("هتغير عشان الجنة تستاهل:-) 💪♥ @quraaanny152000 Channel on Telegram

("هتغير عشان الجنة تستاهل:-) 💪♥

@quraaanny152000

القرآن ينتشلك مما أنت فيه من الهمِّ والحزن.") ♥

هنتغير عشان الجنة تستاهل💪♥

qurany152000 (Arabic)

تهدف قناة qurany152000 إلى تقديم القرآن الكريم كمصدر للراحة والهدوء للمشتركين. يقولون إن القرآن ينتزع الإنسان من الهموم والحزن، ويمنحهم السلام الداخلي والقوة. مع محتوى متنوع يشمل تلاوات وتفسيرات ودروس، ستجد في هذه القناة الموارد اللازمة لتعزيز علاقتك بالقرآن ولتحقيق الفوائد الروحية والعقلية والجسدية. انضم إلى qurany152000 اليوم وابدأ رحلتك نحو التغيير وتحقيق الجنة التي تستحقها!

("هتغير عشان الجنة تستاهل:-) 💪♥

12 Feb, 17:14

فكرة إن فيه قنطرة في الآخرة مطمئنة ومخيفة في نفس الوقت

مظالمنا هتتردلنا

طب والناس اللي أذيناهم بقصد أو بدون!
ما احنا برضو مش ملايكة وأكيد فيه ناس ليها عندنا حقوق

لو الواحد هيثبت دعوة في سجوده هيخليها يا رب محدش يوقفني ع القنطرة )؛

شعور صعب لما تفتكر إنك كده خلاص نجوت، وتلاقي ناس موقفاك

ولو حسناتك خلصت تتحاسب على ذنوب انت ما عملتهاش عشان يستوفوا حقوقهم منك

ناخد بالنا من المظالم خاصة المعنوية، والله المستعان )'

ذات النونين.. 💚
22
("هتغير عشان الجنة تستاهل:-) 💪♥

12 Feb, 16:02

لا بأس بكُل آلام العام.
رمضان آتِ!
https://t.me/Quraaanny152000
75
("هتغير عشان الجنة تستاهل:-) 💪♥

12 Feb, 15:55

مفتاح اتعلمته من مدة،
بدأ يخليني مرتاحة

بلاش تعشم حد في حاجة أنت مش هتقدر تعملها، والتزم بكلمتك إذا قولتها

يعني طاقتك مش جايباك أنك تعملها
بلاش تقولها
خليك أد كلمتك وصادق
قولت لفلان هرنلك رن
قولت لفلان هكلمك كلمه
بلاش ترمي كلام مش مناسبك

سبحان الله بحب جدًا الإنسان
اللي بيحترم كلمته
ويكون أدها
لأنه بيحترم نفسه واللي حوليه

وبناءً عليه تصرفات اللي حوليك هتكون مشابهة
بحد كبير، فهيلتزموا معاك
يعني بداية شغلي كان لازم ألتزم بمواعيدي بالدقيقة وإلا هيحصل خلل في يومي
وهتنهال علي مجموعة من الاعتذارات
وأنا مبحبش فكرة أني أعتذر لحد كتير!
فعلشان أتلاشى دا
ظبطت مواعيدي
وقولت للطالبات عندي اللي هتتأخر دقيقة
هتتحسب عليها
ولو أخرتي زيادة عن كدا هلغي الموعد

بدأت بنفسي وكنت موجودة بالثانية على الموعد
وكذلك هما مع الوقت مفيش واحدة كانت بتتأخر دقيقة بل بدؤا ينتظروني علشان عارفين أني بكون في موعد تاني

جاهدوا نفسهم وحاولوا ووصلوا بفضل الله

كتير منهم حياته اتغيرت بداية من هنا
وبدؤا يضعوا حدود لكل حاجة
ويلتزموا ويجاهدوا

من كام يوم حصل معايا موقف، فيما معناه الأستاذة كانت بتقول طالما قدمت فلازم أوفي لآخر لحظة علشان متعودش على الاستهتار ففرحت جدًا

فطالما عطيت كلمة اتحمل مسؤوليتها،
طالما دخلت دورة اتحمل تبعاتها..
وتبعات كل قراراتك..
أنت مُسلم.


لصاحبه
85
("هتغير عشان الجنة تستاهل:-) 💪♥

12 Feb, 07:21

صباح الخير..

لا تضع ضغطًا على نفسك لتحقيق التَّغيير بسرعة..
فكِّر في كلِّ خطوة تأخذها نحو نمط حياة أفضل كنجاح بحدِّ ذاته. حافظ على خُطاك الصَّغيرة...

خطوات صغيرة مُثمرة = تمهيد لنجاحات وإنجازات وتحوُّلات عظيمة.. بأمر الله... ♡)).
195
("هتغير عشان الجنة تستاهل:-) 💪♥

12 Feb, 07:17

إن الله إذا كلّف أعان
فلا تنظُر لثُقل التكليف، وانظر لقدرة المُعين..

"لا يُكلّفُ اللهُ نفسًا إلا وسعَها"

كل مسؤولية ألقاها الله على عاتقك أنتَ لها، فاستعن بالله ولاتعجز.
194
("هتغير عشان الجنة تستاهل:-) 💪♥

12 Feb, 07:15

لاي استفسار او سؤال 🌿
191
("هتغير عشان الجنة تستاهل:-) 💪♥

11 Feb, 22:06

« نام وأنت مغفور الذنب »
‏من قال حين يأوي إلى فراشه:
لا إله إلا الله وحده لا شريك له،له الملك وله الحمد وهو على كل شيء قدير،لاحول ولا قوةً إلا بالله،سبحان الله والحمدلله ولا إله إلا الله والله أكبر
‏غفر الله ذنوبه وإن كانت مثل زبد البحر
283
("هتغير عشان الجنة تستاهل:-) 💪♥

11 Feb, 22:05

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
264
("هتغير عشان الجنة تستاهل:-) 💪♥

11 Feb, 20:33

‏كُل لَيلة خُتمِت بتلاوة سُورة المُلك، بشّر لصاحِبها فِي حياته بعودة قلبُه للفِطرة، وفِي الآخِرة بشفاعتها لَه.

قَالَ رَسُول اللَّهِ ﷺ :
«إِنَّ سُورَةً مِنَ القُرْآنِ ثَلاَثُونَ آيَةً شَفَعَتْ لِرَجُلٍ حَتَّى غُفِرَ لَهُ، وَهِيَ سُورَةُ تَبَارَكَ الَّذِي بِيَدِهِ المُلْكُ».
303
("هتغير عشان الجنة تستاهل:-) 💪♥

11 Feb, 20:33

عارف القصة اللي بتحكي إنهم في الجا.هلية كانوا بيصنعوا الصنم من العجوة ويعبدوه بالنهار ولو جاعوا بالليل أكلوه!

أبو رجاء العُطاردي حكى قصة أغرب من القصة اللي فاتت؛ قال إنهم في الجاهلية كانوا بيعبدوا الأصنا.م من الحجارة، فلو كانوا بيعبدوا حجر وبعد كده لقوا حجر شكله أفضل منه سابه الحجر اللي عبدوه وعبدوا اللي عجبهم!
ولو مالقوش حجر يعبدوه، كانوا بيجمعوا حفنة من التراب ويجيبوا شاة يحلبوها وياخدوا اللبن يعجنوا بيه التراب ويشكلوه وبعد كده يعبدوه!

قال:"كنا نعبد الحجر، فإذا وجدنا حجرًا هو خير منه ألقيناه وأخذنا الآخر، فإذا لم نجد حجرًا، جمعنا جُثوة من تراب، ثم جئنا بالشاة فحلبناه عليه، ثم طفنا به!"

الحمدلله على نعمة الإسلام والنشأة في رحاب الإسلام ❤️
#من_سيرة_سيدنا_النبي
#هبة_شلبي
295
("هتغير عشان الجنة تستاهل:-) 💪♥

11 Feb, 17:41

حاول تعيش مع شريك حياتك اللحظة لما يحب يعمل حاجة مبهجة او لطيفة ، وبلاش تحط العقدة في المنشار.

# يعني لما جوزك يقولك تعالي نتغدى بره او نتفسح لوحدنا (إذا قال أساسا 🙃 ) .. وبلاش بقي الجو بتاع (طب والعيال نوديهم فين ؟.... او انا مش هاين عليا اننا ننبسط والولاد مش معايا .... او الجو برد ومش هاقدر أنزل....او هو انا لسه هاكوي هدومي وألبس ؟.... او ما تيجي نجيب بنفس الفلوس ٢ كيلو لحمة ناكلهم على إسبوعين 😄)

# او لما مراتك تنكشك و عاوزة تتكلم و تهزر وتتنطط معاك ....او عاوزة تقعد معاك قعدة رومانسية ...او تقولك تعالى ننزل نتمشى شوية.
بلاش كل مرة الجو بتاع (انا لسه راجع م الشغل تعبان ودماغي مصدعة ...او إيه شغل المراهقين ده؟)

الاحسن اننا نقول (يلا .... انا معاك) .

ولو في عائق فعلا ممكن يعمل مشكلة (زي الولاد او غيره) ، فكر مع شريك حياتك بصدق وبروح إيجابية إزاي تتخطوا العائق ده من غير ما يكون في ضرر لحد ، او تفكروا في البديل.
وساعتها لو الموضوع إتكنسل لان الظروف فعلا ماتسمحش او لو كنت فعلا مش قادر تشاركه ، وقتها مش هايضايق منك لانه شاف حرصك انك تشاركه في أوقات تانية في اللي هو عاوز يعمله.

#عيش_معايا_اللحظة
#دفا_البيوت
#محمد_فتحي
318
("هتغير عشان الجنة تستاهل:-) 💪♥

11 Feb, 16:43

انضموا يا بنات فضلاً

ساعات وتنتهي المسابقة!
عايزة اكسب❤️😔
289
("هتغير عشان الجنة تستاهل:-) 💪♥

11 Feb, 14:09

"إنما عظُمَت صدقة عثمان يوم تبوك لأنها كانت ساعة العسرة"

الصدقة: تدفع البلاء، تبارك في الرزق، تفرّج الكُرب، تجلب السعادة.
324
("هتغير عشان الجنة تستاهل:-) 💪♥

11 Feb, 14:09

حصنكم
323
("هتغير عشان الجنة تستاهل:-) 💪♥

11 Feb, 10:39

نذكركم بصيام ايام البيض لشهر شعبان ، وهو الشهر الذي ترفع فيه أعمال السنة إلي الله عز وجل ، فـ اجتهدوا فيه قدر إستطاعتكم

ايـــــام البيــض
١_ الأربعاء ١٣ شعبان
٢_ الخميس ١٤ شعبان
٣ _ الجمعة ١٥ شعبان

ثلاث أيام وأجرها بإذن الله عظيم من الله
اللهم بلغنا رمضان ونحن في أفضل حال

ان لم تكن فيها من قوافل الصائمين فذكر بها غيرك، ف ميزان حسناتك..
347
("هتغير عشان الجنة تستاهل:-) 💪♥

11 Feb, 07:59

تعلق بالقرآن ولا تخشي الخذلان ..💜!

#افتح_مصحفك
347
("هتغير عشان الجنة تستاهل:-) 💪♥

11 Feb, 07:54

صبّحكم الله بالخير.

يوم جديد!🌸

بسم الله نبدأ
بقالي فترة مقصرة في الأذكار بس حسيت شيء بيذكرني بيها النهاردة بشكل غريب!

فبسم الله نبدأ ونقرأها
ونقرأ ورد القرآن ونحاول تاني نرجع لربنا مرة تانية

الأيام ثقيلة
والآلام شديدة
لكن احنا بنحاول
نخفف الآلام دي بالقرآن

بسماعه أو تدبره وتلاوته

فشدوا همتكم
رمضان قرب والأيام بتتقلص

عايزين ندخل رمضان بهمة عالية🤍
370
("هتغير عشان الجنة تستاهل:-) 💪♥

10 Feb, 22:48

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
365
("هتغير عشان الجنة تستاهل:-) 💪♥

10 Feb, 22:48

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
356
("هتغير عشان الجنة تستاهل:-) 💪♥

05 Feb, 16:42

عايزين نخلصها بقا

همتكم يا كرام
التبرعات شحيحة جدا جدا والله 💔
100
("هتغير عشان الجنة تستاهل:-) 💪♥

05 Feb, 16:42

بسم الله،

التنافس بين المسلمين لا يبدأ من أول رمضان بل من أول الإعـداد له
وَلَوْ أَرَادُوا الْخُرُوجَ لأَعَدُّوا لَهُ عُدَّةً

فإن عودت نفسك في شعبان على قراءة حزب من القرآن يوميًّا، فإنه يرجى أن يكون نصيبك في رمضان ختمة من القرآن.
وإن عودت نفسك في شعبان على قراءة جزء يوميًّا، فإنه يرجى أن يكون نصيبك في رمضان ختمتين من القرآن.

وكلما زدت من تدريب نفسك وعلا وردك من القرآن في شعبان، تعددت ختماتك أكثر في رمضان.

أما إن لم تجرب أن تفتح مصحفك في شعبان وتُمَني نفسك أنك ستختمه في رمضان فإن ذلك غالبًا لا يحدث، بل الواقع أنك ستتحمس لقراءة القرآن في الأيام الأولى من رمضان ثم سرعان ما يصيبك الفتور والملل فتستثقل القراءة وتتركها حتى ينتهي رمضان ولم تختم القرآن ختمة واحدة!

فلا تتبع هواك في شعبان ثم تتمنى على الله الأماني في رمضان
افتح مصحفك وابدأ قراءة القرآن الآن.
الآن وليس غدًا.

ميلي سيرو
98
("هتغير عشان الجنة تستاهل:-) 💪♥

05 Feb, 15:30

متبقي 31 سهم
السهم ب 50ج

اتقوا النار ولو بشق تمرة!

وأنفقوا مما رزقناكم من قبل أن يأتي أحدكم الموت فيقول رب لولا أخرتني إلى أجل قريبٍ فأصَّدَّق !

01065194208
113
("هتغير عشان الجنة تستاهل:-) 💪♥

05 Feb, 13:44

الإيمان بالقضاء والقدر عقيدة، لكنه يحتاج إلى عبادة يومية،

عبادة يوطن المرء فيها يوميا :

- عقله أن كل ما يحدث وما سيحدث هو مكتوب،
وأن تضع قول النبي "لو قُدر لكان" نصب عينيك،

- مشاعره : أن ما يحدث هو الحكمة المطلقة والأنسب لك ولغيرك،
وقد أخفى الله عنك الحكمة إختبارا لرضائك بحكمته وقدرته،

- سلوكه : أن كل شيء مقدر يعني أني أفعل ما أراه مناسبا بعد التوكل على الله،
فلا أحمل هم النتائج لكني أحمل مسؤولية السعي.

- احتياجاته : أنك لن تحصل على أكثر مما تحتاج،
وأنك تريد لا يعني أنك لا تستطيع العيش بدونه،
فتوطن نفسك على المتاح وتمتن له.


د. سعيد م. الإملام.
165
("هتغير عشان الجنة تستاهل:-) 💪♥

05 Feb, 06:34

احنا في شعبان والوقت على رمضان بيتقلص خلاص حرفيًا

أنا عارفة إن أغلبنا الفتن أهلكته
حتى احنا مش عارفين نبدأ منين

وكل ما نقوم بنقع باستمرار
مفيش حرفيًا أي شيء بقا بينفع

لذلك في الأيام الباقية هنحاول بس هنحاول نرجع للقلب همته بحاجات بسيطة خالص

الأول هنركز على نقطتين:

-ترك المعاصي
-التركيز على الفروض والطاعات الأساسية

الأول هنقعد نراجع نفسنا إيه الذنوب اللي بنقع فيها نعمل إحصائية سريعة كدا

-تأخير صلاة؟
-أغاني؟
-مسلسلات؟
-غيبة؟
-علاقة مُحرمة؟
-عدم غض بصر؟

والقائمة طويلة يعني وكل حد فينا له بابا ضايع فيه

الخطة هتكون على مدار الأيام الجاية إننا نحاول نقطع أي ذنب والأسباب المؤدية ليه
يعني أنا مش بصلي
ليه؟
ونعدد الحاجات اللي بتخلينا نتراخى
ونشيلها من جذورها تمامًا
بحيث إننا نعالج المشكلة من الأساس
مش نعمل لها حل مؤقت وخلاص:)

وناخد بالنا في حاجات زي الصلاة مفيش فيها تهاون دي هنصلي يعني هنصلي
مش هناخدها تدريجي الصلاة مفيش فيها تدريج.

دي الذنوب هنشوف السبب اللي مخلينا نقع ونحله.

الطاعات بقا
هنعمل تارجت صغير لنا بالحاجات البسيطة
المهم نحاول
-الصلاة على وقتها
وهيساعدنا في كدا الوضوء بشكل مستمر يعني حاولوا تحافظوا طول الوقت على وضوئكم
ودا هيخلينا نمسك المصحف باستمرار بردو
مش يعني حتى لو مش قادرين على كل النوافل
المهم نافلة الفجر بس هنجتهد في الباقي بردو عادي وحتى لو هنصلي واحنا قاعدين النافلة ونحصل نص الأجر بس المهم هنحاول.

من الحاجات اللي لاحظت بعدها تحسن في الصلاة بردو كانت دروس صحة القلب للشيخ سمير مصطفى
كانت جميلة هما ٣ دروس بس
بس سبحان الله فيهم خير رهيب!

مش لازم دروس كتير عن رمضان الدروس اللي بتحسوا إنها بتعلي همتكم اسمعوها
رمضان محطة وليس غاية يعني الغاية الجنة
اللي تحسوا قلبكم بيتغير فيه كملوا مش لازم الدروس اللي حد يقترحها تنفعك كل حد أدرى بحاله..

-القرآن الوقت خلاص مبقاش فيه متسع هنحاول نحافظ على ورد يومي ساعة متقسمة على مدار اليوم
مش عدد أجزاء هي ساعة بعد الفجر شوية
قبل النوم
في المواصلات وهكذا
اليوم هيكون فيه بركة بإذن الله🌸.
والسماع السماع
بصوا اعملوا ختمة من دلوقتي لحد آخر رمضان
مش لازم تخلصوا الختمة في الوقت الباقي بس لا براحتكم خالص!

اقتراحات لأصوات بحبها ولطيفة وهادية:
-الشيخ وديع اليمني نعيم والله عشت معاه رمضان اللي فات كنت عايشة في الجنة بدون مبالغة كنت مستأنسة وعايشة في هدوء وكل ما نفسي كانت تضيق بيا كنت بشغله مؤنس بشكل!

- الشيخ محمد الغزالي جميل جميل بجد كأن الآيات بتدخل القلب بشكل مش طبيعي تحس إنه بيقرأ بقلبه مش بلسانه..

-الشيخ أحمد ديبان -ورش- عشت معاه رمضان قبل اللي فات
وكان بداية عهدي بختمات السماع
كنت عايشة رمضان دا كأني في الجنة قلبي وأذني كانوا لأول مرة يكونوا في الحالة دي بجد
كنت خارجة من رمضان بسبب الختمة دي حاسة إني مش أنا!
بقيت حد جديد وقلبي كأنه اتغسل حرفيًا من كل الذنوب!

وغيرهم كتير بس بتكلم عن تجربة في ختمات كاملة مش سور معينة بس..

