platforma.uz

Қишнинг дастлабки қурбонлари

Қўшработ туманида газ портлаши оқибатида бир оиланинг 4 аъзоси вафот этди.

Ҳодиса бугун соат 6:30 лар атрофида туман марказидаги Мустақиллик маҳалласида, икки қаватли уйнинг 2-қаватидаги хонадонлардан бирида содир бўлган.

Дастлабки тахминларга кўра, портлашга хонадонда газ тўпланиб қолиши ва хонадон эгаси буни билмаган ҳолда чироқни ёқиши сабаб бўлган.

Портлаш оқибатида Р.С., М.С. ҳамда уларнинг фарзандлари Ф.Х. ва Д.Х. воқеа жойида вафот этган.

@platformauzb

Қиш эшик қоқмоқда, ўтин йўқ... Қор эса осмонда қишламайди

Мамлакатимизда  ҳали табиий газ етиб бормаган ҳудудлар анчагина. Масалан, Нурота тумани ҳам шундай, тўлиқ газлаштирилмаган. Асосан чўл ва ярим чўлда жойлашган қишлоқ-овуллар аҳолиси уй иситиш,  нон ёпиш, қозон қайнатишда асосан саксовул, юлғун каби чўл ўсимликлари ҳамда халқимизнинг анъанавий ёқилғи манбаи – тезакка кўз тикишади.

Аммо муаммо шундаки, минглаб оилалар истиқомат қиладиган (аслида мамлакатимизда бундай жойлар кўп) бу ерларда бугун эконазоратчилар жуда хафсала билан иш олиб боришмоқда.

Бу-яхши! Чунки сакзовулзорларни асраш экология  учун зарур. Буни ўша саксовулзорларга "кўз олайтирган" одамлар ҳам билади. Бироқ бошқа илож йўқ. Аксига олиб,  чўлланишнинг тезлашиши боис мол туёқ сониям кескин камайган. Мол камайди, дегани асосий ёқилғи – таппи камёблашди, деганини ҳам билдиради.

Бу ердаги одамлар экологлар саксовулзор ва юлғунзорларни қўриқлаб, унга зиён берганга миллионлаб сўм жарима солаётганини тўғри баҳолашаётир. Аммо уларнинг кўнглида бир ўкинч ҳам бор: улар экологлар ўтин ва тарашани ҳимоя қилаётгандай бизни ҳам кимдир ҳимоя қилишса яхши бўларди, деб ўйлашади. Чунки қиш эшик қоқмоқда, ўтин йўқ, тезак сийрак. Қор эса осмонда қишламайди.

@platformauzb

Ёпиқ эшиклар ортидаги сирларни билмоқчимисиз? Янги аноним канал очилибди.

Сиз энди ўз фикрингизни очиқчасига билдиришингиз мумкин. Тўлиқ махфийлик, энг долзарб маълумотлар, очиқ ва самимий муҳокамалар. Ҳеч ким сизни танимайди, аммо сизнинг овозингиз эшитилади.

❗️Обуна бўлинг: @dardsuz

Тошкентда "Лаcетти" ҳайдовчиси икки пиёдани уриб юбориб, ўзи ҳам дарахтга бориб урилиб, ҳалок бўлди. Пиёдалардан бири вафот этди, иккинчиси касалхонага жойлаштирилган.

@platformauzb

Жамоат транспортлари бўйича маълумот берадиган ягона онлайн платформа ишга туширилади

Транспорт вазири Илҳом Маҳкамовнинг тегишли буйруғига асосан, жорий йил 20 ноябргача темир йўл, ҳаво транспорти ва автобус қатновлари ҳақида маълумот ва чипта олиш имконини берадиган ягона онлайн платформа яратилади ва тажриба-синов тариқасида ишга туширилади.

Шунингдек, 1 декабрдан бошлаб Uztrans ахборот тизимида транспортнинг барча турлари учун чипта қидириш имкониятига эга модул фаолияти тўхтатилади.

