الشاعر عباس القلعاوي

#مصيبة_مولاي_موسى_الكاظم_ع
#ومصيبة_مولاتي_زينب_ع
#يتحدث_قائلاً

مگيد بالسجن والسم حدر جبدي
مصيبتنه چبيره بگد جرح جدي
وزينب اه يزينب محد وياها
ريت وي الغريبه اتسلبو ولدي

من الغربه من الغربه
من الغربه زينب تطلع تطب غربه
من الغربه من الغربه
بين الهوادج ضاعت شكد صعبه
من الغربه من الغربه
بكل عثره اخوها هواي تشلع گلبه

الله اكبر . انطگت ومامش جفيل يعينهه
الله اكبر . عمت الساده السطر عد عينهه
الله اكبر . مصيبتي اهون من مصاب سنينهه

……………………………………..
غربة زينب اكبر من مصيبتهه
النار البالخيم حرگت عبايتهه
لا محترگ ثوبي ولا چوتني النار
بس ام عون نار الغربه چوتهه

كل ركضه كل ركضه
كل ركضه توكع ماكو چف يعينهه
كل ركضه كل ركضه
ينطگ حسين اگبال نظرت عينهه
كل ركضه كل ركضه
المفروض ماتعثر الترفه ايدينهه

الله اكبر . حرم والهيمه جبيره اعليها
الله اكبر . مدلله ومامش اخو اليرويها
الله اكبر . مره اجبيره الموت يم رجليها

……………………………………..
اليگيدونه بحبل ينشد عليه حبله
الذهب مايرخص شما نزلوه يغله
زينب من تطيح ترد رمح توكف
الغصن من ينكسر يرجع بعد احله

مكسوره مكسوره
مكسوره زينب من فگد خوّانهه
مكسوره مكسوره
مو من عدو من حسين كل احزانهه
مكسوره مكسوره
تراب العبايه توارد وي الوانهه

الله اكبر . فاگده والكسرة بين عيونهه
الله اكبر . تغيرت زينب وضايع لونهه
الله اكبر . تبچي من واحد يكلهه شلونهه

……………………………………..
الهضمه البيه تاخذني الهضم زينب
المفروض الجبيره براحه مو تتعب
الزنزانه خذتني بنظره من الشام
هم مسجونه عمتي بغربه تتعذب

مهضومه مهضومه
مهضومه والحداي مابيه رحمه
مهضومه مهضومه
تعثر ام عون وماتطّلع الكلمه
مهضومه مهضومه
وادم شماته وماتعرف الزحمه

الله اكبر . الله يعينج زينب اعله مصابچ
الله اكبر . موتچ من اخوانچ من احبابچ
الله اكبر . اعتاب اخوچ الكاتلچ وعتابچ

……………………………………..
عباس القلعاوي

#وما_خفي_كان_اعظم

دولبني وكتي بديرة غرابه
مگعادي بيتي مو بالخربه
هاي انه زينب بنت النجابه
ويلااه

كل مره اطيح ويلحكني جفه
حسين بدمعتي هلمره احلفه
يلحكني اريده لا ضعني يكفه
ويلااه

ماضلي . اخو ولا ضلي تالي سند
ماضلي . ابو ولا من امي ولا من احد
ماضلي . فرح بس حزني اعليه اشد

…………………………………….
عطشان اخيي ياعميه عيني
لميته حد ما خلصّت اديني
متعنيه زينب ماتعتنيني
اخووي

المات اعله اخيه يموت ابهضمته
والتهضم اكثر عل هزله اخته
كبالي الحوافر تاخذ جبدته
اخووي

دليني . درب مابيه ناس امشي اله
دليني . طريق يودي موش الكربله
دليني . شسوي الحيره وياي العايله

…………………………………….
فاتحتك شما صارت خساره
اه يادليلي الماتطفه ناره
يحسين اخيتك بين الاساره
واطيّح

جابولي ماي وكالولي اشربي
جا يمته يفتك حزنك يگلبي
بين الشماته گضيته دربي
واطيّح

ياحزني . الوجع للحرمه الما متدلله
ياحزني . بعد فك مني اخواني وبالفله
ياحزني . ضگت ضيم الشام وكربله

…………………………………….
مشرومه اذنها وتون خطيه
ونت لحد ما ماتت رقيه
زغيره ويكولون الهه السبيه
حرام

ماتقبل من يصيحولي بسمي
هاي الغريبه كالوها يمي
ماهمني كلشي بس انته همي
حرام

متعوبه . وتحشم زينب فزعه ياهلي
متعوبه . ولا واحد من اخواني ضل الي
متعوبه . الاصعب من كالو هاي بت علي

…………………………………….
عباس القلعاوي

#مشكاة_مولاتي_زينب_ع
#عما_جرى_من_مصائبها

زينب انه . بضلمه ماينشاف ضلي
شلون بيه وامشي وي جتالت اهلي
جلبت بالناگه حد ماطاحت ايدي
الهضمه يضحك فوك ماذابح عضيدي

مايراد طاري الشام ما ادري شوكت ارتااح
رافگني الحبل والسوط ونار الخيمه والذباح

مهضومه . زينب ومالومه
خذو حتى هدومه
حسين بين الحافر وينازع . جتيل
يايمه . شام الاسود ضلمه
خله زينب هضمه
وتنشد اعله اخوانها ومامن خبر . دخيل

…………………………………
الغربه هضمه . بيا وكت زينب غريبه
شرد اسولف ياعذاب ويا مصيبه
المصيبه من تلكونه الشماته
حسين ميت حيل طكوهن بناته

تحملت الحجي البشام بس اذاني ماي الحار
واليسأل عـذابج ويـن اگله النـار ااااخ النـار

مچويه . بيا وكت مچويه
تنسبي العلويه
رعب خوف ودمعه بنص ضلمه . وعويل
مابيه . للحزن مابيه
الشام كله اعليه
مشاكف اعل ايتامي وماضل بيه . حيل

…………………………………
اه يروحي . ستثگلوچ بوكت موتچ
كلها بالتشييع صاحت وين اخوتچ
الچلمه تهظم وانه مابياش هظمه
والحزن ملتم عليه بليله ضلمه

طلعت روحي بالتشييع واشوف الحدري موش اخوان
انه ادري اخواني مو قصرين بوكت الخوه حيل احنان

