✠ቤተ ጉባኤ ዘኦርቶዶክስ ተዋህዶ✠

✥ ልጁን ወለደችው አብን መሰለችው ✥

👉 የተወደዳችሁ አንባብያን እመቤታችን እግዚአብሔር ወልድን የመውለድዋ የእናትነቷ ምሥጢር ከአብ ጋር ያመሳስላታል፡፡ ይህ እንደምንድ ነው ቢሉ ፦

፩– በቀዳማዊ ልደት አብ ያለ እናት ወልድን ወለደው በድኃራዊ (በሁለተኛ) ልደት ደግሞ እመቤታችን ያለ አባት ጌታን ወልዳለችና በዚህ የአብ ምሳሌው ሆነች፡፡ ስለዚህ ነገር አበው ‹‹ ልደት ቀዳማዊ ተዓውቀ በድኃራዊ ልደት ›› ያሉት አምስት ሺህ አምስት መቶ ዘመን ሲፈጸም ከእመቤታችን ያለአባት መወለዱ ቅድመ ዓለም ከአብ ያለእናት እንደተወለደ ያስረዳል፡፡ ቅዱስ ዳዊትም ስለዚህ ነገር በዝማሬው ‹‹ እግዚአብሔር በይሁዳ ታወቀ ስሙም በእስራኤል ታላቅ ነው ›› ኣለ ይኸም ከይሁዳ ወገን (በነገድ) ከሆነች ከእመቤታችን ያለኣባት በመወለዱ ከአብ ያለ እናት የመወለዱን ሃይማኖት ተገለጸ ማለት ነው፡፡

፪. አብ የወለደው ወልድን ነው እመቤታችንም ሥግው ቃልን እንጂ የሩቅ ብእሲ እናት ባለመሆኗ አብን መሰለችው፡፡ ስለዚህም እመቤታችንን ወላዲተ አምላክ እንላታለን፡፡

👉 ቅዱስ ያሬድም « ወይቤላ እግዚአብሔር ለማርያም አዝማንየ አዝማንኪ አምጣንየ አምጣንኪ ማርያም ሐቀፍኪዮ ወአነ ዮም ወለድክዎ» ( እግዚአብሔር ማርያምን ዘመኖቼ ዘመኖችሽ መጠኖቼ መጠኖችሽ ናቸው። እኔ ዛሬ ወለድኩት ማርያም ሆይ አንቺ ታቀፍሺው) (ቅ ያሬ ድጓ) « ዘመኖቼ ዘመኖችሽ ናቸው » ማለቱ ዓለም ከመፈጠሩ ዘመን ከመቆጠሩ በፊት በእርሱ ኅሊና መኖሯን የሚያስረዳ ነው። ይህም አዳምን ሳይፈጥረው በፊት እንደሚበድል እና በርስዋም አማካኝነት እንደሚያድነው ያውቅ ነበር ለማለት ነው። ቅዱስ ጳውሎስ « ዓለም ሳይፈጠር በፊቱ ቅዱሳን፥ ንጹሓንና ያለ ነውር በፍቅር ያደረገን ዘንድ ለእርሱ መረጠን » (ኤፌ ፩፥፬) በማለት ዓለም ሳይፈጠር ፍጥረታት ሁሉ በአምላክ የታወቁ መሆናቸውን ገልጾልናል።

፫. ‹‹ እም ኀበ አብ ወጽአ ቃል ዘእንበለ ድካም ወእም ድንግል ተወልደ ዘእንበለ ሕማም ›› (ውዳሴ ማርያም ዘሐሙስ ) እንዲል ከአብ አካል ዘእምአካል ባሕርይ ዘእምባሕርይ ድካም ሳይሰማው እንደተወለደ አምስት ሺህ አምስት መቶ ዘመን ሲፈጸም ከድንግል ሕማም ሳይሰማት እርሱም ሕጻናትን የሚሰማው ሳይሰማው ተወልዷል በዚኽም እመብርሃን አብን መሰለችው፡፡

ዛሬ ሴት ስትወልድ ታምጥ የለምን ቢሉ ይህስ አድፈን ለመንጻታችን ምልክት ነው እንላለን፡፡ ቀድሞ በኦሪት 40 ዕለት በምጥ ተጨንቀው የሚቆዩበት ጊዜ ነበር በዚህም የምጥ ጽናት እና ብዛት በጥፍራቸው በጣታቸው ምድርን እስከመቆፈር ይደርሱ ነበር፡፡ ዛሬ በሐዲስ ኪዳን ግን ይህንን መርገም ጌታችን በቸርነቱ ብዛት በመስቀል በፈጸመው ካሳ ኣርቆልናል፡፡ ዛሬ የተወሰነ ምጥ መኖሩ እንዲህ ያለ መከራ ኣበረብን ጌታ ግን ከዚህ ሁሉ ኣዳነን ብለን ለማመስገን እንዲሆነን ነው፡፡ እመቤታችን ግን በዘር ይተላለፍ የነበረ ይህ መርገም ቀድሞውኑ ያልደረሰባት፤ እንደኛም ኣድፋ ኋላ የነጻች ስላልሆነች ጌታን ስትወልደው ምንም ሕማም ጣር ሳይኖርባት ነውና በዚህ ኣብን መሰለችው፡፡

፬. ወልድ ለአብ ተቀዳሚ ተከታይ የሌለው ብቸኛ የበኸር (የበኩር) ልጁ እንደሆነ ለእመቤታችንም ተቀዳሚ ተከታይ የሌለው ብቸኛ የበኸር ልጇ ነውና በዚህም አብን መሰለችው፡፡ ውልድ ለአብ ብቸኛ እና የበኸር ልጁ ለመሆኑ በመጽሐፍ ቅዱስ ተገልጧል ለምሳሌ፡-ቅዱስ ጳውሎስ ‹‹ በኩሩን ወደ ዓለም ሲያስገባ›› (ዕብ 1፤6) በማለት የበኸር ልጅነቱን ሲገልጥልን ቅዱስ ዮሐንስ በወንጌል ‹‹ እግዚአብሔርን ያየው ኣንድስ እንኳ የለም በአባቱ እቅፍ ያለው ኣንድ ልጁ ገለጠልን እንጂ ›› ባለው እና ‹‹ አንድያ ልጁን እስኪሰጥ ድረስ ዓለሙን ወዷልና ›› (ዮሐ 1፤18/ 3፤17) በማለቱ ብቸኛ ልጁ መሆኑን ገልጦልናል፡፡
ይህማ በመስቀል ስር ከቅዱስ ዮሓንስ በስተቀር ሌላ ወንድ ሰው ቢያጣ ነው እንጂ ልጆችዋ እነስምኦን ፡ ዮሳ… አሉ የሚል ቢኖር እኛም መልሰን አንተ ሰው ‹‹ አንተን በመስቀል ላይ ቢሰቅሉህ እናትህን እና እውነተኛ ባልንጅራህን በመስቀል ሥር ብታይ ያን ባልንጅራህን እባክህን ያጽናኗት ዘንድ ወደ ልጅዎችዋ እና ወደ ባልዋ (ወደ ወንድሞቼ እና ወደ አባቴ) ወስደህ ስጥልኝ ትለዋለህ እንጂ እነሆ እናትህ ብለህ እርሱ እንዲወስዳት ታዘዋለህን? ›› ይኸስ ከልማድ ውጪ ነው፡፡

👉 ለፍጥረትስ ሁሉ ምግባቸውን የሚሰጥ ጌታ ወተት እየመገቡ ያሳደጉን ክቡር ጡቶቿን ፍጡር እንዴት ሊቀርበው ይቻለዋል ‹‹ ስላጠባኸው ጡቶቿ ›› እያሉ ይማጸኑበታል እንጂ፡፡ ቀድሞ በኦሪት ፈጣሪ ሊቀ ነቢያት ሙሴን ሲያዘው ከሰውም ሆነ ከእንስሳት ወገን የእናቱን ማህጸን አስቀድሞ ከፍቶ የሚወጣውን (የሚወለደውን) የእርሱ እንደሆነና እንዲለይለት ኣዞታል፡፡ ዳግመኛም ከሚያገኙት ከኣሥር ኣንድ (አሥራትን) ለፈጣሪ ብቻ እንደሆነ ለሰውም ሆነ ለተለያዩ ጥቅም እንደማያደርጓቸው ሁሉ እመቤታችንም ለእርሱ ለፈጣሪ እናትነት ብቻ የተለየች በመሆኑዋ ሌላ ልጅንም ባለመውለዷ እግዚአብሔር አብን መሰለችው፡፡ (ዘዳ 1፤31)

👉 ስለዚህ ሁሉ ነገር እመቤታችንን ‹‹ አብን ያየንብሽ ›› እያልን እናመሰግናታለን፡፡ ይህንንም ጌታችን ‹‹ እኔን ያየ አብን አይቷል ›› (ዮሓ፲፬ ) በማለቱ ገልጦልናል፡፡ ‹‹እኔን ያየ›› ሲል በመለኮቱ አይደለም መለኮት በሥጋ ድንግል ተገልጦ ቢታይ ዲዳሰስ ነው እንጂ፡፡ ከድንግል የሚታይ የሚዳሰስ ሥጋን ባይነሳ (ገንዘብ ባያደርግ) ኖሮ ባላየነው ባልዳሰስነውም ነበር፡፡ ወልድ በሥጋ ድንግል ተገልጦ ማየታችን ከእርሱ ጋር በሕልውና አንድ የሆነ አብን እንደማየት ነው፡፡ ስለዚህ ጌታችን ‹‹ እኔን ያየ አብን ዓየ›› አለ፡፡ በዚህ ሁሉ ነገር እመብርሃን አብን መሰለችው ለዚህ ታላቅ ክብር በመብቃትዋ ከፍጡራን በላይ ከፈጣሪ በታች መሆንዋ ተገለጠ፡፡ ስለሁሉም ነገር ፈጣሪ የተመሰገነ ይሁን የወላዲተ አምላክ ረድኤት ኣይለየን፡፡ ይቆየን
✍️ አምኃ ሥላሴ / መኩሪያ ተስፋዬ

https://t.me/+VBt2ld_HeykCaELL (ቴሌግራም ቻናል )

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥ ከልጅ ልጅህ ተወልጄ አድንኃለሁ ✥

ጥያቄ፡- ይህ ኃይለ ቃል የሚገኘው በየትኛው መጽሓፍ ነው?

መልስ፤- በመጽሓፍ ቅዱስ ውስጥ እንዲህ የሚል ኃይለ ቃል የለም እናንተ ኦርቶዶክሳውያን ግን ይህንን ኃይለ ቃል ከራሳችሁ አመጭታችሁ ትናገራላችሁ የሚሉ አሉ፡፡

- እንደምናውቀው እኛ እጅ ላይ ያለው መጽሓፍ ቅዱስ 81(ሰማንያ አሓዱ) ብንለውም 8ቱን የሓዲስ ኪዳን የሥርዓት መጽሓፍን ግን አላካተተም ምክንያቱም እነዚህ ይዘታቸው ትልቅ በመሆኑ ነው፡፡ አንዱ የሥርዓት መጽሓፍ እንኳን ከያዝነው መጽሓፍ ቅዱስ ይበልጣል ስለዚህ በአንድነት መጠረዙ ስለማይመች ለብቻቸው ተደርገዋል ነገር ግን ቁጥራቸው ከ81 መጽሓፍት ነው፡፡ 8ቱ የሓዲስ ኪዳን የሥርዓት መጽሓፍ የምንላቸውም

1. ትዕዛዘ ሲኖዶስ
2. ግጽው ሲኖዶስ
3. አብጥሊስ ሲኖዶስ
4. ሥርዓተ ጽዮን ሲኖዶስ
5. መጽሓፈ ኪዳን ቀዳማዊ
6. መጽሓፈ ኪዳን ካልዕ
7. መጽሓፈ ዲድስቅልያ
8. መጽሓፈ ቀሌምንጦስ ናቸው፡፡

- በዚህ መሠረት ከልጅ ልጅህ ተወልጄ አድንሃለሁ የሚለው ኃይለ ቃል ቊጥሩ ከሰማንያ አሓዱ( ከ81 ከመጽሓፍ ቅዱስ ) ከሆነው እና የሥርዓት መጽሓፍ ብለን ከጠቀስናቸው ስምንት መጽሓፍት ውስጥ አንዱ በሆነው በመጽሐፈ ቀሌምንጦስ 2፥23 ላይ ይገኛል፡፡ ቀሌምንጦስ የቅዱስ ጴጥሮስ ደቀመዝሙር የነበረ እና ከቅዱስ ጴጥሮስም በኋላ በሮም ሀገር ላይ ሊቀጳጳስ ሆኖ የመራ አባት ነው፡፡ የዚህ መጽሓፍ ጸሓፊ ርሱ በመሆኑ በስሙ መጽሓፈ ቀሌምንጦስ ይባላል፡፡

- ከልጅ ልጅህ ተወልጄ አድንሃለሁ የሚለው ኃይለ ቃል ቃል በቃል በዚህ መጽሓፍ ላይ ነው ያለው ብንልም ጌታችን ግን ከአዳም የልጅ ልጅ መወለዱን የሚገልጥ እኛ እጅ ውስጥ ካለ መጽሓፍ ቅዱስ ወይም 66ቱን መጽሓፍት ከሚቀበሉ ሰዎች ከያዙት መጽሓፍ ቅዱስ ውስጥ ተገልጦ እናገኘዋለን፡፡ ለምሳሌ በማቴዎስ ወንጌል በምዕራፍ አንድ ላይ የጌታችንን የዘር ሐረግ ሲገልጥልን ‹‹የዳዊት ልጅ የአብርሃም ልጅ የኢየሱስ ክርስቶስ የትውልድ መጽሓፍ ›› ካለ በኋላ ‹‹አብርሃም ይስሓቅን ወለደ፤ ይስሓቅም ያዕቆብን ወለደ……..›› ይለናል ይህ የሚያሳየን ቅዱስ ቀሌምንጦስ ‹‹ከልጅ ልጅህ ተወልጄ አድንሃለሁ›› በማለት በመጠቅለል (ጠቅልሎ) የነገረንን ወንጌላዊው ማቴዎስ ደግሞ አብራርቶ ዘርዝሮ እንደጻፈልን ነው፡፡ ይልቁን ይህ ወንጌላዊ በዚሁ ምዕራፍ ላይ የጌታችን የዘር ሐረግ ዘርዝሮ ሲያበቃ የጌታችንን ልደት ሲገልጥልን ‹‹… የጌታችን የኢየሱስ ክርስቶስም ልደት እንዲህ ነበር ……›› (ማቴ1፤18) ማለቱ የጌታችን ልደት እንደ ውኃ ፈሳሽ እንደ እንግዳ ደራሽ የሆነ ሳይሆን ከላይ እንደገለጥኩላችሁ አብርሃም ይስሓቅን ወልዶት፤ ይስሓቅም ያዕቆብን ወልዶት…. በዚህ የመዋለድ ሂደት ከአዳም የልጅ ልጅ ከሆነች ከድንግል ማርያም መወለዱን ሲገልጥል ነው፡፡ ይህንንም ሃሳብ ቅዱስ ጳውሎስም ‹‹ዘመኑ በተፈጸመ ጊዜ እግዚአብሔር አንድ ልጁን ላከ ከሴትም ተወለደ›› (ገላ.4፡4) በማለት ያስረዳናል ይኸውም ለአዳም ከልጅ ልጅ ተወልጄ አድሃለሁ ያለው የተስፋ ቃል ዘመኑ (5500) በተፈጸመ (ዘመኑ በደረሰ ) ጊዜ ሴት ከተባለች የአዳምም የልጅ ልጁ ከሆነች ከድንግል ማርያም ተወለደ ሲለን ነው፡፡

- ይህ የቅዱስ ጳውልስ ትምህርት መሰረቱን የምናገኘው ወደ ኦሪት ስንመለስ ነው አባታችን አዳም በድሎ ንስሐ ቢገባ ፈጣሪም ‹‹የሴቲቱ ዘር ራስ ራስህን ይቀጠቅጥሃል አንተም ሰኮና ሰኮናው ትነድፈዋለህ ›› ( ዘፍ.3፤11 ) የሚል ቃለ ተስፋ ሰጥቶት ነበር የዚህ ኃይለ ቃል ምሥጢራዊ ትርጉሙ የሴቲቱ ዘር የተባለው ከላይ እንደገለጥነው እንበለዘር ( ወንድ አጋዥ ሳያስፈልጋት ) ከድንግሊቱ የተወለደውን መድኅን ክርስቶስን የሚያመለክት ሲሆን ‹‹የሴቲቱ ዘር ራስ ራስህን ይቀጠቅጥሃል ›› ማለቱም ጌታችን ከድንግሊቱ ሰው ሆኖ ተወልዶ በፈጸመው የአድኅኖት ሥራ ከዲያቢሎስ አገዛዝ ነፃ እንዳደረገን የሚያስረዳ ነው፡፡ በመቀጠልም ‹‹ አንተም ሰኮና ሰኮናውን ትነድፈዋለህ ›› ማለቱ ዲያቢሎስ በአይሁዳውያን ላይ አድሮ ጌታችንን በመዋዕለ ሥጋዌው ይቃወመው እንደነበር ያስረዳናል፡፡ ስለዚህ ‹‹የሴቲቱ ዘር ራስ ራስህን ይቀጠቅጥሃል አንተም ሰኮና ሰኮናው ትነድፈዋለህ ›› የሚለውም የተፈጸመው የአዳም የልጅ ልጅ ከሆነች ከድንግል ተወልዶ መሆኑን የሚያስረዳ ነው እንግዲህ ‹‹ከልጅ ልጅህ ተወልጄ አድንሃለሁ ›› የሚለው ኃይለ ቃል ቅዱስ ቀሌምንጦስ ብቻ ሳይሆን መንፈስ ቅዱስ እየመራቸው ሌሎችም ጸሓፍያን በመጽሓፍ ቅዱስ ውስጥ በጎላ በተረዳ ነገር እንደገለጡልን በሚገባ ልንረዳው ያስፈልጋል፡፡

✍️ አምኃ ሥላሴ / መኩሪያ ተስፋዬ 

https://t.me/+VBt2ld_HeykCaELL (ቴሌግራም ቻናል )

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥ ልደታችን እንደክርስቶስ ነው ✥

➙ የቃል (የወልድ) የባሕርይ ልደቱ ከአብ የተወለደው ነው ፥ የእኛ የባሕርይ ልደታችን ከሥጋዊ እናታችን የተወለድንበት ነው።

➙ ከአብ ዘንድ የሆነውን ልደቱን መርምረን የማንደርስበት እርሱ መርምረን በምንደርስበት በሌላ ልደት ተወለደ ይህም ለጌትነቱ ወሰን ለጸጋው ስጦታውም መጠን የሌለው መሆኑን ያስተምረን ዘንድ ነው።

➙ እኛ በጥምቀት የምንወለደው ወልድ ከአብ በተወለደበት በባሕርይ ልደቱ አምሳል ሳይሆን ከእመቤታችን በተወለደበት ልደት በመሰለ ልደት ነው።

➙ ይኸውም በተፈጥሮኣዊ ልደት(ከሥጋዊ እናት) የተወለድን እኛ ከተፈጥሮኣዊ ውጪ በሆነ ልደት (በጥምቀት ልጅነት) እንወለድ ዘንድ እንዲገባን ሊያስገነዝበን በባሕርይው የእግዚኣብሔር አብ የበኵር ልጅ የሆነ እርሱ ከባሕርይው ውጪ በሆነ ልደት ተወለደ። ሥጋዊ በሆነ ልደት ካልተወለደ በቀር መንፈሳዊ የሆነውን እርሱን ግዙፍ አካል አለው እንደማንለው ሁሉ እንዲሁ እኛም መንፈሳዊ በሆነ ልደት ካልተወለድን በቀር መንፈሳውያን አንባልም።


➙ ዳግመኛም በጥምቀት የምንወለደው ልደት ክርስቶስ ከድንግል መወለድን ይመስላል ክርስቶስ ከማርያም እንደተወለደ ከእርሷም ከተወልደ በኋላ አንቀጸ ሥጋዋ የድንግልናዋ ማኅተም ታትሞ እንደተገኘ እንደዚሁ ከጥምቀት ማህፀን የተወለደ ከውሃ ወጥቶ ወደ መጠበቂያው ውስጥ የመግባቱና የመውጣቱ አሠር አይገኝም በመዝሙር መንገድህ በባሕር ውስጥ ነው ፍለጋህም አይታወቅም እንደተባለ ነው። (መዝ ፸፯፥፲፱. መዝ ፻፵፪፥፲)

➙ በባሕር የሄደ ገብቶም የወጣ የመሄዱና የመግባት መውጣቱ አሠር (ፈለግ ምልክት) እንደማይቀር እንደማይታወቅ ጌታችንም ከእመብርሃብ በኅቱም ድንግልና ተጸንሶ በኅቱም ድንግልና በመወለዱ መንገድህ በባሕር ነው ፍለጋህም አይታወቅም ተብሏል እኛም በጥምቀት ውኃ ስንገባ እና ስንወጣ የመግባታችን የመውጣታችን ፈለግ በውኃው ላይ ሳይኖር መንፈሳዊ ልደት የምንወለድ በመሆኑ ልደታችን እንደክርስቶስ ነው። ይቆየን

✍️ አምኃ ሥላሴ / መኩሪያ ተስፋዬ 

https://t.me/+VBt2ld_HeykCaELL (ቴሌግራም ቻናል )

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

ለብርሃነ ልደቱ ያደረሰን ጌታ ይክበር ይመስገን የበረከት በዐል ያድርግልን

✥✥✥ ቤተልሔም ሰማይን መሰለች ✥✥✥

✥ በዕብራይስጥ ማሪሃም የተባልሸ እመቤቴ ድንግል ማርያም ሆይ አንቺም በተድላ በደስታዬ ጊዜ ሽልማት ሆንሽኝ፡፡ በኃሤትም ጊዜ ክብ ዘውዴ ሐቲም ቀለበቴ ነሽ፡፡

✥ በሐሳቤም ሁሉ አንቺን አደንቃለሁ፡፡ እንዲህም እላለሁ፡፡ እግዚኣብሔር ለሰው ልጅ ምን ያህልጸጋ ክብር ሰጠ፡፡

✥ እግዚኣብሔር ከሰው ልጅ የማይተባበሩ ሥስት ልደታትን ተወለደ፡፡ እኔም ዓውቄ አደነቅሁ፡፡ ባራተኛው እንጂ የበጎ ዕረፍት አላገኘሁም፡፡

✥ አዳም ከሕቱም ምድር የተወለደ በተፈጥሮ ነው፡፡ እኔን ግን የጠቀመኝ የለም፡፡ ሔዋንም ከአዳም ግራ ጐን ተወለደች እርሷም በተፈጥሮ ነው፡፡ ለኔ ግን የጠቀመችኝ የለም፡፡

