قصائد سيد فاقد الموسوي مكتوبة

< °بسمة تعالى °>

القصيدة :- دفان اهلنه
أداء :- سيد فاقد الموسوي
كلمات :- محمد نعمة

°~°~°~°~°~°~°~°~°~°~°~°~°~°~°~°~°

تانيني يادفان اهلنه
هاي امي ام المحنه
نزلهه ماينحمل فركاهه
وافتح جفنهه وشيلني وياهه

هاي امي بچتافك صدك لو انا حلمان
ماخذهه وين لياكبر اوكف يدفان
تدري بوداع الأم صعب للكلبه تعبان

باوع علينه وشوف حزن العدنه
الليل ما لابس سواد بكدنه
لمن اجه التابوت شايل امنه

الدمعه صارت هاكبرهه بخدنه
مو لحضه تكتل من خذاهه
جيب اليشيل أيدي بوراهه

صحنه عليهه مو وكت روحه
وحسين طلعت من وكت روحه

تانيني يادفان اهلنه تانيني يادفان اهلنه

~°~°~°~°~°~°~°~°~°~°~°~°~°~°~°~°~

ياهوه عنده هيجي ام كلش حنينه
الليل هذا تخلصه بس تفتر علينه
ترجف اديهه من البرد وتغطي بينه

جان الأمان ابيتنه مغطي الكاع
من ماتت امي اتغير وكلشي ضاع
الموت مدري منين اجه بساع

وانه واخواني صغار مو مال وداع
يمر على البيت الهوى الهاب
نذكر ضلعهه الكاسره الباب

التموت امه يموت كل حيله
يطلع حركته بشمت الشيله

تانيني يادفان اهلنه. تانيني يادفان اهلنه

~°~°~°~°~°~°~°~°~°~°~°~°~°~°~°~°~

بيا دمعه اسولف واشتكي سمعوني يحباب
كدامي باب اهلي احترك وامي وره الباب
انعصرت وطاح الطفل وما طاح الحجاب

اهنا عرفنه الموت مابيه غايه
من شفت فضه تلف بالمصلايه
اصعب ليالي جانت بعمري هايه
راوتني سبحه عليهه دم اهوووايه

يكضي الصبح ويصير الغروب
ويبدي الوجع من فوك الكلوب

ابجي على امي لو على اخواني
من هسه واحد شابك الثاني

حسبالي نامت فاطمه ماادري بيه
من غمضت بالمغتسل وماتت اديه
لبسن حمامات السمه اسود عليهه

اتصور امك جايه بنص تابوت
تباوعلك وترجع تغمض وتموت
دكله اكعدي وهيه ما تسمع صوت
ويشيلهه وياخذهه كوه الزاتوت

حدك وياهه لعتبت الباب
ويصير ردن هدومك انكاب

ويلچمك اليسأل على أحوالك
وسوالف امك تفتر ابالك

الماله ام ماله وطن مثل اليسافر
ويصير بيت اهله مثل بيت المكابر
يضل يحسب الموته ويعد هاهسه باجر

اليفكد امه وهو عمره صغيرون
من البواجي ماتضل عنده عيون
تكبر جروحه على امه من يسئلون

لكبال عينه جنازة امه
كل امنياته تصير ضلمه
تخلص حياته بحسره وبلوعه
ومن يذكر امه يلزم ضلوعه

تانيني يادفان اهلنه تانيني يادفان اهلنه

________
نهدي ثواب هذا العمل الى المرحوم ( سجاد يحيى)

@faqdalmawsawi

®< بسمة تعالى >®

القصيدة :- انت رايح
أداء :- سيد فاقد الموسوي
كلمات :- سجاد الخرساني
*_*_*_*_*_*_*_*_*_*_*_*_*_*_*_*_*_

جنت اخاف من الوداع وهسه صار
ضلمه مو چي ضلمه لا بس مدري ليش
الليل صاير يطلع بعز النهار
ما اغار عليك من اهلي استحيت
هسه لو تدري شكثر ضليت اغار

ماكو نار بثوبي چا محتركة ليش
ثاري قلبي اليحترك مو اله نار


ياروح من تالي مليت من حالي
والصار چتالي اقرب من الكلب
مكتوب ينساني ياموت شمتاني
مادام خلاني ابجي كبال الغرب

كمت ماشوفه دربي انكسر كلبي اعله كلبي
اذا نشدوا عليكم شكلهم فاركوني

ياروحي الدللوني...... مشو ماودعوني

*_*_*_*_*_*_*_*_*_*_*_*_*_*_

جرب فراكك ثواني وبله شوف
شوف كلبي شكم جرح خليته ضام
بنص ضوه الله عيوني اخليها بجفاك
لا ضوه يبين ولا حتى الضلام
استلذ بالفركه منك مو غريب
كون من غيرك كلت كلش حرام
عيوني ليليه بحلم تتمنه اجيك
اهوواي عندي احلام بس ماجاي انام

تانيت چم ليله..... وفراك شد حيله
كلساع ادعيله..... يارب نرجع سوه
لو راح مايرجع.... والروح ماتطلع
وياي من تكطع.....كون يضيع الهوى

ضعت والليل اجاني وتكبرني الثواني
سؤال الهدلي حيلي شجاهم ماخذوني

يروحي الدللوني.....مشو ماودعوني

*_*_*_*_*_*_*_*_*_*_*_*_*_*_*_

حالهم حال النفس لو اكطعه اموت
كون طير كبالهم يوميه احوم
لا سهر لا فركه لا كلساع اضيع
كون مختصرتهه ميته ثاني يوم

ماتهنيت بوداعك من بعيد
عطلتني چدامي بيهن كمت الوم
انتجي اعله الكاع اريد اوكف واطيح
انته جازي وانه ليهسه اريد اكوم