شتموني . شكد صحت شتموني
ضل اثر بمتوني
بموتي ماخلصانه وتعبانه . حسين
من الخيمه . وغربه وسط الهيمه
الشام يكتل ضيمه
ضل اثر سطراتي بوجناتي . اعله عين

…………………………………
زاد حملي . ميته وانه متوني زرگه
ياهو ميت گبلي بس بجدامه حرگه
ياهو ميت والحبال مگطعه ايده
يموت سكته المات گبله اوليده

انه اول مره من تموت تضل بلايه شيل اجتاف
الكبرهه ومايجوهه اخوان هيه وميته راح اتخاف

مضلومه . زينب ومشتومه
وركض وسط الحومه
زينب شكد عاشت بالعاشر . مصاب
تعبانه . ميته بس عطشانه
العطش عاف امجانه
ورسم فوك اجروحي اعله عيوني . عذاب

…………………………………
عباس القلعاوي

https://youtu.be/qdKHs8aQECM?si=CAklrX8k62Do359C

#القليل_مما_جرى_في_كربلاء
#كربلاء_لازلتِ_كرباً_وبلاء

ابو فاضل نهر والدم مشه براگه
وزينب تعبت من السوط والناگه
صدر حسين ويه الحافر اتلاگه

عمت عيني الماشيات
تعبن وماواكفات
خلصن طول الدرب
كبورهن يم الغرب
حته گلب ام الخدر . مااااات

إنا لله وانا اليه راجعون خرجت زينب

……………………………………………
رقيه وسكنه من جابو هوادجهن
اگبال اعيون ابوهن تمشي ناگتهن
كـل ماسلمن لحبال منعـتهن

ذني العلاوي الفارات
من الشمس محترگات
اخ بت مسلم تنوووح
بطول الارماح الجرووح
وكت المعاتب كضه . وفاااااات

إنا لله وانا اليه راجعون خرجت زينب

……………………………………………
العليل يجيب ماي يخلي يم رمحك
وزينب بالعبايه تشد اثر جرحك
چا يحسين هم ترضه العدو يضحك

ومن تعبهن خاويات
بنص شماته متانيات
اخ لو زلمه العطش
بيدي افصله النعش
ولا اخليها النساء . معلعلات


إنا لله وانا اليه راجعون خرجت زينب

………………………………………….
سولف يا بشر لم البنين اكثر
كللها انطبگ ورقه بوسط دفتر
حسين من العطش يبس لهاته الحر

فوگ الشفاة الذابلات
معصوم عل رمضه يبات
الخوه ضلت عل تراب
كله من ماي الشرااب
هوه المركض العلاوي . مدللات

إنا لله وأنا اليه راجعون خرجت زينب

……………………………………….
عباس القلعاوي

تحله الخدمه بس وياك
يلملبس الخدم تيجان .
اليجيك بوكت عوز تكرمه يامولاي
هاك تگله من ايدك يرد شبعان

عباس القلعاوي

مشكاة مولاتي #زينب_عليها_السلام
تتحدث لأخيها #الحُسين_ع
ويلاه يخوي . ويلاه يخوي

…………………………..
ما ينعدن اجروحي . اثر خوه
الدمعه النزلت بخدي . الاخو يسوه
وي كل كلمه اصيحلك . گلت فدوه
تشيله الغيره ويرجعه . السحگ گوه

دورتك مالك كل اثر
وزينب تعبانه من السهر
گلت اسمك بلكت تنتفض
ثاري اختك يمك وتعثر

مگلوب مگلوب حدر حافرهم چنه
الخيل الخيل خذته وماضل منه
جم اخ جم اخ اريد ابعدهن عنه

…………………………..
ضلام وتيهت خيمتنه . من جسمك
حشمت الحرم خاطر . تجي تلمك
العلاوي من البجي متيهات . بس يمك
خافن بالصريخ ونادن . بأسمك

كل ضني تكوم وماكمت
كدامك من كمت وطحت
ندريبك ميت رد عدل
ماتسمعني شكد صيحت

والماي الماي . تماده هواي بحده
مذبوح مذبوح . اخيي اكباله اتبده
مذموم مذموم . خذالي احسين وولده

…………………………..
لا اكدر اعوفك جرحك . يندي
ولا بيه انه امشي وحايره . الوحدي
غيرك ماردت غيرك ولا . عندي
عرفت الخوه عرضت من عفت . ولدي

جيتك متعوبه من الهضم
ماكدر عنك كلشي اضم
شكد صعبه اختك من تنسبي
وسوط مرافگهه وي العضم

يحسين حسين . ولا چني العلوويه
وشلون اشلون .افك ايدي المچويه
احـاه احـــاه . يصيحولي المسبيه

…………………………..
متعوبه واجت يم خيها . مرعوبه
يهل زينب مشيت الديره . متعوبه
الشام المن اطبه يسد علي . بوبه
عشت كل وكتي يم اخواني . مهيوبه

هسه انه بناكه بنص نزل
انخاك ترخيلي الحبل
اتناخاك بفزعت اخوو
شيشيله من يميل الحمل

الويل الويل . ثغيب اطفال مبجانه
النار النار . تشب احسين صيوانه
الموت الموت . نخيته شكد ماجانه

…………………………..
عباس القلعاوي

#مولاتي_زينب عليها السلام
رأس هرم #نساء_الحُسين_ع
تتكلم بالنيابه #عن_مشكاة الحرم

خويه يخويه يخويه يخوي
……………………………………………..
جان شاهدنه البواچي والرمل فوگ العباه
احنه ماعدنه بزلمنه يموت ما نصرخ وراه
صوتنه انبح بالنعاوي ياهو من عدكم لكاه
جيبو الحسين البناته لا يموتن بـ الاحـاه

چا غير كون اليفزع النه
ماتو اهلنه نريد اهلنه
ضلت شوارب تارسه الگاع
ضل فارغ اشلون بضعنه

سيد والشالو راسه مو ساده
يهزون الرمح كدامي بعناده
يلكاسر كفاي وشالع افاده

خويه يخويه يخويه يخوي

……………………………………………..
زين مني وچاي اسولف كون ميته ولا حجيت
مادري بيا ساعه اموتن كل دقيقه اتشاهديت
مباجه ضلينه انتباچه وبالاخير انه انعميت
چدامي معميه وي گلبي بفگد اخوي ومادريت

