شعر شعبي عراقي 🔸 دارميات 🔸 ابوذيات

@olllr

متابعيني الاعزاء
انتم لا تتوقعون مدى جنوني بكم ، أطير فرحاً بمن انضم حديثاً ،وينتابني حزن لمن غادر، انا هنّا دوماً، حتى عندما تخونني الكلمات انا اكون هنّا❤️ .

المنشئ @ppx_s [ محمد]
المشرف @H_T_A_G [ ابو الورد]

شعر شعبي عراقي 🔸 دارميات 🔸 ابوذيات (Arabic)

يسرنا أن نقدم لكم قناة "شعر شعبي عراقي 🔸 دارميات 🔸 ابوذيات" على تطبيق تيليجرام. هذه القناة مخصصة لعشاق الشعر الشعبي العراقي، حيث يمكنكم الاستمتاع بقصائد وأشعار تعبر عن تراث وثقافة العراق. مع تنوع في الأسلوب والمواضيع، ستجدون أنفسكم مغمورين في عالم من الكلمات الرائعة والمعاني العميقة.

منشئ القناة هو @ppx_s [محمد]، الذي يسعى لنشر الجمال والفن من خلال قصائده. ويقوم بالإشراف على القناة @H_T_A_G [ابو الورد]، الذي يساعد في تنظيم وإدارة المحتوى بشكل احترافي.

إذا كنت من عشاق الشعر العراقي وتبحث عن مكان لتبادل الأفكار والتعبير عن مشاعرك، فهذه القناة هي المكان المثالي بالنسبة لك. انضم إلينا اليوم واستمتع بجمال الشعر الشعبي العراقي في كل لحظة.

شعر شعبي عراقي 🔸 دارميات 🔸 ابوذيات

08 Dec, 05:20

انه گلبي بالزعل كلش حنين
يشبه گلوب الحمام

ومو شرط تعتذر مني
المهم دزلي سلام

علمتني شلون احبك
وتدخل براسي ازدحام

وعلمتني شلون اعيشك
نبضه نبضه واللتزام

ولازم اتخيل اوصافك
وادخل بصوتك وانام

المهم بقيني احبك
اسأل بكل احترام

شوفني شمحتاج منك
يمكن احتاج اهتمام

سجاد الغريب

441

شعر شعبي عراقي 🔸 دارميات 🔸 ابوذيات

07 Dec, 15:01

اجو بعدك نهر ممدود بس ضليت عطشانك.

855

شعر شعبي عراقي 🔸 دارميات 🔸 ابوذيات

05 Dec, 06:41

ولا نشاد
يندل بالضعن ياصوب
گوطر بالرحيلة وعافني اتلوة
ي حادي هواي بالله عليك
برضات الولف لو رچبت گوة

1,538

شعر شعبي عراقي 🔸 دارميات 🔸 ابوذيات

30 Nov, 10:31

غير افتهم دنيتي شتريد من العمر
طمت نواعيره
شو دوم تفتر عكس معقولة هذا الزمن چف حاقد يديره
كل يوم اوج وانطفي مثل الفگدله محب
كل ما يخنگه الدمع يقره بتصاويره
محتار اضل لو ارد !
تعبني لون الحلم حيرني تفسيره
خلاني نص الدرب لاباقي وي غربتي
لارادني لديره
اعبر اصيرن نذر ابقى احترك بالبعد
وثنيهن حيــــره
كلت استخير النجم طلعت صبر لو صبر
ماواضحه الخــيره

جبار عبادي

3,194

شعر شعبي عراقي 🔸 دارميات 🔸 ابوذيات

30 Nov, 10:24

سويها لله وكلشي باقي اخذه وياك
ماريد تبقالي عله حايط ذكرى
صافن كبالك مثل صفنة تمثال
صفنة مريض عله شباچ الحضره
تكتل العشره التخلص بلايه اسباب
توجع تضل حدر الضلوع الحسره
صرت انه شجره وينگطع عنهه الماي
وانت افتهم معنى الوجوه الصفره

