Сонымен, ер мен әйелдің фитрасы/болмысы екі басқа екенін жеткілікті түсіндірдік деп ойлаймыз. Қоғамдық рөлдері де екі түрлі. Бірі екіншісінен дәрежеде жоғары болса, демек сол жоғары болған істе оған инструменттер, ресурстар, қабілеттер берілді және жауапкершілігі бар деген сөз. Алайда бұл универсалдықты білдірмейді. Әйел адамның өзіне тән, басқа задачаларға арналған инструменттері, ресурстары, қабілеттері бар. Екеуі бірлесіп кіріссе ғана алға қойған мақсаттарына, мұраттарына тиімді, әрі жылдам, жеңіл жетеді. Өйткені бірінің жоғын екіншісі толықтырып тұрушы.
Әйел адам әлемді құтқарып немесе жаулап алуы керек емес. Ерінің әлемді құтқарып немесе жаулап алуына жәрдемдессе, бұл оның да тең үлесі деген сөз. Бұны қайдан алдым? Әбу Дәудтен [رَحِمَهُ اللَّه] келетін хадис бар.
«Бір күні Аллаһ Елшісі [ﷺ] сахабаларының ортасында болғанда Әсмә бинт Язид [رَضِيَ اللَّهُ عَنْها] есімді ансари сахаба әйел келеді де бүй дейді: «Сіз маған ата-анамдайсыз. Сізге күллі әйелдердің атынан келіп тұрмын. Сіз үшін жанымды беруге даярмын. Шығыстан Батысқа дейінгі аралықтағы барлық әйелдер: Аллаһтың сізді күллі еркектер мен әйелдерге Ақиқатпен жібергенін мойындайды. Сондай-ақ біз: сізге және сізді жіберген Раббыңызға иман еттік.
Мен сіздердің қалауларыңызды орындайтын, балаларыңызды көтеріп жүрген, үйде отырған көп әйелдердің бірімін. Сіздер, ерлер қауымы, жұмаға жиналуда, жамағатпен намаз оқуда, жыл сайын қажылық-умра өтеуде, Аллаһ жолында соғысуда артықсыздар. Ал біз, сіздер қажылыққа, әскери сапарға аттанғанда үйлеріңізде қалып, өзімізді [арымызды] сақтаймыз, киімдеріңізді тігеміз, сіздер атқаратын игі істерді атқара алмаймыз, уа Аллаһтың Елшісі»
Пайғамбарымыз [ﷺ] сахабаларына бұрылды да: «Сендер дін мәселесінде әйелдерден осы әйел айтқандай әдемі айтқан біреу жайлы естідіңдер ме?» деп сұрады. Артынша әйелге бұрылып:
«Қайт та, басқа әйелдерге де жеткіз. Сендердің ең жақсыларың күйеулеріңнен не нәрсеге разы болатынын сұрайтындарың; ол нені қаласа орындайтындарың, оның пікірімен келісетіндерің. Осыларды орындауларың — олармен [күйеулеріңмен] келісетіндіктеріңді білдіреді. Мұның бәрін орындағандарға — өзі тікелей қатыса алмайтын, күйеуінің ізгі істеріне берілетін сауаптарға тең сауап алады» - деді. Әйел бұрылып, қуаныштан «ләә иләәһә иллә Аллаһ», «Аллаһу акбар» деп қайтып кетті». [мағ.ауд].
Көріп тұрғандарыңдай, іс-әрекеттер бөлек болғанымен сауаптары бірдей. Ер адам өз фитратына сай, әйел адам өз фитратына сай амалдар жасаса, Аллаһтың [ﷻ] жеңілдігі мен жәрдемі болады, сондай-ақ сауапта кемітпейді.
الله اعلم
[Жалғасы бар...]
Басы
