Dire Soccer

ኦማር ማርሙሽ

"እዚህ በመሆኔ በጣም ደስተኛ ነኝ። ማንቸስተር ሲቲ ላለፉት 10 አመታት በአለም ላይ ካሉ ትልልቅ ክለቦች አንዱ ነው ስለዚህ ጥያቄ አልነበረም።

"ክለቡ ለእኔ ፍላጎት ያሳየኝ ክብር ነው እና አሁን እዚህ ነኝ። ያለፉት ሁለት ወቅቶች በጣም ጥሩ ነበሩ፣ ግን ለእኔ ገና ጅምር ነው።

"ለእኔ እና ለቤተሰቤ ማንቸስተር ሲቲን መወከል ደስታ እና ክብር ነው። ደስተኛ ያደርጋቸዋል; ህልሜ እውን እየሆነ በመምጣቱ ደስተኛ ያደርገኛል። በጣም ተደስቻለሁ እናም ከቡድን አጋሮቼ ጋር ለመገናኘት ፣ሜዳ ላይ ገብቼ ጉዞዬን ከክለቡ ጋር እስክጀምር ድረስ መጠበቅ አልቻልኩም። "

SHARE  ||  https://t.me/diresoccer

የጂግጂጋው ተስፋኛ ወጣት !

የብዙ ተጫዋቾች እና አሰልጣኞች መፍለቂያ የሆነችው እና ብዙ ሲባልላት የማይሰማላት ጂግጂጋ እንደ አይድሩስ ሀሰን አይነት የነገ ተስፈኞ አሰልጣኞችን እያስመልከተች ምትገኝ ከተማ ነች ።

በጂግጂጋ ከተማ ተወልዶ ያደገው እና ከፕሮጀክት እስከ ኢትዮጵያ ከፍተኛ ሊግ ድረስ ተጫውቶ ያሳለፈው አይድሩስ ሀሰን በአሁን ሰዓት ተወልዶ ባደገባት ጂግጂጋ ከተማ ለታዳጊ ወጣቶች ስልጠና በመስጠት ላይ ይገኛል ።

በትምህርት ዝግጅበአድሚንስትሬሽን የዲግሪ ምሩቅ  የሆነው እና የካፍ ላይሰንስ ባለቤቱ አይደሩስ በፕሮጀክት እና በክለብ ደረጃ ያሰለጠኑትን አሰልጣኝ  ወንድዬ ጫኔ እና አበራ ሂርጳን ፈለግ ተከትሎ ካራማራ የሚባል ታዳጊዎችንና ካራማራ የሚባል ክለብን በስሩ ይዞ ስልጠና እየሰጠ ይገኛል ።

አይድሩስ ሀሰን በሚቀጥሉት ጥቂት አመታት ውስጥ በትላልቅ የሀገራችን ክለቦች ውስጥ ልንመለከታቸው ከምንችላቸው የምስራቅ ኢትዮጵያ ወጣት አሰልጣኞች አንዱ እንደሚሆን ተስፋ እያደረግን የዛሬ ዳሰሳችንን አበቃን ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ሃሪ ማጓየር

"አንበል ብሆንም ባልሆንም እራሴን የምመለከተው እንደመሪ ነው።" ሲል ከዛሬው የዩሮፓ ሊግ ጨዋታ በፊት ተናግሯል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ቼልሲ ትውልደ ኢትዮጵያዊቷን ተጫዋች ናኦሚን ግርማን ሪከርድ በሆነ ዋጋ አስፈርሟል

ትውልደ ኢትዮጵያዊቷ የአሜሪካ ብሄራዊ ቡድን የተከላካይ ስፍራ ተጫዋች ናኦሚ ግርማ በ1ሚሊየን ዶላር የፊርማ ክፍያ ሰማያዊዎቹን ተቀላቅላለች

ይህ ዋጋ በሴቶች የዝውውር ታሪክ ትልቁ ክፍያ ነው።

©Arada Sport

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

አርቴታ ስለ ሉዊስ-ስኬሊ፡-

"እሱ ዕድለኛ ተጫዋች ነው የተሰጠውን ዕድል በሚገባ ተጠቅሟል።" እሱ ተሰጥኦ እና ትልቅ ስብዕና አለው።" ሲል የመድፈኞቹ አለቃ ማይክል አርቴታ ተናግሯል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ኦሊጉነር ሶልሻየር ቤሺክታሽን በመራበት በመጀመሪያ የአሰልጣኝነት መንበሩ በዩሮፓ ሊግ አትሌቲኮ ቢልባኦን 4ለ1 በሆነ ውጤት አሸንፏል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ሊያንድሮ ትሮሳርድ :-

የአርሰናሉ ተጫዋች ሊያንድሮ ትሮሳርድ ከዛሬው ጨዋታ በፊት "እዚህ በጣም ደስተኛ ነኝ እና አሁንም ነገሮችን እዚህ ማሸነፍ እፈልጋለሁ።" ሲል ተናግሯል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

|| የተረጋገጠ :- ናፓሊዎች ኦሲሜን እና 15 ሚሊየን ዩሮ ጨምረው ጋርናቾ ለማስፈረም አዲስ የተሻሻለ ጥያቄ አቅርበዋል።

©Sky Sport

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ቦርሲያ ዶርትሙንድ ዋና አሰልጣኙን ኑሪ ሳሂን አሰናብቷል።

SHARE  ||  https://t.me/diresoccer

ዳሰሳችን - በድሬ ሶከር

የኢትዮጵያ የዝውውር ስርአት ለክለቦች ምን ጥቅም ይሰጣል ……?

የኢትዮጵያ እግርኳስ ችግሮች እና የመፍትሄ አቅጣጫዎች ላይ ትኩረቱን የሚያደርገው ሳምንታዊ የዳሰሳ ፕሮግራማችን ዛሬም በአንድ ርእስ ላይ ዳሰሳ ያደርጋል ።

ባሳለፍነው ሳምንት የሀገራችን ክለቦች ከመንግስታዊ ንብረትነት ተላቀው የራሳቸው አደረጃጁት ሊፈጥሩ ይገባል የሚል የመፍትሄ አቅጣጫ ያለው ዝግጅት ማቅረባችን ይታወሳል ዛሬ ደግሞ ክለቦች ከተጫዋቾች ግብይት ምን ያተርፋሉ የሚለውን ጉዳይ እንመለከታለን !

የኢትዮጵያ ፕርሚየር ሊግ ፣ ከፍተኛ ሊግ ፣ አንደኛ ሊግ እንዲሁም የዲቪዚዮን ክለቦች የተጫዋቾችን የዝውውር ገበያ የሚጠቀሙበት ስርአት እንዴት ያለ ነው ? ዝውውሮቹ ተጫዋቾችንና ክለቦችን የሚያስተሳስርበት መንገድ ትክክል ነው ወይ ?  የሚለውን የመግቢያ ጥያቄ ይዘን ወደ ዝርዝር ጉዳዮች እንለፍ ።

በአለም ላይ የሚገኙ ክለቦች ገቢ ከሚያገኙባቸው መንገዶች አንዱ ከተጫዋች ዝውውር የሚያገኙት ገቢ እንደሆነ ይታወቃል ። በእግር ኳስ ስፖርት ካደጉት ሀገራት መካከል የእንግሊዝንና ስፔንን ተሞክሮ ብንመለከት በሁለቱም ሀገራት በውድድር ላይ የሚሳተፉ ክለቦችን የፋይናንስ ሁኔታ ሚከታተሉ እና ወጪአቸውን ከገቢያቸው ጋር አስተያይተው  ክለቡ ኪሳራ ከገጠመው የፋይናንስ ሁኔታቸው እስኪስተካከል ድረስ ምንም አይነት የተጫዋች ዝውውር እንዳይፈፅሙ እግድ ሚጥል ተቋም አቋቁመዋል ።

ከፕሮጀክት እስከ ክለብ ድረስ ግልፅ የሆነ መዋቅራዊ አሰራር የሌላት ሀገራችን ከተጫዋቾች እና ባለሞያዎች ገቢ የሚያስገኝ የአሰራር ሂደት ከመከተል ይልቅ ለተጫዋቾች እና ለባለሞያዎች በመቶ ሺዎች ክፍያ መክፈል እና አጭር ኮንትራት በመስጠት የዝውውር ገበያውን ለደላሎች እና ስፖርቱን ለግል ጥቅም ለሚያውሉ ግለሰቦች ክፍት ማድረግን መርጣለች ።

ተጫዋች በነፃነት ሚደራደርበት ፣ ደላሎች እና ጥቂት ግለሰቦች የሚፈነጩበት ፣ ተጫዋች ከአንድ ወይም በዛ ቢባል ከሁለት አመት ያላለፈ የኮንትራትራት ፊርማ የሚያሰፍርበት ፣ ክለቦች ደሞዝ መክፈል እንዲሁም የሆቴል ክፍያ መፈፀም አቅቷቸው የመጓጓዣ ባሳቸው የሚያዝበት እና ለህግ የሚቀርቡበት ሀገር ቢኖር ኢትዮጵያ ከቀዳሚዎቹ ሀገራት አንዷ ሳትሆን አትቀርም ።

የእነዚህ መሰረታዊ ችግሮች መነሻ የግብይት ጉዳይ ባይሆንም ድርሻው ግን የማይናቅ ነው ። የሀገራችን ክለቦች መሰረታዊ ችግር ገቢ እንደሆነም ይታወቃል ። የመጀመሪያው የገቢ ምንጭ ደግሞ የዛው ክለብ ተጫዋች ነው ።

አለም ላይ ያሉ አካዳሚዎች ለታዳጊዎች ስልጠና ሲሰጡ ክፍያ ያስከፍላሉ ታዳጊውን አጎልብተው ይሸጣሉ ወደ ክለቦች ስንሄድ ተጫዋች በትንሽ ዋጋ ተገዝተው ብቃቱ ጥሩ በሆነ ሰዓት በትልቅ ዋጋ ይሸጣሉ በሀገራችን ኢትዮጵያም ይህ አይነት ህግ እና ስርአትን የተከተለ አሰራር ወቶ ከታች እስከ ላይ ባለው የእግር ኳስ አደረጃጀት ላይ ተግባራዊ ቢደረግ እና የክለቦች ቀዳሚ ገቢ ማምጫ ተጫዋች ቢሆን መልካም ነው የሚለውን የመፍተሄ ሀሳብ አቅርበን እናንተስበጉዳዩ ላይ ምን ትላላቹ የሚለውን ጥያቄ በማቅረብ የዛሬ ዳሰሳችንን አበቃን ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

አርቴታ

"ካልፊዮሪ እና ንዋኔሪ ተመልሰዋል... ይሄ በጣም ጥሩ ዜና ነው። ለጨዋታው ዝግጁ ይሆናሉ።"

"ሳሊባ ባለፉት ጥቂት ቀናት በጥሩ ሁኔታ እየተሻሻለ ነው, ነገር ግን ይህ ጨዋታ ለእሱ ትንሽ ቀደም ብሎ ነው የመጣው።"

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ከግብፅ ዋና ከተማ ካይሮ እስከ እንግሊዟ ምድር ማንችስተር !

የ18 ዓመት ልጅ ሳለ የትውልድ ሀገሩ  ግብፅ ዋና ከተማ ከሆነችው ካይሮ  ወደ ትንሿ የጀርመን ከተማ ወልፍስቡርግ  የተደረገው ሽግግር ለማርሙሽ ምርጥ ዕድልን የፈጠረችለት አጋጣሚ ነበረች። የመጀመሪያ የእግር ኳስ ህይወቱ የጀመረዉ የካይሮ የወጣቶች ክለብ ከሆነዉ ዋዲ ዴግላን ነዉ እዛ ሳለ ጥሩ ብቃቱን አሳየ ያኔ ወደ ዋናዉ ቡድን ዋዲ ዴግላን በ 2017/18 ተቀላቀለ።

ማርሙሽ ከወልፍስበርግ የቀረበለትን ጥያቄ ተቀብሎ በሚቀጥለው ክረምት ወደ ጀርመን አቀና።  መጀመሪያ ላይ በተቀያሪ ወንበር ላይ በመሆን ሁለት ሲዝኖችን አሳልፏል ይህ ሲዝን እሱን በሚገባ የቀረጸው እና የአዕምሮ ጥንካሬውን የሚያሻሽልበት ወቅት ነበር። ወደ ወልፍስቡርግ ከተዘዋወረ በኃላ ጀርመንኛ ቋንቋ ለመልመድ በጣም ተቸግሮ ነበር። ይህ ለሱ አስቸጋሪ ግዜ ነበር።

በወልፍስበርግ 3 የዉድድር አመታትን ከቆየ በኃላ በዉሰት ዉል ለ st pauli እና ለ ስቱትጋርት መጫወት ችሏል። በመቀጠል በነፃ ኮንትራት ወደ ኢንትራክት ፍራንክፈርት ያቀናዉ ግብፃዊዉ ተጨዋች ያኔ ነበር የብዙ የአዉሮፓ ክለቦች አይን ዉስጥ መግባት የቻለዉ።

በመጀመሪያ የፍራንክፈርት የዉድድር አመቱ በ 41 ጨዋታዎች 17 ጎሎች አስቆጥሮ 6 ኳሶችን ለቡድን አጋሮቹ አመቻችቶ ማቀበል ችሏል። ቀስ በቀስም ቁጥሮቹን እያሳደገ መሄድ ችሏል።

የተጨዋቹ ጠንካራ ጎኖች ተብለዉ ሊዘረዘሩ የሚችሉ ነገሮች በዋነኝነት የሚጠቀሰዉ ቦታ አያያዙ እና ቡድኑ በሚያጠቃ ግዙ የሚያሳልፋቸዉ ቆራጥ ዉሳኔዎች ናቸዉ። ተጨዋቹ በተጨማሪም በጠባብ ስፔሶች ተከላካዮችን የማለፍ ብቃቱ ለካዉንተር የተመቸ ተጨዋች መሆኑ በተጨማሪም ኳስን አክርሮ በመጠለዝ የማስቆጠር ክህሎት አለዉ ፈጣን ድሪብለርም ነዉ ይህ ከሃላንድ እና ሲቲ ከሚገኙ ሌሎች ኮከብ ተጨዋቾች ቀጥሎ ለማንችስተር ሲቲ ይዞ የሚመጣዉ ሌላ ጥቅም አለ !

