PLACEBO

عمرك شفت عميل داخل الصيدلية بيقولك عاوز قطرة انسولين؟

احنا عارفين ان الانسولين بيستخدم لعلاج مرضى السكر من النوع الاول ... واغلبنا عارفين ان ممكن نستخدمه موضعي ع الجروح اللي بيتعرض لها مرضى السكر

لكن مظنش ان ف كتير سمعوا عن انسولين يستخدم كقطرة للعين غير قلة مهتمين بالابحاث ... عاوزك تبص ع الروشتة اللي ف الصورة وترجع تكمل البوست

🔸️احنا عندنا مرض اسمه
NEUROTROPHIC CORNEAL KERATOPATHY
مش هدخل ف تفاصيل المرض لكن يكفي اقولك ان المرض ده بينتج عنه Corneal Ulcers او قرح ف القرنية وبيوصل الامر ل full tear قطع او ثقب ف القرنية وطبعا لو متلحقش بيوصل للعمى التام complete blindness

🔹️ف سنة ١٩٤٥ العلماء اكتشفوا دور الانسولين ف انه بيحسن من مشاكل العيون المصاحبة لمرض السكري بس هنا systemic عادي مش local ... واردفوا ان السبب اكيد اننا بنقلل السكر ف ده بيساعد ع حل المشكلة وانه كده كده anabolic hormone لكن تفاصيل اكتر من كده مفيش ... لحد ما وصلنا ف التسعينات وبدأوا يتوصلوا لدور الانسولين ف علاج الجروح

🔸️اخر ٢٠ سنة بقى كانت الابحاث بتدور حول ميكانيزم الانسولين ف شفاء الجروح وازاي بيمنع القطع ف ال cornea بل ولو حصل بيعالجه

🔹️خليني اقولك بقى قبل ما نتكلم عن ازاي الميكانيزم ... ان علاج ال neurotrophic keratopathy عبارة عن خطوات بتتدرج من
Aggressive lubrication of Corneal surface
ثم ال therapeutic contact lenses ثم
Amniotic membrane grafting
وصولا الى
Torsorrhaphy

✨️وف علاج تم اختراعه مخصوص اسمه OXERVATE دي قطرة عبارة عن Recombinant human nerve growth factor-rhNGF

🔸️نرجع للانسولين الميكانيزم ازاي؟
↩️قالك ده موضوع كبير اوي لانه مش شغال بميكانيزم واحد ولا ع مستقبل واحد لا ده شغال بكذا ميكانيزم

↪️Significantly accelerates regenerative process within Cornea
↪️Plays crucial role in cellular growth & Corneal repair
↪️Activates ERK, PI-3K pathways --> enhance anti-apoptotic properties
↪️Influences mitochondrial stability & plays role in expression of nuclear genes
↪️Influences Corneal integrity and cell proliferation

كل نقطة من دول محتاجة بوست نشرح هو بيعمل ايه فيها بس يكفي انك تتخيل مدى كفاءته بكل الميكانيزمات دي

🔹️بيتحضر ازاي وهل بنستخدم اي نوع انسولين؟
↩️احنا بنستخدم نوعين بس Regular or rapid acting insulin دول اللي اتعمل عليهم ابحاث ومنطقي بسبب طبيعة امتصاصهم
بنستخدمه بتركيز 1IU/ml
طب مل من ايه؟
من محلول ملح normal saline او الافضل قطرة فيها PEG زي السيستان اللي الدكتور كاتبها هنا

↩️هتقولي بس هنا الدكتور كاتب نضيف ١٠٠ وحدة وقطرة السيستان دي ١٠مل ف كده التركيز هيبقى 10IU/ml مش زي ما انت قلت 1IU/ml

↩️هقولك ف الابحاث وصلوا التركيز ل 100IU/ml ولقوا ان نفس الكفاءة ف ليه نستهلك كمية زيادة من الانسولين وكفاءة ال١٠٠ وحدة هي نفس كفاية الوحدة الواحدة

يمكن الدكتور بس خلاها ١٠٠ وحدة علشان المريض يعرف يعايرها ولو ان المفروض دي اللي يعملها الصيدلي ف sterile area وكمان هي بتتوصف من مرتين ل اربع مرات ف اليوم .. بس عادي مفرقتش ٤ من ٥ مرات

🔸️اخر سؤال هتيجي تسألني طب طالما العلماء اخترعوا قطرة مخصصة للمرض ايه اللي يتعبنا بقى ونجيب انسولين ونضيفه ع قطرة ونفضل نحسب؟

↩️لان ببساطة الاتنين تقريبا كفاءتهم قريبة من بعض لكن السعر شتان ما بينهم
استخدام قطرة OXERVATE لمدة ٨ اسابيع بيكلف تقريبا ١٠٠ الف دولا
لكن استخدام قطرة الانسولين دي لنفس المدة بيكلف ٨٠ دولار فقط ف اكيد مفيش وجه مقارنة

✨️اخيرا الواحد بيفرح ان الحمد لله ف دكاترة بتواكب العلم برا وبتخرج برا الصندوق ف التفكير وبتشتغل بعلم

#pearls

@Mmaam7393

ده اليوزر بتاعي

السلام عليكم
المرة دي مش بوست علمي
السلسلة اللي انا شغال فيها محتاجين صيادلة متخرجين "ذكور واناث" يشترط الخبرة وقرب السكن والاهم الامانة
السلسلة ف حدائق المعادي

طب انا بكتب هنا ليه؟ لسببين
اولا .. انهم كلموني كذا مرة اني ارشحلهم حد انا عارفه
ثانيا لان الحد اللي هرشحه لازم يكون قد الثقة اللي انا مؤتمنه عليها

المعاملة كويسة جدا جدا والدنيا بسيطة ومفيش خصومات وحوارات الصيدليات اللي بتقف ع الواحدة دي
سعر الساعة كويس جدا وبيتم تحديدها بناء ع خبرة حضرتك ومعاد الشيفت برضو هيتظبط لانهم محتاجين شيفت صباحي وشيفت افتر

اكرر تاني الاشخاص اللي هيجوا من ناحيتي صاحب السلسلة هيقبلهم وهو مغمض ثقة ف اختياري .. ف اتمنى لو حد شايف ف نفسه الصفات كده يكلمني ويبعتلي ال CV برايفت

