Postagens do Canal SSN Times - ဖက်ဒရယ် စစ်ကိုင်းတိုင်း သတင်းစဉ်

Daily Highlight 3
February 27 (09:30 PM)

- ယမန်နေ့ညပိုင်းမှစ၍ စကစ၏ လေကြောင်းတိုက်ခိုက်မှုများ (Source: ဝေဟင်)

- နွားထိုးကြီးနယ် ၂ ကြိမ်
- ဗန်းမော်နယ် ၁ ကြိမ်
- ကလေးနယ် ၁ ကြိမ်
- သပိတ်ကျင်းနယ် ၂ ကြိမ်
- ကရင်ပြည်နယ်၊ ထိုင်းနယ်စပ်တစ်နေရာ ၃ ကြိမ် (Source: CJ)
- ပေါက်နယ် ၁ ကြိမ် (မှတ်ချက်။ စက်တပ်လေထီးဖြင့် တိုက်ခိုက်ခြင်း။)
- ပုလဲနယ် ၂ ကြိမ် (မှတ်ချက်။ စက်တပ်လေထီးဖြင့် တိုက်ခိုက်ခြင်း။)

(မိမိတို့မှ သတင်းရရှိသော လေကြောင်းတိုက်ခိုက်မှုများကိုသာဖော်ပြထားခြင်းဖြစ်ပြီး နိုင်ငံအနှံ့အပြား သတင်းရရှိခြင်းမရှိသည့် လေကြောင်းတိုက်ခိုက်မှုများ ကျန်ရှိနေနိုင်သေးကြောင်း သိစေအပ်ပါသည်။)

#Thadinsubue
Crd to original uploader with respect

Daily Highlight 1
February 27 (09:30 PM)

- ဖေဖော်ဝါရီ ၂၄ ရက်နေ့ နေ့လယ်ပိုင်းက ဆင်ပေါင်ဝဲနယ် သပြေစမ်းရွာအနီးတွင် ဘုန်းကြီးကားဖြင့် ရုပ်ဖျက်မောင်းနှင်လာသော ရခများကို တော်လှန်ရေးအဖွဲ့များက သတင်းအရ စောင့်ကြိုတိုက်ခိုက်၊ ရခ ၃ကောင်သေ၊ ၂ကောင်မှာ ဒဏ်ရာများဖြင့် ထွက်ပြေးလွတ်မြောက်သွား၊ သေနတ် ၂လက်၊ M79 တစ်လက်၊ ခဲယမ်းများနှင့် အခြားစာရွက်စာတမ်းများ သိမ်းဆည်းရရှိခဲ့ကြောင်း သရက်ခရိုင် တပ်ရင်း၅မှ တာဝန်ရှိသူတစ်ဦးပြော။

- ဖေဖော်ဝါရီ ၂၅နှင့် ၂၆ရက်နေ့များက ကျောက်တံခါးနယ်နှင့် ဖြူးနယ်အတွင်း ရန်ကုန်-မန္တလေးလမ်းဟောင်းပေါ်ရှိ စခဂိတ်စခန်း ၇ခုကို တော်လှန်ရေးအဖွဲ့များက စီးနင်းတိုက်ခိုက်ခဲ့ပြီး စခ ၈ကောင်ထက်မနည်းသေ၊ ၂ကောင်ဒဏ်ရာရ၊ တော်လှန်ရေးရဲဘော် ၁ဦး ကျဆုံးကြောင်း NUG အစိုးရ၊ ကာကွယ်ရေးဝန်ကြီးဌာနမှ သတင်းထုတ်ပြန်။

- ယမန်နေ့ မနက်ပိုင်းက မုံရွာမြို့အနီး ခတက္ကန်ရွာအရှေ့ဘက်ရှိ ဗောဓိတထောင်ကုန်း(MRTV အသံလွှင့်ရုံကုန်း) ကို တော်လှန်ရေးအဖွဲ့များက စီးနင်းတိုက်ခိုက်၊ အဆိုပါကုန်းမှာ ရခ ၁၇ကောင် အထိုင်ချတပ်စွဲထားပြီး တိုက်ပွဲအတွင်း ၁၁ကောင် သေဆုံး၊ ပျက်စီးသွားသော သေနတ် ၁လက်အပါအဝင် သေနတ် ၈လက်၊ M79 ၂လက်နှင့် ခဲယမ်းများ သိမ်းဆည်းရရှိ၊ တိုက်ပွဲဖြစ်ပွားစဉ်အတွင်း စစ်တပ်က တိုက်လေယာဉ်၊ ရဟတ်ယာဉ်၊ စက်တပ်လေထီးများဖြင့် လေကြောင်းပစ်ကူပေးခဲ့ပြီး မြေပြင်မှ လက်နက်ကြီးပစ်ကူများလည်း ပေးခဲ့ကြောင်း တော်လှန်ရေးအဖွဲ့များနှင့် ဒေသခံများထံမှ သိရ။

- ယမန်နေ့ နေ့လယ်ပိုင်းက ချောင်းဦး-မြင်းမူလမ်းပိုင်း တစ်နေရာတွင် စခများလိုက်ပါလာသော ကားနှစ်စီးကို တော်လှန်ရေးအဖွဲ့များက ပစ်ခတ်တိုက်ခိုက်၊ စခ ၂ကောင်သေ၊ အများအပြားဒဏ်ရာရ၊ တော်လှန်ရေးရဲဘော် ၁ဦး ဒဏ်ရာအနည်းငယ်ရရှိခဲ့ကြောင်း မုံရွာခရိုင် တပ်ရင်း ၁၂၊ တပ်ခွဲ ၃မှ တာဝန်ရှိသူတစ်ဦးပြော။

- ချင်းလက်နက်ကိုင်တပ်ဖွဲ့များဖြင့် ဖွဲ့စည်းထားပြီး သဘောထားကွဲလွဲမှုများ ဖြစ်ပွားခဲ့သည့် ချင်းပြည်ကောင်စီနှင့် ကြားကာလ ချင်းအမျိုးသားအတိုင်ပင်ခံကောင်စီတို့ ပြေလည်မှုရရှိပြီး ချင်းအမျိုးသားကောင်စီအဖြစ် ပြန်လည်စုဖွဲ့မည်ဖြစ်ကြောင်း နှစ်ဖွဲ့လုံးက ထုတ်ပြန်ကြေညာ။

