تنجيم

لإكمال بقية البيوت بمنشور آخر .
@a4lkl

- If I could represent Neptune in a song
this would be it .

نبتون بالبيت الثامن -
صعوبات حٍىْسيه ولربما شخص مُدمن للحٍىْس او اساسًا شخص غير مُهتم لطاقته الحٍىْسيه لانه مايعرف لذته شنو تحتاج ، التعرض للكثير من القضايا يلي رح تخسرون بيها وماعدكم اي حظ بالقضايا ابدًا، دائما كل قضيه تطلع عليكم لازم تكون ملعوبه صح ضدكم وهي مجرد لخداعكم لا اكثر .. اغلبكم يتعرض للنصب لما يجي ياخذ قرض او يستلم ورث هنا الورث رح نشوفه بحاله غريبه، ممكن ما تحصلون ورثكم بسهوله واذا حصلتوه ممكن تحصلون شي قليل منه، هنا رح تكون صعوباتكم واعيه كون ان البيت الثامن عكس الثاني عشر الثامن رح يخلي كل الصعوبات واعيه وداركين الها .. طاقتكم النفسيه هنا مشوشه كل فتره تمرون بازمات نفسيه اكدر اسمي حياتكم انها متعبه خصوصًا بعد الزواج ممكن حياتكم اغلبها رح تتحول من حال لحال ، لو جنتوا تحت ضغط نفسي رح تنفصلون عن العالم وتصيرون بغير تفكير يقودكم لخيالات واسعه جدًا ولأوهام كبييره، عندكم حدس عالي نفس حدس الأم ما ينخفى عليكم شي تعرفون الظاهر والمخفي بسهوله .. وعيكم النفسي جدًا ضايع وصعب تفهموه اكدر اوصفكم انتم الاكثر ضياع نفسيًا وكلما صرتوا تحت ضغط اكبر صرتوا اشخاص مُعاديه وما تنفهم من محيطها وتنعزلون وتنسحبون شوي شوي وتميلون لاخفاء سبب تعبكم

- نبتون الخامس -
أكدر اسميها بـ " الإنجراف بمشاعر كاذبه " .. جدًا سهلين بالعلاقات.. جدًا سهلين بالابتزاز العاطفي .. جدًا سهلين بالمشاعر المزيفه يلي تدخلون بيها للعلاقات، اغلب علاقاتكم فارغه تتعلقون بشده ب يلي تحبوهم واخر شي تنصدمون ان اساسًا هالشخص ما حبكم، ليش ؟ لانكم ماتفرقون بين الاعجاب والحب اي علاقه تدخلولها تفكرون ان خلص هالشخص يحبكم حيل واساسًا ماتدخلون علاقات الا لملئ الفراغ العاطفي وهنا كذلك احتمال ثاني ان هالشخص يدخل علاقاته لأجل سد النقص العاطفي يلي عنده، انتبهوا من هالتعلق وهالمشاعر اللا وجود الها يلي متخيليها بخيالكم وهيَ مُجرد وهم .. ممكن ايضًا تنطينا مشاكل بسيطه بالحمل ، ممكن يمرون بمواقف وهميه تجاه الحمل مثلا بداية حملهم يعتقدون شي عن الجنين وبعدين يكتشفون شي ثاني اصلا، احلامهم واسعه بالحب لذلك ينخدعون بالمشاعر بسهوله، بالحاله الثانيه هنا يكون شخص جدًا متلاعب ماهر بعلاقاته ويكدر يخرج ويطلع من كل علاقه بهدوء، ممكن ايضًا مايعرف شنو هو هوايته او شخص ضايع بين اهتماماته وشغفه بالحياة متكسر نوعًا ما لانه مايفهم هو شنو يملك من مواهب اساسًا،

- نبتون الرابع -
علاقته غريبه جدًا مع اهله، ممكن اكو سر كبير بالعائله هو مايعرف عنه او ممكن احد من اهله چذب عليه بموضوع يخص العائله او النسل وممكن للأن هو مايدري عنه، ممكن هو الطرف الضايع بين اهله يعجز يفهم اهله وتصرفاتهم وياه مايدري اذا هم يكرهوه او يحبوه او شنو بالضبط حتى وهو بين اهله يحس انه شخص مختلف عنهم ويحس انه ما ينتمي لأهله واحتمال ثاني ممكن انه متعلق باهله بشكل مبالغ .. كذلك نفس الحاله ، ممكن الاهل هنا ما يحجوله كل شي او يضمون عنه كلام وهو مايدري وهنا ماخذ دور الوسطاني المنبوذ بين عائلته ، ممكن علاقته بامه صعب تنفهم وتعاملها وياه متناقض .. ممكن شهد بطفولته على غرابة وتناقض امه وياه وعجز يفهمها حتى وهو كبير