دخل عميل عندي الصيدلية بيقولي عاوز قطرة لحساسية العين .. قولتله عينك بتحمر او بتحرقك؟ قالي لا
قولتله طب بتحس بجفاف فيها؟ قالي لا برضو
قولتله طب عاوزها ليه يا فندم ايه شكوى بتاعت عينك؟
قالي بشوف زي خيالات بتنور كده زي ما بالظبط لما بتفضل تدعك عينك وتيجي تفتحها بتلاقي زي خيالات نور كده بس دي بتطلع لي من غير ما ادعك عيني ومضيقاني ف حد قالي دي حساسية خد قطرة ليها

قولتله لا دي ملهاش علاقة بالحساسية ... ف سألته عن شوية امراض زي السكر والضغط وغيرهم ... بعدها سألته ع ادوية ف قالي انا عندي مشكلة ف القلب ف باخد دوا بينظم نبض القلب اللي تركيزه ٥مجم ده فضلت اجيبه يمين وشمال علشان اعرف ايه الدوا ده لحد ما قالي ف تركيز منه تاني ٧.٥ ... ف قولتله بروكورلان ووريته العلبة قالي اه هو

قولتله تمام هو بقى الدوا ده اللي عاملك مشكلة الخيالات دي بيعمل مشاكل ف الابصار visual disturbance زي ال halos وال colored bright lights ... بس متقلقش هي ف بداية العلاج بس بتختفي ف خلال شهرين ل ٣ شهور من العلاج

حابب اكلمكم شوية عن طريقة شغل الدوا ده لانها مميزة جدا
¤¤¤¤¤¤¤¤¤¤¤¤¤¤¤¤¤¤

🔸️ال procoralan مادته هي ال Ivabradine ودي مادة مميزة جدا من عيلة ال
HCN blockers - Hyperpolarization activated Cyclic Nucleotide gated channel blockers

🔹️ايوة بيشتغل ازاي بقى؟
ف ال SA node ف مجموعة خلايا ع ال membrane غريبة اسمها Funny channels واسم ع مسمى هي غريبة لحاجتين

1️⃣اول حاجة دي اللي بتخلي ال SAN والقلب ينبض spontaneously من غير اي محفز ودي من عظمة الخالق

2️⃣تاني حاجة اي channel موجودة ف جسمنا بتتحفز ف الحالة ال depolarization الا ال channels دي بتتحفز لما الخلية تبقى hyperpolarization علشان كده بقى اسمها والعظيم ف كده ان سبحان الله بسبب الحركة دي اول ما ال peak بيبدأ ينزل ويخش ف ال resting state يقوم يبدأ cycle جديدة ف مستحيل يكون ف وضع راحة resting state

🔸️ال Ivabradine بقى بيقفل ال channel دي ف بيعمل slowing of diastolic depolarization phase ف يبطئ ال HR

وده بيعطي وقت كافي للقلب انه يتملي بالدم ويضخه بكفاءة "طبعا مع ادوية تانية"

🔹️بنعمل toleration للجرعة بناء ع معدل نبض القلب بحيث نخليه ما بين 50 ل 60bpm بحيث ان اصغر جرعة تكون 2.5mg مرتين ف اليوم واعلى جرعة هي 7.5mg مرتين ف اليوم

✨️لازم نوقفه ف حالة:
1️⃣ان النبض قل عن 50bpm وهو ماشي ع اقل جرعة 2.5mg BID او نزلناه ليها
2️⃣ان احنا مشيناه عليه ٣ شهور باعلى جرعة 7.5mg BID ومعرفناش نوصل النبض للمعدل اللي عاوزينه فوق

3️⃣او ان المريض دخل ف Atrial fibrillation... طب ليه؟

↩️دي حالة بيكون فيها ectopic pacemaker focus خلايا بتشتغل زي شغل ال SAN بس طبعا بشكل خاطئ بيسبب لغبطة شديدة ف ال rythm

✨️ف تخيل معايا انت بتاخد حاجة بتقلل شغل ال SAN ف كده ال upper hand وال predominant هيكون ال ectopic focus دي ف تبهدل العيان وتدخله ف AV block و Cardiac arrest وهو اصلا عنده مشاكل ف القلب وحالته نيلة ولو لحقناه لازم يتركبله منظم ضربات قلب

#CVS

بص شركة فايزر دي مرزقة ... تعمل الفياجرا علشان ضغط الشريان الرئوي يطلع له استخدام انه مفيد للانتصاب ويبيع ملايين اضعاف اللي كان هيبيعه لو اقتصر ع استخدامه للشريان الرئوي بس

تعمل xalatan علشان تعالج ال Glucoma يطلع له استخدام انه بيطول الرموش يخليه يبيع اضعاف اضعاف اللي بيبيعه ف العادي ...
وبما اني مش هاخد فلوس من الدعاية للقطرة ف خليني افيدكم بحبة معلومات ع الاقل 😅

🔸️شركة فايزر طلعت قطرة اسمها xalatan مادتها Latanoprost وهي عبارة عن prostaglandin F2-alfa

استخدامها الاساسي ف علاج ال open angle Glucoma واتكلمت تفصيلا عنها ف بوست هسيب لينكه ف الكومنتات ... بس ف التسعينات وجدوا ارتباط غريب بين القطرة وبين تطويل الرموش .. السيدات خاصة "لانهم هما اللي بيدققوا" وجدوا ان ف اختلاف ف طول الرموش ما بين العين اللي بيحطوا فيها القطرة وبين العين التانية ... الموضوع عجبهم وقالوا ومالوا ما تجيلنا جلوكوما ف العين التانية علشان نحطلها قطرة ورموشنا تطول "بهزر"

🔹️العلماء عملوا ابحاثهم وعملوا clinical trials عن طريق مراقبة شريحة من المرضى اللي بيتوصف لهم xalatan ووجدوا فعلا التأثير ده بس مكنوش فاهمين ازاي وليه حصل وفضل الموضوع مبهم لسنين طويلة لحد ما جيت انا ولقيت السبب وكتبته ف البوست ده "بهزر تاني"

🔸️قبل ما اقول هو ليه خلينا نقول ايه بالظبط اللي بيحصل
القطرة حقيقة مش بتزود طول الرموش اللي طالعة اصلا بس! لا دي كمان بتعمل صفوف رموش جديدة حوالين الجفن بكثافة وطول اكبر من الطبيعي! وده اللي خلاها فيها بعد off label use مهم جدا ف علاقة ال ocular problems associated with Alopecia Arteata "نوع من انواع الثعلبة"