- ယမန်နေ့ နေ့လယ်ပိုင်းက စကစခန့် စစ်ကိုင်းဝန်ကြီးချုပ်၏ လုံခြုံရေးအဖြစ် စစ်ကိုင်းမြို့ဝင်ဆိုင်းပုဒ်အနီး ကင်းစောင့်နေသော စခ ၅ကောင်ကို တော်လှန်ရေးအဖွဲ့များက ဝင်ရောက်ပစ်ခတ်၊ စခ ၄ကောင်သေပြီး ၁ကောင် ဒဏ်ရာများဖြင့် ထွက်ပြေးလွတ်မြောက်သွား၊ အဆိုပါ တိုက်ခိုက်ခံရမှုအပြီး စစ်တပ်က အနီးဝန်ကျင်ကျေးရွာများကို လက်နက်ကြီးများဖြင့် အကြောင်းမဲ့ ရမ်းသမ်းပစ်ခတ်သဖြင့် ညောင်ပင်စဉ်ရွာနှင့် မြင်းမွေးရွာမှ အမျိုးသားတစ်ဦး အမျိုးသမီးတစ်ဦး ထိမှန်သေဆုံးသွားကြောင်း လင်းယုန် ပြောက်ကျားတပ်ဖွဲ့မှ တာဝန်ရှိသူတစ်ဦးပြော။

- ဖေဖော်ဝါရီ ၂၅ရက်နေ့က ချောင်းဦးနယ် နွယ်ခွေရွာနှင့် ချောင်းမရွာတို့ကို စစ်တပ်က လေကြောင်းတိုက်ခိုက်ခြင်း၊ လက်နက်ကြီးပစ်ခတ်ခြင်းတို့ပြုလုပ်ပြီး စစ်ကြောင်းထိုးစီးနင်းခဲ့မှုတွင် ၁၂နှစ်အရွယ် မိန်းကလေးငယ် ၂ဦး၊ ချောင်းဦး ပကဖရဲဘော် ၂ဦး အပါအဝင် ၁၂ဦးသေဆုံး၊ နေအိမ် ၁၁လုံး ထိခိုက်ပျက်စီးကြောင်း ချောင်းဦး ပကဖမှ သတင်းထုတ်ပြန်။

- ဖေဖော်ဝါရီ ၉ရက်နေ့မှ ၂၄ရက်နေ့အထိ ၁၆ရက်အတွင်း သရက်ချောင်းနယ်အတွင်း စစ်ကြောင်းထိုးဝင်ရောက်လာသော အင်အား ၂၀၀ ကျော်ပါ စခများနှင့် တော်လှန်ရေးအဖွဲ့များအကြား တိုက်ပွဲများ အကြိမ်ကြိမ်ဖြစ်ပွား၊ အဆိုပါတိုက်ပွဲများအတွင်း စခ ၂၅ကောင်သေ၊ အများအပြားဒဏ်ရာရ၊ သေနတ် ၄လက်နှင့် ခဲယမ်း စစ်သုံးပစ္စည်းများ သိမ်းဆည်းရရှိ၊ တော်လှန်ရေးရဲဘော် ၃ဦး ကျဆုံးကြောင်း သရက်ချောင်း ပကဖမှ တာဝန်ရှိသူတစ်ဦးပြော။

- ယမန်နေ့ မနက်ပိုင်းက နတ်ရေကန်စခန်းမှ ထွက်ခွာလာသော သံပြားကာကားတစ်စီးကို နတ်ရေကန်နှင့် ချောင်းဦးအကြားတွင် တော်လှန်ရေးအဖွဲ့များက ပဒေသာမိုင်းဖြင့် ဖောက်ခွဲတိုက်ခိုက်၊ စခ ၅ကောင် ဒဏ်ရာအပြင်းအထန်ရရှိခဲ့ကြောင်း Seven PDF အဖွဲ့မှ တာဝန်ရှိသူတစ်ဦးပြော။

- ဖေဖော်ဝါရီလဆန်းပိုင်းက တော်လှန်ရေးရဲဘော်များ စလင်းမြို့ပေါ်အထိ ဝင်ရောက်ပြီး လုံခြုံရေး စစ်ဆေးခြင်း၊ ကင်းလှည့်ခြင်းများ ဆောင်ရွက်ခဲ့ပြီး ဒေသခံများနှင့်တွေ့ဆုံကာ အားပေးစကားများပြောကြားခဲ့ကြောင်း၊ ထို့သို့ဆောင်ရွက်နေစဉ် စစ်တပ်ဘက်မှ သေနတ်သံတစ်ချက်ပင် မထွက်ခဲ့ဘဲ ရဲဘော်များ အေးအေးလူလူပင် ပြန်လည်ဆုတ်ခွာခဲ့ကြောင်း စလင်း ပကဖမှ တာဝန်ရှိသူတစ်ဦးပြော။

- ကရင်ပြည်နယ် ထိုင်း-မြန်မာနယ်စပ်ရှိ ခလရ ၃၁၏ ပူလူတူစခန်းကို ယမန်နေ့ ညနေပိုင်းက KNLA ပူးပေါင်းအဖွဲ့များက စတင်တိုက်ခိုက်၊ ယနေ့မနက်ပိုင်းတွင် စစ်တပ်က လေကြောင်းမှ ဗုံးကြဲတိုက်ခိုက်သဖြင့် ထိုင်းလေတပ်မှ လေယာဉ်များဖြင့် ကင်းလှည့်ဆောင်ရွက်ခဲ့ကြောင်း၊ အနီးဝန်းကျင်မှ ဒေသခံများ ထိုင်းနိုင်ငံဘက်သို့ စစ်ဘေးရှောင်နေကြရကြောင်း သိရ။

#Thadinsubue
Crd to original uploader with respect

ရွှေဘိုမြို့နယ်ရှိ နှမစားရစ်ရွာကို စစ်တပ်က မီးရှို့ဖျက်ဆီးနေစဉ် သီးလုံးပျူစောထီးရွာကို တော်လှန်ရေး တပ်ဖွဲ့များက ဝင်ရောက် တိုက်ခိုက်မှု စစ်တပ်ဘက်မှ ထိခိုက်သေဆုံးမှုရှိ

