𓆩 qamari 𓆪 @qamare1 Channel on Telegram

𓆩 qamari 𓆪

01 Feb, 23:22

لو لمْ يكُنْ فيها سِوَى أخلاقها،
‏لَعَشقْتُها وعشقتُها لمُجَرّدِ الأخْلاقِ..

‏لكنّمَا زادَ الإلهُ جَلالَهَا،
‏نوراً كنُورِ الشّمسِ في الآفاقِ..

‏فَعَلتْ على عَرْشِ النّسَاءِ لأنّها،
‏فاقَتْهُمُ حُسْناً على الإطلاقِ..

#ابراهيم_حمدان

534

𓆩 qamari 𓆪

31 Jan, 10:32

انت ببالي احسك وين ماروح
واذا وياي تمشي شلون تبعد..

شما تلتفت عيني الگاك موجود
ويتراوالي وجهك وين ماصد..

اغمض والگه ظلك يمشي بالعين
بحيث من ارد اجيك برمشي تلبد..

وانوط عن خيالك واقترب ليك
وتتلاحگك روحي تصيرلك سد..

حيرة وماعرفت شلون وياك
تصفة ويمشن احساسين بالضد..

عليه يصول شوگك وانه الاگيك
وعليك خيول ضعفي الجامحة تهد..

جرحي وياك ماراويتة للغير
موقصة شماتة وخوف من ند..

حلو جرحك واحس تعلقت بيه
واحسب لاتشوفه عيون تحسد..

لو كل جرح يشبه جرحك يصير
الا احلف يمين جروح ماشد..

اسد بابك بگلبي بغفلة الروح
وتفز مرعوبة روحي تصيح شتسد..

"انه بحالة تناقض وانقسامات
وصراع وفوضوية وموجد وجد
بحيث انشطر شخصيتين وياك
اكرهك واليحبك يمي يگعد
احط موعد لنسيانك واجي اردود
احط للموعد البيه ننسى موعد"..

باشد حالات زعلي اتصالح وياك
سماي نجوم بيها وغيم يرعد..

واجي وباعتقادك جابني الثار
وانه من ابعد عليك يجيبني الود..

اثور بدمعتي ويتراجع الشوگ
وطعم شفايفك بالريچ يصمد..

"بعدك وافتهمناه طيفك شبيه
گبل ماسامع انة بطيف يبعد"..

خفت عن لايمر وجفني مطبوگ
كمت حتى من انام عيون ماسد..

كانك شارد ودمعات العيون
عليك ابين اليمرون تنشد..

ناس هواي اليدخلون بالروح
ولكن محد يظل كلها تشرد..

وراك تصير وحشة موت بالروح
بس المايخاف بروحي يگعد..

حلو وجه الفرح بس شفتي تگول
تبت وبطلت قمصان ماقد..

تسالني منو الوياي بجفاك
على دمعتي لو علـ الموت تقصد..

اطمئن ماشوف وجهي عيون مابيه
على دربك عيوني متانية ترد..

حسبت اطول مسافة لزعلة وياك
خطوة وجنه بيها شوية نبعد..

كل مانشمي بيها انفاسنة تضيگ
ماتكمل الخطوة للهوى نرد..

حجر صدك بماي الواهس يطيح
ثواني ويصفى خلگي وزعلي يركد..

تعال الشوگ هم بيه فزعة مرات
لهذا على اليموت دموعنة تهد..

تعبنا الاصابع خلها ترتاح
گضينه الفرگه كلها بيهن نعد..

عله سنبل اسراري وباجر يجوز
بيها جفوف اليشمتون تحصد..

انه بلياك اوقت ساعة الموت
بس يا لحظة اموتن مامحدد..

#ايهاب_المالكي

789

𓆩 qamari 𓆪

28 Jan, 01:27

تجري الرياحُ حيثُ الله يأمرها،
لا حيثُ شِئنا ولا شآئت لها السُفُنُ..

فَعالمُ الغيبَ يجريها بحِكمتهِ،
وربُ خيرٍ لَنا تأتي بهِ المِحنُ..

تَجري الرياحُ كَما شاءَ ألإلهُ لَها،
للهِ نحنُ ومَوجُ البحرِ والسفنُ..

1,100

𓆩 qamari 𓆪

25 Jan, 00:25

شكثر يـ احباب گلبي ضامي الكم
متى تلفون واشكي ضيمي الكم
شكثر عندي سوالف ضامها الكم
اكتها ويلـ الدمع لو چيتوا ليه

#ابو_معيشي

1,420

𓆩 qamari 𓆪

24 Jan, 23:26

"نـدى فرگاك طـاح وفـزز المـاي
الـبروح اليـحبك والدمـع طـاح..

نشف خلگي وغسلته بماي ملگاك
فـز تـراب گبرك جــرحي من صـاح..

بعَد منا لحـدك..طگ الوداع
تعـال بظهري زنجـر طعن الرماح..

على گدك دمعتي وگصّـر الشوف
امـدلك واهسي بس جفي ما لاح..

اريد اشهـگ حسرتي مچـلبة بالگاع
واسـافر بيك غيمـة بعـين مــلاح..

طبگـني جفـاك باب وطبـگته الريح
شـلع روحـي وعرگ هاللـيل فلاح..

يـمر حزنك ويگلب لون الهدوم
ومــثل عمر الندى تمر بيك الافراح..

تــابوت الخـذاك يـنـگـط ايـام
مـادورت عــمرك منـهن شـطاح..

علــيك دموعي تفــحط لمن اشتاگ
ويـمر لسـاني لو طيــفك يمــرني..

من گد ما عتيگه وياك بالـشوگ
يشـگگ روحـي ليـلك من يعـتني..

اشـد عيـون جرحي وخنجـره يشوف
يعـرف وين يطعني ويــهزنـي..

سألـوا جـرحي گال مقـصر وياي
چذب ماقصـرت ملحـك ذكـرني..

سما جروحك بعيـني شگد بعـيدات
من اذكرك للسـما شـوگك يجـرني..

يجـي اللـيل بصفنتي ويـمطر وجـوه
ومـدري بيـا وجـه شوگك دفـنـي..

"ماعــطشان ملگه گلبك شبـي
تبـديت وغــيابك مـا شـربـنـي"..

على گبرك من اصـرخ يعرگ الغيـم
وعّلي يمطـر سوالـف يتـرس اذنـي..

خشـن فرگاك كلـش صـاير ويـاي
وروحـي ثياب فقره من الهوى تخاف..

خيــالك چان اوســع من الگــبور
عـدا الحسرة الگبور شعدها تنضاف..

وينــك مو فراغك يكــبر ويـاي
شگگ ثــوب دمعي وبيـك ينــراف..

يبــس شوگي وتفــطر واني اتــانيك
وترس وجهي انتظارك گام ينشـاف..

#علي_رشم

1,405

𓆩 qamari 𓆪

24 Jan, 02:15

اسف گلبي المتعوب مو كد خشمج العالي،
"يالمتمرده على الذوق اول سمره وتلالي"..

اني اعقل شخص مجنون،
سهل وياج بس غالي..
'ودريت الجنه سمرة لون من وجهج تدنالي'..

يشاهينه بقساوة عين..
شراسة لبوه وكت الصيد..
حنكة زاجل من تغيب..
خطر سرحان من تثور..
تكدر تجرح خيالي..

واني وصفولي حور العين،
بس مشكلتي احب الطين..
ومن خيروني حب واختار..
اجه بس وجهج ببالي..

خيرتُ قلبي تضحيه(اما انا اما هيَ)،
حوريةٌ أم ما هيَ؟..
واقفةٌ أم جاريه..
أميرةٌ أم جاريه..
منْ أنتِ يا من عليَ مننتي..
يلي طول الخير يم طولج كصير..
الكاع تفهه بدون نخلتها الطويله..
والورد يّبجي النده وينزف حماره..
الجامع شما زغرفوا لونه يبقى فاهي..
كشخة الجامع مناره..

شفتج الجوه هلال من تبتسمين،
والفوك نورس فاتح جناحاته..
الفاتج تندم انتي ماتتندمين..
بس غيرج اليتندم على الفاته..

#المطوري

1,429

𓆩 qamari 𓆪

22 Jan, 05:35

بجينالك رغم كالولنه هواي،
هاي خدودكم لو ساجية ماي..

ياهو الكالك بعيونه نشوف،
تهنه نقاط ونحطينه بحروف..
نلتم حتى بلكت ننكتب جاي..
هاي خدودكم لو ساجية ماي..

تنبض بس الك متعوده الگلوب،
و ربيناك گطره وصرت حالوب..
بيوم الطيف من عندك وصلنه..
اهل الكهف ما ناموا مثلنه..
وانت تكول محد يوفي وياي..

بجينالك رغم كالولنه هواي،
هاي خدودكم لو ساجية ماي.

#حسين_البهادلي

1,408

𓆩 qamari 𓆪

19 Jan, 00:27

معذور أشتريد تگول معذور
ما لومك ابد وألگالك أعذار..

عليه أشكال مرن وانتَ مرتاح
لياليك هنا ولاساعه تحتار..

العلى وساده تمدد خالي البال
مو مثل اليگضي الليل عالنار..

انتَ تنام تگعد تسهر تگوم
وأنه حتى بهذن ما اگدر اختار..

التهدم ساف منة يفيده ترميم
مو مثل التفلش كله ونهار..

وتسولف علـ مواقف وانتَ خواف
شنو بصفحة حياتك شلك تذكار..

حديد انتَ ورجفت بساعة الضيج
وانه خشبه ووكفت بوجه منشار..

انه العندي حجيته وبلغت بيه
وجليت من الحقيقه هواي زنجار..

الحلگ الموت أنه تعنيت مرتين
موبيه الذنب بسنونه الگصار..

#رحيم_المالكي

1,882

𓆩 qamari 𓆪

19 Jan, 00:17

لا تعلگون برگبتي السلسلة البيها القرص
اسمي عنواني وهويتي بصدري المطرزه القنص …

كلشي ماشفت بحياتي .. لا مواعيد بحدايق .. لا كرستال الفنادق .. ولا گضيت الليل باحضان الرگص..

طبعي ابن فلاح طبعي عمري گضيته بشگص..

من امر بشارع الـ 60 تتحنه البنات
وشارع السادة يهلهل والچوادر تنخبص..

بالحجابات التدخن مرصيت احلى السنين
حتى ترچيتي موازن تبقى خرخاشة بيارغ عاليه وما تنملص..

#جبار_محيبس

1,681

𓆩 qamari 𓆪

16 Jan, 00:27

لاتسولفلي على جرحك عمري ضاع،
الجرح يشفى سنيني وين الكيها..

تبجي چي مايك تبده على السراب،
اني روحي لخاطرك جافيها..

كون مو كد الهوى شجابك عليه،
جفوفي مو يمك شكو تلاويها..

لاتبرر ذبلت الورده بديك،
انت مو كدها الشمس شعليها..

ورده ماتت المن ترشلها ماي،
وهذا ياهو الكالك تحييها..

صرت كتّالي برگبتك دمي صار،
وذيج روحي بذمتك خليها..

سالفة العاف القفص يرجع عليه،
شعنده راجع بعد لاتحجيها..

اني ردتك لمن جانت بيه روح،
ترجع المن بعد روحي شبيها..

#ميثاق_الهلالي

1,992

𓆩 qamari 𓆪

15 Jan, 00:04

واني و وعودك صفــــيت بلايه وعدك،
واني دمعات الحزن شاتلها ضليت على خدك..
واني سجة درب سواني زماني،
يا حريمه..
يا حريمه..