- نبتون الثالث -
ممكن عنده مشاكل بالكلام او يخجل يتكلم مع الناس بكثره، لذلك يميل الى انه يكون غامض شوي بكلامه وقليل يتكلم مع الناس وممكن عنده مشاكل بالنطق، عنده حسّ تعبيري جبار بالكتابه وممكن يكدر انه يخترع قصص ونصوص مميزه جدًا وحتى روايات .. ممكن انه مبدع ك كتابه لكن ك كلام خجول جدًا وعنده مشاكل بالكلام .. شخص ممكن واجه مواقف بالمدرسه غيرت نظرته كامله عن الدراسه وصار ممكن عنده شوي نفور ولو بسيط تجاه المدرسه، علاقته ممكن سيئه باخوانه ممكن اخوانه مستهينين بيه ممكن يغفلوه عن هواي اشياء او خادعيه بكلام ، شخص مُعرض الى انه ينخدع عن طريق الكلام يلي يسمعه ممكن يعني ينتقل له كلام لكن هالكلام ابدًا مو صحيح، او ممكن الناس تغفله بكلامهم .. ممكن هو شخص متلاعب بكلامه ويكدر يحور الكلام بسهوله يكدر يخدع اي شخص بكلام ويقنعه بكلام لذلك هو متلاعب ماهر بالكلام !

- نبتون الثاني -
العديد من الانخداع بالاموال وكثرة مقابله النصابين والنصب والاحتيال بالمال ممكن هنا رح يكون عليه صعوبه بكسب المال لانه اصلًا بصعوبه يجيبها بسبب التبذير وعدم السيطره على المال يعني يجيب فلوسه منا تروح هناك ابدًا ما مستقر مع امواله، ادمان عادات غريبه تدخل الفم وممكن ببعض الاحيان تدل على شخص مدمن للمحْدرات ولكن هالدلاله لو باقي الخريطه تساعد .. لكن المهم هالشخص مدمن اشياء تدخل للفم وعادات غريبه دخلها لفمه مثل قضم الاضافر .. صعوبة ثقته بنفسه وصعب يسيطر على امواله، انتبهوا من الانخداع بالفلوس لانكم معرضين لنسبه كبيره من النصب .. ممكن كذلك شهد على حالة فقر او مر بحالة فقر او جوع لمده طويله لهذا السبب رح تضل بيه عقدة الفقر ف رح يكون مايسيطر على امواله بصوره صحيحه، وممكن ببعض الاحيان تنطي شخص بخيل حتى ما يرجع للفتره يلي جان بيها

- نبتون الاول -
اشخاص ممكن عانوا انهم يفهمون شخصيتهم ، اشخاص يحسون انهم ضايعين مايعرفون نفسهم شنو تحتاج وولا يكدرون يفهمون ذاتهم ابدًا، يحسون ان بداخلهم ضبابيه صعب يفهموها يحسون ان شخصيتهم ضبابيه جدًا وعُمقهم مجهول، يحسون ان هويتهم مجهوله ونظرتهم للعالم دائمًا خارجه عن الصندوق، الحلو بيهم ان كلما كبروا يزداد جمالهم وتبرز ملامحهم اكثر والسبب انهم بداية حياتهم ما يتقبلون شكلهم ابدًا ف مع زيادة العمر تبرز الملامح، اغلبهم ملامحهم مميزه جدًا وبيهم شي غريب تحسون انكم ودكم تتعمقون بيهم لكن شي يمنع، دائما يتسائلون " منو اني " ؟ ، " منو اكون " ؟، " فعلًا هذا مكاني " ؟ ، دائمًا يحسون انهم ما ينتمون لمكانهم ابدًا ولا ينتمون لعالمهم، ويحسون ان شيء مخفي حولهم، ادمان للاهتمام بالنفس.. كذلك هنا ينطيهم انهم ممكن اول صدمه اجتهم بسبب التعليق على شكلهم او ذم شيء بشكلهم ومظهرهم او بشخصيتهم لذلك رح تضل وياهم عقده مستمره الى ان يصلحوها

نبتون :
نبتون كوكب الضياع ، كوكب الوهم وعدم الوضوح ، كوكب الضباب وكوكب الخداع والادمان والغُربه، كوكب الابتزاز والخسارات ، وهو المكان يلي رح تضل باستمرار تنخدع منه بحياتك ومارح يكون واضحلك الى ان تفهم غايته ..

