QARAQAN

Qaraqanın 'Sıradan Adam' mahnısı pop, rap, klassik xor ifası, həqiqi kukla teatrı və səssiz ağ-qara film janrlarının sintezi nəticəsində əmələ gəlib.

https://youtu.be/ivr6-9fjlR0?si=rJaYatKDfWPO-TKr

Sabah, 13:00.

Şənbə günü Mədrəsədə bir daha görüşürük!

Xatırladaq ki, tədbir iki fərqli saatda keçiriləcək. Birinci tədbir 15:30 ikinci tədbir isə 19:30 başlayır. (Tədbirlərin məzmunu eynidir)

Biletlərin yer və sıra nömrələri artıq göndərilib. Amma əgər sizə yeriniz və sıranız göndərilməyibsə və ya sizə gəlib çatmayıbsa tədbirə bileti hansı saata almısınızsa o saat üçün gələ bilərsiniz. Sizin yeriniz və sıranız artıq bizim sistemdə mövcuddur və sizi komandamız yerinizə ötürəcək.

Email ünvanlarımıza Mədrəsə ilə bağlı həddindən artıq sual gəldiyi üçün bütün sualları cavablandırmağa vaxt çatmır. Amma bileti olan hər kəsin yeri və sırası artıq var və tədbir zamanı hər kəs yerləşdiriləcək.

Mədrəsəyə qatılan hər kəsə təşəkkür edirik!

Gələ bilməyənlər, digər şəhərlərdə, xaricdə və imkanı olmayanlar üçün isə daha bir neçə MƏDRƏSƏ görüşü düşünürük!

Tarix: 11 yanvar 19:30
Məkan: Nizami Kino Mərkəzinin böyük səhnəsi

BİLETLƏRİ BURADAN ƏLDƏ EDƏ BİLƏRSİNİZ:

https://qaraqan.org/shop/

https://youtu.be/rMBZZenf5sw?si=ZYBsmTK_3BFkoiGk

Qaraqanın MƏDRƏSƏ – ultra-konseptual Məna Məclisinə ilk 3 tədbirə biletlər tam satıldı!

İstəkləri nəzərə alaraq Dördüncü Tədbiri elan edirik!

Tarix: 11 yanvar 19:30
Məkan: Nizami Kino Mərkəzinin böyük səhnəsi

BİLETLƏRİ BURADAN ƏLDƏ EDƏ BİLƏRSİNİZ:

https://qaraqan.org/shop/product/m%c9%99dr%c9%99s%c9%99-4/

Bu tədbir indiyə kimi getdiyin konsertlərdən, tamaşalardan və görüşlərdən çox fərqlənəcək. Birlikdə sehirli bir dünyaya səyahət edəcək, öz dərinliyimizə enəcək, musiqi, söz və elmin vəhdətinə tamaşa edəcəyik.

2 saat davam edəcək MƏDRƏSƏ-nin sonunda əlavə olaraq 30 dəqiqə Qaraqanla şəxsi virtual sual-cavab hissəsi də olacaq. Amma inanın ki, QQ-dan çox Mədrəsəni sevəcəksiniz!

Bütün çəkilişlər qadağandır. Biletlər limitlidir.

MƏDRƏSƏ ilə bağlı bütün suallara cavab yuxarıdakı linkdə yerləşdirilib.

Əlavə suallarınız yaranarsa
[email protected] ünvanına məktub yazın.

QEYD - 11 Yanvar 15:30 tədbirinə gələnlərin yer və sıra nömrələri qısa zamanda emaillərə göndəriləcək. MƏDRƏSƏ-də görüşənədək!

İNTİBAH kiçik addımlardan başlayır!

https://youtu.be/HHhWDdrM5T8?si=rWbAEMFAr0tR_QOZ

Artıq sabah Mədrəsədə bir yerə toplanacağıq.

Hamımızın daha rahat, problemsiz vaxt keçirməsi üçün lütfən aşağıdakıları nəzərə alın, tədbir zamanı komandamıza dəstək olun:


1. Tədbirin saatı eyni qalır, amma qapılar bir saat daha tez açılacaq —

Birinci Seans 11:30 (Qapılar açılır) 12:30 (Tədbir başlayır)
İkinci Seans 15:30. (Qapılar açılır) 16:30 (Tədbir başlayır)

Ki, hamı daha rahat yerini tapıb əyləşə bilsin. Tədbirə gecikməmək üçün lütfən vaxtında orda olun.


