طبيب نفسي.

أَنا الَّذي سَمَتني أُمي حَيدَرَه
ضِرغامُ آجامٍ وَلَيثُ قَسوَرَه
عَبلُ الذِراعَينِ شَديدُ القِصَرَه
كَلَيثِ غاباتٍ كَريهِ المَنظَرَه

عَلى الأَعادي مِثلَ رِيحٍ صَرصَرَه
أَكيلُكُم بِالسَيفِ كَيلَ السَندَرَه
أَضرِبُكُم ضَرباً يَبينُ الفَقَرَه
وَأَترُكُ القِرنَ بِقاعِ جُزُرِهِ
أَضرِبُ بِالسَيفِ رِقابَ الكَفَرَه
ضَربَ غُلامٍ ماجِدٍ حَزوَرَه
مَن يَترُكِ الحَقَّ يَقوِّم صِغَرَه
أَقتُلُ مِنهُم سَبعَةً أَو عَشَرَة
فَكُلَّهُم أَهلُ فُسوقٍ فَجَرَه


متباركين بولادة الامام علي بن ابي طالب(عليه السلام)

مشتاق لأيام الصداقه الحقيقية، للأيام بدون معرفة الأنترنيت والمبايل، لأيام بنات الطفولة، من چانت البنيه كائن عادي وطبيعي مو مثل ما تشوهت هسه بفعل الأفكار الغربية الشيطانية، مشتاق لأصدقائي الي ماغيرتهم الظروف والأيام من چنا نلعب حرب بالرشاشات بأول يوم العيد، وتصير بالقنا*** بينا وبين الطرف الاخر ومن نكمل نروح نشتري بوشار سويه ونتصالح لان گلوبنا نظيفة وطيّبة، ماعدنا حقد وماعدنا كُره لأحد، مشتاق لأيام الفزعات الزينه، من چان يجي خطار لبيت جيرانَه وتصيحني اجيبلها ببسي، تحس انطتَك مهمه تجيب كأس العالم ب3 دقايق، مشتاق للمطر مال قَبل، من تمطر واحنا بالمدرسة، او دنشتري من الحانوت، وبالحَله نلعب جوه المُطر ونتنكع، ونرجع للبيت وتتلگاني امي گبل تروح ع جنطه تشوف الكتب خاف تنكعت، ومن تتأكد مابيهن شي، تبتسم ويانه وتكول "رعنين"
مشتاق من چنه نجي لبغداد بذاك الوقت، عبالك مسافرين لباريس او سويسرا، ومن ناكل موطة من مرطبات الملكة بالشتة، اقصى درجات الإستمتاع ، ونبقى نفتر بالسيارة ونمر على الأعظمية،
مشتاق للأوقات الحلوه الما تتقدر بثمن، للنيّة الصافية البريئة، للطفولة، للحياة قَبل.
شكد اتمنى كل الذكرتهم فوك، بخير وصحة وعافية ويرزقهم الله بكد رحمته.

وكلكم عيوني.

كل سنه وانتم بخير يارب

لقد طوينا عاما مليء بالافراح والاحزان
وها نحن نستقبل عامنا الجديد نسال الله ان يكون عامنا الجديد بعيدا عن الاحزان

والتوفيق لكل امة محمد

#سنة_سعيدة عليكم 🫶❤️

2025/1/1

كانَتْ سَنة مَليئة بـ :

{يُؤۡتِكُمۡ خَيۡرٗا مِّمَّآ أُخِذَ مِنكُمۡ}

أجلس على طرف سريري يوميًا
قبل أن أنام أتذكر معاناتي اليومية
واقول لنفسي أحسنت لقد صمدت
يوم أخر🙇🏻🖤 .

قرِبت تَنتهي سنة 2024
مُمكن تَكون أكثر سَنة مُختلفه
عشت ب حزنها وب فرحها
أكثر سنه أني تأذيت بيها
وتمرضت وتعبت
بس، تغيرِت
عَرفت مَنو اليسِتاهلني
ومنو ال لا عرفت الزين وال موزين
جَانت سنة مَشاعر وشعور
وكَلشي متلخبط
راح تَنتهي هِل سَنه
وراح ينتهي الشعور ول مشاعر.