ياحيل ياخذني.... والكاك شابكني
ياريت تحسبني.... من تحسب بل ضعن

وتكول ماكمتي.... وياي حتى انتي
تمشين يبنيتي.....حالج حال المشن

وكلك تعبي يسوى الك كل عمري فدوه
يمن كون انت سالم عساهم كطعوني

يروحي الدللوني..... مشو ماودعوني

*_*_*_*_*_*_*_*_*_*_*_*_*_*_*

مره اكولن كون اموت ومره اكول
خاف اموت ومحد يطلع وراي

انه كلي بكيفك وبس وحده اريد
من اروح وياك كون بكيفي هاي

مره عن عبدالله كتلك وكتلي زين
راح يكبر لمن تشوفينه جاي

بس بعد من ينذكر يمج اريد
مااكلج ليش بس ثوبيله ماي

حسيت شي بيها.... بهداي يحجيهه
بس عود غص بيها.... ومدنك من حجه

حباه من صغره ويكوم ينتضره
شماه من نحره ودار عيونه وبجه

خفت من هل علامة وصحت كون بسلامه
اذا مارد اليه بعد يادنيه هوني

يروحي الدللوني..... مشو ماودعوني

*_*_*_*_*_*_*_*_*_*_*_*_*_*_*_*_*

بل خيال تخيلت جن شي غريب
ناس تركض عله الحرم مدري شتريد

خطوة المجويه من تمشي اعله كيف
وانته مو يمهم طحت طايح بعيد

هوسه بس ردت افتهم يابويه ليش
بل حوافر حاطين شكد حديد

اطرد افكار وكلت لا ماكو شي
وترجع النسوان تركض من جديد

ياحيف نسوانك.... كدام عدوانك
يحسين واخوانك....محد بيهم عدل

وتصيح وين اهلي بي روح يفزعلي
وافكار ترسملي زينب فوك الهزل

وحك بختك يبتخي تضل ذمه بركبتي
اذا لا سامح الله سبوها وماسبوني

يروحي الدللوني..... مشو ماودعوني

_

نهدي ثواب هذا العمل الى المرحوم ( سجاد يحيى)

@faqdalmawsawi

بسمه تعالى
___

القصيدة :- لا تسألي يافضه
أداء :- سيد فاقد الموسوي
كلمات :- محمد النواس
-_-_-_-_-_-_-_-_-_--_-_-_-_-

شلونك لا تكليلي يفضه
اريد ارتاح تالي شويه لحضه

انه بلا حيل راجع وانه ابو الحيل
يفضه
اله الله اليوجعنه عيونه باليل
يفضه

درب ماشوف بيه اصبعي من الدموع
وطفه الليل فوانيس المدينه

غريب ووحدي وبعيده الكبور
وفوك چتافي ماخذلي حنينه

درب مابيه اسم الله من اعثر يكول
ويرد للبيت بيش الدفن عينه

اطب للفاتحه بياشيب بياحيل
شيكومني للناس التجينه

لا تسألي يافضهُ لا تسألي

_-_-_-_-_-_-_-_-_-_-_-_--_--_--_-_

كمت كل مااشوف باب مدفوع
اذكر باب بيتي وتبدي الدموع

علي الما باجي عمره شابع اثغيب
يفضه
اليطلع شيبه شيحطوله ويطيب
يفضه

الابو من يشوف ولده يبجون
بينه وبين روحه يكول حكهم

جنازة فاطمه من طبت البيت
الحسن وحسين طلعوا من غرفهم

واحد يعثر بواحد يركضون
وحرت مابين الم دمعي والمهم

وكد ما جلبوا بالنعش الاولاد
شلعوا خشبة من تابوت امهم

لا تسألي يافضهُ. لا تسألي
_-_-_-_-_-_-_-_-_-_-_-_-_-_-_-_-


يفضه اليوم اجيت بكسرة الخاطر
ما ينحسبن چم عثره عاثر

جنت لربعي انطي أيدي من اجيهم
يفضه
عكست هسه ربعي انطوني اديهم
يفضه

انا الا صايره ولا دايره وياي
جنازة وفوك متني جنازة شايل

عيونك ما تلحك تقره مضمون
من يلوحها ماي الرسايل

ياهو المثلي مرته انعصرت اباب
ورد للبيت لازم ظهره مايل

ضلع بالمغتسل كضيته مكسور
وأثر جف اعله خدها انطبع كامل

المن عايش سمعي نوحي
لو ميت وياها وطام روحي

انا ذاك الرجع كوه من الكبور
يفضه
اول مره احس بروحي مكسور
يفضه

الموت انطيته اديه وعافني وراح
ورجع من بيتي اخذ اغله ابتسامه

ياهو العاش مثل العشته ياناس
ربعه تكوده وتلبسه العمامه

حجايه المو محلها تهدك اهوواي
مثل حجار مشمور اعله جامه

ردتها بوكت ثاني اعليه تنكال
الف الحمدلله اعله السلامه

اخ يافاطمة

_______
نهدي ثواب هذا العمل الى المرحوم ( سجاد يحيى)

@faqdalmawsawi

على حب سيد الشهداء ع

https://youtu.be/iTE4HDYwV4k

[ بسمة تعالى ]
----------

اسم القصيدة :- يافاطمة
أداء :- سيد فاقد الموسوي
كلمات :- محمد البطحاوي
__

يا فاطمة الكم وقف دمعتي
يوميه عدكم تنعرض خدمتي

أسمي بالخدمة انكتب
جروح بس تسوه التعب


يافاطمة. يافاطمة

_-_-_-_-_-_-_-_-_-_-_-_-_-_-_-_

بيدج كلشي والكلشي
دمنه بخدمتج يمشي
خدمتكم كحل رمشي

يافاطمة. يافاطمة

_-_-_-_-_-_-_-_-_-_-_-_-_-_-_-_

يالزهوه فقط انتي
ام الوالدج صرتي
وي امج تكلمتي

كبل المهد ( قبل) كبل المهد (قبل)

الج رب رفع اسمج على كل البشر
كبر كل من خدم عدكم ابد لا صغر
عكس وادمنه اصيحلج واكول ام الكمر


ياحجة الله اعله الأرض والسمه
ما حبه الله المايحب فاطمة

كلبي بس بيكم ندب
جروح بس تسوه التعب

يافاطمة. يافاطمة

يافاطمة الكم وقف دمعتي
يوميه عدكم تنعرض خدمتي

اسمي بالخدمة انكتب
جروح بس تسوه التعب

يافاطمة. يافاطمة
_-_-_-_-_-_-_-_-_-_-_-_-_-_-_-_

كوثر والابو طه
سبحان الي صاغاها
دره والعلي انطاها

وحيدر كفو. وحيدر كفو

انتي شجرة العصمه
يمج توكف الچلمه
نعمه وجبتي النعمه

كلهم حجج. كلهم حجج

دعيت الله ابمحبتكم اعيشن مبتلي
رحت فدوه الأساميكم انه وولدي وهلي
على مصابج اريد ابجي واصيحن ياعلي

ويه الضلع كون انكسر بالطم
من المجالس مااريد انحرم

عمري للخدمه انحسب
جروح بس تسوه التعب

يافاطمة. يافاطمة

يافاطمة الكم وقف دمعتي
يوميه عدكم تنعرض خدمتي

اسمي بالخدمة انكتب
جروح بس تسوه التعب

يافاطمة. يافاطمة

_-_-_-_-_-_-_-_-_-_-_-_-_-_-_-_-

روحي لخدمتج تركض
ولليكره علي ترفض
مصابج بالكلب يعرض

مثل السهم. مثل السهم

شما اقدم اضل حاير
بين الباب والعاشر
والبسمار والحافر

نفس الجرح. نفس الجرح

اضل طول العمر خادم واشيلنكم جرح
ولا ادور على الشهره شسوي بالمدح
دمع مني يضل لازم للكسر والرمح

