غزل بڼ🤍

@sgdiekqle

ټول ښه راغلاست
غزل بيتونه شعرونه مصري
راسره لوستي شي په دي هيله راسره پاتی شي🥰

سيد صياد اغا (Pashto)

سيد صياد اغا ورځنه، تاسو په دغه چينل کې خوښوي! د دې چينل د رسميتو له لاره، چي د زما د رسمي چينل شمېره جوړ شوه او په هر چي د چينل کې شمېره او په هره ورځ د چينل کې خبرې وکړي، چي د زه بولې چي د دې چينل ته د زمونږ دلته وکړل شوې نه. د دې چينل سره چي شم په چينل کې سره سره ورکړې، څنورونه خبرې او معلوماتو ته رسول، ښه له خورا بدل شئ. پر اساس برخه د چينل نوم، سيد صياد اغا وړاندې کړي چي د چي د، او څوک پر دغه چينل کې چي کومې وي. په دا چينل کې به د پښتو ژبه کارولو، دغه چينل ځانمرګ بشپړې لېږل کړې. په دغه چينل کې، تاسو کولای شئ چي د چينل کې په چلو مه او خبرونو کې مخکښې وئ. په چلو مه کې د چينل کې د لیکنو، ویډیوونو او عکسونو کې زه خوېښېدلای شم.

غزل بڼ🤍

12 Feb, 08:05

مناجات

اخ څومره به وي کیف چي په کعبه کي وي خبرې
وصـــال ته وي نږدي چي په شجده کي وي خبرې

تنهــاوي تنهایی وي توره شــــــپه خــوره وره وي
خـــــوږي دي ترشـــکروچي په شـپه کي وي خبې

زړګۍ یه د دنیــاپه ښــــــکلاګــانوحـســـــارنه وي
چي کړي چادخــــــوب په داﺉره کي وي خــبريې

مثــــال به یی ظاهــــره کي پیداسي فــــــکروکړه
چي کړي یه له خــدای سره په غره کي وي خبرې

قســـم چي مهــاجــرواخــــلمـه نه پري حانســیږم
چي کړی مي قادرسره لمانځــه کي وي خـــــــبرې

مهاجرهروي

غزل بڼ🤍

12 Feb, 08:05

دهجرشپه💔!!

په زړه کي مي دهجرسره لمبه !ده نیمه شپه ده
جانانه ستادیاد بله ډیوه ده !نیمه شپه ده

