علي ميران

https://youtu.be/GE5okf9omus?si=S72rMPs80LXJzMJU

العليله...💔
اصفن وي روحي بهدوت اليل
وسولف والسوالف حيل كلفات
وگابلهن اعيوني ونحجي ونموت
وگلهن لسه بيجن شوف صلفات!
وتجي الوادم التحجي اشكال والوان
وضل وي روحي ادور ادوار عميات
اقنع الوادم اهلي اهنانه باقين
مو بيدي البصفي اعيون شمات
اوج كليوم نار ادلال الحسين
وبلايه دلال خالي المجمر ايبات
وخلي ام البنين اتصيح عباس.!
عود هنانه عمي وهذا الاثبات
واخلي اثار جدمي بعتبت الباب
عود اعله امي ذنْ نسوان جايات
واعلگ اهدوم ابوي عللحياطين
بحجت عود ابوي ابيتنه ايبات
ورد للدار وادري الوحدي اهنا
ونضل نبچي ونسولف عل عزيزات
لحدما راسي يوجعني من الدموع
وشد راسي ونامن كلي ونات ..

علي ميران

https://youtu.be/AijITzDipXU?si=8k_tV5Mx1YKO9sTT

خروج الضعن

شور وگفه

كلحـــنه نمــشي وكلنه ما مرتاحــين
هاذه الدرب يمكن خطر بي يحـسين
شتگول نرجع لو نكمله
وانشالله ردتنه ســـهله
كلحنه نمشـــي وكلنه ما مرتاحـــين

َاوگـــف خـــلي نتــرايه يبن أمي على هـــونك
أشوفك علسفر مسرع اشوي ريض اضــعـــونك
چنك تدري راح اتموت ليش امغورگه اعيونك

چنك تدري يحسين _ ضعنك دربه مو زين
وتدري بالمصيبه
علهونك سولف وياي _ ليش مگابل الماي
دموعك سچيبه

شصاير يروحي وشتگوليـــن
من كون اخوتــچ كلها عدلين
چا ليش اصفر وچها وختاض
ويتنوع النه ويبــچي الحســين
000 000000000000000
اضلم دربنه ونوره وجه العباس
يمه العبايه مخدره وما تنچاس
يختاض لو بيها ترابه
بس لا تدمرها الخرابه.؟
يمه العبايه مخدره وما تنچاس

مايرضه تميل النوگ اخوي محافض علينه
ما يجرح مسامعنه  علكيفه من يحاچينه
اجينه مخدرات اوياه واضن غيره اليرد بينه

سولفلي عله الضعون _ تره بناگتكم ام عون
عزيزه امي اني
خو ما تعثر النوگ _ تره اختك صاعده فوگ
ومعزز مچاني

سولفلي نوصل يمته لهناك
بروح امك ارد ابقه اني وياك
مافارگك تدريني يحسيــــن
بس انت عندي وماكو فوگاك
00000000000000000000000000
الناگه العليها اني تفرق بالنوگ
تنزلي واصعد ما اتعـناها الفوگ
يثنــــيلـي عباس ابركبته
واصعد عليها مدلل اخته
وبس علزينب لفة الشيله تلوگ

نمشي ونستراح انوب خاف انتعب الخدّر
وعباس النفل علنوگ شايل رايتة ويفتر
خايف ناگه بيه اتميل لو ناگه بضعن تعثر

يسولف ويه الحسين _ اخوي وگرة العين
ويـــّأشر عليه
وزعل ببن الفحل لاح _ ويصفگ راحه علراح
اضن امشي سبيه

ارد انزل انشد غيرة ام عون
عن تالي اخوتي وتالي الضعون
ويستعجل العباس ويروح
ما گلي بالطف غربة يبقون
0000000000 000000
مدري شجرالي وگتله خوي الوفاي
عطشانه اريدن خويه شربه من الماي
وعيونه دمعت من نخيته
وتبــــللت طارف لحيته
ما ادري بالطف ما يضل كل سگاي

من كتله العطش عباس دنگ وختنگ وحتر
وراسه من. الزعل گب نار ودخن ورتعد واحتر
ستغـــفر ربه حته ايهيد ودنگ هامـــته و كبّر

كتله حچيلي عباس _ ليش مهبط الراس
سولفلي وحچالي
گال ام عون الضعون _ باجر غربه يحدون
بنسواني ودلالي

منه وگلت ما يبقه الحسين
ومن عندي طاحت دمعة العين
مادام اشم گال العذب لاااا
زحمة انتي اخت عباس تبچين
0000000000 000000
علي ميــــــــران

اشهد انك لم تهن ولم تنكل، وانك مضيت على بصيرة من امرك...
https://t.me/m_usaa_Jafar_680_m

ياعلي ابن موسى الرضا مدد.