@platformauzb

Бугун тил байрамини нишонлаяпмиз, бу яхши. Аммо шубҳали тарзда йўқолган тил ҳақидаги янгиланаётган қонун қани, жаноб депутатлар?

Бугун ўзбек тили байрами куни. Жойларда катта тантаналар бўлиб ўтаётгани, албатта, яхши.  Аммо биз она тилимизни жамиятга тўла татбиқ қила олдик, дея олмаймиз. Бу, аввало, концептуал сабаблар билан боғлиқ.

Хусусан, бундан бир неча йиллар илгари тайёрланиб қонун чиқарувчи органимизга киритилган лойиҳа шубҳали тарзда мудом топилмади. Ҳолбуки, орада депутатларимизнинг ўша гуруҳи ўз муддатларини ҳам тугатишмоқда. Қонундан ташқари тилимиз табиий дастакловчи восита кучларига ҳам эга бўлолмади. Масалан, сиёсий элита орасида ўзбек тилидан кўра ҳамон ўрис тилининг обрўси баландроқ.

Маданият, илм-фан, санъат, сиёсат жабҳаларида ҳалиям она тилимиз иккинчи, баъзи ўринларда учинчи ўринга тушиб кетаётир. Жамиятнинг ахборотга бўлган эҳтиёжини қондиришда ҳамон рус ОАВси етакчидек...

Шундай экан, байрам билан бирга тилимизнинг қамровини кенгайтиришни, илмий-сиёсий мақомини юксалтиришни кўпроқ ўйлашимиз керак.  Чунки миллатларнинг колониал тақиблардан халос бўлиши ва ўз субъектлигини теранроқ англашида бу муҳим босқич ҳисобланади.

@platformauzb

Германияда Бобурийларга тегишли тарихий альбом топилди

Тошкентда давом этаётган Ўзбекистон халқаро маданий мерос ҳафталигида бу ҳақда хабар берилди. Берлин давлат кутубхонаси сақланаётган Бобурийларга оид мазкур ҳашаматли альбомнинг бир томонида ғазаллар, иккинчи томонида эса миниатюралар туширилган.

Амир Темурнинг катта ўғли Жаҳонгир Мирзонинг мураққаси, яъни расмли альбоми дея таъриф берилаётган мазкур 120 варақлик ноёб топилма Ҳиндистонда 1650 йилларда чиқарилган ва кейинчалик Европага олиб кетилган. Қизиқ томони шундаки, альбомда Алишер Навоий ва Ҳусайн Бойқаронинг ғазаллари туркий тилда ёзилган.

@platformauzb

2025 йил 1 январдан бошлаб умумтаълим мактабларида миллий сертификатга эга бўлган ўзбек тили ўқитувчиларига маошининг 50 фоизи миқдорида ойлик устама ҳақ тўланади.

Бу ҳақида Президентнинг Ўзбек тили байрами муносабати билан йўллаган табригида таъкидлаб ўтилди.

@platformauzb

Ўзбекистон ўзини иқлим ўзгариши масалалари борасида глобал миқёсдаги муҳим иштирокчи сифатида ҳам намоён этмоқда — Халқаро валюта жамғармаси таҳлилчиси

Халқаро валюта жамғармаси таҳлилчиси Юэжу Чжао Ўзбекистоннинг иқлим ўзгаришини тартибга солиш борасидаги ҳаракатларига баҳо берди. Иқлим ўзгаришини тартибга солиш жамият, бизнес ва ҳар бир инсоннинг иштирокини талаб қиладиган мураккаб вазият. Юежу Чжао Ўзбекистон бу бўйича сезиларли ютуқларга эришганини таъкидлади.

Унга кўра, бунда фуқароларни жалб қилишнинг асосий омили бўлган ахборотдан фойдаланиш имконияти муҳим роль ўйнайди. Айни вақтда Ўзбекистонда иқлимга оид медиа-контент 12 тилда тарқатилмоқда. Бу эса одамларга иқлим сиёсатини эркин муҳокама қилиш ва танқид қилиш имконини беради.

