Caffee Oromia

𝐖𝐚𝐚𝐝𝐚𝐚𝐫𝐫𝐚𝐚 𝐇𝐚𝐧𝐠𝐚 𝐀𝐚𝐝𝐞𝐟𝐟𝐚𝐧𝐧𝐚𝐚!
****
Afyaa'iin Caffee Oromiyaa Kab. Aadde Sa'aadaa Abdurahmaan, Yaadama Ida'amuun, dhaabbilee ciccimoo ijaarree, rakkoo ummata keenyaa hiikuun waan ummataaf waadaa galle gochaan mirkaneessuu qabna jedhan.

Kana malees, badhaadhina hunda galeessa mirkaneessuufi abjuu badhaadhinaa milkeessuuf waadaa galle sirnoomsuun hojii hunda aadeffannee hojjechuun mul'ata qabanne milkeessuu qabnas jedhaniiru.

Galmoota gurguddoo dameewwan misoomaa hunda irratti hojjechaa turreen, injifannoowwan gurguddoo galmeessaa dhufneerra kan jedhan Kab. Aadde Sa'aadaa Abdurahmaan, milkaa'inoota kana caalmaan itti fufsiisuuf ammoo waltaanee xiiqii olaanaan hojjechuu qabna jedhaniiru.

Hordoffiifi To’annoon akka Caffeetti gaggeessinu, sirna ijaaraa jirruuf utubaa, hojimaanni, tarsiimoon, imaammanniifi qajeelfamoonni mootummaan fayyadamummaa lammiilee mirkaneessuuf gadi buuse qabatamaan hojiirra oolaa jiraachuu isaa mirkaneeffachuun rakkoo ummata keenyaa hiikuuf kan gaggeeffamudhas jedhaniiru.

Ummanni keenyas jedhan Aadde Sa’aadaan, Koreewwan Dhaabbii Caffee waliin wayita mari’atu yaada, gaaffiifi komiiwwan qabu qofa osoo hin taane, abdii mootummaa ofiin hundeeffate irraa qabus iftoominaan kaasee waliin mari’achaa turuu isaa mirkaneessan.

Hordoffiifi to’annoo marsaa kana gaggeeffameen, ummanni Mootummaa Ganda irratti hundaa’ee jiru irraa abdiifi amantaa guddaa qabaachuu isaa mirkaneessuun, yaadaafi komiin ummata biraa ka’ees deebii akka argatuuf xiyyeeffannoo kennuun hordofaa kan deeman ta’uus ibsaniiru.

Koreewwan Dhaabbii Caffees, hordoffiifi to’annoo dirree gaggeessan irraa galteewwan argaman giddu gala godhachuun, caasaalee mootummaa sadarkaan jiraniin dhimmoota hiikkachuu qaban marii waloo taasisaa kan dhufeefi sadarkaa Naannoottis qorannaa raawwii hojii kurmaana 2ffaa manneen hojii mootummaa naannichaa waliin gaggeeffamu keessatti raawwii qabatamaa jiru kan qoratu ta’uus ifoomsaniiru.

Afyaa’iin Caffee Oromiyaa Kab. Aadde Sa’aadaa Abdurahmaan ergaa gama miidiyaa hawaasaa isaaniin dabarsaniin, Koreewwan Dhaabbii Caffee Oromiyaa Godinaalee, Magaalota, Aanaaleefi Gandoota gara garaa keessatti qaamaan argamanii marii qaamolee hawaasaa waliin taasisuun, hojiiwwan misoomaa daawwachuun, tajaajila manneen hojii mootummaa sadarkaan jiraniin kennamaa jiru ilaaluun, hordoffiifi to'annoo dirree ummata keessatti argamanii gaggeessaa turan arra qorannee jirra jedhan.

Kunuunsi misooma sululaa dhiqama biyyee ittisuun, diinagdee magariisaa dandamachiisa. Kunimmoo, dhiibbaa jijjiirama qilleensaan lammiilee irra gahuuf malu xiqqeessa. Rooba waktiisaa eeggate akka argannu taasisuu keessattis qooda olaanaa gumaacha. Madaala kuufama bishaan lafa jalaas tiksa jedhan.

Waggoottan darban keessatti misooma sululaafi kunuunsa qabeenya uumamaa naannicha keessatti hojjetamaa tureen muuxannoowwan gaggaariin hojii keenya itti aanuuf galtee ta’an argamanii kan jiran ta’uu ibsuun, ummanni bal’aan baadiyyaatti argamus sochiin hawaas-diinagdee isaa qonna irratti kan hundaa’u ta’uu ibsan.

Kanaaf, hojiin tajaajila lammummaa kunuunsa qabeenya uumamaa waggoottan darban hojjechaa turre bona kanas itti fufee kan hojjetamu, muuxannoofi ogummaan ummanni keenya yeroo gara yerootti dabalaa kan jiru, miidhaginniifi hawwattummaan hojii kanaas, madda hawwata tuuriizimii ta’uun tajaajiluu keessatti qooda olaanaa qaba. Dhaloota aadaa hojii gonfateen hiyyummaa injifannee mul’ata badhaadhinaa qabame ariitiin galmaan gahuu keessatti gaheen qabu guddaa ta’uus ibsaniiru.

Iccitiin milkaa’ina keenyaas, kunuunsi qabeenya uumamaa, misooma sululaa bonaafi hojiin ashaaraa magariisaa gannaa hirmaannaa ummata keenyaa bal’aan hojjetamu galtee waliif ta’ee, diinagdee magariisaa keenya dandamachiisuun qilleensa mijataafi qabeenya bishaanii qabnutti fayyadamuun oomishtummaa dabaluun wabii nyaataan of danda’uu qofa osoo hin taane alergii dabaluu keessatti qooda olaanaa qaba jedhan.

Bara kanas, hirmaannaa ummata bal’aan deeggarree karoora hojii kunuunsa qabeenya uumamaaf qabame milkeessuun hunduu gahee isaa bahachuu akka qabu akeekaniiru.

Hojii misooma sululaa bona kana hojjetamuun, qabeenya bosonaa jiru eeguu, kunuunsuufi misoomsuun diinagdee magariisaa balaa kamiyyuu dandamachuu danda’u uumuun hojiiwwan Karoora Xiiqiin qabamanii hojjetamaa jiran saffisiisuu galma kan godhate ta’uu Afyaa’iin Caffee Oromiyaa Kab. Aadde Sa’aadaa Abdurahmaan ergaa gama miidiyaa hawaasaa isaaniin dabarsaniin ibsan.

𝐁𝐚𝐠𝐚 𝐀𝐲𝐲𝐚𝐚𝐧𝐚 𝐐𝐢𝐥𝐥𝐞𝐞 (𝐃𝐡𝐚𝐥𝐨𝐨𝐭𝐚 𝐊𝐢𝐫𝐢𝐬𝐭𝐨𝐨𝐬𝐢𝐢𝐧) 𝐈𝐬𝐢𝐧 𝐆𝐚𝐡𝐞!
𝑲𝒂𝒃. 𝑨𝒂𝒅𝒅𝒆 𝑺𝒂'𝒂𝒂𝒅𝒂𝒂 𝑨𝒃𝒅𝒖𝒓𝒂𝒉𝒎𝒂𝒂𝒏
𝑨𝒇𝒚𝒂𝒂’𝒊𝒊 𝑪𝒂𝒇𝒇𝒆𝒆 𝑶𝒓𝒐𝒎𝒊𝒚𝒂𝒂

Afyaa’iin Caffee Oromiyaa Aadde Sa’aadaa Abdurahmaan, Obbo Bulchaa Dammaqsaa boqochuu isaaniitti gadda guddaa isaaniitti dhagaahame ergaa gama miidiyaa hawaasaa isaanii dabarsaniin ibsan.

Hayyuu gameessa dhaloonni irraa baratu, sabaafis, biyyaafis bu’aa olaanaa buusan, ummata isaaniif sagalee ta’uun qabsaa’aa kan turan dhabuun ulfaataadha kan jedhan Aadde Sa’aadaan, maatiifi firoottan isaaniifis jajjabina hawwaniiru.

Koreen Dhaabbii Dhimma Misooma Badiyyaa Caffee Oromiyaa Godina Arsii keessatti hordoffiifi to'annoo taasisaa tureen hojiiwwan misoomaa, piroojeektiiwwan adda addaafi tajaajila waajjiraalee mootummaan kennamu Aanaaleefi Gandootatti gadi bu'uun daawwannaa taasisaa tureera. Kana malees, sadarkaa Gandaatti qaamolee hawaasaa waliin dhimmoota adda addaa irratti mari'achaa tureera.

Dura Taa'aan Koree Dhaabbii Dhimma Misooma Baadiyyaa Kab. Obbo Diriirsaa Waaqumaas, marii ummataafi dawwannaa Koreen Dhaabbii Godinichatti taasisaa ture qindeessuun hooggansa Godina Arsiif duubdeebii kennuun turtii godinicha keessatti taasisaa turan xumuureera.

Koreen Dhaabbii Dhimma Bulchiinsaa, Seeraafi Bulchiinsa Namaa Caffee Oromiyaa Godina Shawaa Kibba Lixaa Aanaalee Sabbataa Awaas, Wanciifi Magaalaa Waliisootti Hordoffiifi To'annoo gaggeessaa ture xumuruun Hooggansa Godinaafi Magaalaaf duubdeebii kenneera.

Hordoffiifi To'annoo gaggeeffamaa tureen Karoora Misoomaa faayidaafi fayyadamummaa ummataa mirkaneessuuf qophaa'an rakkkoo hawaas-dinagdee ummataa qabatamaan hiikaa jiraachuufi dhiisuu mirkaneeffachuun ciminootni jiran akka itti fufan, hanqinootni adda bahaniifi dhimmoota xiyyeeffannoo barbaadan irratti hooggansi sadarkaan jiru hojjechuu akka qabu Dura Taa'aan Korichaa, Kab. Obbo Gabree Urgeessoo duubdeebii kennaniin ibsaniiru.