🔹️نيجي للسؤال الاهم "تيجي كيف يعني دي؟"
عندنا ف نمو اي شعراية ف جسم حضرتك ٤ مراحل
1️⃣Anagen
ودي المرحلة المسؤولة عن نمو الشعراية ودي اطول فترة ف الاربعة بتاخد من سنتين لخمس سنين وبيول فيها الشعراية لاكبر طول ممكن
2️⃣Catagen
دي مرحلة مش بيحصل فيها حاجة تقريبا علشان بس نختصر بتكون مرحلة انتقالية ما بين ال anagen وال telogen بتستمر من اسبوع لشهر
3️⃣Telogen
هنا الشعراية بتكون اخدت كفايتها من كل حاجة وبيبدأ يطلع تحتها new anagen phase وال follicle يحصل فيها شوية كلام ف النواة علشان نبدأ رحلة جديدة ودي بتقعد تقريبا ٦ شهور
4️⃣Exogen
من اسمها دي المرحلة اللي بيتم فيها طرد او سقوط الشعراية القديمة والدخول ف cycle جديدة

🔸️ال Latanoprost بتعمل ايه بقى؟
اولا بت induce anagen growth ف ال telogen phase يعني باختصار بتنشط نمو الشعراية زيادة ف مرحلة ال telogen اللي هي اصلا المفروض مفيهاش نمو!

↩️مش بس كده لا دي كمان ليها hypertrophic effect on anagen phase بيزود من الانقسامات داخل النواة وليه تأثير مباشر ع ا لgene expression ف بدل ما النمو يكون بمقدار ١ لا بيكون بمقدار ٥ و ١٠ وده شئ مفيد جدا جدا لاحظ الصورة اللي تحت والفرق بين النصين وده ف فترة علاج ٦ شهور بس

وده خلى شركات التجميل تضيف المادة دي بتركيزات بسيطة لل eye lash serum ... طبعا احنا الاثار الجانبية من الجفاف واحمرار العين ده بيتحط ف الحسبان بس حاليا في توجه قوي انه ميبقاش مجرد off label use او استخدام غير موثق ف المراجع وخلاص يتم الاعتراف به

#pearls

🔸️قبل ما تطلع للمريض امبولات البالميكورت لازم تسأله هو اخدها قبل كده او اخد اي كورتيزون عموما ... لان الجرعة معتمدة ع كده

↩️لو المريض ماخدش حاجة غير ال bronchodilators زي الاتروفنت والفاركولين ف هنا الجرعة بتكون من ربع لنص "حسب العمر" واقصى جرعة ف اليوم بتكون نص يعني هيكون جلستين بالربع او جلسة واحدة ف اليوم بالنص

↩️لو المريض كان اخد بالميكورت قبل كده ف هنا الجرعة هي هي بس اقصى جرعة هتوصل ل ١ مجم ف اليوم يعني القصد هنا ممكن نعمل ٤ جلسات ب الربع او جلستين بالنص

↩️لو المريض كان بياخد كورتيزون استنشاق سواء بالميكورت او بخاخات وكمان بياخد كورتيزون اقراص او شراب

🔹️ف هنا الجرعة هتكون من نص ل وحد مجم لان الجرعة الصغيرة دي مش هتؤثر فيه من الاساس
واقصى جرعة برضو لا تتجاوز ال ١ مجم

"كل الدكاترة عارفين الجرعات لكن التركات اللي زي دي هي اللي بتفرق دكتور عن دكتور"
#Respiratory

🔸️بما ان الشتا داخل وجلسات الاستنشاق اون فاير حاليا ف خلينا نتكلم ف كام بوست تباعا عن الموضوع ده انا عامل جدول مختصر فيه الكلام مهم جدا تحتفظوا بيه بس هضيف كام اضافة

↩️اولا مفيش حاجة اسمها الطفل هيتعود ع جلسات النبيولايزر بالعكس ده اكتر حاجة آمنة خاصة للاطفال اللي ميقدروش يستخدموا البخاخات

↩️عادي نستخدم محلول ملح العادي او ال hypertonic او مياة الحقن التلاتة كويسين ولو ان محلول الملح بتركيزاته احسن لان ليهم دور ف العلاج

🔹️كمية المحلول ٣ مل .. طب لو ٢ مل ونص؟ طب لو ٤ مل؟ ... عادي يا جماعة ده محلول هيتبخر الكمية بس علشان مدة الجلسة ذات نفسها ف لو ٥ مل هيقعد تلت ساعة مش ربع ساعة لكن النقطة ان لو المحلول كمية قليلة جدا ممكن مادة الدوا نفسها لما تتبخر تضايق الطفل شوية وممكن تخليه يكح ف علشان كده وحدناها ٣ مل لأي حاجة هتتحل

🔸️طب احنا لو اخدنا فاركولين مع بالميكورت هيتحلوا ف كام مل؟
الافضل يتحلوا ف ٥ ل ٦ مل لكن لو الاتنين اتحلوا ف ٤ مل مفيش مشاكل

↩️مينفعش الطفل ياخد جلسة بالميكورت بس لان زي ما كاتب ف الجدول بيشتغل بعد ٤ ل ٧ ايام ف مفيش عقل يقول ياخده لوحده

↩️لا يفضل ابدا اننا نعمل جلسة اتروفنت من غير الفاركولين لان ال Mascurinic antagonist شغله اصلا معتمد ع ال beta2 ف فايدته لوحده اقل بكتير

🔹️ممكن نعطي ٣ جلسات متتالين سواء من الاتروفنت او الفاركولين "طبعا تبع الجرعات" بس يفضل نفصل ما بين كل جلسة ب تلت ساعة علشان الرئتين

✨️طبقا للتشريعات ف جرعات البالميكورت مش بالسهولة بتاعت ربع ونص لا الموضوع اكبر شوية ف هتلاقوها ف صورة لوحدها ف الكومنتات

#Respiratory

قاعد ف الصيدلية ودخل عم عبده اللي عنده جلوكوما وطلب قطرة xalatan وطبعا بما ان عم عبده كان نفسه يدخل طب بس فرقت ع ٣٠% ف بيحب يسألني عن كل دوا بياخده