مرة اشتريت قميص ماركة جان بوكته، جنت قليل البس قمصان ، اكثر لبسي بالصيف تشيرتات وبالشته بلوز ، هذا القميص الغالي كلما البسه أتقيد وماارتاح بي ، ارجع انزعه والبس بلوزي ابو العشرتالاف المرتاحله ، مرات تشوف واحد غني صاعد سيارة عادية ، هو يكدر يشتري اَي سيارة تعجبه بس تشوفه صاعد سيارة هوندا صغيرة
الموضوع مو فلوس بس هو مرتاحلها

وجنت اعرف ابو شركة موبايلة ايفون فايف قديم برغم ماجان توه نازل ال7plus سألته ليش ماتغير موبايلك كلي هذا تعودت علّي بعد وحتى لو ردت أغيره اشتري فايف نفسه

الموضوع ماله علاقة بالشكل والجمال والسعر
الموضوع اقتناع وثقة وتجربة وموضوع مهم يوصلك للحقيقة
لاتستغرب انت كشاب حلو ومرتب وسيارتك اخر موديل المعجب بيها تحب واحد حالته ميسورة لأن شافت جزء منه يكملها ، ولاتتعجبين انتي وحده حلوه واغلب العالم تباوع عليج واحد يختار غيرج انسانة بسيطة لأن ارتاحلها وفهمها .

التفاهم هذا اهم موضوع بهذا الكوكب، الراحة النفسية التلكاها بناس يشبهوك، بمطعم ترتاح لكعدته، بتشيرت ماخذ راحتك بي، بأغنية تسمعها، الراحة التلكاها ويه الهادئين امثالك لو ويه التافهين الي على نيتهم اليشبهوك
الموضوع مابي مغامرة، مادام انت اختاريت راحتك النفسية ومارايد شي غصب عنك وتبقى تشوفه غلطة مستديمة تعيش بيها الباقي من حياتك.

عيش حياتك برغبتك، لا غصبًا عليك.

وكلكم عيوني

ماكو أصعب من صَفنه تنتهي
بصوجي والله .؟

أغلبية البشر ينضج حسب ظروف الحياة
بس أكثر شخص ينضج من تقسو عليّ الحياة هو الشخص الطيب،
يتحول تدريجيًا من شخص يغفر ويسامح لشخص يتقبل الاعتذار بس ماينطيك بعد فرص جديدة.
شخص تتحول أولوياته لكسب راحته النفسية بعد ما سابقًا بقى يدافع بأستماته عن أحبابه وأفكاره، يتحول لشخص يشوف الخذلان بالمقابل عطف تجاهه بس تقل قيمته للأبد، يصير عنده الناس فترات وتنتهي ويا الوقت، لايعاتب أحد ولا ينتظر احد
ويحفظ أسراره لنفسه،

الشخص الطيب ما يتحول لشخص مؤذي بس يتجاهل
يتجاهل ويعيش بصمت.

وكلكم عيوني.

أصعب معارك التي ستخوضها
في حياتك تلك هيَ التي تدور
بين عقلك الذي يعرف الحقيقة
وقلبك الذي يرفض أن يتقبلها .

- محمود درويش

من انته ضايج ومزاجك متعكر ، يجي شخص يغير مزاجك كله برسالة طويلة

الرزق مو دائمًا بالفلوس
الرزق مرات شخص
تشكر الله لأن خلقه .

وهل مرة مو كلكم عيوني
بس صاحب الرسالة عيوني😂🫶🏻.

أنا صنيع أمي : فإذا استحسنت خُلقي ورأيت مني خيراً ، لا تشكرني بل إدعُو ل أمي 🫶🏻

قبل فترة وگف گدامي شخص بجسمه المكوّن من عشرين ترليون خلية، وكل خلية تحتوي على جسور ومصانع ونظام تشفير معقد بالشيفرة الوراثية
باوعلي بعيونه الي دقتها 576 ميكا بكسل، الّي تحتوي على نظام تصوير متقن للألوان وبدقة مذهلة ويه آلية لتخزين الصور المتحركة والساكنة
واله قدرة على تفسير الصور بواسطة الدماغ وتحليلها بأقل من ثانية ! الدماغ البي خلايا اذا جمعت طولهن تكدر تحاوط الكرة الأرضية 3 مرات ناهيك عن المخ البي 100 مليار خلية عصبية
وگف گدامي بقوامه الّي يُدار من قِبل 640 عضلة
گلبه ينبض ويشتغل منذ أكثر من ثلاثين سنة بالليل وبالنهار بدون صيانة خارجية سواءً جان نايم أو گاعد
وأخيراً نطق الشاب وحرك لسانة المرتبط بالفك بـ17 عضلة بطريقة هندسية فائقة للجمال
سألني بذكاء خارق وبكل برود :
شنو الدليل على وجود الخالق؟

وكلكم عيوني.

أذا مَتريدني ومَابيك جيّة
وما مَر بيك ضيم المار بيَة
لتخليني حَاير بين الاثنين
لو اتانيك لو اتَاني المَنية
انَه اتمنه اگلك عَايش بخير
بَس المشكله مبين عليه...

