Abdurahmon Meshayan

​​Марҳумнинг армони

Шайтон қулоғимга боғлади тугун,
Ажал узоқда деб таъзирим едим.
Жанозамни ўқиб кетишди бугун,
Мен эртага тавба қилмоқчи эдим...

@A_meshayan
18:32-05.03.2022
Абдураҳмон Мешаян

​​ЭРТАГА БУГУНДАН ЯХШИРОҚ БЎЛАР

Умиди йўқ одам – илдизсиз дарахт,
Кўкаролмай хуноб, гуллолмай карахт.
Эй инсон, умид қил, насиб этгай бахт,
Эртага бугундан яхшироқ бўлар.

Баҳор қайтиб келар, эрийди қорлар,
Бойчечаклар кулиб, қуёш ҳам порлар,
Тўкилгай пойингга кузда анорлар,
Эртага бугундан яхшироқ бўлар.

Ихлос билан қилсанг ибодатингни,
Топажаксан ҳузур-ҳаловатингни.
Тўхтатсанг нолишу шикоятингни,
Эртага бугундан яхшироқ бўлар.

Кимларнидир қилмиш иблис васваса,
Кимнидир чулғаган қайғу, талваса.
Баридан қутулгунг Худо хоҳласа,
Эртага бугундан яхшироқ бўлар.

Сўра: туҳфа қилар, олийдир Худо,
Сахийдир, айлайди бахт-омад ато,
Аршга учиб кетди бир ҳовуч дуо,
Эртага бугундан яхшироқ бўлар!

2010-йил
Абдураҳмон Мешаян

Манзилимиз: t.me/A_Meshayan

​​Анчадан бери бирорта шеър жойламадим.
Икки ой бўлибди.
Ўта тушкунликда,  ҳаётимнинг қолган қисмини қандай ўтказиш хақида тинимсиз ўйлашлар...
Қатор-қатор яқинларимнинг муаммолари,  хақдорларнинг хаққини атай эмас имконсизликдан ўтай олмаслик,  қалб қорайиши мени мувозанатдан чиқарди.
Кеча бир яқиним "Сизни таниганимдан бери бошқаларнинг муаммолари билан юрасиз,  психологияда бунақаларни ахлат челак дейишади қўйинг бошқаларнинг муаммосини" деди.
Кўчага чиқсам бошқа танишим "сиз менга нимадир қилса куйиб-ёниб харакатда бўласиз,  лекин мен тан оламан унақа эмасман" деди.
Бирозгина кўнглим ёришди.
Умуман ёзмай қўйишдан фақатгина бир нарса тўсиб туради: мусулмон қатламга ўзим яхшидирман ё ёмон Аллоҳнинг дини ўта гўзал эканлигини эслатиб туриб савоб тўплаш имконим борлиги.
Ўзим ҳам бугун Аллоҳга "Хор бўлиб бўлиб яна сенга зор бўлиб остонангга қайтиб келдим кечир мени" деб ёлвордим. 😭😭😭
Энг оғир дамларида ёнида туриб дастак бўлганларимиз ярим йўлда ўлсанг ўл, қолсанг қол деб юз ўгириб кетдилар. Аллоҳ хайрлисини берсин.

@A_meshayan
АбдураҳмонМешаян

​​"ҚОТИЛ ЧОЛ"

("Йиғлаб ёзилган шеърлар"туркумидан)

Қаҳратон қиш пайти. Изғирин совуқ,
Хали узоқ эди кўкламгача йўл.
Шафқат айламасдан сўйгандек товуқ,
Кексайган чол урди "қотиллик" ка қўл.

Ўғли келмас эди Московдан бери,
Уч жонни боқарди жонзот елини.
Икки қизин ташлаб, қайтмагач эри,
Маъшуқ-ла қочганди безбет келини.

Найласин? Бирор бир чора қолмаган...
Ахтарса Аллоҳдан паноҳ ахтарди.
Хатто чумолининг жонин олмаган-
Шўрлик чол бир ўзи "ёв"ни ағдарди.

Чол йиғлар, қувончи Аллоҳга аён,
Энди совуқ қотмас ўғлин қизлари.
" Ашёвий далиллар" сочилган хар ён,
Болтада қолгадир бармоқ излари...

22:31-14.01.2018
Абдураҳмон Мешаян

Арвакашнинг қизи нега мактабда калтакланиши, хўрланиши керак?

Ummu Amina ёзяптилар:

"Бугун бир ярам ёрилди. 6—синфда ўқийдиган қизимнинг бир синфдоши мунтазам синфида масҳараланиб, хорланади. Қизим айтиб қолса, суякларимга оғрийди, дод дегим келади. Вилоятдан пойтахтга келган, ижарада яшовчи оила. Отаси аравакаш, онаси адашмасам, бозорда нон сотади. Куни билан бозорда... Қизни аравакашни қизи деб масхаралашади, ерга ахлат ташлаб тергизишади, юзига тарсаки солишади, айни дамда ҳам баданлари кўкариб ётибди экан, ўша муштумзўр синфдошлари қилган. Қиз ва оиласи билан гаплашдим. Дадаси касал бўлиб қолгач, она бутунлай ишга шўнғиган, рўзғор қизчага қолган. Ҳар куни мактабимни ўзгартиринг, деб йиғлар экан, оиланинг эса бунга имконияти йўқ... Уни масҳараловчи икки қизга қулдек хизмат қилиб юради, нега бошқа қизлар билан дугона бўлмайсан, десам, бошқа билан дугона бўлсам, мени уради, деб йиғлайди.
Ўзи уйқуси йўқ одамман, бу каби ҳолатлардан кейин кунлаб беҳаловат бўламан. Қизнинг онасига "Болангни шу зулмга ташларкансан, нега туғдинг?" деб роса гапирдим. Содда аёл! 7—8 марта мактабга бориб, устозига айтиб натижа ололмаган аёл.
Мактабнинг маънавият тарғиботчилари билан гаплашдим. Ҳолатни баён қилдим. Эртага ўша қиз учун мактабга бораман. Қизнинг онасини қизидек назарга илишмаган. Мен бу ишни шундай қолдирмайман. Зулмга қараб турмайман. Ҳамиша болаларимга зулмга қараб турма, бировга ноҳақлик бўлса, охиригача олиш, балки шуни ҳурмати Худо сенга қиёматга назар солар дейман.
У синфда бўлаётган ишларни эшитиб, шу жамиятда, шунақа тарбиясизлар, ҳайвонсифатлар ичида яшаётганимдан афсусланаман. Бошқа соҳани гапирмай, аммо таълимдаги ислоҳатлардан асло рози эмасман. Айниқса, мактабдаги системани расво қилиб бўлдик. Жамият хусусий ва иқтидорли мактаблар эвазига тирик қолиши мумкин, лекин давлат мактаблари асосан ҳатто дарсини уддалаб ўтолмайдиганларнинг қўлида қолган.
Мактаб ўз обрўсини йўқотганига анча бўлган...
Чарчоқ сабаб фикрларим чалкашиб кетаяпти, лекин болаликдай яхши даврини бетарбия ўқувчилар сабабли кўзёшлар, ҳақоратлар, зулмлар остида ўтказаётган қизга ачинаяпман.
Қиз аламзада бўлиб қолган, ҳимоячиси йўқ. Курашишга кучи йўқ...Аллоҳ ишимизни осон қилсин. Зора, бир қалбнинг ярасига малҳам бўлсак..."

#Метан_топилмаса

"Метанда юрмаса бензинда юрсин"
Бу гапни айтган зот еганми эсин?
Гўёки Мария Антуанетта,
Дегандек: "Нон йўқми халқ ҳўп торт есин!

Ўшал Франция қироличасин,
Гильотина охир чопган бошини.
Бизнинг тўраларнинг кўрдим нечасин,
Улар Мариянинг қариндошими?

@A_meshayan
16:53-13.12.2024
Абдураҳмон Мешаян

Бир шоира турмуш ўртоғига атаб ёзган шеърида:

"Сиз ягона эркамсиз,
Йўлбошловчи серкамсиз" деб ёзганини газетада ўқиган шоир Турсунбой Адашбоев шоирага қараб: "Эчкининг бичилгани, ахта қилингани серка бўлади хато қилибсизку" десалар шоира хафа бўлибди.

Ўшанда Турсунбой Адашбоев қуйидаги тўрт сатрни ёзганлар:

Олмахоннинг ўрисчаси белка бўлади,
Белдан озроқ юқориси елка бўлади.
Билмасангиз билиб қўйинг жон синглим, 
Така зотин бичилгани серка бўлади...

🐝🍯⛰
Tabiiy tog‘ asali istaganlar uchun
Qirg'iziston tog‘ asali.

Laboratoriya tekshiruvidan o'tkazilgan tabiiy asal.

Kilosi atigi 140 ming so‘mdan.

Ulgurji kamida 10 kg olganlar uchun 110 ming so‘mdan qilib beramiz.😎
10 kg ni kelishib 2, 3 kishi ham olsa bo‘ladi. Yetkazish xizmati ham ichida ulgurji xarid uchun🛵

Asalning tabiiy ekanligiga kafolat beramiz 💯
Laboratoriya tekshiruvidan o‘tgan🧾
Tel: 99-988-94-65
Telegram @asalkent_admin

Дахшатга солади гўрнинг илони,
Ўлсак қумурсқалар бошларкан базм.
Ернинг бордир катта кенг ошқозони,
Ўлсак ҳаммамизни қиладир ҳазм.