حیران یمه چي ولي مي دازړه نه قراریږې
راغلې دردونوقافله ده !نیمه شپه ده

ظالمه زمادهیلوقتل عام دي شروع کړۍ
ماتم دۍ زمادهیلو جنازه !ده نیمه شپه ده

فکرونودهجران یم داسي وړی نادرک یم
راوړې مې چنارلره دمه !ده نیمه شپه ده

دکلي ماشومان مي ټول په کاڼوباندي ولې
پرمایه جوړه کړې تماشه !ده نیمه شپه ده

راځې که یه دیدن ته مهاجرپرزکندن دۍ
جاري یه ده پرژبه کلیمه ده!نیمه شپه ده

مهاجرهروي

غزل بڼ🤍

10 Feb, 17:44

يو شايسته ديره هم ومني
یادش بخير
ياران دي ژوندي وي تل سر شاده دي وي

111

غزل بڼ🤍

10 Feb, 16:14

غزل

عقل څۀ کړې له شعوره لرې ګرځه
بې رڼا ښۀ یې له نوره لرې ګرځه

شیخه چېرته د جومات پۀ ګوډ کې کینه
له وربشو، له انګوره لرې ګرځه

که رنډۍ شوې ددې ښار نو د هر چا یې!
که دې ځان ته ووې حوره لرې ګرځه

زۀ خو خدای نۀ یم له خاورو نه پیدا یم
خاکسارۍ راځه غروره لرې ګرځه

د افغان ساده شپونکی به دې سر پرې کړي
د وطن بده تربُوره! لرې ګرځه

عرفان رمز
🖤🥀

121

غزل بڼ🤍

09 Feb, 15:11

دیو چا په مینه غرق یمه جناب دی
دګلانو حاجت نــسته سم ګلاب دی

په لوستلو مې جنت لره طلب کړې
عجیبه غوندې دمینې یو کتاب دی

زړه به ولې ستا له نوم سره لړز نشې
چي دزړه بې رحمه ګام لره ځواب دی

اوښتــــل دیار له لارې ګنـــــهګار دی
په لار تله لې يي کامیابه په حساب دی

چي یـــــوه وینا یي ټوله دنیا واورې
بس عاشق یی دی دعشق یوسترکتاب دی

دقمر او هم له لمره څخـــــه سپین دی
عمـــــــریاره ګناهونو ته حــجاب دی

م عمریارملا
🖤🥀

140

غزل بڼ🤍

09 Feb, 09:51

د وخت زلمیه زه دې ښه پېژنم
واوره لالیه زه دې ښه پېژنم

داسې به نه وایې چه نه ېم عاشق
مین زړګیه زه دې ښه پېژنم

ژېړ مازیګر دلته بې څه نه راځې
هی لیونیه زه دې ښه پیژنم

ماته دې هم د خپل ځان فکر وکه
ساده سړیه زه دې ښه پیژنم

نشې زغملی ته زمونږ پرمختګ
اې ګاونډیه زه دې ښه پېژنم

ته شوې معلوم غمجن بهیر ته بهر
د کور زمریه زه دې ښه پېژنم

غمجن بهیر
🖤🥀

143

غزل بڼ🤍

09 Feb, 06:55

مــــــورجانه❤

په ټاکنده غرمه چي مي دسیورې ضرورت دی
وتاته مي په ژوندکي داسي مورې ضرورت دی

چي وځـمه له کـوره له آفـاتوپه آمـان یم
دوعادي راسره وي په هرلورې ضرورت دی

بیمــاریمــه جــوړیږم نه دمرګ تبي نیولۍ
علاج مي بس یوته یی ترتاپورې ضرورت دۍ

چي سقف داسمان نوي دستوروڅه ښکلاده
داځکه واسمان ته دهرستورې ضرورت دۍ

داسـتادقدم خاوره مي رانجه دتوروسترګو
دي خاوري ته دهري سترګي تورې ضرورت دی

کعبه دمهاجریی هرسهاربه دي طواف کړي
وزړه ته یی سکون یی تاته ګورې ضرورت دۍ

مهاجرهروي

145

غزل بڼ🤍

09 Feb, 03:12

غزل

څړیکې به کله زما د زړه له کوره کډه وکړي
زړه به مې څنګه ستا له یاده څخه ډډه وکړي

د خدای لپاره داسې مه وایه چې مه ژړېږه
خیر که غمونه دې پر غم برسېره وده وکړي

هغه د مینې لیونی دې چې په کلي راسي
د حال پوښتنه دې له مانه صدفیصده وکړي

که پښتنه مینه هم چیري ناروا وګرزي
ستا محترم سړی به مینه تر ابده وکړي؟

د بدر فکر ته چې ستا ماتې وعدې ور درومي
سوي آهونه، او فریاد تر ډېره حده وکړي

مهاجر محمد بدر

152

غزل بڼ🤍

08 Feb, 18:09

غزل

نن می کړی مازدیګر دیدن دیار دی
ځکه اوس راته بي خونده ټوله ښار دی

دګران ښکلي سترګې زما کله هیریږي
زما پر زړه یې د بڼو کړی ګزار دی

ګران وطنه حفاظت لره دي ژمن دی
مجاهد زلمی سرحد کې پیره دار دی

دامنم دمور ګرانښت په دونیا نسته
خو دټولو پرهرونو سلطان پلار دی

شهادته تر جانان پوري یې بوزه
شهادته دا ځوان ستا عشق کي خمار دی

ستا دکړس کړس خندا ګانو په ارمان دی
لیونی طلحه دي لار کي انتظار دی

طلحه مینه ناک
🖤🥀

156

غزل بڼ🤍

08 Feb, 14:47

غزل

نور به سړی څنګه وي نو ته وايه، له تا وروسته
مات يم ستا د زلفو په شان سل ځايه، له تا وروسته

يو زه پرې پوهېږم، ستا د لاس سيورې ته نه رسي
ومې شي پر سر که د همه سايه، له تا وروسته

ستا به وي تلوار خو بس دا يو ځواب لا غواړمه
څنګه کېږي ژوند خو راته وښايه، له تا وروسته

دا ځل دې کړه لاس د مخ په ځای په حافظه راتېر
شاته مې پر خپلو پلونو مه بيايه، له تا وروسته

نه غواړم چې سترګو ته مې نوره سزا ورکړمه
ورک دې شي رنګونه راته مه ښايه، له تا وروسته

