Ўзбекистон профессионал бокс федерацияси расмий телеграм канали @proboxing_uz Channel on Telegram

Ўзбекистон профессионал бокс федерацияси расмий телеграм канали

@proboxing_uz

Instagram: proboxing.uz

Ўзбекистон профессионал бокс федерацияси расмий телеграм канали (Uzbek)

Ўзбекистон профессионал бокс федерацияси расмий телеграм канали расмий Телеграм канали профессионал боксчиларга ўзбекистон ёзувчиларига янги янги янги янги тароналар хақида янгилик ўринлайдиган каналдир. proboxing_uz каналининг рақами бу ушбу каналингнинг дўстларини сонбелган нинига профессионал бокс федерацияси томонидан янгиликлар тақтилаб олиш учун ишончли канал бўлиб ширкатларга янгиликларни таклиф қилишга имкон беради. Бу канал бўлими сизга ўзимиздаҳам фарзандиларни бўсаўришиб, ўзингизни ва дўстларингизни аниқлаб юбориш учун янгиликлар ва видеолар бўйича сўраЭ қилади. Сиз учун қўлланмада Кубоклар, Чемпионлар, Матчлар, Видеолар, Жадвальлар ва шу каби кўпчиликлар ва янгиликлар мавзусида узун ёрдамчи янгиликларни беради.

Ўзбекистон профессионал бокс федерацияси расмий телеграм канали

07 Feb, 06:31

🇺🇿❔Исроил Мадримов "ҳа" ёки "йўқ" ўйинида қатнашиб, Богачук, Ортис ва Кроуфорд ҳақидаги саволларга жавоб берди

Ҳамюртимиз декабрь ойида ўтказилганида Богачукни мағлуб этиши, Ортис Богачукка қараганда яхшироқ рақиб экани, Кроуфорд унинг учун энг кучли рақиб бўлгани ва бу йил яна жаҳон чемпиони бўлишини айтди...

📹DAZN

Обуна бўлинг👉 Olamsportcom
779
Ўзбекистон профессионал бокс федерацияси расмий телеграм канали

06 Feb, 05:19

🎙Баҳодир Жалоловнинг мурожаати...

Обуна бўлинг 👉 Телеграм
1,696
Ўзбекистон профессионал бокс федерацияси расмий телеграм канали

06 Feb, 04:56

🇺🇿🥊Баҳодир Жалолов мураббийи Фаррух Қиличев билан биргаликда сўнгги машғулотни ҳам ўтказганди. Сўнгги дақиқагача жангни сақлаб қолиш учун умид бор эди...

Обуна бўлинг 👉 Телеграм
1,277
Ўзбекистон профессионал бокс федерацияси расмий телеграм канали

06 Feb, 03:44

🇺🇿🇫🇷❌Баҳодир Жалоловнинг жанги ҳуснбузар сабаб бекор бўлди

🥊Супероғир вазн тоифасидаги боксчимиз, икки карра Олимпиада чемпиони Баҳодир Жалолов бизнинг вақт билан эртага тонг саҳарда Канаданинг Монреаль шаҳрида ташкил этиладиган оқшомда ўзининг навбатдаги жангини ўтказиши керак эди.

Афсуски, унинг франциялик Дэвид Спильмонтга қарши кечадиган жанги бекор қилинибди. Бунга Жалоловнинг лаб қисмидаги кичик ҳуснбузар (угри) сабаб сифатида кўрсатилибди. Боксчилар расмий тарозидан ўтиш маросимида ҳам қатнашиб улгуришганди.

Маълумот учун, Баҳодир Жалолов проф фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Дэвид Спильмонт эса шу кунгача 25 та жанг ўтказиб, 16 ғалаба, 8 мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.

Обуна бўлинг 👉 Телеграм
1,135
Ўзбекистон профессионал бокс федерацияси расмий телеграм канали

06 Feb, 02:53

🇺🇿🇺🇸🥊Мадримов Ортисга қарши жанг учун спарринг машғулотларини давом эттирмоқда

Яримўрта вазн тоифасидаги профессионал боксчимиз, собиқ WBA чемпиони Исроил Мадримов навбатдаги жанги учун тайёргарликни давом эттиряпти.

🇸🇦Ҳамюртимиз 22 февраль куни Ар-Риёд (Саудия Арабистони) шаҳрида ташкил этиладиган бокс оқшоми доирасида WBC Interim камари соҳиби Виржил Ортисга қарши рингга кўтарилади.

Мадримов шу кунларда Калифорнияда (АҚШ) мазкур жанг учун сўнгги тайёргарликларни олиб бормоқда.

Обуна бўлинг 👉 Телеграм
1,081
Ўзбекистон профессионал бокс федерацияси расмий телеграм канали

05 Feb, 15:09

🇺🇿🇫🇷🥊Супероғир вазн тоифасидаги боксчимиз Баҳодир Жалоловнинг франциялик Дэвид Спильмонтга қарши ўтказадиган жангига 1 кун қолди...

Обуна бўлинг 👉 Телеграм
855
Ўзбекистон профессионал бокс федерацияси расмий телеграм канали

05 Feb, 11:12

🇺🇿🇺🇸🥊Исроил Мадримовнинг Вержил Ортисга қарши жангига 16 кун қолди

Биринчи ўрта вазн тоифасида собиқ жаҳон чемпиони Исроил Мадримов (10-1-1, 7 КО) 22 февраль куни америкалик 26 ёшли Вержил Ортис (22-0, 21 КО)га қарши вақтинчалик WBC чемпионлик камари учун кечадиган жангига тайёргарликни давом эттирмоқда...

Обуна бўлинг 👉 Телеграм
1,488
Ўзбекистон профессионал бокс федерацияси расмий телеграм канали

05 Feb, 03:09

🇺🇿🇫🇷👀Баҳодир Жалолов ва Дэвид Спильмонт face to face маросимида

🇨🇦Супероғир вазн тоифасидаги боксчимиз, икки карра Олимпиада чемпиони Баҳодир Жалолов бизнинг вақт билан 7 февраль тонгида Канаданинг Монреаль шаҳрида ташкил этиладиган оқшомда ўзининг навбатдаги жангини ўтказади.

🇺🇿🇫🇷🥊Унга ўша куни франциялик Дэвид Спильмонт рақиблик қилади. Боксчилар жанг олдидан илк стердаунда иштирок этишди.

Маълумот учун, Баҳодир Жалолов проф фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Дэвид Спильмонт эса шу кунгача 25 та жанг ўтказиб, 16 ғалаба, 8 мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.

Обуна бўлинг 👉 Телеграм
1,400
Ўзбекистон профессионал бокс федерацияси расмий телеграм канали

04 Feb, 14:03

🇺🇿🥊WBA рейтинги янгиланди

Бутунжаҳон бокс ассоциацияси (WBA) профессионал боксчиларнинг рейтингини янгилади.

Унга кўра, ўзбекистонлик боксчиларда катта ўзгаришлар қайд этилгани йўқ. Фақатгина Ҳасанбой Дўсматов бир поғонага пастлади.

Ҳасанбой Дўсматов - (минимал вазн) 2-ўрин (ўтган ой 1-ўринда эди;)

Муроджон Аҳмадалиев (биринчи ярименгил вазн) - вақтинчалик чемпион;

Отабек Холматов (ярименгил вазн) - ўтган ойдаги сингари 4-ўрин;

Шаҳрам Ғиёсов (яримўрта вазн) - ўтган ойдаги сингари 1-ўрин;

Исроил Мадримов (супер яримўрта вазн) - 4-ўрин (ўтган ойда ҳам 4-ўринда эди);

Бектемир Мелиқўзиев (супер ўрта вазн) - 3-ўрин (ўтган ой ҳам 3-ўринда эди).

Обуна бўлинг 👉 Телеграм
1,021
Ўзбекистон профессионал бокс федерацияси расмий телеграм канали

04 Feb, 11:25

🎁🎂Жамшид Каримовни табриклаймиз!

🇺🇿🥊Бугун профессионал боксчимиз Жамшид Каримов ўз таваллуд кунини нишонлаяпти.

Фаолияти давомида асосан биринчи ўрта вазн (69.85 кг) тоифасида ўз жангларини ўтказиб келаётган чарм қўлқоп устамиз яна бир ёшга улғайди. Унинг Рио Олимпиадаси чемпиони Фазлиддин Ғоибназаровга қарши ўтказган 10 раундлик жанги катта қизиқишга сабаб бўлган эди.

Жамшид Каримов проф рингда 12 та жанг ўтказиб, 11 ғалаба қайд этган. Саккизта жангида рақибларини муддатидан аввал мағлубиятга учратган.

Ўзбекистон профессионал бокс федерацияси Жамшид Каримовни бугунги таваллуд куни билан муборакбод этади. Унга узоқ умр, сиҳат-саломатлик, оилавий бахт тилаймиз.

Обуна бўлинг 👉 Телеграм
1,119
Ўзбекистон профессионал бокс федерацияси расмий телеграм канали

02 Feb, 12:05

🇺🇿Баҳодир Жалоловнинг жангига беш кун қолди

🇨🇦🇺🇿🇫🇷🥊Икки карра Олимпиада чемпиони 6 февраль куни Канаданинг Монреаль шаҳрида ташкил этиладиган профессионал бокс оқшомида ўзининг навбатдаги жангини ўтказади. Унга ўша куни франциялик Дэвид Спильмонт рақиблик қилади...

Обуна бўлинг 👉 Телеграм
868
Ўзбекистон профессионал бокс федерацияси расмий телеграм канали

02 Feb, 10:53

🇺🇸🇨🇺🥊Икки енгилмаслар иккита камар учун жанг ўтказишди

АҚШнинг Невада штати Лас-Вегас шаҳрида навбатдаги профессионал бокс турнири ташкил этилди.

Оқшомнинг марказий жангида яримоғир вазн тоифаси вакиллари - америкалик 28 ёшли Дэвид Бенавидес кубалик Дэвид Моррелл ўзаро тўқнаш келишди. Мағлубият нималигини билмай келаётган боксчилар вақтинчалик WBC чемпионлиги ҳамда WBA Regular камари учун рингга кўтарилишди.

Ғолиб боксчи яримоғир вазн тоифасида мутлақ жаҳон чемпионига қарши жанг ўтказиш имкониятини қўлга киритарди. Ҳозирда бу вазнда Канада шарафини ҳимоя қилаётган россиялик Артур Бетербиев мутлақ жаҳон чемпиони ҳисобланади. У 22 февраль куни Ар-Риёд шаҳрида Дмитрий Биволга қарши реванш жангида рингга чиқади.

Бенавидес ва Моррелл ўртасидаги жанг тўлиқ 12 раунд давом этди ва якунда ҳакамлар қарорига кўра америкалик боксчи 118-108, 115-111, 115-111 ҳисобларида ғалаба қозонди. Ўнинчи раундда Моррель Бенавидесни енгил нокдаун ҳолатига тушириб қўйишга ҳам муваффақ бўлди, аммо гонгдан кейин зарба бергани учун огоҳлантириш ҳам ишлаб олди.

The Ring нашри хабарига кўра, Дэвид Бенавидесни Турки Ал аш-Шейх Ар-Риёдга, 22 февраль куни Артур Бетербиев ва Дмитрий Бивол ўртасида ўтказиладиган бокс турнирига таклиф қилган.

Обуна бўлинг 👉 Телеграм
699
Ўзбекистон профессионал бокс федерацияси расмий телеграм канали

01 Feb, 05:01

🇺🇿🥊Саиджамшид Жафаров россиялик боксчини мағлуб этди, бу унинг проф боксдаги иккинчи ғалабаси бўлди

🇷🇺Россия Федерацияси пойтахти Москва шаҳрида бокс бўйича нвбатдаги IBA Champions' Night турнири бўлиб ўтди.

"Лужники" мажмуаси мезбонлик қилган ушбу бокс оқшомида ҳамюртимиз Саиджамшид Жафаров ҳам ўзининг навбатдаги жангини ўтказди. У россиялик Дмитрий Захаровга қарши рингга кўтарилди. 71 кг вазн тоифасида ташкил этилган 6 раундлик жанг тўлиқ давом этди ва унда Жафаров очколар ҳисобига кўра ғалаба қозонди.

Маълумот учун, бу Саиджамшиднинг профессионал боксдаги иккинчи жанги бўлди. Бундан аввалги жангини ўтган йилнинг 30 ноябрь куни Россиянинг Екатеринбург шаҳрида ташкил этилган RCC Boxing Promotions промоутерлик компанияси турнирида россиялик Гор Оганесянга қарши ўтказиб, очколар ҳисобига кўра ғалаба қозонганди.

Обуна бўлинг 👉 Телеграм
951
Ўзбекистон профессионал бокс федерацияси расмий телеграм канали

31 Jan, 06:09

🇺🇿⚖️🥊Cаиджамшид Жафаров тарозидан ўтди, бугун у камар учун жанг қилади

🇷🇺Бугун Россия Федерацияси пойтахти Москва шаҳрида бокс бўйича нвбатдаги IBA Champions' Night турнири ўтказилади.

Биз учун аҳамиятлиси, "Лужники" мажмуаси мезбонлик қиладиган ушбу бокс оқшомида ҳамюртимиз Саиджамшид Жафаров ҳам ўзининг навбатдаги жангини ўтказади. У россиялик Дмитрий Захаровга қарши рингга кўтарилади. 71 кг вазн тоифасида ташкил этиладиган 6 раундлик жанг IBA Pro European Champion камари учун кечади.

Кеча боксчилар расмий тарозидан ўтиш ҳамда face to face маросимларида иштирок этишди. Саиджамшид ҳам, Дмитрий ҳам белгиланган вазн меъёрини бажарган. Турнирнинг co-main event жанги оғир вазн тоифасида ўтказилади ва унда Баҳодир Жалоловнинг собиқ рақиби бельгиялик Жек Муловайи россиялик Артем Сусленков билан тўқнаш келади. Мазкур 10 раундлик жанг ғолиби ҳам IBA Pro European Champion камарини қўлга киритади.

Оқшомнинг марказий жанги эса супероғир вазнда россиялик Муслим Гаджимагомедов ҳамда Жанубий Африка Республикаси боксчиси Мчуну Табисо ўртасида бўлиб ўтади. Ўн раундлик жанг ғолиби IBF Europe камарига эга чиқади.

Маълумот учун, Саиджамшид сўнгги жангини ўтган йилнинг 30 ноябрь куни Россиянинг Екатеринбург шаҳрида ташкил этилган RCC Boxing Promotions промоутерлик компанияси турнирида россиялик Гор Оганесянга қарши ўтказиб, очколар ҳисобига кўра ғалаба қозонганди. Бу ҳаваскор боксда жаҳон чемпионати совриндори бўлган Саиджамшиднинг проф боксдаги дебют жанги бўлганди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
984
Ўзбекистон профессионал бокс федерацияси расмий телеграм канали

31 Jan, 02:53

🇺🇿🥊"Нокаутлар кечаси". Лазизбекда ғалаба, Мужибилло Ўзбекистон чемпионлигидан кейин проф боксда ҳам ғалабали юришини давом эттирди

Барча натижалар битта саҳифада
👇👇👇
https://olamsport.com/uz/news/113815

Обуна бўлинг👉 Olamsportcom
752
Ўзбекистон профессионал бокс федерацияси расмий телеграм канали

26 Jan, 13:19

🇺🇸🥊Кун тарихи. Катта жалжал кўтарган жангга 16 йил бўлди. 2009 йилнинг шу куни Шейн Мозли Антонио Маргаритони 9-раундда техник нокаутга учратиб, рақибининг яримўрта вазн тоифасидаги WBA чемпионлик камарини тортиб олганди.

Жанг рефери томонидан тўхтатилган пайтда Мозли ҳакамларнинг ҳисоб-китоби бўйича (80-71, 79-72, 78-73) ғалаба қозонаётганди. Маргарито бу жангда амалдаги чемпион сифатида 4 га 1 кўринишида фаворит эди.

Жанг якунланганидан кейин катта жанжал бошланади. Маргаритонинг бинтида гипс қоришмаси элементлари борлиги аниқланганди...

Обуна бўлинг 👉 Телеграм
850
Ўзбекистон профессионал бокс федерацияси расмий телеграм канали

26 Jan, 07:48

🇺🇿🛫🇺🇸Бектемир Мелиқўзиев ҳам Америкага жўнаб кетди

Суперўрта вазн тоифасидаги профессионал боксчимиз Бектемир Мелиқўзиев Америка Қўшма Штатларига жўнаб кетди.

У ҳам навбатдаги жанги учун машғулотларни океан ортида давом эттиради. Аввалроқ, ўзбекистонлик боксчилардан Исроил Мадримов, Баҳодир Жалолов ва Отабек Холматов ҳам АҚШга йўл олганди.

Эслатиб ўтамиз, Бектемир Мелиқўзиев сўнгги жангини 3 ноябрь куни америкалик Дэвид Стивенсга қарши ўтказиб, рақибини очколар эвазига мағлуб этганди.

Обуна бўлинг 👉 Телеграм
907
Ўзбекистон профессионал бокс федерацияси расмий телеграм канали

25 Jan, 13:44

🇺🇸🥊Кун тарихи. Бундан 52 йил аввал, 1973 йилнинг шу куни афсонавий Жорж Форман яна бир афсона Жо Фрейзерни иккинчи раундда нокаутга учратиб, рақибининг супероғир вазн тоифасидаги WBA ва WBC чемпионлик камарларини тортиб олди.

💰Фрейзер ўша жанг учун кафолатланган 850 000, Форман — 375 000 АҚШ доллари миқдорида гонорар олган эди.