چا هيه هيچ تروح مني
فراكك يلحسين الكتلني
كسران خاطر روحتك هاي
بنياتك اليبچن عمني

من في الدلال الخيمه محترگه
اول مره اسولف وانه مختنگه
احاول بالحچي ومابين الشهگه

خويه يخويه يخويه يخوي

……………………………………………..
حسين تذكر من اجيتك والدرب خلصته عثره
بنادم اليفگد عزيزه باقي الايام التكبـره
گلت زينب ردي زينب لا تلوح اخيامي جمره
خل يذبحوني واموتن وگولي اخوچ انطاني عمره

من اركض عيونك عليه
گبالك يصيحولي السبيه
خل راسي دونك بين الارماح
بس فكني من المغربيه

الحرمه التشكي غير الحرمه مهضومه
انه الملجومه من حسين ملجومه
من شفت الحوافر تاخذ اهدوومه

خويه يخويه يخويه يخوي

……………………………………………..
هاي اول مره زينب دموعي لرداني تهل
فراك وجهك مو ولامي يكتل ولا ينحمل
جف ابو فاضل خذاني وراجعه وبيدي الحبل
احنه شمسوين احنه ومابقى ذاك الشمل

ياعيني بسچ كافي بطلي
مبچاچ موش اولام حلي
والدمعه كون ترجع اعزاز
جا نگعت بدموعي ضلي

رمحك منجرح من راسك اجروحه
رقيه شكد بجت ماكدرت اتلوحه
ماصارت گبل من تبچي مبحوحه

خويه يخويه يخويه يخوي
……………………………………………..
عباس القلعاوي

مولاتي ام البنين وشجاعة مولاي ابا الفضل ع


من تكفها ذرعانك تطيح تطفهم
يايمه خل لحسين واحد منهم

…………………………..
موصيتك بطف كربله تلاوي كبار
مكاون الحار يطبه بس راس الحار
عباس دنفض روحك وذب جمار

عفيه ولدي من تطبهه . كلها الشوارب جرهه

بيّد العرگه وسطر اشواربهم
يايمه خل لحسين واحد منهم

……………………………
طب لاوي ذرعان العرب يبسهه
عباس طب للعركه سكت حسهه
هاي الهواشم هاي بين رسهه

شاب ويلاوي الشياب . بالعركه ما لف نگاب

بسبابت ايدك گوم يبس حسهم
يايمه خل لحسين واحد منهم

……………………………
انكت الحومه وطشهه فوك المريخ
عباس شيخ بوكت مابيهم شيخ
خلهم يعيشون الزمن بالتوبيخ

شيخ ويلولح بيده . عباس صگر البيده

عباس حته اگرابك يخوفهم
يايمه خل لحسين واحد منهم

…………………………….
شگ موسى سيفك من دخل شارگهه
ســـم الحسن مـــن ايــدك تضوگهه
للـعرگه حــگ وانته التــرجع حگهه

مثل الجراد المنشور . شردو لأن سيفه يفور

سيفك ودرعك بالحرب دللهم
يايمه خل لحسين واحد منهم

…………………………….
عباس سلمان القلعاوي

#مولاتي_الزهراء_تخاطب_مولاي
#المحسن_صلوات_الله_عليه

يمه وليدي . الماناغيته من اولهه اسباب
يمه وليدي . زغير بعده شمالك يلباب

يمه يا يمه . يمه يا يمه
……………………………………………
ماچني خلفت اشكثر چن هذا الوحيد
لو باقي يل محسن الي عندي الوكت عيد
چا هسه كبران الولد يوكفلي بالباب
كسرة اخوانك بينت مثل التجاعيد

رسم ارسمك تجيني
وتمسحك اجفوف اديني
بـلا وعـي بلايه عيـني
بقـت خليه سنـيني

يمه وليدي . بكاروكك ضل بس عطاب
يمه وليدي . زغير بعده شمالك يلباب

يمه يا يمه . يمه يا يمه

……………………………………………
يا موت اليرجعك بعد دلوني بيه وين
چا عود اريدك للكبر تچايه لـ حسين
وهم توكف لزينب ستر وتصد العيون
بنياني يكبر بالوكت اوتهدمه الاسنين

اه يا ضوانه الي ضاوي
كاروكه ضل للنعاوي
مثل الجذع گلبي داوي
وجّرت گلب العلاوي

يمه وليدي . مثل امصابك ماكو امصاب
يمه وليدي . زغير بعده شمالك يلباب

يمه يا يمه . يمه يا يمه

……………………………………………
يابـرز كعدتنه الجـره اذانــي واذاك
موت الحبايب مو حلو بس يحله وياك
انه امك وحصتي السطر تشبهني ام عون
باجر يطكوهه الغرب وتفز الافلاك

اتعّب تره الغاضريه
ردتك لخيتك حميه
مادري باب الرزيه
يعصرني بين المنيه

يمه وليدي . كل هذا وما طاح الجلباب
يمه وليدي . زغير بعده شمالك يلباب

يمه يايمه . يمه يايمه

……………………………………………
گلب امك محمل حجي مومالت اعتاب
شيصير لو يطلع حلم وماطايح الباب
مكسور ابوك وبالدمع غرگهه الاردان
التوكفله دنيه محزمه لو اسمه ينجاب

حتى بخياله انكساره
تشيّب الگلب هل عباره
بس اله تلوگ الكباره
هاي العلي اول خساره

يمه وليدي . طاريك مو هين ينجاب
يمه وليدي . زغير بعده شمالك يلباب

يمه يايمه . يمه يايمه

……………………………………………
عباس القلعاوي

https://youtu.be/XvveLDWpc2E?si=WgWnMsCJRyKy1t30

خويه حُسين . خويه حُسين . خويه حُسين

جابتني الخوه واجيتك
ملهوفه من اعتنيتك
بكل عثره يتخشن الجف
متعبتهه الچويات اخيتك

زينب يا چبيرة شان . مختنگه بهوى الدخان .
الخيم محترگه ماكو امچان . اليطفيهه ويطفيني

