دخان

كم واحد من يضحك يكول (يارب ضحكه خير )
زين ليش?

لان مامتعودين نفرح. ذا فرحنه ندري راح يصير شي سلبي ويخرب فرحتنه
هاذ الشي خطاء
زين ليش يصير هيج?

لان. احنا ماعدنه ثقه الكافيه باالله انه ينطينا الفرح كانو الفرح فدشي ترفي مانستاهله وهمه خمس ضحكات عدنه. بالحياة كل مانضحك وحده تروح بقالنه اربعه
گمنه نخاف نفرح .الفرح اله مصدر? هوا الله اله الفرح.
الفرح هوا مو شي خارجي هوا شي من داخل للخارج يعني مو ذا جابولي سيارة. افرح هوا مو امور خارجيه لان بس تعطل السيارة او ياخذون السيارة راح يروح الفرح
اذا انتو معتمدين ع الفرح من مصادر خارجيه اشخاص واناس حقكم تخافون بعد كل ضحكه لان فعلا اتزول لكن اذا الفرح داخلي لا يزول اله بزوال الله
والله لن يزول

#دخان
@s5mok

لا يمكن لبشر او شيطان ان يلغي دور الله المشجع في حياتنا.. لكن علينا ان نقبل تشجيع الله ونصدق به ونستثمره في خير انفسنا والاخرين

#دخان
@s5mok

السلام عليكم اصدقائي

لكل شخص عده مشكله /عده قصه/ متأثر/ه بيه وماعدكم احد تحجون اله
تكدرون دزوها الي ع الخاص تفضفون همهم يمي وهم انشر المشكله هنا بالقناة واحد يساعد ثاني عن طريق التعليقات
دزوو هنا
@Rzz_o
لو محظور دزه ع البوت
@Rz_Bot

هواي زلم يحبون وحدة راقصة لو تشتغل بملهى وببالهم راح يسيطرون عليها ويخليها تبطل ركص وسهر ، أو بنية عدها ثقة بنفسها تتزوج واحد مفضوح ويا بنات يصير عدها أمل تخلي مخلص بس الها يحبها ويصونها ومن يرجع من الشغل يجيب وياه ركية . فكرة تغير شخص من اروع الأمور البشرية بس مع الأسف كلش صعب تطبيقه ، من تصير مُحب وعاشك وترغب شخص مو مناسب الك راح تصير الطرف الأضعف ،ومو بعيدة انت تتغير من اجلها وتروح تدكلها طبل وتلبي رغبتها بالركص ، والتزوجت ذاك الذكرناه يصير بالاخير نزوة عابرة بحياتها وبالأخير تكضيها بالمحاكم اذا ماعندك قدرة تغير شخص لو تعيش وياه وتتأقلم او عوفه وانهي من حياتك 🤍.

#دخان
@s5mok

نبارك لكم مولد الامام الحجة المهدي بن الحسن (ع)
اللهم عجل لوليك الفرج

#دخان
@s5mok

عندك شخص!؟

1/يعمل لك مفاجآت ولو بسيطة ؟

2/يدعوك على غداء او عشاء ؟

3/يشجعك بكلام جميل ؟

4/يمدحك امام الناس ؟

5/يهتم بك في مرضك؟

6/مهما كانت مشاكله ( ما يطلعها بيك ) ؟

7/يرد على اتصالك مهما كان

ذا كانت اجابتك 7- 5 من شخص واحد انت شخص محظوظ جدا +هاذ الشخص اتمسك بي ولا تخسره
دمتم بخير ❤️

#دخان
@s5mok

هوايه نسمع كلمة(للصبر حدود)
... خلونا نتعلم معنى الصبر الحقيقي..

من اصبر على شي معين مو معناها ابقى في مكاني بانتظار زواله حتى اتحرك بالحياة..

بل ان ابقى اطور مني علمياً وعملياً وشخصياً رغم وجود المعرقل الي صابر عليه حتى من يجي يوم والرب يزيحه اكون قطعت شوط كبير في الحياة

عید الكلام مرتين ثلاثه ارسله للشخص الي يحتاج هاذ الكلام

#دخان
@s5mok

لك الحق ان تنزعج ان شتمك احدهم، لكن لا تأخذها على محمل شخصي فالشتيمة غالباً هي انعكاس الأحساس الانسان عن نفسه او اسرته، ويسقطها بدوره على الآخرين... فكل من يشتمكم بالحقيقة هو يرمي عليكم ما يعتقده عميقاً عن نفسه او ما يتصور ان الآخرين

يشعرونه عنه ...

