Pozitsiya

“Ҳошия”

Журналист Инобат Ахатова иккимизнинг шахсий ғайрат ва истагимиз билан бошланган лойиҳанинг илк сони меҳмонлари — Олимпия чемпиони Диёра Келдиёрова ҳамда Параолимпия чемпиони ҳамда рекордчиси Асила Мирзаёрова.

Қизлар билан “шиша шифт”, қизлар спорти, мукофот пуллари, спортчиларнинг ижтимоий масъулияти ва оилавий ҳаёти каби мавзуларда суҳбатлашдик.

Подкастимизнинг 1-сонини шу ишчи ном билан тақдим қиляпмиз, ҳозирча.

Техник сабабларга кўра кечикиш учун узр.

Премьера бу ерда бўляпти, томоша қилинглар (лайк, улашиш, шарҳлаш олқишланади):

https://youtu.be/56IXgoFj0JY

@shahnozxon

Abdulla Avloniyning nabirasi Jamshid Avloniy so’zga chiqdi

Prezident:

“Yil o’qituvchisi” tanlovi o’tkaziladi.

Tuman va shaharda g’olib bo’lgan o’qituvchiga 3 xonali uy beriladi.

@pozitsiya

Prezident Shavkat Mirziyoyev Yangi O‘zbekiston universiteti dotsenti, Toshkent shahridagi Prezident maktabi o‘qituvchisi Mishel Geddini “Do‘stlik” orderi bilan taqdirladi.

Mishel xonimning o‘zbek tilidagi minnatdorchilik nutqi esa yodda qolarli bo‘ldi.

@pozitsiya

BBC o’zbek xizmati InBazar keysi bo‘yicha faollar fikrini bir yerga jamlabdi. Men bilan ham bog’lanib fikrlarimni olishgandi.

Xodimlariga kuch ishlatishi aks etgan videolari tarqalgan tadbirkor ustidan ish qo’zg’atilishi aytildi. Hozir u O’zbekistonda emasligi uchun hibsga olinmadi adashmasam. Bu voqea mamlakat, ayniqsa xususiy sektorda mehnat qonunchiligi qay darajada ekanini ham ko’rsatdi, afsuski.

Faollar zo’ravonlar faqat maishiy darajada yoki xususiy sektorda emas davlat amaldorlari orasida ham ko’pligini aytgan.

"Inson huquqlari bo'yicha Ombudsman yoki Kasaba uyushmalari federatsiyalari kabi tashkilotlarning munosabatlariga keladigan bo'lsak, ular jonsiz, o'lib bo'lgan tashkilotlar. Chunki biz keskin voqealar fonida ularning munosabatlarini ko'rmaganmiz, ular shu kabi hodisalarni bartaraf qilish, sabablarini jamiyatga ochiqlash nuqtai nazaridan bironta taklif bildirgani yo'q. Mana Soliq qo'mitasining munosabatida "Inbazar" go'yoki tugatilayotgani aytilgan, lekin ularga nisbatan qanday huquqiy choralar ko'rilayotgani, ularga nisbatan qanday ayblovlarga asosan jazo qo'llanilayotgani bo'yicha bironta ma'lumot yo'q. Ommaviy bezorilik, odamlarni "samosud" qilish bo'yicha Ichki ishlar vazirligi, Bosh prokuratura albatta munosabatlarini bildirishi lozim edi va faol ravishda jinoyat ishi oldida so'rov-surishtiruv hamda tergov harakatlarini olib borishi kerak edi", debdi huquqshunos Abdurahmon Tashanov.

Mening qisqacha xulosam esa quyidagicha: Afsuski, hukumat, davlat tashkilotlari o't o'chiruvchi bo'lib qolgan. Bir vaziyat yuzaga keladi va u yonadi, boramiz va uni tezda o'chiramiz: kimnidir ishdan olamiz, bo'shatamiz va shunday qilib bu holatni o'tkazib yuboramiz. Afsuski, biz bularni tizimli o'rganmaymiz.