ማርሙሽ በፍራንክፈርት በሁሉም ዉድድሮች በዚህ ሲዝን 25 ጨዋታዎች አድርጎ 19 ጎል እና 11 አሲስት ማስመዝገብ ችሏል።

ተጨዋቹ በሲቲ 7 ቁጥር ማልያ ይለብሳል ተብሎ እየተጠበቀ ይገኛል።

©4-3-3 Sport

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

እንግዳችን በድሬ ሶከር - ይነበብ መዝገቡ

በሚቀጥሉት ጥቂት አመታት በፕርሚየር ሊግ እና በብሄራዊ ቡድን ደረጃ ይጫወታሉ ተብለው ተስፋ ከተጣለባቸው ወጣት ተጫዋቾች መካከል የድሬዳዋ ፖሊስ እግር ኳስ ክለብ የጎል ማሽን የሆነው የመልካ ጀብዱው ግኝት ይነበብ መዝገቡ የዚህ ሳምንት ተረኛ እንግዳችን ነው ። ከዛሬ እንግዳችን ይነበብ መዝገቡ ጋር ያደረግነውን ቆይታ እንድትከታተሉ በመጋበዝ ወደ ቆይታችን አመራን !

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ከታሪካችን ማህደር - በድሬ ሶከር

ወርቃማው ትውልድ በአፍሪካ ዋንጫ ሲነግስ

ኢትዮጵያ በእግር ኳስ ደማቅ ታሪክ የፃፈችበት ድሬዳዋ አምስት ቋሚ ከዋክብቶችን በፍፃሜ ያፋለመችበት ሶስተኛውን የአፍሪካ ዋንጫ በዛሬው ከታሪክ ማህደራችን ልናስታውስ ወደድን ።

ጊዜው በቀዳማዊ ንጉስ ሀይለ ስላሴ ዘመነ መንግስት ጥር 13 / 1954 ዓ/ም ኢትዮጵያ የሶስተኛውን የአፍሪካ ዋንጫ እንድታስተናግድ ተመራጭ ሀገር ሆነች ።

ያሁኑ አዲስ አበባ ስታዲየም የቀደሞ ቀዳማዊ ሀይለ ስላሴ ስታዲየም በአራት ሀገራት መካከል የሚደረገውን ሶስተኛውን የአፍሪካ ዋንጫ የሚያስተናግደው ስታዲየም ነበር ኢትዮጵያ ፣ ቱኒዚያ ፣ ግብፅ ፣ እና ዩጋንዳ ደግሞ የዚህ ታላቅ የእግር ኳስ ድግስ ተካፋይ ሀገራት ናቸው ።

ኢትዮጵያ ባስተናገደችው ሶስተኛው የአፍሪካ ዋንጫ የነበረው የውድድር ስርዓቱ አንድ ጨዋታ ያሸነፈ ( በጥሎ ማለፍ ) በቀጥታ የዋንጫ ተፋላሚ እንደነበር ገፃችን ያገኛቸው የታሪክ መዛግብቶች ያስረዳሉ ። በዚህም መሰረት ውድድሩ ጥር 6/1954 ዓ/ም ኢትዮጵያ ከ ቱኒዚያ ባደረጉት የመክፈቻ ጨዋታ ጅማሮን ሲያደርግ ጨዋታውንም ኢትዮጵያ 4ለ2 በማሸነፍ ለፍፃሜ አለፈች ።

የኢትዮጵያን የማሸነፊያ ግቦች ሉቺያኖ ቫሳሎ ሁለት ግርማ በቀለ እና መንግስቱ ወርቁ አንድ አንድ ግቦች በማስቆጠር ዋሊያዎቹን ለፍፃሜ አሳለፉ ።

በሌላኛው ጨዋታ ጥር 10/1954 ዓ/ም ግብፅ ኡጋንዳን 2ለ1 በማሸነፍ ለፍፃሜ አለፈች ።

የፍፃሜ ጨዋታ ኢትዮጵያ ከ ግብፅ አሁድ ጥር 13/1954 ዓ/ም ቀዳማዊ ሀይለ ስላሴ ስታዲየም በተመልካቾች ሲሞላ ቀዳማዊ ሀይለ ስላሴ የእለቱ የክብር እንግዳ ናቸው ።

በይድነቃቸው ተሰማ እየተመራ የፍፃሜ ጨዋታውን ለማከናወን ወደ ሜዳ የገቡት ዋሊያዎቹ ዲላ ሚካኤል ተስፋ ማርያም ፣ ክፍሎም አርያ ፣ አስመላሽ በርሄ ፣ በርሄ ጎይቶም ፣ አዋድ መሀመድ ፣ ተስፋዬ ገ/መድን ፣ ሉቻኖ ቫሳሎ ፣ ኢታሎ ቫሳሎ ፣ ግርማ ዘለቀ ፣ መንግስቱ ወርቁ እና ጌታቸው ወልዴ ቋሚ ተሰላፊዎች ናቸው ።

ጨዋታው በተጀመረ በ35ኛ ደቂቃ አብዱል ፈታ በደዊ የቀዳማዊ ሀይለ ስላሴን ስታዲየም ፀጥ የረገበት ግብ አስቆጥሮ ግብፅን መሪ አደረገ ።

ከእረፍት መልስ በግርማ ዘለቀ ተቀይሮ ወደ ሜዳ የገባው ተክሌ ኪዳኔ በ74ኛ ደቂቃ ግብ አስቆጥሮ የስታዲየሙን ደጋፊ ነፍስ ዘራበት ኢትዮጵያንም አቻ አደረገ ።

ጨዋታው ብዙም ሳይገፋ አብዱል ፈታ በደዊ ግብፅን መሪ ያደረገች ንጉሱን ጨምሮ በስታዲየሙ የታደሙ ደጋፊዎችን ውጥረት ውስጥ የከተተች ግብ አስቆጠሮ ሀገሩን መሪ አደረገ ።

በ85ኛ ደቂቃ የዋሊያው አምበል ሉቺያኖ ቫሳሎ ኢትዮጵያን ወደ ተስፋ ደጋፊውን ደግሞ ወደ ፈንጠዚያ ያሻገረች ግብ አስቆጠረ መደበኛ የጨዋታ ሰአትም 2 አቻ በሆነ ውጤት ተጠናቆ ጨዋታው ወደ ጭማሪ ሰዓት አመራ ።

በ101ኛ ደቃቃ ኢታሎ ቫሳሎ ኢትዮጵያን መሪ ያደረገች ግብ አስቆጥሮ ስታዲየሙን በደስታ ደበላለቀው ጨዋታው ሊጠናቀቅ 3 ደቂቃዎች ሲቀሩት በ117ኛው ደቂቃ ስምንት ቁጥር ለባሹ መንግስቱ ወርቁ አራተኛ ግብ አስቆጥሮ ኢትዮጵያን የዋንጫ ባለቤት አደረገ ።

በፍፃሜው ጨዋታ በብሄራዊ ቡድናችን በኩል ከገቡት ቋሚ አስራ አንድ ተጫዋቾች አምስቱ ከሀረርጌ( ድሬዳዋ ) የተመረጡ ሲሆን  አስመላሽ በርሄ ፣ ግርማ ዘለቀ ፣ ጌታቸው ወልዴ ፣ ሉቺያኖ ቫሳሎ ፣ ኢታሎ ቫሳሎ ናቸው ።

ኢትዮጵያ አስተናግዳ የዋንጫ ባለቤት የሆነችበትን ሶስተኛውን የአፍሪካ ዋንጫ ደማቅ ታሪክ ከታሪክ ማህደራችን ያሰናዳነው ፕሮግራም ይህንን ይመስል ነበር በቀጣይ ሳምንት በሌላ ዳሰሳ እስከምንገናኝ ያንን ወርቃማ ትውልድ ስራ ለመመለስ ምን መሰራት አለበት የሚለውን የመፍትሄ ሀሳብ በሀሳብ መስጫችን ላይ አስቀምጡልን ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ድሬ ሶከር  :-  በአሁን ወቅት ድሬዳዋ ላይ በታችኛው እና በላይኛው የዲቪዚዮን እርከን ላይ ውድድር የሚያደርጉ ክለቦች እንዳሉ ይታወቃል በእርሶ እይታ እኚህ መጋቢ ክለቦች በትክክለኛ የእድገት ሰንሰለት እየተጓዙ ነው ብለው ያምናሉ ? ካልሆነስ ችግሩ ምኑ ጋር ነው ?

ሻ/ም ሀይሉ  :- አዎ ትክክል ነው ክለቦቹ በዙ ናቸው ግን በጣም የሚያበሳጨው ነገር ሁሉም ክለቦች በሚባል ደረጃ የሰፈርተኝነት ክለቦች ናቸው ከታች እስከ ላይ ያሉ ክለቦች በሙሉ የአደረጃጀት ችግር አለባቸው እንደ ሞያተኛ ሆኜ ሳየው የአደረጃጀት ችግራቸውን ካስተካከሉ ጥሩ እድገት ይኖራል ብዬ አስባለው በአሁን ሰዓት ያለው የድሬዳዋ እግርኳስ ፌደሬሽንም ጠንካራ ስለሆነ እኔም እዛ ውስጥ እየሰራው ስለሆነ ደስታ ይሰማኛል ጥሩ ስራዎችን እየሰራን ነው ።

ድሬ ሶከር  :-  በመጨረሻ ማስተላለፍ ሚፈልጉት መልእክት ካሎት ወይም ማመስገን የሚፈልጉት አካል ካለ ?

ሻ/ም ሀይሉ  :-  በመጨረሻ አሁን ያለው እግርኳስ ፌደሬሽን እየሰራ ያለውን ጠንካራ ስራ እንዲቀጥል ክለቦች ህጋዊ የማሰልጠኛ ፍቃድ ያላቸውን አሰልጣኞች ላይሰንስ አይቶ ወደ ቡድኑ ቢቀላቅል የተሻለ ነው እላለው ፣ ማመስገን የምፈልገው ከእናንተ ጋር ላገናኘኝ እና ላስቬጋዝ ያለው ማርቆስ ፀጋዬ አሜሪካ ያለው ሀብቴ ሁልጊዜ እነሱ ናቸው ሚረዱኝ እነሱን ላመሰግን እወደላው ሁልጊዜ ከጎኔ ለሆኑት ቤተሰቦቼ እና የምስራቅ ዕዝ ደረጃ 3 አዛዥ ኮለኔል ብርሀኑ ምስጋናዬን ላቀርብ እፈልጋለው እናንተም አስታውሳቹኝ ኢሄንን ቃለ መጠይቅ ስላረጋችሁሉኝ ልባዊ ምስጋናዬን ላቀርብ እወዳለው ለመላው የስፖርት ቤተሰብም ምስጋናዬን ላቀርብ እወዳለው አመሰግናለው ።

ድሬ ሶከር  :-  እኛም እናመሰግናለን ።

ለተጨማሪ መረጃ የፌስቡክ ገፃችንን https://m.facebook.com/diresoccer ይቀላቀሉ

እንግዳችን በድሬ ሶከር - ሻ/ም ሀይሉ ግዛው

ከቀደምት የእግርኳስ ባለታሪኮቻችን መካከል አንዱ የሆኑት እና የቀደሞ የኦጋዴን አንበሳ ተጫዋች እንዲሁም የድሬዳዋ ጨርቃጨርቅ እና ድሬዳዋ ከነማ አሰልጣኝ የነበሩት ሻ/ም ሀይሉ ግዛው የዛሬው እንግዳችን ናቸው ። ከተጫዋችነት እስከ አሰልጣኝነት በብዙ ክለቦች ቀላል ማይባል የእግርኳስ ቆይታን ካደረጉት ከሻ/ም ሀይሉ ግዛው ጋር ያደረግነውን ቆይታ እንድትከታተሉ ጋበዝን ።

ድሬ ሶከር :- ሙሉ ስም ?