كتلها الحادي علناگه
الحنين ايتعب افراگه
على زينب أويلاه .. على زينب أويلاه
00000000000
عاينت شافت رؤوس
عالرماح الشاهقات
گالت ام عون السلام
عالـ شفاه الذابلات

مالت .. من على الناگه
سلمت من عن بُعد
گالت ..خويه مشتاگه
ليمت الكافل يرد
شافت .. صار الملاگه
عللرمح صاعد ورد

زينب طلعت بين الناس
مهضومه اختك يالعباس
فوگ النوگ مكشوفه
زينب أم اربع خوّان
معقوله اتطب للديوان
وضيم الشام والكوفه

الذبح نحرك يبو سكينه
التقو وعيونها ابعينه
على زينب أويلاه ..
00000000000000
سافرت من كربلاء
طلعت بموكب عزاء
عل نياق المُــتعبات
أم خدر شبعت عناء

زينب .. تعبت اهوايه
والحچي اليترس قهر
تنحب .. سمعت حچايه
هاي اخت ذاك النحر
تلهب .. نار الضمايه
وصفحه ماخذله السهر

ذيچ البس تسمع بالسوگ
لاحول الله صعدت نوگ
آه يالشام ودروبه
ام شيله بنص ذااك الگوم
والخياله اعليها اتحوم
وبچم سوط مضروبه

الربيبات الي طلعوهن
خوارج وسفه سموهن
على زينب اويلاه. ..
000000000000000
الشمس تجوي الضهر
والعطش ماخله حيل
بالنهار اتشوف نعمه
المشكله من يلفي ليل

ضلمه .. والحرم رادت
بس گمر يضوي الدرب
يمه .. الحره من صاحت
صرنه اسيرات الحرب
هضمه .. عللترب نامت
الچانت بنص الگلب

فوگ الگاع ام عون تنام
لا ينطي الله اهلك يالشام
ليش معون مكسوره؟
بنص الغربه أشچم غروب
صارن يم گلب المتعوب
التبچي هناك معذوره

الخرابه اتخوف الزلمه
المو وحده اخوته يمه
على زينب اويلاه..
0000000000000000
بت الحسين الزغيره
لسه ذابحها الذهب
الماتت اعلى اعيون ابوها
ما يموتها التعب

ماتت .. من لگت رگبه
رگبه تارسها الذبح
گالت .. بالطشت صعبه
الجان احلى من الصبح
ماتت .. وموتت الغربه
جروح وترشهن ملح

زينب ممتحنه ابنسوان
وماتت بت احسين الچان
من اينام يشبگها
ضلت تلطم فوگ الراس
يا وسفه اختك يالعباس
نار الشوگ يحرگها

شكتلها يكول سابينه
كتلها افراگ الو سكينه
على زينب اويلاه ...
00000000000000000
علي ميران

للحن التواصل على @SD_Ryr

https://youtu.be/mWbaBxzJ1Y4?si=wrHf4WNT1SZOB8KC

مجبليها اخت الكافل ..وتدير العين
لا عون ولا جعفر ..لا مرها حسين
مهضومه ومن ماتت ..تنعه العباس
حال اختك يالكافل .. صاير مو زين

ماتت المهضومه
من الحبل ملچومه
متون اخوها الجابها
تطشرت بالحومه

خويه زينب فدوه اعذري متوني
الدرب ماشوفه وسهم بعيوني
000000000000000
يانعش العلويه ..ماعنده امتون
اخت الما ناسيها ..تحتار اشلون
ياحرمه التشبها ..مسبيه اهواي
يكسر حال الشامت ..حالج يم عون