وحددوا سورة لها تدبر لأي شيخ ممكن سورة يوسف لدكتور أحمد عبد المنعم
تحفة بجد هتغير من حالتكم بشكل مش طبيعي!
جميلة أوي أوي:))

الصيام بقا:))
أغلب الناس لسه عندها أيام الوقت لسه قدامنا نلحق نقضي فيه
بلاش نزنق نفسنا أكتر من كدا
الجو جميل واليوم قصير مفيش حجة..
وكمان أكثر من الصيام في شعبان النبي ﷺ كان بيصوم شعبان كله إلا قليل..

طبعًا الأذكار معانا حتى الأيام اللي بنكسل فيها هنحاول نقسمها على فترات عادي

الذكر نخلي لساننا دايمًا رطب بالذكر هتحسوا بأنس رهيب وتيسير عجيب من فضل ربنا ورحمته بيكم!

الصدقة🤍
الصدقة طول الوقت بنية إننا ندخل الجنة بنية إن ربنا يفتح علينا
احنا لما بنكون عايزين شيء دنيوي بنبذل كل جهدنا فيه
ما نتصدق لأجل الآخرة؟
نحاول لأجل ربنا يدخلنا الجنة!

الأهم من كل حاجة بقا
إننا نستعين بالله قبل كل خطوة
كل اللي فوق دا مش هيحصل منه حرف واحد لو حاولنا بنفسنا بدون الاستعانة بالله
يا رب أنا لوحدي مش بقدر والله!
يا رب أعني على نفسي يا رب أنا عايز أدخل الجنة!
مش هقدر أموت وأنا بعيد وأنا فاسد
يا رب يا كريم أعني يا رب!!

الدعاء واللجوء لربنا طول الوقت قبل ما ننام نقول يا رب صحيني للفجر بدون إرادتك مش هصحى
يا رب يسر لي الذكر
يا رب حبب الإيمان إلى قلبي
يا رب الجنة يا رب

احنا لازم نتذلل لربنا احنا ملناش غيره والله!

باختصار لكل اللي فات:))
-نستعن بالله
-هنبطل الذنوب
-هنجتهد في العبادات بالحد الأدني وقليل دائم خير من كثير متقطع..

لصاحبه
240
("هتغير عشان الجنة تستاهل:-) 💪♥

04 Feb, 23:33

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
295
("هتغير عشان الجنة تستاهل:-) 💪♥

04 Feb, 23:32

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
283
("هتغير عشان الجنة تستاهل:-) 💪♥

04 Feb, 20:31

- هو أبو بكر ماله؟ ليه ماشي حزين ورافع هدومه كده؟!
= اتخانق مع عمر بن الخطاب.
- طب واتصالحوا؟
= للأسف أبو بكر لما راح ورا عمر عشان يصالحه ويطلب منه يسامحه، عمر رفض وقفل في وشه الباب!

في يوم سيدنا أبو بكر و سيدنا عمر بن الخطاب رضي الله عنهما كانوا قاعدين يتناقشوا وبيتكلموا في موضوع معين، وفي وسط الكلام والنقاش اللي كان داير بينهم، سيدنا أبو بكر للأسف بدون قصد قال حاجة زعل منها سيدنا عمر، فغضب سيدنا عمر وقام من مكانه وساب سيدنا أبوبكر ومشي!

فسيدنا أبو بكر رضي الله عنه حس بخطأه في لحظتها فقام بسرعة ورا سيدنا عمر عشان يتأسفله ويطلب منه إنه يسامحه، وللأسف زَعَل سيدنا عمر كان كبير جدًا وسيطر على مشاعره تمًامًا، فرفض صلح سيدنا أبو بكر رضي الله عنه مش بس كده، لا، ده دخل بيته وقفل الباب في وجه سيدنا أبو بكر!

فسيدنا أبو بكر حزن جدًا من اللي حصل، فمشي وراح لسيدنا النبي صلى الله عليه وسلم، ومن شدة حزنه من موقف سيدنا عمر معاه كان ماشي وهو مش واخد باله ورافع الرداء بتاعه لدرجة إنه كان واصل لركبته وكانت باينة!

فلما دخل بالمنظر ده على سيدنا النبي صلى الله عليه وسلم، وسيدنا النبي شاف حال صاحب عمره كده عرف إنه حزين وإنه دخل في خصومة مع حد، فبص صلى الله عليه وسلم للصحابة اللي كانوا قاعدين معاه وقالهم:"أمَّا صَاحِبُكُمْ فقَدْ غَامَرَ"
-يعني إيه غامر؟!
=خاصم.

فسيدنا أبو بكر سلم على سيدنا النبي صلى الله عليه وسلم والصحابة وبعد كده بص لسيدنا النبي وقاله:"إنِّي كانَ بَيْنِي وبيْنَ ابْنِ الخَطَّابِ شَيءٌ، فأسْرَعْتُ إلَيْهِ ثُمَّ نَدِمْتُ، فَسَأَلْتُهُ أنْ يَغْفِرَ لي فأبَى عَلَيَّ، فأقْبَلْتُ إلَيْكَ"

فسيدنا النبي صلى الله عليه وسلم أخد بخاطر سيدنا أبو بكر ودعاله ٣مرات وقاله:"يَغْفِرُ اللَّهُ لكَ يا أبَا بَكْرٍ"❤

-وسيدنا عمر؟!
=في الوقت اللي كان فيه سيدنا أبو بكر عند سيدنا النبي صلى الله عليه وسلم، حس سيدنا عمر بغلطته الشديدة في حق سيدنا أبوبكر وإن مهما حصل ماكنش ينفع يعمل كده مع سيدنا أبو بكر أبدًا، فندم، وقرر يروح لسيدنا أبو بكر في بيته عشان يصالحه.
-بس سيدنا أبو بكر كان عند سيدنا النبي مش في بيته.
=ده حقيقي، و عشان كده لما سيدنا عمر مالقاش سيدنا أبوبكر في بيته راح لسيدنا النبي صلى الله عليه وسلم وفعلًا لقى سيدنا أبو بكر هناك.
-وإيه اللي حصل؟!
=لما دخل سيدنا عمر على سيدنا النبي صلى الله عليه وسلم والصحابة ورمى السلام عليهم، لاحظ سيدنا أبو بكر إن ملامح سيدنا النبي غضبانة جدًا من سيدنا عمر، فخاف سيدنا أبوبكر علي سيدنا عمر من غضب سيدنا النبي بسببه، فنزل سيدنا أبو بكر على ركبته قدام سيدنا النبي في تذلل وشفقة على سيدنا عمر وقاله:"يا رَسولَ اللَّهِ، واللَّهِ أنَا كُنْتُ أظْلَمَ، مَرَّتَيْنِ"
(بمعنى إنه هو اللي بدأ وزعل سيدنا عمر الأول)

فسيدنا النبي صلى الله عليه وسلم بغضب بص للصحابة رضوان الله عليهم واللي كان منهم سيدنا عمر وقالهم:"إنَّ اللَّهَ بَعَثَنِي إلَيْكُمْ فَقُلتُمْ: كَذَبْتَ، وقَالَ أبو بَكْرٍ: صَدَقَ، ووَاسَانِي بنَفْسِهِ ومَالِهِ، فَهلْ أنتُمْ تَارِكُوا لي صَاحِبِي؟فَهلْ أنتُمْ تَارِكُوا لي صَاحِبِي؟"

وقيل إن من وقت الموقف ده لحد لحظة وفاة سيدنا أبو بكر ماحدش من الصحابة قدر يزعل سيدنا أبوبكر أبدًا ولو لحظة واحدة!❤
والله أعلم.
#سيرة_صحابة_رسول_الله🌱🌻
علمنا الله واياكم🌸
الشير مفتوح وهو الأفضل ياحبايب✋🌻
#هبة_شلبي
417
("هتغير عشان الجنة تستاهل:-) 💪♥

04 Feb, 17:37

مرة واحد صاحبي قال لي ( أكتر حاجة حسيت بيها في الأيام اللي قبل الطلاق اني حسيت اني خسرت نفسي ، انا بقيت عصبي و قاسي جدا ، أنا من كتر المشاكل عملت تصرفات ماكنتش متخيل إني أعملها )

وفي احد الجلسات ، وتعقيبا على كلامها معايا عن خناقتها مع جوزها قالت : (انا ماكنتش أتخيل في يوم من الأيام قبل الجواز إني أقول الكلام اللي انا قولته لجوزي ،ولا إني أصرخ كده، الضغط والاحساس بالقهر وكتر المشاكل خلوني بقيت إنسانة مشوّهة وبقيت حد تاني أنا إتغيرت ، حتى ملامحي بقت حادة)

من أكبر الخساير اللي بتحصلنا لما بندخل في جوازة العلاقة فيها مش سوية إننا بنتغير للأسوأ و بنتشوّه وبنعمل و بنتعلم حاجات ماكناش نتخيل إننا نعملها او نتعلمها في يوم من الأيام.

عشان نهرب من الضغط والتربص والوقوف ع الواحدة بنتعلم الكدب والتحوير .
ومن كُتر ما الطرف التاني مابيعترفش بغلطته بنتعلم الجدال وقلب الترابيزة.

ومن كتر الإهانة بنتعلم القسوة وبنتعلم إزاي نرد الإهانة ولو بالإهانة.
ومن كتر الأعذار إتعلمنا مانقبلش الإعتذار..

من كتر التريقة والتقطيم ، الثقة بالنفس بقت في الأرض .

ومن كُتر العِند إتعلمنا العند وحاولنا نكسر العِناد بالعقاب

صحيح احنا بنأكد دايما على فكرة الصبر على المشكلات ، وعلى ضبط ردود افعالنا ، وعلى المحاولة المستمرة في الحفاظ على البيت من الهدم .

لكن خلينا نقول أيضا ان المشاكل الصعبة والمتراكمة الكتير ممكن تغيرك و تغير شريك حياتك وتحوُلكم لحد تاني ماتعرفهوش ، وبشكل لا نتخيله

فبلاش نتصرف برعونة و صبيانية ، و نتساهل في اننا نضغط على بعض و ننكد على نفسنا وعلى اللي عايشين معانا.

#دفا_البيوت
#محمد_فتحي
605
("هتغير عشان الجنة تستاهل:-) 💪♥

04 Feb, 11:03

ناقصات عقل ودين!

لو جبت راجل وعرضت عليه عرض لطيف، وقولتله" هنشيل في بطنك أمانة وزنها كام كيلو لمدة تسع شهور، بس خلي بالك الموضوع ده هيأثر على نومك، مشيتك، حركتك، تنفسك، نفسيتك، وشكل جسمك هيتغير ١٨٠ درجة!
ومش بس كده، لا، ده احنا بعد التسع شهور هنبنجك بحقنة في ضهرك عشان نعرف نفتح بطنك ونطَلع الأمانة وبعدين هنخيطلك مكان الفتح واللي وارد جدًا يسيب علامة تلازمك طول عمرك!"

طبعًا هيرفض، ومش بعيد يشتمك ويصفك بالجنون!

برغم إن الشخص ده هو هو اللي ممكن يحط ايده في وسطه ويتعوج ويبص لبنت من فوق لتحت بقمة الإشمئزاز في أي نقاش كمحاولة أخيرة لترجيح كفته ويقولها:"صحيح ناقصات عقل ودين"!

برغم إن عقل الست الغير كامل هو اللي خلى الست والدته تتنازل عن كل الجنون اللي فوق ده كله وتختار الأمومة فتحمل وتخلفه!
وإن لولا مشاعرها اللي طغت على تفكيرها ماكنتش فكرت تخلفه وتبلينا بعقليته دي!

أما نقص الدين فده لوجود عذر شرعي يمنعها من القيام بفروض وطاعات زي الصلاة والصوم.

فبما إن حضرتك كامل العقل فحكم عقلك واستخدمه بدل ماتركنه كده وتفتكر إن ناقصات عقل ودين إهانة!
والله أعلم.
#ناقصات_عقل_ودين.
#هبة_شلبي
672
("هتغير عشان الجنة تستاهل:-) 💪♥

04 Feb, 08:06

"وخُذ من صلاةِ الضُحى نافلةً لك ، عسى اللّٰه أن يُسكِنك بها منازل الأوّابين".
606
("هتغير عشان الجنة تستاهل:-) 💪♥

04 Feb, 08:06

أصبحنا نسألك أن تُآنِس خطواتنا بالخير والبركة، وأن تجعل سعينا لنا لا علينا يا ربّ

اللهم إنّا نسألك خير ما في هذا اليوم
فَتْحَه وَنَصرَه
ونورَه وَبَرَكته
وَهُداهُ.')🌿
617
("هتغير عشان الجنة تستاهل:-) 💪♥

03 Feb, 21:58

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
668
("هتغير عشان الجنة تستاهل:-) 💪♥

03 Feb, 21:58

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
612
("هتغير عشان الجنة تستاهل:-) 💪♥

03 Feb, 20:34

- ينفع أهادي حد بهدية جاتلي من حد تاني؟
= تعرف إن سيدنا النبي عمل كده!
- إزاي؟

واحدة ست راحت لسيدنا النبي صلى الله عليه وسلم تطلب منه يقبل منها هدية صنعاها بايديها مخصوص عشانه، الهدية كانت عبارة عن نوع من الثياب اسمها البُردة، بتتلبس فوق الملابس بغرض التدفئة، سيدنا النبي كان محتاج البُردة دي فقبلها منها وأخدها❤

وفي يوم، قرر سيدنا النبي صلى الله عليه وسلم يلبس البُردة على الجزء الأسفل من جسده الشريف ودخل بيها المسجد على الصحابة رضوان الله عليهم، فواحد من الصحابة مسك طرف البُردة فعجبته جدًا، فبص لسيدنا النبي صلى الله عليه وسلم وقاله:"يا رسول الله اكْسُنِيهَا"

-يعني إيه اكسُنِيهَا؟
=يعني عايز سيدنا النبي يديهاله، فسيدنا النبي وافق على الفور، وفضل لابسها صلى الله عليه وسلم وهو قاعد معاهم في المسجد، ولما روح بيها البيت، خلعها وطبقها وبعتها للصحابي اللي طلبها منه❤

فالصحابة اللي كانوا قاعدين وحاضرين الموقف كله من البداية للنهاية، اتضايقوا من تصرف الصحابي اللي طلب البُردة وإنه ماكنش يصح يطلب البُـردة دي من سيدنا النبي وهو عارف إنه صلى الله عليه وسلم محتاجها وعارف كمان إن سيدنا النبي مش هيبخل بيها عليه وهيديهاله حتى ولو كان محتاجها جدًا!، وقالوله بعتاب:"ما أَحْسَنْتَ، لَبِسَهَا النبيُّ صَلَّى اللهُ عليه وسلَّمَ مُحْتَاجًا إلَيْهَا، ثُمَّ سَأَلْتَهُ، وعَلِمْتَ أنَّهُ لا يَرُدُّ"!

فالصحابي رد عليهم وبرر موقفه وإنه ما طلبهاش عشان يلبسها ويتمنظر بيها وإنه حب لما يموت ويتكفن، يكون كفنه البردة اللي ريحة سيدنا النبي فيها، فقال:"إنِّي واللَّهِ، ما سَأَلْتُهُ لألْبَسَهُ، إنَّما سَأَلْتُهُ لِتَكُونَ كَفَنِي"🥺

-وده حصل؟
ايوة، كانت كفنه فعلًا لما ما. ت❤

فقد كان رسول الله صلى الله عليه وسلم كريمًا، سخيًا، لا يرد سائلًا ما استطاع، وكان لا يسأله أحد شيئًا إلا أعطاه❤❤
والله أعلم.
#سيرة_سيدنا_النبي🌻🌱
علمنا الله واياكم💙
الشير مفتوح وهو الأفضل ياحبايب✋💙
#هبة_شلبي
647
("هتغير عشان الجنة تستاهل:-) 💪♥

03 Feb, 17:24

‏"يا ربّ بلغنا رمضان بقلبٍ سليمٍ نقيٍ فتيٍ، وبدنٍ صحيحٍ قويْ، و همّة عالية.. تُعيننا بهم على حُسن الصيام و حُسن الصلاةِ و القِيام و مُلازمة الذكر و تلاوةِ القرآن."💛
590
("هتغير عشان الجنة تستاهل:-) 💪♥

03 Feb, 17:24

اقولكم على حاجة جوايا

انا باحزن جدا لما باشوف عروسة محجبة بتتساهل وتخلع الحجاب بتاعها يوم فرحها وتقبل انها ترقص قصاد الرجالة ، رغم ان جواها حتة رافضة النقطة دي ، بس بتضعف للاسف

وبازعل جدا ان العريس بيخضع لرغبة خطيبته انها تقلع الحجاب اليوم ده وانها تعيش الاجواء المعتادة في الافراح ، رغم انه من جواه رافض حاجة زي كده ، لكن بيقول( ليلة وهاتعدي).

الحفاظ على التستر يوم الفرح والإصرار على التخفف من المعاصي ، نقطة ارتكاز مهمة في الطريقة اللي بنتعامل بيها مع الضوابط الشرعية و معاني النخوة و المروءة في حياتنا بشكل عام قصاد التيار المجتمعي اللي بيدفع البنات للتخلي عن الحياء واللي بيدفع الشباب لقبول ده .

فرسالة لكل عريس وعروسة ، حقكم تفرحوا يوم الفرح ، وفعلا ده يوم مميز ، لكن مفيش داعي نبدأ حياتنا بمعاصي متشعبة ، وكأننا خرجنا من تحت مراقبة الله عز وجل .

شوفوا ايه اللي ممكن يتعمل بحيث تفرحوا ، وفي نفس الوقت إنتِ كعروسة لا تفقدي حياءك وحجابك ، وانت كعريس لا تحمل وزر كل المعاصي اللي هاتحصل في فرحك ومن غير ما تتخلى عن مروءتك ولا نخوتك.

#دفا_البيوت
#محمد_فتحي
625
("هتغير عشان الجنة تستاهل:-) 💪♥

03 Feb, 15:51

حياكم الله وبياكم! 💕

حُلِيّ هو استور شامل لما يخص زينة المرأة المسلمة بين محارمها ولا نحلل الخروج بهم أو استخدامهم خارج البيت

https://t.me/+Awxt8Gp3b880ZDM0
449
("هتغير عشان الجنة تستاهل:-) 💪♥

09 Jan, 22:45

التبرعات بقالها فترة واقفة خالص بالكاد يصل 50ج في اليوم واحيانا اقل او مفيش

همتكم يا كرام
ما علي ذلك عهدناكم عهدناكم سباقين الي الخير دايما
😢

01065194208
56
("هتغير عشان الجنة تستاهل:-) 💪♥

09 Jan, 22:44

فَٱنظُرۡ كَيۡفَ كَانَ عَٰقِبَةُ مَكۡرِهِمۡ أَنَّا دَمَّرۡنَٰهُمۡ وَقَوۡمَهُمۡ أَجۡمَعِينَ ♡
55
("هتغير عشان الجنة تستاهل:-) 💪♥

09 Jan, 22:22

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
65
("هتغير عشان الجنة تستاهل:-) 💪♥

09 Jan, 22:22

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
62
("هتغير عشان الجنة تستاهل:-) 💪♥

09 Jan, 21:15

ازيك
يهمني تكون بخير!

ليلة الجمعة
وأنت أكيد عارف يعني إي ليلة الجمعة
عيد المسلم، وتقدر تعيد أولوياتك تاني
حابب بس أفكرك بكلمتين

" الشعور بييجي بعد العمل "
يعني متقولش أنا فاقد شغفي
علشان الشغف دا كدبة!
لا في شغف ولا مهلبية :))

أنت محتاج تذاكر علشان تشعر بهدوء جواك
محتاج تعمل علشان تشعر بالسعادة
شوف لما بتخلص مثلاً كام صفحة
بتبقى فرحان إزاي
ولما بتخلص بودكاست معين!

