Do'stlarim, bugun sizlar bilan bir qiziqarli ma'lumotni ulashmoqchiman.Ochiqroq qilib aytadigan bo'lsam, chet el universitetlariga topshirish jarayonida IELTS ning o'rni haqida biroz bo'lsada ma'lumot beraman.
Xo'sh, ko'pchilikni qiynaydigan bir savol bor, ya'ni :
Chet el oliygohlariga topshirishda IELTS bali qancha baland bo'lsa shuncha yaxshi bo'ladimi yoki balandroq IELTS bali bilan grant yutish mumkinmi ?
Bu savollarga, albatta, o'z qarashlarim orqali javob bermoqchiman.
Birinchidan, ko'plab chet el universitetlari o'zlarining ingliz tili darajasini minimum qay darajada bilishingiz kerakligini oldindan aytib qo'yishadi, ya'ni siz ingliz tilidan kamida o'sha darajaga to'g'ri kelishingiz kerak.Misol uchun, ba'zi universitetlar "IELTS requirement" qismini 6 yoki 6.5 deb qo'yishsa, ba'zilari 7-7,5 darajada bilishingizni talab qilishadi.Bu gaplarim bilan nima demoqchiman, siz ingliz tilini kamida shu darajalargacha bilsangiz yetarli, undan uyog'iga harakat qilishingizning foydasi yo'q.Chunki bizning davlatimizda davlat tili Ingliz tili bo'lmaganligi uchun bu me'yorlarni bajarishimiz shart, aksincha davlat tili Ingliz tili hisoblangan boshqa davlatdagi student , masalan, Yamaykada istiqomat qiluvchi studentdan bu kabi IELTS imtihoni yoki boshqa bir imtihonlar (TOEFL, Duolingo) talab qilinmaydi.Bu degani sizda IELTS daraja 8.0 bo'lib turib, u bola Yamaykalik bo'lsa ikkalangizning universitet oldidagi maqomingiz teng hisobanadi.Shuning uchun ham topshirmoqchi bo'lgan universitetingizni minimum requirementi qancha ekanligini bilib olib, o'sha darajagacha harakat qilganingiz ma'qul deb o'ylayman.
Ikkinchidan esa,balandroq IELTS natijasi bilan grant yutish deyarli imkonsiz ish hisoblanadi.Chunki grantlarni , asosan, keng fikrlovchi qobiliyatga ega bo'lgan insonlargina, ya'ni ko'plab "extracurricular activities" ga, perfect yozilgan motivation letterlarga qarab berishadi.Ko'rinib turibdiki, IELTS bu joyda ham muhim vosita emas.
To'g'risini aytsam, bu mening kanalimda yozgan birinchi uzun matnli postim bo'ldi (Bunaqa postlarni hali ko'p yozaman, sabrli bo'lasiz) 😃
Oxirigacha o'qigan insonlarga kattakon rahmat !