- كوكب نبتون بالبيوت الفلكية
- Neptune in astrological houses .

مَـارس ( كوكب المريـخ)
ينتقل من الاسد الى السرطان
ويتراجع مسبب للبعض خمول مشاكل متعلقه بالغضب،كسل وراح يستمر لمده ايام ..

#تحليل
زُحـل ثالـث بالسنويـه :


وجود زحل في أي بيت بالسنويه راح يأثر فيه ويجلب له الصعوبات والدروس بحسب معاني البيت الواقع فيه واليوم راح نتكلم عن وجوده في البيت الثالث وكيف راح يأثر في معاني البيت الثالث تشـمل بشـكل عـام: التواصل/الدراسه/الاخوه/الاقارب/الجيران/العلاقات الأجتماعيه/الأجهزه. راح يسبب في البدايه للشخص صعوبات بالكلام ممكن تأتأه او راح يحس الشخص بثقل وقت الكلام ويخليه يفكر اكثر من مره قبل لا يقول كلامه وبيفضل الصمت اكثر لان ممكن راح يحس الشخص بذي السنه ان مافي شخص يفهمه او يحس بصعوبه بالتعبير عن الي بداخله وايضا راح يصير جمود او برود او مشاكل بعلاقات الشخص مع اخوانه ممكن راح يفضل يبتعد عنهم أكثر او سوء فهم مستمر معهم طوال السنه..وايضا مع جيرانه واقاربه ممكن تكثر المشاكل عنده معهم او بيفضل يبتعد عنهم اكثر او بيكثر سوء الفهم بينهم وبينه وبيصير للشخص صعوبات بالفهم او الحفض خصوصا عند الدراسه مثلا راح يصير عنده صعوبه بحفض المواد او يصير عنده شكوك لما يقرأ او يحفض وممكن راح يخليه يتعب اكثر عن قبل بدراسته او يسبب له تراجع بدراسته وممكن تصير عنده مشاكل مع زملائه في الدراسه او المدرسين بشكل عام .. وراح يعاني مع الأجهزه ممكن تعطلات مفاجئه في اجهزته/السياره ايضا بيواجه معها مشاكل عده..وراح يصير الشخص يلجأ اكثر للخيال من الواقع لأن هنا راح يحس الواقع مؤلم له و بيصير اكثر سرحان بخياله.. وأصحاب زحل ثالث بيكونون اكثر اشخاص صعب عليهم التركيز واكثر عرضه للتشويش وبيكون عندهم صعوبه بأتخاذ القرارات وبيعشون في حجيم افكارهم وخيالاتهم بتكون اغلبها سلبيه خصوصا لو أقترن زحل ثالث مع نبتون او اذا كان زحل في الحوت/سرطان .

#حاليا !
الزُهـره في تربيع مع أوروانـس كوكب الحب وكوكب المفاجأت بأتصال سلبي...
وبيستمر لنهايه الشهر راح يسبب توترات بالعلاقه واشياء مفاجئه ممكن ارتباط/انفصال/طلاق/وحماس/وشغف بالعلاقات /اعجابات أو ارتباط مفاجأ💡
حاولوا الانتباه هلفتره من التعجل في اتخاذ القرارات خصوصا العاطفيه .

📍#نلاحظ دائما في ناس يمرون بتجارب سيئه يوم عِيـد ميـلادهُم(يوم الولاده) أو تصبح مشاعرهم ثقيله٫او غير مفهومه او تصيرلهم حوادث٫ واشياء غريبه التفسير٫في يوم ميلادهم
والسبب....
يرجـع ألى ان اغلبهم "شَمسهم" 🌔
تقع في بيوت مثـل(4.12.8) وبعد عبور الشمس عليهم في يوم ميلادهم ترجع الشمس الى المكان الأصلي في البيوت المضلمه والعميقه مما يسبب لهم هاذه المشاعر العميقه والتغييرات الجذرييه والحوادث والحزن او الأكتاب أو المرور بأشياء سيئه .