سيبك من البودكاست
أنت لو سميت الله وقعدت ذاكرت صفحة بتقوم تكافئ نفسك عليها وبتبقى فرحان
وشاي من هنا على مشروب من هنا"

ودا معناه أن مفيش شعور قبل العمل
يعني أنت مش فجأة هتلاقيك حابب تذاكر!
ولا فجأة هتلاقيك فرحان فتقوم تعمل اللي وراك

أنت بتعمل اللي وراك علشان تتحسن
وتشعر بنفسك

افتكر فرحتك كدا لما بتسمع الورد وتاخد نجمة!
بتبقى عندك طاقة بعدها تحفظ المصحف كله

فهمتني!

لذا قوم اشتغل وبعدين شعورك هيجيلك:)

ومتنساش ورد الصلاة على النبي صلى الله عليه وسلم وسورة الكهف والدعاء للمسلمين
112
("هتغير عشان الجنة تستاهل:-) 💪♥

09 Jan, 16:54

باقي 212سهم
السهم ب 50ج

الصدقة أجرها عظيم
وعظيم ليلة ويوم الجمعة
ونحن الان في شهر من الاشهر الحرم
فهنيئًا لمن اغتنم هذه المضاعفات كلها
وربح البيع
إنما هي تجارة مع الله تعالى
فكن ذكيًا ولا تحرم نفسك
01065194208
190
("هتغير عشان الجنة تستاهل:-) 💪♥

09 Jan, 16:54

طول ما احنا في الدنيا مفيش حد هيقدر يخلي علاقته بكل الناس علاقة قوية وكويسة ومستقرة ومستمرة طول الوقت.

في رأيي - علاقتنا باللي حوالينا مرهونة بالمكان والزمان والمرحلة العمرية ومرهونة كمان بالظروف اللي بنمر بيها.

في كل مرحلة من عمرك هتلاقي مجموعة من الناس عددهم لا يتعدي صوابع اليد هم اللي بيمثلوا الدائرة اللي قريبة منك , ومكونات الدائرة دي بتتغير حسب المرحلة العمرية بتاعتك وعلي حسب المكان والزمان و الظروف.

لو انت بصيت لتاريخ حياتك , هتلاقي في كل مرحلة من عمرك كان في مجموعة قريبة منك جدا ، وانت مكنتش متخيل إنكم ممكن تبعدوا عن بعض ، لكن اللي حصل ان المجموعة دي اتبدل جزء منها أو كلها مع الوقت بمجموعة تانية.

ولو بصيت لعلاقتك مع شخص واحد من القريبين منك ، هتلاقي ان العلاقة بتمر بلحظات قوة ولحظات فتور

فاكر اصحاب المدرسة؟ فاكر اصحاب الكلية؟ فاكر قريبك الفلاني؟ فاكر زمايل شغلك الأولاني؟

فاكر أخواتك و شكل علاقتك بيهم؟ فاكر اخوك اللي كان عيل صغير وبقي دلوقتي اقرب الناس ليك؟ فاكرة اختك اللي كانت الأنتيم بتاعك ودلوقتي بتشوفيها في المناسبات بس.

علاقة الناس ببعض لا تخضع للقوانين ، بالاضافة الي ان علاقة الناس ببعض مرهونة ببقاءهم على قيد الحياة من الاساس

إدراكنا للموضوع ده بيهون علينا فكرة الفراق، وكمان بيقلل من صدمتنا من تغير مشاعر الناس ناحيتنا .

العلاقة الصافية النقية المتينة المستمرة في جنة الخلد ان شاء الله

لكن طول ما احنا في الدنيا ، حاول تخلي علاقتك مع اللي حواليك علاقة جيدة ،واستمتع بوقت القرب الشديد ، وهون عليك الفراق ، وتقبل لحظات الفتور

#دفا_البيوت
#محمد_فتحي
191
("هتغير عشان الجنة تستاهل:-) 💪♥

09 Jan, 13:02

الدنيا هتظهر ليك بصورة مش هترضيك في أوقات كتيرة:

واحد هيسبقك في دراسة عشان يستحق أو حتى لا يستحق

وواحد هيسبقك في ترقية باستحقاق وبدون استحقاق

وواحد هيشتغل قبلك باستحقاق أو بواسطة

خليك دائمًا فاهم إن رزقك المتأخر في وجهة نظرك جاي في وقته بالظبط..

د. حازم عبدالتواب
226
("هتغير عشان الجنة تستاهل:-) 💪♥

09 Jan, 09:18

صبّحكم الله بالخير ..

كنت واقفة بتوضى فسمعت صوت والدي فكملت وضوء عادي خالص الحمد لله
ومش عارفة ليه جه في بالي البنت اللي كانت على المسيحية ودخلت الإسلام وكانت بتسأل هل ينفع تصلي في الحمام ولا لا خوفًا من أهلها

فاستشعرت نعمة جميلة أوي إني مسلمة
وأهلي مسلمين
وكمان أهلي بيعينونا على الطاعة والعبادة وبيشدونا لها

فازاي الإنسان يغفل عن شيء زي دا
أظن لحد آخر لحظة في عمرنا نقعد نعد نعم ربنا علينا ونحمده علينا ونشكره
ونحمده ونبكي من كرمه ونخجل إننا بنعصيه رغم كل اللي الكرم والنعم دي ..
267
("هتغير عشان الجنة تستاهل:-) 💪♥

08 Jan, 18:51

- ده ياحبيبي عيط لحد لما اتفلق من العياط!💔
= فعلًا، أنا سمعت صوت صريخه طول الليل، هو كان بيصرخ كده ليه؟
- بسبب سيدنا عمر بن الخطاب.
= ليه؟ عمله إيه؟

في يوم بالليل في خلافة سيدنا عمر بن الخطاب رضي الله عنه، جت قافلة من التجار داخلة المدينة.

فسيدنا عمر عرض على سيدنا عبدالرحمن بن عوف رضي الله عنهما إنهم يقفوا يحرسوا القافلة بالليل سوا لحد مايطلع النهار، "واخد بالك مين اللي هيقف بنفسه يحرس القافلة؟!" سيدنا عمر بن الخطاب اللي هو وقتها كان أمير المؤمنين!❤

المهم سيدنا عبدالرحمن وافق على طلب سيدنا عمر طمعًا في الثواب، وفعلًا وقفوا هما الاتنين سوا طول الليل يحرسوا القافلة ويصلوا.
واحد يحرس و التاني يصلي وهكذا..

وفي وقت ماكان سيدنا عمر رضي الله عنه بيصلي، سمع صوت طفل بيصرخ جاي من بيت من بيوت سكان المدينة!، فحن قلبه لصريخ الطفل وصعب عليه، فراح لمصدر الصوت فلقى طفل رضيع بين ايدين امه بيصرخ، فسيدنا عمر رضي الله عنه قالها:"اتق الله وأحسني إلى صبيك!"
ورجع يكمل صلاته، وهو بيصلي الطفل صرخ تاني، فسيدنا عمر راحله تاني وقال لأم الطفل:"اتق الله وأحسني إلى صبيك!"
ورجع للصلاة، فالطفل صرخ للمرة التالتة، فسيدنا عمر راحله تالت مرة وزعقلها وقالها:"اتق الله وأحسني إلى صبيك فإني أراكِ أم سوء!"

مش دي المشكلة؛ المشكلة إن الأم دي ماكنتش تعرف شكل سيدنا عمر، فلما راح لها المرة التالتة وزعقلها وقالها:"اتق الله وأحسني إلى صبيك فإني أراكِ أم سوء!"
ردت عليه وقالتله إنه بيزعجها وبيضايقها بكلامه، وإن صريخ الطفل لظروف غصب عنها اضطرتها لكده!، وإنه بيصرخ بسبب إنها بتفطمه عن صدرها قبل السنتين بالعافية!
قالت:"لقد أبرمتني منذ الليلة،إنني أفطم الولد عن الثدي كرهًا!"
فسيدنا عمر استغرب إنها بتفطم الطفل في غير معاده فسألها وقالها:"ولم تستعجليه؟!"

فكان ردها إن ده بسبب عمر بن الخطاب!؛ لإن عمر مابيأمرش بالعطية والنفقة غير للطفل اللي بيتفطم يعني بعد سنتين، والطفل قبل سنتين مش محتاج النفقة لإن طعامه هو الرضاعة.
فللأسف هي كانت محتاجة للنفقة والعطية دي وعشان كده اضطرت تفطمه قبل معاده عشان تاخد النفقة!💔

فسيدنا عمر لما سمع كلامها فضل يبكي بكاء شديد لدرجة إن المصليين في صلاة الفجر ماكنوش فاهمين الآيات اللي كان بيتلوها في الصلاة من شدة بكاءه!💔
ولما خلص الصلاة، مسك لحيته بايده وفضل يبكي ويكلم نفسه بصوت عالي ويقول:"ويل لعمر، يا بؤسًا لعمر، كم قتلت ياعمر من أطفال المسلمين؟!"💔

ووقتها سيدنا عمر أخد قرار وطَلَع منادي يمشي بين الناس يعرفهم قراره!
-إيه هو القرار ده؟
=المنادي كان بيقول للناس:"لا تستعجلوا صبيانكم على الفطام، فإنا نبرم العطاء لكل من ولد في الإسلام منذ أول يوم"❤
العطية هتكون لكل الأطفال ومن أول يوم يتولدوا فيه❤
والله أعلم.
#صحابة_رسول_الله🌻🌱
#الفاروق
علمنا الله وإياكم
الشير مفتوح وهو الأفضل ياحبايب
#هبة_شلبي
362
("هتغير عشان الجنة تستاهل:-) 💪♥

08 Jan, 17:28

حاول تحسس شريك حياتك إنك عاوز راحته وبتدور عليها ، وإنه مش مجرد ترس في ماكينة مسئوليات الحياة اللي إتصنعت بعد جوازكم.

لأن الأصل أن كل واحد فينا بيبقى نفسه انه يريح شريك حياته ، بس المسئوليات في الدنيا بتجبرنا إننا نوزع الحمل على بعضنا.

فلما تلاقي جوزك مضغوط بزيادة في الشغل ومزاجه متعكر، إهتمي بيه بزيادة شوية في الأكل والشرب ، إبعدي عنه دوشة الأولاد على قد ما تقدري ، شجعيه يروح يقابل أصحابه اللي بينبسط معاهم ، شيلي عنه شويه تفاصيل هو متعود يشيلها.

لما تلاقي مراتك مضغوطة من مسئوليات البيت اللي مابتخلصش....او مضغوطة في شغل او دراسة او امتحانات الولاد ، ساعدها بزيادة في شغل البيت ، اشتري اكل دليڤري [حتى لو حاجة بسيطة] او إعزمها علي الاكل بره او خليها تعمل أكل خفيف ، خد الاولاد وأخرج بيهم وخليها تريح شوية او تنام ساعتين زيادة ، شجعها تزور أهلها او صحابها وخلي الاولاد معاك ، اقعد ذاكر انت للولاد او حفظهم القرآن ... الخ

الخلاصة ، وقت ما يكون شريك حياتك مضغوط بزيادة ، اعمل أي حاجة تبعت له بيها رسالة معناها (أنا معاك - أنت مش لوحدك - إنت من حقك تستريح )

#دفا_البيوت
#محمد_فتحي
321
("هتغير عشان الجنة تستاهل:-) 💪♥

08 Jan, 12:11

ساعة اجابة بين ظهر وعصر الأربعاء

تخيل صدقتك تصادف ساعه الاجابة
اغتنموها
359
("هتغير عشان الجنة تستاهل:-) 💪♥

08 Jan, 12:10

مش لازم تشيل كل حاجة على دماغك
ربنا مشيلكش كل دا

هتسأل عن نفسك
مش عن فلان وعلان
ركز في ورقتك
وصحتك النفسية
دا أولاً

وبعدين شوف الباقي..

متبقاش شمعة تحترق لأجل الآخرين
لا عايزينك شمعة ولا عايزينك تحترق
وتحترق ليه أصلاً

خليك إنسان هادي

بشر بتمارس بشريتك
ضعيف عادي
مش بجناحات يعني
مش لازم تكون الأول والداعم والساند
إي المشكلة لما تكون رقم اثنين
ولا حتى رقم عشرة!

ولما تلاقي نفسك بترخي
اهدى وقول لنفسك أني بمارس ضعفي وبشريتي

ربنا محملنيش الناس في رقبتي
علشان أحمل نفسي اللي ربنا محملهونيش

أحسِن للناس عادي

ومفيش تعارض بين إحسانك للناس وإحسانك لنفسك...

بس حدد أولوياتك

متروحش تصلي السنة وأنت مبتصليش الفرض !

سدد وقارب
فهمت؟

منقول
373
("هتغير عشان الجنة تستاهل:-) 💪♥

07 Jan, 23:10

كنت دايمًا بسمع عن قصص الناس اللي بتتصدق بفلوس كتير وفي الآخر يرجعلها أضعاف الفلوس دي وهكذا

لكن لما بدأت أخرج صدقة بانتظام لقيت إن بسم الله مفيش حاجة بترجع!
يعني ممكن أطلع مبلغ كبير ميرجعش!
بجد والله مش بيرجع حتى ٥ جنيه منه..

فقولت لنفسي تعالي هنا
إيه النية اللي بنخرج بيها الفلوس دي؟

بتخرجيها عشان ترجعلك تاني وبس؟
ولا بتخرجيها ليه؟

فبدأت أوسع عقلي شوية وأبص حواليا

الشهر اللي فات تقريبًا مروحتش ولا جلسة ثيرابي ولا لدكتور وكل مرتبات الشغلين وهبتهم في الاحتفالات عشان سوريا وصدقات بنية إن النصر يتم

الشهر كان طويل ويمكن آخر الشهر كنت مش معايا فلوس -مالي الخاص يعني-

لكن الشهر دا كنت ملاحظة إن النوبات كانت هادية نسبيًا
أفكار الانتحار قلت شوية الحمد لله

لقيت فيه حاجات كانت صعبة بتعدي بلطف الله وتيسره ولطف الله في أحداث غريبة وصعبة والله ومرهقة ..

في امتحانات الترم اللي فات كنت تعبانة جدًا ودا كان بداية التعب ووالله كنت بدخل المادة مش مذاكرة غير امتحان سابق
وكنت بخرج صدقة مثلًا قبل الامتحان

فالمواد اللي كنت متوقعة أشيلها نجحت فيها
والمواد اللي ها طلعت فيها بتقدير ومش بس كدا لا
أنا طلعت بتقدير زي كل ترم بفضل الله

بلاقي أثر الصدقة في حاجات بسيطة محبة طفل صغير بيكلمني
لين حد معايا
تيسير شيء كان نفسي فيه
مرور البلاءات بشيء هين

جربوا تتصدقوا وهتحسوا بفرق جواكم والله وهتتخلصوا من آفة البخل.

اية رجب
407
("هتغير عشان الجنة تستاهل:-) 💪♥

07 Jan, 17:21

في ( بعض) الستات لما بيشوفوا زوجة بتعامل زوجها معاملة كويسة ، بيقولوا [اكيد هو يستحق معاملتها]

ولما بيشوفوا زوجة تانية بتعامل زوجها معاملة وحشة وبتغلط في حقه ، ومن غير ما يعرفوا التفاصيل ، بيقولوا [أكيد هو عمل حاجة غلط و وصلها للمرحلة دي ] او [اكيد هو مش عارف يحتويها]

نظرة بعض الزوجات لردود أفعال بنات جنسها مبنية على فكرة [ المرأة مرآة الرجل ] ، يعني لو هو كويس هي هاتبقى كويسة ولو هو وحش هي هاتبقى وحشة

السؤال هو
هل ده حقيقي ؟
هل بالضرورة ان سلوك المرأة ما هو إلا رد فعل لسلوك الرجل ؟

الإجابة، [ لا ، مش شرط]

صحيح الانسان [رجل او مراة ] ممكن يكون سوي وكويس ، ولكن بسبب دوامة المشاكل اللي بيصنعها الحد المقابل قد يخرج من داخله أسوأ ما فيه وبيتخلى هو كمان عن حسن الخلق بسبب شعوره بالأذى ، ولو كان عايش مع حد سوي كان عرف يحافظ على أخلاقه وعلى كونه إنسان سوي.

وممكن أيضا ، يكون الإنسان [رجل أو مرأة ] فيه عيب او عنده مشكلة او خلل نفسي [حتى من قبل الجواز] ، ومحتاج يراجع نفسه ويعالجها .

فزي ما في راجل عصبي ، في ست عصبية
زي ما في راجل بيكدب ، في ست بتكدب
زي ما في راجل سليط اللسان ، في ست سليطة اللسان

وزي ما في راجل نرجسي او سيكوباتي ، في ست نرجسية او سيكوباتية ، الاضطرابات النفسية تصيب الناس رجالا ونساءا على السواء

طب انا باقول الكلام ده ليه ؟

لأن - في رأيي - إن في أزمات كتير في بيوت كتير بيكون سببها أحيانا ان الراجل مش بيعترف باخطاءه وتقصيره من باب الكبر ، او انه لا يحسن سياسة المرأة واحتواءها والتعامل معاها
او ان في زوجات أيضا لا تعترف بعيوبها او اخطاءها على الإطلاق ، لأن هي مقتنعة إنها مجرد رد فعل مش أكتر . وده مش حقيقي ، احيانا بتكون هي جزء أصيل من المشكلة ومحتاجة تراجع نفسها وتعالجها .

وبشكل عام ، اول خطوة في حل اي مشاكل متراكمة في بيوتنا بتبدأ ان كل واحد فينا يفتش في نفسه و يعترف بخطأه ويساعد نفسه على تزكيتها

عشان كده احنا متعودين في البيت عندنا اننا نسأل الله عز وجل انه يساعدنا على تزكية نفوسنا وذلك بترديد دعاء النبي صلى الله عليه وسلم [اللهم آت نفوسنا تقواها وزكها انت خير من زكاها انت وليها ومولاها]

#دفا_البيوت
#محمد_فتحي
425
("هتغير عشان الجنة تستاهل:-) 💪♥

07 Jan, 13:32

﴿ لَّقَدۡ كَانَ لَكُمۡ فِي رَسُولِ ٱللَّهِ أُسۡوَةٌ حَسَنَةٞ لِّمَن كَانَ يَرۡجُواْ ٱللَّهَ وَٱلۡيَوۡمَ ٱلۡأٓخِرَ وَذَكَرَ ٱللَّهَ كَثِيرٗا ﴾ - الأحزاب (٢١).

#أذكار_المساء
445
("هتغير عشان الجنة تستاهل:-) 💪♥

07 Jan, 11:14

فكرة الخلود بالجَنَّة مش بتطلع من رأسي أبدا ...

تخيلوا لا مليار سنة ولا تريليون سنة سنوات مالها مدة محدّدة وفوق هذا لا تحزن ولا تتضايق ولا تتعب ولا تشيخ ،

والأروع من هذا كله انك ترى خالق الجنة ترى الذي لطالما آنس وحشتك ترى الذي طالما فك كربتك

الله يجعلنا ممن قُلت فيهم هذه الآية:

" ادْخُلُوهَا بِسَلَامٍ آمِنِينَ"

يارب يا واسع ")💚🌿
506
("هتغير عشان الجنة تستاهل:-) 💪♥

07 Jan, 08:26

"فوالله مَا اشتغل عبدٌ بكتاب اللَّه

إلا بُـوركَ له في شـأنِه كلّه."

