អាជ្ញាធរអគ្គិសនីកម្ពុជា - EAC

នៅព្រឹកថ្ងៃទី២៣ ខែតុលា ឆ្នាំ២០២៤ នៅទីស្នាក់ការអាជ្ញាធរអគ្គិសនីកម្ពុជា បានបើកកិច្ចប្រជុំផ្សព្វផ្សាយស្តីពី “ការពង្រីកបន្ថែមអត្រាថ្លៃអនុគ្រោះពិសេស ជូនដល់អ្នកប្រើប្រាស់អគ្គិសនីប្រភេទរោងម៉ាស៊ីនកិនស្រូវ និងឡសម្ងួតស្រូវ ក្នុងតំបន់ផ្គត់ផ្គង់អគ្គិសនី ដែលទទួលប្រភពពីបណ្តាញជាតិ ពីខែតុលា ឆ្នាំ២០២៤ ដល់ខែមករា ឆ្នាំ២០២៥” ដើម្បីជួយកាត់បន្ថយថ្លៃដើមផលិតកម្មក្នុងវិស័យកសិកម្មលើផ្នែកម៉ាស៊ីនកិនស្រូវ និងឡសម្ងួតស្រូវ ជួយជំរុញបង្កើនផលិតកម្មលើផ្នែកកែច្នៃផលិតផលស្រូវអង្គរ និងចូលរួមចំណែកបង្កើនកំណើនសេដ្ឋកិច្ចជាតិ ពង្រឹងការប្រកួតប្រជែង ។ កិច្ចប្រជុំនេះប្រព្រឹត្តទៅក្រោមអធិបតីភាពឯកឧត្តមបណ្ឌិត តេង សុខុមាល សមាជិកទី២ នៃអាជ្ញាធរអគ្គិសនីកម្ពុជា និងដោយមានការចូលរួមពីតំណាងអគ្គិសនីកម្ពុជា, តំណាងសហព័ន្ធស្រូវអង្ករកម្ពុជា និងតំណាងអ្នកប្រើប្រាស់អគ្គិសនីមួយចំនួនផងដែរ ។