هذي مو علويه
زينب المسبيه
محد يمر بيها
ضاله و منسيه

ماتت ومحد نعشها يشيله
لاكو رايه ترفرف اعله الشيله
00000000000000
المر اعله اخت الكافل .. مامر بنسان
مهجوره بنص ديره .. مابيها اخوان
ياكسران الخاطر .. شيجبره اهناك
الوادم تكره زينب .. لا موش احنان

بنص غرب مذبوحه
وبالنعش مطروحه
الما اخو ولا والي
حگه تطلع روحه

زينب ام اربع حزم مهجوره
مدنگه وبنص النعش مكسوره
00000000000000
تابوت العلويه .. عطلو يا ناس
تريد الكافل يمها .. اخت العباس
لا جف لا من رايه.. لا صوت اصياح
لانسوان الديره .. تلطم عل راس

ماكو واحد يمها
وهذا زيد همها
شكد بعيد اعليها
اليمشي جان بدمها

ماتت ومات الحبل والناگه
ماتت وضلت الك مشتاگه
0000000000000
علي ميران

https://youtu.be/V_2KD9__JqM?si=0nDcuhGIRKyITzmp

علي ميران pinned «0785 627 1740 للتواصل واتساب خادمكم علي ميران»

0785 627 1740

للتواصل واتساب
خادمكم علي ميران

لو ما راس ابو فاضل وياها يروح
تطب للشام زينب ما يشرفها
مشت مثل الهوه بالمعجزه تنشاف
اخت عباس ياهو الگال شايفها
گدما كلها هيبه وطبت الديوان
عبايتها التراب استحه يتلفها
اگلج ياعلي. بوگفتج مو يم عون
هاي الوگفه حيدر چان يوگفها

هيبه.. يم عون اسمچ صار ..هيبه

علي ميران

Channel photo updated

#الشاعر علي ميران

عضم الله لك الاجر يا ابا الفضل

زينب 💔

ضهورهم موش العمايم مايله
غير هاي الليله زينب شايله

ادلالهم مچفيه من البارحه
موش هينه ام عون منهم رايحه
نسمع ابكل بيت هاشم نايحه
دموعهم فوگ الشوارب سايله
غير هاي الليه زينب شايله
00000000000000
لبسو اسود والجفافي امشمره
والخواچي اعله المتون امكوره
والعگل لم عون كلها امكدره
وبالخواصر حيل اديهم عايله
غير هاي الليله زينب شايله
0000000000000
الناس تنشد والذهان مسودنه
ليش هاشم لحـاياهــا امطينه
هاي اختمن والزلام امصرفنه
وليش محد يحچي من اتسايله
غير هاي الليله زينب شايله
000000000000000
اليوم هاشم مالهم للحي خلگ
اليوم عدهم صار چن يوم الطبگ
بل أخير اخيولها الما تنسبگ
درو نعش ام اعون محد شايله
غير هاي الليله زينب شايله
000000000000000
اليوم زينب ضاله ابنص الغرب
وهاشم اعليهم صبح گطعه الدرب
ودو الطارش يبلغ بالحرب
وبعد كلمن بيهم ايرد عايله
غير هاي الليله زينب شايله
000000000000000
علي ميران

هيه شهضـــمها
ام عون غير العباس 💔

https://youtu.be/HxeBs3MiGkE?si=MyaFa04ZLzS2_hpw

https://youtu.be/Xs0NMnC1XsQ?si=Boa7O9sa9N0k0gmV

ها زينب شلونج بلكي زينه
يزينب نعتذر جي ما اجينه
شلونه المغرب وياج
ومحد يلطم احذاج
وعلي گطعتنه گوه ومو بدينه

شلونج يبعد الماغفن
يالـ بالغرب متعلـعله
جا ما بقيتي الوحدج
لو ميته يمنه ابكربله
جا شنهي ذنبج بالغرب
ولهسه بيدج سنـسله

بقيتي الوحدج ليش.. هاي الدنيه غبره
بين اربع حياطين ..سجن ماجنها حضرة

اريد اگعد وسولفلج علينه
وعلي گطعتنه گوه ومو بدينه
00000000000000
بيامج ييمه شگد حچينه
بصابعنه حسبنه وما اجينه
عمت عين الوكت كون
اذا ما نوصل ام عون
دورنه عذر بس مالگينه