𝐍𝐚𝐠𝐞𝐞𝐧𝐲𝐢 𝐛𝐮'𝐮𝐮𝐫𝐚 𝐰𝐚𝐚 𝐡𝐮𝐧𝐝𝐚𝐚𝐭𝐢!
****
Koreewwan Dhaabbii Itti Aanaa Koree Dhaabbii Dhimma Misooma Magaalaa Caffee Oromiyaa Kab. Injinar Siraaj Abdurroon durfamu, jiraattoota Magaalaa Naqamtee waliin dhimmoota nageenyaa, misoomaafi bulchiinsa gaarii irratti mari'atan.

Qaamoleen Hawaasaa Koree Dhaabbii waliin mari'atan, nageenyi waaraan Magaalicha keessatti mul'achaa jiru irraa gammachuu guddaa qabna jedhan.

Koree dhaabbii Dhimma Misooma Magaalaa Caffee Oromiyaa Magaalaa Asallaatti gurma'iinsa Gandootaa, mana barumsaafi buufata fayyaa Magaalaa Asallaa daawwate.

𝐆𝐚𝐥𝐦𝐢 𝐇𝐨𝐫𝐝𝐨𝐟𝐟𝐢𝐢𝐟𝐢 𝐓𝐨'𝐚𝐧𝐧𝐨𝐨 𝐡𝐢𝐫𝐦𝐚𝐚𝐧𝐧𝐚𝐚 𝐥𝐚𝐦𝐦𝐢𝐢𝐥𝐞𝐞 𝐜𝐢𝐦𝐬𝐮𝐮𝐧 𝐝𝐢𝐢𝐦𝐨𝐤𝐢𝐫𝐚𝐚𝐬𝐢𝐢 𝐝𝐚𝐠𝐚𝐚𝐠𝐬𝐮𝐮𝐝𝐡𝐚!
𝑲𝒂𝒃. 𝑨𝒂𝒅𝒅𝒆 𝑺𝒂'𝒂𝒂𝒅𝒂𝒂 𝑨𝒃𝒅𝒖𝒓𝒂𝒉𝒎𝒂𝒂𝒏
𝑨𝒇𝒚𝒂𝒂'𝒊𝒊 𝑪𝒂𝒇𝒇𝒆𝒆 𝑶𝒓𝒐𝒎𝒊𝒚𝒂𝒂

𝐅𝐚𝐥𝐦𝐢𝐢 𝐌𝐮𝐫𝐭𝐢𝐢 𝐇𝐚𝐪𝐚𝐚
𝑂𝑏𝑏𝑜 𝐴𝑏𝑠ℎ𝑖𝑟𝑢𝑢 𝑌𝑢𝑠𝑢𝑢𝑓 𝑗𝑖𝑟𝑎𝑎𝑡𝑎𝑎 𝐺𝑜𝑑𝑖𝑛𝑎 𝑊𝑎𝑙𝑙𝑎𝑔𝑔𝑎 𝐿𝑖𝑥𝑎𝑎 𝑀𝑎𝑔𝑎𝑎𝑙𝑎𝑎 𝐺𝑖𝑚𝑏𝑖𝑖 𝑘𝑎𝑛 𝑡𝑎'𝑎𝑛, 𝑓𝑎𝑙𝑚𝑖𝑖 𝑚𝑢𝑟𝑡𝑖𝑖 ℎ𝑎𝑞𝑎𝑎 𝑞𝑎𝑏𝑖𝑦𝑦𝑒𝑒 𝑙𝑎𝑓𝑎𝑎𝑛 𝑤𝑎𝑙𝑞𝑎𝑏𝑎𝑡𝑒𝑒 𝑀𝑎𝑛𝑛𝑒𝑒𝑛 𝑀𝑢𝑟𝑡𝑖𝑖 𝑠𝑎𝑑𝑎𝑟𝑘𝑎𝑎𝑛 𝑗𝑖𝑟𝑎𝑛𝑖𝑡𝑡𝑖 𝑡𝑎𝑎𝑠𝑖𝑠𝑎𝑎 𝑡𝑢𝑟𝑎𝑛;
#𝐂𝐚𝐟𝐟𝐞𝐞_𝐎𝐫𝐨𝐦𝐢𝐚

Caffeen Oromiyaas, hordoffiifi to’annoon gaggeessu kaayyolee muummeyyii jahan seeraan kennamaniif sirnaan hojiirra oolaa jiraachuu isaanii mirkaneeffata. Kunis, karoorri Mootummaa Naannichaa, Caffeen jalqaba bara baajataa irratti raggaase, galmoota gurguddoo qabaman mirkaneessuun walqabatee, sadarkaa raawwiin hojii irra jiru mirkaneeffachuu irratti kan xiyyeeffatu ta’uu ibsanii jiru.

Koreewwan Dhaabbii Caffees, galmoota gurguddoo dameewwan hunda irratti karoora mootummaan qabamanii hojjetamaa jiran, sadarkaa raawwiin hojii irra jiru mirkaneeffachuuf gabaasa manneen hojii irraa dhiyaatuuf kurmaanaan ni qoratu. Kana malees, hanga sadarkaa Gandaatti qaamaan gadi bu’uun hordoffiifi to’annoo dirree gaggeessuun qaamolee hawaasaa waliinis kan mari’atan ta’uu ibsaniiru.

Galmi hordoffiifi to’annoo keenyaas, hirmaannaa lammiilee caalmaatti cimsuun, ijaarsa diimokiraasii saffisiisuudha jedhan. Mootummaafi ummanni galma waloo tokko qabatanii badhaadhina hunda galeessa mirkaneessuun, abjuun guddina biyyaafi naannoo keenyaa akka dhugoomuuf qindoomina waloon hiriirree xiiqiin hojjennee fedhiifi faayidaa ummata keenyaa akka mirkaneessinu taasisa jedhan.

Sirni hordoffiifi to’annoo cimaan diriiruun, tajaajila mootummaan ummata isaaf kennu kan si’oomsu ta’uus eeran. Hariiroo mootummaafi ummata gidduu jiru cimsuun, amantaa ummanni mootummaa ofiin hundeeffate irraa qabu caalmaan kan cimsu ta’uus ibsaniiru.

Hordoffiifi To’annoon Koreewwan Dhaabbii Caffee Oromiyaa Waggaa 4ffaa Marsaa 1ffaa kanaan, Godinaalee 10, Magaalota 8 fi Aanaalee garaa garaa keessatti hanga Gandaatti gadi bu’uun daawwannaa hojiifi marii qaamolee hawaasaa waliin taasisanis dhimmoota olitti ibsaman giddu gala godhachuun kan gaggeeffamu akka ta’es akeekanii jiru.

Afyaa’iin Caffee Oromiyaa Kab. Aadde Sa’aadaa Abdurahmaan, ergaa gama miidiyaa hawaasaa isaaniin dabarsaniin, sirni walhordofuufi to’achuu qaamolee mootummaa gidduutti diriiruun, diimokiraasii dagaagsuun, misoomni ariifataafi haqa qabeessa ta’e akka jiraatuufi lammiileen mootummaa ofiin hundeeffatan waliin galma waloo tokkoof qindoomanii akka hojjetan taasisa jedhan.

𝐇𝐨𝐫𝐝𝐨𝐟𝐟𝐢𝐢𝐟𝐢 𝐓𝐨’𝐚𝐧𝐧𝐨𝐨𝐧 𝐠𝐚𝐠𝐠𝐞𝐞𝐟𝐟𝐚𝐦𝐮 𝐚𝐛𝐣𝐮𝐮 𝐠𝐮𝐝𝐝𝐢𝐧𝐚𝐚𝐟𝐢 𝐛𝐚𝐝𝐡𝐚𝐚𝐝𝐡𝐢𝐧𝐚𝐚 𝐝𝐡𝐮𝐠𝐨𝐨𝐦𝐬𝐚.
****

Sirni wal hordofuufi to’achuu /check & balance/ qaamolee mootummaa jidduu jiraachuun dimokraasiifi bulchiinsa gaarii dagaagsa. Kabajamuu mirgoota laammiilee, seeronni, imaammanni, tarsiimoofi sagantaaleen mootummaan bahan hojimaata bu’uura godhatanii raawwatamaa jiraachuu mirkaneeffata.

Misoomni haqa qabeessaafi ariifataan akka jiraatuuf, akkasumas, qaamoleen mootummaa fedhiifi faayidaa ummata isaanii galmaan gahuuf hojjechaa jiraachuu isaanii mirkaneeffata.

Caffeen Oromiyaa, qaama bakka bu’ummaa ummataa fudhatee hojjetu yommuu ta’u, seerotaafi imaammattoota akkasumas, karooraafi baajata Naannichaa raggaasuun hojiirra oolmaasaa qaama hordofuufi to’atudha.

Caffeen hordoffiifi to’annoo gaggeessa wayita jedhamu, imaammattoota, tarsiimoowwaniifi sagantaan mootummaa sirnaan hojiirra oolaa jiraachuu, akkasumas, seeronni Caffeen raggaasu qajeelloon hojiirra ooluun fayyadamummaa lammiilee mirkaneeffachuu galma godhata.

Safartuun galma gahiinsa hojii hordoffiifi to’annoos, kaayyolee muummeyyii jahan hordoffiifi to’annoo seeraan kennamaniin kan raawwatamudha.

Sirni walhordofuufi to’achuu qaamolee mootummaa gidduutti diriiree jirus, diimokiraasii dagaagsuun, badhaadhina hunda galeessa, misooma dam-daneessaafi ariifataan akka galmaa’u taasisa.

