يـٰاسمِينْ'.)🌿

عندي حتة في قلبي ، مش بتغفر نوع معين من الإساءة ، اللي هي إساءة مفيهاش تقدير لمشاعري ، خاصة مع الناس اللي أنا دايمًا حريصة علىَ مشاعرهم أوي ، دول بالذات بزعل منهم أضعاف ، وساعات دا بيضايقني إني مش عارفة أسامحهم.. بس أصل ليه .؟ ليه كنت خايفة على مشاعرك ومشاعري أنا رميتها في الأرض!

ببص ع الرسالة لاقيتها كبيرة أوي حقكم عليا بقىٰ 😅

أولاد أم حبيبة مرضىٰ نفسيين ربنا يعافيهم يارب.

بتجيب ليهم علاج كتير ونفسها يبقوا طبعيين وهي فعلاً قدرت تعمل دا، لأن ماحدش بيشوف اللي هي بتعيشه مع أولادها ولا الصورة من جوه .. هما شافيين الأولاد بيروحوا ويجوا قدامهم بس.

لكن أنا عندي عِلم باللي بيحصل لأن عارفه العلاج إللي بياخدوه إيه،

المهم أنا بقول كدا عشان تدعوا لأولادها ربنا يشفيهم ويعافيهم ويشفي إللي زيهم ياربِّ.

وتحمدوا ربنا على أولادكم لو هما طبعيين، وتساعدوهم يبقوا اسوياء.

السلام عليكم ورحمة الله وبركاته:)'

أخواتي في الله، بما إننا بقالنا فترة مش بنتكلم معاكم بالطريقة العسولة دي ^^

المهم إن يومي النهارده كان إلى حد ما جميل مقارنة بباقي الأيام بس الحمدلله يعني،

حصل معايا النهارده حاجه جميلة خالص ماشاء الله تبارك الله 💗

وهي إن أنا ماكنتش قولتلكم إني بدأت أدَّرس تأسيس لاطفال مش كتير ( ودي أحسن حاجه) بجانب الشرعي ودي حاجه جميلة عشان الإنسان ميبقاش عنده فراغ ويروح يعمل حاجات غلط ..

وكمان إن من فترة كبييييييييييييييييييييييييييرة أوي أوي حاسه كدا إني بدأت أسمع حلو النهارده ( ودا مايمنعش إن مُعلمتي مش راضيا عن هذا التَّسميع) إلا إني كنت مبسوطة لأني كنت بقالي فتره مش بسمع أصلا ..

المهم بقى حبيبة أنا بذاكر لها إنجليزي ( اه أنا بدي أي مواد 😂)

فـَ النهارده لما جت وبحل معاها وبسيبها تكتب لوحدها وبشرب حاجه دافيه لأن كنت مُرهقة جدًا من شغل البيت، لاقيتها بتقولي أنا بحبك أوي..

ابتسمت وقولتلها وأنا كمان بحبك يا حبيبة .. بس بتحبيني ليه بقى؟

قامت جت حضنتني ومبسوطة جدًا وأنا مش فاهمه حاجه، لكن أنا كنت مبسوطة أكتر منها .. 🤍

بقيت قاعدة أفكر في إللي هي عملته، هي طفلة عندها ٨ سنين لكن قدرت تفرحني بكلمة والله

مش قادرة اوصفلكم أنا حتى وأنا بكتب دلوقتي طايرة من الفرحة بسبب حضنها وكلمتها.

في كلام مندرج تحت كلامي دا هقوله، ملهوش علاقة ببداية الكلام بس بما إننا فتحنا فيه بقى.

الناس إللي عندها اطفال خلي طفلك يكون عنده الشجاعة إنو يُظهر حُبُه لـِ مُعلمينه .. لأن دا هيخليه يعرف يعبر لك عن مشاعره تجاهك

أنا وأنا طفلة ماكنش في الكلام دا معايا الصراحه 😅

ودي أسوأ حاجه الواحد ممكن يتكلم عنها، بس مش ناقصين طاقة سلبية

أصل ولادكم لما يعرفوا يكلموكم عن إللي جواهم مش هيروحوا يشحتوا دا من برا ..

لأن ابنك لو طلع عنده جفاف عاطفي تجاهك كـ أب أو أم هيروحوا يدوروا عليهم برا البيت

ودا تقريباً إللي بيحصل الأيام دي .. اه كان موجود زمان بردوا لكن كتر الأيام دي، لأن الأب مشغول والأم قاعدة على الفون أو في الشغل المهم انها مش فاضيه للعيال ولا لزوجها ولا لبيتها حتى.