2. Audio, video, foto çəkiliş qadağandır. Ətrafınızda kiminsə yazılış apardığını görsəz xəbərdarlıq edin. Mədrəsənin özünəməxsus sirrli ab-havası pozulmasın.

3. Tədbir günü hər hansı suallarınız, probleminiz yaranarsa 050 400 01 25 nömrəsiylə əlaqə saxlayın.

4. Girişə yaxınlaşarkən artıq QR codu və biletin şəklini hazır edin ki, giriş prosesini maksimal tez və rahat edək.

5. Əgər sizin yerinizdə başqa şəxs oturubsa mehribancasına, ondan biletini tələb edin. Ola bilsin ki, sizə təsadüfən eyni yerlər düşüb. Amma narahat olmayın nəzarətçilər yerindəcə problemi həll edəcəklər.

6. Əgər hansısa dostunuz ilə yanaşı oturmaq istəyirsinizsə amma ayrı düşmüsünüzsə bunu da içəridə oturanlardan xahiş edə bilərsiniz. Amma fikir verin ki, yer dəyişmə zamanı xahiş etdiyiniz şəxsə daha arxada yerşələn yeri təklif etmirsiniz. Əgər şəxs razılaşmasa yenə də təşəkkür edin.

7. Hər kəs bərabər olsa belə xanımlarımıza xüsusi hörmət və ləyaqətlə yanaşın.

8. İçəridə hər kəs Dərəcə üzvüdür, salamlaşın, danışın, tanış olun. Quruyub qalmayın :)

Mədrəsə — Üçüncü Seans, 11 Yanvar. Eyni məkanda.
https://www.youtube.com/watch?v=gKd2rPBc9Sc

Əziz Dərəcə,

Xahişlərinizi nəzərə alaraq, ikinci seansı yaratdıq: Mədrəsə - 7 Dekabr, saat 17:00, eyni məkanda və yenə limitli biletlərlə (500 ədəd). Xahiş edirik, biletləri almağa tələsin, belə görünür ki, bu seans da tez bitəcək.

Eləcə də, bu linki yalnız dostlarınızla paylaşın və internetdə başqa yerdə yerləşdirməyin ki, ancaq Dərəcə üzvləri məlumat ala bilsin.

https://qaraqan.org/shop/product/madrasa2/

YARADICI BİRLİK

Ay qa, sən nəsə deyirsən, heş zad başa düşmürüy, sən nə deməy istiyirsən?
https://www.youtube.com/watch?v=1TbXyWtYYZs

Beynəlxalq sorğu nəticəsinə görə 70% qadın xarici görünüşündən narazıdır, hətta özünü eybəcər hesab edir. 
 
Ən çox da yeniyetmə qızlar xarici görünüşləri ilə bağlı əziyyət çəkir, psixoloji travma alır, depressiyaya düşürlər.

Yalnız sizə xas olan, təbii gözəlliyinizi plastik əməliyyatxanalara qurban verməyin.

Hər birinizi olduğunuz kimi dəyərləndirir və sevirik!

https://youtu.be/OZfjdgFkA_Q?si=lRnuEHMA06GsgT5w

Saçlara dən, göz yaşı qəm bir neçə il
Qırx ilə dörd şəbi-cümə, halva-şəkər, abu-çiçək
Bir gün əkən bizi biçər

Qaraqan və Nazryn
SƏHRALARIN ULDUZU

https://youtu.be/5pz_dcaE32E?si=1HajYvEqf8WRrnZH

Mərcan Ağacı mahnısını ayrıca dinləməklə anlaşılmaz. Bu mahnının tam mənasını anlamaq üçün Gözə Görünməz Müharibədə “İlanın Günəşi Yediyi Boy” ilə tanış olmaq, QQ instagram səhifəsini öncələrdən izləmək və Canavarçanı oxumaq lazımdır. Eləcə də Azərbaycan tarixi, mədəniyyəti və mifologiyasından xəbərdar olmaq lazımdır. Bunları bilməyənlərə mahnının heç bir cümləsi anlaşılmayacaq, anlaşılmadığı üçün də təsir etməyəcək.

