قصائد حسينيه مكتوبه

ياصاحب الزمان

حرام أقرالك ومرتاح بالي
وما فاكد اهاليتي وغوالي
ليش بعاشرك تلكاني محزون
ومو يم الجرح باقي الليالي

اسف .. كتلهه هواي مو كافي
اسف .. ملت من وره شفافي
هايه .. اخر جيه بذنوبي
اسف .. هدلن منهن اجتافي

ابجي امن الذنب ماباجي للغربه
وما اندل طريقك اله بالصعبه
يالمهدي بمتاهاتي ضعت انه
أنه الكلما كبر عمره كبر ذنبه
____
أنه الشايل اسمكم فوك زندي
بس ماكو حدر كلبي يمهدي
انه لو صدك مولاي احبك
جا كل خطوه احسك تمشي سدي

الدمعه .. احس الطافك وياهه
الدمعه .. تسوه الدنيا مجراهه
الغربه .. وين تروح مو وياك؟
الدمعه .. هم وياك تلكاهه

الدنيا واللي بيها وكل اطايبها
وي دمعة غربتك ما اكلبها
روحي انطيك ياهه وماي اسويهه
وفوك خيام اهلك سيدي ذبها
___
كاضيها اعتذار ومالي قيمه
يمته احترك وي حركة الخيمه
كلبي ريته يتحفه ويطب عالنار
ويدوس الجمر مثل اليتيمه

اتمنه .. اثبت موقف وياكم
اتمنه .. اعيشن غايتي ارضاكم
تفرح؟ .. افرح. تبجي انه ابجي
اتمنه .. ابجي ويه مجاكم

للماعنده ناصر حاير بعيله
اكضيله حياتي وحيلي اكضيله
ودع اخته بدموعه ووكع تالي
اويه الوكعه عدوه اتعنه اله بخيله
___
يمنهوب بعيالك شرد اكلك
صعبه وتدري فوك الهزله اهلك
صعب مستصعب وما الك تفسير
واصعب شي عليه هوه سهلك

وينك .. كوم وسل فقار الدم
وينك .. حركوه تره المخيم
ويلي .. عمتك طبت اعله الشام
وينك .. صعبه اعليك ماترهم

سل بتارك ورجع عقيلتكم
ماتت بين ودام موش وادمكم
من دار الكرم تهدى لشرِ الدار
الله يا مصيبتها غريبتكم
__



#اللهم_عجل_لوليك_الفرج

يايمه الخيام انطفت يمه يمه يمه
وعيالي بالبر اطلعت يمه يمه يمه
واعلى الجمر يمه مشت يمه يمه يمه

يمه طلعو والضهر يجويهم
دارت الخياله كلها اعليهم
وانه متوسد ترب وانضرهم
طلعو ونوك السبي اتانيهم

يمه انا المضلوم
___
يايمه شفت اختي اجت يمه يمه يمه
وكفت على جثتي وبجت يمه يمه يمه
ويم راسي شفت اتكربت يمه يمه يمه

كالت اختك طلعت وشافوها
خويه وخيام الستر حركوها
خويه عين الغربه شو شافتني
وانه ياما وياما دللتوها

يمه انا المضلوم
__
يايمه جابوها الهزل يمه يمه يمه
وياهن انضب الحبل يمه يمه يمه
بهالمنضر انه انكتل يمه يمه يمه

صعدت اختي اعله الهزل كدامي
وانه باقي اعله التراب وضامي
يمه ما همني اليصير اعليه
همي كله ضعني مابيه حامي

يمه انا المضلوم
___
تمشي واصيح اتمهلي يمه يمه يمه
للشام راحت بت علي يمه يمه يمه
وبين القبائل تبتلي يمه يمه يمه

طبت اعله الشام زينب يمه
هاي خلتلي هضيمه ولجمه
يمه احنه ولد حيدر صعبه
عدنا اخت تدخل غريبه زحمه
____

#اللهم_عجل_لوليك_الفرج

(( گوطر ضعن آمالي ))


مـن شـفـته شال الـغالي
وگـوطر ضـعـن آمــــالي
منهه وصـحت يـاروحي
هـســه الـدمـع يـحـلالي

وي ڪل خطوة الــيبعد أذبل
امنيتي ابضعن الشالو محمل
مـن شـفت الــنوگ اتــخيلتك
هسـه اتصـيح ابأسـمي اتأمل

حلمي انطفه وسال الدمع من عيني
اتـمنيتـه ويـاك الأجــل يـحـسـيـنـي
لو تـدري الافــراگ اشـكثر يسـبـيني

يـاصـبري ... ماي انچفه من فارگتني اضعونك
لو تــدري ... أم الـبنين اشـحالي يـمـه ابـدونك
ياڪسري ... المـا يـنـجبر إلى ابـسواد اعـيونك

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
من غبشة تبدي ادموعي
وطـف الحزن موضوعي
اتـمـنـيـتـه يـمه الــحافر
آنــه الـيدوس اضـلوعي

بـعيوني ارسـم طـولك بـاچر
فـوگك يـسحك يبني الحافر
طـايح مـحد يرؤي اشـفافك
ويـشح عنـك وجـه الـــناصر

باچر تطيح اعلى الثره اتضل عاري
خـذني فـيآي مـن الشـمس بـكتاري
تـذبحني طـايح وآنـه اضل بدياري

وبـدربي ... صوت ورسم چان الحلم بسنيني
يـاتـعبي ... أنت الـرمل وآنـه الـجمر يچويني
ياڪلبي ... حنيت غصن من عاشرك تحنيني

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
مـن شع وجه صبحيتك
ابـدور وگـمـر ضـحيـتك
افـديك يـبني ابـروحـي
وسـالم تـعـود الـبـيـتـك

فدوه الطولك روحي أولـدي
غـايـة روحـي تـسـلم عـنـدي
تـرجـع ســــالم روح الـزهـره
ديرة الـعينك من ولدي افدي

نـاعي الـمدينة لـو اجـه مآ خبره
عن ولدي وفكاري ابعزيز الزهره
سـالم يـرد هـاذ الـخـبر مـنتضره

يـاحيلي ... ابلهفه انتضر سالم ترد لـديـارك
وبـليـلي ... تـخلص مـدامـع لهفتي لـخـبارك
يـاويـلي ... لـو جـاوب الناعي وگـع فـقـارك

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
الـذاك الضمه من العاشر
اتـمنيت اعـيـشـن بـاچـر
تـحرڪني نـار اخـيامـك
وجدمي ابركضتي يعاثر

ابشمس الصحره ذيـچ التلهب
يركض جدمي يوآسي ابزينب
اتـمـنـيـت اهـواي ومـا صـارت
مـثـل ابـنيـتك ڪون اتـسـلـب

هـاذ التـمنـيتـه وبـعـد حـيـل أكثر
حـال الـعـلآوي مـن يـفـرن بـالـبـر
وسوط الغرب فوگ المتن يتبختر

يـاحالي ... كون الشمس والـعطش غير لوني
يـاغـالي ... ودخـان الامخيم يـطفي اعيوني
بـأمـالي ... وي الامـيره اعلى الهزل يـسبوني

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
اتهل دمعتي اعلى الناگه
فــــوگ الـوجـن حـراگـه
ريـت الـسـلاسـل بـيـدي
آاخ اشـڪـثر مـشـتـاگـه

ڪـل دمـعه من عين ابنيه
ڪون ابچيهه وهم مسبيه
ريت ابمتني سوط الحادي
ڪل طـگه إيـطـگ عـلـويه

ڪل حـرمـه تعثر بـالـدرب ريت آنه
وسـالم ضعـن ابـن الـنبـي ونسـوآنه
ريت امشي بدروب السبي عطشآنه

يـاريتـه ... هـاذ الحـلم صـار وتحقق حـلمي
الحبيته ... مـسـبيه بحلوگ الأجانب أسـمي
وآفـيته ... بأربع ولد ومقصره احس ابدمي

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""


#اللهم_عجل_لوليك_الفرج

يشاعرنة
لا تجرح مشاعرنة
جنة بأمل ملتمين دخيل ابيات شعرك لا تطشرنة
لا تذبح ملامحنة
لتمهد بشعرك فوت بالمضمون
ترى المقصود بس آحنة
جيتَك خلت بيوت المدينة تخاف
صنتة وكلمة منك تذبح الهيمة
بدو وخيمنة يم بابك لگينة حجايتك خيمة
وقبل لا تحجي گتلك لحضه خل ابجي
منها ودمعي ضل يسامر الشلال
وحرت مابين اكلك احجي لا تحجي
نعرف شنهي كاصد بــي
شتضم واضحة الدمعة ؟
ومن كالو بشر عالباب
ركضنة نريد منك كلمة حتى نعيش
بحيث تسابكينه اعليك ياهو اليوصل بسرعة
اجينة الملكة شعرك كلمه كلمة نذوب
لحد ما نوصَلك بس خيط بالشمعة
حتى اعله الفرح ننعى
ناس احنه اذا لولينة لزغار
ينامون وتضل تصب مدامعنة
حتى الدللول يالولد تجرحنة لا تجرح مشاعرنة
احجي وكلبي شيبتة
ولا تقرالي بيت وبيتي هدمتة
اقره وماكو شي أكثر من دمعي الحبيبي أرخَص
ولا تجبر بخاطر كلمن متانيك
آحنه نموت باول نَص
احجي وجيتَك النا تريد ملكة جروح مو عادي
واذا محتار من هسه اكلك قربى ويلادي
عينك بالقصيدة وعلى اليمَك عين
لتحاول تلمحلي
آنه يبجيني بس حسين ….
شگلك والبشاره الجاي بيها وياك
هيه اوحشة التابوت
واهل المنكتل متأملينه يعيش
بس شعرك يريدة يموت
والكلك تجي وتقرالي شعرك وين
لتگلي البقية براسج آنه براسي بس حسين
متت لّمن شفت كلبك بجه اعلية
الشاعر لو بجه بكل بيت تتطشر قوافية
وما دام احنه مذبوحين مذبوحين
ما نحتاج منك صورة شعرية
كلمة آخ …. تذبحنة
لا تجرح مشاعرنة …….. يشاعرنة

اللهم عجل لوليك الفرج

ام البنين صلوات الله عليها


وين يمه بيا محطه
ضعنك المحروس هسه
حسين من كثرت سؤالي
جدم ما عندي احسه
(السلام على من تورمت قدماها لكثرة السؤال على الحسين)
مو مهم بيه شتغير
المهم عبد الله نفسه...؟

امشي فوگ اثار ضعنك..واندل اثارك حنينه
وحافضه اصوات القوافل..واعرف اجراس الضعينه
يا حسين بكد حنانك ..باجية اباب المدينة

شتسوي المشتاگه..واتدور ماكو حسين
شتسوي المتعلمه..شوف تشوفك بالعين
يالكاصد بضعونك..ضعنك مكصوده لوين
__
هذا ليلي السهراني
نمته لو مثلي سهرته
گلبي مربوط بضعونك
تمشي خطوه اتدگ نبضته
ام اخوتك ماهي طيبه
حسين يمه طيب انته..؟

بدارك واشعر غريبة..شلون بيك وانته نازح
يالكصدت اگلوب خشنه..ابيتك اشجم گلب ذابح
حته الاهلاً من لسنهم..تنحسب هم حجي جارح

يا خيمتنه وفيينه..ناصب گالولي اخيام
ومحترگات اخيامك..تطلعلي بالاحلام
واتعوذ من حلمي..واتعوذ من الشام
____
فوگ گلبي امخليه بنتك
يفرق الليلة جرحهه
بليلة ما بين گمرهه
گلبي خايف من صبحهه
خايفه الدنيا تخلي
براس سيدها رمحها

عصبّت راسي ونعيتك..وعيني ما غمض جفنهه
وطر صبح ما شفت مثله..بعيني سوده الشمس جنهه
وتربتك يم راس بتك..فاض دم يحسين منهه

بمجّان البي تكعد..شعلتلك روحي اشموع
غير اسمك يا يمه..بكعدتنه ما مسموع(حسين)
وين الله ترد سالم..اتشاهدنه ومتنه دموع
____
بنعي ما مر عالمدينة
حسين يمه اسمك نعيته
خبر موتك جان عندي
بدارنه بعينك قريته
وطول هالسفره الطويلة
خبر موتك جذبيته

كون بين ضلوعي اضمك..يمه عن لا يغدرونك
شلون ينطيها گلبها..يمه هاي امتك تخونك
ما مصدكه ابدون اخوتك..حاير اتدير بعيونك

اتدير اعيونك حاير..ومالك ناصر يا ماي
كالوا تحجي وصوتك..ما يطلع يا مولاي
ما راح انعه اولادي..انعه اعلحوالك هاي
__

مصطفى صادق اللامي

#اللهم_عجل_لوليك_الفرج

شهادة مولاتنا ام البنين عليها السلام


الطول احسين اشگد مشتاگه
كـرهـني بهـالــدنيه افــراگــه
خـلاني جـن خـيمـه اخـلافه
وحرگـتـني نـيــران اشــواگه

جم ذكره التعرضلي ابداره
وضليت اتحـسر لـخــبــاره
ياضـعن ايفوت اسئل عنه
غير النشده اشضلت جاره

ماطالعه ابكل العمر بس طلـعاني فـگــده
وخلاني اوگف عالدرب ياهو اليمر انشده
وارجع غريبه المـنزلي بابـي ابهظم اسده


امنــيـن امنــيـن .. اجيب احسين الليله
ادمــوع ادمــوع .. جمر مو ماي ابجيله
اجفوف اجفوف .. گـضن گــد ماتوميله


يمه حُسين

........................