يافاطمة كون العمر ينكضي
وي المصيبة بالدمع والبجي

الدمعه اغله من الذهب
جروح بس تسوه التعب

يافاطمة. يافاطمة

يافاطمة الكم وقف دمعتي
يوميه عدكم تنعرض خدمتي

اسمي بالخدمة انكتب
جروح بس تسوه التعب

يافاطمة. يافاطمة

_-_-_-_-_-_-_-_-_-_-_-_-_-_-_-_-

يالزهره اندفع بابج
وبسمار بضلع صابج
الموت حيدر اغيابج

عاش ابألم. عاش ابألم

من مصابج لحد يومه
عليه صعبت تره الكومه
الماخذ حيله ورسومه

الفركه تره. الفركه تره

علي لأجلج نزل دمعه ولبس ثوب الحزن
خلص ليله على كبرج يصيحج لو يون
واذا يرجع لكه زينب تصيح امها وتحن

بالمغتسل من چفه جاس الظلع
صيحت علي بسابع سمه تنسمع

جادر احزانه انصب
جروح بس تسوه التعب


يافاطمة. يافاطمة

يافاطمة الكم وقف دمعتي
يوميه عدكم تنعرض خدمتي

اسمي بالخدمة انكتب
جروح بس تسوه

يافاطمة. يافاطمة

_-_-_-_-_-_-_-_-_-_-_-_-_-_-_-_-_

الماكدروا يلاكونه
نعشج ثكل امتونه
وبعدج تعب عيونه

كد مابجه. كد مابجه

يحجي مصابج بحركه
وموته اتمنه للملكه
يفاطم تكتل الفركه

ماتنحمل. ما تنحمل

اجه يركض لكه فاطم عليهم تنتچي
الي بضلعه الكسر صاير يلجمه الحجي
على الزهرة ادك صدري ولا ابطل بجي

هاي المأاتم كل سنه تنبني
وروح الخدم ويه الظلع تنحني

ونلعن الشب الحطب
جروح بس تسوه التعب

يا فاطمة. يافاطمة

يافاطمة الكموقف دمعتي
يوميه عدكم تنعرض خدمتي

يافاطمة. يافاطمة

_____

@faqdalmawsawi

نهدي ثواب هذا العمل الى المرحوم ( سجاد يحيى )

على حب سيد الشهداء .

https://youtu.be/9S_oId1Mw_U

مِّنَ ٱلۡمُؤۡمِنِينَ رِجَالٞ صَدَقُواْ مَا عَٰهَدُواْ ٱللَّهَ عَلَيۡهِۖ فَمِنۡهُم مَّن قَضَىٰ نَحۡبَهُۥ وَمِنۡهُم مَّن يَنتَظِرُۖ وَمَا بَدَّلُواْ تَبۡدِيلٗا ٢٣
لِّيَجۡزِيَ ٱللَّهُ ٱلصَّٰدِقِينَ بِصِدۡقِهِمۡ وَيُعَذِّبَ ٱلۡمُنَٰفِقِينَ إِن شَآءَ أَوۡ يَتُوبَ عَلَيۡهِمۡۚ إِنَّ ٱللَّهَ كَانَ غَفُورٗا رَّحِيمٗا ٢٤

على حب علي خوش قصيدة

ياروحي ...الرادود الحسيني حسين هاشم _الشاعر الحسيني محمد الجماسي
https://youtube.com/watch?v=gZiuDZWXKaM&feature=shared

على حب علي .. خوش قصيدة

https://youtu.be/xnYMT5gu_kI?si=QGFMnKdmo4FLU1_p

اِنْتَهَىٰ الأَرْبَعِين ..

قُلُوب جَمِيعِ خدَّام الحُسَيْن ‹عَلَيْه السَّلَام›
فِي اِنْكِسَار وَقُلُوبِ الزَّائِرِينَ تَلْتَهِبُ
بِنِيرَانِ الفِرَاقِ ، هَل سَنْحَضِىٰ بِعَام آخَر ؟
لِلزِّيَارَة ، لِلْخِدْمَة ،  لِدَمْعَة المُصَاب ، لِتَوْبَةٍ أُخْرَىٰ ؟
هَلْ لَنا بِزِيَارَتِك العَام القَادِم وَالتَّقَرُّبَ إِلىٰ الله مِنْكْ؟.

☜ بـسمـه تعـالى ☞

الـقصـيدة : عطر المشاية
اداء : سيد فاقد الموسوي
كلـمات : محمد الموسوي

✮✮✮✮✮✮✮✮✮✮✮✮

يالغالي وستر خيامك .. لو كل الدنيا أيامك
يحسين الظل خدامك .. هذا عشگنا حلاته جروح
مشتاگه العين هوايه .. فرحها بجية راية
گرب عطر المشاية .. عطر الخدمة يرد ويروح

كاتلني گلبي بهايم
مشتاگ اصيحن خادم
ومتاني هل الجيه سهرانة عيني تناطر
ومتاني جية زاير بلكت يمر بيه
تحلى الشوارع باجر .. بالأربعينية

✮✮✮✮✮✮✮✮✮✮✮✮

نترسها الدنيا مواكب .. ونخدمك شاب وشايب
محد فوگك يا حاجب .. انتَ العين وماي العين
لو ماخذ مت عاشورك .. بمقابل منه نزورك
ضلينه بحسره بدونك .. ضلمة الدنيا بلا حسين

لو ماخدمتك هايه والركضة والمشايه
ماضل شرف بينا
منك عرفنا الغيرة
يا شيخ هاي الديرة
بس انتَ غالينا
الدنيا هاي زغيره بالخدمة هاي خلينا

✮✮✮✮✮✮✮✮✮✮✮✮

يالحبك غير حالي .. شما ابچيلك هنيالي
ما گلت لغيرك غالي .. ما رايد مال ولا جاه
ما اسوه تحطني بگلبك .. بس رايد في بگربك
يا اثمن شي عند ربك واقدس شي ربك سوا

ياهو المثل محبوبي
شباچه يمحي ذنوبي
كلما اجي مقصر
ماعندي غيره احجيله
ياهو الاروح اشكيله
خاطر الي يكسر
بس الحسين دخيله رغم الذنب يستر