https://www.youtube.com/watch?v=q7QBVO6RZ1w

Gözə Görünməz Müharibə
İkinci Hissə: İLANIN GÜNƏŞİ YEDİYİ BOY

Dərəcə Çənlibeldə yatmağında olsun sizə kimdən deyim, nədən danışım...

https://qaraqan.org/ggm/

Azərbaycana Mədəni Mənəvi İntibah arzulayırıq! Bu yolda sənin də köməyinə ehtiyacımız var. Əgər ağıllı, mədəni, istedadlı insanlarımızdansansa, sən də bizimlə birlikdə cəhalətə öz işığını tuta bilərsən! İntibah bizim hər birimizdən başlayır!

https://intibah.qaraqan.org/

Mədəni Mənəvi İntibah

“TARİXİ FÜRSƏT”, ADİ VƏ ALİ AZƏRBAYCAN NƏDİR?

30 illik ideoloji yükdən sonra Azərbaycan öz müstəqilliyi dövründə ilk dəfədir ki, yeni səhifədən başlaya biləcək. Artıq heç bir asıllılığı və keçmişdən miras qalan fəlsəfi, mental, mənəvi borcu yoxdur. Belə dövrlər ümid verici olduğu kimi həm də təhlükəlidir. Məqsəd və məna boşluğuna düşən kütlə yiyəsiz uşaq kimidir. Belə ki, ideoloji boşluq bir çox hallarda azğınlıq, cahillik, deqradasiya və cinayətkarlıqla nəticələnə bilər. Ən yaxşı halda isə ruhsal eniş və mental durğunluğa səbəb ola bilər. İdeoloji boşluq xarici qüvvələr üçün münbit şərait də yarada bilir, çünki boş yeri doldurmaq adətən daha asan olur.

DAVAMI:
https://www.youtube.com/watch?v=wPDQbL1J1uk

Növbəti video layihələrdə iştirak etmək istəyənlər üçün!

Kastinq yalnız Birinci Dərəcə üzvləri üçündür və hələ də açıqdır:

https://qaraqan.org/layiheler/

Artıq qeydiyyatdan keçmisinizsə ikinci dəfə müraciət etməyə ehtiyac yoxdu.

Zəncirbədi xalq bayatısına bənzər nəqarət və repdən ibarətdir. Burada QQ sözə və həqiqətə ac olan dinləyicilərə müarciət edərək bildirir ki, gözləriniz bağlı olduğundan sizə həqiqəti söyləsəm də anlamayacaqsız. Əvvəlcə gözləriniz açılmalıdır. Bu həm də Birinci Dərəcəyə işarədir belə ki, Canavarçada Birinci Dərəcə gözləri bağlı döyüşçülər kimi göstərilir. Bu vaxta kimi Qaraqanın kliplərdə olmaması ara-sıra əmələ gəlməsi də Birinci Dərəcə mərhələsinə işarədir belə ki, səsini eşidirik amma görmürük.

Qaraqan Zəncirbəndi-də bildirir ki, 2007-dən tutduğu ideya və yola sadiqdir və Dərəcə ilə bu yolu keçəcəklərinə əmindir. Zəncirbəndi Birinci Dərəcənin mahnısıdır və QQ bir daha Azərbaycanın parlaq gənclərini Dərəcəyə dəvət edir.

Ətraflı:
https://qaraqan.org/zencirbendi/

#since2007

https://www.youtube.com/watch?v=uxHKFM17wSA

Dalğalarınızı Gecə Radiosuna kökləyin.

https://www.youtube.com/watch?v=M9FaOhy_DR0

Günəş altında – Yahudi və Xristiyanların ortaq olaraq müqəddəs saydıqları “Vaiz” Hikmət kitabına işarədir.

Vaiz həyatın mənasız olmasından yazır və bədbin şəkildə hər şeyin puç olmasını bildirir. Bu kitab sıxıcı və qəmli olmasına baxmayaraq müqəddəs kitablar sırasına salınır və Vaiz müqəddəsləşdirilir. Bu bir işarədir ki, hətta kədər belə, boşluq və azğınlıq belə həqiqətə aparan yol ola bilər. Hikmət kitabı bir işarədir, bəzən evinin qapısını unudub haqqın qapısına çıxarsan.

