قناة الرادود علي الصالحي

‏مقطع صوتي من الرادود علي الصالحي

ميمر للزهراء ع

كسر الضلع حرگ الباب
يالزهره ماننساهن
----------------

هاي المصـــيبه ابكل زمـن تجدد
وجمـر الحزن يم الحســن مايبرد
هـــذا العــزاء طول الدهر يتخلد
مثل الورث واصـــــلنه أباً عن جَدْ
وعيونه انحسها اتشوف
لو الچ بچيناهن

--------------

موفقط اهل الارض مجلس يحيون
مأتم الــــچ اهل الجـــنان اينصبون
عنــــــــچ شعر كاظم وربعه يكتبون
وحمــــزه الزغير والرميثي اليقرون
وصدورنه اوياهم حيل
بالطم وشمناهن
----------------

تبـت يداه ذاك الكســـرها اظلـوعچ
وتبچين گمتي ويضحك اعله دموعچ
الموضوع اليفت الصـــخر موضوعچ
الظـــلام طفو شمعه مـــن شموعچ
طيحت المحسن عالگاع
اجروح النبي اذاهن
--------------------

اعـــداچ لمحمد يا عـــذر يحچونه
اصــــــــبع ندمهم باچـــر ايعضونه
معقـــوله عـار افعـــــــالهم ينسونه
البيـت النـزل بيه الوحـي يحرگونه
كلمة وأن والبسمار
يدمي الگلب بلواهن
------------------

باب البخـت بابــــچ ولكن حـــرگوه
وعصروچ خلفه وضلع منچ كسروه
ابفعلتهم الدين ونبــــــــــيهم باعوه
حقچ غصب يالزهره منـــچ اخذوه
وبسوطه قنفذ ويلا
امتونچ زرگ سواهن
----------------

✍️ الخادم
كامل السعيدي

#نعي
الزهراء توصي الامام علي روحهم فداهما وهي في قبرها


زينب فــــزت امــن النوم يا حيدر دروحلهه
مُره الفرگه يـــــا كرار زينب صعبــه تحملهه
يتيمه و تكسر الخـاطر و هضم البين كاتلهه
صبرهه يبن عـــــمــــــــي و لتخافيــن كللهه
ضلعي بلاجبر بس كون تجبر كسر خاطرهه

              *--------------------*-------------------*

مرعوبه بظلام البيت اسرع يـــا علي ليهه
متعلمه بحناني اتنام تتسله مـْـن احاجيهه
سكتهه يحامي الجار مـــــا احمل بواجيهه
اريد بغيبتي الحــــــــــــره بعيونك تخليهه
مــــــاريد الحزن بالبيت والمدمع يمر بيهه

           *----------------------*--------------------*

امانه اعليك يابو حسين لاتتركهه بمصابي
وامسح دمعة الخدين وهون لوعة اغيابي
وبهيده تسد الباب خــــــافن تذكر اصوابي
يذكّرهه ظلام الليل وتنظر خــالي محرابي
هذا آخر كلامي ويــاك بزينب اخر اجوابي

        *------------------------*---------------------*

✍ بقلم خادم الحسين ع
   الشاعر رعد الجريخي

#اللهم_عجل_لوليك_الفرج

طلعـت جنازه بلايه رجعه ** طلعي يروحي وره الزهره
المفارك أمه عـمره ** خيط أنكطع من أبره
--------------------------------------------------------------------
1= اليــفــــارك أمـــه المــوت يلــزم بابه
أومحــد يـــرده أمغــربــــين أحـبابه
دمع العــــيون اليـــندفــــــن ما جابه
طلابة عـــــــيوني وي البواجي طلابه
****
شالوها أمي بحضن تابوت ** ماتـت عـــيوني كبل لا موت
ذبحتـني أخر نضره ** خيط أنكطع من أبره
******
2= ناطــــور بجروحه الــــيفارك كاعــد
وحزانه نار وكلــــبه يصبح كاغــــد
يحصد النوح بروحه جــن ما حاصد
وكل مغربــيه وي الدمع يــتواعــد
****
فاتح جفوفه وماكو شبكه ** والهوه مــــــن أينسم يخنكه
ينطر نهاية عمره ** خيط أنكطع من أبره

