Abdurahim Ahmed

የመጅሊሱ ፕሬዝዳንት ጋር በፋጢማ ቢንት ሙባረክ ተማሪዎች ጉዳይ ደውለን አነጋግረናል ሃሩን ሚዲያ
https://youtu.be/lzUZiBtyQ7I

የደረሰኝ መልእክት እንቅልፍ የሚነሳ እና የሚረብሽ ነበር። አቅመ ደካማ የሆኑ አይነ ስውራን፦

''በይፋ ሶላት ተከልክለናል፤ መስገድ አልቻልንም። እየተደብቅን ነው ለመስገድ የምንሞክረው። መጅሊሱም በዚህ ጉዳይ ላይ መፍትሄ እንድናገኝ አላደረገም። ጓደኞቻችንም ትምህርት ቤቱን ትተው ወጥተዋል። እኛም ከዛሬ ነገ ይስተካከላል በሚል በትግል በለቅሶ ነው ያለነው። እስካሁን መፍትሄ አላገኝንም። በአዳሪ ት/ቤት እየተማርን ሶላት ተከልክለን ዝም በማለታችሁ ነገ አላህ ፊት እንጠይቃችኋለን'' የሚል ነበር፣ መልዕክቱ በለቅሶ የታጀበና እንቅልፍ የሚነሳ ነበር።

ይህ መልዕክት ከደረሰኝ ጊዜ ጀምሮ ተከታታይ ፕሮግራሞችን ከባልደረቦቼ ጋር እያደርስናችሁ ነው። ነገር ግን በሚያሳዝን መልኩ የነሱን አጀንዳ ጉዳዩ አድርጎ የሚንቀሳቀስ ቀርቶ መረጃውን እንኳን በማዳረስ የሚያግዝ የለም። ያለንበት ተጨባጭ እጅግ የሚያስደንግጥ ነው።
ማየት የተሳናቸው ወገኖቻችንን ጉዳይ ችላ በማለታችን እንደ ዑማ ያለንበትን ቁልቁለት ቁልጭ አድርጎም የሚያሳይ ነው።

በፋጢማ ቢንት ሙባረክ ወይም በቀየሩት ስሙ በብርሃን የአይነ-ስውራን ት/ቤት የሚማሩ ሙስሊሞች በሶላታቸው ተፈትነው ፈትነውናል። ተመዝነንም ቀለናል። ለማንኛውም ነገ አላህ ፊት የምንጠየቀው እንደ ግል ነውና በአቅማችን ልክ ቅንጣት ወደኃላ ሳንል ወደፊት ጉዟችን እንቀጥላለን! በጌታችን ፍቃድ በዳዮችንም እንቅልፍ እንነሳለን! ያለንበት ሁኔታ ግን እጅግ ያሳዝናል። ለዚህ ቁልቁለት እንዴት ነበር የፈጠንነው..?!

45 የበደል ቀናት
"..የሌሎችም እጣፈንታ ይህ ከመሆኑ በፊት ድረሱላቸው.."
ተማሪ ጀማል በፋጢማ ቢንት ሙባረክ የአይነ ስውራን ት/ቤት ለመማር ሲመጣ ትልቅ ስንቅን አንግቦ ነበር። የአይነ ስውራን ት/ቤት እምብዛም በሌለበት የሀገራችን ሁኔታ ውስጥ መሠል ት/ቤት ማግኘት ከእድልም በላይ ነበር።
ህልሙ ሁሉ እንደተጨናገፈ ለመረዳት ግን 45 የመከራ ቀናት በቂ ነበሩ። ከሶላት ክልከላ እስከ ሀይማኖት ጫና ድረስ ቢደራረብበት ት/ቤቱን ለቆ ለመውጣት ተገደደ። በት/ቤቱ ውስጥ ያሳለፋቸውን የሰቆቃ ቀናት በዚህ ፕሮግራም ውስጥ ዘርዝሮ ተናግሯቸዋል። ከጋዜጠኛ አብዱረሒም አህመድ ጋር ያደረጉትን ይህንን ቆይታ ዛሬ ምሽት 3:00 ጀምሮ ወደ እናንተ የምናደርስ ይሆናል።
ይጠብቁን...

