Ethiopian Civil Avation Authority

የብሔራዊ ሲቪል አቪዬሽን ትራንስፎርሜሽን ፕሮግራም አጥኚ ቡድን ያጠናቀረው የመጀመሪያ ሪፖርት ላይ ውይይት ተካሄደ

በአቪዬሽን ዘርፍ የሚደረጉ የጋራ የምርምር ስራዎችን በአቅም ግንባታ፣ በሰው ሀይል ልማትና መሰል ጉዳዮች ላይ ኢንዱስትሪው እየገጠመው ያሉ ዘርፈ ብዙ ተግዳሮቶችን ለመፍታት የሚያስችል ብሔራዊ የሲቪል አቪዬሽን ፕሮግራም መቀረፁን ተከትሎ ሰኔ 28 ቀን 2016 ዓ.ም ከአዲስ አበባ ዩኒቨርስቲ ጋር የሁለትዮሽ የትብብር ስምምነት መፈረሙ የሚታወስ ሲሆን አጥኚ ቡድኑ የመጀመሪያ የሆነውን ሪፖርቱን ( inception report) አቀረበ፡፡

በባለስልጣን መስሪያ ቤቱ መሰብሰቢያ አዳራሽ ጥቅምት 28 ቀን 2017 ዓ.ም በተካሄደው ውይይት አጥኚው ቡድን ሪፖርቱን ያቀረበ ሲሆን ከተሳታፊዎች በርካታ አስተያየቶችና ጠቃሚ ግብዓቶችን ተቀብሏል፡፡

ብሔራዊ የሲቪል አቪዬሽን ፕሮግራም ነሀሴ 28 ቀን 2017 ዓ.ም በስካይላይት ሆቴል በይፋ ስራ መጀመሩን ካስታወቀ ጀምሮ ባለስልጣን መስሪያ ቤቱ በርካታ ተግባራትን ያከናወነ ሲሆን ከመሀከለኛ የተቋሙ አመራር አካላት ጋር የግንዛቤ ማስጨበጫ መድረክ ማዘጋጀቱ፣ የፕሮግራሙ ዋና ፈፃሚ ከሆነው የተቋሙ ሰራተኞች ጋር የተደረገው ተመሳሳይ የግንዛቤ ማስጨበጫ መድረክ ፣ ራሱን የቻለ ብሔራዊ የትራንስፎርሜሽን ቢሮ መቋቋሙና የትራንስፎርሜሽን ቲም መዋቀሩ ከተሰሩት ስራዎች በዋናነት የሚጠቀሱ ናቸው፡፡

በውይይቱ ላይ የተለያዩ መንግስታዊ ተቋማት ሪሰርች ቡድን አባላት፣ ምሁራን፣ የግል ኦፐሬተሮች እና ሌሎች ባለድርሻ አካላት ተገኝተዋል፡፡

https://www.facebook.com/share/p/15DrGx7wVY/

https://www.facebook.com/share/p/SSLjNzyFKPxgrXL3/

ምክር ቤቱ አንድ ዓለምአቀፍ ሲቪል አቬሽን ኮንቬንሽን ማሻሻያና የአየር አገልግሎት ስምምነት ረቂቅ አዋጆችን መርምሮ አጸደቀ
---------------------------
(ዜና ፓርላማ)፤ ጥቅምት 26፣ 2017 ዓ.ም.፤ አዲስ አበባ፤ የሕዝብ ተወካዮች ምክር ቤት ባካሄደው 4ኛ መደበኛ ስብሰባው የአለምአቀፍ ሲቪል አቬሽን ኮንቬንሽን አንቀፅ 50 (ሀ) አንቀፅ 56 ለማሻሻል የቀረበበውን ፕሮቶኮል ማፅደቂያ አዋጅን እና ኢትዮጵያ ከሁለት ሀገራት ጋር ያደረገችውን የአየር አገልግሎት ስምምነት ረቂቅ አዋጆችን መርምሮ አፅድቋል፡፡

ስምምነቶቹም በኢትዮጵያ ፌዴራላዊ ዲሞክራሲያዊ ሪፐብሊክ መንግስትና በማልታ ሪፐብሊክ መንግስት መካከል እና በኢትዮጵያ ፌዴራላዊ ዲሞክራሲያዊ ሪፐብሊክ መንግስት እና በቻድ ሪፐብሊክ መንግስት መካከል የተደረገ የአየር አገልግሎት ስምምነቶች ናቸው፡፡

የመንግስት ተጠሪ ሚኒስትር የተከበሩ ተስፋዬ በልጅጌ (ዶ/ር) የአለምአቀፍ ሲቪል አቬሽን ኮንቬንሽን ማሻሻያ ፕሮቶኮል ማፅደቂያ ረቂቅ አዋጅንና የስምምነቶቹን ረቂቅ አዋጆች አስፈላጊነት በተመለከተ ለምክር ቤቱ ማብራሪያ አቅርበዋል፡፡

ምክር ቤቱም በቀረቡት ስምምነቶች ላይ በስፋት ከተወያየ በኋላ የአለምአቀፍ ሲቪል አቬሽን ኮንቬንሽን አንቀፅ 50 (ሀ) አንቀፅ 56 ለማሻሻል የቀረበበውን ፕሮቶኮል ማፅደቂያ አዋጅን፤ አዋጅ ቁጥር 1348/2017፣ አድርጎ አጽድቋል፡፡