ရန်ကုန်၊ ဖေဖော်ဝါရီ ၂၇

စစ်ကိုင်းတိုင်း၊ ရွှေဘိုမြို့နယ်ရှိ နှမစားရစ်ရွာကို အကြမ်းဖက် စစ်တပ်က မီးရှို့ဖျက်ဆီးနေစဉ် သီးလုံးပျူစောထီးရွာကို ဝင်ရောက် တိုက်ခိုက်ခဲ့ရာ စစ်တပ်ဘက်မှ ထိခိုက်သေဆုံးမှုရှိကြောင်း ရွှေဘိုမြို့နယ် ပြည်သူ့လုံခြုံရေး တပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၂၇ ရက်နေ့ နံနက် ၈ နာရီကျော်ခန့်တွင် သီလုံးရွာနှင့် ဇီးဖြူကုန်းရွာမှ အကြမ်းဖက် စစ်ကောင်စီ တပ်သားများသည် နှမစားရစ် ကျေးရွာကို ပစ်ခတ် ဝင်ရောက် စီးနင်းပြီး ပြည်သူပိုင် နေအိမ်များကို မီးရှို့ ဖျက်ဆီးနေစဉ် တော်လှန်ရေး တပ်ဖွဲ့များက သီးလုံး ပျူစောထီးရွာကို တန်ပြန် တိုက်ခိုက်ခဲ့ခြင်းဖြစ်ကြောင်း သိရသည်။

ယင်း တိုက်ခိုက်မှု အတွင်း သီးလုံးရွာရှိ အကြမ်းဖက် စစ်ကောင်စီ တပ်သားများ စုဝေးနေသော ဘန်ကာ ကာကင်းများကို တော်လှန်ရေး တပ်ဖွဲ့များက RPG ဖြင့် ပစ်ခတ်ပြီး အနီးကပ် ခြုံခို တိုက်ခိုက်ခဲ့ခြင်းဖြစ်ကြောင်း၊ ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ ထိခိုက်သေဆုံးမှုရှိသော်လည်း အရေအတွက်ကို အတည်ပြုနိုင်ခြင်းမရှိသေးကြောင်း သိရှိရသည်။

"ဒီနေ့ နံနက်ပိုင်း သီလုံး နဲ့ ဇီးဖြူကုန်းက စစ်ခွေးတွေနဲ့ ပျူခွေးတွေက နှမစားရစ်ကျေးရွာကို ဝင်ရောက် ပစ်ခတ်ပြီး ပြည်သူ့ အိုးအိမ်တွေကို မီးရှို့ ဖျက်ဆီးနေချိန် ကျနော်တို့ တန်ပြန်တိုက်ခိုက်ခဲ့တာပါ။ စစ်ခွေးတွေ ထိခိုက်သေဆုံးမှုကိုတော့ အတည်မပြုနိုင်သေးဘူး။ အများပြည်သူ အတွက် ရွှေဘိုမြို့နယ် ပြည်သူ့ လုံခြုံရေးတပ်ဖွဲ့ အနေနဲ့ တရားဥပဒေ စိုးမိုးရေးတဖက် စစ်ရေးမှာလည်း ပြည်သူ့ကာကွယ်တပ်မတော်၏ အရံစစ်သည်ပီပီ ပူးပေါင်းဆောင်ရွက်နေပါတယ်။ မိဘ ပြည်သူများ၏ ရှေ့မှာ မားမားမက်မက် ရပ်တည်ပြီး ဘုံရန်သူကို ချေမှုန်းသွားမယ်လို့ ပြောချင်ပါတယ်" ဟု ရွှေဘိုမြို့နယ် ပြည်သူ့လုံခြုံရေး တပ်ဖွဲ့မှ တာဝန်ရှိသူ တစ်ဦးက ပြောဆိုသည်။

အဆိုပါ တိုက်ခိုက်မှုကို shwebo Crocodile ၊ shwebo Federal Army ၊ ဒေါင်းစစ်သည်၊ ရွှေဘိုမြို့နယ် ပြည်သူ့လုံခြုံရေး တပ်ဖွဲ့ တို့က ပူးပေါင်း လုပ်ဆောင်ခဲ့ပြီး ဆက်လက်၍ ပြည်သူများကို မတရား ဖိနှိပ် အနိုင်ကျင့်နေသော စစ်သားနှင့် ပျူစောထီးများကို ချေမှုန်းသွားမည်ဟု ရွှေဘိုမြို့နယ် ပြည်သူ့လုံခြုံရေးတပ်ဖွဲ့မှ တာဝန်ရှိသူ တစ်ဦးက ဆက်လက်ပြောဆိုသည်။

KhitThitMedia
SSNTIMES

ယင်းမာပင်တွင် ကြေးနီတင်တွဲကားများကို မိုင်းဆွဲ တိုက်ခိုက်မှု ကား ၂ စီးပျက်စီး၊ ရေဦးတွင်လည်း စစ်တပ် လှည့်ကင်း ကားကို မိုင်းဆွဲ တိုက်ခိုက်မှု စစ်တပ်ဘက်မှ ထိခိုက်မှုရှိ

ရန်ကုန်၊ ဖေဖော်ဝါရီ ၂၇

စစ်ကိုင်းတိုင်း၊ ယင်းမာပင်မြို့နယ်တွင် ကြေးနီတင်တွဲကားများကို မိုင်းဆွဲ တိုက်ခိုက်ရာ ကား ၂ စီးပျက်စီးခဲ့ကြောင်း မဲမှောင်ပြည်သူ့ကာကွယ်ရေးတပ်ဖွဲ့မှ ဗိုလ်မဲမှောင်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၂၆ ရက်နေ့ နံနက် ၇ နာရီ ၃၀ မိနစ်ခန့်တွင် ဝမ်ပေါင် ကုမ္ပဏီမှ ထွက်လာသော ကြေးနီတင်ကားများကို မဲမှောင်ပြည်သူ့ကာကွယ်ရေးတပ်ဖွဲ့မှ တော်လှန်ရေး ရဲဘော်များက ယမားတံတားအရောက်တွင် မိုင်းဆွဲ တိုက်ခိုက်ခဲ့ကြောင်း သိရသည်။

ယင်း မိုင်းဆွဲ တိုက်ခိုက်မှု အတွင်း ကြေးနီတွဲကား ၂ စီးပျက်စီးခဲ့ပြီး အကြမ်းဖက် စစ်ကောင်စီ တပ်သားများ ထိခိုက်သေဆုံးမှုရှိနိုင်ကြောင်း၊ အကြမ်းဖက် စစ်တပ်ဘက်မှလည်း လက်နက်ကြီးများဖြင့် ရမ်းသမ်း ပစ်ခတ်ခဲ့သော်လည်း တော်လှန်ရေး ရဲဘော်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရှိရသည်။