✥ ቃየልም እንደ ሰው ሁሉ በዘር በሩካቤ ተወለደ የጠቀመኝ የረባኝ የለም፡፡ ስንኳን እኔን እራሱንም አልጠቀመም፡፡ እሊህ ሦስቱ ልደታትም ለማንም ለማን አይረቡም አይጠቅሙም፡፡

✥ ክርስቶስ ግን ያለዘር ያለሩካቤ ከድንግል ተወለደ ለሁሉ የሚረባ የሚጠቅም ሆነ፡፡

✥ ለዚህ ልደት መስገድ መገዛት ይገባል፡፡ ክብር ምስጋና ለዚህ ልደት ይገባል ጌትነትና ገናንነት፣ ኀያልነት፣ አዚዝነት፣ እልልታ፣ ግርግታ ለዚህ ልደት ይገባል፡፡

✥ ይህ ጥበብ ፍልስፍና ዕጹብ ድንቅ ነው፡፡ ለዚህ አንክሮ ይገባል ይህም የሥጋዊ ምሥጢር ምን ይረቅ ምን ይጠልቅ፡፡ ለዚህ አንክሮ ይገባል፡፡ ይህም ሰው መሆን ሥጋ መልበስ እጅግ ዕፁብ ድንቅ ነው፡፡

✥ የሔዋን ደኅንነቷ እመቤታችን ሆይ የድንግልናሽ ኃይል እጅግ የሚያስደንቅ ዕጹብ ነው፡፡

✥ የአዳምን መርገመ ሥጋ መርገመ ነፍስ ያጠፋሽለት እመቤታችን ሆይ የማይመረመር ረቂቅ ምሥጢር ባንቺ ተደረገ፡፡

✥ እሳትና ውሀም ባንድነት ተስማምተው መኖራቸው እጅግ ድንቅ ነው የሚያስፈራውንም ያንበሳ ደቦል ፀዓዳ በግዕት በክንዷ መታቀፍዋ እጅግ ድንቅ ነው፡፡

✥ ከድንግልም ብላቴና ጡቶች ወተት መፍሰስ እጅግ ድንቅ ነው፡፡ በበረትም ለድኆች ልጅ የሰማይ ሠራዊት መስገድ እጅግ ድንቅ ነው፡፡

✥ ዓለምን ሁሉ የመላ ኣምላክም ከበረት ተጥሎ በጨርቅ ተጠቅሎ መገኘቱ እጅግ ድንቅ ነው፡፡ በረት ከጽርሓ አርያም ቁመት ረዘመ ከሰማይም ዳርቻ ሰፋ፡፡

✥ ሕዝቅኤል ካየው ሠረገላ ዳንኤልም ካየው ኪሩባዊ ዙፋን በረት በለጠ፡፡ ይኽውም አደፍ ጉድፍ ሳይኖርባት ንጽሕት የወለደችው ንጹሕ በግ ነው፡፡ በረት ለንጹሑ መሥዋዕት ሽታ መሰብሰቢያ ሆነ፡፡

✥ ሰማይና ምድር የማይወስኑትን በረት ቻለው ወሰነውም፡፡ በረት የተመሰገነ ነው፡፡ የኃያላን ጌታ በውስጡ ተገኝቷልና፡፡

✥ በዕብራይስጥ ማሪሃም የተባለች እመቤታችን የተመረፀች ድንግል የሰማዩን ሠራዊት አሰገደቻቸው፡፡ የዓለም ጌጽ ሽልማት የሁሉ አባት የሚሆን መላእክትን የፈጠረ ጌታ ከርሷ ተወልዷልና፡፡

✥ በረት ተመሰገነ ምድርን በውሃ ላይ ያጸናት እርሱ ስለተጠጋባት ድንግልም የመላእክትን አለቆች ገዛቻቸው በኪሩቤል ላይ የሚቀመጥ እሱ በማኅፀኗ ስላደረ፡፡

✥ በረት ኪሩቤል እንደሚሸከሙት ዙፋን ሆነ ስፍራውም እንደ ጽርሓ አርያም ድንግል እንደ አብ ሆነች አንድ ልጅም በጎል ተጥሎ በጨርቅ ተጠቅሎ ተገኘ፡፡

✥ ዮሴፍና ሰሎሜ በወዲህና በወዲያ ላምና አህያም በወዲህና በወዲያ በበረቱ ጐንና ጐን ባራቱ ማዕዘን በዙፋኑ ቀኝና ግራ በጐንና በጐኑ አራቱ እንስሶች እንዳሉ፡፡

✥ የሰማይ ሥርዓት በምድር ላይ ተሠራ፡፡ ቤተ ልሔም ሰማይን መሰለች ስለ ፀሐይም በቅዱሳን ላይ የሚያበራ ለዘወትርም ጨለማ የማይቃወመው ኅልፈት ጥፋትም የሌለበት ዕውነተኛ ፀሓይ በውስጧ ተገኘ፡፡

✥ የብርሃኑም ክበብ መምላትና መጉደልን ስለሚያፈራርቅ በጨረቃ ፈንታ በዕብራይስጥ ማሪሃም የተባለች የድንግልናዋም ምስጋና በሁሉ የመላ ነው፡፡ ለዘወትርም የማይጐድል እመቤታችን የተመረፀች ድንግል ማርያም ተገኘች ስለ ከዋክብትም መላእክተ ብርሃን ታዩ፡፡

✥ ወደዚህ ማኀበር አንድነት እኖር ዘንድ ማን በከፈለኝ ከመላእክት ጋር እንዳመሰግን ከዋላጅቱም ጋር እንዳደንቅ ከእርኞችም ጋር እንዳገለግል፡፡

✥ በረቱንም እጅ እነሣ ዘንድ ማን በከፈለኝ የሙታን ሕይወት የኃጥኣንም ንጽሕና የቅቡፃን ተስፋ የተጨነቁትንም የሚያድን ጌታ ወደተቀመጠበት፡፡

✥ የዓለም ሁሉ መድኃኒት የምትሆን ብላቴና እግሯ የተመላለሰበቱን ምድር እስም ዘንድ ማን በከፈለኝ፡፡

✥ ይቅርታን የምታሰጥ ብላቴና ጥላዋ ይነካኝ ዘንድ ማን በከፈለኝ፡፡ የብርሃን ልጅ ወደ ሄደችበት እከተላት ዘንድ ማን በከፈለኝ የእግሯንም ጫማ እሸከም ዘንድ ማን በከፈለኝ፡፡

✥ አሁንም ያን ጊዜ በዕብራይስጥ ማሪሃም ከተባለች ከተመረጠች ድንግል ማርያም ጋራ ያን ጊዜ ካሉት አላንስም ሀሳቤን ከዚያ እንዳለሁ አድርጌ አለሁና፡፡

✥ በሥጋ አልነበርሁም በመንፈስ ግን አለሁ፡፡ ባነዋወር አልነበርሁም በሃይማኖት ግን አለሁ በገጽ አልነበርሁም በማመን ግን አለሁ፡፡

✥ ሳልኖር እራሴን እንዳለሁ ያረደረግሁ እኔ የተመሰገንሁ ነኝ ጌታችን በወንጌል እንደተናገረ እንዲህ ሲል ሳያዩኝ የሚያምኑብኝ ግን የተመሰገኑ ናቸው፡፡

✥ እኔ ባሪያህ ስለሃይማኖቴ የተመሰገንሁ ነኝ፡፡ ስለ ዕውነቴ አይደለም ስለ መረዳቴም የተመሰገንሁ ነኝ፡፡ ስለ ንጽህናዬም አይደለም በእግዚአብሔር ስም ስለ ኣመንኩ የተመሰገንሁ ነኝ፡፡ በናቱም ጸሎት ስለ አመንሁ ንዑድ ክቡር ነኝ፡፡
( አባ ጊዮርጊስ ዘጋስጫ አርጋኖን ዘሰኑይ)
✍️ አምኃ ሥላሴ / መኩሪያ ተስፋዬ 

https://t.me/+VBt2ld_HeykCaELL (ቴሌግራም ቻናል )

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

#ለአብሳሪነት_ቅዱስ_ገብርኤል_ለምን_ተመረጠ?

ቅዱስ ሚካኤልና ፣ ቅዱስ ሩፋኤል .... አልነበሩምን? ስለምን ቅዱስ ገብርኤልን ላከባት? ቢሉ

1፦ እስመ አብሣሬ ጽንስ ውእቱ” እንዳለ፣ ጥንቱን ቅዱስ ገብርኤል አብሣሬ ጽንስ ነው:: አስቀድሞ ማኑሄንና እንትኩይን ሶምሶንን ትወልዳላችሁ ብሎ፣ ዘካርያስና ኤልሳቤጥን ዮሐንስን ትወልድላችሁ ብሎ፣ ኢያቄምንና ሐናንም ማርያምን ትወልዳላችሁ ብሎ፣ የነገራቸው ገብርኤል ነውና ጥንት በለመደው ግብር ይሁን ሲል ገብርኤልን ላከበት:: “ዓቢይ ውእቱ ክብር ዘተውህበ ለከ ኦ ገብርኤል መልአክ ዜናዌ ፍሡሐ ገጽ ሰበከ ለነ ልደተ እግዚእ ዘመጽአ ኀቤነ ወአብሠርካ ለማርያም ድንግል ዘእንበለ ርስሐት ወትቤላ ተፈሥሒ ፍሥሕት ኦ ምልዕተ ፀጋ እግዚአብሔር ምስሌኪ” እንዳለ ቅዱስ ኤፍሬም (የረቡዕ ውዳሴ ማርያም ) ::

2፦ ጌታ ገብርኤልን በስም ይተባበረዋል ገብርኤል ማለት አምላክ ወሰብእ፣ እግዚእ
ወገብር፣ ፈጣሪ ወልደ እጓለ እመሕያው፣ ወልደ እግዚብሔር የሚሆንበት ቀን ነውና በስመ ትርጓሜው ገብርኤልን ላከባት:: “ወራብዑሰ ይመስል ገጹ ከመ ገጸ ወልደ እግዚአብሔር”
እንዲል “ኮነ ወልደ እጓለ እመሕያው አምላክ ዘበአማን” እንዳለ፡፡
- ቅዱስ ኤፍሬም “ሚካኤል ብሂል ዕፁብ ነገር፣ ገብርኤል ብሂል ወልደ እግዚአብሔር” እንዳለ ቅዱስ ያሬድ:: (ለ 2 ኛው የበለጠ ማብራሪያ ከፈለጉ " ገብርኤል የሚለው ስም ለወልድ ተሰጥቶ መነገሩ ስለምንድን ነው " በሚል ርዕስ ከዚህ ቀደም ያቀረብነውን ጽሑፍ ይመልከቱ።

3፦ ገብርኤል የሥላሴ ባለወሮታ ነውና።

መላእክት በተፈጠሩ ጊዜ “እምአይቴ መጻእነ ወመኑ ፈጠረነ” /ከየት መጣ? ማን ፈጠረን? / ብለው ቢሸበሩ ዛሬ መልካም ጐልማሳ ባጭር ታጥቆ፣ ጋሻ ጦሩን ነጥቆ፣ አይዞህ ባለህ እርጋ፣ ጽና፣ ብሎ ሰልፍ እንዲያረጋጋ ቅዱስ ገብርኤልም ፈጣሪያችንን እስክናውቀው ድረስ በያለንበት እንጽና ብሎ አረጋጋቸው:: “ንቁም በበህላዌነ እስከ ንረክቦ ለአምላክነ ወአኅድዖሙ መልአከ ሰላም በቃሉ” እንዲል (አክሲማሮስ ፶፬)

- ይህን በተናገረበት ቃሉ የጌታችንን ሥጋዌ ለመናገር የእመቤታችንን ባለ ብሥራት ለመሆን
አበቃው:: ወበእንተዝ ደለዎ ለገብርኤል ከመ
ይፁር ዜናሃ ለማርያም” እንዲል፡፡ (መቅድመ ወንጌል)

✍️ አምኃ ሥላሴ / መኩሪያ ተሰፋዬ

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

" ደስተኛይቱ ሆይ ደስ ይበልሽ "

በበደል ለኃዘን ተዳርገን ነበር አዳም ምድር ገር አትሁንልህ ፣ እሾህ ታብቅልብህ ፣ በወዝህ ጥረህ ግረህ ብላ ፤ ሔዋን በየወሩ ድሚ ፣ ምጥሽ ይጽናብሽ ተብላ የሰው ልጅ ሁሉ በኀዘን ይኖር ነበር ፤ ድንግል ማርያም ግን ይህ ሁሉ የለባትም እና መልአኩ "ደስተኛይቱ ሆይ " ብሏታል ፥ በእርስዋም ምክንያት በሰው ልጅ ሁሉ የነበረው ኃዘን የሚርቅበትም ዘመን የደረሰ በመሆኑ "ደስ ይበልሽ " አላት ። ቀድሞ በበደላችን አጥተነው የነበርነው እርስዋ ምክንያት ሆና በልጅዋ በኩል የተመለሰልን ደስታ ዘለዓለማዊ ስለመሆኑ ልጇ " ደስታችሁን የሚወስድባችሁ የለም" ዮሐ.16 ብሎ አጸናልን።

-> የዓለም ኃዘን በተሰማበት በሔዋን ጆሮ ፥ በድንግል ማርያም ጆሮ በኩል የዓለም ደስታ የሚሆን ብሥራት ተሰማበት ።
-> ቀድሞ መልአኩ የሶምሶን ልደት ለእንትኩይ፣ የዮሐንስን ልደት ለዘካሪያስ የደስታን ዜና ለማብሠር ይላክ ነበር አሁን ግን የዓለም ሁሉ ድኅነት የሚሆንበት ዘመን መድረሱን ለማብሰር በመላኩ ከደስታው ብዛት ክንፎቹን እያማታ ፈጥኖ እየበረረ ወደ ድንግል መጣ ስለዚህም ዜናዊ ፍሱሐ ገጽ ተባለ ለድንግሊቱም ጆሮ የዓለምን ሁሉ የደስታ ዜና አሰማ ስለዚህ የደስታ መፍሰሻ ሆነች።
ቅዲስ ዳዊትም " የወንዝ ፈሳሽ የእግዚአብሔር ከተማ ደስ ያሰኛል " አለ የወንዝ ፈሳሽ የተበለ ቅ. ገብረኤል ነው የእግዚአብሔር ከተማ የተባለችውን ድንግልን ሲያበስራት ደስ አሰኛት :: ነገር ግን አስቀድመን እንደተናገርነው ሲያበስራት ኀዘንተኛይቱ ሆይ ደስ ይበልሽ አለላትም "ደስተኛይቱ ሆይ ደስ ይበልሽ " ነው ያላት ኃዘንተኝነት የመርገም ምልክት ነው ፥ ደስተኛነት የበረከት ምልክት ነው ስለዚህ የአባቷ እና የናትዋ የመርገም ፍሬ የለባትምና ቀድሞም መርገም የሌለብሽ " የተባረክሽ ነሽ " ስለዚህም " ደስተኛይቱ ሆይ ደስ ይበልሽ " አላት። ቅዱስ ኤፍሬም "ዕፅፍ ድርብ ደስታ ያላት ድንግል አማኑኤልን ወለደቸው " አለ።
ሴቶች ትወልዳላችሁ ሲሏቸው ደስ ይላቸዋል ይልቁንም ወንድ ልጅ ትወልዳላችሁ ሲሏቸው ደስታቸው ዕፅፍ ድርብ ይሆናል ይልቁንም የምትልጂው ነበይ ፣ ጻድቅ .... ቢሏቸው ደስታቸው ወደር የለውም፤ ድንግል ግን የነቢያት ጌታ አምላክ ነው የምትወልጅው መቧልዋ ከዚህ በላይ ምን ደስታ ይኖራል !?
-> ቅዱስ ዳዊት "ኵሬ " ሳይሆን " የወንዝ ፈሳሽ " አለ ይህም በእርስዋ የተሰማው የደስታ ዜና በእርስዋ ብቻ የቀረ ሳይሆን ለሰው ልጆች ሁሉ በመሆኑ ነው::

-> ዛሬም " ናዛዚትነ ወኀዘን ወኃይለ ውርዙትነ እም ርስአን በማህፀንኪ ተጸውረ ብሉየ መዋዕል ሕፃን - ኦ ማርያም ተስፋ ለቅቡፃን በጊዜ ጸሎተ ወዕጣን ወበጊዜ ቅዱስ ቍርባን ለናዘዘኒ ወትር ነንዒ ኀበ ዝ መካን " ፥ ከሀዘን የምታረጋጊን ከእርጅና የምታድሺን በማህፀንሽ በዘመናት የሸመገለ ተብሎ የተነገረለት ቀዳሚው አምላክ በማህፀንሽ ህፃን ሆኖ ተወስኗልና። - ተስፋ ቆርጠው በኀዘን ያሉትን የምታረጋጊያቸው ማርያም ሆይ ዛሬም አዝነን ተክዘን ጸሎት ፣ ዕጣን፣ ቊርባናችን በምናቀርብበት ጊዜ ሁሉ እንድታጽናኚን ወደኛ ነይልን " እንላታለን ::
-> በጎሎጎታም ልመናዋም " በስሜ ያዘነውን ያረጋጋውን ማርልኝ " ነው ያለችው ይህም ያዘነውን አይዞህ እርስዋ አለችልህ ብሎ ያረጋጋውን ማለትዋ ነው። እውነት ነው ጊዜያዊ ሀዘን ይቅርና ከዘላለማዊ ሀዘን እንኳን በርስዋ ድነናል።

- አባ ጊዮርጊስም ያዘናችሁ ወደድንግል ኑ .... ያደፍችሁ ልብሳችሁን ታጥቡ ዘንድ ...ይለናል።

✍️ አምኃ ሥላሴ / መኩሪያ ተስፋዬ

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥✥✥ ማዳኑ ይደንቃል ✥✥✥

#እሳትን_አጥፎቶ_ማዳን_ይቻላል_እሳቱ_ሳይጠፋ_በነበልባል_ውስጥ_ግን_ማዳኑ_ይደንቃል!!!

በዚህም « ንጉሡ ናቡከደነጾር ተደነቀ ፈጥኖም ተነሣ፤ አማካሪዎቹንም፦ሦስት ሰዎች አስረን በእሳት ውስጥ ጥለን አልነበረምን ብሎ ተናገራቸው። እነርሱም፦ንጉሥ ሆይ፥ እውነት ነው ብለው ለንጉሡ መለሱለት። ፤ርሱም፦ እንሆ፥ እኔ የተፈቱ በእሳቱም መካከል የሚመላለሱ አራት ሰዎች አያለኹ፤ ምንም አላቈሰላቸውም፤ የአራተኛውም መልክ የአማላክን ልጅ ይመስላል ብሎ መለሰ።» (ት ዳን ፫)

➛ በእርግጥም ነው ። ስሙ ድንቅ መካር ፣ ኃያል አምላክ ፣ የዘላለም አባት ፣ የሰላም አለቃ የተባለው አምላካችን የእርሱ የባሕርይ ገንዘቡ የሆነውን ድንቅነት እና "ኤል (አምላክ)" የተባለው ስሙም በስማቸው ሆኖላቸዋልና ዘወትር ድንቅ ያደርጋሉ። { ት.ኢሳ 9 ፥ 6 / ዘጸ 23 ፥ 21 }

ቅዱስ ገብርኤል ሆይ እኛንም ጠብቀን🤲

✍️ አምኃ ሥላሴ / መኩሪያ ተስፋዬ

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

እውነት አርነት ያወጣችኋል

" ጌታ ኢየሱስም ያመኑትን አይሁድ እናንተ በቃሌ ብትኖሩ በእውነት ደቀመዛሙርቴ ናችሁ፤ እውነትንም ታውቃላችሁ እውነትም አርነት ያወጣችኋል» አላቸው/ዮሐ.8፡31/፡፡ "

ጌታችን ኢየሱስ ክርስቶስ «እውነት አርነት ያወጣችኋል» እያለ የሚናገራቸው አይሁድ «የአብርሃም ዘር ነን ለአንድም ስንኳ ከቶ ባሪያዎች አልሆንም፤ አንተ፡- አርነት ትወጣላችሁ እንዴት ትላለህ?» በማለት በባርነት መኖራቸውን መቀበል አልፈለጉም ነበር።

አይሁዳውያን የአብረሃም ዘር መሆናቸው እውነት ቢሆንም ይህ ግን የሚያሳፍራቸው እንጂ የሚያስመካቸው አልነበረም የአብርሃምን ሥራ በመሥራት ሳይሆን የአብርሃም ዘር በመሆናቸው ብቻ በከንቱ ይመኩ ነበር ። አስቀድሞ ቅዱስ ዮሐንስ መጥምቅ " የአብርሃም ልጆች ነን በማለት ብቻ የምትመኩ አይምሰላችሁ " (ማቴዎስ 3፥9) በማለት የተመከሩ ቢሆኑም እውነትን ለመቀበል ግን አልፈቀዱም። የሚደንቀው ስለ አብርሃም ከመናገር ውጪ የራሳቸውን የጽድቅ ሥራ በጭራሽ አይጠቅሱም የላቸውምና።
.
-> ጌታችንም " ለማንም ባሪያዎች አልነበርንም " ለሚለው ለአይሁድ ንግግር 215 ዐመት በግብፅ ፣ 70 (80) ዐመት በባቢሎን በመሰለው ጊዜ ሁሉ በባርነት የነበሩ መሆናቸው ሊያስታውሳቸው ይችል ነበር ነገር ግን እርሱ ሁሉን ዐዋቂነቱን በመግለጽ እነርሱ በማሳፈር ለራሱ ክብርን ለማግኘት የሰው ባሪያዎች መሆናቸውን ሊያሳይ ሳይሆን ለመዳናቸው፣ ለጥቅማቸው የሚሆን እውነት ወደማወቅ ሊስባቸው ፈልጎ «እውነት እውነት እላችኋለሁ ኃጢአት የሚያደርግ ሁሉ የኃጢአት ባሪያ ነው» /ዮሐ.8፥30-38/ በማለት የኃጢአት ባሪያዎች መሆናቸውን አሳወቃቸው ይህም ባርነት እግዚአብሔር ብቻ ነፃ የሚያወጣበት እጅግ አስከፊ የሆነ ባርነት ነው።

በእርግጥ ዛሬም እንደ አይሁድ ባርነትን እና ነጻነትን በሥጋ ብቻ የሚመዝኑ ለኃጢአት ባርነት እስራት ምንም የማይሰማቸው የሥጋን ባርነትን እጅግ ከመፍራት፣ ከማፈራቸው፣ ካለመፈለጋቸው የተነሳ ለኃጢአት ባርነት አስር ሺህ ጊዜ ባሪያዎች መባልን የሚመርጡ ብዙ ናቸው። እንዲሁም ክህነት፣ ሊቅነትን፣ ሰባኪነትን፣ ዘማሪነትን፣ አስቀዳሽነትን፣ ገዳም ተሳላሚነትን--- እነዚህን የመሰሉትን ብቻ ገንዘብ በማድረግ መመካታችን ባሪያዎች ከመሆን አያድነንም።