جبار عبادي

3,035

شعر شعبي عراقي 🔸 دارميات 🔸 ابوذيات

30 Nov, 10:18

انه باريك ذمه والصار مكتوب
احسبه الصار عادي وگبله صاير
عفتك للزمن ماشايل عليك
الزمن يتكفل بجبر الخواطر
من تنكسر مره وترجع تعيش
بخور تحسه دخان الجكاير
وحشه المكبره والدافن اعزاز
جنه تصير بعيونه المكابر
من تضلم الدنيه وتبدي تختار
يعجبك واحد بكل المناضر
وتتفگد جيوبك بالمطارات
كومه اوراق مليانه وتذاكر

جبار عبادي

2,612

شعر شعبي عراقي 🔸 دارميات 🔸 ابوذيات

30 Nov, 10:08

لان طيب گلب والبيدي للناس
ولان حجايتي ما صارت اثنين
عشت عمري نهر بس مايه مذموم
مشيت بظهر ربعي و ما كلت وين
ولان عندي حنين ونية زغار
شمدريني الدرب رايدله كلبين
ابيع هدومي وانطي شعندي بالبيت
بس واحد يكلي بروح الحسين

جبار عبادي

2,513

شعر شعبي عراقي 🔸 دارميات 🔸 ابوذيات

26 Nov, 13:53

نستني ولايتي والغربه حيل تريد
وأنه روحي الوجع والموت جايسه

متوهم جنت مشتاك من رديت
الدروب استاحشتني وضيعت حسه

وأنه صورهم وطن شايله جنت وياي
كل وحده ألف بل يوم بايسه

أشمه من انلجم وترس حظنه دموع
وأكله الغربه مره وانتي واهسسه

بعد لاتنغلب وطيبه هم مو دوم
وبعد بالك ترد بدروب دايسه

حن ولاتحن خليك مثل اليل
ناس بحظنه تخفه وناس خالسه

رجعت بخيبتي خيبة مهر رديت
من نص الحرب ويطيح فارسه

3,791

شعر شعبي عراقي 🔸 دارميات 🔸 ابوذيات

23 Nov, 21:04

موش بوگة
خاطر تذبني بدرب محد يفوتة
هاي سالفتك إذا يسمعها يوسف
جان راح و باس اخوتة..

و انا كتلك..
- لزمةّ الشباچ حاجة
- ولزمةّ الشارب وعد
معركة اني
انتَ لو تربحني لو تطلع خسارة
ماكو حَـل ثالث بعد

4,187

شعر شعبي عراقي 🔸 دارميات 🔸 ابوذيات

21 Nov, 15:30

الله أنطَاك عمر وعشت وياي
شتضن وي غيري هم الله ينطيك؟
جنطة سفر دمعي وماخذه وياي
خلص بأول محطة گبال طاريك ..

4,763

شعر شعبي عراقي 🔸 دارميات 🔸 ابوذيات

20 Nov, 16:56

مره عجوز اجاهه ابو التعداد السكاني كالهه شكم ولد عندج كالتله سته بس واحد منهم بسبايكر صارله عشر سنوات اسمه محمد ومادري بي عدل لو مات كالهه اسجله لو لا كالتله..

ما ادري بي حي ميت من دون اخوته
احسب محمد ضال وحسبنه موته
بشار الاسمر
لسان ابو التعداد
گالها
عديته بالعدلين ..أول.. بالاسماء
الله بكتابه يگول نحسبهم أحياء
علي حسين المرشدي