ሻ/ም ሀይሉ :-  ሻ/ም ኃይሉ ግዛው በቀለ

ድሬ ሶከር :- የትውልድ ዘመን ?

ሻ/ም ሀይሉ :- ደቡብ ምዕራብ ሸዋ በቾ

ድሬ ሶከር :- እግርኳስ ጨዋታን እንዴት ጀመሩ ?

ሻ/ም ሀይሉ :-እግር ኳስ ጨወታን በበረኝነት ነው የጀመርኩት አዲስ ከተማ ወወክማ ስር ነው እድገቴ ።

ድሬ ሶከር :- ወደ ክለብ እንዴት ገቡ ?

ሻ/ም ሀይሉ :- ወደ ክለብ የገባውት ጦር   ሠራዊት ውስጥ እየሰራው ድሬደ ስመጣ የኦጋዴን አንበሳ መልማዮች የክፍ ጨወታ ላይ አይተውኝ ነው በዛ አጋጣሚ በ1970  ዓ.ም ወደ ክለብ ልገባ የቻልኩት ።

ድሬ ሶከር :- የመጀመሪያ ክለቦት ኦጋዴን አምበሳ ነው ?

ሻ/ም ሀይሉ :- አዎን ።

ድሬ ሶከር ;- በተጫዋችነት ዘመኖ የት የት ክለብ ተጫውተው አሳልፈዋል ?

ሻ/ም ሀይሉ :- እኔ በተጫዋችነት ዘመኔ እንደዘመኑ ተጫዋቾች ብዙ ክለብ አልቀያየርኩም ኦጋዴ አንበሳ እና እኔው የመሠረትኩት ሁርሶ ጦር ትምህርት ቤት እግር  ኳስ ቡድን ነበር በወቅቱ በድሬ ዳዋ ዲቪዝዮን ተፈሪ ቡድን ነበር ።

ድሬ ሶከር :- በክለብ ተጫዋችነት ምን ያህል አመታት ቆይታ አድርገዋል ?

ሻ/ም ሀይሉ :- በተጫዋችነት አስራ ሶስት አመታት ቆይቻለው ።

ድሬ ሶከር :- በታዳጊነትዎ ላንተ አርአያ ብለው ሚከተሉት ተጫዋች ማን ነበር ?

ሻ/ም ሀይሉ :- በታዳጊነት እድሜዬ ብዙ አርአያ አርጌ ማየቸው ተጫዋቾች ነበሩ ካሳሁን ተካ በሀብቱ ገብረ ማርያም ፣ ሙሉጌታ ብርሀኔ ፣ አስፋው ባዩ ከብዙዎቹ ጥቂቶቹን ነው ያነሳውልህ ።

ድሬ ሶከር :- በተጫዋችነት ዘመኖ ላንተ የእግር ኳስ እድገቶ ውስጥ አስተዋፅኦ አበርክቷል ሚሉት አሰልጣኝ አለ ?

ሻ/ም ሀይሉ :-  አዎ ጣሰው ገብረ ወልድ ፣ ሞገስ ተሰማ እና ኢታሉ ቫሳሎ በኔ የተጫዋችነት ዘመን ትልቅ ቦታ ምሰጣቸው አሰልጣኞች ናቸው ።

ድሬ ሶከር :- በተጫዋነት ዘመኖ ስኬታማ የሆኑበትን ጊዜ አስታውሱን ?

ሻ/ም ሀይሉ :- ብዙም ታሪክ የለኝም ከኦጋዴን አንበሳ ጋር ጥሎ ማለፍ ዋንጫ ያገኘሁበት እና ሁርሶን በተጫዋችነትም በአሰልጣኝነትም ከድሬደዋ ሁለተኛ ዲቨዝዮን ወደ ከፍተኛ ዲቪዝዮን ያስገባሁበት ለኔ ትልቁ ስኬቴ ነው ።

ድሬ ሶከር :- በተጫዋችነት ዘመኖ ከማይረሱት የሜዳ ላይ ገጠመኞች ውስጥ እሴስቲ አንዱን አካፍሉን ?

ሻ/ም ሀይሉ :- ብዙ አጋጣሚ አለ ኳስ ስትጫወት ከተጫዋች ጋር ሜዳ ውስጥ ጭቅጭቅ በተለይ ከኮተን ጋር ያለው አጋጣሚ ዳኛ ሳያይ የምመታቸው ሌላ ጥሩም ባይሆን ሁሌ ለማሰለጥናቸው ተጫዋቾች የምነግራቸው ዳኛ ደብድቤ አምስት ዓመት መቀጣቴን በጥሩም በመጥፎም አስተምራቸዋለሁ ።

ድሬ ሶከር  :-  ከተጫዋችነት ዘመኖ በውሀላ ወደ አሰልጣኝነት ሞያው ገብተው ነበር የት የት ክለብ አሰልጠነዋል ?

ሻ/ም ሀይሉ  :-  አዎ ብዙ ክለቦችን አሰልጥኛለው አልበረካ ፣ ድሬዳዋ ጨርቃ ጨርቅ ፣ ድሬዳዋ ፖሊስ ፣ ድሬዳዋ ከነማ ፣ መተሀራ ስኳር ፣ ሰበታ ፣ ሚዛን አማን ያሁኑ ቤንቺ ማጂ ቡና ፣ ገላን ፣ መርሳ ሀቡሩን እያሰለጠንኩ አመቱ መጨረሻ ወታደራዊ ግዳጅ ለሁለት አመት ወደ ሱዳን ሄጄ የሰላም ማስከበር ስራ እየሰራው ነበር በአሰልጣኝነት መቼም የማረሳው እራሴው ያቋቋምኩት ሁርሶ ጦር ት/ቤት እግርኳስ ክለብ ነው በድሬዳዋ ከፍተኛ ዲቪዚዮን በጣም ከባድ ቡድን ነበረ ።

ድሬ ሶከር  :-  በድሬዳዋ ከነማ አጭር ጊዜም ቢሆን የማሰልጠን እድሉ ነበሮት ስለ ድሬዳዋ ከነማ የስልጠና ቆይታዎ ጥቂት ያስታውሱን ?

ሻ/ም ሀይሉ  :-  አዎ እንዳልከው በድሬዳዋ ከነማ ለአጭር ጊዜ ማለትም ለሁለት አመት ተኩል ነው የቆየውት ክለቡንም ለመጀመሪያ ጊዜ ከብሄራዊ ሊግ ወደ ፕርሚየር ሊግ ያሳደኩት እኔ ነኝ እና በዛ ጊዜ ክለቡ ውስጥ እንድቆይ ሚፈልጉም ማይፈልጉም ሰዎች ነበሩ ግን መጨረሻ ላይ
ሳንስማማ ቀርተን እኔ ክለቡን ለቅቄ  በወቅቱ በፕርሚየር ሊግ ላይ እየተሳተፈ ወደ ነበረው መተሀራ ስኳር ሄድኩኝ ።

ድሬ ሶከር  :- በስልጠና ዘመኖ ቅድሚያ ሰተው የሚሰሩት ስራ ምን ነበር ?

ሻ/ም ሀይሉ  :- እኔ በአሰልጣኝነት ዘመኔ ትልቅ ትኩረት ሰጥቼ እሰራ የነበረው ሁሉም ተጫዋቾች በዲሲፕሊን እና በስፖርታዊ ጨዋነት ታንፀው እንዲጓዙ ነበር ስሰራ የነበረው ለማሰልጠን በሄድኩባቸው ክለቦች በሙሉ ለስፖርታዊ ጨዋነት ነው ቅድሚያ ምሰጠው ።

ድሬ ሶከር  :-  ከወታደራዊ ግዳጆ ሲመለሱ በድጋሜ ወደ አሰልጣኝነት ተመልሰዋል ወይስ ወደ ሌላ የስራ ዘርፍ ገብተዋል ?

ሻ/ም ሀይሉ  :-  ከወታደራዊ ግዳጅ ከተመለስኩ ወዲህ ወደ ማሰልጠኑ አልተመለስኩም ያልተመለስኩበት አንደኛ ምክንያቴ እረፍት ያስፈልገኛል ሁለተኛ ደሞ ስልጠናው አሁን ላይ ምን አይነት ሁኔታ ላይ እንዳለ እናንተም የምታቁት ነው በአጠቃላይ እግርኳሱ ተባላሽቷል እኔ ደግሞ በዚህ አይነት የስራ ሂደት ውስጥ ለመጓዝ አእምሮዬ ስለማይፈቅድ ወደ ስልጠና አልተመለስኩም ነገር ግን አሁን ላይ በድሬዳዋ እግርኳስ ፌደሬሽን ውስጥ የውድድር እና ስነ ስርአት ኮሚቴ ውስጥ በአባልነት እየሰራው እገኛለው በስራዬም በጣም ደስተኛ ነኝ ።

ድሬ ሶከር  :-  ከዚህ ቀደም ድሬዳዋ ከክለብ አልፎ ለብሄራዊ ቡድን በርካታ ተጫዋቾችን የምታስመርጥ ከተማ ነበረች ያንን ጠንካራ ትውልድ ለምን ማስቀጠል ተሳናት ችግሩ ከምን የመነጨ ነው ብለው ያስባሉ ? መፍትሄውስ ምንድነው ?

ሻ/ም ሀይሉ  :- እውነት ነው ድሬዳዋ ከዚህ ቀደም በጣም ብዙ ተጫዋቾችን አፍርታለች ከብሄራዊ ቡድን ቋሚ ተሰላፊዎች ከግማሽ በላይ የነበሩት የድሬዳዋ ልጆች ነበሩ በዛን ጊዜ የነበረው ትውልድ ጠንካራ የሚሰጠውን ልምምድ በአግባቡ ሚሰራ እና መቋቋም ሚችል ታግሎ የሚሰራ ስለነበረ ወደ ብሄራዊ ቡድን ለመጠጋት ጊዜም አይፈጅባቸውም ። አሁን አጠቃላይ የፕሮጀክቱ ስልጠና ችግር ያለበት ስለሆነ ያንን ችግር እንዴት ይቀረፋል የሚለው ባለቤቶቹ ሊነግሯቹ ይችላሉ እኔ ግን ከማየው እና ከምረዳው እንኳን ፕሮጀክቱ ላይ ሁለተኛ እና ከፍተኛ ዲቪዚዮኑ ላይ የሰፈርተኝነት ቡድ ይበዛል እንዳዛን ያክል ሞያተኛውም በሰፈርተኝነት ሚመጣ ስለሆነ ያ ሰፈርተኛ የሚመጣው አሰልጣኝ ምን አይነት ብቃት አለው የሚለው ነገር የለም ያው ራሱ የሰፈር ሰው ስለሆነ ማሰልጠን አለበት የሚል ነገር ነው ስለዚህ በአሁን ሰዓት ሁሉም አሰልጣኝ ነኝ የሚልበት ወቅት ስለሆነምንም ማረግ አይቻልም ያንን ጊዜ ወደ ፊት ይመጣል የሚል ተስፋውም የለኝም ። ችግሩ ከፕሮጀክት እስከ ብሄራዊ ቡድኑ ነው በዚህ ወቅት ያለው አሰልጣኝ እኮ ከውጤት ይልቅ ለግል ጥቅሙ የሚሰራ እና እንዴት ላትርፍ የሚል እንጂ ነፍሱን ይማረው እና እንደ እነ አስራት ሀይሌ ለሀገር እና ለውጤት ሚለፋ አሰልጣኝ የለም ። እኔ እንደመፍትሄ ምወስደው ከጋና እና ላይቤሪያ ተሞክሮዎች ወስደን ኢንተርናሽናል ውድድሮችን ዘግተን ከታች ጀምሮ አድምተን መስራት አለብን የሚል ሀሳብ ነው ያለኝ ።

እንግዳችን በድሬ ሶከር - አቤል አበበ

ለበርካታ አመታት በብዙ ክለቦች በመጫወት አሳልፏል ! ከኢትዮ ሲሚንት የእግርኳስ ህይወቱን ጀምሮ  በደሴ ከተማ ያጠናቀቀው አቤል አበበ የዛሬው እንግዳችን ነው ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

እንግዳችን በድሬ ሶከር  :- ቶፍቅ ሀሰን(ቦቦ)

በበርካታ ክለቦች እንዲሁም በወጣቶ ብሄራዊ ቡድን ተጫውቶ አሳልፏል በአሁን ሰዓት ደግሞ የድሬዳዋ ከተማ እግርኳስ ክለብ ቡድን መሪ ሆኖ እያገለገለ ይገኛል የዛሬው እንግዳችን #ቶፊቅ_ሀሰን(ቦቦ) ይባላል ።

ከዛሬው እንግዳችን ጋር ያደረግነውን ቆይታ እንድትከታተሉ ጋበዝን !

#ድሬ_ሶከር  - ሙሉ ስም ?

#ቶፊቅ  - ' ሙሉ ስሜ ቶፊቅ ሀሰን ይባላል ' !