- እነዚህ አይሁድ «ያመኑ አይሁድ» እንደነበሩ ተብለዋል /ቊ.30-31/፡፡ ይሁንና ከነበሩበት የኃጢአት ባርነት ገና አርነት ያልወጡ ስለነበሩ እውነተኛ አማኞች ነበሩ ለማለት አይቻልም/ቊ.34፣44/፡፡

ሰው አርነት የሚያወጣውን እውነት ጌታችን ሲናገር «እናንተ በቃሌ ብትኖሩ በእውነት ደቀመዛሙርቴ ናችሁ እውነትንም ታውቃላችሁ» ብሏል /ዮሐ.8፡31/፡፡ በእርግጥ የእግዚአብሔርን ቃል በመስማት፣ በመማርና፣ በማንበብ ደረጃ ብዙዎች አርነት የወጡ፣ እውነትን ያወቁ ፣ ደቀ መዛሙርቱ የሆኑ ይመስላቸው ይሆናል፤ ጌታችን ግን «እውነትን ታውቃላችሁ ....» የሚላቸው በቃሉ የሚኖሩትን ነው፡፡ ... ይቆየን

✍️ አምኃ ሥላሴ / መኩሪያ ተስፋዬ

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥✥✥ ቅድስት አርሴማ ✥✥✥

👉 ጥር 6 ልደቷ፣ መስከረም 29 እረፍቷ፣ ታህሳስ 6 ፍልሰተ አጽሟ ይታሰባል።


✥ እናታችን ከአባቷ ከቅዱስ ቴዎድሮስና ከእናቷ ቅድስት አትናሲያ በስዕለት ተወለደች ። ቤተሰቦቿ እግዚኣብሔርን በቅንነት ያገለግሉ ከነበሩ ከከበሩ ካህናት ወገን እንደነበሩ የገድሏ መጽሓፍ ይነግረናል ። ሰማዕቷ ቅድስት አርሴማ ቅዱሳት መጻሕፍትን ከቤተሰቦቿ በሚገባ የተማረች፤ የተማረችውንም በተግባር የተረጎመች፤ በጸሎት ሕይወት የምትተጋ ከቅዱሳት አንስት አንዷ ናት ።


✥ ቅድስት ኣርሴማ ፣ ሂርፕሲም (አርሜኒያዊት) እንዲሁም ሪሂፕሲም ፣ ሪፕሲም ፣ አርብሲማ ወይም ኣርሴማ ተብላ ትጠራለች። የትውልድ ሃገሯ ሮም ። እርሷ እና ባልደረቦችዋ የሰማዕትነት አክሊል በተቀዳጁበት አርሜንያ የመጀመሪያዎቹ የአርሜንያ ሰማዕታት እንደሆኑ ተደርገው ይታያሉ ።

👉 የሕይወት ታሪኳን ሊቃውንት በቅዳሴ አንድምታ ላይ የመዘገቡትን እነሆ፦

ዲዮቅልጥያኖስ መልከ መልካም ብላቴና ፈልጋችሁ ሥዕሏን ሥላችሁ አምጡልኝ ከዚያ በኋላ እሷን ታመጡልኝአላችሁ ብሎ ሠራዊቱን በያገሩ ሰደደ፤ ይህች አርሴማ ፸፪ (72) ያህል ደናግል ይዛ ከተራራ ላይ ወጥታ ተቀምጣለች፤ ኸያ ዓራቱ ደናግል፤ የቀሩት መዓስባን(ያገቡ) ናቸው፡፡

✥ እመ ምኔቲቱ አጋታ (Agatha(Ghana)) ትባላለች፡፡ እየፈለጉ ካለችበት ደረሱ፡፡ ሥዕሏን ሥለው ወስደው ሰጡት፡፡ መልካም ብላቴና አግኝታችሁልኛል፤ እስዋን አምጡልኝ አላቸው፡፡ እስዋም እንዳስፈለጋት አውቃ አርማንያ ወረደች፡፡

✥ እሱም ከዚያ እንደ ወረደች አውቆ የአርማንያ ንጉሥ ድርጣድስ ይባላል፤ እንዲህ ያለች ብላቴና ወዳገርህ መጥታለችና አስፈልገህ ስደድልኝ ብሎ ላከበት፡፡ ቢያስፈልግ አገኛት፤ ቢያያት እንደ ፀሐይ ስታበራ ዓያት፤ ይህችንማ ለራሴ ምን ይዤ ለሱ እሰድለታለሁ ብሎ እመ ምኔቲቱን/አጋታን/፦ ይህችን ብላቴና ለምኝልኝ ኣላት፡፡ አይሆንም ያልሁ እንደሆነ ነገር አጸናለሁ ብላ ይሁን አለችው፡፡ ኋላ ግን ለሰማያዊ መርዓዊ ለክርስቶስ አጭቸሻለሁና ይህ ርኩስ እዳያረክስሽ እወቂ አለቻት።

✥ ብላቴኖች ሰዶ አስወስዶ መልኳን አይቶ ብታምረው ተራምዶ ያዛት፤ ኃይል መንፈሳዊ ተሰጥቷታልና ጎትታ ከመሬት ወቃችው፡፡ ንጉሥ ነውና ቢያፍር በሰይፍ አስመታት፡፡ ከዚያ አያይዞ መላውን አስፈጅቷቸዋል፡፡ ሰይጣን አስቀድሞ ያልሆነ ስራ ማሰራት ኋላ ማጸጸት ልማዱ ነውና መልኳ ትዝ እያለው እህል ውሃ የማይቀምስ ሆነ፡፡

✥ ብላቴኖቹ ሲሞት እናያለን? ኣደን እንጂ ኃዘን ያስረሳል፤ ኣደን ይዘነው እንሂድ ብለው ይዘውት ሄዱ፡፡ በዚያ ባለበት ዕሪያ ሁኖ ቀርቷል፡፡ ማን ባዳነልን እያሉ ሲጨነቁ መልኣክ ለእኅቱ ከጎርጎርዮስ በቀር የሚያድንላችሁ የለም አላት፡፡ በሃይማኖት ምክንያት ተጻልቶት ከአዘቅተ ኲስሕ አስጥሎት ነበርና የሞተ መስሏቸው ደነገጡ፡፡

✥ /ለቅዱስ ጎርጎርዮስ ግን/ መልኣክ ላንዲት መበለት ነግሮለት አንድ ፥ አንድ እንኩርኩሪት እየጣለችለት ፲፭ (15) ዓመት ያህል ኑሯል፡፡ የኒህ ክርስቲያን አምላክ ጽኑ እንጂ ነው እንዳለ ብለው ገመድ ቢጥሉ መኖሩን ለማስታወቅ ገመዱን ወዘወዘው ሐብሉን ቢስቡት ከሰል መስሎ ወጥቷል፡፡


✥ ወንድሜን አድንልኝ ኣለችው፡፡ ያለበትን ታውቂውአለሽን አላት፡፡ አዎን አለችው፡፡ አስቀድሞ አጽመ ሰማዕታት ያለበትን ኣሳይኝ ብሏት አሳየችው፡፡ አጽመ ሰማዕታትን አስቀብሮ በዪ ውሰጂኝ አላት፡፡ ይዛው ሄደች፡፡ አንተ ባድንህ በፈጣሪዬ ታምናለህን አለው፡፡ ወኣድነነ ርእሶ ወኣንገሥገሠ ርእሶ ከመ ኦሆ ዘይብል ይላል፡፡ ግዕዛኑን(አዕምሮውን) አልነሣውም ነበርና ይሁን አለው፡፡ እንዳይታበይ ከእጁ ከእግሩ የእርያ ምልክት ትቶለት ጸልዮ አድኖታል፡፡ አስተማረው ኦሳመነው አጥምቀኝ አለው፡፡ ማጥመቅስ ሥልጣን ካላቸው ሂደህ ተጠመቅ፤ ለኔ ስልጣን የለኝም ኦለው፡፡ የአንጾኪያውን ሊቀ ጳጳስ አስመጥቶ ተጠምቋል፡፡ [መጽሐፈ ቅዳሴ ከቀድሞ አባቶች ሲወርድ ሲዋረድ የመጣው ንባብና ትርጓሜው፤ ሥርዓተ ቅዳሴ፤ ምዕራፍ ፪፤ ገጽ. 20 -21]::


✥ “ ድንግል እናታችን ቅድስት አርሴማን በምን እንመስላታለን? እርሷ በኣድማስ ላይ ተቀምጦ እንደሚያበራ እንቁ ናትና ክብሯ ብዙ ነው ። መድኃኒታችን ክርስቶስ በወንጌል እንዳለው "በተራራ ላይ ያለች ከተማ ልትሠወር አይቻላትምና ።" የሰማዕቷ ሕይወት በፊታችን እንደ ብርሃን ተገልጦ ይታያል ። ቅድስት አርሴማ እንደ ልጅ ወላጆቿን በመታዘዝ ደስ ያሰኘች ቡርክት ናት ። ቅድስት አርሴማ ይሕ ቀረሽ የማይሏት ውብ ናት ። ቅድስት አርሴማ ድንግል ናት ። ቅድስት አርሴማ ባሕታዊት ጻድቅ ናት ። ቅድስት አርሴማ ኃያል ሰማዕት ናት ። ” ( ገድለ ቅድስት አርሴማ )


✥ “ሰላም ለአርሴማ ቅድስት ከመ በቀልት ዘይመስል ቆማ ወዘከለላ ዘመንፈስ ግርማ ዘፈጸመት ገድላ በጻማ ወበመንግሥተ ሰማይ ዐቢይ ስማ”፡፡
(ገድሏን በሥቃይ የፈጸመች፤ የመንፈስ ግርማ የጋረዳትና ቊመቷ እንደ ዘንባባ የሚመስል ለምትኾን ለቅድስት ኣርሴማ ሰላምታ ይገባል፤ በመንግሥተ ሰማይም ስሟ ታላቅ ነው) /ሊቁ አባ ጊዮርጊስ ዘጋሥጫም በተአምኆ ቅዱሳን/


✥ “ እነርሱ በእምነት መንግሥታትን ድል ነሡ፥ ጽድቅን አደረጉ፥ የተሰጠውን የተስፋ ቃል አገኙ፥ የአንበሶችን አፍ ዘጉ፥ የእሳትን ኃይል አጠፉ፥ ከሰይፍ ስለት አመለጡ፥ ከድካማቸው በረቱ፥ በጦርነት ኃይለኞች ሆኑ፥ የባዕድ ጭፍሮችን አባረሩ፤ ሴቶች ሙታናቸውን በትንሣኤ ተቀበሉ፤ ሌሎችም መዳንን ሳይቀበሉ የሚበልጠውን ትንሣኤ እንዲያገኙ እስከ ሞት ድረስ ተደበደቡ፤ ሌሎችም መዘበቻ በመሆንና በመገረፍ ከዚህም በላይ በእስራትና በወኅኒ ተፈተኑ፤ በድንጋይ ተወግረው ሞቱ፥ ተፈተኑ፥ በመጋዝ ተሰነጠቁ፥ በሰይፍ ተገድለው ሞቱ፥ ሁሉን እያጡ መከራን እየተቀበሉ እየተጨነቁ የበግና የፍየል ሌጦ ለብሰው ዞሩ፤ ዓለም አልተገባቸውምና በምድረ በዳና በተራራ፥ በዋሻና በምድር ጕድጓድ ተቅበዘበዙ። ” (ዕብ፲፩÷፴፫-፴፰)

✥ የሰማዕቷ የቅድስት አርሴማ አማላጅነት፤ ቃል ኪዳን ከሁላችን ጋር ይሁን፡፡

✍️ አምኃ ሥላሴ / መኩሪያ ተስፋዬ 

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

በዐታ ለማርያም

እመቤታችን በኦሪት ወዳለው ቤተመቅደስ ቅድስተ ቅዱሳን ውስጥ እንድትገባ እንድትኖር የተደረገበት ምክንያት ምንድን ነው?

1 - ለሊቀ ካህናት ክርስቶስ ቅድስተ ቅዱሳን እርስዋ መሆኗን ለማስረዳት ነው ።

- በኦሪት በነበረችው ቤተ መቅደስ ቅድስተ ቅዱሳን ውስጥ መግባት የሚችለው ሊቀካህኑ ብቻ ነበር ሊቀ ካህናት ክርስቶስ አንድ ጊዜ ለሚያቀርበው ዘለዓለማዊ መሥዋዕት ቅድስት ቅዱሳን እርስዋ መሆንዋን ለማስረዳት ወደ ቅድስተ ቅዱሳን እንድትገባ ሆኗል።

2 - ለሰውነታችን መቅደስነት ቅድስተ ቅዱሳን እርስዋ መሆኗን ለማስረዳት ነው

- በኦሪት መቅደስ ባለች በቅድስተ ቅዱሳን ውስጥ ሊቀ ካህናት ብቻ ይገባባት ነበር ፤ በቅዱስ ጳውሎስ አንደበትነት እናንተ የጌታ መቅደስ ናችሁ ለተባልነው ለእኛ ለሰውነታችን መቅደስነት ቅድስተ ቅዱሳን የሆነችልን እመብርሃን ናት ምክንያቱም እኛ ሁለችን የአምላክ ማደሪ ቤተ መቅደሶች ብንሆንም ነገር ግን ሊቀ ካህናት ክርስቶስ ከሰው ልጅ ሁሉ መርጦ ከሥጋዋ ሥጋ ከነፍሷ ነፍስ ነስቶ ያደረው በእርስዋ ላይ ነውና የሰውን መቅደስነት ሁሉ ወክላ ሊቀ ካህናት ክርስቶስን የክህነቱን ሥራ ይፈጽም ዘንድ ቅድስተ ቅዱሳን የሆነችልን እርስዋ ናት።

3 - አማናዊቷ ታቦት እርስዋ መሆኗን ለማስረዳት ነው ።

- ልዑል እግዚአብሔር ለሊቀ ነቢያት ሙሴ ታቦት ሠርቶ በቅድስተ ቅዱሳን እንዲያደርግ በዚያ ላይም ዘወትር ለእርሱ እና ለሕዝቡ እንደሚገለጽበት ነግሮት ነበር ነገር ግን ከዘመናት በኋላ ይህ የክብሩ መገለጫ የሆነው ታቦት ከቤተ መቅደሱ ቅድስት ቅዱስን ተለይቶ ቤተ መቅደሱ ያለ ታቦት ይኖር ነበር እግዚአብሔር የሚገለጹበት ታቦት ያስፈልግም ነበር ስለዚህም እንደ ቀድሞ የረድኤት ያይደለ በኵነት ለፍጥረቱ ሁሉ የሚገለጽባት አማናዊቷ ታቦት እርስዋ መሆንዋን ለማስረዳት የታቦት ማደሪያ ወደ ነበረው ቅድስተ ቅዱሳን አማናዊቷ ታቦት እንድትጋባ ሆነ።

✍️አምኃ ሥላሴ / መኩሪያ ተስፋዬ

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥✥✥ ኅዳር ጽዮን በአክሱም ✥✥✥

➙ አክሱም ማርያም ጽዮን በኢትዮጵያ ውስጥ ለሚገኙት አብያተ ክርስቲያናት ሁሉ መሠረታቸው ስትሆን ከተማዋም የኢትዮጵያ ሥልጣኔ መነሻ ናት፡፡ አክሱም በሕገ ልቡና የጸናች፣ ሕገ ኦሪትን የፈጸመች፣ በሕገ ወንጌል ያመነች ናት፡፡ ቅዱስ ዳዊት «ሕግ ይወጽእ እምጽዮን፤ ከጽዮን ሕግ ይወጣል» ሲል የተናገረው ቃለ የተገናኘላት ናት፡፡

➙ በዓለ ልደትን በላሊበላ፣ ጥምቀትን በጎንደር፣ ኅዳር ጽዮንን በኣክሱም ጽዮን ሲያከብሩት ልዩ የሆነ ሥርዓት ስለሚቀርብባቸው ምእመናን መንፈሳዊ ደስታ ይሰማቸዋል፡፡

👉 ኅዳር 21 ቀን የእመቤታችን የቅድስት ድንግል ማርያም ዓመታዊ በዓል ነው ብለን በተለየ መልኩ የምናከብርበት ምክንያት፡-

1. በብሉይ ኪዳን ታቦተ ጽዮን የፈጸመችውን ልዩ ልዩ ገቢረ ተአምራትን ለማሰብ

2. ቀዳማዊ ምኒልክ ከዓሥራ ሁለቱ ነገደ እስራኤል የበኲር ልጆች ጋር ሊቀ ካህናቱን አዛርያስንና ታቦተ ጽዮንን ይዞ አክሱም የደረሰበት ዕለት በመሆኑ

3. በሦስት መቶ ሠላሳ ዓመተ ምሕረት በኣብርሃ ወአጽብሃ ዘመነ መንግሥት ክርስትና የኢትዮጵያ ብሔራዊ ሃይማኖት ይሁን ተብሎ ዐዋጅ የታወጀበት

4. ነቢዩ ዘካርያስ በተቅዋመ ወርቅ ምሳሌ ራእይ ያየበት፣ ነቢዩ ሕዝቅኤል የተቆለፈች ቤተ መቅደስን፣ ዕዝራ የቅድስት አገር ምሳሌ ራእይ ያዩበት

5. አብርሃና አጽብሃ በወርቅና በዕንቍ ያሠሩት ባለ አሥራ ሁለት ክፍል ቤተመቅደስ ለመጀመሪያ ጊዜ ቅዳሴ ቤቱ የተከበረበት

➙ በእመቤታችን በቅድስት ድንግል ማርያም እና በቃል ኪዳኑ ታቦት መካከል ጥልቅ የሆነ ምሥጢራዊ ትምህርት አለ፡፡ /ዘፀ. 25÷9-20/፡፡ ይህቺ የቃል ኪዳን ታቦት በደብተራ ኦሪት በቅድስተ ቅዱሳን ውስጥ የኖረች፣ የዮርዳኖስን ባሕር የከፈለች /ኢያ. 3÷14-17/፤ ቅጽረ ኢያሪኮን ያፈረሰች /ኢያ 6÷1-21/፤ ዳጎን የተባለ የፍልስጥኤማውያንን ጣዖት የቆራረጠች /1ሳሙ 5÷1-5/፤ በድፍረት ሊነካ የሞከረውን ኦዛን የቀሰፈች /1ሳሙ 6÷6/፤ በአቢዳራ ቤት ሦስት ወር ተቀምጣ ቤቱን በበረከት የመላች /2ሳሙ 6÷12/፣ ዳዊት የዘመረላት /2ሳሙ 6÷14/፤ ጠቢቡ ሰሎሞን በቤተ መቅደስ በክብር ያኖራት/1ነገ 8÷1/፤ የእግዚኣብሔር የክብር መገለጫ ናት፡፡
በታቦተ ጽዮን እና በዘመነ ሐዲስ በተገለጠችው በቅድስት ድንግል ማርያም መካከል ያለውን ረቂቅ እና ድንቅ ምሥጢራዊ ንጽጽር አስመልክቶ ሦርያዊው ሊቅ ቅዱስ ኤፍሬም፤ «ታቦት በወርቅ ልቡጥ እምኩለሔ ዘግቡር እምዕፅ ዘኢይነቅዝ፤ ከማይነቅዝ እንጨት የተቀረጸ በው ስጥ በአፍአ በወርቅ የተለበጠ እመቤታችን ቅድስት ድንግል ማርያም ንጽሐ ጠባይዕ ሳያድፍባትና የቅድስና ባሕርይ ሳይጎድፍባት በማየት፣ በመስማት፣ በመዳሰሰ፣ በማሽተት አንዳችም እድፍ ጉድፍ ሳያገኛት በንጽሕናና በቅድስና ጸንታ በኃጢኣት ሳትለወጥ ኖራለች፡፡ ጠቢቡ ሰሎሞንም፤ «አልብኪ ነውር ወኢምንትኒ ላዕሌኪ፤ ምክንያታዊ ነውር ኃጢአት የሌለብሽ የኃጢአት ሸታ ያልደረሰብሽ ንጽሕት በድንግልና ሥርጉት በቅድስና ክብርት በልዕልና ኣንቺ ነሽ» /መኃ 4÷7/ ሲል ተናግሯል፡፡

➙ ታቦተ ጽዮን የቃለ እግዚአብሔር ማደሪያ እንደሆነችው ቅድስት ድንግል ማርያምም ለአካላዊ ቃል ለእግዚአብሔር ወልድ ማደሪያ ሆናለች፡፡ ይኽንንም ቅዱስ ኤፍሬም ሲያስረዳ፤ «ኮንኪ ታቦቶ ለፈጣሬ ሰማያት ወምድር ፆርኪዮ በከርስኪ ተሰዓተ አውርኃ አንቲ ማእምንት ለዘኢያገምርዎ ሰማያት ወምድር፤ ድንግል ማርያም ሆይ ሰማይና ምድርን ለፈጠረ አምላክ ለእርሱ ማደሪያ ሆንሽ ዘጠኝ ወር ከአምስት ቀን በማኅፀንሸ ቻልሽው ተሸከምሽው ሰማይና ምድር የማይወስኑትን ለመወሰን የታመንሽ አንቺ ነሽ» ብሎ ተቀኝቶላታል፡፡

➙ ስለሆነም ከብሉይ ኪዳን እስከ ሐዲስ ኪዳን እግዚአብሔር ራሱን የገለጠበትን የቸርነት በዓል እግዚአብሔር በፈቀደልን ቦታ ሆነን ስናከብር ከእኛ የሚጠበቀውን በጎ ነገር እያሰብን በተግባርም እየገለጥን ከበዓሉ ረድኤትና በረከት ተሳታፊ እንሆን ዘንድ የእግዚአብሔር ቸርነት የእናቱ የቅድስት ድንግል ማርያም አማላጅነት አይለየን፡፡

የቅዱሳን ሁሉ ጸሎት እና ምልጃ አክሊልና ጉልላት በሆነው በእናታችን በወላዲተ አምላክ ቅድስት ድንግል ማርያም ጸሎት ሁላችንንም ይማረን፡፡ አሜን።
✍️ አምኃ ሥላሴ / መኩሪያ ተስፋዬ

https://t.me/+VBt2ld_HeykCaELL (ቴሌግራም ቻናል )

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥✥✥ የጽዋ ማኅበር ✥✥✥

➙ ጥያቄ፡- ስለ ጽዋ ማኅበር ትርጉም ማን እንደጀመረውና መቼ እንደተጀመረ በተጨማሪም አባላቱ ብቻ የሚቀምሱት ሰአልናክ የሚባል አለ ብዙዎች ከሥጋወደሙ ጋር አንድ ነው ይላሉ እውነት ነው ወይ ?