"ဝမ်ပေါင် ကနေ ထွက်လာတဲ့ ကြေးနီတင်တွဲကားတွေကို ယမားတံတား အရောက်မှာ ကျနော်တို့ မဲမှောင်ပြည်သူ့ကာကွယ်ရေးတပ်ဖွဲ့က မိုင်းဆွဲ တိုက်ခိုက်ခဲ့တာပါ။ ကြေးနီ တွဲကား ၂ စီးပျက်စီးပြီး စစ်ခွေးတွေ အထိ အတိုက်အခိုက် အသေးဆုံးရှိနိုင်တယ်" ဟု မဲမှောင်ပြည်သူ့ကာကွယ်ရေးတပ်ဖွဲ့မှ ဗိုလ်မဲမှောင်က ပြောဆိုသည်။

မဲမှောင် ပြည်သူ့ကာကွယ်ရေးတပ်ဖွဲ့မှ မိုင်းများ ဆက်လက် လုပ်ဆောင်နိုင်ရန်အတွက် အလှူငွေများ လိုအပ်နေ၍ ပြည်သူများ ပါဝင် ကူညီထောက်ပံပေးကြရန် မေတ္တာရပ်ခံကြောင်း ဗိုလ်မဲမှောင်က ဆက်လက် ပြောဆိုသည်။

အလားတူ စစ်ကိုင်းတိုင်း၊ ရေဦးမြို့နယ်တွင်လည်း ကင်းလှည့်ရန် ထွက်လာသော အကြမ်းဖက် စစ်သားများနှင့် ရဲများ လိုက်ပါလာသောကားကို မိုင်းဆွဲတိုက်ခိုက်ရာ စစ်တပ်ဘက်မှ ထိခိုက်သေဆုံးမှုရှိကြောင်း ပြည်သူ့ကာကွယ်ရေးအဖွဲ့- ရေဦးမြို့နယ် ပကဖ တာဝန်ခံက ရန်ကုန်ခေတ်သစ်သတင်းဌာနထံသို့ပြောဆိုသည်။

ဖေဖော်ဝါရီလ ၂၆ရက်နေ့ ည ၁၀ နာရီ ၈ မိနစ်ခန့်တွင် ရေဦးမြို့နယ်အတွင်း ကင်းလှည့်ရန် ထွက်လာသော အကြမ်းဖက် အကြမ်းဖက် စစ်ကောင်စီ တပ်သားများနှင့် ရဲများ စီးနင်းလာသောကား ၁ စီးကို ရေဦးမြို့နယ်ပြည်သူ့ကာကွယ်ရေးအဖွဲ့ မြောက်ပိုင်း (ပကဖ) က မိုင်းဆွဲတိုက်ခိုက်ခဲ့ကြောင်း၊ ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ ထိခိုက်သေဆုံးမှုရှိနိုင်သော်လည်း တော်လှန်ရေး တပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

"တစ်စီးထဲလာတာပါ။ သူတို့ ကားရပ်ပြီး ဆင်းတဲ့အချိန်မှာ မိုင်းခွဲလိုက်တာပါ။ စစ်ခွေးတွေ ထိခိုက်သေဆုံးမှုရှိနိုင်တယ်။ အရေအတွက်တော့ အတည်မပြုနိုင်သေးဘူး။ ကျနော်တို့ နောက်ထပ် ဆက်လက်ပြီး တိုက်ခိုက်မှု အရှိန်မြှင့်မှာ ဖြစ်တဲ့အတွက် ပြည်သူတွေကို စစ်ကောင်စီ တပ်သား တွေနဲ့ အနီးဆုံးနေရာမှာ ရှိမနေဖို့တော့ သတိပေးချင်ပါတယ်။ သူတို့က ဆေးရုံကို ပို့ပြီး မကုသတော့ဘူး။ တိုင်းရင်းဆေးရုံထဲမှာ ကုသကျတယ်။ သေရင်လဲ အဲ့ဒီအထဲမှာပဲ သဂြိုလ်တာများတယ်။ ရောဂါနဲ့သေမှ မန်ကျီးတော သုသာန်မှာ သဂြိုလ်တယ်"ဟု ပြည်သူ့ကာကွယ်ရေးအဖွဲ့- ရေဦးမြို့နယ် ပကဖ တာဝန်ခံက ပြောဆိုသည်။

KhitThitMedia
SSNTIMES

မုံရွာ-မန္တလေး လမ်းပိုင်းတွင် ကြေးနီ ယာဉ်တန်းကို မိုင်းဆွဲ တိုက်ခိုက်မှု ကား ၁ စီး တိမ်းမှောက်ပြီး စစ်ကောင်စီ တပ်သားများ ထိခိုက်မှု များပြား

ရန်ကုန်၊ ဖေဖော်ဝါရီ ၂၇

စစ်ကိုင်းတိုင်း၊ မုံရွာ-မန္တလေး လမ်းပိုင်းတွင် ကြေးနီ ယာဉ်တန်းကို မိုင်းဆွဲ တိုက်ခိုက်ရာ ကား ၁ စီး တိမ်းမှောက်ပြီး စစ်ကောင်စီ တပ်သားများ ထိခိုက်မှုများပြားကြောင်း လျှပ်စီးတပ်ခွဲ ၊ မုံရွာခရိုင် အမှတ်-၁၂ တပ်ရင်း ၊ တပ်ခွဲ-၃ မှ ဗိုလ်မိုးကြိုးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၂၇ ရက်နေ့ နံနက် ၉ နာရီ ၃၀ မိနစ်ခန့်တွင် မုံရွာ-မန္တလေး လမ်းပိုင်း တစ်နေရာ၌ အကြမ်းဖက် စစ်ကောင်စီ တပ်သားများ လုံခြုံရေး အစောင့်အရှောက်အဖြင့် ကြေးနီးများ သယ်ဆောင်လာသော ယာဉ်တန်းကို တော်လှန်ရေး တပ်ဖွဲ့များက အသင့်စောင့်ကြိုပြီး ပဒေသာ အတွဲလိုက်မိုင်းများဖြင့် ဖောက်ခွဲ တိုက်ခိုက်ခဲ့ရာ ကြေးနီ ကား ၁ စီး တိမ်းမှာက် ပျက်စီးသွားပြီး အခြား ကြေးနီ ကား ၁ စီး ခေါင်းပိုင်း ထိခိုက်ကြေမွ ပျက်စီးခဲ့ကြောင်း သိရသည်။

