TATU rektori Baxtiyor Maxkamov

#DIQQAT

🚫 Ijtimoiy tarmoqlar orqali turli xil OTM rahbarlari nomidan akkauntlar ochilib har xil xabarlar yuborish holatlari uchramoqda.

Hurmatli xodimlar va talabalar, bugun begona shaxs tomonidan universitet rektori nomiga telegramdan boshqa profil ochib rahbar xodimlarga har xil xabarlar yuborish, topshiriq berish holatlari kuzatilmoqda. Sun'iy intellekt rivojlanib borayotgan kibermakonda firibgarlar tuzog'iga tushib qolishdan ehtiyot bo'ling! Aks holda firibgarlar sizdan maxfiy va shaxsiy ma'lumotlarni olish yoki hisobingizdagi pullaringizni firibgarlik yo'li bilan o'zlashtirib olishi mumkin.

❗️Ogoh bo’ling, yolg’on xabarlarga aldanib qolmang.
Rasmiy manbaalar:
Rasmiy telegram kanal: @tuituz_official
Rasmiy sayt: tuit.uz
Rektorning murojaat boti: @taturasmiybot


Har qanday xabarlarni @tuitpress profiliga yuborish orqali tasdiqlatib olishingiz mumkin.

#OshChempionati

✅ Bugun oliygohimizda “Talabalar kuni” munosabati bilan tashkil etilgan “O‘zbegim oshlariga marhamat!”  shiori ostida universitetning barcha fakultetlari talaba-yoshlari oʻrtasida oʻtkazilgan “Osh chempionati” tanlovi bo'lib o'tdi.

🏆 Tanlov yakuniga koʻra quyidagi natijalar qayd etildi:

1-oʻrin: 38 ball bilan Kompyuter injiniringi fakultetining jamoasi;
2-oʻrin: 34 ball bilan Kiberxavfsizlik fakulteti jamoasi;
3-oʻrin: 33 ball bilan Telekommunikatsiya texnologiyalari fakulteti jamoasi qo’lga kiritdi.

G’oliblar esdalik sovg’alar bilan taqdirlandilar.

✈️@taturektori

🇺🇿 Ўзбекистон Республикаси Давлат байроғи қабул қилинган кун билан!

18 ноябрь – юртимиз тарихида алоҳида ўрин тутадиган қутлуғ сана. Бу кунда мустақиллигимизнинг тимсоли, давлатимиз суверенитети ва миллий ғурурини намоён этувчи Давлат байроғимиз қабул қилинди. Байроғимиздаги ҳар бир ранг ва тимсол – халқимизнинг тарихи, орзулари ва буюк интилишларининг аксидир.

Бугунги кунда давлатимиз раҳбари, муҳтарам Президентимиз Шавкат Мирзиёев раҳбарлигида байроғимиз нафақат юртимизда, балки жаҳон ареналарида ҳам юксак баландликларда ҳилпираб, мамлакатимизнинг шон-шуҳратини дунёга намоён этиб келмоқда. Бу барчамиз учун ғурур ва ифтихор бахш этади.

Азиз ватандошлар! Ҳар биримиз байроғимизга муносиб бўлиб, унинг абадий баландларда ҳилпирашига ўз ҳиссамизни қўшайлик. Ушбу қутлуғ кун билан барчангизни чин қалбимиздан табриклаймиз!

🇺🇿 Байроғимиз доимо юксакларда бўлсин!

✈️@taturektori

#uchrashuv #TATU_talabasi

⚡️Xalqaro talabalar kuni munosabati bilan O‘zbekiston Respublikasi Prezidenti yordamchisi Saida Mirziyoyeva mamlakatimizning bir guruh yoshlari bilan Yoshlar ishlari agentligida samarali uchrashuv o‘tkazdi.

✔️ Uchrashuvda TATU talabasi Ro’zmetova Komolaxon faol ishtirok etib, IT sohasini va startup ekosistemasini rivojlantirish bo‘yicha o‘zining takliflarini bildirdi. Mazkur takliflar Saida Shavkatovna tomonidan e’tiborga olinib, mas’ul shaxslarga tegishli topshiriqlar berildi.