➙ መልስ፡- ጽዋዕ የሚለው ሁሉት ትርጉም አለው በቁሙ ኩባያ ዋንጫ የመጠጥ መሣሪያ የሚል ትርጉም አለው፡፡ በጽዋ ተቀድቶ የሚሰጥም መጠጥ ጽዋ ይባላል፡፡ ማኅበር ማለት ደግሞ‹‹ ኀብረ ›› አንድ ሆነ ከሚለው የግእዝ ቃል የወጣ ነው፡፡ በአንድ ላይም ጽዋ ማኅበር ማለት በጽዋ ለመጠጣት የሚሰባሰቡ የምእመናን አንድነት ማለት ነው፡፡

- በሌላም በኩል ጸውዓ ተጣራ ተብሎ ይተረጎማል በዚህም የጽዋ ማኅበር በጌታችን እና በቅዱሳን ስም የሚጠራ እና የሚዘከሩበት መሆኑን ያስረዳል

✥ ጽዋ ማኅበር ምእመናን በወር ወር ተራቸውን እየጠበቁ እየደገሱ የሚያበሉበት እንዲሁም ችግረኞችን የሚረዱበት ሥርዓት ነው፡፡ በጽዋ ማኅበር መሳተፍ በረከትን ያሰጣል ( መዝ ፪÷፰ ፥ ምሳ፲÷፯ ) እንዲሁም በማቴ ፲÷ ፵፪ ላይ እንደተገለጸው ዋጋን አያጠፋም፡፡


✥ ማኅበሩ በጌታችን ፣ በእመቤታችን፣ በቅዱሳን፣ መላእክት፣ በጻድቃንና በሰማዕታት ዕለት በቤተክርስቲያን ዙሪያ ወይም በምዕመናኑ ቤት የሚካሄድ ነው፡፡


✥ የአንድ ጽዋ ማኅበር አባላት ብዛት አሥራ ሁለት መሆን አለበት፡፡ ምክንያቱም በዓመት ውስጥ ያሉት ወራት አሥራ ሁለት በመሆናቸው ሁሉም አባል ተራው እንዲደርሰው ነው፡፡ ከአሥራ ሁለት በላይ ከሆኑ ግን ድርብ/ደባል/ በሚባለው አከፋፈል መሰረት በወር ውስጥ ሁለት ወይም ከዚያ በላይ ሆነው በመመደብ ተራቸውን እንዲያወጡ ይደረጋል፡፡

#የጽዋ_ማኅበር_አመሰራረት_ትውፊታዊ_ባህልን_የተከተለ_ነው፡፡


✥ በዘመነ ሥጋዌ የመጀመሪያዎቹ ክርስቲያኖች በኣንድነት የፍቅር ማዕድ / አጋፔ / ይመገቡ ነበር፡፡ ኋላም ቅዱሳን ሐዋርያት ከጌታ ዕርገት በኋላ ካመኑና ከተጠመቁ ክርስቲያኖች ጋር በአንድነት ኑሯቸውን እንዳደረጉ መጽሐፍ ቅዱስ ይናገራል፡፡ ( የሓዋ.ሥራ ፪÷፵፬-፵፯ )

✥ በዘመነ ሰማዕታት ግን ይህ ሁኔታ በአብዛኞቹ ክርስቲያኖች ተረስቶ ነበር፡፡ በኢ/ኦ/ተ/ቤ/ክ ግን ይህ ትውፊት በአባቶታቻችን ጸሎት ብርታት ባህሉ ወጉ ሥርዓቱ ሳይፋለስ ተጠብቆ ለትውልድ ትውልድ ሲተላለፍ ቆይቷል፡፡

✥ የቤተክርስቲያን ታሪክ እንደሚነግረን በኢትዮጲያ የመጀመሪያው የጽዋ ማኅበር መሥራች ቅዱስ ማቴዎስ ሲሆን በ40 ዓመተ ምህረት ሲሆን ማኅበረ ደጌ ይባላል።
በመቀጠልም በአቡነ ሰላማ ከሣቴ ብርሃን በ330 ዓ.ም በአክሱም ‹‹ማኅበረ ጽዮን›› በማለት ተመሥርቶ የነበረ ሲሆን ቆይቶ ‹‹ማኅበረ ጽዮን ሰማያዊ›› ተባለ በመጨረሻም ‹‹ጽዮን ማርያም›› በመባል ስሙ ሊለወጥ
ችሏል፡፡


✥ በ14ኛው መ/ክ/ዘ አፄ ዘርዓያዕቆብ ሕዝቡን በሃይማኖቱ የበለጠ ለማጽናት በማሰብ በቅዱሳንና በእመቤታችን ስም ማኅበር እንዲጠጣ ሕግ አወጡ፡፡


✥ ቀጥሎም በ16ኛው መ/ክ/ዘ ማኅበረ ሰላም መድኃኔዓለም የተባለ በአቡነ መብዓጽዮን የተቋቋመ ማኅበር እንደነበር የቤተክርስቲያን ታሪክ ይነግረናል፡፡


✥ ማንኛውም የቤተክርስቲያን ሥርዓት መጽሐፍ ቅዱሳዊ መሰረት ያለው ነው፡፡ ጽዋ ማኅበርም ከነዚህ አንዱ ሲሆን በጽዋ ማኅበር የሚደረጉ ሥርዓቶች በሙሉ መጽሐፍ ቅዱሳዊ ናቸው፡፡

ለምሳሌ፡- ማኅበሩን በሊቀ መንበርነት ለመምራት በማኅበሩ አባላት ከማኅበሩ የሚመረጠው/የምትመረጠው/ አባል ሙሴ በመባል ይጠራል/ትጠራለች/ ይህም ምሳሌነት አለው፡፡ሙሴ ለእሥራኤል ዘሥጋ መሪ ነበር የማኅበሩ ሙሴም እሥራኤል ዘነፍስ ለተባሉ ክርስቲያኖች መሪ መጋቢ ነው።

➙ ሙሴ መና አውርዶ ደመና ጋርዶ ውኃ ከድንጋይ አፍልቆ እሥራኤልን እንደመገበ ሁሉ ማኅበረ ሙሴውም በአገልግሎት ዘመኑ የጽዋ ወንድሞቹንና እኅቶቹን መንፈሳዊ ምክር ይመክራቸዋል የፍቅር ምልክት የሚሆን ማዕዱን በክርስቲያናዊ ሥነ-ሥርዓት ይመግባቸዋል።

➙ ሙሴ በእግዚአብሔር ፈቃድ ለማገልገል እንደተሾመ ሁሉ ማኅበረ ሙሴውም በእግዚአብሔር ፈቃድ ወንድሞቹንና እኅቶቹን ለማገልገል የሚሾም ነው፡፡


✥ ሙሴው/ይቱ በችግር ምክንያት የቀሩ እንደሆነ የእነርሱ ምትክ የሚሆን ግልገል ሙሴ የሚባል የማኅበሩ አባል ተክቶ ሥራውን እንዲሠራ ይደረጋል፡፡ ሙሴውን/ይቱን ለማገዝ ከማኅበሩ በፈቃደኝነት የሚመረጡ ሰዎች/አባላት/ ደርገ ሙሴ ይባላሉ፡፡ ሙሴው/ይቱ ከተመረጠ/ጠች በኋላ የተለያዩ ተግባራትን ያከናውናሉ ከእነዚህም መካከል አዲስ አባል ወደ ማኅበሩ ለመግባት በጠየቀ ጊዜ ከማኅበሩ ጋር በመማከር ፈቃድ መስጠት ከማኅበሩ አባላት መካከል የታመመ ወይም ሌላ እክል የደረሰበት ካለ ለማኅበሩ ነግሮ እርዳታ መሰብሰብ ኣብረውት/ዋት ከሚሰሩት ጋር በመሆን የማኅበሩን ሥነ-ሥርዓት ማስከበር በሚሰበሰቡበት ቀንም ጠቃሚ ምክር መስጠት ምእመናኑ ወደየቤታቸው ከመመለሳቸው በፊት ለሚቀጥሉት ሦስት ወራት የባለተራዎቹን ስም በመጥራት ማስተዋወቅ የሚሉት ይገኙበታል፡፡


✥ ከዚሁ ጋር በተያያዘ በጽዋ ማኅበር የአንድነታቸውና የፍቅራቸው መገለጫ የሆነ ሰአልናክ የሚባል የፍቅር ምግብ/ አጋፔ/ አለ፡፡ ሰአልናክ ከምግብ በፊት የሚቀመስ ሲሆን ለዚህ ሥርዓት መሠረት/ምንጭ/ የሚሆነን የመጽሐፍ ቅዱስ ክፍልም ጌታችን አምላካችን መድኃኒታችን ኢየሱስ ክርስቶስ በማቴ ፲፬.÷፲፯-፳ ላይ አምስቱን እንጀራ ሁለቱን ዓሣ ባርኮ ለአምስት ገበያ ሕዝብ መመገቡ ነው፡፡


✥ ሰአልናክም የፍቅር ምግብ ነው ነገር ግን እንደ ቅዱስ ቍርባን ይቆጠራል ማለት ግን ታላቅ ስህተት ነው ምክንያቱም ኅብስቱና ወይኑ አማናዊ የጌታችን ሥጋና ደም ሆኖ የሚለወጠው በሥልጣነ ክህነት በቅዳሴ ጊዜ በሚጸለይ ጸሎት እንጂ በጽዋ ማህበር ላይ በሚጸለይ ጸሎት አይደለምና ነው፡፡


✥ በመጨረሻም ጽዋ ማኅበር መጽሐፍ ቅዱስን መሠረት ያደረገ ሥርዓት እንደመሆኑ የራሱ የሆኑ ዓላማዎች አሉት ከነዚህም ውስጥ በማቴ ፲÷፵፪ ላይ ካለው በረከት ተካፋይ ለመሆን፣ ቅዱስ ቃሉን ለመማማር፣ ስለሃይማኖታቸውና ስለቤተክርስቲያናቸው ለመወያየት፣ በሃገርና በወገን ላይ የሚደርሱ ችግሮችን ተመካክሮ ለማቃለል እንዲሁም ልባዊ ፍቅርን ለማጽናት እንጂ በልተን ጠጥተን ሥጋዊ ጨዋታ ተጫውተን ብቻ ለመለያየት አይደለም፡፡

➙ አምላካችን ልዑል እግዚአብሔር ዓላማውን ተረድተን ሥርዓትና ወጉን ጠብቀን ለቅዱሳን የተገባላቸውን ቃልኪዳን እንድናገኝ በቸርነቱ ይርዳን፡፡ ይቆየን

✍️ አምኃ ሥላሴ / መኩሪያ ተስፋዬ

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥✥✥ በዓለ ልደት በዘመነ ዮሓንስ ✥✥✥

ጥያቄ ፩ ፦ በዘመነ ዮሓንስ በዓለ ልደት በታህሳስ 28 መከበሩ ስለምንድን ነው?

ጥያቄ ፪ ፦ በዘመነ ዮሓንስ በዓሉ በታህሳስ 28 ከሆነ የጾሙ ዕለት 43 ስለሚሆን ጾመ ጋድ አለን ?

ጥያቄ ፫ ፦ በዘመነ ዮሓንስ በዓለ ልደትን ታህሳስ 28 ማግሰኞ እና ሐሙስ ላይ አርፎ በዓሉን አክብረን ፥ ታህሳስ 29 የሚውለው ረቡዕ እና አርብ ቢሆን ይጾማልን?

👉 መልስ ፩፦ የምሥጢረ ሥጋዌ ዋናው ትምህርት ምሥጢረ ተዋሕዶ ነው ይህን የማኅፀኑን ምሥጢር ቊጥሩን ለመጠበቅ ነው። መጋቢት29 ቀን ቃል ሥጋ የሆነበትና በድንግል ማኅፀን የተፀነሰበት ዕለት ነው። ከዚህ ከመጋቢት 29 ቀን ጀምሮ ወንድ ልጅ በእናቱ ማኅፀን የሚቆይባቸውን ዘጠኝ ወር ከአምስት ቀናት (275 ቀናት) ስንቆጥር ጳጉሜን ጨምሮ ዕለተ ልደቱ ታኅሣሥ ፳፱ ቀን ላይ ይውላል።

- ኣደማመሩን ከተመለከትን ከመጋቢት 29 ጀምሮ እስከ ነሓሴ 30 ድረስ 151 ዕለት ይሆናል፣ ጳጉሜ 5 ዕለት፣ ከመስከረም እስከ ታህሳስ 29 ድረስ 119 ዕለት ነው ኣንድ ላይ ስንደምረው 151+ 5 + 119= 275 (275 ማለት 9 ወር ከኣምስት ቀን ማለት ነው) ይህ ስሌት በዘመነ ማቴዎስ ፣ በዘመነ ማርቆስ እና በዘመነ ሉቃስ ሲሆን ነው። ስለዚህም መጋቢት 29 ቀን የተፀነሰው ጌታችን ከኃጢአት በቀር የሰውነትን ሥራ ሁሉ ፈጽሟልና ዘጠኝ ወር ከአምስት ቀን በእናቱ ማኅፀን ቆይቶ ታኅሣሥ 29 ቀን በቤተልሔም ዘይሁዳ ተወለደ።

👉 በዘመነ ዮሓንስ ግን በ 3 ዓመት ( ማለትም በሉቃስ ዘመን ) ጳጒሜን 6 ስለምትሆን ለቀጣዩ ዓመት ማለትም በዮሓንስ ዘመን ልደት ታኅሳስ 28 ይሆናል :: በዘመነ ዮሐንስ ታኅሣሥ 28 የሆነበት ምክንያት ዘመነ ሉቃስ ጳጉሜን 6 ስለሚሆን ጌታ ደግሞ የተፀነሰው መጋቢት 29 ቀን ነው ከዚያ ከመጋቢት 29 ጀምሮ ያሉትን ቀናት ብንቆጥር እስከ ታኅሣሥ 28 ቀን 275 ቀን (9 ወር ከ 5 ቀን) ስለሚሆን ነው::

- ኣደማመሩን ከተመለከትን ከመጋቢት 29 ጀምሮ እስከ ነሓሴ 30 ድረስ 151 ዕለት ይሆናል፣ ጳጒሜን 6 ዕለት፣ ከመስከረም እስከ ታህሳስ 28 ድረስ 118 ዕለት ነው ኣንድ ላይ ስንደምረው 151+ 6 + 118= 275 (275 ማለት 9 ወር ከ5 ቀን ማለት ነው)
እስከ ታህሳስ 29 ግን ብንቆጥረው 276( 9 ወር ከ6 ቀን ይሆንብናል) ይህም የማኅፀኑን ምሥጢር ያፋልስብናል።

👉 በሊቃውንተ ቤተክርስቲያን ኣስተምሮ የልደት በዓል የሠግር 28 ቀንና የአዘቦቱ 29 ቀን ይውላል በማለት ይገልጹታል።
“ሠግር” ማለት ተሻጋሪ፥ ዘላይ ማለት ነው። ዓመቱ 365 ቀናት መሆኑ ቀርቶ 366 ቀን ሲሆን ወይም ጳጒሜ 5 ቀናት መሆኗ ቀርቶ 6 ቀን ስትሆን ማለት ነው። ይህንን ምዕራባውያን "Leap Year" ( “ዝል” ዘላይ ዓመት) የሚሉት ነው።

ጳጒሜን በዘመነ ሉቃስ 6 ቀናት ስትሆን ዘመነ ዮሓንስ የሚጀምርበትን፥ መስከረም 1ን፥ በኣንድ ቀን ማዘግየቷን ነው። ኣንድ ቀን ታዘልለውና እንደሌሎቹ ዓመታት በ1 መጀመሩን ትቶ መስከረም 2 ሊሆን በሚገባው ቀን ይጀምራል። በኣዘቦት ዓመታት (ዘመነ ማቴዎስ፣መ ማርቆስ፣ ሉቃስ) መስከረም 2 ሊሆን የሚገባውን ቀን በዘመነ ዮሓንስ ግን መስከረም 1 ያደርገዋል። መስከረም ኣንድ በኣንድ ቀን ዘግይቶ ከጀመረ (ከባተ) ፥ ወራቱ ሁሉ (ታኅሣሥን ጨምሮ ማለት ነው) አንድ ቀን እያሳለፉ መጀመር (መባት) ግድ ይሆንባቸዋል። ልደት ግን ኣብሮ ኣይዘገይም ማለትም 9ወር ከ5 ቀን ማለፍ ስለሌለበት ይህንን የማኅፀኑን ቊጥርን ይጠብቃል። ስለዚህ በሠግር ዓመት ቀደም ብሎ በታኅሣሥ 28 ቀን ይውላል። የሠግር 28 ቀንና የአዘቦቱ 29 ቀን ይውላል ማለታቸው ስለዚህ ነው።

👉 መልስ ፪ ፦ በዘመነ ዮሓንስ በዓሉ በ ታህሳስ 28 ከሆነ የጾሙ ዕለት 43 ስለሚሆን ጾመ ጋድ አለን ? ቢሉ አዎ አለ መኖሩም የሚታወቀው በዚህ ዘመን ልደት (ታህሳስ 28) በረቡዕ እና አርብ ቢውል እንደሌሎቹ 3ቱ ዘመናት ፍስክ ሆኖ የሚበላ በመሆኑ አስረጂ ነው።

- በተጨማሪም የዘመነ ዮሓንስን ጾመ ጋድ በ3ቱ ዓመታት (በማቴዎስ በማርቆስ በሉቃስ) ጾመ ጋድ ባሉት ትርፍ ሰዓታት ጾሙን ስለምንጾም ነው። ይህ ማለት የማቴዎስ የማርቆስ የሉቃስ የልደት ጋድን ከጾም መደበኛ ሰዓት (9 ሰዓት) አትርፈን ነው የምንጾመው በዚህ የሦስቱ ዓመታት ያሉት አትርፈን የጾምናቸው ስንደምር ለዘመነ ዮሓንስ ጾመ ጋድ ይሆናሉ ማለት ነው።

👉 መልስ ፫ ፦ የልደት በዓል በየዓመቱ ታህሣሥ 29 ዕለት ሲሆን፤ በዘመነ ዮሓንስ ግን የዘመነ ሉቃስ ጳጉሜን ስድስት ዕለት ስለምትሆን ልደቱን ታህሣሥ 28 ዕለት ይከበራል። ነገር ግን በ29 የጌታችን ልደት መታሰቢያነቱ አይቀርም። ለምሳሌ በዘመነ ዮሓንስ 28 ( ማግሰኞ) ልደቱን ቢከበር በነጋታው በ29(ረቡዕ) የልደቱ መታሰቢያነት እንዳለ ሆኖ ዘመነ ዮሓንስ እና ረቡዕ ስለሆነ ግን እንጾማለን( ይጾማል)።

✍️ አምኃ ሥላሴ / መኩሪያ ተሰፋዬ

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

አርባው ዕለታት የነቢያት ጾም ሲሆን ከቀሩት ከ4ቱ ሦስቱ ዕለታት 2 ምክንያቶች በማሰብ የምንጾማቸው ናቸው፦


  ①  ስምዖን ጫማ ሰፊው (አብርሃም ሶሪያዊ) የጾሙትን ጾም ለማሰብ ነው፡፡ በአገሩ ያሉ አሕዛብ በመጽሐፍ ቅዱስ ላይ ‹‹ የሠናፍጭ ቅንጣት ታህል እምነት ቢኖራችሁ ይህንን ተራራ ከዚህ ተነቅለህ ወዲያ ሂድ ብትሉት እንዳላችሁት ይሆንላችኋል ›› ይላል እንግዲያውስ ይህንን በተግባር ያሳዩንና እኛም በእነርሱ እምነት እንመን በማለት ከአገሩ ንጉሥ ዘንድ በመቅረብ ሊቀ ጳጰሱን አብርሃምን ጠየቁት አባታችንም ሦስት ዕለታትን እንዲሰጡት ነግሯቸው ወደ እመቤታችን ሥዕል ፊት ቀርቦ ይህንን ተኣምር ታደርግለት ዘንድ ተማጸናት ተለማኝቱም ይህን ድንቅ ተአምር ይፈጸምልህ ዘንድ ምን ማድረግ እንዳለብህ የሚያስረዳህ ስምዖን የሚባል ሰው ኣለ ከመንገድ ዳር ተቀምጦ ጫማ ሲሰፋ ታገኘዋለህ አለችው፡፡ አባታችንም ወደ ርሱ ሄዶ የሆነውን ሁሉ ነገረው ቅዱስ ስምዖን ግን ‹‹ እመቤቴ ሆይ እኔነቴን ስለምን ገለጥሽኝ በዚህ መኖሬን አልፈቀድሽውምን እንግዲያውስ ትዕዛዝሽን እፈጽማለሁ በዓቴን ግን ዕለቃለሁ ›› አለ ይህም ቅዱሳን ውዳሴ ከንቱን ስለማይወዱ ክብራቸው በተገለጠበት ቦታ ስለማይኖሩ ነው፡፡ በመቀጠልም ሊቀ ጳጳሱን ሦስት ቀን ያህል እንጹም ሦስተኛውም ቀን በተፈጸመ ጊዜ ህዝቡን ሰብስበህ በተራራው ሥር እግዚኦታ ታደርሳለህ ተአምሩም ይፈጸምልሃል በማለት ነገረው።

- እንደተነገረውም ከሦስት ቀን ጾም በኋላ ሕዝቡን ሰብስቦ እግዚኦታ ሲያደርስ ቅዱስ ስምዖንም ከመካከላቸው ሆኖ ‹‹ጌታ ሆይ የእነርሱ ክብር እንዲገለጥ ብለው አይደለም የአንተ ክብር እንዲገለጥ፥ አሕዛብም በኣንተ ያመልኩ ዘንድ ነውና እባክህን ስማቸው›› እያለ ይማጸንላቸው ጀመር ተራራው ከሥሩ ተነስቶ ክርስቲያኖችን ያስቸግር የነበረውን ባሕር ደፍኖላቸዋል በዚህም አሕዛብ አምነዋል ፤ በባህሩ ምክንያት ተለያይተው የነበሩ ክርስቲያኖችም ተገናኝተዋል፡፡ ስለዚህ እንዲህ ያለ ድንቅ ተአምር የተፈጸመበት ጾም ስለሆነ ከነቢያት ጾም ጋር በአንድነት እንድንጾመው አባቶች አዘዋል፡፡

