Afarin - ئافەرین

ئەنیمەیشنی دۆبلاژکراوی کوردی
( دڕندەی دەریا ) لە ئافەرین کیدسەوە 😍
📅 پێنجشەممە 21/11/2024
🕙 کاتژمێر: 09:00ی شەو
⏳دووبارە کردنەوەی/ هەینی 01:00ی پاش نیوەڕۆ

پرسیارەکە لە منداڵەکەت بکە و وەڵامەکەی لە کۆمێنت بنووسە😁

ئەگەر منداڵ سۆزی نەدەیتێ چی بەسەر دێت؟

ئەنیمەیشنی دۆبلاژکراوی کوردی ( گەشتە گەورەکە ـ بەشی یەکەم ) لە ئافەرین کیدسەوە 😍
📅 پێنجشەممە 14/11/2024
🕙 کاتژمێر: 09:00ی شەو
⏳دووبارە کردنەوەی/ هەینی 01:00ی پاش نیوەڕۆ

https://www.youtube.com/watch?v=0vSWYNXNeXw

ئایا تۆ باوک یان دایکێکی دادپەروەری لە نێوان منداڵەکانتدا؟
نیشانەکانی نادادپەروەی و جیاوازیکردن لە نێوان منداڵەکاندا بزانە:

🔹 پێشخستنێکی دیار و ڕوون لە مامەڵەکردندا:
پێدانی بەهای زیاتر یاخود پێدانی هەلی زیاتر بە یەکێک لە منداڵەکان بەبێ ئەوەی بە ئەوانی تری بدەیت، دەربڕینی خۆشەویستی یان سەرسەمامییەکی زۆر بە یەکێک لە منداڵەکان بەروارد بە ئەوانی تر!

🔹 جیاوازیکردن لە پاداشت و سزا :
سزادانی یەکێک لە منداڵەکان توندتر بەروارد بە منداڵەکانی دیکە کاتێک تووشی هەمان هەڵە دەبنەوە، چاوپۆشیکردن لە یەکێکیان، لە کاتێکدا لێپرسینەی توند دەکرێت ڵەگەڵ ئەوانی دیکەدا!

🔹 جیاوازیکردن لە پشتگیریی سۆزداریدا:
پێدانی پاڵپشتیی سۆزداری و دەروونیی زیاتر بە یەکێک لە منداڵەکان لە چاو ئەوانیتردا، گوێگرتن لە کێشەکانی یەکێکیان و پێشگوێخستنی ئەوانی دیکە!

🔹 پێشخستن لە پێدانی دیاری و پاداشت:
کرینی دیاریی بەنرختر یان بەردەوام بەخشینی دیاری بە مندڵێکیان، تەرخانکردنی پاداشتی دارای و مادی بۆ یەکێک لە منداڵەکان بەبێ ئەوانیتر!

🔹 جیاوازی کردن چالاکی و دەرفەتەکاندا:
دابینکردنی دەرفەتی فێربوون یان وەرزشی یان هونەر بۆ یەکێک لە منداڵەکانی بەبێ ئەوانی تر، بەژداریپێکردنی یەکێک لە منداڵەکان لە چالاکییە خێزانییەکاندا زیاتر لەوانی تر!

🔹 جیاوازیکردن لە بەرپسیارییەتییەکانی ماڵدا: ڕاسپاردنی هەندێکیان بەئەنجامدانی زۆرینەی بەپرسیارییەتییەکانی ماڵ لە چاو هەندێکیتریاندا، پێدانی ئەرکی قورس بە هەندێک لە منداڵەکان، لەکاتێکدا هەندێکان لێی بەخشراون!

🔹 بەرواردکرنی بەردەوام:
بەردەوام  بەرواردکردنی کاری منداڵێکیان بە ئەوانی دیکە بە شێوازێک دەروونیان بڕوخێنێت، بەکارهێنانی سەرکەوتنی یەکێک لە منداڵەکان بۆ سەرزەشتکردن یان کەمکردنەوەی بەها و پێگەی ئەوانی دیکە!