السناب جات منزله قبل 3 سنين، وطابله مرتين بس، مرة من سجلت بي، ومرة وصلني اتصال عل برنامج ب 4 الفجر من حساب مجهول، بنيه تكلي عادي ندخل علاقة حقيقية تتميز بالصدق والوفاء، كلتلها ويه الفلاتر لو بدون، وبعدها ما طبيت للبرنامج.
اني عندي هواي ارقام، اصدقاء واقارب وناس ماعرفهم وناس من زمن الڤايكنك، هواي ارقام بجهات الاتصال، فيوميًا يوصلني اشعار من السناب جات، لو يگلولي فلان انضم الى البرنامج، لو فلان مقترح الك كصديق، واني اتخبل من شي اسمه اشعارات، ينرفزّني وخاصةً المابيهن فايده، بس بقيت محافظ على البرنامج كل هلسنين مع انُ ما مقدملي أي فائدة تُذكر فقط الإزعاج، كلت ابقي على أمل استفيد منه بيوم من الأيام،
بالفترة الأخيرة بدوا المقترحين يزيدون فكل ساعة يوصلني اشعار، قررت احذفه قبل شهرين
يومية أكول باجر احذفه، وكلما يوصلني اشعار اكول بس يوصل الآخر راح احذفه، وبقيت بهذا الصراع النفسي علمود ضغطة زر ما تاخذ مني 3 ثواني، فقط في سبيل أمنح البرنامج فرصة للإستفادة من عنده، لكن ماكو! وقبل دقايق حذفته نهائي ومستحيل ارجعه بيوم من الأيام.

اني وللأسف الشديد هذا طبعي، حتى بعلاقاتي ويه الناس الداير مدايري، أخلي فقرة أنهاء العلاقة وياه آخر شي باللستة، مع انها لازم تكون الأولى، بس هذا الإنهاء مابي رجعه، اكو هواي ناس ما تستاهل الواحد يتحمل ازعاجهم ومشاكلهم وفوك هذا ماعدهم تقدير لرأيك ولكلامك، ناس ما يضيفون أي قيمة ألك، وجودهم يعيّق متنفس الحرية بداخلك، تحس نفسك متقيّد بالأفكار للمستقبل، تشيل همهم وقلقهم على الفاضي، وتبقى متمسك بيهم على أمل يجي يوم ويتغيرون، لو يجي يوم ويقدرون، لو الأقوى يجي يوم وتستفاد من عدهم.
وانتَ تدري هل 3 شغلات ما راح يجن.
تبقى تسأل نفسك، علمود شنو انتَ باقي تاكل بنفسك هيج؟ يسوه الموضوع ؟
او هاي الدنيا الي حجمها رملة بصحراء ، تسوه هذا التعب ؟ تكتشف بعدين انتَ جنت تخوط بمكان والإستكان شفايتلك لو بصفك ، بالفرع الآخر.

فالمقصد
البرنامج اليجيك منه ريح، حذفه واستريح.
وكلكم عيوني.

خلوها ببالكم

ترا الساكت يعرف كل شيء

لمن ضاقت عليه الأمور ؛ قل في جوف الليل اكثر من مرة :-

" يا دليل المتحيرين ، يا غاية آمال الراجين ، يا غياث المستغيثين "

سووا كلشي بس لا تخيبون ظن أحد ولو بحجاية متوقعها منكم الإنسان ما يملك أرق من خاطره، و أحن شيء ممكن تقدمه لشخص تحبه ان تداري خاطره، اللي يتوقع منك وردة قدمله بوكيه كامل

وكلكم عيوني.

ما أخشاهُ يحدُث الآن ..

قَلَمي بدأ بالتمرُدِ عليَّ، أرهَقَهُ هذا الصمت الطويل كما أرهَقني، لكنهُ وإنْ صرَخَ يبقى قلمًا بلا صوتٍ
فما لونُ صُراخِهِ؟ ومن أيِّ غصةٍ ستتسرب الحروف؟ من غصةٍ كادَت أن تقتُلَني ولم تفعَل؟ أم من غصةٍ قتلتني ولَم تدفن هذا الجسد الجريح!
تَقولُ الفلسفة: أنَّ الحُزنَ يَزيدُ من الإبداع،
ويقولُ المنطّق: أن كثرةَ الشيء يُنقِصُ الأشياء
وأقولُ أنا: أنَّ الحُزنَ تسرَّب داخلي حتى أنقصني الإبداع وجرّدني الإيقاع وأجبرني على الإقلاعِ في بحرٍ مليءٍ بالغارقينَ الذينَ يراودهم سؤالًا واحدًا
لِمَ كُلُّ هذا ؟
ما الذي فعلَهُ شخصٌ يبيعُ الإبتسامةَ للمحتاجين، ويشتري الهَمَ من العابرين كي يُهوّن عنهم حملَهم، كانت أشدُ أعداءِهِ نحلةً وقفتَ على رحيق زهرتهِ المُفضَّلة،
ما الجريمةُ التي فعلها ذلك الشخص؟ هلَ لأنهُ جمعَ الحُبَّ من أرض الصيادين لينثرَهُ فوق أعناقِ الحمامِ لتطيَرَ مطمئنةً في السماء او في المنامِ!
أم لأنَ الجريمة ألتي قامَ بها هو إنَّهُ لم يرتكِب جريمة!

