الشاعر سيد اسعد الموسوي

#جديد
((عالي المقام))


نافض بصيره والعلم ثابت عطائه
قمر العشيرة والنعم كامل وفائه
لحسين ناده سيدي ومولاي ابشر
رايح انه للعلگمي وملبي ندائه

لعياله كفيل
ولحسينه خليل
يمه وينتهي
كلشي مستحيل

ارض الحومه انطوى.. ونگلبت نينوى
لاوها وخلاها بسيفه نياشين

يكر بيها ومعتلي... مسنع بزرت علي
شما شردو لاگاهم يازود الحسين

مدد مدد وعلى العباس لا يعلو احد

٭★٭★٭★٭★٭★٭★

يفري الرگاب ابكربلا فخر الهواشم
ماكو عيون اتصد اله بكل العوالم
وحده فقط من يعتلي يبن بياضه
حامل لواء امخيمه وحامي الفواطم

عالي المقام
فارس هيام
فيه الجدال
رابح تمام

يخط جدمه بالارض.عركه ولابد تفض
بالمهره علشكره سواها طشار

ملوحه من حيدره .. يشطب بالزمجره
يفنيها ويكضيها القاده الكبار



مدد مدد وعلى العباس لا يعلو احد

٭★٭★٭★٭★٭★٭★

الساني يعجز بالوصف احجي بمقامه
عالي الشرف عالي الصفه عالي الوسامه
الدنيه تزغر لو ردت اوصف كماله
وتخجل عبارات الوفه توكف امامه

للدنيه عجيب
لخيامه مجيب
هوه فيِ ستر
لايخشى مريب

مالك گلبه العشگ ..منگع غيره صدگ
الساقي والباقي في حب الخيام

ينگط غيره شكثر .. معلم من الزغر
للخوه بالتچوه مرجعها الزلام

مدد مدد وعلى العباس لا يعلو احد

٭★٭★٭★٭★٭★

ام البنين ام الوفه خلفته عباس
يبني الخيام بصايتك ودريك نوماس
بحسين بحسين وصته بالك تعوفه
ادريك گد هذا الوعد لآخر الانفاس

أنذرله الجفوف
وعيني البيها اشوف
خاطر عيلته
مايحصلها خوف


مسنع غيره وفخر .لأجل حسين العمر
بالخدمه والطاعه ماهمني الجروح

افديله ابدنيتي .. ابجودي ولامتي
يرحله ويفدله ماعزن الروح

مدد مدد وعلى العباس لا يعلو احد

٭★٭★٭★٭★٭★٭★

#سيد_اسعد_الموسوي 🖋️

((نعش العفيفه))

استقبال الليالي الفاطميه لأستشهاد مولاتنا فاطمة الزهراء عليها السلام
#مصائب_مولاتنا_الزهراء
#استقبال_الليالي_الفاطميه

صعبـه عليه شـايـل بـديـه اعـظـم رزيـه
الصارت هاي
نعش العفيفه ماخذني طيفه مراودني هوه
بحلمي الجاي
متعبني يومه وزايد همومه وماجتني نومه
وهوة وياي

ياكسرة وماضن تنجبر
وتنشف اذهان الشعر
وتغرگ اوراق بكتب
وتنشف اقلام الحبر

صعبه وخلت حيدر فاكد حبه
امصيبة واللهٍ شلعت كلبه
متوجد للحايط تايه دربه
___

كلبي انكساره وجمرة دماره ولوعت ثماره
بدفع الباب
مابيه اشيلن ايدي واحطن امشي وگومن
عمري انصاب
مابيه انادي لذت فؤادي سلبتها اعادي
بريح الهاب

ياصورة وماضن تنرسم
ذبلانه واضلع تنهشم
ياحيدر ويا حيرته
كاعد يبجي وعايش الم

امهبط راسه ودموعه تجري
ياربي ماريدن طوله لعمري
قلت بيه الحيله وروحت صبري
___
معروفه قصتي دفعوها مرتي وزيدوها علتي
ودمي يفور
زورك متنها وجهضت ابنها و ويتمو حضنها
وطفو نور
چماله بدفعها كسرو ضلعها وشافو دمعها
بخد مصطور

