စာဖတ်ကြမယ်

@book223344

စာပေ၊ဗဟုသုတလေးများ မျှဝေကြမယ်

စာဖတ်ကြမယ် (Burmese)

စာဖတ်ကြမယ် ခရစ္ဆောင်ပြုပြီး တစ်ခုကြောက်အောင် ရောက်ရှိထားသော စာအုပ်များကို စာရင်းတွင် ကြည့်ရှုလျင် ပေးပြပေးနိုင်ရန် တိုသားစာအုပ်များ၏ အတွက် လိုအပ်သည်။ စာပေ၊ဗဟုသုတလေးများ မျှဝေကြမယ် အခမ်းအနားကို လှမ်းမီးရရှိရာများ၊ သမုဒ္ဒင်နီးလျနိုင်သော သင်ခန်းထားပြီး ဝွဲလျှောင်အချက်အလက်များနှင့် အသုံးပြုနိုင်သော အပြာရေးစာအုပ်များကို ထွက်စာလုံး၊ လက်စွာ ထွက်ရှိပြီး အသိပညာတင်ပြသနိုင်ရန် လှောင်လိုသည်။ စာဖတ်ကြမယ်သည် တစ်ခေါက် တစ်ရံဆိုင်ရာ အလုပ်လုပ်သည့်အပြင် ဝယ်ယူနိုင်သော စာအုပ်လေးလို့ ယူသံအတွင်း ကိုလိုအပ်သည်။

စာဖတ်ကြမယ်

04 Feb, 00:23

လွတ်မြောက်ရာလမ်း
_____
အခက်ခဲဆိုတာ နေရာတိုင်းမှာရှိပါတယ်
တစ်ချို့လူတွေက အဲ့ဒီ့ အခက်အခဲ ကို
ရှောင်ကွင်းလို့ ရမယ်ထင်ကြပြီး
ကံတရားကိုဖေးမဖို့အတွက်ဆုတောင်းတယ်
တစ်ချို့လူတွေက သူတို့ မလုပ်နိုင်ဘူးဆိုတဲ့
အသိတရားကိုနှလုံးသွင်း တစ်နေရာတည်းမှာ
ခြေစုံရပ် ပြီး ကိုယ့်အစွမ်းအစ တွေ ကို
တိမ်ကော ပျောက်ကွယ် သွား အောင်
လုပ်တတ်တဲ့ ဓလေ့လေးတွေ ရှိတတ်ပါတယ်
လူတိုင်းကို မဆိုလိုပါဘူး...လူတစ်ချို့ကိုပါ...

စစ်ဖြင့်မတိုက်ရသေးဘူး မြှားကကုန်နေပြီး
ရည်ရွယ်ချက်က မဖြစ်မြှောက်သေးဘူး
စိတ်ဓာတ်ခွန်အားက ဗလာနတ္ထိ ဖြစ်နေပြီး
ကံကြမ္မာဆိုတာ ယုံစားလို့မရတဲ့အရာပါ
သူဖြစ်ချင်ရာ ဖြစ်နေတဲ့ အတွက်...ကောင်း
တာတွေသယ်လာခဲ့ရင်လည်းဆီးကြိုနေရုံပေါ့
ဆိုးတာတွေကို တော့ ဘယ်သူမှ မျှော်လင့်
မထားတတ်တာလည်း လူ့ သဘာဝပါ...

ဒါမဖြစ်သင့်ဘူး...
အကောင်းဆုံးကိုလက်ခံထားသလို အဆိုးဆုံး
ကိုလည်း ကြိုတင်တွေးတောထားဖို့လိုတယ်
ဒါမှသာ ဖြစ်ပျက်သမျှကိုခံနိုင်ရည်ရှိပါလိမ့်မယ်။

ဘယ်လို အခြေအနေမျိုးပဲ ဖြစ်နေပါစေ
အခက်အခဲ ပြဿနာတွေကို ဖြေရှင်း တဲ့
နည်းလမ်းတွေ ရရှိမှသာ အောင်မြင်မှုလမ်း
ဆီသို့ ဦးတည် ခြေချနိုင်ပါလိမ့်မယ်...
မဟုတ်ရင် ချောင် ပိတ်ရိုက်တာထက် ကို
ဆိုးဝါးသွားလိမ့်မယ်...မိတ်ဆွေ...
ခွေးတောင် ချောင်ပိတ်ရိုက်ရင်ပြန်ကိုက်
တတ်ပါတယ်...ကျနော်တို့က လူတွေပါ
အခက်ခဲ ပြဿနာတွေ ဘယ်လောက်ပဲ
များစွာ ချောင်ပိတ် ရိုက် ခတ် နေပါစေ
ငြိမ်ကုတ်မနေပဲ ပြန်လည်တိုက်ခိုက်ဖို့
နည်းလမ်းတွေကို ရှာဖွေရမှာပဲ မဟုတ်လား.?

"မကြိုးစားရသေးပဲ လက်မလျှော့ပါနဲ့
အရာအားလုံးက ဖြစ်နိုင်ချေရှိပါတယ်"

စွမ်းဆောင်နိုင်တဲ့ သတ္တိခွန်အားတွေ
ရှိနေဖို့တော့ လိုအပ်တာပေါ့...
ဘယ်အရာမှ အလွယ်တကူ ရဖို့မမြင်ပါနဲ့
တစ်ခုကို ရယူချင်တယ်ဆိုရင် တစ်ခုကို
ပေးဆပ်ရတာ ဓမ္မတာ ပဲ မိတ်ဆွေ...
လွယ်လွယ်နဲ့ အချောင်ရဖို့တွေးနေရင်
သင့်ဘဝလည်း လွယ်လွယ်နဲ့ ကျရှုံးမှာပဲ

လွှတ်မြောက်ရာလမ်းကို ရောက်ဖို့အတွက်
အနည်းငယ်တော့ ပေးဆပ်ရလိမ့်မယ်...
သင့်ဘဝတစ်ခုလုံးသေသွားတာမှမဟုတ်တာ