15/1
#ناظم_السماوي

1,796

𓆩 qamari 𓆪

12 Jan, 01:43

المن متاني شعجب نومك فزيز،
المايودوله رسايل مو عزيز..

#عبدالكريم_القصاب

2,079

𓆩 qamari 𓆪

11 Jan, 02:20

اجيتك بزر كعده اليحبوني هواي،
مو بس هدمي ناس خيالي لازمته..
وصلتك والهلا حديثه البنص السوك..
البايع واليعامل عينه رايدته..

شمس من اعتينتك من وصلتك ليل،
وحل بيه الغروب المااجه بوكته..
اني عندي خلك يحمل سفينة نوح..
لكن ثكل وجهك ماتحملته..

#حسن_الخفاجي

2,213

𓆩 qamari 𓆪

10 Jan, 11:26

دورني وغلاتك سهله مو صعبه،
انه طير المراقد مااروح بعيد..
من الصحن للكبه..

بآخر صرخه كون تشوفني وتندار،
رعيد يبين الشريان بالرگبه..

انه تمنيت كون وداعك تجربه،
ضكت موت السجج وياك..
نص جسمي هلي دفنوا..
ونصي الثاني بالغربه..

#مرتضى_جبريل

2,278

𓆩 qamari 𓆪

09 Jan, 23:41

ضيعني بسهل واخسرني كون تريد،
"بس توعدني روحك ما تضيعها"..
اذا روحك بدوني تعيش باستقرار..
اقبل عـ البدوني بشرط ينفعها..

خاف بلحظه تغلط تخسر الموجود،
عُمر تركض اللحظه وماترجعها..
اماناتك ثكيله منيلك صندوك؟..
يحصل مثل روحي وبي تودعها..

*عرفتك بيك هيبه وعالي ماتنلاح،
والمتلوكلك متروح تتبعها..
وكلتلي الناس هيج وانت غير الناس..
*بعيوني اشتريك وروحي ادفعها..

*كلتله اشواگ بيه تريدك ومليت،
امنعها ردت ماقبلت امنعها..
وكلتله الروح بيدك طين مامجيوس..
على الشكل التريده بكيفك اصنعها*..

وبعد ماصار بيني وبينك الميصير،
وعرفت شكد ولع روحي المولعها..
منك للاسف من بعد هذا الصار..
سمعت كلمات مامتوقع اسمعها..

(اني المالي داعي شلون صارت هاي!..
احجيها على روحك شوف تقنعها؟..
اني الما اهمك هيج صرت اليوم..
واني بكل امورك جنت مرجعها..
لسانك كطعاني وتدري بيه شلون..
الدنيا مو لسن لو اريد اكطعها)..

ولك خوفي عليك تعتبره جبن ياحيف،
والمصايب انت تدري بخزره أجزعها..
ما اجرع انفاسي لون تخطي وياي..
وانت بكل هدوء اخطائك اجرعها..

خريفك واعتنيك بكل وكت لو اريد،
ومن جف الاغصان اوراقك انزعها..
كادر بس كلت لا ولك لايفلان..
الورود بماي نارك لاتنكعها..
ماتصعب علّيَ كل سالفه من احتاج..
الوره قرص الشمس بحجايه اطلعها..

تعيشني بندم جي ما ردت فد يوم،
الصعبه العندك اني بسهل افرعها.

#جبار_رشيد
*اتمنى يفهمها البعض..

2,189

𓆩 qamari 𓆪

09 Jan, 12:40

الفجر غطيت گلبي لنه واعي،
عليك ولا مسودن لا انه واعي
بجه وعت روحي كوه للنواعي
ينرادلي لهمي فريضه..
وطب عرب لعيوني المريضه..
وشيوخ عشره ورايه بيضه..
بلكت يهيد الوجع البيه.

#محمد_ثامر

1,823

𓆩 qamari 𓆪

09 Jan, 01:48

ضل وياي اريدك والبقن جم يوم،
وهل جم يوم صارن حدك وحدي..

خليني ارد اشوفك كمت احسك طيف،
ياعين التكض الطيف اليعدي..

صرفنه سنين حبنه وخلصن تبذير،
وعلى يوم النشوفك باجر نجدي..

اخذني وياك اريدك مااريد الغير،
وكون بسدك اكعد واكعد بسدي..

لتخليني وحدي منين اعرف الناس،
لااكدر اعاشر لا خلك عندي..

احب شلون غيرك من اود شلون،
واني وياك كلش خلصت ودي..

#جبار_رشيد

2,087

𓆩 qamari 𓆪

08 Jan, 15:44

عشت عمري بقلق وياك،
الرسايل من تجيني الغام..
اذا وصلن بتالي الليل..
لا افتحهن ولا انام..

عملتك موش هينه سهام،
من يضلن ياذن..
ولا اكدر اطلعهن..
اجني بوسط گلبي ولام..

جا هيج برخص انسام؟
ولك من كد معزتك جنت من اشتاگ..
ارسمنك وابوسك على ضباب الجام..

جاب العمر ساكت مامطلع صوت،
شكثر متحمل الشط وجع روّك بلام..

گصبه وبالهوى العالي شتضن مااطيح،
والهوسه البراسي شلون دك دمام..
ومثل الثام ماتعرف شنو الجواه..
گلبي شكد سوالف ضام..

#ياسين_الدراجي

1,963

𓆩 qamari 𓆪

07 Jan, 14:05

شمدريني الزعل بي لون ماموجود،
من تتعارك يبين..
شمدريني بعد كل كآس شمة ثوبك تجنن..

تزعلني وتدفعني بنفس محروك،
واشتمك واكول الله صرت مدمن..

وترخصني وتغليني حسب متريد،
واكولن يعرف يثمن..

#جبار_رشيد

1,964

𓆩 qamari 𓆪

06 Jan, 20:52

الرصاصات استقرن واني ضليت،
شكد خطره المشاعر لمن تطيش..
افرح من تكلي ان شاء الله تموت..
واكره من تكلي ان شاء الله تعيش..

#علي_العربي

1,907

𓆩 qamari 𓆪

06 Jan, 13:08

عله صوتي عليك اعذرني ما مقصود،
بس بلا صياح العتب مايشفي..

ولاتنشدني وين مسافر ومجفي،
رماد ومن اسافر ما محدد وين..
المهم بس اشرد من الموكد المطفي..

#سعد_شميل

858

𓆩 qamari 𓆪

06 Jan, 08:06

عالحب گتلك البي تضحية يعيش
خذت رايي وسمعته وبية ضحيت..

وشفت حفل افتتاح جروحي للناس
وشفتك من بعيد بروحي گصيت..

طرت چن دمعة وبجنحينها رموش
وعلى شجرة ضحگتك سكته حطيت..

"خيل ظنوني طلعت خيل عرجاء
وانه مراهن عليها تفوز ظنيت"..

من شفتك اطش سنيني والله
لأن بيهن حلا حسبالي جكليت..

غشيم وگلت ماساوي اليلمون
عزت نفسي ما خلتني لميت..

"انه بلا وعي من اطيتك الروح
وعقل ماچان عندي وهسة فزيت.."

ما چذب واگلك باچر انساك
عفتني وذكريات هوايه خليت..

"اذا كل حايط البي اسمك يطيح
على هـالحالة لازم نهدم البيت.."

بأخير ايام عشت بروحك هواي
ديرة شايلين اووحشة حسيت..

ظلمة وريح بيها وصوت بيبان
وردت اطلع ولكن ما اندليت..

"انه الباني السفينة ومو مثل نوح
صعدتك وبالطوفان ظليت.."

وجبت عشب الخلود اطيتك اياه
وگلت احمل الفشلة وخالي رديت..

بحرگتي وخفت تدريجياً اشتاگ
وخفت ردود گلبي يگلي حنيت..

من دمعتي لحچيك وكت الوداع
خط وهمي بوكتها بچفي جريت..

"طلاسم نظرتك فكتها الاعذار
وبعيونك شگد الغاز حليت.."

چنت تحچيلي وايدي تهدم احلام
وبمعول دمعتي بقوة دگيت..

بحيث من انتهيت من المواضيع
ذيـﭺ الساعة ماظل كلشي هديت..

فدى من يـنچفي يگولون عالماي
وفدوة شلون اگلك ماتبديت..

انا شفتك ثلج بحلوگ شمات
معقولة بحلگهم ما حتريت..

"ماگتلي الرواية اخرها مبتور
ﭽا بأول مشاهد مانشديت.."

ولو ادري اليظل ممنوع مرغوب
لارخصت روحي ولا انذليت..

"انة ابحرت بيك اعناد عالروج
وعلى خصر الشراع وزار شديت.."

"الهوه هذا اليمرني اتخيلك بي
حتى التقي وياك منين ماجيت.."

"يعني بمعنى اخر مستحي احجيه
ترى بس انت غيرك ما اشتميت .."

وحررت اسمك من شفايف الغير
وعلمودك شگد حروب طبيت..

"وبعدة ذرائع قادر اجتاح
.ولكن شبر منك ما أحتليت.."

اكظ الليل بيدي من اوگف وياك
بدليل شگد عليك نجوم طشيت..

چنت اگدر اجيك بدون عنوان
وحتى ادخل بگلبك لو اضطريت..

علي محسوب سر وانت مگيول
وعلى اصغر اعدائك ما انظميت..

ما عندك عذر ينگال للناس
يمي ومن حچيهم؟ ما افتكيت..

لهسه اكل بصبعي الاشرت بي
عليك وبي الف نيشان خليت..

"مثل حب الارض وية الشمس بي
چنت سطحي بنظرتي وفطرة حبيت.."

لو ادري الشمس ماتفتر وياي
على روحي بعشرتك ما افتريت..

انة عابيت حته عيوني بجفاك
بيهن وبنظرهن مااعتزيت..

مر يم بيتنا مستطرق وشوف
تلگة اباب بيتي عيون ذبيت..

انة ظهري احترف طعنات العزاز
وگمت اعرف اديهم لو اندچيت..

بلا شوف واگلهم ها منو فلان
بس انته عكسهم ماتسميت..

حتى انساك لازم ينلغي الليل
اذا بالليل اذكرك چا شسويت..

واحتار من اظل ابين رأيين
اذا عن رأي منهن ما استغنيت..

"بما انك عفتني بكل الاحوال
ماتفرق نسيتك لو تناسيت.."

#ايهاب_المالكي

896

𓆩 qamari 𓆪

06 Jan, 01:03

تسحك على الگلب صدكني مااضوج،
بس اني علمودك عايش بخوف..

لان گلبي درب وجروحي عثرات،
واخاف تطيح من تسحك بلا شوف..

شكلك اني احبك والله غلطان،
لان حتى الاحبك ناقصه حروف..

"وصل حبي الك حد ماهو معقول"،
بحيث وياي انت واني مشتاگ..
تحاجيني وتشاقيني واشاقيك..
واصيح الله اكبر بسك فراگ..

#عبدالحسين_الحلفي

792

𓆩 qamari 𓆪

05 Jan, 13:22

دخت واندار راسي من حلاتك،
واشوفنهن كبالي من حلاتك..

اشوفك واجب بكل يوم..
يالمطير براسي النوم..
يالمخليني اتگله..
شكثر تاعب عليك الله..
من اقيسك الا ويـ شمسه..
احفظنك و ارد انسى..
عمر صافن على ذنونك..
شعر لو ليل بمتونك..
وحك الطاح بالطف جون..
عيونك والسما بفد لون..
شما اوصفك ارد غلطان..
رگبتك والستيل اخوان..
صدرك بالعثك ينقاس..
ادوخن منه مو بالكآس..
خصرك بالدلال يصير..
شكثر ينرادلك تفكير..