3= شكد صعبه مـن يصبح عـزيـزك ذكره
براسك رسـاله تفـــــوت بس ماتقره
ثاري المضـيع حكه يلــــزم ضهره
كل مايـــــزوره الكبره يكصر عمره
***
والله عــزيز يصــير الأ تراب ** المدفون حدره أغله الأحباب
يصبر لجن شيصبره ** خيط أنكطع من أبره
*****
4= جــرح العـزيـز أيضل عــمر ما يشفه
مثل النهر يمشي ويحاجــــــي أبجرفه
المكبره الدافــــن أمـــه بـــيها تعرفه
بــردان شـــوك ويــــرجف ومـــا يدفه
****
تعـــرف مشيته من يجــيها ** مــــن الوالده يـــبجي عليها
تخنك العبره بصدره ** خيط أنكطع من أبره




5= جلمة اليمه تصـير مثــل الصوره
من الكبر تطلع لو مشيت تـزوره
ضلوع أمي ضلت بالكـبر مكسوره
لو ما تجيني من أجي معـــذوره
****
لو سالمه ضلوع الحنينه ** جا صاحت أهلا باليجينه
ليل الهجر ما أكدره ** خيط أنكطع من أبره
***
الخادم عبد الجليل المالكي

اول مرة خوية الكافل يصيح
يركض راح اخيه يكوم ويطيح
عباس عباس
خويه انكسر ظهري
ــــــــــــــــــ
ابن ادم اليفگد له غالی الناس كله بعينه غربه
ومدري ليش الكلبه طيب ينلجم بعزاز كلبه
والغريب وماله صاحب ومات اخيه بحضنه صعبه
أي يا دنيا اشكد رخيصه حسين يا ثار التطلبه

صاراليوم وحده وكلها عدوان
لا صحبان ضلو لا له خوان
و ايصيح وايصيح
يا ريعان عمري
عباس عباس
خويه انكسر ظهري
ـــــــــــــــــــــــــــــــ
ايساعده الله الراح اخيه وجان بالدنيا شحلاته
والمثل عباس عنده ما يمر ضيم بحياته
الطاح اخيه ايطيح حيله انوب ضحكات الشماته
وزينب اتعاين له يركض ويعثر ومو من صفاته

من يم الفرات الصوت ناداه
بس لا طاح وكام ينخاه
اتعناه اتعناه
ودمع بالعين يجري
عباس عباس
ياخويه انكسر ظهري
ــــــــــــــــــــــــــــــــــــــــــــ
يابو فاضل انته مثلك واحد اليسواله وسفه
هذا اخوك حسين واكف يمك ابدمعه تعرفه
واليحط ايده على ضهره ويبجي يعني الشده كلفه
يا غربته وماله ناصر والشمر بيكم تشفه

حط راسك ابحضنه وضل يناجيه
والعدوان كلها اتشمتت بيه
يضحكون يضحكون
بالشمات تدري
عباس عباس
خويه احزام ظهري
ـــــــــــــــــــــــــــــــ
زينب تسكت اليتامه والكلب نيرانه تسعر
هذا جن يوم القيامة وصار لون الدنيا احمر
حسين راجع كاض ظهره ليش شوكل ساع يعثر
جاي وحده ويمشي محني تصيح زينب الله يستر

من شافته زينب لطمت الراس
خويه جاي وحدك وين عباس
وفاي وفاي
يا حماي خدري
عباس عباس
خويه انكسر ظهري
ــــــــــــــــــــــــــــ
من وگع كبش الكتيبة حسين صار اليوم وحده
كل بني هاشم ضحايه اتذبحو بالحومه ولده
وفو انصاره ابعهدهم ما بقو انصار عنده
ريجه يابس ماي ماكو بالعطش يتلوه جبده

صار الجيش يزحف يم الاخيام
دنيا هناك جانت تمطر اسهام
عطشان عطشان
جمر احشاك يسري
عباس عباس
ياخويه انكسر ظهري
ـــــــــــــــــــــــــــــــــ
نعيم ابو باقر الساعدي