🥊Ярим аср аввалги жанг 15 раунд этиб белгиланган бўлиб, 8 унц ҳажмдаги қўлқопларда ўтказилганди.

Жанг давомида Фрейзер уч бор нокдаун ҳолатига тушиб қолган. Учинчи ҳолатдан кейин рефери жангни тўхтатишга мажбур бўлган эди.

Афсоналар ўртасидаги ушбу тўқнашув The Ring журнали томонидан 1973 йилнинг энг яхши жанги деб топилганди...

Обуна бўлинг 👉 Телеграм
883
Ўзбекистон профессионал бокс федерацияси расмий телеграм канали

24 Jan, 15:03

🔥Муроджон Аҳмадалиев Наоя Иноуэнинг бугунги нокаутли ғалабасига ўз фикрини билдирди...

Обуна бўлинг 👉 Телеграм
1,023
Ўзбекистон профессионал бокс федерацияси расмий телеграм канали

24 Jan, 11:52

🇯🇵🇰🇷🥊Ҳозиргина биринчи ярименгил вазн тоифасида мутлақ жаҳон чемпиони, япониялик 31 ёшли Наоя "Монстр" Иноуэ (29-0, 26 KO) Токиода ўтказилган бокс оқшомининг марказий жангида кореялик 32 яшар Ё Жун Кимни тўртинчи раундда нокаутга учратди...

Обуна бўлинг 👉 Телеграм
995
Ўзбекистон профессионал бокс федерацияси расмий телеграм канали

24 Jan, 07:51

🇱🇹🇺🇸🥊Станионис ва Эннис ўртасида бирлаштирувчи чемпионлик жанги ўтказилади

Яримўрта вазн тоифасида IBF чемпиони Жейрон Эннис (33-0, 29 КО) WBA чемпиони Эймантас Станионис (15-0, 9 КО) билан жанг ўтказиш борасида деярли келишувга эришди.

Бирлаштирувчи чемпионлик жанги 12 апрель куни Нью-Жерси штатининг Атлантик-Сити шаҳрида бўлиб ўтади.

Маълумот учун, мазкур вазн тоифасидаги чарм қўлқоп устамиз Шаҳрам Ғиёсов Станиониснинг WBA камари учун мажбурий даъвогар ҳисобланади.

Ғиёсов интервьюда айтганидек, ушбу жанг ғолибига қарши рингга кўтарилади:
👇👇👇👇
https://www.youtube.com/watch?v=9FXS52WU6So

Обуна бўлинг 👉 Телеграм
858
Ўзбекистон профессионал бокс федерацияси расмий телеграм канали

23 Jan, 10:09

🇺🇿⚖️Исроил Мадримов мажбурий вазн ўлчашдан муваффақиятли ўтди

Биринчи ўрта вазн тоифасида собиқ жаҳон чемпиони Исроил Мадримов(10-1-1, 7 КО) жангга 30 кун қолганида мажбурий вазн ўлчаш маросимидан муваффақиятли ўтиб олди.

Мадримовнинг америкалик 26 ёшли Вержил Ортис (22-0, 21 КО)га қарши вақтинчалик WBC чемпионлик камари учун кечадиган жангига 22 февраль куни Саудия Арабистони пойтахти Ар-Риёд шаҳри мезбонлик қилади. WBC қоидаларига кўра боксчилар жангга 30, 14 ва 7 кун қолганда тарозидан мажбурий тарзда ўтишлари шарт. 29 ёшли Мадримов тарозида 76,02 кг тош босди...

Обуна бўлинг 👉 Телеграм
1,184
Ўзбекистон профессионал бокс федерацияси расмий телеграм канали

23 Jan, 06:25

🇯🇵🇰🇷⚖️Наоя Иноуэ белгиланган вазн меъёрини бажарди, рақиби ҳам!

🇯🇵Эртага Япония пойтахти Токио шаҳрида профессионал бокс оқшоми ташкил этилади.

Кечанинг марказий жангида иккинчи энг енгил вазн тоифасида мутлақ жаҳон чемпиони бўлиб турган япониялик Наоя Иноуэ (28-0, 25КО) кореялик Е Чжун Ким (21-2-2, 13 KO)га қарши рингга кўтарилади.

Бироз аввал боксчилар расмий тарозидан ўтиш маросими ҳамда сўнгги face to face тадбирида иштирок этишди...

Обуна бўлинг 👉 Телеграм
1,170
Ўзбекистон профессионал бокс федерацияси расмий телеграм канали

22 Jan, 16:43

🇬🇧🥊Кун тарихи. Икки йил аввал, 2023 йилнинг шу куни биринчи ўрта вазнда британиялик собиқ жаҳон чемпиони Лиам Смит ҳеч ким кутмаганда ватандоши Крис Юбанкни тўртинчи раундда техник нокаутга учратган эди...

Обуна бўлинг 👉 Телеграм
1,083
Ўзбекистон профессионал бокс федерацияси расмий телеграм канали

22 Jan, 13:51

🇺🇸🇺🇿🥊Исроил Мадримов - Вержил Ортис жангига бир ой қолди

Супер яримўрта вазн тоифасида WBC Interim чемпиони Вержил Ортиз (22-0, 21 КО) ҳамда собиқ WBA чемпиони Исроил Мадримов (10-1-1, 7 КО) ўртасидаги жангга роппа-роса бир ой вақт қолди.

🇸🇦📍Ушбу чемпионлик жанги 22 февраль куни Саудия Арабистони пойтахти Ар-Риёд шаҳрида бўлиб ўтади.

Обуна бўлинг 👉 Телеграм
1,135
Ўзбекистон профессионал бокс федерацияси расмий телеграм канали

22 Jan, 11:29

🇯🇵🇰🇷👀Наоя Иноуэ ва Е Чжун Ким face to face маросимида иштирок этди

🇯🇵24 январь куни Токио (Япония) шаҳрида профессионал бокс оқшоми ташкил этилади.

Кечанинг марказий жангида иккинчи энг енгил вазн тоифасида мутлақ жаҳон чемпиони бўлиб турган япониялик Наоя Иноуэ кореялик Е Чжун Ким (21-2-2, 13 KO)га қарши рингга кўтарилади.

32 ёшли Ким ҳозирда WBО рейтингида 11-ўринни эгаллаб турибди. WBC, WBA ва IBF рейтингларида эса ҳатто кучли 15 таликка ҳам киритилмаган. Ким қисқа муддатда жангга розилик бериб, жароҳат олган австралиялик Сэм Гудманнинг ўрнини эгаллади...

Обуна бўлинг 👉 Телеграм
918
Ўзбекистон профессионал бокс федерацияси расмий телеграм канали

22 Jan, 05:08

🇺🇿🥊Cаиджамшид Жафаров камар учун жанг қилади

🇷🇺31 январь куни Россия Федерацияси пойтахти Москва шаҳрида бокс бўйича нвбатдаги IBA Champions' Night турнири ўтказилади.

Биз учун аҳамиятлиси, "Лужники" мажмуаси мезбонлик қиладиган ушбу бокс оқшомида ҳамюртимиз Саиджамшид Жафаров ҳам ўзининг навбатдаги жангини ўтказади. У россиялик Дмитрий Захаровга қарши рингга кўтарилади. 71 кг вазн тоифасида ташкил этиладиган 6 раундлик жанг IBA Pro European Champion камари учун кечади.

Турнирнинг co-main event жанги оғир вазн тоифасида ўтказилиб, унда Баҳодир Жалоловнинг собиқ рақиби бельгиялик Жек Муловайи россиялик Артем Сусленков билан тўқнаш келади. Мазкур 10 раундлик жанг ғолиби ҳам IBA Pro European Champion камарини қўлга киритади.

Оқшомнинг марказий жанги супероғир вазнда россиялик Муслим Гаджимагомедов ҳамда Жанубий Африка Республикаси боксчиси Мчуну Табисо ўртасида бўлиб ўтади. Ўн раундлик жанг ғолиби IBF Europe камарига эга чиқади.

Маълумот учун, Саиджамшид сўнгги жангини ўтган йилнинг 30 ноябрь куни Россиянинг Екатеринбург шаҳрида ташкил этилган RCC Boxing Promotions промоутерлик компанияси турнирида россиялик Гор Оганесянга қарши ўтказиб, очколар ҳисобига кўра ғалаба қозонганди. Бу ҳаваскор боксда жаҳон чемпионати совриндори бўлган Саиджамшиднинг проф боксдаги дебют жанги бўлганди.

Обуна бўлинг 👉 Телеграм
1,362
Ўзбекистон профессионал бокс федерацияси расмий телеграм канали

21 Jan, 09:07

🇺🇸🥊Кун тарихи. Бундан 7 йил аввал, 2018 йилнинг шу куни Эррол Спенс Ламонт Питерсонни еттинчи раундда техник нокаутга учратиб, яримўрта вазнда ўзига тегишли IBF чемпионлик камарини муваффақиятли ҳимоя қилган эди. Аниқроғи, еттинчи раунддан кейин Ламонтнинг бурчаги жангни давом эттирмасликни лозим топганди.

💸Спенс ушбу жанги учун $1,2 миллион, Питерсон — $600 минг кафолатланган гонорар ишлаб олганди...

Обуна бўлинг 👉 Телеграм
1,145
Ўзбекистон профессионал бокс федерацияси расмий телеграм канали

21 Jan, 04:50

🇺🇿🛬🇺🇸Баҳодир Жалолов ва Отабек Холматов АҚШга етиб борди ва машғулотларга киришди

🇨🇦Хабарингиз бор, икки карра Олимпиада чемпиони 6 февраль куни Канаданинг Монреаль шаҳрида ташкил этиладиган профессионал бокс оқшомида ўзининг навбатдаги жангини ўтказади.

🇺🇿🇫🇷🥊Унга ўша куни франциялик Дэвид Спильмонт рақиблик қилади. Чарм қўлқоп устамиз Артур Биярсланов ва Моҳамед Мимун ўртасидаги марказий жангнинг андеркардида иштирок этади. Жалолов жангига икки ҳафтадан сал кўпроқ вақт қолган бир пайтда АҚШга етиб борди.

Баҳодир билан бирга яна бир проф боксчимиз Отабек Холматов ҳам Индиога етиб борди ва у ҳам машғулотларга киришди. Ҳозирча Холматовнинг жанги бўйича ҳеч қандай маълумот йўқ. Яқинда ярим енгил вазн тоифасидаги боксчимизнинг америкалик Раймон Фордга қарши ўтказган жанги The Ring талқини бўйича 2024 йилнинг энг яхши жанги деб топилганди. Холматов WBA камари учун кечган ўша жангда очколар ҳисобида олдинда бора туриб, сўнгги сонияларда техник нокаут эвазига аламли мағлубиятни қабул қилиб олганди. Отабек айнан Форд билан реванш жангини ўтказиш ниятида.

Маълумот ўрнида, Баҳодир Жалолов проф фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Сўнгги жангини 2023 йил 17 ноябрь куни Тошкентда ЖАР вакили Крис Томпсонга қарши ўтказиб, илк раунддаёқ нокаут орқали зафар қучганди. Унинг бўлажак рақиби Дэвид Спильмонт эса шу кунгача 25 та жанг ўтказиб, 16 ғалаба, 8 мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.

Обуна бўлинг 👉 Телеграм
1,167
Ўзбекистон профессионал бокс федерацияси расмий телеграм канали

21 Jan, 02:57

🇺🇿🇺🇿Ўзбекистон Миллий олимпия қўмитаси 33 ёшда!

Бугун 2025 йил 21 январь. Ўзбекистон Миллий Олимпия қўмитаси ташкил этилганига 33 йил тўлди. 1993 йилнинг центябр ойида Халқаро Олимпия қўмитасининг 101-Сессиясида Ўзбекистон Миллий олимпия қўмитаси ХОҚ томонидан расман тан олинган ва халқаро майдонда фаолият олиб бориш имкониятига эга бўлган. Шу кундан эътиборан, Ўзбекистон мунтазам равишда ёзги ва қишки Олимпия ўйинларида қатнашиб келмоқда.

🇺🇿Миллий олимпия қўмитаси мамлакатимизда соғлом турмуш тарзини тарғиб қилиш, жисмоний тарбия ва спортни ривожлантириш, олимпизмнинг пок ва эзгу ғояларини илгари суриш йўлида кенг кўламда иш олиб бормоқда. Бундан ташқари, халқаро алоқаларни мустаҳкамлаб, нуфузли спорт ташкилотлари билан кенг қамровли ҳамкорликни йўлга қўйган.

🇺🇿🥊Ўзбекистон профессионал бокс федерацияси бугунги сана билан Ўзбекистон Миллий олимпия қўмитасининг катта ва аҳил оиласи, спорт жамоатчилигини муборакбод этади.

Обуна бўлинг 👉 Телеграм
985
Ўзбекистон профессионал бокс федерацияси расмий телеграм канали

18 Jan, 11:06

🇺🇸🥊Девин Хейни ва Райан Гарсия бир оқшомда рингга кўтарилади

Биринчи яримўрта вазн тоифасида собиқ жаҳон чемпиони Девин Хейни ҳамда собиқ вақтинчалик WBC камари соҳиби Райан Гарсия рингга қайтмоқда.

Америкалик бу икки боксчи иштирокидаги жанглар май ойида Нью-Йоркда ташкил этиладиган профессионал бокс оқшомларининг бирида бўлиб ўтади. Хейни биринчи яримўрта вазнда собиқ жаҳон чемпиони Хосе Рамирес билан ҳисоб-китоб қилса, Гарсия эса ушбу дивизионнинг яна бир собиқ чемпиони мексикалик Исаак Крусга қарши рингга чиқади.

Сўнгги икки йилда профессионал бокснинг энг катта ҳомийси ва сармоядорига айланган Турки Ал аш-Шейхнинг айтишича, агар Хейни ҳам, Гарсия ҳам ўз жангларида ғалаба қозонишса, у ҳолда октябрь ойида ўзаро рингда тўқнаш келишади. Бу улар ўртасидаги иккинчи жанг бўлади.

2024 йилнинг апрелида ўтган илк баҳсда Гарсия ҳакамларнинг қарори билан ғалаба қозонганди. У жанг давомида бир неча бор Хейнини нокдаун ҳолатига тушириб қўйганди. Лекин кейинроқ Гарсиянинг ижоий допинг-таҳлили сабаб жанг ўтказилмаган деб топилган эди.

Обуна бўлинг 👉 Телеграм
1,772
Ўзбекистон профессионал бокс федерацияси расмий телеграм канали

17 Jan, 07:40

🇺🇸🥊Кун тарихи. Бундан 26 йил аввал, 1999 йилнинг шу куни Майк Тайсон бешинчи раундда Франсуа Ботани нокаутга учратганди. Қизиғи, нокаутга қадар Темир Майк 35-40, 35-40, 36-39 ҳисобларида ютқазаётганди...

Обуна бўлинг 👉 Телеграм
1,567
Ўзбекистон профессионал бокс федерацияси расмий телеграм канали

15 Jan, 05:30

🎁🎂Тимур Ибрагимов 50 ёшда!

🇺🇿🥊Бугун Ўзбекистон Республикасида хизмат кўрсатган спортчи Тимур Ибрагимов 50 ёшга тўлди.

1975 йил 15 январь куни Хоразм вилоятининг Урганч шаҳрида дунёга келган Ибрагимов ўз вақтида ҳаваскор боксда собиқ Иттифоқ чемпиони, беш карра Ўзбекистон чемпиони, Осиё чемпиони ҳамда Атланта-96 Олимпиадаси иштирокчиси бўлган. Ўн икки йил давом этган профессионал боксчилик фаолияти давомида 37 та жанг ўтказиб, 31 (16 нокаут) ғалаба, 4 мағлубият ва 1 дуранг қайд этган.

🇺🇿🥊Ўзбекистон профессионал бокс федерация бугун ярим асрлик ўз таваллуд айёмини нишонлаётган Тимур Ибрагимовни муборакбод этади. Унга узоқ умр, сиҳат-саломатлик, оилавий бахт тилаймиз.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,564
Ўзбекистон профессионал бокс федерацияси расмий телеграм канали

14 Jan, 15:23

🇺🇿🇺🇿Бектемир Мелиқўзиев 14 январь - Ватан ҳимоячилари куни билан юртдошларимизни муборакбод этди...

Обуна бўлинг 👉 Телеграм
1,340
Ўзбекистон профессионал бокс федерацияси расмий телеграм канали

14 Jan, 05:46

🇬🇧🥊❌Тайсон Фьюри учинчи бор фаолиятини якунлаганини эълон қилди

Супероғир вазнда собиқ жаҳон чемпиони Тайсон Фьюри кеча кутилмаганда профессионал боксдаги фаолиятини якунлаганини эълон қилди.

Қизиғи, британиялик боксчи учинчи бор қўлқопларини михга илга илишини айтган. Бунгача Фьюри 2016 йилда Владимир Кличкони мағлубиятга учратганидан кейин боксдан кетишини айтган. Кейинроқ унинг кокаинга топширган тест-таҳлили ҳам ижобий натижа берганди.

2022 йилда у ҳамюрти Диллиан Уайтни мағлуб этганидан кейин иккинчи бор фаолиятини тўхтатишини эълон қилди. Ўшанда у Деонтей Уайлдерга қарши ўтказилган учта жангдан кейин супероғир вазнда ўзига муносиб рақиб қолмаганини айтган эди.

Тайсон Фьюри сўнгги икки жангини украиналик Александр Усикка қарши ўтказиб, ҳар иккисида очколар ҳисобига кўра мағлубият аламини тотиб кўрди. Аввалига 2024 йилнинг май ойида, кейин эса декабрда ҳакамлар қарори билан ютқазди.