لستُ بصددِ إلقاءِ اللوم على أحدٍ الآن، ليسَ لأنَّكم مذنبون، بل لأنَّكم - أيها المارون بينَ الكلمات العابرة- لا تستحقون أن يلومكم شخصٌ نقيٌ مثلي.
لكنها الحياة .. تَجُرُني دائمًا "بتجاربها" للمكوثِ والإستماع الى درسِها الدائم، فلمْ يلبث طويلًا هذا القلب إلا وهرَب في أولِ فرصةٍ سانحةٍ
وهذا الهروبُ مثلُ آفةٍ تأكلُ ما تبقى من لحظاتِ العُمرِ، تأكُلُ الجَسَدَ بالندَمِ، وتأكُلُ الثقةَ بهذهِ الخيبة!
وهنا يَجُب على العقلِ أن يقولَ كَلِمةِ الفصلِ، فلا فُرصةً بعدَ اليومِ للهربِ أيُها القَلب
ولا وقتَ آخر لندمٍ جديد.
فأما لونُ صراخ القلمِ، فهوَ هذا
لونُ الندم.

عادَ الشتاءُ
وعادت الذكرى ورائحة العطر
عادَ الشتاءُ
وأمتزَجت الدمعةُ بالمطر

يقول جلال الدين الرومي :
"عندما تتخطى مرحلة صعبة في حياتك ،
اكمل حياتك كناجٍ وليس كضحية "

الشتاء بده والغيوم راح تطلع كل يومية..
لطفًا أترسوا ستورياتكم بتصوير الغيوم الجميلة لانها الشي الوحيد اليخلينا نستمتع 🙇🏻‍♂️🖤

قَرَأتُ جَميَعَ قُصَصِ الحُروبِ
وأجِدُهّا شَخصيًا، بِلا مَعنى.
إلَا الحُرّوبُ ألتي قامَتْ بِسَبب عَينيكِ
قَرأتُ جَميَعَ كُتُبْ السَماءِ
ولَمْ أشعِرُ بالطَمأنينَةِ
إلّا عِندَمَا قَرأتُ رَسائِلَكِ الصّوتيَةِ
شاهَدتُ جَميَعَ اللوحَاتِ المَرسومَةِ
لفَان خَوخ ومايكِل أنجلّو وليوناردو
لَمْ أدرِ إنَّ مَلامِحَ وجَهِكِ لَوحَةٌ طاغِيَةٌ
لَو وَضعوهّا في أشهَّرِ مَتاحِفِ العالَمْ
لَتَعَلَمْتُ السَرِقَةَ، وسَرَقتُهّا.
وَلَو وضَعوا خُصلاتَ شَعرِكِ في أكبَرِ السِجونِ
لَتَعَلَمتُ كَيَفَ أشنُقُ وَردةً كَيْ أدخُلُ السِجنَ وأعثُرُ عَليكِ.
كُنْتُ أظِنُ أنَّ الأغانيَّ تَصبَحُ باهِتَةً عِندَمَا نَعثِرُ عَلَىْ صَوتِ مَنْ نَحِبْ.
ولَمْ يَخِيب ظَنيَّ، فَبعدما إستَمَعتُ إلىْ صَوتِكِ .. إبتَعَدتُ عَنْ الأغانيّ.
وأصبَحتُ مؤمِنًا أكثَرُ مِنَ السابِقِ
أُصَلي وأصومُ وأدفَعُ الزَكاَة
وأبحَثُ عَنْ نهديكِ !

من جملة إن شاء الله
الى جملة الحمدلله يا رب

اكو رحلة شاقّة مليانه تعب وصبر وحزن وفرح ويأس وأمل، مليانه ضغوطات نفسية وأمور محد يدري بيها بس الخالق وأنتَ.
تسألني اذا الرحلة تستحق؟ كلش تستحق اذا وراها حلم ينتظرك تحققه، إذا وراها چف البنيه التحبها وهو ينتظرك تلزمه بالحلال، اذا وراها رضى الله وأهلك عليك.

من إن شاء الله الى الحمدلله
هذا ما أتمناه الكم أصدقائي

وكلكم عيوني.

ما چان بيوم كلامي "حجي مطر صيف"
بس جنت أدري الإنسان اليحب من گلبه
الي على نياته، وميعرف يچذب
وميضحك على أحد، وصادق ويه نفسه وويه ربه
هلإنسان يبقى مكسور الخاطر من الخيبات والصدمات
يبقى مكسور الخاطر لدرجة يفقد الثقة بكلشي حوله، ميكدر ينطي كلمة أخيرة لأن دائمًا جان الغدر حليفه، والدنيا ضده
لذلك حجيي مو مطر صيف
حجيي هي حياتي الوهمية.