اهناك وصوت ايعم بالديــره
ايصيح رد ضعن اهل الغيره
واطلعـت اركض مـن ادياري
كلساع اعثـر وانه اجبـيــره

من عثراتي انجرحت گاعي
بهذا الصوت الـزاد اوجاعي
ضجه وماميزت اشيـحجي
گتله بهونك يا هــالــناعــي


گــتله اعله كيــفك يابشِر وبطور اهلنه احدي
گال انجتل جعفر صحت ما ناشده اعل ولدي
رد گلي عبــاس انــجتل واهــنا لطمتــه خدي

عـبـاس عـبـاس .. عـمود امـهـشم راسه
وبهذا الصــوت .. جرح گلبي واحساسه
معناها احسين .. وحـيــد وذبـحو ناسه


يمه حُسين

.......................

ضل يحجيلي وحمره اعيونه
گتله اخبرني ااحسين اشلونه
دنـگ راسه وصــاح ابعــبــره
ذبــحو نـحره اگبال اضعـونه

واهنا مدري اشمر اعليه
حسيــت انشلــن رجليه
هليت اتراب اعله الهامه
وماتت كــل امــال البيه

صاح الحُسين ابكربله مــحد فزع يشــيله
قبل الذبح ميت عطش حز الضمه بدليله
گتله يهالناعي خلــص .. لاتســمع العليله


رد گام يصيح .. عـــشر خــياله اتسحگه
وگلي اويه احسين .. بعد مايصلح ملگه
ويلاه ويلاه .. شــهــگ دلالـي بــشهـگــه

يمه حُسين

..........................

ضليت افتر بين اضـــعوني
دلــونــي بــزيــنب دلــوني
جاي انشد عنهه بدمــعاتي
ومرت حرمه اگبال اعيوني

گمت انشدهه وگلبي اتعذب
ياحرمه اشبي ظهرج حدب
حضنـتني وصــاحت يايمه
هاي انــه الگــدامج زيــنب


گـالــت انه زيــنــب يــمــن ضـيــعــتـي بالــملامح
غــيرني ظهــر النايبه وحــيل العـليــه رايح
حرمه وشفت كــل اخوتي فوگ الترب ذبايح

والخيل الخيل .. تدوس ابــن امي اگبالي
والنــار الــنــار .. تـجـوي اجـدام اطفــالي
والجيش الجيش .. يتاني ايشوف اخيالي


يمه حُسين
....................

ويلي بحالج يمه اشصـايـر
اشسوه بضعنج يوم العاشر
يــالرحتي و مهـيوبه برايه
رديتــي وضعنج مـو عامر

زيــنب ويـن الـدلـلــوتـهــا
شو رديتــو و ماجـبتــوها
بنت احسين الطفله رُقيه
يمن ..عدمن ..خـليتــوها

گالت رقيه مارضــت تــرجع عله المــدينه
بــذيج الخـرابه غمضت فوك النحر حزينه
وردينه بس غير الحبل ماجبنه شي بدينه


الشام الشام .. علينه ايرامي احجاره
واصياح اصياح ..شتم يشبع خطاره
طبيت واهناك .. يــزيد اعلنها ابشاره

.................




#اللهم_عجل_لوليك_الفرج

هوسات

1-وكون بيه ولا بيج . الطگه يمه

2-واذاني ضلعج حيل صابه البسمار

3-وفوك المغيسل مات حيدر وياج

4-وذب العمامه اعليج من راسه حسين

5-واليوم زينب ضلت ادگ عالراس

لتعوفيني. ضايع دربي
_
لا ترحلين . ما عندي حل
لا ترحلين . وانتي الامل
لا ترحلين . وآنه اظل . دمعه وهضم

مو چنت كل مغرب يحل
انتي الضوه
يبدد وحشتي وأبتسم

ثاري حلم عمري المضه
واتوسلج
ما اريد افز من ها الحلم

بمايج عشت لو رحتي يذبحني الضمه . يا فاطمه
يا كوكبي اليضوي بليالي المظلمه . يا فاطمه
اتغيثينه يترجاج حماي الحمه . يا فاطمه

بس طمنيني . وينبض گلبي
لتعوفيني . ضايع دربي
__
حال اليتيم . حالي صفه
حال اليتيم . ابلا عاطفه
حال اليتيم . بيتي انطفه . يا فاطمه

يحزامي ردي مثل امس
ضهري خِله
كونچ تشوفي حيدره

طولي التحبينه انچفه
شيعدله
تعبني درب المگبره

ليله اجيلج بالدمع چم ليله اعد . امشي وارد
دربي حفظها مشيتي دافن ورد . امشي وارد
كل خطوه حيلي ينثلم بيمن يشد . امشي وارد

حزني بعيني . واضح تعبي
لتعوفيني . ضايع دربي
__
حزني يطول . جرحي كلف
حزني يطول . ماينوصف
حزني يطول . مالي عرف . يافاطمه

غيرچ منو عنده علي
وياهوه اله
وهمومي المن تنشرح

يالچانت عيونچ فرج
شهالمشكله
وبروحي يا كبر الجرح

لمّن شفت غصنج بده ايميل وذبل . مات الامل
كلشي انكسر كلشي انجرح كلشي رحل . مات الامل
وبس البچي صاير عمل خير العمل . مات الامل

عيني لبابي . تبجي وتربي


___
انزف ضمير . يمج طحت
جرحي چبير . واتغربت
ما يكفي بير . لو سولفت . يا فاطمه

من شفتج امعصبه الجرح
هضمه انثنيت
وانهد على متوني جبل

غسلتج بدمعي لَمَن
ظلعج شفت
اتبده العمر با المغتسل

بين الوصيه وغربتج گلبي انسحن . يم الحسن
ذبحولي مو ام دار الي ذبحو وطن . يم الحسن
يل رحتي گلبي اللي دفع غالي الثمن . يم الحسن

يا ام بيتي . احتاجج قربي
لتعوفيني . وضايع دربي




#اللهم_عجل_لوليك_الفرج

الامام الحسين مخاطبا امه فاطمة الزهراء عليهما السلام
..................................................
ســـــود الليالي الســيّـرن .. ويبتدي امصــابك ياباب
كل دمعه طاحت علجفن .. من فعل ذولي الاصحاب
انفتحـت روازيــن الألـم .. وبخباره چــــذاب الهـاب
يمّـه..
احسينچ ودمعي ايسيل
ياحـــزني لو جـــن الليل
بفراگــــچ ايـبـيـد الحيل

يمّـه..
تبتدي امصــايبنه اهنـا
وكـــل ضيم مر وشفنا
كل ألم بعــــدچ عشنا

اهنانه يبدي امصاب هاشم هاي رازونت حزن
حــرگة الباب ودفعته سبب كــل دمعه بجفن
=========================
ضلعچ وضلعي اتكسرن ..  بسمار وانــه بحافــر
والنار هــاي الّــي دوّت ..  بخيامي تحــرگ باچر
يايمــه نفسيته الجـرح .. باچــر يصــير العاشــر

باچر..
من بابـــــــچ اتلــوح النار
جمره تچوي اطفال ازغار
يرجـــــع يصــير الي صار

باچر..
كسروا ضلـعــچ ويكسـرون
اضلوعي يايمه يسـحــگون
بحبل السبي تمشي ام عون

هي هي الزمّـــره يمّـه والوكــت بس يختلف
الدفعت الباب اعله ضلعچ باچر بسبعين الف
=========================
يمه اخيي ايطيح منـــچ .. محـســن الزاد الألم
باچر اوليدي اعله صدري.. يذبح اوليدي السهم
يمه هي الحسره وحــده.. بابچ وحــرگ الخيم

بابچ..
يفتح مصايبنه اهــواي
حرگ المخــيّـم والمـاي
يازهـــره ويتيه الــراي

بابچ..
چم طشت زينبنه تشوف
حسره ومدامع والخوف
من يومچ اليوم اطفوف

ابنچ وابـنـي يزهــــره يمّـه محــسـن ينعصر
وانه عبدالله اعله صـدري ينذبح يمّه العصر

=========================
كل نفس يشرح مصيبه .. هجـــرچ ايهد الحيل
الفاگد اتبين ابمـشـيـتـه .. محني بالممشه يميل
يمه ابوي ايساعده الله..   بموتچ يشوف الويل

حيدر..
ايامه بعـــدچ احـــزان
ابابچ وگلــبه النـيــران
روحتچ خلّــت نيشان

حيدر..
لو راحت احباب الروح
يبقه الگلب بس للنوح
شيطبه گلب المجروح

والعزيز الراح صعـــبـه يمــه ننطر جـيته
حيــدر ابفگدچ ييمه اهنانه شفنه دمعته

=========================



#اللهم_عجل_لوليك_الفرج

((ماتت فاطمه))


الليله صرخة زينب ترج السمه
وياحزنها تصـيح ماتت فاطـمه
يافاطمه يافاطم
ـــــــــــــــــــــــــــــــــــــ
فرفحت زينب وشاطت بالحزن
تبچي مــاتدري تدگ مدري تون
فازعه و مـن الـبچي مـاتستچـن
امــي ماتـت و الضلوع مــهشـمه
ــــــــــــــــــــــــــــــــــــــ
أمـي مـاتت عـلي الحگ ياعلي
بويه خل تگعد ألي وشظل ألي
بويه متنه وفاطمه چانت هـلي
يعني غير امي الحـياة مــهدمه
ــــــــــــــــــــــــــــــــــــــ
بويه سـولفلي تـرى گمت اختنگ
بويه كض چفـوفها البيها الحرگ
گلها ماتت فاطمه و هذا الصدگ
بويه مــــاتـت و المـتـون امـورمه ــــــــــــــــــــــــــــــــــــــ
بويه امچ ماتت الچنها الضوى
بويه مثلچ مختنگ راح الهوى
بويه وي الطـاهره ادفنه سوى
و آنه دوم وياها تــدري معلمه
ــــــــــــــــــــــــــــــــــــــ
بـويه خـليني بلــحدها ارد اطب
بويه مايحمل على الفرگه الگلب
وحتى خدها شلون يتحمل ترب
و الـترب يـلچـمها لا تنــزف دمه
ــــــــــــــــــــــــــــــــــــــ
بهيده يابويه اعله كيفك بالغسل
هــاي امــي و يـومــها ما ينحمل
الماي يابويه اعله كيــفك لو تهل
البــاب عـاصـرها تــراهي مـألمه ــــــــــــــــــــــــــــــــــــــ
ماتت وما واصـله لثمـنطعتش
بهيده لو تمشون لو شلتو النعش
بويه جرحي اعله الدرب بـويه انفرش
و گلبي يلطم مابطل من ماتمه