ان شاء الله نزور الزچيه ان شاء الله

وابو صالح يمشي بينه ان شاء الله

السهم يمتى يدلينه الطريق

ويمتى يندگ بالقطع بسمارها

،،،،،… ،،،،،… ،،،،،… ،،،،،… ،،،،،


يمتى يا رب نعتني لباب الشرف

ونمشي ليها بلهفه من گاع النجف

بلا گبر يا حد تضل ام الحسين

بيا كهف يالمعتني بأهل الكهف


طالت

يبو صالح غيبتك طالت

الدنيا حيل بشيعتك مالت

يمتى نوگف يم گبرها المدري وين

ونقره يمها زينب شگالت


تعالي يأم حسن يمه تعالي

شوفي كربلا شسوت بحالي

زينب يمه زينب طبت الشام

وراس حسين اخوها برمح عالي

،،،،،… ،،،،،… ،،،،،… ،،،،،… ،،،،،


هاي وين نزور گبرج هاي وين

ومن هنا نقره الى ام الحسين

الحسن واهل البقيع الهم قباب

والدخول يصير من ام البنين


غايب

الگبر والمهدي شبعد غايب

شيعتك منها القلب ذايب

حسره هاي بكل قلب شيعي تبات

والعمر ما نعرف شكاتب


وصلت للعظم والناس شمات

بعد بينا صبر بس بينا شوغات

مسنا ومس اهلنا الضر يمولاي

واجيناك أ بضاعه جروح خيمات

،،،،،… ،،،،،… ،،،،،… ،،،،،… ،،،،،


يمتى صاحب ثارج يطفي الفتن

نخاف لا يمشي بعد بينه الزمن

المنارات شوكت عيني تشوف

وحده بأسم حسين وحده للحسن


روحي

يمتى يم بابج تحط روحي

وكون اغيب من الوعي بنوحي

يمتى زاير فاطمه تسميني ناس

تراب گبرج بلسم جروحي


عجيب ام الحسن ما اله زوار

والجار اعله دارج للنبي جار

عمت عين الوكت مو ناصف وياج

يمتى الثار من الشعلو النار

،،،،،… ،،،،،… ،،،،،… ،،،،،… ،،،،،


للدلاله يصير مرسوم السهم

مو يشگ قبل الحرگ سكف الخيم

والرمح ينشال من عنده السنان

الباقي من عنده يرفرف بي علم


الرايه

يمتى ناخذ بالمشي الرايه

ويا كبرها هاي الحچايه

هلا بزوار الزجيه اسمع يصيح

هناك تندگ للخدم ثايه


يمتى نشوف گبرج والهوه يطيب

ترابج يكفي خل كل الدوه يغيب

المواكب من ابو الحسنين لهناك

الكل خطار والشيعه المعازيب

،،،،،… ،،،،،… ،،،،،… ،،،،،… ،،،،،


ان شاء الله نزورج لأن عدنا يقين

حظره للزهراء حظره ام البنين

ادخلوها بسلام أنخط اكيد

جنه ما بينها فاطميتين


امنيتي

هاي مولاتي اكبر امنيتي

مشي يا مولاتي من بيتي

التعب لحسين يا محلاته چا

فدوه لأم حسين عافيتي


نجيج ان شاء مشايه زوار

يباب الله الأبد ماراد خطار

مصداق الكرم عزبتي حد ما

ضلعج راد ما رديتي بسمار





الميرزا ازهر العبادي

شوط كربلائي



قصة فاطمه ولباب اريد الليله احجيهه
اشلون اتلگت البسمار وسولف كل ماعنيهه
---------------------------------
متروسه ابأمان الدار ولن باب القدر يندگ
وراحت فاطمه للباب وسمع صوت لن تشهگ
وعاين امي خلف الباب ومزاود عليهه الطگ

لن دفعه وزلم طبت
سعت لاجنه ماگدرت
وزنه اثجيل ونطبگت
عليهه اولاگت البسمار ولباب انتجه اعليهه
-----------------------------
اسمع واحد اينادي حرگوهه اعله اهلهه الدار
وإن فاطم اضربوهه وحرگو گلبه حامي الجار
دفعوو باب إلمنيه ابضلع امي انثنه البسمار

وسمع شوغت الزهره
رن بذني الضلع كسره
كلفه جانت العصره
تريد اتصيح ماتگدر ثگل الباب ماذيهه
---------------------------------
بين الباب ولحايط سعت لاجنه ماگدرت
من اجذوع جان الباب اهواي الوادم الدفعت
حرمه اواگابلوهه ازلام من كثر العصر وگعت