وكلكم عيوني.

رغم كل الظروف السيئة جدًا المريت بيها بالإسبوع الفات، والأمور القاسية العشتها
مافكرت بس بفئة وحدة من الناس، وهم الملحدين

ذولة شلون حارمين نفسهم من الله!؟ شلون حارمين نفسهم من شعور الإطمئنان ومن شعور أن اكو رب يسندهم ويوكف وياهم دائمًا ويرتبلهم الأمور بالينفعهم ويفيدهم مستقبلًا
شلون حارمين نفسهم من هيج إله أقل ما يمكن القول عنّه هو نعمة الإنسان على الأرض، هو عين الإنسان الحقيقية !

اللهم ثبتنا على طاعتك ولا تشغل بالنا في غيرِك
اللهم لا تشغل بالنا في غيركِ
ولا تدع لقلبنا حيزًا إلا وملئتهُ بحُبِكَ وحنانك
أللهم ولا تجعل لنا ما يشغلنا عن طاعتك وصلاواتك يا أرحم الراحمين.

هيه انحچت بَس ظل أثرها الكلمة .

صُداعٌ، فِكرٌ مُشَتَتْ، كَسَلٌ عارِم، مُستَقبَلٌ مَجهول، وحَسرةٌ كَبيرة داخِل القَلب

عندما أُخبركَ برحيلي عنك، أنا لا أرحل
الراحلون الحقيقون لا يخبرون بشيء.

أيُها الموتُ تَمهلْ لا تَحُمْ حولَ الرَسُولْ
فَلقدْ رَوعتَ قلبًا، إِنَهُ قَلبُ البَتُولْ.

السَّلامُ على صاحبِ السّكِينَةِ
السَّلامُ على الْمَدْفُونِ بِالْمَدِينَة.


أعزي الإمام علي عليهِ السلام والسيدة فاطمة الزهراء عليها السلام والإمامين الحسنين عليهما السلام وذريتهما من الأئمة الطاهرين والأمة الإسلامية بذكرى إستشهاد نبيّ الرحمة ونبيّ الإنسانية وحجة الله على خلقهِ، بأبي أنتَ وأمي يا رسول الله،
لعن الله من قتلك ومن تآمر على ذلك، ولعن الله من سمعَ بذلك فرضيَّ بهِ.
ولا حول ولا قوة إلا بالله العليِّ العظيم

المرأة التي تحبها أجعل لها أسماً جميلاً مختلفاً لا يناديها به أحد غيرك .

-نزار قباني

بعلم الطب اكو فوق بين مصطلح العُقم والعُقُر

العُقم هو سبب لعدم الإنجاب، بس ويّه العلاج ومتابعة الدكتور مُمكن يصير إنجاب، طبعًا بأمر الله وقدرتَهُ.
أما العُقُر معناه مستحيل يصير ولادة وإنجاب، اصلًا خصوبة ما تصير حتى يتكونن البويضات وباقي الأمور.
فالعُقُر معناه لتحاول تفكر من الأساس، وأسبابه هواي منها الزوجة جبيرة بالعمر، او لا سامح الله فد مرض اصاب الرحم وباقي الأمور،

الجميل بالموضوع أنهُ في سورة مريم عليها السلام، النبي زكريا قال ( وكانت إمرأتي عاقرًا )
يدري بيها عاقر وعمرها چبير، ففرصة حصول الإنجاب مستحيلة منطقيًا وعلميًا.
مع ذلك النبي زكريا دعا الله بتضرع وخشوع على الرغم من الإستحالة، لكنه كان واثق من إستجابة الدعاء!

وفعلًا بأمر الله ورحمته وقدرته صارت امرأة النبي حامل وأنجبت نبي الله يحيى عليهِ السلام.

سطر واحد اريدك تحفظه وتعتبره ملجئ الك باللحظات الصعبة.
( عامل الله باليقين - يُعاملك بالمعجزات )

جمعة مباركة
وكلكم عيوني.

مجانين

ماكدرت الكي وصف غير هالكلمة، لأن الديصير سنة بعد سنة هو الجنون بحد ذاته
لكن مو الجنون الي معناها فقدان العقل والدين، بل الجنون الي يخليك بأعلى درجات التمسُك بالدين وبالعقل وبالفطرة الإنسانية والأخلاق.