"Hər şey puçdur, puçdur, tamam puçdur! İnsanın səma altında çəkdiyi bütün zəhmətlərinin nə faydası var? Bir nəsil gedir, o biri nəsil gəlir, amma dünya daim qalır. Günəş çıxır, günəş batır, sonra tələsik yerinə dönür ki, təzədən çıxsın. Külək cənub səmtinə əsir, sonra şimal səmtinə dönür. Dönə-dönə gedir, öz yolunu təkrar edir. Bütün çaylar dənizə axır, amma dəniz heç vaxt dolmur. Axdıqları yerə qayıdırlar ki, təzədən axsınlar. Hər şey çətin başa gəlir. Sözlər kifayət etmir, göz görməkdən doymur, qulaq da eşitməkdən. Nə olubsa, yenə olacaq, nə edilibsə, yenə ediləcək. Ona görə də günəş altında yeni heç nə yoxdur. Məgər bir şey var ki, onun haqqında deyilsin: “Bax bu təzə bir şeydir?” O da çoxdan var imiş – Bizim dövrümüzdən əvvəl. Əvvəlki şeylərdən heç nə xatırlanmır, gələcəkdə baş verən şeylərdən də bundan sonra gələnlər arasında heç nə xatırlanmayacaq. Mən Vaiz Yerusəlimdə İsrailin padşahı idim. Ürəyimdə niyyət etdim ki, göylər altında edilən bütün işləri hikmətlə öyrənib araşdırım. Bu çətin işi üzərində zəhmət çəkmək üçün Allah insanlara verib".

Vaiz 01-13, Hikmət Kitabı

https://www.youtube.com/watch?v=TjckxNfPj2E

Dəyərli Birinci Dərəcə,

Sizdən Dünya Azərbaycanlılarının Həmrəylik Günü ərəfəsində 5 rəy istəməyimiz təsadüfi deyildi. Çox sağ olun! İstədiyimiz nəticəyə yaxınlaşdıq. 

Bizim yarı hədəf saydığımız, əslində bütün ölkə üzrə rekordları qırdı. İlk günə 9000-dən çox rəylə “Yarasa”da gücümüzü göstərdik. Bu şərhlər mahnının mövzusundan yayındırsa da, şərh bölməmizi bir az çirkli etsə də, heç nə olmaz. Məşq zamanı adam tərləyər də, çirklənər də. 

Bizim üçün orta göstərici ölkə tarixindəki ən yaxşı göstərici oldu. Deməli nə qədər zəif olsaq da hazırda ən güclü bizik. Və bunu ilk məşqimizdə etdik. 

İntibah Sərhəd Tanımır

Biz Azərbaycanın trendi ilə savaşdığımız vaxtda Qızım mahnısı bütün Türkiyədə məşhurlaşdı. On mindən çox türkiyəli ana öz qızları ilə videolar çəkdi və bu mahnı ilə paylaşdı. Hazırda Türkiyədə ən məşhur Azərbaycan mahnısıdır. Bunun əsas səbəbkarı yenə də sizsiniz. Ümumi hesabla bir ayda Azərbaycan və Türkiyə daxil 10 milyondan çox insan sözümüzü dinlədi — qızlara olan sevgiyə baxdı, qızları yüksəltdi. Amma bizim üçün qələbə baxışlarda və səhnələrdə deyil ruhlarda və ürəklərdədir. 

Türkiyədəki Qızlarımız

Yarasa

Ümid edirik ki, Yarasa da bizə məlum olmayan yollar ilə öz ünvanına çatacaq. Biz istəyirik ki, bu mədəni oyanış sizlər üçün bir rəqs kimi olsun, xoş olsun, əziyyətli olmasın, əyləncəli olsun. Ona görə bunu bir oyuna, bir tapmacaya çeviririk. 

Yaradıcı Birliyə Hikmət Rəhimov kimi peşəkar və istedadlı sənətkarla çalışmaq qürur verdi və doğrudan bu işi sevdik! Əgər onu hələ də izləmirsinizsə, Instagram səhifəsini izləyin, əməyinə görə təşəkkür edin ki, ona da xoş olsun. Bizim İntibaha təkan verən hər bir ruhdaşa Dərəcə olaraq dəstəyimizi əsirgəməyək! 

rehimov_hikmet

Amma

Bizim ürəyimizdən keçən bir istək də var. Sizlərlə, Dərəcə üzvləri ilə birlikdə gözəl video layihələr görmək. 