لاگاني التعب مبحوح . منك مايريد يروح
طَلعت انه وي طَلعت روح . اخيي وروحي وحسيني

معاتب الخوه يريد حيل
خويه خويه خويه
شحچيلك وملگاك خيل
خويه خويه خويه

…………………………………….
تعبانه وليهسه اكابر
خويه اختك بين الحوافر
تعبتك كد ماصحتلك
وخليتك هم بيه حاير

ما اندلك ارفع ايد . الباتر خنصرك شيريد
لا تهتم يخوي الحيد . غصن من تنكص تخضر

متوزع وذر ع الكاع . يم الخيمه شفت اذراع
حسين بكبره راح ابساع . حوبت ساده وتشور

فر الرحه من حسين مات
خويه خويه خويه
كبالك سمعنه الخارجيات
خويه خويه خويه

…………………………………….
معاتب خلص بالبواچي
وراحن فرهود التراچي
مشرومه اذن الرقيه
ترضوها يهل الخواچي

نسوانك خذتهه اصياح . الواكف بالخيم ذباح
يشوفك ميت ومرتاح . ويصيح اسبوها عايلته

حتاريت بچوي النيران . لولم جسمك الذبلان
زينب رادتك عوان . حملي الوحدي شايلته

مت عيني يلكاسر كفاي
خويه خويه خويه
ودعتك الله بلايه ماي
خويه خويه خويه

…………………………………….
ياديره المامنهه ديره
چلمتهم كلش چبيره
من گالو هاي الغريبه
بلا والي وبلا عشيره

صدك مسبيه مو احلام . گالو خل تطب للشام
خويه حسين هاي ازلام . تضربنه وتسب بينه

شفت شكد اليموتون . الناس الهم عزه يقيمون
بس انه بهاي يسّبون . نعمالله الراس حامينه

وهم سوو الماصايرات
خويه خويه خويه
نسوان بالهيمه تباّاات
خويه خويه خويه

…………………………………….
عباس القلعاوي

وصية مولاتي الزهراء ع
لمولاي علي ع قبل الاستشهاد


شرب حسين بثوابي اميه .

…………………………………..
بالي يمك والطريح يريد والي
ياعلي كلفه الشماته تشوف حالي
ادفني مثل الشمعه من تدفن ضواها
لا تخلي الگمره تلمح من خيالي

انه اريد اجنازتي مابيها صوت
ترضه ماترضه عَليّ هوَه انه اموت

وبيدك تهيل التراب اعليه
شرب حسين بثوابي اميه

…………………………………..
كوي حيلك بعد موتي وابقى كابر
لملم ادموعك وروحك بيها سافر
حسين محتازك اذا بيك اله عونه
روح للطف وشيل من عنده الحوافر

ادري بيك التعب واصل يم گفاك
بس حلات حسين من يوگف وراك

حتى ماتنطگ بعد علويه
شرب حسين بثوابي اميه

…………………………………..
ادفني من يوصل ضلام الليل وكته
ووصي الحسين بغيابي يعاون اخته
تميل دنياها وتطب الديره غربه
متون زرگه وعين حمره وجثه ميته

باچر مشامر حچي مشامر احجار
تصير كلفه الخطوه للساحگله نار

يضل اثر بالگاع للمچويه
شرب حسين بثوابي اميه

…………………………………..
الغربه تاكل اثر زينب لو عفتهه
بيّن الخوف اعله بنتك من شفتهه
چنها چاي تكلي يمه الموت راحه
لأن سطرت عينها هم هاي اختهه

ثنينه بسطرت اعبون نطيح ليش
تگلي يمه بهيج دنيا شلون اعيش

باچر يگلولهه المسبيه
شرب حسين بثوابي اميه

…………………………………..
عباس القلعاوي

خويه حُسين . خويه حُسين . خويه حُسين

جابتني الخوه واجيتك
ملهوفه من اعتنيتك
بكل عثره يتخشن الجف
متعبتهه الچويات اخيتك

زينب يا چبيرة شان . مختنگه بهوى الدخان .
الخيم محترگه ماكو امچان . اليطفيهه ويطفيني

لاگاني التعب مبحوح . منك مايريد يروح
طَلعت انه وي طَلعت روح . اخيي وروحي وحسيني

معاتب الخوه يريد حيل
خويه خويه خويه
شحچيلك وملگاك خيل
خويه خويه خويه

…………………………………….
تعبانه وليهسه اكابر
خويه اختك بين الحوافر
تعبتك كد ماصحتلك
وخليتك هم بيه حاير

ما اندلك ارفع ايد . الباتر خنصرك شيريد
لا تهتم يخوي الحيد . غصن من تنكص تخضر

متوزع وذر ع الكاع . يم الخيمه شفت اذراع
حسين بكبره راح ابساع . حوبت ساده وتشور

فر الرحه من حسين مات
خويه خويه خويه
كبالك سمعنه الخارجيات
خويه خويه خويه

…………………………………….
معاتب خلص بالبواچي
وراحن فرهود التراچي
مشرومه اذن الرقيه
ترضوها يهل الخواچي

نسوانك خذتهه اصياح . الواكف بالخيم ذباح
يشوفك ميت ومرتاح . ويصيح اسبوها عايلته

حتاريت بچوي النيران . لولم جسمك الذبلان
زينب رادتك عوان . حملي الوحدي شايلته

مت عيني يلكاسر كفاي
خويه خويه خويه
ودعتك الله بلايه ماي
خويه خويه خويه

…………………………………….
ياديره المامنهه ديره
چلمتهم كلش چبيره
من گالو هاي الغريبه
بلا والي وبلا عشيره

صدك مسبيه مو احلام . گالو خل تطب للشام
خويه حسين هاي ازلام . تضربنه وتسب بينه

شفت شكد اليموتون . الناس الهم عزه يقيمون
بس انه بهاي يسّبون . نعمالله الراس حامينه

وهم سوو الماصايرات
خويه خويه خويه
نسوان بالهيمه تباّاات
خويه خويه خويه

…………………………………….
عباس القلعاوي

https://youtu.be/tNKI67JgjJU?si=c-KRQQLS9iX3g6am

الشام موت گلب اخيتك وانخاك

_
من الخيمه اجيت بلهفه . گالوهه طلعت زينب
كل همي اشوف جروحك . انه وعباتي التلهب


ياروح اخيتك رايحه زينب لليسر
الاذاني گالو زينب تدخل للقصر

- من الاميره لحد اسيره من وصلتك
- تبسمو صاحو سبيه الشام اجتك
- ياجرح يرهم عليهه خويه اختك