أهل المواكب الحسينية كل سنة يجبروني أن أكسر قلمي والغي الكتابة واكتفي بالتمتع بمشاهدتهم والفخر بيهم،
أطفال بعمر 3 سنين يادوب يكدرون يمشون، تلكاهم يتطافرون بين المشاية حتى يوزعون الشربت والكيك ولفات الأكل، شيّاب اعمارهم عبرت ال 80 سنة يوكفون بالحر ايام كاملة علمود يخدمون الناس التمشي للحسين، وشكد طيّب المي من ايدهم، ونفسهم المشاية بيهم كبار بالعمر لدرجة يمشي على عكازة ومايكدر يرفع راسه، شفت مقطع لحجي جبير بالعمر يبوس الزوار ويتوسل بيهم أن يخدمهم خاف السنة الجاية يموت ومايكدر يتواجد !
الأكل والشرب والخدمة من كل النواحي، شمسيات وعربات مال اطفال وامور طبيّة وكلشي يخطر ببالك، كلشي !
أمهات كبار وصغار من كل مكان بالكرة الأرضية، اكثر من 25 مليون يتجمعون كلهم تحت راية وحدة ولهدف واحد، هو تجديد العهد لنبيهم الكريم محمد صلّ الله عليهِ وآلهِ وسلّم، بأنهم كل سنة يحزنون لحزنك ويبكون على بكاءك لفقدانك سيد شهداء أهل الجنة وروحك الثانية التي منهُ تتكون، وهو الإمام الحسين بن علي عليهِ السلام.
(حسينٌ مني وأنا من حسين )
حسينٌ مني عرفناها يا رسول الله،
لكن أنا من حسين !!! ما هذهِ العظمة وما هذا التقديس يا ابنَ فاطمة الزهراء عليها السلام

أيُّ نصرٍ هذا ؟ أيُّ دينٍ هذا ؟ أيُّ عقيدةٍ أيُّ مبدئ ؟
أيُّ عطاءٍ يُهدى لكَ يا أبا عبد الله؟

والله إننا مجانين بحبك، والله لو أهدينا عمرنا وأرواحنا فلن نعظّم قدرك ولن نُجازي موقفك.

عظمت الررزيةُ وجلَت المصيبة بكَ علينا وعلى جميع أهل السماوات والأرض.

وكلكم عيوني يزوّار !

‏تلك الشامة الصغيرة
‏ذلك الثقب الأسود الذي يلتهم بحبٍ كل قصائدي وأغنياتي
‏تلك العتمة الصغيرة التي تتوارى خجلًا بين نهديك..
‏أود لو أسرقها
‏أود لو أعتني بها
‏و أربيها كي تصبح ليلًا حين تكبر
‏فأنا و بلادي يا حبيبتي
‏نحتاج إلى ليلٍ بصفو شامتك
‏ليلًا لا تشوبَهُ الدسائس
‏أو الرصاص.
ليلًا جميلًا .. مثلَكِ

آيتُها القطرةُ المُميزة
ألتي سقطت من غيمةٍ لا تشبهُ غيومِنا
غيمةٍ بلونِ خديكِ
موجودةً في سماءٍ لا تشبهُ سماءنا
سماءٍ بلونِ عينيكِ
كم أحبُكِ؟
أيتها الشيءُ من اللاشيء
أيتُها المنطقُ من الجنونِ
أنتِ بدايةُ الأغاني
وشعركُ الختامُ
لكُلِّ روايةٍ
كانَ فيها العاشقُ
أحمقًا ورائعًا
ويَحُبُ بصدقٍ
مثلي.

يَبتَسِمُ مَعي
الحائط الذي يَقَعُ خلفي
عِندما اشاهِدُ صورتَكِ ..

الله بالخير،
معدلك ابدًا مو تقيّيم لذكاءك ونباهتك، مرحلة السادس مرحلة كلنا مرينه بيها وكلنا خضنه تجربتها والراح يلومك شخص ناقص هم خاضها قبل واحتمال فشل بيها.

كلام الناس السخيف ما يخلص، بس تكدر تخلصه انتَ من ما تديرله بال وتتجاهله، لا ترهق نفسك بالشرح والتوضيح الهم، ولا تعزل نفسك بخانه مغلقة وتكتئب .. السادس مو نهاية العالم ابدًا، واليوم اكو مئات الطرق والمحاولات حتى تكون انسان ناجح بحياتك ... والسادس ماهو الا محاولة وطريقة وحدة من بين هلطرق.

اذا ماطلع معدلك مثل متريد لضوج، مباشرةً ابتسم، لتخليهم يشوفوك ضايج ومقهور بالعكس افكس عينهم بإبتسامتك، خليها تطلع من گلبك، من اعماق روحك، خليك مؤمن ان الله يكتبلك الأفضل دائمًا، مُمكن هلشي مراح تشوفه بالبداية لأن ضايج هسه، بس بعدين راح تكتشف أن الله يختارلك الأفضل الك.
اليوم موقف صغير، كلام صغير، فكرة صغيرة تقلب حياتنا وتكون هي المرحلة المصيرية الحقيقية، مو فقط السادس يمنحك هاي المرحلة المصيرية، لتهوّل الموضوع وتنطي اكبر من حجمه.