Dərəcədə aktiv olanlar var və hələki sakit, kənardan izləyən minlərlə maraqlı, istedadlı gənc var. Biz istəyirik ki, heyəti 100% Dərəcə üzvlərindən olan maraqlı layihələr görək — bir ailə kimi! 

Birlikdə Video Layihə

Biz sizin səsiniz olduq, siz də bizim simamız olun! Hər birinizi növbəti video layihələrimizdə iştirak etməyə çağırırıq. Əgər sizə Qaraqanın klip və digər media layihələrində iştirak maraqlandırırsa aşağdakı linkdə qeydiyyatdan keçin, sizlə əlaqə saxlayaq. 

Bu musiqi videosu, QQ ilə şəxsən video çəkiliş, digər video-foto-media layihələr ola bilər. Daha ətraflı məlumat linkdədir.

https://qaraqan.org/layiheler/

Bizə çox xoş olar ki, öz həmruhlarımız ilə birlikdə çalışaq. Mədəni Mənəvi İntibaha inanan və ona təkan verən yaradıcı insanları ilk öncə Birinci Dərəcə sıralarında axtaraq. Öz yaxınlarımızdan başlayaq. 

Bir daha Yarasada göstərdiyiniz həmrəylik üçün təşəkkür edirik! Biz hələ indi başlayırıq!

Sənin gücün təsəvvür etdiyindən çoxdur! 

Ümidlə,
Yaradıcı Birlik! 

Rəsmi WhatsApp kanalı:

https://whatsapp.com/channel/0029VaAXiwx3rZZZ9mBuhx3A

“Yarasa” mahnısında QQ bizi bir hekayəyə aparır. Özündən və ruhundan kənarda xoşbəxtlik axtaran itmiş bir insanı təsvir edir. Yarasının nə olduğu bəlli deyil, öz xoşbəxtliyini barlarda, küçələrdə, qucaqlarda və içkilərdə axtarır. Mahnı lirik-absurdizm janrında yazılıb Yarasanın həyatında olduğu kimi bu mahnıda da hər şey tərsinədir,nəqarətlər, kupletlər qarışıq. Mahnı həm indiki həm gələcək zamanı təsvir edir. QQ içki qədəhlərini qum saatına bənzədir və bildirir ki, içkinin təsirinə düşən insanlar bilməz iki dəqiqə necə keçdi, iyirmi il necə keçdi. 
Mahnı boyu Yarasa  qızına oyuncaq alacağını bildirir. Oyuncaq qızına çatanda isə artıq qızının 25 yaşı olur və klipin sonundakı məktubda və oyuncaqda mahnının həqiqi mesajına işarə var.  Yarasanın anlamı isə artıq Canavarçadadır.

https://youtu.be/DlD-ir23Iis?si=vZVxLs-sehgAIsKc

Özümə” nəğməsi alleqorik mənada yazılıb və qəhrəmanın özünün özünə dönüşündən bəhs edir. Buradakı MƏN sadəcə insanın özü deyil, həm də xalqların özünüdərki və mədəni, mənəvi irsinə işarədir. Videogörüntüdə olduğu kimi, QQ qalın bir cəngəllikdə dünyanın ucqar bir tayından simvolik evinə – Çənlibelə dönüşündədir. Çənlibelin özündə isə Bidar, nəqarətdə özünədönüşə səsləyir. 
Mahnıboyu, müxtəlif xalq və millətlərin nümayəndələri də özlərinə dönür, öz mənəvi dəyərlərinə və köklərinə bağlanırlar. Millətçilikdən fərqli olaraq burada QQ təkcə öz millətini yüksəltmir – hər bir xalqı və milləti yüksəltməyə, dəyərləndirməyə çalışır. Amma mahnı tənqidsiz də qalmır, QQ rəngarəng xalqları və mədəniyyətləri eyniləşdirməyə, bir-birinə bənzər, mənliksiz kütləyə çevirməyə çalışan böyük siyasi qüvvələri tənqid edir. 

https://youtu.be/GZYuWnLOXVQ?si=m9Re95w09bFRgJ5W

https://qaraqan.org/ggm/

Müəllif: Pərviz Babayev