دفعو الباب وطبو وان
جانت فاطم ام الحسن
حركو الدار عليها برعب
وعيشوها بجواء الحزن

اصوات بأضلعها كامت تطلع
أثكيله الجذوع وبيها تــدفع
ادركني يامهدي بعين التدمع
_
جبيره محنتي وياها دمعتي بحركه وحسرتي
صعبه تصير
قصتها تكتل بعيوني تجغل وماضنها تغفل
عني تدير
حركوها داري وجوها ناري بكلبي اثاري
الحركه تثير


شتحمله دفعه لو صطر
وبسمار و نابت منغمر
ياخذ حيلي من اشوف
تتلوه الزهره بعصر

بسمار ونابت يايمه يحسين
وفوكاها المايرحم ساطرلي العين
وشبوها ادياري وحرگولي ايدين

#سيد_اسعد_الموسوي



https://t.me/gGpjd

لحن القصيده 👇👇

لحن قصيده
((مهابة آل هاشم))

#جديد
#نزال_شجاعه


//مهابة آل هاشم//


زينب بالشجاعه مالها مقياس
ياهيبة علي وحجايت العباس
وكفت حيد هاشم سكتت الاعداء
لمًـن بالقــصـر ومگابلتها الناس

كلها صفنت بيها .. الله لمجليها
مو مره ياودام .. شوصف انه عليها

المهيوبه ... اخت الكمر

★★★★★★

شحجيلك عليها وهيه بت حيدر
يمن فدوه لسمها العالي المقدر
يبت خير الله عله الدنيه
نجوم البل سمه اعليها ماتنظر

بالستر اعجوبه .. زينب المهيوبه
والاثر مالته .. ينمسح بدروبه


المهيوبه ... اخت الكمر
★★★★★


هــــيه للشجـاعـه والعبوديه
بت حيدر علي اصل الحيوديه
يسر استصعب وحيرنه ابحله
الكواكب والارض يم زينب شويه

هيه احله احجايه .. مو فقط للغايه
هذا واقع لازم .. ننطي حقها هوايه

المهيوبه ... اخت الكمر
★★★★★


مهابة ال هاشم واكفه بسدها
جليلة وصابره والمعظمه العدها
يحتار القلم يكتب عليها ابيات
يوكف معصمه ايده الرايد يحدها

عالمه ومحتامه .. بالعلم وافهامه
ماكو نص ايكفي .. يعجز ابقلامه

المهيوبه ... اخت الكمر

★★★★★★

خادم القصيده ..
#سيد_اسعد_الموسوي 🖋️📖

https://t.me/gGpjd

ياابا الفضل 💚

لحن قصيده
((فارس مضر))

#جديد
#نزال_شجاعة_مولاي_ابو_فاضل

//فارس مضر//

يعباس دخيلك يعباس..

مغضب عليها طبها الفحل
لاواها بيده وصار الاجل
هذا الكمر حيد ومن يطب
ماكو مهل يكضيها كل المهل

كفو وزود منك شهم
تسل سيف تكضي الزلم
اخو ام عون منك نعم

★★★★★★
غير بجيش وامحيي محي
يخو حسين الويه لوي
وختم بيه ونهي الحصل
ويه الكاع خل ينطوي

سبع دوم وحده يطب
المهم جان هوة الصعب
يحط بيه كل الرعب

يعباس دخيلك يعباس..
★★★★★
عله الگوم شع الضوه
وجمال الريشه استوه
تصوفر وجهه العدو
الهوا شح مامش هوا

بيده الواه وماينسبگ
بيمتنه يرفع يطگ
عله الگوم صار الرشگ
يعباس دخيلك يعباس ...
★★★★★

العرگ طك وامره صدر
يكر حار فارس مضر
عله الجيش بان الرعب
اليحط بيه سيفه انوذر

ابن زود شامخ تره
يحد عين الزمجره
الشجاعه والمقدره

يعباس دخيلك يعباس..
★★★★
خادم القصيده..
#سيد_اسعد_الموسوي🖋️📖

https://t.me/gGpjd

((قطبان الارض والسماء))