မေတ္တာဖြင့်
ကိုရဲ(Barlarlar)

1,877

စာဖတ်ကြမယ်

04 Feb, 00:22

နိုင်ငံ ခြားကို ရောက်ပြီးဆိုရင်း
ကိုယ့်ကျင့် တရား ကောင်း မကောင်းဗီဇာက
ပေါ်လာတယ်
အဆင်ပြေဖို့ဆို နှစ်တွေ အကြာကြီး
ထိန်းသိမ်းစုစည်းရတယ် ပျက်စီးဖို့က ခဏပါဘဲ

မျက်စီက နှစ်လုံးပါပေ့မဲ့ ကောင်းတဲ့ဖက်ကို
ဖိတ်ထားကြတယ် မကောင်းတဲ့ဖက်ကိုဖွင့်ထားလေရှိကြတယ်
နားက နှစ်ခုပါပေမဲ့ ကြားချင်ရာဘဲ
ကြားတက်ကြတယ်

ပါးစပ်က တခု ပါပေမဲ့လည်း ကိုယ်ကောင်းတာဘဲ ပြောလေ ရှိကြတယ်
ကိုယ်ရှာထားတဲ့ ပိုက်ဆံ ကိုတော့ မိသားစုတွေ
မျှဝေ စားသောက်ခွင့်ရှိပေမဲ့
ကိုယ်လုပ်ထားတဲ့ အကုသိုလ်ကိုကျတော့
မျှဝေပေးလို့ မရပါဘူး
ကိုယ်တစ်ယောက်ထဲဘဲ ခံစားရမည်

ကိုယ့်ကိုကိုယ် ပြုပြင်တက်ရင်
ပျက်စီးမှု မရှိပါဘူး
ကိုယ်လုပ်တာ ကိုယ်ရသလို
ကိုယ်ပြုတဲ့ကံ ကိုယ့်ထံ ပါဘဲ

မျိုး မျိုး

1,681

စာဖတ်ကြမယ်

27 Sep, 14:06

"ပညာရှိဆိုတာ"

(၁) မျက်စိကြီးရမယ်
(၂ ) လျှာတိုရမယ်
(၃) နားရွက်ရှည်ရမယ်

(၁) မျက်စိကြီးရမယ် ဆိုတာ
မျက်လုံးကြီး မျက်လုံးပြူးတာကို
ပြောတာမဟုတ် အမြင်ကျယ်ရမယ်။
အကောင်းမြင်စိတ်ရှိရမယ်လို့ ဆိုလိုတာပါ။

(၂) လျှာတိုရမယ်ဆိုတာ
ပကတိ လျှာတိုတာကို ပြောတာ မဟုတ်။
မပြောသင့်တာကို မပြောတာ။
နေရာတကာ ဝင်မပါတာ။
စကားကို စည်းကမ်းရှိရှိနဲ့ မှန်ကန်တဲ့
စကားကို ပြောရမယ်လို့ ဆိုလိုတာပါ။

(၃) နားရွက်ရှည်ရမယ် ဆိုတာ

တစ်ဖက်သားရဲ့ ပြောစကားကို နားထောင်ပေးရမယ်။
ကိုယ်ပြောချင်တာကို အတင်းဇွတ် ပြောနေတာမျိုး
မဟုတ်ပဲ တစ်ဖက်သားရဲ့ အမှားအမှန်စကားကို
နားထောင်ပေးတတ်သူ ဖြစ်ရမယ်လို့ ဆိုလိုတာပါ။

Credit

25,416

စာဖတ်ကြမယ်

13 Sep, 06:33

#မင်းသားကြီးအမီတာဘဂျမ်းရေးတဲ့ဆောင်းပါး

အိမ်မှာချွေးမ တစ်ယောက်ရှိတယ်။
အိမ်မှုကိစ္စတွေ အကုန်နိုင်နင်းစေချင်တယ်။

သူများကို ပေးစားလိုက်တဲ့
သမီးတစ်ယောက်ရှိတယ်။
အဲဒီအိမ်မှာသူ့ကို
ဖူးဖူးမှုတ်ထား စေချင်တယ်။

ကိုယ်လမ်းလျှောက်တုန်းက
ကားမောင်းတဲ့လူကို ပြစ်တင်မိတယ်။
ကိုယ်ကားမောင်းပြန်တော့
လမ်းလျှောက်တဲ့လူကို ဆဲဆိုမိပြန်တယ်။

သူများဆီမှာ အလုပ်သမား လုပ်တုန်းက
အလုပ်ရှင်ကို ဆိုးတယ်၊ ကပ်တယ်လို့
ပြောဆိုဖူးတယ်။
ကိုယ်အလုပ်ရှင်ပြန်ဖြစ်တော့
အလုပ်သမားတွေ မကြိုးစားဘူးဆိုပြီး
ငြူစူပြန်တယ်။

ကိုယ်တိုင်စျေး၀ယ်တုန်းက ဆိုင်ရှင်ကို
အမြတ်ကြီးစားတယ်၊
လောဘကြီးတယ်ပြောတယ်။

ကိုယ်ကိုယ်တိုင်ဆိုင်ရှင်ပြန်ဖြစ်တော့
စျေး၀ယ်တွေ ဂျီးများလွန်းတယ်လို့
ထင်မိပြန်တယ်

အမှန်တော့ ကျွန်တော်တို့ အားလုံး
မမှားကြပါဘူး။
နေရာချင်းမတူတော့ စဉ်းစားပုံချင်း
မတူလိုက္တာပါ။