➁ ሐዋርያው ቅደስ ፊልጶስ ሐዋርያት ዓለምን ዞረው ለማስተማር ዕጣ ሲያወጡ ለፊሊጶስ ከወርቅ የተሠራ አሞራ የሚያመልኩ ሰዎች ያሉበት አገር ደረሰው ገድለ ሐዋርያት ላይ አፍራቅያ ይለዋል የአገሩን ስም ቱርክ አካባቢ የሚገኝ ነው፤ ወደ ከተማው ገብቶ ወንጌለ መንግስተ ሰማያትን ሰበከ ብዙዎችንም አሳመነ አጠመቃቸው፤ አቆረባቸውም፤ ቤተክርስቲያን ሠራላቸው፤ ካህንና ዲያቆንም ሾመላቸው፤ ልቡናን የሚያስደምም ድንቅ ድንቅ ተአምራትንም አደረገ፣ ብዙዎችንም እግዚአብሔርን ወደ ማወቅ መለሰ። ወደ ሌሎች ብዙ አገሮችም ተዘዋውሮ የከበረ የወንጌልን ቃል በማስተማር ሰዎችን ወደ ሃይማኖት ሲጠራ ኖረ ብዙዎችንም ክብር ይግባውና በጌታችን በኢየሱስ ክርስቶስ አሳመነ።

- ነገር ግን ጥቅማቸው የጎደለባቸው የጣኦት ካህናት ከንጉሡ ጋር ነገር ሠርተው አጣሉት ይዘው አሠሩት ጽኑዕ ሥቃይንም አሠቃዩት። እርሱ ግን ከዘለዓለም ሕይወት ስለ ምን ትርቃላችሁ? የነፍሳችሁንስ ድኅነት ለምን አታስቡም? ይላቸው ነበር። እነርሱም ልቡናቸው ደንድኗልና ብዙ መከራ ካጸኑበትና ካሠቃዩት በኋላ ኅዳር 18 ቀን ዘቅዝቀው ሰቀሉት፤ ነፍሱንም በእግዚአብሔር እጅ ሰጠ። ሥጋውን በእሳት ሊያቃጥሉት በወደዱ ጊዜ ከእግዚአብሔር የተላከ መልአክ ከእጆቻቸው መካከል ነጠቃቸው እያዩትም ወስዶ ሠወረው። ይህንንም ተመክተው ስለገደሉት ተጸጽተው ያዘኑና ያመኑ ብዙዎች ቢጾሙና ቢጸልዩ ቢለምኑ ሰውን የሚወድ ቸር ይቅር ባይ ጌታችን ልመናቸውን ተቀብሎ በ፫ ቀን መልሶላቸው በፍጹም ደስታ አሳረፉት። ይህን ያዩ ሁለ ወደ እምነቱ ገቡ። ከሐዋርያው ፊልጶስም ሥጋ ታላላቅ የሆኑ ድንቅ ድንቅ ተኣምራት ተገልጠዋል። ደቀ መዛሙርቱ ግን ጾሙን ጀምረን አንተወውም ብለው እስከ ልደት በዓል ድረስ ጾመውታል። ስለዚህ ነገርም «ጾመ ፊልጶስ» ይባላል። ቁጥሩም 43 ይሆናል፡፡  44ተኛ ሁና የምትቆጠረው ጾመ ጋድ(ገሐድ) ናት።

✍️ አምኃ ሥላሴ / መኩሪያ ተሰፋዬ

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥✥✥ አስማቲሁ ለጾም✥✥✥

👉 ጾሙ ከኅዳር እኩሌታ ጀምሮ የሚጾም ሲሆን ፍጻሜው ታህሳስ 29 በልደት በዓል ነው በዘመነ ዮሐንስ ግን ታህሳስ 28 የልደት በዓል ይከበራል። ይህን ጾም በዘመነ ብሉይ እና በዘመነ ሐዲስ ብዙ ቅዱሳን ጾመውታል በቤተክርስቲያናችንም ለጾሙ ከተሰጡት ስያሜዎች የተወሰኑትን እነሆ፦

1— ጾመ አዳም

ለአዳም የተነገረው ትንቢት ስለተፈጸመበት ይህንን ስያሜ አግኝቷል።
አዳም ዕፀ በለስን በልቶ ከገነት ከተባረረ በኋላ በፍጥረቱ ገዢ ኣድርጎ በገነት ያኖረኝን ፈጣሪዬን ትቼ የፍጡሩን ቃል ሰምቼ ትዕዛዝን አፍርሼ አሳዘንኩት ብሎ በፈጸመው በደል አዝኖ ተክዞ ፣ ጾመ ፣ ጸለየ ከልብ የሆነ ጸጸቱንም እንባውን በራሱ መፍረዱንም ዓይቶ እግዚአብሔር ተስፋ ድኅነት ሰጠው “በሐሙስ ዕለት ወበመንፈቃ ለዕለት እትወለድ እምወለተ ወለትከ ወእድህክ ውስተ መርህብከ ወእትቤዘወከ በመስቀልየ ወበሞትየ - በአምስት ቀን ተኩል (ማለት ከአምስት ሺህ አምስት መቶ ዘመን በኋላ) ከሰማየ ሰማያት ወርጄ ከድንግል ማርያም ተወልጄ በፈቃዴ ተገፍፌ ተገርፌ በዕለተ ኣርብ በመልዕልተ መስቀል ተሰቅዬ ሥጋዬን ቆርሼ ደሜን አፍስሼ ሞቼ ተነስቼ አድንሃለሁ” ብሎ ቃል ኪዳን ገባለት
አዳምም ‹‹በሐሙስ ዕለት›› ያለውን እንደ ተለመደው አቆጣጠር መስሎት እስከ ኣምስት ቀን ጠበቀ በኋላ ግን አምስት ሺህ አምስት መቶ ዘመን ሲፈጸም በፈቃዴ ተገርፌ በዕለተ አርብ በመልዕልተ መስቀል ተሰቅዬ ሥጋዬን ቆርሼ ደሜን አፍስሼ ሞቼ ተነስቼ አድንኃለው እንዳለው ተረድቶ ይህን ተስፋ በመትክፍተ ልቡናው ተሸክሞ ይኖር ነበር፡፡

➙ ነጋዴ ስንቁን ይዞ እየበላበት ከዚህ እስከዚያ ያደርሰኛል እያለ እንዲጓዝ በአጸደ ሥጋ በአጸደ ነፍስም ሳለ ጌታ እንዲህ ብሎኛል እና ይምረኛል እያለ ተስፋውን ኣጽንቶ ሲጠባበቅ ኖረ ለልጆቹም ሁሉ ነገረ፡፡ ትንቢት ተነገረ ሱባዬ ተቆጠረ፡፡ ፭ (5) ሺህ ፭፻ (500) ዘመን ሲፈጸምም የማያደርገውን የማይናገር የተናገረውንም የማያስቀር ጌታ‹‹ ቀን ቢደረስ አንባ ይፈርስ›› እንዲሉ ከዘመን ዘመን ከወሩ ወር ከዕለታቱ ዕለት ከሰዓቱ ሰዓት ሳይጎል በጽኑ ቀጠሮ የአዳም የልጅ ልጅ ከምትሆን ከእመቤታችን ከቅድስት ድንግል ማርያም ተወለደ፡፡ ገላ ፬፡፬ ስለዚህ ጾሙ ለአዳም የተሰጠው ተስፋ የተቆጠረው ሱባዔ ስለተፈጸመበት ‹‹ጾመ አዳም›› ይባላል፡፡

2— ጾመ ነቢያት

ነቢያት የተናገሩት ትንቢት ስለተፈጸመበት ይህንን ስያሜ ኣግኝቷል፦
በየዘመናቱ የተነሱ ነቢያት እግዚአብሔር ወደፊት ሊያደርግ ያሰበውን በእምነት ዓይን እያዩ ምሥጢር ተገልጦላቸው የራቀው ቀርቦ የረቀቀው ገዝፎ እየተመለከቱ ትንቢት ተናገሩ፤ ያዩትን መልካም ነገር እንዲደርስላቸው ጾሙ ጸለዩ ፡፡

➙ ነቢያት ስለመወለዱ፣ ወደ ግብጽ ስለመሰደዱ፣ በባህረ ዮርዳኖስ ስለመጠመቁ ብርሃን በሆነው ትምህርተ ወንጌል ጨለማን ዓለም ስለማብራቱ ለሰው ልጆች ድኅነት ጸዋትወ መከራ ስለመቀበሉ እና ስለመስቀሉ ስለትንሳኤው ስለ እርገቱ እና ስለዳግም ምጽኣቱ ትንቢት ተናግረው ኣላቆሙም፤ ለአዳም የተሰጠው ተስፋ ተገልጦላቸው ለተናገሩት ትንቢት ፍጻሜ እንዲያደርሳቸው ፈጣሪኣቸውን ተማጽነዋል በየዘመናቸው ‹‹ አንሰእ ኃይለከ ፈኑ እዴከ›› እያሉ ጮኹ በጾምና በጸሎትም ተወስነውም ሰው የሚሆንበትን ጊዜ በቀናት፣ በሳምንታት፣ በወራት እና በዓመታት ቆጠሩ ለምሳሌ ነቢዩ ኤርምያስ ስለ ሥጋዊው ትንቢት በተናገር በ446 ዓመት ጌታችን ከእመቤታችን ከሥጋዋ ሥጋ ከነፍሷ ነፍስ ነስቶ ሰው ሆኖል ነቢያት ተስፋው በዘመናቸው ተፈጽሞ በዓይነ ሥጋ ለማየት ባይችሉም እግዚአብሔር ‹‹ አያደርገው አይናገር የተናገረውንም አያስቀር›› ብለው አምነው ከወዲሁ ተደሰቱ በዘመነ ሥጋዊ ቅርብ የነበሩት እነ ኢሳይያስ ጾሙ እንዴት መፈጸም እንዳለበት ተናግረዋል ትኢሳ 58፡1 በመሆኑ በጌታ ልደት ትንቢተ ነቢያት ስለተፈጸመበት ይህ ጾም ‹‹ጾመ ነቢያት›› ይባላል፡፡ የወልደ እግዚኣብሔርን ሰው መሆን ያስተማሩበት ስለሆነም‹‹ጾመ ስብከት ›› ይባላል፡፡

3— ጾመ ማርያም

እመቤታችን ቅድስት ድንግል ማርያምም ይህን ጾም ጾማዋለች ፡፡ ይህም ቅዱስ ገብርኤል ወልደ አምላክን ያለ ሰስሎተ ድንግልና (ድንግልና ያለማጣት) በግብረ መንፈስ ቅዱስ ጸንሳ እንደምትወልደው ካበሰራት በኋላ እመቤታችን ትሁት ናትና ምን ሠርቼ እወልደዋለሁ ብላ ጌታን ከመውለዷ አስቀድሞ ጾማዋለችና ‹‹ጾመ ማርያም›› ይባላል፡፡

👉 ይህን ጾም ነቢያት እና ሐዋርያት ጾመውት በረከት አግኝተውበታል በመሆኑም የቤተ ክርስቲያን ኣባቶች ምእመናን በመጾም እንዲጠቀሙበት ሥርዓት ሠርተዋል፡፡ ይቆየን

✍️ አምኃ ሥላሴ / መኩሪያ ተስፋዬ

https://t.me/+VBt2ld_HeykCaELL (ቴሌግራም ቻናል )

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

ኅዳር 11 የእመቤታችን እናት የቅድስት Uና በዐለ ዕረፍት መታሰቢያ ነው፡፡ ከበረከቷ ያሳትፈን🤲
መዝሙር ልጋብዛችሁ

ለልብሽ ተስፋ ናት ለዐይኖችሽ ማረፊያ
የማኅፀንሽ ፍሬ የላትም አምሳያ
በወለድሻት ንግሥት ደስ ይበልሽ ሀና
የልብሽ ፍላጎት መሻትሽ ነውና

ቅዱስ ሚካኤል በኃይላት መላእክት ላይ የተሾመበት በዓለ ሢመቱ ኅዳር ፲፪ ቀን በመላው የኦርቶዶክስ ተዋሕዶ ቤተ ክርስቲያን በድምቀት ይከበራል፡፡ ቅዱስ ኤጲፋንዮስ ‹ሚካኤል ሥዩም በዲበ ኃይላት፤ በኃይላት ላይ የተሾምክ ሚካኤል› ሲል ያመሰገነው (መጽሐፈ አክሲማሮስ)

ሚካኤል ማለት መሐሪ ወመስተሣህል ዕፁብ ማለት ነው ።
አንድም፦ መኑ ከመ አምላክ (እንደ አምላክ ማን አለ) ማለት ነው።

✝️ የመላእክት አለቃ ስለመሆኑ በመጽሐፍ ቅዱስ ተገልጿል: -
" ለሰው ባደረገው በጎነት ላይ ለሕዝቡ ታዛዥ ነውና ከከበሩ ከመላእክት አንዱ ሚካኤል ነው። " መ. ሄኖ 6 እንዲል

“እኔ የእግዚአብሔር ሠራዊት አለቃ ሆኜ አሁንም ወደ አንተ መጥቼአለሁ”(ኢያ.5፡13)

" በዚያም ዘመን ስለሕዝብህ ልጆች የሚቆመው ታላቁ አለቃ ሚካኤል ይነሣል ... ." ( ት.ዳን 12፥1)

" ከዋነኛዎቹ አለቃዎች አንዱ ሚካኤል ሊረዳኝ መጣ " ( ት.ዳን 10፥13 )

"የመላእክት አለቃ ሚካኤል ግን ከዲያብሎስ ጋር በተከራከረ ጊዜ ስለ ሙሴ ሥጋ ሲነጋገር። ጌታ ይገሥጽህ አለው እንጂ የስድብን ፍርድ ሊናገረው አልደፈረም።" (የይሁዳ መልእክት 1፥9)

እኛንም መልአኩን ልኮ ከዕለት ዕኪት ከዘመን መንሱት ይጠብቀን

✍️ አምኃ ሥላሴ / መኩሪያ ተስፋዬ 

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

ኅዳር 7 የሊቀ ሰማዕታት የቅዱስ ጊዮርጊስ ዓመታዊ በዓል ነው ። በዓሉ ስለ ሁለት ምክንያት ይከበራል

1. በቅዱስ ጊዮርጊስ ሀገር በልዳ በስሙ ለመጀመሪያ ጊዜ ቤተክርስቲያን የታነፀበት ዕለት ነው
2. በደኃይቱ መበለት ቤት በረሃብ እንዲሞት ባሠሩት ጊዜ ቤቷን በበረከት የሞላበት ፣ ልጇን የፈወሰበት እና የታሰረበትን የቤቱን ምሰሶ ያለመለመበት መታሰቢያ በዓል ነው።

የበረከት በዓል ያድርግልን

✍️ አምኃ ሥላሴ / መኩሪያ ተስፋዬ 

https://t.me/+VBt2ld_HeykCaELL (ቴሌግራም ቻናል )

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥✥✥ ነፍሱን የሚፈልጉት ሞተዋል ✥✥✥

➙ ‹‹ የሕፃኑን ነፍስ የሚፈልጉት ሞተዋልና እናቱንና ሕፃኑን ይዘህ ወደ እሥራኤል ተመለስ ›› (ማቴ ፪÷፲፫)

➙ ሕጻኑን ሊገሉት የሚፈልጉት ማለት ሲችል የሕፃኑን ነፍስ የሚፈልጉት ያለበት ምክንያት አለው ፡፡ ጌታችን መድኃኒታችን ኢየሱስ ክርስቶስ ከእመቤታችን ከቅድስት ድንግል ማርያም የነሳው ሥጋ ብቻ ነው የሚሉ እንደ አቡሊናርዮስ ያሉ ወደፊት ይነሳሉና ለእነርሱ መልስ ለማሳጣት ፈልጎ ነው ፡፡ ከእመቤታችን ቅድስት ድንግል ማርያም የነሣው ሥጋን ብቻ ሳይሆን ነፍስንም እንደሆነ ለማጠየቅ ነው ፡፡

#ሞተዋልና

ጌታችን መድኀኒታችን ኢየሱስ ክርስቶስ መንግሥቱን የሚቀማው መስሎት ሊገለው ይፈልገው የነበረው አንድ ሄሮድስ ሆኖ ሳለ ለምን ነፍሱን የሚፈልጉት ሞተዋልና ብሎ በብዙ ቁጥር ጠራቸው ቢሉ ፡፡

- ሄሮድስ ዋናው ስለሆነ ለሌሎቹም የምክር ጋናቸው ስለሆነ ሄሮድስ ከሞተ ሌሎችም አይፈልጉትም ሲል ነው ፡፡ በተጨማሪ ግብጽ በቆየባቸው 3 ዓመታት ከሄሮድስ በተጨማሪ እርሱን የሚመስሉ ሁሉ ሞተዋልና ነፍሱን የሚሹት ሰዎች ሞተዋል ብሎ በብዙ ቍጥር ጠራቸው ፡፡

➙ ነገር ግን በሄሮድስ ፋንታ ይሁዳን ለመግዛት አርኬላዎስ እንደነገሠ ሰምቶ የክፉ ልጅ ክፉ ነውና እንዳይተናኮለኝ ብሎ ይህ እንኳን ባይሆን ልጆቻቸው የሞቱባቸው የይሁዳ ሰዎች ልጆቻችን ያለቁት በእናንተ ምክንያት አይደለምን ብለው ቢጣሉንስ ብሎ ቅዱስ ዮሴፍ ወደ ይሁዳ መሔድ ፈራ “ ልጄ እንደ ናዝራዊ ሶምሶን ናዝራዊ ይባላል ተብሎ በነቢይ ቃል የተነገረው ይፈጸም ዘንድ ናዝሬት ገብቶ ኖረ ፡፡ ” (ማቴ ፪÷፳፫) ወደ ገሊላ ደርሶ ናዝሬት በምትባል ሀገር ኖረ ፡፡ ይቆየን

✍️ አምኃ ሥላሴ / መኩሪያ ተስፋዬ 

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

የጎፈሬዋ በዓታ ለማርያም

“የሰ​ማይ አም​ላክ ያከ​ና​ው​ን​ል​ናል፤ እኛም ባሪ​ያ​ዎቹ ተነ​ሥ​ተን እን​ሠ​ራ​ለን " (መ .ነህ 2፥ 20 ) ብለን የጀመርነው በርሱ እርዳታ በእናቱ ምልጃ የመቅደሱ ፖድ ሙሌት ላይ ደርሰናል ይህንን ለማከናወን በምትችሉት ልክ እንትደግፉን በአዛኝቷ ስም እንጠይቃለን

1.ብረት በለ 8 ብዛት 50 ቤርጋ 50*800=40000 ብር
12 ብዛት 50 "50*1200=60000ብር
14 " 70 ቤርጋ 70*1600=112000 ብር
16 " 50 ቤርጋ 50*1700=119000ብር
የብረት ጠቅላላ ድምር 331000 ብር ነው
2.ስሚንቶ 40 ኩንታል*2000=80000
3.አሻዋና ጠጠር 2ባያጆ ለፖድ ብቻ 70000
4.ተጠባባቂ ገንዘብ ለሥራው ለበላሙያ ለሌሎች ጉዳዮች ==100000 ብር
ድምር 581000 ብር የመሰብሰብ ዘመቻ ብናደረግ እስከ ታህሳስ በዓታ ድረስ ከቻልን ሙሉ ፓዶችን መሙላት ካልቻልን የመቅደስና የቅኔ ማህሌቱ ለመሙላት ጥረት እናድርግ

የህንፃ አሳሪ ኮሚቴ የባንክ አካውንት ቁጥር፦
1, #የኢትዮጵያ_ንግድ_ባንክ፦ #1000624326281 የጎፎሬ ደብረ መንክራት በአታ ለማርያም ህንፃ አሠሪ (Gofere D/M/B/Mariam B/k Hintsa Ase)

2, #ዓባይ_ባንክ፦ #3621111079916110 (አጭር ቁጥር 10799161) የጎፎሬ ደብረ መንክራት በአታ ለማርያም ህንፃ አሰሪ ኮሚቴ (Gofere/B/K/Hin/Aseri Comite)

👉 #ለበለጠ_መረጃ፦ የህንጻ አሰሪ ኮሚቴ ሰብሳቢ ዲያቆን ደግነት፦ #0933055802፣ #0911414852።

✍️ አምኃ ሥላሴ / መኩሪያ ተስፋዬ

የገቢ ደረሰኝ ለእኔ በውስጥ ላኩልኝ 👉 @amhasilase

#ሐዋርያው_ቅዱስ_ማርቆስ

ጥቅምት 3ዐ ቀን ሐዋርያው ቅዱስ ማርቆስ የተወለደበት ቀን ነው ፤ ሚያዚያ 3ዐ ቀን ጣኦት አምላኪዎች በበሬ አስጎትተው ሰማዕትነትን ተቀብሏል።

ቅዱስ ማርቆስ ትውልዱ ዕብራዊ ነው፤ ቤተሰቦቹ ግን ይኖሩ የነበሩት በሰሜን አፍሪካ ሲረኒካ (ቀሬና) በተባለችውና በዛሬዋ ሊቢያ ምዕራባዊ ጠረፍ በተቆረቆረችው ደማቅ በተባለች ቦታ ነበር፡፡ ነገር ግን የሰሜን አፍሪካ ዘላን ጎሳዎች የሆኑት በርበሮች በየጊዜው በከተማዋ ጥቃት እየነሰዘሩ ሀብት ንብረታቸውን እየዘረፉ ስላስቸሯቸው እናቱ ማርያምና አባቱ አርስጦቡሎስ ወደ ትውልድ ሀገራቸው ኢየሩሳሌም በመመለስ ቤት ሠርተው ተቀመጡ፡፡

የማርቆስ እናት ማርያም ባውፍልያ ቤቷን ለክርስቲያኖች መሰብሰቢያነት የሰጠች ደግ ሴት ነበረች፡፡ ጌታችንም የመጀመሪያውን የሐዲስ ኪዳን ቁርባን ለሐዋርያት ያቆረባቸው በእርሷ ቤት የላይኛው ፎቅ ላይ ነበር፡፡ በበዓለ ኀምሳም ጸጋ መንፈስ ቅዱስ ለሐዋርያት የወረደላቸው በእርሷ ቤት ተሰብስበው ሲጸልዩ ነው፡፡ ሐዋ 2፤1 12፤1

ቅዱስ ማርቆስ የቀድሞ ስሙ ዮሐንስ ይባል ነበር ቁጥሩ ከ 72ቱ አርድእት ነው፤ እናቱ ማርያምም ቁጥሯ ከ36ቱ ቅዱሳት አንስት ነው። ሐዋ 12፥12

በርናባስ ለቅዱስ ማርቆስ አጎቱ ነው፡፡ የቅዱስ ማርቆስ አባት አርስጦብሎስና በርናባስ በእናት የሚገናኙ ወንድማማቾች ናቸው፡፡ የእነርሱን እኅት ደግሞ ቅዱስ ጴጥሮስ ስላገባት ቅዱስ ማርቆስ አክስቱን ለመጠየቅ ሲሔድ ከቅዱስ ጴጥሮስ ጋር ተዋወቁ፡፡