@A_meshayan
11:02-12.12.2024
Абдураҳмон Мешаян

​​Қор қаерга ёғади?

Буюк Британияда ёғаётган қор,
Ёғиши мумкиндир такрор ва такрор:
Аввал баланд-баланд тоғларга,
Кейин қовжираган боғларга.
Кўчмаган майнаю зоғларга.

Ўзбекистондачи ёғаётган қор,
Ҳар йили ёғади такрор ва такрор:
Ишониб қаҳратон кучига,
Фирибгардек чиқиб учига.
Камбағал одамлар ичига...

@A_meshayan
21:07-05.12.2022
Абдураҳмон Мешаян

Ismi Akbarjanov Baxodir.
1994 yilda tug'ilgan.
Uylangan ,qaramog'ida yosh farzandlari va onasi bor.
3 yil avval bir buyragini olib tashlangan.Hozirgi vaqtda 5 oydan buyon ikkinchi buyragi ham ishdan chiqqan va dializga bog'lanib qolgan.Yon atrofdagi tanish bilishlardan qarz ham bo'lib qolgan.
Onasi buyragini bermoqchi.Zudlik bilan operatsiya qilish zarur.Operataiya uchun 15 ming AQSh dollari sarf bo'lar ekan.
Mo'minlar bir jasaddir va bir a'zo undan shikastlansa,boshqa a'zolar ham bedor bo'lib istimalaydi deyilgan hadisda.
Alloh roziligi uchun yordam berishni qalbiga tugganlar uchun
4278320025992412
VIZA KARTA
AKBARJANIP BOXODIR

5440810371526087
UZ CARD XALQBANKI
AKBARJANIP BOXODIR

+998 90-551-61-82
Akbarjanov Bahodir

​​#Жон_севгилим

Ҳар ошиқнинг юрагига,
Севги имзо қўйдиради.
Чин муҳаббат дилга тағин,
Ўчмас бир нақш ўйдиради.
Ҳеч меҳрга тўймас одам,
Қоринничи тўйдиради-
Бир хўплам сув,  бир чимдим бол-
Ва бир тишлам нон севгилим.

Жазирама ёндирганда,
Қанотларим бўлсин пана,
Кўзи ўткир бургутдирман,
Олов юрак,  олов тана.
Қадрим билмай қахрим билмай,
Қасосим билмасдан яна-
Бир бошқуш бир калхат билан,
Олишмагин дон севгилим.

Бағрим тўла жароҳатлар,
Чаён зоти кетган нишлаб,
Бу дунёнинг ишларига,
Ҳайрат бармоғимни тишлаб-
Ўтирибман ўстирганча,
Севги гулин парваришлаб,
Қувончли кунлар тез ўтар,
Гўёки бир он севгилим.

Вафо тожин улоқтирма,
Бошгинангдан жон севгилим.
Ҳув анордек кўряпсанми,
Менинг бағрим қон севгилим.
Бўлсанг аҳдга садоқатли,
Жаннатда бўл мен-ла бахтли,
Гар ҳиёнат қилар бўлсанг,
Жаҳаннамда ён севгилим.

@A_meshayan
03:31-02.01.2024
Абдураҳмон Мешаян

#Бир_умр_сен_билан_яшасам

​​Мағрур бошим осмонларга етажакдир,
Ишқим нури дард музин йўқ этажакдир.
Ман ошиғинг санинг бирла кетажакдир,
Иста чорла Бадахшонга ё Помирга,
Бутун умр яшасам бас сен-ла бирга.

Пойимизга кўклам гуллар тўшайдиё,
Юрак қувгач дардлар ишдан бўшайдиё.
Ишқ қўли гул ҳамширага ўхшайдиё,
Битта билан тушадида у томирга,
Бутун умр яшасам бас сен-ла бирга.

Шаҳардами  қишлоқдами саҳродами,
Мирриҳдами Зуҳалдами,  Зуҳродами.
Ҳисордами,  Уҳуддами Ҳиродами,
Фарқ этмасдир кўчмоғимиз тоғ ё қирга,
Бутун умр яшасам бас сенла бирга.

Мусаввирсан қалбимга ишқ расмин чизғон,
Кўзларимдан шундан қувонч ёши сизғон.
Ошиқ мурид майли рашк қил,  майли қизғон,
Менинг каби қўлингни бер  Мажнун пирга,
Бутун умр яшасам бас сен-ла бирга!

Жон севгилим қувончим оз алам кўпдир,
Ҳасрат кетсин кўзларингдан битта ўптир.
Билгин шунда мендан бахтли одам йўқдир,
Мендан олдин тушмасанг бас ёр қабрга,
Бутун умр яшасам бас сен-ла бирга.

@A_meshayan
02:33-02.01.2024
Абдураҳмон  Мешаян

Мен ўлимдан бир ибрат топдим,
Ажал менга насиҳат сочди:
Мен мурданинг кўзларин ёпдим,
Мурда менинг кўзларим очди!

@A_meshayan
Абдураҳмон Мешаян

ҚАҲВА...

“Сенинг тенгинг эмас, шакарни унут,
Хаёт китобингдан йирт ишқий сахфа.
Биз сени ўстирдик қил бизни хушнуд,
Кўнди... Ва туз бирла қовушди қаҳва...

Ачиниб кетаман қаҳва шўрликка,
Ва баъзан йиғлайман унга бўлиб жўр.
Энди у бир умр чидар хўрликка,
Денгизнинг сувидек... Пешонаси шўр...

“Сенга қўшилган чоғ қилмайман роҳат,
Пушаймон бўлсам минг, афсусдаман юз.
Шундоқ деб қаҳвага айлаб хиёнат,
Ўзга таомларни ширин қилар туз.

Вақт қиличи қачон умримни кесар,
Қаҳванинг саволи оладир хушни.
Қайноқ чоғларидан қолмаган асар,
Хар кун интиқ кутар фақат совушни...

@A_meshayan
12:10-26.09.2019
Абдураҳмон Мешаян

#ҚИЗ_ФАРЗАНД

Қиз туғди деб хафасан ёрдан,
Гинанг борми Парвардигордан?
Нега ўғил туғмадинг дея,
Алам олдинг гўзал дилдордан.

Лек ўйлаб кўр эй осий банда,
Токи жонинг бор экан танда.
Келармидинг ўзинг дунёга,
Бувижонинг қиз туғмаганда?

@A_meshayan
15:11-04.01.2015
Абдураҳмон Мешаян

ФАРЗАНДСИЗ АЁЛНИ КАМИТГАНЛАРГА

​​"Аллоҳ уриб қўйган сендек аёлни,
Шунга фарзанд бермас" деди бир нокас.
Кўчадаги бу сас бузди ҳаёлни,
Юрагим симиллаб оғриди бирпас.

Аёлга ачиндим, овутдим аста:
"Ранжиманг, гап суқса бир беандиша.
Фарзандсиз ўткандир онамиз Ҳафса,
Фарзанд кўрмагандир онам Оиша"

Аллоҳ розилигин бир кун олишга,
Гар фарзандсизликнинг даҳли бўлса бор.
Аллоҳ қилмас эди ўз расулига,
Ҳеч қачон туғмовчи аёлларни ёр!

@A_meshayan
Абдураҳмон Мешаян

"FALASTIN XALQINI UNUTMA"

#Фаластин_халқини_унутма.

Ўз холинги ўзгартирмасанг,
Аллоҳ нусрат беришин кутма.
Гар ҳолатинг бўлса ҳам минг танг,
Фаластин халқини унутма.

Виждон йўқдир тирилётгани,
Наҳот ботдик биз жаҳолатга.
Ғазоликлар қирилётгани,
Айландими оддий холатга?

Шимматаглик келтиринг деса,
Боланг учун хотининг тўлиб.
Жаҳл қилиб қотирма энса,
Ғазо ичра болалар ўлиб,

Минг азобда жон бермоқдалар,
Жаннатларда Аллоҳ қилсин жам.
Сен нолима ётоғида тинч,
Ухлаяпти онанг хотиржам.

Арзингни қўй ичиб шарбатинг,
Емоқдасан қўйнинг сонидан.
Уруш ичра қариндошларинг,
Айрилгани йўқку жонидан.

Жуҳудларни қир демаяпман,
Манглайига қурол ўқталиб.
Мен беҳуда ғам емаяпман,
Шеърларимда бунга тўхталиб,

Боролмайсан Ғарбий Соҳилга,
Бу имконсиз ёпиқдир йўллар.
Аммо ўхшамасдан жоҳилга,
Дуо учун очилсин қўллар.

Юрагингни ҳар куни тиғлаб,
Кўрсангда ох минг қийинчилик.
Ҳилватларда риёсиз йиғлаб,
Фаластинга сўраб қўй тинчлик.

Нетаняҳу умр чироғи,
Тез орада албат ўчади.
Яқин Ҳайбар такрори чоғи,
Халқи ҳам хор бўлиб кўчади.

Аллоҳ нусрат берар кунгача,
Кўп қолмади аламлар ютма.
Аммо сенга фарздир унгача-
Фаластин халқини унутма!