مش عارفه قدرت أوصل حاجه مفيدة من الكلام دا ولا لأ، بس دي حاجه باختصار وبس.

صباحُ الخير ..
أذَكِّركم ونفسي في بداية اليوم :

" ما يُصِيبُ المُسْلِمَ مِن نَصَبٍ ولا وصَبٍ , ولا هَمٍّ ولا حُزْنٍ ولا أذًى ولا غَمٍّ، حتّى الشَّوْكَةِ يُشاكُها , إلّا كَفَّرَ اللهُ بها مِن خَطاياهُ "

- صحيح البخاري.
-ماتنسوش أذكاركم والوِرد والضحىٰ.

ابدأ يومك بالقرآن والصلاةُ والسلام علي رسول الله ﷺ🤍.

باقي على نهاية السَّنة الميلادية ٤٠ يوم
لسه معاك وقت تبدأ في الأهداف اللي كنت مخطَّط لها

ومش هاقدر اوعدك الحقيقة بإنك هاتنجزها كاملة أو تحقّقها بشكل نهائي ، بس اقدر اوعدك عادي بإنك لو مابدأتش النهاردة هاتندم بعدين وهاتكون بتأخَّر نفسك بنفسك

العادات بنكتسبها في خلال ٢١ يوم
الذَّنب نقدر نتوب عنُّه بركعتين قيام ليل مع مُجاهدة .. ولو اعتبرنا التَّوبة عادة = يبقى انت تقدر تجاهد الذَّنب وتنتهي منه قبل السنة ما تخلص بردوا
بس اتحرِّك!

وماتنتظرش بداية السنة وحماسها وتقول خلاص هابدأ يوم 1/1 والمرة دي بجد مافيش هزار ودي بداية ولا أروَع وهاكسّر الدّنيا
إوعى بجد تكون بتفكّر كدا

أنا مُتأسّفة.. بس انت ممكن ماتلحقش تبدأ ٢٠٢٥ أصلًا
الأعمار بيَدِ اللّٰه
وإنما الأعمالُ بالنّيات.. ابدأ دلوقتي واللّٰه -عزَّوجل- يُكمِل عنك

وبقدر ما نيّتك تكون واسعة = بقدر ما تؤجَر حتى لو عُمرك فعليًا

وهنا احب انهي الكلام باقتباس أظُنّ انه للإمام علي بن أبي طالب -رضي اللّٰه عنه- قال : " اعمل لآخرتك كأنّك تموتُ غدًا
واعمل لدُنياكَ كأنَّك تعيشُ أبدًا ".

اللّٰهُم صلِّ وَسّلِم وَبَارِك عَلىٰ سَيدْنَا مُحَمد💙

اللّٰهُم صلِّ وَسّلِم وَبَارِك عَلىٰ سَيدْنَا مُحَمد💙

اللّٰهُم صلِّ وَسّلِم وَبَارِك عَلىٰ سَيدْنَا مُحَمد💙

ويغفر ذنب من صلىٰ عليه 🤍".

﴿وَعَلَى الثَّلاثَةِ الَّذينَ خُلِّفوا حَتّى إِذا ضاقَت عَلَيهِمُ الأَرضُ بِما رَحُبَت وَضاقَت عَلَيهِم أَنفُسُهُم وَظَنّوا أَن لا مَلجَأَ مِنَ اللَّهِ إِلّا إِلَيهِ ثُمَّ تابَ عَلَيهِم لِيَتوبوا إِنَّ اللَّهَ هُوَ التَّوّابُ الرَّحيمُ﴾

[التوبة: ١١٨]

واللّٰه الانشغال بالنَّفس مُتعَة
ونعمة لا يَلقاها أي أحد

فضل من اللّٰه -عزَّوجل- انك تقضّي وقتك بالكامل مَشغول بنفسك، وإذا فكَّرت بأي أحد بيكون عن طريق الصَّداقة وصِلة الرَّحم والسُّؤال الحسَن والبِر والمودَّة

عكس تمامًا لما تكون مكرَّس جُهود عقلك كلها في المُقارنة بينك وبين الناس، والغضَب منهم، وفي -كثير من الأحيان- الحِقد عليهم، ومُحاولة إرضاهم أو حتى مُحاولة الانسجام وسطهم فقط ومراقبتهم بشكل عام -حتى للي ماتعرفهومش-

وعلى ذلك : اهتم بانشغالك بنفسك في المَقام الأول
ثم بقيّة الناس في المَقام التاني -وأكيد بطريقة لا تَتعدَّى حدّ الحلال-

واللّٰه أمر يستحق الجُهد..