“Yoshlarni tinglash nihoyatda muhim, chunki umumiy kelajagimizni aynan ular barpo etadilar”, deb yozadi S.Mirziyoyeva.

Manba

✈️@tuituz_official

Азиз талабалар!

Бугун, 17-ноябрь – Халқаро талабалар куни муносабати билан сизларни самимий қутлаб, таҳсин ва эъзоз сўзларимни йўллайман!

Талабалик – инсон ҳаётидаги энг ёрқин ва маънодор давр. Бу вақтда сиз нафақат илм-фан ва касбий билимларни эгаллайсиз, балки мустаҳкам дўстлик алоқаларини қуриб, шахсан ўзингизни кашф этасиз. Бизнинг университетимиз сизларнинг иқтидорингизни янада ривожлантириш, орзу ва мақсадларингизга эришиш учун барча шароитларни яратишга содиқдир.

Сизлар – инновациялар, янгиликлар ва ўзгаришлар авлодисиз. Шу сабабли, сизларнинг изланишларингиз, креатив ғояларингиз ва меҳнатингиз келажакда юртимизнинг янада тараққий этишида муҳим аҳамият касб этади.

Шу қутлуғ кунда сизларга доимий илҳом, шижоат ва зафарлар тилайман. Ҳар бирингиз ўз соҳангизда улкан марраларни забт этишингизга ишонаман. Талабалик йўлидаги ҳар бир қадамингиз юксак натижалар ва ёруғ келажакка олиб борсин!

Талабалар куни муборак бўлсин!

✈️@taturektori

#Xushxabar #TalabalarKuni

💻 Muhammad al-Xorazmiy nomidagi Toshkent axborot texnologiyalari universitetida 17-noyabr “Xalqaro talabalar kuni” munosabati bilan talabalarimiz uchun bir qator qiziqarli va ko’ngilochar tadbirlar tashkil etilmoqda. Ushbu sana talabalar hayotining yorqin va quvonchli daqiqalarini ta’kidlash uchun ajoyib imkoniyatdir!

E’tiboringizga tadbir dasturlari:

➖ 18-noyabr, dushanba kuni soat 13:00 da TATU Aviariysi (qushlar bog'i) yaqinida universitetimizning barcha 8 ta fakultetlari o’rtasida osh pishirish musobaqasi tashkil etiladi. Bu nafaqat oshpazlik mahoratini namoyish etish, balki fakultetlararo do’stlik va hamjihatlikni mustahkamlash uchun ham ajoyib imkoniyat.

🎶Musobaqa davomida sho’x-shodon musiqiy dasturlar sizlarni kutmoqda. Tayyor bo'lgan oshlarga talabalarimizning o'zlari baho berishlari mumkin.

🍿 Movie-night: Kechga yaqin esa talabalar uchun maxsus film tomoshasi tashkil etiladi.

📍 Manzil: TATU, A bino, faollar zali
🕘 Vaqt: 17:00
📹 Film nomi: “Как взломать экзамен” (rus tilida)

Do’stlar bilan yaxshi film ko’rish, iliq xotiralar orttirishni va darsdan tashqari vaqtni maroqli xordiq bilan o'tkazishni xohlaysizmi❔
Unda bu imkoniyatni qo’ldan boy bermang❗️

✈️@taturektori

#live
#Innoweek_2024

🇺🇿 Ayni vaqtlarda O'zekspomarkazida “Innoweek-2024” xalqaro innovatsion g‘oyalar haftaligi ochilish marosimi bo'lib o'tmoqda.

👥 Haftalikni Bosh vazir o'rinbosari Maxkamova Zulayxo Baxriddinovna kirish so'zi bilan ochib berdi, shundan so'ng Oliy ta’lim, fan va innovatsiyalar vaziri Qo‘ng‘irotboy Sharipov barcha ishtirokchilarga muvaffaqiyat tiladi.

💻 Ushbu tadbirda Muhammad al-Xorazmiy nomidagi Toshkent axborot texnologiyalari universiteti hamda uning hududiy filiallari jamoalari ham faol ishtirok etishmoqda.

✈️@taturektori