العسل ياخذ حلاته من حلاتك..
نبي وجابك نبي وذبك عليه.

#محمد_صاحب

898

𓆩 qamari 𓆪

05 Jan, 10:04

الوعد لو طال ابغظنه واكرهه
الشكوك يحطن بگلبي وكرها
اعله قبلة وياي ماحطها وكرها
لَمَن ماتت ركض يذبحها اليه

..........................................

بعض ناسي تعب وضعي شفلها
رغم چانت امس دمعي شفلها
عگده بليل وبشعرة شفلها
تراب وعاصفة ومشدودة اديه

#سمير_صبيح

831

𓆩 qamari 𓆪

05 Jan, 00:52

احسد عيون اصحابك الشافتك،
اتمنى ابوس رموشهم والجفن..

دمعة عيوني التوكع بغيبتك،
دورها تلكه شجم حلم مندفن..

الشجره العليها اسمائنه تعلكت،
علكت بيها شجم علك ع الكصب..
تانيت شوفة عينك شجم عمر..
مثل الصحاري اللي تتاني السفُن..
شيجيبهن رمل المفاركـ عطش..
ومجروحه اغاني الشوگ بيها اللحن..

يوفقك الله ادعيلك بكل نفس،
واتخيل انت بخير حتى اطمأن..
من اشتاگـلك تنعصر روحي عصر..
ومدري شأطلع صوت لمن أون..

علمني ياشباج مابي الـك،
دمعه ودعاء وعصرة ايّد وحزن..
علمني اشوفك حتى ابطل العمى..
علمني انام وماتجيني بحضن..

دربك كزاز وحافي ماكو وجع،
شو غيرك اتوجع ودربه كطن..
محتلنيّ كلني شلون أخلص إذا..
في كل شبر من روحي باني حِصن..

كلما ابطل ارجع لرحلتك،
ارسب بحبك ثم ارد امتحن..
بلكت بعالم ثاني من ننخلق..
اختار غيرك بس اظن ما اظن.

#ميثم_فالح

916

𓆩 qamari 𓆪

04 Jan, 01:47

"تغطيت وبعدني الليله بردان
لان مو انت يمي فراشي بارد..

وينك يادفو ياجمر الاحزان
احس بدمي بالشريان جامد..

يا مهر الصبر ماكضك عنان
نسمع بس صهيلك وين شارد..

كل ساعه وتعتني جفوف بطران
وانا جلد العلي قماشه بايد..

تعال اوزن هموم وجيب ميزان
وشوف شكد عذاب الروح زايد..

انسحبوا من حياتي هواي خلان
بقيت بهل زمان لوحدي اعاند..

"سواد الليل يبقى وتطفه الالوان
واعيد بذكرياتك والمشاهد.."

اذا كل طير عنده ثنين جنحان
وانا مكسور وعشت بجناح واحد

"على بير المنايا وجيت عطشان
مجبور وشربت الماي راكد.."

وينك يالبعيد الگلب مليان
غنه وبوسات ودموع وقصايد..

وياك بعشرتي ياليل خسران
مثل عشرة النور وي الكواغد..

"لو طاهر حليبه الدهر ماخان
ضربني براسي غفله واني كاعد.."

#الكاطع

953

𓆩 qamari 𓆪

01 Jan, 23:37

لمحتلك الف مرة
وانت تعرف غايتي وما طاوعتني..

وسولفتلك سالفة عاشگ خجول
وانت تعرف هو اني وما عرفته وخجلتني..

وسولفتلي على الحرب والموت والدم والضحايا
وكلمة المحتاجها ما سمعتني..

وكلشي گتلي
وكلمة الـ (ميت عليه) عاندت روحك عليها وعاندتني..

وبينن كلهن عليك
وانتفض وجهك بوجهي وصيحتني..

وضيعتني...

وهسه من طاحن سنيني تذكرتني..!

ليش من گلبك رجف ما صارحتني؟
شبيك من عينك خذتني..

تذكرت موقف بچيت وطيحتني
ومن اجيتك حتى بحچاية چذب ما جاملتني..

وانه جيتك غاسل چفوفي بورد من سلميت
وانت غاسل چفك بماي الغرور وصافحتني..

وكلشي ما بين عليك
وانه حتى هدومي تهواك وأحسهن فاضحتني..

يشكن ايامك خسارات وضياع
وانه چي حبيتك سنيني أحسن رابحتني..

چان من ضلعي خشبها بلام عمرك
وعبرت حتى اليكرهك بيهن وما عبرتني..

وشاغ گلبك من سمع طاري الجرح وچفوفي ركضن صبرنه
وانت ياصانع جروحي اللا عفتني ابجي ولا ما صبرتني..

ومرة غازلتك چذب واتورطيت
والف مرة اتعذرت ما سامحتني..

وتزعل وتاخذ عيوني وما اگلك
شو خذت كلشي لچن ما صالحتني !

وصالحيتك ، وصاحبيتك
وانتَ انتَ
صاحبت شعري وابد ما صاحبتني…
#جبار_رشيد

1,390

𓆩 qamari 𓆪

31 Dec, 10:23

اليثكلن ويه غيرك يمك انت خفاف،
احن لشوفتك لو جيلتك بيه..

اذا مو الك كلي المن الزله تطيح،
والمن ضامها حرورة الحنيه..

#ايهاب_المالكي

1,341

𓆩 qamari 𓆪

29 Dec, 23:15

حبيتها ودولبت صحباني وياي،
كلساع لبسي شلونه،طيب عطري..

بالموعد انكت روحي جمره بحجري،
ومثل اليتاني شوكت يكضي الرسام..
بس ارد اشوفن روحي خلّص صبري..

#سعد_شميل

1,655

𓆩 qamari 𓆪

29 Dec, 13:49

شفتك من بعيد وخذت كلشي وياك،
اني ادري شراح تاخذ مني من تقرب..

مامرتاب منك بس احس بخوف،
وبعيونك احس كل نظره الك مطلب..

يبو عيون الصگر سابينه من مرتاح،
ننطي وجوهنه ليوين من تغضب..

على كيفك وياي وشوفني بيا حال،
تعبني العشگ مابيه بعد اتعب..

#جبار_رشيد

1,696

𓆩 qamari 𓆪

28 Dec, 23:22

احبك مو لان انت حلو لا،
لان روحي التقت قبلي ولك بيك..

اذا انت تمر عـ الاعمى يصيح الله،
والاخرس لـَّون حاجيته يحاجيك..

أذب گلبي على سهمك وآنه مجروح،
واكلك ديربالك خاف أأذيك..

بگذلتك شِّد رگبتي وطلع الروح ،
اريدنها بعد تتقرب عليك..

انت بحضني بس اعتبرك بعيد،
اريدن هيج كون آنه انخلط بيك..

افك عيني على غيرك انت الكاك،
اغمض عيني ومغمضه وتصد ليك..

بيا شارع مشيت كبالي الكاك،
ادوّر بغير شارع هم الآكيك..

ارد للبيت قبلي الكاك بالباب،
اطب،قبلي تطب وتكلي اتانيك..

تالي الليل اكلهم باجر انساك،
و ارد من غبشة الله واحجي بس بيك..

بغيرك فكرت كلت بلكي انساك،
طلع غيرك يشبهك فكرت بيك.

#عبدالحسين_الحلفي

1,538

𓆩 qamari 𓆪

28 Dec, 00:32

"مّره سهرنه سوة
آني ، وخيالي ، وحطب
بليلتها چانت برد
وألسنة نار الحطب تتمايل ويالهوه
البروحي نفس اللهب!..

والليل مدمن دمع
وشما أصب ينتشي
ظلّيت أصبله وشرب

وآنه بديت الحچي
اوصف جزيره بـ بحر
الصبح كلّها نده
وبالليل كلّها ذهب

لساحلهه اجيت بـ بلم
امشرّگ يعبّر حزن
ومجذافه كلّش تعب
وامتعبه روج العمر

"مدّتلي اديهه جرف
شفت الجزيره عجب
إيحيط بيها الوفه
وبين الجبال بترف
نايم شعرها گصب
ونخله الجذع يختلف
ريش الحمامه خشن
عكس النخل مو كرب"

"وسط الجزيره خصر
بي عين بس مو نبع
وعنها بمسافه عنب
گلي إنتَ توصف مره ؟

لا گتله فاهم غلط
گتلك جزيره بـ بحر
الصبح كلهه نده
وبالليل كلهه ذهب"

#سمير_صبيح

1,349

𓆩 qamari 𓆪

28 Dec, 00:26

يحادي الضعن نزل الضعن مو مال
الخصر عن الجمل والدرب مو مال
المغرب مال شوف وشبك مو مال
جفى مايصلح تكطعون بيه.

هلا بدورة عيوني والجفوني
يبعد الما جفوني والجفوني
اليوم بنص صلاتي وجفوني
هلي لان بسجودي عرضت اليه.

احبابي القبل لاابدي بديهم
جفوني والحدر ضلعي بديهم
الزموا جفي وغفى الخنصر بديهم
اندهنه الاربعه وما كام اليه.

#اياد_عبدالله

1,258

𓆩 qamari 𓆪

26 Dec, 23:52

عفتني هواي،
بعيون اعمى ابجي عليك..
دمعته يضنها سوده تسيح..
غبار اسود يمرني الريح..
المطر باليل كحله يطيح..
بعد دمعه واصيرن طين من بجاي..

عفتني هواي،
تسحكني وتذمني شبيك..
هو الطين لين ليش..
غير لخاطر الحفاي..

#المطوري

1,382

𓆩 qamari 𓆪

25 Dec, 22:47

حرثت لخاطرك بالروح مثل الكاع،
بوسات و ورد كل عمري اشتلك..

شمعه انت بحياتي وعمري ضلمة ليل،
شعلت روحي وخفت ماشعلك اشعلك..

خاف سنين عمرك تحترك بالشوگ،
اضمنلك كمت من عمري واعزلك..

دليني عليك سنين تايه بيك،
امشي وياي ادورك خاطر اندلك..

عرفني على شخصك رايد احجي وياك،
بس كلمه وبعد ماغيرها نكلك..

وحده من الثنين ووحده راح اختار،
لو كلك احبك لو احب كلك..

#جبار_رشيد

1,400

𓆩 qamari 𓆪

24 Dec, 22:08

انا شخصُ فقير حظ.. فقير حال،
فقير بكل شيء حتى انني فقير عن التعريف ..

صرتُ تراب ارضكم..لكنني لم ارضكم،
كنتم عصا لم اُلقكم..ياليتني لم اُلقكم..

ما قولكِ لربكِ لو أنني متُ غدا ؟
آهٍ على قلبٍ غدى بناركِ متقدا ..
ردي بكلا أو بلا ان كان خيراً او بلا ،

(آهٍ على قلبٍ على قلبي علآ)..

#المطوري

1,448

𓆩 qamari 𓆪

23 Dec, 23:05

اكتب دمعة .. وارسم صوت..
وحط احزانك كلها بلوحة بس لاترسم صورة موت..

وازرعلي بكل شارع ضحكة..
وارسم ضحكة اعلىَ التابوت..
وارسم دمعاتك من تنزل..
وادفنها بخدك بسكوت!..

واخذ الصوت وجيب الصوت..
وكل حزن بضحكات نمسحه..
ارسم ضحكة بصوت اطفال..
ارسم ليل يغازل صبحه..
بس لا ترسم جرح بـ لوحه تموت اللوحه!..