''ሱረቱል አበሰ'' የቁርኣን ምእራፍ የወረደው አይነ-ስውር በሆነው አብደላ ኢብን ኡሙ መኽቱም ምክኒያት ነው። ዛሬ ማየት የተሳናቸው ወገኖቻችን መሃል ከተማ ላይ በአዳሪ ት/ቤት ሶላት እንዳይሰግዱ ሲከለከሉ ለነሱ ያሳየነው ቸልተኝነት ለኛ ማስተማሪያ ነው።
ረሱል ሶለሏሁ አለይሂ ወሰለም የቁረይሽ መሪዎች ሒዳያ ቢያገኙ ለዲኑ ይጠቅማል ብለው አስበው አይነ-ስውር የሆነው አብደላ ኢብን መኽቱምን ችላ ብለዋል ተብለው የተገሰጹበት ምዕራፍ ነው።

እስኪ አንቀጹን ተመልከቱት፧

ሱረቱ ዐበሰ

عَبَسَ وَتَوَلَّىٰٓ
ፊቱን አጨፈገገ፤ ዞረም፡፡
أَن جَآءَهُ ٱلۡأَعۡمَىٰ
ዕውሩ ስለ መጣው፡፡
وَمَا يُدۡرِيكَ لَعَلَّهُۥ يَزَّكَّىٰٓ
ምን ያሳውቅሃል? (ከኀጢአቶቹ) ሊጥራራ ይከጀላል፡

أَوۡ يَذَّكَّرُ فَتَنفَعَهُ ٱلذِّكۡرَىٰٓ
ወይም ሊገሠጽ ግሠጼይቱም ልትጠቅመው (ይከጀላል)፡

أَمَّا مَنِ ٱسۡتَغۡنَىٰ
የተብቃቃው ሰውማ፤
فَأَنتَ لَهُۥ تَصَدَّىٰ
አንተ ለእርሱ (ለእምነቱ በመጓጓት) በፈገግታ ትቀበለዋለህ፡፡
وَمَا عَلَيۡكَ أَلَّا يَزَّكَّىٰ
ባይጥራራ (ባያምን) ባንተ ላይ ምንም የሌለብህ ስትኾን፡

"..መዝሙር እንዲዘምሩ ጭምር ጫና እየተደረገባቸው ነው.."በሸይኻ ፋጡማ የአይነ ስውራን ት/ቤት ውስጥ ማቆሚያ ያጣው ሰቆቃ ልዩ ዝግጅት ||Harun Media|
https://youtu.be/NYpc5R0IXKA

ይህ ልብ የሚነካ መልእክት ደረሰኝ ! ይህን ወንድማችንን አውቀዋለሁ ካሁን ቀደም ኡስታዝ በድሩ ሁሴንም ቪዲዮ ሰርቶለታል :: የህክምና ብሩ አልሞላለትም :: የቻልነውን እንተባበረው
------
As. Wr.wb
ሰላም ወንድሜ? መቼም በጣም እንዳስቸገርኩህ አውቃለሁ ፣ከብዙ ሰዎች ጋር የመገናኘት እድሉ ስላለህ ባገኘኸው አጋጣሚ የኩላሊት ንቅለ ተከላ እንዳደርግ ሚረዳኝ ግለሰብ / ድርጅት ብትጠይቅልኝ ብዬ ነበር
ይህ እንኳን ባይሳካ ትንሽ ሚረዳኝ ሰው ባገኝ
አቅሜም ተዳከመ ደያላይሲስ ላይ ያለ ሰው ብዙ ፕሮቲን ሉዝ ስለሚያደርግ በምግብ መተካት አለበት አለበለዚያ መቋቋም አይችልም፣አሁን ላይከአላህ በቀር ማንም ሚረዳኝ አጣው ባልናግርህ ደስ ይለኝ ነበር ግን አቅም በላይ ሆነብኝ
ለብዙ ሰው መድረስ የምችለው ሰው ዛሬ ላይ ለራሴ ሆድ ራሱ መድረስ አቃተኝ

እኛ ማናውቀው ትልቁ ነገር ጤናችን ነበር ለካ
አላኩሊሃል አልሃምዱሊላህ ...