5,266

شعر شعبي عراقي 🔸 دارميات 🔸 ابوذيات

19 Nov, 16:52

عودتني

و واعدتني

تالي من ردتك ،،، مشيت وفارگتني

ليش كل عمري اكابر ؟'
حتى اعيش متاني باچر !؟

وهو باچر ، بلا عيونك شنهي لذته
وهو گلبي ، بلايه حبك شتسوه دگته

4,905

شعر شعبي عراقي 🔸 دارميات 🔸 ابوذيات

18 Nov, 04:24

عايفني بوكت جنت اني بي ضايع
ومو منك ولك من روحي ماشابع

مو مشكلتي مشكلتك حرت وياك
انت انسان حتى بروحه ماقانع

شلت خشمك عليمن علفكر عالضيم
دشوف اني شكبرني وياك متواضع

5,169

شعر شعبي عراقي 🔸 دارميات 🔸 ابوذيات

17 Nov, 05:05

مو كافي استقرت حتى الطيور
ورجع للبيت حتى الكالو فرار

انه التعبان بس ماكال تعبان
والقله القليله التعرف الصار

من العز للمذله تجرني دنياي
البيت البي ربيت ادخله خطار

واكعد حالي حال الكرسي مرات
كدامي بعد ماتنحجي اسرار

مدري الصوج مني وبيه تقصير
مدري گلوب ربعي البيه زنجار

محمد ثامر

5,480

شعر شعبي عراقي 🔸 دارميات 🔸 ابوذيات

17 Nov, 03:47

نهر بس نشفتني
وحاط اللة وياك
جانت تترس لحلوات من جرفي
عشرة وتنكطع وتشدهة ما تراد
بعد ما عدي واهس تعتذر وعفي

سعد شميل

5,114

شعر شعبي عراقي 🔸 دارميات 🔸 ابوذيات

15 Nov, 20:05

واشتراني الشوگ منك
ونمت يم السهر من تعبي عليك
وسولفت للشمس عنك
وبچت عيني إمن الضوه وشوگ النهار
والنسيم البارد المايچوي ظنك
مو وكت ريحك بعدها بيوت گلبي
إمطرَّحه ولا باب ال يرحني منك
ويطرد الموت اليطب ويحوس عمري
لااتانيني النهر مگطوع مايه
والعطش لاگ اويه صبري
ولا تعلمني انگطع نشدي عليك
ماكو داعي بكلشي ادري
لو تصير مراية ماادور وراك
زرع خل الماي حدري ..

أيما صباح

5,379

شعر شعبي عراقي 🔸 دارميات 🔸 ابوذيات

15 Nov, 19:30

خذنيّ يمَك
بعَد ما ظل كُل عِذر
لا تعتذِر
ليّل عُمري وعُمرك مخَلص
بعَد ما بيّ صبّر
خل نلمّ احلامنَا ونحفُظ صوَرهن
گبل لا ياخذهِن بدِربه الفَجر
وخل نلمّ الباقيّات
سنيّني وسنينَك ..
نسويهِن عُمر
وهنّ ميكفَن عُمر
ونبدِي من جِدة وجديّد
بـ واهس سنيّن الصغُر
وَلو وازانّه الكَبر .

5,062

شعر شعبي عراقي 🔸 دارميات 🔸 ابوذيات

14 Nov, 08:17

متروس كلبي وجيبي خالي
ومتعوب سماعه ملالي
و اسمي بسجل كل الدكاكين
وبس لا اموت وهيج حالي
وبايد يحيلي قماش مدفون
وما ادري بيه شلون تالي
وشيعدله وكتي هواي تعبان
وملتف مثل طرف الزوالي
وصعب شي ع الرجال ويموت
لمن يطب للبيت خالي

علاء المغشغش

5,287

شعر شعبي عراقي 🔸 دارميات 🔸 ابوذيات

14 Nov, 04:29

ثنين جانو الك ..
وماكو بحياتك فقط !
انه ونظر عينك ، وعينك درتها ورحت
ولاچني منك چنت ، وبكل سهوله خسرت واحد من ثنينك ..