لذلك لا تنزعج عند اي شتيمة منهم فهم بالحقيقة يكشفون لك اسراراً عن شخصياتهم وعوائلهم وحياتهم

#دخان
@s5mok

( كلامك البذيئ ماراح يقوي من شخصيتك )
اغلب الشباب ( والبنات ) والمراهقين من كلا الجنسين يظنون بداخلهم ان الغلط والفشار والوقاحه و التجاوز على شخص
اكبر منك يظنوه عمل بطولي كاعد ديقومون بي وعبالهم ان هذا الكلام البذيئ راح يمنحهم القوة وراح يخليهم يفرضون
شخصيتهم على المحادثة الي صايره ويصيرون همه مصدر القوه والباقين راح يخافون منهم او يحترموهم غصب !
لكن همه اکید جدا واهمين بهاي التصرفات الطائشة بعمره الغلط والفشار ما حل مشكله وبعمره ما زاد من احترام شخص لأخر تره حته الطفل ممكن يتعلم كم كلمه ويفشر بيها اعتيادي جدا كل شيء تظن انك
راح تسيطر عليه او راح يكسبك احترام بالفشار هوه خطأ وانت اكبر واهم وغافل عن الحقيقة دائما الكلام الحلو والاخلاق وحسن التربية والتعامل هي التصرفات الي دائما راح تخليك تفرض نفسك وشخصيتك على الشخص المقابل مهما كان الشخص المقابيلك سيء
اما الاشياء الي كاعد تطبقها
هي مجرد تصرفات طائشة وسوء ادب و تربيه لا اكثر ولا أقل.

#دخان
@s5mok

اكو بعض. الناس يكولون ربي اعطيني القوه والصبر في الحياة
الله سبحانه وتعالى شيسوي اله يبتلي بمشاكل تطلع اله من جوه الكاع عدنه مثل يكول تجيك تهايم وانته نايم 😂

وبالاخير. تدعي ربك ربي ليش انا من دون ناس مشلوع كلبي ومحتار بدنياي
يااخي حتى رب العالمين احتار وياك تدعي بطلب القوه والصبر اقل ابتلاء منه تختلف عليي
طبعا وانا واحد من الناس الي جنت اعاني من هاذ التفكير بس كعدتت ويه نفسي كلت انا جاي اطلب من الله القوه والصبر وربي جاي يبتليني ويمتحني. اما باهل مو زينين وياك/ج او اصدقاء او زوجه او زوج
فأاحمد ربك وشكره ع كول شيئ

❤️

#دخان
@s5mok

تعتقدون إنو الشرف إله علاقة بالملابس ؟ زين
هو شنو مقياس الشرف أصلا؟
هل الرجل الي يرتدي برمودة غير شريف ؟
شنو اليخلينا نعتبر فلان من الناس شریف و فلان لا؟

دمتم بخير❤️ .

#دخان
@s5mok

اسف جدا للانقطاع لان هاي الفتره كلش مشغول وانشاء الله اعوضكم بالايام الجايه

لتاخذ بحجي النسوان :
إعتقادك بإن مشورة النساء هي من الحماقات يجعلك أحمقاً
أيضاً، لأن التعميم لغة الجهلاء.
- إمرأة بألف رجل :
- ظل راجل و لا ظل حيطة بتاخذ بحجاية النسوان
لا تحتاج المرأة لأن تختبئ تحت الظلال أساساً، هي كائن مستقل يمكنها الاعتماد و حماية نفسها بنفسها.
زين أكو أمثال لخة ببالكم نستخدمها بحياتنا اليومية و همين
تقلل من قيمة المرأة؟

#دخان
@s5mok

لمن متاخذ الدرس من تجاربك رح تبقى تتكرر عليك بس لمن تاخذ الدرس وتركز بنفسك وتترك اشخاص و احداث التجربة، رح تنمو و تتطور .

يبقى الخيار خيارك

تبقى عايش بتجربة منتهية، لو تتعلم منها و تبلش تجارب جديدة ؟

#دخان
@s5mok

شي مرة لاحظتوا هيج نوع من الطبقية بمناطقكم او مدارسكم ؟


من حقك تحب الناس الي يعجبوك وتمشي ويا الناس الي يعجبوك.

من حقك تختار المكان الي تسكن بيه و سيارتك و المطعم الي تكعد بيه حسب امكانيتك.

و لكن ما من حقك ابداً التقليل من ناس آخرين و إتهامهم بالتخلف او (المعدنة ) او اي لقب من شأنه إهانتهم بس لأنه هم ميشبهوك او يكولون (چا ، او يكسر الكلمات شوية ) والعكس صحيح.

بهالحالة احنة طبينا بخانة هي مو جديدة ،
بس لان جانت مشاكلنا اكبر قبل مثل ( الطائفية و الاره١ب ) جنا ما منتبهين عليها،
بس هسه من هدأ الوضع تبين اكثر.

الشباب والبنات الي اذا انتَّ مو cool مثلهم لازم تختفي و وجودك ماله داعي او بمستوى اقل،
و طلعوا همين الشباب الي من الفئة الثانية الي يباوعون لذوله الcool على انهم فايخين و مو زلم بس لانهم يغسلون وجوهم ويحطون كريمات شمس.

يا صديقي العراقيين رواحهم طالعة،
عيشو مثل متحبون، ويا الناس الي تحبوهم،
ترا احنا اطك واحد بينا ماكل نفس الازدحام و نفس الطسات و مذلول نفس الذلة بدوائر الحكومة.