ကားခေါင်းပိုင်း ထိခိုက်ပျက်စီးသွားသာ ကြေးနီကားကို အကြမ်းဖက် စစ်တပ်က လုံခြုံရေး အပြားအများဖြင့် ပြန်လည် ပြုပြင် ပြီးနောက် ဆက်လက် မောင်းနှင့်သွားကာ တိမ်းမှာက်နေသော ကားကို လက်ရှိ အချိန်ထိ မုံရွာ - မန္တလေး လမ်းပိုင်းတွင် ပြုပြင်နေဆဲဖြစ်ကြောင်း သိရှိရသည်။

မိုင်းဆွဲ တိုက်ခိုက်မှု ဖြစ်ပွားပြီးနောက် အကြမ်းဖက် စစ်ကောင်စီ တပ်သားများက လက်နက်ကြီး၊ လက်နက်ငယ်များဖြင့် ပစ်ခတ် တိုက်ခိုက်ခဲ့သော်လည်း တော်လှန်ရေး ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း၊ ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သား အများအပြား ထိခိုက်ခဲ့ပြီး ချောင်းဦးမြို့ ဆေးရုံကြီးတွင် ‌‌‌‌‌‌‌အရေးပေါ် ဆေးကုသမှု ခံယူနေပြီး ဒဏ်ရာ ပြင်းထန်သော စစ်သားများကို ယနေ့ ညနေပိုင်းတွင် မန္တလေးသို့ ပို့ဆောင်ရန် လုပ်ဆောင်နေကြောင်း သိရသည်။

"ကား ခေါင်းပိုင်း ထိခိုက်ပျက်စီးသွားတဲ့ ကြေးနီသယ် ကားကိုတော့ စစ်ခွေး လုံခြုံရေး အများအပြားနဲ့ ပြန်လည် ပြုပြင် ပြီးနောက် ဆက်လက် မောင်းနှင်သွားတယ်။ တိမ်းမှာက်နေတဲ့ ကားကတော့ ချောင်းဦးမြို့နဲ့ မြင်းမူမြို့ အကြား လမ်းပိုင်းတစ်နေရာမှာ ရှိနေသေးတယ်။ စစ်ခွေး အများအပြား ထိခိုက်မှုရှိပါတယ်။ ချောင်းဦး မြို့ ဆေးရုံကြီးမှာ အရေးပေါ် ဆေးကုသမှု ခံယူနေတယ်။ အခြေအနေမကောင်းတဲ့ စစ်ခွေးတွေကိုတော့ ဒီနေ့ ညနေပိုင်း မန္တလေး ပြန်လည် သယ်ဆောင်ကြမယ်လို့ သိရတယ်" ဟု လျှပ်စီးတပ်ခွဲ ၊ မုံရွာခရိုင် အမှတ်-၁၂ တပ်ရင်း ၊ တပ်ခွဲ-၃ မှ ဗိုလ်မိုးကြိုးက ပြောဆိုသည်။

အဆိုပါ တိုက်ခိုက်မှုကို လျှပ်စီးတပ်ခွဲ ၊ Nway Oo Brothers Column နှင့် Royal Tiger Force (ဆားလင်းကြီး) တို့က ပူးပေါင်း လုပ်ဆောင်ခဲ့ကြောင်း သိရသည်။


KhitThitMedia
SSNTIMES

💗💗 အရိုးကျန်းမာရေး ဂရုစိုက်ပေး

အရိုးများဟာ ခန္ဓာကိုယ်ကိုထောက်ပံ့ပေးတဲ့ ထောက်တိုင်များဖြစ်ပါတယ်။ ကျန်းမာတဲ့အရိုးများရှိနေဖို့လိုအပ်တာကို တော်ရုံသတိမထားမိတတ်ကြဘဲ ရောဂါဖြစ်မှ သတိရတတ်ကြပါတယ်။
.

⚫ အရိုးတွေဟာ ခန္ဓာကိုယ်အတွက် ဘယ်လိုအရေးပါလဲ ⚫

အရိုးတွေက ခန္ဓာကိုယ်ကိုတည့်မတ်အောင် ထောက်ပံ့ပေးတယ်။ လှုပ်ရှားမှုတွေမှာ ပါဝင်တယ်။ ဒါ့အပြင် ခန္ဓာကိုယ်ထဲက ဇီဝဖြစ်စဉ်တွေ ပုံမှန်ဖြစ်ပေါ်နေစေဖို့ ခန္ဓာကိုယ်တွင်း pH ထိန်းညှိပေးတဲ့နေရာမှာလည်း ပါတယ်ဆိုတာ သိကြပါရဲ့လား။

ခန္ဓာကိုယ်တွင်း cells တွေနဲ့ ဇီဝဖြစ်စဥ်‌တွေဟာ မှန်ကန်တဲ့ pH အနေအထားတစ်ခုမှာမှ အကောင်းဆုံး လုပ်ဆောင်နိုင်တာပါ။ pH ကျဆင်းတဲ့အခါ ခန္ဓာကိုယ်ဟာ အရိုးတွေထဲက alkali တွေကို ထုတ်ပြီး pH ကို ပြန်ညှိယူရပါတယ်။

ကျွန်မတို့ အသက် ၃၀ လောက်အထိ အရိုးဆဲလ်တွေ ဖြစ်နှုန်းဟာ မြန်ဆန်ပါတယ်။ အဲဒီအတွက် pH ထိန်းညှိတဲ့ဖြစ်စဉ်မှာ အရိုးတွေကုန်ဆုံးနေပေမယ့် အရိုးသိပ်သည်းဆဟာ သိသာစွာလျော့နည်းမသွားပါဘူး။

အသက် ၃၀ နောက်ပိုင်းမှာတော့ အရိုးဖြစ်ပေါ်နှုန်း ကျလာပါတယ်။ အမျိုးသမီးတွေက‌တော့ သွေးဆုံးပြီးရင် အရိုးသိပ်သည်းဆ နည်းလာပါတယ်။ အီစရိုဂျင်ဟော်မုန်းက အရိုးပွနှုန်းကို တားဆီးပေးတဲ့အတွက်ပါ။
အဲဒီတော့ အသက် ၃၀ နောက်ပိုင်း အရိုးသိပ်သည်းဆလျော့နည်းခြင်းဟာ သဘာဝမို့ ရှောင်လွဲလို့တော့မရပါ။
.