နေရာလဲပြီးသာ စဉ်းစားတတ်ကြမယ်ဆိုရင်
အားလုံး အဆင်ပြေသွားပါလိမ့်မယ်။

တစ်ခုခုလုပ်တော့မယ်၊ ပြောတော့မယ်ဆိုရင်
အဲလူနေရာ ခဏလောက်ဝင်ခံစားကြည့်ပါ။
မင်းရင်ထဲမှာတစ်ခုခုမြင်လာလိမ့်မယ်။
သူ့ရဲ့လုပ်ဆောင်ချက်နဲ့
ငါရဲ့လုပ်ဆောင်ချက်၊
သူပေးဆပ်မှုနဲ့
ငါပေးဆပ်မှုတူလား။
အဲ့လိုတွေ တွေးတတ်လာတဲ့တစ်နေ့
ကိုယ်ရင်ထဲ ကိုယ်ချင်းစာတရားရှိပြီး
ဘယ်နေရာနေနေ နေတတ်လာမှာပါ။

crd#

19,204

စာဖတ်ကြမယ်

10 Jun, 03:03

ဒီကလေးလေးရဲ့ မိဘတွေကိုကျနော်လေးစားတယ် ၊ အခက်အခဲအမျိုးမျိုးကြောင့် ကိုယ့်ကလေးကိုလိုက်မကြည့်နိုင်ပဲ ထမင်းချိုင့်တစ်လုံးနဲ့ ကျောင်းလွှတ်လိုက်တဲ့ သတ္တိကိုလည်း ချီးကျုးတယ် ၊ ဒီနေရာမှာ ငါ့သားလေး သူစိမ်းတွေကြားမှာ မျက်နှာငယ်မှာစိုးလို့ဆိုတဲ့ တလွဲအတွေးတွေ ၀င်နေရင် ဒီကလေးရင့်ကျက်မလာတော့ဘူး ၊ လူတောမတိုးရဲတော့ဘူး ၊ KG တန်းမှာ နှစ်ဆင့်ချိုင့်ကို ကိုယ့်ဘာသာကိုဖွင့်ပြီး စားတတ်နေပြီဆိုတာ သူအတွက် ကြီးမားသောအောင်မြင်မှုပါ...

ရင့်ကျက်မှုဆိုတာ အသက်အရွယ်အပေါ်မှာ မူမတည်ဘူး၊ ကြုံလာတဲ့ လောကဓံနဲ့ပဲသက်ဆိုင်ပါတယ် ၊
#ဘဝရဲ့ခရီးသည်မှမျှ😊
fighting Baby 😘😘
crdoriginaluploader

17,094

စာဖတ်ကြမယ်

17 May, 03:07

နိုင်ငံခြား မလာပါနဲ့
******

ဒီအချက်တွေ နဲ့ ငြိနေ ရင် လုံးဝ နိုင်ငံခြားမလာပါနဲ့ .
°°°°°°°°°°°°°°°°°°°°°°°°°°°°°°°°°°°°

🔺အိပ်ရေး ပျက်တာ မခံ နိုင် ရင် ပြည်ပနိုင်ငံ မလာပါနဲ့..

🔺သည်းမခံ နိုင် ရင် ပြည်ပနိုင်ငံမလာပါနဲ့ ...

🔺stress မရ ချင် ရင် ပြည်ပနိုင်ငံ မလာပါနဲ့ ....
.
🔺အစား အစာ ဂျီး များ လွန်း ရင် ပြည်ပနိင်ငံ မလာပါနဲ့( တခါတလေ otဆင်းရရင် ညနက်အလုပ်ပြန်ရ မြန်မာအစားအစာ ဘယ်မှာ မှန်းမသိပါဘူး ကြက်ဥ မာမား ရေသောက် ဗိုက်မှောက်အိပ်)

🔺ကိုယ့်အိမ်မှာလို ဇိမ်လေးနဲ့ထမင်းစားမှစားတတ်ရင်ထမင်းကိုမြန်မြန်ဆန်ဆန်မစားတတ်ရင် ပြည်ပနိုင်ငံ မလာပါနဲ့ -

🔺ပေါ့ပေါ့ နေ ပေါ့ပေါ့စား လုပ် ချင် ရင် ပြည်ပနိုင်ငံ မလာပါနဲ့ -

🔺မျက်ရည် မကျရင် ပြည်ပနိုင်ငံ
မလာပါနဲ့ (ရောက်သူ တိုင်း မျက်ရည် တစ်ခါ လောက် တော့ ကျ ဖူး ကျ လို့ပါ)

🔺. မိဘ ဆွေမျိုး ချစ်သူ ယောက်ကျား/မိန်းမ မခွဲနိုင် ရင် ပြည်ပနိုင်ငံမလာပါနဲ့ ....

🔺. တစ်ယောက်တည်း မရပ်တည် မနေတတ် ရင် ပြည်ပနိုင်ငံမလာပါနဲ့
( ကိုယ့်အ၀တ် ကိုယ်လျှော် ကိုယ့်ထမင်း ကိုယ်ချက်စား ကိုတစ်ယောက်တည်း ရပ်တည် ရတာ ကို ဆို လို ပါတယ် ဘယ်သူမှ ကိုယ်အလုပ် လာ မလုပ် ပေးပါဘူး )

.🔺မနေတတ် မထိုင်တတ် အမြဲတမ်း ရန်ဖြစ် ချင်ရင် ပြည်ပနိုင်ငံမလာပါနဲ့ ၊

🔺သူဌေးသား သူဌေး သမီးလို ဘော်ကြော့ နေရမယ် ထင် ရင် ပြည်ပနိုင်ငံမလာပါနဲ့ (အလုပ်ကို ကျွဲလိုနွားလို လုပ်ရလို့ပါ)

🔺လမ်းမြန်မြန် မလျှောက်တတ်ရင် ပြည်ပနိုင်ငံမလာပါနဲ့ (မြန်မြန် လုပ် မြန်မြန် စား အချိန်နဲ့ အလုပ်လုပ်နေရလို့ပါ)

🔺အလုပ် တစ်ခုက မပီးသေးဘူး
နောက်ထပ် အလုပ်တစ်ခု ထပ်ခိုင်းတာ မခံနိုင်ရင် ပြည်ပနိုင်ငံ မလာပါနဲ့ 😊