@A_meshayan
19:58-21.11.2024
Абдураҳмон Мешаян

Kichkina ona...

"Очиб олдим Instagramm"

"Ота сиздан айрилганимда"

Шеърнинг тўлиғи каналда бор.

Қидирувга сарлавҳани ёзсангиз чиқади.

​​#Очиб_олдим_инстаграмм

(Шиғирча)

Бўлмоқлик учун "юлдуз"
Очиб олдим "инстаграмм".
Кейин кечаю-кундуз,
Қолдирмасдан бир грамм-

Ҳаётимни ёритдим,
Эрталабдан кечгача.
Кўрсатиб бош оғритдим
Иштонбоғим ечгача.

Куним гоҳида шодон,
Баъзан хафа ўтарди.
Уйландиму мен нодон,
Хотин "актив" кўтарди.

Кўрсата бошладим ман,
Ўтин ёрганимизни,
Биргаликда сомсага,
Ҳамир қорганимизни,

Хомийлар ҳисобига,
Тоғга борганимизни.
Иш етганда тобига,
Боғга борганимизни.

Қанақа рашк қизғониш,
Йиғиштирдим ҳаммасин.
Нима қипти кўришса,
Хотинимнинг маммасин?

Тушиб кетди гормоним,
Эркаклигимку ўлди.
Лозим кийдим йўқ тўним,
Коммент ёзишса бўлди.

Хотин қалбаки Жей Ло,
Ўзим сохта темир Майк.
Саҳифам кузатсанг ўўўў,
Индамасдан босгин лайк.

Танқид қилганлар майли,
Танқид қилиб ўлишсин.
Сохта Мажнун ва Лайли,
Ва ёрга қул бўлишсин.

Бир икки насиҳатчи,
Албатта бизни ўйлар.
Кибр қилиб уларни,
Атаймиз ҳасадгўйлар.

Ўзимиз ҳам биламиз,
Биздан кўра мол тузук.
Нуқул пиар қиламиз,
Мошин,  саёҳат, узук...

Чмолигим исботига,
" История"м тўладир.
Бир кун ўлсам қабрда,
Майли азоб бўладир.

Сизга нима яп-янги,
Турмушдан биз мамнунмиз.
Иккаламиз цыркдаги,
Томошабоп маймунмиз

Кўрсатаман бир куни,
Юрганимизни хажда.
Қиламиз хотин ва мен,
"Фолловер"ларга сажда.

Ётоқдаги ишни ҳам,
Кўрсат деб санчманг найза.
Кўрсатамиз албатта,
"Актив" бир кун камайса.

@A_meshayan
03:48-19.11.2024
Абдураҳмон Мешаян

​​#Меҳрибоним

Сўзласангда гапга қўшиб қалампир,
Мен учун ҳар сўзинг бол меҳрибоним.
Розиман ишқинг-ла бошим айлантир,
Кўнглимни фатх этиб ол меҳрибоним.

Бош қахрамондирсан севги қиссамга,
Ишқинг тўғри келсин маним ҳиссамга.
Не бор деб солурсан нуқул киссамга,
Кўнгимга ҳам гоҳ қўл сол меҳрибоним.

Садоқат бобида тутганим тутум:
Бўғзимдан ўтмайди таом бир ютум,
Таом не бўлибди сув ҳам бир қултум,
Сенга бўлса бир кор-ҳол меҳрибоним.

Қанийди атрофинг гулга буркасам,
Эркалаб қошингга бармоқ суркасам.
Лек аждардек атай олов пуркасам,
Омад қушим бўлсин шол меҳрибоним.

Ёлғиз бургут истаб ишқ мазасини,
Излаб юрганда ўз ожизасини-
Кўриб сендек Аллоҳ мўъжизасини,
Забоним ҳайратдан лол меҳрибоним.

Кексалик бир куни қаттиқ тирмашса,
Ёшлик гулимизга келиб чирмашса.
Нақадар бахт ахир тутсакда хасса
Бирга бўлсак кампир-чол меҳрибоним.

Ҳаёт боқий эмас ташлаб боғимиз,
Аниқдир бирма-бир қирилмоғимиз.
Содир бўлгач қайта тирилмоғимиз,
Жаннатда мен билан қол меҳрибоним.

@A_meshayan
00:55-19.11.2024
Абдураҳмон Мешаян

#​​Икки_қушлилар

Бу дунё бир камдир товус гўзалдир,
Лек овози хуник тинглангиз бундоқ.
Булбулнинг сасичи ширин асалдир,
Бироқ юзи хуник яралган шундоқ.

"Иккингизни асло у кўрмас деб тенг,
Бордир уруш ўтин  ёқаётганлар.
Тинч яшай десангсиз қулоғим кар денг,
Товус ва булбулни боқаётганлар.

@A_meshayan
20:00-17.11.2024
Абдураҳмон Мешаян

​​#Кабутар

Кўчиб кетмай туриб олис Жанубга,
Қўрқиб қишдан, чўчиб қордан кабутар.
Ниҳоят жон кирсин биздек маҳбубга,
Хуш хабар келтиргин Ёрдан кабутар.

Жонимни Ёримга фидо этайми,
Хар тонг буюксан деб нидо этайми,
Ё зулмдан қочиб жой банд этайми?
Асхоби қахф кирган ғордан кабутар.

Боғларда эсмоқда қўрқув шамоли,
Қандай бўлсин унда эркнинг камоли?
Насиб бўлса ўшал Гўзал жамоли,
Машрабман,  қочмасан дордан кабутар.

Қабих сайёдларга қучоғинг очма,
Арзон кимсаларга қиммат ишқ сочма.
Дон сепсам холисдир пириллаб қочма,
Мен каби меҳрга зордан кабутар.

Митти кўзчаларинг тортса ҳам хира,
Онгинг хира тортмай жаннатга кир-а.
Билсанг фаришталар ажралмас сира,
Қалбида Чин Ёри бордан кабутар

Қалбида Аллоҳи бордан кабутар.

@A_meshayan
19:25-17.11.2024
Абдураҳмон Мешаян

​​#Майхоначи

Фироқ мени қарор қилган ўлдирмоққа,
Ичмоқликка мажбур бўлдим майхоначи.
Моне бўлма қадаҳимни тўлдирмоққа,
Ёрим учун манфур бўлдим майхоначи.

Ёпма менга шаробхонанг дарвозасин,
Ўқиб келдим тоза ишқнинг жанозасин.
Узат менга қизил майнинг энг тозасин,
Дард қошида мағрур бўлдим майхоначи.

Ёлғончи ёр илон янглиғ эшилдику,
Пошнасида қоқ юрагим тешилдику.
Йиғлашимга шўрлик сурнай қўшилдику,
Наҳот бекор масрур бўлдим майҳоначи.

Хурлиқони севиб қолган кўзим ўйгил,
Насимийдек товонимдан келиб сўйгил.
Мендек куйма ўз тенгингга кўнгил қўйгил,
Ҳар не ишқда мабрур бўлдим майхоначи.

Қизил дема маним юзим қаро-қаро,
Ҳазил дема ишқдан бағрим яро-яро.
Ишқ деб эсин еган девоналар аро,
Элда ёмон машҳур бўлдим майхоначи.

@A_meshayan
03:28-16.11.2024
Абдураҳмон  Мешаян

​​#Ошиғингдан_ол_хабар

Дунёда севгидан надир муқаддас,
Оламда нима бор ишқдан мўътабар?
Севишганлар мастдир ичмай мусаллас,
Ошиғинг холидан олиб тур хабар.

Замин пойимизга ёйилган тўшак,
Ундан туриб кўкка отайлик мушак.
Қўнғироқ айлагил кўтаргум гўшак,
Ошиғинг холидан олиб тур хабар.

Жоним наҳот менга фироқ раводир?
Васлинг мени тортар оханрабодир.
Бахтиёрман мендан олсанг хавотир,
Ошиғинг холидан олиб тур хабар.

Ҳолим жуда ёмон сўрайсан лекин:
"Яхшимисан жоним" бир нарса дегин.
Сенсиз қандоқ яхши бўлишим мумкин?
Ошиғинг холидан олиб тур хабар.

Дарвозамни ургил,  эшигим қоққил,
Меҳринг гулханида жонимни ёққил.
Бахтни дуо айлаб,  хижронни "оқ қил",
Ошиғинг холидан олиб тур хабар.

Меҳр танқислашиб кетган шаҳарда,
Одамлар тилидан оққан заҳарда.
Мени ёлғиз қўймай шому сахарда,
Ошиғинг холидан олиб тур хабар.

Ажал-отга миниб йўл чиққан чопар,
Бир кун келиб мени адашмай топар.
Ўлсам очиқ кўзим ўзинг бўл ёпар,
Ошиғинг холидан олиб тур хабар.

@A_Meshayan
19:03-16.11.2024
Абдураҳмон Мешаян

​​#Булбулга_сўроқ

Эй булбул дил бердинг бир атиргулга,
Боғбонидан  ишқин яширган кимдир?
Ҳали илинж чўғи  айланмай кулга,
Кўзлардан денгизни тоширган кимдир?

Унутдингми асл маҳбублигингни,
Аслзодаларга мансублигингни.
Тан олдинг курашмай мағлублигингни,
Қўлингга оқ байроқ топширган кимдир?