ማግኘት ለሚፈልገኝ
ስልክ ቁጥር: +251-911791452

ለመርዳት: ስም ‐ ተማም ጀማል አህመድ
የኢትዮጵያ ንግድ ባንክ: 1000040276053

ኦሮሚያ ህብረት ባንክ (COOP): 1000036464837

አቢሲኒያ ባንክ: 89064503

ሙሀሰባ ያስፈልገናል !

ራሳችንን፣ ውሏችንን፣ ስብስባችንን፣ አካሄዳችንን ብዙ ነገር ቆም ብለን መፈተሽ ያስፈልገናል። ቆም ብሎ ሹራ ማድረግ አላህን እንፍራ መባባል ያስፈልገናል። ከየት ነበር የተነሳነው? የት ላይ ነው ያለነው? ምን ላይ ነው የቆምነው? ብሎ መጠያየቅ ግድ ይለናል።

አላህ ያዘነለት ሰው ሲቀር ዛሬ ኢስላማዊ እንቅስቃሴዎቻችን፣ የእለት ከእለት ውሎዎቻችን ሳይቀር እሴትን፣ ቂየምን መሰረት ያደረጉ ሳይሆን "እከከኝ ልከክልህ" የሆነ የማስመሰል ራስን የመደለል እየሆነ መጣ ወይ?በሚል ያስፈራኛል። ቁጭ ብለን በር ዘግተን፣ ወይም ዘመኑ በፈጠረልን ቴክኖሎጂ ከልብ በሆነ መንገድ ሹራ ካደርግን ከተወያየን ምን ያህል ጊዜ ሆነን? እስኪ ቆም ብለን ራሳችንን እንፈትሽ።

ከልባቸው ያለምንም ዱንያዊ ፍላጎት ትልልቅ ሃሳቦችን፣ ህልሞችን የያዙ ወንድሞች አጋዥ በማጣታቸው ሲሰበሩ በደንብ አይቻለሁ። አብረን ስንውል አደባባይ ላይ ስንታይ አንድ ላይ መስለን የተለያየን ራሳችንንም ጭምር ያታለልን ብዙ ታዝቢያለሁ። የጀመዓ፣ የቡድን ግንኙነታችን በጥቅም (በገንዘብ፣ በጭብጨባ፣ በእጀባ፣ በምን ይሉኛል በሌሎችም የተሳሰረ ሁኗል።

ከመካከለኛው፣ ከታችኛው ያለው መሰረቱ በፍጹም ተዘንግቷል፣ ተረስቷል። በመርሃችን በቂየማችን ምትክ በሌሎች ፍላጎቶች ተተክቷል። አማና ከላይም ከታችም ጠፍቷል፤ ተቅዋችን ላልቷል። መረጋጋት የሌለበት የግርግር ሃያት ሁኗል።

ይህ ጉዳይ እንደ ኡማ ትልቅ ዋጋ ሳያስከፍለን በፊት ራሳችንን ቆም ብለን ሙሀሰባ እናድርግ እላለሁ!

አላህ ሁላችንንም ቅኑን መንገድ ይምራን !

የኢትዮጵያ ሙስሊም ወጣቶች ካውንስል በመጅሊስ ተቋቋመ ከካውንስሉ ምን ይጠበቃል ? ልዩ ዝግጅት
https://youtu.be/5-cbqCIqehM

«ሒክማ በድሩ እባላለሁ።  ከአዲስ አበባ ዩኒቨርሲቲ በህግ የመጀመሪያ ዲግሪ አግኝቻለሁ፡፡ ለመመረቅያ ጽሑፍ ያቀረብኩትን የህፃናትን መብት ከአለማዊ እና  ሸሪዓዊ  ሕግ  ጋር  ያለውን ምልከታ በመጻፍ መልክ ለአንባቢ በሚመች አቀራረብ  ለህትመት ማብቃቴ ይታወሳል። በህግ ሙያ ስራ ላይ ያገኘሁትን ልምድ  በማጠናቀር መጽሐፉ በዋናነት ሕጻናት ላይ ትኩረት ቢያደርግም ሴቶችን እና ወላጆችን የሚመለከቱ ጉዳዮችም በስፋት ተዳሰዋል።