الشام موت گلب اخيتك وانخاك

_
ودعتك الله بصحره . بذمت الرمل عافيتك
ماعندي ماي تشربه . لو عندي جان انطيتك

عينك عليـه اتباوع يلكلك جرح
كل ما شفت عثراتي توكع بالرمح

- هوه هذا الشام كل شكواي منه
- بحبل واحد جتفونه وطحنه كلنه
- الشام سالفته چبيره وي ضعنه

الشام موت گلب اخيتك وانخاك

____
سوگ الشماته انطره . والعثره فشله بنصهم
كالو غريبه اعليه . الناس اضربوهه اتكلهم

الشام اه الشام تارس كلبي دم
لا سيف سيد يبره لا رفت علم

تعبت امشاكف اختكم بالمصايب
وين صرنه ووين جنه يلحبايب
هسه مو بس گلبي خويه وجهي ذايب

الشام موت گلب اخيتك وانخاك
____
كل المصايب هانت . گبال الغرب مهيوبه
بذمتك يماي الجاري . ودموعي بيهن حوبه

ياخيزرانه وماي حار ولچمة شمس
كل هلمصايب صارت ماطلع النه حس

- اختصر كل هل مصايب بل اخير
- عشنه اميرات بزمن ما بيه امير
- الدنيه تعرف بس الحسين الچبير

الشام موت گلب اخيتك وانخاك
____

عباس القلعاوي

#قصائد_الليالي_الفاطميه


يافاطمه مگسور ظهري الليله
__________

من ابعيد واتحسر - باب الله اشوف انجر
كضاني گلبي تشاهدت من شاهدت دفعه
فاگد بزر روحي - تتنادس اجروحي
چفيتي من متني انزلت حسيت بالوجعه

مثل تربه وگلاني الماي تفتت گلبي بغيابج
بجي الثكله بجيت اعليج الله يعظم امصابج

البجي للزلمه ياهناس زحمه
بس اليبجي لـ ام حسين زلمه

يافاطمه مكسور ظهري الليله
___
لفيتهه بحضني - بس مو علي جني
صاحو كسرنالك ظهر والظهر شيجبره
بالظلمه ماخذهه - عود ارد اشيعهه
باوعت لن متني نكسر والمتن شيكسره

كل ما امشي خطوه نطيح ثكيله الزهره بالتابوت
مو بس فاطم التنزت جيبولي الي زاتوت

طلعت روحي من البيت شيبه
يعثر بالهوى الدافن حبيبه

يافاطمه مكسور ظهري الليله

____
متوسد اترابج - ما احمل اغيابج
نزلتج اني بالگبر والگبر ضل يندي
بهالحاله من يمج - من الترب دمج
الدم خذاني وباوعت متروس دم خدي

بخور وشيب البطولي طلع بخيالي من امشي
كون بذمّتك يلباب خذج مني واخذ كلشي

كتبت اسمي ع گبر الجفاني
لأن مو انتي ميته هذا اني

يافاطمه مكسور ظهري الليله

__
جيت هوى لسعفه - مابيه ع الوكفه
رديت انشد بالعرب دلوني عن داري
كالو منو انتَ - والحجي فسرته
انه علي ذاك القوي مو زينه اخباري

عليكم الله وصلوني لبيتي خل اشم عطره
ما ارضه الهوى يطبله اريد اشبع من الزهره

لو ضلعي نگسر والظهر راضي
افراگج كسراني وانه گاضي

يافاطمه مكسور ظهري الليله

___
#تمت
#عباس_القلعاوي
#اللحن👇🏻

يافاطمه دخيلج يافاطمه
_
يافرحة علي وحزنه - ياتفاحة الجنه
من ايدج صارت الحنه- يمولاتي

مُحمد شافج امرايه - رايج انتي من رايه چنج نده ع الرايه - يمولاتي

حته ادم يسجدلج شكراً فاطمه
يعقوب الماشافج طگاه العمه
عين الله مسمينج لن طولج سمه


يافاطمه دخيلج يافاطمه

_
سُر الله المرضيه - نفحتهه سماويه
من الجنه إنُسّيه - نزِلت لينه

من الجنه مخلوقه - مفصلج ربنه من ذوقه
يل بحسين مرزوقه - انخلق بينه

ياماي ويازمزم يعذوبه نهر
يلنورج بالظلمه يعم عله النظر
تتغطين ونورج يعبر ع البشر

يافاطمه دخيلج يافاطمه

__
مُحمد انتي قُرٱنه - هوه الكال بلسانه
روايه تكول موش انه - ابو البنته

لو كانَ الحسن شخصاً-يعني فاطمه نصاً
من نورج خلق شمساً - يبسملته

ياحـره ويـادره يـابـاب الصـله
حيدر بيج اتباهه كدام المله
من الله موصايه تصيرين بس اله

يافاطمه دخيلج يافاطمه

__
باب الله انتي مفتاحه - جبرائيل وجناحه
انخلقتي بذر تفاحه - ثمر جنه

گلب شچره يمن گلبج - الله بكبره هم حبج
يمج صار باب الحج - فضل النه

قديسه العلويه يالليلة قدر
يابسملة الحمدُ وسورة والعصر
الماربحان بعشگج بالمحشر خُسر

يافاطمه دخيلج يافاطمه

__
#تمت
#عباس_القلعاوي
#اللحن👇🏻

#القليل_مما_جرى_في_كربلاء
#كربلاء_لازلتِ_كرباً_وبلاء

ابو فاضل نهر والدم مشه براگه
وزينب تعبت من السوط والناگه
صدر حسين ويه الحافر اتلاگه

عمت عيني الماشيات
تعبن وماواكفات
خلصن طول الدرب
كبورهن يم الغرب
حته گلب ام الخدر . مااااات

إنا لله وانا اليه راجعون خرجت زينب

……………………………………………
رقيه وسكنه من جابو هوادجهن
اگبال اعيون ابوهن تمشي ناگتهن
كـل ماسلمن لحبال منعـتهن

ذني العلاوي الفارات
من الشمس محترگات
اخ بت مسلم تنوووح
بطول الارماح الجرووح
وكت المعاتب كضه . وفاااااات