Боғбонга бориб айт гул бирла кулай,
Узилмас никоҳнинг риштасин улай.
Балоғатга етгач келганинг қулай-
Деса айт кутаман шоширган кимдир?

Ҳиёнат балою ишқ аъломасми,
Забонингда ҳануз тавалломасми?
Аллоҳ субҳанаҳу (ва) таоломасми-
Орзуинг амалга оширган кимдир?

@A_meshayan
02:45-16.11.2024
Абдураҳмон Мешаян

​​#Дардим_тинглар_гитара

Қайси гуноҳим учун,
Сенга бўлдим рўбарў?
Сени севмоқ келтирди,
На бир шараф,  на обрў.
Мен эмас соғинганинг,
Бўлди доллар ва еврў(о),
Олтиндан қиммат қадрим,
Нечун айладинг зерў(о)?

Сени севган замоним,
Икки кўзим кўрмиди?
Сенга фақат Жипи бор,
Мерси борлар зўрмиди,
Ёлғонларинг ўргимчак-
Тўқиган бир тўрмиди,
Ҳиёнатинг ишқимга,
Қазилган бир гўрмиди?

Сени рози қилай деб,
Қуриб кетди силлалар,
Мақсадинг ишқмас фақат-
Қаср,  сарой виллалар.
Темирқалби мисдирсан,
Сендек сохта тиллалар,
Илонлар ҳам қилоларкан,
Товус каби жилвалар.

Шердан кечиб қилдингми,
Тулкиларга ўзни бахш,
Садоқатни ўлдириб,
Тирилтирдинг қабих фахш.
Шираси кетган сақич,
Сирти ювош,  ич йиртқич,
Бўйнингга учраган ит,
Тиши билан солар нақш.

Заминга тушдинг нечун
Фалакдаги ситора,
Қалбинг тозамас гарчи-
Сочларинг Ниагара.
Энди менга ошнодир,
Қадаҳ, шароб сигара,
Дардим тинглашга қодир,
Кальян, чилим, гитара.

P. S: Менинг дардим эмас

@A_meshayan
20:44-14.11.2024
Абдураҳмон Мешаян

​​ОНАЖОНИМ ҚАРИБ БОРЯПТИ.

Aйрилиқнинг қиличи ўткир,
Кўрқув юрагимни ёряпти.
Тан олишлик нақадар оғир,
Онажоним қариб боряпти.

К,айғулардан юзим ёришмас,
Инсонки тупроққа қоришмас.
Маним хамон ишим юришмас,
Онам эса қариб боряпти.

Онамнинг билмайман мен жинни,
Дарди кўпми ёхуд ажини.
Алам қатл қиляпти мени,
Онам эса қариб боряпти.

Мен нихолман ақлим карахтдир,
Дооод волидам кекса дарахтдир.
Бу юрагим ғамга пойтахтдир,
Онам эса қариб боряпти.

Укамдан айрилдим чидадим,
Отамдан айрилдим йиғладим.
Хаммасидан тўйдим чарчадим,
Онам эса қариб боряпти.

Бўйларидан ўзмишдир бўйим,
Шеър хақида хаёлим ўйим.
Шошмаяпман қилмоққа тўйим,
Онам эса қариб боряпти.

Ташландиқ черковдек харобман,
К,адахдан тўкилган шаробман.
Булут юзин тўсган офтобман,
Онам эса қариб боряпти

Ялло қилаяпман хорижда,
Бир кун Лондон бир кун Парижда.
Э, вох мени туққан фаришта(м),
Онам эса қариб боряпти

Жон волидам бамисли Орол-
Денгизидек қуриб боряпти.
Андуҳларга бўлмишман қарол,
Онажоним қариб боряпти

@A_meshayan
2015-йил
Абдураҳмон Мешаян

​​#Эй_хурлиқо_раққоса.

Шароб қуядир соқий,
Султон ичар  бир коса.
Гўзаллигингмас  боқий,
Эй хурлиқо раққоса.

Менга солди деб назар,
Бўлма ақлдан озар.
Сўлганидан кейин гул,
Боғбон ҳам айлар ҳазар.

Ҳуснинг сиғмас оқбадан,
На таъриф ра таққоса.
Чиройинг бойлик маъдан,
Эй хурлиқо раққоса.

Аммо гўзал яноғинг,
Охир қариши ҳам бор.
Чўччайтирма дудоғинг,
Мухлис ариши ҳам бор.

Ишрат истайди хуштор,
Бағрига тунда боса.
Тонгда қувар бўл ҳушёр,
Эй хурлиқо раққоса.

Бўрилар мутлоқ ёвуз,
Борма ўрмон,  тоғ,  ҳовуз.
Олтин патларинг яшир,
Товланавма  мисли товус.

Молу дунё шон-шуҳрат,
Бахтингга солур раҳна.
Лек унутма бир фурсат,
Сенга эр бўлмас саҳна.

Ўтмиш оғир жомадон,
Бўлмас елкага оса.
Кўтар уни жовидон,
Эй хурлиқо раққоса.

Қисмат солса тарсаки,
Қиладирсан хулоса.
Ошуфталар қарсаги,
Эй хурлиқо раққоса-

Бир кунликдир туширма-
Ҳушомадни паққоса.
Фақат тавбанг яширма,
Эй хурлиқо раққоса.

Шоир аҳли қилар кайф,
Илҳом ичиб бир коса.
Ҳаётингни қилма ҳайф,
Эй хурлиқо раққоса.

@A_meshayan
23:40-12.11.2024
Абдураҳмон Мешаян

​​#Гўзал_малика

Бедаво бир дардга чалинганим ман,
Бевафо зотларга ялинганим ман,
Бенаво созларга талпинганим ман,
Фақат қайғу солса жонга таҳлика,
Менн шаҳзоданг  бўлдим гўзал малика.

Қароргохимиздир ишқ маҳалласи
Ёшлик чоғларимиз умр чилласи.
Биз битта олманинг-икки палласи,
Ширин салом берсанг шайман алика,
Мен шаҳзоданг бўлдим гўзал малика.

Сирлидир бу гардун, сирлидир бу чарх,
Гулнинг жамолига булбул ўқир шарх.
Асл мухаббатга қўйиб бўлмас нарх,
Жоним ким бўлсак ҳам қулмиз Малик*а,
Мен шаҳзоданг бўлдим гўзал малика.


Хоҳ Шимол хоҳ Жануб хох Ғарб-у хох Шарқ,
Ишқнинг денгизига бутун олам ғарқ.
Мен Мажнун қилмассан сен Лайдидан фарқ,
Сени рашк айламай қизғонмай нега?
Мен шаҳзоданг бўлдим гўзал малика.

*Малик-Подшоҳ.(Аллоҳ назарда тутилган)

2010
@A_meshayan
Абдураҳмон Мешаян

Ў...га

Бошланади яна сукунат
Кенгаяди соғинчнинг сафи.
Менга ишқий мактублар жўнат -
Тегмаяпти суратинг нафи.

Аҳволингиз яхшими дейсан,
Сўнг уялиб, гапингдан тонма.
Сенга доим "яхшиман" дейман
Бу гапимга сира ишонма.

Дарддош дея атайин кимни?
Сени жон-у дилимдан суйсам.
Мени кечир "ёмон"лигимни
Кўзларимдан билдириб қўйсам...

  [11.08.2023.]  ИСЛОМБЭК МИРЗАҚУЛОВ

​​ҚИЗ ФАРЗАНД

Қиз туғди деб хафасан ёрдан,
Гинанг борми Парвардигордан?
Нега ўғил туғмадинг дея,
Алам олдинг гўзал дилдордан.

Лек ўйлаб кўр эй осий банда,
Токи жонинг бор экан танда.
Келармидинг ўзинг дунёга,
Бувижонинг қиз туғмаганда?

@A_meshayan
15:11-04.01.2015
Абдураҳмон Мешаян

​​ДИЛОЗОРНИНГ ТАЪНАСИН ТИНГЛАБ...

​​"Аллоҳ уриб қўйган сендек аёлни,
Шунга фарзанд бермас" деди бир нокас.
Кўчадаги бу сас бузди ҳаёлни,
Юрагим симиллаб оғриди бирпас.

Аёлга ачиндим, овутдим аста:
"Ранжиманг, гап суқса бир беандиша.
Фарзандсиз ўткандир онамиз Ҳафса,
Фарзанд кўрмагандир хатто Оиша"

Аллоҳ розилигин бир кун олишга,
Гар фарзандсизликнинг даҳли бўлса бор.
Аллоҳ қилмас эди ўз расулига,
Ҳеч қачон туғмовчи аёлларни ёр!

@A_meshayan
20:19-12.11.2022
Абдураҳмон Мешаян

​​#Бир_замонлар

Юрагига ишқ ўқ отган,
Шодон эдим бир замонлар.
Бутун эс-ҳушин йўқотган,
Нодон эдим бир замонлар.

Битмасди кўнглинг арази,
Қизғончиқ қизнинг фарази.
Сен учун руҳсор-орази,
Нордон эдим бир замонлар.

Тунда қочиб уйқулари,
Чирмашсада қайғулари.
Сени кўрсам кулгулари,
Ҳандон эдим бир замонлар.

Сен-ла байрам нишонлаган,
Ер-у кўкка ишонмаган.
Гўё эркинг кишанлаган-
Зиндон эдим бир замонлар.