Обуна бўлинг 👉 Телеграм
1,486
Ўзбекистон профессионал бокс федерацияси расмий телеграм канали

14 Jan, 02:59

🇺🇿Байрам муборак, Ватан ҳимоячилари!

Бугун 14 январь - Ватан ҳимоячилари куни!

Шунингдек, бугун Ўзбекистон Республикаси Қуролли Кучлари ташкил этилганига 33 йил тўлди. 1992 йил 14 январь куни мустақил давлатимиз тарихида яна бир муҳим воқеа юз берганди. Шу куни Республикамиз Қуролли Кучлари ташкил топган эди. 1993 йилдан эътиборан 14 январь юртимизда Ватан ҳимоячилари куни сифатида нишонлаб келинмоқда.

🇺🇿🥊Ўзбекистон профессионал бокс федерацияси Ватанимиз ҳимоячиларини бугунги байрам билан самимий муборакбод этади. Сиз борсизки, юртимиз тинч, осмонимиз мусаффо, кўнгил хотиржам.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,603
Ўзбекистон профессионал бокс федерацияси расмий телеграм канали

13 Jan, 18:58

🇷🇺👀🔥Артур Бетербиев ва Дмитрий Бивол салкам бир ярим дақиқа кўз уриштиришди

Лондон шаҳрида 22 февраль куни Саудия Арабистони пойтахти Ар-Риёд шаҳрида ташкил этиладиган бокс оқшомига бағишланган матбуот анжумани ҳамда face to face маросими ўтказилди.

Оқшомнинг марказий жанги яримоғир вазн тоифаси мутлақ чемпионлиги учун кечади. Реванш мақомидаги жангда илк тўқнашув ғолиби Артур Бетербиев Дмитрий Биволга қарши рингга кўтарилади.

Обуна бўлинг 👉 Телеграм
1,901
Ўзбекистон профессионал бокс федерацияси расмий телеграм канали

13 Jan, 18:31

🇺🇿🇺🇸🥊Супер яримўрта вазн тоифасидаги профессионал боксчимиз Исроил Мадримов WBC Interim чемпиони Вержил Ортисга қарши кечадиган жанг ҳақида гапирди...

Обуна бўлинг 👉 Телеграм
1,929
Ўзбекистон профессионал бокс федерацияси расмий телеграм канали

13 Jan, 18:23

🇺🇿🇺🇸👀Исроил Мадримов ва Виржил Ортис face to face маросимини ўтказиб олишди

Ушбу тадбир ҳозиргина Лондон шаҳрида ўтказилди.

Супер яримўрта вазн тоифасидаги профессионал боксчимиз, собиқ WBA чемпиони Исроил Мадримов 22 февраль куни Саудия Арабистони пойтахти Ар-Риёд шаҳрида ташкил этиладиган бокс оқшоми доирасида WBC Interim чемпиони Вержил Ортисга қарши рингга кўтарилади.

Обуна бўлинг 👉 Телеграм
1,878
Ўзбекистон профессионал бокс федерацияси расмий телеграм канали

13 Jan, 05:34

🇺🇸🥊Деонтей Уайлдернинг рақиби ўзгарди, бу боксчини Жалолов нокаут қилган

Супероғир вазн тоифасида собиқ WBC чемпиони Деонтей Уайлдер (43-4-1, 42 КО)нинг апрель ойида жанг қилиши ҳақида хабар берган эдик.

Америкалик боксчи BLK Prime томонидан апрель ойида ташкил этиладиган турнирда Стефан Шоу (20-2, 15 КО)га қарши рингга чиқиши керак эди. Бу хабарни шахсан Стефаннинг ўзи чиқарганди. Лекин маълумот расман тасдиқланмади.

Вазиятга яқин манбаларга таяниб, World Boxing News портали берган хабарга кўра Деонтей апрель ойида 36 ёшли ватандоши Кёртис Харпер (18-11, 12 КО)га қарши жанг ўтказади. Боксчилар ўртасида жанг учун расман шартнома ҳам имзоланган.

Эслатиб ўтамиз, 2022 йилнинг ноябрь ойида Баҳодир Жалолов Кёртис Харперни нокаут эвазига мағлубиятга учратган эди.

Обуна бўлинг 👉 Телеграм
1,348
Ўзбекистон профессионал бокс федерацияси расмий телеграм канали

12 Jan, 08:28

🇯🇵🇰🇷🥊Наоя Иноуэ Гудманнинг ўрнига кореялик боксчи билан жанг қилади

24 январь куни Токио (Япония) шаҳрида профессионал бокс оқшоми ташкил этилади.

Турнирнинг марказий жангида иккинчи энг енгил вазн тоифасида мутлақ жаҳон чемпиони бўлиб турган япониялик Наоя Иноуэ австралиялик Сэм Гудманга қарши рингга чиқиши керак эди.

Аммо жанг иккинчи бор бекор қилинди. Бунга Сэмнинг жароҳатидан тиклана олмагани сабаб бўлди. Энди Наоя 24 январь куни Гудманнинг ўрнига кореялик Е Чжун Ким (21-2-2, 13 KO) билан баҳс олиб боради.

32 ёшли Ким ҳозирда WBО рейтингида 11-ўринни эгаллаб турибди. WBC, WBA ва IBF рейтингларида эса ҳатто кучли 15 таликка ҳам киритилмаган. Шунга қарамай, жангда япониялик чарм қўлқоп устасининг барча камарлари ўртага қўйилиши кутилмоқда.

Обуна бўлинг 👉 Телеграм
974
Ўзбекистон профессионал бокс федерацияси расмий телеграм канали

12 Jan, 00:36

🇺🇸🇺🇿🥊Дунё бокси юлдузлари бир суратда. Улар орасида Исроил Мадримов ҳам бор!

Обуна бўлинг 👉 Телеграм
2,079
Ўзбекистон профессионал бокс федерацияси расмий телеграм канали

12 Jan, 00:24

🇺🇿🇺🇸🥊Отабек Холматов - Раймонд Форд жанги The Ring талқини бўйича 2024 йилнинг энг яхши жанги деб топилди

Хабар берганимиздек, нуфузли The Ring журнали бир нечта номинация бўйича 2024 йилнинг энг яхшиларини аниқлади.

Эътиборлиси, ярименгил вазн тоифасидаги боксчимиз Отабек Холматовнинг WBA камари учун америкалик Раймонд Фордга қарши ўтказган баҳси йилнинг энг яхши жанги номинациясида ғолиб бўлди.

Ёдингизда бўлса, ўша жангда Форд ҳамюртимизни 12-раунднинг сўнгги сонияларида техник нокаут эвазига мағлуб этганди. Алам қиладиган ҳолат шундаки, рефери томонидан жанг тўхтатилгунига қадар Холматов очколар ҳисобига кўра олдинда бўлганди...

Обуна бўлинг 👉 Телеграм
2,139
Ўзбекистон профессионал бокс федерацияси расмий телеграм канали

11 Jan, 23:55

🇸🇦🇺🇿🥊Дунёга машҳур The Ring журнали бир нечта номинация бўйича 2024 йилнинг энг яхшиларини аниқлади. Бугун дунё бокси юлдузлари иштирокида ўтган тантанали маросимда мукофотлар ўз эгаларига топширилди. Унда Исроил Мадримов ҳам иштирок этди...

Обуна бўлинг 👉 Телеграм
2,009
Ўзбекистон профессионал бокс федерацияси расмий телеграм канали

27 Dec, 06:57

🇺🇿🇺🇸🥊Отабек Холматов собиқ жаҳон чемпиони билан реванш жангини ўтказмоқчи

Ярим енгил вазн тоифасидаги профессионал боксчимиз Отабек Холматов жароҳатидан тикланиб, машғулотларни давом эттирмоқда.

Боксчи ҳозирда ўзи туғилиб ўсган Сирдарё вилоятининг Бахт шаҳрида бўлиб турибди ва кунига икки маҳалдан машғулотларни ўтказяпти.

У жорий йилнинг март ойида вакант бўлиб турган WBA камари учун америкалик Раймонд Фордга қарши рингга кўтарилиб, жанг якунланишига бир неча сония қолганида аламли мағлубиятни қабул қилиб олганди.

Жангдан кейин Холматов оёғидаги жиддий жароҳатини операция қилдирди. Узоқ танаффусдан кейин Холматов яна машғулотларга киришди. У 2025 йил аввалида Форд билан реванш жангини ўтказиш ниятида.

Раймонднинг ўзи Отабекни мағлуб этганидан кейинги илк ҳимоя жангидаёқ Ник Боллга ютқазиб, камарини топширган эди.

Обуна бўлинг 👉 Телеграм
704
Ўзбекистон профессионал бокс федерацияси расмий телеграм канали

26 Dec, 12:13

🇺🇿🥊Янгиланган WBC рейтингида Мадримов кўтарилди

Бутунжаҳон бокс иттифоқи (WBC) декабрь ойи учун янгиланган рейтингни эълон қилди.

Декабрь ойи рейтингидан 6 нафар чарм қўлқоп устамиз ўрин олган. Исроил Мадримов ва Ҳасанбой Дўсматов ўз вазн тоифаларида 3-ўринни эгаллаб турибди. Бектемир Мелиқўзиев 9-ўриндан жой олган бўлса, оғир вазнли боксчимиз Баҳодир Жалолов Топ-10`ни якунлаб берган.

🇺🇿Рейтингдан ўрин олган боксчиларимиз:

✅Супероғир вазн: Баҳодир Жалолов 10-ўрин;

✅Суперўрта вазн тоифаси (76,2 кг): Бектемир Мелиқўзиев 9-ўрин;

✅Биринчи ўрта вазн (69,8 кг): Исроил Мадримов 3-ўрин;

✅Ярименгил вазн (57,1 кг): Отабек Холматов 17-ўрин;

✅Енгил вазн (50,82 кг): Олимжон Назаров 37-ўрин;

✅Биринчи ўта енгил вазн (47,6 кг): Ҳасанбой Дўсматов 3-ўрин.

Обуна бўлинг 👉 Телеграм
978
Ўзбекистон профессионал бокс федерацияси расмий телеграм канали

25 Dec, 09:34

🥊XXI асрнинг оғир вазнли боксчилари Топ-10`талиги эълон қилинди

Бокс ҳақида ёзувчи дунёнинг машҳур BoxingScene нашри 21-асрнинг Топ-10 оғир вазнли боксчилари рейингини тузиб чиқди.

Рўйхатнинг биринчи поғонасидан амалдаги WBC, WBA ва WBO йўналишлари чемпиони Александр Усик жой олган. Украиналик боксчи реванш жангида ҳам собиқ WBC камари соҳиби британиялик Тайсон Фьюрини очколар ҳисобига кўра мағлубиятга учратган эди.

Эътиборлиси, кучли учликни ҳам украиналик боксчилар банд этишган. Аллақачон фаолиятларини якунлаган ака-ука Виталий ва Владимир Кличко Топ-3`ни якунлаб беришган. Рейтингнинг сўнгги 10-поғонаси собиқ IBF чемпиони Крис Бёрд томонидан банд этилган.

🥊✅BoxingScene талқини бўйича 21-асрнинг Топ-10 оғир вазнли боксчилари:

1. Александр Усик (амалдаги WBC, WBA ва WBO чемпиони)

2. Владимир Кличко (собиқ WBA, IBF ва WBO чемпиони)

3. Виталий Кличко ("умрбод" WBC чемпиони)

4. Леннокс Льюис (собиқ мутлақ жаҳон чемпиони)

5. Тайсон Фьюри (собиқ WBC чемпиони)

6. Энтони Жошуа (собиқ WBA, IBF ва WBO чемпиони)

7. Деонтей Уайлдер (собиқ WBC чемпиони)

8. Жозеф Паркер (собиқ WBO чемпиони)

9. Энди Руис (собиқ WBA, IBF ва WBO чемпиони)

10. Крис Бёрд (собиқ IBF чемпиони)

Обуна бўлинг 👉 Телеграм
936
Ўзбекистон профессионал бокс федерацияси расмий телеграм канали

23 Dec, 07:46

🇷🇺🏴󠁧󠁢󠁥󠁮󠁧󠁿🥊Кун тарихи. Роппа-роса бир йил аввал, 2023 йилнинг 23 декабрь куни россиялик Дмитрий Бивол Саудия Арабистонида ўтган проф бокс оқшомида англиялик Артур Линдонни очколар ҳисобига кўра мағлубиятга учратиб, WBA чемпионлик унвонини ҳимоя қилиш баробарида IBO камарини ҳам қўлга киритганди...

Обуна бўлинг 👉 Телеграм
925
Ўзбекистон профессионал бокс федерацияси расмий телеграм канали

22 Dec, 14:53

🇺🇿🇺🇸🥊Сергей Богачук: "Жанг 12 раунд давом этади ва унда Мадримов ғалаба қозонади"

Супер яримўрта вазн тоифасида украиналик боксчи Сергей Богачук собиқ жаҳон чемпиони Исроил Мадримов (10-1-1, 7 КО) ва WBC Interim чемпиони Виржил Ортис (22-0, 21 КО) ўртасидаги жанг ҳақида гапирди.

— Сизнингча, Мадримов Кроуфордни мағлуб этганмиди?

— Ҳа. Мадримов фаолроқ, ақллироқ эди ва у жангда ғалаба қозонганди. Бу менинг фикрим.

— Исроил Ортисни мағлуб эта оладими?

— Ўйлайманки, жанг 12 раунд давом этади ва унда Мадримов ғалаба қозонади. Мен келажакда Исроил Мадримов билан учрашишга тайёрман.

Эслатиб ўтамиз, Исроил Мадримовнинг Вержил Ортисга қарши жанги 2025 йилнинг 22 февраль куни Саудия Арабистони пойтахти Ар-Риёд шаҳрида бўлиб ўтади. Ушбу оқшомнинг марказий жангида икки рус боксчилари Артур Бетербиев ва Дмитрий Бивол реванш мақомидаги баҳсда тўқнаш келади.

Обуна бўлинг 👉 Телеграм
1,213
Ўзбекистон профессионал бокс федерацияси расмий телеграм канали

22 Dec, 00:22

🇺🇦🇬🇧✍️Александр Усик - Тайсон Фьюри жанги ҳакамлари ҳужжатидан кўчирма

✅Уччала ҳакам ҳам раундлар бўйича 8-4 ҳисобида Усикка ғалаба тақдим этган...

Обуна бўлинг 👉 Телеграм
2,422
Ўзбекистон профессионал бокс федерацияси расмий телеграм канали

22 Dec, 00:21

🇬🇧🇺🇦🥊Жанг якунланиши билан рингга чиқиб келган бошқа бир британиялик боксчи Даниэль Дюбуа Александр Усикдан реванш сўради. Украиналик чемпион "вызов"ни қабул қилди. Илк жангда Усик Дюбуани қийинчилик билан мағлуб этган эди...

Обуна бўлинг 👉 Телеграм
2,504
Ўзбекистон профессионал бокс федерацияси расмий телеграм канали

21 Dec, 23:56

🇺🇦🇬🇧🥊Усик иккинчи жангда ҳам Фьюрини мағлуб этди

🇸🇦Бироз аввал Саудия Арабистони пойтахти Ар-Риёд шаҳрида 2024 йилнинг сўнгги катта проф бокс турнири якунига етди.

Оқшомнинг асосий жангида супероғир вазн тоифасида WBC, WBA, WBO ва IBO йўналишлари чемпиони украиналик Александр Усик ҳамда собиқ WBC камари соҳиби британиялик Тайсон Фьюри ўзаро тўқнаш келишди.

Жанг 12 раунд тўлиқ давом этди ва унда ҳакамларнинг якдил қарори билан Усик ғалаба қозонди. Уччала ҳакам ҳам 116:112 ҳисобидаги ғалабани украиналик чемпионга тақдим этди. AND STILL!!!

Обуна бўлинг 👉 Телеграм
2,333
Ўзбекистон профессионал бокс федерацияси расмий телеграм канали

21 Dec, 15:08

🔥ЖАНГ КУНИ!

🇺🇦Александр Усик - Тайсон Фьюри🇬🇧
📍Саудия Арабистони, Ар-Риёд
⏰Бошланиш вақти: 03:30дан сўнг (22 декабрга ўтар кечаси)

🗣Жонли эфир: SPORT UNIVERSAL

Каналга обуна бўлинг ва жангни томоша қилинг

Обуна бўлинг: Universal
1,203
Ўзбекистон профессионал бокс федерацияси расмий телеграм канали

20 Dec, 23:57

🇺🇦🇬🇧⚖️Усик ва Фьюри тарози ҳамда сўнгги face to face маросимида юзма-юз келди

Тайсоннинг вазни 127,5 кг, Александрнинг вазни — 102,5 кг.

Обуна бўлинг 👉 Телеграм
1,335
Ўзбекистон профессионал бокс федерацияси расмий телеграм канали

20 Dec, 12:18

🇬🇧🇺🇦🕺21 декабрь кунги реванш жангидан кейин ким қувончдан рақсга тушар экан - Фьюрими ёки Усик?

Обуна бўлинг 👉 Телеграм
1,227
Ўзбекистон профессионал бокс федерацияси расмий телеграм канали

20 Dec, 09:53

🇺🇸🥊✅Кун тарихи. 26 йил аввал, 1998 йилнинг шу куни Флойд Мейвезер биринчи енгил вазн тоифасидаги WBC чемпионлик камарини ҳимоя қилганди. Ўшанда америкалик боксчи Энджэл "El Diablo" Манфридини иккинчи раундда техник нокаутга учратган эди...