🔸️ف بيقولي يا دكتور هي القطرة دي ايه الميكانيزم بتاع شغلها ... ايه ال Latanoprost دي؟

↩️قولتله يا عم عبده دي prostaglandin analog ولسه بكمل قالي لا ثواني انا عارف البروستاجلاندين ده هو انواع كتير بس كلهم بيعمل Vasodilation يعني هيوسعوا الاوعية الدموية ف ال Cilia ف كده هيزود ال Aqueous Humor وهو يا دكتور مروان الجلوكوما ايه غير ان ال Aqueous humor يزيد ف ال anterior chamber بتاع العين

↩️قولتله يا عم عبده ف نوع ف ال PGs اسمه PGF2-alfa ده بقى شرير عكس اخواته بيعمل vasoconstriction

🔹️قالي اااااه قصدك هيعمل vasoconstriction لل blood vessels بتاعت ال ciliary epithelium ف كده هيمنعها من انها تخرج ال Aqueous humor ف يقل ال intraocular pressure ... طب ما شغله شبه التيمولول ايه الجديد يعني ادفع فلوس زيادة وخلاص!

↩️قولتله يا عم عبده انت كنت هتطلع دكتور شاطر لان الدكاترة فضلوا سنين فاكرين ان ده الميكانيزم ... لحد من قريب كده اكتشفوا حاجة غريبة شوية

🔸️ف محاضرة د.دعاء ف الرمد شرحت ال classical pathway of Aqueous humor drainage وهو ان المياه دي تتصرف عن طريق قناة الخواجة الالماني شليم canal of Schlemm

لكن طلع ان كلام د.دعاء مش updated وان ٣٠% من ال Aqueous humor بيترسب من طريق تاني اسمه Uveoscleral pathway

↩️ف هنا ال PGF2-alfa بيساعد ع ال drainage من خلال السكة دي ف بيوسع الفراغات ما بين ال ciliary muscle spaces وكمان بيوسع المسافات بين طبقات العين نفسها ف المياه تتسرسب كده ويقل ال IOP وهو احنا بنعالج ال Glucoma بايه غير اننا نقلل ال IOP ... بس حاسب لو حد سألك ايه الميكانيزم او تقوله بتقلل ال IOP وتسكت لا لازم تقوله
✨️Dec. IOP by increase Aqueous humor drainage through Uveoscleral pathway

🔹️قالي علشان كده ف قطرة جنبها ع الرف اسمها xalacom علشان فيها ال Latanoprost و ال timolol مع ف كده بيقلل ال IOP خالص

↩️قولتله بالظبط ... قالي طب ما تجيبها يا دكتور طالما احسن .. قولتله يا عم عبده ليس كل ما يعرف يقال قطرتك مناسبة جدا لحالتك وبعدين الجلوكوما انواع يا عم عبده في open angle وف closed angle وموال ف مش اي حاجة هتنفع حالتك

#pearls

ف ليلة من ذات الليالي قاعد انا ود.عماد ف جت روشتة مكتوب فيها ليوميتاسين امبول ف طلعها د.عماد ... بعد ما مشي العميل قالي انا اول مرة اطلع الحقنة دي غريبة بالرغم من انها اندوميثاسين عادي ...

قولتله علشان الحقنة دي قيمة جدا ف حالة مهمة للرضع تعرف حاجة عن ال Dactus Arteriosus؟ قالي اه دي قناة ما بين الاورطى والشريان الرئوي علشان الجنين ف بطن امه ييعتمد ع دم الام بس ف الرئة مش شغالة ... وعارف ان الاندوميثاسين بيستخدم ف حالة ان الطفل يتولد والقناة مفتوحة علشان تتقفل انا المرة دي دارس ومستعد لك كويس

قولتله طب يا مستعد هي بتتقفل ليه بعد الولادة؟ وليه بتفضل مفتوحة؟ واشمعنى الاندوميثاسين مش اي NSAIDs تاني والمفروض ليها وقت معين تتاخد فيه ولا عادي؟ ف سكت ف قولتله يبقى لسه مش مستعد هات يا ابني الكرسي الحيران ده 🤣🤣

🔹️بص يا عمدة ربنا سبحانه وتعالى خلق القناة دي زي ما قلت علشان الاعتماد الكلي ع الدم المؤكسد من الام .. بس سبحان الله جعل القناة دي بالذات sensitive حساسة جدا لل prostaglandins خاصة ال PGE2 وطبعا انت عارف انهم بيعدوا عادي للجنين ف ال PGE2 ده بيحافظ ع ال Patency دي يعني يخليها مفتوحة علشان لو اتقفلت الرئة مش هيوصلها دم وهيموت الجنين

🔸️لما بيحصل الوضع احنا اول حاجة خلاص منعنا ال PGE2 ف القناة بتبدأ تقفل ف خلال اول كام يوم واللي بيساعد ع كده بصورة كبيرة هو الاكسجين لانها برضو حساسة لل O2 tension ف كل ما زاد كل ما قفلت ... وطبعا هو ازيد بكتير من ال maternal blood supply لان الرئة خلاص اشتغلت

🔹️ف بعض الاحيان بيحصل مشاكل لا داعي لذكرها بس بينتج عنها ان القناة دي تفضل مفتوحة ... ولو ده حصل لازم تصوت وتقول "مصيبة يا محي" لانك كده بتدخل دم مؤكسد من الاورطى ع الشريان الرئوي ومنه للرئة ف بيحصل مشاكل ف الرئة كتير ابسطها ال oedema

↩️هنا قاطعني عماد وقالي ليه مش بيحصل العكس.. يعني ليه ميدخلش دم غير مؤكسد من الشريان الرئوي ع الاورطى؟

قولتله انت جبت كام ف الفسيو يا عماد؟ ازاي يا ابني انهي اللي ضغط الدم فيه اكبر؟ اكيد الاورطى الضغط فيه اعلى بكتير من الشريان الرئوي ف ع رأي المثل المليان يصب ع الفاضي مش العكس

المهم بعني المشكلة دي مش صعبة لان ف اغلب الحالات بتتقفل لوحدها مش محتاجين اي تدخل جراحي او علاجي بالعكس ده يمكن ميتعرفش اصلا

لكن لازم نعمل كام حاجة لو الوضع mild
١-نقلل حجم الدم لان الرئة اصلا مليانة مياه بسبب الضغط الشديد اللي واصلها ... عن طريق الاتي
Slightly fluid restrict
Conc. TPN

