Uzdiplomat | Расмий канал

🔴 Ғарбга (G7) га қарши куч сифатида кўрилаётган БРИКС Ўзбекистон учун қанчалар манфаатли?

Бугун тонгда Президент Шавкат Мирзиёев БРИКС саммити учун Қозонга учиб кетди

✔️БРИКС Ғарбга қарши ҳаракатми ёки G7га муқобил бирлашмами?

✔️Санкциялардан яккаланган Россия учун БРИКС иқтисодий имкониятми?

Uzdiplomat Қозонда кечаётган сиёсий кайфиятни шарҳлаб боради

Батафсил сайтда ўқинг

Telegram | Instagram |  You Tube | Facebook | X

✔️Ташқи ишлар вазирлигида янги ёш ўринбосар

🔴Олимжон Абдуллаев ташқи ишлар вазирининг ўринбосари этиб тайинланди

О.Абдуллаев кўп йиллар давомида Ташқи ишлар вазирлиги тизимида ишлаб келган. Ҳозирги лавозимга тайинлангунга қадар мамлакатимизнинг Франкфурт-Майн шаҳридаги (Германия) бош консули лавозимида ишлаган.

Telegram | Instagram |  You Tube | Facebook | X

Бу йил энг кўп қайси машина ишлаб чиқарилди?

Ўзбекистон автомобиль ишлаб чиқариш саноатида бу йил январь-сентябрь ойларида жами 297 044 та енгил автомобиль ишлаб чиқарилган.
Шундан, 117 705 таси "Cоbalt" русумли автомобиль. Кам ишлаб чиқарилган русум—Lada, 6та.
Ўзбекистон бозорига эндигина кирган "Оnix" машинаси эса, 24 753 дона ишлаб чиқарилган.

Telegram | Instagram | You Tube | Facebook | X

Россиялик журналист Ўзбекистонда заҳарланиб, вафот этди

Бош прокуратура Тошкентдаги меҳмонхоналардан бирида россиялик журналист Инесса Паперная ва унинг яқинининг ўлими юзасидан жиноий иш қўзғатди.

Бош прокуратура матбуот хизмати раҳбари Хаёт Шамсутдиновнинг тасдиқлашича, 20 октябрь куни пойтахтнинг Миробод туманида жойлашган «Караман» меҳмонхонасида яна бир меҳмон вафот этган.

Қўшни хонанинг ҳаммомидан 47 ёшли Ўзбекистон фуқаросининг жасади топилган. Дастлабки суд-тиббий экспертиза хулосасига кўра, уч кишининг ўлимига номаълум этиологияли моддадан заҳарланиш сабаб бўлган. Аниқ сабаб экспертиза текшируви натижасига кўра аниқланади.

Мазкур ҳолат юзасидан Жиноят кодексининг 186-моддаси (одамлар ўлимига сабаб бўлган, хавфсизлик талабларига жавоб бермайдиган хизматлар кўрсатиш) билан иш қўзғатилган. Ҳозирда тергов давом этмоқда.

Эслатиб ўтамиз, дастлабки тахминларга кўра, меҳмонлар ҳовузни тозалашдан кейин вентиляция тизимига кирган газдан бўғилиб қолган.

Telegram | Instagram |  You Tube | Facebook | X

🔴 Собиқ мегаюлдуз, актёр Фарруҳ Соипов экстремист сифатида малакаланаётгани айтилмоқда

Uzdiplomat'даги аниқ маълумотларга кўра, собиқ мегаюлдуз, актёр Фарруҳ Соипов (Шайх) Содиқ Самарқандий издоши сифатида кўрилмоқда. Маълумки, Содиқ Самарқандий фаолияти Ўзбекистон қонунчилигига кўра, террорист сифатида малакаланади ва жиноий жазо назарда тутилган.

Айни пайтда қуйидаги шахсларнинг:

Содиқ Самарқандий;
Абдуллох Зуфар;
Юсуф Даврон;
Фарруҳ Соипов;
видеоларини тарқатиш, лайк босиш ва уларни сақлаш жиноий жавобгарликка олиб келиши мумкин.

Ички ишлар вазирлиги халқаро экстремистик гуруҳлар фаолиятига қўшилиб, уларнинг ҳаракатларида иштирок этаётган, миллий ва умуминсоний хавфсизликка раҳна солаётган шахслар сифатида Ўзбекистон томони Содиқ Самарқандий, Абдуллох Зуфар, Юсуф Давронга нисбатан қидирув эълон қилган.