#اللهم_عجل_لوليك_الفرج

وَفاطمُ قد أوصَتْ بأنْ لا يُصلِّيا
عليها، وأن لا يَدنُوا مِن رَجا القَبرِ

عَليّاً ومِقداداً وَأن يخرجوا بِها
رويداً بِلَيْلٍ في سُكوتٍ وفي سَترِ

(( طلگت الفرح ))


طلگت الفرح ساعة مِشيتي
ورافگت الحزن والدمعه بيتي
بعدچ بالقنوت أدعي الهي
ياخالق علي عجل منيتي

... ياعلي گلبك الهم تره إيلمه
... راحت أم الحسن زهرتك فاطمة .... والهم بقالك
... ياعلي وياها ماينفع اكبر صبر
... مثل الاهلال عليهه تخلص العمر .... وتشبه خيالك

راحت زهرتي .... وطاحت دمعتي
الدنيه كلهه .... تسمعهه ؤنتي

حيدر منيته .... وياها ريته
يصعب عليه .... وحشه يبيته
"" "" "" "" "" "" "" "" "" "" "" "" "" "" ""
مايكفي الدمع عضمه الرزيه
مايصبر علي ابفگد الزچيه
ماكاسر ضلع بس منچ الباب
وحقچ منطبگ بابچ عليه

... صعبه عشرة عمر تنتهي بالجفه
... وياخذ الباب اميرة علي أم الوفه .... يازهره حيره
... يغمض اشلون علي ويستراح الگلب
... وهوا فاگد زهرته ويعيش الغرب .... صعبه وچبيره

مابيده حيله .... ليله اعلى ليله
تكبر حسرتي .... الفرگه طويله

اليبعد حبيبه .... يكبر نحيبه
تخلص حياته .... آآه ومصيبه
"" "" "" "" "" "" "" "" "" "" "" "" "" "" ""
اليفگدله محب لمن يسافر
بيته ابفرگته اتصير المگابر
والله اتحيرت ساعة دفنهه
دافن فاطمة لو روحي حاير

... اول بنادم ايموت وهوا عدل
... القالع الباب يسويه وداعچ كهل .... تعبني فگدچ
... اتغير وع الحياطين علي اتچه
... العمر ماباچي طاحت دمعته وبچه .... ومغيره حزنچ

دمچ بقالي .... ذكره ابخيالي
ميت وحقچ .... اليفگدله غالي

ليل اليمرني .... يكبر يحزني
باب الرزيه .... عنچ بعدني
"" "" "" "" "" "" "" "" "" "" "" "" "" "" ""
اليدفنله محب يرجع تشوفه
محني ويمسح ادموعه ابچفوفه
ماحاير گبل حيرني گبرچ
لابيه اضل لابيه اعوفه

... اتحير العمره ماحاير ابشده ابد
... موتي ياروحي شكثر هضيمه بعد .... ياروحي
... شيب البعده شاب ابوادعچ تره
... باقي ليل ونهار ابكسر خاطره .... بدموعي صوتي

شصبر يروحي .... اهوايه جروحي
ليلي ونهاري .... امرافگني نوحي

تاخذني حيره .... وتردني حيره
الفرگه عليه .... فاطم چبيره
"" "" "" "" "" "" "" "" "" "" "" "" "" "" ""

#اللهم_عجل_لوليك_الفرج

‏نعزي صاحب العصر والزمان بذكرى استشهاد السيدة الصديقة فاطمة الزهراء عليها السلام،ولعن الله تلك الايادي التي دفعت الباب واسقطت جنينها لعنة يستغيث منها اهل السموات والارض.

‏عظم الله اجوركم وأجرنا.

#رَحلـتْ_فَاطمه


هيه مو حلـوه الملامه
وبين الاحباب اشحلاهه
رحتي عني ابلايه موعد
وبسمتي موتچ خذاهه
بعشّره حلوه اتجمعينه
ليش احس گلبچ نساهه
أدعـي يـومـيه بصـلاتي
ربي أخذ روحي وراهـه

صوت امن السمه .. رَحلـتْ فاطمه
الله ايعينك ياحيدر
وتـابــوت الضـوه .. اخذ مني الهوى
والله وظهري اتكسّر

======ـ

فاطمه محني ابوداعچ
والحزن خرّب مشيتي
وصلت أدموعي الأديه
وانتي لدموعي بچيتي
قـالـع الـبـاب وحسـافه
يحترگ بابي اويه بيتي
بأسمي تتنخه العوالم
ليش مو بيه انتخيتي

وي دمع الجفن .. طايح هالمتن
من اجروحي وتعبي
وهـداني الضلع .. شابـع بالدمع
ماصرت اندل دربي

======ـ

اذكــر ايامچ واذوبن
والطم عيوني ابأديه
فاطمة وداعة غلاتچ
حزني ما لايگ عليه
انظر البـاب وعـذابه
واذكر السطره القويه
بخدچ ابيوم الشفتهه
بالگـلب اعـظـم رزيه

جارحني الصبر .. ومليت اشكثر
حيلي ابــلا عينچ طـايح
واتــراب الگـبـر .. بي اشگد كسر
واشكد جدمي اعليّ رايح

======ـ

كلشي خانگني بغيابچ
يم حسن ايدي اعلظهري
ودي امــوتن بس اكابر
لخــاطر اولادي يعمري
الخاطر ادموع الحنينه
زينب التغفه اعلصدري
بحالتي كل ساعه اگولن
شلون اعيشن والله مدري

فاطم دنيتي .. باگت بسمتي
تلچمني روحي المالومه
يوجعني الگلب .. بالفرگه يصب
دمعه وحگه وما لومه

======ـ


#اللهم_عجل_لوليك_الفرج

اه يا شبل الزجية المنتظر

يا اخر انفاس الزجية فاطمة
يا وريث اهموم حماي الحمة
يالوجودك عمد صاير للسمة
هم الك مولاي يتبسم ثغر

اه يا شبل الزجية المنتظر

هم الك مولاي راحة امن الدمع
وهالدمع هم اله ساعة وينگطع
لو تعز اعليك مكسورة ضلع
امك الزهراء ومجهولة قدر

اه يا شبل الزجية المنتظر

النوم مكتوب ولزوم اعلى الجفن
ينغمض من ظلمه الليلة تجن
من نمت مولاي گلبك مطمئن ؟
لو نمت وتفكر بجذع الشجر

اه يا شبل الزجية المنتظر

براحتك تكعد گبل طرت الفجر
لو تفز وانت گلبك منكسر
خاف شفت امك الزهراء تنعصر
وگعدك ثارك يمكسور الظهر

اه يا شبل الزجية المنتظر

بماي من تتوضه وعيونك تشوف
وبرودته تحس بيها لو لاح الجفوف
تذكر العطشان التحيطة الالوف
ضامي فاضت روحه يم شاطي النهر

اه يا شبل الزجية المنتظر

وبصلاة الليل الاطمن النفوس
تذكر الصلتها بالهيمة بجلوس
الخلت اخوتها تحت حر الشموس
مجتلين وما سلم منهم نحر

اه يا شبل الزجية المنتظر

الف عام وهذا حالك سيدي
ليمتى گلبك من مصابك ينحدي
يمتى فقارك احكامة تبتدي
هواي يا مولاي فقارك صبر

اه يا شبل الزجية المنتظر

ما تضل هيج ولزوم الها فرج
يجي يوم ونسمع المهدي خرج
وعذر ماكو اهناك ما تنفع حجج
من فقارك يومها ماكو مفر

اه يا شبل الزجية المنتظر

تضمين
وتصلب الجبتين من فوك اشجرة
والدفع باب البتول الطاهره
ضهره بيدك يا غيور اتكسره
وكوفة الكرار تصبحلك مقر

اه يا شبل الزجية المنتظر

وتنسعد بيك الگلوب الكابرت
الالها صار سنين جيتك ناطرت
البسبب حبك هواي تغربت
جيتك اطيب شكو شيعي انكسر

اه يا شبل الزجية المنتظر



#اللهم_عجل_لوليك_الفرج

مـن بـاب تــأديـب النـفـس..نـڪران ذاتـك بالفعل
مــو بـس كـلام ولـقـلـقـة..الـسـان وتخـالـف عـقل
حـب الانـا شيطان الك..المفروض الك فطرة طفل

ودمعة طفل كون..للضامي ومسلبينه
واليدعّي الحب..بالدمع تغرك عينه

عليمن تـدّعي الحب وانت ومرتاح
جـذب حـبـك اذا مـا يحمل اجراح
لــمّــن تـبــتـعــد عـن الــمـلـذات
تحب من صدگ لمّن تهوى الا نياح

دمع المحب لمّن يگـع يشـرح مـحبته
عالمـنـطـرح وبـلا هـدم ومسبية اخته
تناديله اهله امن الخيم تطلب فزعته

عيش بدمعتك اه
على الضامي اويلاه

حسين حسين
__
بأخلاص أخدمْ واقتدي ..واتـحـمّل الـما يـنحـمل
وأذرف دمع عينك لان..زينب بچـت فـوگ الهـزل
الخدمة درب الله الصدگ..عن هالدرب بالك تزل

وثبّتلك إجدام..وإلـسـانـك بهـالخـدمة
سهلة البدايات.. بس الصعوبة الختمة

سـهـل تـخـدم صعب تثبت بأصرار
تـرة الـمـا مچـوي گلـبـه يـبعد النار
الخدمة دين مــو بـس عـالمرامات
التخدمه افهم حياته بعيتله اشصار

ضـحّـى بـهـله لاجـل الخـدم واتـبـدّه دمّـه
لاجلك والي جم فاطمة تنعى اعله جسمه
بــالـك تـدوّر مـصـلحـة بـاخـلاص اخـدمـه

أخدم وانـت بحماه
على الضامي اويلاه

حسين حسين
_____
درب الأنـا مـا يعـدلـك..بالخـدمـة درب يعـتـدل
أصعـب بلاء ايـواجـهك..عـن خــدمته بالك تمل
كل حبل مابي منفعة.. بحسين بس حبل الوصل

اتفهّم وگول..مـيّـزني ليـش واخدم؟
ماعنده خدّام؟..حاشا الگمر متحزّم

المؤمن فطن كون وواعي تلگاه
مـا يـنـزاح جـدمـه الجدمه ويّاه
بـغــيـري لا تـبــدّلـنـي يـمــولاي
كلّه ومن صدق خـل طلع الـــ آه

خدّام اله بگد النجم واخـتـارك أنـت
إصلحْ كيانك وافـطن لـعـالم خدمته
المافاهم الخدمة چذب يفهم عبرته

أبچي لسيلـة ادماه
على الضامي اويلاه

حسين حسين
__
الدمعة أوضح منفعة..من هالخدامة تنحصـل
تـوصلـك مـراتب خـدمته..ما مـارّة ابالك تصل
صعبة الفعل لو طـبّقـت..والقول بالفم السهل

احذر بالاقوال..بـيـهـا تـنـال الـرفـعـة
بهبّة هوة وماي.ينطفي عمر الشمعة

(خـادم للـحسـين) اشمـحلى الالقـاب
ضوة اسمه ايشّع الك لو هالگمر غاب
إحــذرْ ثــــمَّ إحـذرْ تــنـــسـى مــولاك
بـنـسـيـانـك عـطـاءه تـنـسى الامصاب

ابچيلك بجزع ضعنه مشه لديره اجنبيّة
وام الـخـدر بـيـن الـزلـم صـارت سبـيّـة
يــكوم ويطيح اعله الوجه راعي الحـميّة

واخته بدمعه تنعاه
على الضامي اويلاه

حسين حسين
___
الراسم الغاية بخدمته..للمهدي جُندي يمتثل
لـو مـات وانحطّ بگبر..يوزّر الچفن يرجع عـدل
من هسّة صفّي نيّتك..وإرسـم الغــاية وإستهل

من يظهر ايموت..كل عذر فايت وكته
ايـعـاتـبـك ليـش؟لو مـرّة شاء وشفته

صير أبيض وجه وإسعى لنصرته
وإسعى يجيس راسك فيّ يـمنـته
إشـهــر عِـلمـك بـوجـه اليـبغضه
كـلشي يحـين وكتـه استغل وكته

اسـعـى لنصرته وافهم احوال الرزيّة
للزهرة يصلب چم نذل مَسّ الزچية
ويرد دمه الطاحت هدر بالغـاضـرية