٢-نبدأ بمدرات البول وهنا ال DOC هو ال Thiazide
٣- لازم نخلي الرئة مفتوحة
Vent support by ensuring enough PEEP to keep lung open
٤- نحاول نعلي نسبة ال haematocrit فوق ال 35

🔸️طب لو الحالة moderate ... هنا هنلجأ لل medical intervention عن طريق ال indomethacin او ال ibuprofen لكن وجدوا ان الاندو احسن "لسه محل مناقشة" طبعا لانه anti PGs ووجدوا انه له efficacy on PGE2 inhibition

بنبدأ ب ٣ جرعات متقسمين جرعة كل ١٢ ساعة وممكن يتكرروا الجرعة بتكون وريد ببطء شديد ع ٣٠ دقيقة لانه بيعلي وظائف الكلى
""بيتعمل ايكو قبل وبعد الجرعات"

❌️مينفعش ف حالة ان المريض عنده
Sr.Creat > 1-1.5
-have an episode of thrombocytopenia
-overall gut problem

❌️ملوش فايدة لو اتاخد بعد شهر من الولادة "ف بعض المراجع واصلة لشهرين"... فايدته قليلة او محل شك لو الطفل ده extreme preterm

🔹️هنا هنلجأ للحل الاخير وهو التدخل الجراحي عن طريق
ال DA ligation ودي عملية بسيطة مش بنعمل قلب مفتوح احنا مجرد فتح ف القفص الصدري تحت الابط بشوية وتتربط القناة وخلاص شكرا ... بس كده

#pearls

🔹️هو اشمعنى ال aspirin اللي بنستخدمه ك anti-platelet؟
يعني لو استخدمنا بروفين او كتافلام مش هيجيب نتيجة؟
ما كلهم non selective COX inhibitor وهيقفلوا ال PGI2 وال TXA2 ف هو هو نفس الميكانيزم ف المفترض يكون نفس النتيجة

↩️فعلا ف بدايات الامر ف ابحاث كتير اتعملت ان هل other Non selective COX inhibitors ليها antiplatelet effect ولا لا ... ووجودوا ان فعلا لها وكمان ف "اوقات" اقوى من الاسبرين

↩️بس اكتشفوا حاجة مهمة ان تأثير الاسبرين الوحيد ال irreversible
لكن باقي العيلة بتكون reversible

↩️فلما يضرب ال COX بتاع ال TXA2 خلاص مفيش رجوع لكن الايبوبروفين مثلا ف هما بيقعد كام ساعة وعادي بيسيب ال COX ويرجع يشتغل تاني

🔸️برنس الاسبرين ده برضو مش سهل لكن تعرف بقى ان مش ده الميكانيزم الوحيد للاسبرين ك Anti-platelet

2️⃣هو الاسبرين اسمه العلمي ايه؟ acetyl salicylic acid صح اه مجموعة الاسيتيل دي بتروح ع الplt بتعمل acetylation of plt wall ف بيخليها عذرا ف اللفظ "مزحلقة" مش بتلزق ف بعض

3️⃣تالت ميكانيزم ان الاسبرين بيعمل inhibition of adenosine di phosphate-ADP ده ال PLT بتفرزه علشان تكلم بعض الحقوا ف خناقة هنا ف بيمنع ال plt signalling

✨️طب تعرف انك لو اخدت جرعة ازيد من ٦جم ف اليوم من الاسبرين هيؤثر ع ال prothrombin ويقلله ف يبوظ ال clotting cascade "بس طبعا ده محتاج معدة حديد"

ف علشان كده الاسبرين ده هو البريمو ف عيلة ال NSAIDs ف موضوع السيولة

#pearls

لو جيت سألتك تعرف اسبرين اطفال ... هتقولي اه الاصفر اللي شبه الريفو .. هقولك طب واسبرين ٧٥مجم؟ طب وجوسبرين ٨١مجم؟ طب واسبرين بروتكت ١٠٠مجم؟
اشمعنى قلنا ع الاصفر بس ومتقولش علشان مرسوم عليه اطفال
طب والبرشام الريفو ما هو اسبرين ٣٢٠مجم ف ايه الفرق ما بينهم؟

↩️هتقول ال ٣٢٠مجم ده مسكن ومضاد للالتهابات .. لكن التركيزات الاقل دي للسيولة ... هقولك تمام طب اشمعنى؟

🔸️بص احنا عندنا الاسبرين ده ايه؟ NSAIDs صح
وهو Non selective COX inhibitor يعني هيضرب COX1,2 وبكده هتقلل PGs بانواعها وال TXA2 بس مش دي النقطة دلوقتي

🔹️الاخت Platelet دي بتفضل ماشية ف الوعاء الدموي بتتلكك انها تلزق ف ال endothelium وبتطلع ع سطحها ال TXA2 وده المتهم الرئيسي ف الليلة دي ...
↩️بس ال endothelium كبيرة وواعية للي بيحصل ومش بتتجر للمشاكل ف بتطلع حارسها الشخصي ال PGI2 وده دوره انه يمنع
↪️plt adhesion to endothelial surface

✨️افتكر فوق انا قولتلك الاسبرين بيضرب الاتنين ال PGs ومنها ال PGI2 وال TXA2 يبقى المحصلة صفر صح؟ لا مش صح

↩️ال plt دي non nucleated يعني لو حاجة منها باظت مش هتعرف تصلحها ف تاخد دورتها لحد ما تموت يعني كده ال TXA2 بمجرد ما يبوظ ف مش بيتكون تاني

↩️لكن ال endothelial cells دي nucleated ف عادي هنضرب ال PGI2 هيتكون تاني ف كده الكفة بترجح ناحية اللي يمنع ال adhesion

🔸️بس الجميل ف الموضوع انهم قالوا طب احنا عاوزين نضرب ال COX اللي بينتج ال TXA2 من غير ما نضرب ال COX بتاع ال PGI2

↩️ف عملوا ابحاث كتير لحد ما لقوا حاجة مهمة ... ان ال COX resp for TXA2 ده بيكون Very sensitive ع عكس ال COX resp for PGI2

ف قالوا بما انه حساس جدا ف لو عملنا Inhibition by low conc of aspirin يبقى هيكون specific بس لل COX resp for TXA2 من غير ما يؤثر "او هيؤثر بدرجة بسيطة" ع COX resp for PGI2

