■ စစ်ကောင်စီ၏ သတ်ဖြတ်မှုကြောင့် အမျိုးသမီး ၈၆ ဦး သေဆုံးခဲ့ရကြောင်း မြန်မာ့အမျိုးသမီးသမဂ္ဂပြော
(သေဆုံးသူများထဲ ရခိုင်က အမျိုးသမီး ၃၉ ဦးပါဝင်)
Western News| ဖေဖော်ဝါရီ ၇
အာဏာသိမ်း စစ်ကောင်စီ၏ လေကြောင်းတိုက်ခိုက်မှုအပါအဝင် နေအိမ်များအား လက်နက်ကြီး ပစ်ခတ်မှုများကြောင့် ၂၀၂၅ ဇန်နဝါရီလအတွင်း အမျိုးသမီး ၈၆ ဦးသေဆုံးခဲ့ရသည်ဟု မြန်မာ့အမျိုးသမီးသမဂ္ဂ BWU က ထုတ်ပြန်ပြောသည်။
စစ်ကောင်စီ၏ အကြမ်းဖက် ကျူးလွန်မှုများကြောင့် ဇန်နဝါရီလ ၁ ရက်နေ့မှ ၃၁ ရက်နေ့အထိ နိုင်ငံတစ်ဝှမ်းမှာ အမျိုးသမီး ၈၆ ဦးသေဆုံးခဲ့ရသည်ဟု BWU က ထုတ်ပြန်ထားသည်။
လေကြောင်းဗုံးကြဲတိုက်ခိုက်ခံရမှုများကြောင့် ၇၃ ဦး၊ ပြည်သူများ၏ ရွာနှင့်နေအိမ်များအား ပစ်မှတ်ထား လက်နက်ကြီးပစ်ခတ်တိုက်ခိုက်မှုကြောင့် ၁၂ ဦး၊ မြေမြှုပ်မိုင်းကြောင့် ၁ တို့ပါဝင်ကြောင်း သိရသည်။
ယင်းအထဲတွင် BWU ၏ အချက်အလက်အရ ရခိုင်က အမျိုးသမီး ၃၉ ဦး၊ ရှမ်းပြည်နယ် ၁၁ ဦး၊ စစ်ကိုင်းတိုင်းဒေသ ၁၀ ဦး၊ မန္တလေးက ၇ ဦး၊ မကွေးက ၅ ဦး၊ ကချင်က ၄ ဦး၊ ကရင်နီက ၄ ဦး၊ ကရင်က ၂ ဦး၊ ပဲခူးတိုင်းက ၂ ဦးနှင့် မွန်ပြည်နယ်က ၂ ဦးတို့ပါဝင်ပြီး ရခိုင်က အများဆုံးဖြစ်ကြောင်း သိရသည်။
ထို့အပြင် အမျိုးသမီး ၇၇ ဦးမှာလည်း ဒဏ်ရာရရှိခဲ့ပြီး ယင်းအထဲမှ ၄၂ ဦးမှာ လေကြောင်းတိုက်ခိုက်မှုကြောင့် ဒဏ်ရာရရှိခြင်း၊ ၃၁ ဦးမှာ လက်နက်ကြီးပစ်ခတ်မှုကြောင့် ဒဏ်ရာရရှိခြင်း၊ ၃ ဦးမှာ မြေမြှုပ်မိုင်းကြောင့် ထိခိုက်ခြင်း၊ ၁ ဦးမှာ အကြောင်းမဲ့ ရိုက်နှက်ခံရခြင်းတို့ဖြစ်ကြောင်း BWU က ပြောသည်။
စစ်အုပ်စုသည် ၂၀၂၁ ခုနှစ် ဖေဖော်ဝါရီလ (၁) ရက်နေ့ အာဏာသိမ်းရန် ကြိုးပမ်းချိန်မှ စတင်ကာ (၄) နှစ်တာ ကာလတွင် စစ်ရာဇဝတ်မှုနှင့် လူသားမျိုးနွယ်များအပေါ် အမျိုးမျိုးသော ရာဇဝတ်မှုများ၊ လူ့အခွင့်အရေး ချိုးဖောက်မှုများကို နည်းမျိုးစုံဖြင့် ကျူးလွန်နေခဲ့သည်ဟု BWU က ဆိုသည်။