🔺သူများကိုပဲအားကျပီး စိတ်ကူး
တေနဲ့မလာပါနဲ့သေချာစဉ်းစားပါ

🔺အမြဲဖုန်းကိုင်ပြီး အင်တာနက်ဖွင့်
Fb အမြဲ သုံးခြင်တဲ့ဘ၀မျိုးဆိုမလာပါနဲ့

🔺( အရေးကြီး ဆုံး အချက် ) လာမယ်ဆိုရင် ဒီအချက်တွေ လုပ်နိုင်ရင်တော့ နိုင်ငံခြားထွက်ဖို့ စဉ်းစားပါ

#Credit

15,706

စာဖတ်ကြမယ်

08 Feb, 14:43

မိဘဆိုတာ မပြည့်စုံနေရင်တောင် သင့်အတွက်တော့
အပြည့်စုံဆုံးအရာတွေကို ပေးမှာပါ 🥺🫶

#crdphoto

14,676

စာဖတ်ကြမယ်

08 Feb, 06:06

“မိန်းမဖြစ်သူက မှန်ထဲမှာ သူ့ကိုသူ
ကြည့်ပြီး ခင်ပွန်းဖြစ်သူကို မေးတယ်။

နင်....ငါ့ကိုချစ်သေးလား? လို့
ခင်ပွန်းဖြစ်သူကို လှမ်းမေးတော့

ခင်ပွန်းဖြစ်သူက ပြန်ဖြေတယ်
"ချစ်တာပေါ့ မိန်းမရာ" လို့

ဒါပေမယ့် ငါ့ကိုယ်ခန္ဓာက တို့တွေ စတွေ့တုန်းကနဲ့တော့ မတူတော့ဘူး မဟုတ်လား? လို့ ထပ်မေးတော့

"အဲ့လိုလဲ မဟုတ်ဘူး၊ ငါသတိမထားမိဘူး၊ မိန်းမရာ" ယောက်ျားကပြန်ဖြေတယ်။

မိန်းမက သူ့လက်ကို သူ့ဗိုက်ပေါ်တင်ပြီး ခုလို
သူ့ခင်ပွန်းကို ပြန်ပြောတယ်၊
"ကြည့်ရတာ ငါ့ဗိုက်က တစ်နေ့တစ်နေ့
ပိုကြီးပြီး ပိုလေးလာလို့ ဗိုက်ပူမကြီး ဖြစ်နေပြီ နော်
ငါ့ခြေတံတွေလဲ အရင်လို မချောမွေ့၊ မလှ
တော့ဘူး။

မိန်းမသည် ပြောရင်းဆိုရင်း မျက်ရည်များဝဲကာ
ခင်ပွန်းဖြစ်သူ အနီးနားသို့ လှမ်းလာပြီး
“ဘာအတွက်ကြောင့်များ ခုထိ ငါ့ကို ချစ်နေတာလဲ?"လို့ မေးလိုက်တော့

ခင်ပွန်းဖြစ်သူက ဒီလို ပြန်ဖြေတယ်....
"မင်းရဲ့ခန္ဓာကိုယ်ကို ထိလိုက်တာနဲ့ ငါခံစားရတယ်။
မင်းရဲ့အချစ်၊
မင်းရဲ့ကြင်နာတတ်တဲ့နှလုံးသားကို ငါမြင်ရတယ်
မင်းရဲ့ လှပတဲ့ရုပ်ရည်ကို ငါမြင်နိုင်သေးတယ်
ပြီးပြည့်စုံတဲ့ ပုံသဏ္ဍာန်ဆိုတာ ငါ ကောင်းကောင်း
သိတယ်၊

မင်းကိုချစ်တယ်ကွာ...
မင်းရဲ့ ခုပုံစံအပေါ် အာရုံမထားပါနဲ့ နော်

ကျေးဇူးပြုပြီး
ငါမင်းကို မြင်တဲ့ပုံစံအပေါ် စိတ်ချစွာ
ကျေနပ်၊ လက်ခံ ပေးပါကွာ...

ပြီးတော့ မင်းကို ချစ်လို့မဝ ရူ့မဝ ဖြစ်နေတုန်း၊
ငါ့ရင်ဘတ်ကြီးနဲ့ ငါ နင့်ကို ခံစားလို့ ရနေတုန်းပဲ။

မင့်ကို ချစ်နေတဲ့ ငါ့မေတ္တာက
'ငါ့ဘဝတစ်ခုလုံး ပုံအပ်ပြီး၊ သစ္စာနဲ့ထပ်ကာ ရိုးမြေကျ အိုမင်းထိတိုင် ရှင်သန် နုပျို လှပနေမယ့်
အခ်စ္စစ် မို့လို့ပါ။'

ငါ့မျက်စိ(အမြင်)နှင့်မချစ် ရပါ။
နှလုံးသားနဲ့ ဘဝနဲ့ထပ်တူ တန်ဖိုးထား
မေတ္တာမျှနေရခြင်းမျိုးပါ။" တဲ့ဗျာ

Credit:
ကောင်းကင်ထက်က ကြယ်စင် {ကလေး}

14,053

စာဖတ်ကြမယ်

13 Nov, 11:28

ကျွန်တော်သိသော အထက်တန်းစား🌿

အထက်တန်းစားဆိုတာ ဇိမ်ခံကားကြီးစီးနေမှ အဆင့်မြင့်တိုက်ကြီး
ပေါ်မှာ နေနေမှ နိူင်ငံတကာက ဘွဲ့ဂုဏ်ထူးတွေပွေ့ပိုက်ထားမှ ပိုက်ဆံ
တွေ သုံးမကုန်အောင်ရှိနေမှ အဲ့လိုလူမျိုးကိုအထက်တန်းစားလို့ တချို့
တွေက ခေါင်းစဉ်တပ်ကြလေ့ရှိတယ်။

ကျွန်တော်သိတဲ့ အထက်တန်းစားဆိုတာကတော့...