✮✮✮✮✮✮✮✮✮✮✮✮

أسرت گلوب الوادم .. يهنياله العندك خادم
ويعيش بدربك هايم ..مو كل واحد حصل هاي
يا رحمة من الله ونازل .. عابس مجنونك عاقل
يالكلش ما تستاهل .. تعطش وانت بديك الماي

ما شفت مثلك واحد
طشر الماي البارد
وخيامه عطشانه
مثلك منو مسلبينه
وساترنه ومربينه
وزينين سوانه
لو ما نظرته وعينه ضيعنه دنيانا

✮✮✮✮✮✮✮✮✮✮✮✮

صرت لخدامك خيمة .. ومشيب گلبك ضيمه
نسوانك نص الهيمه .. غربه خلافك عميه العين
يحسين بهايه الغربة .. ويلمنا فياي الگبه
واحنه الماي من نشربه .. نشرب يلا نگول حسين

يالعيشتنا بخيرك
مو حلوة نخدم غيرك
يالغيرك شعدنا
انتَ اكبر من الغاية
والخدمة والمشاية
والدمعة شاهدنا
يمك قليله هواية حبنه وقصايدنه

✮✮✮✮✮✮✮✮✮✮✮✮
@faqdalmawsawi

{بسمة تعالى}

اسم القصيدة :- رايات العزاء
أداء :- سيد فاقد الموسوي
الكلمات :- محمد البطحاوي

____

رفعوا رايات العزاء
استقبلوا طف كربلاء
بالدمع

محرم ياخدم اجه واهلاله دم
الحضر دمعته وحزامه خادم

الباني چادره يبلغ المادره
تره شهر الذبح ياناس قادم

حضروا لحسين الدمع لبسوا السواد
بعد چم يوم وتجينه ايامه

إلي ناسي ومامحضر روحه زين
ليش يحسب روحه من خدامه

خادم لخادم يروح
يكله اجه شهر الجروح
بالدمع

رفعوا رايات العزاء
استقبلوا طف كربلاء
بالدمع

°~°~°~°~°~°~°~°~°~°~°~°~°~°~°~°

الاسود ينلبس على الضل بالشمس
وانكثر العزه لبن الزچيه

المجالس قائمة. بكثر نجم السمه
وتصير الشوارع حُسينيه

وين ما فارغ شبر ننصب عزاء
وتنسمع لطمتنه كون بصوتها

روحي تركض وين مامنبر يصير
وماكو مجلس للحسين يفوتها

الصرخة تبقى ويالسنين
خالد ايضل الحسين
بالدمع

رفعوا رايات العزاء
استقبلوا طف كربلاء
بالدمع

°~°~°~°~°~°~°~°~°~°~°~°~°~°~°~°~

على الحب والعهد نضل وللابد
بدمعنه انلاكي عاشور المصيبه

محرم بي جرح. نحر شاله رمح
وبي زينب يسموها الغريبه

كون عام يصير عاشور الحُسين
حتى بالخدمه نخلص ايامنه

والچوادر تبقى مبنيه بسواد
وبالحداد تضل ترف اعلامنه

هاي امنيتي اكول
كون تقبلها البتول
بالدمع

رفعوا رايات العزاء
استقبلوا طف كربلاء
بالدمع
°~°~°~°~°~°~°~°~°~°~°~°~°~°~°~°~

وصل شهر الدمه. اليبچي فاطمه
نحر مكطوع منه. وشيب دامي

قميصه ينشر. سبوا حتى الخدر
وفوك السحك. جان حسين ضامي

حسين طايح والحوافر بيه تدوس
راحت وردت يعالم فوكه

كون يلطم يكضي ليله والنهار
اليدري هيجي صاير ابمعشوكة

حسين عاشوره چبير
مو نعش چثته ابحصير
بالدمع

رفعوا رايات العزاء
استقبلوا طف كربلاء
بالدمع

°~°~°~°~°~°~°~°~°~°~°~°~°~°~°~°~

السبي الماينحمل على النوك الهزل
والايتام بحبل. مجتوفه كلها

الخرابه والقصر. يريدلهن عمر
يابواچي الي ترد. زينب لهلها

لو نكضي اعمارنه نبجي وننوح
ما نوافي عثره من اجدامها

بعد ما طاح الحسين وسلبوه
على زينب احركوها اخيامها

ويالسبي لازم نطوف
هذا قانون الطفوف
بالدمع

رفعوا رايات العزاء
استقبلوا طف كربلاء
بالدمع

__
@faqdalmawsawi

نعزي صاحب العصر والزمان الأمام الحجة " عجل الله فرجة " و الأمة الأسلامية والعالم بأسرى بذكرى استشهاد سيد الشهداء وأبي الأحرار ورمز الثوار الأمام الحسين ابن علي " علية السلام " فـ عظم الله لنا ولكم الأجر والثواب وجعلنا وأياكم من السائرين على نهجة والفائزين بمعرفته ونصرته .

☜ بـسمـه تعـالى ☞

الـقصـيدة : شدت لهـاشم شيله
اداء : سيد فاقد الموسوي
كلـمات : سيد محمود الموسوي

♧♧♧♧♧♧♧♧♧♧♧♧

أم البنين الليلة .. شدت لهاشم شيله
بدوية منها والنعم .. شدت لهاشم شيله
خيطت رايات الزلم .. شدت لهاشم شيله
صاحت يعباس الشهم .. شدت لهاشم شيله
طشرها يبني ولا تلم .. شدت لهاشم شيله
والرايه دگها على النجم .. شدت لهاشم شيله
عباس معروف حيله .. شدت لهاشم شيله

♧♧♧♧♧♧♧♧♧♧♧♧

حي الله زلمة كربلا .. شدت لهاشم شيله
عباس خير المرجله .. شدت لهاشم شيله
بالحرب طاريك حله .. شدت لهاشم شيله
من حيدر الثاني هلا .. شدت لهاشم شيله
خلفة خلفه معدلة .. شدت لهاشم شيله
وين اليعدل الميله .. شدت لهاشم شيله

♧♧♧♧♧♧♧♧♧♧♧♧

عباس بيك انه افتخر .. شدت لهاشم شيله
يبني يخيال الشگر .. شدت لهاشم شيله
يا هيبة طولك ع النهر .. شدت لهاشم شيله
يالتارس الشيله عطر .. شدت لهاشم شيله
يحسين تأمرني أمر .. شدت لهاشم شيله
فك صدرك وصليله .. شدت لهاشم شيله

