✎
♡Femra është pjesë e jetës së një mashkulli dhe jo qendra e saj.
♡Burri është qendra e jetës së një gruaje(nëse janë të martuar).
Për një grua, pas detyrave të saj ndaj Allahut, burri i saj është qendra e jetës. Trajtimi i saj ndaj tij, përkushtimi i saj dhe të qenit i kënaqur ose i pakënaqur me të, është një arsye që ajo të hyjë në Xhennet ose Xhehenem. Kjo është pas përmbushjes së pesë namazeve të saj ditore dhe tjera,siç thuhet në hadith:
🌷Thotë i Dërguari i Allahut ﷺ:
“Kur gruaja fal pesëshen (namazet) e saj, agjëron muajin e saj, ruan nderin e saj,dhe i bindet burrit të saj,i thuhet asaj: Hyr në Xhennet nga cila derë të duash.”
(Trasmeton Ibn Hibani,Albani e saktëson në Sahih el Xhami)
⚠️Hadithi nuk thotë BURRA, ai thotë nëse një grua..
Elhamdulilah,
sa të lehtë ia ka bërë Allahu ﷻ gruas rrugën e fitimit të Xhennetit dhe sa shumë ia vështirësojnë disa vetes.
Nga ana tjetër, një mashkull ka shumë përgjegjësi dhe detyra të tjera.Pas obligimeve ndaj Allahut,ai ka obligimet ndaj prindërve të tij, obligimet ndaj ummetit,për kërkimin e diturisë,për kërkimin e rrizkut,obligimin për t'u kujdesur në çdo aspekt për familjen e tij, obligimet e tij për mbrojtjen e Islamit dhe lista mund të vazhdojë shumë e gjatë..
Ne duhet të largohemi nga ky këndvështrim modernist që e vendos gruan në qendër të botës, sikur gruaja është mbi burrat.Madje po marrin dhe të drejta që janë obligime të burrave.Disave veç emri ju ka mbetur gra,sepse edhe veprat po i bëjnë sikur burrat,veten po e rëndojnë,po sfiliten aq sa po harrojnë se duhet të edukojnë,përkujdesen për fëmijët e burrin!
Mes nesh nuk do të ketë më kurrë burra si Ebu Bekri, Umeri, Aliu, Uthmani, Talha, Halid apo Ebu Ubejdeh e tjerë sahabë,(Allahu qoftë i kënaqur me të gjithë ata) por muslimanë të mirë gjithmonë do të ketë,ashtu siç do të ketë edhe muslimane të mira që e vlerësojnë vendin e nderuar që Allahu i dha në këtë botë,por edhe pranë burrit të saj.
Ndaj nuk i takon mashkullit që synim kryesor mbi çdo gjë të ketë kënaqjen e gruas së tij.Gjithsesi ato janë një pjesë plotësuese për jetën e tij,për imanin,familjen dhe padyshim janë shumë të rëndësishme. Synimi kryesor i çdo mashkulli duhet të jetë përmbushja e të gjitha obligimeve të tij(ku përfshihen dhe obligimet ndaj gruas)për të fituar kënaqësinë e Allahut dhe për të qenë pjesë e kthimit të këtij umeti në ditët e kaluara të lavdishme edhe një herë.
Ummeti përmirësohet kur zgjedh burri një grua të mirë e fetare,që e lartëson veten me virtyte e morale të larta,që adhuron Allahun,që edukon breza të hajrit,që përhap të mirën e i largohet sherreve e intrigave,që ruan "fytyrën" e burrit të saj ,dhe është falënderuese për mirësitë ndaj Allahut së pari,pastaj edhe ndaj bashkëshortit.
Fundja Islami i ka qartësuar vendet dhe pozitat e secilit prej bashkëshortëve dhe mjafton vetëm t'i respektojmë ato. Të gjithë do jenë të kënaqur me jetën e tyre(edhe pse mund të ketë sprova në këtë botë),InshaaAllah të kënaqur do jenë edhe në Akhiret.
Harrojeni feminizmin!
Ajo rrugë e bën femrën si plaçkë,si mall pa vlerë por Islami e ka venë atë në një pozitë shumë të lartë e të nderuar.
Elhamdulilah🩷
https://t.me/dobiislamemjeksore