🌿 လူကိုလူလို့မြင်တတ်ကာ ဖေးမကူညီပြီး အကြင်နာတရားထားတတ်တဲ့သူ
🌿 ဆင်းရဲချမ်းသာ မခွဲခြားပဲ ရင်ဘောင်းတန်းပြီး ပေါင်းသင်းဆက်ဆံတတ်တဲ့သူ
🌿ကိုယ့်ကျင့်တရားကို အသက်ထက်တန်ဖိုးထားသောသူ
🌿ကိုယ့်ထက် နိမ့်ကျသူအပေါ် ကိုယ့်ထက်မြှင့်အောင် သွန်သင်
လမ်းပြပေးတတ်သောသူ
🌿သူများမကောင်းကြောင်း ကိုယ့်ကောင်းကြောင်း ထုတ်ဖော်လေ့မရှိ
သောသူ
🌿မရှိရှိတာကို ဖဲ့ကာ ပေးကမ်းစွန့်ကြဲတတ်သောသူ တွေပဲဖြစ်ပါတယ်။

စိုးဝင့်ကျော်
၁၁.၁၁.၂၂

13,888

စာဖတ်ကြမယ်

14 Oct, 03:30

လက်ခုပ်တီးပေးနိုင်မယ့် သူသာဖြစ်ပါစေ

လောကမှာလေ လူနှစ်မျိုးပဲရှိတယ်
ကိုယ့်အပေါင်းအသင်းမိတ်ဆွေတွေ
အောင်မြင်ကျော်ကြားအဆင်ပြေနေတဲ့အခါ ဘေးက
ဝမ်းမြောက်ဝမ်းသာ လက်ခုပ်တီးပြီး မုဒိတာပွားနိုင်တဲ့သူရယ်
လက်ခုတ်တီးပေးဖို့ နေနေသာသာ မခေါ်နိုင်မပြောနိုင်တွေ
ဖြစ်သွားပြီး စိတ်ထဲကနေ ကျိတ်မနိုင်ခဲမရတွေဖြစ်ပြီး
အဆက်အဆံပြတ်သွားကြတဲ့
Relationshipမျိုးတွေရှိပါတယ်

ကျွန်တော် ကိုယ်တိုင်လည်းဒီလိုRelationshipမျိုးတွေနဲ့
မကြာခဏကြုံတွေ့ရတတ်ပါတယ်
ကိုယ့်ကိုယ်ကို မို့လို့တော့ ကိုယ်ရည်သွေး
ပြောတာမဟုတ်ဘူး ကိုယ့်အပေါင်းအသင်းမိတ်ဆွေထဲက
လူတစ်ယောက်ယောက် အမြင့်တစ်နေရာကို
ရောက်သွားမယ် ကောင်းစားသွားမယ်ဆို
ကူညီပေးဖို့ ဝန်မလေးဘူး တတ်နိုင်သလောက်ကူညီပေးတယ်
ကိုယ့်အကူအညီမပါပဲ သူတို့အောင်မြင်သွားကြတယ်
အဆင်ပြေသွားကြတယ်ဆိုလည်း
လက်ခုတ်တီးဖို့ ဝန်မလေးဘူး
ရှေ့ဆုံးကနေ မုဒိတာပွားပေးမယ့်သူက ကိုယ်ပဲ

တချို့အပေါင်းအသင်းတွေလည်းရှိပါတယ်
သူတို့အောင်မြင်ဖို့ အဆင်ပြေဖို့ ကိုယ်က
ဘာမှတော့အကူအညီမပေးနိုင်ခဲ့ဘူး
သူတို့ကြိုးစားလို့ဖြစ်စေ ကံကြမ္မာမျက်နှာပေးလို့ကြောင့်ဖြစ်
အောင်မြင်လာတယ် အဆင်ပြေလာတဲ့အခါ
ကိုယ့်ဆီ ကြွားချင်စိတ်နဲ့ပြန်ရောက်လာတတ်တဲ့သူတွေလည်းရှိတယ် ကိုယ်ကတော့ သူတို့တွေးသလို ဘယ်တော့မတွေးမိဘူး
အော် ငါ့သူငယ်ချင်း ငါ့မိတ်ဆွေတွေ
အဆင်ပြေနေတာ တွေ့ရတာ စိတ်ထဲကြိတ်ပြီး
ပီတိဖြစ်ပေးတယ် မုဒိတာပွားပေးတယ်
အကြောင်းမတိုက်ဆိုင်လို့ တကူးတကသွားမပြောဖြစ်တာပဲ
ရှိပေမယ့် သူတို့အဆင်ပြေနေရင်
ကိုယ်အမြဲဝမ်းသာပေးတယ်

ဘာကြောင့် ညာကြောင့်ရယ်မှမဟုတ်ပဲ
ကိုယ့်နဲ့အပေါင်းအသင်းဆက်မလုပ်ဖြစ်တော့တဲ့
လူတွေကိုတောင် ကြုံကြိုက်လို့ရှိရင်
အမြဲသတိတရမေးတယ် ဟိုတစ်ယောက်ရော
အဆင်ပြေရဲ့လား ရန်ကုန်မှာတစ်ယောက်တည်း
နေရတာ အခုလိုချိန် ခက်ခဲနေမှာပဲ
တတ်နိုင်တာရှိရင် ကူညီကြရအောင်ဟာ
ကိုယ်နဲ့ပတ်သက်ဖူးတဲ့လူဆိုရင် အမြဲသတိတရရှိတတ်တယ်

အဓိကက လူတစ်ယောက်မှာ မနာလိုစိတ်မရှိဖို့ပဲ
မနာလိုစိတ်ရှိတဲ့ သူဘယ်တော့မှလည်းမအောင်မြင်သလို
သူများရှေ့လည်း ဘယ်တော့မှမရောက်ဘူး
မနာလိုစိတ်ဆိုတဲ့သဘောတရား
လူခန္ဓာကိုယ်မှာ စက္ကန့် ၃၀ထက်ပိုပြီး
ဖြစ်နေတဲ့ emotionတစ်ခုပဲ
ပျော်ရွှင်မှုတစ်ခုက လွဲလို့ တခြား
emotionတွေဟာ ခန္ဓာကိုယ်မှာ စွဲကပ်နေပြီဆိုရင်
အဲ့လူအတွက်အဆင်မပြေတော့ပါဘူး
ကိုယ့်အကြောင်းထက် သူများအကြောင်းပိုတွေးမိနေမယ်
ကိုယ်အောင်မြင်ဖို့ထက် သူများအောင်မြင်တာကို
မနာလိုစိတ်များပြီး တွေးမိနေမယ်