#ድሬ_ሶከር  -  የትውልድ ቦታ?

#ቶፊቅ  - ' ተወልጄ ያደኩት በድሬዳዋ ከተማ አዲስ ከተማ በሚባል ሰፈር ነው ' !

#ድሬ_ሶከር  - እግርኳስን እንዴት ጀመርክ ?

#ቶፊቅ  - ' እግርኳስን የጀመርኩት እንደማንኛውም ታዳጊ በሰፈር ውስጥ ነው ከዛም ተስፋዬ ገ/ስላሴ በሚባል አሸዋ ሜዳ ላይ ነው '!

#ድሬ_ሶከር  -  ቦቦ የእግርኳስ እድገትህ በየትኛው ታዳጊ ቡድን ውስጥ ጀመረ ?

#ቶፊቅ  - 'እግርኳስን በታዳጊ ቡድን ውስጥ የጀመርኩት በጨርቃጨርቅ እና በመብራት ሀይል ቢ ቡድን ውስጥ ነው በእነዚህ ሁለት የታዳጊ ቡድኖች ውስጥ ለሶስት አመታት ተጫውቻለው ' !

#ድሬ_ሶከር  -  ወደ ክለብ እንዴት ገባክ ?

#ቶፊቅ  - 'ወደ ክለብ የገባውት ከኮተን ቢ ወደ ዋናው ቡድን በማደግ ነበር ነገር ግን በወቅቱ እኔን ወደ ዋናው ቡድን ያሳደገኝ አሰልጣኝ ከክለቡ ሲባረር በድጋሜ ወደ ቢ ቡድን መለሱኝ እናም በወቅቱ እኔ ወደ ቢ ቡድን በድጋሜ ስመለስ አልጫወትም ብዬ ቅሬታ አቀረብኩ ከዛም ቢተው አብሬ ወደ ቅዱስ ሚካኤል ወሰደኝ ከዛ እዛ መጫወት ጀመርኩ የመጀመሪያ ክለቤም ቅዱስ ሚካኤል ነው ' !

#ድሬ_ሶከር  - በተጫዋችነት የት የት ክለብ ተጫውተክ አሳልፈካል ?

#ቶፊቅ  - ' በብዙ ክለቦች የመጫወት እድሉን አግኝቻለው ቅዱስ ሚካኤል ፣ ድሬዳዋ መብራት ሀይል ፣ ድሬዳዋ ፖሊስ ፣ ወንጂ ፣ ሀረር ቢራ ፣ ሀዋሳ ከተማ እንንዲሁም ኒያላ ስፖርት ክለብ ተጫውቻለው ' !

#ድሬ_ሶከር  - በእነዚህ ክለቦች በአጠቃላይ በተጫዋችነት ምን ያህል ዓመት ቆየህ ?

#ቶፊቅ  -  ' በእግር ኳስ በአጠቃላይ ለ20 ዓመታት መጫወት ችያለው ' !

#ድሬ_ሶከር  - በእነዚህ ሀያ አመታት ውስጥ ስኬታማ ጊዜን ያሳለፍክበት ክለብ አለ ?

#ቶፊቅ  - ' አዎን ! ድሬዳዋ መብራት ሀይል ለመጀመሪያ ጊዜ የድሬዳዋ ምርጥ የተሳተፍኩበትን እና በሀዋሳ ከተማ ውስጥ ሆኜ የፕርሚየር ሊግ ዋንጫ ያሸነፍንበት ' !

#ድሬ_ሶከር  -  ለብሄራዊ ቡድን ለመጫወት እድሉን አግኝተካል ?

#ቶፊቅ  -  ' ለዋናው ብሄራዊ ቡድን ሳይሆን በወጣት ብሄራዊ ቡድን ከአሸናፊ ግርማ ፣ አግላል ዚያድ ፣ ዮርዳኖስ አባይ ጋር ተመርጠን ኬንያ ላይ በተካሄደው የወጣቶች ሻምፒዮና ላይ ተሳትፈን የነሀስ ሜዳሊያ ይዘን መተናል '

#ድሬ_ሶከር  - እግርኳስን ካቆምክ በውሀላ ወደ ስልጠና አሁን ደግሞ በድሬዳዋ ከነማ በአንድ ሀላፊነት እየሰራህ ትገኛለክ እስቲ ከተጫዋችነት በውሀላ ስለተቀበልከው ሀላፊነት አውራን ?

#ቶፊቅ  - ' እግርኳስ መጫወት ካቆምኩ በውሀላ ለአጭር ጊዜም ቢሆን ወደ ስልጠናው ገብቼ በድሬዳዋ ከነማ ከ20 ዓመት በታች ቡድን በምክትል አሰልጣኝነት ሰርቻለው በስልጠናው ብዙም ሳልቆይ ወደ ዋናው ቡድን በመሄድ የቡድን መሪ ሆኜ እስካሁንም የወንዶች ዋናው ቡድን የቡድን መሪ ሆኜ በማገልገል ላይ እገኛለው ' !

#ድሬ_ሶከር  -  ቀደም እንደነገርከኝ በአሁን ሰዓት የክለቡ ቡድን መሪ ነህ የቡድን መሪ መሆን ቀለል ያለ ሀላፊነት እንደሆነ ይነገራል ምን ያህል አውነት ነው ?

#ቶፊቅ  - ' እውነት ለመናገር ቡድን መሪ መሆን ቀላል ሀላፊነት አደለም እኔ ባለፉት አመታት እንደ ቡድን መሪ ብቻ ሳይሆን ዋናው ቡድን ላይ እንደ ረዳት አሰልጣኝም በመሆን ስሰራ ቆይቻለው በዘንድሮ ዓመት ግን ሙሉ በሙሉ በቡድን መሪነት ድርሻዬ እየሰራው ነው ሀላፊነቱ ከአሰልጣኝ ያልተናነሰ ነው ከባድ ሀላፊነት ነው ' !

#ድሬ_ሶከር  -  እግረ መንገድህን ቦቦዬ ወደ ድሬዳዋ ከነማ ወቅታዊ አቋም ልውሰድህ የድሬዳዋ ከነማ ወቅታዊ አቋም ከወትሮ በተለየ በተሻለ መነቃቃት እየተየበት ነው ለዚህ ምክንያት ነው ብለህ ምታስቀምጠው ነገር አለ ?

#ቶፊቅ  - ' እውነት ነው ድሬዳዋ ከነማ በዘንድሮ አመት አመርቂ ውጤት እያስመዘገበ ነው ለዚህ የመጀመሪያ ምክንያት ብዬ የማስበው ክለቡ ሲፈልገው የነበረውን አሰልጣኝ በማግኘቱ ነው በዋናነት ደግሞ አሰልጣኙ በነፃነት ስራውን እየሰራ በመሆኑ እና ተጫዋቾቹ እና የአሰልጣኝ ቡድኑ ጤናማ ግንኙነት በመፍጠራቸው ነው ይህ አንድነት ካደገ አመቱን በተሻለ የስኬት አፈፃፀም አሳይተን እንጨርሳለን ብዬ አስባለው ' !

#ድሬ_ሶከር  - በሀገራችን የሊግ እርከኖች ውስጥ እየተጫወቱ የሚገኙ የድሬዳዋ ተወልጆች በጣት የሚቆጠሩ ናቸው ለዚህ ምክንያት ነው ብለህ ምትወስደው ምንድነው?

#ቶፊቅ  -  ' አዎን ከዚህ በፊት ድሬዳዋ ላይ የሚደረጉ ውድድሮች አናሳ በመሆናቸው ወጣት ተጫዋቾችን ለመመልከት እድሉ አናሳ ነበር አሁን ላይ ግን ድሬዳዋ ላይ ጥራቱን የጠበቀ በርካታ ወጣቶችን መመልከት የሚቻልበት የዲቪዚዮን ውድድር አለ ድሬዳዋ ከነማም ከውድድሩ ላይ ተጫዋቾችን ለመምረጥ እድሉን ያገኛል '!

#ድሬ_ሶከር  - በህይወትህ የማትረሳው ገጠመኝ አለ ?

#ቶፊቅ  - ' አዎን ! ወንደሰን ጌታቸው ይባላል ከድሬዳዋ ጨርቃጨርቅ ለብሄራዊ ቡድን ተመርጦ ይመጣና በአጋጣሚ በአል ስለነበረ ብሄራዊ ቡድኑ እረፍት ሲሰጣቸው እሱ በብሉ ናይል ሆቴል ብቻውን ነበር እናም ከኔ ጋር በጣም ስለምንደዋወል እኔ ፣ ናቲ ፣ እስራኤል የሀረር ልጅ ሳሚ አንድ ላይ ካምፕ ስለነበርን ለምን ሄደን አናገኘውም ምሳ አብረን እንብላ በማለት እሱ ጋር ሄደን ከካምፕ አውጥተነው ምሳ እየበላን በአጋጣሚ ግርግር ተፈጠረ ምንም ብዙም ሳይቆይ ወደ ጨርቆስ ፖሊሶች መጡ ከባድ ፀብ ነበር የተፈጠረው እኛን በማናቀው ይዘውን ሄዱ በአጋጣሚ ቅዳሜ ቀን በአል ነበር ቅዳሜ እና እሁድ ፖሊስ ጣቢያ ነው ያደርነው ከመሀል ግን የተያዝነው እኔና እሱ ነን ያን እለት እና አጋጣሚ መቼም አረሳውም እኛ ደንግጠን ቆምን ሌሎቹ ተሽለኩልከው አመለጡ በዛ አጋጣሚ ነው የተያዝነው ያ በህይወቴ ማረሳው ገጠመኝ ነው '!

#ድሬ_ሶከር  - ቦቦ በመጨረሻ ለወጣት ተጫዋቾች ምክርህን ብትለግሳቸው ?

#ቶፊቅ  - ' እሺ የድሬዳዋ ወጣቶች በታለንት ይታወቃሉ ነገር ግን ትርፍ ልምምዶችን መስራት ይጠበቅባቸዋል የአሰልጣኝ ልምምድ ብቻውን በቂ አደለም ነገ የተሻለ ለመሆን በግል መጣር መስራት ይጠበቅባቸዋል ብዬ አስባለው '!

#ድሬ_ሶከር  - ቦቦን በቀጣይ በአሰልጣኝነት ልንመለከተው እንችል ይሆን ?

#ቶፊቅ  - ' አዎን በቡድን መሪነት ብዙ ምቆይ አይመስለኝም በቀጣይ ከፈጣሪ ጋር ወደ አስልጣኝነት እሄዳለው ብዬ አስባለው '!

#ድሬ_ሶከር  - በመጨረሻ ቀረ የምትለው መልእክት አሊያም ማመስገን የምትፈልገው  አካል ካለ ?

#ቶፊቅ  - ' ቀረ የምለው ነገር ያለ አይመስለኝም ማመስገን የምፈልገው ዛሬ ላይ እዚህ እንድደርስ ለረዱኝ እና ላገዙኝ እኅዲሁም በዙሪያዬ ላሉ ቤተሰቦቼ ጓደኞቼን ለመሰግን እፈልጋለው ድሬ ሶከርም አስተውሶ ለዚህ ቃለ መጠይቅ ስለጋበዘኝ ከልብ የመነጨ ምስጋናዬን ለማቅረብ እወዳለው አመሰግናለው '።

#ድሬ_ሶከር  -  እኛም እናመሰግናለን ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ቢኒያም በላይ የሀይቆቹ አምበል ሆነ !

አሰልጣኝ ዘርአይ ሙሉን ካሰናበቱ በውሀላ በሁለት  ምክትል ጊዜያዊ አሰልጣኞች የሚመሩት ሀዋሳ ከተማዎች ቢኒያም በላይን የቡድኑ ቀዳሚ አምበል በማድረግ መርጠውታል ።

የቀድሞ የቡድኑ አንደኛ አምበል የነበረው በርከት ሳሙኤል ሁለተኛ ግርማ በቀለ ደግሞ ሶስተኛ አምበል በመሆን ተመርጠዋል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

' እኛ ባለሜዳ የምንሆንበት ጨዋታን በዝግ ማድረጋችን የማይቀር ነው።” – አቶ ባህሩ ጥላሁን !