رضوهه لحد ماصار
دمهه ولدمع مدرار
وهيه اتصيح شنهو الصار
ياذنب الجنيته اتصيح اولاواحد يهم
--------------------------
اعاين ليهه حدر الباب تشهگ بالنفس گوه
ما واحد رحمهه اهناك مامش منهم امروه
اليرجف من اسم حيدر عليهه كام يتكوه

وعليهه دارت الوادم
بين الضارب وشاتم
مامش بيهم الغانم
يعين الزهره من الباب وتشم نسمه يخليهه
-----------------------------
ابياذنب اليصير اواياي اسمع امي مختنگه
جاوبهه ابصفع ع الخد اسكتي بيتج انحرگه
عصرهه ابن الدعي بالباب الهوه مالحگت اتشهگه

اشوف الناس ملتمه
اعله ام حسين متحزمه
ماجنهه مره وحرمه
المالحگ ابدفع الباب ابصوطه ضل يطگ بيهه
-------------------------------
تلوذ ابياكتر حارت همه ابكل كتر بالدار
مره ابجف تشاگف صوط وجف الثاني يخمد نار
ياوسفه والف ياحيف تنطگ حرمة الكرار

اعاين ليهه مالومه
تغص بالعبره مهضومه
تريد الشايعه اعلومه
لاكن بالوصيه انگاد مايگدر يحاميهه
------------------
علي سليم الحسناوي

كلمات الأستاذ محمد الجماسي

بين الزهراء وريحانتها الحسين
(عليهم السلام)

احسين يمه اگعد تعال اگبالي
اليوم خل غالي يودّع غالي
ــــــــــــــــــــــــــــــــــــــ
يمه اسولفلك اريد اعله الزمان
اسوالف الام عافيه وتگطر حنان
آنه اول ميته ماعندي مكان
ولا گبر مثل البشر يبرالي
ــــــــــــــــــــــــــــــــــــــ
آنه أظل إبلا گبر وابلا صحن
كبري يظهر وي ظهور ابن الحسن
وانته عاري اتظل ييمه بلا چفن
وهوّه چتالك نفس چتالي
ــــــــــــــــــــــــــــــــــــــ
آنه بالبسمار اتلوّع وأگول
ليش ياهالناس خالفتو الرسول
وانته يامظلوم تنداس بخيول
وزينب التنعاك هم تنعالي
ــــــــــــــــــــــــــــــــــــــ
ضلعي من ينعاب اصبح كالخيال
وانته تتطشر وذر فوگ الرمال
تعطش وماتشرب الماي الزلال
وآنه أظل بمجلسك للتالي
ــــــــــــــــــــــــــــــــــــــ
زينب اعله التل تنادي ياحسين
لو عدل انهض يبوالگلب الحنين
السوط يضربني واصدن باليمين
وباليسار احمي وجوه اطفالي
ــــــــــــــــــــــــــــــــــــــ
يمه والمحسن الماشاف الضوه
من سقط طولي مثل سعفه انلوه
لچن عبدالله المثل شم الهوه
هوه أكثر طفل شاغل بالي
ــــــــــــــــــــــــــــــــــــــ
احسين واليبچي بعزائك لو ينوح
لو يعلگ رايتك فوگ السطوح
كل تعب محسوب عندي ومايروح
تاج البسه وقصر ياخذ عالي


محمد الجماسي

#اللهم_عجل_لوليك_الفرج

السيد هشام صفي الدين نائب السيد الشهيد حسن نصر الله

شهيداً 💔
لاحول ولا قوة الا بالله
انا الله وانا اليه راجعون
ياصاحب الزمان

اول مره حيدر يمشي مكسور
       عـايـف ذكـريـاته ابين الـگبـور
             راجـع يمشي بالـگوى
            الباب بحالته اشسوى

اليرجع امن الدفن ناسه بالدمع تستقبله
وتلتم احبابه بمصبابه حـت حزنه تقلله
ليش حـيدر راد وحـده والمدامع هامله
امنين مـايندار وحـشه ياحـزن يتحمله
تخوصر ونحنه وكض عتبت الباب
  يتنفس هـضم ويسـولف اعتاب
        سعفه ابريح يتلوى
      الباب بحالته اشسوى