احضر ثاره ويّاه
على الضامي اويلاه

حسين حسين
____

يا زكية
يامن ادور القرون لمعرفتها
والعرفها وصل مرحلة الكمال
ولإلهه كلبه قر بالعبودية
يا زكية

امحبتج ورد النجاة
وبيج تتزكه النفوس
آمره لو مطمئنه
حددتها محبتج هاي الهوية
.
يا ملاذ المؤمنين
اليگصد الها العارفين
خاطر يوفقهم الله
ساعة استنباطهم
احكام شرعية الهيه
.
خالي گلبه امن الفقاهه
الما يقر بولاية الزهره النقية
.
اني ازغر واحد امن ابناء قومي
واقل منهم معرفة
وجايج مولاتي يا زهراء
ورايد گلبي نية

انطني نية
البيه تبعث روح عابد
والرجاء والخوف من ربي يصيرلي سجية

انطيني نية
التخلي بگلبي تقوى
وانت مولاتي التقية

انطيني نية
البيها اتورع على ما حرم الله
وروحي تصبح فاطمية

الوكت يمشي
وسيدي المهدي بعدها عيونه مولاتي جرية

اريد اصير لگلبه بلسم
ومن اكولن ربي عجل
كون من گلبي والساني
صدك رايد منه جية

رايد ارضيه
رايد ابجيه
رايد اشعر هو مالك كلشي بيه

نية
تجعل مني خادم
لائق بتمثيلي مولاي الامام
لمن اخدم بالمواكب والعيون تصد عليه

نية ترزقني مدامع
صادقة لاعظم رزية

بكربلاء الحجر يبجي
السمه تبجي
الوحوش دموع تبجي
اللي يرى والما يرى بكربله يبجي
للحسين السحكته خيول آل امية

انطيني نية
للمطيح دمع عينج
للحسين
وغربته
المسلوب واشفافه ضميه
للعقيلة الهاشمية
لجرح مولاتي رقية
يا زكية
انطني نية



#اللهم_عجل_لوليك_الفرج

((يمه يمه))


يمه .. چم شوغه باتت چم هظم
يمه .. مــــن زغري حبيت اللطم
يمه .. ومــن عندچ وليش انحرم
يمه يمه
"""""""""""""""""""""""""""""""""""''''''''''

نسولف بنضره ودمع
شگد شماته ونستمع
ومحد يدگ بابنه وينشد علينه

يمه حيدر منمرد
يسلم ومحـد يرد
يمه فرحانيين لو سمعو بچينه

يمه علي
ذاك البطل .. عاشر نخل .. هضيمه
ذاك الولي
شَيب جـرح .. هــم نـذبح .. صميمه

صعبه .. صعبه الــورد ضايگّ ترب
صعبه .. عرش الله ليش وينضرب
صعبه .. مــو صعبه لا كلش صعب
يمه يمه

"""""""""""""""""""""""""""""""""""''''''''''

الحايط يون من نِونّ
يــــــمه للملگه نِحـنّ
آنه زينب والعـــمر عثره وملامه

حــــيدر يشـــــــيع وطن
حسين مات ويه الحسن
وآنه ميته بس جسد صاير علامه

عمري رحـل
متــنه بصــبر .. طال الهجر .. علينه
صار الاجـــل
يبچي الحجر .. ليش بقــهر .. حزينه

وينچ .. اديــــارچ ييــمه مضلمه
وينچ .. يمه انقهر حـامي الحمه
وينچ .. كل دمعه تصرخ فاطمه
يمه يمه

"""""""""""""""""""""""""""""""""""''''''''''

الديره صارت خاليه
مشـــــت ام العافيه
وياعباره بداخلي تشرح مصابي

الماتت أمه يظل يحس
مظلمه هــــاي الشمس
ويه الدمع يايمه مو خلص شبابي

يّــــرد الصده
راحـــت بعـد .. ام الـــولد .. شهيده
نـــــــار وعده
ومحسن بعـد .. حتى المهد .. يريده

محسن .. اول ذبيح مــن الخيم
محسن .. اول نحـر بعـــيونه دم
محسن .. والخاطره گلبي انهدم
يمه يمه

"""""""""""""""""""""""""""""""""""''''''''''

درب اليتم يا مَطّوله
وباچر ييمه كـــربلــه
وباچر سّوالف ذبح تشبـــگ نضرتي

باچر خيام امفرهده
باچر اضلن فـــاگده
ويبتدي شيب اهدعش يصبغ دمعتي

حيره وركض
وألزم طفـــل .. يفلت طفل .. مصيبه
بالماكو اكض
سوط ويطگ .. چف محترگ .. غريبه

كافي .. ياوكتي مو كافي الهجر
كافي .. كـــافي بعد مـن الجمر
كافي .. وهوه شبقه مــن الـعمر
يمه يمه



#اللهم_عجل_لوليك_الفرج

((اذا عينچ))


اذا عيــــنچ تعــــاين داخلي وذاتي
شلـــــي بعيـــنهم يـــالزهره مولاتي
المهم عيني بدمعها وانتي موجوده
اهـــم شي گلبــچ اليسمعهن آهاتي

بجرح العقول الماكو صفاتچ
حــبچ ستــرني بخيمةّ عباتچ
اولادچ اخدم وأخــــدم بناتچ .. اريد

وكل وكتي صاير انعه المصيبه
امشي الغريب وامـشي الغريبه
هذا اليحبكم طــــــاهر حليبه .. اكيد

من صبه افكاري انتي ماخذه افكاري
وهايه ناري المصـــــابچ بالگلب ناري
هــــذا داري عـــزائكم بالعشگ داري .. بالعشگ داري

نــــور حبچ اجاني الضلمةّ عيوني
بيا مسافه واروحن واگصد جنوني
تيهــــوني الامس چـــــــانو يدلوني .. چانو يدلوني

"""""""""""""""""""""""""""""""""""''''''''''

الجزه والماجزه مــــــايلتفت بالي
وبسمــارچ أحـــسه يلــچم اقوالي
محسن جاي اشوفه بعتبةّ عيـوني
يارخـــــص العمر وشما غده غالي

ترخص حياتي المو انتي بيها
صحوةّ ضميـــر الناس بأديها
بديـــها تخـــــدم تلطم بديها .. عيون

البي نضره منچ يكــثر حضوره
بمجلس عزائچ غير انتي سوره
وحتى الحسين المجلس يزوره .. شجون

انتي قبلةّ عزائي ومنچ احزاني
وبوصفچ احيرن يعجــز لساني
ماضايع ولكن واگــــــف متاني ..
واگف متاني

ماضايع واريدن ضـــايع وحاير
يحسب اليخدمه يحسب الزاير
هوه هيچ اليحب والفـكر طاير ..
والفكر طاير

"""""""""""""""""""""""""""""""""""''''''''''

ياخيمةّ عــــزائي وشـهگةّ انفاسي
يل كل خير منچ ضايگه احساسي
فارغ راسي اجيتچ وانتـي مـولاتي
مـــن حبچ اريــدن ينترس راسـي

ترسيلي راســي حــب الامامي
كون اضمه آنه بچلمةّ يضـامي
ويدمه هيامي من اسمع يدامي .. حسين

ياريته عمري يگضي بنحيبي
مولاتي فاطم گالت سلــــيبي
وليدي حسين وليدي حبيبي .. لوين

هذا حالچ عزيزه وانتي مهـيوبه
بس ديارچ شگلچ كلها منهـــوبه
هذا چبده وهذاك منسلب ثوبه .. منسلب ثوبه

هايه راحت غريبه ومن يدليها
عــــالهزيله وحبلها لازم إيديها
مو جمرها حــــزنها ألي يأذيها ..
ألي يأذيها

"""""""""""""""""""""""""""""""""""''''''''''

ورى عيون السوالف روحي توجعني
ومــــاهماني بـــــاب وبابـچ يهـــمني
خــــــــيارين بصفنتي انـــتي لو انتي
وطبعاً انتي ياهوّ اليسوه كـــل حزني

دمعةّ حياتي تروي المـــواقف
ويرسم خيالي الهجمو طوايف
عصرو شجون وحرگو سوالف .. كتاب

جروحچ غميجه لا مــو طفيفه
وحمره بألمها عـــين الصحيفه
بگد حبچ ابغض اهل السقيفه .. اكتئاب

يــــامدينةّ مُحمد وينــــــكم محد
هاي زهرةّ محمد صارت ابلا حد
ماكو ناصر اجاها وبـــــالزلم ينعد .. وبالزلم ينعد

هذا عار التعنه والحطــب جابه
وروح مولاتي ضلت ويلي مرتابه
ويلي يابه تصيح الحــگني يايابه .. الحگني يايابه




#اللهم_عجل_لوليك_الفرج

بسمه تعالى
___

القصيدة :- لا تسألي يافضه
أداء :- سيد فاقد الموسوي
كلمات :- محمد النواس
-_-_-_-_-_-_-_-_-_--_-_-_-_-

شلونك لا تكليلي يفضه
اريد ارتاح تالي شويه لحضه

انه بلا حيل راجع وانه ابو الحيل
يفضه
اله الله اليوجعنه عيونه باليل
يفضه

درب ماشوف بيه اصبعي من الدموع
وطفه الليل فوانيس المدينه

غريب ووحدي وبعيده الكبور
وفوك چتافي ماخذلي حنينه

درب مابيه اسم الله من اعثر يكول
ويرد للبيت بيش الدفن عينه

اطب للفاتحه بياشيب بياحيل
شيكومني للناس التجينه

لا تسألي يافضهُ لا تسألي

_-_-_-_-_-_-_-_-_-_-_-_--_--_--_-_

كمت كل مااشوف باب مدفوع
اذكر باب بيتي وتبدي الدموع

علي الما باجي عمره شابع اثغيب
يفضه
اليطلع شيبه شيحطوله ويطيب
يفضه

الابو من يشوف ولده يبجون
بينه وبين روحه يكول حكهم

جنازة فاطمه من طبت البيت
الحسن وحسين طلعوا من غرفهم

واحد يعثر بواحد يركضون
وحرت مابين الم دمعي والمهم

وكد ما جلبوا بالنعش الاولاد
شلعوا خشبة من تابوت امهم

لا تسألي يافضهُ. لا تسألي
_-_-_-_-_-_-_-_-_-_-_-_-_-_-_-_-


يفضه اليوم اجيت بكسرة الخاطر
ما ينحسبن چم عثره عاثر

جنت لربعي انطي أيدي من اجيهم
يفضه
عكست هسه ربعي انطوني اديهم
يفضه

انا الا صايره ولا دايره وياي
جنازة وفوك متني جنازة شايل

عيونك ما تلحك تقره مضمون
من يلوحها ماي الرسايل

ياهو المثلي مرته انعصرت اباب
ورد للبيت لازم ظهره مايل

ضلع بالمغتسل كضيته مكسور
وأثر جف اعله خدها انطبع كامل

المن عايش سمعي نوحي
لو ميت وياها وطام روحي

انا ذاك الرجع كوه من الكبور
يفضه
اول مره احس بروحي مكسور
يفضه

الموت انطيته اديه وعافني وراح
ورجع من بيتي اخذ اغله ابتسامه

ياهو العاش مثل العشته ياناس
ربعه تكوده وتلبسه العمامه

حجايه المو محلها تهدك اهوواي
مثل حجار مشمور اعله جامه

ردتها بوكت ثاني اعليه تنكال
الف الحمدلله اعله السلامه

اخ يافاطمة

___

واه ويلاه على الكسروا ضلعها

ييمه أعليج ذابل كلبـــــــي والشوف
وصدري أمن اللطم يا يمه مخسوف
ليــــــل أنهار طيفج بالفضى أيطوف
أشما أريد أفزع أيلزمنـــــي اللجفوف

فدوة حاجيني ...يا نبع المحنة
...................................................
يم الباب أكعد من يجـــــــــــي الليل
وأسولف وي جذعها ومدمعي أيسيل
أمن أذكــــــــر طيحتج والآه والويل
أشهك يمه شكهة أتهدم الحيـــــــــــل

كون ألج جية...أشم أتراب جدمج
.....................................................
وي كـــــــل مغربية أشعل أشموع
وأشوطن شوطة البوليــــده مفجوع
ثكيلة أدموع عيني أشحال الاضلوع
من كسروا ضلعهـا بصوت مسموع

حيرتي حيره...حيرة كسر ضلعج
.....................................................
يريت أوياج ميته يمه يا ريـــت
ولا بعدج وحيده الوحدي ضليت
صوتج ذكرياتج وحشـــــة البيت
بيهن راسي شيًب والـــــج حنيت

ريحة أثيابج...أشمها وروحي تطلع
....................................................
مثل دور الرحى دهري بقه أيدور
وبكل غرفــــة أشعل شمع وبخور
الفاكد ماي عينيه ويمشــي مكسور
علي هــــــــــذا علي يا يمه معذور

الخذوا عافيته...يعيش ألمن ييمه
.............................................
الفاكد أمـــــــــــه يمه شله بالعين
وشله بروحـــــــه واحبابه بعيدين
تعاي وشوفي يمه الحسن وحسين
يم كبرج أجـــــــــوا عدلين ميتين

طيحة الدمعة...طاحوا يمه ولدج
.......................................................