🔹 لایەنگریکردن لە بڕیارە خێزانییەکاندا:
هەندێک بڕیاردان بە شێوەیەکی ئەرێنی کاریگەری بکاتە سەر یەکێکیان بەبێ رەچاوکردنی کاریگەرییەکانی لە سەر ئەوانی تر، بەشداری پێنەکردنی هەموو منداڵەکان بە دادپەروەری لەو بریارانەی کە پەیوەستن بە خێزانەوە!

کارتۆنی نوێ😊
( دۆست و هاوەڵی پێغەمبەران)
ڕۆژانەلە ئافەرین کیدسەوە
کاتژمێر : 22:30

ئەنیمەیشنی دۆبلاژکراوی کوردی ( جۆرجی پەرۆش و مەیمونی شاهانەیی ) لە ئافەرین کیدسەوە 😍
📅 پێنجشەممە 07/11/2024
🕙 کاتژمێر: 09:00ی شەو
⏳دووبارە کردنەوەی/ هەینی 01:00ی پاش نیوەڕۆ

https://youtu.be/o31PvIx7VKw?si=XcpGWkIHA-znrSaW

ئەنیمەیشنی دۆبلاژکراوی کوردی ( سەگی جەمسەری باکوور ) لە ئافەرین کیدسەوە 😍
📅 پێنجشەممە 31/10/2024
🕙 کاتژمێر: 09:00ی شەو
⏳دووبارە کردنەوەی/ هەینی 01:00ی پاش نیوەڕۆ

چۆن منداڵەکەم فێربکەم کە نهێنیەکانی ماڵەوە بپارێزێت؟

@AfarinKidsTV

پیاوی بەڕێز، کاتێک هاوسەرەکەت گلەیی دەکات 👇

🔹 مەبەستی شەڕکردن نییە لەگەڵت، مەبەستی زۆرانبازی نییە، تا هەموو هەوڵێک بدەیت بیبەزێنیت، ئەو تەنیا دەردە دڵ دەکات..

🔸لەوانەیە قسەکانی لۆژیکی نەبن و پەیوەندییان بەیەکەوە نەبێت، چونکە تەنیا خەریکە خۆی خاڵی دەکاتەوە بەهۆی ئەوەی پشتگوێت خستووە...

🔹دەیەوێت بە قسەکردن سەرنجی تۆ بۆ خۆی ڕابکێشێت، هەوڵ مەدە لێی ببەیتەوە، چونکە ئەو کاتە ژیانت دۆڕاندووە..

🔸هاوسەرەکەت نەهاتووە رووبەڕووت ببێتەوە، بەڵکوو هاتووە تا هاوسۆزی ببیت و گوێ بۆ قسەکانی بگریت...

🔹مەهێڵە، قسە و دەردەدڵەکانی کەڵەکە ببێت و بگات بە شوێنێک کە چیتر لێت بێ ئومێد ببێت..

🚨 بیکەرە شاژنی ژیانت، تا خۆت ببیتە پاشا

تاگیان بکەن 😬

@AfarinKidsTV

چەند مراوی بەرەو ڕاستە و چەندیان بەرەو چەپە؟ 🦆
وەڵامی منداڵەکەت لە کۆمێنت دابنێ😁

🚨 هەندێک لە بنەما ناڕاستە پەروەردەییەکان، تا ئێستا زانیوتە؟🤔

❌ زۆرینەی دایکوباوکان وا دەزانن کە داوا لە منداڵەکانیان بکەن ئەوانیش بە گوێیان دەکەن، چونکە ئەوان دایک و باوکن.
✅ گوێڕایەڵی لە خۆشەویستی و گفتوگۆوە سەرچاوە دەگرێت، بۆیە پەروەردەی سەرکەوتووش هەوڵ بۆ گوێڕایەڵییەکی کوێرانە نادات.

❌ بەشێک لە دایکوباوکان پێیان وایە هەر بەوەی کە منداڵەکانیان دەخەنە نێو قوتابخانە بیانییە تایبەتی یان حکومییەکانەوە، ئەوا منداڵەکانیان نایاب و داهێنەر دەردەچن.
✅ قوتابخانە شوێنی فێربوونە نەک پەروەردە و ئەرکی پەروەردە دەکەوێتە ئەستۆی دایکوباوکان نەک قوتابخانەکان.