Telegram | Instagram | You Tube | Facebook | X

🔴 2024 йил учун глобал очлик индексида Ўзбекистон қайси ўринда?

Марказий Осиё давлатлари сўнгги ўн йилликларда очликка қарши курашда катта ютуқларга эришди. Ўзбекистон сўнгги чорак аср ичида очликни камайтириш борасида энг катта ютуқларга эришган Марказий Осиё давлати ҳисобланади. Бироқ, Тожикистонда мамлакатнинг тахминан 10 миллион аҳолисининг юз минглаб қисми ҳали ҳам етарли озиқ-овқатга эга эмас, деб хабар беради янги глобал тадқиқот.

2024 йил учун Глобал Очлик Индексига кўра, ҳозирда Тожикистон Марказий Осиёда очлик хавотирга сабаб бўлган ягона давлат ҳисобланади. Бошқа тўртта давлат – Қозоғистон, Қирғизистон, Туркманистон ва Ўзбекистон – индексига кўра паст хавф категориясига киритилди. Индекс турли кўрсаткичларга асосланган бўлиб, уларга озуқа танқислиги, болаларнинг ривожланиши ортда қолиши ва жисмоний заифлик, шунингдек, ўлим даражаси киради.

Глобал Очлик Индексига кўра, 2000 ва 2016 йиллар орасида минтақа “жиддий ютуқларга” эришган, бироқ 2016 йилдан буён бу ривожланиш асосан тўхтаб қолган. “Камайишлар қишлоқ хўжалиги ишлаб чиқариши ва ҳосилдорлигининг яхшиланиши, иқтисодий ўсиш ва даромадларнинг ортиши ҳамда озиқ-овқатнинг умумий даражада кўпайиши, барқарорлиги ва унга кириш имкониятлари билан боғлиқдир”.

Глобал исиш, об-ҳавога боғлиқ табиий офатлар ва Россия-Украина уруши минтақа бўйлаб озиқ-овқат, энергия ва қишлоқ хўжалиги ишлаб чиқаришининг нархини ошириб, озиқ-овқат хавфсизлигига доимий таҳдид солмоқда. “Қишлоқ хўжалигининг иқтисодий аҳамиятига қарамай, минтақа мамлакатларининг деярли барчаси бу соҳани молиялаштиришга етарли даражада маблағ ажратмаяпти”, – дея қўшимча қилган тадқиқот муаллифлари.

2000 йилдан буён, Глобал Очлик Индекси кўрсаткичларига кўра, Тожикистон хавф категориясидан “ўртача” даражага кўтарилган. Шунга қарамай, 2024 йилдаги тадқиқотга кўра, Тожикистон фуқароларининг қарийб 9 фоизи озуқа танқислигидан азият чекмоқда. Шунингдек, ҳар бешинчи бола озуқа етишмаслиги туфайли ривожланиши ортда қолган, болаларнинг 3 фоизи беш ёшга тўлмасдан вафот этади.

Ўзбекистон сўнгги чорак аср ичида очликни камайтириш борасида энг катта ютуқларга эришган Марказий Осиё давлати ҳисобланади. 2000 йилда Глобал Очлик Индексига кўра, Ўзбекистонда очлик таҳдиди “жиддий” сифатида баҳоланган эди. Сўнгги тадқиқотга кўра, мамлакатда очлик таҳдиди Марказий Осиёда энг паст даражада бўлди.

Telegram | Instagram |  You Tube | Facebook | X

🔴 Экопартия матбуот хизмати давлат тили байрами куни ботаника боғида рус тили устунлигида ўтказган тадбири бўйича изоҳ берди

Ижтимоий тармоқларда Тошкент шаҳридаги Ботаника боғида Ўзбекистон Экологик партияси рус тилида тадбир уюуштиргани тўғрисида хабарлар тарқалди. Ўзбек тилига партиянинг ҳурматсизлигидек кўринган бу ҳолатга ойдинлик киритиш учун Uzdiplomat.uz мухбири Экологик партиянинг матбуот котиби Салимов Абдуалимга мурожаат қилди.

Матбуот котибининг қайд этишича, тадбир рус тилида бўлмаган. Ўзбек тилида ўтган, фақат тадбирга жалб қилинганлар орасида рус синф ўқувчилари ҳам бўлганлиги сабабли табиат ва экологияни асрашга чорловларни рус тилида ҳам тушунтиришга тўғри келган.