ارسم واحد رايد يعلى.. رايد يكبر..
ضل يصغر بس يكبر جرحه..
ارسم واحد جوع نفسه وشبع ناسه..
وماغزر وياهم ملحه..

هاي الناس كلمن اساسه وكلمن طينه..
اكو واحد ضل ينكر ديِنه..
واكو واحد ضل ينكر دينَه..
اكو واحد يملك مايملك..
واكو مايملك لكن يملك..
اليملك ماعده احساس!..
والمايملك عده احساس..
هذا الفرق البين الناس..
بدون احساس تعيش افلاس!...

اكو تسمع صوته بهمساته..
واكو ماتسمع دگ اجراسه..
اكو شاعر ماحرك ساكن..
واكو يكتل ويهز احساسه..
اكو واحد تكثر حراسه..
واكو واحد ضل عايش شمعه..
ويموت بكثرة حر راسه..
واكو واحد عايش حُر راسه..

هذا الفرق ببين الناس..
من هو الاجمل..من هو الاحلى؟..
واحد عالي وواحد نازل..
بس النازل ضل راسه اعلى..

لتقيس الواحد بالمظهر..
قيس الواحد من الجوهر..
قيس الفرق بهاي وهاي..

النسر يطير مدنگ راسه..
والطاووس بريشه وينغر..
بس ياهو احسن؟..
ياهو فرار الشايل اكثر؟.

اكو بالگاع العدله يطيح..
واكو ينزل وادي ومايعثر..
ثبت خطواتك لا تعثر..
"لتضل عايش مثل الكنغر"..

صح الماي يطفي النار..
بس الماي الفوگ النار يضل يتبخر..

هاي العالم صم تراب..صم تراب وحطه بچفك بس تفتح چفك يطشر..

ضل كلمة ببالي تدور وحالي عليها هواي تغير..
حزت بيه واسأل نفسي..
ليش بفقر الحال اتعير؟..
خطوة بخطوة اماشي الناس..
امشي وياهم بس مالحگ..
ماكو وراي يعني اخر واحد من افتر..

قيس النملة وقيس الفيل؟..
من هو الاصغر!..
من هو الكافح حتى يعيش ..
هذا العين تشوفه الاكبر..

لتقيس الواحد بالمظهر...

#علي_رشم

1,604

𓆩 qamari 𓆪

22 Dec, 17:29

ليش ماحبت سماري
وليش ماحبت ضحكتي..

اداينت موعد واجيتچ
ليش فشلتي كشختي..

كلشي بارد چان حتى چفوف اديها
ماطلعن من جيوبها وجاسن حسرتي..

حضرت كل كلمة حلوه واجيت اگلها
جيت اگلها وگالت اوگف،،دگت اختي..

ويه حظي..تذكرن لعب الطفولة
وعيد ميلاد ابن اختها واني افكر ياهو اليشيل جثتي!..

المهم خلصن حچيهن..واني خلصت الجگاير
گالت شرايد تگول..دورت ماهيه شفتي!..

عايفتني ولازگه بشامه بنحرها
گلت اشرلها اعلىَ گلبي..تيهت ياهي يسرتي

بس هي كل الصوج بيها
ولعتني.. وتالي گالت اني مو للعشگ وكتي…

#اوس_عادل

1,230

𓆩 qamari 𓆪

22 Dec, 11:43

يبن گلبي انه اتمنى اعرف ارسم،
وارسملك ماي وبي روحي..

#مرتضى_حرب

1,189

𓆩 qamari 𓆪

21 Dec, 12:06

"يا حبيب بس گلت باچر نشيل
ويه خيط الفجر اهلك حملو

گلت ادگ اثبات الهم بالدليل
شلعو الدلال واثباته ومشو

وانه ما لومن هلك لوم الثچيل
وما اگلك يا ترف ليش رحلو

لـ ن هلك بد ما نوو صدفة الرحيل
لولا ثغرة بحبنا يسمر وچدو

بيك عرفو ويه كل مايل تميل
وانه مو مايل لذالك ميلو

ومو كلف مال السعف ويـ الرياح
كلفة لو مال الجذع ويـ السعف

ومو صعب كل التمر من نخلة طاح
صعبة عالنخلة اليضل بيها الحشف

سهلة لو واحد توچه عالرماح
وسهلة لو گال بحبل گلبي انچتف

انه لفاني الوكت لف بالجراح
وكل كتر بعضاي يـ حبيب نزف

چنت اظنك يا مهر طبعك اصيل
شلون تخدعني بجمالك يا اسف

وانه اعرف المهره من صوت الصهيل
ومن اثر حافرها لو دگ بسلف

دولة عينك صحرا وجبال ونخيل
شلون كل هذا بسواد محدده

يابو عين الشالت الدنيا وتشيل
شلون ضاجت من گلب جسه الردى

ليش يـ اسمر عالگلب حسنك يغيظ
جوري گلبي وانت نظراتك ندى

ونظرة منك تترس گليبي وتفيظ
وتترس من الفاظ كل الاورده

انه ما سامع حسن يجمع نقيظ
ولا گبل شع سيف محد جرده

ويا حبيب لو گلت باچر نشيل
ماتصيرش حتى لو گلنه ولو

لا احشم كل عمامي عالرحيل
ولا احسب ها اجو ها ما اجو"..

#نائل_مظفر

1,367

𓆩 qamari 𓆪

20 Dec, 21:31

انت شنو من بشر
ما عايش الواقع

بريحك تروح وتجي
شتاخذ من الصخر
بس رايح وراجع

المي اذا مامشه
يكرهه حتى العطش
معقولة ماسامع

لو احطك ويلـ كحل
يمك يبين گطن
عيون عدها الخلگ
شتباوع تباوع

العلگه التعل الشجر
كلش خضارك حلو
بس ضار مو نافع..

رحلة حياتك شته
ولا نار اكو ولا شمس
وبذلتك ناگع..

"ارسم لغيرك اثر
وعيش البقه من العمر
متبوع مو تابع"..

"كلش ولا تنذكر
للثالث وتنسي
ماتعبر السابع"..

كلها حچاها الحرگ
ياهو اليصدگ الحچي
لو گلنه بس لاچع

"الكاتلني وك ياگلب
صعدته يم الغصن
ويدور الواگع"..

#سمير_صبيح

1,218

𓆩 qamari 𓆪

20 Dec, 18:08

صاير ارفع ايدي من اشوفك جاي
لتصدگ معزه اعتبرك جنازة ..

#علي_نجم

1,204

𓆩 qamari 𓆪

19 Dec, 11:22

شفتك وروحي تطشرت،
شيلمني واني بهالعمر..

نص مني ضل يمك عدل،
وعلى الثاني اقرا الفاتحه..

هيج اني حالي بشوفتك،
جن ريشه وبعالي الهوى..
لا صاعده ولا طايحه..

#عبدالله_الشاوي

1,418

𓆩 qamari 𓆪

19 Dec, 00:06

يوميه امر من باب بيتك،
گلبك شنو ماحس اجيتك..
ريتك تفك الباب ريتك..
جا بالمحاضن عاتبيتك..

يوميه احط ذكرى على ذكرى،
ودموعي تخلص كطره كطره..
واتمنى لو تلفيني مره..
جا رد ظلام الليل گمره..

#عدنان_شياع

1,469

𓆩 qamari 𓆪

18 Dec, 13:13

اني كآئن من حرير،
ينذبح عصفور اموت..
ينولد عصفور اطير..

#عماد_المطاريحي

1,485

𓆩 qamari 𓆪

17 Dec, 23:41

لا تقنعني مااعوفك،
ماكو جفوف بيهن خير حتى تعوض جفوفك..

تره مو بيدي من اشتاك،
شطي يريد مشحوفك..

يكاتلني بفراكك هذا،
شمالك كاتلك خوفك..

#مالك_الباوي

1,470

𓆩 qamari 𓆪

17 Dec, 14:23

ايام البعد جبناها صفنات،
بين آمالنه وحيرة امرنه..
تجي لوما تجي كضينه الأيام..
وصرنه وياهو يدري شلون صرنه..

صبرنه متاع صار وبعدك بعيد،
وتجوع ايامنا وتآكل صبرنه ..

شبعد يالماتمر مو كافي الغياب؟
وصار هواي ننتظرك تمرنه..
ونذرنالك تجي وندعيلك تعود..
وعمت سچينه وشيب نذرنه..

وعلى غيرك جذب ماترهم الروح،
ومنو غيرك يسد حاجة نظرنه..

يـ ابن الناس غيرك ماكو موضوع،
هلبت بالجذب شخصك ذكرنه..
نسولف بيك لآخر لحظه باليل..
وترد من الصبح تشغل فكرنه..

ماعنّت عليك بساعة غروب،
روحك واشتهت تسمع خبرنه..

يا روح الگلب ياعزة الروح،
يادمعاتنه
وهمنه
وسهرنه
يااول عهد
ياتالي الأيام
يلعب اصبانه
ياشيبة كُبرنه..
شكد قبلك مشوا..
ما سلوا الروح..
ولابغيابهم كسروا ظهرنه..

البُعد نيران كبره،
يبخر الدموع وبس يزود يتبخر بصرنه..

منين نجيب مثلك حتى ننساك؟
ومنو المثلك يعوضك لوخسرنه..
الشبه كل اربعين ..
حجايه تنكال..
واذا واحد يصح جان انتظرنه..

تعال الجرح جن ومارضى يهيد،
وحجينه ويا ماينفع عذرنه..
يشگ روحه على طوله وينكت جروح..
وكضينه خيوطنه وملت ابرنه..

شوكت يندك علينه ويضحك الباب!
ويترس بيتنه وصوتك يسرنه..
وترد انت..
ويجن الراحن وياك..
وتجيبه وياك يالماخذ عمرنه.

#جبار_رشيد

1,512

𓆩 qamari 𓆪

25 Nov, 14:14

على الميت چوادر تنصب الناس
انه الميت عليك شراح تنصبلي...

#علي_رشم

438

𓆩 qamari 𓆪

23 Nov, 00:04

خليها يمي وسد اذن وارتاح،
انت الاول انت بدون مترشح..
بجيتك هددت كل حزن والمعلوم..
السواد يخاف من وجوه التفرح..

الصبح محتاجلك والليل ماينطيك،
الدنيا تريد بس بوجهك تصبح..

#جبار_رشيد

723

𓆩 qamari 𓆪

22 Nov, 03:00

من كالوا اليوم نعدد السكان،
مدري شجاس گلبي وبين الوانه..

غلطوا بالعدد واني ادري ما غلطان،
مامش نار كبره بغير دخانه..

كالوا هلك عدهم نفر واحد زاد،
مايدرون من عديتك ويانه..

احنه ثنين بس بينه الحكومه تدوخ،
وزيدنه العراق بـ لحظه سكانه..

#زيد_العنزي

941

𓆩 qamari 𓆪

20 Nov, 22:16

من يجيك الليل وحدك
حتى جرحك يستغلك
من تگلب بالصور
عينك تفشلك
تبدي تتخيل حبيبك من يذلك..