Обуна бўлинг 👉 Телеграм
1,156
Ўзбекистон профессионал бокс федерацияси расмий телеграм канали

20 Dec, 03:36

🎁🎂Адҳам Икрамовни табриклайминз!

🇺🇿🇺🇿Бугун Ўзбекистон Республикаси Спорт вазири Адҳам Икрамов ўз таваллуд кунини нишонламоқда.

Икрамов Адҳам Илҳамович 1968 йил 20 декабрь куни Тошкент шаҳрида дунёга келган. Оилали, уч фарзанднинг меҳрибон отаси. Ихтисослиги бўйича шифокор. Меҳнат фаолиятини Академик В.Воҳидов номидаги Республика ихтисослаштирилган хирургия марказида бошлаган. Турли йилларда Соғлиқни сақлаш вазири, Бош вазир ўринбосари, Савдо-саноат палатаси раиси лавозимларида самарали фаолият олиб борган. 2022 йилнинг 18 февралидан то шу кунгача Ўзбекистон Республикаси Спорт вазири лавозимида меҳнат қилиб келяпти.

Адҳам Икрамовнинг кўп йиллик меҳнати давлатимиз томонидан муносиб тақдирланган. У Президент фармонига кўра "Фидокорона хизматлари учун", "Меҳнат шуҳрати" орденлари, "Ўзбекистон Республикасида хизмат кўрсатган соғлиқни сақлаш ходими" фахрий унвони билан мукофотланган.

Ўзбекистон спортчилари 2016 ва 2024 йилларда Рио ҳамда Париж Олимпиадаларида айнан Адҳам Икрамов бошчилигида тарихдаги энг катта ютуқларга эришган. Ҳар икки Олимпия ўйинларида ҳам бугун туғилган кунини нишонлаётган Адҳам Икрамов Ўзбекистон спорт делегацияси раҳбари сифатида тўрт йилликнинг энг нуфузли мусобақасига борган эди.

Ўзбекистон профессионал бокс федерацияси Адҳам Илҳамовични бугунги унутилмас кун билан муборакбод этади. У кишига узоқ умр, сиҳат-саломатлик тилаймиз.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,182
Ўзбекистон профессионал бокс федерацияси расмий телеграм канали

19 Dec, 18:12

🇬🇧🇺🇦👀Фьюри ва Усик face to face маросимида

🇸🇦Хабарингиз бор, 21 декабрь куни Саудия Арабистони пойтахти Ар-Риёд шаҳрида 2024 йилнинг сўнгги катта проф бокс турнири бўлиб ўтади.

Оқшомнинг асосий жангида супероғир вазн тоифасида WBC, WBA ва WBO йўналишлари чемпиони украиналик Александр Усик ҳамда собиқ WBC камари соҳиби британиялик Тайсон Фьюри ўзаро тўқнаш келишади. Бироз аввал боксчилар face to face маросимида рўбарў келишди...

Обуна бўлинг 👉 Телеграм
1,286
Ўзбекистон профессионал бокс федерацияси расмий телеграм канали

19 Dec, 08:03

🇺🇿🥊Муроджон Аҳмадалиевни Ислом Каримов номидаги Тошкент халқаро аэропортида ташкил этилган тантанали кутиб олиш маросимидан репортаж...

Обуна бўлинг 👉 Телеграм
1,436
Ўзбекистон профессионал бокс федерацияси расмий телеграм канали

19 Dec, 06:53

🇺🇿😍Муроджон Аҳмадалиевнинг WBA Interim камари...

Обуна бўлинг 👉 Телеграм
1,693
Ўзбекистон профессионал бокс федерацияси расмий телеграм канали

19 Dec, 04:42

🇲🇨🛬🇺🇿Ҳозиргина Муроджон Аҳмадалиев Ислом Каримов номидаги Тошкент халқаро аэропортида тантанали равишда кутиб олинди. У 14 декабрь куни Монте-Карлода ташкил этилган бокс оқшомида мексикалик Рикардо Эспинозани 3-раундда нокаутга учратган ва WBA Interim камарини қўлга киритган эди...

Обуна бўлинг 👉 Телеграм
1,402
Ўзбекистон профессионал бокс федерацияси расмий телеграм канали

18 Dec, 13:20

🇬🇧🇺🇦🥊Фьюри ва Усикнинг Ар-Риёдга расмий ташрифи

🇸🇦Хабарингиз бор, 21 декабрь куни Саудия Арабистони пойтахти Ар-Риёд шаҳрида 2024 йилнинг сўнгги катта проф бокс турнири бўлиб ўтади.

Оқшомнинг асосий жангида супероғир вазн тоифасида WBC, WBA ва WBO йўналишлари чемпиони украиналик Александр Усик ҳамда собиқ WBC камари соҳиби британиялик Тайсон Фьюри ўзаро тўқнаш келишади. Бу реванш мақомидаги жанг бўлиб, шу йилнинг май ойида ўтган илк тўқнашувда Усик ҳакамларнинг айри қарори эвазига ғалаба қозонганди. 

Боксчиларнинг Ар-Риёдга расмий ташрифи бўлиб ўтди. Тантанали руҳда кечган маросимга ҳафта қаҳрамонлари ўзгача ёндашув билан келишди. Айниқса, Усикнинг либоси кўпчиликнинг эътиборини тортди. Украиналик чемпион илк жангга кнзялик либосида келганди.

Обуна бўлинг 👉 Телеграм
1,007
Ўзбекистон профессионал бокс федерацияси расмий телеграм канали

17 Dec, 13:21

🇲🇽🤝🇸🇦WBC ва Турки Ал аш-Шейх янги лойиҳа бошлаяпти

🇩🇪Германиянинг Гамбург шаҳрида ўтган WBC ташкилотининг 62-Конвенциясида бир қатор муҳим масалаларни муҳокама қилиш баробарида янги лойиҳаларга ҳам тамал тоши қўйилди.

Жумладан, WBC президенти Маурисио Сулейман Саудия Арабистони Кўнгилочар бошқармаси раҳбари Турки Ал аш-Шейх (Riyadh Season) билан ҳамкорликда катта масштабдаги турнир ташкил этади. Бундай турнирни бир пайтлар Маурисионинг марҳум отаси — WBC ташкилотининг аввалги раҳбари Хосе Сулейман (1931-2014) орзу қилган эди.

WBC Grand Prix турнири — бу ўсиб келаётган истеъдодларни юзага чиқариш, уларга ёрдам бериш учун мўлжалланган лойиҳа ҳисобланади. Унда жами 128 нафар боксчи 4 та вазн тоифасида иштирок этади. Боксчилар 26 ёшдан катта бўлмасликлари, шунингдек проф рингда 10 тадан кўп жангда рингга чиқмаган бўлишлари шарт.

Мазкур турнирга 2025 йилнинг февраль ойида старт берилади. Дастлаб 8 раунддан иборат 1/4 ва 1/2 финал босқич жанглари ташкил этилади. Финаллар эса 10 раунддан иборат бўлиб, уларга Ар-Риёд (Саудия Арабистони) шаҳри мезбонлик қилади.

WBC Grand Prix турнири жанглари ярименгил, суперенгил, ўрта ва супероғир вазн тоифаларида ўтказилади.

Дарвоқе, Гамбургдаги WBC Конвенцияси доирасида Турки Ал аш-Шейх WBC талқини бўйича "Йил кишиси" деб топилди.

Обуна бўлинг 👉 Телеграм
1,601
Ўзбекистон профессионал бокс федерацияси расмий телеграм канали

27 Nov, 05:22

🇺🇿🥊Исроил Мадримов янгиланган WBO рейтингида 10-ўринда қайд этилди, унинг бўлажак рақиби 14-поғонада!

Бутунжаҳон бокс ташкилоти (WBO) биринчи яримўрта вазн тоифасининг янгиланган рейтингини эълон қилди.

Рейтингда ҳамюртимиз собиқ WBA чемпиони Исроил Мадримов ўнинчи ўриндан жой олди. Унинг бўлажак рақиби украиналик Сергей Богачук эса 14-ўринни эгаллаб турибди. Улар ўртасидаги жанг 21 декабрь куни Саудия Арабистони пойтахти Ар-Риёд шаҳрида ташкил этилади.

✅WBO рейтинги:

1. Ксандер Заяс
2. Жош Келли
3. Чарльз Конвелл
4. Такеши Иноуэ
5. Хесус Рамос
6. Чердаль Букер
7. Хорхе Гарсия Перес
8. Фрейдис Рохас
9. Ардреал Холмс
10. Исроил Мадримов...
14. Сергей Богачук.

Обуна бўлинг 👉 Телеграм
602
Ўзбекистон профессионал бокс федерацияси расмий телеграм канали

27 Nov, 02:42

🇺🇸🇦🇷🥊Кун тарихи. 13 йил аввал, 2011 йилнинг шу куни Эдриэн Бронер аргентиналик Винсенте Родригесни учинчи раундда нокаутга учратиб, биринчи енгил вазн тоифасижа WBO чемпионига айланган эди...

Обуна бўлинг 👉 Телеграм
633
Ўзбекистон профессионал бокс федерацияси расмий телеграм канали

26 Nov, 18:49

🇸🇦✅21 декабрь кунги бокс оқшомининг расмий постери эълон қилинди

🇺🇿🇺🇦Турнирнинг co main-event жангида собиқ WBA чемпиони Исроил Мадримов (10-1-1, 7 КО) собиқ вақтинчалик WBC камари соҳиби Сергей Богачук (24-2, 23 КО)ка қарши рингга чиқади.

🇺🇦🇬🇧Ар-Риёддаги оқшомнинг марказий жанги эса супероғир вазн тоифасида ўтказилади. Реванш мақомидаги ушбу жангда учта асосий камар соҳиби бўлиб турган украиналик Александр Усик британиялик Тайсон Фьюрига қарши рингга кўтарилади...

Обуна бўлинг 👉 Телеграм
755
Ўзбекистон профессионал бокс федерацияси расмий телеграм канали

26 Nov, 15:06

🇺🇿🇲🇽🥊Муроджон Аҳмадалиев иштирокидаги жангга уч ҳафтача қолди

Биринчи ярименгил вазнда собиқ жаҳон чемпиони, WBA камари учун расмий даъвогар Муроджон Аҳмадалиев (12-1, 9 КО) 14 декабрь куни Монте-Карлода навбатдаги жангини ўтказишидан хабарингиз бор.

Чарм қўлқоп устамиз Matchroom промоутерлик компанияси томонидан ташкил этилаётган проф бокс оқшомининг марказий жангида рингга кўтарилади. Жанг ярименгил вазнда вактинчалик WBA камари учун бўлиб ўтади.

Шу куни 29 ёшли боксчимиз мексикалик 27 ёшли Рикардо Эспиноса Франко (30-4, 25 КО)га қарши рингга чиқади. Бу боксчи WBA рейтингида 13-ўринни эгаллаб турибди. Рикардо Эспиноса Франко 2019 йилда енгил вазнда вақтинчалик WBO камари учун ҳам жанг ўтказган эди. Ўшанда у уч вазн тоифасида жаҳон чемпиони Жон Рил Касимерога 11-раундда нокаут билан ютқазганди. Жанг тўхтатилгунига қадар ҳакамлар ҳисоб-китобига кўра дуранг бўлиб турган эди.

Обуна бўлинг 👉 Телеграм
10,493
Ўзбекистон профессионал бокс федерацияси расмий телеграм канали

24 Nov, 03:34

🇺🇿🥊Саиджамшид Жафаров профессионал боксда дебют қилади

🇷🇺30 ноябрь куни Россия Федерациясининг Екатеринбург шаҳрида профессионал бокс бўйича RCC Boxing оқшоми ташкил этилади.

Турнир доирасида яна бир чарм қўлқоп устамиз — Саиджамшид Жафаров ҳам рингга кўтариладиган бўлди. Унга ўша куни россиялик Гор Оганесян рақиблик қилади. Жанг 6 раунд этиб белгиланган.

Бу Жафаров учун проф фаолиятидаги илк жанги бўлади. Оганесян ҳисобида эса 1 та ғалаба, 1 мағлубият ва 1 та дуранг бор.

Аввалроқ, турнир доирасида Бобоусмон Батуровнинг ҳам рингга чиқиши ҳақида хабар берган эдик.

Обуна бўлинг 👉 Телеграм
1,029
Ўзбекистон профессионал бокс федерацияси расмий телеграм канали

23 Nov, 07:12

🇺🇿🇱🇹🥊Шаҳрам Ғиёсов - Эймантас Станионис чемпионлик жанги 1 март куни ўтказилиши мумкин

Яримўрта вазн тоифасидаги профессионал боксчимиз Шаҳрам Ғиёсов навбатдаги жангини WBA чемпиони литвалик Эймантас Станионисга қарши ўтказади.

Аввалроқ, боксчиларнинг жамоалари промоутерлик савдосидан олдин келишувга эришгани ҳақида хабар берилганди. Хориж нашрларининг маълум қилишича, Ғиёсов — Станионис чемпионлик жанги 2025 йилнинг 1 март куни АҚШнинг Бруклин шаҳридаги "Barclays Arena"да ташкил этиладиган проф бокс оқшоми доирасида ўтказилади. Жанг асосий карддан (PPV) ўрин олган.

Мазкур оқшомнинг марказий жангида аслида, 14 декабрь куни ўтказилиши керак бўлган, бироқ кейинчалик 1 март санасига кўчирилган Жервонта Дэвис ва Ламонт Роач баҳси ташкил этилади.

Бундан ташқари, турнир доирасида Жермалл Чарлонинг ҳам рингга қайтиши кутилмоқда.

Эслатиб ўтамиз, Станионис сўнгги жангини май ойи бошида Габриэль Маэстрега қарши ўтказиб, очколар ҳисобига кўра ғалаба қозонганди. Ғиёсов эса 31 июль куни Мигель Парра билан жангда зафар қучган.

Обуна бўлинг 👉 Телеграм
85,344
Ўзбекистон профессионал бокс федерацияси расмий телеграм канали

22 Nov, 11:56

🇺🇸🥊Кун тарихи. Бундан роппа-роса 38 йил аввал, 1986 йилнинг 22 ноябрь куни афсонавий Майк Тайсон супероғир вазн тоифаси тарихидаги энг ёш жаҳон чемпионига айланганди. Ўшанда 20 ёшли Майк WBC чемпиони Тревор Бербикни нокаутга учратган эди.

АҚШнинг Лас-Вегас шаҳридаги Hilton Hotel аренада ўтган жангдаги ғалабаси эвазига у Флойд Паттерсон (21 ёш)нинг рекордии янгилаганди.

Қизиғи, Паттерсонни ҳам, Тайсонни ҳам (1985 йилгача, яъни вафотигача) мураббий Кас Д’Амато шуғуллантирганди...

Обуна бўлинг 👉 Телеграм
1,259
Ўзбекистон профессионал бокс федерацияси расмий телеграм канали

22 Nov, 03:29

🇺🇿🥊IBF'нинг янгиланган рейтингида биргина Шаҳрам Ғиёсов қолди

Халқаро бокс федерацияси (IBF) ноябрь ойи учун янгиланган рейтингни эълон қилди.

Яримўрта вазн (66,6 кг) вакили Шаҳрам Ғиёсов ўтган ойдагидан 1 поғона юқорилаб, 8-ўринни эгаллади. Биринчи ярименгил вазн (55,3 кг) тоифасидаги боксчимиз Муроджон Аҳмадалиев эса янгиланган рейтингга киритилмади. У ўтган ой рейтингида 4-ўринни эгаллаб турган эди.

Обуна бўлинг 👉 Телеграм
1,264
Ўзбекистон профессионал бокс федерацияси расмий телеграм канали

21 Nov, 07:24

🇵🇭🇲🇽🥊Кун тарихи. 18 йил аввал, 2006 йилнинг шу куни Мэнни Пакьяо ва Эрик Моралес ўртасидаги учинчи жанг ўтказилганди. Унда Пакьяо рақибини учинчи раундда нокаутга учратган эди. Мэнни Пакьяонинг ушбу жанг учун кафолатланган гонорари $3 млн, Моралесники — $2,75 млн доллар бўлганди...

Обуна бўлинг 👉 Телеграм
1,340
Ўзбекистон профессионал бокс федерацияси расмий телеграм канали

21 Nov, 06:33

🇺🇦🇬🇧💸Усик ва Фьюри реванш жангидан 190 млн доллар ишлаб олади

Супероғир вазн тоифасида жаҳон чемпиони Александр Усик ҳамда собиқ чемпиони Тайсон Фьюри ўртасидаги реванш жанги учун гонорарлар маълум бўлди.

Реванш жанги учун Усик умумий маблағнинг 60, Фьюри эса 40 фоизини олади. The Sportster нашри тарқатган хабарга кўра, гонорарнинг умумий миқдори 190 миллион долларни ташкил қилади. Усик 114 миллион, Тайсон эса 76 миллион долларни қўлга киритади.

🇸🇦📍Улар ўртасидаги жанг 21 декабрь куни Саудия Арабистони пойтахти Ар-Риёд шаҳрида бўлиб ўтади.

🇺🇿🇺🇦Мазкур кардда ҳамюртимиз Исроил Мадримов украиналик Сергей Богачукка қарши рингга кўтарилади.

Обуна бўлинг 👉 Телеграм
1,605
Ўзбекистон профессионал бокс федерацияси расмий телеграм канали

20 Nov, 10:02

🇺🇿🥊✅Бобоусмон Батуровнинг навбатдаги рақиби ва жанг санаси тасдиқланди

Жиззахлик профессионал боксчимиз Бобоусмон Батуровнинг кейинги жанги расман эълон қилинди.