အဆိုပါ အချက်အလက်များမှာ သတင်းမီဒီယာအချက်အလက်များနှင့် မြေပြင်မှရရှိသည့် အချက်အလက်များကို စုဆောင်းမှတ်တမ်းတင်ထားခြင်းဖြစ်ပြီး ပဋိပက္ခကာလအတွင်း မြန်မာ့အမျိုးသမီးများ၏ ရဲရင့်မှုနှင့် ရှင်သန်မှုများသည် တရားမျှတမှုနှင့် တန်းတူညီမျှမှုအတွက် ထင်ဟပ်သော အသံတစ်ခုအဖြစ် ခိုင်မာစွာရပ်တည်လျက်ရှိကြောင်း မြန်မာ့အမျိုးသမီးသမဂ္ဂ BWU မှ ထုတ်ပြန်ထားသည်။
#WesternNews #WN #စစ်ကောင်စီ #လေကြောင်းတိုက်ခိုက်မှု #လက်နက်ကြီးပစ်ခတ်မှု #အမျိုးသမီးများသေဆုံး
ပုံစာ- ၂၀၂၅ ခုနှစ်၊ ဇန်နဝါရီလ ၁၈ ရက်နေ့တွင် မြောက်ဦးမြိုနယ်၊ ရမ်းချောင်းအနီးတဝိုက်ရှိ ရန်သူ့စစ်သုံ့ပန်းထားရှိသည့်နေရာကို စစ်ကောင်စီမှ ဂျက်ဖိုက်တာဖြင့်ဗုံးကြဲတိုက်ခိုက်မှုကြောင့် သေဆုံးသွားသူများ/ ဓါတ်ပုံ - AA
(သေဆုံးသူများထဲ ရခိုင်က အမျိုးသမီး ၃၉ ဦးပါဝင်)
Western News| ဖေဖော်ဝါရီ ၇
အာဏာသိမ်း စစ်ကောင်စီ၏ လေကြောင်းတိုက်ခိုက်မှုအပါအဝင် နေအိမ်များအား လက်နက်ကြီး ပစ်ခတ်မှုများကြောင့် ၂၀၂၅ ဇန်နဝါရီလအတွင်း အမျိုးသမီး ၈၆ ဦးသေဆုံးခဲ့ရသည်ဟု မြန်မာ့အမျိုးသမီးသမဂ္ဂ BWU က ထုတ်ပြန်ပြောသည်။
စစ်ကောင်စီ၏ အကြမ်းဖက် ကျူးလွန်မှုများကြောင့် ဇန်နဝါရီလ ၁ ရက်နေ့မှ ၃၁ ရက်နေ့အထိ နိုင်ငံတစ်ဝှမ်းမှာ အမျိုးသမီး ၈၆ ဦးသေဆုံးခဲ့ရသည်ဟု BWU က ထုတ်ပြန်ထားသည်။
လေကြောင်းဗုံးကြဲတိုက်ခိုက်ခံရမှုများကြောင့် ၇၃ ဦး၊ ပြည်သူများ၏ ရွာနှင့်နေအိမ်များအား ပစ်မှတ်ထား လက်နက်ကြီးပစ်ခတ်တိုက်ခိုက်မှုကြောင့် ၁၂ ဦး၊ မြေမြှုပ်မိုင်းကြောင့် ၁ တို့ပါဝင်ကြောင်း သိရသည်။