- الشنقيطي.
#افتح_مصحفك.
502
("هتغير عشان الجنة تستاهل:-) 💪♥

07 Jan, 08:26

صباحُ الخير..♡

لعلَّها أيام.. !
أيام ونكون ممَّن "جَاءَتْهُ الْبُشْرَىٰ" ويجمع اللهُ بينكَ وبين دعاءٍ لا تتركُه فاصبِر، واصطَبِر، وأبشِر
وتذكّر "إِنَّ مَعَ الْعُسْرِ يُسْرًا"
وكُن على يقِين أنه "وَلَسَوْفَ يُعْطِيكَ رَبُّكَ فَتَرْضَىٰ"🍀
489
("هتغير عشان الجنة تستاهل:-) 💪♥

06 Jan, 21:36

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
527
("هتغير عشان الجنة تستاهل:-) 💪♥

06 Jan, 06:27

باقي 224 سهم
السهم ب 50ج

قالَ رَسُول اللَّه ﷺ: مَا مِنْ يَوْمٍ يُصبِحُ العِبادُ فِيهِ إِلَّا مَلَكَانِ يَنْزِلانِ، فَيَقُولُ أَحَدُهُمَاف: اللَّهُمَّ أَعْطِ مُنْفِقًا خَلَفًا، وَيَقُولُ الآخَرُ: اللَّهُمَّ أَعْطِ مُمْسِكًا تَلَفًا متفقٌ عَلَيْهِ.


من لها ولو بالقليل
01065194208
89
("هتغير عشان الجنة تستاهل:-) 💪♥

06 Jan, 06:26

‏القُرآن أمان، وسماعه طمأنينة، والاستكثار منهُ زاد سكينة لا يُفنى.

_ش. وجدان العلي.

#افتح_مصحفك
92
("هتغير عشان الجنة تستاهل:-) 💪♥

06 Jan, 06:26

صُبِّحتُم بالخير.

قاصدةٌ بها كلَّ مَن تركَ الوسادةَ؛ يسعى إلى حلمٍ وشغفٍ جديدَين.

إن كَان الأمسُ قد أزعجَك، فلا ذنبَ لليومِ يراكَ عابسًا، واعلَم أنَّك إن أيقنتَ أنَّ اللهَ لن يأتيَك إلا بالخير؛ فقد ربحت.

«سيأتي الحُلم في مشكاةِ فَجرٍ
وعندَ الصُّبحِ تبتَسِمُ الأماني».

أبشِر، وابتسم؛ فلا يليق بكَ سِوى البُشرى والضحكاتِ.
89
("هتغير عشان الجنة تستاهل:-) 💪♥

05 Jan, 22:04

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
181
("هتغير عشان الجنة تستاهل:-) 💪♥

05 Jan, 22:04

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
172
("هتغير عشان الجنة تستاهل:-) 💪♥

05 Jan, 17:54

مر واحد أعرابي على الحجاج وهو بياكل ، فالحجاج عرض عليه انه ياكل معاه ، فالاعرابي رفض لانه كان صايم

فالحجاج حب يغريه ‏فقاله (إنه طعام طيب)

قال الأعرابي: ( والله ما طيَّبه خبازك ولا طباخك، ولكن طيبته العافية)

دي حقيقة

كتير من النعم الاصل فيها مش مجرد وجودها ، انما وجود العافية اللي بتسمحلنا نستشعر النعم دي .

الجسد السليم و القلب السليم هما وعاء النعم .

فمهم إننا نفتش في قلوبنا ونفوسنا ... ممكن لما تفتش في قلبك تلاقي شوية أمراض هي اللي عاملة حائل بينك وبين استشعار النعم اللي حواليك .

السخط - دقة المحاسبة - الكبر - العند - الأنانية - الكسل - مد العيون على ما في أيدي الآخرين - القلق الزائد - الغل - الحقد .... الخ
كل دي أمراض ( وفي غيرها كتير ) كفيلة إنها تخليك تفقد العافية النفسية، فماتقدرش تستطعم النعم اللي في ايديك .

وده اللي بيفسر ليه في عندهم نعم كتير ولكن تعساء .

نسأل الله أن يعافينا في أبداننا وقلوبنا

#دفا_البيوت
#محمد_فتحي
235
("هتغير عشان الجنة تستاهل:-) 💪♥

05 Jan, 14:50

سبحان الله وبحمده.

هذه الدنيا تأبى إلا أن تأخذك وتُنسيك مَن أنت ولم أنت!
تجد الأبواب التي طرقتها قبلُ ولم تنفتح مع السعي.. فُتحت مع الهجر، ولعلها الأفراح تغمرك فتنسيك لذتها حلاوة القرءان وأنت تقرأ:( واصبر فإن الله لا يضيع أجر المحسنين)، أو الأتراح تثّاقل على كاهليك فتعدو في كل السبل لتنجو.. وأنت مسكين!

إنّ النجاة بحق أن تسوقَ أنت الأفراح حيث السجدات، أو تسوقك الأتراح حيث الدعوات..
النجاة أن تذكر اللهَ أول ما تذكر، وتلجأ إليه أول ما تلجأ، وتطلب منه أول ما تطلب، أن يكون الله مبتداك ومنتهاك.

ثم
لا بأس عليك فيما مضى؛ يرى الله صبرك وضعفك، يرى سعيك ويأسك، يرى همّك وهمّتك.

نجاتك في الطريق الذي لا تسلكه إلا ءاخر ما تسلك؛ في القرب والافتقار..

اعتذر عن كل بُعدٍ
وتُب عن كل هجر
وتضرع إلى ربك بالصلاة والسلام على رسوله وحبيبه صلى الله عليه وسلم

الصلاة والسلام على رسول الله مفتاح أبواب جمّة.. لا يصدأ، ولا يبلى.

هلم يا رعاك الله
صل عليه وأكثر
وتضرّع بذاك لربك وأبشر

ثم
أخبرني عن عبراتك حينما يؤذن مغرب الجمعة.

لا تنسوا إخوانكم.

محمد علام.
273
("هتغير عشان الجنة تستاهل:-) 💪♥

05 Jan, 06:27

حينَ تبدأ بقراءةِ القُرءان؛ تؤجَر حتّىٰ علَى سكَتاتك.

د/ سلمان العوده

#افتح_مصحفك
334
("هتغير عشان الجنة تستاهل:-) 💪♥

05 Jan, 06:27

-صباحُ الخَير

ليطمئنَّ قلبك، فكل ما تريد آتٍ إليك، ربما يتأخر،
لكنه سيأتي يومًا ما.

أعلمُ أن هذا الصبر طويل ومؤلم، لكن أعدُك أنه سينتهي نهاية يسَرُ قلبك لها، وكل ما فقدته سيعوضه الله لك، اطمئن فـ الخير سيكون دائمًا بقربك "🤍
336
("هتغير عشان الجنة تستاهل:-) 💪♥

04 Jan, 22:22

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
342
("هتغير عشان الجنة تستاهل:-) 💪♥

04 Jan, 22:22

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
365
("هتغير عشان الجنة تستاهل:-) 💪♥

04 Jan, 20:14

أتمنى لو أُغمض عيني ثم أفتحها فأجد نفسي في الجنة!

لا يشقيني الفقد ولا يشقيني الألم
ولا أخاف الأذى
ولا أخاف المشقة
أغمض عيناي وأتنفس بسكينة

وأتنعم بنعيم أبدي
لا تشوبة شائبة النهاية
أو صباح مؤلم يعكر صفوه
أو قلق من حدث مفاجيء يقلب كل شيء على رأسي

أرجو الجنة
ثم لا شيء ..
345
("هتغير عشان الجنة تستاهل:-) 💪♥

04 Jan, 20:14

-انت متخيل إن في ناس مننا عاديين ربنا هيرزقهم يوم القيامة بمكانة عظيمة جدًا، لدرجة إن الأنبياء والشهداء هيغبطوهم على المكانة دي؛ يعني الأنبياء والشهداء هيتمنوا لو يكونوا في نفس مكانة الناس دي!

في يوم سيدنا النبي صلى الله عليه وسلم بص للصحابة رضوان الله عليهم وقالهم:"إنَّ مِن عبادِ اللهِ لَأُناسًا ما هم بأنبياءَ ولا شُهداءَ، يغبِطُهم الأنبياءُ والشُّهداءُ يومَ القيامةِ بمكانِهم مِن اللهِ تعالى".
فالصحابة استغربوا وبقى عندهم فضول يعرفوا مين الناس دي، فسألوا سيدنا النبي صلى الله عليه وسلم:"يا رسولَ اللهِ، تُخبِرُنا مَن هم؟"
فقال صلى الله عليه وسلم: "هم قومٌ تحابُّوا برُوحِ اللهِ على غيرِ أرحامٍ بَيْنَهم، ولا أموالٍ يتعاطَوْنَها، فواللهِ إنَّ وجوهَهم لَنُورٌ، وإنَّهم على نُورٍ، لا يخافونَ إذا خاف النَّاسُ، ولا يحزَنونَ إذا حزِن النَّاسُ"

ناس بيزوروا وبيودوا وبيحبوا بعض لله في لله وبس، لا بسبب إن بينهم مصلحة ولا نسب ولا أموال ولا مشاريع، حب خالص لله وبس❤
يوم القيامة وشوشهم هتبقى مليانة نور وبسبب قربهم من الله لا هيخافوا زي باقي الناس من هم يصيبهم ولا هيحزنوا زي حزن باقي الناس من أجر وثواب هيتحرموا منه ❤❤

وبعد كده سيدنا النبي صلى الله عليه وسلم تلى الآية القرآنية"أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ"
والله أعلم.

اللهم اجعلنا من أوليائك❤
أُشهد الله إني أحبكم في الله والله❤
علمنا الله واياكم.
#سيرة_سيدنا_النبي🌿
الشير مفتوح وهو الأفضل ياحبايب
#هبة_شلبي
322
("هتغير عشان الجنة تستاهل:-) 💪♥

04 Jan, 17:44

إذا لم تبدأ في ختمة رجب؛ فالفرصة ما زالت متاحة أمامك، فابدأ الآن واقرأ ما فاتك، والْحق برَكب المُتأهّبين لشهر رمضان.

يا أخي؛ دأب الصالحين التأهب لمواسم الطاعات، فاركب معهم ولا تتخلّف.


محمود رفاعي
291
("هتغير عشان الجنة تستاهل:-) 💪♥

04 Jan, 16:17

في زوجين طول ما هما لوحدهم ، علاقتهم ببعض بتبقى صافية و حلوة ، لكن اول ما يكونوا في وسط الناس بتحصل مشاكل بينهم أثناء التجمعات دي بسبب كلامهم مع بعض او عن بعض قصاد الناس ،او بسبب علاقتهم بأهاليهم وأصحابهم

وفي زوجين علاقتهم المباشرة ببعض بتمر بأزمة بسبب سوء التواصل ،وطول ما هما لوحدهم بيتخانقوا او بيكونوا ساكتين ، فبيحاولوا يغلوشوا على سوء علاقتهم ببعض من خلال انهم يفضلوا راميين نفسهم وقت طويل مع الأقارب والأصحاب وبيحسوا أنهم كأسرة بيكونوا أسعد طول ما هما في وسط الناس وده ممكن يعمل مشاكل تانية في مساحات تانية

في زوجين علاقتهم ببعض بتتوتر بسبب اختلافهم حوالين تربية الأولاد ، غير كده مفيش نقطة توتر تانية

في زوجين علاقتهم ببعض بتسوء بسبب الخلاف حوالين الإدارة المالية للبيت ، غير كده ، هما متفاهمين

او الوضع العام مش كويس بسبب عدم رضا أحد الزوجين عن العلاقة الخاصة ، .غير كده الوضع مستقر

وهكذا

عدم إدراك نقط التوتر في حياتنا وعدم معالجتها ، ده ممكن يدخلنا في دايرة أكبر من المشاكل كإنعكاس للمشكلة الأصلية .
وده ممكن يدينا شعور عام بعد فترة ان الحياة بينا كلها وحشة واننا مش متفاهمين ومش بنحب بعض ، مع أن الوضع مش كده .
والحقيقة إن أصل المشاكل المتراكمة هي نقطة محددة ولو اتعالجت الوضع العام هايتحسن بشكل كبير

تأملوا مشاكلكم كويس ... وحللوها ... وحاولوا تحلوها ... ووارد تكتشفوا إن الحب والتفاهم بينكم أكبر من تصوركم ... وإن في نقطة او إتنين هما اللي مكدرين حياتكم ... ولو إتحلوا وعرفتم تتعاملوا معاها ... الوضع بينكم هايتحسن وحياتكم تبقى أسعد

#دفا_البيوت
#محمد_فتحي
345
("هتغير عشان الجنة تستاهل:-) 💪♥

04 Jan, 06:40

صباحُ الخيرِ !

لا تسمح لآلامك أن تحيط بك، ولهمومك أن تقتات على روحك، ولآمالك وأحلامك أن تصيبك بالإحباط.

لا تدخل بقدمك إلى تلك المنطقة المظلمة، واستعذ بالله من شرّ نفسك، وتطّيب بمجالسة الصالحين، وزاحم همومك بهموم أُخروية، وانظر إلى السماء لتخرج من ضيق تفكيرك إلى سعة تدبيره ولطفه سبحانه وتعالى 💚🫶...

-
د. أحمد عبد المنعم
381
("هتغير عشان الجنة تستاهل:-) 💪♥

03 Jan, 23:09

باقي 230 سهم و40ج
السهم ب 50ج

فالصدقة في ليلة الجمعة ويومها يكون ثوابها أعظم نظرا لفضيلة ذلك الزمان.
من يختم هذا اليوم المبارك بصدقة وينال الاجر!
همتكم يا كرام
ونحن في شهر من الاشهر الحرم الان
من لها
01065194208
86
("هتغير عشان الجنة تستاهل:-) 💪♥

03 Jan, 23:09

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
416
("هتغير عشان الجنة تستاهل:-) 💪♥

03 Jan, 23:09

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
422
("هتغير عشان الجنة تستاهل:-) 💪♥

03 Jan, 20:04

بدأت في ختمة رجب ولا لسه؟

ابدأ بارك الله فيك ابدأ.
462
("هتغير عشان الجنة تستاهل:-) 💪♥

03 Jan, 20:04

في الوقت اللي السيدة عائشة كانت مجمعة ألعابها في حفرة معمولة في حائط البيت من برا ومعلقة عليهم ستارة عشان تحافظ عليهم وصل سيدنا النبي صلى الله عليه وسلم من غزوة من غزواته، وهو قاعد صلى الله عليه وسلم جت حبة ريح فحركوا الستارة، فسيدنا النبي شاف الحفرة وشاف الألعاب، فبص صلى الله عليه وسلم للسيدة عائشة وقالها:"ما هذا يا عائشة"؟
فقالت:"بناتي" يعني ألعابي 🐼🐻
فلما سيدنا النبي صلى الله عليه وسلم دقق النظر في الألعاب لمح من ضمنهم حصان مصنوع من الجلد أو القماش وله جناحان، فشاور صلى الله عليه وسلم عليه وسأل السيدة عائشة وقالها:"ما هذا الذي أرى وَسَطَهُنَّ "
فردت وقالت:"فرس"🐎❤

فسيدنا النبي صلى الله عليه وسلم سألها:"وما هذا الذي عليه"؟"
فردت وقالت:"جناحان"
فسيدنا النبي صلى الله عليه وسلم سألها:"فرسٌ له جَناحانِ؟!"
فردت بثقة شديدة وقالت:"أما سَمِعت أن لسليمان خيلًا لها أجنحة؟"
(إيه ده أنت ماتعرفش إن سليمان كان عنده خيول ليها جناحات!)
رضي الله عنها نسيت إنه نبي وعارف المعلومة دي، مش كده وبس، لا، ده هو صلى الله عليه وسلم اللي حكلها عنها!❤

رسول الله صلى الله عليه وسلم كان راجع من غزوة؛ يعني حمل بدني ونفسي رهيب، ومع ذلك أهتم بزوجته، وهو اللي فتح معاها الحوار، وهو اللي كان بيتعمد يسأل عشان الحوار يطول بينهم فيسمعها أكتر وأهتم بكلامها وقدر إهتماماتها الصغيرة وحسسها إنها أهم حاجة على الإطلاق!❤

بتخيل لو الموقف ده حصل حاليًا بين زوجين ممكن الزوج يتعصب على زوجته ويكسفها ويحرجها فيكسرها عشان ماتنساش نفسها ويتفه من اهتماماتها وقد إيه هي شخصية تافهة ومش مقدرة تعبه!💔

-عارف سيدنا النبي صلى الله عليه وسلم عمل إيه لما السيدة عائشة اندمجت في الحوار معاه ونسيت انها بتتكلم مع نبي مش زوج بس وقالتله:"أما سَمِعت أن لسليمان خيلًا لها أجنحة؟"
=عمل إيه؟
-ضحك جدًا جدًا لدرجة إن ضروسة بانت!❤

السيدة عائشة وهي بتحكي الموقف قالت:"فضَحِكَ حتى رَأَيْتُ نواجذَه!"
والله أعلم.
هذا نبي الله، لنا فيه قدوة حسنة❤
#سيرة_سيدنا_النبي🌱🌻
#فرس_له_جناحان!🐎
علمنا الله واياكم💙
الشير مفتوح وهو الأفضل ياحبايب❤
#هبة_شلبي
467
("هتغير عشان الجنة تستاهل:-) 💪♥

03 Jan, 17:35

نصيحة من القلب للشباب والبنات ، خلوا بالكم من قلوبكم ومن نفوسكم.

ماينفعش تسلّم قلبك وإستقرار نفسيتك لأي حد ، بلاش تسيب قلبك يبتدي يرتبط بأي حد لمجرد إن شكله حلو او طريقة كلامه لطيفة.

بلاش تفضل تراقب حد وتحبه من بعيد لبعيد ، ومع الوقت تتعلق بيه ، وانت اصلا ماتعرفوش كويس.

ماتدخلش في علاقة عاطفية مع حد وانت مش عارف أصلا اذا كان في تكافؤ بينكم ولا لا؟ وهل ظروفه تسمح للجواز ولا لأ ؟

ساعتها الحب بيتحول من نعمة ، لمشكلة عاوزين لها حل.

كتير في الجلسات بنستقبل حالات ، أصل المشكلة انهم أصلا ماكنوش ينفعوا خالص لبعض وماكنش في توافق او تكافؤ من الأول ( لأسباب مختلفة) ، وكان في أكتر من حاجة بتقول لهم أن الحياة بينهم هتبقى صعبة جدا .
بس هما كانوا زي العميان وماشيين ورا مشاعرهم ، ودلوقتي أقصى حاجة ممكن تتعمل انهم بيحاولوا يتكيفوا على الوضع الصعب ده حفاظا علي البيت والاولاد ، اوينفصلوا
وكل دي خيارات فيها خساير كبيرة.

او بتكون سبب المشكلة ان في طرف منهم داق مشاعر الحب مع حد تاني قبل الجواز ، ودلوقتي عايش في دايرة من المقارنات بين القصة القديمة والواقع ، وطبعا المقارنات بتولد الحسرة والسخط

عشان كده الشرع حط حدود للعلاقة بين الرجال والنساء ، ورسم إطار عام لطريق الارتباط بينهم .
ده مش غلاسة ،لكن عشان مانوصلش للنتيجة دي.

انا عارف ان كل واحد مننا نفسه يحب ويتحب.. وبيتمنى أن يكون في حد بيهتم بيه ويعامله معاملة خاصة ، ويعمل إشباع للفراغ العاطفي الفطري اللي جواه ، لكن ده مش معناه انك تجازف بحياتك مع أي حد.