Qolgan fikrlar qiziq bo’lsa batafsil maqolada o’qishingiz mumkin: https://www.bbc.com/uzbek/uzbekistan-69370872

@pozitsiya

Mem bo’lib ketibmiz )

@pozitsiya

Мана байрамни ҳам ўтказиб олдик. Энди секин журналистикани аччиқ-чучуги ҳақида гапирсак бўлар. “Қўштирноқ” подкастининг бу сонида ўзбек журналистикаси ахволи ҳақида суҳбат бўлибди. Яқиндаги Oyina.uz’нинг бош муҳаррири лавозимига тайинланган ёш журналист Инобат Аҳатова ўзининг энди давлат нашрида иш бошлаган вақтларини эслабди:

“Расмий нашрда ишласак ҳам бизга талаблар анча осон эди, ЎзАда олдингидек “давлатимиз раҳбари олиб борилган ислоҳотлар самараси ўлароқ” деб бошланган қолиплар унитилган давр эди”.

Журналистикага қизиққанларга ушбу суҳбат ҳам қизиқ бўлади деб ўйлайман.

👉https://youtu.be/tx6Jg5kGVQc?si=skqXSv-YcjsXRHKN

“Ommaviy axborot vositalarida eʼlon qilingan eng yaxshi material” tanlovida Oyina.uz bosh muharriri Inobat Ahatova 1-oʻrinni qoʻlga kiritdi

Bugun AOKAda “Ommaviy axborot vositalarida eʼlon qilingan eng yaxshi material” tanlovi gʻoliblari taqdirlandi.

Batafsil: https://oyina.uz/uz/posts/23390

Rasmiy sahifalarimiz👇

Telegram | Facebook | X | Instagram

Kitob oʻqib, 20 million soʻm yutib olish mumkin boʻlgan tanlov boshlandi! Shoshiling!

Respublika Ma’naviyat va ma’rifat markazi, Oyina.uz portali sovrin miqdori 66 mln soʻm boʻlgan “Kitoblararo 80 kun” marafoniga start berdi!

4 bosqichdan iborat marafonda 8 kitobni oʻqing va maxsus sinovlardan oʻtib, gʻolib boʻling!

Toʻliq ma'lumot va marafonda ishtirok etish uchun manzil: @oyinatanlovbot

Rasmiy sahifalarimiz👇

Telegram | Facebook | X | Instagram

Inobat Ahatova Oyina.uz portali bosh muharriri lavozimiga tayinlandi

U bungacha bosh muharrir oʻrinbosari lavozimida ishlab kelayotgan edi.

Batafsil: https://oyina.uz/uz/posts/23019

Rasmiy sahifalarimiz👇

Telegram | Facebook | YouTube |X

“Men juda xavotirga tushdim va oʻzim bilgan folbinga qoʻngʻiroq qildim. Unga Saltanat uygʻonmayotgani va yuzidagi koʻkarishlar haqida aytdim. Folbin esa Saltanat shunchaki charchagani, oʻziga kelishini va uyga ketishimizni aytdi. Shundan keyin yuragim yengil tortdi” — deydi va shu asos bilan tez yordam chaqirmaganini aytadi. Shundan keyin u jiyani Baxitjan Bayjanovga qoʻngʻiroq qilib, aspirin va ketonal olib kelishini soʻraydi. Bundan tashqari, Bishimbayev ukasidan kuzatuv kameralaridagi voqelik telegram kanallarga tarqab ketmasligi uchun videolarini oʻchirishini ham soʻragan.

Qozogʻistonning sobiq iqtisodiyot vaziri Quvandiq Bishimbayev qoʻl urgan jinoyat nafaqat Qozogʻiston, balki dunyo faollarini jumbushga keltirdi. Jinoyatning ogʻirlik darajasi esa mamlakatdagi tegishli qonunchilik oʻzgarishiga turtki boʻldi. Oyina.uz voqealar xronologiyasini bir joyga toʻpladi.

Shov-shuvli sevgi tarixining daxshatli yakuni. Bishimbayev ishidan “Saltanat qonuni”gacha

Batafsil: https://oyina.uz/uz/article/2670

@pozitsiya

Mana shu xabar va videoni o'qib hech nimaga tushunmadim, tushunganlar bo'lsa tushuntirib yuborsin

Voqeaga ko'ra Namanganda 17 yoshli 11-sinf oʻquvchisi togʻasining nomida boʻlgan mashinani boshqarib ketayotgan boʻlgan. Shu paytda belgilangan tezlikni oshirib, yoʻlning qarama-qarshi qismiga oʻtib ketgan. Videodagi tasvirlarga qaralsa mashinada bir nechta yigitchalar bo'lgan, hoynahoy sinfdoshlari bo'lsa kerak.

Haydovchi yoʻl chetida turgan 2 nafar xorazmlik talabasini urib yuborgan. Hodisa oqibatida yigitlardan biri yengil jarohat olgan. Biri esa koʻrsatilgan tibbiy yordamlarga qaramay shifoxonada vafot etgan.