لو لا فاطمه لما كان النبي
لو لا فاطمه لما كان علي
لو لا فاطمه لمح الوجود
فهي فاطمه تعلو بالعلي

ام ابيها ... روح علياهَ .. فاطم
نور اللهِ ... الامر الناهي ..فاطم
لغز البارِ ... سر بفكاري .. فاطم

نور الله المنزه ماتحده حدود
من قبل الخليقه تره هم موجود
قطبان الارض بين السمه والكون
نقطه اصل توصل بالعدل والجود

فاطمه .. فاطمه

لو لا فاطمه لما كان الحسن
لو لا فاطمه لما حل الشچن
لو لا فاطمه لما كان الحسين
لو لا فاطمه لما حدَ الوطن

سر الغايه .. احله حجايه ...فاطم
قدس المظهر .. جود المنظر ..فاطم
نورا الديني .. دوم بعيني .. فاطم


الجذر اصل النبات وهيه اصل الكون
الثمار منزهه عليها قبل من كون
وصعب نفهمها لو ردنه نكول
سر مصتصعب علينه لغز مكنون

فاطمه .. فاطمه

لو لا فاطمه لما كانت حياة
لو لا فاطمه قد حل السبات
لو لا فاطمه لما كان السرور
لو لا فاطمه لم صار النجاة

يوم اللوحِ ... نبض الروحِ .. فاطم
نور النورِ ... نفخ الصورِ .. فاطم
ليل القدرِ ... يوم الحشرِ .. فاطم

حجاب الله ودعائه والستر بيها
نهر فايض عطاء بجنته عليها
اليشكك والمغالي حيدر حسابه
لان ام الحسن يم حيدره الگيها

فاطمه .. فاطمه

لو لا فاطمه لم نخلق خدم
لو لا فاطمه لأصبحنا عدم
لو لا فاطمه لكنَ للوراء
لو لا فاطمه لجهلنا العلم

علم الخدمه .. هيه اسمه ... فاطم
مرجع حبي .. تنور دربي ... فاطم
رمز الهامي .. بكل ايامي ... فاطم

هيه نقطة اصل ما واحد تدناها
علمها مغيب ومحد على وياها
ماكو اثنين منها ولاشبه الها
فاطم هيه وحده وربك انطاها

فاطمه .. فاطمه

رزق مولاتنا فاطمه الزهراء عليها السلام

اسعد الموسوي 🖋️📖



https://t.me/gGpjd

محرم الحرام 1446هـ
ليلة العاشر ـ

((بويه الاكبر تعبتني))

#مصائب_الحسين_عليه_السلام
#بولده_علي_الاكبر_عليه_السلام

عطشتني لشوفك اكعد ماترد شنهي شجاك ..؟
ليش بويه الرمل يحرگ وباگ منك كل حلاك
بويه الاكبـر مااتحمل راح اموت انه وراك ...
ردت اشوفن انه بزرك مو تموت انته ابصباك..
وين رايح
يادلالي موذر وبالغبره طايح
وين رايح
ياسك تبده وحلاتك بالنوايح
وين رايح
بويه اصيحك ماترد عله الصوايح
وين رايح

بويه الاكبر تعبتني ماترد وعليه ساكت
حتلو كلي يبويه وهمس بصوتك الخافت

💔💔💔💔💔💔💔

يبني يمدلل خواتك ليش دمك ضل يسيل ...؟
ومن تهج الخيل تسحك وبالسحك جسمك يميل
الخيل ماهمت بموتك تسحك ضلوع وتشيل ..
وسحكت الحافر تعور شحال لو عميه وتعيل

بيه حسره
بزري معبر للخيول وصار عثره
بيه حسره
وجم حذو من الكاع شالت منه وذره
بيه حسره
مغمضات وصار ملكاهن بصدره
عشره عشره
وبيه حسره

الله واكبر مرمرتني بشوفي للحافر خذاك
وشوفي للخيل شمتنها الداست الكاع بگفاك

💔💔💔💔💔💔

شمحلاها ياذاك الجمال وبحضني كاعد جنت امس
موهينه لا والله وعلي حاجيني لو حته همس
متوسد انته بالارض ومطروح جسمك بالشمس
وصاير وذر من السحك ويه الحذو جسمك لِمس