♧♧♧♧♧♧♧♧♧♧♧♧

ام البنين الطاهره .. شدت لهاشم شيله
خلفة مثلج مره .. شدت لهاشم شيله
ولدج نشامة حيدره .. شدت لهاشم شيله
خلفتي سبع الگنطره .. شدت لهاشم شيله
شالع الباب بخيبره .. شدت لهاشم شيله
والده السبع نمشيله .. شدت لهاشم شيله

♧♧♧♧♧♧♧♧♧♧♧♧

يا رباي يا غيرة هلي .. شدت لهاشم شيله
بيكم مراجل من علي .. شدت لهاشم شيله
ولگابلاكم يبتلي .. شدت لهاشم شيله
بالحومة رفعوا الراس الي .. شدت لهاشم شيله
صيحوا ييمه تدللي .. شدت لهاشم شيله
عَ الراس اخونه نشيله .. شدت لهاشم شيله

♧♧♧♧♧♧♧♧♧♧♧♧

امك وتدعي من الگلب .. شدت لهاشم شيله
حي الله ابو ملگه الصعب .. شدت لهاشم شيله
عباس هيبة من يطب .. شدت لهاشم شيله
فرسان هاشم بالحرب .. شدت لهاشم شيله
تغلب وما تنغلب .. شدت لهاشم شيله
عياله گبل العيله .. شدت لهاشم شيله

♧♧♧♧♧♧♧♧♧♧♧♧

@faqdalmawsawi

☜ بـسمـه تعـالى ☞

الـقصـيدة : قريت الفاتحة
اداء : سيد فاقد الموسوي
كلـمات : سيد محمد الموسوي

♧♧♧♧♧♧♧♧♧♧♧♧

عفـتوني ييمة وانه ام گلب الحنين
متگابله العلاوي وانـه مگابله الونين
ومتانية ليگلي ردوا ام يـم البنين
يچوي الگلب فرگاكم .. يچوي الگلب فرگاكم

♧♧♧♧♧♧♧♧♧♧♧♧

قريت الفاتحة من حمل حسين .. گلت بلكت يرد
غرفكم فارغة ويا وحشة البيت .. عليكم يالولد
يدگ بساع گلبي واعرف بساع .. ضعنكم يبتعد
گلت لو ناشده مرات الضعون يعبر عن نشد

♧♧♧♧♧♧♧♧♧♧♧♧

يناس الفاگده تريدلها نسوان .. تگابلها وتون
اجيب منين وحده تلطم وياي .. وابادلها الحزن
جفوني وگابلت اربع حياطين واحس روحي بسجن
انكسر گلبي عليكم هذا الفراگ مثل كسره غصن
لا گالوا خطية وانه الفاكده الزكيه
ما حنوا عليه ليل فراگهم طويل
وبيوت المدينه رادت مني تشيل

♧♧♧♧♧♧♧♧♧♧♧♧

فرشت فراشكم من صار الغروب .. گلت ردوا هلي
والف مره ييمه اندگت الباب نخيت .. اللّٰه و علي
يجون وما يجون وخلص الليل .. يروحي اتحملي
طلع وجه الصبح وانه على هل حال .. ولا ردوا الي
من يوم الجفوني وانه متانيه على نار
لا ليل الانامه ولا مرتاحه النهار
شو لاچمني گلبي بس لا يمة شي صار

♧♧♧♧♧♧♧♧♧♧♧♧

ولا مرة گلت لا يمي الحسين لچن .. هسه گلت
گلت من گالي تروحين وياي بچيت ودنگت
چبيره وروحتي تعطلك يالحسين .. واحس تاخذ وكت
خفت لا يلتهي العباس وياي لذلك ما رحت
ما اروحن كلت وانه اتمنيت اروح
ماريدن اچمله فوگ جروحه جروح
انه ادري من انوحن اشده باله من انوح

♧♧♧♧♧♧♧♧♧♧♧♧

گلت لو رايحة ولا ضلت البيت واموت من الجفن
واخافن ضاله بگلبك يالحسين .. لراويك الوفه
اطب كدام زينب للدواوين .. وايديه مچتفه
بعد شيفيد وانتَ جروحك هواي ولا .. واحد شفه
لو رايحة سبية حالي حال البنات
يم ذيج الخرابة ويه العلوية ابات
ما صار الاريده ويه حسين كلشي مات

♧♧♧♧♧♧♧♧♧♧♧♧

@faqdalmawsawi

☜ بـسمـه تعـالى ☞

الـقصـيدة : سودة علية
اداء : سيد فاقد الموسوي
كلـمات : رفـعت الصافـي

✮✮✮✮✮✮✮✮✮✮✮✮

على حـسين ألوم العين الما تبچي على مصابة
على حـسين أجيب منين گلب يتحمل صوابـه

✮✮✮✮✮✮✮✮✮✮✮✮

سودة علـية حسين يوم العاشر
حافر يسلمة لحافر .. سودة علية
كلساع فتحه يسوي بين اسهامه
ويتنوع بين خيامه .. سودة علية
دارت علية الخيل والخياله
عمت عيني محد شالة .. سودة علية
سودة علية حسين خلوا عاري لا فاتحة ولا قاري

✮✮✮✮✮✮✮✮✮✮✮✮

واحد يحفر بصدره يدور سالفة تفيده
والآخر مثل المضيع ذهب ويفتش بجيده
واحد عطله المحبس وجر الخنصر من ايده
من ما لگوا شي ينباگ باگوا شبگه ايده
سودة علية حسين طلعت روحة
طشو رمل بجروحه .. سودة علية

✮✮✮✮✮✮✮✮✮✮✮✮

چـا وين هاشم هالله والعلوية مامش عمايم خضره بيهن جية من حشمن ما سمعن المگضيه .. سودة علية
خلص دور السيف مروا هواية هدت لسنها وصوتها لحدايه
كلساع زينب تسمعلها حچاية .. سودة علية

✮✮✮✮✮✮✮✮✮✮✮✮

سودة علية ام عون وجهه العافية عَ الگبر تركض حافية .. سودة علية
سودة علية گلوبهم عطابه والماي محد جابه .. سودة علية
سودة علية والحرم مچتوفه وتتناده سهل الكوفه .. سودة علية
سودة علية من طبن الديوان يضحك ابن مرجانه .. سودة علية
بالكوفه الازقه گصاف والحيطان شمتانه من تعثر النوگ تطيح عطشانه على عطشانه
والتمت عشايرها على ابن زياد زعلانه
ضلن بس خوات حسين كلمن اخذ نسوانه
سودة علية اخت الهواشم حايرة لا صايرة ولا دايرة
تلتفت فوگ الرماح اخوانها رادت عون محد عانها اهل المضايف قفلت بيبانها سودة علية
طبت الشام ومحد تلگاها طاحت من الناگه التعب هداها سبعين راس التفتن فوكاها سودة علية .