𝐅𝐚𝐥𝐦𝐢𝐢 𝐐𝐚𝐛𝐢𝐲𝐲𝐞𝐞 𝐋𝐚𝐟𝐚𝐚 𝐎𝐛𝐛𝐨 𝐀𝐛𝐬𝐡𝐢𝐫𝐮𝐮 𝐘𝐮𝐬𝐮𝐮𝐟
𝑮𝒐𝒅𝒊𝒏𝒂 𝑾𝒂𝒍𝒍𝒂𝒈𝒈𝒂 𝑳𝒊𝒙𝒂𝒂 𝑴𝒂𝒈𝒂𝒂𝒍𝒂𝒂 𝑮𝒊𝒎𝒃𝒊𝒊 𝑮𝒂𝒏𝒅𝒂 06𝒕𝒕𝒊 𝒌𝒂𝒏 𝒂𝒓𝒈𝒂𝒎𝒖 𝒒𝒂𝒃𝒊𝒚𝒚𝒆𝒆𝒏 𝒍𝒂𝒇𝒂 𝑶𝒃𝒃𝒐 𝑨𝒃𝒔𝒉𝒊𝒓𝒖𝒖 𝒀𝒖𝒔𝒖𝒖𝒇 𝒇𝒂𝒍𝒎𝒊𝒊 𝒚𝒆𝒓𝒐𝒐 𝒅𝒉𝒆𝒆𝒓𝒂𝒂𝒏 𝒃𝒐𝒐𝒅𝒂 𝑲𝒐𝒎𝒊𝒊𝒔𝒉𝒊𝒏𝒊𝒊 𝑯𝒊𝒊𝒌𝒌𝒂𝒂 𝑯𝒆𝒆𝒓𝒂𝒂 𝑴𝑵𝑶𝒏 𝒎𝒖𝒓𝒕𝒊𝒊 𝒙𝒖𝒎𝒖𝒖𝒓𝒂𝒂 𝒂𝒓𝒈𝒂𝒕𝒆.

Ajandaan Naannoo Oromiyaa, bakka buutota isaatiin caayaa tokko jalatti mari'atamee Komiishinii Marii Biyyaalessaaf dhiyaatee jira.

Komishiniin Marii Biyyaalessaa, guyyoota torban darbaniif dhimma Naannoo Oromiyaa ilaalchisee mariin Adaamaatti qopheesse, ajandaawwan naannichaa mareef dhiyaatan fudhachuun goolabee jira.

𝐃𝐮𝐮𝐝𝐡𝐚𝐚𝐥𝐞𝐞 𝐁𝐢𝐲𝐲𝐚𝐚𝐥𝐞𝐬𝐬𝐚𝐚 𝐪𝐚𝐛𝐧𝐮𝐮𝐧 𝐞𝐞𝐧𝐲𝐮𝐦𝐦𝐚𝐚 𝐛𝐢𝐲𝐲𝐚𝐚𝐥𝐞𝐬𝐬𝐚𝐚 𝐢𝐣𝐚𝐚𝐫𝐫𝐚.
****
Waajjira Caffee Oromiyaatti Gorsaa Olaanaan Dhimma Seeraa Obbo Dhaabaa Dirribaa,
"Eenyummaa Biyyaalessaa fi Duudhaalee Biyyaalessaa" mata duree jedhu irratti, Hooggansa Manneen Maree Aanaaleefi Magaalota Oromiyaaf leenjii hubannoo uumuu Baatuutti kennanii jiru.

Filatamtoonni ummataa gahee nageenya waaressuu keessatti qaban beekanii, badhaadhina hunda galeessa dhugoomsuuf, nageenya waaressuun misooma itti fufiinsa qabu Itoophiyaa keessatti mirkaneessuuf shoorri taphatan olaanaa ta'uu ibsan.

Kanaafis, seenessa waloon Itoophiyaa tokkummaa sabdaneessaa mirkaneessuun hunda haammattee jiraattu ijaaruun wabii itti fufiinsa biyyaa mirkaneessuudha jedhan.

Waliigaltee Biyyaalessaa gaggeessaa jirruunis, duudhaalee waloo akka biyyaatti waliin qooddannu daran cimsinee, eenyummaa biyyaalessaa qabannee cehuumsa biyyaa dhugoomsuun gahee dhaloota kanaati jedhan.

Ergama kana milkeessuuf ammoo gaheen bakka bu'oonni ummataa qaban olaanaa ta'uus ibsan.

Leenjiin dandeettii raawwachiisummaa hooggansa Manneen Maree Aanaaleefi Magaalota Oromiyaa 800 oliif, Waajjirri Caffee Oromiyaa, Yuunivarsiitii Naannoo Oromiyaa waliin ta'uun "Democracy and State Building" mata duree jedhu irratti Magaalaa Baatuutti kennaa jiru har'as itti fufee jira.

Yuunivarsitiin Naannoo Oromiyaa, manneen hojii mootummaa naannichaa waliin hariiroo gaarii uumuun tajaajila gorsaafi deeggarsa ogummaa, akkasumas, qorannoofi qo'annoo kennuun dhaabbilee diimokiraasii ciccimoo ijaaruufi misooma naannichaa saffisiisuu keessatti gahee olaanaa taphachaa jira.

Afyaa'iin Mana Maree Federeeshinii RFDI Kab. Obbo Aaganyaw Tashaagar, Siimpooziyeemii akka biyyaatti gaggeeffame irratti haasawaa taasisaniin, tokkummaa sabdaneessaa giddu gala kan godhate waliigalteen biyyaalessaa, utubaa ijaarsa biyyaati jedhan.

Guyyaan Saboota, Sablammootaafi Ummattoota Itoophiyaa tokkummaa sabdaneessummaa keenya itti fufsiisuu keessatti qooda olaanaa akka qabu Afyaa'iin Mana Maree Naannoo Kibba Itoophiyaa Kab. Aadde Tsahaay Waresa haasawaa baniinsaa taasisan irratti ibsaniiru.

Siimpooziyeemiin Biyyaalessaa gaggeeffame kun, yaadrimee sirna Federaaliizimiifi Ijaarsa Biyyaalessaa jedhu irratti kan xiyyeeffatu yoo ta'u, ummattoonni mirga ofiin of bulchuu argatan, gahee ijaarsa biyyaa keessatti qaban sirnaan bahachuuf qindoominaan hojjechuu akka qabanis ibsameera.

Waliigalteen Nagaa gaggeeffames imala badhaadhinaa jalqabne daran saffisiisuun daandii tokkummaa, obbolummaafi waloomaa kan cimsuufi guyyaan kunis, yeroo kanatti kan kabajamu ta'uun isaa adda isa taasisa jedhameera.

Guyyaan Saboota, Sablammootaafi Ummattoota Itoophiyaa Marsaa 19ffaa Sadaasa 29 Bara 2017 kabajamu sababeeffachuun Mariin Siimpooziyeemii Galma Giddu Gala Aadaafi Qorannoo Gaamoo Magaalaa Arbaa Miincitti argamutti gaggeeffamaa jira.

Marii kanarratti, Afyaa'iin Mana Maree Federeeshinii RFDI Kab. Obbo Aganyaw Tashaagar, Pireezidaantii Mana Murtii Waliigala RFDI Kab. Obbo Tewodroos Mihret, Afyaa'ii Caffee Oromiyaa Kab. Aadde Sa'aadaa Abdurahmaan, Pireezidaantonniifi Afyaa'onni Naannolee, Kantiibotaafi Afyaa'ota Bulchiinsa Magaalaa lamaanii dabalatee keessummoonni garaa garaa bakka argamanitti gaggeeffamaa jira.

'𝐆𝐮𝐲𝐲𝐚𝐚 𝐌𝐚𝐫𝐢𝐢' jedhamee kan kabajamu Sadaasni 28/2017, mata duree "𝐖𝐚𝐥𝐢𝐢𝐠𝐚𝐥𝐭𝐞𝐞 𝐁𝐢𝐲𝐲𝐚𝐚𝐥𝐞𝐬𝐬𝐚𝐚 𝐓𝐨𝐤𝐤𝐮𝐦𝐦𝐚𝐚 𝐒𝐚𝐛𝐝𝐚𝐧𝐞𝐞𝐬𝐬𝐚𝐚𝐟" jedhuun ayyaanichi sirnoota garaa garaan kabajamaa jira.

Sirna Kabaja Guyyaa Saboota, Sablammootaafi Ummattoota Itoophiyaa 19ffaa irratti hirmaachuuf, jilli aadaa Naannoo Oromiyaa, Amaaraa, Gaambeellaafi Hararii bakka bu'uun gara Naannoo Kibba Itoophiyaa Magaalaa Arbaamiincitti imalaa jiru, hawaasa Naannoo Sidaamaatiin Magaalaa Awaasaatti simannaan taasifamee jira.

Guyyaa Saboota, Sablammootaafi Ummattoota Itoophiyaa 19ffaa sababeeffachuun Magaalaa Ambootti dulli qulqullina Magaalaa gaggeeffamee jira.

Kaayyoon duula qulqullinaa kanaa, hawaasni keenya akkuma qe'eefi naannoo isaa qulqulleessu, hariiroo waliin jireenya isaa cimsachuun, jibba irraa of qulqulleessuun nagaafi jaalalaan waliin jiraachuun biyya hunda keenyaaf taatu gamtaan ijaaruu akka qabnu beeksisuuf yaadameetu jedhan, Dura Taa’aan Koree Dhaabbii Dhimma Misooma Baadiyyaa Kab. Obbo Diriirsaa Waaqumaa ibsaniiru.

Kantiibaan Bulchiinsa Magaalaa Amboo Obbo Hacaaluu Gammachuus, duula qulqullina magaalaa keenyaa hara'a ayyaana kana sababeeffachuun gaggeessaa jirru jibbaafi hammeenyummaa irraa of qulqulleessuun naannoo qulqullina qabduufi sammuu jaalalaan misoome akka qabaannuuf yaadameetu jedhan.