-الحمدُ للّٰه الذي عافانا مما ابتلى به غيرنا-

صباحُ الخير..
لمحاولاتِنا اللطيفة والمُتتابعة
في سبيل أن نكون أشخاصًا
أفضل وأقوى من الذين كنّاهم بالأمسِ :')

الحمد لله الذي أَذِن لنا بيومٍ جديد
لنعبده ونشكره ونتوب إليه🌱

أذكاركم!

أنا خريج تجارة إنجليزي..
والحمد لله شاطر في شغلي بمعية الله وتوفيقه، بس مش معنى كده أنصح واحد مجتهد جدا في ثانوية عامة وجايب درجة تأهله لطب إني أنصحه بكليتي.
هقوله قطعا يخش طب، مش علشان الطب كلية قمة، ولكنها أكثر أهمية من مجالي.
ومش بقول إن أي حد يعرف يعمل اللي أنا بعمله، لكن في سوق العمل والدنيا، الطب أهم بكتير وده شيء كل أحد يتفق عليه.
لكن الفكرة مش هنا، الفكرة إنك تسد فراغ وتجتهد لو محصلتش الكلية اللي لها أهمية، مش اللي إنت عاوزها.
لأن مش كل حاجة هنعوزها هنطولها، وإلا لما كان للابتلاء معنى!
سد ثغرك بإنك تجتهد في الحاجة اللي اتحطيت فيها واتعلم تاني وتالت واجتهد رابع وخامس وقف على رجليك وربنا يوفقك.
وعلم غيرك، متنساش تمد إيدك تشد اللي بيتعكز جنبك لأنك كنت زيه.
دي الدنيا بكل بساطة، تعامل معها كذلك وادع الله أن يرزقك معيته وتوفيقه وسداده.

وطبعًا انت عارف
أول حاجة هاتعملها في اللي وراك .. انك تصلّي الضُّحي

عامةً انت محتاج كل يوم الصُّبح تقرأ وتتمعَّن مِرارًا وتِكراًرا قول رسول اللّٰه ﷺ: "مَن أصبح منكم آمنًا في سِربه، معافى في بدنه، عنده قوت يومه، فكأنّما حيزت له الدُّنيا ".

وتحمد اللّٰه -عزَّوجل- انه عطاك فُرصة تعيش يوم زيادة في الدُّنيا
فـ ياريت تنوِي تستخدمه في نَوافع
وانك مش هاتسلّم راسك للشيطان وعمايلُه

وتقوم بعدها تبدأ وتشوف اللي وراك..

ابدأ يومك بالقرآن والصلاةُ والسلام علي رسول الله ﷺ🤍.

صباحُ الخير..

أنا النهارده حفلة التخرج بتاعتي يا شباب 🥳

بس أنا مش رايح✌️🏻.

يا بُنيّ.. أنفُس الناس تارة أصلب من الحديد، وتارة أشبه بالزجاج.. فلا تغرّنك قوة المرء، فإنه في لحظات الضعف والهَمّ التي تعتريه قد تقتله كلمة.. أو تحييه.

يا بُنيّ، أوصيك بالإحسان.. يا بُنيّ، أوصيك بالمرحمة.

د. هبه رؤوف عزت

[مُدمِن الذِّكر يَدخُل الجنَّةَ وهُو يضحَك.- ابنُ القيِّم.]

•سُبحَان اللّٰه.

•الحَمدُ لِلَّهِ.

•اللّٰه أكبر.

•لا إله إِلَّا اللّٰه.

•لا حَول ولا قُوَّةَ إِلَّا باللهِ.

•سُبحَان اللّٰه وبحمدهِ .. سُبحَان اللّٰه العَظِيم.

•سُبحَان اللّٰه العَظِيم وبحمدهِ.

•استَغفِر اللّٰه العَظِيم وأتُوب إِلَيْهِ.

•اللهُمَّ صلِّ وسلم وبارك على نبيّنَا مُحَمَّد وعلى آلهِ وصحبهِ أجمَعِين.