Facebook Page: អាជ្ញាធរអគ្គិសនីកម្ពុជា
https://www.facebook.com/eac.gov.kh

គេហទំព័ររបស់អាជ្ញាធរអគ្គិសនីកម្ពុជា
https://www.eac.gov.kh/

ថ្ងៃពុធ ៦រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែតុលា ឆ្នាំ២០២៤

អបអរសាទរ ខួបទី៣៣ នៃកិច្ចព្រមព្រៀងសន្តិភាពទីក្រុងប៉ារីស

២៣ តុលា ១៩៩១ - ២៣ តុលា ២០២៤

Facebook Page: អាជ្ញាធរអគ្គិសនីកម្ពុជា
https://www.facebook.com/eac.gov.kh

គេហទំព័ររបស់អាជ្ញាធរអគ្គិសនីកម្ពុជា
https://www.eac.gov.kh/

ថ្ងៃពុធ ៦រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែតុលា ឆ្នាំ២០២៤

សម័យប្រជុំលើកទី៤២៥ របស់អាជ្ញាធរអគ្គិសនីកម្ពុជា

នៅព្រឹកថ្ងៃទី២២ ខែតុលា ឆ្នាំ២០២៤ អាជ្ញាធរអគ្គិសនីកម្ពុជាបានរៀបចំសម័យប្រជុំលើកទី៤២៥ ដោយមានការចូលរួមពីតំណាងក្រសួងរ៉ែ និងថាមពល, តំណាងអគ្គិសនីកម្ពុជា និងអ្នកកាន់អាជ្ញាបណ្ណពាក់ព័ន្ធ ដើម្បីពិនិត្យ និងអនុម័តលើការកែសម្រួលអាជ្ញាបណ្ណដូចខាងក្រោម ៖
ក)ពិនិត្យ និងអនុម័តលើការប្តូរឈ្មោះអ្នកកាន់អាជ្ញាបណ្ណពី៖
-លោក សេង គ្រី ទៅជាសហគ្រាស សេង គ្រី ធ្វើសេវាកម្មអគ្គិសនីនៅផ្នែកខ្លះនៃឃុំអារក្សត្នោត និងឃុំព្រែកកក់ ស្រុកស្ទឹងត្រង់ ខេត្តកំពង់ចាម ។
-លោក វ៉ាត ណារុណ ទៅជាសហគ្រាស វ៉ាត ណារុណ ធ្វើសេវាកម្មអគ្គិសនីនៅផ្នែកខ្លះនៃឃុំទួលព្រះឃ្លាំង ស្រុកស្ទឹងត្រង់ និងផ្នែកខ្លះនៃឃុំស្រក ស្រុកកំពង់សៀម ខេត្តកំពង់ចាម ។
-លោក ឃៀង សុណាឌីន ទៅជាក្រុមហ៊ុន អេសប៊ី ផៅវ័រ សឹបផ្លាយ ឯ.ក សេវាកម្មអគ្គិសនីនៅឃុំសំបូរ ស្រុកសំបូរ ខេត្តក្រចេះ ។
-កញ្ញា មឿន ធាវី ទៅជាសហគ្រាស អគ្គិសនី ភី.វី ជាច ធ្វើសេវាកម្មអគ្គិសនីនៅផ្នែកខ្លះនៃស្រុកស្វាយអន្ទរ ស្រុកកំចាយមារ និងស្រុកកញ្ជ្រៀច ខេត្តព្រៃវែង ។
-លោក អ៊ិន ពៅ ទៅជាសហគ្រាស អ៊ិន ពៅ ធ្វើសេវាកម្មអគ្គិសនីនៅផ្នែកខ្លះនៃស្រុកស្វាយចេក និងឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ ។
ខ) ពិនិត្យ និងអនុម័តលើការផ្ទេរសិទ្ធិគ្រប់គ្រងអាជ្ញាបណ្ណពី៖
-លោក ដួង ណារិន ទៅឱ្យសហគ្រាស អគ្គិសនី ដួងណារិន ធ្វើសេវាកម្មអគ្គិសនីនៅផ្នែកខ្លះនៃស្រុកអង្គរជុំ ខេត្តសៀមរាប ។
-សហគ្រាស គង់ ហាក់ អេឡិកទ្រិក ផៅវ័រ ទៅឱ្យសហគ្រាស អគ្គិសនី ធីខេ ធ្វើសេវាកម្មអគ្គិសនីនៅផ្នែកខ្លះនៃស្រុកតាំងគោក ខេត្តកំពង់ធំ និងស្រុកចំការលើ ខេត្តកំពង់ចាម ។
-លោក តាន់ កង ទៅឱ្យលោកស្រី សៀវ នីរ៉ា ធ្វើសេវាកម្មអគ្គិសនីនៅផ្នែកខ្លះនៃស្រុកប្រាសាទបាគង ខេត្ដសៀមរាប ។
គ)កែសម្រួលម្ចាស់កម្មសិទ្ធិ និងប្ដូរឈ្មោះពីសហគ្រាស សំរិទ្ធ សុទ្ធី ខូ អិលធីឌី ទៅជាក្រុមហ៊ុន សំរិទ្ធ សុទ្ធី ខូ អិលធីឌី ធ្វើសេវាកម្មអគ្គិសនីនៅផ្នែកខ្លះនៃស្រុកស្រែអំបិល ខេត្តកោះកុង ។
ឃ)ពិនិត្យ និងអនុម័តការពង្រីកបន្ថែមអត្រាថ្លៃអនុគ្រោះពិសេស ជូនដល់អ្នកប្រើប្រាស់អគ្គិសនីប្រភេទរោងម៉ាស៊ីនកិនស្រូវ និងឡសម្ងួតស្រូវ ក្នុងតំបន់ផ្គត់ផ្គង់អគ្គិសនីដែលទទួលប្រភពពីបណ្តាញជាតិ ពីខែតុលា ឆ្នាំ២០២៤ ដល់ខែមករា ឆ្នាំ២០២៥ ៕

Facebook Page: អាជ្ញាធរអគ្គិសនីកម្ពុជា
https://www.facebook.com/eac.gov.kh

គេហទំព័ររបស់អាជ្ញាធរអគ្គិសនីកម្ពុជា
https://www.eac.gov.kh/

ថ្ងៃអង្គារ ៥រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២២ ខែតុលា ឆ្នាំ២០២៤