Jilli Afyaa'ii Caffee Oromiyaa Kab. Aadde Sa'aadaa Abdurahmaaniin durfamu Magaalaa Ambootti hojiiwwan misoomaa adda addaa daawwatee jira.

Jilli Afyaa'ii Caffee Oromiyaa Kab. Aadde Sa'aadaa Abdurrahmaaniin durfamu Godina Shawaa Lixaa Aanaa Walmaraa Ganda Haroo Bokiitti argamee oomisha Garbuu nyaataa Heek. 850 irratti kilaastaraan misoomee jiru daawwatee jira.

Guyyaa Saboota, Sablammootaafi Ummattoota Itoophiyaa 19ffaa sababeeffachuun hojiiwwan misoomaa hojjetamaa jiran hawaasa gidduutti argamnee ilaaluuf dhufne jedhan Afyaa’iin Caffee Oromiyaa Kab. Aaddee Sa’aadaa Abdurrahmaan.

Ayyaana kana wayita kabajnu, walitti dhufeenya uummattootaa cimsuufi tokkummaa sabdaneessaan biyya cimtuu ijaaruudha kan jedhan Ka. Aadde Sa'aadaan,
sosochii ummataa uumuudhaan ayyaana kana kabajuu irratti argamna jedhan.

Hojiin misoomaa daaawwachaa jirru kunis, ayyaana kabajuuf qophii taasisaa jirru jala bultii irratti argamna jedhan.

Walitti hidhamiinsa gabaan walqabatee xiyyeeffannoon hojjechaa jirra kan jedhan Bulchaan Godina Shawaa Lixaa Kab. Obbo Diidhaa Guddataa, lafa oomisha hin baafne nooraa fayyadamuun oomishtummaa dabaluuf hojjechaa jirra jedhan.

Olaantummaan Yaadaa Badhaadhina Hundagaleessaaf!
****
Hundeeffamni Paartii Badhaadhinaa Waggaa 5ffaa Finfinnee Istaadiyeemii Saarbeetiitti bakka Afyaa'iin Caffee Oromiyaa Kab. Aadde Sa’aadaa Abdurahmaan, Hoogganaa Biiroo Dargaggoofi Ispoortii Oromiyaa Kab. Obbo Maatiwoos Sobbooqaa argamanitti sagantaa sosochii ISPOORTIIn kabajamee jira.

Saganticha irratti argamuun ergaa kan dabarsan Afyaa’iin Caffee Oromiyaa Kab. Aadde Sa’aadaa Abdurrahmaan Paartiin Badhaadhinaa yaadama Ida'amu aadaafi duudhaa Oromoo irraa madde qabatee ummata keessaa dhalate.

Sosochii ispoortii bifa kanaan gaggeeffamu lammii fayya qabeessa qabuufi badhaadhina hundagaleessa dhugoomsuu danda'u horachuun barbaachisaa waan ta'eefi jedhan.

Hogganaan Biiroo Dargaggoofi Ispoortii Oromiyaa Kab.Obbo Maatiyoos Sabbooqaa sosochiin ispoortii qaamolee garaa garaa hirmaachisuun gaggeeffamu kun tokkummaa keenya cimsuun oomishaafi oomishtummaan keenya akka dabalu taasisuu keessatti gumaacha olaanaa qaba jedhan.

𝐌𝐚𝐠𝐚𝐚𝐥𝐚𝐚𝐧 𝐒𝐡𝐚𝐠𝐠𝐚𝐫𝐢𝐢𝐟𝐢 𝐅𝐢𝐧𝐟𝐢𝐧𝐧𝐞𝐞𝐧 𝐟𝐚𝐤𝐤𝐞𝐞𝐧𝐲𝐚 𝐈𝐭𝐨𝐨𝐩𝐡𝐢𝐲𝐚𝐚 𝐣𝐚𝐚𝐥𝐚𝐥𝐚𝐚𝐧 𝐤𝐞𝐞𝐬𝐬𝐚 𝐣𝐢𝐫𝐚𝐚𝐭𝐚𝐦𝐮𝐝𝐡𝐚.
𝐊𝐚𝐛. 𝐀𝐚𝐝𝐝𝐞 𝐒𝐚'𝐚𝐚𝐝𝐚𝐚 𝐀𝐛𝐝𝐮𝐫𝐚𝐡𝐦𝐚𝐚𝐧
𝐀𝐟𝐲𝐚𝐚'𝐢𝐢 𝐂𝐚𝐟𝐟𝐞𝐞 𝐎𝐫𝐨𝐦𝐢𝐲𝐚𝐚
#𝐂𝐚𝐟𝐟𝐞𝐞_𝐎𝐫𝐨𝐦𝐢𝐚

Galmoota ijaarsa biyyaa saffisiisuuf ammoo, walooma cimsuun murteessaadha. Aadaafi duudhaalee gaggaarii ummattoonni Itoophiyaa qaban waltajjii tokko irratti fidnee wal barsiisuufi walhubachiisuun dhugaa waloo qabannee fuulduratti tarkaanfachuun galma ijoo Paartiin Badhaadhinaa qabatee hojjechaa jiru ta’uus ibsaniiru.

Waltajjiin har’a Magaalaa Finfinneetti gaggeessines dhimmoota kanneen giddu gala godhachuun kan qophaa’e ta’uu ibsaniiru.

Afyaa’iin Caffee Oromiyaa Kab. Aadde Sa’aadaa Abdurahmaan, mariin hariiroo waliin jireenya ummattoota ollaa Magaalaa Shaggariifi Finfinnee gidduu jiru caalmaan jabeessuuf Magaalaa Finfinneetti gaggeeffame walitti dhufeenya ummattootaa kan cimsu ta’uu ergaa gama miidiyaa hawaasaa isaaniin dabarsaniin ibsaniiru.

Ummanni ollaa waliin jiraatu, jiruufi jireenya hawaasummaa, diinagdee, misoomaafi nageenyaa hunda waliin qooddata jedhan. “Ollaafi Dugdaan Lafa Ka’u” akkuma jedhamu, hawaasni ollaa walii jiraatu taateewwan jiruufi jireenya dhala namaa mudatan hedduu waliin hirmaata. Kaayyoon marii kanaas, ollummaa jabeessuun, nagaafi jaalala ummattoota ollaa gidduu jiru cimsuu, duudhaalee gaggaarii kaleessa waliin qooddachaa turan daran akka jabeeffatan taasisuun tokkummaa biyyaalessaa uumuu akka ta’es ibsaniiru.

Tokkummaa sabdaneessaan Itoophiyaa ijaarra kan jedhan Kab. Aadde Sa’aadaan, ijaarsi Itoophiyaa ammoo, saboota, sablammootaafi ummattoota biyyattii hunda kan haammate ta’uu hubachiisan.

Guyyaa Saboota, Sablammootaafi Ummattoota Itoophiyaa 19ffaa sababeeffachuun Mariin Paanaaliifi Ummataa walta'iinsa Caffee Oromiyaa, Mana Maree Magaalaa Shaggarariifi Bulchiinsa Magaalaa Finfinneetiin qophaa'e Magaalaa Finfinneetti gaggeeffamaa jira.

Marii kanarratti Afyaa'ii Caffee Oromiyaa Kab. Aadde Sa'aadaa Abdurrahmaan dabalatee, Afyaa'ii Mana Maree Magaalaa Finfinnee Kab. Aadde Buzeenaa Alqaadir, Kantiibaa Magaalaa Shaggar Dr. Tashoomee Addunyaa, akkasumas hooggantoota olaanoo Magaalota lameeniifi Koreewwan Dhaabbii Caffee Oromiyaafi qaamoleen hawaasaa garaa garaa hirmaataa jiru

𝐀𝐟𝐲𝐚𝐚’𝐢𝐢𝐧 𝐂𝐚𝐟𝐟𝐞𝐞 𝐎𝐫𝐨𝐦𝐢𝐲𝐚𝐚 𝐊𝐚𝐛. 𝐀𝐚𝐝𝐝𝐞 𝐒𝐚'𝐚𝐚𝐝𝐚𝐚 𝐀𝐛𝐝𝐮𝐫𝐚𝐡𝐦𝐚𝐚𝐧 𝐊𝐢𝐭𝐚𝐚𝐛𝐚 𝐒𝐄𝐄𝐍𝐀𝐀 𝐎𝐑𝐎𝐌𝐎𝐎 𝐇𝐀𝐑𝐀𝐑𝐆𝐄𝐄 𝐢𝐫𝐫𝐚𝐭𝐭𝐢 𝐱𝐢𝐲𝐲𝐞𝐞𝐟𝐟𝐚𝐭𝐮 𝐌𝐚𝐠𝐚𝐚𝐥𝐚𝐚 𝐇𝐚𝐫𝐚𝐫𝐢𝐭𝐭𝐢 𝐞𝐞𝐛𝐛𝐢𝐬𝐚𝐧.
****
Kitaabni Seenaa Oromoo Harargee irratti xiyyeeffatu kun Inistitiyuutii Qorannoofi Qo'annoo Oromootiin kan maxxanfame yoo ta'u, bakka Afyaa’iin Caffee Oromiyaa Kab. Aadde Sa'aadaa Abdurrahmaaniifi Afyaa'iin Naannoo Hararii Obbo Sulxaan A/Salaam dabalatee hoggantoonni Naannoolee, Godinaa, Magaalaa Maayaafi aartistoonni, akkasumas, keessummoonni biyya keessaafi alaa argamanitti eebbifamee jira.