የአፍሪካ ሀገራት ዋንጫ (ቻን) የመጨረሻ ማጣርያ ጨዋታውን ከሱዳን አቻው ጋር የሚያደርገው የኢትዮጵያ ብሔራዊ ቡድን ዝግጅቱን አስመልክቶ ዛሬ በፌዴሬሽኑ መሰብሰቢያ አዳራሽ ጋዜጣዊ መግለጫ ተሰጥቷል።

በመግለጫውም በሊቢያ ቤንጋዚ በሚደረገው ይህን ወሳኝ ጨዋታ ኢትዮጵያ ባለሜዳ የሆነችበትን ጨዋታ በዝግ ለማድረግ መታቀዱን ዋና ስራ አስፈፃሚው አቶ ባህሩ ጥላሁን ተናገሩ ።

አቶ ባህሩ በንግግራቸው “ ውድድሩ ሊቢያ ቤንጋዚ ላይ ነው የሚካሄደው አሁን ባለው ወቅታዊ ሁኔታ ምክንያት በርካታ ሱዳናውያን በሊቢያ ኑራቸውን እያደረጉ እንደመገኘታቸው የሱዳን ቡድኖች በተለያዩ የካፍ ውድድሮች ላይ በስፍራው በተጫወቱበት ወቅት ሱዳናዊያን ተመልካቾች ሜዳው ሞልተው የሚታዩበት እንደሆነ ይታወቃል። ከዚህ አንፃር እንደ ኢትዮጵያ እግርኳስ ፌዴሬሽን እየወሰድን ያለነው አቋም ጨዋታውን በዝግ ለማድረግ እንፈልጋለን። አካባቢውን ምቹ ከማድረግ ጋር ተያይዞ ከካፍ ጋርም ንግግሮች እያደረግን ያለንበት ሁኔታ ነው ያለው። እኛ ባለሜዳ የምንሆንበት ጨዋታን ግን በዝግ ማድረጋችን የማይቀር ነው" ሲሉ ተደምጠዋል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

አቤል ግርማ

በድሬዳዋ ከተማ ከሚገኙ ወጣት ተጫዋቾች አንዱ የሆነው እና የቀድሞ የባቡር እና ቅዱስ ሚካኤል አሰልጣኝ ግርማ ተሾመ(ጥንቅሽ) ልጅ የሆነውን አቤል ግርማን አጭር የእግርኳስ ቆይታን እንደሚከተለው አሰናዳን ።

በድሬዳዋ ከማ ተወልዶ ያደገው አቤል ግርማ እግርኳስን በአሰልጣኝ አልማው በላይ እና ቴድሮስ ክበበው ስር በሚመራው በካባ ታዳጊ ቡድን ጀመረ የእግርኳስ እድገቱ በዛው በካባ ፕሮጀክት ውስጥም ቀጠለ ።

አቤል ከካባ ታዳጊ ቡድን በውሀላ ኮንስታ በሚባል ክለብ ውስጥ ለሁለት አመታት ቆይታ አደረገ በሶስተኛ አመት ድሬዳዋ ፖሊስ ከኮንስታ እግርኳስ ክለብ ውስጥ ሁለት ተጫዋቾችን ሲመርጥ አቤል አንዱ ነበር !

ከ2003 ዓ/ም ጀምሮ በአማራ ክልል በሚገኙ ክለቦች እንዲሁም በአዲስ አበባ ውሀ ስራዎች እና በድሬዳዋ ናሽናል ሲሚንት እንዲሁም ለአንድ አመት በድሬዳዋ ፖሊስ ከተጨወተ በውሀላ በድጋሜ ወደ ክልል በመውጣት እስከ 2012 ዓ/ም ድረስ ለረጅምጊዜያት እየተዘዋወረ መጫወት የቻለው አቤል ዳግም ለሁለተኛ ጊዜ ወደ ድሬዳዋ ፖሊስ በመመለስ ከ2013 ዓ/ም ጀምሮ እስከ አሁን ድረስ  በክለቡ በመጫወት ላይ ሲገኝ ቡድኑን በአምበልነት እየመራም ይገኛል ።

የዛሬው ባለታሪካችን ከድሬሶከር ጋር ባደረገው አጭር ቆይታ ' ድሬዳዋ ፖሊስ እግርኳስ ክለብ በከፍተኛ ሊጉ ብሎም ወደ ፕርሚየር ሊጉ እንዲያድግ የክለቡ አመራሮች እና አስተዳደሩ በነቂስ እየሰራ ይገኛል' ያለው አቤል አክሎም ' የስፖርት ቤተሰቡ እና ባለሀብቶች ከክለቡ ጎን እንዲሆኑና ክለቡን የተሻለ ቦታ እንዲደርስ በማገዝ ድሬዳዋ ላይ ያሉ እና የመጫወት አቅም ላላቸው ወጣቶች ከከነማ ጎን ለጎን አማራጭ ክለብ እንዲኖራቸው የታቻላቸውን እንዲያደርጉ ጥሪ አስተላልፏል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

የአዲስ አበባ ዳኞች ውድድር አንመራም ማለታቸው ተሰማ !

በአዲስ አበባ እግር ኳስ ፌዴሬሽን ስር ውድድር የሚመሩ ዳኞች የዘንድሮ ዓመት ውድድር አንመራም በማለት አድማ ሊመቱ እንደሆነ ተሰምቷል።

በሁሉም ውድድሮች የ2016 ዓመት ከመጀመሪያ የዲቪዚዮን ክፍያ ውጪ ዓመቱን ሙሉ ያለምንም ክፍያ ዳኞችና ኮሚሽነሮች ውድድር መምራታቸውም ታውቋል።

የአዲስ አበባ እግር ኳስ ፌዴሬሽን የፋይናንስ አቅም ተዳክሞ ውድድር የሚመሩ ዳኞች የዓመት ሙሉ ክፍያ አለመፈፀሙ ቁጣ ቀስቅሷል።

በጉዳዩ ላይ የፌዴሬሽኑ የአዲሱ የዳኞች ልማትና አስተዳድር  ተወካይ አቶ ሀይሉ ግርማ ለባላገሩ ስፖርት ጉዳዩን መፈጠሩን አረጋግጠው ማብራሪያ ሰጥዋል።

ዳኞች እናወዳድርም ማለታቸውን በይፋ በፁሁፍ ባይመጣም እኛም ቁጣ መፈጠሩን አረጋግጠናል ያሉት አቶ ሀይሉ
ጥያቄው  ትክክልና ተገቢ ነው ። አምና በትዕግሥት ውድድር ሳይቋረጥ እንዲያልቅ አግዘዋል ትልቅ አክብሮት አለኝ  ከሙያው በላይ ነው ያደረጉት ሲሉ ምላሽ ሰጥተዋል።

የዳኞቹ ጥያቄ በኢንጅነር ሀይለእየሱስና በአርቲስት ማስተዋል የሚመራው የፌዴሬሽኑ ስራ የዓመቱን ውድድር ለመጀመር ጉዳዩ ችግር እንደሆነባቸው ሲታወቅ ዳኞችን ለማግባባት  ቀጠሮ መያዙን ሰምተናል።

168 ዳኞች 90 በመቶ ውድድር ውስጥ ማሳለፋቸውና ክፍያ እንዳልተፈፀመላቸው ያረጋገጡት አቶ ሀይሉ አዲሱ ስራ አስፈፃሚ ትልቁ ስራው ይህ ነው ውድድር በጊዜ ቶሎ መጀመር አለበት ፤ከኮምሺነሮችና ዳኞች ጋር በቅርቡ  እንግባባለን ብለን እናምናለን ሲሉ ምላሽ ሰጥተዋል ።

ምንጭ :- ባላገሩ ስፖርት

ለተጨማሪ መረጃ የፌስቡክ ገፃችንን https://m.facebook.com/diresoccer ይቀላቀሉ

በኢትዮጵያ ፕሪምየር ሊግ ላይ ረጅም ዘመናትን ያስቆጠረው ሀዋሳ ከተማ ከአሰልጣኙ ጋር በዛሬው ዕለት አመሻሹን በይፋ ተለያዩ ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

የኢትዮጵያ ብሔራዊ ቡድን በአፍሪካ ሀገራት ዋንጫ (ቻን) የመጨረሻ ዙር ማጣርያ ከሱዳን ጋር ለሚያደርገው ጨዋታ ዝግጅቱን በዛሬው ዕለት ጀምሯል።

ቡድናችን በአዲስ አበባ ስታዲየም ባደረገው የመጀመርያ ቀን ልምምድ ላይ ጥሪ ከተደረገላቸው 23 ተጫዋቾች መካከል የንግድ ባንኩ ፍሬው ጌታሁን እና ኢትዮጵያ ቡናው ራምኬል ጀምስ ቡድኖቻቸው ተስተካካይ የፕሪምየር ሊግ ጨዋታ የሚያደርጉ በመሆኑ ፣ የሀዋሳ ከተማው ሰዒድ ሀብታሙ በግል ጉዳይ እንዲሁም የባህር ዳር ከተማው ቸርነት ጉግሳ በጉዳት ያልተገኙ ሲሆን በቸርነት ጉግሳ ምትክ የኢትዮ ኤሌክትሪኩ ናትናኤል ገብረጊዮርጊስ ጥሪ ቀርቦለት ዛሬ ስብስቡን ተቀላቅሏል።

©EFF

#የተረጋገጠ - የ2024 የFIFPRO የአለም ምርጥ 11 አሠላለፍ ይፋ ሲደረግ ሊዮኔል አንድሬስ ሜሲ ከ17 ዓመት በውሀላ ከአሰላለፉ ውጪ ሆኗል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ክስ የመስማት ሂደቱ ተጠናቀቀ!

ፕሪምየር ሊጉ የማንቺስተር ሲቲን 115 ክሶች ለፍርድ ቤት አቅርቦ ጨርሷል። ፍርድ ቤቱም ምን ይወስናል የሚለው በቀጣዮቹ ወራት የሚታወቅ ይሆናል።

©Sky sport

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ዴቪድ ኮት በእንግሊዝ ዳኞች ኮሚቴ በይፋ ተሰናብቷል።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ፈረሰኞቹ ከጣና ሞገዶቹ ጋር ነጥብ ተጋርተዋል !

የሙሉ ሰአት ውጤት

ባህር ዳር ከተማ 0-0 ቅዱስ ጊዮርጊስ

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

#የተረጋገጠ :- አሊሰን ቤከር እና ዲያጎ ጆታ ከጉዳታቸው አገግመው ወደ ልምምድ ተመልሰዋል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ማርኮ ሪውዝ የዋንጫ ባለቤት ሆነ!

በቦርሲያ ዶርትመንድ የሊግ ዋንጫ ለማሳካት ከጫፍ ደርሶ የነበረው ማርኮ ሪውዝ ቦሩሲያ ዶርትመንድን በለቀቀ በ5 ወሩ የሊግ ዋንጫ ባለቤት መሆን ችሏል።

ለአሜሪካ ሜጀር ሊግ ሶከር የሚጫወተው ኤልኤ ጋላክሲ ተጫዋች የሆነው ማርኮ ሪውዝ ከክለቡ ጋር የሜጀር ሊግ ሶከር ዋንጫን ማሳካት ችሏል።ተጫዋቹ ለረጅም አመታት በዶርትመንድ ከቆየ በኋላ ከክለቡ ጋር መለያየቱ ይታወሳል።

©Sky sport

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

አንጌ ፖስቴኮግሉ

የቶተንሀሙ አሰልጣኝ አንጌ ፖስቴኮግሉ ከትናንትናው የለንደን ደርቢ ጨዋታ በውሀላ በቫር ዳኞች ላይ አስተያየታቸውን ሰጥተዋል " ከዚህ በፊትም ብዬዋለሁ፤ ዛሬም እደግመዋለሁ። የቫር ቴክኖሎጂ እግር ኳሳችንን አላገዘም። ውሳኔ አሰጣጡ የሚቆጣጠረው አካል ያለ ሳይሆን ማንም የማይቆጣጠረው ቴክኖሎጂ ይመስላል።" ሲሉ ትችታቸውን ሰንዘረዋል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ሚካኤል አንቶኒዮ

ሚካኤል አንቶኒዮ በደረሰበት አሰቃቂ የመኪና አደጋ በተሰበረ እግሩ ላይ ቀዶ ጥገና ከተደረገለት በኋላ ቢያንስ ለአንድ አመት ከሜዳ እንደሚርቅ ይጠበቃል ።

የ34 ዓመቱ አጥቂ ሚካኤል አንቶኒዮ በድጋሜ ወደ እግርኳስ ላይመለስ ይችላል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ጆርጅ ማስ

"ሊዮ ሜሲ በ2026 ከኛጋ ሆኖ አዲሱን ስታዲየማችንን እንደሚከፍት እርግጠኛ ነኝ።" ሲሉ የኢንተር ሚያሚው ፕሬዝዳንት ጆርጅ ማስ ተናገሩ ።

የሚያሚው ፕሬዝዳንት አክለው "ከሊዮ ጋር በእረፍት ጊዜ ውስጥ እቀመጣለሁ ...ሜሲ ጤናማ እስከሆነ ድረስ በፒንኩ ቀለም ማልያችን እናየዋለን ብዬ ተስፋ አደርጋለሁ" ብለዋል ።

©Sky Sport

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ቲያጎ ሲልቫ የሚጫወትበት ክለብ ፋሊሚዬንሴ ወደ ታችኛው ሊግ ከመውረድ በመትረፋ የተነሳ በጉሉበቱ ስቴዲየሙን አካሏል::

ራፊኒያ ከዚህ በፊት ሊድስ ከመውረድ ሲተርፍ ተመሳሳይ ድርጊት መፈፀሙ ይታወሳል::

©Sheger Sport Arena

ክቪቻ ክቫራትስኬሊያ በናፖሊ እስከ 2029 የሚያቆየውን ኮንትራት ለመፈራረም ተቃርቧል።

©MULE SPORT

ጄደን ሳንቾ:

በትናንትናው የለንደን ደርቢ ለቼልሲ አንድ ግብ ያስቆጠረው እና በጨዋታው ላይም አስደናቂ እንቅስቃሴ ያደረገው ጄደን ሳንቾ ከጨዋታው በውሀላ ክለቡን አመስግኗል "ከመጀመሪያው ቀን ጀምሮ በቼልሲ ጥሩ አቀባበል አድርገውልኛል።"

"በጣም ጠንክሬ እየሰራሁ ነው። ስታፉን እና ቡድኑን ስላመኑኝ እና ይህንን እድል ስለሰጡኝ አመሰግናለሁ።” ብሏል !