ይህ  መጽሐፍ  የመጀመሪያ እትሙ ሙሉ ለሙሉ ያለቀ ሲሆን አሁን ላይ  በ PDF መልክ  ቢሆን እንኳ አዘጋጂልን በማለት ተደጋጋሚ ጥያቄ  በቀረበልኝ መሰረት ውብ በሆነ መንገድ እነሆ አዘጋጅቼዋለሁ።                           👉ከገቢው 25% የሚሆነው ወላጆቻቸውን በሞት ላጡ ህጻናት እና ጧሪ ቀባሪ ለሌላቸው አረጋዊያን የሚውል ነው። ጠቃሚ እውቀትን በመገብየት የመልካም ሥራ ተካፋይ እንድትሆኑ ተጋብዛችኋል::                                    
ይህን  ጠቃሚ የሆነ  እውቀት የያዘና ብዙ የተለፋበትን  መጽሐፍ ለማንበብ የወደዳችሁ 200 ብር  ከታች በተቀመጡት አካውንቶች በአንዱ ካስገቡ እና ደረሰኙን  ከላኩ መጽሐፉ ወዲያውኑ ይደርስዎታል። 
👇
ንግድ ባንክ    
1000483919984
ዘምዘም ባንክ
0002197320101
ሂጅራ ባንክ
1000631650001   
አቢሲኒያ ባንክ
47138418

https://t.me/hikmetbedru14

@hikbedr or @hikmetulahbedredin በሚል የቴሌ ግራም አካውንት  ወይንም በስልክ ቁጥር (0985430115/0913485309) ልታገኙኝ ትችላላችሁ።                     

https://www.tiktok.com/t/ZTFwoL4Wy/

https://www.tiktok.com/t/ZTFvw4JMP/

የዛሬ ሁለት አመት አንድ ሙስሊም ባለሀብት በሊሙዚን በባንድ ታጅቦ ሞቅ አድርጎ ላይቭ እያስተላለፈ ልደቱን አከበረ ::

ከ11 ሰአት ጀምረን እስከ ሌሊቱ አስራ አንድ ሰዓት አብረን ሌሊቱን እናነጋዋለንም አለ :: በቀጣይ ቀናትም የትውልድ ከተማው ልደት አክባሪዎችን በአውሮፕላን ወጪያቸውን ሸፍኖ ወስዶ አከበረ :: ልደቱ ላይቭ በሚተላለፍበት ቀን በርካታ ጭፍጨፋ የደረሰበት አካባቢ ሰው በሀዘን የተዋጠበት ነበር ::

ይህ ባለሀብት በቀደም መታሰሩን እና መከሰሱን ሰማሁ ! የርሱ ቤተሰቦች ለርሱ ቅርብ የሆኑ ባለስልጣኖችን ለማናገር ቢሞክሩም ስልክ እንደማያነሱላቸው ገልፀዋል ::

የዱንያ ነገር እንዲህ ነው :: አንድ ቀን ይሞላል አንድ ቀን ይጎድላል !!

ወንድማችን ለልጆቹ ለቤተሰቦቹ ሲል ከእስር እንዲፈታ እስሩንም መማሪያ እንዲያደርግለት ዱዓየ ነው ::

ባለህ ሰአት በልደት ጭምር የሚያጫፍር ሞልቷል ስትታሰር ለቤትሰብህ እንኳን ስልክ የሚመልስ ባለስልጣን የለምና በአማኑ ወቅት የተሰጠንን ኒእማ እያመሰግን በቻልነው በመልካም እናሳልፍ ለማለት ነው ::