إنا لله وانا اليه راجعون خرجت زينب

……………………………………………
العليل يجيب ماي يخلي يم رمحك
وزينب بالعبايه تشد اثر جرحك
چا يحسين هم ترضه العدو يضحك

ومن تعبهن خاويات
بنص شماته متانيات
اخ لو زلمه العطش
بيدي افصله النعش
ولا اخليها النساء . معلعلات


إنا لله وانا اليه راجعون خرجت زينب

………………………………………….
سولف يا بشر لم البنين اكثر
كللها انطبگ ورقه بوسط دفتر
حسين من العطش يبس لهاته الحر

فوگ الشفاة الذابلات
معصوم عل رمضه يبات
الخوه ضلت عل تراب
كله من ماي الشرااب
هوه المركض العلاوي . مدللات

إنا لله وأنا اليه راجعون خرجت زينب

……………………………………….
عباس القلعاوي

#مولاتي_زينب_تروي_حادثة_الباب_لمولاي_الحسين_ع

يايمه يايمه يازهراء

____
باب وبسمار اللتقن
بضلع الزهراء اطبعن
حسره بحسره من انكضن
ليلية يدي دم من حضنهه وتبدي النحيبه

زغيره وشفت الدم جره
مو زلمه اليدفع مره
شفت الباب الوجره
لا خايف الله ولا يعرف الله السوه المصيبه

مصيبه مصيبه . هاي المصايب ماتفض
مصيبه مصيبه . الباب بجذع طاحت عرض

- باب وثكيله وكدامي طاحت
- ما اكدرلهه بس امي صاحت
- كالت يفضه لحكيلي ابني
طايح ضناهه ولله استغاثت

يايمه يايمه يازهراء
__
انـظـر للـنـار بـحـزن
بسكته گبال امي واون
واسـمعـهم گـالو وأن
گال احروگهه وچدمي لجمني تيهته دربي

گامت بس گامت كسر
شلون التمشي بنص يسر
تتـمنـه تـنـام بـگـبر
ذيج امنه راحت كلي شيردهه هودلي گلبي

شماته شماته . مايفزع النه ولا عرف
شماته شماته . رادو ابونه ينجتف

- خفت بوكتهه بس لا يطكني
- مضمومه جانت طكتك يمتني
- باجر سبيهم يكضيلي حيلي
- نفسه الدفعهه باجر يعتني

يايمه يايمه يازهراء
_
راح احجيلك عل بله
شراح يصير بكربله
بالبر تسكن عايله
كل احنه هيجي رحنه ضحايه والدم خذانه

راح اصعد ذيج الهزل
ويلتف بجفوفي الحبل
ويتزايد حملي بحمل
هاي الغريبه اسمعهه منهم من السبانه

غريبه غريبه . هذا اسمج يكولونه الي
غريبه غريبه . نمشي ويكتال الولي

- باجر حوافر تسحك واجيلك
- ها يابو طولي بطولي اعتنيلك
- راح اطلع من الخيمه علمودك
- وذره ع وذره منهن اشيـلك

يايمه يايمه يازهراء
____
گمرتنه بضلمه اصبحت
يحسين امي الي مشت
ولوعات الباب انكضت
شد حيلك انته باجر سهمهم ياكل جبدتك

اشرب ماي وارتوي
ينسد راح العلكمي
حيلك يصبح مو قوي
كسرك بالاكبر باجر يبين بآول كبرتك

خويه يخويه . ارتاح بحياتك من زغر
خويه يخويه . يتعبك تـره راح الكـبر

- مكتوبه موتي بديرة غرابه
- واليظهم اكثر گعد الخرابه
- بديوان اميه وقصرك يضالم
- الماي النشوفه يمنع شرابه

يايمه يايمه يازهراء
___
#تمت
#عباس_القلعاوي
#نسألكم_الدعـاء

#دمعة
#حيرة_مولاتي_زينب_عليها_السلام

خويه خويه خويه زينب انه بلايه اخوهه

—————*————*————-
حادينه . مو حادي كواك
حادينه . ماخذنه وياك

ضايگ عذاب الينذبح
مذبوحه اخيتك باليسر تتمنى الارماح
المسبيه مو مثل الذبح
المذبوح مايسمع حجي عاد اشوه يرتاح

چنت وياي . شلون صارت وفترگنه
چنت وياي . مّن اخر مره احترگنه
چنت وياي . وهسه بحبال انشبگنه

الخوة مو سلعه من اخيتك هم خذوهه
خويه خويه زينب انه بلايه اخوهه

—————*————*————-
خلينه . يم راسك نبات
خلينه . گالـو غريبات

جلد وعظم زينب بقت
لزگت عباتي اعله المتن من الگلب شاط
كبرنه حادينه شكثر
صرت اكبر من حسين امس من كثر الاسياط

وين نروح . هيمه سوده بلايه اخوتي
وين نروح . السفره الاوله وبيها موتي
وين نروح . والگصص مو من سلوتي

الهظمه من گالو وحيده استوحدوهه
خويه خويه زينب انه بلايه اخوهه

—————*————*————-
ماصايره . وبيا وكت هاي
ماصايره . ذباحنه الماي

روس النشامة اعله الرمح
والمشكلة بدرب السبي مضاحكهم يزيد
الينطگ يدافع لو حجر
بس احنه مادافعنه لن نقبلهه اجاويد

خوف هواي . يوم الاسود من دخلنه
خوف هواي . بنص شماته بلايه اهلنه
خوف هواي . ياهـو اليردنه الوطـنه

بشام الاكشر وليه نسوانك ولوهه
خويه خويه زينب انه بلايه اخوهه

—————*————*————-
بعيوني . مايدخل النوم
بعيوني . تمنيتك تگوم

جم مره طحت من الرمح
ويردك السن الرمح ذباحك شبيه
يهز رمحك اكبال الحرم
خويه اللهاتك من وصل ضل يضحك اعليه

هاي شلون . ميت عله رماح النفل
هاي شلون . بس رمحك بثغرك عدل
هاي شلون . زاد الحمل يهل الحمل