Дўстлар дерди: Севмай ўл-а,
Ғуруринг йўқотдинг бола.
Сен чун фақат олтин тўла,
Ҳумдон эдим бир замонлар.

Қанча севсам борган сари,
Мендан бўлгинг келди нари.
Аччиқ гапдан дил шаҳари,
Вайрон эдим бир замонлар.

Меҳр бериб толганингдан,
Тез ўзгариб қолганингдан.
Ўзга севиб қолганингдан,
Ҳайрон эдим бир замонлар.

Юрагимдан ёмон урган,
Жанон эдинг даврин сурган.
Ортингдан тинмай югурган,
Жайрон эдим бир замонлар.

Ҳаёлимдан доим висол,
Лайлиларга эдинг тимсол.
Менчи тили булбул мисол,
Бийрон эдим бир замонлар.

Муҳаббатим қилдинг увол,
Бахтлимисан сенга савол.
Менчи ишқи топган завол,
Жийрон эдим бир замонлар.

Бўрон эдим бир замонлар,
Сурон эдим бир замонлар.
Сен қалбини парчалаган,
Турон эдим бир замонлар...

@A_meshayan
00:17-11.11.2024
Абдураҳмон Мешаян

​​#Эр_биринчи_ўринда.

(Ярим-ҳазил, ярим-чин шеър)

Ҳайвонларнинг ичида,
Шер биринчи ўринда.
Кўрманг оёқ учида,
Эр биринчи ўринда.

Надоматга бўлманг ғарқ,
Саркашлардан қилинг фарқ.
Билар буни ғарбу шарқ,
Эр биринчи ўринда.

Топсангизда минг олтин,
Ундан эмассиз олдин.
Гапга киринг эй хотин,
Эр биринчи ўринда.

Бизга қилма деб дўқинг,
Майли шеърим-чун чўқинг.
Фурқонни очиб ўқинг,
Эр биринчи ўринда.

Ажраш деган "дугона",
Сизга душман, бегона.
Қолманг ҳасратда ёна,
Эр биринчи ўринда.

Қиш дегандек ман ёзман,
Зоғ эса хушовозман.
Алдаб кетади жазман, 
Эр биринчи ўринда.

Хиёнатзорга борманг,
Ўзни тупроққа қорманг.
Уриб бошини ёрманг,
Эр биринчи ўринда.

Тан олмишдир нечалар,
Фозиллару "кўчалар"
Хатто қироличалар:
Эр биринчи ўринда.

Урф дер: Тингланг сўзимни,
Қўпорманг илдизимни.
Қўйинг "феминизм"ни,
Эр биринчи ўринда.

Қилманг "дама козыр"лик,
У-шох,  айланг вазирлик.
Ошга кўринг ҳозирлик,
Эр биринчи ўринда.

@A_meshayan
21:50-10.11.2024
Абдураҳмон Мешаян

​​#Сен_билан_яшаш_ширин

Булбул чаман ичра айлар тиловат,
Ягона Ёр Ишқи унда яширин.
Мен эса охири топдим ҳаловат,
Сен билан яшамоқ нақадар ширин.

Гоҳида юракни қўрқув бостида,
Ишқим қоларми деб оёқ остида.
Эндичи ўлгунча бир том остида,
Сен билан яшамоқ нақадар ширин.

Ўйлардим баҳтиёр бўлармикинман
Ё ҳали кўп товон тўлармикинман?
Орзу қила-қила ўлармикинман,
Сен билан яшамоқ нақадар ширин.

Шукона қиларман ҳар кун минг дафъа,
Сабаб йўқ қадардан бўлмоққа хафа.
Оқшом бирга-бирга ичганча қаҳва,
Сен билан яшамоқ нақадар ширин.

Эй дард буюраман юрагимдан чиқ,
Эй бахт қалб эшигим сенгадир очиқ.
Э вох ниҳоятда айрилиқ аччиқ,
Сен билан яшамоқ нақадар ширин.

Бир кун фоний дунё топгунча барҳам.
Боримни кўройин сен бирла баҳам.
Лек дўзахий бўлмай жаннатларда ҳам,
Сен бирла яшамоқ нақадар ширин.

@A_meshayan
21:03-10.11.2024
Абдураҳмон Мешаян

​​#ҲАЁТИМ

Фироқ китобини даркордир йиртмоқ,
Ким ҳам дер айрилиқ болдир ҳаётим?
Сенсиз ўтган кунлар бўйнимга сиртмоқ,
Меҳр бер ва тирик қолдир ҳаётим.

Қалам вафсинг айлаб ашъорлар тўқир,
Булбуллар ҳуснингга таҳсинлар ўқир.
Бошқасини кўрмас кўзларим сўқир,
Забон ҳам меҳрингдан лолдир ҳаётим.

Ишқимиз денгизин қуритмайлигай,
Ҳиёнат саҳфасин юритмайлигай..
Қалб қасрига ғамни киритмайлигай,
Меҳринг инъом айлаб толдир ҳаётим.

Бугун бахтли яшаб муҳаббатдан маст,
Ёстиққа йиғлаган кунларимдан қасд-
Олмоқдаман жоним бергил менга даст,
Бугун ҳасрат қадди долдир ҳаётим.

Муҳаббат очмишдир кўзларим басир,
Мен энг бахтли тутқун, энг бахтли асир.
Ажин эмас бўлсанг яхши мусаввир,
Юзимга бахт расмин солдир ҳаётим.

Фалак ҳам қизғонар қучоқда моҳин.
Юрак сайлаб бўлган севгидек шоҳин.
Излама мунажжим қидирма коҳин,
Ишқ на башорат на фолдир ҳаётим.

Бир кун жон қушининг тўхтар парвози,
Ғарбда қандоқ билмам Шарқда тароз(у)и:
Ёри розилардан  Аллоҳ ҳам рози,
Менга жаннат қасрин олдир ҳаётим.

@A_meshayan
20:22-10.11.2024
Абдураҳмон  Мешаян

​​#Муҳаббат_кемасининг_илтижоси

(Аёл тилидан)

Кемадирман забардаст,
Қоматингдан бўлдим маст.
Биз сузган дарё аро,
Қароқчилар учрар паст.

Улар қилсалар хужум,
Енгмоққа етмас кучим.
Мени улардан қутқар
Эй кема бошқарувчим.

Бил сен учун елганим,
Шамол ўпар елканим.
Ёлғон эмас сен-учун,
Бу дунёга келганим.

Ҳушёр бўлгин азизим,
Уммон мени ютмасин.
Бизнинг айрилмоғимиз,
Аҳли ғаним кутмасин.

Мени бошқармай қўйсанг,
Узбошимча сузаман.
Ташвишларимдан тўйсанг,
Бахтдан умид узаман.

Надоматга бурилиб,
Охоримни тўкаман.
Музликларга урилиб,
Сув қаърига чўкаман.

Қурқаролмайди кейин,
Мени бирор бир ғаввос.
(Ахир севдимку сани)
Ўзинг бошқаргил мани.
Чўксам солгунча уввос.

Айзбергга келсам дуч,
Курашмоққа йўқдир куч.
Шунга ўзинг суз демай,
Ўзинг бошқар, ўзинг қуч.

Вафодорман ғам ема,
Ўзга бошқарсин дема.
Чўкиб кетмасин жоним,
Бизнинг муҳаббат кема.

@A_meshayan
22:45-09.11.2024
Абдураҳмон Мешаян

​​Ҳали бахтли кунларимиз кўп бўлади.

Боқ азизим, турмуш қурдик Худо хохлаб,
Бизни имом никоҳ билан қўйди боғлаб.
Яшайлигай ширин сўзга тилни чоғлаб,
Хақ буюрса десак мудом хўп бўлади,
Ҳали бахтли кунларимиз кўп бўлади.

Дардни унут, ҳасратларни қўйиб юбор,
Нохуш бўлар ишқ гулига қўнса ғубор.
Берма ғаним сўзларига ҳеч эътибор,
Ёв қўлида нетай мудом чўп бўлади,
Ҳали бахтли кунларимиз кўп бўлади.

Муҳаббатнинг осмонида ҳўб  учамиз,
Биз  ҳаётнинг қадахидан ишқ ичамиз.
Ини битта икки иноқ мусичамиз,
Инимизда полапон тўп-тўп бўлади,
Ҳали бахтли кунларимиз кўп бўлади.

Висол Хақнинг ошиқларга илтифоти,
Севги-ҳоким, қалбим анинг музофоти.
Йўлларингга термулганим мукофоти-
Кўзларимдан тўйиб-тўйиб ўп бўлади,
Ҳали бахтли кунларимиз кўп бўлади.

@A_meshayan
(2010)
22:19-09.11.2024
Абдураҳмон Мешаян

Yangilikning "bomba"si

Siz ham limitu cheklovlar, uzoq qurlishi va isitish-sovutish kabi muammolardan charchadingizmi?

Endi shinamgina uy qurib, 20-25 yil davomida hech qanday tashvishsiz yashash imkoniyati paydo boʻldi.

Orzulardagi avtonom uy loyihasini ishlab chiqdik. Elektr, suv, issiqlik taʼminotlari to‘liq avtonom va zahira tizimda ishlaydi.