#اللهم_عجل_لوليك_الفرج

راحت
ام المحنه وماترد
راحت
مهضومه نامت باللحد
راحت
لخاطرها ظل محني الورد

لو بس تجي بطيف وتمر بعيوني لحظه
وشويه بالخاطر.. همس... ياعالم ارضه
وبغير فاطم هالگلب مايسوه نبضه

ام الحسن.. سالفتي ياناس وهلي
ام الحسن.. بعدج فلا عايش علي

..............................

حالي
بعد الحنينه بلا سكن
حالي
وضلوعي من ضيمي انحنن
حالي
بت روحي لفاها الجفن

اهنا تگعد اهنا سولفت ساعه وحجينه
واهنا تذكرنه النبي وشكد بجينه
ياربي والفارگ ولف الله يعينه

راحت بعد.. مايرجع النام بگبر
راحت بعد.. ياريته ماطال العمر

.....................................

شوگي
ظل ياكل بروحي شكثر
شوگي
ماينفع لفگدج صبر
شوگي
ولياوكت راح انتظر

اتخطر ايامي المضت والباري يدري
وبلايه فاطم ياخلگ ماريده عمري
فگد الزجيه يادهر كاسرلي ظهري

شيّب علي..وسفه وبعد ماننجمع
شيّب علي.. وكون المشه يرده الدمع

.......................................

فاطم
صبر اليفارگ مو سهل
فاطم
بعدج جذب ماظل عدل
فاطم
فراگج صدگ يكتل كتل

شيسوي بيامه الفگد روحه ودفنها
والعين لو شح الدمع ذبّل جفنها
والكاع لو ما حوّه آدم ماسكنها

هوّه العمر.. بعدج يفاطم بس جرح
هوّه العمر.. بعد الحنينه بلا ملح

..............................

زينب
بالباب ظلت تنتظر
زينب
حسبالها يرد العمر
زينب
طفله ويتعبها الهجر

والراحت امه يحس غريب وباقي وحده
كل مغرب يهل الدمع وأيده اعله خده
فارغ مكان الوالِده ومحد يسده

كلش صعب... طفله وتموت امها بعجل
كلش صعب.. تعاين على وجوه الأهل



#اللهم_عجل_لوليك_الفرج

((ملح العشگ))


ملـــح العــــشگ من عتبتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...
"""""""""""""""""""""""""""""""""""''''''''''

يـــريعان الـــموده الشيمتني
بــخـــدمتها الـــزجيه كبرتني
وبــــالرئفه الحنينه وشملتني
ومن ايدي المجالسها خذتني

عـــزيز وأهـمل العين
وصرت بدفتر حسين
عفـــت الـناس للناس
وخذاني حب الحسين

دام الــــوفه مــــــن خـيمتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...
"""""""""""""""""""""""""""""""""""''''''''''

ألــــچ ممنون كل صبح ومسيه
ألــــچ مــديون يــــايمه الزجيه
فهمت الخدمه مو غايه وقضيه
الخدمه الـــوحدي بدمعه سريه

عشــگ النـيه تسديد
اليخدمچ هذا شيريد
المــــهم يافاطمه ويآ
وبــيدچ ماسكه الايـد

كـــل القـــصـص من قصتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...
"""""""""""""""""""""""""""""""""""''''''''''

يـــمـــولاتي بديـــچ الدنيا كلها
وأمـلاك الســمه هــيه وأهــلها
أنـــه بــس دمـعه جايبلچ اهلها
وأحس الدمعه خدمه وما أملها

أملن دمعتي شلون
أملن لــطم المتون
نخيتچ يأم الحسين
أريـدن ابچي عيون

تبــچي الســمه مـــــن ونتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...
"""""""""""""""""""""""""""""""""""''''''''''

ألچ طشــيت يايمه سنيني
وبيدچ كون ريت تحزميني
ومن هذا وهذاك اتبعديني
ومن حسين ريـت اتقربيني

بـــعد يــايـمه أقرب
عـــليچ بخدر زينب
عليچ الماشرب ماي
وألــ بـدمه تخــضب

هـــــذا الــــطلب من رئفتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...
"""""""""""""""""""""""""""""""""""''''''''''

يسالوفةْ محنه بمـاي جاري
الــمايدري بحنانچ آنه داري
أريد بخدمتچ ماتـطفه ناري
هيچ آنه ردت هــــذا قراري

أريـــدن نار تلضه
مثل مولاتي فضه
وأضلن دوم وياچ
وبـالنضره أتوضه

اصـــل الـــكرم من حضرتچ .. يافاطمه
الخدمه الصدگ من نضرتچ .. يافاطمه
يافاطمه
يافاطمه ...



#اللهم_عجل_لوليك_الفرج

☜ بـسمـه تعـالى ☞

الـقصـيدة : بس عشگ
اداء : السيد فاقد الموسوي
كلـمات : حمزة الحسناوي

☆☆☆☆☆☆☆☆☆☆☆☆

اتمنى اكتبك بس عشگ
لازم تضل بلا نعش
يطلع مثل وجهك سرح
وتموتكم وابن العطش
وانسى العطش وانسى الجرح

☆☆☆☆☆☆☆☆☆☆☆☆

بيت القصيدة الينكتب
يطلع مثل وجهك سرح
بس بوسط هذا الحچي
يعرفني راسك على الرمح
اكتبلي بيت ولو كمل
بالثاني لازم تنذبح
لازم تضل بلا نعش .. ياابا عبدالله

☆☆☆☆☆☆☆☆☆☆☆☆

نفرض كتبك مبتسم
بس الصدگ ما تنعقل
شمس الله لو كض طيحتك
لو ظهرك لما ينعدل
لو بل يسر حرمه وطفل
وبصفها هم حرمه وطفل
خاطر يطيحهم سوه
چتفهم بنفس الحبل
ذاك الركض ذاك انسحگ
والضل من الخيام احترگ

☆☆☆☆☆☆☆☆☆☆☆☆
جروحك ولا يتشابهن
يتشابهن بس بالنزف
جرح السهم گد السهم
جرح الرمح يملي شكد كلف
ذني وبعد ، سيف وبعد
خيل وبعد سبعين الف
بس الحوافر مو جرح
لا هم جرح بس منخزن
شتفيدك وروحك گضت
جرح بجرح گالوا تشد
هلبت تشد ايدك ردت
وخر الطفل لا ينمرد
يالميت صاحوا بعد
لحد يضم سيفه ويرد

☆☆☆☆☆☆☆☆☆☆☆☆

الله اكبر يا علي
علي ميت تهل
يتنافسون على الذبح
ياهو اليسوي اكبر جرح
عيش بكثر ما سولفوا
حس بطعم هذا العشگ
مو ضمه هيه وتنتفل
والزهره مامك منسفك
سحگوله حد ما هوسوا
تريد الصدگ هذا الصدگ
بالخيمة مو بس العبي
حتى الحرم شبعت حرگ
تعرف خواتك يا شهم
توجعهن عيون الزلم
ياابا عبدالله .. ياابا عبدالله

☆☆☆☆☆☆☆☆☆☆

يمه يمه
مصابج اخذ من عمرنه
وكسر ضلعج اكثر كسرنه
الحزن من غيابج يسرنه
يمه يمه
يصبرنه ابونه وعلينه ..
يمد جفه يمسح بجينه
ونعاينهه دم تجري عينه

كلما يندگ الباب .. يحضر بينه المصاب
ايبجينه
اه يا وحشة الدار ... من دونج عَتم صار
امطفينه

احاااه طفوو شمعة البيت
وبضلمة يابيت اهلي ضليت
انطفه الباب وغربة وجيت

.......... واويلاه يازهراء
يمه يمه
بواجينه ماتنشف اعليج
تتانينه صارت نتانيج
بحلم وسفه نحلم نلاگيج
يمه يمه
انتشاهد اذا صار الغروب
مصابج يحل وسط الاگلوب
وعلى المحسن المدمع ايلوب

الاول لبسه تجفين... وتغسيله بدمع عين
المنتضرين
شو كاروكه محفور؟ ... من حضنج للگبور!
اه يلبين


وزينب على اگماطه تلولي
خليت حسره بدللولي
لمّك كبر يابعد طولي...

وايلاه يازهراء
............

يمه يمه
اليتم جاس ابونه المصيبه
يفت الحجر يا نحيبه
هضم دنيته ابلا حبيبه

(لا خير بعدك في الحياة وانما
ابكي مخافتَ ان تطول حياتي )
.. الخ
فاطمه اناا عزيزكِ علي كلميني

يمه يمه
اذا زارج ورد علينه
يحاول يضم مجره عينه
وتراب العليه يحجي لينه

من ذب روحه فوگاي. وعيونه الجرت ماي
وينادي
حاجيني انه ابو تراب. الجرحج خله عطاب
بفادي

يايمه هاي الحاله حاله
يبجي الابو تسكْته اطفاله؟
راعي الصبر شو صبر ماله

واويلاه يازهراء
.............

يمه يمه
بمصايبنه نذكر مصابج
ويهون العذاب لعذابج
بقت ناره بإحشانه بابج
يمه يمه
هضم راس ابونه التگسم
وهضم جبد اخونه التسمم
يكسرونه..بالزهره نلتم

اه ياتالي الفراگ .... خله الگلبه مشتاگ
يموت بشوگ
يرتاح اليلاگيج.... مومثل اليتانيج
شكد محروگ

نار الفگد يايمه كلفَه
ابملگاج يلا انوب تطفَه
للموت صارت بينه لهفه

واويلاه يازهراء
......
يمه يمه
اعذرينه لمن نريدج
بوكت بي مصايب نزيدج
تجينه وعلى اضلوعج ايدج

يمه يمه
انتمنه اعله عينج سلامه
اذا شفتي طاحت عِمامه
وحرمنه اليفر من خيامه


نار الخيمه والباب .... ذني الاعضم امصاب
للعتره
بيهن جم علي انهار.... ونفسه بزينب الصار
بلزهره

كسرة اضلوع حسين بيهه
واطفال مجويه اعله اديهه
وشام المنيه ايصيح ليهه




#اللهم_عجل_لوليك_الفرج

.
يا دار ويـن أم الحسن وين .. يمه يمه
يادار يبچي ويصرخ حسين .. يمه يمه
حنيت هسه اشوفهه العـيـن .. يمه يمه

يمه مكسوره هضيمه اضلوعچ
يمه عالباب چـفـوهه ادمــوعچ
هـــذا الحـسين يـؤن اكــبـــالي
يــذكــر الــنـار يـيـمه ولــوعــچ

ويلااااه يايمه .. ويلااااه يايمه

======ـ

راح الحنان وراحت الـروح .. يمه يمه
گلبي اليؤن اعليچ مـذبـوح .. يمه يمه
عفتيني ليش ابين الاجروح .. يمه يمه

يمه مشتـاگه احس ابصـوتچ
اگبــال العيون خــذوا تابوتچ
يمــه عالبــاب تفــرهد حـيلي
ما يــرف عين اشـوفن موتچ

ويلااااه يايمه .. ويلااااه يايمه

======ـ

معقوله اعيش امگابله الباب .. يمه يمه
وأمـي الحنـيه چــوه التراب .. يمه يمه
مو حـال هذا ايشيب الشاب .. يمه يمه

وحشــة البــيت چبــيره ابيـتي
يمــه الافــراگ اخــذ عـافـيـتي
مــدري اشلــون عشــت بالگـوه
والــگــلـب طــاح ولا رديــتــي

ويلااااه يايمه .. ويلااااه يايمه

======ـ

مهضومه راحت شمعة البيت .. يمه يمه
ؤنـت يــتـامه اللــيله ؤنـيـت .. يمه يمه
ما بيه اكـابـــر والله ضـلـيت .. يمه يمه

يمـه مـجــروح گـلـب والـيـنـه
يمـه بــدمــوع يــرد اعـلــيـنـه
خفن بس لا يمــوت اخــلافـج
ومــو دمـع دم نــزل مـن عينـه

ويلااااه يايمه .. ويلااااه يايمه

======ـ

و في عُسْري يا مولاتي يا فاطمةُ أغيثيني.