🛑 အရိုးသိပ်သည်းဆနည်းလာတဲ့အခါ ဖြစ်တဲ့ အရိုးပွရောဂါ (Osteoporosis) 🛑

အရိုးပွ‌ရောဂါလို့ခေါ်တဲ့ Osteoporosis ဆိုတာဟာ အရိုးရဲ့ထုထည်သိပ်သည်းဆ (Bone density) လျော့ကျလာခြင်းကို ခေါ်ပါတယ်။ အရိုးရဲ့သိပ်သည်းဆဟာ အသက်ကြီးလာတာနဲ့အမျှ လျော့ကျလာတတ်ပါတယ်။ တချို့လည်း အရွယ်မတိုင်မီ အရိုးသိပ်သည်းဆ နည်းနေတတ်ကြတယ်။ ဒီအခါ အရိုးတွေဟာ ကျိုးလွယ်လာပါတယ်။ ပြင်းအားနည်းနည်းလေးနဲ့ ချော်လဲလိုက်တာ၊ ဒဏ်ရာရတာမျိုးကနေ အရိုးကျိုးနိုင်တဲ့အထိ ဖြစ်သွားပါတယ်။

အရိုးပွ အရိုးကျိုးတာဟာ ခါးရိုး၊ လက်ဖျံ၊ တင်ပါးဆုံတွေမှာ အဖြစ်များပါတယ်။ ဒီလိုနေရာတွေဟာ ရေရှည်မှာ ခါးကုန်းသွားတာ၊ နာတာရှည်ခါးနာတာတွေ ဖြစ်နိုင်ပါတယ်။

အဲဒီတော့ အရိုးတွေကျန်းမာသန်မာနေစေဖို့ ဘယ်အသက်အရွယ်မှာမဆို ဂရုစိုက်သင့်တယ်လို့ ပြောရင် မမှားပါဘူးနော် ။ အရိုးတွေ မယုတ်လျော့ခင်ထဲက သိပ်သည်းဆကို အမြင့်ဆုံးတင်ထားနိုင်မှ တော်ရာကျပါမယ်။ လုပ်နိုင်တဲ့နည်းလမ်းတွေ ရှိပါတယ်။
.

🟡 ဘယ်အသက်အရွယ်မှာမဆို အရိုးကျန်းမာရေး အတွက် လိုက်နာရန်နည်းလမ်းများ 🟡

♦️ အရိုးအတွက် လေ့ကျင့်ခန်းလုပ်ခြင်း

ငယ်ရွယ်စဉ်ကတည်းက လေ့ကျင့်ခန်းလုပ်ကျင့်ရှိရင် သင့်ခန္ဓာကိုယ်က အရိုးတစ်ရှူးတွေကို ပိုတည်ဆောက်ပေးပါတယ်။ ဒါဟာ အရိုးသိပ်သည်းဆကို တိုးလာစေပြီး အသက်ကြီးလာတဲ့အခါ အရိုးကျိုးလွယ်ခြင်းကို နည်းပါးစေပါတယ်။

အဲဒီတော့ အရိုးတွေကို “Use it or Lose it?”
သုံးမလား ဆုံးရှုံးခံမလား ရွေးပါပေါ့နော်။
(သုံးမလားဆိုတာ exercise လုပ်တာကို ပြောတာပါ)

လေ့ကျင့်ခန်းလုပ်ဖို့ အချိန်ပေးကြပါ။

Light impact exercise လို့ခေါ်တဲ့ ပြင်းအားမများတဲ့ လေ့ကျင့်ခန်းတွေကို များများလုပ်ပေး‌လေ ခန္ဓာကိုယ်ကို ပိုသန်မာလာစေရန် တွန်းအားပေးလေလေပါ။

Jogging ရွရွလေးပြေးတာ၊ အေရိုးဗစ်အားကစား၊ ကြိုးခုန်တာ၊ အလေးမခြင်း စတဲ့လေ့ကျင့်ခန်းတွေက အရိုးကျန်းမာရေးအတွက် ကောင်းမွန်ပါတယ်။ ဒါပေမယ့့် ရေကူး၊ စက်ဘီးစီး စတဲ့လေ့ကျင့်ခန်းတွေကျ နှလုံးအတွက်ကောင်းပေမယ့် အရိုးပွရောဂါအပေါ် သက်ရောက်မှုနည်းပါတယ်။
.

♦️အရိုးကျန်းမာစေရန် အစားအစာများ

ကယ်လ်ဆီယမ်နဲ့ ဗီတာမင် ဒီ၊ ဗီတာမင် ကေ ကြွယ်ဝတဲ့အစားအစာတွေကို စားသုံးပါ။

ဗီတာမင်ဒီကို နေရောင်ခြည်ကနေ ရနိုင်ပါတယ်။ ဒါ့အပြင် အဆီများတဲ့ ပင်လယ်ငါးတွေကနေလည်း ရနိုင်ပါတယ်။ ဗီတာမင်ကေကိုတော့ အစိမ်းရောင် အစားအစာတွေနဲ့ အစေ့အဆန်တွေကနေ ရနိုင်ပါတယ်။
.

♦️ရောင်ရမ်းမှုကို လျော့ကျစေတဲ့အစားအသောက် (Anti inflammatory food) များ

ဆဲလ်တွေရောင်ရမ်းခြင်းဟာ မျက်စိနဲ့ သိသာစွာမမြင်ရပေမယ့် ဆဲလ်ပျက်စီးအိုမင်းစေတဲ့ အဓိအကြောင်းအရင်း ဖြစ်ပါတယ်။ ဒီလိုရောင်ရမ်းမှုကို လျှော့ချပေးနိုင်တာကတော့ အသီးအနှံတွေနဲ့ အဆီများတဲ့ ပင်လယ်ငါးတွေပါ။ တစ်ပတ်ကို ဆာဒင်း၊ တူနာ၊ ဆယ်မွန် စတဲ့ငါးတွေကို လက်မအရွယ်အတုံး ၃ တုံးမှ ၅ တုံးခန့်၊ အသီးအနှံနဲ့ အရွက်တွေကို နေ့စဉ်ထည့်သွင်းစားသုံးသင့်ပါတယ်။
.