1. Elektr energiyasi quyosh panellaridan olinadi. Gaz mavjud boʻlmagan joylarda qoʻshimcha qurilma qoʻshiladi.

2. Toza suvlarni yer ostidan nasos yordamida tortiladi.

3. Uylar issiqlikni saqlovchi maxsus materiallardan quriladi va elektr qozon yordamida isitiladi.

4. Evro loyihasi asosida qurilish va dizayn

5. Aqlli uy tizimi. Dastur orqali masofaviy va ovozli boshqarish imkoniyati.

6. Minimal 2 sotix yer maydonida qurish mumkin.

7. Ikki qavatli, taxminan 150 kvadrat metrli mutloq tayyor holatdagi uy narxi 70,000 dollar. Mijozning talab va istaklariga qarab oʻzgaradi.

8. Ushbu loyihani har qanday joyga qursa boʻladi. Loyiha tez muddatda, yaʼni ni olti oy ichida to‘liq topshiriladi.

9. Sifat kafolati va doimiy nazorat

Aloqa uchun: 99 824 2030. Mijoz sharoitidan kelib chiqib, eng optimal loyiha taklif qilamiz.

Loyihamizni yoqqan boʻlsa, koʻpchilikka yetib borishni taʼminlang

Channel photo updated

​​ЭНДИ СИЗГА КЕРАГИМ ЙЎҚМИ?

(Аёл тилидан)

Ҳеч хиёнат қилмаган эдим,
Ўзга ёрни билмаган эдим.
Телбаларча бир сизни дедим
Раҳматингиз тарсаки, дўқми?
Энди сизга керагим йўқми?

Осмонларда учиб юргандим,
Топганингиз йиғиб тергандим.
Ўғил қизлар туғиб бергандим.
Санчганингиз дард деган ўқми?
Энди сизга керагим йўқми?

Ўртамизда элчидир фироқ
Бунча мендан кўнглингиз йироқ?
Сизда кўнгил бор экан бироқ-
Нима менинг юрагим йўқми?
Энди сизга керагим йўқми?

На алдадим, на ҳаддан ошдим,
Қайга борсам, уйимга шошдим.
Эндигина ўттиздан ошдим
Энди ул ишқ кул бўлган чўғми?
Энди сизга керагим йўқми?

Мен кузман у ўхшар баҳорга,
Наҳот кечиб қуёшдан,  қорга-
Кетмоқдасиз бошқа бир  ёрга
Мендан шунча кўнглингиз тўқми?
Энди сизга керагим йўқми?

Сиздан қолди менга уч сабоқ-
Бир ўғил ва кўнгли учта оқ-
Уч қизалоқ хамда уч талоқ...
Бир кун қайтиб келганча хўпми
Деманг сизга керагим йўқми?

@A_meshayan
12:44-30.05.2015.
Абдураҳмон Мешаян

Турмуш қурдингиз.
Орадан йиллар ўтди.
Жуфтингиздан нима кутасиз?
Ўша турмушингизнинг илк давридаги каби қайноқ эҳтиросними кучли севгиними?
Ё йиллар ўтиб муҳаббат ўз ўрнини меҳрга бўшатадими?
Жуфтим ўлмасин, кўпроқ яшасин деган ўй биринчи ўринга чиқадими?
Шу хақида бир шеър ёзмоқчиман.
Сизга нима керак ўзи?
Ширин сўзми, тинчликми, моддиятми?
Нима устун?
Сиз учун бирламчи эҳтиёж нима?

@samimiylikdan шунга ёзинг.

​​АРАБ ҚИЗИ

Сени кўрсам андуҳларим бартарафдир,
Ошиқларнинг қибласи-қалб, ишқ тарафдир.
Висолингга етмоққа ким мушаррафдир?
Номи улуғ, поӣи қутлуғ араб қизи.

Олтинданда қиммат Мадина тупроғи
Саҳиӣ қӯлларингдан бӯса олган чоғи
Қаддинг расо бамисоли Уҳуд тоғи
Номи улуғ поӣи қутлуғ араб қизи

Юзларингни офтоб обдон пиширмишдир,
Сенинг қадринг сулувлигинг оширмишдир,
Зеболигинг маним ақлим шоширмишдир
Номи улуғ поӣи қутлуғ араб қизи

Жаӣрон бирла кӯнгли кирлар тиллашолмас,
Атиргул-ла ҳар кимса ҳам диллашолмас,
Сенинг билан Лаӣлилар ҳам беллашолмас,
Номи улуғ поӣи қутлуғ араб қизи

Муҳаббатнинг ошёнига етажакмиз,
Қаӣғу деган кулбани тарк этажакмиз,
Юр, истасанг Тошкентимга кетажакмиз,
Номи улуғ поӣи қутлуғ араб қизи

Қарокӯзим аӣтгин манга махринг қанча?
Сендаӣ охуга мос мендаӣ арслонпанжа,
Сенга атлас киӣгизаман Марғилонча,
Номи улуғ, поӣи қутлуғ араб қизи

Эӣ, энг улуғ Расулимнинг миллатдоши, Сохибжамол, ӯсмасиз ҳам қаро қоши,
Сени қоӣил қолдирар ӯзбегим оши,
Номи улуғ, поӣи қутлуғ араб қизи

Тилим тушунмаслигинг чӯчитмас мани, Шаҳзодангман маликам деб атаӣ сани,
Ӯзим сенга ӯргатаман ӯзбекчани,
Номи улуғ, поӣи қутлуғ араб қизи.

@A_meshayan
2010-йил
Абдураҳмон Мешаян

​​Ўзбек тилининг нақадар гўзал ва бой тил эканлигини Тарлоним шеърида ифодалашга уриндим.
Ўқинг, мазза қилинг.

ТАРЛОНИМ

Кишнаб тургин тишларинг,
Ҳеч синмасин тарлоним,
Урган улкан юрагинг,
Тез тинмасин тарлоним.
Шоирлар бўлса топқир,
Оёқларингдир чопқир,
Сени бегона душман,
Ёв минмасин тарлон*им..

Сенинг тенгингмас ёби*
Табақангданмас чўбур*
Қаробайир*га дўст бўл,
Асов*ларга юзни бур.
Байталларнинг кўнглини,
Ҳушомад-ла овлаб юр,
Қулун*лару тойчоғ*инг,
Ўксинмасин тарлоним.

Ўзим сенга дўст бўлдим,
Эсла ғўнон*лигингда,
Порлаб кетди кўзларим,
Ёд эт дўнон*лигингда.
Фахрландим сен билан,
Улкан тўлон*лигингда,
Бегоналар ёлларинг,
Таролмасин тарлоним.

Сен айғир*сан бир тўда-
Уюр*ни қил ҳимоя,
Жасоратинг адиблар-
Қилиб берсин ҳикоя.
Умринг топмасин таллон*-
Чоғингда ҳам ниҳоя,
Сенга ғанимлар эгри,
Қаролмасин тарлоним.

Кезиб юрсанг агарда,
Бедов* бирла чаманлар,
Ҳамроҳ бўлсин арғумоқ*,
Жийтон* тўриқ*, саман*лар.
Чагир*,  чавкар*,  бурул*ни,
Чавандоз бўлса танлар,
Демам кунингга жийрон-
Яролмасин тарлоним.

Сенинг бирла кезмоққа,
Ҳар инсонда бор майл,
Ранжимагил қорнингдан-
Боғлаб қўйсам босмайил*
Қуюшқон*дан чиқмагил,
Сулуқ*қа хожат бор бил,
Кўролмаса ёғийлар-
Кўролмасин тарлоним.

Ўхшамайсан йўрға*га,
Менгизмайсан дўққи*га,
Улар ўхшар қирларга,
Сен ўхшайсан чўққига.
Дуодаман тойчоқ*лар-
Туққан бия*нг хаққига,
Юрагингда битта ҳам-
Дард қолмасин тарлоним.

P. S:Шеър учун изоҳли луғат:

Қулун – отнинг янги туғилганидан бир ёшгача бўлган боласи.
Тойчоқ – отнинг бир ёшдан икки ёшгача бўлган боласи.
Той – икки яшар боласи.
Ғўнон – уч яшар от, айғир.
Дўнон – тўрт яшар от.
Тўлон – беш яшар от.
Айғир – 3-4-5-6-7  ёшли эркак от.
Чирға – олти яшардан ошган от.
Толлон – 1) 12 ёшли от; 2) жуда кексайиб, мункиллаб қолган чолни ҳам баъзи жойларда шунақа дейишади.
Қирчанғи – қариб қолган от.

Байтал – ёш урғочи от.
Бия – туққан ва  бўғоз урғочи от.
Йилқи – отлар подаси, галаси.
Уюр – ораларида бир айғири бўлган биялар тўдаси.

Ёби – насли паст от.
Чўбур – хашаки от.
Байир – маҳаллий шароитга ўрганган жайдари от.
Қорабайир – бели текис ва кенг, кўпинча тўриқ ёки саман от.

Тарлон – ола тарғил, чавкар от.
Тўриқ – қора-қизил, тўқ тусли жийрон от.
Жийрон – қизғиш-малла от.
Саман – оч малла, сомон ранг от.
Самантўриқ – саманга, маллага мойил рангли тўриқ от.
Бурул – холдор кўкиш от.
Чавкар – ола-була, қора холли, хол-хол от.
Чагир- кўзида оқи бор от.