حسرة بنيه

حسرة  بنيه  وامها  راحت
شافتها فوگ الگاع طاحت
صاحت ييمه وحيل ناحت

والفاگد  الله يساعده
احاه   يفگد   الوالده
مااحمل فراگج واحن
يكتل  ونين  الفاجده

طاحت. راحت
والموت اخذ اغله البشر
ونت.    حنت.
مالومه  والضلع   انكسر

فگد ام واخو بساعه. مصيبه
الله  يساعده  الفارگ  حبيبه
ييمه  خلافج  بنيتج   غريبه

##########

محتاره    يايمه     واداري
من بعد عينج وحشه داري
انعاچ      وبدلالي.    ناري

وتيتمت    المدلله
دفنوها جلمة ياهلا
فرگاج يابت النبي
قرآن فارگ بسمله

حيلي. ليلي.
خلصته وأنه أنحب واون
بالي. وحالي
  مناشغ وادور عن حضن

ليليه اعله زندج اغفه وارتاح
راح النوم يمه  والحضن راح
والماطاح يافاطم هوى وطاح

#########

اشتمه عطرج ظال بالدار
وثوبج اشوف بطارفه النار
إيا هضم    حيدر   الكرار

محني ويكابر عالوجع
سافر  حبيبه  ومارجع
ويگول راحت من وكت
والشوف  منج  ماشبع

ونته.  سكته.
بمحرابج مدنگ علي
شفته. حضنته.
يگلي فاطم كل هلي

رد   منج   محدب   قالع  الباب
جاب تراب گبرج بيده ابو تراب
ظليتي   جرح   يايمه  ما طاب

###########

ملگه  البشر  مو مثل ملگاج
والدنيه وحشه خلاف عيناك
بس  ردت  اگلج  الله  وياج

وترادفت.    ضلع   وابن
والسوط يعرف بس متن
والفارگ  أمه  من  الزغر
لابد  يسولف  بس  حزن

بيتج. بنيتج
. وأولادج حسين وحسن
گعدي. ورِدي
.لخاطر  علي  يم الحسن

ظلينه    يتامه   زغار  وكبار
ومن طبع اليتيم بعمره محتار
مثل  حال الحطب وادنه للنار

##########

روحي وداعة الله ياحنينه
من بعدج تظل زينب حزينه
والماعنده ام خل تعمه عينه

يايمه راح اشبع هضم
ياحيرته  الماعنده ام
يالوعته المن الزغر
تروح أمه منه وينحرم

انتي. وَنتي.
ياكسرتي الماتنجبر
لفگدج. بعدج.
ياريته ماطال العمر

هاي النهايه واليحن شال
مااصدگ ترد ياراحة البال
سبحانه مغير كل الاحوال




#اللهم_عجل_لوليك_الفرج

حال مولاتنا فاطمة صلوات الله عليها

#######################

ست اشهور احسبله احساب
وضيع تعبي ذاك الباب
ابني ومنتضرته يصير
وتالي ايموت بچف سلاب

ليش اوليدي ما مرتاح
شفته بعيني المحسن طاح
ردته شويه بحضني ينام
وجاله البسمار الذبااح

الطفل لو طاح غير يصيح يمه
المحسن ما حچه المسكته دمه
تطشر انتظاري بدفعة الباب
وردت بس مره وحده كون اشمه

رايح حناني .. يمه يمه
الخاين زماني .. يمه يمه
بس مره گلي .. يمه يمه
ليش ابقى اعاني .. يمه يمه

###

اغفه براحه أوليدي ونام
بلكي وتطلع هاي احلام
شده وتخلص يمه انگول
حضني لطولك ضل محتام

اگـعـد بـعـد أمــــك والروح
ما اريدك من حضني تروح
ماني مصدگه أوليدي تموت
بلـكــي وتـطــلع ما مذبوح

ردت بس مره كون تصيح بسمي
ما ميـت واگـعـدك بـيـدي يـبني
من النسمه اخاف اعليك تدريني
چا تاليها اشــوف تـمـوت يمي

راح انتظاري .. يمه يمه
يبسو خظاري .. يمه يمه
تعبتني روحي .. يمه يمه
وباگو نهاري .. يمه يمه

##

فدوه اتنفس ليش اتموت
اشويه اضحكلي لو بسكوت
التاكل بيه يـبـني اهـواي
ما يـرهـمـلك اي تابـــوت

رحت من ايدي يمه ابساع
المثلي تربي وتاخذ گاع
ما همني ضلعي المكسور
الهمني اوليدي مني ضاع

صـعــبـه الـيـتـعب يضيعونه تعبه
اريده بحضني مـو بالگـاع يـربه
أعطشت مثل الحسين وانه احسك
وجبتلك ماي گلت اوليدي اشربه

الماي اشطلبنه .. يمه يمه
اهوايه تعبنه ... يمه يمه
شعده وي بزري .. يمه يمه
ما چنه حبنه ... يمه يمه

###

چنت امحضرتلك كاروك
وجاني الموت بگلبي يروك
ياعطر امك واحله اوليد
ليش الوادم ما شموك

يالما مشتم حتى انفاس
تهضمني وتجرحلي احساس
ما گالو بأبني أعله الخير
الله يعوضه تگول الناس

اشم بريـحـتك وأدمـوعي تجري
يشمامـة الزهره وتـعـب عـمـري
اريد اسأل الفگدن عن الأولاد
خاطر لو رضن اقـبـل بكسري

گلبي كسرته .. يمه يمه
بيوم الهجرته .. يمه يمه
ليهسه اصيحن .. يمه يمه
وابني خسرته .. يمه يمه

####



#اللهم_عجل_لوليك_الفرج

قد نادى حسيناً حلم الطف أمي 
...


مهّد كسر ضلعج للـطفوف أجواب
يمه وبعد ضلعج جم ضلع ينصاب
ونار اسـأل دربهـه مـنين و شلـون
باجر خيمـة يمه الـتحترك لـو باب

باجـر أضنـه مـوش بسمار
بـصدر أبنج لـما طالع الدار
احساسي جنهه تكعد رماح
فـوگ الـصدر يا يمه خطار

يبني وباجر الرمح .. صدرك من يدمر
جـان أبابي بسمار .. ضل للطف يعمر
والحافر بلا عيون .. بأعضائـك يشمر

قد نادى حسيناً حلم الطف أمي
..............................................
أريد أسمـعهه الأسم الله وتتچيـلي
لـمن اعثر وأكـولن مـا خلص حيلي
بـالـطف يمه ايدج أغلـه مـن المـاي
إذا مـو تجوه صارت ادري تدعيلي

بـالطف تطيح شكد مناير
مهيوبة مـن بين العشاير
والـمات ويانـه شـكبرهـه
محسوب اله للزهـره زاير
 
بين الخيمة والماي ... جم ميت هضيمة
يمنه تگـلـه  حيـاك ... أمي شكد عظيمة
وتگله أنتَ مبخوت... چـيَ نيتك سليمة

قد نادى حسيناً حلم الطف أمي
..................................................
الـحلو يوم الـطفوف شمحلى لمتكم
فدوة الروح بس مـو فدوة سمعتكم
يحسين العدو شما كثر عدهم جيش
جـيـش لــوحده  الـعباس مـن عدكم

عـدكم گـمر  أبـن الـعزيزة
تـريد الأبن للــموت مـيزة
گبل الحسين يطيح عباس
تـدري الـوفه عنـده غريزة
 

يمه و قائـد الموت ... عـباس  بـوكفته
مأخذ  شمره الراح ... حيدر من وصفته
طب بـنص الأنذال ... مـن سيفه عرفته

قد نادى حسيناً حلم الطف أمي
...............................................
يا شمس الـسمه بـهداي انه حسين
واتذكري شحجالج جدي من سنين
مـن گال لـعلي يا شمس ردي ردود
منهـه وعالي صيتج صـار لا تنسين

فجأه وغريب الصار وياي
فيْ الـضوه متوسد حذاي
موش الشمس نزلت عليه
نور امي كاعد صاير فياي

فيايج هسه وياي ... حـسيت بـحنانه
لو تتجمع شموس ... ما تطفي ضوانه
الله برحمته اليوم ... يجمعنه بـجنانه

قد نادى حسيناً حلم الطف أمي
...............................................
تالي لوحدي أموتن منو يصيح مات
و ياهو يشيلني من الذبح للـخيمات
صوتج يمـه يوم الـطف عزيز يصير
بـلكـي و صـدى  تسمعـه الـزينبيـات

حـيرة تـنـادي هـاي حـيرة
مهضومة والتهضم جبيرة
الله يسـاعدنـه أعلـه باجر
جسمـه يلـمونـه بحصيرة

يمـه وفـوگ الـتراب ... تارك جم علامة
زينب تبجي وتريـد ... توصل بـالسلامة
يم جثتك يالحسين ... تـتجمـع  يتامـه

قد نادى حسيناً حلم الطف أمي

حب فاطمة
حب لامس گلوب الغيارى
جو عالمه
حيدر الخطاه بنكساره
الشم هواه
يَرهن كل عمره بدمعته
بمجره الدمه
تشب ويه ذكر الضلع ناره
.
والجنحه رف بسمه حب فاطمة
يحضى براعية علي حامي الحمه
حب شايله وين النقي والوفي
مو اي گلب هذا العشك يفهمه
.
بس الشهم والعنده غيره
كلبه حضه بحب الاميره
البيه من علي حيدر شهامه
وبيه غيره من بدر العشيرة
…………………
الكلبه يدك
بحب فاطمة هنيال كلبه
من يختنك
تعيشة باُنس دمعات حبه
والفاطمي
المتعلق بحب الزجية
ام الحسن
برحمتها هي تخطله دربه
.
الحب الوحيد الي يطهر الگلب
الما يشبهه او لا اكو مثله حب
الدرب الوحيد للّه حب فاطمة
ولله محال يكون غيره درب
.
اليرضي الله رايد كل مراده
وبالجنه يحضى والسعادة
لو ما يدك باب الزجيه
متنفعه باجر اي عبادة
…………………………….
العمره كضه
وثار الضلع يمشي اويه دمه
وينخى الرضا
يرزقه دموع الغيرة لامه
هذا الوفي
وباجر الزهره تزور كبره
والمرتضى
باجر يصيحه اهناك باسمة
.
الما ناسي كلبه شلون حيدر علي
متغرب وهو الامير الولي
بيوم الدفنها ونهى عشرة عمر
رد مختلف مو حيدر الاولي
.
الّخادم البيه كلبه نخوة
المغزرة بيه طعم الابوة
يعيش بجرح حيدر امامه
الكضه ليالي الفركة كوة
…………………………….
مو عاطفه
حب رايد ادموع بعقيدة
ابلا معرفه
ما ينمشي ادروبه بعيده
جرح ام حسن
طيبته الا بساعة الثار
بيوم الفرج
من ينصلب التعدت ايده
.
ميطيب هذا الجرح الا بزمن
بيه ينصلب التعده باب ام حسن
وي البواجي كون ندعي الفرج
خاطر يرد ثارات اهله المضن
.
ايطيبن اجروح الهواشم
ويبردن گلوب الفواطم
امن المهدي عالشجره يصلبه
الما خله ضلع الزهره سالم