✮✮✮✮✮✮✮✮✮✮✮✮

@faqdalmawsawi

☜ بـسمـه تعـالى ☞

الـقصـيدة : راح المثل روحي
اداء : سيد فاقد الموسوي
كلـمات : حمزة الحسناوي

★★★★★★★★★★★★

يا شلعة گلوب هروش الگلب يالماكو مثلك
العنده مثلك يا علـي بالدنيا شله
طايح عمت عين الرمل غيرلي شكلك
دللول دللول ..

★★★★★★★★★★★★

خل تگعد جروحي .. راح المثل روحي
لمن سمع نوحي .. ما رد عليه
يا گلبي شد حيلك .. ابچيلي وابچيلك
ونخلص الليلك .. گبل المنيه

★★★★★★★★★★★★

اني انت بس جان العمر يفرق بالسنين
من تالي عرفتنه الخلگ مو واحد ثنين
غير انت ابوي اسمك علي وانه اسمي الحسين
چا ليش اذا صاحوا علي تلتفت العين
روحك مثل روحي وشفت من گلبي گلبك منگسم
لو ما اسم جدك وگف حتى الأسم نفس الأسم
چنه بگلب واحد .. هذا النفس شاهد
غير انت بيه
تعرف شنو الفرگه .. هذا الهوى تحرگه
كون الهجر ملگه غير انت بية

★★★★★★★★★★★★

يا تعبي يا مال الگلب يا مال الضلوع
صوت الوجع ما ينسمع بس بيه مسموع
ناشفلك انه منين اجت كل هاي الدموع
مو گلبي لا گلبي سهل انه ابني مشلوع
يا بوية گوم اتعذبت بيه الوجع من كل كتر
انه اصبر وداعت علي بس انت مو مالت صبر

ياربي خلينه .. بس نصفن بعينه
جانت دعاوينه .. وكت المسيه
يا مكثر النعمة .. صار الولد زلمة
يالتشتعل نجمة .. وكت المسية

★★★★★★★★★★★★

يلا ابني يلا وليدي فز تعبتك هواي
شمات ابوك تباشروا وتلاگوا وياي
صاحوا گضت توها الحرب كلشي انتهى بهاي
كتالي الحسين الولد ما كاتله الماي
عد هاشم بعز النفس بس انت عندي بعز الگلب
گالوها اعد وانه اكصد نذبح علي وتكضي الحرب

كضوني من ايدي .. توجعني يوليدي
لو كطعوا وريدي .. اهون الية
غير اقتنع واكدر .. ميت علي الأكبر
من تكعد شتخسر .. اهون الية

★★★★★★★★★★★★

ليش ابني ليش اضل جبت الدرب ليش
ها بي نفس ها منذبح ها بلكت يعيش
كل عثره الگالك كتر چا منسحگ بيش
ياهو اكبر يحطلك جرح متراهن الجيش
چانو يسمونك هلك يا روح ابوك وتبتسم
هسه بكثر ما منطعن لو اصيحن اسمك تنلچم

ما گتلك بهاية .. صح الحچي هواية
التكتل حچاية .. چلمة خطية
زاد الگلب ضيمه .. فاتحتك بخيمه
طشتلي بالهيمه .. چلمة خطية

★★★★★★★★★★★★

هذا لـ ولا شي بي سلم من گلبي مثلوم
نص للعطش نص للوجع نص كله ملچوم
صاحلي ها يرجع علي گتلهن يگوم
شتگوم وانتَ من السحگ لميتك هدوم
ميت چبيره على الگلب فوگاها ميت منذبح
بچفوفي بس چان الفرق جبتك علي شلتك جرح

احجي بگلب هايم .. ما ميت ونايم
تتشمت الوادم .. يا تعب ادية
يا ناس اسمعوني .. بوليدي ذبحوني
شمسوي بعيوني .. يا تعب ادية

★★★★★★★★★★★★

يا شلعة هروش الگلب يالماكو مثله
والعنده مثلك يا علي بالدنيا شله
طايح عمت عين الرمل غيرلي شكلك
جسمك خلص لا ينجمع لابيه اعدله
گالولي راداك شكثر صاح اسمك بگد الوجع
ودنه يمك للخيم بس لا للبحافر رجع

يالگطعو انفاسك .. لو ليلة يم راسك
لا تكطع بناسك .. نرجع سويه
كل اليحبونك .. صفنوا على عيونك
قصدي انه بشلونك .. نرجع سويه

★★★★★★★★★★★★

زينب .. تلكيني يزينب حيل مابية
زينب .. مدري شلون اجيت امشي على رجلية
جبت الولد منخطف لونه جبده انمرد غايره عيونه
ابجي يستاهل علي تفرعله عماته
ابچي ابچي .. يزينب حدر الخيل راحت هاي وجناته
فوگه طحت .. بس شهگ حدري
ثاري انلچم .. وانه ماادري .. وانه ماادري
هم صارت گبل عدنا .. والد يستحي من ابنه
هنيال الرمي بأبني .. يا ليلة يا ليلة

★★★★★★★★★★★★

@faqdalmawsawi

[ بسمه تعالى]

القصيدة :- لو ماخدمتك
أداء :- سيد فاقد الموسوي
كلمات :- محمد البطحاوي

_-_-_-_-_-_-_-_-_-_-_-_-_-_-_-_-_-_-_-_-_-_

لو ماخدمتك مااندل وضايع
مكطوع النحر بس بيه ما كاطع

ما اسوالي شي يحسين لولاك
شفت الخير كله بخدمتي وياك

خادم. خادم

-_-_-_-_-_-_-_-_-_-_-_-_-_-_-_-_-_-_-_-_-_-

عجيب شلون الخادم ينكر صاحب نعمته
يكول صوت النغمه ابين العالم علته
غشيم الي ابدنيا كام وبدل خدمته

هو ماهو وانته حاضر
انته هسه وانته باجر

كل وجودي بجالك أنته
وبخدمتي انه تاجر

طحت ضامي عمت عيني وتدلل بالخدم
ويغطينه ابفيايه احنه وبناته ابلا خيم
على البايع جرح منكم فلا ينفع ندم

يالمنطيني كلشي وانه متعافي
ما راكض واخيتك وصلتك حافي

كل هذا الدلال ومره انساك
شفت الخير كله انه بخدمتي وياك

خادم. خادم.