ቅዱስ ማርቆስ ገና በልጅነቱ ኢየሩሳሌም ለመኖር በመታደሉ በዚያን ዘመን ይሰጥ የነበረውን መንፈሳዊ ትምህርት የማግኘት ዕድል ገጥሞታል፡፡ የላቲን የግሪክና የዕብራይስጥ ቋንቋዎችን አሳምሮ ያውቅ ነበር፡፡ ጌታችን መድኃኒታችን ኢየሱስ ክርስቶስ በይሁዳ አውራጃዎች እየተዘዋወረ ሲያስተምር ማርቆስ ገና ሕፃን ነበር፡፡ በምሴተ ኀሙስ ለሐዋርያት (ወደ ከተማ ሂዱ፤በማድጋ ውኃ የተሸከመ ሰው ታገኛላችሁ፤ ተከተሉትም) በማለት ፋሲካን ሊያዘጋጁለት የመረጠውን ቤተ እንዲያሳያቸው የጠቆማቸው ወጣት ቅዱስ ማርቆስን መሆኑ የቤተ ክርስቲያን ሊቃውንት ይመሰክራሉ፡፡ (ማር.፲፬፥፲፫)

ጌታችን መድኃኒታችን ኢየሱስ ክርስቶስ ወደ ቀራንዮ በሚጓዝበት ዕለት ቅዱስ ማርቆስ ዕርቃኑን በነጠላው ሸፍኖ ይከተለው ነበር፡፡ ነገር ግን አይሁድ ሊይዙት ባሰቡ ጊዜ ጨርቁን ጥሎ ራቁቱን ሸሽቷል፡፡ ይህም በዚያ ጊዜ ገና ልጅ እንደነበር ያመለክታል፡፡ (ማር.፲፫፥፶)

ሐዋርያት በዕጣ በሀገረ ስብከታቸው በሚሄዱበት ጊዜ መጀመሪያ ከቅዱስ ጳውሎስ ጋር ከዚያም ከቅዱስ ጴጥሮስ ወደ ሮም አስከትሎት ሄዷል። ከዚያም ቅዱስ ጴጥሮስ በሚያስተምርበት ጊዜ ከቃሉ እየተቀበለ በመጻፍና በትርፍ ጊዜውም በማስተማር በጣም ትጉህ ነበር። ይህን ትጋቱንና ተአማኝነቱን ተመልክቶ ቅዱስ ጴጥሮስ ለመላው አፍሪቃ ወንጌልን እንዲያዳርስና እንዲያስተምር ሊቀ ጳጳስ ብሎ በእስክንድርያ ከተማ ሹሞታል።

ኢትዮጵያ በዚህ በማርቆስ መንበር የተሾሙ 111 ጳጳሳትን ከግብጽ ስታስመጣ ኖራለች።


#በአንበሳ_መመሰሉ ፦

አንበሳ ለላም ጌታዋ ነው በክርኑ በመታት ጊዜ ያደቃታል እርስም በግብፅ ይመለክ የነበረውን አምልኮተ ላዕምን በክስቶስ ወንጌል አጥፍቷልና በአንበሳ ይመስላል

ቦ ፦ አንበሳ ኑሮው ከሰው ርቆ በምድረ በዳ ነው ከዚያ ሆኖ ድምጹን ባሰማ ጊዜ እንስሳት ይገሠጻሉ አራዊት ይደነግጣሉ እርሱም ከትምህርት ምድረ በዳ ከነበረች ሀገረ ግብፅ ገብቶ የክርስቶስን ወንጌል ማስተማር በጀመረ ጊዜ እንደ እንስሳ ያለ ምዕመናን ተገሥጸዋል እንደ አራዊት ያሉ ከሃድያን ደንግጠዋልና

ቦ፦ አንበሳ ኃያል እንደሆነ እርሱም ከሌሎቹ በተለየ የጌታችንን የኃይል ሥራ ( ያደረገውን ተአምራቱን) አብዛቶ በወንጌሉ ይጽፋልና

ቦ፦ አንበሳ ኑሮው በምድረ በዳ እንደሆነ እርሱም ወንጌሉን የምድረ የምድረ በዳ በማንሳት (በምድረ በዳ የሚጮህ የሰው ድምፅ ) በመጻፍ ይጀምራልና። በአንበሳ ተመሰለ።

ቅዱስ ማርቆስን ሚያዚያ 3ዐ ቀን ጣኦት አምላኪዎች በበሬ አስጎትተው ሰማዕትነትን ተቀብሏል።

የበረከት በዐል ያድርግልን ፡፡

ምንጭ ፦ ወንጌል ትርጓሜ
-> www.eotcmk.org

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

አቡነ መብዓ ጽዮን (በ፲፭ኛው መቶ ክፍለ ዘመን)

መብዓ ጽዮን በ፲፭ኛው መቶ ክፍለ ዘመን ልጅ በማጣታቸው በጾምና በጸሎት ፈጣሪያቸውን ከሚለምኑ ባልና ሚስት ተወለዱ። የንቡረ እድ ሳሙኤል ረባን የሆነው መብዓ ጽዮን አባቱ እስከ ዳዊት ያለውን ትምህርት አስተማረውና ዲቁናን ተቀበለ። ልጁ የትምህርት ዝንባሌ እንዳለው አባቱ ተረድቶ ቤተ ማርያም ከሚባለው ደብር ወስዶ ተክለ አማኅጸኖ ከሚባል የቅኔ መምህር ዘንድ አስገባው። በዚያም ቅኔና እና ሌሎች የቤተ ክርስቲያን እውቀቶችን ገበየ። ከዚህም በተጨማሪ ሥዕል መሳልና ጽሕፈት መጻፍ ተማረ። መብዓ ጽዮን የልጅነቱን ዘመን ሲፈጽም ‹‹ለነፍሳቸው ድኅነት ዋጋ ያገኙ ቅዱሳን ብዙ ናቸው።በመጾም ያገኙ አሉ፤ በትምህርት ያገኙ አሉ፤ በድካም ያገኙ አሉ፤ በጸሎት በትጋት ያገኙ አሉ፤ እኔ ግን የጌታዬን የኢየሱስ ክርስቶስን የሞቱን መታሰቢያ ማድረግ ይገባኛል። በዚህም ፊቱን አያለሁ፤ እርሱ ጌታ ለደቀመዛሙርቱ ‹‹የትንሣኤዬን መታሰቢያ ብታደርጉ የሞቴን መታሰቢያ አድርጉ›› ብሏልና›› በማለት ፍላጎቱ በምንኩስና በመኖር ፈጣሪን ማገልገል መሆኑን ለወላጆቹ ገለጸላቸው።

አባትና እናቱም ‹‹ፈጣሪህን ለማገልገል ኅሊናህ ከአሰበ እሺ ፤በጀ ደስተኛ ነን›› ብለው ፈቀዱለት። ከዚያም መብዓ ጽዮን ዳሞት አባ ገብረክርስቶስ ወደሚባል መነኩሴ በመሄድ መነኮሰ። አባ መብዓ ጽዮን አባ ገብረክርስቶስ ጋር በመቀመጥ ሥርዓተ ምንኩስናን ካጠኑ በኋላ ከአባ ገብርኤል ዘንድ ሄደው የቅስናን ማእረግ ተቀበሉ። ከዚያም በኋላ በአበው ሕግ በምንኩስና ተወስነው ፤በበአታቸው ሆነው ‹‹ጌታዬ ኢየሱስ ክርስቶስ ሆይ የዕለተ ዓርቡን መከራህን አሳየኝ፤ ስለራሴ ፈጽሞ አለቅስ ዘንድ›› ብለው በጸልዩ ጊዜ ‹‹መከራ መስቀሉን ለማየት ትፈቅዳለህን?›› ብሎ ጠየቃቸው። ጻድቁ አባ መብዓ ጽዮንም ‹‹አዎ አይ ዘንድ እወዳለሁ›› ሲሉ ለጌታቸው መለሱለት። ያን ጊዜም የጌታችን የኢየሱስ ክርስቶስ ዕፀ መስቀል ተተከለ። በመስቀሉ ላይም እጆቹና እግሮቹ ተቸንክረውና ተዘርግተው ታዩ ፤በራሱ ላይም የእሾህ አክሊል ደፍቶ ነበር።

እንዲህ ሆኖ በሮም አደባባይ ለቅዱስ ጴጥሮስ እንደታየው ጌታችን ለአባ መብዓ ጽዮንም ታያቸው። ከዚህም በኋላ አባ መብዓ ጽዮን የጌታችን የመድኃኔዓለምን ሕማሙን፣ መከራውን፣ ግርፋቱን፣ እስራቱን በጠቅላላ ፲፫ቱን ሕማማተ መስቀል በማሰብ ጀርባቸውን በአለንጋ ይገርፉ ፤ራሳቸውንም በዘንግ ይመቱ ነበር። የጌታን መከራ መስቀል እያሰቡ ዐይኖቻቸው አስከሚጠፉ ድረስ ያለቅሱ ነበር ። ጌታችን ግንደ መስቀሉን (የመስቀሉን ግንድ) አንደተሸከመ በማሰብ ትልቅ ድንግያ ተሸክመው ይሰግዱ ነበር። መራራ ሐሞት መጠጣቱን በማሰብ ዓርብ ዓርብ ኮሶ ይጠጡ ነበር። የጌታ ደቀመዝሙር ዮሐንስ ወንጌላዊ ጌታ በተሰቀለ ጊዜ አብሮ ስለነበርና ዐይን በዐይን ስለተመለከተ የጌታችን የኢየሱስ ክርስቶስን መከራ መስቀል እያሰበ ፸ ዘመን ፊቱን በሐዘን ቋጥሮ እንደኖረ ሁሉ ጻድቁ አባ መብዓ ጽዮንም እንደ ዮሐንስ ወንጌላዊ የጌታችንን መከራ መስቀል እያሰቡ ከዓለም ተድላና ደስታ ተለይተው በትምህርት ፣ በትሩፋት ፣ በገድል ጸንተው ኖረዋል። ጻድቁ መብዓ ጽዮን በሕይወተ ሥጋ ዘመናቸው የላመ የጣመ እንዳልተመገቡ፤በፈረስ በበቅሎ እንዳልሄዱ፤አልጋ ላይ እንዳልተኙ፤ገድላቸው ያስረዳል። የክርስትናን ትምህርት ለጋፋት ሰዎች እንዲስፋፋ ያደረጉት አባ መብዓ ጽዮን የጌታን ሕማማተ መስቀል እያሰቡ ዘወትር ስለሚያነቡ ዐይኖቻችው ጠፍተው ነበር። ነገር ግን እመ ብዙኃን የሆነችው ቅድስት ድንግል ማርያም ወደኚህ ጻድቅ አባት በአት የብርሃን ጽዋ ይዛ መጥታ ዐይኖቻቸውን ቀብታ አድናቸዋለች። ከዚህ የተነሳ በትረ ማርያም እየተባሉ ይጠሩ አንደነበር ገድላቸው ያስረዳል።

የጻድቁ መታሰቢያ በዓል በየዓመቱ ጥቅምት ፳፯ ቀን ከመድኃኔዓለም የስቅለት በዓል ጋር ይከበራል። ጥቅምት ፳፯ ቀን ለወዳጆቹ እውነተኛውን ዋጋ የሚከፍል መድኃኔዓለም ክርስቶስ ለጻድቁ አባ መብዓ ጽዮን ብዙ ቃል ኪዳን የገባበት ቀን ነው።

የአቡነ መብዓ ጽዮን ረድኤታቸው፣ በረከታቸውና አማላጅነታቸው አይለየን፤አሜን!!!

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥በትረ አሮን✥

ከብዙ ዘመን ጀምሮ ደረቅ የነበረች የአሮን በትር የድንግል ምሳሌ ሆነች ዕጽዋትስ አስቀድመው ዘር ሆነው ወደ ምድር ይጣላሉ፣ በውሃ መጠጣት፣ በመኮትኮት፣ ያድጋሉ፣ ልምላሜ፣ አበባን፣ ኋላም ፍሬን ያስገኛሉ፡፡ ይህም በሥራቸው ከምድር በሚያገኙት ምግብ ይከናወንላቸዋል፡፡ የአሮን በትር ግን እንደ ዕጽዋቱ በሥር አማካኝነት ከምድር በሚገኝ ምግብ ያይደለ፣ ከመጀመሪያው ሰዓት ሌሊት ጀምራ እስከ ጠዋት ድረስ አምልኮት በሚነግርበት ድንኳን ባደረች ጊዜ ለምልማ አብባ የበሰለም ሎሚም አፈራች፡፡ ድንግልም ከቤተ መቅደስ አስራ ሁለት ዓመት ኖራ ጌታን እንበለ ዘር ጸንሳ ተገኘች፡፡ዘኁ 17፡1-12፣ ዘፀ20፡30፣ ዕብ 9፡5 አስቀድሞ ስለእርሷ ተገልጦለት ነቢየ ልዑል ኢሳይያስ‹‹ከዕሤይ ሥር በትር ትወጣለች ከግንዱም አበባ፤ በእርሱም ላይ የእግዚአብሔር መንፈስ ያርፋል›› ብሎ የተናገረላት የሃይማኖት በትር ናት፡፡ ት.ኢሳ. 11፡1

✍️ አምኃ ሥላሴ / መኩሪያ ተስፋዬ

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥ ትውልድ ሁሉ እመቤታችንን ለማመስገን ተፈጠረ ✥

✔ ርዕሳችን ላይ ያስቀመጥነው ቃል በተኣምረ ማርያም መቅድም ላይ የሚገኝ ሲሆን ብዙዎች የዚህን ቃል ትርጉም ባለመረዳት ሲጠራጠሩ ይታያል፡፡ በቤተክርስቲያን ያሉትም ሆነ ያላመኑትም ይህንን ቃል ሲያነቡና ሲሰሙ «ፍጥረት ሁሉ እመቤታችንን ለማመስገን ተፈጠረ ሊባል እንዴት ይቻላል?» በማለት ጥያቄ ያቀርባሉ

✔ መጽሐፍት ሊያስተላልፋ የፈለጉትን መልእክት መረዳት የምንችለው ቃል በቃል ያለውን በመመልከት ሳይሆን የቃሉን ፍቺ ወይም ትርጓሜውን ስንመረምር ነው፡፡

«ፍጥረት» የሚለው ቃል ትውልድ ሁሉ (ሰው ሁሉ) እንደ ማለት ነው፡፡ ለምሳሌ፡- ኦሪት ዘፍጥረትን ኦሪት ዘልደት ቢል አንድ ነው፡፡ እንደዚሁም ‹‹ ፍጥረት ሁሉ እመቤታችንን ለማመስገን ተፈጠረ » ሲል ሰውን የሚያመለክት ነው አመስጋኝ ፍጥረት ሰው ነውና፡፡ ስለዚህ ፍጥረት ሁሉ የሚለው ቃል በንባብ በንግግር ሊያመሰግን የሚችለው ፍጥረት ሰው ስለሆነ ሰውን ለመወከል እንደሆነ ግልፅ ነው፡፡ ከዚህም ሁለት ነጥቦችን እንይዛለን አንደኛው ፍጥረት የሚለው በዘይቤያዊ ቋንቋ ስንተረጉመው ትውልድ እንደሚባል፡፡ ሁለተኛው ፍጥረት ሁሉ ያመሰግናል ሲል አመስጋኝ ሰውን የሚመለከት እንደሆነ እንገነዘባለን፡፡ ይህን ከተረዳን ወደቀጣዩ ጥያቄ እናምራ፡-

→ ሰውስ ቢሆን ትውልድ ሁሉ እመቤታችንን ለማመስገን ተፈጠረ ሲባል እንዴት ነው ከተባለ :: ትውልድ ሁሉ እመቤታችንን ለማመስገን መፈጠሩ ምን የሚያሻማ ነገር አለው? እንደውም የሚገርመው ይህ ቃል በመጽሐፍ ቅዱስ ያለው የቅዱስ ሉቃስ ወንጌል ሆኖ ነው የምናገኘው፡፡ «ትውልድ ሁሉ ብጽዕት ይሉኛል» /ሉቃ 1፤39/ ይላልና፡፡

→ ትውልድ የሚለው ቃል ከዚህ በኋላ የሚመጣውን ብቻ ሳይሆን ያለፈውንም ትውልድ ነው፡፡ ስለዚህ ከዚህ ቃል እንደምንረዳው ያለፈውም ትውልድ ያመሰግናታል የሚመጣውም ትውልድ ያመሰግናታል፡፡ በመሆኑም ሰው ሁሉ እመቤታችን ማመስገኑ በመጽሐፍ ቅዱስ ከተመሰከረና እንዲህ ከታመነ እመቤታችንን ለማመስገን ትውልድ ሁሉ ተፈጠረ መባሉ ምን ያስደንቃል፡፡

→ ሰው ለእመቤታችን ሲባል እንዴት ተፈጠረ ከሆነ ጥያቄው ፡፡ እኛ ሰዎች እግዚኣብሔር ይህንን ልጅ ባይሰጠኝ፣ ይህንንም ልጅ ባልወልድ ለእኔም ባይፈጥርልኝ ኖሮ... አንልምን

→ ከዚህም በተረፈ ማስረጃችንንም መጽሓፍ ቅዱሳዊ ስናደርገው ሔዋን ለማን ተፈጠረች ብለን ስንጠይቅ ምላሻችን ለአዳም የሚል ነው፡፡ ማን ፈጠራት ሲባል ደግሞ እግዚኣብሔር የሚለውን ጥርጥር የሌለበትን ምላሽ እንሰጣለን፡፡ ስለምን ለአዳም ተፈጠረች ስንል ትረዳው ዘንድ ነው/ዘፍ 2፤18/፡፡

→ ስለዚህ እግዚአብሔር አንዱን ለሌላው እንደሚፈጥር እንረዳለን፡፡ አዳም ሔዋንን ፈጠረ ማለት ታላቅ ክህደት ነው፡፡ ሔዋን ለአዳም ተፈጠረች ማለት ግን ፈጣሪዋ ሌላ ነውና ክህደት አይሆንም፡፡ እንዲሁም ሔዋን ሌላ ምንም ተግባር ኃላፊነት ሳይኖራት እግዚኣብሔርን ሳታመልክ ፣ ሳታመሰግን፣ አዳምን ብቻ እንድትረዳው ተፈጠረች ማለት ክህደት ነው፡፡ ለአዳም መፈጠሯ ለእግዚኣብሔር መፈጠሯን አያፈርሰውም፡፡ እግዚኣብሔርን ታመሰግናለች፣ ታመልካለች፣ ትታዘዛለች ስለዚህ ለአዳም ተፈጠረች መባሉ ችግር የለውም፡፡ ይህም በመጽሓፍ ቅዱስ ላይ ባለቤቱ ልዑል እግዚኣብሔር ሔዋንን ለአዳም ረዳት እንድትሆነው እንፍጠርለት ነው ያለው፡፡ ለእኔ ልፍጠር እንኳ" አላለም፡፡ ስለዚህ ሔዋን አዳምን ስለምትረዳው ለእርሱ ተፈጠረች ተባለ፡፡ እንደዚሁም ትውልድም ሁሉ ለእመቤታችን የሚያደርገው በጎ ነገር አለ ይኸውም ማመስገን ነው፡፡ ስለሆነም ትውልድ ሁሉ እመቤታችንን ለማመስገን ተፈጥሯል፡፡

→ አስቀድሞ እንደተመለከትነው «ትውልድ ሁሉ እመቤታችንን ለማመስገን ተፈጠረ» የሚለው ቃል ጋር የሚመሳሰል በመጽሓፍ ቅዱስ በሉቃስ ወንጌል ላይ «ትውልድ ሁሉ ብፅዕት ይሉኛል» የሚል አለ፡፡ ሆኖም በዚህ ላይ ምንም ጥያቄ አልተፈጠረም፡፡ በተኣምረ ማርያም መጽሓፍ ላይ ግን በሚገኝበት ጊዜ መናፍቃን ጥያቄ ፈጠሩ ፡፡

→ የተኣምር የገድላት የድርሳናት በአጠቃላይ አዋልድ መጽሓፍትን ስለማያምኑ መጽሓፍ ቅዱስ ላይ ያለው ቃል እንኳን አዋልድ መጽሓፍት ላይ ቢታይ ጥያቄ ይፈጥርባቸዋል፡፡ ለምን ግን መጀመሪያ መጽሓፍ ቅዱስን አይጠይቁም አምነናል ብለው ስለሚያስቡ ነው፡፡ ማመናቸው በመጽሓፍ ቅዱስ ላይ እንዳይጠይቁ ያደርጋቸዋል አለማመናቸው ደግሞ ባለመኑት መጽሓፍ ላይ ጥያቄ ይፈጥርባቸዋል፡፡ እኛ ግን በተኣምረ ማርያም እናምናለን እግዚኣብሔር በእመቤታችን አማላጅነት የሠራቸው ተኣምር የተጻፈበት መጽሓፍ ነውና፡፡


→ ሌለው እግዚኣብሔርን ላናመሰግነው እርሷን ብቻ ልናመሰገን ነው እንዴ የተፈጠርነው እንዳይባል ሔዋን ለአዳም ተፈጠረች መባሉ እግዚአብሔርን አታመልክም ማለት እንዳልሆነ ሁሉ እኛም እመቤታችንን ለማመስገን ተፈጠርን መባሉ ለእግዚአብሔር የምናጎድለው ምንም ነገር የለም፡፡ ተኣምረ ማርያምን የጻፈው ጻድቅ በመንፈስ ቅዱስ ተቃኝቶ በሉቃስን ወንጌል «ትውልድ ሁሉ ብጽዕት ይሉኛል» የሚለውን ቃል መሰረት በማደረግ «ትውልድ ሁሉ እመቤታችን ለማመስገን ተፈጠረ» በማለት ጽፏል፡፡ የሉቃስን ወንጌልን ቃል ከተቀበሉ የተኣምረ ማርያም ቃልንም መቀበል ይኖርባቸዋል፡፡ ስለዚህ ፍጥረት ሁሉ ለእመቤታችን ተፈጠረ ተባለ፡፡

✍️ አምኃ ሥላሴ / መኩሪያ ተስፋዬ 

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

እመብርሃን ቤትዋን ለመሥራት የፈቀደችለት መልእክቱ እንዲደረሰው ነው እያሳወቅን ያለነው እንጂ ከምድር ሀብት በላይ የአምላክ እናት የመሆንን ሀብት ገንዘብዋ ለሆነላት እመአምላክ እንዴት ይለምኑላታል ! ተስፈኞች ከፈቀደችላችሁ በቻላችሁት ያህል የስምዋ መታሰቢያ ቤትዋን ለመሥራት የሚያስፈልገውን አድርጉ
ቤትዋን ለመሥራት ለፈቀደችለት ሰው ይደርስ ዘንድ ለሌላው ያጋሩ