دمتم بخير ❤️.

#دخان
@s5mok

تخيلوا لو الناس تگدر تسمع أفكاركم ! 😂❤️

شنو أهم صفة تحسون لازم تكون موجودة

بالعلاقة الصحية ؟
خلال فترة زمنية أبداً مو طويلة، تعرضنا ك شباب و بنات لكم هائل من المسلسلات و الأفلام الي تتحدث عن قصص الحب و الغرام ناهيك عن كروبات الفيس بوك الخاصة بمشاكل المتزوجات المليئة بكل انواع العلاقة الغير صحية
الافلام ، المسلسلات الغربية والشرقية، الانمي و الشعر الشعبي الخ طلعت إلنا جيل يحس بشعور مختلط بين إنو هو يريد علاقة يرتاح بيها و بين إنو هو يريد علاقه بيها اكشن واحداث يومية.
عركة وكسرة إيد وراها باقة ورد و سفرة علی گد ما تعودوا على الاكل المالح والسبايسي، بعد التمن و المرگ
صار ( اولد فاشن )
اني مدا الوم احد ابداً،
شريك الحياة هو شخص راح تعيش وياه طول حياتك ،
ليش لازم يكون هوسة و عصبي وملعب و شیل و رگع؟
ليش لازم يكون يخوفج ؟
إنت أصلا ليش تحبين الخوف ؟

تذكري دائماً إنو العلاقات الي دتنتشر من خلال المسلسلات، هي أغلبها
علاقات متصلح لكعدة و عيشة طول العمر
و إنتِ متستاهلین هیچ

#دخان
@s5mok

ليلة جمعة مُبارڪه

نسَألڪم الدُعاء ڪثيراً 🌱 💚

#دخان
@s5mok

(هنيالهم)
سامعين هالجمل على شي يخصكم قبل؟
إحنا منشوف غير لمعان النهايات دائماً، شگد فلان عنده فلوس شگد فلانة مشهورة شكد فلان عضلاته حلوة
و تتكرر جمل تغمسنا بالفشل اكثر بعد
مثل جمل :
) هاي السيارات متجي غير بالحرام )،
) هاي لان حلوة صارت مشهورة والله يستر شسوت ) او اذا جنة حبابين راح نكول هنيالهم محظوظين.
الحظ الاعمى قد يكون موجود بمواقف معينة مثل الورث او الترند المفاجئ الي يخلي احد معين مشهور بس مع ذلك هو مو الحالة العامة و إذا ما كان الشخص واعي و أحسن ادارة هذا الحظ حيروح
كلشي.
أما غالبية الناس فتنجح بالتخطيط الجيد والجهد الكبير و المحاولة و الأخطاء وإعادة المحاولة مرات غير معدودة لحين النجاح.
حنطيكم مثال هواي بينا عايشيه او گایلیه مرات هواي :
) آني لو اقرا اطلع الاول على الطلاب )
وقد يكون فعلا لو تقرا تطلع الاول المشكلة انك مكاعد تقرا او مكاعد
تشتغل.
اني هنا اريد اكلك إنو الناس النجحت مو احسن منك جينيا غالباً،
هم فقط سووا الي انت فشلت بيه
سووا الشي المتعب و الممل و الي مينومك الليل من التفكير.
فيا صديقي احسن مما تضحك على روحك و تگول هذا حظ و تكرر
الجمل الي تغمسك اكثر بالفشل حاول تسوي الي هم سووه.
دمتم بخير❤️🫴

#دخان
@s5mok

شنو شغل الوالد و الوالدة ؟

شغل ابوك مو عيب ، و شغل امك مو عيب ، هاي ظروفهم ، حتى اذا مجانوا مجتهدين كفاية حسب رأيك، فمو من حقك تحاسبهم على هالشي.
كونك تشوف انه شغل ابوك بالمحل ميليق بيك و بالشلة الي تريد تمشي وياها فهذي مشكلة بيك مو بابوك ، الرجل هذا الي كدر يسويه بحياته ، الشغل مو عيب ، اي شغل بسيط بالدنيا احسن من البوك و النصب و
الإحتيال و أحسن من الكعدة و العيشة على الصدقات.

اكو مقدم مال برامج عربي ما أذكر إسمه والده كان يصلح الاحذية و هو متعلم المهنة أيضاً، فمره بوحدة من البرامج رادوا يحرجوه ، فهو كلهم اي هو هيچ چان شغله و چان متقن لشغله أيضاً، و آني هم اعرف اشتغل ، و اذا عدكم حذاء اكدر أصلحه
كل الوادم كامت صفكتله
الشاهد محد راح يكدر يعيرك بشي او ينتقص منك إلا اذا انت ما
اعتبرت هالشي عار و عيب
فعلمود تكدر تعيش حياة محترمة ومستقرة
تصالح و يا واقعك و شد حيلك و غيره اذا ما چان عاجبك.

دمتم بخیر❤️🫴

#دخان
@s5mok