የ2017 የመንግስት የመጀመሪያው 100 ቀናት አፈፃፀም አፈፃፀም ሪፖርት ቀረበ

.የተቋሙ የ100 ቀናት አፈፃፀም ሪፖርትም ቀርቧል

የ2017 የመንግስት የ100 ቀናት የማክሮኢኮኖሚያዊ ስራዎችን መሰረት በማድረግ አጠቃላይ የአገሪቱን አፈፃፀም ላይ ግንዛቤ የሚሰጥ መድረክ ተዘጋጀ፡፡
ጥቅምት 19 ቀን 2017 ዓ.ም በባለስልጣን መስሪያ ቤቱ በተዘጋጀው መድረክ ሪፖርቱን ያቀረቡት የኤርናቪጌሽን ዘርፍ ምክትል ዋና ዳይሬክተር አቶ መንግስቱ ንጉሴ ሲሆኑ በሪፖርታቸውም አለም አቀፍ የፖለቲካ አዝማሚያና በኢትዮጵያ ላይ የሚኖረው እንድምታ፣ የኢኮኖሚ ሪፎርም አፈፃፀም ውጤቶችና አዝማሚያች ፣ የሪፎርሙ ተጠባቂ ፋይዳች እና የዋና ዋና ፕሮጀክቶች አፈፃም የሚል ሰፋፊ ይዘት ያላቸው ርዕሰ ጉዳዮችን በስፋት አብራርተዋል፡፡

በቀረበው ሪፖርት መሰረት ኢትዮጵያ በአንፃራዊነት ከአምናው ተመሳሳይ ወቅት ጋር ሲነፃፀር የተረጋጋ ማክሮኢኮኖሚያዊ ሆኔታ ውስጥ መገኘቷ፣ ከወጪ ንግድም አንፃር ከአምናው ተመሳሳይ ወቅት ጋር ሲነፃፀር እስከ 84 በመቶ የሚደርስ እድገት ያስመዘገበችበት እና ከልማት አጋሮች ያለውም ድጋፍ ከፍተኛ መሻሻል ያሳየበት መሆኑና መሰል ጉዳዮች ታይተዋል፡፡ ከዚህ በተፃራሪም የአቅርቦት ሰንሰለት መናጋትና የሸቀጦች ዋጋ የመናር ተግዳሮት እንደነበር ሪፖርቱ ያትታል፡፡

ከዚህ ጎን ለጎን የተቋሙ የ100 ቀናት ሪፖርት በተመሳሳይ መልኩ የቀረበ ሲሆን የዝግጅት ምዕራፍ አፈጻጸም፣ ስትራቴጂያዊ ጉዳዮች /የቁልፍ ተግባራት አፈጻጸም፣ የፕሮጀክቶች አፈጻጸም፣ የአበይት ተግባራት አፈጻጸም የሚሉ አበይት ርዕሰ ጉዳዮች ላይ የተሰሩ ስራዎች በስፋት ቀርበዋል፡፡

https://www.facebook.com/share/v/goQFZVTyGch2ztgn/

ኢትዮጵያና ኡጋንዳ ነባሩን የአየር አገልግሎት ስምምነት በማሻሻል ተፈራረሙ

በኢትዮጵያና በኡጋንዳ መሀከል ቀደም ሲል ሲሰራበት የነበረውን የአየር አገልግሎት ስምምነት በያማስኩሩ ውሳኔ መሠረት እንዲሻሻል ኢትዮጵያ ያቀረበችውን ጥያቄ ተከትሎ የሁለቱ ሀገራት የሲቪል አቪዬሽን ሀላፊዎች ተወያይተው በያማስኩሩ ውሳኔ እንዲከናወን በአጭር ፊርማ ተፈራረሙ።

የአጭር ፊርማ ስምምነት የሁለቱ አገራት የሲቪል አቪዬሽን ሃላፊዎች በአጀንዳው ተስማምተው ነገር ግን ከሁለቱ አገራት አንዳቸው ወይም ሁለቱም አገራት ከመንግስታቸው የሙሉ ውክልና መብት ሳይኖራቸው የሚፈረም የፊርማ ስርዓት ሲሆን ከዚህ አንጻር ስምምነቱን በሙሉ ፊርማ ለማጠናቀቅ ከኡጋንዳ በኩል የመንግስት የሙሉ ውክልና መብት ባለመኖሩ በአጭር ፊርማ እንደተከናወነ ለመረዳት ተችሏል።

ሁለቱ አገራት የተፈራረሙት ከጥቂት ቀናት በፊት በማሌይዥያ ኩዋላላምፑር ከተማ በተካሄደው የአየር ስምምነት መድረክ ላይ ነበር።

እ.አ.አ.በ1999 በኮትዲቯር ያማስኩሩ ከተማ የአፍሪካ አገራት በአፍሪካ ምድር ለሚሰጡት የአየር ትራንስፖርት ነጻ የአየር አገልግሎት እንዲያገኙ ስምምነት ላይ መድረሳቸው የሚታወቅ ሲሆን ስምምነቱ የያማስኩሩ ውሳኔ ተብሎ ይጠራል።

በዚህ መሠረት ኢትዮጵያና ኡጋንዳ ያደረጉት ስምምነት የኢትዮጵያ አየር መንገድ ያለምንም የምልልስና የመዳረሻ ቦታዎች ገደብ ወደ ኡጋንዳና ከኡጋንዳ ወደሌሎች የአፍሪካ አገራት በረራ ማድረግ ያስችለዋል። በተጨማሪም ስምምነቱ አየር መንገዱ እየገጠመው ያለውን የተደራራቢ ታክስ ጥያቄ ለማስቀረት ያስችለዋል።

በአሁን ሰዓት የኢትዮጵያ አየር መንገድ በቀን ሶስት ጊዜ በሳምንት ሀያ አንድ ጊዜ ወደ ኡጋንዳ ከተማ ኢንቴቤ ይበራል።