♦️အရိုးအတွက်မကောင်းတဲ့ အစားအစာတွေ

ဆားနဲ့ သကြားများစွာ စားခြင်း၊ အဆီအဆိမ့်တွေ၊ ပြုပြင်ထားတဲ့အသားတွေဟာ ခန္ဓာကိုယ်ထဲက အက်ဆစ်ဓာတ်ကိုများစေပြီး အရိုးပျက်စီးခြင်းကို အားပေးပါတယ်။ အရိုးကနေ ကယ်လ်ဆီယမ်ဆုံးရှုံးမှုကို ဖြစ် စေပါတယ်။ တာရှည်ခံအောင်လုပ်ထားတဲ့ အစားအစာတွေထဲမှာ ဆားပါဝင်နှုန်းဟာလည်းများတာမို့ ဒီအစားအစာတွေကို အတိုင်းအတာနဲ့သာ ချင့်ချိန်စားသင့်ပါတယ်။
.

♦️ကိုယ်အလေးချိန်ထိန်းပါ

ကိုယ်အလေးချိန်ကို မနည်းမများ မျှတအောင်ထိန်းပါ။ အဝလွန်ခြင်းဟာ ရောင်ရမ်းခြင်းနဲ့ဆက်စပ်ပြီး အရိုးသိပ်သည်းဆကို နည်းစေနိုင်သလို ပိန်လွန်းရင်လည်း အာဟာရချို့တဲ့မှုတွေကြောင့် အရိုးကျန်းမာမှု နည်းနိုင်ပါတယ်။
.

♦️ဆေးလိပ်သောက်ခြင်းကို ရှောင်ပါ။

ဆေးလိပ်ဟာ အရိုးကိုအားဖြစ်အောင်လုက်ဆောင်ပေးတဲ့ ကယ်လ်ဆီယမ်စုပ်ယူခြင်းကို နည်းစေနိုင်တဲ့အပြင် အရိုးအသစ်ဖြစ်မှုကိုလည်း နည်းစေပါတယ်။

ကံကောင်းတဲ့အချက်ကတော့ ဆေးလိပ်ဖြတ်လိုက်တာနဲ့ ခန္ဓာကိုယ်ဟာ ပုံမှန်အတိုင်းပြန်အလုပ်လုပ်နိုင်လာမှာပါ။ အဲဒါကြောင့် အရိုးကျန်းမာချင်တယ်ဆိုရင် ဆေးလိပ်ကိုဖြတ်ပါ။
...
...

ဖော်ပြခဲ့တဲ့အချက်တွေဟာ အသက် ၃၀ ကျော်တွေတင်မဟုတ်ဘဲ အသက်ငယ်တဲ့သူတွေပါ လိုက်နာသင့်တဲ့အချက်တွေပါ။

အကုန်မလိုက်နာနိုင်ရင်တောင် လှုပ်ရှားမှု exercise တွေလုပ်ဖို့ မမေ့ပါနဲ့။ လေ့ကျင့်ခန်းလုပ်ပြီး အရိုးတွေကို ‌လှုပ်ရှားပေးလေလေ သူတို့ကပိုသန်မာ‌လာလေပါ။

အရိုးကျိုးလွယ်တယ်၊ အနည်းငယ်သောဒဏ်ရာနဲ့ကို အရိုးကျိုးဖူးတယ်ဆိုရင်တော့ ဆရာဝန်နဲ့သေချာပြဖို့ လိုပါတယ်။ အရိုးပွရောဂါစစ်ဆေးခြင်း၊ အရိုးပွရောဂါအတွက် ကုသမှုခံယူခြင်းပြုလုပ်ဖို့ လိုအပ်နိုင်ပါတယ်...။

အထူးကုသမားတော်တစ်ဦး
တယ်လီကျန်းမာ

Reference -
https:// patient. info
When to start worrying about your bones and osteoporosis

ကလေးနယ်တောင်ပိုင်းကို စစ်ကောင်စီ လေကြောင်းတိုက်ခိုက်

မျက်မှောက်ခေတ်၊ ဖေဖော်ဝါရီ ၂၇

စစ်ကိုင်းတိုင်း၊ ကလေးမြို့နယ်တောင်ပိုင်း၊ မှန်တောကျေးရွာဝန်းကျင်ကို ဒီကနေ့ ဖေဖော်ဝါရီ ၂၇ ရက်နေ့ နေ့လယ်ပိုင်းမှာ စစ်ကောင်စီက ဗုံးကြဲတိုက်ခိုက်ခဲ့တယ်လို့ ဒေသခံတွေဆီက သိရပါတယ်။

နေ့လယ် ၁၂ နာရီမထိုးခင်မှာ ပစ်ခတ်သံတွေကြားရပြီးနောက် နောက်ထပ်နာရီဝက်ဝန်းကျင်အကြာမှာ လေကြောင်းကနေ လာရောက်ပစ်ခတ်ခဲ့တာဖြစ်တယ်လို့ ကလေးတောင်ပိုင်း ဒေသခံတစ်ဦးက မျက်မှောက်ခေတ်ကို ပြောပါတယ်။

ကလေးနယ်တောင်ပိုင်းမှာ ဖေဖော်ဝါရီ ၁၁ ရက်နေ့ကနေ ဒီကနေ့အထိ တိုက်ပွဲတွေဖြစ်ပွားနေပြီး စစ်ကောင်စီဟာ ကမ်းပါးနီစခန်းအပါအဝင် ကလေးတောင်ပိုင်းက မှန်တော၊ အောင်သယာစခန်းတွေကို လက်လွတ်ဆုံးရှုံးခဲ့ရပါတယ်။

ကလေးတောင်ပိုင်းက စစ်ကောင်စီလက်လွတ်ခဲ့ရတဲ့နေရာတွေဟာ စစ်ကိုင်းတိုင်း၊ မကွေးတိုင်းနဲ့ ချင်းပြည်နယ် ဒေသသုံးခု နယ်မြေချင်းထိစပ်နေတဲ့ နေရာတွေဖြစ်တာကြောင့် စစ်ကောင်စီဟာ နယ်မြေပြန်ရဖို့ကြိုးစားနေတာဖြစ်တယ်လို့ တော်လှန်ရေးအင်အားစုတွေက ဆိုပါတယ်။

ဖေဖော်ဝါရီ ၂၂ ရက်နေ့ကလည်း မှန်တောရွာတောင်ဘက် အောင်သာယာကျေးရွာဝန်းကျင်မှာ တိုက်ပွဲဖြစ်ပွားခဲ့ကြပြီး စစ်ကောင်စီက လေကြောင်းနဲ့တိုက်ခိုက်ခဲ့တာကြောင့် တော်လှန်ရေးရဲဘော်တွေထဲက ထိခိုက်ကျဆုံးသူရှိတယ်လို့ ဒေသခံတစ်ဦးက ပြောပါတယ်။ ထိခိုက်မှုအသေးစိတ်ကိုတော့ သိရှိရခြင်းမရှိပါ။