የህንፃ አሳሪ ኮሚቴ የባንክ አካውንት ቁጥር፦
1, #የኢትዮጵያ_ንግድ_ባንክ፦ #1000624326281 የጎፎሬ ደብረ መንክራት በአታ ለማርያም ህንፃ አሠሪ (Gofere D/M/B/Mariam B/k Hintsa Ase)

2, #ዓባይ_ባንክ፦ #3621111079916110 (አጭር ቁጥር 10799161) የጎፎሬ ደብረ መንክራት በአታ ለማርያም ህንፃ አሰሪ ኮሚቴ (Gofere/B/K/Hin/Aseri Comite)

👉 #ለበለጠ_መረጃ፦ የህንጻ አሰሪ ኮሚቴ ሰብሳቢ ዲያቆን ደግነት፦ #0933055802፣ #0911414852።

✍️ አምኃ ሥላሴ / መኩሪያ ተስፋዬ

የገቢ ደረሰኝ ለእኔ በውስጥ ላኩልኝ 👉 @amhasilase

የቅዳሴው አገልግሎት ዋነኛ ዓላማ ከክርስቶስ ጋር ኅብረት ወደሚያሰጠንና ለዘላለማዊ ሕይወት ወደሚያበቃን ወደ ጌታ ሥጋና ደም አማንያንን በሙሉ መጥራት ነው፡፡

      ቤተ ክርሰቲያን ቅዳሴ ዘወትር የምትቀድሰው ምእመናን ቆመው ካህናቱ ሲቀድሱ አይተውና መጨረሻ ላይ የቅዳሴ ጸበል ጠጥተው ብቻ እንዲሄዱ ሳይሆን በየዕለቱ የሚሠዋው መሥዋዕት (የጌታ ሥጋና ደም) ተሳታፊ እንዲሆኑ ነው።

      በቅዳሴው ሰዓት ምእመናን፥ ስገዱ ሲባል በመስገድ፥ የሚነበቡ ምንባባትን በመስማት፥ መልስ በሚሰጥባቸው ቦታዎች ደግሞ በንባብ ወይም በዜማ መልስ በመስጠት (ተሰጥዎውን በመቀበል) አብረው አመስጋኞች (የስሙ ቀዳሾች) አንደሆኑ ሁሉ ካህናቱና ዲያቆናቱ መቅደስ ውስጥ ቆርበው ምእመናንን ለማቍረብ ሲወጡ ደግሞ የተሠዋውን መሥዋዕት በመቀበል የቅዳሴው ሙሉ ተሳታፊዎች ሊሆኑ ይገባል።

      ይህ ካልሆነ ግን፥ የቅዳሴው ዋነኛ ዓላማ አልገባንም፥ እንዲሁም ምእመናኑ የቅዳሴው ተጠቃሚ አልሆኑም ማለት ነው።

📌በቀጣይ " የዘለዓለም ሕይወት ምግብ " በሚል ርዕስ በተከታታይ የሚሠጠውን ትምህርት ለመከታተል የፍካሬ ሃይማኖት YouTube ቤተሰብ ይሁኑ 👉 https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

https://t.me/+Vd4rG3DjWHFlDGCo (ቴሌግራም ግሩፕ)

የቅዱስ እስጢፋኖስ ደም ለሐዲስ ኪዳንዋ ቤተክርስቲያን ምርጥ ዘር ነው እርሱ ሰማዕት በሆነ ጊዜ በኢየሩሳሌም ተወስና የነበረች ቤተ ክርስቲያን በስደት በዓለም ሁሉ ተዳርሳ በዝታ ለመገኘቷ እርሱ ምርጥ ዘር ሆኗታል።

አውግስጢኖስ «በቅዱስ እስጢፋኖስ ጸሎት፣ ቤተ ክርስቲያን የጠፋውን ጳውሎስን አገኘች፤» በማለት ተናግሯል።
የቀዳሚ ሰማዕት ቅድስት የምትሆን በረከቱ በእኛ አድራ ጸንታ ትኑርልን።

✍️ አምኃ ሥላሴ / መኩሪያ ተስፋዬ 

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

✥የጥቅምት እስጢፋኖስ ማር መድኃኒት✥

- ጥቅምት 17 የሚከብር የዲያቆናት አለቃ የሰማዕታት መጀመሪያ የሆነ ቅዱስ እስጢፋኖስ ለተሾመባት ዕለት መታሰቢያ ናት። ልደቱ እና ዕረፍቱ ጥር 1 ሲሆን መስከረም 15 ቀን ፍልሰተ ሥጋው ነው ።

- ቅዱስ እስጢፋኖስ በጰራቅሊጦስ ዕለት ላመኑት 3 ሺህ ከዚያ በዕምነት በተጨማሪ 5 ሺህ በአጠቃላይ 8 ሺህ ህዝብ ለሆነው ማህበር መምህር ነበረ (የሐዋ 2÷41፤ 4፥4) ሰማዕትነት በተቀበለ ጊዜ በኢየሩሳሌም ከነበሩ ከሐዋርያት በቀር ኣንድ ሳይቀሩ ሌሎቹ ተበተኑ:: አውራ የሌለው ንብ አለቃ የሌለው ሕዝብ እንዲሉ የመሰደዳቸው ምስጢር ጥበበ እግዚአብሔር ነው:: በሄዱበት ሲያስተምሩ ሃይማኖት ይሠፋልና፤ ቀድሞ እስጢፋኖስ እሱ ብቻ ያስተምር ነበር እሱ ሰማዕትነት ከተቀበለ በኋላ ግን፣ ስምንቱ ሽህ ማህበር ሁሉ በያሉበት የሚያስተምሩ ሆነዋልና::


- ጌታም ለኖኅ ሺ መድኃኒት ነግሮታል፤ ሰባቱን መቶ ከዕፅዋት እንደሚያገኝ ቃል በቃል ነግሮታል ፥ 3ት መቶ ከማርና ከቅቤ ታገኛለህ ብሎታል (ኩፋ 10፥6-7/) ይህም ማለት ንቦች የማይቀስሙት አበባ ላሞች የማይቀነጥሱት ቅጠል የለምና " መድኃኒት ሁሉ ከዕፅዋት ይገኛል " ሲል ነው::

ቅዱስ ዳዊት በመዝሙሩ " ወእግዚአብሔርኒ ይሁብ ምሕረቶ ምድረኒ ትሁብ ፍሬሃ። / እግዚአብሔር ምህረቱን ይሰጠናል ምድራችንም ፍሬዋን ትለግሰናለች" (መዝ84÷12) እንዳለው ከወርኃ ጥቅምጥ በፊት ባሉት ወራት ( በወርኃ ክረምት) ምድር ከኣምላክ የሚገኝ ጠለ ምህረቱን (ዝናብን) ተቀብላ ርሳ ዕፅዋትን አዝዕርትን አትክልትን ለፍጥረቱ ትለግሳለች ስለዚህ በዚህ ወቅት ከሌሎች ወራት በተለየ የዕፅዋትን አበባ የሚገኝበት ወር በመሆኑ የምትቀስም ንብ ተባትና እንስት አበባን ሁሉ በብዛት እያገኘች እየቀሰመች የማር አበባን የምትጋግር ወር በመሆኑ የጥቅምት ማር መድኃኒትነት አለው።

- ይህ መድኃኒትነት ያለው የጥቅምት ማር የጥቅምት እስጢፋኖስ ዕለት በመቁረጥ ትምህርቱም እንደ ማር ጣፋጭ ነበር ሲሉ የቅዱስ እስጢፋኖስን መታሰቢያ በማር ይዘክሩ ነበር፤ ለዮሓንስ መጥምቅ ምግቡ የበረሃ ማር
ነበር የሚለውን የወንጌል ቃል ሊቁ ቄርሎስ መዓር ዘይቤ ጣዕመ ስብስቱ ይእቲ ብሉ እንደተረጎመው ያለ ነው (ማቴ 3፥4)፡፡

ይህን መሰረት በማድረግ የኣብነት ተማሪዎች ለቅዱስ እስጢፋኖስ ዕውቀትንና ጥበብን የገለፀ ኣምላካችን ለእኛም ይገልፅልናል ሲሉ የጥቅምት
እስጢፋኖስን ማር ለኣብነት ከዕጸዋት አበባ ጋር ኣፍልተው ይጠቀሙበታል በጥንት ጊዜም ነቢያት ከልዩ ልዩ መድኃኒት እየቀመሙ በሥጋም
ሆነ በመንፈስ ችግር ይቀርፉ ነበር፡፡ (ዘጸ 15÷25፡፡ (ጥስብ7÷17:: ሲራ 38÷1)፡፡ ኢሳ 38፥21፡፡ ኤር 8፥22፡፡ ሕዝ 47÷12)፡፡ ይቆየን
የሰማዕቱ ምልጃና ጸሎት አይለየን

✍️ አምኃ ሥላሴ / መኩሪያ ተስፋዬ 

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

ጥቅምት ፲፬ ብፁዕ ገብረ-ክርስቶስ አረፈ

አባቱ ቴዎድሮስ፤ እናቱ መርኬዛ ይባላሉ፡፡ ልጅ አጥተው ሲያዝኑ ይኖሩ ነበር፡፡ ከዕለታት በአንድ ቀን ኢየሩሳሌም ሄደው፣ ቅዱሳት መካናትን ተሳልመው ብጸዓት ገብተው መጡ፡፡ በዓመቱ አንድ ልጅ አገኙ፡፡ ስሙን አብደመልሲህ /አብደዕልመሲህ/ ብለውታል ገብረ-ክርስቶስ ማለት ነው፡፡ አካለ መጠን ሲያደርስ ከአዋልደ ነገሥት አንዲት ቆንጆ መርጠው አጋቡትና ሥርዓተ መርዓዊ ወመርዓት ያድርሱ ብለው፣ መጋረጃ ጣሉባቸው፡፡ እያያት ያዝን ይተክዝ ጀመር፡፡ ምን ሆነሃል አለችው፡፡ ይህ ሁሉ ቁንጅና ነገ አፈር ይሆናል ብዬ ነዋ አላት፡፡እኅቴ እኔስ እንደጉም ተኖ እንደጢስ በኖ ከሚጠፋ ተድላ ሥጋ አልገባም፤ አንቺ ግን እንደወደደሽ ኑሪ አላት፡፡ በመንፈቀ ሌሊት ወጥቶ ሄደ፡፡ ስታለቅስ አድራ፣ ጥዋት ሊያይዋት ለመጡት ነገረቻቸው፡፡ ንጉሥ ነውና፥ ወዲያው ልጄን ፈልጋችሁ አምጡ ብሎ፣ ወታደሮችን ሰደደ። እሱ ግን ኃይል መንፈሳዊ ተሰጥቶት፤ የዓመቱን ጎዳና በአንድ ቀን ተጉዞ አርማንያ ገብቷል። እኒያም እየፈለጉ ሲሄዱ አርማንያ በእመቤታችን ስም ከታነጸች ቤተክርስቲያን ደርሰው፣ ከስንቃቸው ለነዳያን ሲመጸውቱ፣ ለርሱም ሰጡት፡፡ በአባቴ ባሮች ለመመጽወት ያበቃኸኝ አምላኬ ተመስገን አለ። እነሱ ግን ስላላወቁት አልፈውት ሄዱ። የመጸወቱትንም መልሶ መጽውቶታል። እህል የሚቀምሰው በዕለተ-ሰንበት ብቻ ነበር፡፡ እንዲህ እያለ ፲፭ ዓመት ቆየ፡፡ እመቤታችን ገበዙን እንደወደደኝ ወድጄዋለሁ እንዳከበረኝ ፡ አክብሬዋለሁና፤ ያን ሰው አትተውብኝ አለችው፡፡ቢሄድ ካለችው ቦታ ቁሞ አገኘው፡፡ እመቤቴ እንዲህ ብላ አዛኛለችና፤ ገብተህ ሥጋውን ደሙን ተቀበል አለው፡፡ የእመቤቴን ፈቃድ መግሠሥ እንደምን ይቻለኛል ብሎ ገብቶ ተቀብሎ፣ ካሳየው የተነጠፈ የተጎዘጎዘ ቤት ዋለ አደረ፡፡ ኋላ ግን ዋጋየ በውዳሴ ከንቱ ሊቀርብኝ አይደለምን፣ ከማያውቁኝ ሀገር ሂጄ እኖራለሁ ብሎ ወጥቶ ሲሄድ ከአባት ከእናቱ ቤት ደረሰ፤ ፈቃደ እግዚአብሔር ቢሆን ነው ብሎ፣ ከደጃቸው ወድቆ፤ ፲ ዓመት ኖረ፡፡ እናት አባቱ አላወቁትም። ይልቁንም ብላቴኖቹ ሰውነቱ ከገድል ጽናት የተነሳ በቁስል ነዶ ነበርና፤ ጠልተው ተጸይፈውት፣ እንዲሄድላቸው ሽንት ይሸኑበት፣ የድስቱን የወጭቱን እጣቢ ይደፉበት ነበር፡፡ ውሾች ግን አውቀውት ቁስሉን ይልሱት ነበር፡፡ በማያውቀው ሀገር ከተሰቃየው ይልቅ፣ በእናት በአባቱ ደጅ፣ በእናት በአባቱ ብላቴኖች የተሰቃየው በለጠ የዕረፍቱ ጊዜ ሲደርስ፤ ጌታ በተስፋህ የታመነውን፣ በቃል ኪዳንህ የተማፀነውን ሁሉ ምሬልሃለሁ ብሎ ተስፋውን ነገረው፡፡ እሱም የእረፍቱን ጊዜ አውቆት ታሪኩን በክርታስ ጽፎ፣ በእጁ እንደያዘ በዚህ ዕለት አርፏል፡፡ ሊቀ-ጳጳሱም ቅዳሴ ገብቶ ሳለ፣ መላእክት በቃለ- አቅርንት ነፍሱን ሲያሳርጉ ሰምቶ፣ ፍርሐት ፍርሐት አለው፡፡ ቅዳሴውን ጨርሶ ወደጌታ ቢያመለክት፣ የታዘዘ መልአክ መጥቶ፣ የብዕሴ እግዚአብሔር ገብረ ክርስቶስን ነፍስ ስናሳርግ ነው አለው፡፡ ካህናቱን ምዕመናኑን አስከትሎ ቢሄድ፣ ክርታሱን እንደያዘ አርፎ አገኙት፡፡ ለጊዜው አለቀቀለትም፡፡ ፵፩ እግዚኦታ ፵፩ በእንተ ማርያም አድርሶ ለቀቀለት፡፡ ቢያነበው የንጉሥ ልጅ ሆኖ ተገኘ፡፡ ያለቅሱ ደረታቸውን ይደቁ ጀመር፡፡ ሕዝቡ በረከት እናገኛለን ብለው ሥጋውን ቢዳስሱ ደዌ ያለባቸው ሁሉ ተፈውሰዋል፡፡ ከዚህ በኋላ ድውያኑ ሁሉ ይረባረቡበት ጀመር፡፡ የማይለቁ ቢሆን፤ ወርቅ ብር አፈሰሱላቸው፡፡ ይህንማ ገበሬው ሁሉ ይሰጠናል ብለው የማይመለሱ ሆነ፡፡ ተዋቸው፡፡ ሕሙማኑ ድውያኑ ሁሉ ዳሰውት ከተፈወሱ በኋላ፣ ወስደው በአንፃረ-መስቀል ቀብረውታል፡፡ ከመቃብሩም ብርሃን ወርዷል፡፡ ብዙም ተአምር ተደርጓል፡፡

-> ከጥቅምት ፲፬ ስንክሳር የተወሰደ

✍️ አምኃ ሥላሴ / መኩሪያ ተስፋዬ 

https://t.me/+VBt2ld_HeykCaELL (ቴሌግራም ቻናል )

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

‎ ܀ ‎ ጥቅምት ፲፬ የአባታችን የአባ አረጋዊ የተሰወሩበት መታሰቢያ በዓል ነው ።

ሀገራቸው ሮም አባታቸው ይስሐቅ፤ እናታቸው እድና፣ የእሳቸው ስሙ ጥንት (ቀዳሚ ) ዘሚካኤል ነው፡፡ ጥበብ መንፈሳዊ ሲማሩ አድገው፣ አሥራ አራት ዓመት ሲሆናቸው፣ ከአዝማደ-ነገሥት የሆነች ሴት አላቸው። ወደ ጽርዕ ኮብልለው ገዳመ ዳውናስ ገቡ፡፡ አበምኔቱ አባ ጳኵሚስ ፈቃደ እግዚአብሔር መሆኑን አውቀው መዓርገ ምንኩስና ስጥተዋቸዋል፡፡

ከዘመዶቻቸው ሰባቱ ዜናቸውን ሰምተው፣ መንፈሳዊ ቅናት አነሳስቷቸው፣ እንደእሳቸው አለምን ትተው፣ ገዳም ገብተው፣ በምንኵስና ተወስነዋል። እነሱም አባ ሊቃኖስ ዘቁስጥንጥንያ አባ ይምዐታ ዘቁስያ፡፡ አባ ጽህማ ዘአንጾኪያ፣ አባ ጉባ ዘኪልቅያ፡፡ አባ ጰንጠሌዎን ዘሮምና አባ አሌፍ ዘቂሳርያ ናቸው፡፡ እሳቸውም ብጽአን ለከ ዘኮንከነ መርሐ ኀበ ዛቲ ፍኖት ከመ ኄር ኖላዊ ዘየአትብ መርዔቶ፣ መንጋውን እንደሚንከባከብ መልካም እረኛ፤ ወደዚች የሕይወት መንገድ ስለመራህን ብፁዕ አረጋዊ መባል ይገባሃል ብለዋቸዋል። ከዚህ በኋላ እናታቸው ንግሥት እድና ዜናቸውን ሰምታ ልትጠይቃቸው መጣች፡፡ እናትህ ትፈልግሃለች አሏቸው አይሆንም አሏቸው፡፡ ግድ አላቸው፡፡ ወጥተው እናቴ ለምን መጣሽ አሏት፤ ልጄ አንተ በሕፃንነትህ የናቅኸው ዓለም ለእኔ ምን ይረባኝ ብዬ ነው አለቻቸው፡፡ ደስ አላቸው መዓርገ- ምንኵስና አሰጥተው፤ በምኔተ-አንስት አስቀመጧት፡፡ ከ፯ ዓመት በኋላ ወደ ሮም ገብተው ሲያስተምሩ፣ የሀገራችንን ዜና ሰምተው፣ ለመምጣት መንገድ ጀመሩ፡፡ቅዱስ ሚካኤል በክንፉ ተሸክሞ አክሱም አድርሷቸዋል፡፡ ተመልሰው ሄደው አገር ይሏችኋል ምድረ-አዜብ፣ ሐዋርያ ሳይላክላት በሃይማኖት በምግባር ጸንታ ትኖራለች አሏቸው፡፡ ፰ቱ ሁሉ ጓዛቸውን ጠቅልለው አክሱም ገቡ፡፡ ይህም የሆነ አልአሜዳ በነገሠ በ፭ኛው ዓመት ነው፡፡ አባ ገሪማ እስከዚህ ጊዜ በሮም ነግሠው ይኖሩ ነበር፡፡ ልከውባቸው መጥተው ዘጠነኛ ሆነዋል፡፡ ከ፲፪ ዓመት በኋላ በአንድነት መኖር ለጽሙና ለብሕትውና የማይመቻቸው ቢሆን፣ አባ አረጋዊ ከዘመዶቻችን መለየታችን፤ ከሀገራችን መውጣታችን፤ በጽሙና በብሕትውና ልንኖር አይደለምን ተለያይተን እንኑር አሉ፡፡ ተለያይተው አባ ሊቃኖስ ደብረ- ቆናጽል፡፡ አባ ጰንጠሌዎን ፪ ምዕራፍ ርቀው፡፡ አባ ይስሐቅ መደራ፡፡ አባ ጽሕማ ጼዴንያ፡፡ አባ ይምዓታ ገርዓልታ፡፡ አባ አፍጼ ይሓ። አባ አሌፍ እህስአ፡፡ ገብተው፣ በዓት ሠርተው ተቀምጠዋል፡፡ አባ አረጋዊ እናታቸው ቅድስት እድናን፣ ደቀ-መዝሙራቸው ማትያስን አስከትለው፣ እግረ- መንገዳቸውን እያስተማሩ ሕሙማንን እየፈወሱ ሲሄዱ፤ ደብረ-ዳሞ ደረሱ፡፡ አምነው ለተከተሏቸው ብዙ ሴቶች፤ በእግረ-ደብር ገዳም ገድመውላቸዋል። እናታቸውንም እመምኔት አድርገው ሾመውላቸዋል ፣ ከዚህ በኋላ ከእግረ ደብር ሆነው፤ አሁን ይህን ተራራ በምን ልወጣው እችላለሁ እያሉ ሲያወጡ ሲያወርዱ፤ የታዘዘ ዘንዶ መጥቶ፣ ጅራቱን ከመንፈቀ ደብር አድርጎ፤ ምንት ብከ ውስተ ዛቲ ደብር፤ ከዚያች ተራራ ምን አለህ? የምትቀምሰው የምትልሰው አታገኝ ዋዕየ ፀሐዩ ቁረ-ሌሊቱ አያስቀምጥህ አላቸው፡፡ ዝም ብለህ የታዘዝኸውን አትፈጽምምን? ይልቅስ ጅራትህን አውርድና አውጣኝ አሉት፡፡ ፷ ክንድ በሚሆን ጅራቱ ጠምጥሞ፣ ቅዱስ ሚካኤል ሰይፈ-እሳት ይዞ እየጠበቃቸው፣ ከተራራው ራስ አድርሷቸዋል፡፡ ወዲያውኑ ሃሌ ሉያ ለአብ፣ ሃሌ ሉያ ለወልድ ፡ ሃሌ ሉያ ለመንፈስ ቅዱስ፤ ብለው አመስግነዋል፡፡ ደብረ ሃሌ ሉያ መባሉ ቅሉ ስለዚህ ነው፡፡ እስከዚህ ጊዜ እህል የሚቀምሱ በሰንበተ ክርስቲያን ብቻ ነበር። በዚህ ዕለት ግማሽ ኅብስት በልተው ጠገቡ፡፡ ከዚህ በኋላ ምድራዊ ኀብስት አልተመገቡም፡፡ መላእክት በሰንበተ-ክርስቲያን ሰማያዊ ኅብስት፣ ሰማያዊ ወይን እያመጡላቸው፣ ያን ቀድሰው ይቀበሉ ነበር። ኋላም ዜና ጽድቃቸውን ሰምተው፣ ከ ፮ ሺህ ያላነሱ መነኰሳት ደቀመዛሙርቶች/ ተሰብስበውላቸዋል፡፡ ወንድማቸው ዮሐንስ ይባላል። ደብረ-ዳሞ ሲኖሩ፤ የደረሱበት ጠፍቶት፣ መከራውን ተሰቅቀው ከእርሳቸው ተለይተው፣ የተመለሱ መነኰሳትን ሲጠይቅ ወሪያቸውን አገኘ፡፡ ደብዳቤም እኔ ብቻዬን ስኖር አላሳዝንህምን? ወደ ሀገርህ አትመለስምን? ብሎ ላከባቸው፡፡ እሳቸውም እንግዲህማ ብመለስ የዮሐንስ ወንድም ላይሆንለት ወጥቶ፣ ተመልሶ መጣ እየተባልኽ፣ አንተም ትሰደባለህ፣ እኔም ዋጋ አልቦ እቀራለሁ፣ ብለው መለሱለት፡፡ ማንስ ያጫውትሃል? የሚያጫውተኝ የሚያረጋጋኝስ እንጨቱ ደንጊያው ይበቃኛል፡፡ የሚረዳህ ልላክልህ? እኔ ረዳት አልፈልግም ይሉታል፡፡ ስትታመም የሚያቃናህስ ይላቸዋል፡፡ ስሞት በጢሜ ደፋ ብዬ ዘመሚት ፈልቶብኝ ብገኝ እወዳለሁ ይሉታል፡፡ ደብዳቤውንም ሲጽፍ እሱ ትብጻህ ኀበ አቡነ አረጋዊ እያለ ሲጽፍ፡፡ እሳቸው እምኀራዊያ ገዳም፣ ኀበ ኀራውያ ገዳም እያሉ ይጽፉለት ነበር፡፡ ፺፱ ዓመት ሲሞላቸው ጌታ በመንፈቀ ሌሊት ተገልጾ ድካምህን አይቻለሁ ጸሎትህንም ሰምቻለሁ ምድራዊ መንግሥትህን ትተህ ስላገለገልኸኝ፤ ህልፈት ሽረት የሌለበት ሰማያዊ መንግሥቱን አወርስሃለሁ፡፡ ለዘሂ ገብረ ተዝካረከ ወተአመነ በጸሎትከ፣ እሁቦ ሞገስ በቅድመ-መላእክትየመታሰቢያህን ላደረገ፣ በጸሎትህም ለታመነ፣ በመላእክቱ ፊት ባለሟልነትን እሰጠዋለሁ። በስምህም የተራበውን ያበላ፣ የተጠማውን ያጠጣ ቤተ-ክርስቲያን የሠራ ያሠራ፣ ዜና ገድልህን የጻፈ ያጻፈ፤ የሰማ ያሰማውን እስከ ፲፭ ትውልድ እምርልሃለሁ፡፡ የናትህንም መቃብር እንደሙሴ መቃብር አደርገዋለሁ። አንተንም ሞት አያስደነግጥህም፡፡ ብሎ ተስፋቸውን ነገራቸው፡፡ መነኰሳቱን ሰብስበው፣ እምይእዜሰ ኢትሬእዮኒ በሥጋ እንግዲህ በሥጋ አታዩኝም ብለው ነግረው፣ አበምኔት ሹመውላቸው ተሰውረዋል፡፡
-> ከጥቅምት ስንክሳር ፲፬ የተወሰደ