Таҳлилчи, шунингдек, Ўзбекистон энергетика соҳасида ҳам жиддий қадамлар қўяётганини алоҳида қайд этган.

«Генерациянинг қарийб 25 фоизи қайта тикланадиган энергия манбаларига тўғри келади, бу катта натижадир. Қуёш ва шамол электр станцияларини қуриш ишлари ҳам ички, ҳам халқаро молиявий ресурслар кўмагида амалга оширилмоқда. Ушбу соҳадаги ўзгаришлар давлат, бизнес ва жамият ўртасида очиқ мулоқотни талаб қилмоқда.

Муҳими, Ўзбекистон иқлим ўзгариши масалалари борасида ўзини нафақат минтақавий етакчи, балки глобал миқёсдаги муҳим иштирокчи сифатида ҳам намоён этмоқда», дейди у.

Белгиланган тезликка риоя қилинг!

Манба: ВМҚ-172-сон, 12.04.2024 й.

@platformauzb

АҚШ элчисидан ўзбек тили байрамига ўзига хос табрик.

@platformauzb

Она тилимизни ривожлантириш, унинг нуфузини мустаҳкамлаш ҳар ким учун шарафли масъулиятдир. Бу йўлда "Миллий тикланиш" партияси доимо олдинда.

Бугун ҳам байрам муносабати билан видеоролик ишлашибди. Она тили ёки жамиятдаги асосий этнос ҳақида гапирсак миллатчилик бўлиб қолади, деб чўчиймиз. Лекин бу партия ҳамиша ўзбек тили учун жонкуяр партия сифатида тилга олинади. Бу кимгадир ёқади кимгадир йўқ. Партия доим ўз идеологиясига содиқ.

Миллий озодлигимиз рамзи — бой ва бетимсол она тилимиз мангу яшасин!

#saylov24
@platformauzb

FETO раҳбари, турк лицейларининг асосчиси Фатҳуллоҳ Гулен АҚШда вафот этди.

Унинг 2016 йил Туркияда содир бўлган давлат тўнтаришига ҳам алоқадор экани айтилади. Гуленнинг ўзи буни рад этган.

@platformauzb

❗️Президент Фармони билан касбий таълим ташкилотларининг амалдаги турлари мақбуллаштирилиб, касбий таълимнинг барча даражалари бўйича кадрлар тайёрлайдиган ягона техникумлар тармоғи ташкил этилади.

Техникумларда:

➖кадрлар тайёрлаш Таълимнинг халқаро стандарт таснифлагичи ва Ўзбекистон миллий малака тизими талабларига мос равишда ташкил этилади;

➖бошланғич, ўрта ва ўрта махсус касбий таълим дастурлари бўйича кадрлар тайёрлаш йўлга қўйилади, шунингдек, малака ва компетенциялар бўйича қисқа муддатли ўқув курслари ташкил этилади;

➖бошланғич касбий таълим дастурлари бўйича кадрлар тайёрлаш умумий ўрта таълим ташкилотининг 9-синфини тамомлаган ўқувчилар учун – давлат гранти асосида амалга оширилади;

➖ўрта ва ўрта махсус касбий таълим дастурлари бўйича кадрлар тайёрлаш давлат гранти ва тўлов-контракт асосида ташкил этилади;

➖ўрта махсус касбий таълим дастурларининг битирувчиларига ўзлаштирган модуллари, тўплаган кредитлари ва олий таълим ташкилоти томонидан белгиланган баллар ўртача қийматидан (GPA) келиб чиқиб, бакалавриатнинг тегишли босқичидан ўқишни давом эттиришга рухсат этилади.

@platformauzb

Бугун @platformauzb 5 ёшга тўлди!

Бугун каналимиз беш ёшга тўлибди. Эрмак, чигалёзди машқи учун деб ўйлаган ишимиз кейинчалик хийла жиддий иш эканини билиб қолдик. Хусусан, орада турли тушунмовчиликлар "ўчир", "ёп" можаролари жуда кўп бўлди.