ကလေးမြို့နယ်တောင်ပိုင်းနယ်မြေတွေ ဆုံးရှုံးရတဲ့စစ်ကောင်စီဟာ ကလေးတောင်ပိုင်းက ကျေးရွာဆယ့်တစ်ရွာအပါအဝင် ဆေးရုံတစ်ခု၊ ဆေးခန်းသုံးခုကိုလည်း ဖေဖော်ဝါရီလအတွင်း ဗုံးကြဲတိုက်ခိုက်ခဲ့တယ်လို့ သိရပါတယ်။

"သူတို့က ကမ်းပါးနီတိုက်ပွဲမှာ အများကြီးသေထားတော့ အငြိုးနဲ့ကို ကြဲနေတာ" လို့ ဒေသခံစစ်ရှောင်တစ်ဦးက ပြောပါတယ်။

စစ်ကောင်စီက အခိုင်အမာတပ်စွဲထားတဲ့ ကမ်းပါနီတံတားစခန်းကို တော်လှန်ရေးပူးပေါင်းတပ်တွေက ဖေဖော်ဝါရီ ၁၁ ရက်နေ့မှာ စတင်တိုက်ခိုက်ပြီး ၁၂ ရက်နေ့မှာ သိမ်းပိုက်ကာ လက်နက်တွေကိုလည်း သိမ်းဆည်းရရှိခဲ့ပါတယ်။ အဆိုပါစခန်းသိမ်းတိုက်ပွဲမှာ စစ်ကောင်စီအဖွဲ့ဝင် အနည်းဆုံးနှစ်ဆယ်ကျော်ထိသေဆုံးနိုင်တယ်လို့ ဒေသခံတွေကဆိုပါတယ်။

စစ်ကောင်စီရဲ့ ကျေးရွာတွေအပေါ် ပစ်မှတ်ထားလေကြောင်းတိုက်ခိုက်မှုကြောင့် ကလေးတောင်ပိုင်း ကျေးရွာနှစ်ဆယ်ဝန်းကျင်က ပြည်သူသောင်းချီပြီး ဘေးလွတ်ရာကို တိမ်းရှောင် နေကြရတယ်လို့ သိရပါတယ်။

မျက်မှောက်ခေတ်
SSNTIMES

စစ်ကောင်စီတပ် လက်နက်ကြီးနဲ့ပစ်ခတ်လို့ အမျိုးသမီး ၃ ဦးဒဏ်ရာရ

■ အမျိုးသား ၁ ဦးကိုလည်း တော်လှန်ရေးကင်းထောက်ဟုဆိုကာ သတ်ဖြတ်

မြေလတ်အသံ၊ ဖေဖော်ဝါရီ ၂၇၊ ၂၀၂၅။

စစ်ကိုင်းတိုင်း၊ ရွှေဘိုမြို့နယ်၊ ပန်းရံရွာကနေ ခွန်တောင်းကြီးရွာကိုသွားတဲ့ စစ်ကောင်စီတပ်ဖွဲ့ဝင်တွေနဲ့ ပျူစောထီးအဖွဲ့ဝင်တွေဟာ ပေါင်းကောက်(ပေါင်းနုတ်)နေတဲ့ ပြည်သူတွေကို လက်နက်ကြီးနဲ့ ပစ်ခတ်ခဲ့တာကြောင့် အမျိုးသမီး ၃ ဦး ဒဏ်ရာရခဲ့တယ်လို့ ဒေသခံတွေဆီက သိရပါတယ်။

ဖေဖော်ဝါရီ ၂၅ ရက် မနက် ၁၀ နာရီခန့်မှာ စစ်ကောင်စီတပ်ဖွဲ့ဝင်တွေနဲ့ ပျူစောထီးအဖွဲ့ဝင် အင်အား ၄၀ ဝန်းကျင်ဟာ ပန်းရံရွာနေ ခွန်တောင်းကြီးရွာဘက်ကိုထွက်ခွာလာချိန် အဲ့ဒီရွာ ၂ ရွာအကြား လယ်ထဲမှာ ပေါင်းကောက်(ပေါင်းနုတ်)နေတဲ့ ပြည်သူတွေကိုတွေ့ရှိပြီး လက်နက်ကြီးနဲ့ ပစ်ခတ်ခဲ့တာကြောင့် အမျိုးသမီး ၃ ဦး ဒဏ်ရာရရှိခဲ့တယ်လို့ ဆိုပါတယ်။

“ပန်းရံရွာက အကြမ်းဖက်စစ်တပ်နဲ့ပျူတွေက ပန်းရံကနေခွန်တောင်းကြီးရွာကို သွားတာပါ။ လယ်ထဲပေါင်းကောက်နေတာမြင်ရဲ့သားနဲ့ လက်နက်ကြီးနဲ့ပစ်တာ။ အဲ့မှာ ပေါင်းကောက်နေတဲ့သူတွေကိုထိတာ။”

သတင်းအပြည့်အစုံ - https://www.myaelattathan.org/articles

SSNTIMES

Daily Highlight 3
February 23 (09:30 PM)

- ယမန်နေ့ညပိုင်းမှစ၍ စကစ၏ လေကြောင်းတိုက်ခိုက်မှုများ (Source: ဝေဟင်)

- တောင်သာနယ် ၃ ကြိမ်
- ဖလမ်းနယ် ၂ ကြိမ်
- ကလေးနယ် ၃ ကြိမ်
- ဗန်းမော်နယ် ၄ ကြိမ်
- နောင်ချိုနယ် ၁ ကြိမ်
- မတ္တရာနယ် ၁ ကြိမ်
- ရွှေကူနယ် ၁ ကြိမ် (Source: CJ)
- စေတုတ္တရာနယ် ၂ ကြိမ် (Source: CJ) (မှတ်ချက်။ စက်တပ်လေထီးဖြင့် တိုက်ခိုက်ခြင်း။)

(မိမိတို့မှ သတင်းရရှိသော လေကြောင်းတိုက်ခိုက်မှုများကိုသာဖော်ပြထားခြင်းဖြစ်ပြီး နိုင်ငံအနှံ့အပြား သတင်းရရှိခြင်းမရှိသည့် လေကြောင်းတိုက်ခိုက်မှုများ ကျန်ရှိနေနိုင်သေးကြောင်း သိစေအပ်ပါသည်။)

#Thadinsubue
Crd to original uploader with respect