❌ کاتێک بڕیار لە سەر منداڵەکەت دەدەیت بەوەی کە ملە جیڕەت لەگەڵ دەکات و هەندێک جار ئەوە ئەنجام دەدات کە خۆی پێی ڕاستە، و ئەم سیفەتەشی بە نەرێنی دەبینیت.
✅ بەڵام نکۆڵی و کەلە ڕەقی دەکرێت سیفەتێکی ئەرێنی بێت لەلای منداڵان، چونکە کەلە ڕەقی نیشانەی ئەوەیە کە ئەو منداڵە خاوەن کەسایەتییەکی سەر کردەی یە.

❌ ڕەنگە پێت وا بێت کە زۆری دووریت لە ماڵ و منداڵەکانت کاریگەری ناکاتە سەریان،لە هزرتدا وات دانابێت کاتێک گەورە بوون بۆیان قەرەبوو دەکەیتەوە.
✅ هەر ڕۆژێک کە دەڕوات و لەگەڵ منداڵەکانتدا دانانیشیت تەنانەت بۆ کاتێکی زۆر کەمیش بێت، ئەوا تۆ ڕۆژێکت بۆ پەروەردەکردن لەکیس چووە.

❌ کۆنترۆڵکردنی منداڵەکەت لە ڕێی توندوتیژی و لێدان و حەبسکردنەوە باوەڕێکی تری هەڵەی پەروەردەی یە.
✅ بە خۆشەویستی و ڕاوێژ و ڕاستگۆی یەوە پەروەردەیان بکە لەبری بەکارهێنانی زەبر و زۆر و توندوتیژی. دواتر دەبینیت کە بە گوێت دەکەن.

❌ ئەگەر تۆ ڕەق و تۆقێنەر بیت لەگەڵ منداڵەکانت ئەوا متمانەت پێ دەکەن و لیت دەترسن، ئەمەش باوەڕێکی تەواو هەڵەیە و تووڕەیی بەردەوام کاریگەری نەرێنی خۆی هەیە.
✅ پەروەردەی دروست هاوسەنگییەکە لە نێوان توندی و نەرم و نیانیدا، وەک دەگوترێت "هێندە نەرم مەبە بەکار بهێنرێیت و هێندەش ڕەق مەبە بشکێیتەوە".

❌ ئەگەر پێت وا بێت کە مانەوەی منداڵ لەگەڵ دایەنەکەیدا هیچ کاریگەرییەکی نابێت لەسەری ئەمە باوەڕێکی هەڵەیە.
✅ ڕەفتاری دایەنەکەی هەڵدەگرێت چونکە بە درێژایی ڕۆژەکانی لەگەڵیدایە. بۆیە خزمەتکار پێویستە تەنیا بۆ ڕاپەڕاندنی ئەرکەکانی ماڵەوە بێت نەک کارە پەروەردەیی و مرۆڤایەتییەکان.

❌ پەیوەندییان لەگەڵ اللە دا باش و بەهێز دەبێت و پارێزگاری لە نوێژەکانیان دەکەن بەبێ ئەوەی پێشەنگێک لە پێشیانەوە ببینن.
✅ باش بزانە کە تۆ بە ڕەفتارەکانت پەروەردەی منداڵەکانت دەکەیت زیاتر نەوەک بە قسە و ئامۆژگارییەکانت.

@AfarinKidsTV

ئەنیمەیشنی دۆبلاژکراوی کوردی ( کــۆمبـــا ) لە ئافەرین کیدسەوە 😍
📅 پێنجشەممە 17/10/2024
🕙 کاتژمێر: 09:00ی شەو
⏳دووبارە کردنەوەی/ هەینی 01:00ی پاش نیوەڕۆ

" سڵاو ئەی خۆشەویستی خودا "

@AfarinKidsTV

چاوەڕوان بن 😍

ئەمشەو کاتژمێر 8:00 بە کاتی هەرێمی کوردستان، لە شاشەی کەناڵەکانی ئافەرین و باخچەی ئافەرینەوە، بینەری بەرهەمێکی نوێ و ناوازە و جیاواز دەبن، کە بە بەشداری نزیکەی 50 منداڵ کارێکی هونەری ئاست بەرزی بۆ کراوە.