#دفا_البيوت
#محمد_فتحي
184
("هتغير عشان الجنة تستاهل:-) 💪♥

03 Jan, 14:13

ساعة اجابة

اذكرونا فضلاً في دعائكم
ادعولي بالشفاء العاجل
الله يزوجكم جمعيا ازواج صالحين مصلحين
والشباب زوجات صالحات مصلحات تقر اعينكم بهن! 🫣🤍
200
("هتغير عشان الجنة تستاهل:-) 💪♥

03 Jan, 14:01

ساعة إجابة
فضلا ادعوا لامي ربنا يرحمها ويغفر لها ويسكنها الفردوس الأعلى ❤️
211
("هتغير عشان الجنة تستاهل:-) 💪♥

03 Jan, 12:09

قالَ سُفيان الثَوريّ: "إذا هممتَ بصدقةٍ أو ببرٍّ أو بعملٍ صالحٍ؛ فعجِّل مُضيَّهُ من ساعتهِ من قبلِ أن يحولَ بينكَ وبينهُ الشيطان".

[الحلية، ط: السعادة (٦١/٧)]
240
("هتغير عشان الجنة تستاهل:-) 💪♥

03 Jan, 08:16

‏اللهم في يوم الجٌمعه
‏
سر خواطرنا وإشفِ مرضانا،
‏وإرحم موتانا، وإشرح صدورنا
‏ويسّر أمورنا، ‏وإجعل هذه الجمعة
‏فرجًا لكل صابر و إستجابه لكل دعاء

اللهم صلِّ وسلم على نبينا محمد
327
("هتغير عشان الجنة تستاهل:-) 💪♥

03 Jan, 08:16

أصبحنَا ‏نسأُلك أن تَفِض علينا من خَير وبرَكة يوم الجُمعة.

قال رسول اللّٰه -ﷺ-:
«إنّ مِن أفضل أيَامكم يَوم الجُمعة، فأكثِروا عليّ مِنَ الصلاةِ فيه؛ فإنّ صَلاتكم مَعروضة عليّ»
لا تنسوا سورة الكهف وأكثروا من الصلاة علىٰ النبي ﷺ.
256
("هتغير عشان الجنة تستاهل:-) 💪♥

03 Jan, 08:16

لا يفوتنَّك غنائم الجُمعة!

قال صلى الله عليه وسلم: "إن من أفضل أيامكم يوم الجمعة، فأكثروا علي من الصلاة فيه، فإن صلاتكم معروضة علي".

قال سيدنا عبد ﷲ بن مسعود: "لا تدع إذا كان يوم الجمعة أن تصلي على النبي ألف مرة".

وقال نبينا صلى الله عليه وسلم: "من قرأ سورة الكهف يوم الجمعة أضاء له من النور ما بين الجمعتين".

وعن أبي هريرة رضي الله عنه أن رسول الله ﷺ ذكر يوم الجمعة فقال: "إن في الجمعة لساعة، لا يوافقها مسلم يسأل الله فيها خيرًا إلا أعطاه إياه".

وعن سليمان التيمي قال: "كان طاووس إذا صلّى العصر يوم الجمعة استقبل القبلة -يدعو ويناجي ربه- ولم يكلّم أحدًا حتى تغرب الشمس".

ولا تنسوا الدعاء لإخواننا في فلسطين والسودان ولبنان.

نقل
258
("هتغير عشان الجنة تستاهل:-) 💪♥

02 Jan, 22:43

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
288
("هتغير عشان الجنة تستاهل:-) 💪♥

02 Jan, 22:43

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
275
("هتغير عشان الجنة تستاهل:-) 💪♥

02 Jan, 21:03

-ربنا يسعدك ويرزقك وتبقي من أهل الفردوس الأعلى.
= آمين يارب؛ بس إيه هو الفردوس الأعلى؟

-الجنة بتتكون من مائة درجة؛ والفردوس هو بستان كبير، وهو أعلى درجة من درجات الجنة، سقفه عرش الرحمن، ومنه بتتفجر أنهار الجنة💚🌿

=المسافة بين درجات الجنة قد إيه؟
-سيدنا النبي صلى الله عليه وسلم قال إن بين كل درجتين ١٠٠سنة، وفي حديث تاني عنه صلى الله عليه وسلم قال إن مابين الدرجتين كما بين السماء والأرض.
=😲
-تخيلت شكلها؟ حلو أوي مش كده؟ طب امسح التخيل ده عشان ده مايجيش ذرة من جمال الجنة، فيها ما لا عين رأت ولا أذن سمعت ولا خطر على قلب بشر💚
رزقنا الله وإياكم الفردوس الأعلى من الجنة🌿

قال رسول الله صلى الله عليه وسلم :"فَإِذَا سَأَلْتُمْ اللَّهَ فَاسْأَلُوهُ الْفِرْدَوْسَ فَإِنَّهُ أَوْسَطُ الْجَنَّةِ وَأَعْلَى الْجَنَّةِ- أُرَاهُ- فَوْقَهُ عَرْشُ الرَّحْمَنِ ، وَمِنْهُ تَفَجَّرُ أَنْهَارُ الْجَنَّةِ "
#أحاديث_سيدنا_النبي🌻🌱
علمنا الله وإياكم💚
#هبة_شلبي
298
("هتغير عشان الجنة تستاهل:-) 💪♥

02 Jan, 16:38

في زوجين طول ما هما لوحدهم ، علاقتهم ببعض بتبقى صافية و حلوة ، لكن اول ما يكونوا في وسط الناس بتحصل مشاكل بينهم أثناء التجمعات دي بسبب كلامهم مع بعض او عن بعض قصاد الناس ،او بسبب علاقتهم بأهاليهم وأصحابهم

وفي زوجين علاقتهم المباشرة ببعض بتمر بأزمة بسبب سوء التواصل ،وطول ما هما لوحدهم بيتخانقوا او بيكونوا ساكتين ، فبيحاولوا يغلوشوا على سوء علاقتهم ببعض من خلال انهم يفضلوا راميين نفسهم وقت طويل مع الأقارب والأصحاب وبيحسوا أنهم كأسرة بيكونوا أسعد طول ما هما في وسط الناس وده ممكن يعمل مشاكل تانية في مساحات تانية

في زوجين علاقتهم ببعض بتتوتر بسبب اختلافهم حوالين تربية الأولاد ، غير كده مفيش نقطة توتر تانية

في زوجين علاقتهم ببعض بتسوء بسبب الخلاف حوالين الإدارة المالية للبيت ، غير كده ، هما متفاهمين

او الوضع العام مش كويس بسبب عدم رضا أحد الزوجين عن العلاقة الخاصة ، .غير كده الوضع مستقر

وهكذا

عدم إدراك نقط التوتر في حياتنا وعدم معالجتها ، ده ممكن يدخلنا في دايرة أكبر من المشاكل كإنعكاس للمشكلة الأصلية .
وده ممكن يدينا شعور عام بعد فترة ان الحياة بينا كلها وحشة واننا مش متفاهمين ومش بنحب بعض ، مع أن الوضع مش كده .
والحقيقة إن أصل المشاكل المتراكمة هي نقطة محددة ولو اتعالجت الوضع العام هايتحسن بشكل كبير

تأملوا مشاكلكم كويس ... وحللوها ... وحاولوا تحلوها ... ووارد تكتشفوا إن الحب والتفاهم بينكم أكبر من تصوركم ... وإن في نقطة او إتنين هما اللي مكدرين حياتكم ... ولو إتحلوا وعرفتم تتعاملوا معاها ... الوضع بينكم هايتحسن وحياتكم تبقى أسعد

#دفا_البيوت
#محمد_فتحي
342
("هتغير عشان الجنة تستاهل:-) 💪♥

02 Jan, 12:53

ازيك
يهمني تكون بخير،

هكلمك عن شيء فرق في حياتي آخر مدة

كنت كل ما أقع آخد من أسبوع لشهر على ما أقوم تاني
لحد ما زهقت من نفسي بالمعنى الحرفي
وقولت لنفسي بص ولا ليك لازمة فكك
حاولت وفشلتي!

(بمقاييس الدنيا التعبانة) والشيطان لعنه الله أثر عليَّ ولولا رحمة ربنا بيَّ مكنتش تداركت
ولا جا في ذهني
معنى الاستدارك

وأني لازم أجري واحرص على ما فاتني
وأني بحمد ربنا على نعمة المحاولة
وعلى نعمة العافية

وهتدرب ألتزم واستمر
ومش هتمرد أبدًا

هحترم ضعفي
وهحترم احتياجي لله
أيًّا كان اللي فات
دا قدر الله

وهو خير
ركعتين توبة

استدراك
هنستغفر

وهندعي ربنا يردنا

يوم واثنين وعشرة، مش هنتغير بعد شهر حتى

بس قبل كل دا هنقول يا رب، وفي الطريق هنقول يا رب

اوعى الدنيا تنسيك أنك عبد، وربنا فاتحلك وقت ما تفوق ابدأ
باب التوبة والاستدراك ملوش وقت، فوقت الصبح استدرك، فوقت بالليل استدرك وقت ما تفوق حالاً حالاً

ومتنساش لو أجلت الدوافع بتقل وبتخف.
الآن الآن فخير الوقت الآن يحين.


منقول
356
("هتغير عشان الجنة تستاهل:-) 💪♥

02 Jan, 06:42

هيحسدوني على إيه يا حسرة!
يحسدوك على أخلاقك، لسانك الحلو، ضيافتك وكرمك مع ضيوفك، حب الناس ليك، ضحكتك، على حسن ظنك بالله!

تخيل كل الحاجات اللي أنت مش شايفها من كتر مانت حاسس إنها صغير وبلا قيمة غيرك راصدها وبيتمناها وممكن كمان يحسدك عليها ويتمنى زوالها من عندك!
ابن القيم بيقول:"العين تصيب الرجل في أخلاقه، وفي سعة صدره وانشراحه، وتصيبه في ذكاء عقله فيصاب بالجنون."

عفانا الله وإياكم من الحسد وأهله❤
445
("هتغير عشان الجنة تستاهل:-) 💪♥

02 Jan, 06:42

ساعات ببننسى وسط دوشة الدنيا أننا مُحاسبين

آه والله مُحاسبين
على كل حرف
وكل قرش
وكل حركة
وكل نظرة
وكل ثانية

يا رب ذكرنا بك.
460
("هتغير عشان الجنة تستاهل:-) 💪♥

01 Jan, 21:15

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
476
("هتغير عشان الجنة تستاهل:-) 💪♥

03 Dec, 17:50

باقي 435 سهم
السهم ب 50ج

أراكم نسيتم أمر أخاكم
أولم تعلم أن رسول الله ﷺ
قال
"مَن نفَّس عن مؤمنٍ كربةً من كرب الدنيا نفَّس الله عنه كربةً من كرب يوم القيامة، ومَن يسَّر على مُعسرٍ يسَّر الله عليه في الدنيا والآخرة، ومَن ستر مسلمًا ستره الله في الدنيا والآخرة، والله في عون العبد ما كان العبدُ في عون أخيه"
من لها
01065194208
77
("هتغير عشان الجنة تستاهل:-) 💪♥

03 Dec, 17:50

[ انتوا مش عارفين انا بحب أمكم قد ايه ؟ ، مهما قلت مش هاوفيها حقها ]
[ ابوكم بيشقى طول النهار كل يوم عشان خاطرنا، ربنا يحفظه لينا ]
[من الحاجات اللي بحبها في مامتكم إنها جميلة وطيبة ، ماما هي روح البيت ]
[بابا هو اللي ساندنا كلنا ، واحنا عايشين في الدنيا دي بحسه ]

انك تمدح الطرف التاني وفي وجوده قصاد الاولاد ليها طعم خاص ، ليه ؟

- اول حاجة ، ده بيسعد شريك حياتك لانك شايف مجهوده ودوره ومقدره ، وده بيحسسه انك لسه شايف فيه حاجات حلوة يتحب عشانها .

- ده بيبعت رسالة للأولاد إنكم بتحبوا بعض [رغم الشد والجذب اللي بيحصل واللي بيشوفوه بينكم احيانا ] ، وده بيحسسهم بالأمان والدفا ، وبيبعتلهم رسالة ايجابية عن الجواز

- ده بينمّي عند الاولاد مشاعر الامتنان ناحية الاب والام اللي بتدوب شوية جوه مشاعر التعود .

امدحوا بعض قصاد أولادكم [حتى لو بشكل فيه شوية تكلف] ، ده بيحسن الوضع النفسي لكل الناس اللي في البيت

#دفا_البيوت
#محمد_فتحي
78
("هتغير عشان الجنة تستاهل:-) 💪♥

03 Dec, 16:44

*من واجبِك كـ مسلم دعم القنوات الدينية عملًا بقول الله تعالىٰ ﴿وَتَعاوَنوا عَلَى البِرِّ وَالتَّقوى﴾*
• كلُّ مَا هُو ه‍ُـنَا يُسمحُ أخْـذُهُ دونَ استِئْذَانٍ 🤍')

القرآن ينتشلك مما أنت فيه من الهمِّ والحزن.") ♥

هنتغير عشان الجنة تستاهل💪♥
https://t.me/Quraaanny152000
*ه‍ــذِه القَـنَاةُ صـدقـةٌ جَارِيَـةٌ لي ولكل من ساهم بنشر الرابط وللمسلمين والمسلمات*
*الله‍م اجعل ه‍ـذه القـناة شفيعةً لنا يوم نُسأل عن عمرنـا فيما أفنيناه 🧡🍂')*
113
("هتغير عشان الجنة تستاهل:-) 💪♥

03 Dec, 10:52

بلاش تحط إيدك على خدك ومستني الفرصة تجيلك!
في حاجة اسمها ضريبة التأخير..
مينفعش تستنى حاجة
اتحرك وروحلها
واسعى علشان ترزق بيها..

ضريبة التأخير في التغيير فوات الفرص
عمال تأخر والفرص عمالة تخلص
مش رزقك صح
بس أنت مسعيتش
ومعندكش الإمكانية
علشان تاخدها!

متعلقش شماعة خيبتك على أصل مش رزقي!

الرزق مش هيجيلك تحت البطانية.


منقول
263
("هتغير عشان الجنة تستاهل:-) 💪♥

03 Dec, 06:12

قراءة واحدة صادقة لكتاب الله تصنع في العقل المسلم ما لا تصنعه كل المُطوَّلات الفكرية بِلُغَتِها الباذخة، وخيلائها الاصطلاحي.

-د. إبراهيم السكران.
#افتح_مصحفك.
309
("هتغير عشان الجنة تستاهل:-) 💪♥

03 Dec, 06:10

اصبحنا نسألك موجباتِ رحمتك، وعزائم مغفرتك، ونسألك شُكر نعمتِك، وحُسن عبادتك والثبات في الامر وان تجعل سعينا موصولاً للخير الذي نرجوا .🤍 🌿
312
("هتغير عشان الجنة تستاهل:-) 💪♥

02 Dec, 21:22

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
365
("هتغير عشان الجنة تستاهل:-) 💪♥

02 Dec, 21:22

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
349
("هتغير عشان الجنة تستاهل:-) 💪♥

02 Dec, 16:22

أحيانا الواحد فينا بيكون مبتلى بذنب معين مش عارف يتخلص منه.

ممكن يكون الذنب ده مشاهدة أفلام إباحية وإطلاق البصر أو شرب سجاير أو تعاطي مادة مخدرة أوعلاقة عاطفية في إطار غير شرعي أو التهاون في ضوابط الحجاب الشرعي ...أو...الخ

مشكلة الذنب ده إنه بيبعتلك رسالة معينة في كل مرة بتقع فيها ..الرسالة دي هي إن مفيش فايدة فيك وإن عمرك ما هتكون كويس وكده كده إنت داخل النار.

خطورة الموضوع ده إنك بتفضل تحاول تتخلص من الذنب ده أكتر من مرة ولما تفشل بتيأس وبتفتح باب قلبك للذنب ده وتبدأ تألفه .. ومش بس كده ..وبتسلم قلبك لمعاصي تانية من غير مقاومة وما دام كده كده خربانة بيحصل تفريط كبير في الفرائض والثوابت.

عشان كده لو إنت مبتلى بذنب معين.. لازم تعزله عن بقية حياتك لحد ما تشوفله حل .

يعني ماتخليش الذنب ده عذر إنك تبطل الحاجات الكويسة اللي بتعملها.. وماتخليهوش عذر إنك تزود حجم الذنوب المرتكبة.

لو إنت مبتلى بذنب أوعى تبطل تصلي أو تبطل تقرا قرآن أو تبطل تتصدق أو تبطل تدعوا الناس .. أوعى تبطل تقوم الليل ...ده المفروض الذنب ده حافز إنك تتقل ميزان حسناتك.

أوعى تستسلم لذنوب تانية إنت قادر إنك متعملهاش... إنت مش ناقص.

ولحد ما ربنا يقدرك علي حل مشكلتك.. أوعى ترفع الرآية البيضا واوعى تبطل تتوب.

#دفا_البيوت
#محمد_فتحي
469
("هتغير عشان الجنة تستاهل:-) 💪♥

02 Dec, 12:42

حصنكم

#أذكار_المساء
465
("هتغير عشان الجنة تستاهل:-) 💪♥

02 Dec, 12:42

شهر على نهاية السنة!

سبحان الله العمر بينقضي
الله يتولانا ..

نذكر بعض من دلوقتي
إن نهاية سنة وبداية سنة لا تعني لك شيء كمسلم

ممكن نستعملها في ترتيب الأيام والخطط لكن الاحتفالات لا

نذكر بعض إن الكريسماس
والأعياد دي لا يجوز للمسلم الاحتفال بيها..

البدع اللي بتنتشر احنا كمسلمين نتبرأ منها

وفي النهاية
السنة دي انقضت
ممكن نستخدمها في حساب نفسنا

قصرنا قد إيه فيها
زدنا إيه فيها

ونشوف الحصيلة الإيمانية لنا فيها ..

الله يقبضنا وهو راضٍ عنّا ..


منقول
492
("هتغير عشان الجنة تستاهل:-) 💪♥

02 Dec, 06:36

‏يزدادُ تعلّق المؤمن بكتاب ربه كلما اشتدت الفتن، فلا نجاة منها إلا بالقرآن ومافيه من توجيهات.

- لُذّ بالقرآن وأنْعِمْ بالثبات.

-عوض الجميلي
#افتح_مصحفك 🤍📖
517
("هتغير عشان الجنة تستاهل:-) 💪♥

02 Dec, 06:36

صباح الخير^^

استعينوا بالله، وابدأوا يومكم بذكر الله، و وِرد القرءان والأذكار.

دامت عليكم عافيته^^
522
("هتغير عشان الجنة تستاهل:-) 💪♥

01 Dec, 22:24

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
638
("هتغير عشان الجنة تستاهل:-) 💪♥

01 Dec, 22:24

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
649
("هتغير عشان الجنة تستاهل:-) 💪♥

01 Dec, 21:22

كان العلامة ابن باز -رحمه الله- إذا سلم عليه شاب بانفراد سأله في أذنه:
هل انت متزوج؟ ألا تريد الزواج؟ نحن نعينك ، فالزواج خير وفيه خير

رحم اللّٰـه الإمام ابن باز.

تصدقوا لعلها المنجية"
726
("هتغير عشان الجنة تستاهل:-) 💪♥

01 Dec, 16:52

من مساحات الرفق بشريك حياتك انك ماتحطش نفسك في موضع ريبة في موضوع معين ، وتسيبه فريسة للشك فيك ، وتفضل مراهن على ثقته فيك لفترة طويلة [حتى لو انت ما بتعملش حاجة غلط من وجهة نظرك]

في بيوت اتهدت لأن أحد الزوجين كان مصمم على عدم الوضوح في حاجة صغيرة لسبب ما ، لكن عمل ده بشكل مثير للشك والريبة .