ها يابعد لب الگلب
تكسر الخاطر گبتج
متعوده يم بابج خدم
جاشنهي ضلتج وحدج
عليج البقه ابصف العلم
رزقينه يمه ازيارتج

هاي الدنيه أيام .. وتدور على زينب
ما مقسومه ترتاح ..بس مقسومه تتعب

فدوه الدمعتج يمشي بچينه
وعلي گطعتنه گوه ومو بدينه
0000000000000
ها زينب شلونج يالچبيره
حيرة ازيارتج والزهره حيرة
وحيده بعازت الناس
المتعوده اعله عباس
غريبه اتسمت الجانت أميره

يابعد ابوي اشغربج
من فدوه لترابج هلي
ماضل الج والي وتره
زحمة المره بلايه ولي
من كربله الحد كربله
متعلعله ابنيت علي

حلمچ راحت البال ..اخ شكبره حلمچ
چي محد وصل ليج ..السنه يزداد همچ

يمنه الساتـرتنه ويالـحنينه
وعلي گطعتنه گوه ومو بدينه
000000000000000
تتغرب الوادم مو عجيبه
بس مامش مثل زينب غريبه
لحد هسه السبي وياچ
ومن ابعيد ننعاچ
ونگول احنه الله شمصيبه

منعونه نوصل حضرتچ
وحرمونه شوفت گبتج
الله ولحد يالغرب
حرمه انتي بس مارحمتچ
حته الهوه شامت اضن
مارفرفت بي رايتچ

مدري شلون احاچيچ ..أسود وجهي يمه
الما يوصلچ ام عون ..عايش يبقه هضمه

وسابع جار ضل يسمع ونينه
وعلي گطعتنه گوه ومو بدينه
000000000000000
علي ميران

يگلبي السالفه اكبر لا يجروك
وهواي المحاچي
نضل طول العمر نبچي عللحسين
منعوف البواچي
شيسكته المضيع محبس وراس
ومضيع تراچي

يگلبي التهي ابمحبوبي
وخليك ابنــــفس ثوبي _ ابچي وألطم وانعه حسين
عوف الوادم التحچي
الضَحَك ما يفهم اليبچي _ الدمعه تريد الناذر عين

اترك اديـهم والزم ايده
ذاك الفحل ابن الصميده
يحچون عني وزيدو اگلهم
عشگ الملامه اني اريده
00000000000000000000000000
اليحب شي يلهج بذكره وانه حسين
عاشگهن حروفه
كلشي گبالي مابي لذه للشوف
بس معشوگي اشوفه
وتره بس الزلم تبچي عللحسين
معذور اليعوفه

شلون اترك ابو الاكبر
وانه مضيع خدر بالبر _ اقنع بيش انسه العريان
اروح ودمعتي تردني
يلوموني واسد اذني _ واسمع بس زينب عطشان

اليحچي اعله دمعاتي اعذره
العنده المصيبه ايام عــشره
فاتحـــتك اكبر من الايــــام
ماعندي شي بس انت اخسره
00000000000000000000000000
اذا مو مجلسك ودموع وصياح
جفني ابيش اسكته
الرضو و الما رضو ما حاسب الناس
كلمن يحچي بخته
وحگ شيبك وشيب اختك و الخيام
اهم شي ترضه انت

رضائك عندي اهم مني
يجرحي ودمعتي وحزني _ وخل ماترضه عليه الناس
يكاسر گلبي يا نوحي
يمحببني بجروحي _ ومضحيلي ابچف العباس

يالعلشريعه انطيته ضهرك
وبيا شَريعه اقنع وخسرك
ماعندي غيرك وانت تدري
كض بيدي خاطر ما اعبرك
00000000000000000000000000
انه حلي ورحيلي بمجلس حسين
وموت بلا عزيه
مفرغ گلبي بس لجروح الضعون
و للراحت سبيه
اذا مو عاشرك مو حلوه الايام
يل مدليني بيه

دخيل عيون ابو اليمه
اخذني من الوهم يمه _ تارس روحي وگلبي فياي
انه العاشگ جفن غافي
ليشربني دمع صافي _ وضل عطشان ايدور ماي