Матбуот котибининг қўшимча қилишича, ҳозир у сайловлар билан банд ва шу боис расмий муносабат беролмаган.

"Телефон қилиб тарқатган одамга ҳам тушунтирдик, сайловолди иш кўплиги учун каналда муносабат беришга вақт йўқ"-дейди у.

Telegram | Instagram | You Tube | Facebook | X

🔴 Хайриддин Султонов - Давлат тили ҳақида бир оғиз илиқ сўз айтишни истамаган мулозим

21 октябрь — Ўзбек тилига Давлат тили мақоми берилган кун. Миллатини ва тилини ўйлаган зиёли, албатта, миллат тилининг равнақи учун жон куйдиради. Айниқса, мулозимнинг қалбида заррача бўлса-да тил қайғуси бўлса, бу байрам куни бир оғиз бўлса-да дилидагини тилига чиқара олади.

Тошкентда халқаро анжуманлар залида ўзбек тилига Давлат тили мақоми берилган кун муносабати билан тантанали концерт дастури бўлиб ўтди.
Байрамда Давлат тили ҳақида тантанали ва баландпарвоз нутқ сўзлаган Хайриддин Султонов байрамдан сўнг ўзбек тили ҳақида бир оғиз сўз айтишни хоҳламади.
Интервью сўраб борган uzdiplomat мухбирига Хайриддин Султонов “Минбарда гапирдим-ку, қандай фикр? Телевидениега борамизда”, деган баҳона билан кетиб қолган.

Маълумот учун, Хайриддин Султонов президент маслаҳатчиси, спичрайтер, ёзувчи ҳисобланади.

Telegram | Instagram |  You Tube | Facebook | X

Давлат тили байрами миллат байрами даражасига чиқаяптими ёки унутилиб бораяптими?

21 октябрь Ўзбек тилига давлат тили мақоми берилган кунни байрам сифатида нишонлаётганимизга 35 йил тўлди. Бу кун тарихи ҳақида юртдошларимиз қанчалик хабардор? Ўзбекистонликлар учун бу кун байрамми? Ўзбек тилига чирмовуқдек ёпишган хорижий сўзларнинг муқобилини билишадими?

Uzdiplomat.uz мухбири одамлар фикри билан қизиқди.

Жавобларни видеода кўринг! Сиз бу саволларга қандай жавоб берган бўлардингиз?

Telegram | Instagram |  You Tube | Facebook | X

🔴 2025 йилдан Ўзбек тили ўқитувчилари маошига устама ҳақ тўланади

2025 йил 1 январдан бошлаб умумтаълим мактабларида миллий сертификатга эга бўлган ўзбек тили ўқитувчиларига маошининг 50 фоизи миқдорида ойлик устама ҳақ тўланади.

❗️ Ўзбек тили байрами муносабати билан Ўзбекистон Президентининг табриги эълон қилинди.

Telegram | Instagram |  You Tube | Facebook | X

#ТАНИШТИРУВ

🔴 Давлат тилини ривожлантириш билан шуғулланадиган махсус ташкилот бор. Биласизми?

Давлат тилини ривожлантириш департаменти ёпилиб яна қайта ишга тушди. Департамент ҳамон ўз сайтига эга эмас ва телеграм саҳифа билан чекланган.

2019 йил 22 октябрда Давлат тилини ривожлантириш департаменти ташкил этилган. Ходимларининг умумий чекланган сони 9 та штат бирлигидан иборат бўлган.
2022 йил 24 январь куни Департамент тугатилган.
2023 йил 24 апрел куни давлат тилини ривожлантириш департаменти қайта ташкил этилган. Давлат тилини ривожлантириш департаменти ташкил
этилиши муносабати билан қўшимча ажратилаётган штат бирликлари Ўзбекистон Республикаси Президенти Администрациясининг 5 та штат бирликларини қисқартириш ҳисобидан киритилган.
Шу вақтгача Давлат тилини ривожлантириш департаментини
Абдуғаффор Қирғизбоев, Собир Шукуров бошқарган. 2023 йилдан Нодиржон Холбўтаев (Жонузоқ) департаментга раҳбарлик қилиб келмоқда.

Маълумот учун, Президент давлат тили масаласини миллий ғоя сифатида кўтаришни таклиф қилганига 5 йил бўлди. Шавкат Мирзиёев “Давлат тили масаласи миллий ғоямизнинг асосий тамойилларидан бири бўлиши зарур»,деган эди.