↩️لقوا ان الجرعة دي بتتراوح من 75 ل 150mg وسموها infantile dose for prevention of thrombosis

ف المسمى هنا مش ان الاسبرين بتاع اطفال ... لا الجرعة بتاعته صغيرة infantile

#pearls

صديق بعتلي الصورة دي بيسأل ليه مكتوب لطفلة الاقراص البيضاء من ال Cyclo Progynova قبل عمل تحليل ال Growth hormone

ف حبيت اكتب بوست علشان تعم الفايدة ... يلا بسم الله

اولا الاقراص البيضا هنا تقصد ال estradiol او استروجين يعني
هو فعلا ف approach انها تتاخد قبل عمل التحليل ب ٣ ل ٥ ايام ع ما اذكر

🔹️فاكرين ف الكلينيكال بايو كنا درسنا تيست اسمه GH Stimulating test او GH provocative test كانت الفكرة اننا ندي مادة تحفز تصنيع ال GH ف نعرف السبب primary ولا secondary لانه لو 1ry ف هتفشل انها ترفع المستوى بتاع الهرمون ف كده متكونش من الاساس وهتكون المشكلة ف ال Pituitary gland نفسها ... كنا اخدنا مثال ع كده الانسولين ك GH stimulant .. ف هو عامة مش الوحيد ف كذا حاجة تنفع ك stimulant من ضمنها الاستروجين والارجنين والانسولين والجلوكاجون وغيرهم

🔸️بس الجميل وجدوا ان ال specificity وال accuracy وال sensitivity بتاعت الاستروجين بتكون عالية ... طب هي بتشتغل ازاي؟

↩️الاستروجين بيروح للكبد ويعمل inhibition of liver secretion of insulin like growth factor-1 (IGF-1) واللي بدوره بيدي اشارة لل Pituitary gland انها تزود تصنيع ال GH

🔹️ف احنا بعد الفترة دي من اخد العلاج بنقيس للطفل ال GH level لو مرتفعش فوق رقم معين يبقى يتشخص ب GH deficiency
والتحليل ده شائع جدا ف حالات زي

-prepubertal or early pubertal children with idiopathic short stature (SS)
-prepubertal GH deficiency (GHD)

#pearls

دكتور زميل بيسألني عن روشتة كلى ليه مكتوب فيها حقن بريمبران

السؤال يبان بسيط والاجابة ابسط ان علشان احساس الغثيان المصاحب للمغص الكلوي بس الموضوع اكبر من كده شويتين

🔸️ليه اصلا مريض المغض الكلوي نتيجة حصوة مثلا بيشتكي من قيء وغثيان؟
↩️سامعك ياللي بتقول علشان الالم الشديد severe pain المصاحب للمغص ف بيحفز مراكز المخ ويروح لل vomiting center ويحفزها ودي من اساسيات ال physiology of pain

↩️هقولك بس ف آلام اشد بكتير ومش بتكون مصحوبة بشعور غثيان زي الذبحة الصدرية مثلا وكسور العظام وحتى بعض الاورام

✨️الشعور بالغثيان والقيء هنا مرتبط بشق اساسي ان الكلى مشتركة مع الجهاز الهضمي ف الاعصاب خاصة ال vagus and celiac plexus ف الاشارات بتتداخل والمخ بيفتكر ان الألم من الجهاز الهضمي ف كرد فعل من مراكز المخ الانسان بيشعر بالقيء

🔹️طب دي فهمناها ليه بقى ميبقاش حاجة زي ال ondansetron وكفاءته اعلى؟
↩️هقولك ان ال metoclopramide شغال انه بيقفل ال Dopamine receptors وبرضو بيقفل ال serotonin receptors ف ال CTZ واحنا عارفين ان الكلى عليها D1 & D2 receptors

🔸️دي اجابة وافية كافية يقولها الدكتور الشاطر لكن عاوز تاخد الزبد؟

↩️هو مش مكتوب علشان antiemetic بس ...
تعرف ان مادة ال metoclopramide بتتكتب ف ال renal colic علشان تشتغل ك powerful analgesic! هتقولي زي الكيتولاك والادولور يعني؟

↩️اقولك ازيد تعرف انك لو اخدتها بجرعة 10mg/iv 3 times يعني امبول وريد ٣ مرات يوميا هتبقى كأنك بتعطي المريض narcotic

↩️ولاحظ اني قلت وريد وحددت الجرعة وده مش اعتباطا
لان لو اتاخد وريد هيشتغل بعد ٣ دقايق بس وده شيء رائع لانه لو اتاخد عضل هيشتغل بعد ربع ل نص ساعة ومش بنفس الكفاءة

↩️و جرعة 10mg ٣ مرات لانه لو اتاخد اكتر من كده هيلطش ف الجهاز البولي ويقفل ال D receptors بشكل شديد ف يسبب urine retention ده غير باقي ال systemic effects

✨️النصيحة الاهم انه يتاخد وريد ك IV push بس ف خلال دقيقة ل دقيقتين لانه لو اتاخد rapid IV هيحصل
Transient but INTENSE feeling of anxiety and restlessness وبيكون مقرف حقيقي والمريض مش ناقص

#Renal

كنت قاعد ف الصيدلية والدكتور زميلي بيخرج روشتة صدر لمريض حساسية فيها التوأم الملتصق Foradil + Meflonide وده LABA و Corticosteroids

ف بعد ما مشي المريض ... بسأله بقوله قولي يا عمدة هو احنا ليه دايما بنشوف الاتنين دول ف الروشتات مع بعض؟

قالي انت بتختبرني؟ عيب عليك مش عمدة اللي ميعرفش المعلومة دي .. علشان الاستخدام المطول لل LABA بيعمل Downregulation of beta 2 receptors ف وجدوا ان لما نضيف كورتيزون بيعمل Upregulation of B2 rec.