ابـهـمـه گـلـب ذكـريـاته ابـابـها لـمـن رجـع
ودخـل غـرفتها ولگـاها خـاليه وگـلبه انشلع
حاط سبحتها اعلى گلبه بلكت يخف الوجع
منحني ومكسور ظـهـره ولاچمه كـسر الضع
       ذاك الشـهـم يـم مچانها يـنـوح
     دافـن روحه توه وضل بـلا روح
            ضل ابناره يتچوى
          الباب بحالته اشسوى

مـد المصلايه بـيده وصـار ينطرها وگعد
ويحچي وي روحه ويگلها ماالچ جيه بعد
انا ذاك الچنت اكـابر مـاتهز طـرفي الشدد
هس حـاير بـعـد عـيـنچ مـابقه عندي سند
    صحتچ والصدى مارجع الصوت
   والله وفرگتچ اصعب من الموت
         خدي بدمعتي اتروى
        الباب بحالته اشسوى

روحـي مشتاگـه الحـنانچ حـايره بين الغرب
وانا اصبرها اعلى ذكرچ والله والموقف صعب
الگه بيه چم ذكرى منچ كل مكان البيه اطب
صعبه بسمت كـل حياتي عالشفايف تنصلب
        يانبضات گلبي رايـحـه ويـن
     نزلن چن مطر دمعات الحسين
            مـراه الـيتم تـوى
         الباب بحالته اشسوى 

ياهـواي الچنت اشمه وعشت لجلچ مطمئن
هس اجـر النفس گوى اونـت المشتاگ اون
ياوطن روحي وحياتي صارت الدنيا سجن
غيبوا وجـهـچ يزهره والسـبـب كـلـمة وئـن
       ناس الخلوا اولادچ ينوحون
      بـاچر للنـبي راح اشـيـگـولون
          ونتي الوالدچ سلوى
         الباب بحالته اشسوى

كلشي راح وجرحي نفسه لوجرت عيني جره
ويـنلـچـم ويـگـلـي بـاچـر نـعـتـنـي للـمـگـبره
وعـالگـبـر اگـعـد وطـولـچ بالـدمـوع اتـصوره
سامحيني لهس عايـش مـنـچ ورجـو المعذره
        انـه المفروض اموتن كون وياچ
     مدري شلون روحي احملت فرگاچ
            ماتت عشرت الحلوى
            الباب بحالته اشسوى


         هـاني نـاصر السـعـيـدي

شور


.            واويـلاه واويـلاه     يـايُـمـه
             واويـلاه واويـلاه     يـايُـمـه

                              *---------------*---------------*

               أجـاچ الـرحـمـه مـاعـنـده
               الـمـايـعـرف شـنـو الـورده
               عـلـيـچ اجـاسـر الـملـعـون
               ولـلـبـاب أعـتـنـه بـحـقـده

                              *---------------*---------------*

               الـبـاب بــدمــچ اتــوضــه
               دفــعــاه الــعـثـر حــظـــه
               يالـزهـره أنـعـصـر گـلـبـي
               يـوم الصحـتـي يـا فـضـه

                              *---------------*---------------*

               الـظـالـم بـالـحـقـد أعـمـه
               مــا شــاف الـــورد يــمــه
               اجــاچ ابــنــاره مـتـعـنـي
               وعـطـر الـجنـه مــاٱشـمـه

                              *---------------*---------------*

               اشلـون العصـرتـچ أنـسـه
               أونـن ونّــت الـخــنــســـه
               شــفـت الـمـا عــبــد ربــه
               اگبالي وصدرچ ايـرفـسـه

                              *---------------*---------------*

               حـنـانـچ بـيش اعـوضـنـه
               وچنـتي الرحـمـه والجـنـه
               عــاشـرت الـحـزن عِـشـره
               وأســمــچ دوم أذكـــرنـــه

                              *---------------*---------------*

               ظلمه الحجره أشـوفـنـهـه
               حـگـي الـدمـعـه أهـلّـنـهـه
               أتــذكــر وازيــــد الــنــوح
               أسنيني بـمـگـبـره چـنـهـه