Президентнинг 2019 йил фармонида
«Давлат тили ҳақида» қонун уч ой ичида ишлаб чиқилиб Олий Мажлисга тақдим этилиши сўралган.

Telegram | Instagram |  You Tube | Facebook | X

🔴 Шавкат Мирзиёев ўзбек тилини ривожлантириш бўйича фармон имзолаганига 5️⃣ йил бўлди

✔️ Нима ишлар қилинди ва нима ўзгарди?

Сизнингча тил сиёсатида қандай ижобий ўзгаришлар бўлди?

Фармонга мувофиқ, 2020–2030 йилларда ўзбек тилини ривожлантириш бўйича қуйидаги асосий вазифалар белгилаб олинган эди:

✔️ 2025 йилга қадар давлат мактабгача таълим тизимида ўзбек тилли гуруҳлар қамровини 72 фоизга, 2030 йилгача эса 80 фоизга етказиш;

✔️ 2030 йилга қадар умумтаълим мактабларида ўқув йиллари учун таянч ўқув режаларида она тили фанини ўқитиш кўламини амалдаги ҳафтада 84 соатдан 110 соатгача ошириш;

✔️олий таълим муассасаларида ўзбек тили кафедралари сонини 2025 йилга қадар 120 тага, 2030 йилгача эса 140 тага етказиш;

✔️ лотин ёзувига асосланган ўзбек алифбосида “Ўзбекистон миллий қомуси” жилдларини нашр этишни босқичма-босқич кўпайтириб бориш;

✔️ 2020 йилда ўзбек тилининг луғат бойлигини оширувчи 15 та лингвистик, соҳавий-терминологик, изоҳли луғатлар яратиш;

✔️ телерадиоканаллар сухандон-бошловчиларининг ўзбек адабий тилидаги нутқ маданиятини оширувчи қайта тайёрлов курсларида ўқитиш тизимини жорий этиш ва қамровни 2030 йилгача 100 фоизга етказиш;

✔️2025 йилга қадар давлат тилида соҳавий иш юритиш ҳужжатларининг ягона электрон намуналарини ишлаб чиқиш ва улардан фойдаланиш учун 14 та онлайн дастур ишлаб чиқиш, 2030 йилгача эса ушбу кўрсаткични 25 тага етказиш;

✔️дастурий маҳсулотларнинг ўзбекча иловалари ва электрон луғат дастурларини яратиш;

✔️ хорижликлар учун ўзбек тилини ўргатувчи дастурлар яратиш;

✔️2030 йилга қадар хорижий олий таълим муассасаларида ўзбек тилини ўргатувчи марказлар сонини амалдаги 17 тадан 60 тагача кўпайтириш;

✔️2025 йилга қадар “Ўзбек тилининг дўстлари” клублари сонини 30 тага, 2030 йилгача эса 40 тага етказиш.

Telegram | Instagram |  You Tube | Facebook | X

⚡️Навоий чўлларида сувсизлик сабаб аҳоли уй-жойларини ташлаб кетаяпти

Халқ қабулхоналари фаолияти каналида берилишича, Навоий чўлларида сувсизликдан аҳоли ўз уй-жойларини ташлаб кетаяпти, чорва моллари эса ташналикдан қирилмоқда. Қайд этилишича, электр энергиясидаги 26 миллион сўмлик қарз сабабли сув чиқарувчи мослама таъминотдан узилган. Оқибатда эса бир муддат давомида қишлоқ аҳли сувсиз қолган. Видеодан кўринадики, айниқса чорвадорлар бундан азият чеккан. - Бунча пуллик энергия сарфланиши мумкин эмас, дейди суҳбатдош ноўрин ёзилган қарздорликдан шикоят қилар экан. Улар «скважина» - бурғилаш кераклигини сўрашган.

Видеода Республика ишчи гуруҳи боргандан сўнг электр қайта уланганини кўриш мумкин. Бу муаммо бир мартталик тартибда ҳал қилиндими, қарздорлик қандай бартараф этилгани ҳақида маълумот йўқ.

Telegram | Instagram |  You Tube | Facebook | X

«Давлатдан бир тийин олмаймиз!»

Бюджетдан миллиардлар сарфланиши мумкин бўлган лойиҳани кўнгиллилар ортиқча сарфларсиз амалга ошираяпти.

24 октябрдан 7 ноябрга қадар Ўзбекистонда мустақил “Ёзувчи/маданият ходими резиденцияда” дастури бўлиб ўтади.

Унга дунёнинг ўндан ортиқ мамлакатидан ижодкорлар таклиф этилган.