ရှည်ရှည်ဝေးဝေး သွားမကြည့်နဲ့
အခုfacebookမှာပဲ ကြည့်ကြည့်ပါ
ဒီDigital platformပေါ်မှာပဲ တစ်ချို့လေးတွေ
အဆဲခံအဆိုခံရင်းနဲ့ပဲ လမ်းမှန်ပေါ်ရောက်ပြီး
အောင်မြင်လာကြတယ် တိုက်တွေဝယ်
ကားတွေစီးနိုင်လာကြတယ် မိဘနဲ့မိသားစုကို
ကျွေးမွေးထောက်ပံ့လာနိုင်ကြတယ်
အဲ့လိုတွေတွေ့တိုင်း ကျွန်တော်အမြဲပီတိဖြစ်တယ်
သူတို့တစ်ယောက်အောင်မြင်ကောင်းစားရုံနဲ့
သူတို့တစ်မိသားစုလုံးအဆင်ပြေသွားကြတယ်
နေနိုင်စားနိုင်သွားကြတယ်
အဲ့တာဘာလို့လဲဆိုတော့ သူတို့အကြောင်းပဲ
သူတို့တွေးလို့ သူများထက်သူတို့ရှေ့ရောက်သွားကြတာ
သဘောတရားက ရှင်းရှင်းလေး

သူတို့ကိုဆဲနေတဲ့လူတွေကို လိုက်ကြည့်ကြည့်
အများစုသော လူတွေက လွန်ခဲ့တဲ့၃နှစ်
သူတို့မအောင်မြင်ခင် ဆဲနေတုန်းကလည်း
အဲ့နေရာမှာပဲ ဟော အခုသူတို့ဆဲနေတဲ့လူတွေ
အောင်မြင်သွားတယ် အပေါ်ရောက်သွားတယ်
သူတို့ကတော့ အရင်ဆဲနေကျနေရာမှာပဲ
တိုးတက်မလာဘူး ရှေ့ရောက်မလာဘူး
ဒုံရင်းကဒုံရင်းပဲ
ဘာလို့လဲဆိုတော့ ကိုယ့်အကြောင်းထက်
သူများအကြောင်းကို စိတ်ဝင်စားပြီး
မုဒိတာစိတ်နည်းလို့ပါ

လူတိုင်းမှာအောင်မြင်ဖို့ အခွင့်အရေးရှိပေမယ့်
လူတိုင်း မအောင်မြင်တဲ့အကြောင်းအရင်းက
မနာလိုစိတ်ကြီးပြီး ကိုယ့်ဘေးကလူတွေ
အောင်မြင်သွားတဲ့အခါမှာ လက်ခုပ်တီးပေးပြီး
အတုယူဖို့ မစဥ်းစားပဲ
အလကားပါကွာ စိုင်ကော်လို့ခြုံပေါ်ရောက်သွားတာ
ဆပ်ပြာကောင်းလို့ ခေါင်းပေါင်းဖြူသွားတာပါဆိုပြီး
အထင်လည်းမကြီးပေး အတုလည်းမယူတတ်
မုဒိတာလည်း မပွားပေးနိုင်လို့
လူတိုင်းမအောင်မြင်ကြတာပါ

ကိုယ့်ဘေးကလူတွေ အောင်မြင်အဆင်ပြေလာတဲ့အခါ
မနာလိုမရှုစိမ့်ဖြစ်ဖို့ထက်
လက်ခုပ်တီးပြီး မုဒိတာပွားပေးနိုင်
အတုယူနိုင်တဲ့ သူပဲဖြစ်ဖို့အရေးကြီးပါတယ်

လောကမှာလူနှစ်မျိုးပဲရှိပါတယ်
ကိုယ်အောင်မြင်လာတဲ့အခါ လက်ခုပ်တီးပြီး
မုဒိတာပွားပေးနိုင်မယ့်သူနဲ့
နောက်ကျောကနေ တိတ်တိတ်လေး
ဓားနဲ့ထိုးပြီး အောက်ဖဲလှန်မယ့်သူရယ်ပါ
ဒုတိယလူအမျိုးအစားကို ကိုယ်ကိုယ်တိုင်လည်းမဖြစ်စေနဲ့
အဲ့လိုလူအမျိုးအစား ကိုယ်ဘေးနားမှာရှိနေရင်လည်း
အမြန်ဆုံးသာ ခပ်ခွာခွာနေလိုက်ပါ

#Min_Thant (Min's Beauty Book)🖤
#Real_Talk_With_MinThant
#Relationship_Coaching
#Relationship_Coach
#Male_Coach

23,390

စာဖတ်ကြမယ်

04 Oct, 14:09

#အချစ်ကိုဘယ်လိုရွေးချယ်လဲ
#ဂျက်မား"ကရုပ်ဆိုးတယ်နော်
ဘာလို့သူ့ကို ရွေးချယ်ခဲ့တာလဲ
ဘာကြောင့်လည်း ကျွန်တော်တို့သိပါရစေ"

ရိုးရိုးရှင်းလေးပဲ ဖြေလိုက်တယ်
"ဂျက်မားက ရုပ်ဆိုးပါတယ် ဒါပေမယ့် အလုပ်ကြိုးစားတယ် လုပ်ရည်ကိုင်ရည်ရှိတယ်
အောင်မြင်ဖို့အတွက်အမြဲကြိုးစားနေတာ ဘ၀အာမခံချက်တစ်ခုရှိတယ်
အဲ့ဒီဘ၀ကို ကျွန်မပုံဖော်ပေးချင်လို့ပါ"တဲ့
အခုခေတ်မှာ လူငယ်တွေ အချစ်ဆိုတာကြီးကို အထင်မြင်လွဲလာကြတယ်