سوپاس بۆ کۆمپانیای LG Khoshnaw کە سپۆنسەری بەرهەمە هونەرییەکەی لە ئەستۆ گرتووە.

🚨منداڵەکانم کەلەڕەقن لەبەر ئەوەی تووڕەم😡، چۆن چارەسەری بکەم؟

🔸گفتوگۆکردن لەگەڵ منداڵان:
دەرفەتێکیان بدەرێ بۆ ئەوەی هەست و سۆزیان دەر ببڕن. گوێیان لێ بگرە بێ ئەوەی قسەکانیان بپچڕێنیت.

🔹ئارامی و خۆڕاگری:
گۆڕانکاری کاتی دەوێت. ئارام بە و بەردەوام بە لە پێشکەشکردنی پشتیوانی و خۆشەویستی بە منداڵەکانت.

🔸دابینکردنی ژینگەیەکی ئارام و دڵنیا:
پشتیوانی و هاندان پێشکەش بە منداڵەکانت بکە و سۆز و خۆشەویستیی خۆتیان پێ ببەخشە.

🔹داوای لێبوردن کردن و دڵنیاکردنەوە:
دان بە هەڵەکانتدا بنێ و ڕاستگۆیانە داوای لێبوردنیان لێ بکە. دڵنیایان بکەرەوە ئەوەی کە ڕووی داوە هەڵە بووە و کار لە سەر ڕاستکردنەوەی دەکەیت.

🔸فێری تەکنیکەکانی مامەڵەکردن لەگەڵ تووڕەییدا ببە:
فێربوونی هەندێک تەکنیک هاوکارە لە کۆنترۆڵکردنی تووڕەیی و دڵەڕاوکێدا. بۆ نموونە هەناسەدانی قووڵ.

🔹گەڕان بە دوای کەسانی شارەزا و پسپۆڕدا:
ڕاوێژکاری تایبەتیی دەروونی دەکرێت زۆر بەسوود و یارمەتیدەر بێت. دەتوانێت هاوکاری منداڵەکان بکات لە مامەڵەکردن لەگەڵ هەستەکانیان.

🔸هاندان بۆ چالاکییە کۆمەڵایەتییەکان:
هانی منداڵەکانت بدە بەشداری لە چالاکییە کۆمەڵایەتی و وەرزشی و خۆشی بە خشەکاندا بکەن چونکە دەکرێت هاوکاریان بێت لە بنیاتنانی متمانەبەخۆبوون.

@AfarinKidsTV

ئەنیمەیشنی دۆبلاژکراوی کوردی ( گەشتی ڕیچارد - بەشی یەکەم ) لە ئافەرین کیدسەوە 😍
📅 پێنجشەممە 10/10/2024
🕙 کاتژمێر: 09:00ی شەو
⏳دووبارە کردنەوەی/ هەینی 01:00ی پاش نیوەڕۆ

@AfarinKidsTV

🔹 چۆن منداڵەکانم لە شاشەکان دووربخەمەوە؟

@AfarinKidsTV

🔹 دروستکردنی ژینگەی فێربوون لە نێو ماڵدا:
تایبەتکردنی بەشێکی ماڵ کە پەرتووکی هەمەچەشن، یاریی فێرکاری، و کەرەستەکانی نووسین و وێنەکێشانی تێدا بێت.

🔹 دەرخستنی خۆشەویستیت بۆ زانست:
لەبارەی ئەزموون و ئەوەی لە ژیانتدا فێر بوویت بۆیان بدوێ. دەکرێت لەگەڵیاندا پەرتووک بخوێنیتەوە. کاتێک تێبینی خۆشەویستیت بۆ زانست دەکەن، دەبێتە وزەیەکی ئەرێنی بۆیان.