Viloyat IIB tarqatgan mana shu videoda aytilishicha, oʻquvchi oʻqiyotgan 57-maktabda muhokama yigʻilishi oʻtkazilgan. Onasi mashinani minib ketganidan (kameralar tasvirlariga ko'ra yigitcha mashinani 1-marta minib chiqishi emas) xabarim yo'q edi deyapti. Aybdor bo'lsa g'ingshib "Afsusdamiz, boshqa qaytarilmaydi" deydi.

Bo'ldi, video tugagan. Na yigitchaga, na uning ota-onasiga biror chora ko'rilgani (jarima, majburiy jamoat ishlari, axloq tuzatish ishlari, ozodlikdan cheklash yo mahrum qilish...) haqida gap yo'q. Bir inson, yosh talaba o'lib ketyapti, axir. Uzr, bilmay qolibmiz, kechiringlar desa bo'ldimi? Inson joni shu qadar arzonmi? Nega voqeaga 2-tomon, o'lgan talaba tarafdan qaralmayapti? Uni ota-onasidan ham so'ranglar. Kecha soppa-sog' yurgan o'g'lini bugun bir tirrancha mashinada bosib o'ldirsa, jazosiz qolsa (videoda biror chora ko'rilgani aytilmagan) shunga rozimikin? Ota-ona tugul, videoni ko'rib men chidolmayapman-ku.

Bu ketishda biz jinoyatchilikka qarshi qanday kurashamiz? Yo'llardagi YTH qanday kamaytiramiz? Muntazam uyidagi mashinani so'roqsiz haydab chiqishga o'rgangan tirrancha bu ishni yana takrorlamasligiga kim kafolat beradi? Bunaqa odam o'limiga sabab bo'lib, uzrxonlik bilan qutilish jamiyatda shundoq ham urchib ketgan avtoteroristlarni ko'paytirib yuboradi degan xavotirdaman.

@pozitsiya

Qozog‘istonda o‘z xotinini bir necha soat qiynoqqa solib o‘ldirgan Iqtisod vaziri Bishimbayevning shundoq ham dahshatli sud ishidan uning qanchalar kaltafahmligiga oid tafsilotlar ham chiqyapti. Telefonidan aniqlanishicha, xotini o‘layotganida u olti marta folbinga telefon qilgan. O‘lasi qilib qiynagach, folbinga "nega turmayapti, kechasi turadi deganding, pulsini topolmayapman" deb sim qoqqan. "Yurak urishini topa olmaganim uchun nima bo‘layotganini so‘ramoqchi edim" deydi. Demak, qiynoqni ham folbin resept qilib yozib bergandir. Bu vazir janoblari so‘ng xotini ertaklardagidek yana ko‘zini ochishiga ishongan, shekilli.

Bunday xurofot va bid’atga odatda o‘qimagan, saviyasiz, dunyo ko‘rmagan odamlar ishonadi deb o‘ylaysan kishi. Lekin, bu kishi Qozog‘istondagi ikkita universitetdan tashqari, Amerikada Jorj Vashington universitetini ham tamomlagan. Iqtisodiyot fanlari nomzodi. Balki iqtisodiy qarorlarni ham folbin bilan kelishib olgandir.

Yaqinda O‘zbekistondagi voyaga yetmagan qizlar internatida bo‘lgan abgor holatni o‘rganayotib, o‘qituvchilarning bir hikoyasi esimda qoldi. Internatdan qizlar har-har zamonda qochib turishgan. Direktor opa milisiyani jalb etish o‘rniga, o‘z sevimli folbiniga murojaat qilgan. Buning ortidan u so‘ng o‘qituvchilarni o‘sha manzillarga yo‘llagan. Oxirgisida folbin qochoq qizlar Ippodromda ekanini aytgach, bechora ayol muallimalar kun bo‘yi Ippodromni aylanishgan. U-bu narsa sotib oldinglarmi hech bo‘lmasa, desam, "yo‘o‘o‘, oyligimiz kam" deyishdi.

©️Ibrat Safo

@pozitsiya

Shoir Bobur Elmurodning “Tajohilul orif” degan ustozlar haqidagi sheʼri bor. Bu sheʼrdagi kabi fidoyi, jonkuyar ustozlar Oʻzbekistonda koʻp. Sheʼr mualliffa o'qitilib, unga sunʼiy intellekt yordamida video ishlangan, koʻring, juda taʼsirli chiqibdi. Yakundagi mana bu savol esa barchamizni oʻylantirishi kerak.