Бироқ биз бир нарсада собитмизки, бошланишидан каналнинг мақсади самимий эди ва ҳозир ҳам шундай. Ватан, миллат, халқимиз манфаатлари томондан туриб гапириш, кўнгилда кечаётган кечинмалар, қарашларни ўқувчилар билан ўртоқлашиш.

Менимча, бунинг ёмон томони йўқ. Биз ёзганда, гапирганда ўз шахсий қарашларимизни ифода қиламиз. Бировни шундай ўйлашга, фикрлашга мажбурламаймиз. Лидерлик, даҳоликка даъвомиз ҳам йўқ.

Биз атрофдаги воқеаларга ўз муносабатимизни берамиз. Ўтган беш йил давомида бизни мунтазам кузатиб, фикрларини биз билан бўлишиб келаётган доимий мухлисларимизга ташаккуримизни билдирамиз. Барчангизга  соғлик-саломатлик, омонлик тилаймиз!

@platformauzb

Сайлов ҳам яқинлашиб қолди

Хабарингиз бор, 27 октябрь, якшанба куни Қонунчилик палатаси ва маҳаллий кенгашлари сайлови бўлиб ўтади.

Ҳар қандай демократик давлатда сайловлар муҳим сиёсий воқеа ҳисобланади. Давлат ҳокимияти органларини сайлов орқали шакллантириш — мамлакатдаги конституциявий тузумнинг демократия тамойилларига асосланганлигини намоён этувчи кўрсаткичларидан биридир.

Ҳар бир овоз аҳамиятли. Биз биргаликда катта кучмиз!

#saylov24
@platformauzb

Кун тарихи

БУГУН,  2024 йил 21 октябрь. Ушбу сана билан бевосита боғлиқ айрим бир муҳим байрамлар, воқеалар, жараёнлар ва шахслар ҳақидаги тарихий маълумотлар