#اللهم_عجل_لوليك_الفرج

اعيشك نار تحركني بغرامك
واهدر كلبي الك وابجي لخيامك
كلهه تصيح ضل عطشان امامك
ولسانه كالخشب

احبك حب معاناة واذية
واشوفك وحدك بالغاضرية
هد اجروح البكلبك عليه
يمن خدرة انسلب

اذا نشدوني عن حالي
الفظ اسمك واسكت

شحال الي يحب واحد
يفت بالحجر حاله يفت

وحيد بصحره ضل وحده
وكل ساعه عزيز يزت

صارت جم كسرة بكلبة
يعثر من يمشي بدربه
هاي الغربة شكد صعبة ياحسين

كل لحظة ويصعب حالة
كلب حسين بيا حاله
اخ دموعه الهماله ياحسين

**

اشوفك وحدك وارد افزع شلون
واروح لعالمك ويه اليروحون
مابيدي بقة بس دمع العيون
واجيلك بالدمع

غريب ادير وجهك ماكو خوان
وامامك عدو وخلفك عفت نسوان
كل هاي المتاعب وانت عطشان
وتطيح بهالوضع

ياهو اليرحم بحالك
حتى الحيل ماضل حيل

صار الضهر بخيامك
اسود من سواد الليل

اجت الخيل وانت تصيح
يا عباس رد الخيل

وعباس بلاية جفوفة
صعبة ضروفك وضروفة
عيونك تتمنه تشوفة ياحسين

عباس الكاسر ضهرك
طاح وضل حسرة بصدرك
ومحتاج لكافل خدرك ياحسين

**

بين الخيل وادركنا العتب صاح
ع التل صاعده اختك والخدر راح
ان كنت عدل ستر الخدر طاح
واتشوف الجره

ان كنت عدل شوف شجره شوف
طلع خدرك يخويه بهاي الطفوف
اختك بيمن تكض بيمن تعوف
خيامي موجره

اباب الخيمة اطب واطلع
كلي بالي على ستري

خاف احترك لو طبيت
ومن اطلع اهد خدري

حرت بمري وعلي السجاد
كلي بالفلا فري

واركضت وما ادري المن
ونسوانك كلهن فرن
ودموع العين يصبن ياحسين

معقولة اطلع معقولة
وانه بعزكم مدلوله
يمته الخدري تفزعوله ياحسين


.....................

وصلنك بناتك والمداليل
وانت امدد ابين المجاتيل
وحده اتشمك ووحده ايدك تشيل
ودمعتك هامله

وحده اركضت جابت طاسة الماي
ووحده اتكول خنسويلك افياي
تهضم ياحسين بحالتك هاي
شسوت كربله

انت حسين ماعرفوك
من كد السحك يحسين

صاحن بويه بعدك وين
ننطي وجوهنه لاوين


والفكدن ولا يدرن
شنو الجاي وشنو البعدين ...

بعدين النوك الهزلة
تسحك جم طفل وطفلة
والضايع ما نندله ياحسين

الفكدت واليهه تسافر
بلا جف كافلهه تهاجر
باجر ياضيمك باجر ياحسين




#اللهم_عجل_لوليك_الفرج

لهم فاطِمه ألطُم
أُمي ونعم الأُم
توگفلي بالتهظُم .. وتسترلي خلواتي

غير أُمي ياهيَ ؟
الزهره تهِم بيّه
خادم كُبرّ فيّه .. وكل خيري دمعاتي

أنه الـ بس يمها يلگه هيبته وروحَه
أنه البس عالزچيه تكبر أجروحه
أنه العايش حياته بدمعته كاشخ
عايف كل شبابه وعايش بنوحـه

عايش شبابي دمعه
ويتمنى كاسر ضلعه .. لأم الحسن

آنه اليگضّي ليله
وجروحه تشتكيله .. وبيها يوّن
….
الكون وعُمق طرحه
تتحكمّه بـ رحّه
أصل النجم سبحه .. تسبيحة الزهرّه

طيش العُمر كسره
وآنه الكُبرّ عُمرّه
بنص عالم الزّهره .. وهالعالم شكُبرّه ؟

رغم كل هذا عاشت هيَ مكسوره
منو الأمه گبر ماعدها ويزوره ؟
غشيم المايعيش ألها مثل فضه
ويخلي أدموعه برداناته منذوره

ماعدها حظره فاطم
ولابد يجيها قائم .. يهدم جرح

أبهر دليله رايح
يبچي بدمعته نايح .. ش گد ينذبح
…..
الماعنده كل مأوى
وبالغُرّبه يتچوه
خـل بيها يتگوى .. وتحلّه موضوعه

ردد لها ماجاء
يارَبِ بالزهراء
تحلوا لها الأسماء .. في حُبها موسوعه

عمت عيني عليها طولها ناحِل
المايعرف قدرها ينحسب جاهل
من گد ما حنينه الزهره بينتها
مو بس للحسين أم حتى أبو فاضل

وأحنه تره بزغرنه
شفنه شكثر محنّه .. من فاطمه

اليعطش بچي يجيها
تروي جرح بديها .. وينسى الضمه
…..
الله ليحرمني
منها ويضل حزني
مُغرم وسط جفني .. ودمعي يصبّح دم

گلبي أنغمس بيها
وراح أبقى أتانيها
أُمي ، أحن ليها .. وكل همي بس هالـ هم

تفز أجروحي كلما ( وأن ) أسمعها
وأنه المايدري ياشوغه اليطلعها
من ذيچ السنه الهاي السنه أدموعي
أضل أذكر مصيبتها وأجمعها

المكسوره مِنْ جبرها ؟
وذاك الجذع عصرها .. بحايط هظم

بس تبقى بأنتظاره
خاطر تتاني ثاره .. يشيل الظلُم
…..


#اللهم_عجل_لوليك_الفرج

#عيد_الوطني #3 تشرين الاول
اليوم الوطني العراقي
اللهم اجعل هذا البلد آمناً

مِّنَ ٱلۡمُؤۡمِنِينَ رِجَالٞ صَدَقُواْ مَا عَٰهَدُواْ ٱللَّهَ عَلَيۡهِۖ فَمِنۡهُم مَّن قَضَىٰ نَحۡبَهُۥ وَمِنۡهُم مَّن يَنتَظِرُۖ وَمَا بَدَّلُواْ تَبۡدِيلٗا ٢٣
لِّيَجۡزِيَ ٱللَّهُ ٱلصَّٰدِقِينَ بِصِدۡقِهِمۡ وَيُعَذِّبَ ٱلۡمُنَٰفِقِينَ إِن شَآءَ أَوۡ يَتُوبَ عَلَيۡهِمۡۚ إِنَّ ٱللَّهَ كَانَ غَفُورٗا رَّحِيمٗا ٢٤

كل ياجواد أبلا دمع ملحمة
يطلع مصوّب منها گلب العبد

ما ينفرشله الما يقدر الدرب
يضعف وصال اليتجه للبعد

هذا الظمه مراية گطِع عـ الگلب
وشباچك الـ بالكاظمية وِرد

ذيچ المنارة وذاك طيرك نبي
يبعث رسالة شوگ لأهل الوجد

ما بين أضيعن بيك ومضيعك
ورگة الماي بـ شمس ما تتقد

لا من جفائي ولا أشواگي أجي
تسيورة المحتار گلبه ويرد

أصفادي، أفكاري إخذني ندم
بمفتاح دمعك فك قرار الصفد

ومن تترس مروتي بحنانك فكر
چملني جمرة لباچر وللبرد

تعدهن مشاعر ذني حفنة قلق
خافن سكوتي بباب عفوك سرد

أسعالك بروجة ضياع النفِس
أذبل حلم بس من جديد أنولد

ما دام بابك بي صبح مبتشر
ليل المتاهه شما يچل ما أصد

أنتَ الجواد اليسحر بلفظته
الما وجد حنيتك بروحه شيجد؟

آنه حزن من هاشميتك طلع
يردون أتيهك وبغرتي أنسعد

ما حدَّر من أويه الريح غير الورگ
الجذره أنتَ بگلوب العواصف يچد

باگة صدگ حسراتي يم رأفتك
زيارة غريب الصدگ باگة ورد

جرح المسافات اليطيب بسفر
بس جرح هجرك بيك بس ينضمد

تندهلي يبعيد، وأفزلك بچي
مغرور بس بالـ ( ها) يردلي الرشد

شيظم نسيمك وي رجعتي لهلي
حتى أبقى مشتمَّك الحد الوأد

كلّك أمروة وكلّي أيد أنگلب
لمن أطلبك حزنك وليك أهد

الناس تسعى أعله المجد بالذبح
وبدمعة منّك الگه معنى المجد

تلتفت لليردونك بلـحضتك
ها كثر بيك من الخلِق يافرد

ياشمس غثّت خاطر المعتني
وما صار چفك فوگها وتنخمد

إسمك جواد وأكتفي بالإسم
بمعجم صفاتك بيمن أبدي وشعد

للكاظمية شما يزتني الگلب
الگاني والگه الروح يعني أنوجد



#اللهم_عجل_لوليك_الفرج

مولا  حسين    مولا  حسين

*
لازم نــــراجـع نفســـنه ونفـتــهم واقــعـنــه زين
ونشكر النعمة اللي  بيهه جنه وين وصرنه وين
خـلي يتوجـه وجهـنه لكربلــه  وذيـجــه الخــيام
خل نصيح بصوت واحد انعم الله على الحسين

الف انعــم الله عل .. من عدنه مايمل
رغم الذنوب
سـوانه مـن عـــدم… وفـــيانه بالـخــيم
بس مانتوب
مدري شكثر عذب… ..نقــدم اله ذنـب
ويطينه حب

كلــــه حيـــاء كلــه حـنـان
اسـمة مــلاذ صـحنه امان
المــاله گلــب يــحن عـلي
بكلب الحسين يلگة مكان

****
احنه ربنه اطانه كلشي وصرنه نملك احلـه راي
الـدمـعه التــطـفي جـهنم  غيـرنا ماعنده هـاي
الناس من تذنب تحير شلون ترضي الله وتتوب
واحنــه الله يغــفرلنه الــزايــر من نشـربه ماي

كـل ضـــايع بدرب .. ينـــدل اذا يطــب
حصنه الحصين
كلمــن طلب رزق .. هـوه اسرع الطرق
للــطــالــبـــيـن
بيـن الله والـعبد .. احــلى وأجـل ورد
هـوه الحـسين

مـــاكو وضــوء مــاكوصلاة
مـاكو حســين مــاكو حيـاة
كلــشي نــريد نبــجي عـلي
وتحقق الــنـه الــمعـجـزات
****
بلـله ياهـــو الـلي مثلنـه مدللـين احنه دلال
عدنه امام يلم شملنه شما كطع بينه الوصال
عـاف جسمة بلايه ثوب ولبسانه احله الثياب
اطــانه حــريه ثمــنهه اختـه مـجـتوفه بـحـبال

ياهوة منه احن .. لخاطــرنة مابقــن
حـته الثياب
واحدنة هسه حر… وجان الثمن ستر
سكنه ورباب
جان الثمن ذبح ... والف وكسر جرح
فوك التراب

حتــه نعــيش مابقــه شـي
حتـه الخـيال داســو عـلي
خيـمة رمـاد ضـعنة رهين
ثوبــه سـليب تسـعه بدي

****
الــدنيا مخــلوقه لحـنانه ومـاله بالدنيـا وصيف
يامعــزب مثــله فــاتح بصـدرة لاحـبابه مضيف
زحمة والله ويا نقـصــر المابخل حــته برضـيع
الركضن بسرعه خواته زحمة نبجيله على كيف

لا يبــرد اللــطم… لا ينقــص الهــضــم
لجل الذبيح
اليلطم على الخدر ..من لطمة ينكسر
يكوم ويطيح
رايد بجي الضعن… حد ما يجي الجفن
مــا نسـتـريح

هضمة  جبير جرحة ضمير
دمـعة وجـوب حزنـة مصير
لـلـي يــريــد حــبــه يــــزود
راعي دمـــوع خلــه يــصـير




#اللهم_عجل_لوليك_الفرج

( معنى الحُب )