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

🗣 ፔፕ ጋርዲዮላ ፦

የማንችስተር ሲቲው አሰልጣኝ ፔፕ ጋርዲዮላ ከእሮቡ የቻምፒዮንስ ሊግ ጨዋታ በፊት ስለ ተጫዋቾቻቸው የእረፍት ሁኔታ የሚከተለውን ተናግረዋል "ጁቬንቱስን መተንተን ጀምረናል እንደ እድል ሆኖ ማክሰኞ ጨዋታ የለንም እና እሮብ ላይ እንጫወታለን እና ለተጫዋቾቹ ለማገገም አንድ ተጨማሪ ቀን አለን ምክንያቱም ከጉዳት የሚመለስ ተጫዋች ስለሌለን።"

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ዊሊያም ሳሊባ

የአርሰናሉ የተከላካይ ክፍል ተጫዋች ከፉልሀሙ ጨዋታ በውሀላ "እኛ ሁሉም ሰው የሚያስታውሰን ምርጥ ተከላካዮች ለመባል ዋንጫዎችን ማሳካት አለብን እናም ዋንጫ ለማሳካት ያለንን ነገር ሁሉ እንሰጣለን!" ለጋዜጠኞች ሀሳቡን ሰጥቷል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

አንድሪያ ቤርታ በውድድር ዓመቱ መጨረሻ አትሌቲኮ ማድሪድን ይለቃል !

የአትሌቲኮ ማድሪድ ስፖርቲንግ ዳይሬክተር አንድሪያ ቤርታ በማንቸስተር ዩናይትድ ዳን አሽዎርዝን ለመተካት ካቀዳቸው አማራጮች አንዱ ነው። ቤርታ በውድድር አመቱ መጨረሻ አትሌቲኮን ይለቃል።

ምንጭ :- ጂያንሉካ ዲ ማርዚዮ

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ሩድ ቫን ኔስትሮይ ሌስተር ሲቲ በተረከበ በሁለት ጨዋታዎች 4 ነጥቦችን ማሳካት ሲችል በኢንግሊዝ የአሰልጣኝነት ህይወቱም ካከናወናቸው ስድስት ጨዋታዎች በአራቱ ድል ሲያደረግ በሁለቱ አቻ ተለያይቷል !

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

#የተረጋገጠ - ፖርቹጋላዊው የቀድሞ የማንቸስተር ዩናይትድ ተጫዋች ሉዊስ ናኒ ጫማ መስቀሉን አሳውቋል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ቼልሲ ቶተንሀምን በረታበት ጨዋታ ሁለት ግቦችን አስቆጥሮ ኢንዞ ፈርናንዴዝ ላስቆጠረው ግብ የመጫረሻ ኳስ ያቀበለው ኮል ፓልመር የጨዋታው ኮኮብ በመባል ተመርጧል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ቡሩንዲ ራሷን ያገለለች 5ኛ ሀገር ሆናለች!

ከታኅሣሥ 5 ጀምሮ በዩጋንዳ ካምፓላ በሚካሄደው ከ17 ዓመት በታች የአፍሪካ ዋንጫ የሴካፋ ዞን ማጣሪያ ውድድር ከምድብ ድልድል በፊት ሩዋንዳ ፣ ኤርትራ እና ጂቡቲ እንደማይሳተፉ ያሳወቁ ሲሆን ከምድብ ድልድል በኋላ ደግሞ በምድብ "1" የተደለደሉት ኢትዮጵያ እና ቡሩንዲ ራሳቸውን አግልለዋል።

የቡሩንዲ እግርኳስ ፌዴሬሽን ዋና ጸሐፊ የሆኑት ማኒራኪዛ ጄሬሚ እንዳሳወቁት ከሆነ ከካፍ ዶክተሮች በመጣው መረጃ መሠረት የቡሩንዲ አብዛኞቹ ተጫዋቾች የዕድሜ ተገቢነት ችግር አለባቸው ስለተባልን ነው ብለዋል።

በምድብ "1" -> ሁለት
በምድብ "2" -> አራት ብሔራዊ ቡድኖች በመኖራቸው የምድብ "2" አንድ ተሳታፊ ወደ ምድብ "1" ተዛውሮ 3 3 ሆነው ውድድራቸውን እንደሚያደርጉም ተረጋግጧል።

ምንጭ :- አራዳ ስፖርት

ቼልሲ ከመመራት ተነስቶ ቶተንሀምን በማሸነፍ የሊጉ ሁለተኛ ደረጃን ከአርሰናል ተረክቧል !

የሙሉ ሰዓት ውጤት

 ቶተንሃም 3-4 ቼልሲ
 ሶላንኪ 5'⚽️  ሳንቾ 18'⚽️
 ኩልቭሌስኪ 11'⚽️ ፓልመር 66'⚽️
 ሰን 90+7'⚽️  ኢንዝ ፈርናንዴዝ 73'⚽️
                             ፓልመር 84'⚽️

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

የኢፕሲዊች ታውኑ አምበል ግብፃዊው ሳም ሙርሲ የተመሳሳይ ፆታ ግንኙነትን የሚደግፈውን አርምባንድ ለማድረግ ሳይቀበል መቅረቱ ታውቋል።

የእስልምና እምነት ተከታይ የሆነው ሳም ሙርሲ ሀይማኖቴ ስለማይፈቅድ ይህንን አርምባንድ አላደርግም ሲል ተናግሯል።

ኢፕስዊች ታውን ባወጣው መግለጫ የተጨዋቻቸውን ውሳኔ እንደሚደግፉ ያስታወቁ ሲሆን ለተመሳሳይ ፆታ አፍቃሪዎች ጎን እንደምንሆነው ሁሉ የተጨዋቻችንን ውሳኔም እናከብራለን ብለዋል።

@DireSoccer

#DireTimes | ከድሬዳዋ እስከ አለም አቀፍ ተወዳዳሪነት

ታዳጊ ኪያ ጀማል ለካናዳው X - Speed United ፊርማውን በማዋል የመጀመሪው ወጣት ኢትዮጵያዊ ሳይክል ተወዳዳሪ ሆኗል።

ኪያ ጀማል የኢትዮጵያ ብሐራዊ ቡድን የባይስክል ተወዳዳሪ ሲሆን በታዳጊ እና በዋናው ቡድን የኢትዮጵያ ሻምፒዮን መሆን የቻለ ጠንካራ የድሬዳዋ ታዳጊ ነው። ታዳጊው 3 ጊዜ የኢትዮጵያ ሻምፒዮና አሸናፊ ከሆነው አባቱ አቶ ጀማል ሮጎራ የተገኘ ነው። አባት ጀማል ሮጎራ ለ14 አመታት በትልቅ ደረጃ ሳይክልን መወዳደር የቻለና ሀገሩን ወክሎ በሞስኮ ኦሎምፒክ የተወዳደረ የሀገር ባለውለታ ነው።

የአባቱን ፈለግ የተከተለው የድሬዳዋው ፍሬ ኪያ ጀማል ሮጎራ በአፍሪካ ደረጃ :-

- 2023 G.C በግል በአፍሪካ ሻምፒዮና - ወርቅ🥇
- 2024 G.C በቡድን ኬንያ ላይ የአፍሪካ ሻምፒዮና - ነሐስ 🥉
- 2024 G.C በግል All African ጋና አክራ ላይ- ብር🥈
- በዘንድሮ 2024 G.C በቡድን የአፍሪካ ሻምፒዮና ነሀስ 🥉 ተሻላሚ ነው።

ኪያ ጀማል ከቀናት በፊት በካናዳ ክለብ ስፓንሰር በሚደረገው ለ X - Speed United ፊርማውን አውሏል።

X - Speed United መቀመጫውን በአውሮፓ ያደረገ የካናዳ የሳይክል ቡድን ሲሆን ቱርደር ፍራንስ ላይ የሚሳተፉ ክለቦች የሚሳተፉበት የቻሌንጅ ማዮርካ ውድድር ተሳታፊ ነው።

ኪያ ጀማልን ያስፈረመው X- Speed United በቀጣይ ጃንዋሪ 24/2025 G.C ለአምስት ቀን በስፔን በሚካሄደው ውድድር ላይ ተካፋይ ይሆናል።

Good Luck Kiya

© Bekal Dire

#ማስታወቂያ

ለተለያዩ ሀገር አቀፍ መረጃዎች ከታች ያለውን ሊንክ በመጫን ቤተሰብ ይሁኑ 👇

https://t.me/diremedia

#ተጠናቀቀ

ስሑል ሽሬ 1 - 1 ድሬዳዋ ከተማ

“እንኳን ቡድኔ  ፕርሚየር ሊጉ ውስጥ ከ20 አመት ተጫዋቾች የሉም" አሰልጣኝ ስዩም ከበደ !

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ናኦሚ ግርማ የቢቢሲ የ2024 የዓመቱ ምርጥ ሴት እግር ኳስ ተጫዋች !

ከኢትዮጵያዉያን አባት እና እናት በአሜሪካዋ ካሊፎርኒያ ግዛት የተወለደችው ናኦሚ ግርማ የቢቢሲ የ2024 የዓመቱ ምርጥ የሴት እግር ኳስ ዕጩ ተጫዋች ሆና ቀርባለች፡፡

ቢቢሲ የመጨረሻዎቹ አምስት የዓመቱ ሴት እግር ኳስ ተጫዋቾች ያላቸውን ይፋ ሲያረግ ባርባራ ባንዳ፣ አይታና ቦንማቲ፣ ናኦሚ ግርማ፣ ካሮላይን ግርሃም ሃንሰን እና ሶፊያ ስሚዝ ናቸው፡፡ ናኦሚ የሳን ዲያጎ ዌቭ ክለብ ተጫዋች ናት፡፡

ከአሜሪካ የሴቶች ብሔራዊ ቡድን ጋር የኦሎምፒክ የወርቅ ሜዳሊያን ያሸነፈችው ናኦሚ ከክለቧ ሳን ዲያጎ ዌቭ ጋርም የተለያዩ ስኬቶችን ከዚህ ቀደም አስመዝግባለች፡፡

የቢቢሲ የዓመቱ ምርጥ ተጫዋቾች የሚመረጡት በአሠልጣኞች፣ በተጫዋቾች፣ በእግር ኳስ አሥተዳዳሪዎች እና በጋዜጠኞች መሆኑን ቢቢሲ አስነብቧል፡፡

©BBC

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

አክሲዮን ማህበሩ በሶስት ጉዳዮች ላይ ማብራሪያ ሰጠ !

የፕሪምየር ሊጉ አክሲዮን ማህበር በአዲሱ የክፍያ ስርዓት አፈፃፀም ሂደት ፣ በወልቂጤ ከተማ እግድ እና አባልነትን በሚመለከት በፕሬዝደንቱ አማካኝነት ለጋዜጠኞች ምላሽ ሰጥተዋል።

በኢትዮጵያ ፕሪሚየር ሊግ አክስዮን ማህበር 6ተኛ መደበኛ ጠቅላላ ጉባኤ ባሳለፍነው ቅዳሜ በሃያት ሬጀንሲ ሆቴል መካሄዱ ተከትሎ ለሚዲያ አካላት ጋዜጣዊ መግለጫ በዛሬው ዕለት በቤስት ዌስተርን ፕሪሚየር ዳይናስቲ ሆቴል ሲሰጥ ቆይቷል ።

በጋዜጣዊ መግለጫ ላይ ከሚዲያ አካላት ከተነሱ ሶስት ጥያቄዎች መካከል አዲስ በወጣው የክፍያ ስነ ሥርዓት አፈፃፀሙ እንዴት አገኛቹሁት ? የምትፈልጉትን ቁጥጥር አድርጋቸዋል ወይ አተገባበሩ ላይ የተለያዩ ቅሬታዎች በተወሰኑ ክለቦች እየተነሳ ይገኛል በሚል ለተነሳው ቀዳሚ ጥያቄ መቶ አለቃ ፍቃደ ማሞ የሚከተለውን ማብራሪያ ሰተዋል !

" በጉባኤው ላይ ከተነሱ ሦስት ዋና ዋና ጉዳዮች  መካከል አንዱ የክፍያ ሥርዓቱ አፈፃፀም በተመለከተ ነበር። በዚህ የክፍያ ስነ ሥርዓት መመርያ ዙርያ ሁለት አንኳር ጥያቄዎች ተነስተዋል።” ያሉት መቶ ዓለቃ ፈቃደ አንኳር ያሏቸውን ሁለት ጉዳዮች በዚህ መልኩ አብራርተውታል !