ستا په حواله ورکوي اوس هم د ښايست مثال
چا بدله نه کړه د هميم رايه، له تا وروسته

#هميم
🖤🥀

170

غزل بڼ🤍

07 Feb, 18:23

ستغې سپورې ستا په خوله دي لیونۍ
وایه نور دې په زړه څه دي لیونۍ

څه بلا زمونږ خوبونو باندې وشوه
څه ړانده دي څه کاڼه دي لیونۍ

ځان خوړلې سترګې واړوه له مانه
پرهرونه مې وېده دي لیونۍ

د خندا تمه له ما څخه ونکړې
هوسونه مې ټول مړه دي لیونۍ

پل له ورایه ځکه ښکلی معلومېږي
پرې دپاسه ستا باڼه دي لیونۍ

پل
🖤🥀

150

غزل بڼ🤍

06 Feb, 18:32

غزل

بده ده، د بل سړي په خولهٔ راځې
راشي؛ خو لالیه زړه نازړهٔ راځې

ما خو زړه په لار کې غوړولی دی
دا ګناه دې خپله ده، چې نهٔ راځي

داسې مې ارمان یې لکه ښې ورځې
نه به هغه راشي او نه تهٔ راځې

پرې دې ښودم غونډه ورځ بلاوو ته
تهٔ به واپسي په لمر لویدهٔ راځې

وډار شم په شرک، جهنمي نه شم
زړه ته مې صمیمه پر لمانځهٔ راځې

پاچا صميم
🖤🥀

163

غزل بڼ🤍

02 Feb, 17:33

غزل

زړۀ مې وران دی مشر وروره را قريب شه
پلار مې نشته دی زما د زړۀ طبيب شه

د تيارو خلاف د امن پيرو کار وې
رڼا ګانې دې پۀ قبر کې ترتيب شه

هغه سخت پُل صراط درته اسان شه
شفاعت دې پۀ محشر کې د حبيب شه

ای ملنګه د اويا حورو سردار شې
زما پلاره جنتونه دې نصيب شه

د خانانـــو پېښې مۀ کوه عــــــــباسه
خپل څادر کې پښې را ټولې کړه غريب شه

عباس تنها
🖤🥀

276

غزل بڼ🤍

02 Feb, 03:58

نوی غزل

چې له تیارو کرکه د چا نه کېده!
لمر به راوخوت، خو رڼا نه کېده

زموږ د چیغو شاته مونږه نه وو
موږ به کوله، خو غوغا نه کېده

موږ به ثواب وکړ، ثواب به نه شو
د دوی ګناه به هم ګناه نه کېده

قام بې ډوډۍ هم تېرولی شو وخت
خو ګوزاره یې بې ملا نه کېده!

څېرې له خلکو ورکېدې پکې بس!
د آېینو په ښار کې غلا نه کېده

نیت به چې چا وکړ د قام د لمانځه
ورپسې شاته اقتدا نه کېده
🖤🥀

254

غزل بڼ🤍

01 Feb, 14:43

ټپي🖤🥀

نن مي ده يار د راتلو ورځ ده

234

غزل بڼ🤍

01 Feb, 12:35

کټ کټ خاندې ارمان چېرته درنه ورک دی؟
لېونیه ګرېوان چېرته درنه ورک دی؟

زمزمه نیمه راواخلې بیا یې پرېږدې
د سندرو دېوان چېرته درنه ورک دی؟

دا چې وچ ګلونه ګورې ورته خاندې
د سرو اوښکو باران چېرته درنه ورک دی؟

دا څېرو ته چې ځیر ګورې او بیا تښتې
ځان دې چېرته؟ جانان چېرته درنه ورک دی؟

په ازغیو کې د ګل غوندې روانه
لږ راتم شه کاروان چېرته درنه ورک دی؟

پیر محمد کاروان
🖤🥀

208

غزل بڼ🤍

31 Jan, 11:57

خپله مو د خپل وجود لاسونه وتړل
موږ څه په بېکاره خلکو زړونه وتړل

غږ یې د زلمو د بې ننګیو واورېده
نجونو د وطن کمربندونه وتړل

نورو، نورو خلکو، نوره خلک کړل یاران
ښکلیه موږ په تا پسې نیتونه وتړل

دې ښار کې د عشق په نوم شروع هوس بازۍ
ځکه خو مینو ګرېوانونه وتړل

غلي شئ! پاچا شو سرمعلم د ښوونځي
غلي شئ! پاچا ټول زندانونه وتړل

ساده! سپوږمۍ خویه ده، راځي په نیمو شپو
موږ ځکه له سترګو نه خوبونه وتړل

سبیل ساد
🖤🥀

247

غزل بڼ🤍

26 Jan, 16:27

ژوند د وېرونکي خوب په شان دی زړه مې رېږدي
وينم خپل وجود راته زندان دی زړه مې رېږدي

ځان مې د ايرې غوندې په لپه کې نيولی دی
خدايه رانه خور نه شي توپان دی زړه مې رېږدي

بيا به مې د عقل او عاطفې په جګړه واړوي
زړه ته پل راغلی د انسان دی زړه مې رېږدي

غږ پسې کوم ګوندې چې وايي وري را وګرځي
لاس کې مې همدا وروستی امکان دی زړه مې رېږدي