30 ёшли чарм қўлқоп устамиз 30 ноябрь куни Россия Федерациясининг Екатеринбург шаҳрида ташкил этиладиган RCC Boxing оқшомида рингга кўтарилади.

Батуровга ўша куни асли конголик, ҳозирда Люксембург шарафини ҳимоя қилаётган Майкл Кинг рақиблик қилади.

Маълумот ўрнида, Батуров проф фаолияти давомида ҳозирга қадар 4 та жанг ўтказиб, 3 ғалаба ва 1 та дуранг қайд этган. Кинг ҳисобида эса 6 ғалаба ва 2 мағлубият бор.

Обуна бўлинг 👉 Телеграм
1,496
Ўзбекистон профессионал бокс федерацияси расмий телеграм канали

20 Nov, 07:59

🇨🇺🇺🇸🥊Тарихий жанглар туркумидан. Кубалик афсона Феликс Савон 1991 йил Гавана шаҳрида ўтган Панамерика ўйинларининг финал жангида америкалик Шэннон Бриггсга қарши рингга кўтарилганди. Ўша жангда Савон муддатидан аввал техник нокаут эвазига ғалаба қозонган эди...

Обуна бўлинг 👉 Телеграм
1,562
Ўзбекистон профессионал бокс федерацияси расмий телеграм канали

20 Nov, 05:43

🇺🇿🇱🇹✅WBA: Станионис - Ғиёсов жанги бўйича келишувга эришди

Яримўрта вазн тоифасида литвалик WBA чемпиони Эймантас Станионис (15-0, 9 КО) ва унинг камарига мажбурий даъвогар Шаҳрам Ғиёсов (16-0, 9 КО)нинг жамоалари жанг бўйича келишувга эришди.

Бу ҳақда WBA ўз сайтида хабар берди.

Келишув шартлари ҳозирча эълон қилинмаган. Шу тариқа, бугун ўтказилиши керак бўлган очиқ промоутерлик савдоси бекор қилинди.

Эслатиб ўтамиз, Станионис сўнгги жангини май ойи бошида Габриэль Маэстрега қарши ўтказиб, очколар ҳисобига кўра ғалаба қозонганди. Ғиёсов эса 31 июль куни Мигель Парра билан жангда зафар қучган.

Обуна бўлинг 👉 Телеграм
1,320
Ўзбекистон профессионал бокс федерацияси расмий телеграм канали

19 Nov, 10:22

🇺🇿🇷🇺🥊Шерзод Ҳусанов Россияда камар учун жанг қилди

🇷🇺Россия Федерациясининг Чельябинск шаҳрида профессионал бокс турнири ташкил этилди.

Оқшомнинг марказий жангида иккинчи ўрта вазн тоифасидаги тажрибали боксчимиз Шерзод Ҳусанов россиялик Артиш Лопсанга қарши рингга кўтарилди. Жанг EBP (Eurasian Boxing Parliament) камари учун кечди.

Афсуски, Ҳусановнинг бурчаги жангнинг еттинчи раундига чиқишдан бош тортди ва баҳс олтинчи раундда техник нокаут эвазига Лопсаннинг фойдасига ҳал бўлди. Бу 44 ёшли Шерзод Ҳусановнинг проф фаолиятидаги йигирма тўққизинчи жанги эди.

Маълумот учун, Ҳусанов бундан аввалги жангини 20 сентябрь куни Польшанинг Хойнице шаҳрида ўтказганди. Babilon Promotion промоутерлик компанияси томонидан ташкил этилган бокс оқшомининг марказий жангида ҳамюртимиз польшалик Павел Степинга очколар ҳисобига кўра ютқазиб қўйганди.

Обуна бўлинг 👉 Телеграм
1,309
Ўзбекистон профессионал бокс федерацияси расмий телеграм канали

19 Nov, 09:12

🇬🇧🥊Расман! Диллиан Уайтнинг навбатдаги жанги эълон қилинди

Супероғир вазндаги британиялик боксчи Диллиан Уайт (30-3, 20 КО)нинг навбатдаги жанги расман тасдиқланди.

🇬🇮🇬🇭У 15 декабрь куни ганалик Эбенезер Тетте (23-1, 20 КО)га қарши рингга чиқади. Ушбу бокс оқшоми Гибралтарда бўлиб ўтади.

Маълумот учун, 36 ёшли Уайт охирги марта шу йилнинг март ойида Кристиан Ҳаммерга қарши жанг ўтказиб, ғалаба қозонган эди.

Обуна бўлинг 👉 Телеграм
988
Ўзбекистон профессионал бокс федерацияси расмий телеграм канали

19 Nov, 07:58

🇺🇿🇲🇽🥊Муроджон Аҳмадалиев тайёргарликни давом эттирмоқда

Биринчи ярименгил вазнда собиқ жаҳон чемпиони, WBA камари учун расмий даъвогар Муроджон Аҳмадалиев (12-1, 9 КО) 14 декабрь куни Монте-Карлода навбатдаги жангини ўтказади.

Чарм қўлқоп устамиз Matchroom промоутерлик компанияси томонидан ташкил этилаётган проф бокс оқшомининг марказий жангида рингга кўтарилади. Жанг ярименгил вазнда вактинчалик WBA камари учун бўлиб ўтади.

Шу куни 29 ёшли боксчимиз мексикалик 27 ёшли Рикардо Эспиноса Франко (30-4, 25 КО)га қарши рингга чиқади. Бу боксчи WBA рейтингида 13-ўринни эгаллаб турибди. Рикардо Эспиноса Франко 2019 йилда енгил вазнда вақтинчалик WBO камари учун ҳам жанг ўтказган эди. Ўшанда у уч вазн тоифасида жаҳон чемпиони Жон Рил Касимерога 11-раундда нокаут билан ютқазганди. Жанг тўхтатилгунига қадар ҳакамлар ҳисоб-китобига кўра дуранг бўлиб турган эди.

Обуна бўлинг 👉 Телеграм
1,305
Ўзбекистон профессионал бокс федерацияси расмий телеграм канали

18 Nov, 08:37

🇺🇿🇫🇷Баҳодир Жалолов Дэвид Спильмонтга қарши жанг ўтказиши мумкин

Супероғир вазн тоифасидаги боксчимиз Баҳодир Жалоловнинг навбатдаги жанги бўйича тафсилотлар пайдо бўлди.

Унга кўра, чарм қўлқоп устамиз 2025 йилнинг 6 февраль куни Канаданинг Монреаль шаҳрида ташкил этиладиган проф бокс оқшоми доирасида рингга қайтади. Жалоловга ўша куни франциялик Дэвид Спильмонт рақиблик қилиши мумкин. Ҳозирча бу хабар расман тасдиғини топмади.

Маълумот учун, Баҳодир Жалолов проф фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Сўнгги жангини 2023 йил 17 ноябрь куни ЖАР вакили Крис Томпсонга қарши ўтказиб, илк раунддаёқ нокаут орқали зафар қучганди.

Унинг эҳтимолий рақиби Дэвид Спильмонт эса шу кунгача 27 та жанг ўтказиб, 16 ғалаба, 8 мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.

Обуна бўлинг 👉 Телеграм
1,121
Ўзбекистон профессионал бокс федерацияси расмий телеграм канали

18 Nov, 06:06

🇺🇦🇺🇿🥊Сергей Богачук Исроил Мадримовга қарши жанг учун Мексикада тайёргарлик кўряпти

Биринчи яримўрта вазн тоифасидаги украиналик боксчи Сергей Богачук (24-2, 23 КО) ушбу вазндаги собиқ чемпион Исроил Мадримов (10-1-1, 7 КО)га қарши бўлажак жангга тайёргарлик ҳақида гапирди.

— Мадримовга қарши жангга қандай тайёргарлик кўряпсиз?

— Ҳозирда тайёргарлик яхши кетмоқда, биз Мексикадамиз. Бу ерда йиғин ўтказяпмиз. Бу ерга бир неча кун олдин келдик. Йиғин 4 ҳафта давом этади. Кейин биз бир ҳафталик машғулот учун Лос-Анжелесга учамиз, кейин Саудия Арабистонига борамиз. У ерда икки ҳафталик йиғин ўтказамиз, кейин эса Мадримов билан жанг.

— Спарринг шерикларингиз кимлар?

— Биз Лос-Анжелесдан ўз залимиздаги йигитларни йиғинга олиб келдик. Улар боксда яхши натижаларга эришган мексикаликлар ҳисобланишади. Айтишим мумкинки, улар жуда қизиқ спарринг-ҳамкорлар.

Эслатиб ўтамиз, Сергей Богачук ва Исроил Мадримов ўртасидаги жанг 21 декабрь куни бўлиб ўтади.

Обуна бўлинг 👉 Телеграм
1,418
Ўзбекистон профессионал бокс федерацияси расмий телеграм канали

18 Nov, 02:50

🇺🇿Ўзбекистон байроғи 33 ёшда!

🇺🇿Бугун давлатимиз суверенитетининг рамзларидан бири – мустақил Ўзбекистон Республикасининг «Давлат байроғи тўғрисида»ги қонуни қабул қилинганига 33 йил тўлди.

«Ўзбекистон Республикасининг Давлат Мустақиллиги асослари тўғрисида»ги қонуннинг 16-моддасида «Ўзбекистон Республикаси ўз тараққиёт йўлини, ўз номини аниқлайди, ўз давлат рамзларини: герби, байроғи, мадҳиясини таъсис этади, ўз давлат тилини белгилайди. Ушбу қонуний асосга биноан 1991 йил 18 ноябрда «Ўзбекистон Республикасининг Давлат байроғи тўғрисида»ги қонун қабул қилинди. Давлатимиз байроғи илк бор Бирлашган Миллатлар Ташкилоти биноси қошида тенглар ичра тенг бўлиб ҳилпиради.

Мана 33 йилдирки, халқаро спорт майдонларида ғалабамиз шарафига юрт байроғи энг юксакда ҳилпираб, қалбларимизни чексиз ғурур-ифтихорга тўлдирмоқда. Кўкда ҳилпираган байроқ эса музаффарият белгисидир!

🇺🇿🥊Ўзбекистон профессионал бокс федерацияси бугун байрам билан юртдошларимизни муборакбод этади.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
911
Ўзбекистон профессионал бокс федерацияси расмий телеграм канали

17 Nov, 06:38

🇺🇿🥊Қаршида Ҳоким соврини учун проф бокс оқшоми ўтказилди

Кеча тунда Қарши шаҳридаги "Геолог" спорт мажмуасида Қашқадарё вилояти ҳокими соврини учун профессионал бокс турнири ташкил этилди.

Ушбу оқшомдан жами 10 та жанг ўрин олган бўлиб, уларнинг 6 таси муддатидан аввал якунланди. Турнирнинг марказий жанги бухоролик Азамат Эргашев ҳамда мезбонлар вакили Баҳром Давуров ўртасида кечди. Олти раундлик жанг иккинчи раунддан сўнг тўхтатилди. Эргашевнинг секундантлари жангни давом эттирмасликка қарор қилишди.

Андижонлик Абдулҳамид Азимов ҳамда бухоролик Раҳматилло Шарифов ўртасидаги жангда дуранг натижа қайд этилди. Қаршидаги бокс оқшомида Нормурод Султонов (Қарши), Айюбхон Бахтиёров (Андижон), Ҳожиакбар Ҳамидов (Қарши), Фаррух Жўраев (Қарши), Ҳайитбек Пўлатов (Фарғона), Озодбек Нуриддинов (Наманган), Асадбек Солижонов (Андижон), Абдували Бўрибоев (Андижон) рақибларидан устун келиб, ғалаба нашидасини суришди.

Марказий жанг ғолиби Баҳром Давуров 10 миллион сўм пул мукофотини ҳам қўлга киритди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,222
Ўзбекистон профессионал бокс федерацияси расмий телеграм канали

17 Nov, 03:41

🇺🇿🇲🇽🥊Статистик маълумот эълон қилинди: Ботир Аҳмедов ҳакамлар қурбонига айланди

🇸🇦Кеча Саудия Арабистони пойтахти Ар-Риёд шаҳрида Riyadh Season доирасида навбатдаги профессионал бокс турнири бўлиб ўтди.

Биз учун аҳамиятлиси, унинг доирасида "Мир Бокса" промоутерлик компанияси мижози бўлган чарм қўлқоп устамиз Ботир Аҳмедов ҳам ўз жангини ўтказди. Ҳамюртимиз мексикалик Оскар Дуартега қарши рингга кўтарилди. Ўн раунд тўлиқ давом этган Элиминатор мақомидаги жанг якунида ҳакамлар ғайри табиий равишда ғалабани Оскарга тақдим этишди.

Уччала ҳакам ушбу жангда Дуарте 98-92, 97-93, 96-94 ҳисобида ғалаба қозонганини эътироф этди. Лекин эълон қилинган статистик маълумотлар жангда Аҳмедов мағлубиятга лойиқ эмаслигини кўрсатмоқда. Боксчимизнинг аниқ зарбалари рақибига қараганда сезиларли даражада кўпроқ бўлган 480 га 375!

Қизиғи, ҳакамлардан бири 10 та раунддан бор йўғи 2 тасини ҳамюртимизга берган. Жанг якунланганидан кейин америкалик таниқли боксчи Габриэль Росадо Аҳмедов ҳакамлар қарори қурбони бўлганини айтди. Жанг ташкилотчиси афсонавий Оскар Де Ла Хойя ҳам шу фикрда эканини баён қилди ва зудлик билан реванш жанги ўтказилиши урғулади.

Обуна бўлинг 👉 Телеграм
1,058
Ўзбекистон профессионал бокс федерацияси расмий телеграм канали

16 Nov, 18:04

🇺🇿🇲🇽🥊Чарм қўлқоп устамиз Ботир Аҳмедовнинг мексикалик кучли рақибига қарши жангини ҳозирнинг ўзида ушбу ҳаволага ўтган ҳолда томоша қилинг

👇👇👇👇
📹https://www.youtube.com/live/3xI1h0ZHgeM

Обуна бўлинг 👉 Телеграм
786
Ўзбекистон профессионал бокс федерацияси расмий телеграм канали

13 Nov, 11:57

🇰🇬🚘Қирғиз Республикаси президенти Садир Жапаровнинг ўғли Рустам Жапаров отасининг номидан Дмитрий Биволга Rolls-Royce Silver Shadow автомобилини совға қилди...

Обуна бўлинг 👉 Телеграм
603
Ўзбекистон профессионал бокс федерацияси расмий телеграм канали

13 Nov, 06:58

🇺🇸🥊🔥Хўроз блогер-боксчи Жейк Пол ҳам афсонага қарши мўмайгина даромад келтирадиган жанги олдидан очиқ машғулот ўтказди...

Обуна бўлинг 👉 Телеграм
779
Ўзбекистон профессионал бокс федерацияси расмий телеграм канали

13 Nov, 06:53

🇺🇸🥊🔥Афсонавий Майк Тайсон расмий очиқ машғулотда иштирок этди. 58 ёшли Темир Майк 16 ноябрь тонгида блогер-боксчи Жейк Полга қарши рингга кўтарилади...

Обуна бўлинг 👉 Телеграм
643
Ўзбекистон профессионал бокс федерацияси расмий телеграм канали

13 Nov, 05:33

🇺🇿🇻🇪Расман! Шаҳобиддин Зоиров Дубайда камар учун жанг ўтказади

🇦🇪Шу йилнинг 6 декабрь куни Бирлашган Араб Амирликларининг Дубай шаҳрида жойлашган "The Agenda" мажмуасида бокс бўйича "IBA Чемпионлар оқшоми" мусобақаси ўтказилади.

Оқшом доирасида ўзбекистонлик чарм қўлқоп устаси Шаҳобиддин Зоиров ҳам рингга кўтарилади. 31 ёшли ҳамюртимизга Венесуэла вакили Йоэль Финоль рақиблик қилади. Энг енгил вазн тоифасида ташкил этиладиган жанг IBA Pro таснифидаги чемпионлик камари учун ўтказилади.

Эслатиб ўтиш жоиз, Зоиров сўнгги жангини октябрь ойида айнан IBA Pro таснифидаги мусобақа доирасида испаниялик Самуэль Кармонага қарши ўтказиб, ғалаба қозонган эди. Бу испан боксчисини аввалроқ, Тошкентдаги турнирда Ҳасанбой Дўсматов ҳам мағлуб этганди.

Обуна бўлинг 👉 Телеграм
734
Ўзбекистон профессионал бокс федерацияси расмий телеграм канали

12 Nov, 10:44

🇺🇸🥊Майк Тайсон — Жейк Пол бокс оқшомининг тўлиқ карди билан танишинг

16 ноябрь тонгида Арлингтон (АҚШ) шаҳрида профессионал бокс оқшоми бўлиб ўтади.

Оқшомнинг асосий жангида блогер-боксчи Жейк Пол супероғир вазнда собиқ мутлақ жаҳон чемпиони Майк Тайсонга қарши рингга кўтарилади. Турнирнинг co main-event жанги аёллар ўртасида Кэти Тейлор ва Аманда Серрано ўртасида ташкил этилади.

✅Оқшомнинг тўлиқ карди билан танишинг:

Майк Тайсон (50-6, 44 КО) - Жейк Пол (10-1, 7 КО);

Кэти Тейлор (23-1, 6 КО) - Аманда Серрано (47-2-1, 31 КО);

Марио Барриос (29-2, 18 КО) - Абел Рамос (28-6-2, 22 КО);

Шадейша Грин (14-1, 11 КО) - Мелинда Уотпул (7-0, 2 КО);

Лукас Бахди (17-0, 15 КО) - Армандо Касамоника (14-0, 3 КО);

Брюс Каррингтон (13-0, 8 КО) - Дана Кулвелл (13-2, 8 КО);

Неераж Гоят (18-4-2, 8 КО) – Виндерссон Нунес (0-0).