لـ جبار رشيد

5,214

شعر شعبي عراقي 🔸 دارميات 🔸 ابوذيات

11 Nov, 13:12

زعلانة گالوا لاتمرها بحلم
گلولي دمعچ ع الجفن ماعثر
اشتموا فراگچ بيه من سولفت
مريتي سيف وصار خلگي نحر
يظفرون وجهي وتنثر عزتي
بعيوني تطفه وجوه كل البشر
شخليتي بيّه وصدري فارغ طلع
شعاف الندى من آثار فوگ الصخر
دبريلي ملگه بروحي وحشة حضن
شگد ناس زغرت من فراغچ كبر
شجريتي منّي وما انجر النفس
ظل الحلم بعيوني يطبع أثر
رحتي وخيالچ لا غفه ولا مشه
لا عاف روحي ولابعيني استقر
أربع مواسم ظل خريفچ يجي
طاحت ملامح وجهي مثل الشجر !
كل خطوه ريّة الگاع تاخذ نفس
وآنه أختنگ لو مني جدمچ عبر
شباچ وجهي شگد رسايل بقت
محد قراهن چنت ألوم القدر
خيط عليه الليل وجه وگفه
يعثر بنيته الگدّر وماگدر !
وديلي كلشي الچان من ريحتچ
مشتاگلچ مرسه وشراع وبحر
ماغسل وجهه من الضوه البي تعب
شگد انعكس بالماي وجه الگمر
عيني بگفه اليمشون صارت وشم
خطواتهم ظلمه وضواهم گصر
ذكروچ يمي ودمعتي استعجلت
هزوا صفنتي وطاح وجهچ تمر
ترسوا عيوني ملاگه مابينوا
ما أدري من عفتيني بيه شزغر
تانيت جيتي وين ماينمشي
وشلت جدمي اعله الدرب والنظر
جمرة بخور الذكره لمن تمر
تورث حسرتي وبيه تمشي بحذر
يعرفون جرحي الحبوا وفارگوا
ويدرون جفني شچم حلم بي خسر
الصبخة چنت ارويها من گصتي
يتشابه بعين العطش والمطر
ذيچ انتي وآنه بغيبتچ موصدچ
تعبتي جدمي وساعتي من السفر
بي حيل هجرچ وآنه وشلة خلگ
ذبّلن وجهي مناطرچ والسهر
يعجبني ذوقچ مثل ذوق البلم
متعافي ياخذ راحته بأي نهر
نتشابه آنه وياچ من نفترگ
ويختلف وجهي وروحتچ بالصور

الشاعر علي رشم

6,313

شعر شعبي عراقي 🔸 دارميات 🔸 ابوذيات

10 Nov, 13:12

ثگلان حتى نفس مو جدمي بس ثگلان
تعبان مو من حمل من الوكت تعبان
بعيوني لمعت دمع ومنين ما التفت ألگه العمر ذبلان
والحيره ماتنوصف لاجرحي طاب وتفض لا ميت وخلصان

5,284

شعر شعبي عراقي 🔸 دارميات 🔸 ابوذيات

08 Nov, 16:58

لا تمثل دور ما عندك شعور
توهمت ناسيني شايف حالك
عود من بالك شلتني بكل غرور
أنه بالك كله خلها بالك

6,061

شعر شعبي عراقي 🔸 دارميات 🔸 ابوذيات

06 Nov, 12:00

ربن وستفحلن دگاتك اوياي
واذا نفرش وسولف راسك يشيب
تحط بيه جرح وتريد ماصيح
وتگلي شدعوه اصبر باجر يطيب
احط رجلي بسلفكم ونطرد ليش
هلك وانته وسلفكم مو معازيب
عفت امي مريضه وسيرت ليك
ولگيت امك تچيم بالمكاتيب

بشار الاسمر

6,723

شعر شعبي عراقي 🔸 دارميات 🔸 ابوذيات

06 Nov, 10:03

هضمه الزلم ب شوك تنهان
ويبلع السانه الجان ابو السان
جيلت عدو ولاضيم نسوان
عوف رساێل لاتاني.
كلبي تريده يريد ثاني
موتي ع الكاسك ولاغاني
ليله ضايع مني اني

م.ن

5,737

شعر شعبي عراقي 🔸 دارميات 🔸 ابوذيات

05 Nov, 20:06

اقسملك بصورة يونسني
دنيف ولا سوالف يونسني
أصبحت صم المنازل يونسني
اصيح ولا مرد منهن عليه