🔹 هاندان بۆ پرسیارکردن و دۆزینەوە:
کاتێک منداڵ پرسیارێک دەکات، هانی بدە لەگەڵتدا بە شوێن وەڵامەکەیدا بگەڕێت. لەوانەیە وەڵامەکەی لە پەرتووک یان ئینتەرنێت بدۆزنەوە.

🔹 گەشتی زانستی و چالاکی دەرەکی:
هاوەڵی منداڵەکانت بکە لە ڕۆیشتن بەرەو مۆزەخانە و باخچەی ئاژەڵان و ناوەندە زانستییەکان. ئەم گەشتانە وا دەکات فێربوون ئەزموونێکی چێژبەخش و پڕ لە نهێنی و دۆزینەوە بێت بۆیان.

🔹 فێربوون لە ڕێی یاریکردنەوە:
یارییە فیکرییەکانی بۆ بەکار بهێنە، ئەم یارییانە هاوکاریان دەکەن لە گەشەسەندنی لێهاتووی یە هزرییەکانیان و فێربوونیان لەلا خۆشەویست دەکەن.

🔹 بەستنەوەی زانست بە ژیانی ڕۆژانەوە:
لە کاتی چێشت لێناندا، باسی شێوازی ڕوودانی کارلێکی کیمیاییان بۆ بکە کە چۆن پێکهاتەکان تێکەڵ دەبن یان ئاوی ڕووەکەکان دەدرێت.

🔹 هاندانی خوێندنەوە بە سیستەم:
ڕۆژانە کاتێک بۆ خوێندنەوە لەگەڵ منداڵەکانتدا تەرخان بکە، و بیکەرە خوویەکی خێزانی. بە چیرۆکێکی بە چێژ دەست پێ بکە کە پڕ بێت لە زانیاریی زانستی.

🔹 پێدانی ئازادی لە بازنەی هەڵبژاردەکاندا:
بهێڵە منداڵەکانت ئەوەی دەیانەوێت فێری ببن هەڵی ببژێرن. ئەگەر گرنگی بەم بوارە دەدەن، هانیان بدە زیاتر لەم بوارەدا قاڵ ببنەوە لە ڕێی پەرتووک و بەرنامە تەلەڤزیۆنی و یارییەکانەوە.

@AfarinKidsTV

چۆن منداڵەکانم لەسەر خۆشویستنی فێربوون و زانست پەروەردە بکەم؟ 👇

https://www.youtube.com/watch?v=QH0VIzvVbfQ

🔶 چۆن وا لە منداڵەکانمان بکەین ئارەزووی گەڕانەوە بۆ قوتابخانە بکات؟

@AfarinKidsTV

🔶 چۆن منداڵ باش پەروەردە بکەم کە حەزیان بە خێر و چاکە بێت؟

🔹پێشەنگی چاک :
منداڵان لە ڕێی چاودێریکردنی هەڵسوکەوتی دایکوباوکیانەوە فێر دەبن. ببەرە پێشەنگ بۆیان لە قسەی ڕاست و مامەڵەکردنێکی جوان لەگەڵ کە سانی تر.

🔹چاندنی بەها لە ڕێی چیرۆکەکانەوە :
چیرۆکی پێغەمبەرانیان بۆ بگێڕەرەوە یان ئەو چیرۆکانەی چاکە کاری لە خۆ دەگرن دواتر لەگەڵیاندا وتووێژ بکە لەبارەی ئەوەی لەم چیرۆکانەوە تێگەیشتوون.

🔹هاندان بۆ بەشداریکردن و هاوکاربوون :
منداڵەکانت لەو چالاکییانەدا بەشداری پێ بکە کە هاوکاری و خۆشویستنی چاکەیان لەلا خۆشەویست دەکات بۆ نموونە هاوکاریکردنت لە ئامادەکردنی خواردن و پێشکەشکردنی بە دراوسێکان.

🔹فێرکردنی واتای بەخشندەیی :
یاری یاخود جلوبەرگ بدە بە منداڵەکانت تاوەکوو بیدەن بەو منداڵانەی پێویستییانە.