تا خو همسفره راته نه ويل چې مخکې مو
تنده ده، ګرمي ده، بيابان دی زړه مې رېږدي

بيا محسوسوم چې مې ډوبېږي اضطراب کې روح
څوک پکې څپې څپې روان دی زړه مې رېږدي

#حفيظ هميم
🖤🥀

347

غزل بڼ🤍

25 Jan, 18:59

دل تنګه یمه ستوني ته مې سا راغلې ده
ما پرېږدئ چې لږ چغې کړم ژړا راغلې ده

د سرای په دروازه کې مو ګلپوش موټر ولاړ دی
ستا وړلو ته له بره کلي ورا راغلې ده

له سرو سترګو مې سپینې څاڅکي څاڅي ګریوانه ته
د درد څړیکه مې زړه کې په نڅا راغلې ده

شکومه په غاښونو له خپل ګوتو نه نوکان
په ما د لیونتوب علامه بیا راغلې ده

زه ناست یمه په خپلو زخمو مالګه وهم خاندم
عادله! تماشې ته مې دنیا راغلې ده

امان الله عادل
🖤🥀

282

غزل بڼ🤍

24 Jan, 08:05

غزل

ژوند ګړنګ دى، ژوند ارمان دى مسافره!
بې له ما درته ژوند ګران دى، مسافره!

تورو ورېځو د اسمان فضا نيولې
بيــــا نرى، نرى باران دى، مسافره!

څوک مې بيا د زړه په دښته راوريږي
څه عجيبه شان توپان دى، مسافره!

يو خوا ستا ظالم يادونه دي، ما وژني
بل مې هسې زړګى وران دى، مسافره!

اوښکه سوال کوم روزي دې په وطن شه!
مازيګر دى، بل اذان دى، مسافره!

اوښکه امېل
🖤🥀

298

غزل بڼ🤍

22 Jan, 04:19

غزل

د حالاتو پېچ و خم سړی خراب کړي
کله کله د چا غم سړی خراب کړي

جنتونه يې له سره صدقه کړي
غنمرنګ لکه ادم سړی خراب کړي

جينکۍ لکه د شنو بنګو پيالې دي
دروند ، پښتون او محترم سړی خراب کړي

محبت د يوې داسې بلا نوم دی
هم ژوندی کړي مړی هم سړی خراب کړي

مخه ښه د ډکو سترګو کړي ورياده
د سهار پر ګل شبنم سړی خراب کړي

د باران په شپه تش ياد د تودې غېږې
لېونی کړي سړی ، سم سړی خراب کړي

جلال امرخیل
🖤🥀

309

غزل بڼ🤍

21 Jan, 12:45

#غزل

نۀ دې ژاړي، نۀ دې سر پۀ زنګنو ږدي
چې راځي بیا به مې پلونه پر ایرو ږدي

داسې خلاصه ده د رنګ لۀ احتیاجه
چې سینګار کوي خالونه لۀ اوبو ږدي

ستا پۀ بنده، بنده ساه خوږې خبرې
نغمه ګر چې لکه ګوتې پۀ تارو ږدی

دا وعده یې لۀ کتابه هم ریښتیا ده
چې قسم خوري لاس پۀخپلواننګو ږدي

د جنډو به ورته پام وي کۀ به نۀ وي؟
څۀ به غواړي چې لونګ پۀ زیارتو ږدي؟

چې زما پۀ وینو سرۀ لاسونه ویني
خودشرمېږي چې نکریزې پۀلاسوږدې

نصير شهاب
🖤🥀

277

غزل بڼ🤍

19 Jan, 16:55

غزل

په لپه کي را ټوله کړم ژړا لکه دعا
شیندم يې ګام په ګام درپسي بیا لکه دعا

جانان لکه تسبیح، لکه درود لکه سلام
مستوره او مقبوله وي لیلا لکه دعا

را اوري دي پر مخ باندي انوار لکه باران
څڅېږي دي له سترګو نه حیا لکه دعا

په زلفو کي دي وږم دی د چا د قدرتونو
پر شونډو دي لاسونه ږدي ثنا لکه دعا

خبري دي لالیه لکه توري د کتاب
پر زړونو دي اثر کوي خندا لکه دعا

هغه لکه جمله بس د قدقامت الصلاة
او دا لکه سجده، جانانه! دا لکه دعا

ښکاره دي شفاعته نوم په خوله اخیستی نه سم
بس پټ دي زړه کي یاد کړمه په غلا لکه دعا

شفاعت ريحان
🖤🥀

325

غزل بڼ🤍

19 Jan, 08:40

غزل

څنګه درته ووایم چې عشق دی لکه څه داسې
بس خو په زړه ننوځې کټ مټ لکه ساړه داسې

سر د معشوقي په اوږه کیږده سیند ته وګوره
عشق به پکې ووهې څپې لکه اوبه داسې

تا مې اعتبار پر خلکو ختم کړ که نه مخکې
زه په انتخاب کې هېڅ وخت نه وم زړه نا زړه داسې