راح عمري
محدب ومكسور ظهري
راح عمري
انهدم حيلي وضاگ صدري
راح عمري
وقلت الحيلي عليه ونفذ صبري
راح عمري

من بعيد وانه شفتك ماد رجليك بتعب
اصبر وخليني احبك مو تروح بلايه حب

💔💔💔💔💔💔💔

كلشي انتهى بويه بعد راح الربه وذاك الدلال
والقاسمه لله اهل الحرام تطغي عله أهل الحلال
وصعبت عليه لمن شفت متحاوطه جيوش بنبال
وتعايشت طف والم جرح الابن كطع الوصال

والله صعبه
ضعني لايذ والحرك تيهله دربه
والله صعبه
ال هاشم تنحسب وادهما غربه
والله صعبه
انته بزري والابو مشلوع كلبه
والله صعبه

شسويت بيه ويتمتني وباقي انه بلاراي
تكاثرن بيه المصايب والعدو رايحلي جاي

💔💔💔💔💔

اهداء ثواب هذه القصيدة
الى اخي خادم الحسين
الشاعر زين العابدين الموسوي 💔✍️


https://t.me/gGpjd

#ليلة_الثامن_من_محرم_الحرام
#لشجاعة_مولانا
#القاسم_ابن_الحسن_عليهم_السلام

//ياقاسم العطاء//



يـبـن كـريـم الزمــن
ياقل هو ابن الحسن
مــا منـك انتـه تره
قاسـم عطـاء المحـن

انته الصفاتك كثر
كنـز وعلي ينـدثـر
محد يعرفك شنو
انتـه التـعثر العـثر

القاسـم القاسـم ياحلو الرسوم
محلاته محلاته شعره والهدوم
من تكشخ وتلبس درعك يمولاي
تتبسم ارض الله وتروح الغيوم

////////////////

مـاكو بجمالك بـشـر
يعجـر خيال الصـور
انته الضوه الي تشع
فــوك الغيوم يــاگمر


انته العشك من الزغر
يبـن الحسـن و للـكبـر
مــنك ردت الـهيــام
لأخــر حيـاة الـعـمــر

ماشـفـنه ماشـفـنه بجمالـك اثـنـين
انته احله انته احله نور الصواوين
منك ردنه شويه يا اجمل الكون
يانـور الكل ضلمه تربـات الحسيـن

//////////

اصـل الـزلـم تنـعـرف
وكت الحرب تنوصف
قسم بشجاعه وشيم
قسـم بخـزر تـرتـجف


بيـك الشـجـاعه حلـت
ويـمــك تره تـجســدت
ياواهـب الكـل شجــاع
صوت السيوف الحجت


يمعـتبر يمعـتبر مـامنـك هـواي
الميدان الميدان يشهدلك بهاي
الهيبه وعلومك صارت بالطفوف
ياغالي واشجعهم بالدنيه وفاي


///////////////


يـاقائـد الكـل سـبع
قـوة ورداعه ودرع
كلها تصيحك مدد
تنـبع شـجاعة نـبـع


حتـه السـمـه تلگتك
فحل الفحول كنتك
رمز البطوله هوة
واشجعها هم سمتك


مولانه مولانه ماعنده صـعـبات
يكضيها يكضيها سبع السماوات
مايخطي بالصيده لو راد يصيد
يقلعـهم يقلعـهم لو جانـو ثـبات

///////////////


#سيد_اسعد_الموسوي



https://t.me/gGpjd

#ليلة_السابع
#حامل_اللواء #ابا_الفضل


ابو فاضل... ابو فاضل

ياحلات اعيونه... ابو فاضل
والخضره فوك امتونه... ابو فاضل
ياسبع بفنونه ... ابو فاضل
وبـخزرته يعـرفــــونه... ابـو فاضل

زود وشهامه .. يوم القيامه ...هذا ابــو فاضل
غيره ونشامه .. شده وعزامه . هذا ابو فاضل

هوة .. سر الغيره
هوة .. ايه جبيره

هوة .. سبع الحــومه
ابو فاضل ...
هوة .. ســبع الديره
هوة ..محير الحيره

هوة .. مخلص گـومه
ابو فاضل ...