شلون يذلك ؟

تجي گاطعلك مسافة
رايد تودع عزيز
توگع تراب المحطة يغطي شكلك
تمد ايدك علـ قطار وهو يمشي
وماكو واحد يلتفتلك
هيچ كسره خاطري
يمعود شگلك
شاوروني بروحتك لو لقنوني
مدري شافوا گلبك اسود
عافوا الكعبة على بيتك
جبلوني
وخيطوا حزن الثمانينات ثوب ولبسوني
والعطر يخنكني عگبك
والورد ما كمت اطيقة
"تدري ما يعبر الليل بلا جگارة ولا موسيقى"
تدري احس الوطن مذبوح علّى صدري
"تدري حلقات الجنود الماتوا بكل الحروب
كلها احسن بيها مشلوعه من اصبعي"
هاي امس بس اني امس ما سولفتلك
اني عگبك باب عاچر بالحرب محد يذكرة

"ومشهد غيابك خرابة
وصوتي مبحوح شيصح
الشوارع كلها مسكونة
وصفير وصوت ريح
والهياكل والجماجم ملحمة
والناس ميتة
ووحدي اعثر واطيح"

ولو خبر منك يجيني...

"الناس تعدل من جديد
ضوه يبين من بعيد
مطر ينزل
شمس تضحك
المشانق تنصب مرجوحه
لاطفال الشهيد
الورد يطلع بالجماجم لو تجيني
واقدملك اعتذاري وانكساري وكل حنيني"

لو گلت هذا خطية
وياما گتلك من اديه تروح
بس مو من اديه
وياما گتلك
"شوفتني جنازة امي
من ثگل وجهك عليه"

#زيد_السومري

1,000

𓆩 qamari 𓆪

14 Nov, 14:51

بلايه كلمه،
لما عينج ودت لعيني سلام..
ومن يمر باليل طيفج يحرم بعيني المنام..

من اجيج ومن تجيني،
ومن تصد عينج لعيني..
ومن يرف الشوگ الج رف الحمام..
يلي شوگي يزيد اكثر..
كلما طارييج يمر..
يلي كل يوم بفركتج والله ينعد بشهر..

#غني_محسن

1,401

𓆩 qamari 𓆪

14 Nov, 01:03

غصب چف العطش ذب الدلو بنص بير
طلعت الدلو ما جيـــت جريتك..

كتلك هسه أجي ..
وما شـفت وجهي شگال
گاعد تنتظر للأن خليتك..

"شعلتك بس شفت دخان بيك هواي
عماني وما دفيت وگمت طفيتك.."

على نجمي بظلام و وصليتك ليش
بس طلعت شمس ما چني دليتك..

تعض ثوبك صبر خايف الصرخه تبوح
شتظم صرختك شافوني چويتك..

خذتك للنهر بس شربيتك ماي
ولليسأل گلت عطشان رديتك..

شلت چم ساف منك حتى أشوف ألغير
حجبت هواي عني وبيدي نصيتك..

شيبخر النهر كل عقلك يشوفوك
وانه بنص النهر ملحاة ضميتك...

#سمير_صبيح

1,458

𓆩 qamari 𓆪

13 Nov, 19:37

اخذني وياك اريدك مااريد الغير،
وكون ابسدك اكعد واكعد بسدي..

لتخليني وحدي منين اعرف الناس،
لا اكدر اعاشر لا خلگ عنــدي..
احب شلون غيرك من اود شلون..
واني وياك كلش خلّصـــت ودي..

بكد حبك لـنفسك جنت اناني وياك،
ومنو بكدك يحبك محد بكدي..

#جبار_رشيد

1,312

𓆩 qamari 𓆪

13 Nov, 01:00

گلبوني
عالصفاح وعالبطن وعالظهر
گالو نشبعك قهر
گلت اموتن عالقهر..

گالو انت وين رايح ولك والجنه بعيده وانت صارتلك جهنم مستقر..

گلت اسافر....
ها تسافر .. يا سفر
قبل لا انت تسافر جيب السنين العشتهن يا بشر
هاكم سنين العشتهن قسموهن ...قسموهن ما طلع بيهن شهر..

ثم انت شجابك النا ولك موش احنا محطه
عمي كون انتم محطه شنهو معناها المحطه بلا سفر..

المحطه بلا سفر تكسر الخاطر والقطار يضوج اذا قبط فراغ
القطار سمعت بديرة اهلي قبط فراغ كلت فرصه خل اسافر
اجيت ملهوف ارد اسافر سدو بوجهي المحطه وشگگو كل التذاكر..

گالو ابقى ،،ابقى باچر
"اليوم خلصه بـ أي طريقه
لهي نفسك بالجگاير"
وخلصت اوراق الجگاير وماكو باجر
تالي احس الشيب اخذني وعتني عت صوب المگابر

ردت ادخل
گالو : حاجز گبر انت
گلت : لا
گالو : ابقى
گلت : حاضر ..

لا رظو بيه انا اسافر لا رظت بيه المگابر..

گلت احسن شي انام العمر كله
زين انه شلون انام العمر كله
لازم اشرب عمري كله
واشربت ودخت وسكرت
وسلهمت نامت عيوني

وحلمت هم ردت اسافر وبالحلم هم فتشوني بالحلم هم فتشوني...

#عبدالحسين_الحلفي

1,494

𓆩 qamari 𓆪

12 Nov, 17:50

على باب العلاقه وحذروني الناس،
الحجي بوجهك فرق كالولي عـ المخفي..
كلها تصيحلي اوكف لا تفوت شلون..
درب كله كزاز وطفل متحفي..

فتت بيها متاهه،
ومن كضت رديت..
الدرب ما حافظه وامشي على اثر نزفي..

#سعد_شميل

1,275

𓆩 qamari 𓆪

11 Nov, 17:04

مري مَره الفركه مُره،
روحي بس رجعيلي روحي..

المثلج تقدر ظروفي؟
عيونج هواي على شوفي..

مشي اصابع جفج بهيده على طولي ومسحي خوفي..

ليش اليمد ايده ماتنمدله ايد،
ليش محد ينتظر..الينتظر..
فراك وملاكه العمر،حلقه وعطر..
فراك والحب مستمر..

شعلت ذاكرتي جكاره،
وجبت طفاية ورقتي ودخنت روحي حبر..

جانت اول كلمه شهكه،
والمسافه لحد كطفها تمشت بروحي جمر..

شجاب گلبي على السُمر..

#المطوري

1,342

𓆩 qamari 𓆪

11 Nov, 01:16

تـرس روحـي الضـباب وبيـنت ويـاك
كلي بـروحك امـشي وجـرحي مـا شفـته..

انـه بالنسمـة أعـثر وانـت قيـس الحـال
مـو جـدمـي وراك خـيالـي مـا شـلته..

وأجـي بـواهـس عـذر وحـروفـي مـني تطيح
واتبـده اعلى وجـهك مـستحه وسكتـه..

وأنـخـل غـير وجـهك والـيطيح تـراب
وانـكتهم واهـزهم بـس تـظـل انتَ..

رمـح فـرگاك إجـانـي مسابـگ ويالـريح
مـاقـصرت تسلم بالنـفس جـبتـه..

"بـس الـمحـترگ يـفهـم حـجي الـدخـان
ويـعـرف حـرورتـه ويـفهم سـبب عـلته..

مـثل عـاشگ بـغربـة ومـره وكـت غـروب
يـفرفـح مـن يـمر طـاري الـهـوى يـموتـه..

انـه بـخـصر السنابـل چم حـلم ضـميـت
وطـعـم شـبگة المـنجل من رحـت ضـگته..

النـدى عـمره مسافـه ومن يـطيح يـمـوت
وانـه بعـمر النـدى وفـجـرك وصـل وكتـه..

اذا فـوگ الـورد لو فـوگ صـخرة يطـيح
مـا تفـرق بعـد لـو عـمري طيـحتـه..

انـه مبـلل عـشگ يل يبـست ملـگاك
رحـت وخـيال وجـهـك عيـني حـاضنتـه..

واظـفـر بالخـلگ بلـكت گـصيـبه يـصيـر
وضـوه جـفـوفـك بصـدري الگـاهـا ظـافـرته..

واغـص بلـيل واگـصر والـمسافـه تـطـول
واجـي وتـعـثر عيـونـي بـكل أثـر عـفتـه..

واجـي مـغيـم سـهر يمـك وانـگط ليـل
"وطـرت مـو بالسـما لا بالحـچي الـگلته.."

وعـكس جيـة الضـوه روحـك بـروحـي تـطير
وعبـرنـا الـسابـعـة وجـناحـي مـا درتـه..

ولـحد ثـامـن سـمـا وصلت الشهـگه ويـاك
واسـافر والتـراب بـجـدمـي مـا دسـته..

ونـكتّ ثـيابـي يـمـك جـان بيـهن غـيم
"مـن ثـامـن سمـا للـكاع وصـلتـه.."

"علـى غـصن انتـظـارك ريـح ما هبـيت
وزرعـت الـميـل بيـه وخـضرت دكـتـه.."

"انتَ العلمتـني شـلون افـك ذرعـان
بالـملكَـه المـوادع مـا تعـلمتـه.."

من يكـبر فـراغـك صـدري چان يـضيگ
وانـه البـد بعـطـرك مـا تنـفـسته..

واگدر بالـضـوه بـس مـا رهـم ويـاك
وعلـى گد الـشمس مـلكـاك فـصلـته..

"وافـك نـشاب صـدري لـكل سهم بي روح
واكـفر بالحنـين الـما اجـه بـوكـته.."

الـترس راسـي بغـيابـك ريحـة البـارود
سـاتـر والرصـاص يخـيط بكـصـته..

"طـفـه وجـهـي بخـيالـك لـو بعد موجود
مـن نـجـمـة اعلى نـجـمـة الليل ورثـته.."

المطـر يـوگع مغـمـض والتـراب يـشوف
ما بللـت وجـهـي وسـافـرت سـكته..

"مو مـا شـفت وجـهك ما شفـت مكـفاك
شأمد ايـدي وگفاك بعيـني ما لحـتـه.."

ينـسمه وسافرت يـم نـاس مخـنوگين
الـهوا ضـيگ عليهـم وانـت كبـرتـه..

تعـال اشلـع الطـين البـي عـرگ ملگاك
بيـا صـحرا حـنينك مـشّـا قـافلـته..

جبـروك وطـفيت وّاهـسك ويـاي
كفرت بكلـشي بعـدك والعـشگ صمتـه..

على بــرد العـطش وتبـده وجـهك مـاي
على كـل حـال گلبك روحـي عـاذرتـه..

الله وياك گلبك روحي عاذرتـه…"

#علي_رشم

1,421

𓆩 qamari 𓆪

09 Nov, 19:07

دنيا هاي،
اليعصر ضنون الهوى تسولفله ناي..
اليعثر بوجه الجرف يحجيله ماي..

التخدر بعينه السوالف يلبس الصفنه ويجيك،
وانت ياخصر الشواطي شكد نوارس تشتهيك..

ولا تواعدني على باجر،
النهر لو فاض شوگه يغازل خدود الكناطر..

"اخ لو اندل درب روحك واموت"..
بيه جم ابليس غافي وكلمه مفطومه على صوت..

انت تدري جدام المتيه عمر معتازه حيل،
وين مايفرش ينام..
الگلبه خالي ومايمر بعيونه ليل..

#كاظم_الركابي

1,381

𓆩 qamari 𓆪

09 Nov, 02:44

هاك اقره يالتقره الورد
شاطر جنت بقرايته..

واقراني واحد مختنگ
ضاگت بعينه ولايته..

مـشـتاگـلك…
لكن هلك يستكثرون حچايته..

"مسودن اگلب بالنجم
ياهي الگبالك بايته"..

الماشاف من عينك صبح
تكفر بوجهه مرايته..