بېل د کړي له نورو، له خطر څخه د نه ساتي
ځينې انسانان وي، د زندان د دېواله داسې

ژوند به وي احتیاج به یې خو ناز به دڅوک نه اخلي
نه مې درته ویل چې خلک نه دي لکه زه داسې

حفيظ همیم
🖤🥀

327

غزل بڼ🤍

18 Jan, 09:54

غزل

سپین وي او کهٔ تور نور خو پوهیږې تهٔ
خــــدايه هسې نور نور خو پوهیږې تهٔ

ربه مړې هــــــــــم ژوندې کولی شې
ربه زما مــــــــــور نور خو پوهیږې تهٔ

پـــــــــــــلار مې ټیکدار د جنتونو که
پام کـــــــوه پهٔ اور نور خو پوهیږې تهٔ

وساته لهٔ داغه د پښـــــــــــتون لمن
چیرته د چا خــــور نور خو پوهیږې تهٔ

غواړم بهٔ جـــــــنت کې هم کهٔ درغلم
ماله زما ورور نور خو پوهــــــــیږې تهٔ

وٸ ويل عـــــــــــباسه غاړه واخله خو
مهٔ راکوه زور نـــــــور خو پوهيږې ته

عباس تنها
🖤🥀

338

غزل بڼ🤍

17 Jan, 17:07

غزل

حسن، نظر او نېمه خلاصه کړکۍ
زۀ یم اکثر او نېمه خلاصه کړکۍ

شکر لا شته د عشق پۀ دغۀ پړاو
یو نیم بشر او نېمه خلاصه کړکۍ

د دې سړي د خودکشۍ پۀ سبب
یو خدای خبر او نېمه خلاصه کړکۍ

اخر څرګند کړي لکه ګرد مخونه
وخت لکه لمر او نېمه خلاصه کړکۍ

بس تجاهل مې د فرار وګڼه
را پورې ور او نېمه خلاصه کړکۍ

ژوند کلیشه ده او گواه ندرته!
دا ولاړ غر او نېمه خلاصه کړکۍ

شاعر ندرت
🖤🥀

334

غزل بڼ🤍

16 Jan, 15:58

غزل

مودې وشوې په زړۀ کې مې پرهار هغسې دی
ژوندون زَما په ماتو اوږو بار هغسې دی

لااوس يې هم له زوره ويخي شپې صباکومه
سينه کې مې دڅړيکو بيروبار هغسې دی

د درستي نړۍ هرڅه به تغير وکړې خو نه؟
په زړۀ کې مې مقام دخوږ نګار هغسې دی

بې شميره طبیبان يې وعلاج ته پاتي راغلل
يوڅوک دی په يوچاپسې بيمار هغسې دی

په بار بار مې دخپلي بې وسۍ ورته ويلي
خو زړۀ مې درته تږی دی خمار هغسې دی

درمل عرفانه مينه که مې سا هم رانه واخلې
تيار ؤمه ترمرګه مې ګفتار هغسې دی

درمل عرفان
🖤🥀

340

غزل بڼ🤍

15 Jan, 11:53

غزل

سپیلنی کیږم
در قربانیږم
ای زما یاره
درنه ځاریږم
په ځان مې نه خو
په تا ویریږم
زه لکه شمعه
ورو ورو ویلیږم
جانان چې نه وي
زه ډیر ځوریږم
د چا په نشتون
همیش کړیږم
یار دولتمند شو
داسې خبریږم
یار چې زه هیر کړم
اوس پرې پوهیږم
دا دي ځواني ځي
وروـ ورو زړیږم
احوال مې واخله
کمزوری کیږم
زړه د درد نه کړي?
چې زه دردیږم
غاړه د راکړه
ځم راونیږم
د تل لپاره
درنه بیلیږم
هغو لاس واخیست
چې پرې نازیږم
چې بیا به تاته
زه در یادیږم
خدای درسره پوه شه
که د هیریږم
یاد د تازه شي
ډیر وژړیږم
ستا له مزاره
چې زه تیریږم
ژوند راته سخت شو
ورو ـ ورو رالویږم
د یار په هجر
په ملا ماتیږم
غم به کړو شاته
نه پرې غږیږم
چې تا لرمه
په دې خوښیږم
خُلاصه دا ده
پسې تاویږم
زړه د مخبت دی
زه کې اوسیږم

مخبت وردګ
🖤🥀

367

غزل بڼ🤍

09 Jan, 10:17

غزل
ښه دقيق يې ولولٸ خوږو
ــــــــــــــــــــــــــــــــــــــــــــ
که زندګي هر څومره سخته ده او ګرانه ده
دا د خداى شکر دى ودريږي نه روانه ده