لو ماخدمتك مااندل وضايع
مكطوع النحر بس بيه ما كاطع

ما اسوالي شي يحسين لولاك
شفت الخير كله بخدمتي وياك

خادم. خادم

-_-_-_-_-_-_-_-_-_-_-_-_-_-_-_-_-_-_-_-_-_-

يصير الماعاش الحب ليش ايسولف بالعشگ
اليشوف كل محبوبه ايطشره الحافر يختنگ
يصيح اليسمع شبوا خيمة زينب يحترگ

انته باقي وكلها لحضه
والخدمكم عالي حضه
كلشي يتحصل بديله
بس الحسين اشيعوضه

على عكس الخلگ كلها يعشگ المنذبح
التعب راحه يضل عنده على كبر الجرح
الخدم كلها تره ابراحه والحسين ابرمح

لو ماطيحتك ماضل بشر واكف
مثلك ابد واحد انه ما شايف

دنيا وآخره يحسين بحماك
شفت الخير كله انه بخدمتي وياك

خادم. خادم

لو ماخدمتك مااندل وضايع
مكطوع النحر بس بيه ما كاطع

ما اسوالي شي يحسين لولاك
شفت الخير كله بخدمتي وياك

خادم. خادم

-_-_-_-_-_-_-_-_-_-_-_-_-_-_-_-_-_-_-_-_-_-

تضيع لو باجر گضاك حسين وعاتبك
شتكول وعن كل زله وياه بالخدمه حاسبك
حرام اتعب واحد ما فديوم امتعبك

تدري باجر كلها يمه
والله خالق كلشي لمه

عنده خدمتنه اتسجل
وكلمن ايعرفونه بسمه

يهل خادم تره حسين انگطع من النحر
وعمر زينب خلص بالطف على التل والنهر
وعلى الهزل خذوا كوه ضعنها ابلا گمر

بوجهه ابيض يريت الخدمه نگضيها
موش انگول انه وهو راعيها

يگلبي حسين بين الناس علاك
شفت الخير كله انه بخدمتي وياك

خادم. خادم

لو ماخدمتك مااندل وضايع
مكطوع النحر بس بيه ما كاطع

ما اسوالي شي يحسين لولاك
شفت الخير كله بخدمتي وياك

خادم. خادم

-_-_-_-_-_-_-_-_-_-_-_-_-_-_-_-_-_-_-_-_-_-

حسين موش الشخصك النه يلوگ الكتل
حسين احنه الموته وانته وطفك عدل.
حسين عميان احنه وانته الصرتلنه الكحل

انته كوثر واحنه صحره
انته عالي واحنه ذره
دربك انته ابلا خساره
ياامير اتخدمه فقره

شنو الماي وتطلبه انته ينسمة فاطمه
بطرف چفك لون داعي ينزلك سمه
الرفع صيت الرمح راسك يبن حامي الحمه

گبال عيون زينب داسك الحافر
واطول ليلة چانت ليلة العاشر

عثرت بالچثث بس همها تلگاك
شفت الخير كله انه بخدمتي وياك

خادم. خادم

لو ماخدمتك مااندل وضايع
مكطوع النحر بس بيه ما كاطع

ما اسوالي شي يحسين لولاك
شفت الخير كله بخدمتي وياك

خادم. خادم

-_-_-_-_-_-_-_-_-_-_-_-_-_-_-_-_-_-_-_-_-_-

اكيد اليرتاح بهاي الخدمه ينغلب
تريد واحد كون ايحب الثاني من گلب
شجاك احنه بخدمه موش ابساحة حرب

وزعانه وهو ادره
هذا يلطم هذا يقره

الي يركض بينه زايد
يختلف عند الله اجره

العمر عندي بلا خدمه يصير ابلاطعم
نهر كون انحسب الهم ولا اصيرن سهم
الك بيه حزن دايم مثل حرك الخيم

يحسين اللزمكم ما تتركونه
وكل الناس لجلك من يقدرونه

كون ابكل وكت يحسين ننعاك
شفت الخير كله بخدمتي وياك

_______

@faqdalmawsawi

نهدي ثواب هذا العمل الى المرحوم
(سجاد ابن يحيى)

☜ بـسمـه تعـالى ☞

الـقصـيدة : سافر الماي
اداء : سيد فاقد الموسوي
كلـمات : حمزة الحسناوي

★★★★★★★★★★★★

حـسين .. يالرايح وعايف گلب خايف عليك من الهوى
من تنزل بحضن الشمس بعدك ولا اكومن ضوى
دخان صاير مو گلب گد ما بالفراگ انچوى
غير الدوه يطيب المرض ليش انه اغصن بالدوه

بالگلب صار جمر كون يضل ما يدگ
اليعرفون شني يصير اذا نحترگ
نار الدموع والخدود نهر من جرح
يا دوه يفيد اذا صار جرح على الحرگ
بيت وحشى وبابنه انسد .. الصبح لابس لون الاسود
امس هوسة اليوم محد .. ضال يمي
سافر الماي وانه وياي .. ضال دمعي

★★★★★★★★★★★★

ارسم صوركم بالدمع هذا اليحب من يبتلي
واكتب رسايل بالعكس عود انتَ لموديها الي
كثرن ترا لخافن انسل وجروحي كلهن من هلي
واليختنگ يندب علي وانه اقرب الناس لعلي
اشبگ الگاع والاثار خفت تلبسه
وجرح العزاز يخليك تحب الجرح
يغفى بلكي الله بألف يا علي
بس الاحلام تراويك هلك ع الرمح
امس يمي اليوم هضمه
گمر عمي وماكو ضلمة
وزينب نصيحلها يمه .. شلون چلمه
سافر الماي وانه وياي .. ضال دمعي

★★★★★★★★★★★★

خل تذكر عيون الچنت وياهن مگضي الزمان
هم جبتوا طاريي ويانا كون بهل سفر
عبدالله هم يذكر گبل من جنت اشيلة على الظهر
گالولي يحجي وكيفت معناها عبدالله كبر
وانه بليل اذا نام احاجي الدمع
تغفى مرتاح اذا صوت اهلك ينسمع
ذني الجروح البروحي كلهن عرف
يحرك بروحه ثاري خيط الشمع

والله لو ماخذني يمك
اسمي راح يشيل همك
غاد من تشتاگ لأمك تصيح بأسمي
سافر الماي وانه وياي .. ضال دمعي

★★★★★★★★★★★★

شوف على دربك ما رضى واتذكر ايامك گمت
ليش من اشوفنك گبل جان الوكت
بحلامي اسافر للظعن واتخيل وياكم رحت
هم انعم الله على الحلل لو كاطع بعيني متت
اول تالي اموتن بالفراگ ترا
عود اضل ليش والعزاز مشو بالسره
همه يدرون يموتون والضعون مشت
حب الحسين بالعيون شفت ينقره
امس دهن حسين شارد للصبح خليته كاعد
خله يمهم ماي بارد .. ما فهمته
سافر الماي وانه وياي .. ضال دمعي