علي موسى حشيش

5,690

شعر شعبي عراقي 🔸 دارميات 🔸 ابوذيات

04 Nov, 14:52

‏⠀⠀⠀⠀
عـرض كـدامـي ضـلـي وعـطلـت ممـشـآي
حـآجـيـتـه ونـصـحـتـه ومـن رفـض دسـتـه

ايهاب المالكي

5,713

شعر شعبي عراقي 🔸 دارميات 🔸 ابوذيات

03 Nov, 07:21

الصخونه

كلما يجيها تزود ماتقبل تخف
كلساع اشوف الموت بس الله يلطف

بشار الاسمر

يعينك الله بهاي شتگلها ترفض
مثل الطلابه وياك ماتقبل تفض

مالك اسعد السواد

6,395

شعر شعبي عراقي 🔸 دارميات 🔸 ابوذيات

02 Nov, 18:16

كل هالمَسافَه .. البعد !!
وِسوالفَكْ تنسمِع چن إحنه
ًحلگ إب حلگ
والله عشگنا عشگ
يامن إمگًدٌر عَليْ غيرك فصاله صعب
جم دوب أخيٌط و أشگ
حنيت أنه إل شوفتك
واصبرت بس ما صبر گلبي وصرخ !!
راح اطگ
جاباني إلك وإذعنت . . جيتك
بليلة شتا
ظلمه ومطرها رَشگ
وشبعده صار الدرب
خوف ..
و رعيـــد
وثلـــــــج
وجفوف إديـــٌه زرگ
إبابك طحت ها گمت
ضَمٌيت إدَيٌـــه إوْ رِدِتْ
عالباب بالروح أدگ
بس گالو إلمَن تدگ
كلمن مشه إلحالته
واحد سكن بالغرب
واحد سكن بالشـــــرگ

كاطع
..

6,165

شعر شعبي عراقي 🔸 دارميات 🔸 ابوذيات

28 Oct, 13:35

الحِيرة من تسهر لوَادم غافِية .

547

شعر شعبي عراقي 🔸 دارميات 🔸 ابوذيات

28 Oct, 06:50

اليوم روحي تون شگلهه
زاعلت شربتهه وچلهه
وتخلبصت جيب اليحلهه
تخوصرت تنشدني اعله اهلهه

فكلي الگبر خليني اشمك
وتزحزح ارد انطمر يمك
لاخرز مطشره ولمك
ولاتنلزم بالچف ولزمك

حيلي النشيط بفرگتك باد
النسمه التهب تكفخني ليغاد
الچيله اشوه من تغفه بلفاد
لاچن فرگتك عيــب تــراد

عله اللــيالي علـعـلـني
وينكسر كونه ضحك سني
چا شنهي مافززك وني
خاب احچي من تسكت تذلني

المندوم تشتم بيه عطاب
والكاظ خصره امفارگ احباب
گوم اعله حيلك گوم يتراب
الغافي حدرك شاب من شاب

مو گتلي امرلك ليش ماجيت
امتانه الزرع للماي تانيت
چا بلمگابر ليش ضليت
لو تيهت ماتندل البيت

ردتك الجرحي تصيرله اضماد
آنه الردت بس الله ماراد
سواله يومك طر بلفاد
من الناصريه او لحد بغداد

بشار الاسمر

774

شعر شعبي عراقي 🔸 دارميات 🔸 ابوذيات

27 Oct, 15:35

حبيتها
بس جان حبي بسكته.
وتدريني احبها وظلت بسكتتها.

ونتلاگه ويضيع الحݘي مدري شلون
وتسكت وعرف السالفه بصفنتها.

شاعر وعرف السالفه منين اتفوت
معقوله ماعرف الحݘي بنضرتها.

ويمر هوه الله ابينه وروحي اتموت
من گمت احسه ايحرك بگذلتها

من تمشي گامت گمت اغار من الگاع
وتطگ خضار الگاع لو سحگتها.

گتلها احبج وتضح كل مضموم
وگتلها عيني بطيفج مخلصتها

والزم بروحي اگبالها خاف اتطيح
وتگعد اگبالي وتلزم بشامتها.

لا بيها شي ينعاب ونعير بي
هوه الگمر ماخوذ من رگبتها.

هوه النده يدگ بابها يله يطيح
وݘم نهر غافي بطرف شفتها.

خيعون اهلها بكيفهم مرتاحين
يشاقونها ويغفون يم ضحكتها.

من اشتاگ اموتن وترس الدنيا اعلوگ
وبست العيون الصدك شافتها.