«Бош мақсад ижодкорлар ўртасида дўстона мулоқотни яратиш», дейди дастур ташаббускори Аъзам Обидов.

Дастур иштирокчиларининг Ўзбекистондаги харажатлари координатор ва унинг маслакдош дўстлари зиммасида.

Иштирокчилар меҳмонхонада эмас, ўзбекистонлик ёзувчилар ва маданият ходимларининг уйларида яшайди. Шу тариқа уларга ўзбек ижодкорларининг турмуш тарзи билан яқиндан танишиш, улар билан самимий, дўстона мулоқотга киришиш имкони берилади.  Дастур мушоира ва бадиий ўқиш кечалари, ёзувчи, шоир, рассом ва талабалар билан учрашувлар, кутубхона, адабиёт ва уй-музейлари, диққатга сазовор, тарихий жойларга саёҳатни ўз ичига олади.

Батафсил видеода кўринг!

Telegram | Instagram | You Tube | Facebook | X

🔴 Неосовет иттифоқи ҳеч қачон бўлмайди

🎥 Тўлиқ видео

“Совет иттифоқи қайта тикланиши” ғояси ҳавода айланаётгандек. Айниқса МДҲ давлатларининг яқинда Кремлда ўтган йиғилишида бунга очиқ ишоралар янграгандек. Бу алоқалар Ўзбекистон учун олдинга қадамми ёки биз четлашишга интилаётган ўтмишга боғланишимиз хавфи борми?

Мустақил давлатлар ҳамдўстлиги уларнинг ўтмиши уйқаш бўлгани билан келажаги бўлак. Уларнинг ҳар бири бугун ўз йўлида бормоқда. Аммо, ташкилот келажакдан кўра кўпроқ урғуни ўтмишга бераётгандек.

Telegram | Instagram | You Tube | Facebook | X

Автобус йўлагидан юрган ҳайдовчиларга жарима қўлланмоқда

"А" ҳарфи чизилган, алоҳида ажратилган тасмада тўхтаб туриб, автобус ва бошқа йўналишли транспорт воситаларининг ҳаракатига халақит берган ҳайдовчиларга нисбатан белгиланган тартибда чора кўрилмоқда, Бу ҳақида Йўл ҳаракати хавфсизлиги хизмати хабар берди.

Видеода Самарқанд вилоятидаги амалиётлар акс этган.

Маъмурий жавобгарлик тўғрисидаги кодекснинг 128-моддасига кўра, ҳеч қандай сабабсиз мазкур тасмага ўтиб ҳаракатланган ҳайдовчилар БҲМнинг 50 фоизи, ажратилган тасмада сабабсиз тўхтаб турган ҳайдовчилар эса 128-6-моддасига кўра БҲМнинг 2 баравари миқдорида жаримага тортилади.

Эслатиб ўтамиз, 2024 йил 1 октябрдан бошлаб базавий ҳисоблаш миқдори 375 000 сўм этиб белгиланган.

Telegram | Instagram |  You Tube | Facebook | X

«Ўзбеклар баракали халқ, ҳаққини меҳнат қилиб топади, одам ўлдириб эмас»

Алишер Қодиров Россия депутатига жавоб қайтарди

Ўзбекистоннинг Қозондаги Бош консуллиги Ўзбекистон фуқароларини Россия армияси сафига қўшилмасликка чақириб, бунинг учун жавобгарлик борлигини эслатгани ортидан Россиялик депутат ўз норозилигини баён этган.

“Нега бошқа имтиёзлардан қайтармайсиз? Бу мумкину, сизни боқаётган мамлакатни ҳимоя қилиш мумкин эмасми? Фақат виза тизими! Бизга бундай фуқаролар керакмас!”, деб ёзди Сергей Миронов.

Олий Мажлис Қонунчилик палатаси Спикерининг ўринбосари, “Миллий тикланиш” демократик партияси раиси Алишер Қодиров унга жавоб қайтарар экан, “Ўзбеклар баракали халқ, ҳаққини меҳнат қилиб топади, одам ўлдириб эмас», дея таъкидлади.

«Россияни эса Мироновнинг ўзи, ўғиллари, куёвлари, неваралари ҳимоя қилиши керак.

Билишимча, руслар ҳам ватанни ҳимоя қилишни ўзбеклардек муқаддас бурч деб ҳисоблайдилар?», деб ёзди «Х» тармоғидаги саҳифасида Қодиров.

Telegram | Instagram |  You Tube | Facebook | X