𝐃𝐡𝐮𝐠𝐚𝐚𝐧 𝐍𝐢 𝐐𝐚𝐥'𝐚𝐭𝐭𝐢 𝐌𝐚𝐥𝐞𝐞 𝐇𝐢𝐧 𝐂𝐢𝐭𝐭𝐮!
𝐹𝑎𝑙𝑚𝑖𝑖𝑛 𝐴𝑎𝑑𝑑𝑒 𝐵𝑎𝑠ℎ𝑖𝑖 𝐿𝑎𝑡𝑎𝑎 𝐾𝑜𝑚𝑖𝑖𝑠ℎ𝑖𝑛𝑖𝑖 𝐻𝑖𝑖𝑘𝑎𝑎 𝐻𝑒𝑒𝑟𝑎𝑎 𝑀𝑜𝑜𝑡𝑢𝑚𝑚𝑎𝑎 𝑁𝑎𝑎𝑛𝑛𝑜𝑜 𝑂𝑟𝑜𝑚𝑖𝑦𝑎𝑎𝑛 𝑤𝑎𝑔𝑔𝑎𝑎 17𝑛 𝑏𝑜𝑜𝑑𝑎 𝑖𝑛𝑗𝑖𝑓𝑎𝑛𝑛𝑜𝑜𝑛 𝑔𝑜𝑜𝑙𝑎𝑏𝑎𝑚𝑒.
#Caffee_Oromia

𝐇𝐢𝐢𝐤𝐤𝐚𝐚𝐧 𝐇𝐞𝐞𝐫𝐚𝐚 𝐌𝐚𝐚𝐥𝐢!
#Caffee_Oromia

𝑀𝑎𝑛𝑎 𝑀𝑢𝑟𝑡𝑖𝑖 𝐴𝑎𝑛𝑎𝑎 ℎ𝑎𝑛𝑔𝑎 𝐾𝑜𝑚𝑖𝑖𝑠ℎ𝑖𝑛𝑖𝑖 𝐻𝑖𝑖𝑘𝑎𝑎 𝐻𝑒𝑒𝑟𝑎𝑎 𝑂𝑟𝑜𝑚𝑖𝑦𝑎𝑎𝑡𝑡𝑖 𝑓𝑎𝑙𝑚𝑖𝑖 𝑜𝑏𝑠𝑎 𝑓𝑖𝑥𝑎𝑐ℎ𝑖𝑖𝑠𝑎𝑎 𝐴𝑎𝑑𝑑𝑒 𝐵𝑎𝑠ℎ𝑖𝑖 𝐿𝑎𝑡𝑎𝑎 𝑂𝑏𝑏𝑜 𝐴𝑑𝑑𝑖𝑠𝑢𝑢 𝑋𝑖𝑚𝑞𝑎𝑡𝑒𝑒 𝑤𝑎𝑙𝑖𝑖𝑛 𝑤𝑎𝑔𝑔𝑎𝑎 17𝑓 𝑡𝑎𝑎𝑠𝑖𝑠𝑎𝑛

Paarlaamaan Daa'immanii Naannoo Oromiyaa Yaa'ii Idilee 1ffaa Bara Hojii 3ffaa isaa bakka Afyaa’iin Caffee Oromiyaa Kab. Aadde Sa’aadaa Abdurahmaan argamanitti gaggeesse.

Yaa'ii Idilee 1ffaa Bara Hojii 3ffaa Paarlaamaa Daa’immanii gaggeeffame irratti argamuun ergaa kan dabarsan Kab. Afyaa’ii Caffee Oromiyaa Aadde Sa’aadaa Abdurahmaan, daa'imman har'a sirna dimookraasii shaakaluun muuxannoo gahaa yoo argatan, biyya dimookraasiin fakkeenya taate ijaaruuf galma qabanne hojjechaa jirru dhugoomsuu keessatti qooda olaanaa qabu.

Kab. Aadde Sa’aadaan, daa'imman biyyaaf qopheessuu keessatti maatiin, hawaasniifi mootummaan gahee olaanaa qabu jedhan. Dhaloota bu'aa buusuu danda'u horachuu keessatti mootummaan gahee olaanaa qabaachuu ibsuun, yaadama Sirna Gadaarraa maddeen dhaloota ofitti amanamummaa qabuufi dorgomaa ta'e horachuuf Mootummaan xiyyeeffannaa olaanaadhaan hojjechaa jiraachuus ibsaniiru.

Hooggantuun Biiroo Dhimma Dubartootaafi Daa'imman Oromiyaa Aadde Mabraat Baacaa gama isaaniin biiroon isaanii mirgaafi nageenya daa'immanii kabachiisuuf tarsiimoowwan garaa garaa qophaa'an hojiirra oolchaa jiraachuu ibsaniiru.

Miidhaa daa'imman irratti qaqqabu hambisuuf gahee qaamoolee hundaa kan gaafatu ta'uus daa'imman itti gaafatamummaafi mirga isaanii beekanii karaa gurmaa'een mirga isaanii akka kabachiifataniif paarlaamaan daa'immanii kun shoora olaanaa kan qabu ta'uu ibsuun, daa'imman safuufi duudhaa Oromummaa beekanii akka guddataniif hojjetamaa akka jirus hubachiisaniiru.

Yaa'ii kanaan waggoottan lamaan dhufaniif, Afyaa'iifi Itti Aanaa Afyaa'ii Paarlaamaa Daa'imman Naannoo Oromiyaa ta'uun gaggeessitoota tajaajilan filachuun walharkaafuudhiinsa aangoo taasisaniiru.

𝐀𝐟𝐲𝐚𝐚'𝐢𝐢 𝐂𝐚𝐟𝐟𝐞𝐞 𝐎𝐫𝐨𝐦𝐢𝐲𝐚𝐚 𝐊𝐚𝐛. 𝐀𝐚𝐝𝐝𝐞 𝐒𝐚'𝐚𝐚𝐝𝐚𝐚 𝐀𝐛𝐝𝐮𝐫𝐚𝐡𝐦𝐚𝐚𝐧, 𝐝𝐡𝐚𝐥𝐨𝐨𝐭𝐚 𝐛𝐢𝐲𝐲𝐚𝐚𝐟 𝐛𝐮'𝐚𝐚 𝐛𝐮𝐮𝐬𝐮𝐮 𝐝𝐚𝐧𝐝𝐚'𝐮 𝐡𝐨𝐫𝐚𝐜𝐡𝐮𝐮𝐟 𝐦𝐨𝐨𝐭𝐮𝐦𝐦𝐚𝐚𝐧 𝐱𝐢𝐲𝐲𝐞𝐞𝐟𝐟𝐚𝐭𝐞𝐞 𝐡𝐨𝐣𝐣𝐞𝐜𝐡𝐚𝐚 𝐣𝐢𝐫𝐚 𝐣𝐞𝐝𝐡𝐚𝐧.
****

𝐌𝐮𝐫𝐭𝐢𝐢𝐧 𝐊𝐨𝐦𝐢𝐢𝐬𝐡𝐢𝐧𝐢𝐢 𝐇𝐢𝐢𝐤𝐤𝐚𝐚 𝐇𝐞𝐞𝐫𝐚𝐚 𝐌𝐍𝐎𝐧 𝐤𝐞𝐧𝐧𝐚𝐦𝐮 𝐨𝐥 𝐢𝐲𝐲𝐚𝐧𝐧𝐨𝐨 𝐤𝐚𝐧 𝐡𝐢𝐧 𝐪𝐚𝐛𝐧𝐞𝐞𝐟𝐢 𝐢𝐬𝐚 𝐝𝐡𝐮𝐦𝐚𝐚𝐭𝐢
****
Heera Mootummaa Naannoo Oromiyaa Fooyya’ee Bahe Keewwata 67 jalatti akkaataa ibsameen “𝑭𝒂𝒍𝒎𝒊𝒊𝒏 𝑯𝒆𝒆𝒓𝒂𝒓𝒓𝒂𝒕𝒕𝒊 𝒉𝒖𝒏𝒅𝒂𝒂’𝒆 𝒎𝒖𝒓𝒕𝒊𝒊 𝒌𝒂𝒏 𝒂𝒓𝒈𝒂𝒕𝒖, 𝑲𝒐𝒎𝒊𝒔𝒉𝒊𝒊𝒏𝒊𝒊 𝑯𝒊𝒊𝒌𝒂𝒂 𝑯𝒆𝒆𝒓𝒂𝒂 𝑴𝒂𝒏𝒂 𝑴𝒂𝒓𝒆𝒆 𝑨𝒂𝒏𝒂𝒂𝒍𝒆𝒆𝒓𝒓𝒂𝒂 𝒎𝒊𝒔𝒆𝒆𝒏𝒔𝒂 𝒕𝒐𝒌𝒌𝒐 𝒕𝒐𝒌𝒌𝒐 𝒘𝒂𝒍𝒊𝒕𝒕𝒊 𝒃𝒂𝒃𝒂’𝒆𝒆 𝒎𝒐𝒈𝒈𝒂𝒂𝒇𝒂𝒎𝒖𝒖𝒏 𝒕𝒂’𝒂”. Hiikkaa Heeraa jechuun, olaantummaa Heera Mootummaa mirkaneessuu akka ta’e ibsama.

Komiishiniin Hiikkaa Heeraa Mootummaa Naannoo Oromiyaa, seerri ykn murteen dhumaa qaama mootummaa dhimmi ilaallatuun kennamu kamiyyuu tumaalee Heeraatiin ykn mirgoota lammiilee Heeraan beekkamtii argataniin kan walfaallessudha ykn akkaataan tumaaleen Heerichaa itti hiikkaman irratti garaagarummaan jiraachuu isaatiin gaaffilee ka’aniif Hiikkaa Heeraa barbaachisa jedhamee Gumii Calaltuu Dhimmoota Heeraan calalamee yaada murtii dhiyaatuuf irratti murtii xumuuraa kenna.

Murtiin Komiishinii Hiikkaa Heeraan kennamu kamiyyuu ol iyyannoo kan hin qabnee fi isa dhumati.