တစ်ပတ်ကို သုံးကြိမ်လောက် ရုပ်ရှင်ကြည့် ဟိုဆိုင်သွားစား ဒီဆိုင်သွားစားတာကို ကြွေးနိုင်မှအချစ်လို့ထင်လာကြတယ်
အရုပ်လေး ၀ယ်ပေး ဟိုဟာ၀ယ်ပေး နိုင်မှ အချစ်လို့ထင်လာကြတယ်
လူအများကြားမှာ အနမ်းတွေပေး ဖက်ပြနေမှအချစ်လို့ထင်လာကြတယ်
Sex ကိုပျော်စရာအဖြစ်သတ်မှတ်လာကြတယ်
သူတို့ဆီမှာ အနာဂတ်ကိုမတွေးတော တစ်ဘ၀စာထက် တစ်ခဏတာကြားမှာ ပျော်မြူးလာကြတယ်
အရည်အချင်းထက် ရုပ်ရည်ကို ဦးစားပေးလာကြတယ်

တစ်ကယ်တော့ အချစ်ဆိုတာ မိသားစုတစ်ခုလိုပါပဲ
ဒုက္ခနဲ့သုတ,မျက်ရည်နဲ့ ရယ်သံ,ကျရှုံးမူနဲ့ အောင်မြင်မူကြား ကိုယ့်ဘက်က အမြဲရပ်တည် ရှိနေပေးတတ်ကြသူတွေပါ

အောင်မြင်တဲ့ယောင်္ကျားတွေရဲ့နောက်ကွယ်မှာ ထက်မြက်တဲ့မိန်းမတွေရှိတယ်
ထက်မြတ်တဲ့မိန်းမတွေ ဘေးမှားလည်း အောင်မြင်တဲ့ ယေင်္ကျားတွေရှိကြတယ်
ဘ၀အာမခံချက်ဆိုတာ ကိုယ်တိုင်ဖန်တီးရတဲ့အရာပါ
ဘယ်အာမခံ company မှ ခုံဖိနပ်တစ်ရံကို ဒေါလာသန်းချီမပေးနိုင်သလို
ထီမထိုးပဲထီပေါက်ချင်, အပင်မစိုက်ပဲ အသီးစားချင်,
ပါရမီမဖြည့်ပဲ အောင်မြင်တဲ့ယောင်္ကျားတွေကို
မမျှော်လင့်ချင်ပါနဲ့ Ready made တွေက ဘယ်အရာမှ မကောင်းဘူး

ဘ၀မှာ ဟင်းကောင်းကောင်းစားရုံ, အလှပြင်ယုံသက်သက်လူဖြစ်လာတဲ့ သာမာန်မိန်းမတွေဟာ အောင်မြင်ပြီးသားယောင်္ကျားတွေကိုရှာပြီး သူတို့ဘ၀ကို တည်ဆောက်ချင်ကြတယ်
ထက်မြတ်တဲ့မိန်းမတွေကတော့ သူတို့တကယ်ချစ်တဲ့သူနဲ့သာ
ဘ၀ကိုရုန်းကန်လှုပ်ရှား ဖေးမကူညီရင်း
အောင်မြင်တဲ့ယောင်္ကျားတွေရဲ့ အရေးပါတဲ့ မိန်းမတွေဖြစ်ချင်ကြတယ်

ငွေ တစ်ထောင်ကို တစ်သောင်းဖြစ်အောင် ဘယ်လိုလုပ်ပေးရမလဲစဉ်းစားမယ့်အစား ဘယ်လိုဖြုန်းရမလဲ စဉ်းစားနေတဲ့လက်တွဲဖော်ရှိရင် ခုထဲက လက်တွဲဖြုတ်လိုက်ပါ
သင့်ဘ၀ရဲ့ ပါရမီဖြည့်ဘက် ဘယ်တော့မှဖြစ်လာမှာ မဟုတ်လို့ပါပဲ

#crd #credit

9,886

စာဖတ်ကြမယ်

26 Sep, 15:22

အရမ်းကောင်းလို့ မျှဝေပေးလိုက်ပါတယ်
================
လှေရယ်... မြင်းရယ်... လူရယ်...

လှေက ကမ်းမှာကပ်ထားရင် အန္တရာယ်အကင်းဆုံးပဲ
ဒါပေမယ့် အဲဒါက လှေတည်ဆောက်ခဲ့တဲ့
ရည်ရွယ်ချက် မဟုတ်ဘူး။

လူက အိမ်မှာနေရင် အသက်သာဆုံးပဲ၊
ဒါပေမယ့် အဲဒါက လူဖြစ်လာရတဲ့ရည်ရွယ်ချက်
မဟုတ်ဘူး။
တစ်နေ့ကို မိုင်တစ်ထောင်သွားနိုင်တဲ့
အာဇာနည်မြင်းပျိုလေးတစ်ကောင်ရှိတယ်၊
သူ့ရဲ့အရည်အချင်းကိုဖော်ထုတ်ပြသဖို့
အခွင့်အရေးကိုစောင့်နေတယ်။
ကုန်သည်ရောက်လာတယ်၊ မြင်းကိုမေးတယ်၊
''မင်းငါနဲ့လိုက်နိုင်မလား''
မြင်းကခေါင်းခါပြီးပြောတယ်၊

'ငါက တစ်နေ့မိုင်တစ်ထောင်သွားနိုင်တဲ့
အာဇာနည်မြင်းကွ... ဘယ်လိုဖြစ်လို့
ကုန်သည်နောက်လိုက်ပြီး ကုန်ထမ်းရမှာလဲ''