Обуна бўлинг 👉 Телеграм
1,284
Ўзбекистон профессионал бокс федерацияси расмий телеграм канали

11 Nov, 09:59

🇺🇸🥊Кун тарихи. Бундан 23 йил аввал, 2001 йилнинг шу куни енгилмас Флойд Мейвезер Хесус Чавесни 9-раундда техник нокаутга учратиб, биринчи енгил вазн тоифасидаги WBC чемпионлик камарини саккизинчи бор муваффақиятли ҳимоя қилган эди...

Обуна бўлинг 👉 Телеграм
768
Ўзбекистон профессионал бокс федерацияси расмий телеграм канали

11 Nov, 08:42

🇹🇭🇺🇿🥊Таиландлик чемпион иккинчи камар учун жанг қилади. Аслида у WBA камарини Ҳасанбой Дўсматовдан ҳимоя қилиши керак!

Хабарингиз бор, 16 ноябрь куни Саудия Арабистонининг Ар-Риёд шаҳрида Riyadh Season доирасидаги навбатдаги бокс оқшоми ўтказилади.

Унда минимал вазн тоифасида WBA чемпиони, таиландлик Тамманун Ниёмтронг ҳам рингга кўтариладиган бўлди. Тамманун ўша куни вазннинг WBO йўналишида чемпиони бўлиб турган Оскар Коллазо билан тўқнаш келади.

Ниёмтронгнинг ҳисобида 25 та ғалаба бор ва у ҳозирга қадар мағлубиятга учрамаган. Пуэрто-Рико вакили бўлган Коллазо эса ҳозиргача 10 та ғалабага эришган.

Маълумот ўрнида, ўзбекистонлик боксчи Ҳасанбой Дўсматов Тамманун Ниёмтронгнинг WBA камари учун ҳали ҳамон мажбурий даъвогар бўлиб турибди.

Обуна бўлинг 👉 Телеграм
1,267
Ўзбекистон профессионал бокс федерацияси расмий телеграм канали

11 Nov, 04:43

🇺🇿Бугун 11 ноябрь - Ўзбекистонда Касаба уюшмалари куни!

Касаба уюшмаси – фуқароларнинг ўз фаолияти ёки ўқиши тури бўйича умумий касбий манфаатлари билан боғлиқ бўлган, уларнинг меҳнатга оид, бошқа ижтимоий-иқтисодий ҳуқуқ ва манфаатларини ифодалаш ҳамда ҳимоя қилиш мақсадида тузиладиган, ўз устави асосида фаолият кўрсатадиган ихтиёрий жамоат бирлашмасидир.

Ўзбекистон Республикаси Президенти Ш. Мирзиёев 2020 йилда бўлиб ўтган Ўзбекистон касаба уюшмалари федерациясининг саккизинчи қурултойи иштирокчиларига йўллаган табригида касаба уюшмалари тизимида кенг кўламли чора-тадбирлар амалга оширилганини, меҳнат жамоаларида ходимларни ижтимоий-иқтисодий қўллаб-қувватлаш ишлари янги босқичга кўтарилганини, мамлакатимиздаги энг йирик фуқаролик институти бўлган касаба уюшмаларининг ўрни ва роли ошиб бораётганини алоҳида эътироф этиб, мустақил давлатимиз тарихида илк бор 11 ноябрни – “Касаба уюшмалари куни” этиб белгилаш таклифини билдирган эди.

2020 йилнинг 23 ноябрида Ўзбекистон Республикасининг “Ўзбекистон касаба уюшмалари кунини белгилаш тўғрисида”ги қонуни қабул қилиниб, 11 ноябрь – Касаба уюшмалари куни этиб белгиланди. Ўзбекистон Касаба уюшмалари Федерацияси 6 миллиондан ортиқ аъзони ўз ичига олган 14 тармоқ касаба уюшмаси таркибида 35 мингдан ортиқ бошланғич ташкилотни, жумладан, 3 миллионга яқин нафар хотин-қиз ва 2 миллион нафардан ортиқ 30 ёшгача бўлган ёшларни бирлаштирган.

Ўзбекистон профессионал бокс федерацияси байрам муносабати билан соҳа вакилларини самимий муборакбод этади.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
733
Ўзбекистон профессионал бокс федерацияси расмий телеграм канали

11 Nov, 03:46

🇺🇸🇲🇽🥊Жесси Родригес нокаут эвазига WBC камарини ҳимоя қилди

АҚШнинг Пенсильвания штати Филадельфия шаҳрида профессионал бокс кечаси ташкил этилди.

Оқшом доирасида биринчи ўта енгил вазн тоифасида WBC чемпиони, The Ring журнали талқини бўйича P4P рейтингида Топ-10`таликка кирувчи Жесси Родригес ўз камарини мажбурий даъвогар ва шу билан бирга вақтинчалик чемпион Педро Геварага қарши жангда ҳимоя қилди.

Родригес икки вазн тоифасида жаҳон чемпиони ҳисобланади. Мексикалик 36 ёшли Геварага қарши жанг учинчи раундда тўхтатилди. Кетма-кет иккита нокдаундан сўнг рефери жангни тўхтатишга мажбур бўлди. Бу ғалаба 24 ёшли Жессига ўз вазнидаги камарларни бирлаштириш имкониятини оширди.

Обуна бўлинг 👉 Телеграм
772
Ўзбекистон профессионал бокс федерацияси расмий телеграм канали

10 Nov, 07:16

🇺🇸🇺🇦🥊Шаҳрам Ғиёсовнинг вазнидаги IBF чемпиони камарини муваффақиятли ҳимоя қилди

🇺🇸Бугун тонг саҳарда АҚШнинг Пенсильвания штати Филадеьфия шаҳрида профессионал бокс кечаси ташкил этилди.

Оқшомнинг асосий жанги яримўрта вазн тоифасида ўтказилиб, унда IBF чемпиони Жейрон Эннис украиналик 28 ёшли даъвогар Карен Чухажянга қарши рингга кўтарилди. Бу боксчиларнинг ўзаро ўтказган иккинчи жанги эди. Бу сафар ҳам Карендан реваншдан унумли фойдалана олмади.

Ўтган йилнинг январь ойида ўтган илк жангда Эннис ҳакамларнинг якдил қарори билан ғалаба қозонган эди. Ўшанда уччала ҳакам ҳам 120-108 ҳисобидаги ғалабани Жейронга тақдим этганди.

Бугунги жанг ҳам тўлиқ 12 раунд давом этди. Эннис бешинчи раундда рақибини нокдаун ҳолатига ҳам тушириб қўйди. Якунда чемпион ҳакамларнинг 119-107, 117-109, 116-110 ҳисобидаги ғалабаси эвазига камарини муваффақиятли ҳимоя қилди.

Обуна бўлинг 👉 Телеграм
916
Ўзбекистон профессионал бокс федерацияси расмий телеграм канали

09 Nov, 13:29

📖МУТОЛАА ВАҚТИ: Муҳаммад Али "қирол" эканини исботлаган оқшом ёхуд ўрмонда шовқин кўтарган жанг

🇺🇸🔥Бундан ярим аср олдин, 1974 йилнинг 30 октябрида ХХ асрнинг энг машҳур бокс жангларидан бири бўлиб ўтганди...

🇨🇩🥊Жанг 60 000 мухлисга мўлжалланган Конго Демократик Респубикаси (ўша пайтда давлат номи Зоир эди)да тонг саҳар соат 4 да ташкил этилганди...

ЎҚИШНИ ТАВСИЯ ҚИЛАМИЗ
👇👇👇👇👇
https://olamsport.com/uz/news/110770

Обуна бўлинг👉 Olamsportcom
878
Ўзбекистон профессионал бокс федерацияси расмий телеграм канали

09 Nov, 10:33

🇺🇿🤝🇷🇺Ғиёсов ва Мадримов Тошкентда Ражаб Бутаев билан бирга шуғулланмоқда

Профессионал боксчиларимиз Шаҳрам Ғиёсов ва Исроил Мадримов шу кунларда Тошкентда машғулот ўтказишяпти.

Ҳамюртларимиз ўзларининг навбатдаги жангларига тайёргарликнинг илк босқичида россиялик жамоадошлари Ражаб Бутаев билан бирга машғулот ўтказишди.

Бу ҳақда Ғиёсов ўзининг Инстаграм саҳифасига жойлаган суратида хабар бериб, унга "жамоа" дея изоҳ берган.

Маълумот учун, Исроил Мадримов навбатдаги жангини 21 декабрь куни украиналик Сергей Богачукка қарши ўтказса, Шаҳрам Ғиёсов WBA чемпиони Эймантас Станионис билан тўқнаш келади.

Обуна бўлинг 👉 Телеграм
1,157
Ўзбекистон профессионал бокс федерацияси расмий телеграм канали

08 Nov, 10:56

🇺🇸🥊Кун тарихи. Бундан чорак аср аввал, 1999 йилнинг шу куни Деррек Жефферсон олтинчи раундда Морис Харрисни чуқур нокаутга учратганди. Бу "Йил нокаути" сифатида тан олинганди...

Обуна бўлинг 👉 Телеграм
950
Ўзбекистон профессионал бокс федерацияси расмий телеграм канали

08 Nov, 07:49

🇺🇿🇱🇹🥊Ғиёсов — Станионис чемпионлик жангининг промоутерлик савдоси бошқа санага кўчирилди

Бу ҳақда WBA расмий сайти хабар бермоқда.

Литвалик проф бокс устаси, яримўрта вазн тоифасида WBA чемпиони Эймантас Станионис ҳамда ўзбекистонлик мажбурий даъвогар Шаҳрам Ғиёсов жангига буйруқ берилган эди.

Бир ой муддат ичида боксчилар жамоаси келишувга эриша олмаганидан кейин 8 ноябрь, яъни бугун промоутерлар ўртасида кимошди савдоси ўтказилиши керак эди. Аммо жамоалар таклифига кўра, жараён 19 ноябрь санасига кўчирилди.

Аввалроқ, мазкур жанг Ўзбекистонда ўтказилиши мумкинлиги ҳақида хабар бергандик.

Обуна бўлинг 👉 Телеграм
1,156
Ўзбекистон профессионал бокс федерацияси расмий телеграм канали

08 Nov, 03:33

🇺🇿🇺🇸🥊Исроил Мадримов Оскар де ла Хойя сабаб Вержил Ортисга қарши жанг қила олмаслиги мумкин

Аввалроқ, "Matchroom Boxing" промоутерлик компанияси раҳбари Эдди Хирн "Golden Boy" раҳбари Оскар де ла Хойяга 5х5 форматидаги йирик жанг оқшоми ташкил этиш таклифини берганди.

Хирн томонидан таклиф қилинган кардга кўра, ҳамюртимиз Исроил Мадримов Вержил Ортис билан жанг қилиши керак эди.

Бироқ Де Ла Хойя бунга қарши чиқиб, мижози Вержил Ортис фақатгина Жейрон Эннис билан жанг қилиши мумкинлигини айтди. Эдди Хирн эса бунга рози бўлди.

Маълумот ўрнида, Исроил Мадримов 21 декабрь куни Ар-Риёдда ташкил этиладиган Усик - Фьюри II карди доирасида украиналик Сергей Богачук билан жанг қилади.

Обуна бўлинг 👉 Телеграм
1,748
Ўзбекистон профессионал бокс федерацияси расмий телеграм канали

07 Nov, 13:49

🇺🇸🥊Таниқли промоутер Фрэнк Уоррен бокс тарихидаги Топ-5 чарм қўлқоп усталарини санаб берди. Ҳақиқатан ҳам, уларнинг бари афсона...

Обуна бўлинг 👉 Телеграм
1,355
Ўзбекистон профессионал бокс федерацияси расмий телеграм канали

06 Nov, 07:39

🇺🇸🥊Кун тарихи. Бундан 30 йил аввал, 1994 йилнинг шу куни Жорж Форман супероғир вазн тоифаси тарихидаги энг ёши катта жаҳон чемпионига айланган эди. Ўша куни 45 ёшли афсонавий Форман рақиби Майкл Мурерни жангнинг 10-раундида нокаутга учратганди.

Жанг олдидан Мурер яққол фаворит эди. Нокаутга қадар ҳакамларнинг қайдларида очколар ҳисобига кўра катта фарқ билан ғалаба қозонаётган эди.

💸Ўша жангдаги Мурернинг гонорари $7 млн, Форманники эса — $3 млн долларни ташкил қилганди.

🥊Жорж Форманнинг нокаути "The Ring" журнали томонидан "Йил нокаути" сифатида эътироф этилганди...

Обуна бўлинг 👉 Телеграм
1,398
Ўзбекистон профессионал бокс федерацияси расмий телеграм канали

06 Nov, 05:55

🇺🇸🥊Афсонанинг жангига 😀😇 кун қолди!

Америкалик бокс афсонаси Майк Тайсон ҳамда блогер-боксчи Жейк Пол жангига бир ҳафтадан сал кўпроқ вақт қолди. Ушбу жанг 16 ноябрь тонгида АҚШнинг Техас штати Арлингтон шаҳрида бўлиб ўтади.

Аслида жанг 20 июль куни ўтказилиши керак эди. Лекин 57 ёшли Тайсоннинг соғлиғидаги муаммо сабаб жанг кечроқ муддатга кўчирилганди...

Обуна бўлинг 👉 Телеграм
1,265
Ўзбекистон профессионал бокс федерацияси расмий телеграм канали

06 Nov, 04:14

🎁🎂Зиёвуддин Ҳожиниязовни табриклаймиз!

🇺🇿🥊Бугун Ўзбекистон профессионал бокс федерацияси раиси ўринбосари, Халқаро Кураш ассоциацияси вице-президенти, дунё спорт оламида катта тажриба ва ҳурматга эга спорт фидоийси Зиёвиддин Ҳожиниязов ўз таваллуд айёмини нишонлаяпти.

Бугунги кун қаҳрамони ҳам миллий спорт туримиз кураш, ҳам ўзбек профессионал боксини дунёда янада оммалаштириш, ривожлантириш йўлида айтишга арзигулик ишларни амалга ошириб келмоқда.

🇺🇿🥊Ўзбекистон профессионал бокс федерацияси бугунги қувончли кун билан Зиёвуддин Ҳожиниязовни самимий муборакбод этади. У кишига узоқ умр, сиҳат-саломатлик, оилавий бахт тилаймиз.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,344
Ўзбекистон профессионал бокс федерацияси расмий телеграм канали

05 Nov, 06:05

🇺🇸🥊Кун тарихи. Етти йил аввал, 2017 йилнинг шу куни америкалик 32 ёшли Деонтей Уайлдер биринчи раунднинг ўзида 39 яшар Бермейн Стивернни нокаутга учратган эди. Бу икки боксчининг ўзаро ўтказган иккинчи жанги эди. Илк тўқнашувда Уайлдер ҳакамлар қарорига кўра 120-107, 119-108, 118-109 ҳисобида ғалаба қозониб, рақибидан WBC чемпионлик камарини тортиб олганди...

Обуна бўлинг 👉 Телеграм
1,004
Ўзбекистон профессионал бокс федерацияси расмий телеграм канали

04 Nov, 05:35

🇺🇿🇱🇹Шаҳрам Ғиёсов - Эймантас Станионис чемпионолик жанги Ўзбекистонда ўтказилиши мумкин

Аввалроқ, WBA 8 ноябрь куни Ғиёсов — Станионис жанги учун промоутерлик савдоси ўтказилишини эълон қилган эди.

Айни пайтда WBA чемпионлик камари учун кечадиган ушбу жангни юртимизда ўтказиш учун промоутерлар музокараларни бошлашган.

Обуна бўлинг 👉 Телеграм
999
Ўзбекистон профессионал бокс федерацияси расмий телеграм канали

03 Nov, 09:01

📹Бектемир Мелиқўзиевнинг бугунги 12 раунд давом этган жанги...

Обуна бўлинг 👉 Телеграм
1,125
Ўзбекистон профессионал бокс федерацияси расмий телеграм канали

03 Nov, 07:51

🥊WBO ташкилотига янги президент сайланди

Шу кунгача Бутунжаҳон бокс ташкилоти (WBO)ни бошқариб келган 76 ёшли Франсиско Валькарсел ўз хоҳиши билан президентликни топширди.

У WBO ташкилотининг йиллик 37-конгрессида лавозимидан кетишини эълон қилди. Унинг ўрнини ихтисослиги юрист бўлган яна бир функционер Густаво Оливьери эгаллади. Ушбу суратда Густаводан ташқари қолган тўрт йўналиш президентлари Маурисио Сулейман (WBC), Дэррил Пиплз (IBF) ва Хильберто Мендоса (WBA)ни кўриш мумкин.

Конгресснинг сўнгги куни WBO ташкилотининг янги президенти сайланди. Кўпчилик 1996 йилдан бери WBO президенти бўлиб келаётган Валькарселнинг янги муддатга қолишини тахмин қилиб турган бир пайтда кекса Франсиско ўз постида кетишини эълон қилди. Янги президент Оливьера саккиз йилдан бери Валькарселнинг ёрдамчиси бўлиб ишлаб келаётганди.

Обуна бўлинг 👉 Телеграм
1,426
Ўзбекистон профессионал бокс федерацияси расмий телеграм канали

03 Nov, 04:43

🇺🇿👏Чарм қўлқоп устамиз Бектемир Мелиқўзиев бугун фаолиятидаги 15-ғалабасини қўлга киритди. Катта эҳтимол билан унинг кейинги жанги чемпионлик камари учун кечади...