ယင်းအထဲတွင် BWU ၏ အချက်အလက်အရ ရခိုင်က အမျိုးသမီး ၃၉ ဦး၊ ရှမ်းပြည်နယ် ၁၁ ဦး၊ စစ်ကိုင်းတိုင်းဒေသ ၁၀ ဦး၊ မန္တလေးက ၇ ဦး၊ မကွေးက ၅ ဦး၊ ကချင်က ၄ ဦး၊ ကရင်နီက ၄ ဦး၊ ကရင်က ၂ ဦး၊ ပဲခူးတိုင်းက ၂ ဦးနှင့် မွန်ပြည်နယ်က ၂ ဦးတို့ပါဝင်ပြီး ရခိုင်က အများဆုံးဖြစ်ကြောင်း သိရသည်။
ထို့အပြင် အမျိုးသမီး ၇၇ ဦးမှာလည်း ဒဏ်ရာရရှိခဲ့ပြီး ယင်းအထဲမှ ၄၂ ဦးမှာ လေကြောင်းတိုက်ခိုက်မှုကြောင့် ဒဏ်ရာရရှိခြင်း၊ ၃၁ ဦးမှာ လက်နက်ကြီးပစ်ခတ်မှုကြောင့် ဒဏ်ရာရရှိခြင်း၊ ၃ ဦးမှာ မြေမြှုပ်မိုင်းကြောင့် ထိခိုက်ခြင်း၊ ၁ ဦးမှာ အကြောင်းမဲ့ ရိုက်နှက်ခံရခြင်းတို့ဖြစ်ကြောင်း BWU က ပြောသည်။
စစ်အုပ်စုသည် ၂၀၂၁ ခုနှစ် ဖေဖော်ဝါရီလ (၁) ရက်နေ့ အာဏာသိမ်းရန် ကြိုးပမ်းချိန်မှ စတင်ကာ (၄) နှစ်တာ ကာလတွင် စစ်ရာဇဝတ်မှုနှင့် လူသားမျိုးနွယ်များအပေါ် အမျိုးမျိုးသော ရာဇဝတ်မှုများ၊ လူ့အခွင့်အရေး ချိုးဖောက်မှုများကို နည်းမျိုးစုံဖြင့် ကျူးလွန်နေခဲ့သည်ဟု BWU က ဆိုသည်။
အဆိုပါ အချက်အလက်များမှာ သတင်းမီဒီယာအချက်အလက်များနှင့် မြေပြင်မှရရှိသည့် အချက်အလက်များကို စုဆောင်းမှတ်တမ်းတင်ထားခြင်းဖြစ်ပြီး ပဋိပက္ခကာလအတွင်း မြန်မာ့အမျိုးသမီးများ၏ ရဲရင့်မှုနှင့် ရှင်သန်မှုများသည် တရားမျှတမှုနှင့် တန်းတူညီမျှမှုအတွက် ထင်ဟပ်သော အသံတစ်ခုအဖြစ် ခိုင်မာစွာရပ်တည်လျက်ရှိကြောင်း မြန်မာ့အမျိုးသမီးသမဂ္ဂ BWU မှ ထုတ်ပြန်ထားသည်။
#WesternNews #WN #စစ်ကောင်စီ #လေကြောင်းတိုက်ခိုက်မှု #လက်နက်ကြီးပစ်ခတ်မှု #အမျိုးသမီးများသေဆုံး
ပုံစာ- ၂၀၂၅ ခုနှစ်၊ ဇန်နဝါရီလ ၁၈ ရက်နေ့တွင် မြောက်ဦးမြိုနယ်၊ ရမ်းချောင်းအနီးတဝိုက်ရှိ ရန်သူ့စစ်သုံ့ပန်းထားရှိသည့်နေရာကို စစ်ကောင်စီမှ ဂျက်ဖိုက်တာဖြင့်ဗုံးကြဲတိုက်ခိုက်မှုကြောင့် သေဆုံးသွားသူများ/ ဓါတ်ပုံ - AA