ይድረስ ለሙስሊሙ ኡማ መልእክቴ
ራሳችንን እንፈትሽ

https://www.facebook.com/share/v/FXYKTVSQfLRJmv6T/?mibextid=CTbP7E

ሙስሊሙ የመንግስት ሰራተኛ
"ከጥያቄውም ከመልሱም ባሻገር" በሚል ወንድሜ Mohammed Abate ለኒቃብም ሆነ ለሂጃብ እንደ ሀገር መብታችንን ለማስከበር በቢሮክራሲው ውስጥ ያለንን ተሳትፎ ማሳደግ መሆኑን ገልጾ ትክክለኛውን መፍትሄ አስቀምጧል። እኔ ደግሞ ይህን ልጨምርበት፦
ዛሬ ላይ በቢሮክራሲው ውስጥ እያለፉ ያሉ በርካታ ወንድም እና እህቶቻችን ያለባቸውን የኑሮ ጫና ተቋቁመው እንዲቀጥሉ ምን እያገዝናቸው ነው? በርካቶች የኑሮ ሸክምን መቋቋም አቅቷቸው ትተው ሲወጡ፣ የተወሰኑት ደግሞ ኑሯቸውን ለማሸነፍ ሲሉ የማይሆን ተግባር ላይ መውደቅ የመጨረሻ አማራጫቸው ይሆናል። እንደ ሀገር እነዚህ ወገኖቻችን ፍትህን በማስፈን መብታችንን በማስጠበቅ ለሀገርም ጭምር ሚዛን የሚሆኑ ስለሆኑ እጅግ ያስፈልጋሉ።
ነገር ግን በቢሮክራሲው ውስጥ ያሉትንም ቢሆን የምንፈልጋቸው የግል ጥቅማችንን ለማስከበር እንጅ የጋራ መብታችንን ለማስጠበቅ ሀገርንንም እንዲጠቅሙ በማድረግ በኩል ከጎናቸው ስንቆም አንታይም። ዘወር ብለንም አናያቸውም። በዚህ ሁኔታ ውስጥ እንደ ሀገር የምንፈጥረውን ባላንስ ማሳካት አዳጋች ነው።
ሙስሊሙ በተለምዶም ቢሆን ተምሮ ወደ ንግድ ይቀናዋል እንጅ ቢሮክራሲው ውስጥ ማለፍን አይፈልግም። በዚህ ሁሉ ተቃርኖ መሀል ወደ ቢሮክራሲው የተጠጉና በርካታ ፈተናዎችን እያለፉ የሚገኙ ወንድምና እህቶቻችንን ግን "አይዟችሁ" ማለት ያስፈልጋል። በተለይ በዚህ የኑሮ ሁኔታው ለመንግስት ሰራተኛ ፈታኝ በሆነበት ዘመን መደጋገፉ ከምንም በላን ቅድሚያ ሊሰጠው የሚገባ ጉዳይ ነው።

ሰሞኑን ከሀገር ቤት የመጡ ታላላቅ እንግዶች ስለነበሩብን እጅግ በጣም ቢዚ ሁነን የከርምንበት ወቅት ነው ። ተከታታይ ዝግጅቶች የርቀትም የቅርብም ቆይታዎች ነበሩ ። በነዚህ ጊዚያት ለየት ባለ መልኩ ብዙ ነገሮች የተረዳሁበት፣ያስተዋልኩበት ፣የገመገምኩበት ጊዜ ነበር ማለት ይቻላል ። ተሳስቼ ሊሆን ይችላል የሆነ ትልቅ ተሃድሶ ግን ያስፈልገናል ።
በተለይ እንደ ኢትዮጵያዊያን ሙስሊም የጋራ አጀንዳችን ምንድን ነው ? ምንድንስ ነው የምንፈልገው ? ከላይ እስከ ታች ያለንበት ተክለ ቁመና ምን ይመስላል ? የዲን የዱንያ ሃላችን ምን ይመስላል ? የሚለውን በትልቁ መመርመር መፈተሽ ይገባናል ብየ አምናለሁ !
መብደእ፣ቂየም የሚባሉ ነገሮች ላይ ትላንት እና ዛሬ ላይ የት ነው ያለነው ? ራሳችንን ቆም ብለን መፈተሽ ፣ማስስተካከል ያለብን ይመስለኛል ። ብዙ ተስፋ የሚያስቆርጡ ፣ብዙ ተስፋ የሚሰጡ ነገሮችም አሉ ።
ብቻ አላህ ያስተካክለናል ። አማናችንን የምንወጣ አላህ ያድርገን !