الشك ممكن يخلي شريك حياتك يتصور سيناريو كبير ماحصلش ، لمجرد انك اختارت انك تحوّر في حاجة تافهة بشكل مثير للريبة .

طب لو الطرف التاني إنسان شكاك بشكل مفرط ، او ردود أفعاله فيها مبالغة كبيرة او يجهل حدود التدخل في بعض المساحات ؟ ، فدي حالة خاصة محتاجة معالجة مناسبة حسب تفاصيلها.

لكن بشكل عام ، الوضوح بيريح و بيحمي النفوس من الشك وبيحفظ الود و بيقوّي مشاعر الثقة .

#دفا_البيوت
#محمد_فتحي
748
("هتغير عشان الجنة تستاهل:-) 💪♥

01 Dec, 14:00

الغفلة عن الأذكار تُشبه الدّخول إلى معركة دون حِصن ولا درع ولا سيف ولا سلاح..

حائر القوىٰ، عدِيم الحِيلة، يُجرح مِن هذا ويُضرب من ذاك، وآخر يصوّب نَحو قلبه ولولا لُطف اللّٰه به لهلك.

#أذكار_المساء.
649
("هتغير عشان الجنة تستاهل:-) 💪♥

01 Dec, 11:19

احنا هنا في الدنيا ماشيين
بمنهج رباني ونبوي

مش بمزاجنا يعني..
في إيدك شغل أحسنه وسلمه على أتم وجه
هيحصل تقصيير أيوا هيحصل

بس ميكونش مستباح ولا بمزاجك
هتتحاسبوا والله على كل حاجة في إيديكم ومش بتأدوها بالشكل الصحيح..

أنت فاكر نفسك في غابة ملهاش حاكم!
الله يحكم يا أخي
ويرى ويسمع
انتبه
ولم نفسك
متخليش الشيطان يلعب بيك
ويقولك
اعمل أي حاجة
وسلم أي حاجة
محدش شايف

لأ عايز أقولك ربنا يرى إن كنت نسيت يعني!


قال الصنعاني في التنوير شرح الجامع الصغير: إنَّ الله تعالى يحب إذا عمل أحدكم عملاً ـ دينًا، أو دنيويًا له تعلق بالدين: أن يتقنه. الإتقان الإحسان والتكميل، أي يحسنه ويكمله.

منهج الانصاص وهات اللي تقدر عليه يوم ما تكون طاقتك واقعة
أو بتصارع ورا شيء صعب
لكن هتفضل طول عمرك طاقتك واقعة وبتجيب انصاص!

هتفوق إيمتا؟

منقول
744
("هتغير عشان الجنة تستاهل:-) 💪♥

01 Dec, 07:06

قراءة واحدة صادقة لكتاب الله تصنع في العقل المسلم ما لا تصنعه كل المُطوَّلات الفكرية بِلُغَتِها الباذخة، وخيلائها الاصطلاحي.

-د. إبراهيم السكران.
#افتح_مصحفك.
665
("هتغير عشان الجنة تستاهل:-) 💪♥

24 Nov, 05:50

باقي 476 سهم و 40ج
السهم ب 50ج

رسول الله : «ما مِن يَومِ يُصْبِحُ العِبادُ فِيهِ، إِلَّا مَلَكَانِ
يَنْزِلان، فيقولُ أحَدُهُما: اللَّهُمَّ أعْطِ مُنفِقًا خَلَفًا، ويقولُ الآخَرُ: اللَّهُمَّ أَعْطِ مُمْسِكًا تَلَفاً»


الرقم:

01065194208
56
("هتغير عشان الجنة تستاهل:-) 💪♥

24 Nov, 05:48

‏

"لا أجد وصفًا يليق بالروح التي هجرت الاستهداء بالقرآن إلا أنها تتعفن تدريجيًا".

- الشيخ بدر آل مرعي.
#افتح_مصحفك.
55
("هتغير عشان الجنة تستاهل:-) 💪♥

24 Nov, 05:45

صبّحكم الله بالخير.

الأيام دي الإنسان بيجر نفسه للعبادة جر والله
وكل يوم بيقعد يذكر نفسه الصبح بتقصيره في حق المولى سبحانه وتعالى

وآخر اليوم قلبه بيكون واجعه بشكل مش مُتخيل لما بيقصر
وبيخاف ينام ميصحاش تاني وتبقى دي كانت آخر فرصة له:)

فبذكركم ونفسي إن مفيش شيء في الدنيا أهم من ربنا وإننا نعمل عباداتنا على أكمل وجه
وإن كل شيء في الدنيا هيزول
ومش هيظل لنا غير العمل اللي عملناه!")

يعني الشغل اللي بنضيع الصلاة عشانه مش هينفعنا
النوم اللي بنحبه أكتر من صلاة الفجر مش هينفعنا
الفلوس مش هتنفعنا
الأهل نفسهم مش هينفعونا

فاحنا نعمل لنفسنا محدش هيفكر فينا لما نموت!

استمسكوا بالوحي في زمن زادت فيه الفتن والإنسان بقا كل خطوة يمشيها بيُفتن
فالله ينجينا ويقبضنا غير مفتونين"(
60
("هتغير عشان الجنة تستاهل:-) 💪♥

23 Nov, 23:06

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
132
("هتغير عشان الجنة تستاهل:-) 💪♥

23 Nov, 23:06

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
124
("هتغير عشان الجنة تستاهل:-) 💪♥

23 Nov, 19:09

- فين سويبط يا نعيمان؟
= بيعته في السوق وأخدت بداله دول!😂

في يوم سيدنا أبو بكر قرر يسافر يتاجر في البصرى وأخد معاه في السفرية دي سويبط بن حرملة و نعيمان بن عمرو رضي الله عنهم.

نعيمان ده كان مشكلة؛ كان دمه خفيف أوي وصاحب نكتة كده ومقالب وبيحب يهزر ويضحك مع أي حد وكان أكتر حد نعيمان بيحب يضحكه ويشوفه مبسوط هو سيدنا النبي صلى الله عليه وسلم.❤

المهم في السفرية دي سيدنا أبو بكر خلى سويبط هو اللي ياخد باله من أكلهم ويكون أمانة معاه ويحافظ عليه.

بعد شوية نعيمان حس إنه جعان فراح لسويبط وقاله:"أطعمني"، فسويبط رفض وقاله لما يجي أبو بكر وناكل كلنا سوا.
فنعيمان يسكت؟، لا إزاي!، فبص لسويبط وقاله:"لأغيظنك"
وفكر يعمل فيه مقلب؛ ومشي راح السوق ودور على ناس بتشتري العبيد، فلما وصل لمجموعة منهم فهمهم إنه معاه عبد أصله عربي، وطول بعرض، ولسانه فصيح، وعايز يبيعه بس عنده مشكلة واحدة، إيه هي يا نعيمان؟ مجنون كل لما حد يكلمه يقول على نفسه إنه راجل حر ومش عبد😂، وبصلهم وكمل كلامه وقالهم:" هتشتروه على عيبه ؟ ولا مش عايزنه؟"
فوافقوا يشتروه مقابل ١٠ ناقات.

بعد شوية سويبط لقى نعيمان جاي مع كام راجل وجارر وراه الناقات ووقف ربطهم وبعد كده شاورلهم على سويبط وقالهم هو ده.
فراحوا مسكوا سويبط وكتفوه كده وقالوله إنهم اشتروه من صاحبه، فسويبط فضل يعافر ويقول:"هو كاذب، أنا رجل حر"
فقالوله:"عارفين اللي انت بتقوله هو حكالنا حكايتك!" وكتفوه وأخدوه ومشيوا.😂

فجه سيدنا أبو بكر بيسأل عن سويبط، فنعيمان حكاله اللي حصل، فجري سيدنا أبو بكر وأخد سويبط ورد الناقات تاني لأصحابهم.🙆

الصحابة بيقولوا إنهم فضلوا سنة كل لما يفتكروا الموقف ده يضحكوا ولما حكوه لسيدنا النبي صلى الله عليه وسلم ضحك😂❤
والله أعلم.
#سيرة_صحابة_رسول_الله
الشير مفتوح وهو الأفضل ياحبايب
#نعيمان
#هبة_شلبي
243
("هتغير عشان الجنة تستاهل:-) 💪♥

23 Nov, 16:25

الطاعة محتاجة مجاهدة ، والقوامة محتاجة مجاهدة.

وان حد فينا يأهل نفسه عشان يكون سكن لحد تاني، موضوع محتاج شغل.

فقبل ما تفكروا تتجوزوا ، اعرفوا الكلام ده بشكل كويس .

انت كشاب ، عشان تكون زوج صالح ، مطلوب منك انك تنفق على زوجتك وتحميها وتتحمل مسئوليتها الاجراءية والنفسية ، وتراعيها، وتتفهم نفسيتها كأنثى و تشبعها وتملى يومها ، وتسمعها وتوّنسها ، وتبادر في اسعادها ، وانك تكون سكن لقلقها وخوفها ،وهتتنازل عن جزء كبير من راحتك عشان تريح أهل بيتك .

وانتِ كبنت ، عشان تكوني زوجة صالحة ، مطلوب منك انك تكوني ليّنة وطيّعة ، و انك تتفهمي نفسيته كرجل ، و تكوني سكن نفسي وجسدي ليه، ومهم تعرفي ان في بعض المساحات في حياتك هاتعملي فيها اعتبار لموافقة زوجك ورضاه .
وانك تبادري في اسعاده وراحته ، وانك تحفظيه في نفسك وماله ، وانك تهوّني عليه ضراوة الايام ، وانك تراعي شئون بيتكم و نظافته ونظامه عشان يكون سكن ليكم.

وبشكل عام هاتكونوا مطالبين إنكم توصلوا بعلاقتكم للحد الأدنى من حسن العشرة وأداء الحقوق وإدارة الانفعالات ، في غالب الاوقات والأحوال.

فزي ما هو قبل الجواز مهم ان كل واحد يكون فاهم نفسه وعارف هو عاوز إيه من الجواز ، مهم أيضا يكون عارف ايه المسئولية اللي هو داخل عليها وانا يأهل نفسه ليها ويجاهد في أداءها.

#دفا_للبيوت
#محمد_فتحي
297
("هتغير عشان الجنة تستاهل:-) 💪♥

23 Nov, 15:25

و عليكم السلام ورحمه الله وبركاته
جزاك الله خيرا 🤍
ممكن حضرتك تبعت رقمك أو اي حاجة للتواصل
295
("هتغير عشان الجنة تستاهل:-) 💪♥

23 Nov, 15:16

والله بهذه حياة ما تنفع غير صحتك. لا ترهق أعصابك وصحتك من أجل الناس وكلام الناس وعلاقات مع الناس. ترى من تخسر صحتك، لا أحد من الناس ينظر إليك ويقول لك شكرا.

مقتبس
280
("هتغير عشان الجنة تستاهل:-) 💪♥

23 Nov, 15:16

ربنا يرزقنا أموال حلال وحسنات على قد كل ما بنشوف حد
محتاج بيكون نفسنا ننفق عليه لحد ما يتعفف عن طلب
الناس!

- في صحة وعافية غير مفتونين يا رب-
313
("هتغير عشان الجنة تستاهل:-) 💪♥

23 Nov, 13:29

"أمسينا وأمسى الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير. رب أسألك خير ما في هذه الليلة وخير ما بعدها، وأعوذ بك من شر ما في هذه الليلة وشر ما بعدها. رب أعوذ بك من الكسل وسوء الكِبَر، رب أعوذ بك من عذاب في النار وعذاب في القبر."

#أذكار_المساء
311
("هتغير عشان الجنة تستاهل:-) 💪♥

23 Nov, 06:39

هل يليق بنا أن نتصفح يوميًا عشرات التعليقات، والأخبار، والمقالات، ومع ذلك ليس لكتاب الله نصيبٌ من يومنا!

-شيخ/ إبراهيم السكران -فرّج الله عنه وإخوته-

#افتح_مصحفك
422
("هتغير عشان الجنة تستاهل:-) 💪♥

23 Nov, 06:36

صبّحكم الله بالخير

يوم جديد = فرصة جديدة = توبة جديدة

النهاردة السبت اللي استنينا عشان نبدأ من عنده

اكتبوا عبادات اليوم وعبادات هتلتزموا بيها بإذن الله وجاهدوا إنكم تلتزموا بيها وراقبوا نفسكم كويس جدًا
عشان تعرفوا إيه أسباب السقوط وعدم الالتزام

استعينوا بالله واعرفوا إن بجهدكم مش هتقدروا تعملوا شيء..
لازم تعرفوا إن لا حول ولا قوة لنا إلا بالله
استشعروا معنى الذكر وحياتكم فعلًا فعلًا هتتغير..

عامةً احنا في الدنيا للعبــــادة وأشياء أخرى
فبلاش الأشياء الأخرى دي تلهيكم عن الهدف الأساسي.

وآخيرًا ابدأوا بالقليل
وقليل دائم خير من كثير متقطع
وشدوا الهمة
الجهاد في الدنيا مش سهل
والجهاد للجنة صعب..
فلعل الله يجازينا بالمحاولات.
429
("هتغير عشان الجنة تستاهل:-) 💪♥

22 Nov, 22:40

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
456
("هتغير عشان الجنة تستاهل:-) 💪♥

22 Nov, 22:40

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
433
("هتغير عشان الجنة تستاهل:-) 💪♥

22 Nov, 19:52

يا عبدالله..

لا تنم قبل أن تأخذ نصيبك من القرآن، ولو بتكرار سورة الإخلاص
وقد قيل أن الختمة بِـ ٣ ملايين حسنة
وسورة الإخلاص تعدل ثلث الختمة أجرا
سورة الإخلاص = مليون حسنة

يا عبدالله افتح مصحفك؛ فإنك لا تدري ما يفتح غدًا قبرك أم مصحفك!

منقول
545
("هتغير عشان الجنة تستاهل:-) 💪♥

22 Nov, 17:06

🔹️لما هي غلطت، كان ممكن تقول له (حقك عليا ... انا غلطانة) ، ورغم أنها عارفة انه ما ينفعش تسيبه زعلان لكن فضلت مصرة على موقفها وحاولت تبرر فعلها .

وفضلوا زعلانين لفترة ، وكرة التلج إتدحرجت والموضوع كبر وكان هايوصل للطلاق وده كله بسبب (الكبر والعند).

🔹️كان ممكن يعتذر ويقول ( أنا آسف) ، لكن الكبر منعه ، وكمان حاول يقلب الترابيزة عليها ، وضيع أيام في النكد ، وساب بكلامه الناشف جروح تعيش لسنين .وكل ده بسبب (الكبر والعند)

🔹️الكبر والعند بيخلونا نضيع حياتنا في النكد بدل ما نقضي وقت لطيف مع بعض ، وبيكسروا قلوبنا وبيزودوا الجفا ،وبيكبروا المشاكل الصغيرة .

الكبر بيخرب دنيانا..وبيخسرنا آخرتنا .

قال النبي ﷺ : (لا يدخل الجنة من كان في قلبه مثقال ذرة من كبر)

#دفا_البيوت
#محمد_فتحي
580
("هتغير عشان الجنة تستاهل:-) 💪♥

22 Nov, 14:06

نذكركم بساعة الاجابة
فضلاً لا تغفلوا عنا❤

لا تنسوا أخوانكم المستضعفين ولا تنسونا
ولا تنسوا أهليكم، أصحابكم، أحبابكم
المرء أشد ما يكون هذه الأيام لكفٍ تربت عليه على شكل دعاء

فتح الله عليكم
593
("هتغير عشان الجنة تستاهل:-) 💪♥

22 Nov, 10:54

عايزك تاخد بالك من حاجة:

السوشيال علمتنا أن كل حاجة لازم تكون متضخمة..

المشاعر الرهيبة الحب المبالغ فيه

الهدايا الواو،
المكتبة الواو،
الأدوات الكيوت
المفاجأة اللي مفيش أجمد منها
فبقينا نبص على أي حاجة تقدم لنا أنها ناقصة وقليلة!

بالعكس
السوشيال والأفلام والمسلسلات مصورالك دا
وهو مش نقص أصلاً ..
بل أنت يمكن متكونش محتاجه ..

فخد بالك.

لو في نقص فعلاً ولا دا وهم
وربنا بيزرع جوانا احتياج للشيء علشان نعبد

الاحتياج بيولد عبادة
علشان تقول يا رب

يا رب اجبر نقصي في الشيء الفلاني..

بس يكون احتياج فعلاً مش وهم، ومتنساش لا تمد عينيك.


منقول
746
("هتغير عشان الجنة تستاهل:-) 💪♥

22 Nov, 09:27

صلوا على قدوتنا اشرف الخلق وخاتم الأنبياء والمرسلين سيدنا محمد ❤️
655
("هتغير عشان الجنة تستاهل:-) 💪♥

16 Nov, 12:47

باقي 521 سهم و 16ج
السهم ب 50ج

من أعان شاب على الزواج كان له أجر ذلك إلى قيام الساعة.

-ابن عثيمين رحمه اللّٰـه

ما في ذلك من الأجر العظيم إن شاء الله لمن سعى في إعفافه وسد حاجته ، والتسبب في تكثير نسل المسلمين .
01065194208
32
("هتغير عشان الجنة تستاهل:-) 💪♥

16 Nov, 12:42

﴿ فَٱذۡكُرُونِیۤ أَذۡكُرۡكُمۡ وَٱشۡكُرُوا۟ لِی وَلَا تَكۡفُرُونِ ﴾ - البقرة (١٢٥).

#أذكار_المساء
38
("هتغير عشان الجنة تستاهل:-) 💪♥

16 Nov, 12:41

-

مرة في المواصلات بلتفت فلمحت السيدة اللي كانت بجانبي بتقرأ الأذكار

فتذكرت إني نسيت أقولهم
وكان لها الأجر في تذكيري

الجهر بالطاعات في المواصلات العامة مثمر جدا جدا اللهم بارك

خاتم التسبيح، القرآة من المصاحف الورقية، كتيبات الأذكار

رفقاء المواصلات والسفر
رفقاء لك ونصحاء لغيرك.

رفيق
45
("هتغير عشان الجنة تستاهل:-) 💪♥

16 Nov, 06:17

قِراءةُ القُرآن عَلَى الوَجهِ المَأمُور بِه تُورِث القَلب الإيمَان العَظِيم وتَزيدهُ يَقينًا وطَمأنِينَة وشِفاء.
‏
- ابن تيمية.
#افتح_مصحفك
218
("هتغير عشان الجنة تستاهل:-) 💪♥

16 Nov, 06:17

صباح الخيرات والمسرات..

لِتعلم أن الدنيا بأسرها لا تسوى شيء ولا تسوى في ميزان الله شيء

فيجب علينا ألا نغتر بها ولا نحزن لأجلها ولا نجزع لفقد فيها ولا فوات فرصة

وأن الجنة هي دارنا وهي المستقر
وهي العوض عن كل كدرات الحياة

لذا ذكر نفسك..
ما شاء الله كان وما لم يشأ لم يكن
لبيك إن العيش عيش الآخرة
اللهم لا تجعل الدنيا أكبر همنا

رفيق
220
("هتغير عشان الجنة تستاهل:-) 💪♥

15 Nov, 22:07

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
263
("هتغير عشان الجنة تستاهل:-) 💪♥

15 Nov, 22:07

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
248
("هتغير عشان الجنة تستاهل:-) 💪♥

15 Nov, 19:16

- أنت عارف أبليس هيمو*ت كام سنة؟
=لا، هو أصلًا دي حاجة معروفة؟!
-تقريبًا اه!
=😲

لما أبليس قرر يعصي أمر الله واستكبر عن السجود لسيدنا آدم بحجة إن ربنا خلقه من نا*ر وخلق سيدنا آدم من طين؛
ربنا -عز وجل- حكم عليه بالطرد من الجنة والهبوط للأرض فقال تعالى:"فَاهْبِطْ مِنْهَا فَمَا يَكُونُ لَكَ أَن تَتَكَبَّرَ فِيهَا فَاخْرُجْ إِنَّكَ مِنَ الصَّاغِرِينَ"

في اللحظة دي أبليس عرف إنه خلاص بقى ملعو*ن وضيع أخرته فدعى ربنا بدعوة غريبة جدًا، قال:"أَنظِرْنِي إِلَىٰ يَوْمِ يُبْعَثُونَ"
-يعني إيه؟
=يعني عايز ربنا يمهله ليوم البعث؛ يعني يفضل عايش في الدنيا لحد يوم القيامة، وده لو حصل فمعناه إنه مش هيمو*ت أبدًا!