Асов – минги бўлмаган, хали минишга кўникмаган от.
Бедов – учқур, ўйноқи от.
Йўрға – минганда худди мошинадан кетаётганидек текис, силлиқ юрадиган от.
Дўққи – йўрғанинг акси, юрганда устидаги одамни силкитиб юрадиган от.
Арғумоқ – жуда чопқир от.
Тулпор – наслдор, чопқир, учқур от.
Хос тулпор – боқилган, чиниққан, узоқ сафарларда юрган, пойгада пишган, наслдор от.

От абзаллари:

Босмайил – отнинг қорнидан эгар билан қўшиб боғланадиган  тасма.
Қуюшқон – эгар отнинг боши томонига кетиб қолмасин учун, унинг думи остидан  ўтказиб эгарга боғлаб қўйиладиган арқон.
Узанги – оёқ қўйиб миниш ва эгарда мувозанат сақлаш мосламаси.
Тизгин – отнинг сулуғига ва нўхтасига боғланган арқон. Отни мингач у чавандознинг қўлида бўлади. Унинг синоними – жилов.
Сулуқ – отнинг оғзига тиқилган темир мослама. (“От бошига иш тушса сулуқ билан сув ичар, йигит бошига иш тушса этик билан сув кечар”)


@A_meshayan
22:53-03.11.2024
Абдураҳмон  Мешаян

​​#Эрга_тегмоқдадир_йигитлар"

"Нар"*лигин унутиб "мода"*га,
Бошин эгамоқдадир йигитлар.
Бу айланиб бўлди модага,
"Эрга тегмоқдадир йигитлар".


Дучор бўлиб мазаҳ тошига,
Дардни сотиб олиб бошига.
Момосининг теп-тенгдошига,
"Эрга тегмоқдадир йигитлар".

Эркакка айланиш ўрнига,
Мардликка шайланиш ўрнига.
Қарангки уйланиш ўрнига,
"Эрга тегмоқдадир йигитлар".

Нафси келгач иймондан ғолиб,
Халқ ичинда уятга қолиб,
"Альфонс" деган унвонни олиб,
"Эрга тегмоқдадир йигитлар"

Учиб дунё ҳойй-ҳавасига,
Қулоқ солмай виждон сасига.
Бувисининг дугонасига,
"Эрга тегмоқдадир йигитлар".

Кўппак мисол бўйсуниб хуриб,
Ётса ётиб, тур деса туриб.
Бойлик учун ордан юз буриб
"Эрга тегмоқдадир йигитлар".

Қиз ўйлайди: "Топдим ландовур"
Йигит ўйлар: "Бой-ку хайтовур".
Бир зумгина қилмай тафаккур,
"Эрга тегмоқдадир йигитлар"

Қайнотам "ДЖИПП" олиб берар деб,
Қасрдек уй солиб берар деб.
"Даюсликнинг тожи"н кийиб кеб,
"Эрга тегмоқдадир йигитлар"

Ололмагач шайтонин енга,
Яширгандай кир қўлни енгга.
Э, вох дўстлар онаси тенгга
"Эрга тегмоқдадир йигитлар"

Инсонийлик қолмай куйланиб,
Маймунгами қолдик айланиб?
Бу замонда қизлар уйланиб,
"Эрга тегмоқдадир йигитлар".

Нар*-эркак қуш,
Мода*-урғочи қуш.


@A_mashayan
2009-15:13-09.01.2015. Абдураҳмон Мешаян

​​#Яшириб_рашким_шеъри_тарихи

Юқоридаги #Яшириб_рашким шеърим туғилишига сабаб бўлган воқеани менга бир аёл айтиб берган.

"Ўн беш йил фарзанд кутдик.
Бўлмади.
Охири эримни уйлантирдим.
Қизни ўзим топдим.
Тўй қилдик.
Меҳмонларни кутиб олиш,  кузатиш,  қудаларнинг хурматини жойига қўйиш,  ҳаммаси зиммамга тушди.
Ўта хурсанд эдим.
Чунки эримни жуда севардим.
У фарзандли бўлишини ўз нафсимдан устун қўйдим.
Эрни уйлантирган,  қиз топган,  меҳмонларни кутган ўзим бўлдим.
Ҳаммасига чидадиму аммо уларни чимилдиққа кузатганимдан кейин шилқ этиб йиқилдим.
Хушдан кетдим.
Кундошим билан эримнинг ҳозир беш фарзанди бор.
Улар менинг ҳам фарзандларим.
Эримни севаман.
Эрим ҳам мени кундошимдан кўпроқ севади.
Шунинг учун ҳам рашкимни яшираман боз устига кундошим ҳам синглимдек бўлиб кетган".

P. S: Шеър қани деб сўраганлар топилади барибир.
Шу постнинг тепасида турибди.

@A_meshayan

​​#Яшириб_рашким.

(бир аёл ишқи)

Битар дорилфано дорилбақода-
Фирдавсда келар сен-ла учрашгим.
Меҳрим-хижоблидир,  ишқим-тақвода,
Гоҳи кўзларимдан тошириб ашким,
Мен сени севаман яшириб рашким.

Қайдан олдинг бундоқ муаттар хидни?
Тарк қилиб байраму базму жамшидни.
Бағрингга ол дея порлоқ хуршидни,
Кўксинг самосига келар жойлашгим,
Мен сени севаман яшириб рашким.

Қучоғингдан айро ёта олмасман,
Сансиз бир қултум сув тота олмасман.
Сени отилсамда сота олмасман,
Қайноқ ишқим келар сен-ла пойлашгим,
Мен сени севаман яшириб рашким.

Ишқсиз қувонч майда, дардим калондир,
Қалб бойлигим талош, мулким талондир.
Далдангсиз аҳволим фалон-фалондир,
Кўнглинг тахти учун келар курашгим,
Мен сени севаман яшириб рашким.

Роббим мукофот деб шу бардошимга,
Сени маҳрам қилиб берди бошимга.
Ўлсам ёздириб қўй қабртошимга:
Сенга сакийнатни келиб улашгим,
Бутун умр севдим яшириб рашким.

@A_meshayan
22:47-02.11.2024
Абдураҳмон Мешаян

https://youtu.be/PJS0m2mDbdI?feature=shared

​​#Яҳё_Синварнинг_ижобат_нияти

"Душман беролгувчи-
совға энг катта,
Мени ўлдирмоғи-
Бўлар албатта.

Ўлмоқлик шарафдир  Роббим йўлида,
Шаҳид бўлмоқчиман душман қўлида.

Эллик тўққиз ёшга кирибман жўра,
Коронавирусдан ўлгандан кўра-

Мени ўлдирсайди ғаним зарбаси,
Ф-16 номли қирув бомбаси.

Бахстсиз ҳодисага учраб ўлмоқлик,
Юрак хуружи ё инсульт бўлмоқлик,

Мен учун орзумас мен юртим тараф,
Оддий ўлим эмас шаҳидлик шараф".

Шаҳид Яҳё Синвар етдинг ниятга,
Ибрат бўлиб бутун инсониятга.

Умринг жуда гўзал топди ниҳоя,
Ўлдинг Ватанингни қилиб ҳимоя.

@A_meshayan
23:44-23.10.2024
Абдураҳмон  Мешаян

Buncha uyalmasang o‘zbekligingdan?

​​БУНЧА УЯЛМАСАНГ ЎЗБЕКЛИГИНГДАН?

Майли, саккиз тилни билганинг яхши,
Хорижий юртларда бўлганинг яхши.
Аммо, бир ишинг деб ўлганинг яхши,
Бунча уялмасанг ўзбеклигингдан?

Минг йил чирансангда сендан чиқмас рус,
Сочингга берсангда бўяб сариқ тус.
Товуққа ҳам тақлид қиларми товус?
Бунча уялмасанг ўзбеклигингдан?

Хўп, замонавий бўл, тўплагин олтин,
Сен ўхшаш истаган ўшал зотлар чин.
"Бисмиллоҳ" ҳам айтмас таомдан олдин,
Бунча уялмасанг ўзбеклигингдан?

Сенинг бобонг Темур! Грозный эмас,
Сен "чистый" миллатсан "грязный" эмас.
Руслар учун "мразь"сан, ўзбек учун "мараз",
Бунча уялмасанг ўзбеклигингдан?

Сен учун отанг "пахан", онанг "мамашка",
Мойчечак ҳам сен учун оддий "ромашка".
Ўзи "қўй" экансан, йўғе "барашка",
Бунча уялмасанг ўзбеклигингдан?

Бу кетишда охир сендайин нокас,
Ислом динидан кечиб чўқинмасанг бас!
Виномиш қўлингда шароб, мусаллас.
Бунча уялмасанг ўзбеклигингдан?

Жуда димоғдорсан инглизлардек,
Дидинг ҳам нозикдир танноз қизлардек.
Сўзлашга уялма ҳудди бизлардек,
Бунча уялмасанг ўзбеклигингдан?

Миллатчимасман-у учига чиққан,
Бу ифлос одатинг айт кимдан юққан?
Сени Наташамас, Ҳалима туққан!
Бунча уялмасанг ўзбеклигингдан?

Масхара қиласан дўппи саллани,
"Колыбель" атайсан ҳатто аллани.
Қўй гўштига қўшиб ейсан "салани"
Бунча уялмасанг ўзбеклигингдан?