የኢ/እስ/ጉ/ጠ/ም/ቤት ነው ዋና ጸሀፊ ሸይኽ ሀሚድ ሙሳ እና የኢ/እስ/ጉ/ጠ/ም/ቤት ፕሬዝዳንት ጽ/ቤት ኃላፊ ኡስታዝ አቡበክር አህመድ የዋሽንግተን ዲሲ ስቱዲዮን ጎበኙ

- ኡስታዝ አቡበክር አህመድና ኡስታዝ ሰይፈል ኢስላም የሀሩን ሚዲያ የክብር አምባሳደር ተደርገው ተሰየሙ

ለሃሩን ሚዲያ ቦርድ አባላት እና ተባባሪዎች የምስጋና ሰርተፊኬት ተበርክቷል

ሀሩን ሚዲያ፥ ጥቅምት 5/2017

የኢ/እስ/ጉ/ጠ/ም/ቤት ነው ዋና ጸሀፊ ሸይኽ ሀሚድ ሙሳ እና የኢ/እስ/ጉ/ጠ/ም/ቤት ፕሬዝዳንት ጽ/ቤት ኃላፊ ኡስታዝ አቡበክር አህመድ የዋሽንግተን ዲሲ ስቱዲዮን ጎበኝተዋል። አመራሮቹ በስቱዲዮው የቁርስ ግብዣ የተደረገላቸው ሲሆን ከሚዲያው የቦርድ አመራሮችም ጋር ውይይት አድርገዋል። የሀሩን ሚዲያ የቦርድ አባል አቶ ከድር ሀሰን የሚዲያውን ስራዎች በተመለከተ ማብራሪያ አቅርበዋል።

ሀሩን ሚዲያ እየሰራቸው ያሉ ስራዎቹንና አጠቃላይ ጉዞውን አስመልክቶ በሚዲያው የስራ አስፈጻሚ አማካኝነት በፓወር ፖይንት የተደገፈ ገለጻ ተደርጎላቸዋል። በተጨማሪም የሚዲያው የ5 አመት ስትራቴጂክ እቅድና ሜጋ ፕሮጀክት በተመለከተ በሰፊው ተብራርቶላቸዋል።

ሚዲያው የሚሰራቸውን የመረጃ እና የዳዕዋ ስራዎች መጅሊሱ እንደሚደግፍ አመራሮቹ የገለጹ ሲሆን ስራው የአማና ስራ በመሆኑ ሚዲያው ሚዛናዊነቱን ጠብቆ እንዲቀጥል አደራቸውን አስተላልፈዋል።

ሚዲያው የሰራቸውን ስራዎችና ጥረቶች ያደነቁት ኡስታዝ አቡበክር አህመድ፣ ስራዎች ተጠናክረው እንዲቀጥሉ መልዕክታቸውን አስተላለልፈዋል። ኡስታዝ ሰይፈል ኢስላምም በተመሳሳይ የሚዲያውን ስራዎች ተጠናክረው እንዲቀጥሉ አስተያየቱን ሰጥቷል።

ኡስታዝ አቡበክር አህመድና ኡስታዝ ሰይፈል ኢስላም የሀሩን ሚዲያ የክብር አምባሳደር ተደርገው የተሰየሙ ሲሆን ለሙስሊሙ ኡማ ላበረከቱት አስተዋጽኦም በሚዲያው በኩል "ጀዛከላህ" የምስጋና ሰርተፍኬት ተበርክቶላቸዋል። የምስጋና ሰርተፍኬቱ በተጨማሪም ለሸይኽ ሀሚድ ሙሳና ለኡስታዝ ሱፍያን ተበርክቷል። የፈርስት ሂጅራ ኢማም የሆኑት ኡስታዝ ሙሀመድ ደጉ የፕሮግራሙ ተሳታፊ ሁነዋል ።

የሀሩን ሚዲያ የቦርድ አባላትም ሚዲያውን በመምራት በኩል ላደረጉት ትልቅ አስተዋጽኦ የምስጋና ሽልማት ተበርክቶላቸዋል። በተጨማሪም ሚዲያውን ከጎን በመሆን ከፍተኛ አስተዋጽኦ ሲያበረክት ለነበረው ለወንድም አስራርም እና ለበድር ጉባዔ የሃሩን ሚዲያ አምባሳደር ለነበረችው ወ/ሮ አኢሻ ባየ የምስጋና ሽልማት ተበርክቶላቸዋል።

© ሀሩን ሚዲያ

https://www.tiktok.com/@abdurahimahmed99/video/7423081759564188970?is_from_webapp=1&sender_device=pc&web_id=7361150655119099438

የቤልጂየምን ጎዳና በቁርዓን ያደመቀው ወጣት አገኝነው||HarunMedia||
https://youtu.be/W07MVSgd9rk