                              *---------------*---------------*

✍خـادم الـزهراء ع
الشاعر رعد الجريخي

ماتت بعد من دونج 
جلمه ييمه شلونج
يتصوب گلبي صواب
شما صديت عله الباب
٠٠٠٠ ٠٠ ٠٠٠٠
َما ينسكن صار البيت جنه مكبره  خلافج
ينور الله النزل للگاع تحير الدنيه بوصافج
اسم الله فلا فديوم يفاطم فارك شفافج
شلي بالنظر شلي اذا موكل صبح شافج

ياكحله وشوف العين
زغار ويتمنى البين

ذبحوج بلايه اسباب
شما صديت عله الباب
٠٠٠٠ ٠٠ ٠٠٠٠         
نشوفج يمه وبياحال باب الدار مطروحه
كل واحد ركض منه يريد يشيلج ابروحه
مذبوحة قهر تمشين وبالمسمار مذبوحه
بعدهن جدنه بالدلال خظر ماطابن اجروحه

وكونج يمه تروحين
شيصير بگلب حسبن
صؤبني دهر صواب
شماصديت عله الباب
٠٠٠٠٠٠٠٠٠٠٠٠٠٠٠
اليتم يايمه ماينراد فجعنه وسير علينه
بعدنه عالمصيبه أزغار وبعد ياهو اليبارينه
نعشج يمه مامشيول والاحضانج اشتاكينه
ينطيج الگلب وشلون ترحين وتخلينه

ولدج مومال افرگ
يمج احنه ونشتاگ
يالنورج راح وغاب
شماصديت عله الباب
٠٠٠٠ ٠٠ ٠٠٠٠
امي بويه هاي امي يل ماكو بمحنتها
خل نتوادع وياها ريض النه بجنازتها
ماترجع بعد هيهات اذا المتون شالتها
بحلم علينه ماتحصل باجر امي شوفتها

ريض بأمنه اترجاك
خلينه نروح وياك
زهره ومو مال تراب
شماصديت عله الباب
٠٠٠٠ ٠٠ ٠٠٠٠
شالوه النعش باليل وعيني عليهم تناظر
بعدني بسن طفوله وحيف ربيت بكسرة الخاطر
اصبر عالمصيبه شلون ابوي بكبره ماصابر
من شاف الضلع مكسور بخدش مسماره مو حافر

باجر بالطف اشلون
بصدر حسين يكسرون
ويشيب حته الشاب
شماصديت عله الباب
٠٠٠٠٠٠٠٠٠٠٠٠٠٠٠
خادم اهل البيت ع
فلاح طالب الماجدي

مَا مَات مِنَّا سيّدٌ بِفرَاشِه
أو كَان فِي سُوحِ الوَغى يتَأخرُ
وَ إذَّا تَجندل قَائِدٌ مِنَّا علا
فِي إثرهِ شَهمٌ جَوادٌ قَسورُ

#فصيح

يا ليتَ قبرًا لِلبتولِ يُزارُ
وبِهِ يَلوذُ، القاصِدُ المُحتَارُ

من كُلِّ فَجٍ ، زائرٌ يأتيها
فالشوقُ نارٌ، والتنائي نارُ

وضياءُ قُبتِها، يشعُّ حَنانُهُ.!
تُروَىٰ بهِ الأرواحُ والأبصارُ

وحمائمٌ، مِثلَ النّجومِ أتت لها
منْ كربلاءَ لصحنِها خُطّارُ

مَاذَا علىٰ من شمَّ تُربَةَ فاطمٍ ؟!
أتُرى إليهِ، تُطيَّبُ الأعطارُ

فيها أريجُ المُصطفى والمُرتضَىٰ
والطيبَينِ، وعترَةٍ.. أقمارُ

يا ليتَ قبرًا لِلبتولِ يُزارُ
وتَرى المُرحِّبَ فيهُمُ الزوارُ ..

أهلًا يُنادِيهم بقيةُ أحمَدٍ
اللهُ يشهدُ أنّكم أطهارُ..

وهو الذي ينعى بذكر مُصابِها
ويفيضُ حُزنًا دمعه المدرارُ

بِأبي وأمي مخفية القَبْرِ...اللهمّ عجل بأخذ ثأرها وكن اللهم الثائرَ بدم أولادها "عليهم السلام"..


قاسم المالكي

#اللهم_عجل_لوليك_الفرج