#𝐐𝐨𝐩𝐡𝐢𝐢_𝐂𝐚𝐟𝐟𝐞𝐞 - 𝐌𝐮𝐫𝐭𝐞𝐞 𝐇𝐚𝐪𝐚𝐚
𝑨𝒂𝒅𝒅𝒆 𝑩𝒂𝒔𝒉𝒊𝒊 𝑳𝒂𝒕𝒂𝒂 𝒒𝒐𝒏𝒏𝒂𝒂𝒏 𝒃𝒖𝒍𝒕𝒖𝒖 𝑮𝒐𝒅𝒊𝒏𝒂 𝑺𝒉𝒂𝒘𝒂𝒂 𝑩𝒂𝒉𝒂𝒂 𝑨𝒂𝒏𝒂𝒂 𝑳𝒖𝒎𝒆𝒆 𝑮𝒂𝒏𝒅𝒂 𝑸𝒐𝒐𝒒𝒂𝒂 𝑵𝒂𝒈𝒂𝒘𝒐𝒐𝒕𝒊. 𝑸𝒂𝒃𝒊𝒚𝒚𝒆𝒆 𝒍𝒂𝒇𝒂 𝒊𝒔𝒂𝒂𝒏𝒊𝒊 𝒊𝒓𝒓𝒂𝒕𝒕𝒊 𝒔𝒆𝒆𝒓𝒂𝒂𝒏 𝒂𝒍𝒂 𝒋𝒂𝒍𝒂𝒂 𝒇𝒖𝒅𝒉𝒂𝒕𝒂𝒎𝒆𝒆 𝒕𝒖𝒓𝒆 𝒅𝒆𝒆𝒃𝒊𝒔𝒖𝒖𝒇 𝒇𝒂𝒍𝒎𝒊𝒊 𝑾𝒂𝒈𝒈𝒂𝒂 17𝒇 𝒕𝒂𝒂𝒔𝒊𝒔𝒂𝒂 𝒕𝒖𝒓𝒂𝒏𝒊.

Afyaa’iin Caffee Oromiyaa Kab. Aadde Sa’aadaa Abdurahmaan waltajjii gamaaggama raawwii hojii Kurmaana 1ffaa hooggansaafi hojjettoota Waajjira Caffee Oromiyaa waliin gaggeeffame irratti argamuun kallattii hojii kaa’aniin ergamaafi mul’ata qabanne beeknee karoora mootummaan qabatee hojjechaa jiru milkeessuuf kutannoo olaanaan hojjechuu qabna jedhan.

Galmoonni misoomaa qabaman akka milkaa’aniif gaheen Caffeefi Manneen Maree Ummataa sadarkaan jiran qaban olaanaa ta’uu kan ibsan Kab. Aadde Sa’aadaan, qindoominaan hojjechuun milkaa’ina karoorichaa keessatti ashaaraa keenya kaa’uun ummata bakka buune tajaajiluu qabna jedhan.

Karoora Xiiqii qabame xiqiin hojjennee milkeessuu qabna jedhan Afyaa’iin Caffee Oromiyaa Kab. Aadde Sa’aadaa Abdurrahmaan.

Mul’ataafi ergama Caffeen qabatee hojjechaa jiru milkeessuuf hojiiwwan gurguddoo bara kana karoorfanne keessaa raawwii hojii kurmaana 1ffaa qorachuu irratti argamna jedhan.

Hojiiwwan gurguddoo gama seera tumuun, hordoffiifi to’annoon, Manneen Maree Ummataa cimsuufi hojii bakka bu’ummaa fayyadamummaa ummata keenyaa mirkaneessuuf kurmaana 1ffaa keessatti hojjechaa turre sababiin qorannuuf cimina keenya itti fufsiisuun, hanqinaalee keenya irraa barannee hojiiwwan kurmaana 2ffaa keessatti karoorfaman caalmaan milkeessuu giddu gala godhata jedhaniiru.

Karoora xiiqii qabannee hojjechaa jirru xiiqii olaanaan hojjennee fayyaadamummaa ummata naannichaa mirkaneessuu waan ta’eef, fedhiifi faayidaa ummata bakka buunee dhugoomsuuf qindoomnee bu’aa caalmaaf hojjechuudhaaf akka ta’e Afyaa’iin Caffee Oromiyaa Kab. Aadde Sa’aadaa Abdurahmaan ibsaniiru.

Hordoffiifi deeggarsi yeroo yeroon gadi buunee gaggeessinu, Manneen Maree sadarkaa walfakkaatuun cimanii ergama isaanii akka bahatan taasisuu giddu gala kan godhatedha jedhan.

Manneen Maree cimsuun diimokiraasii dagaagsuun bulchiinsa gaarii mirkaneessuudha kan jedhan Kab. Aadde Sa’aadaan, Caffeefi Manneen Maree Ummataas riqicha ijaarsa sirna diimokiraasii ta’uu ibsaniiru. Hariiroo mootummaafi ummata gidduu jiru caalmaan gabbisuu keessatti qoodni Manneen Maree qaban olaanaa ta’uu ibsuun, mootummaa cimaa ijaarruuf, Manneen Maree Ummataa cimaa nu barbaachisa jedhan.

Mootummaan Naannoo Oromiyaa, tarsiimoofi imaammata jiruufi jireenya ummata keenyaa roga hundaan jijjiiruu danda’u baasuun hojiirra oolchaa jiraachuu isaa yaadachiisuun, gurmaa’iinsa haaraa sadarkaa Gandaatti gadi buuse deeggaruu, cimsuufi bu’aa qabatamaan madaaluudhaaf, Manneen Maree Gandaa sadarkaa wal fakkaatuun cimsuuf hordoffiifi deeggarsa hanga Gandaatti gadi bu’uun taasifamaa turuu isaa ibsaniiru.

Galmi ijoon hojii kanaas, fayyadamummaa lammiilee mirkaneessuun amantaa ummanni mootummaa isaa irraa qabu dabaluun dameewwan misoomaa hunda irratti lammiileen qixa hirmaatanii galmoota badhaadhina maatiifi waloo qabaman dhugoomsuudha kan jedhan Kab. Aadde Saadaan, gaaffii misoomaa, haqaa, diinagdeefi hawaasummaa ariitiin deebisuuf, qindoominaan hojjechuun murteessaa akka ta’es hubachiisaniiru.

Galma gahiinsa hojii kanaaf ammoo, qaamolee mootummaa gidduutti qindoominni hojimaataa jiru daran dagaagee, mootummaa cimaa ummatatti dhihoo jiru ijaaruun waadaa galle gochaan mirkaneessuuf waltaanee jijjiiramaaf hojjechuu barbaachisa jedhan. Mul’ata akka biyyaafi naannootti qabannee hojjechaa jirru dhugoomsuu keessatti, Manneen Maree sadarkaan jiran gahee isaanii sirnaan akka bahataniif hordoffiifi deeggarsi yeroo yeroon taasifamaa jiru cimee kan itti fufu ta’uus ibsaniiru.

Afyaa’iin Caffee Oromiyaa Kab. Aadde Sa’aadaa Abdurahmaan, ergaa gama miidiyaa hawaasaa isaaniin dabarsaniin, Fooramii Afyaa’ota Godinaalee 10, Manneen Maree Aanaalee 25 fi Magaalota 12 akkasumas, Manneen Maree Gandootaa 60 keessatti qaamaan argamuun hordoffiifi deeggarsa ogummaa taasifamaa ture qorachuu isaanii ibsan.

Kokasiin Dubartoota Filatamtoota Miseensota Caffee Oromiyaa Dhaabbata Adoye Center for Ethiopian Women Emprovement waliin ta'uun dubartoota miseensota Caffee 17 ta'aniif Adaamaatti leenjii kennaa jira.

Dura Teessuun Koree Dhaabbii Dhimma Dubartootaafi Hawaasummaa Caffee Oromiyaafi Walitti Qabduun Kokasichaa Kab. Aadde Mastaawot Fayyisaa gahumsa dubartoota Miseensota Caffee cimsuun itti gaafatamummaa dachaa qaban sirnaan akka bahataniif yaadamee leenjii qophaa'e ta'uu ibsan.

Hundeessituufi Hoji Gaggeessituun Dhaabbata Adoye Aadde Daraartuu Margaa kaayyoon dhaabbata keenyaa, gahuumsa dubartootaa cimsuu irratti kan xiyyeeffate ta'uu ibsuun, dubartoota Miseensota Caffee muraasaaf leenjii mata duree "Transitional Justice" jedhu irratti yommuu qopheessinu hojii bakka bu'ummaa ummataa hojjetan keessatti dhimmi haqaa murteessaa ta'uu ibsan.

https://youtu.be/WtG5QlDjceU
#𝐐𝐨𝐩𝐡𝐢𝐢_𝐂𝐚𝐟𝐟𝐞𝐞
𝐻𝑜𝑟𝑑𝑜𝑓𝑓𝑖𝑖𝑓𝑖 𝑇𝑜'𝑎𝑛𝑛𝑜𝑜 𝑇𝑎𝑠𝑎𝑎 𝑇𝑖𝑏𝑏𝑎𝑛𝑎 𝐾𝑜𝑟𝑒𝑒𝑤𝑤𝑎𝑛 𝐷ℎ𝑎𝑎𝑏𝑏𝑖𝑖 𝐶𝑎𝑓𝑓𝑒𝑒 𝑂𝑟𝑜𝑚𝑖𝑦𝑎𝑎 𝑡𝑎𝑎𝑠𝑖𝑠𝑎𝑛𝑖𝑡𝑡𝑖 𝑑ℎ𝑖𝑦𝑎𝑎𝑑ℎ𝑎𝑎 ℎ𝑜𝑟𝑑𝑜𝑓𝑎𝑎! #𝐂𝐚𝐟𝐟𝐞𝐞_𝐎𝐫𝐨𝐦𝐢𝐚 (𝑲𝒖𝒕𝒂𝒂 1𝒇𝒇𝒂𝒂)

𝐐𝐨𝐫𝐚𝐧𝐧𝐚𝐚 𝐑𝐚𝐚𝐰𝐰𝐢𝐢 𝐇𝐨𝐣𝐢𝐢 𝐊𝐮𝐫𝐦𝐚𝐚𝐧𝐚 𝟏𝐟𝐟𝐚𝐚
𝐊𝐨𝐫𝐞𝐞𝐰𝐰𝐚𝐧 𝐃𝐡𝐚𝐚𝐛𝐛𝐢𝐢 𝐂𝐚𝐟𝐟𝐞𝐞 𝐎𝐫𝐨𝐦𝐢𝐲𝐚𝐚

Koreen Dhaabbii Dhimma Dubartootaafi Hawaasummaa Caffee Oromiyaa Raawwii Hojii Kurmaana 1ffaa Magaalaa Adaamaatti qorataa ture xumuure.