قدم چې اخلې لږ د فکر نه کار هم اخلّه
چې دغه لاره مخکې جوړه ده که ورانه ده

چاته سر ټيټ نکړې پښتونه غلامي ونکړې
مونږ ته چې سخته ده هغه خداى ته اسانه ده

ډيرې مو توې کړې ماړه نشو د يو بل په وينو
دومره مو وڅکلې دنيا راته حيرانه ده

خوب مې ليده ورځ د محشر ده حسابونه کيږي
هغه جينۍ مې رانيولې له ګريوانه ده

عباسه وخت سره به لاړ شې په غزل کې ژٶر
لا دې د شعر خاپيرۍ مسته ده لا ځوانه ده

عباس تنها
🖤🥀

غزل بڼ🤍

08 Jan, 11:46

خودکشي

ته خود کشي پیژنې؟
خود کشی څه ته وایي؟
ته وایې ځان وژل دي
خپله مرۍ تړل دي
ځان په ګولۍ ویشتل دي
د لوی کمر دنګل دي
د سیند چپو له تلل دي
ځان په لمبو سېځل دي
د ځانه ساه ویستل دي
یواځې دا خو نه دي

ته خودکشي پیژنې؟
خودکشي څه ته وایي؟
یو بغاوت کول دي
زغم ته سینه نیول دي
صبر برداشت کول دي
درد په خندا زغمل دي
دې کښې ژړا هم راځي
دې کښې خندا هم راځي
ای زه چې څوک ګورمه
نو د خپل وسه پورې
په خود کشۍ اخته شي
بعضې یو ضد شروع کړي
بعضې خپل ضد پریدي
څوک د خندا نه اوځي
څوک چم ګاونډ پریدي
یاران دوستان پریږدي
د زړه ارمان پریږدي

ته خودکشي پېژنې؟
خودکشي څه ته وایي؟
بعضو نشې شروع کړې
چا تماشې شروع کړې
چا خپل روزګار پرېښودو
چا پکې ښار پرېښودو
چا پکې یار پرېښودو
څوک د چا مخ نه ګوري
ترینه نفرت پیدا کړي

ته خودکشي پېژنې؟
خودکشي څه ته وایي؟
د زړه رضا نه کول
هډو خندا نه کول
چا سره نه کېناستل
هر یو محفل پرېښودل
د تنهایۍ خوښول
خپل احساسات ماتول
ماته خو دا تبدیلي
دا نا اشنا حادثه
یو انتقام اخیستل
د خودکشۍ نوم ښکاري

ته خودکشي پېژنې؟
خودکشي څه ته وایي؟
که دا عذاب زندګي
څوک خودکشي نه ګڼي
څوک ېې یو زد نه مني
نو بیا د هر یو خواهش
د ماتېدو نه وروستو
دې صبر نه کوي څوک
خاموشي نه کاروي
زغم او برداشت دې نه کړي
او خودکشی دې کوي