!!«««««««««««««√√»»»»»»»»»»»»!!
السبع بلهده ... أبو فاضل
الجـيش كــله ضده ... ابو فاضل
ينخزر ويمده .. أبو فاضل
بسمه تكضي الشده ... أبو فاضل

قوه ورداعه .. ينبع نباعه ... هذا أبو فاضل
خـير ونفاعه .. رب الشجاعه هذا ابو فاضل

هوة اصله اعجوبه
هوة سبع احـروبه

هــــــوة الدين العالي

ابو فاضل
هوة يهو بصوبه
هوة محلي ثوبه

هـــــوة وحده الوالي
ابو فاضل
!!«««««««««««««««√√»»»»»»»»»»»»»»»!!
ياكلف ومعتبر .... ابو فاضل
و الواجهك مايكدر .... أبو فاضل
برايتك تتبختر .... ابو فاضل
والكلفه يمك تزغر .... ابو فاضل

اصدق محارب .. ينتف شوارب .. هذا ابو فاضل
سـبعه العجايب .. ثامـنها راعب .. هذا ابو فاضل

هوة كافل هاشم
هوة شيخ الوادم

هـــــوة السيف الباتر
ابو فاضل
هوة غــضب ولازم
هوة يطك ويهاجم

هـــــٕـوة بيوم العاشر
ابو فاضل
!!«««««««««««««««✓✓»»»»»»»»»»»»»»»»»!!
انخلق للخالق .... ابو فاضل
وسمه عالي الطارق ....أبو فاضل
الاسم الناطق.... أبـــو فاضل
للـكون كـــله رازق .... أبو فاضل

خيره وكلافه .. بعين الصلافه...هذا أبو فاضل
ينبـع رجــوله .. واسمه نگوله ...هذا ابو فاضل

هوة اسمه القاتل
هوة اشجع كافل

هــــوة غيره وشيمه
ابو فاضل
هوة معلي النــازل
هوة وحده الباسل

هــــــوة عالي القيمه
ابو فاضل
!!«««««««««««««««««✓✓»»»»»»»»»»»»»»»»»!!
بلقتل يتحله .. ابو فاضل
اســمه فوك معله .. ابو فاضل
بالنحر يتسله .. ابو فاضل
اسمه اعظم كله .. ابو فاضل

قتل ومناحر .. يترس مگابر ... هذا ابو فاضل
مــايثني بيها .. يـــقلع رحيها ... هذا ابو فاضل

هوة اول راعب
هوة بعد الراهب

هــــوة ســــبع اخوانه
ابو فاضل
هوة فوك الحاجب
هوة ريشه وشارب

هـــــــوة مــلـك زمـانه
ابو فاضل
!!«««««««««««««««✓✓»»»»»»»»»»»»»»»»»!!

خادم القصيدة ؛؛
#سيد_اسعد_الموسوي

#من_الارشيف

https://t.me/gGpjd

#ليلة_السابع
#مولاي_العباس_ابن_علي
#قمر_العشيرة_ابا_الفضل_عليه_السلام

//ابو فاضل//


سـل سـيفه ابن علي وارتـجل
قائلاً ياجيش هل منكم رجل
وقف الجيش وقوفاً مرتجف
بخـزرتا من عينه ذاك النـجـل


غار .. وغيرت هاشم
غار .. بسيفه الصارم
سبع الديره
غــار .. وحــده وادم
غار ..يطـك ويـهـاجم
سبع الديره

مـلك المـوت ضـل حاير بس الروس تتطاير
من سيفه .. أبو فاضل
سبع من زغره متـعلم يطـكه بسـيفـه وتغيم
وبـكيفـه .. ابوفـاضـل
كلف حامل لواء اخته حلات اهدومه وبشته
يـاطـيفه .. أبو فاضل
/////~//
اوقـف الجيش وقوفُاً مرتعـب
صـاح للـجيـش هلـمه واقترب
هـا انـا ابن عـلـي الـمـرتـضى
ان كان فيكم اشعجا فليقترب

