មន្ទីរអប់រំ យុវជន និងកីឡាខេត្តស្វាយរៀង-Svay Rieng Provincial of Education, Youth and Sport

ព្រឹកថ្ងៃព្រហស្បតិ៍ ៦រោច ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២១ ខែវិច្ឆិកា ឆ្នាំ២០២៤ លោក ទូ សុវណ្ណរស្មី ប្រធានការិយាល័យគណនេយ្យ សម្ភារៈ និងទ្រព្យសម្បតិ្តរដ្ឋ តំណាងលោកប្រធានមន្ទីរអប់រំ យុវជន និងកីឡាខេត្តស្វាយរៀង អញ្ជើញចែកសម្ភារៈបរិក្ខារដ្ឋបាលជូនការិយាល័យអប់រំ យុវជន និងកីឡាក្រុង ស្រុកទាំង៥ និងសាលារៀនទាំង៩ ក្នុងនោះមានកុំព្យូទ័រយួរដៃ(Laptop) ចំនួន០៧ គ្រឿង និងទូដាក់ឯកសារ១២ ថត ចំនួន១៨ គ្រឿង នៅការិយាល័យគណនេយ្យ សម្ភារៈ និងទ្រព្យសម្បតិ្តរដ្ឋ។ សម្ភារៈបរិក្ខារដ្ឋបាលដែលចែកជូននៅពេលនេះ គឺផ្តល់ជូនដោយនាយកដ្ឋានទ្រព្យសម្បត្តិរដ្ឋ នៃក្រសួងអប់រំ យុវជន និងកីឡា ឆ្នាំ២០២៤។
—————————————————————
👉ហ្វេសបុកផេក | តេឡេក្រាមព័ត៌មានមន្ទីរ | ទីតាំងមន្ទីរ | អ៊ីម៉ែល៖ [email protected] | ទូរស័ព្ទ៖ 044715391

ព្រឹកថ្ងៃអង្គារ ៤រោច ខែកត្តិក ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៩ ខែវិច្ឆិកា ឆ្នាំ២០២៤ លោក ខៀវ សំអុល ប្រធានមន្ទីរអប់រំ យុវជន និងកីឡាខេត្តស្វាយរៀង អញ្ជើញជាអធិបតីភាពក្នុងពិធីប្រជុំបូកសរុបការងារប្រចាំខែវិច្ឆិកា ឆ្នាំ២០២៤ នៅសាលប្រជុំមន្ទីរ។ ពីធីនេះមានការអញ្ជើញចូលរួមពីលោក លោកស្រី ប្រធាន អនុប្រធានការិយាល័យទាំង១៣ របស់មន្ទីរ លោកនាយកវិទ្យាល័យស្វាយរៀង និងលោក លោកស្រី ប្រធានការិយាល័យអប់រំ យុវជន និងកីឡានៃរដ្ឋបាលក្រុង ស្រុកទាំង៨ ។
—————————————————————
👉ហ្វេសបុកផេក | តេឡេក្រាមព័ត៌មានមន្ទីរ | ទីតាំងមន្ទីរ | អ៊ីម៉ែល៖ [email protected] | ទូរស័ព្ទ៖ 044715391