قولتله بس كده؟
قالي وطبعا علشان هو anti-inflammatory ف بيقفل ال PLA2 وبكده مش هيتكون ال Arachidonic acid يعني مفيش Leukotrienes وابتسم ابتسامة مكر انه جاوب اجابة نموذجية و١٠/١٠ ونجمة

ف قولتله بس؟ ... قالي بس ايه ما هو مش بيعمل حاجة تاني ده انا جبتلك الدهاليز كلها

قولتله بص يا عمدة هو فعلا انك تقول نقطة ال upregulation دي ف برافو عليك بس هو مش كده وبس ... تعرف تعد لحد كام؟

احنا قولنا اول استخدامين ضيف ع كده بقى:

٣) بيروح لل B lymphocyte ييمنع تكوين ال anti-bodies

٤) طب ولو ال Antibodies اتكونت يسكت؟ ... لا بيروح يمنع ال Ag/Ab complex وهو ال asthma ايه غير ان ف antigen بيمسك antibody يعملوا complex

٥)بيروح ع ال T lymphocyte بيمنع انها تكون ال Cytokines او ال Inflammatory mediators

٦)بيروح لل macrophage وبيمنعها من انها تخرج ال lysosomes بتاعتها يعني هيلغي ال phagolysosomal activity

٧)بيروح لل mast cell بيعمل stabilisation لل cell wall ف يمنع خروجه

#Respiratory

هو انت ايه اللي يمنعك تفضل كاتم نفسك؟ هو سؤال بديهي شوية بس الاجابة محتاجة شوية كلينيكال

حبس النفس ده فعل ارادي انت بتقول لدماغك بس وقف نفس انا عاوز اموت دلوقتي ف يقولك حاضر عيني

يروح لل pre motor centre وده ليه voluntary control ينزل ع طول وميعملش اعتبار لمراكز التنفس ويروح لل ganglia المسؤولة عن الاعصاب "C3-C5" او ال phrenic nerve ويروح ل T1-T11 ودول ال intercostal nerves يقولهم عندك وقفوا شغل يا رجالة

ف يحصل stimulation وبناء ع كده يحصل sustained contraction ... طب هيفضل قد ايه؟ ع حسب

انت حبست نفسك يعني منعت ال CO2 انه يخرج يبقى هتدخل ف Hypercapnia و resp acidosis بس خلينا ف ال hypercapnia لان ده المهم ال high CO2 ده هيروح لل Central chemoreceptor ف ال medulla ويحفزه يشتغل

ومن هنا يروح يشغل ال DRG وال VRG اللي هي ليها سلطة عليا ع الاعصااب بتاعت ال phrenic وال intercostal ويقولهم وقفوا العملية دي ابن المجنونة ده عاوز يموت ويحصل relaxation للاعصاب ف ينهي ال holding ده ويسمح بعملية الزفير علشان يخرج ال CO2

علشان كده لو تلاحظ كل ما كتمت نفسك اطول كل ما يحصل معاك Hyperventilation وتتنفس كذا مرة بسرعة علشان تعمل wash out لل CO2

الموضوع ف تفاصيل اكتر من كده شويتين بس انا حبيت اقول الخلاصة

#Respiratory

متستغربش لو مسكت ABG لواحدة حامل وتلاقي عندها respiratory alkalosis وتقولها يا خبر انت مكانك ف المستشفى ناو

السبب ببساطة ان ال progesterone بيقلل ال threshold of central chemoreceptor to CO2 او بيزود ال sensitivity of CCR to CO2

ف بالنسبة له شايف ان كمية ال CO2 دي كبيرة ف يحفز ال DRG و ال VRG مراكز التنفس ف ال Medulla انهم يعملوا hyperventilation وبالتالي بيحصل wash out to CO2 وطالما ال CO2 قل هيدخل ف chronic respiratory alkalosis

بس الميزة انه مش محتاج علاج الحمد لله طالما مدخلش ف moderate ولازم كل شوية نبص ع ال HCO3

#Respiratory

من اغرب الحالات اللي قابلتها مش لتشخيصها لكن لشيء تاني

مريض ف الخمسينات جالي امبارح بيشتكي من تعويرة "جرح" ف بطن رجله ... ف بيقولي عاوز فوار املاح ... بسأله ايه العلاقة .. بيقولي انا الجروح عندي مش بتخف بسرعة بسبب الاملاح

ف قولتله طب ممكن اشوفها ... لقيتها مش تعويرة كانت قرحة ومكانها غائر لجوا وفي necrotic area... ف بقوله مستحيل دي تكون من الاملاح .. انت عندك سكر ؟ قالي سكر ايه يا دكتور فال الله ولا فالك انا مش باخد غير البرشام الريفو وبعدين انت عرفت ان عندي السكر من مجرد جرح ... انا بقولك هو جرحي كده مش سهل ابدا يخف واللي بيزود الموضوع الاملاح ف بيخلي الجرح صعب شوية

سألته انت بتعطش كتير بتدخل الحمام كتير ... وزنك بينزل
قالي بعطش كتير وبخش الحمام اه ما انا بقولك عندي املاح ... لكن وزني زي ما هو مش بينزل .... مش عارف ليه حسيته مش بيقول الحقيقة ... لهيته ف الكلام علشان ميركزش معايا وجيت جنب القرحة كده بشوية وشكيته بسن قلم مأظهرش أي رد فعلا مشيت بالقلم ع رجله من تحت برضو مفيش اتأكدت ان في neuropathy واصل لمرحلة loss of sensation ... ف قولتله انت محستش بحاجة؟ قالي حاجة ايه؟ قولتله لا مفيش

طب انا عاوز بس اتطمن عليك ف هعملك تحليل سكر انت فطرت؟ قالي لا بس ملوش لزوم يا دكتور مش فاهم انت مصمم ليه .. قولتله معلش ومتقلقش حسابه عليا مش هحاسبك ع التحليل ... وزي ما توقعت لقيت السكر ٤٢٠ ... قولتله السكر عالي .. الجرح ده مش بسبب الاملاح ولا عطشك ولا دخولك الحمام كتير ده كله بسبب السكر لازم تروح تكشف علشان المفروض الجرح ميبقاش كده الا لو عندك السكر من سنين ... فضل يقاوح قولتله بص انا همشي معاك للاخر اعمل تراكمي ف المعمل وهاته لو طلع عالي هتكشف النهاردة

عمله وجابه اخر النهار لقيته زي الزفت ٩.٥ ... قولتله تطلع من عندي تحجز عند دكتور وتكشف النهاردة

جالي من شوية بيقولي انا كشفت وكتبلي ع العلاج ده .. وفضل يقولي انت ازاي مكتشفتش ان عندك السكر من بدري وصابر ع نفسك لحد ما وصلت للمرحلة دي ... انا مش هكذب عليك يا دكتور انا ابويا كان عنده سكر ومات بغيبوبة .. ف انا كنت بكذب نفسي ومرضتش اروح لدكتور ولا احلل ابدا علشان خايف يطلع عندي سكر زيه