★★★★★★★★★★★★

يا مغرب لياخذني الك واكعد واسولفلك الاصل
وابچيلك بگد ما چنت اكتب رسايلكم واضل
ردتك تصبر للگلب مو گلبي منك ينحرم
هي انه بس ثوب وعظم وفراگك يدگ بالعظم
اخر اخبار للحسين بدت تنطرح
گاموا هواي يجيبولي طاري الرمح
عني ماريد يردون هلي من الحرب
بس ردت كون يموتون عدل مو ذبح
اخر اخبار ثگيله .. سولفولي عَ الهزيلة
والله لو ميته العليلة .. ارحملها
سافر الماي وانه وياي .. ضال دمعي

★★★★★★★★★★★★

@faqdalmawsawi

{بسمة تعالى}

اسم القصيدة :- رايات العزاء
أداء :- سيد فاقد الموسوي
الكلمات :- محمد البطحاوي

____

رفعوا رايات العزاء
استقبلوا طف كربلاء
بالدمع

محرم ياخدم اجه واهلاله دم
الحضر دمعته وحزامه خادم

الباني چادره يبلغ المادره
تره شهر الذبح ياناس قادم

حضروا لحسين الدمع لبسوا السواد
بعد چم يوم وتجينه ايامه

إلي ناسي ومامحضر روحه زين
ليش يحسب روحه من خدامه

خادم لخادم يروح
يكله اجه شهر الجروح
بالدمع

رفعوا رايات العزاء
استقبلوا طف كربلاء
بالدمع

°~°~°~°~°~°~°~°~°~°~°~°~°~°~°~°

الاسود ينلبس على الضل بالشمس
وانكثر العزه لبن الزچيه

المجالس قائمة. بكثر نجم السمه
وتصير الشوارع حُسينيه

وين ما فارغ شبر ننصب عزاء
وتنسمع لطمتنه كون بصوتها

روحي تركض وين مامنبر يصير
وماكو مجلس للحسين يفوتها

الصرخة تبقى ويالسنين
خالد ايضل الحسين
بالدمع

رفعوا رايات العزاء
استقبلوا طف كربلاء
بالدمع

°~°~°~°~°~°~°~°~°~°~°~°~°~°~°~°~

على الحب والعهد نضل وللابد
بدمعنه انلاكي عاشور المصيبه

محرم بي جرح. نحر شاله رمح
وبي زينب يسموها الغريبه

كون عام يصير عاشور الحُسين
حتى بالخدمه نخلص ايامنه

والچوادر تبقى مبنيه بسواد
وبالحداد تضل ترف اعلامنه

هاي امنيتي اكول
كون تقبلها البتول
بالدمع

رفعوا رايات العزاء
استقبلوا طف كربلاء
بالدمع
°~°~°~°~°~°~°~°~°~°~°~°~°~°~°~°~

وصل شهر الدمه. اليبچي فاطمه
نحر مكطوع منه. وشيب دامي

قميصه ينشر. سبوا حتى الخدر
وفوك السحك. جان حسين ضامي

حسين طايح والحوافر بيه تدوس
راحت وردت يعالم فوكه

كون يلطم يكضي ليله والنهار
اليدري هيجي صاير ابمعشوكة

حسين عاشوره چبير
مو نعش چثته ابحصير
بالدمع

رفعوا رايات العزاء
استقبلوا طف كربلاء
بالدمع

°~°~°~°~°~°~°~°~°~°~°~°~°~°~°~°~

السبي الماينحمل على النوك الهزل
والايتام بحبل. مجتوفه كلها

الخرابه والقصر. يريدلهن عمر
يابواچي الي ترد. زينب لهلها

لو نكضي اعمارنه نبجي وننوح
ما نوافي عثره من اجدامها

بعد ما طاح الحسين وسلبوه
على زينب احركوها اخيامها

ويالسبي لازم نطوف
هذا قانون الطفوف
بالدمع

رفعوا رايات العزاء
استقبلوا طف كربلاء
بالدمع

__

https://t.me/faqdalmawsawi

نهدي ثواب هذا العمل الى المرحوم
(سجاد ابن يحيى)

☜ بـسمـه تعـالى ☞

الـقصـيدة : بس عشگ
اداء : السيد فاقد الموسوي
كلـمات : حمزة الحسناوي

☆☆☆☆☆☆☆☆☆☆☆☆

اتمنى اكتبك بس عشگ
لازم تضل بلا نعش
يطلع مثل وجهك سرح
وتموتكم وابن العطش
وانسى العطش وانسى الجرح

☆☆☆☆☆☆☆☆☆☆☆☆

بيت القصيدة الينكتب
يطلع مثل وجهك سرح
بس بوسط هذا الحچي
يعرفني راسك على الرمح
اكتبلي بيت ولو كمل
بالثاني لازم تنذبح
لازم تضل بلا نعش .. ياابا عبدالله

☆☆☆☆☆☆☆☆☆☆☆☆

نفرض كتبك مبتسم
بس الصدگ ما تنعقل
شمس الله لو كض طيحتك
لو ظهرك لما ينعدل
لو بل يسر حرمه وطفل
وبصفها هم حرمه وطفل
خاطر يطيحهم سوه
چتفهم بنفس الحبل
ذاك الركض ذاك انسحگ
والضل من الخيام احترگ

☆☆☆☆☆☆☆☆☆☆☆☆
جروحك ولا يتشابهن
يتشابهن بس بالنزف
جرح السهم گد السهم
جرح الرمح يملي شكد كلف
ذني وبعد ، سيف وبعد
خيل وبعد سبعين الف
بس الحوافر مو جرح
لا هم جرح بس منخزن
شتفيدك وروحك گضت
جرح بجرح گالوا تشد
هلبت تشد ايدك ردت
وخر الطفل لا ينمرد
يالميت صاحوا بعد
لحد يضم سيفه ويرد

☆☆☆☆☆☆☆☆☆☆☆☆

الله اكبر يا علي
علي ميت تهل
يتنافسون على الذبح
ياهو اليسوي اكبر جرح
عيش بكثر ما سولفوا
حس بطعم هذا العشگ
مو ضمه هيه وتنتفل
والزهره مامك منسفك
سحگوله حد ما هوسوا
تريد الصدگ هذا الصدگ
بالخيمة مو بس العبي
حتى الحرم شبعت حرگ
تعرف خواتك يا شهم
توجعهن عيون الزلم
ياابا عبدالله .. ياابا عبدالله

☆☆☆☆☆☆☆☆☆☆☆☆

@faqdalmawsawi