“አንደኛው እኛ በቅንነት ብዙ መረጃ ሠጥተን ነገር ግን ተግባራዊ ባለመደረጉ ክለባችን ተጎድቷል። በዚህም የ2017 ውድድር መውረድም፣ ሻምፒዮን የሚሆን ክለብ መኖር የለበትም።” የሚል ሲሆን “ሁለተኛ ደግሞ በቅንነት  ያቀረብነው የተጫዋቾች ደሞዝ የተጣራው እንዲቀርብ ፈልገን የነበረ ቢሆንም ያልተጣራ መቅረቡ ተገቢ አይደለም።”የሚል ጥያቄ ቀርቦ እንደነበር ገለፀዋል።

ማብሪራያቸውን ሲቀጥሉ " ይህን የፋይናስ ስርዓት ዝም ብለን ያወጡት አለመሆኑ እና ጥናት ተደርጎበት እንደሆነ ያብራሩት ፕሬዝደንቱ ብዙ ክለቦች ተግባራዊ ለማድረግ ሲፎካክሩ ቢቆዩም ሐምሌ ወር ሲመጣ ግን አብዛኛዎቹ ባይባልም ሦስት አራት ክለቦች የክፍያ ሥርዓቱ ጥሰው አግኝተናል" ብለዋ,።

መመርያውን ጣሱ ስለተባሉ ክለቦች ሲያስረዱም እንዲህ ብለዋል “ለምን እነዚህ ክለቦች ህጉን ጣሱ ቢባል ለኪሳቸው አስበው መመርያውን የጣሱ አሉ ይሄን ለመናገር አልፈራም በግልፅ ነው የምናገረው። ለምሳሌ ከቅዱስ ጊዮርጊስ ይጫወት የነበረ አንድ የውጭ ሀገር ተጫዋች ሦስት መቶ ሰማንያ ሺህ ብር ያገኝ የነበረ ተጫዋች መቻል ሲገባ መቶ ሺህ ብር መከፈሉ በግልፅ መመርያው መጣሱን ማሳያ ነው።"

" ሌሎች ብዙ መረጃዎች ይዘናል። የቀድሞ ክለባቸው የሚሰጣቸውን ከፍተኛ ብር አንቀበልም ብለው በአነስተኛ ክፍያ ሌላ ክለብ የሄዱ አሉ ።"

" በአጠቃላይ መረጃዎች እየተሰባሰቡ እየተጠናከሩ ይገኛል። የተዋቀረው ኮሚቴ ጉዳዩን እየመረመረ ነው በጊዜ ሂደት መፍትሄ ያገኛል።"

" ምንም በማያወላውል ሁኔታ እርምጃ እንወስዳለን የጊዜ ሁኔታ ነው። ይህን ላረጋግጥላቹ እፈልጋለው።” ጠንከር ያለ ማብራሪያ ሰተዋል ።

በጉዳዩ ላይ ባነሱት የመጨረሻ ማብራሪያ በክረምቱ ከተደረጉ ዝውውሮች ውስጥ 25 ተጫዋቾች ጥርጣሬ ውስጥ ገብተው ስማቸው እና ማስረጃዎችን አጠናክሮ ለመመርመር ለኮሚቴው ስማቸው እንደተላከ ገለፀዋል ።

ከሚዲያ አካላት ከተነሱት ጥያቄዎች መካከል ሁለተኛው "የወልቂጤ ከተማ ቀጣይ ዕጣ ፈንታ ምንድነው?" የሚለውን ጥያቄ እንደሚከተለው ማብራሪያ ሰጥተውበታል !

" የወልቂጤ ከተማ ጉዳይ እኛን የሚመለከት ጉዳይ አይደለም።"

" ግን ምን ሆነ መሰላቹ ወልቂጤ ከዚህ ቀደም ይጫወቱ ለነበሩት ተጫዋቾቹ ክፍያ መፈፀም አልቻለም በዚህም ተጫዋቾቹ ክስ አቅረበው ነበር። ፌዴሬሽኑም ለተጫዋቾቹ ክፍያ እንዲፈፀም ባለማድረጉ ሃምሳ ሺህ ዶላር ተቀጥቶ ነበር። መነሻው ይሄ ነው። "

" ከዚህ በመነሳት ፌዴሬሽኑ ወልቂጤ ከተማን ካልከፈላቹሁ አገልግሎት አንሰጣችሁም ተባሉ። ተጫዋችን ማዘዋወር አትችሉም ተባሉ!"

" እኛ ውድድር ስንጀምር መርሃግብር ሲወጣ እንደ ተወዳዳሪ ክለብ አቅርበነው ነበር ሆኖም ውድድሩ ሲጀምር ይዞ የመጣው ሁለት ሦስት ተጫዋቾች ብቻ ናቸው ቲሴራ ያላቸው ይህን ሳያሟሉ ሁለት ጊዜ ፎርፌ ሰጡ በእኛ የውድድር መመርያ ደንብ መሠረት ደግሞ ሁለት ተከታታይ ጨዋታ ፎርፌ የሰጠ ቡድን ከውድድር ይሰናበታል። በዚህ መሰረት ተሰናብቷል።"

" ይግባኝ ጠይቋል እንደሰማቹሁት ይግባኙ ስርዓቱን ያልተከተለ ነበር በሚል ውድቅ ተደርጎበታል።"

" ስለዚህ የፍትህ አካላት በወሰኑት ውሳኔ እኛ ጣልቃ አንገባም ያለቀለት ጉዳይ ነው።"በማለትበጉዳዩ ላይ ሰፋ ያለ ማብራሪያ ሰጥተዋል ።

በማስከተል በአክስዮን ማህበር አባልነቱ ይቀጥላል ወይስ አይቀጥሉም  በሚለው የመጨረሻ ጥያቄ ዙሪያ ማብራሪያ የሰጡት  አቶ ክፍሌ ሰይፉ እንዲህ ሲሉ ተደምጠዋል !

“ከአክስዮኑ አባልነቱ ጋር በተያየዘ ጉዳዩ በይግባኝ ስላለ በማህበር አባልነቱ ይቀጥላል የሚለው በአክሲዮን ማህበራችን አባልነቱ በአንዴ ውጣ አይባልም። በጊዜ ሂደት አካሄዱን መሰረት ተደርጎ የሚወሰን ይሆናል ።”በማለት በጉዳዩ ላይ ማብራሪያ ሰጥተውበታል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

VAR ለሀገራችን እግርኳስ ምን ይጨምራል … ?

የኢትዮጵያ ፕርሚየር ሊግ አክሲዮን ማህበር ከተመሰረተ ጀምሮ በፕርሚየር ሊጉ ላይ አዎንታዊ ለውጦች እና መሻሻሎች ታይተዋል ከ2013 በፊት በኢትዮጵያ እግርኳስ ፌደሬሽን የውድድር ማእቀፍ ውስጥ የነበረው የኢትዮጵያ ፕርሚየር ሊግ ብዙ ክፍተቶች እና ተግዳሮቶች የነበሩበት ቢሆንም ከ2013 ወዲህ ግን ፕርሚየር ሊጉን ብቻ በበላይነት የሚመራ ተቋም ተፈጥሮ ውድድሩ በዲኤስቲቪ የቀጥታ ስርጭት ሽፋን እንዲያገኝ እና ክለቦችም ከዲኤስቲቪ እይታ ተጨማሪ ገቢ እንዲያገኙ ተደርጓል ።

በአጭር ጊዜ ጥሩ ሚባል የስራ አፈፃፀምን ያሳየው የፕርሚየር ሊጉ አክሲዮን ማህበር ዲኤስቲቪን አምጥቶ እንዴት ቫርን አላመጣም የሚሉ ጥያቄዎችን እንዳስተናገደ ይታወቃል አክሲዮን ማህበሩ በወቅቱ የሰጠው ምላሽ "የፋይናንስ አቅማችን ሲጎለብት ቫርን እናመጣለን" የሚል ነበር ።

ከትናንት በስቲያ በትንሿ ከተማ ድሬዳዋ በሚካሄደው የውስጥ ውድድር ላይ ቫር ተግባራዊ እንደሚሆን በድሬዳዋ እግርኳስ ፌደሬሽን ፕሬዝዳንት ኮሚሽነር አቶ አለሙ መግራ በጋዜጣዊ መግለጫ ይፋ ተደረገ ። ትልቁ የሊግ ውድድርን የሚመራው ተቋም በፋይናንስ እጥረት ምክንያት ያላደረገውኅ የቫር የዳኝነት ስርዓት በጥቂት የፋይናንስ አቅም የውስጥ ውድድሮች የሚያደርገው ትንሹ ተቋም ተግባር ላይ ሲያውለው ሁለት አዎንታዊ እና አሉታዊ ጎኖች አሉት ።

አዎንታዊ ጎኑ ትንሹ ተቋም የድሬዳዋ እግርኳስ ፌደሬሽን በአጭር ጊዜ ውስጥ እግርኳሱ ላይ ከፍተኛ መነቃቃት እና እግርኳሱን አንድ እርምጃ ከፍ ማድረጉ ነው ። አሉታዊ ጎኑ የሀገሪቷን ትልቁን ሊግ የሚመራው እና በዲኤስቲቪ ውድድሩን ለአለም እያስመለከተ የሚገኘው የኢትዮጵያ ፕርሚየር ሊግ አ.ማ ይህንን ቀላል ቫር ቴክኖሎጂ "የፋይናንስ አቅሜ ስለማይፈቅድ ነው ማምጣት ያልቻልኩት" ማለቱ ነው ይህ የሚያሳየው የሀገሪቷን ሊግ የሚመራው አካል ትልቅ ክፍተት እንዳለበት እና ታች ላይ ያሉት የከተማውን ስፖርት የሚመሩት አካላቶች በትንሽ የፋይናንስ አቅም የተሻለ የስራ አፈፃፀም እየሰሩ እንደሆነ ነው ሚያመለክተው ።

የኢትዮጵያ እግርኳስ ፌደሬሽን እና የሊግ ካምፓኒው ሊጉ ላይ እየታየ የሚገኘውን ከፍተኛ የዳኝነት ክፍተት ለመቀነስ የቫር የዳኝነት ስርአትን ቢያካትቱ ሜዳ ላይ ጨዋታዎችን የሚመሩ ዳኞችን በከፍተኛ ደረጃ ያግዛል ተብሎ ይታመናል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

VAR በድሬዳዋ አንደኛ ዲቪዚዮን ተግባራዊ ይደረጋል

ቀደምቷ የእግርኳስ ከተማ ድሬዳዋ ባለፉት ሶስት አመታት እግርኳሷ በከፍተኛ ደረጃ እየተነቃቃ ይገኛል ። በዚህም የአዲሱ እግርኳስ ፌደሬሽን ምስረታ እና የፌደሬሽኑ ፕሬዝዳን ኮሚሽነር አቶ አለሙ መግራ VAR በድሬዳዋ አንደኛ ዲቪዚዮን እንደሚተገበር ተናግረዋል።

የድሬዳዋ እግርኳስ ፌደሬን በሶስት አመታት ውስጥ በርካታ ስራዎችን የሰራ ሲሆን ለአብነት ያህልም የድሬዳዋ ከፍተኛ እና ሁለተኛ ዲቪዚዮን ውድድሮችን በከፍተኛ ጥራትና ድምቀት እንዲካሄድ አድርጓል ፣ በርካታ የወጣት ቡድኖች እንዲመሰረቱ እና የክለብ ላይሰንስ አግኝተው እንዲወዳደሩ አድርጓል ይህ ማለት በርካታ አልባሌ ቦታ ሚውሉ ወጣቶችን ወደ ስፖርቱ በማምጣት ትውልድን የማዳን ስራ ሰርቷል ፣ የኢትዮጵያ ክልል ሻምፒዮና ውድድር በድሬዳዋ እንዲካሄድ ከፍተኛ ጥረት አድሮጎ አሳክቷል ፣ የከተማውን እግርኳስ በከፍተኛ ሁኔታ አነቃቅቷል ።

የድሬዳዋ እግርኳስ ፌደሬሽን አሁን ደግሞ አዲስ ነገር ይዞ ተከስቷል ። የድሬዳዋ እግርኳስ ፌደሬሽን ፕሬዝዳንት ከትናንት በስቲያ በሰጡት ጋዜጣዊ መግለጫ እንዲህ ብለዋል "በ2017 የድሬዳዋ ከፍተኛ ዲቪዚዮን ጥቅምት 30 ይጀመራል በውድድሩም ላይ በአንድ ጨዋታ ስድስት ዳኞች ይመደባሉ የVAR ቴክኖሎጂም ተግባራዊ ይደረጋል" ብለዋል ።

ፕሬዝዳንቱ አክለውም "እንደ አጋጣሚ ውድድሩ በሚጀመርበት ወቅት ፕርሚየር ሊጉም በከተማችን ቆይታ ስለሚያደርግ ለወጣት ተጫዋቾች እይታ ውስጥ የሚገቡበት እድል ይኖራል" ብለዋል ።

ከዚሁ ጋር ተያይዞ የድሬዳዋ እግርኳስ ፌደሬሽን የድሬዳዋ ከፍተኛ ዲቪዚዮን ሁሉንም ጨዋታዎች የቀጥታ ስርጭ ሽፋን እንዲያገኙ ከድሬዳዋ ብዙሀን ድርጅት ጋር እየመከረ ይገኛል ።

የድሬዳዋ እግርኳስ ፌደሬሽን በድሬዳዋ ከፍተኛ ዲቪዚዮን ውድድር ተግባር ላይ ለማዋል ያሰበው የተንቀሳቃሽ ምስል(VAR) ዳኝነት መልካም ጅማሮ ነው ።

የ2025 አፍሪካ ዋንጫ ማጣርያ 3ኛ የምድብ ጨዋታ ውጤት

የድሬዳዋ ስታዲየም አህጉራዊ ጨዋታዎችን ለማስተናገድ ቀሪ ስራዎች ይጠብቁታል!