စစ်သားရောက်လာတယ်၊ မြင်းကိုမေးတယ်၊
''မင်းငါနဲ့လိုက်နိုင်မလား''
မြင်းကခေါင်းခါပြီးပြောတယ်။
''ငါက တစ်နေ့မိုင်တစ်ထောင်သွားနိုင်တဲ့
အာဇာနည်မြင်းကွ.. ဘယ်လိုဖြစ်လို့
သာမာန်စစ်သားတစ်ယောက်နောက်လိုက်ပြီး
တိုက်ပွဲဝင်ရမှာလဲကွ''
မုဆိုးရောက်လာတယ်၊ မြင်းကိုမေးတယ်၊
'မင်းငါနဲ့လိုက်နိုင်မလား''
မြင်းကခေါင်းခါပြီးပြောတယ်။
''ငါက တစ်နေ့မိုင်တစ်ထောင်သွားနိုင်တဲ့
အာဇာနည်မြင်းကွ...ဘယ်လိုဖြစ်လို
မုဆိုးနဲ့အတူတူ ပင်ပန်းဆင်းရဲမှုဒဏ် ခံရမှာလဲကွ''

ဒီလိုနဲ့ တစ်နေ့ပြီးတစ်နေ့ကုန်ဆုံးသွားခဲ့တယ်။
မြင်းဟာသူနဲ့တန်တဲ့အလုပ်ကို
ရှာမတွေ့သေးဘူး။

တစ်နေ့ ဘုရင်မင်းမြတ်အမိန့်ဖြင့်
စစ်သူကြီးတစ်ယောက် အာဇာနည်မြင်းကိုလိုအပ်ကြောင်း
နေရာအနှံ့ ကြော်ငြာစာများကပ်ကာ
လိုက်ရှာလေသည်၊

အာဇာနည်မြင်းက ....
စစ်သူကြီးဆီသွားတွေ့ပြီး ပြောတယ်၊
''ကျနော်က ခင်ဗျားတို့ရှာနေတဲ့ အာဇာနည်မြင်းပါ''

စစ်သူကြီးက မေးတယ်၊
''ဒါဆို မင်းငါတို့တိုင်းပြည်ရဲ့ တောတောင်ရေမြေနဲ့
လမ်းတွေကို နှံ့စပ်လား''
့ မြင်းက ခေါင်းခါတယ်၊

စစ်သူကြီးက ထပ်မေးတယ်၊
''ဒါဆို မင်းစစ်ပွဲဝင်ဖူးသလား..စစ်ပွဲအတွေ့အကြုံရှိသလား''
မြင်းက ခေါင်းထပ်ခါတယ်၊

စစ်သူကြီးက ထပ်မေးတယ်၊
''ဒါဆို မင်းတောထဲတောင်ထဲမှာ
သားကောင်တွေနဲ့တွေ့တဲ့အခါ သခင့်အတွက်
ရင်ဆိုင်တိုက်ခိုက်ပြီး ရုန်းထွက်ရဲသလား''
မြင်းက ခေါင်းထပ်ခါတယ်၊

စစ်သူကြီးကပြောတယ်။
''ဒါဆို မင်းဘာအသုံးကျသေးသလဲ''

မြင်းကပြောတယ်
''ကျနော်နေ့ဘက်ဆို မိုင်တစ်ထောင်သွားနိင်ပြီး
ညဘက်ဆို မိုင်ရှစ်ရာသွားနိုင်တယ်၊
လေအဆန်မှာ အစုန်ထက်တောင်မှ.
အပြေးမြန်သေးတယ်''

စစ်သူကြီးက မြင်းပေါ်ခွတက်စီးလိုက်တယ်၊
မြင်းကအားစိုက်ပြီး တစ်ဟုန်ထိုးပြေးလိုက်တယ်၊
ဒါပေမယ့် ၁၀လှမ်းလောက်ပဲပြေးရသေးတယ်၊
အမောဟိုက်ပြီး ကျောမှာချွေးတွေပြန်လာတယ်၊

''မင်းအိုသွားပြီ... မပြေးနိုင်တော့ဘူး'' ဟုဆိုကာ
စစ်သူကြီးပြန်လှည့်ထွက်သွားသည်၊

ဒီနေ့ သင်လုပ်တဲ့ကိစ္စတစ်ခုစီတိုင်းဟာ
သာမာန်ကြိုးစားနေတယ်ထင်ရပေမယ့်
နောင်တစ်ချိန်အတွက်....
အင်အားလေးတစ်ခုဆိုတာ သိထားပါ၊
ဒီနေ့သင်ဖြတ်ကျော်ရတဲ့ စိတ်ဆင်းရဲတဲ့
အတွေ့အကြုံတိုင်း၊ ငြင်းပယ်မှုတိုင်းဟာ
အနာဂတ်အတွက် အုတ်မြစ်ချပ်လေးတွေပါ၊
အိုသွားတဲ့အချိန် မပြေးနိုင်တော့မှ
မပြေးခဲ့ရပါလားလို့ နောင်တမရပါနဲ့
လှေက ကမ်းမှာကပ်ထားရင်
အန္တရာယ်အကင်းဆုံးပဲ၊ဒါပေမယ့် အဲဒါက
လှေတည်ဆောက်ခဲ့တဲ့ရည်ရွယ်ချက် မဟုတ်ဘူး။
လူက အိမ်မှာနေရင် အသက်သာဆုံးပဲ၊
ဒါပေမယ့် အဲဒါက လူဖြစ်လာရတဲ့
ရည်ရွယ်ချက် မဟုတ်ဘူး။ ပညာက အရည်အချင်းကို ကိုယ်စားမပြုဘူး၊
စာပေက ယဉ်ကျေးမှုကို ကိုယ်စားမပြုဘူး၊
မနေ့ကကျော်ဇောခဲ့တဲ့အရာဟာ
ဒီနေ့မှာ အတိတ်နဲ့ မှတ်ဉာဏ်အချို့ဖြစ်သွားပြီ၊

ဒါ့ကြောင့် အရေးကြီးတာက
" မနေ့ကသင်ဘယ်သူလဲမဟုတ်ပါဘူး"
" ဒီနေ့သင်ဘယ်သူလဲဆိုတာပါ၊"

ပိုပြီးအရေးကြီးတာက...
ဒီနေ့သင်ဘာလုပ်သလဲ..
မနက်ဖြန် သင်ဘာဖြစ်မလဲဆိုတာပါ။

# crd to owner

8,716