Ўзбекистонда Давлат тили куни тантана қилинади.
Халқаро талабалар (World Student Day) куни нишонланади.
Бутунжаҳон йод етишмаслигининг олдини олиш (World Iodine Deficiency Day) куни барчанинг ёдига солиб қўйилади.
Мил. авв. 63 йил – Римда консуликка сайланган Цицерон Катилинанинг давлат тўнтаришини уюштириш ҳамда ўзини ўлдириш режаларидан бохабар бўлгач, Сенатда сўзлаган нутқида унинг кирдикорларини очиб ташлаган.
1097 йил – салибчилар Антиохияни қамал қилган.
1187 йил – Ватиканда Григорий VIII папаликка сайланган.
1328 (вафоти 1398) йил – Хитой императори, Мин сулоласи асосчиси Чжу Юаньчжан Нанкинда таваллуд топган.
1555 йил – инглиз парламенти испан ҳукмдори Филиппни Англия қироли сифатида тан олишдан бош тортган.
1641 йил – Oльстердаги католиклар қўзғолони оқибатида минглаб инглиз ва шотландлар ўлдириб ташланган.
1727 йил – Россия – Хитой шартномаси имзоланган.
1731 йил – Қозоқларнинг Кичик жузи аҳолиси Абулхайрхон ташаббуси билан Россия фуқаролигини қабул қилган.
1805 йил – Кадис яқинидаги Tрафальгар жангида адмирал Нельсон Наполеон флотини мажақлаб ташлаган.
1824 йил – англиялик ихтирочи Жозеф Аспдин (1778 – 1855) ҳозирда ҳам машҳур портланд цементига патент олган.
1858 йил – Парижда Жак Оффенбах (1819 – 1880)нинг “Жаҳаннамдаги Орфей” опереттаси тақдимоти ўтказилган.
1895 йил – Япония империяси Тайван оролини босиб олган.
1908 (вафоти 1996) йил – файласуф олим, Ўзбекистонда хизмат кўрсатган фан арбоби Сулаймон Азимов туғилган.
1915 йил – Арлингтон (Виржиния штати)дан Парижга трансатлантик радиотелефон алоқаси ўрнатилган.
1917 йил – Петроград гарнизони қўзғолончилар тарафига ўтган.
1928 йил – Лев Троцкий бутун дунё коммунистларига Сталин сиёсатига қарши курашиш масаласида мурожаат қилган.
1934 йил – Хитойда Мао бошчилигида “Буюк юриш” бошланган.
1935 йил – Германия расман Миллатлар Лигасидан чиққан.
1940 (вафоти 2022) йил – “футбол қироли”, 3 бора жаҳон чемпиони Пеле (Эдсон Арантис ду Насименту) дунёга келган. 
1945 йил – актёр ва режиссёр, Оскар мукофоти совриндори Никита Михалков Москвада туғилган.
1950 йил – Хитой армияси Тибетни эгаллаб олган.
1961 йил – Миср президенти Жамол Абдул Носир маҳаллий бойларнинг мол-мулкларини мусодара қилдирган.
1968 йил – Toшкентда Осиё, Африка ва Лотин Америкаси мамлакатларининг 1- Халқаро кинофестивали очилган.
1970 йил – Корея Республикасидаги черковда бир вақтнинг ўзида 777 жуфт келин-куёвлар никоҳлаб қўйилган.
1975 йил – СССР Новая Земляда ядро синови ўтказган.
1980 йил – КПСС МК секретари Михаил Горбачев (1931 – 2022) КПСС МҚ сиёсий бюросининг ҳақиқий аъзосига айланган.
1989 йил – Мамлакатимизда ўзбек тили қонун йўли билан давлат тили сифатида жумлаи жаҳон аҳлига эълон қилинган.
2019 йил – @platformauzb канали ташкил этилди.
2021 (таваллуди 1949) йил – Навоий  кон-металлургия комбинатининг таниқли экскаваторчи-машинисти, Ўзбекистон Қаҳрамони Анатолий Панин дорулбақога риҳлат қилган.
2022 йил – Европа Иттифоқи Россия Федерациясига дрон сотганлиги учун Эронга янги санкциялар қўллаган.
2023 йил – Туркияда янги Bayraktar TB3 пилотсиз парвоз қурилмаси илк зафарли учиши ва қўниши хабар қилинган.
2023 йил  – Цюрихдаги Биокимё институти тадқиқотчилари одамларда иммунитет тизими учун беҳад муҳим бўлган “эксклюсома” деб аталадиган янги органни топганлар.

@platformauzb

Бугун 21 октябрь - Ўзбек тили байрами куни

Ўзбек тили ҳақида ўзимизникилар шундай самимий гаплар айтгунича (айта олса, албатта) жанубимиз - Афғонистондаги миллатдошларимизнинг она тилимиз ҳақида куюнчаклик билан билдирган мулоҳазаларини шу ерга қўйиб турамиз.

@platformauzb

Telegram орқали фотосурат кўринишида вирус юборилмоқда

«Фото» деб номланган файл APK кенгайтмаси билан юбориляпти, уни босиш орқали зарарли вирусни фаоллаштириш мумкин.

Ахборот-коммуникация технологияларидан ноқонуний фойдаланишга қарши курашишни ташкил этиш бошқармаси фирибгарлар Telegram фойдаланувчиларига фотосурат ниқоби остида вирус юборишни бошлагани ҳақида огоҳлантирди.

Қайд қилинишича, фирибгарлар «Фото» сарлавҳаси билан APK файлини шахсий хабар сифатида юбормоқда.

APK – Android операцион тизимида ишлайдиган смартфонлар учун иловаларни ўрнатиш файли формати. Агентлик Telegram каналида ёзишмаларнинг скриншотини эълон қилди, унда суҳбатдош «Фото» деб номланган иккита APK файли ва «Салом, бу суратдаги сизмисиз?» деган саволни юборган.

«Фотосуратда APK кенгайтмаси бўлиши мумкин эмас. Агар сиз бундай хабарни олсангиз, ҳеч қандай ҳолатда файлни юкламанг! Бу зарарли илова бўлиши мумкин», дейилади хабарда.

@platformauzb