Koreen Dhaabbii, raawwiin manneen hojii gidduu jiru garaagarummaa qabaatus, milkaa’inoota hojii keessatti argamaniif qindoominaan hojjechuu jalqabuun, hojiin itti fayyadama miidiyaaf kominikeeshinii, hojiin tajaajila lammummaa, ayyaanota ummataa aadaafi duudhaa hawaasichaa ibsan beeksisuuf hojiiwwan hojjetamaa turaniin cimina jedhe.

Harkifannaan pirojektootaa, kenna tajaajila nama giddu gala godhate kennuu, deggersaafi hordoffii rakkoo hiikuu danda’u gaggeessuun xiyyeeffannoo addaa kan barbaadu ta’uu Dura Teessuun Korichaa Kab. Aadde Mastaawot Fayyisaa ibsaniiru.

Korichi gabaasa raawwii kurmaana 1ffaa manneen hojii irraa dhiyaateef xiinxaluun ciminootaafi hanqinaalee raawwii keessatti mul’atan adda baasuun dhimmoota kurmaana 2ffaa keessatti xiyyeeffannoo argachuu qaban irratti duubdeebii manneen hojii hundaaf kennee jira.

𝐍𝐚𝐠𝐞𝐞𝐧𝐲𝐚 𝐍𝐚𝐚𝐧𝐧𝐢𝐜𝐡𝐚𝐚 𝐖𝐚𝐚𝐫𝐞𝐬𝐬𝐮𝐮𝐟 𝐡𝐨𝐣𝐢𝐢𝐧 𝐡𝐨𝐣𝐣𝐞𝐭𝐚𝐦𝐚𝐚 𝐣𝐢𝐫𝐮 𝐛𝐮'𝐚𝐚 𝐟𝐢𝐝𝐚𝐚 𝐣𝐢𝐫𝐚 𝐣𝐞𝐝𝐡𝐚𝐦𝐞.
****
Koreen Dhaabbii Dhimma Bulchiinsa, Seeraafi Misooma Namaa Caffee Oromiyaa raawwii hojii kurmaana 1ffaa qaamolee haqaa, nageenyaafi bulchiinsaa guyyoota lamaaf Adaamaatti qorachaa ture xumuure.

Koreen kun, Naannichatti hojiin nageenya waaressuufi olaantummaa seeraa mirkaneessuu qindoomina qaamolee nageenyaafi tumsa hawaasa bal’aan hojjetamaa jiru jijjiirama fidaa jiraachuu ibse.

Itti Aantuun Dura Teesssuu Korichaa Kab. Aadde Birqinash Zawudee tajaajilli haqaa fooyya’aa dhufuun, mannene hojii duubdeebii Koree Dhaabbiin kennamuuf fudhatanii jijjiirama fidaa kan jiran ta’uun dhimmoota akka ciminaatti ilaalamanidha.

Koreen Dhaabbii Dhimma Baajataafi To’annoo Horataalee Mootummaa Caffee Oromiyaa, raawwii kurmaana 1ffaa manneen hojii torbaa Magaalaa Adaamaatti qorachaa ture xumuure.

Koreen Dhaabbii, gabaasa manneen hojii dhiyaateef xiinxaluun qabiinsa ragaafi sirna bulchiinsa faayinaansii ammayyeessuuf jalqabbiiwwan jiran fooyyee qabaachuu ibsee jira.

Itti Aanaa Dura Taa’aan Korichaa Kab. Obbo Galmaa Waaqoo, galmoota gurguddoo Karoora bara kanaa keessatti qabaman milkeessuuf galii sirnaan sassaabuu yoo dandeenyedha jedhan.

Kanaaf, maddoota galiifi pooteenshaala galii Naannoon keenya qabdu sirnaan sakatta’uun galii duguuganii galchuun hojii xiyyeeffannoo barbaadu ta’uu ibsuun, manneen hojii hundinuu tajaajila fooyyessuu irratti xiyyeeffachuun hojjechuu akka qabanis ibsanii jiru.

Koreen Dhaabbii Dhimma Misooma Magaalaa, rakkoo bulchiinsa gaariifi kenna tajaajilaan walqabatee jiru hiikuuf manneen hojii hundinuu xiyyeeffannoon hojjechuu akka qaban ibse.

Magaalota keessatti, rakkoo qaala’iinsa jireenyaa, hoji dhabdummaafi wabii nyaataa mirkaneessuuf mootummaan inisheetivii kilaastara beelladaa bocuun hojiin hojjechaa jiru jijjiirama fidaa jira jedhe.

Sochii Invastimantii naannichaa cimsuuf hojiin hojjetamaa jiru fooyyee qabaachuu ibsuun, rakkoo bulchiinsa gaariifi kenna tajaajilaan walqabatee jiru hiikuuf manneen hojii hundinuu hojjechuu qabu jedhame.

Itti Aanaa Dura Taa'aan Korichaa Injinar Siraaj Abdurroo, Magaalaa ammayyaa jiruufi jireenya ummataaf mijooftuu taate uumuuf jalqabbiiwwan jiran gaarii ta’uu ibsuun, qulqullinni qabiinsa ragaafi rakkoon gabaasa sobaan walqabatu xiyyeeffannoo addaa barbaada jedhan.

Kanaaf, teeknoloojii diijitaalaa hojiirra oolchuun tajaajila keenya fooyyessuun, qabiinsa ragaafi lafa magaalaa sirnaan hoogganuun murteessaa akka ta’es ibsaniiru.

Koreen Dhaabbii Dhimma Misooma Baadiyyaa Caffee Oromiyaa gurmaa’iinsi Gandaa haaraan hojiirra oole galmoota misooma baadiyyaan qabamanii hojjetamaa jiran saffisiisuu qaba jedhe.

Koreen kun, raawwii hojii Kurmaana 1ffaa sekatara baadiyyaa kudhanii guyyoota lamaaf Adaamaatti qorachaa ture xumuuree jira.

Itti Aaantuu Dura Teessuun Korichaa Kab. Aadde Caaltuu Tuqaa raawwiin hojii kurmaana kanaa yommuu ilaalamu fooyyee kan qabu ta’us, galmoota qabamanii waliin hojii guddaatu nu eeggata jedhan. Oomishtummaa dabaluun wabii nyaataa mirkaneessuuf hojiiwwan hojjetamaa jiran abdii kan namaa kennan ta’uus eeraniiru.

Dhimmoonni Gurmaa’iinsa haaraa gama hundaan deeggaruu, kenna tajaajilaa qixa walfakkaatuun raawwachuufi carraa hojii bal’inaan uumuu irratti xiyeefatamanii hojjetamuu akka qabanis ibsaniiru.

Afyaa'iin Caffee Oromiyaa Kab. Aadde Sa'aadaa Abdurahmaan Godina Harargee Bahaa, Aanaa Baabbileetti Bishingaa kilaastaraan misoome daawwachuun wabii midhaan nyaataa mirkaneessuuf karoorri jalqabame milkaa'aa jiraachuu ibsan.

𝐊𝐨𝐫𝐞𝐞𝐧 𝐃𝐡𝐚𝐚𝐛𝐛𝐢𝐢 𝐃𝐡𝐢𝐦𝐦𝐚 𝐁𝐚𝐚𝐣𝐚𝐭𝐚𝐚𝐟𝐢 𝐓𝐨'𝐚𝐧𝐧𝐨𝐨 𝐇𝐨𝐫𝐚𝐭𝐚𝐚𝐥𝐞𝐞 𝐌𝐨𝐨𝐭𝐮𝐦𝐦𝐚𝐚 𝐂𝐚𝐟𝐟𝐞𝐞 𝐎𝐫𝐨𝐦𝐢𝐲𝐚𝐚 𝐫𝐚𝐚𝐰𝐰𝐢𝐢 𝐡𝐨𝐣𝐢𝐢 𝐊𝐮𝐫𝐦𝐚𝐚𝐧𝐚 𝟏𝐟𝐟𝐚𝐚 𝐁𝐚𝐫𝐚 𝟐𝟎𝟏𝟕 𝐦𝐚𝐧𝐧𝐞𝐞𝐧 𝐡𝐨𝐣𝐢𝐢 𝟕 𝐀𝐝𝐚𝐚𝐦𝐚𝐚𝐭𝐭𝐢 𝐪𝐨𝐫𝐚𝐜𝐡𝐚𝐚 𝐣𝐢𝐫𝐚.