حب ماله مثيل... سواني چبير
الما عنده علي... بيمن يستجير

الكلشي نهاية وحب علي ماله نهايه
بكل دكه من كلبي يدك يعني البدايه

ماشايف بعيني شخص
شما گلفه يكلي خلص
وحته بمماتي ودفنتي
الكا على حسابي ينص

واحد علي بالدنيه مخلوق
ومن طينته معجون طيني
هاذ الابو الماخله ديان
نطاني حنينه وسدلي ديني

**

شاء الله وصدر... حبك بالكلب
توقع من اديك... لفيايك اطب

مُنكر عشت بس حبك السواني أنسان
فايض محبه العاشكك مايبقه عطشان

من ميثم تعلمت احب
او زاعلت كلشي چذب
صوبك اجيت ودنگت
طالب رحمتك والأدب

الماله آدب ماعده اي دين
وديني آدب مو بس مجالس
مو زحمه لو دك صدري اعليك
لحسين ثوبه شكه عابس

**

تلث احرف هجاء... من زغري نطقت
حروف أسمك علي... وبيهن چلبت

بطارف عباتك چلبت مارايح بعيد
ولو ماوجودك چاعشت حزن بحلك عيد

يمك أبد مالي مقام
اني العبد وانت الأمام
لو ما وجودك ب الحياة
اقرء علا الدنيه السلام

چا لاسمه ولاكون مخلوق
بس الله شــــاء وحط رحمته
يل اول بكلشي انت موجود
شچم ادم ب ادم لحگته

**

شاء الله القدير... حطك بلصميم
وبيك أنزل بيان... سراطٍ المستقيم

قطب الگلوب الحبتك يم كبرك تطوف
الغرگان ب الهم سيدي مديتله چفوف

خليني صادق بالعشگ
ما امشي وي مشي الفتگ
ومن اسأل عنك اكول
تريد الصدك هاذ الصدگ

بس انت صدكي وكلها اوهام
الحبك صدك طاهر حليبه
يل تمشي بلدم بيش اوفيك
مايوفي عاشك حب حبيبه


00000000000000000

على  .. أمل اللقاء .. على  .. أمل اللقاء

سلامي اعله الـمـنـارات وعله اعتابك
سلامي اعله الحمـام اليوصل الـبـابك
سلامي اعله الدموع التبچي المصابك

على درب الرضا حنّ گلبي يوميه
وأساهــر و انكسر بالــدمعه ليلـيه
وسولفله اعله بُعـده الما رحم بيه
واضل الهج حروفه ابكل حُسينيه

عمري امن البعد ذابل .. وحگ طيحة ابوفاضل
عله گبر الرضا شوگي .. الدمع مثل الجمر نازل

على  .. أمل اللقاء .. على  .. أمل اللقاء

======ـ

سلامي الگبـتك واعله الـيزورونـك
سلامي الكل مُحب من اليخدمونك
سلامي الــرآيـتـك مــن اليـحـبـونك

يرايح للرضا شـوگي اخذه يم گبره
واخـذ هـاي الدموع التنزل ابحسره
گله اشچـم گــلـب يا سيدي اتعـذره
ماسمحت ظروفه ويوصل الحضره

راحت كلهه بس روحي .. ضلت تلچم اجروحي
المشهد كلش اشتاگيت .. ما هاد وسكـت نوحي

على  .. أمل اللقاء .. على  .. أمل اللقاء

=======ـ

سلامي الدربك البي شوگي واحلامي
سلامي اعله الكسير الحضرتك ضامي
سلامي اعله الأنيس الــرآيته اهيامي

انّا ذاك الـفـقـيــر المـنـكسر گـلـبه
حلم عمره المناره وعايش ابغربه
دمعته ابعينه وعيونه حچت حبه
يريد الـوگفه يمـك ما اضن صعبه

ما ينشف دمع عيني .. يمك فدوه وديني
الحگ عبدك ادخيلك .. صارت تصرخ اسنيني

على  .. أمل اللقاء .. على  .. أمل اللقاء

======ـ

سلامي الـكـل عـزائـك يا أبـو محمد
سلامي امن العراق الصحنك ابمشهد
سلامي الگلبك ابطـاري السبي ينـهـد

عليك ابداعت المسبيه عالهزله
اخذ روحي المقامك روحي مو عدله
عمت عيني اعله حيلك منهدم كله
طف الغاضريه ابروحك اشخله

يلمهيّج الحزن دمعك .. طفه من الألم شمعك
يمولاي الرضا اؤنينك .. يأذي ابروحك وضلعك

على  .. أمل اللقاء .. على  .. أمل اللقاء

=======ـ

لاتلتفت .. ماكو اليقدملك مهرتك
لاتلتفت .. محد بقة بس انت واختك
لاتلتفت .. ماتلگة عينك بس غربتك

منا اسهام امسممه .. ومنا خيام بلا زلم
منا علي الاكبر وگع .. والنهر ماخذلك شهم
واصحابك بذاك الكتر .. لا تنده الهم بالاسم
ضليت وحدك تلتفت .. وتشم هواك وتنلجم


لا يحسين .. اختك واعرف عيونك
اعرف زين .. المن تغير لونك
تباوع وين .. لا مسلمك لا جونك

٠٠٠٠٠٠٠٠٠٠٠٠٠٠٠٠٠٠٠

لاتنكسر .. خليني انشف بيدي عينك
لاتنكسر .. وانت امسح دموعي بدينك
لاتنكسر .. انه اختك وانه الاعينك

يالجرحك بروحك كبر .. يالما بقالك شي عدل
يحسين باقيلك اخت .. تتقاسم وياهه الحمل
هذا المهر جبته الك .. يالروحتك تكتل كتل
غمض عيونك لوشفت .. يم خيمتك جابو هزل

كلشي ولا .. بخدك تهل دمعاتك
كلشي انساه .. لتشيل هم خيماتك
انه هنا .. واحفضلك ابنياتك


٠٠٠٠٠٠٠٠٠٠٠٠٠٠٠٠٠

غض النضر .. يحسين احلفك بالزجية
غض النضر .. لاتاكل بروحك عليه
غض النضر .. متعوده انه اعله الاذية

من يوم ما طبرو علي .. ومن كسرو امن امي ضلع
ياخويه منهه تعودت .. وصارتلي عشرة ويه الدمع
اتذكرت ياخويه الحسن .. من شرب سم ماينجرع
واليوم اجتني كربله .. وبذبحك تريد انفجع

خويه الروح .. كل العمر متعلعله
راح تروح .. مني وشفافك ذابله
يامجروح .. جرحت حياتك كربله

٠٠٠٠٠٠٠٠٠٠٠٠٠

اخر هلي .. عطشان وهمومك تكسرك
اخر هلي .. من كون اذب عمري اعله عمرك
اخر هلي .. بس رايده تكشفلي صدرك

اكشفلي صدرك ياحسين .. وخليني اقبلك بالنحر
وخليني اشم اخر هوه .. وعني بعد دير الضهر
شويه ويصيحون انذبح .. ويوصلني عن ضلعك خبر
ومن الخيم أنه افر .. ولخدري مايبقه اثر

والنيران .. بالصحره تاخذ خدري
ياعطشان .. راح اصعد المو گدري
وبالميدان .. نايم تضل ياعمري


#اللهم_عجل_لوليك_الفرج

وي روحي احچي وخاطري
يــــاروحي للــــون قــــرري
ويــــن الــــدمع للعســكري .. وين

ياروحــــي انصبــي ماتمچ
وطــشي الدمع في عالمچ
وخــــلي البـواچي تلچمچ .. زين

للعسكري وحزنه
لازم نــجر ونــــه
وزيارته ومجلس
وأيامــه تجـمعنه

مــــانسيناك وهجـــــرنه مانسيناك
التحترگ روحه ودليله يصيح وياك

يا مولاي يالعسكري ...

"""""""""""""""""""""""""""""""""""''''''''''

ماعندي بالـحب مصلحه
مصلحتي صارت واضحه
لـــ أم البنيــــن الفـــاتحه .. نور

انخاها خــاطر اخدمك
ياگلبـي والحـب ألــمك
حاطتني خدمةّ وادمك .. سور

ويادمعـتـي بعيني
والخـدمه بسنيني
وياجرحي بنفاسي
وزيـــارتي دينـــي

عسكـــرينه ويامصـــابك دوم بالـروح
يبو المهدي فضل منك روحي بالنوح

يامولاي يالعسكري ...

"""""""""""""""""""""""""""""""""""''''''''''

بسامره جاي انضر مره
فتحت ايديها امبخـتره
وتهــلي بالـــــــزاير تره .. ماي

ذبلانه بـس چنــها نهر
وخلص عمرها بالسهر
ام العــــزيز المنـــتضر .. هاي

هم تنتضر غايب
هم الگلب ذايب
مجروحه بالغربه
بالمدمع اتعـاتب

هاي سامره غـــريبه وليـــل ياليل
هاي ضلمه هاي جمره ويل ياويل

يامولاي يالعكسري ...

"""""""""""""""""""""""""""""""""""''''''''''

يالمهدي دوم الوَحدك
والليـــله تفـگد والدك
بيا ديره هسه وانشدك .. آه

بسامـــره هســه بكربله
وشايل سهم من حرمله
ثـــيابك دمـــوع امبلله .. آه

بياديــره يا وادي
ياجــدي وتنـادي
وياحزنك بگلبك
مامنتــهي وبادي

ياحــوافر هـــــاي كلفه تهمل العين
بيا صدر داسن يويلي صدر الحسين

يامولاي يالعسكري ...




#اللهم_عجل_لوليك_الفرج

(حبك وجرحك)


عمر خلصته مااندل
اروحن وارجع لدربي
مدري شبيه كل مااكول
هانت شو زلف كلبي
احارب ويه حب الذات
وكل مره اخسر بحربي
كل ما اكرب اكثر ليك
كلبي يبدل ابحبي

عين عبدك سيدي ماعندي غيرك
مااريد لغيرك امشي واجفي خيرك
مااريد اطغي بحياتي وانسه روحي
من التكبر سيدي انه استجيرك

رايد اخدمك من كلب
موبس حجي كون بفعل
اليلهه عن ذكرك صعب
يندلهن دروبك عدل

مولاي استجيرك ____ والله مالي غيرك _ حسين


جديد ارد ارجع انه وياك
من هسه وبعد كافي
بعد فرصه ولا انطي
ولا ارافكلي متعافي
اريد انزع شكو بروحي؛
واجيك امن الذنب حافي
اريد ابدي بصدك وياك
عفت كلشي وره اجتافي

جني توني ابخدمتك هستوني اجيتك
دخيلك بختك سيد تقبلني ريتك
من الصفر ابديها واعله الماضي نادم
شكبرها وانحسب ويه رعيتك

نادم ع ايامي المضت
ومن هسه راح اخدم صدك
من كلبي هل جلمه انحجت
وياك مااريد افترك

مولاي استجيرك ____ والله مالي غيرك _ حسين

عمر ماعندي بلخدمه
هاي الساعه انه طبيت
اول خطوه هاي اوياك
ومن اولهه ان حبيت
واول دمعه هاي عليك
تقَبل سيدي ناديت
شخص ضايع واجه البابك
مااذكر كبل رديت

انته بيدك كود كلبي لباب حبك
دربي اضلم سيدي والضوه دربك
عله درب الحر اجيت بطلب عطفك
حسين مو موسم اريدن دوم كربك

انطيني جمرة حب الك
خليها تربه ويه الكلب
كون اشعر بغربة هلك
ودموعي تترس كل درب

مولاي استجيرك، ____ والله مالي غيرك_حسين

بديت اكبر واشب اوياك
وكبرت دمعة اخيامك
عرفت حبك شنو معنى
ولكيت الدنيه بايامك
عرفت جرحك شريعة دم
اوصل بيها ل ألامك
وتهت بحبك وجرحك
وخذتني الكربله احلامك

شفت ناس هواي كلها تريد جتلك
رماح ونبال وسيوف محضرتلك
وانته ماهمك جيوش الحاوطتك
تدعي يارب كل أموري سلمتلك

كون الخليقه تموت الك
وتبقه انته سالم ياحسين
حركتنه جمرة عاشرك
وترستنه حسرات وونين





#اللهم_عجل_لوليك_الفرج