أثير السعداوي

1,070

شعر شعبي عراقي 🔸 دارميات 🔸 ابوذيات

26 Oct, 04:19

عاذرك
يالماتواصلني التهيت
بعد احسن مالي خلك ازعاجك
عادي ماشوفك ولاميت عليك
عندي صورة وياك مامحتاجك

كرم السراي

1,515

شعر شعبي عراقي 🔸 دارميات 🔸 ابوذيات

24 Oct, 21:33

غفى رسمك بعيني من الصبا لليوم
وطيوفك طيوفي بصحوتي و النوم
نثرت العمر بدروبك و اگول ادوم
ماضنيت ماضنيت عشگك
عشگ ليله اويوم

نفحه من الورد ومن الگمر طلعه
ولك عمري انطفى شمعه بأثر شمعه
ضوگني هواك ضوگني هواك
الضحكه والدمعـه
نطرت هلال وصلك
والحصاد غيوم
ليله ليله ليله ويوم

دنيا بلا عشگ ما تنشرى وتنباع
عذب عمرالوفي بچف الوفي لو ضاع
ياحنة العيد وشهگة النعناع
حلم يمطرز بدربي
ورد ونجوم
ليلة ليلة ليلة ويوم

گصد ليك الگلب طير ويلوذ بدوح
ولگيتك رازقي طيب وملاحه تفوح
يقظه لو حلم من بين اديه تروح
والماي التبده مايرده اللوم
ليله ليله ليله ويوم

كاظم الرويعي

1,945

شعر شعبي عراقي 🔸 دارميات 🔸 ابوذيات

24 Oct, 05:03

لاكيته وتغاضيت بس هو يسوة
مثل النعاس تكول طب عيني كوة

ابراهيم الكوفي

2,118

شعر شعبي عراقي 🔸 دارميات 🔸 ابوذيات

22 Oct, 10:59

يجي باجر وكولن باجر انساك
ويجي باجر وكول لا كلت باجر

جبار رشيد

2,645

شعر شعبي عراقي 🔸 دارميات 🔸 ابوذيات

20 Oct, 18:59

ردو من عساهم كون لا ردو
جتف طك بجتف شافونه وتعدو
جثه مشوهه وما كثر بينا الشوف
بساع وجوهم داروها من صدو
وكفو عل جرف من درو غركانين
وموش جفوفهم لو تعرف شمدو
مدو خيط منه العنكبوت يطيح
وكل هذا لمن جلبنه بيه هدو

سعد شميل

3,242

شعر شعبي عراقي 🔸 دارميات 🔸 ابوذيات

19 Oct, 21:08

‏⠀
‌‏⠀
‌‏وگلهم بس انا مدلل بهذا الكون
النهر متروس بس يغار من الحب
ياهو الـ يوصلك يالـ جوة ضلعي تبات
انا الليله ونهاره ببابكم محرب
انا الـ ظل بنفسها تشوفه المرايات
انا الـ شگيت روحي من الگشر للب
ومو دوم الـ يطخ الراس ما مهيوب
السنابل واگفة والمنجل محدب

احمد عاشور

3,553

شعر شعبي عراقي 🔸 دارميات 🔸 ابوذيات

19 Oct, 06:42

البگلبه حچي وينام مكسور
من يكعد يصير إنسان ثاني؟

3,520

شعر شعبي عراقي 🔸 دارميات 🔸 ابوذيات

18 Oct, 20:57

ياتاركي تجهل عنائي بل جفا
ان شاعت الاخبار عني تسمع
وتركت لي قلبا بحين وداعك
نارا به النمرود فيها يطمع

شتضن بيها حيل بغيابك تركلي
مرضرض والمصاييب هم تركلي
وداعك من حرك روحي تركلي
حريجه طمع النمرود بيه

كرم السراي

3,574

شعر شعبي عراقي 🔸 دارميات 🔸 ابوذيات

17 Oct, 20:58

ويـن أنت ملـينه النشد
والنـاس گامت ماترد
_جبار رشيد

3,596

شعر شعبي عراقي 🔸 دارميات 🔸 ابوذيات

17 Oct, 20:58

لو أَحَصِل بِـ گلبَك شِبر
يَا بيت خايب يَا هَلي ؟
بِـ لَحظتها أَعوف ولايتي

3,583

شعر شعبي عراقي 🔸 دارميات 🔸 ابوذيات

17 Oct, 20:58

نكِسر مَچداف عُمري بزحَمة الرُوچ
وَ وَگف بيهَ الزمَن يمَ اليكرهُون ..