𝐊𝐨𝐫𝐞𝐞𝐧 𝐃𝐡𝐚𝐚𝐛𝐛𝐢𝐢 𝐃𝐡𝐢𝐦𝐦𝐚 𝐁𝐚𝐚𝐣𝐚𝐭𝐚𝐚𝐟𝐢 𝐓𝐨'𝐚𝐧𝐧𝐨𝐨 𝐇𝐨𝐫𝐚𝐭𝐚𝐚𝐥𝐞𝐞 𝐌𝐨𝐨𝐭𝐮𝐦𝐦𝐚𝐚 𝐂𝐚𝐟𝐟𝐞𝐞 𝐎𝐫𝐨𝐦𝐢𝐲𝐚𝐚 𝐫𝐚𝐚𝐰𝐰𝐢𝐢 𝐡𝐨𝐣𝐢𝐢 𝐊𝐮𝐫𝐦𝐚𝐚𝐧𝐚 𝟏𝐟𝐟𝐚𝐚 𝐁𝐚𝐫𝐚 𝟐𝟎𝟏𝟕 𝐦𝐚𝐧𝐧𝐞𝐞𝐧 𝐡𝐨𝐣𝐢𝐢 𝟕 𝐀𝐝𝐚𝐚𝐦𝐚𝐚𝐭𝐭𝐢 𝐪𝐨𝐫𝐚𝐜𝐡𝐚𝐚 𝐣𝐢𝐫𝐚.

𝐊𝐨𝐫𝐞𝐞𝐧 𝐃𝐡𝐚𝐚𝐛𝐛𝐢𝐢 𝐃𝐡𝐢𝐦𝐦𝐚 𝐌𝐢𝐬𝐨𝐨𝐦𝐚 𝐁𝐚𝐚𝐝𝐢𝐲𝐲𝐚𝐚 𝐂𝐚𝐟𝐟𝐞𝐞 𝐎𝐫𝐨𝐦𝐢𝐲𝐚𝐚 𝐫𝐚𝐚𝐰𝐰𝐢𝐢 𝐡𝐨𝐣𝐢𝐢 𝐊𝐮𝐫𝐦𝐚𝐚𝐧𝐚 𝟏𝐟𝐟𝐚𝐚 𝐁𝐚𝐫𝐚 𝟐𝟎𝟏𝟕 𝐦𝐚𝐧𝐧𝐞𝐞𝐧 𝐡𝐨𝐣𝐢𝐢 𝟏𝟎 𝐀𝐝𝐚𝐚𝐦𝐚𝐚𝐭𝐭𝐢 𝐪𝐨𝐫𝐚𝐜𝐡𝐮𝐮 𝐞𝐞𝐠𝐚𝐥𝐞.

𝐊𝐨𝐫𝐞𝐞𝐧 𝐃𝐡𝐚𝐚𝐛𝐛𝐢𝐢 𝐃𝐡𝐢𝐦𝐦𝐚 𝐁𝐮𝐥𝐜𝐡𝐢𝐢𝐧𝐬𝐚, 𝐒𝐞𝐞𝐫𝐚𝐚𝐟𝐢 𝐐𝐚𝐛𝐞𝐞𝐧𝐲𝐚 𝐍𝐚𝐦𝐚𝐚 𝐂𝐚𝐟𝐟𝐞𝐞 𝐎𝐫𝐨𝐦𝐢𝐲𝐚𝐚 𝐫𝐚𝐚𝐰𝐰𝐢𝐢 𝐡𝐨𝐣𝐢𝐢 𝐊𝐮𝐫𝐦𝐚𝐚𝐧𝐚 𝟏𝐟𝐟𝐚𝐚 𝐁𝐚𝐫𝐚 𝟐𝟎𝟏𝟕 𝐦𝐚𝐧𝐧𝐞𝐞𝐧 𝐡𝐨𝐣𝐢𝐢 𝟏𝟎 𝐀𝐝𝐚𝐚𝐦𝐚𝐚𝐭𝐭𝐢 𝐪𝐨𝐫𝐚𝐜𝐡𝐮𝐮 𝐞𝐞𝐠𝐚𝐥𝐞.

𝐔𝐦𝐦𝐚𝐧𝐧𝐢 𝐊𝐞𝐞𝐧𝐲𝐚 𝐁𝐚𝐥'𝐚𝐚𝐧𝐢𝐢𝐟𝐢 𝐇𝐨𝐫𝐝𝐨𝐟𝐭𝐨𝐨𝐧𝐧𝐢 𝐊𝐞𝐞𝐧𝐲𝐚:
****
𝐶𝑎𝑓𝑓𝑒𝑒𝑛 𝑂𝑟𝑜𝑚𝑖𝑦𝑎𝑎, 𝑚𝑎𝑑𝑑𝑎 𝑜𝑑𝑒𝑒𝑓𝑓𝑎𝑛𝑛𝑜𝑜 𝑎𝑚𝑎𝑛𝑎𝑚𝑎𝑎, 𝑤𝑎𝑘𝑡𝑎𝑎𝑤𝑎𝑎𝑓𝑖 𝑞𝑢𝑙𝑞𝑢𝑙𝑙𝑖𝑛𝑎 𝑞𝑎𝑏𝑢 𝑖𝑠𝑖𝑛 𝑏𝑖𝑟𝑎𝑎𝑛 𝑔𝑎ℎ𝑢𝑢𝑛 ℎ𝑜𝑗𝑖𝑖 ℎ𝑜𝑗𝑗𝑒𝑐ℎ𝑎𝑎 𝑡𝑢𝑟𝑒 𝑑𝑎𝑟𝑎𝑛 𝑐𝑖𝑚𝑠𝑒𝑒 𝑘𝑎𝑛 𝑖𝑡𝑡𝑖 𝑓𝑢𝑓𝑢 𝑡𝑎'𝑢𝑢 𝑤𝑎𝑎𝑑𝑎𝑎 𝑖𝑠𝑖𝑛𝑖𝑖𝑓 𝑔𝑎𝑙𝑙𝑎. #Caffee_Oromia

𝐒𝐢𝐫𝐧𝐚 𝐊𝐚𝐛𝐚𝐣𝐚 𝐆𝐮𝐲𝐲𝐚𝐚 𝐀𝐥𝐚𝐚𝐛𝐚𝐚 𝐌𝐚𝐫𝐬𝐚𝐚 𝟏𝟕𝐟𝐟𝐚𝐚

Tokkummaa walqixxummaa irratti hundaa’een Itoophiyaa utubnee, obbolummaa sabdaneessummaa bu’uura cimaarra dhaabuun biyya birmadummaan ishii dhalootaan tikfame Alaabaa keenya olkaafnee ni mirkaneessina.

Dura Teessuun Koree Dhaabbii Dhimma Dubartootaafi Hawaasummaa Caffee Oromiyaa, Kab. Aadde Mastaawot Fayyisaa sirna Kabaja Alaabaa kanarratti argamuun haasawaa taasisaniin, Alaabaan Wabii Tokkummaa Sabdaneessuummaafi birmadummaa keenyaati jedhan.

Alaabaan ibsituu eenyummaa, mallattoo bilisummaafi birmadummaa biyyaa kan mirkaneessuufi bu’uura heddummina keenyaati jedhan. Kanaanis, jaalalaafi kabaja Alaabaaf jecha gootonni ilmaan biyyaa wareegama qaalii kaffalaa turaniin birmadummaa biyyaa tiksuun har’aan gahanii jiru jedhan.

Guyyaa Alaabaa wayita kabajnu, dhaloonni hiikkaafi maalummaa Alaabaa hubatee wareegama Alaabaaf jecha gootonni qaqqaaliin kaffalaa turan kyaadachaa, dhaloota itti aanu biyya guddina diinagdeen badhaate dhaalchisuu keessatti itti gaafatamummaa seenaa nurra jiru akka bahanuuf yaadameetu jedhan.

Alaabaan biyya keenya duudhaa sabdaneessummaa, afdaneessuummaafi heddummina amantaalee kan bu’uureffatedha. Alaabaan Naannoo Oromiyaas, duudhaa Sirna Gadaa irraa kan madde, aadaafi seenaa ummata Oromoo kan calaqqisiisu ta’uus himaniiru.

Guyyaan Alaabaa Marsaa 17ffaa kun Sadarkaa Naannoo Oromiyaatti har’a Godinaalee, Magaalota, Aanaaleefi sadarkaa Gandaa, Akkasumas Manneen Barnootaa hunda keessatti kabajamee akka oolu taasifamee jira.

Pirezidaantiin Mana Murtii waliigala Oromiyaa, Kab. Obbo Gazaalii A/Simal saganticharratti argamuun sirna kakuu raawwachiisanii jiru.

𝐀𝐥𝐚𝐚𝐛𝐚𝐚 𝐊𝐞𝐞𝐧𝐲𝐚 𝐐𝐚𝐛𝐚𝐧𝐧𝐞𝐞, 𝐈𝐭𝐨𝐨𝐩𝐡𝐢𝐲𝐚𝐚 𝐓𝐨𝐤𝐤𝐮𝐦𝐦𝐚𝐚 𝐒𝐚𝐛𝐝𝐚𝐧𝐞𝐞𝐬𝐬𝐚𝐚 𝐈𝐣𝐚𝐚𝐫𝐫𝐚!

Guyyaan Alaabaa 17ffaa Sadarkaa Naannoo Oromiyaatti Waajjira caffee Oromiyaatti kabajamee jira.

Guyyaan kun “Alaabaan Keenya Tokkummaa Biyyaalessaaf, Birmadummaafi Olka’iinsa Itoophiyaaf! Mata duree jedhuun Sadarkaa Naannoo Oromiyaatti bakka Hooggansiifi Hojjettoonni Biirolee Naannichaa argamanitti Waajjira Caffee Oromiyaatti sirnoota garaa garaan kabajameera.

Olka’iinsi Alaabaa keenyaa, Wabii Tokkummaa Sabdaneessummaafi birmadummaa keenyaa ta’uu hubannee guyyaan kun kabajaafi jaalala Alaabaaf qabnu kan itti agarsiifnudha. Akkasumas, irra deebiin waadaa keenya kan ittti haaromsinudha.