ماگتلي ناوي علـ هجر
حتى اقتنع واتعلم،،

من گتلك انتَ فلان الي
چا ماگلت لا تحلم،،

مو مسألة شوگ وعطف
لا يـ ابن الاجواد افهم!،،

المشكله هو الهوى
مر بعدك وما ينشم،،

المشكله مفارگ بشر
نايم وافزن مختنگ
بالطيف اذا ما سلم،،

المشكله مفارگ دفو
مايبرد گباله الدم،،

هذا انتَ وانه علـ هجر
گتلك گلب ماعدي..

بس رحت جريت الشمس
من حلمي ذاك الوردي..

ليليه حرگة فرگتك
تچوي الفرات بخدي..

هسه المهم..عوف العتب
خافن يمر بيك التعب
بالحلم طارش ودي..

تلگاني واگفلك حرز
يم شعرك المتبدي…

#نهاد_الخيكاني

1,459

𓆩 qamari 𓆪

09 Nov, 01:04

ردناكم ومامش فرص،
حتى الحلم يمكم خلص..
شلت ايدي بس دك الجرس..
اني ولهفتي نريدكم..
بوُسنه كلشي لمسته اطراف اصابع ايدكم..

نميزها نرسمها صدك،
"بس بالصدك نستحي نصد لعينكم"..

حاجيتكم مره ومتت،
بس بالصور..تسوه الدهر..اللحظه مرتني بشهر لمن كلت حبيتكم..

وكاعد وابوس بالفرج،
والقسمه جن حيه ودرج..
تنفخوني يالشميتكم..
ونتختل بضحكة طفل كاتلته لعبه بجيبكم..

وجم آخ اصيح لوَحدي،
بيكم اوشل وابتدي..
تدروني خوش ومو ردي..
كضيت عمري انشد واكول شبيكم..

وسوده بوجه حظي العمه،
دبر جنح عوز سما..
صوبني اول ما رمه..
امشولي الا امشيلكم..

صح الغلط عدكم صدك،
تمرون ابره على الفتك..
يا باب من تمشون ادك..؟
وشل دمع عيني وبعد رايد بكده ابجيلكم..
حبيتكم..

اخذني وياك،
اريد اعرف وجه الراحه،
صح رجلين عنده الطير،
بس اليكرمه جناحه..
يعين الله البلم من يمشي بصفاحه..

اخذني وياك،
خلص وكت الچوادر،
والجتاف انباع..ومصيبة الاخرس شكد صاح..
بس مايسمع صياحه..

اخذني وياك،
سكتت روحي بس ضليت وحدك راس سالفتي..
رغبتي على الارض طولك..
وامس بالسما التفاحه..

اخذني وياك،
الحله البحر هيَ ملوحته ولونه..
وشكد حلوه بس مرات..
تكتل كلمة شلونه..
سوده بوجهي واني الفرج بيدي مغمض عيونه..

اخذني وياك،
وانقذ بشر يستاهل..
يذكرك والسهر متربع جفونه..

اخذني وياك،
خلص جفي على جفك..
ماي حنونه..
تره وشلت عمري ولا يغسلونه..

افرك جفي مااكلف جمرهم،
مااسولف اذا مااحط ذكرهم..
افكدهم يلا جيبي..
وبس الطيبه عيبي..
اجد لـفصولهم وادعي لسترهم..

والله وياكم يماي عيوني،
بحلم مروا المهم لاتنسوني..
واني مااقصر واموت..
بدربكم من افوت..
مو لسان،بروحكم ذكروني..

بخت ماعندي واعيش وياكم،
مدري صوج احوالي مدري احوالكم..
شلتوا وانسد الهوى اليم بابكم..
شيبت والهم فتك،
وكمت اضم ايدي شأدك..
وخاف اصادفكم ومتعرفوني..
الله وياكم يماي عيوني..

افرش شليلي،
وكلي ذنبي بيا صوب..!
رايد اصعد ذنوبك على افضالي..
بس مستحاي وياي،
والباقي وياك..
يالجنت مو بس حيلي كل احوالي..

ماعندي حظ وي كلها مو بس وياك،
ترخصني واصرخ ماكو غيرك غالي..

ريلك تحزم،
والسجج صاحن عود،
ودموعي ركضت..
والعرس يبرالي..
كاروك اصير من ارد اون وحدي عليك..
وبس التتن باليل يعرف حالي..

من اضلوعي اكسر مادنيت اكسر عود،
جا هيج عشّك من بنيته بجالي..

عود البخور اتعاند ويا مرات،
وبضعفه اصير بلونه..
بس ما ابالي..
جبت العمر مثل الجرف بس وداع..
شكد عافني بس لو تعب يدنالي..

سوده بوجه تابوت ما مره جتاف،
هلهلي مره شبيك بس تنعالي..

يغفي استكان الجاي وابقى وماانام،
واليسأل احوالي اني مثل الوالي..

خابط واغسل عيني بيك ومااكول،
ولا ردت منك تصفى بس تصفالي..
المفروض اعوفك،
شو عفتني انت شلون..
بكد ما تيهتني انت شاغل بالي..
بكد ما تيهتني انت شاغل بالي.

#مروان_العنزي

1,345

𓆩 qamari 𓆪

08 Nov, 10:47

سفينه العين بعدك والليالي بحور،
وجفنها شراعها وللصبح شايلته..

شكو ببالك يمر كلهن شفتهن بيك،
بس النوم بعدك دوم ماشفته..

انه بعدك نحِت نوح الثريا عليك،
بجيت النجم والليل لطمته..

افك مضمار صدري لخيلك من تغير،
والكاها الحوافر طحن طاحنته..

دم وملولحك من گلبي للشريان،
وانت كبال شامت راسي نزلته..

شلت خلكك طفل مايرضع الا دموع،
شماتنشف لهاته بعيني رضعته..

مو بس الاسرار الضامها على الناس،
الضميته على روحي عليك سولفته..

ساكت يـالسكوتك مو جديده عليك،
معذوره العكارب ثوبها السكته.

#نهاد_الخيكاني

1,320

𓆩 qamari 𓆪

07 Nov, 22:13

-بايت بوادي سباع مارف جفن عين،
تراجفت ثلث اكتار من كتلي مو زين.

-شمسوي حتى بطيت ماترضى احاجيك،
مو بيدي ساعة نوم وتحلمت بيك.

-لو بيدي اكض هواي برياكي اضمه،
لان مثلي بالعباس ماحبته امه.

#اياد_عبدالله

1,388

𓆩 qamari 𓆪

07 Nov, 01:16

اغنيلك يگلبي شما يطول الليل،
شما نجمه بحزنها تفيض ..

يكلبي الناس كلهم سود،
بس انت وحبيبك بيض..

#ذياب_كزاز

1,501

𓆩 qamari 𓆪

06 Nov, 22:40

الريس ضحية !، الشعب غلطانين
واحد عده دولة شلون معقوله؟..

گلناله خضار وخير يتبع خير
وعيونك صحاح عيونه الحوله..

وانت المنتظر والشرف والتاريخ
صدگ وانفخ وتحولت چوله..

"نفخنا شكد نفخنا شفاد وي ذولاك
أقل شي على ألاقل لا ننفخ بذوله"..

لا ضد ذوله انه ولانه من ذولاك
"بس خايف نعيد المهزلة الأوله"

لاتسمونه ذيب الذيب ياكل ناس
رعية أنتم اله مو غنم تصفوله

عن الله بشبر بالوصف لاتوصلوه
يتوحش علينه وينغر بطوله

ومو عالرايحه وعالجايه تصفگون
"ترى الگبله تسودن چي صفگتوله"

مو ترحوله فدوه لو گعدتوا وياه
وبس يجفي عشر عبوات ترحوله

أذا منكم وبيكم ماكو داعي الخوف
الحليم الي يفتهمكم بس تلمحوله

الي تفزع سلف مو اله صرخه بليل
أبو الغيرة وشهم يفزع لهلهوله

وغنوا لگاعكم تستـــاهل تغنون
وأذا نفذ وعــد لاضيــر غنوله

"على الي صار بينه وبعد راح يصير
ما مسؤول واحد كلها مسؤوله"...

#صباح_الهلالي

1,462

𓆩 qamari 𓆪

06 Nov, 18:39

لأنكَ ساكنٌ في كُلِّ كُلي،
أراكَ خياليَ الأبهى وظلّي..

تجلّى فيك طيفُ الأنسِ لحنًا،
فأوقعَني بموسيقى التجلّي..

وتجذبني جمالًا يوسفيًا،
فتأسرُ مُهجتي، قلبي، وعقلي..

أنا لم أعتقد بالأنسِ يومًا،
فماذا لو غدوتَ الأنسَ قل لي؟

#اسيل_سقلاوي

1,367

𓆩 qamari 𓆪

06 Nov, 00:56

اكضي الليل احضر بالحجي لملكاج،
وخلصت النجم وجفوفي بالعدّه..

واجيت امشي نفس يم رية الغركان،
كالوا جدمه خانه يروح وتصده..

مدري شجم شته يضيع برجفتي وياج،
ضكتهن بيج بس حرورتج وحده..

6/11/2014
#علي_رشم

1,503

𓆩 qamari 𓆪

05 Nov, 21:18

أمس زرت السوالف والمواعيد
بعدهن عالجسر كلشي بمكانه..

خطواتك..لهفتك..عرگه الإيد
خوفك لا عيون تطب سمانه..

ونار اشواگنه الما تقبل تهيد
وبير دموعنه وصحرة لقانه..

إنت گبال عيني وچنك بعيد
اكيد ويَ البعد يكبر هوانه..

وچفوفي ورگ غطى العناگيد
ولِهيْنه ارواحنه ودارت رحانه..

وصيني قبل لا روح شتريد
گتله الليل لايخنگ ضوانه..

شوصيها السنابل عالحواصيد؟!
لو اوصي الجرح يلچم دوانه..

لو اوصي العطش بالصيف ميزيد
وصيه وغيرها وخلنه بعمانه..

بس عينك عليك وكلشي ماريد
يمك..انتَ الي..مخليك امانه..

#سمير_صبيح

1,469

𓆩 qamari 𓆪

05 Nov, 12:50

الاسود لبسته صدك،
بس گلبي رغم الحزن ما همه لون الهدم..

وشلون عندي گلب،
مره رفعته بحرب ضنوه راية سلم..

وشيخلصه درس الصبر،
بي نقرا من الصغر حدما عبرنه العرس..
وحتى الجرس من يدك فرصتنه نفس الدرس..
طكات الي بكل كتر طكات من جف امس..

بس ماطحت بالعكس،
مادام اعرك خجل خلها تطكني الشمس..

#احمد_سعيد

1,224

𓆩 qamari 𓆪

04 Nov, 22:27

تناقضوا مثل الهوى لمن يفوت،
شموع بي تطفى وجمر بي يشتعل..

المكبره الكالوا عليها مفركه ناس،
ركزت بيها وشفتها تلم شمل..

#علي_ابوالهيل

1,305

𓆩 qamari 𓆪

03 Nov, 21:11

اطير من الفرح كلتيلي بس عود،
وشكو ضحكه ببشر تلكاها بيه..

رجعت ومن شفت مكفاج شكيت ،
طرتي من الفرح طرتي من اديه..

بوكت الافعال كلها بلايه نيات،
اجيت بلا فعل بس كلني نيه..

حرفين بحرف مزجينا خنصير،
مثل رسم الحروف الاجنبيه..

كلتلي السهم من تتركه يعيش،
روحي تعيش تبقى تموت بيه..
سم الحيه بيها بلايه تأثير ..
بس يكتل اليضوكه بلايه حيه..