Сен учун ўзбекнинг ҳаммаси "харип",
Бизлар бобоймишмиз қолганмиз қариб.
Гитлер ҳам қолмаган бунча ўзгариб,
Бунча уялмасанг ўзбеклигингдан?

Етти ёшга тўлди фарзандинг Қудрат,
Ҳалигача уни қилмадинг суннат.
Падарингга эмас, ўзингга лаънат!
Бунча уялмасанг ўзбеклигингдан?

Сени ким деб атай, бир ажнабийми?
Бир сен ижобий-у, ҳамма салбийми?
Алишер дейми ё, Алёша дейми?
Бунча уялмасанг ўзбеклигингдан?

Дейсан "уч юз кўкин" сенга тўларман,
"Напиши мне стих" , мухлиси кўпман.
Сендай отарчига шеър ёзиб бўбман!
Бунча уялмасанг ўзбеклигингдан?

Ўзбеклар ёввойи "дикий" деяпсан
"Ромкангдан" чиқяпсан", "дерзкий кетяпсан"
Уятсиз! Ўзбекнинг нонин еяпсан,
Бунча уялмасанг ўзбеклигингдан?

Бор, бошқа безовта қилмагин мани,
Ўзбекча сўкиш ҳам уволдир сани,
Ёнимдан тур йўқол! пашол на... қани,
Бунча уялмасанг ўзбеклигингдан?

Майли, не қилсанг қил, тинч ҳам қўяйлик,
Фақат ўлсанг айтчи, қандай кўмайлик?
Ё санинг қабрингга хоч ўрнатайлик?
Бунча уялмасанг ўзбеклигингдан?

Тилим қичийдида, шоирнинг шеъри,
Ёлғондан наридир, алдовдан бери,
Ўрис бўлмаганку, онангнинг эри,
Бунча уялмасанг ўзбеклигингдан?

@A_meshayan
21.10.2014
Абдураҳмон Мешаян

🇺🇸Green Card anketasini to'ldirish aslida BEPUL

⚠️Faqat sizdan ingliz tilini bilish va anketa to'ldirayotganizda maxsus ko'nikma va e'tiborli bo'lish talab qilinadi.

🚫Samarqandga borish shart emas.

📄 Kerakli xujjatlar: oddiy fuqarolik pasport yoki ID karta (Zagran pasport shart emas, 2022-yildan) va yana maxsus green card uchun rasm talab qilinadi.

⛔Firibgarlardan ogoh bo'ling!

💡 Agar sizda xorijga chiqish pasporti yoʻq boʻlsa hozirdan olib qoʻyishni tavsiya qilamiz.

⏰Arizalar 5-noyabrgacha qabul qilinadi.
Batafsil ma'lumotni telefon yoki telegram orqali olishingiz mumkin.
📞+998911996393 @Okmirzaev Dostonjon

​​ЎЛИК ТИЛ

21-октябр тил байрамига

"Памперс" енгди "шимматаглик"ни,
"Корзинка"га айланди сават.
Кўринг энди бу кўргуликни,
"Очеред"га жой берди "навбат".

Келганми ҳеч хаёлингизга
"Тушлик" ўлиб тирилмиш "обед".
Деманг берган саволингизга,
"Жавоб" йўғу лекин бор "ответ".

Чарм" ўлиб туғилди "кожа".
"Луна" бўлди осмондаги "ой"
"Юз" нетади уларда "рожа"
Маддоҳ"лар хам "подхалим" вой-вой

"Волида"сиз ғариб бу луғат,
Бойигандир "мамашка" билан.
"Мойчечак"мас кўлига албат, Совға тутай "ромашка" билан.

Бузилётган тил минорасин,
Қандоқ тиклар филолог-меъмор?
Ўз касбининг номи хам ахир,
Ўзбекчамас, тилшунос ҳеч бор?

Тилимизнинг бошини ея,
Соя эмас русга бўлдик "тень".
Овқатингга қўшиб е дея,
Давлат қўйгач шу халққа "хрень"...

Р.S. Хрень-Таомга қўшилиб ейиладиган ўсимлик номи

@A_meshayan
11:30-09.02.2019
Абдураҳмон Мешаян

​​“ЎЗБЕКСИМОН" КОТИБА

Қўнғироқ айладим бир ташкилотга,
Ўтақолай энди бор тафсилотга.

Забоним ўзбекча салом айтарди,
Лек котиба русча жавоб қайтарди.

Нима хам дер эдим, бўлмай қўпол, тўнг,
Мен хам бундай ажиб жавобидан сўнг,

Русчада англатсам ўз муддаоим,
Гўшакдан бир овоз келди мулойим:

Бугун иш кўп эди, жуда хам толдим.
Ўзбекча гапиринг, тушунмай қолдим.

@A_meshayan
08:32-01.11.2017
Абдураҳмон  Мешаян

Гуноҳкор йўқ каминанинг шаҳсичалик.
Ёлғон борми нодонларнинг баҳсичалик?
О онажон сенга фойдам тегдимикин,
Оёғингни иситган ул махсичалик?

@A_meshayan
2010-йил
Абдураҳмон Мешаян

ГУЛЛАСА АНЖИР


​​— Сўз берди, Олрич.
— Нима деб, афандим.?
— «Анжир дарахти гуллаганда келаман» деди.
— Аммо, афандим…
— Биламан, Олрич, жим бўл!

Ўғуз Атай

@MuhammadAkbarAzim

***

Бағринг жаннатидан қилма бадарға,
Ишқим чўқимасин фироқдек қарға.
Ширин кулмоғингга жоним садаға,
Жоним, биз иккимиз узилмас занжир,
Мен сендан кечаман гулласа анжир.

Сен мени қўйгансан эсдан оғдириб,
Булоқдек энг шаффоф меҳринг ёғдириб.
Дунё ғалваларин бир четга суриб,
Севишайлик ғаним алжиса алжир,
Мен сендан кечаман гулласа анжир.

Хиёнат қилмоғинг мумкинми дема,
Садоқатга қулман, ич-этим ема.
Чўкмагай биз минган бахт деган кема,
Сенсиз дард бўриси кўксимни ғажир,
Мен сендан кечаман гулласа анжир.

Қучоғимдан кетма киргунча фажр,
Ошиққа энг олий жазодир ҳажр.
Вафо тожин тақиб тўплайлик ажр,
Айрилсак Арш титраб Хақ биздан ранжир,
Мен сендан кечаман гулласа анжир!

@A_meshayan
13:54-19.10.2024
Абдураҳмон  Мешаян

Бир кун Падари Бузрукворимизни жуда соғиндим. Кўргим келди, ҳар ерга қарадим, яшаган уйларига кирдим, расмларига қарадим, кўнглим таскин топмади. Кейин болаларни мошинага солдим, "юринглар, бир жойга бориб келамиз" дедим. Ёшликларида биздан узоқроқ, Қирғизистон чегарасига яқин жойга қатнаб, биттаси дарё бўйида, яна биттаси канал бўйида бўлган иккита дўконда ишлагандилар, ўша тарафга қараб юрдим. Бирисини умуман топа олмадим, у ерлар бузилиб ўрни боғ бўлиб кетибди, иккинчисини қидириб йўлга тушдим. Жойни топдим, аммо, дўконни топа олмадим. У дўкон ҳам бузилиб, ер билан текис бўлиб кетибди, фақат бетон жуда қалин- бақувват экан, фундаментлари қолибди. Ўша жойда тўхтаб, жим қолдим. Озгина Қуръон тиловат қилдим, дўкон изини кўриб, дадамни кўргандай бўлдим. Болалар бироз ўйнаб, айланиб юрди, мен эса хаёл суриб ярим соатлар ўлтирдим...

Бу ўзимнинг бошимдан ўтган кичик бир воқеа. Сизга айтганим сабаби– отаси борлар эртага қидириб, изларига қараб қолишдан аввал, бугун ўзларига қараб олинг дедим...

Салим Аюбий

Ўтиб кетди менинг бундай кунларим.
Алҳамдулиллаҳ.
16 йил даъват, 16 йил қўрқув ва охири натижа.
Онам бир ярим йил илгари муслима бўлгани.
Беҳисоб шукр

😂😂😂😂😂😂

​​#Шаъбон_ал_Далу

Яҳуд ёққан оловда бу қандай жазо бўлди,
Ўн тўққиз ёш йигитча ёнганча қазо бўлди.

Шаҳид кетган одамга жаҳаннамда нима бор,
Умид шуки диндошим, жаннатга аъзо бўлди.

Ҳамал ўтди, ҳут ўтди, ортда қолди сумбула,
Ёнғин ичра гоҳ ақраб, гоҳида жавзо бўлди.

Куйган вужуд қўйилди она замин бағрига,
Ўсиб-ўсиб армоннинг бўйлари фазо бўлди.

Доимгидек кофир шод, Мўмин солганидан дод,
Қалбим каъбаси бирла бузилган авзо бўлди.

Шўрлик Шаъбон укама, шаҳидлик шаробини-
Ичмай ўлган на Форуқ ва на Муртазо бўлди.

Гўёки жангдан қочган қўрқоқ аскар мен бўлдим,
Ёв қўлида хор бўлган волидам Ғазо бўлди...

@A_meshayan
19:19-16.10.2024
Абдураҳмон Мешаян