✍️ አምኃ ሥላሴ / መኩሪያ ተስፋዬ 

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

'' ከሚካኤል በቀር ማንም የሚያጸናኝ የለም " ። ት ዳን 10፥21

#በገሀነም_በኩል_ወደ_መንግሥተ_ሰማያት

. መንግሥተ ሰማያትን ብቻ ሳይሆን ገሀነመ እሳትን ለእኛ ጥቅም እንደፈጠረው እናስተውል ! ሰውን በተድላ መንግሥተ ሰማያት ተሰቦ ወደርስዋ ከሚገባው ይልቅ የገሀነመ እሳት መከራዋን ፈርቶ ወደ መንግሥተ ሰማያት የሚገባው ይበዛልና፤ ገሀነመ እሳትን የፈጠረው ለመቅጫ ብቻ ሳይሆን ምረረ ገሀነም ተሰቀን ወደ መንግሥተ ሰማያት ለመግባት መንገድ ትሆንም ዘንድ መሆኑን እናስተውል ገሀነም ባይፈጥራት ኖሮ በእርስዋ ፍርሀት ምክንያት መንግሥተ ሰማያት የሚገቡ ሁሉ መንግሥተ ሰማያትን የማይወርሱ ይሆኑ ነበር ገሀነመ እሳት ለሰው መዳን በዚህ መልኩ ለመዳን ምክንያት ከሆነች ለቅጣት ብቻ ሳይሆን ለጥቅማችንም ተፈጥራለች ማለት ነው።

. በደግ መምህር ያልተመከረ ክፉ መካሪ ይስጠዋል ፤ በፍቅረ እግዚአብሔር ያልተመለሰ የሰይጣን ማሰጨነቅ ይመልሰዋል ስለዚህም ክቡር ጳውሎስ '' .... ጌታችን ኢየሱስ ክርስቶስ በሚመጣበት ቀን ነፍሱ ትድን ዘንድ እንዲህ ያለውን ሰው ለሰይጣን አሳልፋችሁ ስጡት " 1ቆሮ 5፥1-5 አለ
ይህ ሐዋርያ ምን እያለ ይመስልሀል ? ፈቅዶ ለመዳን የሚያበቃውን ሥራ የማይሠራ ሰው ዛሬ ለሰይጣን ተላልፎ ይሰጥና ከገሀነም ቅጣት በጥቂቱ ያቀምሰዋል ፤ ይህም ሰው ዛሬ የእግዚአብሔር ቸርነት ባልተለያት የሰይጣን ግዛቱ ባልጸናባት በዚህች ምድር ሰይጣን እንዲህ ከጎዳኝ ኋላ ረድኤተ እግዚአብሔር ተፈልጎ በማይገኝባት የሰይጣን ግዛቱ በሚሠለጥንባት ገሀነመ እሳትማ እንዴት አብዝቶ ይጎዳኝ ይሆን !!! በማለት ከክፉ ሥራው ተመልሶ በንስሓ ነፍሱ በጌታ ቀን (በዕለተ ምፅአት) እንድትድን አሁን በመከራ ይመክረው ዘንድ ለሰይጣን አሳልፈው ይስጡ ሲለን ነው፡፡

. ዳግመኛ በዚህ ዓለም መከራ ለምን ይበዛብናል ትላላችሁን ? ተድላ፣ ሰላም ያለባት ሌላ ዓለም እንድናንፍቅ እና እኛ የተፈጠር ነው ለዚህ ዓለም ነዋሪነት እንዳልሆነ ለማጠየቅ ነው፡፡

. የእግዚአብሔርን መልካምነት በጎውን ሲሰጠን ብቻ ሳይሆን ሲቀጣን እና ለእኛ ክፉ የመሰለንን ነገር በመስጠት ነውና ይህንን ልናስተውል ይገባል።

✍️ አምኃ ሥላሴ / መኩሪያ ተስፋዬ

https://t.me/+VBt2ld_HeykCaELL (ቴሌግራም ቻናል )

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

ጌታችን መድኃኒታችን ኢየሱስ ክርስቶስ በመዋዕለ ስብከቱ ወንጌልን በቃሉ ቢያስተምርም በጽሑፍ ግን አላሰፈራትም ። ነገር ግን አንዲት ኃይለ ቃል በጽሑፍ ያሰፈራት ለሁላችንም የምትሆን ኃይለ ቃል አለች ምን የሚል ነው?
-> ኃይለ ቃሉን እና ተጽፎ የሚገኝበትን የመጽሐፍ ቅዱስ ክፍል ጥቅሱ

" እግዚአብሔር ምስክሬ ነው " (ሮሜ ፩፥፱-፲)

- ወንድሜ ሆይ! ሰዎች በጎ ሰው ስላሉህ አንተ በጎ የሆንክ አይምሰልህ፡፡ “ አኃውየ ሠናያን ወልኂቃን እሙንቱ ወኢሠምረ ቦሙ እግዚኣብሔር - ወድሞቼ ግን በመልክ ያማሩ በዕድሜ ያደጉ ናቸው፡፡ እግዚኣብሔር ግን በእነርሱ ደስ አላለውም" ብሏልና ቅዱስ ዳዊት፡፡ ወንድሞቼ ያማሩ ናቸው ብሎ ነበር፡፡ ነገር ግን ለምን እግዚኣብሔር አላደረባቸውም? ምክንያቱ መልካምነታቸው በሰው ዘንድ እንጂ በእግዚኣብሔር አይደለምና። (፩ኛሳሙ.፲፮-፯)፡፡

ሰው በእግዚኣብሔር ፊት ጻድቅ ከሆነ ራሱ እግዚኣብሔር ነው ምስክሩ። “ አብ ወወልድ ወመንፈስ ቅዱስ ስምዓ ይከውኑ - አብ ወልድ መንፈስ ቅዱስ ምስክር ይሆናሉ” እንዳለ አባ ሕርያቆስ፡፡ ዘካርያስና ኤልሳቤጥ ጽድቃቸው በእግዚኣብሔር ፊት ስለ ነበረ እግዚኣብሔር ደግ ልጅ ሰጥቶ መሰከረላቸው::

እውነተኛ እስራኤላዊ ብትሆን እንኳ ክርስቶስ ይመስክርልህ እንጂ አንተ ስለ ራስህ ኣትመስክር። ናትናኤል ክርስቶስ መሰከረለት እንጂ ናትናኤል ስለ ራሱ አልመሰከረም ስንኳን ስለ ራሱ ሊመሰክር ጌታ ሲመሰክርለትም “የት ታውቀኛለህ” ነበር ያለው (ዮሐ.፩ ፥፵፯)፡፡

አበው ሊቃውንት በሥነ ፍጥረት ሲራቀቁ ገብስን በኃጥአን ድንችን በጻድቃን የመሰሉት ለዚህ ነው። “በራሳቸው አፍርተው ፍሬያቸውን ወፍ ጠርጥሮ ጠላት ለቅሞት የሚቀሩ፥ በዚህ ዓለም ብዙ ምግባር ብዙ ትሩፋት ሠርተው ይዩልን ይስሙልን ይወቁልን ብለው በከንቱ ውዳሴ ተጎድተው በወዲያኛውም ዓለም ሳይጠቀሙ የሚቀሩት አምሳል ናቸው፡፡ በሥራቸው አፍርተው ፍሬያቸውን ከወፍ ከጠላት ሸሽገው የሚያስቀሩት በዚህ ዓለም ሲኖሩ ብዙ ትሩፋት ብዙ ምግባር ሠርተው አብልተው አላበላንም አጠጥተው አላጠጣንም አልብሰው አላለበስንም እያሉ ክብራቸውን ሰውረው በወዲያኛው የሚጠቀሙ አምሳል ናቸው::

ሰው ሁሉ እንደሚገባ ስለ እርሱ እንዲነገርለት ከፈለገ ከሰው ይሰውረውና ለእግዚኣብሔር ይተውለት፡፡ ሰው ውስን ነውና ስለ እኛ በጎነት
ቢናገር ስንኳ ለሁሉ አያደርሰውም፡፡ ሁሉ እንዲያውቅህ ብትሻ በሁሉ መልቶ ላለ ለእርሱ ታምነህ ኑር፡፡ ከዚያስ? ከዚያማ ስለ አንተ ለሰዎች ብቻ ሳይሆን ለመላእክት ይነግራቸዋል፡፡ ምን ይኼ ብቻ! ለሰማይና ለምድር አእምሮ ለሌላቸው ሁሉ አንተን እንዲያውቁ ያደርጋቸዋል፡፡ ሁሉም የአንተ አገልጋይ ይሆናሉ።

✍️ አምኃ ሥላሴ / መኩሪያ ተስፋዬ 

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)

ቸሩ መድኃኔ 0ለም ፈቅዶ እናቱ ድጋፍ ምርኩዝ ሆናን የመሠረት ጕድጓድ ( ፓድ ) ቁፋሮ አጠናቀናል ። ተመስገን

ተስፋኞች በምትችሉት ልክ እርዳታችሁን አድርጉልን

የህንፃ አሳሪ ኮሚቴ የባንክ አካውንት ቁጥር፦
1, #የኢትዮጵያ_ንግድ_ባንክ፦ #1000624326281 የጎፎሬ ደብረ መንክራት በአታ ለማርያም ህንፃ አሠሪ (Gofere D/M/B/Mariam B/k Hintsa Ase)

2, #ዓባይ_ባንክ፦ #3621111079916110 (አጭር ቁጥር 10799161) የጎፎሬ ደብረ መንክራት በአታ ለማርያም ህንፃ አሰሪ ኮሚቴ (Gofere/B/K/Hin/Aseri Comite)

👉 #ለበለጠ_መረጃ፦ የህንጻ አሰሪ ኮሚቴ ሰብሳቢ ዲያቆን ደግነት፦ #0933055802፣ #0911414852።

✍️ አምኃ ሥላሴ / መኩሪያ ተስፋዬ

የገቢ ደረሰኝ ለእኔ በውስጥ ላኩልኝ 👉 @amhasilase

ጌታችን በትንቢተ ሐጌ 1፥8 ላይ " ቤቴንም ሥሩ " ማለቱ እርሱ በባሕርይው ድካም ኑሮበት ረዳት አስፈልጎት ሳይሆን ከእኛ የሚጠበቅ ድርሻ እንዳለ ለማስረዳት ነው

" ገንዘብ የኃጢአት ሁሉ ሥር ነው " እንደተባለ ገንዘባቸው ለብዙዎች የርኩስታቸው ምክንያት ሆኗል ፥ የቅድስና ሥራ ቢሠሩበት ግን የሰማይ ቤታቸውን ያንጹበታል !

-> የእርሱ እርዳታ የእናቱ ምልጃ እየደገፈን በካህን ምዕላ በአባቶች ቡራኬ ተጀምሮ በደብሩ ባሉት ጥቂት ምዕመናን የመሠረት ቁፋሮ ሥራን ከሥር በምስሉ ላይ የምታዩት መልኩ ተሠርቷል ።

-> እንደእግዚአብሔር መልካም ፈቃድ የሚቀጥለው የግንባታ ሥራ ስለሆነ እስከ ታህሳስ በዓታ ድረስ የመሠረት ግንባታ ለማከናወን በምንችለው ሁሉ እንረባረብ

ግብዓቶች
ድንገይ 5 ቢያጆ
አሻዋ 3
ጠጠር 3
ሲሚንቶ 80 ኩንታል
ብረት ባለ 16 ,14, 12 , 8 ናቸው

የህንፃ አሳሪ ኮሚቴ የባንክ አካውንት ቁጥር፦
1, #የኢትዮጵያ_ንግድ_ባንክ፦ #1000624326281 የጎፎሬ ደብረ መንክራት በአታ ለማርያም ህንፃ አሠሪ (Gofere D/M/B/Mariam B/k Hintsa Ase)

2, #ዓባይ_ባንክ፦ #3621111079916110 (አጭር ቁጥር 10799161) የጎፎሬ ደብረ መንክራት በአታ ለማርያም ህንፃ አሰሪ ኮሚቴ (Gofere/B/K/Hin/Aseri Comite)

👉 #ለበለጠ_መረጃ፦ የህንጻ አሰሪ ኮሚቴ ሰብሳቢ ዲያቆን ደግነት፦ #0933055802፣ #0911414852።

✍️ አምኃ ሥላሴ / መኩሪያ ተስፋዬ

የገቢ ደረሰኝ ለእኔ በውስጥ ላኩልኝ 👉 @amhasilase

#ልዩ_ሦስትነት

ሥላሴ ሠለሰ ሦስት አደረገ ሥላሴ ትሥልስት ሦስትነት ማለት ነው። ይኸውም➘

➛ ልዩ ሦስትነት ማለት ነው። ሥላሴ ማለት ሦስት ማለት ነው ብለን ካለፍነው ምሥጢሩን በሚገባ አንገልጸውም ስለዚህ "ሦስት" ሳይሆን ማለት ያለብን "ልዩ ሦስት" ነው። ስለዚህም ነው በሊቃውንት መጽሐፍት ልዩ ሦስት በሚለው የተገለጸው ለምሳሌ➘

በዘወትር ጸሎት ላይ “ "ልዩ ሦስት" በሚሆኑ በአብ በወልድ በመንፈስ ቅዱስ ፊቴን እና መላ ሰውነቴ ሦስት ጊዜ አማትባለሁ ” ይላል።

በጸሎተ ቅዳሴ ላይም “ "ልዩ ሦስት" የምትሆን አብ ወልድ መንፈስ ቅዱስ ሆይ የሚፋቀሩ አንድ የሚሆኑ ልጆችህን በሰማይና በምድራዊ በረከት ባርክ ” ይላል

➛ ሥሉስ ቅዱስ ( ልዩ ሦስት ) መባሉ ስለምንድ ነው የሚለውን ክቡር አባት አባ ሕርያቆስ በቅዳሴ ማርያም አብራርቶ ያስረዳናል ፦ “ እንዲህ እናምናል እንዲህም እንታመናለን አንድነትን ሳንለይ የተለየ እንዳይሆን የተቀላቀለም እንዳይሆን እንለይ ፣ እንደ አብርሃም እንደ ይስሐቅ እንደ ያዕቆብ ሦስት የምንል አይደለንም በገጽ ሦስት ሲሆን በባሕርይ አንድ ነው እንጂ፤ ከፍጥረት ሁሉ እንደሚቀድም እንደ አዳም አንድ የምንል አይደለንም በባሕርይ አንድ ሲሆን ሦስት ነው እንላለን እንጂ ” { ቅ ማር ቍጥ ፷፰ }

➛ አብርሃም ይስሐቅ ያዕቆብ የአካል ሦስትነት ቢኖራቸውም በባሕርይ ከዊን የመገናዘብ አንድነት የላቸውም ። ይኸውም፦ ቅድስት ሥላሴ በአብ ልብነት ያስባሉ በወልድ ቃልነት ይናራሉ በመንፈስ ቅዱስ እስትንፋስነት ሕያው ሆነው ይኖራሉ በዚህ መልኩ በባሕርይ ከዊን ስለሚገናዘቡ በባሕርይ ኣንድ ናቸው ፥ አብርሃም ይስሐቅ ያዕቆብ ግን በባሕርይ ከዊን የሚገናዘቡ ባለመሆናቸው አንድ አይደሉምና እንደ አብርሃም እንደ ይስሓቅ እንደ ያዕቆብ ሦስት የምንል ኦይደለንም አለ።

- ይህም ማለት ሰው ከአባቱና ከናቱ "ባሕርይ ከፍሎ" በመወለዱ የባህርይ መገናዘብ ኦንድነት አይኖረውም በወላጆቹ ልብ አያስብም፣ በቃላቸው አይናገርም፣ በእስትፋሳቸው አይኖርም በራሱ ልብ ያስባል በቃሉ ይናገራ በእስትንፋሱ ይኖራል ። በቅድስት ሥላሴ ዘንድ ግን "የባሕርይ መከፈል" ስለሌለ በባሕርይ በሕልውና አንድ ናቸው ለማለት ነው።

➛ “ ከፍጥረት ሁሉ እንደሚቀድም እንደ አዳም አንድ የምንል አይደለንም ” ማለቱም አዳም የባሕርይ አንድነት ቢኖረውም የአካል ሦስትንት የለውም ቅድስት ሥላሴ ግን የባሕርይ አንድነታቸው የአካለቸውን ሦስትነት ሳይጠቀልለው በአካል ሦስትነት ያሉ ናችው ለማለት ነው። ለምሳሌ ፀሐይ በክበቧ፣ በሙቀቷ፣ በብርሃንዋ ሦስትነት ቢኖራትም በአካሏ ውስጥ የተጠቀለለ ነው ፤ ቅድስት ሥላሴ ግን የባሕርያቸው አንድነት አካላቸውን ሳይጠቀልለው በተለየ አካል ያሉ የሚኖሩ ናቸው ስለዚህም ልዩ ሦስትነት ይባላል።


✥ አንድም፦ ከመቆጠርም ውጪ ማለት ነው። በዓለሙ አቆጣጠር ስሌት (አኀዝ) ሦስት ካሉ አንድነት፣ አንድም ካሉ ሦስትነት አይገኝም። ሥላሴ ማለት ግን ሦስትነት ያለበት አንድነት፥ መለያየት የሌለበት ሦስትነት ማለት ነው።


✥ አንድም፦ መለየት ያለበት፥ መለየት የሌለበት ነው ተብሎ ይገለጻል።

➛ መለየት ያለበት ያልነው፦ በአካል ነው። ለምሳሌ ጌታችን “ ከእኔ አብ ይበልጣል ” ያለው በአካላት ዘንድ መለየት ያለ መሆኑን ሲያስረዳን ነው። ( ዮሓ ፲፬፥፳፰ )። ይኸውም ሰውን ለማዳን በተለየ አካሉ ሰው ሆኖ በተቀበለው መከራና ሞት እንኳንስ ከአብና ከመንፈስ ቅዱስ ይቅርና ከመላእክትስ እንኳን ኣንሷል ምክንያቱም መላእክት መከራ ሞት የለባቸውምና ጌታችን ግን በመለኮትነቱ ከኣብና ከመንፈስ ቅዱስ የማይለይ የማያንስ አንድ ቢሆንም መከራና ሞት ባይኖርበትም በለበሰው ሥጋ ግን ስለሰው ብሎ በተቀበለው ሕማምና ሞት ከእኔ አብ ይበልጣል ኣለ በዚህም ከአብ እና ከመንፈስ ቅዱስ የተለየ አካል እንዳለው ኣስረድቶናል። ስለዚህ መለየት ያለበት ያልነው የየራሳቸው የተለየ አካል አላቸው ለማለት ነው።

➛ መለየት የሌለበት ነው ያልነውም በመለኮት ነው ። ይኸውም ጌታችን “ እኔና አብ አንድ ነን ” “ እኔን ያየ አብን አየ ” በማለት ገልጾልናል። (ዮሓ ፲ ፥ ፴/ ዩሐ ፲፬÷፱) ። ይህን ማለቱ እኔ፦ አብም ወልድም ነኝ ማለቱ ሳይሆን በአካላት የተለዩ ቢሆኑም በመለኮት ግን አንድ መሆናቸውን ለማስረዳት ነው።

✍️ አምኃ ሥላሴ / መኩሪያ ተስፋዬ 

https://t.me/+Vd4rG3DjWHFlDGCo (ቴሌግራም ግሩፕ)

https://m.facebook.com/mekuria.tesfaye.71

https://www.youtube.com/channel/UC8v52_jNY156sxZtplafDtw/about (የዩቱብ አድራሻ)