#المطوري

1,402

𓆩 qamari 𓆪

03 Nov, 11:59

مرات الشبگ ينراد
تعرف من خلاله الناس الذيابه..

ومرات الضحك ينراد
من تسمع العافك عافته أحبابه..

ومرات الدمع ينراد
من توصل محطه و تسمع شجابه..

و مرات الچذب ينراد
من تمشي ويه وادم كلها چذابه..

انه الربحان من راحوا ولااسمع شنو شصاحوا،،

حوبة گلبي تچوي النار صعدوا للسما وطاحوا ،،

مدري شبيه هل فتره بشر ماينعرف امره..

الوادم ماتحب وتخون وانه اتعلق بنظره..

يسألوني شجاك شبيك،بيه الوادم الفقره..

بيه المالگوا صحبان بيه الماخذوا عبره..

بيه العاشگ المخيون بيه المنكسر ضهره..

#علي_البديري

962

𓆩 qamari 𓆪

27 Oct, 22:56

افرشلي ايدك،
روحي نعسانه ارد اموت..

موتي حق ولاتدورلك عذر،
اليموت بشبكه يتسجل شهيد..
الحب شفيع العاشگ بيوم الحشر..

#احمد_المطوري

1,644

𓆩 qamari 𓆪

26 Oct, 23:23

شيعوضني الدمع وانه الخسرته هواي
وعلى رملة امل كل عمري وشلته..

انه الباگوا نهاري ورحت ادوره بليل
وبالمسودن طبع ميعوف سالفته..

على نفس الدرب ذبولي بس الصوف
حتى ارجع وكول ذياب ماكلته..

وانه الماصبر والعطش ما وازاه
دنت نفسه وذبح بالصحره راحلته..

گلب ماچنه گلبي چني متبني
جرعته التعب مايوم دللته..

طفل من ايده اگوده وهوه يمشي وياي
وعلى ضحكه بكهف للموت نزلته..

انقفل باب الصبر گد ما ادگ عليه
مو خالي كرم بس اني مللته..

"بعد ماهد سهم كون الطريده بعيد
مابيها فخر لو كول وصلته"

"وشفت عصفور ميت كل جرح مابي
حرت هذا المنيه شلون واصلته
شلت راسي وشفت بالشجره عش محروگ
گلت هذا السبب والحرگه كاتلته"

ونفس موته متت والجسد لحد الروح
وحسراتي بچفن وبدمعي غسلته..

"سحب سيفه الزمن هل من منازل صاح
اعزل ماخفت والزمن نازلته
مالحته ابد لكن ترسني جروح
بس عندي المهم ماعفته قاتلته"

بسك ياضمير الصار بيه هواي
بسك هالعمر مايوم جاملته..

"حذر بسوالفي نگلة جدم صياد
وأسال خاطرك ما يوم جفلته"

#سمير_صبيح

1,743

𓆩 qamari 𓆪

25 Oct, 23:16

زعلان
بس يا زعل...
لمن ترد للصدگ...قبل المنادى اجي
وشلون !! جيه اجي
اركض ...ركض محترگ

يا للذتك بريتي
وين الگه مثلك هوى
لولاك والله اختنگ
هيه شراكة نفس
لو ...سكت كَلبك ...سكت گلبي
ويدگ...لو يدگ

ولو ...ما وكتنه صعب
ماچان ابد نفترگ
كلمن مشى الحالته
واحد سكن بالغرب ...وواحد ...سكن بالشرگ

وسوالفك تنسمع...چن احنا حلگ بحلگ

جنت انه الوم النخل ...لو من ادين السعف بالريح يوگع عثگ
بس ...جربتها وشفت ...شفت العطش لو هجم
اول ضحيه العرگ

بعدك ...صدگ حاولت ولكَيت مرسى بجرف
بحر العيون الزرگ
ولكَيت في وعطر...عند الشعرها فرگ

بس ...ما لكَيت الوفه
والله عشكَنا عشگ

يامن مگدر علي...غيرك فصاله صعب
جم دوب ...؟! ...اخيط واشگ
ما اضم عليك شكثر...مرت بعيني صور
ومن غيميت ونزل من عيني ذاك المطر...بس انت تبسمرت
والباقي كلها زلگ

ماضم عليك
الجدم غمض عيونه ومشه
وداني واني بطرگ ...شفه واذن تستمع
للي خذوا غيبتك...مجبور افضي الخلگ
وتكاتل ويا الحجي ...والخيل داست علي
"سحكَت ضلوعي سحگ"

اصحى : براسي انطعن !!
اسكر : رمح بالكَلب
بين الصحو والسكر ...رمحين صفن طبگ

عنت علي شوفتك ...واصبرت ...بس ماصبر كَلبي وصرخ :
راح اطگ

جاباني الك واذعنت ...جيتك بليلة شته
ظلمه ومطرها رشگ ...وشبعده صار الدرب
خوف ...ورعيد ...وثلج
وجفوف ايديه ....زرگ

ها ...كَمت...ضميت ايديه
وردت عالباب ...بالروح ادگ
بس ...كَالوا : المن تدگ؟
كلمن مشه بنيته ...كلمن مشى الحالته
واحد ...سكن بالغرب
واحد سكن بالشرگ

#الكاطع

1,644

𓆩 qamari 𓆪

24 Oct, 19:20

لابد يوم تفرج ماتعسر
الرجُل لمن تسره مات عالسر
اذا رايد التطلك ماتعسر
كوم اندب عليّ حل القضيه

#سعد_محمد_الحسن

1,577

𓆩 qamari 𓆪

23 Oct, 12:26

هَلْ مِنْ طَبِيبٍ لِدَاءِ الْحُبِّ أَوْ رَاقِي
يَشْفِي عَلِيلاً أَخَا حُزْنٍ وَإِيرَاقِ

قَدْ كَانَ أَبْقَى الْهَوَى مِنْ مُهْجَتِي رَمَقاً
حَتَّى جَرَى الْبَيْنُ فَاسْتَوْلَى عَلَى الْبَاقِي

حُزْنٌ بَرَانِي وَأَشْوَاقٌ رَعَتْ كَبِدِي
يَا وَيْحَ نَفْسِيَ مِنْ حُزْنٍ وَأَشْوَاقِ

أُكَلِّفُ النَّفْسَ صَبْرَاً وَهْيَ جَازِعَةٌ
وَالصَّبْرُ فِي الحُبِّ أَعْيَا كُلَّ مُشْتَاقِ..

#البارودي

1,783

𓆩 qamari 𓆪

20 Oct, 23:23

اثــر طعنّتك زنجر والــخناجر بـيـض
عكـس گلبك وياي الـماصفت نيــته..

انـه دمــعة غــريب بكل سهوله تطيح
جـدمي لذكــرياتك ليش وديــته..

فــراغك والگــبر يتشابهن بالعــين
منـو منهن يعــيش بروحي وصيته..

بگــفّه كـــلمن يمرني تسافر الدمعات
بس انــته عليـك العــمر بديــته..

اذا تــمشي بخــيالي أتـعـثرك اللحظات
الــبيهن جدمـك ويَ الغــير مشـيته..

بــعد لتودي طــيفك ليلي مابي شــوگ
اجـاني وبـاب جفني بـوجهه ســديته..

آنـه من الــورد ضليت آضـم الـشــوف
لأن كــلش يشبهــك ما شتــميــته..

#علي_رشم

1,962

𓆩 qamari 𓆪

20 Oct, 22:03

هم انت ،، شكو ، لخاطر الرحت وياه
هدني لخاطر الله اتركني بس ذكرى

"مثلي شكد اكو طب للگبور وشوف
مات من القهر مكتوب يم گبره"..

على دفعة صدر يتدخل الشيطان
وشكم استغفرالله بساع تتبره..

وبالدم والصلح بس البخت حاجوز
مرات البخت هم ينطرد بره..

مكان الما الك بي گعده لاتدناه
الغراب استحه وماحط على الشجرة..

شجابك لا تجي لك باوع الشيطان
بي عزة نفس ما يدخل الحضره..

جبتلك عين ذيب وهم نمت شتريد
وسألوني وگلت ما ماخذ الشمره..

غبت عني لان عنك رحت يومين
اليحب ينتظر لتگلي يتبره..

گبل حببني جدي بطير لكن طار
ولحد هسه انه گاعد باقي منتظره..

اهي گطره عَلّى گصة كل بشر مخلوق
وميذل العشگ لتگلي بالفتره..

جربت العشگ ماذلني تدري شلون
طاحت گصتي وما طاحت الگطره..

ولك لو كلها مثلك ما تجازي الطيب
جان وداعتك محد زرع شجره..

ولو بس العسل مرغوب بالديوان
جان الگهوه ابد ما تنشرب مره..

#علي_نجم

1,798

𓆩 qamari 𓆪

18 Oct, 22:26

مامحتاج اسولف وابتسم،
المختصر محتاجلك..

لو يمي كل هاي البشر،
انت الوحيد اشتاكلك..

جا ليش عني تغيرت،
مو تدري محتاجك لان..
لا بيه احب غيرك بشر لا بيه اعيش بدونك..
بـالغالي يحلف كل محب..
واحلف جنت بعيونك..

بجيت ولان يمك ما مكابر،
بجيت وكسر ضلعي ولا الخاطر..
هاي الـنذوره مااوفيها مو عوز..
لان ماحاسب شكم مره ناذر..

تزرع لغم يـالزارعلك ورود،
وهيج ويايه تتجازه المشاعر..
مو شغلة قصيده ووزن واحساس..
اليجيب اخبار عنك هذا شاعر..

اميزك جنت اني بهوسة الناس،
انت العرف اليشوفه اليسافر..

اول مره ميبجيني الوداع،
واني الذبلان ورده بنص دفاتر..

#محمد_العبدلي

1,712

𓆩 qamari 𓆪

18 Oct, 00:07

تذكر من احط بوسات إلك عالباب
والباب الصبح من تطلع يگلك

وتذكر من اجي لشوفتك جية الروج
وعلى حطتك جرف ضليت ما املك

لا انه من البحر خلصان وابقى وياك
ولا جرفك يكضني وتعبت خلّك

بصراحة انت جرح وادري من اخيطه يطيب
غلاتك لو صبر مانعني ما شلك

"السما بعينك شبچ" عوف الاوهام وطير
حط ايدك بأدي لو اموت ماحلك

بعدك والسهر والليل والآهات
تولني نهش وتشوف ما اگلك

نَسمة بعاصفة لو رحت هم الگاك
ضل بالليل ماكو وميَّزت ضِلك

واندلك واجيك واگدر اوصلك
ادورك ما املّ والگاك واندلك

ولو حبة رمل عنوانك بصحراء
اشمن ريحتك بالگاع واوصلك

#سمير_صبيح

1,836

𓆩 qamari 𓆪

14 Oct, 23:48

تعاليلي تعاليلي،
الشمس غيرت تفاصيلي..
ولو عندج مطر عـ الغير..
منج گطره خليلي..

تعاليلي اريد اتميز بجيلي..

#علي_البديري

1,739

𓆩 qamari 𓆪

14 Oct, 19:55

مدري شجاسني وفزيت مرعوب
"دم من الحلم سايح عالمخاد"
مو بس النفس والغرفة والبيت
امس حسيت ضاگت بيه بغداد

.............................................

قلت غلاتك والوعي ازداد
ووخرته دمي الفوگ المخاد
چانت گبل تخنگني وتضيگ
بس هسه جنه بعيني بغداد..

