتبوا كل المشاعر المخربطة
اني ناوية اسوي هل شي حتى ارجع افتهم روحي و احللل تصرفاتها

اني امشي برأيي سيد امري " ويز"

تذكرت ملاك الكويتية من يكولها يعني انت ماعندج شخصية ، تكول اي ماعندي شخصية
اني ملاك الكويتية ماعندي شخصية 🤣🤣

كلش احس بيكم لانه كظيت هواي من حياتي بهل مشاعر و ادري شكد مزعجه لانه متكدر تحجي بيها حتى مثل الوحش الي كاعد بالزاوية لا تكدر تتجاهلة و لا تكدر تعيش بوجوده

الله يسهلها عليكم يارب و يريح گلبكم🙏♥️

شكد تغث هاي السالفة مال الا سافرة
بس بنفس الوقت فكري انه البيئة الي تدور هيج مظاهر شنو راح تكون شايلة من بشر؟؟

والله حبيبي ظلي دوري و قدمي ع اي شي كدامج لابد تضبط بشي مرا

شبيكم وياي شباب🥲😂😂

البسي حزام من تتمرنين هل تمارين مرا جاية
و ابقي بعيدة عن اي لود ع الظهر الى ان تحسين احسن ، غالباً ماكو شي لان اذا اكو شي حيكون مؤلم جداً لدرجة متكدرين تكتبين هل رسالة
والله يجفينا و يجفيكم الشر🙏

انتوا شتكولون ؟

صراحة لا
كل يوم احس اسوء من الي قبله لانه تحس العمر دا يضيع و انت تشطب ايام فقط لا اكثر

@Zaynebs_bot الاستفسارات هنا شباب
ان شاء لله باجر ارد

اقروا يوم بيومه ،دخلوا محاضرات ، شوفولكم اصدقاء سجاجين و اقروا سوا

التكريش حاله حال الافلاونزة لازم تتحمليه لحد ما يروح

اشكر ترندات الانستا لان عرفتني ع هل اغنية

نعيد اللقاء و نخلي العذر شاي؟

اشتاقيت لطعم الروبة الي جانوا يسوها بالبيت قبل من جنا صغار

البارحة جنت ضيفة الاذاعة بالجامعة الامريكية
وهل شي خلاني اذكر شكد جنتوا تكلولي سوّي بودكاست ، حسيت انه الموضوع كلش ناسبني

عشوائيات

البارحة جان عيد ميلادي ال 25 ♥️🎂