مو قليله بت علي هاي السبوهه
خويه خويه زينب انه بلايه اخوهه

—————*————*————-
عباس القلعاوي

#مصيبة_مولاتي_زينب_ع

الله ولحد يارمح عوف الحسين بحاله

………………………………………..
وداعت ادموعك ماعرفتك من درت رمحك عليه
حسين تاليتنه گشره لو ارماح ولو سبيه
زينب من الغربه تعبت والحبال مگطعه اديه

كد ما الحافر دايس بصدره
بالخيمه وذره وبالنهر وذره
خويه گوم . خضَّر بطول الرمح يحسيني
خويه گوم . عينك مغمضه انعمت ياعيني

زينب خذاهه السبي
تراب ورگد ع العبي
خلافك يطگهه اجنبي
يا خويه

زينب جبيرة عمر
مابيهه تسحگ جمر
گضتهه مر اعله مر
يا خوية

الله ولحد يارمح عوف الحسين بحاله

………………………………………..
تراب البراسك يشبه الطف بالهوى يذري وعمانه
دموعك الويه تراب نزلن راسك حسين الدولبانه
بشكو ديره البيها نوكف طين يبقه بصف مجانه

ينكت اتراب شما يهز رمحك
دمك الماينشف سبب جرحك
وين اخوي . شجابنه احنه وي الگلوب السوده
وين اخوي . صيف والسمبل يصوفر عوده

هوَه الركض للنشط
موش العباتي التخط
مو للطفل من يشط
يا خويه

عطشانه طول الدرب
منعوني ماي الشرب
شماتي كلهم غُرب
يا خويه

الله ولحد يارمح عوف الحسين بحاله

……………………………………….
راحت الخوه الحلوه يحسين ياهو اليدليني بيهه
مو كلتلك هاك روحي واحنه نتعاون عليهه
انه تعبانه من الفراگ زينب محَدب بجيهه

ياعمر زينب مايفض ضيمه
انه اخت الحسين واطر هيمه
اخ اخوي . انه المعورتني جلمة وينه
اخ اخوي . هسه ينهض من يشوف سكينه

راسك اجانه بطشت
من عدهه انه ايست
كالولي اخوج ومتت
ياخويه

حد راسك ومابرد
ساعتها كلشي انمرد
كلبي اعله رمحك گعد
ياخويه

الله اكبر يارمح عوف الحسين بحاله
……………………………………….
نركض نطيح اليعطش يموت نلطم احبال تگص ادينه
حسين تذكر من كعدنه وگتلي اخوج انطاج عينه
هسه اخوج انطاج عمره بعيني شفتك من مشينه

دولبني وكتي وياك دولبني
حاسبتك اكثر من معزت ابني
مات اخوي . زينب شلون العبايه تشيلهه
مات اخوي . اخ يلكاسر گفاهه وحيلهه

المتعوبه توگع لأن
هزلنه عرجه المشن
يموتنّي لو نوخّن
ياخويه

الناگه العليهه اصعَدِت
مـاتـوكـف شـما ردت
انه اعله راسك طحت
ياخويه

الله ولحد يارمح عوف الحسين بحاله
……………………………………….
عباس سلمان القلعاوي

منهاج محرام الحرام ١٤٤٦ هـ
#مولانا_ابو_فاضل


يا ابو فاضل مدد

-----------------------------
يمرهدن تشوف الحرب عركة حيل
يل طكتك يونس وشك بطن الحوت
غير اليجهبك كون يرجع للجيش
يم باب بيته ويفتر اعليه الموت
اسرافيل سد اذنه بعلو صوتك ذاك
من صوت ابو فاضل رجف حته الصوت

طب ليهه طب ليهه - والحرب طب ليهه
جر بيهه جر بيهه - روسهم جر بيهه

يا ابو فاضل مدد
-----------------------------
شك النهر شكت بحر موسى وفوت
واخذ الكبار وگودهه اگبال احسين
جدمك يدوس الشارب الما مديوس
هوه الكلف ياخذ الصاع بصاعين
ولا تبردلهه العركة عركة خيال
خلهه اترادم تشرد المدري الوين

طفيهه طفيهه - وعيونهم طفيهه
حنيهه حنيهه - بسطرتك حنيهه

يابو فاضل مدد

-----------------------------
من نقره اسمك بالعكس سابع صار
يعني العجايب بسمك ومتعجبات
ابراهيـم سـوه النـار بـرداً للـناس
بس انته سويت العكس مجتمعات
ماي النهر وحرورة ايدك بالصيف
خلن الماي ازرك من الخوفه ومات

شاريهه شاريهه - عركتك شاريهه
حاميهه حاميهه - خيمتك حاميهه

يابو فاضل مدد

-------------------------
خيط بالداوه البيك ماينسه الثار
شدشد لحاية الگوم شدت مگوار
حار وتريد جفوفك تلوح الغيم
بالطف هناك الغيم هم صاير حار
جيب الشمس واحركهه گدام الجيش
راويهه من جفك شكد تطلع نار

جويهه جويهه - روسهم جويهه
دنيهه دنيهه - بحرورتك دنيهه

يابو فاضل مدد

---------------------------
#تمت
#عباس_القلعاوي
#نسألكم_الدعاء

منهاج محرم الحرام ١٤٤٦ هـ
#مسلم_ابن_عقيل
#طوعه
مسلم ها يا بعد ايدي . دير زنودك لوليدي
………………………………….
علم ابني دروس طگت صارمك
لا تلاوي ذراع كلمن علمك
للهواشم عرگه لا تدخلهه دوم
ولا تمد جفك سلم للسالمك

الحاچب ينطگ تهمل عين
تعلم من تربات حسين

مسلم ها يا بعد ايدي . دير زنودك لوليدي

………………………………….
هلا بمسلم هلا بصايود الزلم
هلا بطگتك فوت بيهم ياشهم
طوعه وتحييلك اباب المضيف
فوت ولوي اذراعهه ودوس الخشم

ياراس الطف ارفع راس
شد حيلك بسم العباس

مسلم ها يا بعد ايدي . دير زنودك لوليدي

………………………………….
فدوه لذراعك تشيم طگتك
حار من امك يمسلم طلگتك
علم ابني شلون يدخل للحروب
وخل يلاوي سيوفهم لو لاحتك

جـفـــك نـــار وكلك نــــار
السيف من ايدك گام يغار

مسلم ها يا بعد ايدي . دير زنودك لوليدي

…………………………….
مرهدن يطب للمعارك مافحط
والـيگابل خـزرتك معناها نــط
مخوف الكوفه اتراجف من بعيد
حته شط الكوفه من الخوفه غط