#علي_العربي

1,846

𓆩 qamari 𓆪

12 Oct, 21:12

ماشيت النهر بس ماصرت ناعور
ورافگت الفرح بس ماضگت ملحه..

شاركت الحزن والعمر راس المال
وحچاية بخت شبعان من ربحه..

مثل الخيط عايش والحياة حظوظ
لو تسكن شمع لو تسكن بسبحه..

#سمير_صبيح

1,966

𓆩 qamari 𓆪

11 Oct, 23:26

لا تسأل عليه شلوني بلياك،
بالحظ والبخت كاضي..

جم مره كمت زعلان من عندك،
وارجع محد مراضيني..
بس راضي..

#سعد_شميل

1,921

𓆩 qamari 𓆪

11 Oct, 00:35

وشدينه الجرح ونگطع حبل الخوف
ونشفنه الدمع ونسدت العبره..

بعد ما ننطي لزمه نضم ملح بالماي
ميزنا الحروف ووضحت الجفره..

ما نغلط بعد ونصير مثل الخيط
تحطنه علَى الفتگ وتعوفنه الابره..

عود احنه ويبس منصير ماشة نار
مو بينه الحفر والغيرنه المجره..

"تچوينه نعم نگطع هواها تموت
كافي اتظل عمر بجفوفنه الجمره.."

مانعرف مشينا وياهم مغمضين
دفعونا ووگعنه وغطوا الحفره..

والچفه طول مدها وطلع وارتاح
وابو النفس العزيزة لهسه بالنگره..

وبيه شگد عتب وشگد ملامه وحيف
على الدمع البچيته وماطفت حسره..

على الردلي يتبختر لا فرس لا سيف
ويحجي بكل رهاوة وطعنته بظهره..

على اليوگع فريسة شلون يغفة الليل
ينام بيا وجه وذياب التنطره..

مثل شذره الكرامة ومحبس الانسان
وبيها شگد محابس ذبت الشذره..

#سمير_صبيح

1,909

𓆩 qamari 𓆪

10 Oct, 23:45

الجانن بيك يشوفن،
من يروحن معذورات..

#مرتضى_حرب

1,691

𓆩 qamari 𓆪

10 Oct, 13:22

قبل عشرون جرحاً من الموت،
قصة موتي بدأت عندما قلت لها..
صيحي بأسمي..
المو من شفافج نشاز ..
اسمي فاهي بحلك غيرج ..
جن دعاء بصوت فد واحد غني..

انتي يالـتروين كلشي،
الماي التشربي يكلوله هني..

عندما كانت روحي تحاول ان تلفظ انفاسها الاخيره،
وجدتها تلفظ اسمها..

تلاشت،
وكلت ألـمّج..
بس شلمج وانتي ظِل غروب طَش..
غيمه فصلية سما وزفوها رَش..

كنت اضن بأننا فهمنا بعضنا فـ(همنا) في بعضنا .. عادت في الوقت الذي اصبحت فيه لم أعد أُعُد ..

فعندما يصبح الاعتبار عجوزاً اعمى،
ما المغزى بأن يأخذوك بعين الاعتبار..
عندها علمت بأن النهر عيناً و اجفانه ضفتان..
فعندما يشعر بالنعاس سيطبق اجفانه على مائهِ و يموت ...

الجرف جفن النهر و الماي جن عين ،
لا يطبك جفونه النوم كتال ..
و ليلي بدون طيفك مرني تابوت .. صبحوا بوجهي صح الموت تنكال ...
مو ذيج التعوز كفة ردان ...
تطب عركة حجي حاجوزك لسان...
اني و رويحتي محوطينه شمات
كد ما للغني محوطينه صحبان..
الطعم اقبح كرم اليعزبه يريد ..
لكمة موت ينطي لضيف جوعان ..
شما يلتم شملنه الكاني خسران..
الحطب يلتم حرك مو لمة اخوان..

"بعد كلبي اشتعل بلكت يشوفوك ،
ينشاف الهوى من يصير دخان ..

#المطوري

1,991

𓆩 qamari 𓆪

09 Oct, 18:26

تعرف غلاتك لوبعد،
احتاج ابينها اكثر..

يالبيك لهاني العمر،
ماركزت بي من مر..
يمكن إذا گتلي شكثر،
تهواني راح اتحير..

الليل اعد محبتك،
بس باجر تزود اكثر..

(الادري بي من تبتعد،
مدري شأحس بحيرتي..
صدري حفر بي خنجر..
مكطوع شريان ابهر)..

يندفع شباچ الجفه،
وبالروح شي يتكسر..
اشتاكلك ...
بس الحجي المضموم الك يتبعثر..
وبدون موج احتاجلك..
بالبر واحس بيك البر..

مرات ادور لـجيتي،
كبالك سبب يتفسر..

وتلمحني احرك الخاتم،
وابدي ارتبك واتحسر..

"وهنا تحس بقيمته،
البس على شوفك يضطر"..

يافكة عيون الگلب،
ياميزتي البيها انغر..
مو رايدك واتنفسك..
لا يانفس شي اكبر..

ياروح ماتطلع مثل،
روحي التموت من اكبر..

اني اعرف بزعلك قبل،
ماتزعل وياي اكدر..
والنوم يتركني وقت
ماتنوي عينك تسهر..

ياريت ..كل هذا الحجي،
من اكعد كبالك يحضر..

ومن التهي بعينك بعد،
تهمسلي حتى اتذكر..

وياك اذا ماسولفت،
من الصمت لاتحذر..
مرات مو كل الحجي..
يلم المشاعر يكدر..

اني اؤمن التهوى صدك،
تتنخه بي من تعثر..
روحك عليّ تتكدر..
تنشف لحد مايخضر..
لوبرد ملكا تشتعل..
وارماد خلكك ينذر..
وانت اعرف شلون اختنك..
من نسمتك تتأخر..

*اگبل عليّ روجة عتب،
واتقرب تكون اخطر..
بس هاا عتب بس للمثل..
مو بالزعل تتأثر..
تلگاني ناطر روجتك..
فارش جرف يتعذر..

^بس انت ردتك من جنت،
مابين الاحلام افتر..
ومادامك بحضن الجفن..
جف النظر خل يكصر..

وياك ابتديت ...
بدونك شلون ابتدي شتتصور...

عنك ردت مره ابتعد،
والغيظ بافكاري ابحر..
وتراجعت نفس الوقت..
من حرت بيش اتعطر..

يخفت ضواي..وما يضل،
لوشوف الفراك ابصر..
والليل يتشمت هوى..
بخيط الشمع من يصغر.

#ايهاب_المالكي

1,738

𓆩 qamari 𓆪

09 Oct, 01:12

جرح الجسد ينتهي،
جرح الكلام اكبر..
يبقى يعذب الگلب،
طول العمر واكثر..
لا عين ابد شافته،لا ينتهي بـ لحظته..
حاولت بس للأسف،
انسى مااكدر..

#غني_محسن

1,687

𓆩 qamari 𓆪

08 Oct, 16:42

اكل عمري الحزن واستفحل الشيب،
مثل سبوره تاكل بالطباشير..

ولو هو الحزن مريود نوبات،
الخشب جا ضل حطب لوما البسامير..

#يوسف_حسن

1,885

𓆩 qamari 𓆪

07 Oct, 23:55

مابيه حيلك ولك وصلت قضيتي لحد،
يم اليأذن اون كام اليأذن لحد..
وي غيري جنك ورد ووياي صاير لحد..

جا ترضى ذاتك ولك؟عقل اليحبك يجن،
بنارك اني استلذ ما اود نعيمك يجن..
بليل من اختنك هلكد سوالف يجن..
لا تسمع من اشتكي ولا ترضى اسولف لحد.

#اياد_عبدالله

1,713

𓆩 qamari 𓆪

07 Oct, 00:38

ضاقت انفاس الهوى يوم الوداع
كضياق القبر في وقت الممات..

كنت تزهو في وسط ورد العيون
كيف للنسيان يمحو الذكريات..

ها قد اتى جيش الجروح متوجهاً
نحو قلبي المات في وقت الحياة..

فترك الجيش في وسط جسدي شهيد
لم يمت بالسيف لكن هو مات..

فكتبوا سبب الوفاة شيئ بسيط
كلمات من حبيب جارحات..

حيل انعم الله علَى الجرح
مشكور منك واعتذر يالتيهيت سنيني
صفنه بوسط گلبي الشعر
في خارطة رأسي وطن
نصبتك انت على العرش
جنت انت الاتدليني
ما ادري جنت اعشگ وهم
احلامي باني علَى الچذب
راسم صفتني على الشمس
طفيت شمس الله لچن
ماكو احد يطفيني
شايلي حظ ما ينحزر
ورده اني زارع بالارض
وعاگول خضر طيني

#علي_المحمداوي

1,604

𓆩 qamari 𓆪

04 Oct, 23:53

سولف گول الك واهس تضل وياي
واذا ما الك واهس گول لاتخجل..

ما اقبل احبك وانتَ ما مرتاح
وما ارتاح احبك وانتَ ما تقبل..

فكر باليهمك المهم شتريد
انه كل اليهمني المهم ما تزعل..

بكيفك من اجيت وماجبرتك يوم
ماجبرك بكيفك لو ردت ترحل..

ما مليت منك اگدر ابقى وياك
بس المشكلة خاف انه راح انمل..

ميهمني الدرب صار امشي بيه سنين
ما اندل چنت بس هسه صرت اندل..

وماگولن خسارة الراح مني وياك
ويـ كلمن تحبه الروح ما تبخل..

حبيتك صدگ والوكت چذبه هواي
بمعركة الدغش اني نزلت اعزل..

وتعرفني ولو عندك شكوك هواي
وادري لكل شكوكك صار عندك حل..

من شفتك سنابل روحي اجت ترويك
ماي ولاتظن تصيرلك منجل..

ما اقبل احبك وانتَ ما مرتاح
وما ارتاح احبك وانتَ ما تقبل…

#جبار_رشيد

1,795

𓆩 qamari 𓆪

04 Oct, 02:46

عيوني ويه السهر كلش عبر حدها،
وحمامات الصبح كمت اني اكعدها..

#علي_فاضل_السعيدي

1,679

𓆩 qamari 𓆪

29 Sep, 23:30

لكَيتك للأسف ياريت مالاكَيك
على وجهك بنيت الماتمنيته

ليغرك نفس بين الگبور يعيش
ماكَعدلة ميت رجعه لبيته

رحت ويه الكَبل من عندة جنت تضوج
حنانك جان الي للخانك انطيته

صوتك والشرب وثنينهن بلراس
السكر بلكاس عطرك نسم بريته

موصوج الخذاك الماخذك معذور
كَلبك مايعرفة وانه وديته

تواعدني وتواعد غيري مامجبور
حچيك لو رجل چا ظهره طكَيته

على كَلبي انتجئ وجتفة وصل لكفاي
وگلت رايد يطب بگلبي خليته

اليحب اول ايامه بعقله تلكَة خبال
مثل سطرة ابو من ينهجم بيته

"على وجهك كَفة كلما تجيني تروح"
عشرة وياي بس مالحظة حاچيته

متنسية بزعل امك زعلت اهواي
دكافي من الزعل مو گلبي شليته

#علي_المحمداوي

2,223

𓆩 qamari 𓆪

29 Sep, 02:11

من اجيلك گلبي يسبقني بمسافه،
ومن ارد منك يضل گلبي وراي..

#عبدالاله_منشد

1,959

𓆩 qamari 𓆪

𓆩 qamari 𓆪 (Arabic)

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪

𓆩 qamari 𓆪