نار .. تـجـدح راسـه
نار .. فوك الجـاسـه
رب الغيره
نـار .. وطـيير ناسـه
نار .. يسكت انفاسه
رب الغيره

ماتـطفي ابـد نـاره مو با السـيف با الشاره
يانور الله ... أبو فاضل
نار وتجدح براسه غيره من الله بحساسه
ياحي الله ... ابو فاضل
يمحله الخوذه والهيبة وين السبع يجيبه
يازود الله ... ابو فاضل

//~|||~//
وقــالـهـا مالـك ذو الـقـلـب الـجــسـر
انــه عـبــاس صــغـيــراً بـالـعـمـر
بخزرتا اترتجف مالك واختلس
لان اصل الخوف من عين القمر

حار .. بسيفه ويفتر
حار .. شمس ويعبر
واصل الحيره
حار .. هـوة ويخـزر
حار .. وحده يشطر
واصل الحيره

العساكر صفنت بظلها والقاده اشردت كلها
من طباها .. ابو فاضل
روجه تـردم بروجـه خله الحومه مـعوجـه
من ناداها .. ابو فاضل
طبك عاليها بسفلها الشامخ ضل يوسـدلها
من گاداهـا .. ابوفاضل
//~|||~~~\\
كر فيها ذلك الشبـل الشجـاع
في ارض گرب وبلاء وضياع
مسك الميدان في يمناه قد
حـل للعسـكـر مـصـدر انـتـزاع

صار .. هوة القـائـد
صار .. يهد ويجاهد
فحل السيره
صار .. وحده ويثني
صار .. بيده ويـحني
فحل السيره

الـشـرد هـنياله بلشرده محد كابله وضده
بالحومه .. ابو فاضل
سبـع بالـهـده راعـبـهـا مـايـثـنـي ع لرگـبهـا
من ارسومه .. ابو فاضل
تميل شما هوت گاعه عرگ هاشم واطباعه
بعلومه .. ابو فاضل

//|||~\\

#سيد اسعد الموسوي ✍️


#من_الارشيف


https://t.me/gGpjd

#محرم_الحرام_1446_هـ
#ليلة_السابع
،#لبسالة_وجمال
#قمر_بني_هاشم_عليه_السلام

//الكافل//


حي ابو فاضل وحي ارسومه
شال سيفه. وغايرات اعلومه

صال بيها واخته زينب نادته
كلها بشري انه اخوج وريشته
اله اخلس جيش اميه وقادته

انزل عليهم وكضي كل الحومه


حي ابو فاضل وحي ارسومه
شال سيفه وغايرات اعلومه

__

صعد مهره وبيده شايل جربته
وبيده سيفه الماتثني ضربته
المالحك يشرد شمرله هامته

هذا ابن حيدر شجاعه دومه


حي ابو فاضل وحي ارسومه
شال سيفه وغايرات اعلومه

_


كلها شردت من نزل بيها الفحل
غار جا غير ابو فاضل وارتجل
كر عليهم شبل حيدر الفحل

يامعركه الطبالها محسومه

حي ابو فاضل وحي ارسومه
شال سيفه وغايرات اعلومه

__

الخيل والخياله كلها صيحت
صفت جيوش ال اميه تذبحت
غضب هاشم بصفاته اتجمعت


وجدحت عيونه لطگه بيومه


حي ابو فاضل وحي ارسومه
شال سيفه وغايرات اعلومه

___

طب عليهم غاضب اهو بصولته
وجاب كل الجيش كله بجربته
هذا ابن ام البنين وشيمته

السبع مالتهم شطر زردومه


حي ابو فاضل وحي ارسومه
شال سيفه وغايرات اعلومه
__

ومنين ما مالت يطك بعناها
رفع عاليها ونزل لدناها
الروس تتطاير مطر سواها

ياكفو والله ونعم ونعومه


حي ابو فاضل وحي ارسومه
شال سيفه وغايرات اعلومه
__

#سيد_اسعد_الموسوي



https://t.me/gGpjd