3,535

شعر شعبي عراقي 🔸 دارميات 🔸 ابوذيات

17 Oct, 20:58

نعم أنا أعترفلك صرت خواف
شفت الخوف يرجف كاتلة الخوف
درب حُبك ضياع وامشي والتاف
ترى اليسمع سمع مو مثل اليشوف

سمير صبيح

3,703

شعر شعبي عراقي 🔸 دارميات 🔸 ابوذيات

17 Oct, 09:55

يمكن مو وكتها بس بعد حبيت
لا و المشكلة ما تدري بيه أنت
و حق عيونك الـ ماحاسبلهة حساب
الـ يحب من طرف واحد يحترگ سكتة
احمد عاشور

3,801

شعر شعبي عراقي 🔸 دارميات 🔸 ابوذيات

16 Oct, 19:13

واجب فرض ينگال ابن امي اعوفه
أيغطي بل مسواك من رحت اشوفه

م.ن

3,957

شعر شعبي عراقي 🔸 دارميات 🔸 ابوذيات

16 Oct, 16:40

اشابج عشرتي ويغفن عالهام
خلاف العودوني استجن عالهام
اضل مجابل البيبان علهم
بداير حول يتراوون اليه

م ن

3,890

شعر شعبي عراقي 🔸 دارميات 🔸 ابوذيات

16 Oct, 08:11

خليلك كرامة وعيش سلطان
دنيا وداعتك لعبه كراسي ترا
هذا اليشبكك من يلاكيك
يجذب من يكلك جنت ناسي
على حبل الجذب تتمرجح الناس
الناس اطباعها اطباع السياسي

3,679

شعر شعبي عراقي 🔸 دارميات 🔸 ابوذيات

15 Oct, 16:22

لو باقين غربة ولا حملنا ذنوب
وتوادعنا بزعل وبذمة مشكولة
مدري شعفت بيه الليل كله يصيح
مدري صياح فاگد مدري هلهولة
عرفونا الگبل ما ودك يعرفون
حتى الما سمع راحوا يگلوله
بس المشكلة هو البحر خداع
‏ويغش السفن بالمرحلة الأولى
نزيف الدم ينگطع بالتسكين
الينزف ندم هذا شيحطوله ؟
وأرد لغرفتي وتسألني المرايات
عگب ذاك الفرح هذا أنت معقولة ؟
جيب اليقتنع لو صادفك بطران
ودورلك عذر لو حجة مقبولة

‏ها عافك ؟ مشى ؟ خلاك ؟ خانك ؟ راح ؟
سؤال الما يحس عند البشر سولة
يعيش الـ بيّشلل وتساعده الحيطان
منو يساعد بشر ذاكرته مشلولة ؟.

م.ن

3,885

شعر شعبي عراقي 🔸 دارميات 🔸 ابوذيات

15 Oct, 13:31

من إيدي ويا ذنب تجنيه الأيام
شيجني السجه العوسج والخرانيب

انه بلا سواي بهاي يلام
بسبب ما اثرن بيه التجاريب

كل الصار بيه حيل وياي
مستاهل بعد اكثر وأكثر

جه لن ماعرفت حساب دنياي
اضوي لعد غيري خاف يعثر

حسبالي الفضل بل فضل ينسام
وبطيب يتجازه ليعمل الطيب

اثاريني گصير الرايه وأوهام
أريد من العواهر تعرف العيب

عبد الواحد معله

2,806

شعر شعبي عراقي 🔸 دارميات 🔸 ابوذيات

12 Oct, 16:10

البكلهن خسر يقنع بكلشي چان
الما حصل عنب يقتنع بل سله
احسب لليضل ما اشيل هم الراح
ما ادلي ليروح الباب يندله
اذا بعض البشر تتوسل ليمشون
انه الراد يمشي انتضر ما أگله .

3,743