ومبارك لكل الأشخاص الطلعوا معدلات عالية، كلكم فرحتلكم وكلكم تستاهلون، اعرف اكو اشخاص انظلموا وحصلوا اقل من إستحقاقهم، لكن الحق يم الله ما يضيع ابد، واذا ما رجعلك حقك بالمعدل راح يرجعلك بالمستقبل. بعدك هسه يله فتحت عينك على الحياة، كدامك درب طويل، لا تيأس من أول خطوة.

وكلكم عيوني

شُكُر يجب أن يُقال.

شُكرًا لكل مُسلم "سُنّي" لم يَنشُر الأغاني ولم يستَهزء بالشعائر الحُسينية ( تلك التي تكون غير مؤذية للجسد).
شكرًا لكُل سُنّي دَمعت عيناه وحَزَنَ لفاجعة الحُسين بن علي، ولكُل سُنّي مُدرِك أن الحُسين بن عليَ هو للمسلمين أجمعين - أيّ يخصهم كذلك - وليسَ مخُتصًا بطائفيةٍ دون أخرى.
شكرًا لكُل سُنّي طبخَ الأكل وأقامَ المجلس في سبيل الحُسين، شُكرًا لكُل سُنّي يحتَرُم مشاعر الآخرين ولا يستَفز أحدًا بأحزانهِمِ.

بالنهاية قالَ تعالى ( ليس عليك هُداهُم ولكن الله يهدي من يشاء ۗ وما تنفقوا من خيرٍ فلأنفسكم ۚ وما تنفقون إلا ابتغاء وجه الله )

وكلكم عيوني.

(الهي ماذا وجَدَ من فقدَك، وما الذي فقدَ من وجدَك).

هذا السطر فيهِ من البلاغة ما يكفي لكي يُعادل كتُبُ دينية كاملة، سطر ذو معنى عميق جدًا وقالهُ شخص عظيم جدًا، شخص لَنُ يُكررهُ التأريخ مُطلقًا
فكيف يُمكن تكرارهُ وهو أبا عبدالله الحسين بن علي (عليهِ السلام)

الهي ماذا وجدَ من فقدَك ؟ ومعناه أن فقدان العبد لخالقهِ (الله) لن يسد محلهُ أي مكتسب قد يكتسبه هذا العبد، وسيبقى ما وجدهُ من الدنيا هو الفراغ لأنهُ فقدَ علاقتَهُ مع ربهِ.

وما الذي فقدَ من وجدَك؟ ومعناه أن الذي يبني علاقة قوية مع ربهِ ويجد الله في قلبهِ وفي أعمالهِ وفي إيمانهِ ويتضرع لعبادتهِ فأنهُ لن يفقد أي شيء مهما كان.

هذهِ البلاغة وهذا الإيمان لا يصدر من شخص إعتيادي، ولا يُمكن أن يصدر من غير الإمام الحسين.
يُعلمنا هذا الشهيد الشُجاع درسًا آخر من دروس الحياة، فلم يكتفي بالثورة ضد الظلم ولم يكتفي بأن يغرس في عقولنا ومبادئنا أن لا نصمت على الحاكم الظالم ولم يكتفي بأن يُقتل في سبيل إستقامة الدين، بل علمنا أن العلاقة مع الله هي أساس الدنيا والآخرة، وأن لولا علاقتهِ العظيمة مع ربهِ، لما إنتصر هذا الإنتصار العظيم الذي إستغرق ساعات قليلة، ساعات نستذكرها كلَّ عامٍ وعلى مدار ألف واربعمائة سنة.

هنيئًا لكَ الجنة، وهنيئًا لنا المضي في ثورَتِكَ (منهجًا وفكرةً) وهذا والله ماكُنتُ تطمحُ بهِ في دين جدِكَ رسول الله.
فأشهدُ أنَّكَ ولدتَ حرًا ومُتَ حرًا يا أبا عبدلله، وأن لا يوم كيومك يا أبن فاطمة، وأشهدُ أنَّكَ قاتلتَ من أجلنا، فأشهد لنا عند ربِكَ، إننا ماضون على دربِك.

لو رايحة الدنيا كلها ولا رايح الحُسين.
لو متوقف الزمن ومنتهية البشرية بساعتها ولا منتهي الحُسين.

سلام الله عليك يا حبيبي يا حُسين.