በኢትዮጵያ እድሜ ጠገብ ከሆኑ ስታዲየሞች መካከል የድሬዳዋ ስታዲየም አንዱ ሲሆን ባለፉት ጥቂት አመታት ከፍተኛ በጀት ተይዞለት የእድሳት እና የማስፋፊያ ስራዎች ሲሰሩ መቆየታቸው እንዲሁም ስታዲየሙ አለም አቀፍ ጨዋታዎችን እንዲያስተናግድ በማሰብ ጥራቱን የጠበቀ ሰው ሰራሽ የመጫወቻ ሳር እንዲነጠፍ መደረጉም ይታወሳል ።

በዚህም መሰረት ባሳለፍነው ዓመት የስታዲየሙ አንዱ የስራ ክፍል የሆነው የመጫወቻ ሜዳው የሳር ንጣፍ እና ተያያዥ ስራዎቹ ተጠናቀው እና የመጫወቻ ሜዳውም ግምገማ ተደርጎበት የፊፋ የስራ ሀላፊዎች እንዲሁም የኢትዮጵያ እግርኳስ ፌደሬሽን ፕሬዝዳንት አቶ ይሳያስ ጅራ በተገኙበት የመጫወቻ ሜዳውን የብቃት ማረጋገጫ ሰርተፍኬ ለድሬዳዋ አስተዳደር መሰጠቱና የሜዳውም የምረቃ ፕሮግራም መደረጉ ይታወቃል ።

የድሬዳዋ ስታዲየም ከፊፋ የወሰደው የብቃት ማረጋገጫ ሰርተፍኬት የሙሉ የስታዲየሙ ሳይሆን የስታዲየሙ አንዱ ክፍል የሆነው "የመጫወቻ ሜዳው" ነው ። የመጫወቻ ሜዳው ጥራቱን የጠበቀ እና አለም አቀፍ ጨዋታዎችንና ውድድሮችን ማጫወት የሚያስችል ጥራት እና ምቾት እንዳለው ማረጋገጫ የተሰጠው ሲሆን ነገር ግን ሌሎች የስታዲየሙ ግንባታዎች እና የማጠቃለያ ስራዎች ባለመጠናቀቁ ለስታዲየሙ የካፍም ሆነ የፊፋ የብቃት ማረጋገጫ ሰርተፍኬት አልተሰጠውም ።

በወቅቱ በተለያዩ የማህበራዊ መገናኛ ሚዲያዎች በድሬዳዋ ስታዲየም ዙሪያ ለስፖርት ቤተሰቡ የጠራ መረጃ ባለመኖሩ ምክንያት አብዛኛው የስፖርት ቤተሰብ "ብሄራዊ ቡድናችን በሀገሩ እና በደጋፊው ፊት ሚጫወትበት ሜዳ አገኘ" በማለት ደስታቸውን በተለያዩ መንገዶች ሲገልፁ ቆይተዋል ።

የድሬዳዋ ስታዲየም የመጫወቻው ሜዳ የብቃት ማረጋገጫ ከተሰጠው በውኋላ ብሄራዊ ቡድኑ በሜዳው የሚያደርጋቸውን አሁጉራዊ ጨዋታዎች ከሀገር ውጪ በተውሶ ሜዳ በሌሎች ሀገራት ሲጫወት "የድሬዳዋ ስታዲየም አለም አቀፍ ጨዋታዎችን ማስታናገድ ይችላል አልተባለም ወይ?" የሚሉ መሰረታዊ ጥያቄዎችን እያነሱ እስካሁን ድረስ ምላሽ ያለገኙት በርካታ የስፖርት ቤተሰቦች ከቀናት በፊት ምላሽ ያገኘ ይመስላል ።

ከቀናት በፊት በተካሄደው የኢትዮጵያ እግርኳስ ፌደሬሽን ጠቅላላ ጉባኤ ላይ ከተነሱ አጀንዳዎች መካከል የስታዲየም ጉዳይ አንዱ ነበር ። በጉዳዩ ላይም የፌደሬሽኑ ፕሬዝዳንት አቶ ይሳያስ ጅራ እንዲ ብለዋል "ብሄራዊ ቡድኑ በተውሶ ሜዳ እየተጫወተ ከ27 ሚሊዮን ብር በላይ ኪሳራ አጋጥሞናል " ያሉት ፕሬዝዳንቱ አክለውም "ብሄራዊ ቡድናችን በሀገሩ መጫወት እንዲችል ስታዲየሞች ጥራታቸውን ጠብቀው እንዲሰሩ ለክልሎች የገንዘብም የባለሞያዎችም ድጋፍ እያደረግን ነው ነገር ግን ከአንድ አንድ ክልሎች ጋር ተማምኖ መስራት አልተቻለም" በማለት ተናግረዋል ።

በመሆኑም የፕሬዝዳንቱ ንግግር ሚያሳየው ኢትዮጵያ ውስጥ አለም አቀፋዊ ሆነ አህጉራዊ ጨዋታዎችን ማስተናግድ የሚችል ስታዲየም አለመኖሩን ነው ።

የድሬዳዋ ስታዲየም አሁናዊ ሁኔታ ሚያሳየው ከመጫወቻ ሜዳው ውጪ የሚቀሩ ሌሎች የስታዲየሙ ግንባታዎች እና የማጠቃለያ ስራዎች ሲጠናቀቁ በካፍ ወይም በፊፋ ገምጋሚ ኮሚቴ ከተገመገመ በውኋላ በሚያገኘው የብቃት ማረጋገጫ ሰርተፍኬት አሁጉራዊ ጨዋታዎችን ሊያስተናግድ ይችላል ተብሎ ይጠበቃል።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

ኢትዮጵያ 3ኛ ሽንፈቷን አስተናግዳለች

የኢትዮጵያ ከ 20ዓመት በታች ብሔራዊ ቡድን በብሩንዲ አቻዉ በአፍሪካ ዋንጫ ሴካፋ ዞን ማጣሪያ 3ኛ ጨዋታዉን ተሸንፏል።

የብሩንዲ ብሔራዊ ቡድን ኢትዮጵያን 3ለ2 ነዉ ማሸነፍ የቻለዉ።

ውጤቱን ተከትሎ ቀይ ቀበሮዎቹ በ 0 ነጥብ 4ኛ ደረጃን ይዘው ከምድባቸው ተሰናብተዋል።

የ2017 የኢትዮጵያ ፕሪሚየር ሊግ ከ4ተኛ እስከ 13ተኛ ሳምንት መርሃ ግብር ማስተካከያ ተደረገበት!

የ2017 የኢትዮጵያ ፕሪሚየር ሊግ ከ1ኛ እስከ 3ተኛ ሳምንት በድሬደዋ ስታዲየም ከተደረገ በኋላ በብሄራዊ ቡድናችን የአፍሪካ ዋንጫ ማጣሪያ ጨዋታ ምክንያት መቋረጡ ይታወቃል።

በውድድር አመቱ የወልቂጤ ከተማ እግር ኳስ ክለብ ከውድድሩ መሰረዙን ተከትሎ በ18 ተሳታፊ ክለቦች የሚካሄደው ሊግ ከ4ተኛ ሳምንት በኋላ ያለው መርሃ ግብር ማስተካከያ ተደርጎበታል። በዚህም መሰረት ከ5ተኛ ሳምንት ውጪ ጠዋት 3:30 የሚደረግ ጨዋታ የማይኖር ሲሆን በተመሳሳይ ከ5ተኛ ሳምንት ውጪ ባሉ የቀሪ ሳምንታት መርሃ ግብር ሁለት አራፊ ቡድኖች በየሳምንቱ ይኖራሉ።

©EPLSC

የድሬዳዋ ከፍተኛ ዲቪዚዮን ክለቦች የፋይናንስ አቅማቸው እያደገ ይገኛል !

በድሬዳዋ ከፍተኛ ዲቪዚዮን ተሳታፊ የሆኑ ክለቦች ተጫዋቾች እና አሰልጣኞችን አቅማቸው በሚፈቅደው መጠን እያስፈረሙ ይገኛሉ ።

ከዚህ ቀደም በከፍተኛ ዲቪዚዮኑ ለመሳተፍ እና ምዝገባ ለማረግ እንዲሁም የጨዋታ ትጥቅ ለማሟላት ሲቸገሩ ሚስተዋሉት ክለቦች ካለፈው አመት ጀምሮ በተለያዩ መንገዶች እራሳቸውን በፋይናንስ እያደራጁ ሲሆን በ2017 ዓ.ም የድሬዳዋ ከፍተኛ ዲቪዚዮን ለመሳተፍም ተጫዋቾችንና አሰልጣኞችን ደሞዝ እስከ 10 ሺ ለፊርማ ደግሞ አስከ 40 ሺ ብር በሚደርስ ዋጋ እያስፈረሙ መሆኑንም ለማወቅ ተችሏል ።

በከፍተኛ ዲቪዚዮኑ ላይ ተወዳዳሪ የሆኑ ክለቦች እራሳቸውን በፋይናንስ ለማደራጀት እየሄዱበት ያለው መንገድ ጥሩ እና መበረታታት ያለበት ተግባር ሲሆን ወጣት ተጫዋቾችን እና አሰልጣኞችንም ለእግርኳሱ ትኩረት ሰጥተው እንዲሰሩ ያደርጋቸዋል ።

በከፍተኛ ዲቪዚዮኑ ላይ እየተሳተፉ የሚገኙ ክለቦች እራሳቸውን በፋይናንስ ለማጠናከር እየሰሩት ያለውን ስራ በአስተዳደር ውስጥ የሚገኙ ባለሀብቶች እና ተቋማት እንዲሁም ኑሮአቸውን በውጭ ሀገር ያደረጉ የስፓርቱ  ወዳጆች ድጋፍ ቢያደርጉላቸው መልካም ነው እያልን በ2016 ዓ.ም የድሬዳዋ ከፍተኛ ዲቪዚዮን ላይ ለሚሳተፉ 16ቱም ተወዳዳሪ ክለቦች መልካም የውድድር ዓመት እንዲሆንላቸው ከወዲሁ እንመኛለን ።

#ምስል :- ካለፈው አመት ፍፃሜ ጨዋታ የተወሰደ !

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ

የተፈራውን ጅማሮ ያደረጉት ፈረሰኞቹ ፣!

ካለፉት ሁለት አመታት ጀምሮ በርካታ ውስጣዊ እና ውጫዊ  ችግሮቻቸው ለተለያዩ ቀውሶች የደረጋቸው ፈረሰኞቹ ባለፉት ሁለት የክረምት የዝውውር መስኮቶች በርካታ ወሳኝ ተጫዋቾቻውን አተዋል በቅርቡ አሜሪካ ላይ በተደረገ የሸገር ደርቢ ከተጫዋቾች በቡድኑ የሀላፊነት ቦታ ላይ እስከተቀመጡ አመራሮች ከካምፕ ጠፍተዋል ።

በዚህ ሁሉ ውስብስብ ችግር ውስጥ ካለፉ በውሀላ በአዲስ አሰልጣኝ እና በአዳዲስ ወጣት ተጫዋቾች የውድድር ዓመቱን የጀመሩት ቅ/ጊዮርጊሶች በፋሲል ከነማ ተረተው የውድድር ዓመታቸውን ሲጀምሮ በውድድር አመቱ ደካማ ጅማሮ ያደረገውን ወልዋሎ አዲግራት ዩኒቨርሲቲን በማሸነፍ የዓመቱን የመጀመሪያ ድላቸውን ሲያገኙ በሶስተኛ ሳምንት የሊጉ ጨዋታ ደግሞ በመቐለ 70 እንድርታ ሽንፈት አስተናግደው ወደ እረፍት አቅንተዋል ።

በአሰልጣኝ ፋሲል ተካልኝ እየተመሩ የውድድር ዓመቱን የጀመሩት ፈረሰኞቹ ከእረፍት መልስ እራሳቸውን አጠናክረው መቅረብ ይኖርባቸዋል ።

ለተጨማሪ መረጃ የፌስቡክ ገፃችንን :-
https://m.facebook.com/diresoccer ይቀላቀሉ