واصل حنانه اللب الگلوب
بس هوه يرهم اسمه محبوب
دليني بيــك وبالـــيحبوك
وخليني اضيع كل الدروب
00000000000000000000000000
علي ميــــــــران

https://youtu.be/6NWU1gnwLrM?si=7NTxL9gIaJZZUPXT

https://youtu.be/POVxIMxnY3k?si=f8MYcacgWuhGmJAz

يا ابا عبد الله الحسين //الرادود حسن العرداوي //الذاكر علي الهاشمي // مو...
https://youtube.com/watch?v=3fUz4T0KwbU&feature=shared

https://youtu.be/FOEvroBLsmU?si=rEvJvTjammtaF_OC

تريد الصدگ هذا الصدگ

قريباً
#حسن_العرداوي
#علي_ميران

ثگيل #وسطية

ياعلي يابا الحسن _ ياعلي يابا الحسن

علي الطلعه الرشيده _ علي وبس هوه اريده.
علي القاهر _ علي باچر _ علي يعبّرني بيده
علي شمحلاته تعبه _ علي بكل شده اندبه
يربيني _ ويدليني _ علي ويعرفني احبه

الله وصّه نحب وصيه وگلنه طوعاً واستماع
الله شاف الگاع ضلــمه ونزل الها اكبر شــعاع.
لليـــسافر صوره لازم عـــنده من حــيدر متاع.
الــكون صايرله سفينه وحيـــدر اتنصب شـراع

يعني بيده القافله _ من الاخير الأوله
ياعلي يابا الحسن _ ياعلي يابا الحسن.

00000000000000000000000000
علي ديني وصلاتي _ علي روحي وحياتي.
علي الاول _ علي الاخر _ علي قارب نجاتي..
علي مكبرني بيده _ علي الكلمه الحميده
علي الريه _ النفس بيه _ علي مخجل القصيده.

انت ما مدفون ادري وعقلي هلشي فسّره
كون حيدر گبره بيها ضلمه ليــش المگبره
انت غيرت الله عندك صار سبع الگنــطره
واليحب حيدر نعرفه ايصير مثل المــبخره

عطره يملينه ملي _ بيا علياً ياعلي..
ياعلي يابا الحسن _ ياعلي يابا الحسن
00000000000000000000000000
علي الخدمه العضيمه _ علي الآيه الكريمه
علي القالع _ علي الراكع _ علي النيه السليمه
علي شچم قبله صلّه؟ _ علي تسبيحت الله
علي القصور _ عليُ الدر _ علي اليصعب نحصله

حيدر شمحلاته گلبك يا رؤوف ويا رحــيم
حيدر الله يحطه باچر علـ سراط المستقيم
هوه اليعرفه الله و احمد يا عضمته شگد عضيم
حگي لو حبيته حگي وحگي بحروفه أهيم

ياهو غير الحيدره _ ابو سبع الگنطره
ياعلي يابا الحسن _ياعلي يابا الحسن.
00000000000000000000000000
علي و بكيفه كلشي _ علي بشرياني يمشي
علي سنيني _ ونضر عيني _ اذكره ويغفه رمشي
علي اول رساله _ علي شيخ البساله.
علي المغرب _علي المرعب _ علي مخوف سلاله

بذكره اهيدن واطمئنن همي رأسن ينجلي.
الجنه مكتوب بوجها ادخلوها ابحب علي
فدوه اروحن لسمه اني وعمري وخواني وهلي
ماكو والي نحطه يرهم بس ابو الكافل ولي

غيره مايرهم أمير _ يگعد ابگلب الفقير
ياعلي يابا الحسن _ياعلي يابا الحسن
0000000000 000000.
علي ميران

https://youtu.be/RKFzSc4ztMY?si=Lb5Kkw56S_vtV_XP

#ندم خادم


جريت اذن گلبي وتبت ماعاود اعلى ذنوبي
وثوبي الگبل مابي نفع بدلّته أسود ثوبي

ندم شابع اجيتك وانت شابع ضيم
اعطشك وارتوي ومافكرت مرة
مولاي المثل شخصي حرام ايعيش
دور غير واحد يستحق عِشرة