شاعر؟
🖤🥀

غزل بڼ🤍

07 Jan, 14:41

زړه مې چوي په سینه کې نه ځایېږي
نم د سترګو په کاسه کې نه ځایېږي

د خاین سړي جسد دی پړسېدلی
ته یې ګوره! هدیره کې نه ځایېږي

خطاګانې ځکه ورځ په ورځ زیاتېږي
چې غنم په کرونده کې نه ځایېږي

د یو چا د غرور حجم دومره زیات دی
په دې ټوله زمانه کې نه ځایېږي

راڼه ستوري ته د ورځې غېږه تنګه
د لمر وړانګه بیا په شپه کې نه ځایېږي

یو بې نیازه،، بل معصوم، دواړه منمه
بس دی!! نور په کلمه کې نه ځایېږي

زما زړه ته خپل خوب مه راوړه یارمله!!
د خیال بوت خو په کعبه کې نه ځایېږي

یارمل کندزي

🖤🥀

غزل بڼ🤍

06 Jan, 16:26

غزل

خیر پر ځای پرېږدو او شر ته کښېنو
خدایه له تا لاړ شو، بشر ته کښېنو

ژوند خو قسم کړی چې نه سمېږم
نور کوم ملا او کوم کوډګر ته کښېنو؟

د خدای په چارو مو لاس نه رسیږي
راځه د ژوبل پرهر سر ته کښېنو

د اسمان نور څوک دي له خدایه بغیر؟
چې ستا له خوا پورته شو، چرته کښېنو؟

حال به له خدایه د مجبورو واخلو
لږ به د ګرم اوړي لمر ته کښېنو

د وړو ووړ فکر، وړې خبرې
صمیمه! ستر به شو چې ستر ته کښېنو

پاچا صميم
🖤🥀

غزل بڼ🤍

06 Jan, 09:30

کاش چې په نصیب کې ته زما وای خو ارمان
ټول عمر غلام به زه دا ستا وای خو ارمان

ستا د نرۍ شونډو د نرۍ موسکا په شان
ژوند به راته داسې په خندا وای خو ارمان

خامخا د مینې پیغمبر ترې جوړېدو
زه چې ستا د مشر زوی ابا وای خو ارمان

ته که د رقیب د کور ډیوه نه جوړېدې
ما باندې به هم دا شپه سبا وای خو ارمان

ستا د مخه ښې نه پنځه شپږ دقیقې پس
روح راسره کړې الوداع وای خو ارمان

پل په دوذخونو کې د هجر په اور وسو
بیا که د جنت کیسه رښتیا وای خو ارمان

عبدالمجید پل
🖤🥀

102

غزل بڼ🤍

05 Jan, 09:15

غزل

د ژوند نه مو وانخیسته مزه پروردګاره
ناراضه چېرته نه شې رانه خه پروردګاره

که بیا دې دا دنیا چرته له سره جوړوله
کابل کې راته جوړه کړه کعبه پروردګاره

که تا چېرته بنده له د سجدې اجازه وکړه
اول به مور له زه کٶم سجده پروردګاره

مونږ دواړه مور او ځوی د یو بل غم زغملی نه شو
ساه واخله خو د دواړو نه جوړه پروردګاره

که بیا دې ما عباس له ځواني داسې راکوله
بیا هم درنه زه غواړمه هغه پروردګاره

عباس تنها
🖤🥀

129

غزل بڼ🤍

04 Jan, 10:52

غزل

لکه چي سر زما بهر پروت دی
ستا پر لاسونو باندي لمر پروت دی

ستا قدمونه غواړي چيري يې ته؟
لکه ماشوم خاوره کي ور پروت دی

زړه مي پر زړه باندي کباب کباب سو
د حسن وږی دی نهر پروت دی

زه خبر سوی يم د يار يادېږم
ما پسي تږی سمندر پروت دی

ځان به له تا منعه کومه څنګه؟
ماته په مخکي څومره شر پروت دی

د قیامت نښه ده همت مين سو
په ټوله کلي کي خبر پروت دی

حيات همت
🖤🥀

145

غزل بڼ🤍

02 Jan, 08:53

🍁نظم يانې ځې !🍁

يانې ځې نه ايسارېږې !
که هرڅومره درته کلک شم
قسمونه درته درکړم
زيارتونه درته ياد کړم
سيپارې دې مخ ته کېږدم
باباګان درته قطار کړم
که له ځانه ماشوم جوړ کړم
او په چيغو درته سر شم
بيا به زړه رباندې خوږ کړې
بيا به پاتې شې نازکې !
يانې ځې نه ايسارېږې !
يانې اوس هم تابعداره
د‌ خپل ضد او د عقدې یې
د غرور په بام ولاړه
د ښايست په نشه مستې
د ځوانۍ خولو کې غرکې
يانې هيڅ يو دليل نشته
چې د تلو مخه دې ډب کړي
يانې هيڅ خوشبیني نشته
چې د شتون زیری دې راکړي
وه د خدای په قلم هستې
وه مغرورې خدا مستې
وه د خدای په قلم جوړې
وه د خدای د خلقت بېلګې
د خپل ځان په ذات کې ورکې
د اسمان په ځمکه ميشتې
اسمان رنګې ستور مزلې
خود بسايې مکملې
بس دی بس دی زورورې
اې د حسن پېغمبرې
د خدای روی وکه کافرې
مه ځه مه ځه،
خير دی مه ځه
لطفا مه ځه
يو قدم وانخلې مه ځه
د زړه سواندو په مذهب شه
د يو چا د ژوند سبب شه
بهسودوال بېرته ژوندی کړه
دا ملنګ خاک نشين واخله
د سينې په تخت یې ځای کړه
جنتي غېږ ترېنه تاو کړه
ښه یې ځان ته رانژدې کړه
دا کافره خوله دې ورکړه
دا حرام اننګي ورکړه
ټول حلال حرام پرې وخوره
دا ګناه ورباندې وکړه
دا ګناه به دې احسان وي
دا ګناه به دې احسان وي
دا ګناه به دې احسان وي

پرويز بهسودوال

🖤🥀

197

غزل بڼ🤍

01 Jan, 17:02

زه لـــکه پـــــــه دښـــته کې ولاړه وچــــه ونه
هيلـــې دومــره هيلې دي چې مه کوه پوښتنه

ژونــد ددې بـــازار په يــــوه لاره کې هم نشته
دومره خاموشي خو به مې ورک کړي له وطنه

ځــــمه چې وعــــده د بيا ليدو يې پوره شوې
بــــيا به راتــه وايــي چــــې دا ولی دروغجنه

چــــا چې ښــــــايستونه درته وښودل درځاره
تـــا لـه هــــغو ســـــــترګو نه هـــم ونکړه مننه