جدامه تسابگ بالمهره
والروس نسحگت حدره

مسلم ها يا بعد ايدي . دير زنودك لوليدي

……………………………..
عباس سلمان القلعاوي

#قصائد_محرم_الحرام
#السيدة_زينب_والحسين_ع

من اخيامي متعنيه …
احتارت بالدرب روحي
اروحن ويـن مادري …
أشرلي يمذبوحي
انوح بكترك اكعدلي
بلكي يفززك نوحي


يبعد الماغفن يحسين طريت الزلم كلهه
كلت ارد اوصل ابن امي تضربني الزلم خلهه
اسمع بس صهيل الخيل دارت كلها فوك حسين
التسحك فوك اخوهه الخيل عكبك بالعمر شلهه

يلوجهك محلي الصبح
مت عيني صاير بس جرح
شويه ويشيلونه برمح - ياويلي الراس

مت عيني مذبوح الظهر
نايم عله ترابة جمر
يلجمك هوى عليك اليمر - شمات الناس

____________
حسين الحافر بصدرك …
نايم نومة المرتاح
خيل الاعوجيه حسين…
ماخلن عليك اصفاح
عمت عيني جرح صاير
شسوه بطولك الذباح

اجيتك وگعدت كترك وبگلبك هواي اسهام
وبس دنيتك لحضني الدم ينزف مضاعف كام
كوم ورد عدل يحسين شضمد ياجرح منك
والدم واصـل لوجهك صايرلك يخويه الثام

يعيونك الحلوه غفت
شمعت اخيتك ونطفت
طاح البخت ويه البخت - كلهن وياك

باجـر يركـبونه الهـزل
جم طفله تعثر وي طفل
واكـثـر الـم ماينحـمل - برمـحـك شفنـاك
___

يشجرة خير حاجيني…
انه عكبك اضل المن
اريد اللطم عله عيوني…
يريت الله وعلي يعمن
سهام مفرفحات اعليك
وبعيونك يخي حلمن

سولفلي يبعد البيك صوتك ما اسمعه وضاع
حدر نحرك يبو السجاد حجي لا ينشره وينباع
هل من ناصر ينصرك الحافر تعبك ياخوي
لو مادايس بگلبك حـافـر خيلهم مـاشـاع

ولاية الم صاير عجب
يلثوبك منك انسلب
يلطولك احلا من الگصب - يا ابن الدلال

بعيونك الحلوه رمل
ماضن بعد يلتم شمل
وبجفوف اخيتك الحبل - وبغربه الحال

____
يگمره وبايكك ذباح
يبو عبدالله شنهي الراي
عوف الماي سولفلي
فدوه يروحلك كل ماي
الرمل واصل لحد راسك
وظهرك منطعن جن ناي

ياخويه العتاب هواي نتعاتب وياك نريد
جبتنه الضيم مامشيوف نزفك كل دقيقه يزيد
جروح اغماج الـبروحك ماتكدر تكض ايدي
اباوع خنصرك يحسين شو بس تسع اصابع ويد

غمض ابو طول الحلو
عيونك احس ديرة دفو
بير انتَ بس همه الدلو - ماي وعطشان

حيره بيتامه تحيرت
كون انه دونك المتت
هم مثلك اني اجرجرت - بنص الديوان

____
#تمت
#عباس_القلعاوي

منهاج محرم الحرام ١٤٤٦ هـ
حيرة الحسين ع في مقتل علي الاكبر

حسين ولدك كبروك .
__
نسدت روازين العيب
لمن بده براسك شيب .. وتعاله ضحك الشمات
ظهره نكسر مو عطشان
ياناس اخوي الكبران .. لمن علي الاكبر مات

هذا العمر هم حوبه اله
الميتله ابن چا ضل شله

- رد ايده بيده يگود بروحه
- يعرف بالاكبر طلعت روحه
- رد شيبه بيضه حته اعيونه
- رايح چبيره وزاد اجروحه

حسين ولدك كبروك .
__
وديت اخوي العباس
تچايه كدام الناس .. للخيمه جيبلنه حسين
يـا ناس يعثر ويطيح
وي حسين شد حته الريح .. والگوم تضحك صوبين

گـلبـه على گـلـب الـولـد
ينبـض ولا بـطـل ابـد

- هيه الهضيمه الماتت بينه
- گالو نذبحه اگبال احسينه
- هاي الچبيره والفاتن اكبر
- ساده وعطاشه بس مو بدينه

حسين ولدك كبروك .
__
راحتله اخيته وماگـام
وعد راسه دگو دمـام .. يهوسون برماح وخيل
چا غير اخيتك وانخاك
گوملنه لو مـوت وياك .. مگعادي يـمك لليل

لا تـنخه اخـوهـا كـل اخـت
راحـت الـنخـوه مـن رحـت

- ماعدنه مانع هسه اللمك
- بس عظمك مكسّر شيكومك
- لا ابيه اعوفك لا بيه اضلن
- تگعدلي لو موتني انه يمك

حسين ولدك كبروك .

__
لمو الوذر حدر الخيل
ماضل بخيتك كل حيل .. مابيه اللم حيل هواي
هاي الحصيره التاذيك
بختك يخويه ولا بيك .. كون الله لا ينطي الماي

كـون احـنه عگبـك ننذبـح
وبـصـدري حـط مية رمـح

- سلبو خواتك رجع التراچي
- والخيمه مو مي نگعت بواچي
- والناگه شبعت ماي الشريعه
- واختك گدرهه بس المحاچي

حسين ولدك كبروك
__
جبناك للخيمه اصياح
شـاهد عيـان الذبـاح .. دمك يبس فوگ الكاع
تلگاك ابوك بيا حيف
لاح البچر حلگ السيف .. مكسور من عدنه اشراع

كـسـرة ابــو يــــم الابــــن
كسـرة العـيـن مـن الجـفـن

- حرگت خيمنه تشبه گلبنه
- الماي النريده يارخصه عدنه
- عگبك يغالي راحت لهفته
- شفناه يذبه بس ما شربنه

حسين ولدك كبروك
___
#تمت
#عباس_القلعاوي
#نسألكم_الدعـاء