🔹جەختکردنەوە لە گرنگی سوپاس و پێزانین :
منداڵەکانت فێری وشەی "سوپاس" بکە لە هەموو کاتێکدا کە شتێکیان دەست دەکەوێت یان کەسێک هاوکارییان دەکات.

🔹پێزانینی هەڵسوکەوتە باشەکان :
کاتێک منداڵەکانت ڕەفتارێکی جوان ئەنجام دەدەن یاخود لەگەڵ کە سانی تردا باش دەبن پێیدا هەڵبدە و سوپاسیان بکە لە سەر ئەو کارەی.

🔹فێرکردنی نوێژ و نزا :
منداڵەکانت لە نوێژە ئاسانەکاندا بەشداری پێ بکە وەکوو نوێژی ویتری پێش خەوتنان یان فێری نزا کورتەکانیان بکە.

🔹یارییە پەروەردەییەکان :
یارییەکان وەکوو ئامرازێکی پەروەردە بەکار بهێنە. یاریی ڕۆڵ بینین وەکوو "پزیشک و نەخۆش" یارمەتییان دەدات لە فێرکردنی گرنگیدان بە کەسانی تر.

@AfarinKidsTV

ئەنیمەیشنی دۆبلاژکراوی کوردی ( فڕۆکەکان ) لە ئافەرین کیدسەوە 😍
📅 پێنجشەممە 03/10/2024
🕙 کاتژمێر: 09:00ی شەو
⏳دووبارە کردنەوەی/ هەینی 1:00ی پاش نیوەڕۆ

🔴 چۆن ئەم منداڵە تووشی نەخۆشی هەوکردنی ڤایرۆسی بووە؟ 👆

🔶 چی بکەم کاتێک لە منداڵەکەم تووڕە دەبم؟

هەندێک کار هەن ئەنجامیان بدەیت تووڕەییت کەم دەکەنەوە و خۆت کۆنتڕۆڵ دەکەیت هەوڵ بدە ئەنجامیان بدەیت👇

🔷 شێوازی وەستان و جوڵەت بگۆڕە، کاتێک تووڕە بوویت و بە پێوە بوویت دابنیشە و ئەگەر دابنیشتبوویت هەستەوە سەرپێ.

🔷 پەنا بە خوای گەورە بگرە، ئەم ڕێگایە زۆر بەسوودە بۆت و لەو کاتەدا بڵێ پەنا دەگرم بە خوای گەورە لە شەیتانی نەفرەتلێکراو.

🔷 دەستنوێژ بگرە یان دەموچاوت بشۆ وە ئەو فەرمایشتەی سەروەریشمانت لەیاد نەچێت کە دەفەرموێت " تووڕەبوون لە شەیتانەوەیە و شەیتانیش لە ئاگر دروست بووە و ئاگریش بە ئاو دەکووژێتەوە بۆیە کاتێک هەر یەکێکتان تووڕە بوو با دەستنوێژ بگرێت ".

🔷 بێدەنگ بە ئەم ڕێگایە نەک تەنها لەگەڵ منداڵەکانتدا بەڵکو لەگەڵ هاوسەرەکەشتدا بەسوودە. پێغەمبەرمان محمد دروودی خوای لەسەر بێت دەفەرموێت " ئەگەر یەکێک لە ئێوە تووڕە بوو با بێدەنگ بێت "

🔷 کۆتا شت، هەناسەیەکی قووڵ هەڵمژە و بڵێ لا حول و ال قوة الا بالله یان استغفرالله و ئەمانەش ئاسوودەییت پێ دەبەخشن و بارودۆخت دەگۆڕن و باری دەروونیت باشتر دەبێت. هەمیشە لەیادت بێت نزای هیدایەت و ئاسوودەیی بۆ منداڵەکانت بکەیت و دۆعای باشیان بۆ بکەیت و ئەم نزا وپاڕانەوانەشت دەگەنە لای خوای گەورە و وەڵامت دەداتەوە و گیرا دەبن.

@AfarinKidsTV