Обуна бўлинг 👉 Телеграм
1,351
Ўзбекистон профессионал бокс федерацияси расмий телеграм канали

03 Nov, 04:33

🇺🇿🇺🇸🥊Ботир Аҳмедов икки ҳафтадан кейин Саудияда рингга чиқади

Биринчи яримўрта вазн тоифасида ўз жангларини ўтказиб келаётган ҳамюртимиз Ботир Аҳмедовнинг навбатдаги жанги эълон қилинди.

Бир неча бор чемпионлик камарлари учун жанг ўтказган чарм қўлқоп устамиз 16 ноябрь куни Саудия Арабистонининг Ар-Риёд шаҳрида ташкил этиладиган проф бокс оқшомида рингга чиқади.

Эътиборлиси, бу жанги ҳам WBA камари учун Элиминатор мақомида бўлади. Ўн икки раундлик жангда унга мексикалик Оскар Дуарте рақиблик қилади.

Маълумот учун, Ботир Аҳмедов сўнгги жангини 2023 йилнинг ноябрь ойида Россиянинг Сочи шаҳрида яна бир ҳамюртимиз Муҳаммадсалим Сотволдиевга қарши ўтказиб, ғалаба қозонганди. Дуарте эса шу йилнинг апрелида америкалик собиқ жаҳон чемпиони Жозеф Диасни тўққизинчи раундда нокаутга учратган эди.

Обуна бўлинг 👉 Телеграм
1,277
Ўзбекистон профессионал бокс федерацияси расмий телеграм канали

03 Nov, 03:12

🇺🇿🇺🇸🔥Ўн икки раунд тўлиқ давом этган жанг якунида ҳакамлардан икки нафари 118-110 ва 117-111 ҳисобларида ғалабани Бектемир Мелиқўзиевга берди. Учинчи ҳакамнинг фикрича, америкалик боксчи бу жангда 116-112 ҳисоби билан ғалаба қозонган...

Обуна бўлинг 👉 Телеграм
1,142
Ўзбекистон профессионал бокс федерацияси расмий телеграм канали

03 Nov, 02:50

🇺🇿👏Элиминатор мақомидаги жангда Бектемир Мелиқўзиев Дэвид Стивенсни мағлуб этди

🇺🇸🥊Айни дақиқаларда АҚШнинг Невада штати Лас-Вегас шаҳрида профессионал бокс турнири давом этмоқда.

Ҳозиргина оқшомнинг co main-event жанги якунланди. Унда иккинчи ўрта вазн тоифасидаги профессионал боксчимиз Бектемир Мелиқўзиев (15-1, 10 КО) америкалик Дэвид Стивенс (14-2, 10 КО)га қарши чемпионлик камари учун саралаш жангини ўтказди.

Ўн икки раунд тўлиқ давом этган муросасиз жангда Мелиқўзиев ҳакамларнинг айри қарори билан очколар ҳисобига кўра ғалаба қозонди ҳамда иккинчи ўрта вазн тоифасида WBA чемпионлик камари учун расмий ва мажбурий даъвогарга айланди.

Жангдан олдин ҳар иккала боксчи ҳам бир хил кўрсаткичга эга эди. Яъни, 14 тадан ғалаба ва 1 та мағлубият. Бугун Бектемир фаолиятидаги 15-ғалабасини қўлга киритди. Стивенс эса аксинча иккинчи мағлубиятини қабул қилиб олди. Мелиқўзиевнинг бурчагида ака-ука Диаслар билан бирга яна бир боксчимиз Ботир Аҳмедовни ҳам кўриш мумкин эди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
3,033
Ўзбекистон профессионал бокс федерацияси расмий телеграм канали

02 Nov, 08:25

🇺🇿🇺🇸⚖️Бектемир Мелиқўзиев Дэвид Стивенсдан 1,2 кг оғирроқ тош босди

Профессионал боксчимиз Бектемир Мелиқўзиев (14-1, 10 КО) ва унинг америкалик рақиби Дэвид Стивенс (14-1, 10 КО) тарозидан ўтиш маросимида ҳозир бўлишди.

Ушбу жанг ғолиби иккинчи ўрта вазн тоифасида WBA чемпионлик камари учун расмий ва мажбурий даъвогарга айланади. Жанг эртага тонг саҳарда АҚШнинг Лас-Вегас шаҳрида бўлиб ўтади.

Тарозида 28 ёшли чарм қўлқоп устамиз 77,1 кг, 24 ёшли Стивенс эса 75,9 кг тош босди.

Обуна бўлинг 👉 Телеграм
948
Ўзбекистон профессионал бокс федерацияси расмий телеграм канали

02 Nov, 07:54

🎁🎂Муроджон Аҳмадалиев 30 ёшга тўлди!

🇺🇿Бугун ўзбек спортида ўз ўрнига эга профессионал боксчимиз Муроджон Аҳмадалиев 30 ёшни қаршилади.

Муроджон Аҳмадалиев 1994 йил 2 ноябрь куни Наманган вилоятида туғилган. Ҳаваскор бокс бўйича Осиё чемпиони (2017), жаҳон чемпионати финалчиси (2015) ва Рио-2016 Олимпия ўйинларининг бронза медали соҳиби ҳисобланади. Тошкентдаги Осиё чемпионатидан сўнг Муроджон фаолиятини профессионал боксда давом эттирди ва жуда қисқа фурсат, атиги саккизинчи жангидаёқ енгил вазн тоифасида WBA ва IBF чемпионлик камарларини қўлга киритди.

Унинг бу муваффақияти давлатимиз томонидан "Ўзбекистон Республикасида хизмат кўрсатган спортчи" ва “Ўзбекистон ифтихори” фахрий унвонлари билан тақдирланган.

🇺🇿🥊Ўзбекистон профессионал бокс федерацияси Муроджон Аҳмадалиевни бугунги айём табриклаб, унга узоқ умр, сиҳат-саломатлик тилайди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
914
Ўзбекистон профессионал бокс федерацияси расмий телеграм канали

02 Nov, 02:28

🇺🇿⚖️Бектемир Мелиқўзиев тарозидан муваффақиятли ўтиб олди

Иккинчи ўрта вазн тоифаси WBA рейтингида 5-ўринни эгаллаб турган Бектемир Мелиқўзиев (14-1, 10 КО) эртага тонг саҳарда АҚШда проф фаолиятидаги 16-жангини ўтказади. У WBA рейтингида 9-поғонада бораётган америкалик Дэвид Стивенс (14-1, 10)га қарши рингга кўтарилади.

Эътиборлиси, ушбу жанг WBA камари учун саралаш васифасини ўтаб беради. Бугун боксчилар тарози ҳамда сўнгги face to face маросимларидан муваффақиятли тарзда ўтиб олишди.

Обуна бўлинг 👉 Телеграм
1,037
Ўзбекистон профессионал бокс федерацияси расмий телеграм канали

01 Nov, 07:49

🇺🇿🇺🇸🥊Бектемир Мелиқўзиев матбуот анжуманида жангга тайёр эканини маълум қилди...

Обуна бўлинг 👉 Телеграм
985
Ўзбекистон профессионал бокс федерацияси расмий телеграм канали

01 Nov, 04:57

🇺🇿🇺🇸🥊Бектемир Мелиқўзиев билан бирга ўзбекчани ўрганамиз дегани шу бўлади...

Обуна бўлинг 👉 Телеграм
953
Ўзбекистон профессионал бокс федерацияси расмий телеграм канали

01 Nov, 04:37

🇺🇿🇺🇸😁Бектемир Мелиқўзиев иштирокидаги матбуот анжуманига бокс оқшоми ташкилотчиси, "Golden Boy" промоутерлик компанияси раҳбари афсонавий Оскар де ла Хойя Хеллоуин сабаб Joker кўринишида кириб келди...

Обуна бўлинг 👉 Телеграм
1,575
Ўзбекистон профессионал бокс федерацияси расмий телеграм канали

31 Oct, 03:36

🇱🇹🇺🇿🥊WBA чемпион Эймантас Станионис ҳамда даъвогар Шаҳрам Ғиёсов жанги учун промоутерлик савдосини эълон қилди

Бутунжаҳон бокс ассоциацияси (WBA) ҳамюртимиз Шаҳрам Ғиёсов иштирокидаги чемпионлик жангига промоутерлик савдосини эълон қилди.

Сентябрь ойида WBA яримўрта вазн тоифасидаги чемпион, литвалик Эймантас Станионис ҳамда мажбурий даъвогар Шаҳрам Ғиёсов жангига буйруқ берган эди.

Лекин боксчиларнинг жамоалари бир ой ичида жанг санаси, манзили ва шартлари бўйича келиша олишмади. Эндиликда промоутерлар ўртасида кимошди савдоси ташкил этилади. Очиқ савдо 8 ноябрь кунига белгиланди.

Маълумот учун, Шаҳрам Ғиёсов сўнгги жангида мексикалик Мигель Парра (22-4-1)ни мағлубиятга учратган эди. Тўлиқ 10 раунд давом этган жангда ҳакамларнинг икки нафари Шаҳрам, яна бири Парранинг ғалаба қозонганини қайд этганди. Бу билан проф боксчимиз 16-жангида ҳам ғалаба қозонганди.

Литвалик 30 ёшли Станионис эса проф боксда 15 та жанг ўтказиб, барчасида ғалаба қозонган. Жангларининг 9 тасини муддатидан аввал якунлаган. Станионис шу йилнинг май ойида икки йиллик танаффусдан сўнг рингга қайтиб, рейтингнинг тўртинчи поғонасида бораётган венесуэлалик 37 ёшли Габриэль Маэстрени очколар (117-111, 118-110, 119-109) ҳисобида таслим этган эди. Бу Габриэль учун фаолиятидаги илк мағлубият бўлганди.

Обуна бўлинг 👉 Телеграм
889
Ўзбекистон профессионал бокс федерацияси расмий телеграм канали

30 Oct, 07:14

🇨🇩🇩🇪🥊IBF супероғир вазнда Элиминатор жангини эълон қилди

IBF ташкилоти супероғир вазн тоифасидаги яна бир муҳим жангни анонс қилди.

Унда Мартин Баколе (21-1, 16 КО) ва Агит Кабайел (25-0, 17 КО) ўзаро рингда тўқнаш келади. Ушбу жанг учун 5 ноябрга қадар музоакара ўтказиш вақтини белгилади. Жанг IBF йўналиши супероғир вазн тоифасида жаҳон чемпиони Даниэль Дюбуанинг навбатдаги мажбурий рақибини аниқлаш учун якуний Элиминатор бўлиб хизмат қилади.

Хабарингиз бор, ушбу вазн тоифасида Баҳодир Жалолов ҳам ўз жангларини ўтказиб келмоқда. Аммо чарм қўлқоп устамиз ҳозирча ташкилот рейтингидан ўрин олмаган.

Обуна бўлинг 👉 Телеграм
1,126
Ўзбекистон профессионал бокс федерацияси расмий телеграм канали

30 Oct, 03:36

🇺🇿🥇💞Париж-2024 Олимпиадаси чемпиони Абдумалик Ҳалоков уйланди. Ўзбекистон профессионал бокс федерацияси бухоролик чарм қўлқоп устамизга бахт тилайди. Ҳаваскор боксда барча мусобақа медаллари қўлга киритилди. Навбат профессионал бокс чўққисини забт этишга!

Обуна бўлинг 👉 Телеграм
1,196
Ўзбекистон профессионал бокс федерацияси расмий телеграм канали

30 Oct, 03:09

🇺🇿🥊Бектемир Мелиқўзиев томонидан йўлланадиган энг хавфли зарба. Рақиблар жигаримга теккиза олмадингку дея олмайди...

Обуна бўлинг 👉 Телеграм
1,068
Ўзбекистон профессионал бокс федерацияси расмий телеграм канали

29 Oct, 10:14

🇺🇿🥊Бектемир Мелиқўзиев машғулотларни якунлади, 2 ноябрь куни жанг!

Иккинчи ўрта вазн тоифаси WBA рейтингида 5-ўринни эгаллаб турган Бектемир Мелиқўзиев (14-1, 10 КО) машғулотларни якунлади.

🇺🇸Чарм қўлқоп устамиз 2 ноябрь куни АҚШда проф фаолиятидаги 16-жангини ўтказади. У WBA рейтингида 9-поғонада бораётган америкалик Дэвид Стивенс (14-1, 10)га қарши рингга кўтарилади.

Эътиборлиси. ушбу жанг WBA камари учун саралаш васифасини ўтаб беради.

Обуна бўлинг 👉 Телеграм
1,277
Ўзбекистон профессионал бокс федерацияси расмий телеграм канали

29 Oct, 06:59

🇺🇸🇬🇧🥊Кун тарихи. Бир йил аввал, 2023 йилнинг шу куни Тайсон Фьюри 10 раунд тўлиқ давом этган бокс қоидалари асосидаги жангда ҳакамларнинг айри қарори билан аралаш яккакураш устаси Фрэнсис Нганнуни мағлуб этганди.

Обуна бўлинг 👉 Телеграм
976
Ўзбекистон профессионал бокс федерацияси расмий телеграм канали

27 Oct, 17:45

🇺🇿🥊Расман! Муроджон Аҳмадалиев вақтинчалик WBA камари учун жанг ўтказади

Биринчи ярименгил вазнда собиқ жаҳон чемпиони, WBA камари учун расмий даъвогар Муроджон Аҳмадалиевнинг жанг тафсилотлари маълум бўлди.

Чарм қўлқоп устамиз вақтинчалик WBA камари учун жанг ўтказади. Муроджон Аҳмадалиев (12-1, 9 КО) 14 декабрь куни Монте-Карло шаҳрида Matchroom промоутерлик компанияси томонидан ташкил этилаётган проф бокс оқшомининг марказий жангида рингга кўтарилади. Жанг ярименгил вазнда вактинчалик WBA камари учун бўлиб ўтади.

Шу куни 29 ёшли боксчимиз мексикалик 27 ёшли Рикардо Эспиноса Франко (30-4, 25 КО)га қарши рингга чиқади. Бу боксчи WBA рейтингида 13-ўринни эгаллаб турибди. Рикардо Эспиноса Франко 2019 йилда енгил вазнда вақтинчалик WBO камари учун ҳам жанг ўтказган эди. Ўшанда у уч вазн тоифасида жаҳон чемпиони Жон Рил Касимерога 11-раундда нокаут билан ютқазганди. Жанг тўхтатилгунига қадар ҳакамлар ҳисоб-китобига кўра дуранг бўлиб турган эди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,555
Ўзбекистон профессионал бокс федерацияси расмий телеграм канали

27 Oct, 07:59

🇬🇧🇺🇸🥊Жек Кэттерол собиқ жаҳон чемпиони Реджис Прогрейсни мағлуб этди

🇬🇧Буюк Британиянинг Манчестер шаҳрида профессионал бокс кечаси ўтказилди.

Оқшом доирасида британиялик Жек Кэттерол биринчи яримўрта вазнда собиқ жаҳон чемпиони Реджис Прогрейсга қарши рингга кўтарилди. Жек жангга қадар WBC рейтингида иккинчи, WBA йўналишида бешинчи, IBFда учинчи, WBO версиясида иккинчи ўринни эгаллаб турганди.

Ўн икки раунд тўлиқ давом этган жангда 31 ёшли Кэттерол 35 яшар америкалик Прогрейсни 117-108, 116-109, 116-109 ҳисобларида мағлубиятга учратди. Аввалига Реджис бешинчи раундда Жекни енгил нокдаун ҳолатига тушириб қўйди. Тўққизинчи раундда эса Кэттерол иккита нокдаун билан жавоб қайтарди.

Обуна бўлинг 👉 Телеграм
1,185
Ўзбекистон профессионал бокс федерацияси расмий телеграм канали

27 Oct, 06:57

🇷🇺🥊Собиқ жаҳон чемпиони Мурат Гассиев нокаутли ғалаба билан қайтди

🇦🇲Арманистон пойтахти Ереван шаҳрида "IBA Чемпионлар оқшоми" профессионал бокс турнири бўлиб ўтди.

Кечанинг марказий жангида биринчи оғир вазн тоифасида собиқ жаҳон чемпиони, россиялик Мурат Гассиев даниялик Кем Юнгквистга қарши рингга кўтарилди. Супероғир вазн тоифасида ташкил этилган 10 раундлик жанг муддатидан аввал якунланди.

Жангнинг бешинчи раундида Гассиев Юнгквистнинг бош, тана ва жигар қисмига кучли ҳамда аниқ зарбалар сериясини йўллаб, рақибини нокаутга учратди.

Обуна бўлинг 👉 Телеграм
1,111
Ўзбекистон профессионал бокс федерацияси расмий телеграм канали

26 Oct, 08:10

🇺🇿🥊IBF ва WBA йўналишларида собиқ жаҳон чемпиони Муроджон Аҳмадалиев айни пайтда АҚШда машғулотларга зўр берган. У нафақат чемпионлик камарларини қайтариб олмоқчи, балки ўз вазнида мутлақ жаҳон чемпиони бўлишни мақсад қилган...

Обуна бўлинг 👉 Телеграм
1,472
Ўзбекистон профессионал бокс федерацияси расмий телеграм канали

25 Oct, 12:48

🇺🇿🥊Баҳодир Жалолов WBC'нинг янгиланган рейтингида 9-ўринда қайд этилди

Бутунжаҳон бокс иттифоқи (WBC) октябрь ойи учун янгиланган рейтингни эълон қилди.