Sheʼr bitdi. Men hamon qidirib taskin,
Olis maktabimga yoʻl olaman jim.
Bilmayman, bu yurtda ustoz sharafin
Bilib, bilmaslikka olayotgan kim?

@pozitsiya

"Yoshlar ovozi" gazetasining bayram sonidan

@pozitsiya

Kecha ishdan chiqib hamkasblar bilan ko'rishdik. Yangi O'zbekston bog'i ro'parasidagi gaz quyish shahobchasidagi mana bu manzarani ko'rib g'alati bo'ldim. Metan uchun kilometrlab navbatning oxiri ko'rinmaydi.

O'zimiz uchun navbat boshi va oxirigacha bo'lgan vaqt va masofani hisobladik, navbatda turganlardan so'rab videoga muhrladik. Videoni ko'ring, tarix, fakt uchun olindi. Gazimiz uchta O'zbekistonga yetadi, har gal endi bu gal umuman muammo bo'lmaydi deydigan amaldorlar sizlarga tutilgan oyna bu tasvirlar. Holat yangi O'zbekiston bog'i qarshisida ekanligi ham qandaydir ramziyga o'xshaydi.

@pozitsiya

Buxorodagi buz-buzlar videolarini ko'rib xo'rliging keladi. Shuncha gap, tanqid, noroziliklarga qaramay, UNESCOdan rozilik olinmay shahar markazini vayron qilib "Boqiy shahar" qurishmoqchi. Bu vandalizmdan boshqa narsa emas. Hukumat va rahbariyat loyihani to'xtatmadi, faollar dod-voyiga quloq tutmayapti.

Bundan 104 yil avval Buxoro bosqinchi qizil askarlar tomonidan bombardimon qilinib, vayron qilingandi. Buxoroni havodan bombardimon qilishda faollik koʻrsatgan uchuvchi N. Fausek o'z esdaliklarida shunday yozgan: esdaliklariga murojaat qilamiz: “Biz Buxoroni bombardimon qildik. Qadimiy amirlikni vayron etib tashladik. Xususan, mashhur “Ajal minorasi”ga (Minorai Kalon) tushgan bomba, garchi mohiyatan bu minoraning moʻljalga olinishi biz uchun mutlaqo foydasiz boʻlsa-da, bizga alohida zavq-shavq bagʻishladi... Uchib borar ekanman, pastda bir masjidni koʻrib qoldim, men goʻyoki gumbazni qoʻporib tashladim, deb maqtandi bir uchuvchi. Biz miriqib kuldik. Shu-shu, uchuvchining laqabi “Gumbaz” boʻlib qoldi”.

Ular bosqinchi edi, maqsadi yurtni talash, shaharni yer bilan bitta qilish. Ular nomi tarixda qora nom bilan qoldi, la'nat bilan eslanadi. Lekin bugun shaharni vayron qilib, changga botirayotganlar, ular tepasida turganlar o'z qorako'zlarimiz-ku. Dodimizni kimga aytamiz, tarixda qanday eslaymiz?

Bugun, Oyina.uz'da 2 yil avval e'lon qilingan maqolamizni qayta ulashdik. Sarlavhasi: “Benzin va bomba tugagunga qadar” shaharni vayron qilishga buyruq berilgan – Buxoroning bombardimon qilinishi

Maqola linki: https://oyina.uz/uz/article/976

@pozitsiya

@pozitsiya

Bizga har bir masalaga milliy manfaat nazaridan yondashadigan oʻzbekparastlar kerak – Sherzodxon Qudratxoʻjaning intervyusiga jamoatchilik qanday munosabat bildirmoqda?

Hozirgi Rossiya Sherzodxon akani “persona non grata” deb eʼlon qilgani uchun – oʻzimga ham qanchalik gʻalati tuyulmasin – hozirgi Rossiyaga rahmat aytaman va hozirgi Rossiyani “persona non grata” deb eʼlon qilingan oʻzbekistonliklar roʻyxatini betoʻxtov kengaytirishga, iloji boʻlsa, Oʻzbekistonning butun vazir-u hokimlaridan tortib umuman barcha amaldorlarini shu roʻyxatga kiritishga chaqiraman.

Batafsil: https://oyina.uz/uz/article/2502

Rasmiy sahifalarimiz👇

Telegram | Facebook | YouTube |X