ميوند درځار

🖤🥀

195

غزل بڼ🤍

01 Jan, 16:13

نوی غزل

زما د ژوند له غېږې ډېره وخته! لاړه هغه
ته چې له خوبه پاڅېدلې بخته! لاړه هغه

اوس یې څپې د مستۍ نه وهي موجونه زړه کې
اوس د باغي باغي ځوانۍ له تخته! لاړه هغه

ماته یې پرېښودې ترخې ترخې شېبې د بېلتون.
په سره ډولۍ کې تاو له سپینه رخته! لاړه هغه

ته هم زما په څېر بې برخې شوې له تورو زلفو
زما په کټ کې پروت دویم بالښته! لاړه هغه

زه یې په هره بده ورځ تر څنګ ولاړ وم مګر
خو چې کریمه! په ما راغله سخته! لاړه هغه

کریم سلطاني
🖤🥀

208

غزل بڼ🤍

01 Jan, 15:55

غزل

خبره دا ده چې لوېدلې مې له پامه ده
ګنې پوهېږم زنده ګي يو څو ماښامه ده

زما د صبر ونې څو موسمه رنګ واړوو
خو ستا وعده ده چې همغه رقم خامه ده

دا ښځه ښه ده خو مجبوره ده چې تن وپلوري!
دا خلک ښه خلک دي دا کوڅه بد نامه ده

دا واده کفر دى او دا جنۍ په بل مئينه
دا خو ماتم دى موسيقي پکې حرامه ده

مرګ مې ليدلى دى په سترګو بهسودواله بار بار
د ژوند مرغۍ مې وتې څو ځلې له دامه ده

پروېز بهسودوال

🖤🥀

155

غزل بڼ🤍

31 Dec, 18:19

غزل: کریم سلطاني

د درد لمبو ته دې په ورین تندې سینه ورکړې
ځانه! منم دې دومره غم ته دې اوږه ورکړې

ما څومره هیلې دې بې ننګه پورې وتړلې
زه څه خبر وم چې ړانده ته مې ډېوه ورکړې

زما په څېر بدرنګ بدرنګ مخونه هم زغمای شي
دغې هندارې ته خدای څومره حوصله ورکړې

هغه په لار کې لېونی سړی خو وینﺉ کنه!
دې ته یو تللي کس د بیا راتلو وعده ورکړې

د زهر زهر شپي په غېږه کې یوازې ناست یم
کریمه! خپلو زنګنو ته مې تکیه ورکړې

کريم سلطاني

🖤🥀

163

غزل بڼ🤍

31 Dec, 12:31

پام بدلومه مګر درد زما له پامه نه ځي
زما د فکر مرغه ولې ستا له بامه نه ځي

انځور یې داسې رسم شوی دی زما ذهن کې
که په اوبو یې پاکومه هم رسامه نه ځي

چې ما راکش کړي ستا خبرو ته له نورو خلکو
اوس دې هغه خوشبو لالیه له سلامه نه ځي

یو سړي ټولو الزامونو ته سینه نیولې
یوه جینۍ د لالي غېږې ته بدنامه نه ځي

خاورې په سر بادوه پله چې کمعقل شولې
هوښیاران هیڅکله په عشق کې تر انجامه نه ځي

مجيد پل

🖤🥀

156

غزل بڼ🤍

18 Dec, 05:04

ښکلي مخ ته خامخا سترګې وراوړي
بوراګان خو د ګلونو په مذهب دي

ستا باڼه مې د زړه جېب کې وهي ګوتې
لکه شوخ ماشومان څومره بې ادب دي

پير محمد کاروان

🖤🥀

246

غزل بڼ🤍

17 Dec, 13:23

دا چې ستا د ورکو سترګو په سودا یم
بړبوکۍ غوندې په دشتو په صحرا یم

زه خو ته نه یم چې زړه به درته شین کړم
ته فقد راته موسکی شه زه پخلا یم

صدقه دې له اوتر اوتر نظره
که دې لاس په زړګي کېښوده پیدا یم

سل او زر توره دې نور شه په ما پورې
نور به څومره شم رسوا چې زه رسوا یم

پل به ستا له لوري بلې خوا وانخلم
که په برخه رسېدلی د هر چا یم

عبدالمجید پل

🖤🥀

250

غزل بڼ🤍

17 Dec, 13:20

څوک را په زړه شي ماته خوب نه راځي
ساه مې خفه شي ماته خوب نه راځي

زه ژوند پرست په رڼاګانو ميئن
ډيوه چې مړه شي ماته خوب نه راځي

زه يې په مخ د غربت ټکي شمارم
هغه ويده شي ماته خوب نه راځي

مړ يم وړې ستا په پخو خبرو
شپه چې پخه شي ماته خوب نه راځي

پروېز بهسودوال

🖤🥀

231