Супероғир вазн тоифасидаги боксчимиз Баҳодир Жалолов янгиланган рейтингда тўққизинчи ўринда қайд этилди. Вазн чемпиони украиналик Александр Усик бўлса, унинг бўлажак рақиби Тайсон Фьюри рейтингда карвонбошилик қиляпти.

✅WBC Топ-10 рейтинги:

1. Тайсон Фьюри (Буюк Британия)
2. Агит Кабаэль (Германия)
3. Мартин Баколе (Конго)
4. Жанг Жилей (Хитой)
5. Лоуренc Околи (Конго)
6. Энтони Жошуа (Буюк Британия)
7. Фабио Уордли (Англия)
8. Эфе Ажагба (Нигерия)
9. Баҳодир Жалолов (Ўзбекистон)
10. Франк Санчез (Куба).

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,499
Ўзбекистон профессионал бокс федерацияси расмий телеграм канали

25 Oct, 12:21

🇷🇺🥊✅Кун тарихи. Роппа-роса 10 йил аввал, 2014 йилнинг шу куни россиялик супероғир вазн тоифаси вакили Александр Поветкин Москвадаги "Лужники" аренасида ўтган бокс оқшомида Карлос Такамни нокаутга учратган эди...

Обуна бўлинг 👉 Телеграм
982
Ўзбекистон профессионал бокс федерацияси расмий телеграм канали

25 Oct, 04:14

🇺🇿🇺🇿25 октябрь — Ўзбекистон Ички ишлар органлари ходимлари куни!

Бугун Ўзбекистон Ички ишлар органлари ташкил этилганига 34 йил тўлди.

Сана муносабати билан Ўзбекистон профессионал бокс федерацияси юртимиз тинчлиги, осойишталиги йўлида туну кун хизмат қилаётган ички ишлар органи ходимларини бугунги касб байрами билан муборакбод этади. Барчангизга мустаҳкам соғлик, оилавий бахт ва тинчлик тилаймиз!

Байрамингиз муборак бўлсин, тинчлик посбонлари!

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
902
Ўзбекистон профессионал бокс федерацияси расмий телеграм канали

24 Oct, 12:24

🇯🇵🇦🇺🥊✅Расман! Наоя Иноуэнинг навбатдаги жанги тасдиқланди

Иккинчи энг енгил вазн тоифасида япониялик мутлақ жаҳон чемпиони Наоя Иноуэ декабрь ойида рингга қайтади.

У 24 декабрь куни Токио шаҳрида ташкил этиладиган бокс оқшоми доирасида австралиялик даъвогар Сэм Гудмандан IBF чемпионлик камарини ҳимоя қилишга уриниб кўради.

Иноуэнинг WBA камарига мажбурий даъвогар бўлиб турган ҳамюртимиз Муроджон Аҳмадалиевнинг эса декабрь ойида WBA Interim камари учун жанг қилиши айтилмоқда.

Обуна бўлинг 👉 Телеграм
1,213
Ўзбекистон профессионал бокс федерацияси расмий телеграм канали

24 Oct, 07:21

🇺🇿🇺🇦📹Исроил Мадримов Сергей Богачукка қарши жанг учун тайёргарликларни юртимизда давом эттирмоқда

🇸🇦Жанг 21 декабрь куни Ар-Риёд шаҳрида ўтказилади...

Обуна бўлинг 👉 Телеграм
1,158
Ўзбекистон профессионал бокс федерацияси расмий телеграм канали

24 Oct, 05:02

🇺🇦🇬🇧Усик ва Фьюри реванш жанги олдидан face to face маросимида тўқнаш келишди

Супероғир вазнда учта асосий йўналиш чемпиони украиналик Александр Усик ҳамда британиялик Тайсон Фьюри ўртасидаги реванш жанги 21 декабрь куни Саудия Арабистони пойтахти Ар-Риёд шаҳрида бўлиб ўтади.

Кеча боксчилар face to face маросимида юзма-юз келишди ва ҳар доимгидек Фьюри ўз ҳазили билан барчага табассум улашди.

Бу боксчилар ўртасида кечган илк жанг 18 май куни айнан Ар-Риёдда ўтказилиб, унда украиналик боксчи очколар ҳисобига кўра ғалаба қозонган ҳамда мултақ жаҳон чемпионига айланган эди. Тўққизинчи раундда Усик рақибини нокдаун ҳолатига ҳам тушириб қўйганди.

Обуна бўлинг 👉 Телеграм
946
Ўзбекистон профессионал бокс федерацияси расмий телеграм канали

24 Oct, 02:27

🇬🇧🇺🇸🥊Леннокс Льюис Майк Тайсон билан реванш жангини ўтказиш ниятида

Британиялик собиқ жаҳон чемпиони Леннокс Льюис афсонавий Майк Тайсонга реванш беришга тайёрлигини маълум қилди.

Льюиснинг сўзларига кўра, у якуний қарорни Тайсоннинг Жейк Пол билан жангидан кейин қабул қилади.

"Аввал Майкнинг бўлажак жангда қандай ҳолатда бўлишини кўриб олайлик. Шундан кейин мен якуний жавобимни айтаман", деди Льюис.

Льюис ва Тайсон ўртасидаги жанг 2002 йилнинг ёзида бўлиб ўтган ва ўшанда Леннокс саккизинчи раундда нокаут эвазига ғалаба қозонганди.

Обуна бўлинг 👉 Телеграм
992
Ўзбекистон профессионал бокс федерацияси расмий телеграм канали

23 Oct, 13:56

🇺🇿🇺🇸🥊Муроджон Аҳмадалиев АҚШда машғулотларини давом эттирмоқда

Чарм қўлқоп устамиз айни пайтда АҚШда Бектемир Мелиқўзиев билан биргаликда тайёргарлик машғулотини олиб борятпи. Унинг кейинги жанги декабрь ойида WBA Interim камари учун ўтказилиши мумкинлиги айтилмоқда...

Обуна бўлинг 👉 Телеграм
1,119
Ўзбекистон профессионал бокс федерацияси расмий телеграм канали

23 Oct, 12:04

🇺🇿🥉💞Бугун Париж-2024 Олимпиадаси совриндори, +100 кг вазн тоифасидаги салобатли дзюдочимиз Алишер Юсупов уйланяпти. Ўзбекистон профессионал бокс федерацияси ва шахсан Ғофур Аҳмедович Раҳимов номидан Алишер Юсуповга бахт тилаймиз!

Обуна бўлинг 👉 Телеграм
948
Ўзбекистон профессионал бокс федерацияси расмий телеграм канали

23 Oct, 11:13

🇺🇿🥊The Ring янгиланган рейтингни эълон қилди. Мадримов ўз ўрнида қолди

Дунёга машҳур The Ring журнали октябрь ойи учун янгиланган рейтингни эълон қилди.

Супер яримўрта вазн тоифаси рейтингида профессионал боксчимиз, WBA йўналишида собиқ жаҳон чемпиони Исроил Мадримов ўтган ойдаги сингари иккинчи ўринда қайд этилди.

Австралиялик Тим Цзюни мағлуб этган россиялик Бахрам Муртазалиев рейтингга илк бор киритилиб, 3-ўринга жойлаштирилди. Цзюнинг ўзи эса 5-ўриндан 7-поғонага тушиб кетди.

✅The Ring рейтинги:

1. Теренc Кроуфорд (АҚШ)

2. Исроил Мадримов (Ўзбекистон)

3. Бахрам Муртазалиев (Россия)

4. Себастьян Фундора (АҚШ)

5. Виржил Ортис (АҚШ)

6. Сергей Богачук (Украина)

7. Тим Цзю (Австралия)

8. Хесус Рамос (АҚШ)

9. Чарльз Конуелл (АҚШ)

10. Брайан Мендоза (АҚШ).

Обуна бўлинг 👉 Телеграм
1,016
Ўзбекистон профессионал бокс федерацияси расмий телеграм канали

22 Oct, 16:14

🇷🇺🥊IBF ташкилоти Артур Бетербиевдан мажбурий ҳимоя талабини олиб ташлади

Аввалроқ, ташкилот Артурнинг германиялик мажбурий ва расмий даъвогар Михаэл Айферт билан жанг қилиши ҳақида хабар берганди.

Ушбу талаб бекор қилинди ва эндиликда Артур сўнгги рақиби Дмитрий Бивол билан реванш жангини эртароқ ўтказиши мумкин бўлади.

Реванш жангининг 2025 йилнинг октябрь ойида ўтказилши тахмин қилинмоқда.

Обуна бўлинг 👉 Телеграм
884
Ўзбекистон профессионал бокс федерацияси расмий телеграм канали

22 Oct, 10:44

🇺🇸🇺🇿🥊Бектемир Мелиқўзиевнинг АҚШдаги жангига 😀😇 кун қолди

Ўрта вазн тоифасидаги профессионал боксчимиз Бектемир Мелиқўзиев навбатдаги жангини 2 ноябрь куни ўтказади.

Унга АҚШнинг Лас-Вегас шаҳридаги "Theatre at Virgin Hotels" мажмуасида ташкил этиладиган бокс оқшомида америкалик Дэвид Стивенс рақиблик қилади. Ушбу жангга роппа-роса 10 кун вақт қолди...

Обуна бўлинг 👉 Телеграм
1,250
Ўзбекистон профессионал бокс федерацияси расмий телеграм канали

22 Oct, 04:47

🇯🇵🥊✅Наоя Иноуэнинг жанг санаси расман тасдиқланди

🇯🇵🇦🇺Иккинчи энг енгил вазн тоифасида мутлақ жаҳон чемпиони Наоя Иноуэ IBF йўналиши бўйича австралиялик мажбурий даъвогар Сэм Гудман билан жанг қилади.

Бу ҳақда Top Rank промоутерлик компанияси раҳбари Боб Арум ижтимоий тармоқлардаги саҳифаси орқали маълум қилди. Унга кўра, жанг 24 декабрь куни Японияда ташкил этилади.

Жанг аввалроқ эълон қилинган эди, аммо расмий тасдиқлов йўқ эди. Шу сабабли бир ҳафта олдин IBF (Халқаро бокс федерацияси) раҳбарияти томонларни жанг санаси ва жойини ошкора эълон қилишга чақирганди.

Маълумот учун, мазкур вазндаги ўзбекистонлик боксчи Муроджон Аҳмадалиев Наоянинг WBA камари учун даъвогар ҳисобланади.

Обуна бўлинг 👉 Телеграм
1,284
Ўзбекистон профессионал бокс федерацияси расмий телеграм канали

21 Oct, 02:05

🇺🇿🥊Аббосхон Йўлдошев марказий жангда ютқазиб қўйди

🥊Кеча оқшом Buka Promotion компанияси томонидан ташкил этилган бокс оқшомининг асосий жангида қўқонлик Аббосхон Йўлдошев Шерзоджон Ҳабибовга қарши рингга кўтарилди.

Муросасиз кечган жангда ғолиб ҳакамлар қарорига кўра аниқланди. Унда Ҳабибоб жангда фаворит ҳисобланган рақибини очколар ҳисоби билан мағлубиятга учратишга муваффақ бўлди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,126
Ўзбекистон профессионал бокс федерацияси расмий телеграм канали

21 Oct, 01:35

🇺🇿🇺🇿21 октябрь - ўзбек тилига давлат тили мақоми берилган кун!

1989 йил 21 октябрда Давлат тили ҳақидаги қонуннинг қабул қилиниши Ўзбекистон учун Мустақиллик сари қўйилган дастлабки қадам бўлганди. Айнан шу тарихий ҳужжатга биноан ўзбек тили мустаҳкам ҳуқуқий асос ва юксак мақомга эга бўлди.

Тил инсонларнинг нафақат ўзаро алоқа воситаси, балки маънавияти, маърифати ҳамдир. Ўзбек тили халқимиз учун миллий ўзлигимиз, мустақил давлатимиз тимсолидир.

Ўзбекистон профессионал бокс федерацияси юртдошларимизни ўзбек тилига давлат тили мақоми берилганига 35 йил тўлиши муносабати билан муборакбод этади.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,006
Ўзбекистон профессионал бокс федерацияси расмий телеграм канали

20 Oct, 07:44

🇺🇿🥊Бугун Тошкентда навбатдаги профессионал бокс турнири ўтказилади

🥊Buka Promotion компанияси томонидан ташкил этилаётган бокс оқшомининг марказий жангида қўқонлик Аббосхон Йўлдошев Шерзоджон Ҳабибовга қарши рингга кўтарилади. Турнирдан жами 13 та жанг ўрин олган.

Маълумот учун, Йўлдошев сўнгги жангини 16 август куни Ali Boxing промоутерлик компанияси томонидан ташкил этилган бокс оқшомида тожикистонлик Рамазан Табаровга қарши ўтказиб, биринчи раунддаёқ рақибини техник нокаутга учратганди.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,537
Ўзбекистон профессионал бокс федерацияси расмий телеграм канали

20 Oct, 06:10

🇷🇺🇦🇺🥊Россиялик IBF чемпиони Бахрам Муртазалиев ҳамда австралиялик собиқ чемпион Тимофей Цзю иштирокидаги жангнинг ёрқин лаҳзалари. Келиб чиқиши россиялик бўлган Тим Цзю фаолиятида илк бор нокаут билан ютқазди. Бу унинг фаолиятидаги иккинчи мағлубият бўлди. У бундан аввалги жангида америкалик Себастьян Фундорага ютқазиб, чемпионлик камаридан маҳоум бўлганди...

Обуна бўлинг 👉 Телеграм
1,409
Ўзбекистон профессионал бокс федерацияси расмий телеграм канали

20 Oct, 05:25

🇷🇺🇦🇺🥊Бахрам Муртазалиев Тимофей Цзюни нокаут эвазига мағлуб этди

🇺🇸🥊Бугун тонг саҳарда АҚШнинг Орландо шаҳрида профессионал бокс турнири бўлиб ўтди.

Оқшомнинг марказий жанги биринчи ўрта вазн (69,9 кг.гача) тоифасида амалдаги IBF чемпиони россиялик Бахрам Муртазалиев ҳамда австралиялик собиқ чемпион Тимофей Цзю ўртасида ўтказилди.

Ўн икки раундлик чемпионлик жанги бироз кутилмаган натижа билан якунланди. Муртазалиев учинчи раундда номдор рақибини техник нокаут эвазига мағлубиятга учратди. Бу 31 ёшли Бахрам учун илк чемпионлик ҳимоя жанги бўлди. Собиқ мутлақ жаҳон чемпиони Константин Цзюнинг ўғли бўлган 29 ёшли Тим фаолиятида илк бор нокаут билан ютқазди.

Эътиборлиси, Муртазалиев иккинчи раунднинг ўзида уч бор Цзюни нокдаун ҳолатига тушириб қўйганди. Учинчи раунд олдидан Цзю шифокор кўригида ҳам бўлди. Тўртинчи нокдаундан кейин Тим Цзюнинг секундантлари жангни тўхтатишга мажбур бўлишди.

Эслатиб ўтамиз, шу йилнинг март ойида Тимофей Цзю америкалик Себастьян Фундорага ютқазиб, WBO чемпионлик камарини қўлда чиқарганди. Цзю ҳисобида 24 ғалаба ва 2 мағлубият бор. Муртазалиев эса бугун 23-ғалабасини тантана қилди. Нокаутли ғалабалари сони 16 тага етди. У мағлубият ва муроса нималигини билмай келяпти.

Обуна бўлинг 👉 Телеграм
1,086
Ўзбекистон профессионал бокс федерацияси расмий телеграм канали

19 Oct, 18:29

🇺🇿🥊Эртага пойтахтимизда Buka Promotion компанияси томонидан профессионал бокс оқшоми ўтказилади. Бугун боксчилар face to face маросимида юзма-юз келишди...

Обуна бўлинг 👉 Телеграм
1,105
Ўзбекистон профессионал бокс федерацияси расмий телеграм канали

19 Oct, 12:40

🇺🇿🥊Аббосхон Йўлдошев ва Шерзоджон Ҳабибов вазн ўлчаш ҳамда face to face маросимидан ўтиб олди

Эртага пойтахтимизда яна бир профессионал бокс турнири ўтказилади.

🥊Buka Promotion компанияси томонидан ташкил этилаётган бокс оқшомининг марказий жангида қўқонлик Аббосхон Йўлдошев Шерзоджон Ҳабибовга қарши рингга кўтарилади. Бироз аввал боксчилар тарозидан ўтиш маросимида юзма-юз келишди.

Обуна бўлинг 👉 Телеграм
2,008
Ўзбекистон профессионал бокс федерацияси расмий телеграм канали

19 Oct, 10:21

🎁🎂Ҳусан Ширматовни табриклаймиз!

🇺🇿🥊Uzb Promotion промоутерлик компанияси раҳбари Ҳусан Ширматов яна бир ёшга улғайди.

Бугунги шукрона кун соҳиби бир нечта профессионал бокс кечаларини муваффақиятли ташкил этишга муваффақ бўлган. Промоутер сифатида кўплаб таниқли боксчилар билан биргаликда ишлаб келяпти.

Фурсатдан фойдаланиб, Ўзбекистон профессионал бокс федерацияси раҳбарияти, реферилар, мураббийлар ва боксчилар номидан туғилган кунини нишонлаётган Ҳусан Ширматовни чин қалбдан муборакбод этамиз. Унга мустаҳкам соғлик, оилавий бахт, промоутерлик фаолиятида улкан муваффақиятлар тилаймиз.

✍️Ўзбекистон профессионал бокс федерацияси матбуот хизмати

Обуна бўлинг 👉 Телеграм
1,025

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.