- طب ليه طلب كده؟
= عشان يقدر يغوينا لأطول مدة ممكنة!

- طب إيه المشكلة لو فضل عايش ومام*تش أبدًا؟!
=من عظمة ربنا عز وجل إنه كتب المو*ت على كل شيء، الكل هيمو*ت، حتى المو*ت نفسه هيمو*ت!
فلو ربنا عز وجل استجاب دعوته فده معناه إن مش كل نفس هتبقى ذائقة الموت زي ماربنا- عز وجل- أخبرنا وبكده هيحصل تناقض!

- وإيه اللي حصل بعد كده؟!
= ربنا عز وجل رد على دعوته في سورة الأعراف وقال:" إِنَّكَ مِنَ الْمُنظَرِينَ"
هيمهله زي ما طلب، بس هيمهله ليوم البعث؟، لو فتحت سورة الحجر و سورة ص هتلاقي رب العزة ذاكر مدة إمهال إبليس؛ قال تعالى:"(فَإِنَّكَ مِنَ الْمُنْظَرِينَ إِلَى يَوْمِ الْوَقْتِ الْمَعْلُومِ).

- وإيه هو يوم الوقت المعلوم؟!
=سيدنا ابن عباس رضي الله عنه لما فسر الآية قال إن يوم الوقت المعلوم هو يوم النفخة الأولى اللي هيمو*ت فيه كل الخلائق(وسمى بالمعلوم لإن معلوم فيه إن كل الخلائق هتمو*ت)، وبالتالي أبليس هيمو*ت اليوم ده وربنا- عز وجل- بعد كده هيحييه في النفخة الثانية( البعث)، وبين النفخة والنفخة أربعين سنة، يعني هيمو*ت أربعين سنة!
والله أعلم. والله أعلم.
#تفسير_آيات_القرآن💚
علمنا الله واياكم
#هبة_شلبي
الشير مفتوح وهو الأفضل ياحبايب
303
("هتغير عشان الجنة تستاهل:-) 💪♥

15 Nov, 16:25

لو جوزك راجل طيب ومستقيم ...وبيحبك وبيحب ولادكم ... وبيسعى على رزقكم وبيأكلكم حلال ... وبيصلي ويعرف ربنا ... وحنين عليكي ومش بيهيينك ومش بتهوني عليه.... يبقى ده راجل كويس.
ممكن يكون مش رومانسي او مش بيقول كلام حلو ...او مش بيسمعك بالشكل اللي يرضيكي ...ودي مشكلة فعلا ...وحقك عليه انه يشبعك عاطفيا ...ومهم انه يتفهم احتياجاتك ويدور على اللي يسعدك ... لكن ده مش معناه ان الحياة معاه لا تطاق

لو مراتك طيبة ... وبتحافظ على إسمك وعرضك في وجودك وفي غيابك .. ومهتمة بأولادكم ...وبتصلي ومحتشمة وتعرف ربنا...وإنسانة مرنة ولينة ومش عنيدة... وعارفة حقك عليها كزوج .. ومش بتقطعك من أهلك ومش بتدفعك بطلباتها الكتير للفلوس الحرام ... يبقى دي زوجة كويسة.
ممكن تكون هي مقصرة شوية في شكلها او مش فرفوشة ودلوعة بالشكل اللي يرضيك... او مقصرة شوية في تفصيلة او اكتر في مسئوليات البيت... لكن ده مش معناه ان الحياة معاها لا تطاق

كل البيوت فيها مشاكل وكلنا عندنا عيوب ...وكون ان فيه شوية مشاكل في التواصل او في حاجات تانية ... ده مش معناه ان الدنيا تسود في عينينا واننا نفكر في الطلاق ((إلا لو إتأكدنا فعلا ان العيوب دي مش قادرين نتجاوزها فعلا))

انا بقول الكلام ده ليه؟ ... لان في بيوت كتير بقى فيها حالة من السخط و التركيز على الحاجات اللي ناقصة ... والناس بقت بتستسهل الطلاق ..وده لأسباب كتير نتكلم عنها لاحقا .

إسألوني انا ... وانا اقولكم على البيوت اللي فيها مصايب فعلا .... انا بيجيلي إستشارات لبيوت فيها الطرفين بينهم إهانات وعنف وخيانات وقطيعة رحم وإضطرابات نفسية ..الخ.

فلو بيتكم بيت كويس... حاوطوا عليه ... وحلوا مشاكلكم ...وتغافلوا ..وشوفوا الحلو اللي عندكم.. ولا تنسوا الفضل بينكم

البوست مش تبرير للاهمال والتقصير .... البوست هدفه إننا نحاول نكون منصفين ونحاول نحط كل مشكلة في حجمها ونحاول نحلها او نتغافل عنها
ولكن لو الموضوع غير محتمل فعلا... ومش قادرين نتجاوز ... يبقى تسريح بإحسان... لكن في بيوت عمرانة بحاجات كتير كويسة رغم غياب حاجات تانية

#دفا_البيوت
#محمد_فتحي
329
("هتغير عشان الجنة تستاهل:-) 💪♥

15 Nov, 13:56

هَلِمُّوا إقبالاً ودُعَاءً وتضرّعاً،
فقد بلغتم آخِر سويعات يوم الجُمعَة.

لا تنسونا من دعواتكم ولا تنسوا اخوانكم.

ادعولي بالشفاء العاجل فضلاً "
403
("هتغير عشان الجنة تستاهل:-) 💪♥

15 Nov, 13:55

ساعة إجابة
فضلا وليس أمرا ادعو لامي ربنا يرحمها ويغفر لها ويسكنها الفردوس الأعلى ❤️
411
("هتغير عشان الجنة تستاهل:-) 💪♥

15 Nov, 13:27

﴿ فَٱذۡكُرُونِیۤ أَذۡكُرۡكُمۡ وَٱشۡكُرُوا۟ لِی وَلَا تَكۡفُرُونِ ﴾ - البقرة (١٢٥).

#أذكار_المساء
420
("هتغير عشان الجنة تستاهل:-) 💪♥

15 Nov, 06:10

يَوم الجمعة..

يستحب فيها الإكثار من الصلاة علىٰ النبي ﷺ

اللهُمَّ صلِّ وسلم وبارك علىٰ نبينا وحبيبنا مُحمد وعلى آله وسلم تسليمًا كثيرًا.")
517
("هتغير عشان الجنة تستاهل:-) 💪♥

15 Nov, 06:10

صباح الجمعة الطيّب، المميز عن كلّ يومٍ غيره، صباحٌ جميل مهما كان ما نمرّ بهِ.

"أذكرك اليوم أيضًا أنه لا تزال أمامك فرصة ما دمتَ تقرأ هذا، يمكنك أن تحاول مرّة أخرى، لا بأس..
ما جئنا هنا إلا لنحاول!"

طبتم، وطابت جمعتكم وسائر أيّامكم.🌱

« متنسوش أذكاركم وسُنن الجمعة، والصلاة على النبي -صلى الله عليه وسلم- طوال اليوم، وقراءة الكهف، وساعة الاستجابة والدعاء لنا وللمرضى والموتى والمكروبين والمتستضعفين من المسلمين ».
505
("هتغير عشان الجنة تستاهل:-) 💪♥

14 Nov, 23:21

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
463
("هتغير عشان الجنة تستاهل:-) 💪♥

14 Nov, 23:21

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
424
("هتغير عشان الجنة تستاهل:-) 💪♥

14 Nov, 17:05

العيان محتاج حد يزوره يخفف عنه
أهل المتوفى محتاجين حد يطبطب عليهم .
الناس الكبيرة في السن محتاجين حد يتفقد أحوالهم. المكتئب محتاج حد يطمن عليه .
والناجح محتاج حد يقوله براڤو.
وده الاصل شرعا وعرفا.

الترابط والتواصل بين الناس مهم لنفسية الفرد ومهم لسلامة المجتمع بشكل عام

المشكلة إننا ألزمنا نفسنا بعادات إجتماعية خلت التواصل مع الناس حاجة مرهقة ومكلفة جدا .
زي انه لازم لما تزور حد تاخد معاك حاجة غالية بغض النظر عن حالتك المادية ، وزي ان البنت ماينفعش تروح نفس المكان بنفس الطقم مرتين 😃 ، وان لما حد يجي يزورك لازم تعمل أكل وشرب بشكل مكلف حتى لو هاتستدين .. لخ

والمشكلة كمان اننا مابقيناش نتبع آداب الإسلام في علاقتنا مع الناس اللي حوالينا ولا بقينا نعلمها لولادنا .
زي التخفيف في زيارة المريض ، والاستئذان قبل الزيارة ، وزي عدم التدخل في شؤون الغير من خلال الأسئلة المحرجة ، وزي عدم السهر لوقت متأخر....الخ

بالاضافه للمشاكل العامة اللي ضربت كل بيوتنا زي الأزمة الاقتصادية ، وزي طول المسافات والتكدس المروري ، وزي العمل لساعات متأخرة .

بعد الكلام اللي فوق ، بقينا نحس أن العلاقات الاجتماعية مرهقة ومكلفة ماديا ونفسيا ، وبقينا عايشين في جزر منعزلة ، وإندثرت معاني مهمة زي صلة الرحم وبر الوالدين والتخفيف عن اصحاب الالام من المرضي وغيرهم ، وبقينا نسمع ان في ناس بتموت وماحدش بيحس بيها وناس بتنتحر بسبب الفقر والاكتئاب....الخ

إحنا محتاجين نرجع للبساطة ونرجع نطبق الآداب العامة في علاقتنا مع الناس ،ومحتاجين نجدد نيتنا

وقتها هانشوف أن صلة الرحم وبر الوالدين و زيارة المريض حاجات مهمة ، مش مجرد حاجات مكلفة نفسيا و ماديا.

#دفا_البيوت
#محمد_فتحي
542
("هتغير عشان الجنة تستاهل:-) 💪♥

14 Nov, 15:30

هذه ليلةٌ ونيسة..

إن وجه العالم القبيح يبدو أكثر وضوحًا هذه الأيام، وكرب أمَّتنا يشتد ويزداد بحكمة الله تعالى، وقد عشنا العجز، والضعف، وتمزق القلب والروح على أخواننا المستضعفين؛ وقد صار واجبًا علينا التمسك بديننا أكثر من ذي قبل، وذلك بِـ اتباع النبي صلى الله عليه وسلم في كل ما أخبر، وأيسر الاتباع، والطاعة الصلاة والسلام على رسول الله صلى الله عليه وسلم وفي ذلك بركاتٌ لا تُحصى، ومكرماتٌ لا تُثَمن

اللهم صلِ وسلم على نبينا محمد وعلى آله وصحبه أجمعين.

م. مريم أحمد سكاف
468
("هتغير عشان الجنة تستاهل:-) 💪♥

14 Nov, 06:04

هجر القرآن = تسليم القلب إلى الشيطان.

#افتح_مصحفك
612
("هتغير عشان الجنة تستاهل:-) 💪♥

14 Nov, 06:04

صَباحُ الخَير..

‏ إذا أراد الله؛
ما منع مانعٌ، ولا حجب حاجبٌ.

إذا أراد الله؛
جاءتك الأماني خفيفةً، وصارت لك المستحيلات حقيقةً.

﴿إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ﴾.🌤🤎.
617
("هتغير عشان الجنة تستاهل:-) 💪♥

09 Nov, 21:34

باقي 573 سهم
السهم ب 50ج

من يختم اليوم بالصدقة وينال الاجر
تذكر ان
الصَّدقةُ تطفئُ الخطيئةَ كما يطفئُ الماءُ النَّارَ

01065194208
177
("هتغير عشان الجنة تستاهل:-) 💪♥

09 Nov, 21:34

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
178
("هتغير عشان الجنة تستاهل:-) 💪♥

09 Nov, 21:34

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
169
("هتغير عشان الجنة تستاهل:-) 💪♥

09 Nov, 19:39

الموضوع بدأ لما مجموعة خنا*زير قرروا يروحوا ورا فريقهم هو*لندا عشان يشجعوه هناك، حلو؟ مش حلو بصراحة بس عديها!

وهما ماشيين امبارح بالليل وكانوا حوالي ٣٠٠نفر؛ شافوا شباك في بيت من البيوت متعلق عليه علم فلس*طين، فنسيوا نفسهم وأصلهم الحيو*اني المعروف، وقرروا يتشعبطوا ويقطوا العلم!
مين شاف اللي بيحصل؟ الجالية العربية وبالأخص المغاربة ❤
بس يا سيدي وبدأت لعبة سابواي بين حبايبا وبين قطيع الخنا*زير؛ الخناز*ير تجري وحبايبنا وراهم، واللي بيتقفش منهم يابيتسحل وتتغير معالم وشه يا بيترمي في النهر!

والواحد قاعد بيتفرج على الفيديوهات والصور بمنتهى الانشكاح والضحكة على وشه من الودن اليمين للودن الشمال❤
وحاجة في منتهى:"إيه اللي وداهم هناك!😂❤"
#هبة_شلبي
337
("هتغير عشان الجنة تستاهل:-) 💪♥

09 Nov, 17:12

(كل الستات كده)
(كل الرجالة كده)

الكلام ده مفهوم لو بنتكلم مثلا عن بعض الصفات النفسية الغالبة على كتير من الستات والرجالة ، زي مثلا (الست كائن عاطفي ) او (الراجل مش بيحب التوجيه المباشر من الست) .. وهكذا

لكن الكلام ده مالوش علاقة بالأخلاق الاساسية والنفوس السوية .

وبالتالي لو إنتِ بنت مقبلة ع الجواز ، ماتخليش حد يقنعك بالجواز من راجل متعدد العلاقات النسائية او بيشرب مخدرات او غير متحمل للمسئولية او شديد البخل او كداب وبتاع حوارات ، تحت بند (كل الرجالة كده).
لان مش كل الرجالة كده .... ولو اتجوزتي الراجل ده هاتندمي ندم عمرك للاسف.

ولو إنت شاب مقبل علي الجواز، ماتخليش حد يقنعك بالجواز من بنت سليطة اللسان او مش محتشمة او كدابة او كثيرة الشكاية ... الخ ، تحت بند (كل البنات كده).
لان مش كل البنات كده.... ولو اتجوزت الانسانة دي هاتندم للاسف .

#دفا_البيوت
#محمد_فتحي
421
("هتغير عشان الجنة تستاهل:-) 💪♥

09 Nov, 15:31

زمان كنت لما بقرأ تاريخ الأمة أثناء الحروب الصليبية و حروب التتار ، كنت ببقى مندهش جدا من فكرة ازاي يكون في ناس بتتقل وأرض بيتم احتلالها وبقية الناس ساكتين.

الآن ... انا فهمت ... وذهب اندهاشي

محمد فتحي
458
("هتغير عشان الجنة تستاهل:-) 💪♥

09 Nov, 14:06

من حرص الإسلام على ألا يتسبب المسلم لأخيه المسلم في أي أذى، جعل من أذكار الصباح والمساء التي يرددها المسلم في يومه مرتين حين يصبح ويمسي دعاء:

{ وأعوذ بك أن أَقْتَرِفَ عَلَى نَفْسِي سُوءًا أَوْ أَجُرَّهُ إِلَى مُسْلِمٍ }

يعني أعوذ بك يا رب أن أتسبب لنفسي في سوء أو أتسبب فيه لأي مسلم! :))

#أذكار_المساء
504
("هتغير عشان الجنة تستاهل:-) 💪♥

09 Nov, 11:56

تأخير  الصلاة بسبب الأعمال المنزلية !
#ابن_عثيمين
‌
‏ تأخير الصلاة بسبب الأعمال المنزلية.

#السؤال: أحيانا أؤخر الصلاة عن وقتها ليس من تهاون، ولكن لكثرة أعمالي المنزلية، فهل علي ذنب؟

#جواب العلامة العثيمين رحمه الله:

نعم، عليك #ذنب، ولا يجوز أن تؤخري الصلاة عن وقتها أبدا ، فهي ركن من أركان الإسلام،

والله تعالى قال:‏( إن الصلاة كانت على المؤمنين كتابا موقوتا)  [النساء:۱۰۳]؛ فلا بد أن تؤديها في وقتها.

وأقول لك: إذا أديت الصلاة كان ذلك معونة لك على أعمالك؛ لأن الله تعالى
يقول:( واستعينوا بالصبر والصلاة) [البقرة:٤٥].

منقول
569
("هتغير عشان الجنة تستاهل:-) 💪♥

09 Nov, 10:02

ليس باليدِ حيلة

اللهُم إنا نشكو إليك ضعف قوتنا وقلة حيلتنا وهواننا على الناس
نعوذ بك من العجز.. نعوذ بك من العجز.

استودعناهم يا ربّ
فاللهُم سخر لهم ملائكة السماء وجنود الأرض.
556
("هتغير عشان الجنة تستاهل:-) 💪♥

09 Nov, 05:44

«لا نجد شيئًا أرقَّ لهذه القلوب من قراءة القرآن».

وهيب بن الورد

#افتح_مصحفك
666
("هتغير عشان الجنة تستاهل:-) 💪♥

09 Nov, 05:44

صباحك آمن وإخوانك لا يدرون أصباحٌ هذا أم ليل!

لا تألف المشْهَد
ولا تنسَ إخوانك
ولا تستصغر دورك

فسلاحك الدعاء مؤقتًا إلى أن يأذن الله لنا بالجهاد

وليكن للمنافقين نصيبًا من دعائك عليهم، إلى أن يأتي موعدهم.. وإنه قد دنى.
647
("هتغير عشان الجنة تستاهل:-) 💪♥

08 Nov, 22:14

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
656
("هتغير عشان الجنة تستاهل:-) 💪♥

08 Nov, 22:14

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
602
("هتغير عشان الجنة تستاهل:-) 💪♥

08 Nov, 19:43

-انت متخيل إن في ناس مننا عاديين ربنا هيرزقهم يوم القيامة بمكانة عظيمة جدًا، لدرجة إن الأنبياء والشهداء هيغبطوهم على المكانة دي؛ يعني الأنبياء والشهداء هيتمنوا لو يكونوا في نفس مكانة الناس دي!

في يوم سيدنا النبي صلى الله عليه وسلم بص للصحابة رضوان الله عليهم وقالهم:"إنَّ مِن عبادِ اللهِ لَأُناسًا ما هم بأنبياءَ ولا شُهداءَ، يغبِطُهم الأنبياءُ والشُّهداءُ يومَ القيامةِ بمكانِهم مِن اللهِ تعالى".