نادم نادم .. اجيتك نادم اقبل
نادم نادم ..دورلي علكيفك حل
نادم نادم.. وسويني علجسمك ضل
حبيبي حسين.. حبيبي حسين
————————————————
يحسين وزهرة استحي كلما اجيك اتسامح
هم زحمه متحمل ذنب كلساعه جاي ورايح

امفكر بلذنب مافكرت فد يوم
شلون اخلِص وياك وياوكت انضف
اطب المجلسك واطلع اعدال اثنين
وارجع اذنب شما ذنبي احسن خف

نادم نادم .. اجيتك ذنبي يركض
نادم نادم.. اتوبن يمته واتفض
نادم نادم.. وفقط بس اسمك احفض
حبيبي حسين.. حبيبي حسين

————————————————

هاي آخر اذنوبي وبعد ما اذنب وما لچمك
يحسين صحيني وبعد خليني ابچي لهدمك

مولاي الذنب تعبني خل ارتاح
اخذ عمري علحبك ليلة العاشر
وحك اعيون زينب اني صح موخوش
بس يحسين واحد يكسر الخاطر

نادم نادم..احبك وادري مذنب
نادم نادم .. الذنب مولانا متعب
نادم نادم.. ندم خادمكم ايحب
حبيبي حسين.. حبيبي حسين

————————————————
مولاي حسسني ابغلط بس كلي قدر تعبي
واثنينهن رايد انه حبك ورايد ذنبي

مولاي اني واحد ما استاهل هيج
دلال وما استاهل خدمتك والله
مولاي انت اكبر اني فد افلان
يحس انجاز سوه ابيوم اذا صله

نادم نادم..اريدك انت جرني
نادم نادم .. علراي وصيغه حطني
نادم نادم..بوادي العشق ذبني
حبيبي حسين.. حبيبي حسين

————————————————
تستاهل انموت وعلي بس حرگتك مابينه
وشوف الشرف والله الخلَق من طينك مسوينه

يحسين الذنب مستولي گلبي اهواي
نضّف گلبي بيدك ايدك تنضفه
بلكت من ارد من محلسك فديوم
انام واگعد وكون الصبح اصفه

نادم نادم.. يبعد الماي كله
نادم نادم.. تصير الگلبي خلّه
نادم نادم.. عليك هواي سهله
حبيبي حسين.. حبيبي حسين

————————————————

✍️✍️ علي ميران

دخن غيض



طبهم سيل يبس حلگ البيهم خير
انه ادخيل ماتــكمل والرگبه اتطير
طفة اليل بتراب المهرة ومن صال
الصعبه تصير بچفوف المهيوب تصير

شد راس براس وغار
بس هاذه اليطلب ثار

علي علي _ ساحل زلم
علي علي _ ما ينهزم
علي علي _ شيخ القهر
علي علي _ يسحگ خشم

علي مولا _ علي الاكبر
0000000000 000000
لمّن صال صارت دخان ابلا نار
طب عباس گالو لو طب الكرار
شد السيف وقع بالدم يم حسين
روس الگوم كلها اتطير زغار اكبار

طگ عرجه ودخن غيض
گيض وحَر وسط الگيض

علي علي _ ماينگدر
علي علي _ راعي الشگر
علي علي _ موت لحمر
علي علي _ مدري شكثر

علي مولا _ علي الأكبر
0000000000 000000
غار وشاف ياهو المن عدهم ينلاح
اليركض طاح والما لحگ يركض طاح
يسمع گام كلنه ادخيل عله العباس
گلب الجيش ينبض خوف ودم وصياح

فرع للجيش وگال
ياهو البيكم رجال

علي علي _ عمه الحسن
علي علي _ شيخ الزمن
علي علي _ غار وعبر
علي علي _ ضيم ومحن

علي مولا _ علي الاكبر
0000000000 000000
رد لحسين جايب بشرى ويا من فات
كـــل رجال يم رجيـــــلن لاكبر مات
عفيه حسين گله وزودك للعباس
الذل وياك مايرهملك لا هيهات