الحُسين الحُسين الحُسين
الحُسين

ويبقى السؤال اليتكرر ببالي كل سنة بهيج وقت،
شلون إنسان استشهدت قبل اكثر من 1400 سنة، والناس الحالية ما شايفته ولا حاجيه وياه، والعدنا بخصوصه فقط روايات وأحاديث،
شلون هيج إنسان بقى عايش بداخلنا كل هل مئات من السنين ؟ شنو الخلاه بهاي المنزلة العظيمة عند المسلمين الحقيقيين الي ربهم الله ونبيهم محمد؟ لحد هل لحظة الناس تقدم الغالي والنفيس علموده، بغض النظر عن تبرعاتهم بالفلوس لمساعدة الفقراء علموده وبغض النظر عن الأكل المجاني النشوفه بعاشوراء وعن المشاعر والدموع، بغض النظر عن إنهم متخذينه كمنهج ومشروع إستشهادي لكل خطر يهدد دينهم ووطنهم وعرضهم، وبغض النظر عن وفائهم إله وتجديد وتعظيم شعائرهم بخصوصه كل سنة، كما أمر الله بقولهِ ( ومن يُعظّم شعائر الله فإنها من تقوى القلوب )
سؤالي مختلف شوية، لأن مابي إجابة،
سؤال معنوي بي تعمّق بالفكرة وسرح بالخيال، خاصة كسؤال عظيم مثل : شنو السر والعلاقة الخاصة بين الإمام الحسين وبين الله عزّ وجل ؟ شنو هاي العلاقة المقدسة الي ماعتقد أكو بشري بعد النبي والإمام علي حصلها ؟
شنو السر الي خلّه أعظم بشر بالكوكب وسيّد الخلق وحبيب الله النبي محمد صل الله عليهِ وآله وسلَّم يقول ( حسينٌ مني وأنا من حسين، أحب الله من أحب حسيناه )
يعني شنو حسينٌ مني وأنا من حسين ؟
إتعمق بهذا المعنى 10 ثواني بس، راح تنصدم من الحجم المهول لمكانة الحسين بن علي عند الله وعند النبي،
حسينٌ مني وأنا من حسين ، كلمات عظيمة وكبيرة جدًا گالها النبي ووصف بيها هذا الإنسان الماله مثيل، لا بفاجعته إله مثيل ولا بمكانته وقدسيته.
"حسينٌ مني وأنا من حسين" جملة تخليك تحس أن الجان يحارب وحده بمعركة الطف، هو النبي محمد مو فقط شخص الإمام الحسين، جملة تأخذك لمعاني بعيدة وعظيمة، لكن قليل بحقها الشرح، ومو كل الناس تستوعب المعنى،
شنو القدمه والسواه الإمام الحسين للصحابة الأوفياء الجانوا موجودين وياه من طلب من عدهم يتركوه ويرحون حتى ما يموتون، لكنهم رفضوا رفض قاطع وجانوا ينتظرون الشهادة على أحر من الجمر !
وكفوا وياه لآخر نفس، وگفوا وياه وحموه نفس ما وگف الإمام علي بالمعارك وحمى النبي محمد صل الله عليهِ وآلهِ وسلّم، نفس المشهد انعاد، نفس خوف الإمام علي على النبي همه خافوا على الإمام الحسين،

نعم الإمام الحسين ،
عجزت ألكه تعريف او وصف يليق بهذهِ الشخصية الثائرة الشجاعة العارفة بالدين والمضحية لأجل إستقامت هذا الدين
وديمومته لحد هذهِ اللحظة،
كلما أقرأ عن الإمام الحسين وعن تفاصيل معركة الطف، احسه رسّام !!
اشوفه وهو يرسم لوحة الفداء والإخلاص بكل أريحية، ينتقل بالأحداث الحزينة وهو صابر بقضاء الله وقدره، يفقد أهله وأصحابة واحد ورة الأخر، وهو مستعد وكأنما رسام وديكمّل لوحته، وكأنما شهد هاي الأحداث مسبقًا، وكأنما شهد لحظة إستشهادة.
لكن هيهات هيهات، ويخسأ من يقول أن الحسين قد مات، الحسين حيٌ يرزق عند الله ورسوله، كما قال الله
( ولا تحسبنَ الذينَ قتلوا في سبيل الله أمواتًا، بل أحياءٌ عن ربهم يرزقون)

الحمدلله الذي وفقنا بحب حفيد النبي وروح النبي الإمام الحسين عليهِ السلام والذي أنار بصيرتنا وثبَت ديننا بطريق الإمام الحسين، الحمدلله على نعمة الإسلام، الحمدلله على نعمة الحسين بن علي
ولعن الله من ظلمك ومن قتلك ومن سمع بذلك فرضيّ بهِ
ولاحول ولا قوة الا بالله العليّ العظيم.

نعاهدكَ يا أبن رسول الله، أن نمضي كلَّ سنةٍ على منهجكِ "عقيدةً وفكرة"