فالصحابة استغربوا وبقى عندهم فضول يعرفوا مين الناس دي، فسألوا سيدنا النبي صلى الله عليه وسلم:"يا رسولَ اللهِ، تُخبِرُنا مَن هم؟"
فقال صلى الله عليه وسلم: "هم قومٌ تحابُّوا برُوحِ اللهِ على غيرِ أرحامٍ بَيْنَهم، ولا أموالٍ يتعاطَوْنَها، فواللهِ إنَّ وجوهَهم لَنُورٌ، وإنَّهم على نُورٍ، لا يخافونَ إذا خاف النَّاسُ، ولا يحزَنونَ إذا حزِن النَّاسُ"

ناس بيزوروا وبيودوا وبيحبوا بعض لله في لله وبس، لا بسبب إن بينهم مصلحة ولا نسب ولا أموال ولا مشاريع، حب خالص لله وبس❤
يوم القيامة وشوشهم هتبقى مليانة نور وبسبب قربهم من الله لا هيخافوا زي باقي الناس من هم يصيبهم ولا هيحزنوا زي حزن باقي الناس من أجر وثواب هيتحرموا منه ❤❤

وبعد كده سيدنا النبي صلى الله عليه وسلم تلى الآية القرآنية"أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ"
والله أعلم.

اللهم اجعلنا من أوليائك❤
أُشهد الله إني أحبكم في الله والله❤

علمنا الله واياكم.
#سيرة_سيدنا_النبي
الشير مفتوح وهو الأفضل ياحبايب
#هبة_شلبي
742
("هتغير عشان الجنة تستاهل:-) 💪♥

08 Nov, 17:11

الطفل اللي اتربى في مستوى إجتماعى ومادي كويس ومدارس كويسة ونادي رياضي ومحفظ قرآن وأب وأم تربويين ....ممكن يطلع متربي...و ممكن يطلع متدلع ومستهتر وبايظ

والطفل اللي اتربى في ظروف صعبة مليانة فقر وحرمان و مستوى إجتماعي قليل ...وأب وأم قاسيين....ممكن يطلع مشوه ومنحرف.... وممكن يطلع راجل ومتحمل للمسئولية

التربية مش معادلة رياضية ... مش ١+١ =٢... الموضوع معقد ومتشابك .... والعوامل المؤثرة فيه كتير .

ممكن طفلين يتربوا في نفس الظروف ... ويطلعوا في الآخر متناقضين تماما .

إحنا كآباء وأمهات دورنا اننا نوفر أفضل الظروف التربوية و النفسية والمادية لاولادنا بشكل مناسب لشخصياتهم وفي ظل الظروف المتاحة وبمنتهى الوعي ... ونحوّط عليهم بدعاءنا لله إن ربنا يهديهم ويصلح أحوالهم لأن في الآخر صلاح الحال بأمر الله عز وجل

#دفا_البيوت
#محمد_فتحي
690
("هتغير عشان الجنة تستاهل:-) 💪♥

08 Nov, 14:07

ساعة إجابة
فضلا ادعو لامي ربنا يرحمها ويغفر لها ويسكنها الفردوس الأعلى ❤️
750
("هتغير عشان الجنة تستاهل:-) 💪♥

08 Nov, 13:12

يقول أحد الصالحين : «ما دعوت الله بدعوة بين العصر والمغرب يوم الجمعة، إلا استجاب لي ربي حتى استحييت».

اغتنموا ساعة الإجابة، ولا تغفلوا عن اخواننا المستضعفين في السودان وغزة من دعائكم.
881
("هتغير عشان الجنة تستاهل:-) 💪♥

08 Nov, 06:04

«سبحان اللّٰه، كأنَّ القُرآنَ يَسري بداخلِنا لِيَبنيَ ما هدَمَهُ الشيطانُ، وما حطمَهُ الناسُ فينا!».

د. أحمد عبدالمنعم.

#افتح_مصحفك
1,011
("هتغير عشان الجنة تستاهل:-) 💪♥

08 Nov, 06:03

صباح الخيرات.🤍

الجمعة عيدنا وأفضل أيامنا.

اليوم اللي بحب أتعامل معاه بهدوء وسكينة، صوت القرآن وتفاصيل اللمة في البيت واللعب والهزار والكركبة.
اتعاملوا مع يوم الجمعة باختلاف متحطوش فيه شيء غير الود والدفى والأهل
كفاية نت وسوشيال طول الأسبوع، أهلك ليهم حق عليك ومحتاجينك تقعد معاهم
هما اللي معاك وهيسقفولك يوم ما تنجح، النجاح مش نجاح لو ملقيتش حد يسقفلك في الآخر أنت مش عايش لوحدك!

هتستفاد إيه لما عمال تجمع من هنا وهنا وناسي أهلك؟
اوعى تفقد أهلك وصُحبتك في الطريق، خد بريك يوم الجمعة من كل حاجة وروّق على نفسك وكفاية ضغط'))

خليه كنز لصلة الرحم والزيارات واللعب مع أخواتك

اصحى، صلّي وقول أذكارك وشغل سورة الكهف بصوت شيخنا المنشاوي أو الحصري
ونضف أوضتك، واغتسل وتطيّب والبس نضيف كدا وخلي كل حاجة حلوة وهادية
ومتنساش ورد الصلاة على النبي -صلى الله عليه وسلم- ومناقشة صغننة كدا علشان الترابط يزيد

وفي آخر اليوم تسالي وضحك وهدوء ونوم

وقوم حارب تاني يوم :))
974
("هتغير عشان الجنة تستاهل:-) 💪♥

07 Nov, 20:18

رابط التسجيل 👇🏻
https://t.me/+WcOvHI27BDY3NTE0
988
("هتغير عشان الجنة تستاهل:-) 💪♥

03 Nov, 10:32

بقالنا يومين التبرعات شحيحة جدا
ما علي ذلك عهدناكم
عهدناكم سباقين بالخير "♡
وقفتوا لية

قال تعالي "أُولَٰئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ"💚
24
("هتغير عشان الجنة تستاهل:-) 💪♥

03 Nov, 09:40

فضل الأم على الشخص لا يرده دين ولا أي شيء آخر حتى الموت. لا تكفي الكلمات في العادة للتعبير عن أي مشاعر داخل الشخص للأم. الأم هي الكائن الوحيد الذي يحمل الحب الدائم فقط ناحية أبنائها فهي لا تكن أي مشاعر أخرى لهم سوا الحب. من له أم عليه أن يعيش كخادم تحت قدميها فهي نعمة من الله لا يمكن تعويضها
رحم الله امي و غفر لها واسكنها الفردوس الاعلى من الجنة💔
72
("هتغير عشان الجنة تستاهل:-) 💪♥

03 Nov, 05:44

باقي 652 سهم
السهم ب 50ج

من ييدا اليوم بالصدقة وينال الاجر
تذكر ان
الصَّدقةُ تطفئُ الخطيئةَ كما يطفئُ الماءُ النَّارَ

01065194208
190
("هتغير عشان الجنة تستاهل:-) 💪♥

03 Nov, 05:44

"من اللَّطائف أن الملائكة تدنو لقارئ القرآن وتستمع لقراءته، كما في حديث أسيد ابن حضَير لمَّا كان يقرأ ورأى مثل الظلة فيها مثل المصابيح فقال النبي ﷺ: تلك الملائكة، دَنت لصوتك"
ابن القيم -رحمه الله-
#افتح_مصحفك
184
("هتغير عشان الجنة تستاهل:-) 💪♥

03 Nov, 05:44

صبّحكُم الله بالخير..

‏يتعافى المَرء بكونه
مؤمن مُقاوم،
مُدرك أن ليس للإنسان إلا ما سَعىٰ.")
179
("هتغير عشان الجنة تستاهل:-) 💪♥

02 Nov, 23:14

قيام الليل.🌿

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين 🇵🇸
وادعولي ربنا يحققلي مرادي فضلاً عاجلا غير اجلا.. "
266
("هتغير عشان الجنة تستاهل:-) 💪♥

02 Nov, 23:14

‏ حافظُوا عَلى سُورة المُلك فإنها المُنجية من عَذاب القبر بإذن الله🌿
258
("هتغير عشان الجنة تستاهل:-) 💪♥

02 Nov, 19:44

كان العلامة ابن باز -رحمه الله- إذا سلم عليه شاب بانفراد سأله في أذنه:
هل انت متزوج؟ ألا تريد الزواج؟ نحن نعينك ، فالزواج خير وفيه خير

رحم اللّٰـه الإمام ابن باز.

تصدقوا لعلها المنجية"
375
("هتغير عشان الجنة تستاهل:-) 💪♥

02 Nov, 19:43

إن قصّرت في أواردك اليوم فاجبرها قبل أن تنام

سبحان الله وبحمده مائة مرة تحط عنك خطاياك وإن كانت مثل زبد البحر.

مائة تسبيحة تحط عنك ألف سيئة أو تكسب بها ألف حسنة.

كل تسبيحة صدقة وكل تهليلة صدقة وكل تحميدة صدقة وكل تكبيرة صدقة.
354
("هتغير عشان الجنة تستاهل:-) 💪♥

02 Nov, 16:00

باقي 655 سهم
السهم ب 50ج

من يختم اليوم بالصدقة وينال الاجر
تذكر ان
الصَّدقةُ تطفئُ الخطيئةَ كما يطفئُ الماءُ النَّارَ

01065194208
414
("هتغير عشان الجنة تستاهل:-) 💪♥

02 Nov, 15:59

-

من باب الإحسان والأدب في الشراء
لما يكون في قطعة أو عدة قطع في الطلب مكانتش في مستوى توقع العميل

إنه يذكر الجانب الحلو الأول، ثم ينتقد بأدب طالما ترى الخير في صاحب المكان اللي بتشتري منه 🩷

وحقك على صاحب المكان إنه يسمع شكواك بصدر رحب ويتقبل ويحل المشكلة طالما في مقدوره 🍒

رفيق
355
("هتغير عشان الجنة تستاهل:-) 💪♥

02 Nov, 15:59

[ المرونة تأتي بعد إرساء الحقوق ]

يعني إيه الكلام المجعلص ده ؟

هاقولكم أمثلة :

# لو عاوز زوجتك تكّبر دماغها وتعدي وتفوّت بعض المواقف اللي ممكن يعملها حد من أهلك واللي فيها تدخل في خصوصية بيتكم او فيها شوية غلاسة عليها ... يبقى لازم تطمنها في الاول انك قادر تحافظ على حدود خصوصية بيتكم وانك فعلا بتقدر تحميها وتدعمها ... ساعتها في الغالب هي لوحدها ممكن تعدي بعض المواقف عشان خاطرك او عشان المشاكل ماتزدش.

لكن لو حد من أهلك دايما بيغلس عليها او بيتعدى على خصوصية بيتكم وانت بتبقى واقف تتفرج او بتيجي عليها عشان تريح دماغك... هتلاقيها عمّالة تتشال وتتهبد في كل موقف صغير او كبير .

# جوزك ممكن يتحمل بعض الأوقات اللي ممكن تنفعلي او تحتدي عليه فيها .. او لما في مرة اخدتي قرار في موضوع مهم من غير ما ترجعيله ... هو ممكن يتغافل ويعدي الموقف لما يكون شايف بشكل عام انك بتديله حقه في الاحترام والتقدير والاستئذان.

لكن لو هو شايف انك عنيدة معاه او مش بتحترميه معظم الوقت .. هتلاقيه مصغّر دماغه في كل كبيرة وصغيرة وواقف لك ع الواحدة .

لو عاوزين اللي قدامنا يكون مرن ومتغافل لازم في الاول نطمنه ان حقه متصان .. لانه احيانا الإنسان بيكون صعب عليه انه يكون مرن في الوقت اللي حقه بيضيع فيه .. لانه ساعتها بيحس ان المرونة بوابة لتضييع الحقوق .

#دفا_البيوت
#محمد_فتحي
371
("هتغير عشان الجنة تستاهل:-) 💪♥

02 Nov, 14:28

جاب الزيت المغلي --خد من أيديها ولادها بالترتيب يرميهم في الزيت منهم رضيع وهي لا حول لها ولا قوة

مشهد يفجع القلب لماشطة بنت فرعون

أين الله من اللي حصلهم!

السؤال الصح

أين هم وأين فرعون الآن ؟

طب مشهد أبو جهل وهو بيضرب السيدة سمية في موطن عفتها فين ربنا منه

طب هم فين دلوقتي ؟ ١٥٠٠ سنه سمية تتنعم في الجنان و أبو جهل يُعرض على النار غدًوا وعشيًا

ش. محمد خيري
415
("هتغير عشان الجنة تستاهل:-) 💪♥

02 Nov, 09:03

‏لا تحسبن الإتيان بألف حسنة في اليوم عملا شاقا ؛
فذلك يأتي في مئة تسبيحة فقط🪴

قال ﷺ:
"أيعجز أحدكم أن يكسب كل يوم ألف حسنة؟ يسبح مئة تسبيحة، فيكتب له ألف حسنة، أو يحط عنه ألف خطيئة"

- رواه مسلم.
544
("هتغير عشان الجنة تستاهل:-) 💪♥

02 Nov, 06:11

باقي 656 سهم و 15ج
السهم ب 50ج

من يبدا اليوم بالصدقة وينال الاجر
تذكر ان
الصَّدقةُ تطفئُ الخطيئةَ كما يطفئُ الماءُ النَّارَ

01065194208
628
("هتغير عشان الجنة تستاهل:-) 💪♥

02 Nov, 06:09

عن ابن أبي مليكة قال: أن عكرمة بن أبي جهل كان يضع المصحف على وجهه ويقول: «كتاب ربي كتاب ربي».

#افتح_مصحفك
608
("هتغير عشان الجنة تستاهل:-) 💪♥

02 Nov, 06:08

صباح الخير
لا تشغل بالك بما ليس لك، وبما لم يعد لك.
588
("هتغير عشان الجنة تستاهل:-) 💪♥

01 Nov, 17:12

[ أذى اللسان ] من الحاجات اللي محتاجين نستشعر خطورتها على بيوتنا في الدنيا وفي الآخرة.

قال رجلٌ: يا رَسولَ اللهِ، إنَّ فُلانةَ يُذكَرُ مِن كَثرةِ صَلاتِها وصَدقَتِها وصيامِها ، غيرَ أنَّها تُؤذي جيرانَها بِلِسانِها ؟ قال: هيَ في النَّارِ.

وَفي حديث وصى النبي صلى الله عليه وسلم سيدنا معاذ وقال له : كُفَّ عَلَيْك هَذَا (يقصد اللسان).
قُلْت: يَا نَبِيَّ اللَّهِ وَإِنَّا لَمُؤَاخَذُونَ بِمَا نَتَكَلَّمُ بِهِ؟ فَقَالَ: ثَكِلَتْك أُمُّك وَهَلْ يَكُبُّ النَّاسَ عَلَى وُجُوهِهِمْ إلَّا حَصَائِدُ أَلْسِنَتِهِمْ؟!".

في بيوت الناس فيها بتستهون بأذى اللسان .

راجل بيهين زوجته ويشتمها.... و زوجة لسانها سليط على زوجها وبتقل منه. ... وأم بتسم بدن بنتها ... وأب بيكسر ولاده بكلام مليان شتيمة وانتقاد.

وأم بتسخن إبنها على مراته .... وواحدة بتجيب سيرة
سلفتها وبتشوّه صورتها

وراجل وزوجته متخانقين .... وبيشهدوا شهادات زور ضد بعض في المحاكم وفي قعدات محاولة الصلح.

كسر خواطر ... وكلام مليان قلة تقدير وتسفيه بجهد الناس وتعبهم

غيبة ونميمة وتهكم وسخرية بنشوفها أحيانا في بيوت العيلة .

كل دي حاجات بتأزم الناس في البيوت ... وبتخلي حياتهم جحيم ... كلام بيكسر القلوب وبيوغر الصدور وبيدفع الناس للاضطراب النفسي .

كل الحاجات دي هاتختفي لو عرفنا خطورة الأمر و عملنا زي ما النبي لما قال [كف عليك هذا]

كف عليك هذا

#دفا_البيوت
#محمد_فتحي
784
("هتغير عشان الجنة تستاهل:-) 💪♥

01 Nov, 14:33

ساعة إجابة 💚
فضلا ادعو لامي ربنا يرحمها ويغفر لها ويسكنها الفردوس الأعلى ❤️
708
("هتغير عشان الجنة تستاهل:-) 💪♥

01 Nov, 14:32

_ساعة الإجابة.

ساعة البوح بكل ما في قلوبنا🤍
ادعوا وألحوا واذكرونا في دعواتكم:)

لا تنسوا اخواتكم في فلسطين وسوريا ولبنان والمستضعفين في كل بقاع الارض"
750

20,058

subscribers

766

photos

134

videos
Best Similar Channel
دورات تدبر القرآن لمهندس علاء حامد💡 Telegram Channel
دورات تدبر القرآن لمهندس علاء حامد💡
194,075 subscribers
@tdburalquran
مُبَادرات مهندس علاء حامد|| التفاعلية Telegram Channel
مُبَادرات مهندس علاء حامد|| التفاعلية
162,083 subscribers
@mobadra1alaahamed
دورة «الفقه الميسر» م.علاء حامد. Telegram Channel
دورة «الفقه الميسر» م.علاء حامد.
73,281 subscribers
@alaahamedelfakh
يلا ننجز Telegram Channel
يلا ننجز
29,333 subscribers
@yalla_nnjez
نفحات من الآسك Telegram Channel
نفحات من الآسك
22,950 subscribers
@nafahat_platform
القـ𓂆ـرآن🇵🇸 Telegram Channel
القـ𓂆ـرآن🇵🇸
19,428 subscribers
@muslim1quran
أغاني أفراح إسلامية🥳🤍 Telegram Channel
أغاني أفراح إسلامية🥳🤍
14,195 subscribers
@farhahalal
أَبُو عُمَيْر - عِمْرَان الزُبَيْدي Telegram Channel
أَبُو عُمَيْر - عِمْرَان الزُبَيْدي
13,569 subscribers
@emran_amer_9944
مجموعة مدرسي اللغة الإنكليزية في سوريا Telegram Channel
مجموعة مدرسي اللغة الإنكليزية في سوريا
9,612 subscribers
@syriateachers3
تقوع الآن Telegram Channel
تقوع الآن
8,707 subscribers
@teqoua_now
Random Similar Channel
أ. صهيب الخطيب Telegram Channel
أ. صهيب الخطيب
5,793 subscribers
@emar12sohaibalkhatib
Nursing Data 29 MU Telegram Channel
Nursing Data 29 MU
2,948 subscribers
@channel29data
كورسات اندرو تيت والمشاهير Telegram Channel
كورسات اندرو تيت والمشاهير
4,818 subscribers
@androtet1
Нαɒy Αɒєℓ _🧐 🅗. 🅐. 🅢 ♠ Telegram Channel
Нαɒy Αɒєℓ _🧐 🅗. 🅐. 🅢 ♠
1,274 subscribers
@hadyadel139
الاسكوله Elschoola Telegram Channel
الاسكوله Elschoola
7,384 subscribers
@elschoo
حتى لا يُهجر 📖♻️ Telegram Channel
حتى لا يُهجر 📖♻️
2,316 subscribers
@werd_today
𝐓𝐄𝐄𝐍𝐀𝐆𝐑. Telegram Channel
𝐓𝐄𝐄𝐍𝐀𝐆𝐑.
3,048 subscribers
@teenagr2
فاطمة عنتر -Fatma Anter Telegram Channel
فاطمة عنتر -Fatma Anter
4,615 subscribers
@girlstalkwithfatma
Mai Abu El Enein/ و نفس Telegram Channel
Mai Abu El Enein/ و نفس
2,084 subscribers
@lifecoah
يـٰاسمِينْ'.)🌿 Telegram Channel
يـٰاسمِينْ'.)🌿
1,074 subscribers
@zahretelyasmin

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.