رد غار عليهم حيد
عده الطف يوم العيد

علي علي _ ماينمحي
علي علي _ يطحن رحي
علي علي _ زود وفخر
علي علي _ زين لحي

علي مولا _علي الاكبر
0000000000 000000
علــــــــــي ميــــــــــران

https://youtu.be/BhEuGEp9kIk?si=CQIw171a1VFz2SRf

https://youtu.be/yqbrA1C9JuE?si=fXqg9X7XKpOHriCS

الله الله | الرادود حسن العرداوي | الذاكر احمد كريم |1446 #حصري
https://youtube.com/watch?v=LhLSEyG1y1k&feature=shared

https://t.me/molaa_hasan


على حب فاطمة

مهيمن الخزعلي
علي ميران

القصيدة للشاعر :: رسول رياض

يالماشين لرض الشام...أخيكم ضال يتحسر
سلمولي عليها هواي...أروحن ليها ماأگدر
مامقسوم أزور أم عون...وگلبي الرخصه يتنطر
ألي يمكم أمانه أتروح...توصل بابها الأخضر
هاكم روحي أخذوهه...گبل لا للگبر تنجر

آه يالـغريبـه

أمانه وياكم أخذولي
جرحي الصاير بطولي
يازوارهه أدعولي...گبل لاموت أزورنها

عمري خلص متانه
روحي أثغيب خلصانه
راحت كلها يمته أنه...المناره ذيچ أشوفنها

مريض وعلتي ماترضه تتطيب ومالي بس چاره
زينب يمه قسميلي لذيچ الحضره أجي زياره
♕♕♕♕♕♕♕♕♕♕♕♕♕♕♕
روحي من البچي تعبت...ونار بگلبي حراگه
آه يالشام دمعي يصيح...يمته يصير الملاگه
وعلي مشتاگ يايمه...وشوگه المثلي خناگه
بدخانه دليليّ يلوب...صحنچ يحرگ فراگه
أْنه امنيتي أطب لسوگ...أحس أبعثرت الناگه

آه يالـغريبـه

أطيح ورايد يشوفون
أريد أسمعهم أشيحچون
من السمعوو لم عون...هاي الماتو أخوتها

أجــي وتـعـثـر بممشاي
حافي أسمعها لچمت هاي
طـبـنْ للـقـصـر حـفـاي...وحس بالحيره ساعتها

أريد أسمعهم أيگولون أجه رايد يشوف أمه
غريبه وليلها تگضيه ونين وساكنا الضلمه
♕♕♕♕♕♕♕♕♕♕♕♕♕♕♕
أنا العايش بحيره...وتشيب الليل سالفته
من گد ماأون الليل...حته الليل جزعته
أنه الصحبانه المتعبيه...منهم كلمه هاضمته
شفنا أشويه من الشام...أبد ماتنحمل علته
الله يعين گلب أم عون...كله الشام شايفته

آه يالـغريبـه

گالو كلشي غربه هناك
وحال أم عون مو كواك
ويم شباجها أذكرناك...بس مو مال ننخاها

لسه امتانيا العباس
لسه أتعيل بيهه الناس
ناس بلا خجل وحساس...أخو يگولون ماجاها

يمه المثلي موش بخير والله تذبحه الحچايه
أريد الموت يمچ كون بعد ماتگضي القرايه
♕♕♕♕♕♕♕♕♕♕♕♕♕♕♕
دخيلچ يمه أرزقيني...أروح وي الألچ گاصد
أجي للمجلس أسمعهم...حچيهم صاير بواحد
بليلة مايريد يروح...والطرت الفجر گاعد
طر الفجر گالو مات...ذاك الحلمه الج رايد
أضم دمعي وگوم آبآآآه...وسد أذني ورد شارد

آه يالـغريبـه

أضم بگلبي هم وآلام
وحس بگلبي ضام أسهام
أنه السالفتي بس بالشام...أچي مولاتي ياساعه؟

كلشي عليا سويته
وثغيبي أُوني لميته
أنه الملگاج تانيته...أنه الدمعته متاعه

محضر كلشي وتنه اليوم ألبيه أنحسب زاير
دخيلچ يمه أرخصيني بعد ماريد أضل حاير
♕♕♕♕♕♕♕♕♕♕♕♕♕♕♕
رســول ريــاض

مـحـــمد الفاطمـــــي
#هيئة_عزاء_الخنصر_الحسيني

لسان حال اصحاب الحسين عليه السلام



يحسين السيوف الحادة اهواي
ما حسينه بيها وصحنه بالريش
احنه وي النحبه نموت مرتين
رَبع الما تموت وياك رَبعـــيش

