Yo'lovchi Telegram Gönderileri

Сарф-харажатларимга жиддий эътибор қаратяпман. Масалан, энди бошқаларнинг кўнглини олиш учун ҳечам ғайрат сарфламайман. Бандаларини мамнун қилишга энергия ва кучимни совурмайман. Тежамкорликни ўргандим. Атрофимда қанча кам одам, шунча кўп кислород ва хотиржамлик.

✍@umidaaziz

Кўнгилнинг туб-тубидан чиққан сўз кишини уч қаҳратон қиш иситишга етади...

✍@umidaaziz

Бир ўзим қолдим менга яқин.

Лекин авваллари ҳам доим шундай, ёлғиз ўзим йўлга чиқардим...

✍️@umidaaziz

Кўп изтироб чеккан, кўп маротаба одамлардан азият чеккан кишилар бошқалар билан ўртасига қалин, мустаҳкам девор тиклайди ва унинг номини ёлғизлик деб қўяди. Атрофидагиларга ишонолмаслик, "бу киши мени бахтли қиладими ёки кўнглимни синдирадими" деган иккиланишлар чангалида эзилишга тоқати бўлмагани учун ёлғизликни афзал кўради. Ўша гап — охири ноаниқлик ва мужмал ёруғликдан кўра, таниш ва яқин қоронғулик афзал...

✍️@umidaaziz

Дарвозани артяптими у 🙈🙄 Менам бориб ташқи эшикни влажний салфетка билан артиб келай. Уйимизга кўчгани бир йил бўлибди, бир мартаям артиш хаёлимга келмаган экан 😁🙊🤦‍♀

Ким айтибди, бизни камбағал, фақир деб?

Ҳаётдан олган сабоқларимиз жуда қиммат эди...

✍️@umidaaziz

Мазлумнинг дуоси, гарчи у фожир инсон бўлсада, қабул бўлгусидир, мустажобдир. Фужури (гуноҳ-айби) бўлса, зиёни ўзига.

Табаронийнинг «Авсат»даги ривояти.

✍️@umidaaziz

Оғзидан чиққан сўз айланиб-ўргилиб, кишининг олдига имтиҳон варақаси ўлароқ келади. Оғиздан чиққан иддао синовга тутилади. Катта-катта гаплар имтиҳон эшигини тақиллайди. Сўзларини танлаб-танлаб, етти ўйлаб бир сўйлаган умр сафарини енгил қилади.

" Бандаларимга айтгин, улар энг гўзал бўлган нарсани айтсинлар." (17/53)

✍️@umidaaziz

Бекаларнинг кўзини қувнатиб, юрагини жизиллатадиган хонадон муҳити.

Ҳавас қилганларга бундан шинам хонадонлар насиб қилсин...

✍️@umidaaziz

Бир пиёла чойга ҳам баъзан минг хил маъно беради киши. Баъзан ватан бўлади, дамига тутиласан. Гоҳ мозий жонланади аксида, узоооқ термуласан...

✍️@umidaaziz