علــــــــــي ميــــــــــران

يعز الله جوي عليها


موت أعتلى
بالدم يغرگ كربله _من الله عينه امكحله
قاسم الخير والعطاء
سيفة ابرگاب امدلله

سيل ونازل
بيرق شايل
وسط الحومه
چنه الكافل

قاسم ليــث المعارة
قاسم يرهب سماره
قاسم يمه العـساچـر
قاسم صارت أسارة

يعز الله جوي عليها
0000000000 000000
طبهم فحل
لايگ عليه لون الزعل _ من شن عليهم ورتجل
قاسم الخير والعطاء
وصل دمامهم يم زحل

شايل رايه
گال حچايه
انتم واحد
واني اهوايه

قاسم بچفوفه شارة
قاسم يرعب سماره
قاسم محد يرجعه
قاسم شايل فقاره

يعز الله جوي عليها
0000000000 000000
صنته الحرب
صوت البواتر و الضرب _ يسمعهن الــما ينغلب
قاسم الخير والعطاء
سوه ابـــشواربهم درب

شيخ ومالح
بكلهن فالح
فوگ الوادم
راجع رايح

قاسم يشبه جهنم
قاسم ينثرها بالدم
قاسم صاح بجمعهم
قاسم يازلمه يسلم

يعز الله جوي عليها
0000000000 000000
من عرجه طگ
باطل جمهم طبها حگ _ بنص الصفوف امسوي شگ
قاسم الخير والعطاء
عرج الهواشم عنده طگ

يشبه حيدر
صار وكبـّـر
ليث وغاضب
بنصهم يزئر

قاسم اشجع محارب
قاسم زين شوارب
قاسم يم جدمه تركع
قاسم كل الكتائب

يعز الله جوي عليها
0000000000 000000
علــــــــــي ميــــــــــران

https://youtu.be/xcP4RbwOkdE?si=lwpWedOHrTEcsblg

https://youtu.be/S6pNeCHMm8I?si=PL7ra0z8VXcidtwU

https://t.me/yifck

لا لا يباب :: چاليش كاسرلك ضلع
لالا يباب :: ومحسن وگع من الدفع
0000000000 000000
چنه نتصابح سوه يا صباح العافيه
الشمعه البيتي گبل هسه أمست طافيه
چانت تأذن عشگ و السوالف دافيه
هسه من گد الوجع غافيه وما غايفه

من يمها افوت :: الزهرة يلچمها الهوه
من يمها افوت :: خاطري يكسره الدوه
لالا يباب..
0000000000 000000
مگابلك وانزف عتب. خيبتلي اضنوني
انه المعلي السمه. مدنگ ايشوفوني
من عسه بعيني العمه. وموت سد اعيوني
الغيري زهرة عمري أفا. صيحت سندوني

لفضه تصيح :: واني اسمعها ابهضم
لفضه تصيح :: الچلمه حزت بالعضم
لالا يباب...
0000000000 000000
زينب اتروح وترد بويه گوم ويانه
وگلبي يوجعني امن اصد. عيونها التعبانه
اشايفه ابنيتي و اجت. هل كثر ذبلانه
المحسن مأذيها اضن. أشرت لمچانه

گالت اخوي :: ردته يصبح ليه سد
گالت اخوي :: تبچي وتروح وترد
لالا يباب..
0000000000 000000
عمري ما باچي ابهضم ها يلـ امبچيني.
شصار بضلوع ام حسن. يالخشب حاچيني.
طشرت كلشي حلو. . وطشرتها اسنيني.
عالي چنت اعله الخلگ. هسه عالي اونيني

اتمنه اموت :: گمت بفراگ ام حسن
اتمنه اموت :: امنيتي دفان او چفن
لالا يباب..
0000000000 000000
علي ميران

تغطية عزاء هيئة الخنصر بذكرى شهادة مولاتنا فاطمة الزهراء ( صلوات الله عليها )

الشيخ : مرتضى المشهدي
الرادود : لطيف الجبوري
الرادود : محمد الفاطمي
الذاكر : منتظر الخادم

العراق - النجف الاشرف