قولتله سبحان الله خوفك من مصير والدك المفروض يكون ذريعة انك تحافظ ع نفسك وتتابع مش تهمل ف نفسك لحد ما توصل للمرحلة دي

**انا مش بحب شغل الصيدليات ولا الوقفة فيها وسبتها سنين قبل ما ارجع تاني... بس حقيقي عمال اتخيل لو ف كل صيدلية او حتى ف كل مربع سكني بس دكتور صيدلي فاهم يوجه المريض صح ويلحقه قبل وقوع كوارث كان ايه هيبقى وضعنا ... لكن للاسف اصحاب الصيدليات بيدوروا ع اكبر مكسب ف بيوقفوا اي حد يفتي بغير علم .. والصيادلة بيدوروا ع شغلانة تدخل مرتب عالي ف بيتوجهوا لشركات الادوية و التأمين

مش مطلوب منك توصف دوا او تشخص مرض ... كل اللي مطلوب منك تبقى فاهم وتوجه المريض للمكان الصح سواء معمل عيادة مستشفى... لو تفهم دورك ده واهميته هتدرك انك اهم عضو ف الحلقة دي لان من غيرك المريض هيهمل يكشف او يتطمن لان اسعار كل حاجة بقت مستحيلة هيقولك هكشف ولا اعمل اشعات ولا اعمل تحاليل ولا اشتري ادوية .. لا بلاها ... انت بأيدك تقلل عدد الخطوات دي ف هتوفر عليه ماديا كتير او وحتى هتوفر عليه الوقت

#Diabites

موقف كفيل يخلي الانسان حقيقي يقفل من كل شيء

من اسبوع عميلة جت مع طفلها ف حدود ٨ سنين بتسنده حرفيا مش قادر يمشي ... دكتور الولد ده تعبني معاه سخونة شديدة ووجع ف الجسم وبيقولي مش قادر اتحرك وحتى الاكل تقريبا منعه ... الدور ده داخل ف اسبوعين كشفت عند دكتور وقالي عنده دور برد شديد ... ودكتور تاني قال ان ده متحور كورونا وكتب ادوية واعزليه ف البيت اسبوعين .. بس السخونة مش بتنزل والاعراض عمالة تزيد

بصيت ع الطفل واضح ان الدور مش كورونا ولا دور برد ... قولتله انت بتحس بأيه .. لقيته بيقول صداع شديد يا دكتور وسخونة حاسس ان جسمي بيتفتت ...

فضلت افكر ف الاحتمالات قلت يمكن virus A والدكاترة مأخدوش بالهم .. سألته البول لونه غامق؟ قالي لا ... طب افتح عينك كده وجيت اقرب بالكشاف لقيته بيصوت وبيقولي مش مستحمل النور ... اتخضيت قلت يمكن يكون عنده meningitis! طب حرك رقبتك كده لقيته بيحركها كويس مفيش rigidity او تخشيبة ... قولتله انت مانع الاكل خالص حتى المياه؟ ... لقيت امه بتقول ده مش بيخاف من حاجة قد المياه ... حقيقي خفت جدا ... قولتله انت ريقك بيجري ع طولوقلقان ومتعصب؟ قالي اه وهنا حقيقي قلبي اتعصر

Fever, tiredness, fatigue, severe headache, light sensitivity,aggression, hydrophobia, and xss salivation

دي اعراض ال Rabies السعار .. بس ازاي! .. سألت أمه هو اتعض او اتخربش الفترة الاخيرة من شهر مثلا او اكتر؟ ف لقيتها سكتت

بقولها حصل صح؟ ... قالتلي انت مش فاكر يا دكتور انا جيت لك بيه من شهرين كده وقولتلك ف قطة عضته وروحت صيدلية اللي فيها قالي ده سطحي وعادي وجيت لك قولتلي تطلعي بيه ع المستشفى حالا ياخد المصل .. بس الصراحة جيراني قالولي الدكتور بيكبر الموضوع ع الفاضي والواد كويس وفعلا محصلوش حاجة

محستش بنفسي عير وانا بزعق فيها وبقولها اه حصل ... شوفي اهمالك وصلنا لايه وبعدين جيران مين اللي تسمعي كلامهم ع كلام الدكتور حرام عليكي بجد ... اطلعي بيه حالا ع مششتفى الحميات واحكيلهم اللي حصل ... قالتلي هو الموضوع خطر اوي كده! قولتلها ربنا يستر اطلعي دلوقتي متستنيش وانا حاسس بغليان ف جسمي

العميلة جات لي النهاردة من نص ساعة وهي بتعيط وبتقولي يا ريتني كنت سمعت كلامك ابني مات امبارح

ليه بجد ... يعني الواحد المفروض يعمل ايه علشان الناس تصدق ان الدكتور هو الوحيد اللي فاهم المرض مش القرايب ولا الجيران .. ليه لازم نقول يا ريتنا! ... انا قعدت طول الاسبوع أوهم نفسي واقول يمكن يتلحق وانا عارف انه مش هيعيش لان خلاص ال incubation period عدت والاعراض كلها ظهرت

حقيقي مخنوق جدا من اللي وصلنا له ... يا جماعة اي مخلوق عض ابنك خربش ابنك لازم ياخد المصل ... اصل يا دكتور منزلش دم .. اصل عضه من فوق الهدوم كل ده ملوش قيمة ياخد المصل ونبقى ف الامان .. احسن ما نرجع ونقول يا ريتنا!

خلينا نتفق ع نقطة ...
الكحة دي حاجة طبيعية جدا physiological action زي ما الواحد بيعطس مثلا ف احنا مش بنعطي دوا كحة الا لو كانت مرضية Pathological ... وكنا اتكلمنا عن علاج الكحة ف حالة ال dry cough .... النهاردة هنختم الموضوع باننا نتكلم عن الكحة ببلغم او productive cough

الاساس اللي هنبني عليه جملة لازم تكون حاضرة ف ذهنك

✨️Productive cough shouldn't be suppressed
يعني مينفعش ابدا اعالج النوع ده عن طريق اني اوصف حاجة تهدي الكحة

🔸️هتقولي بس ساعات المريض بيقولي انا برتاح عليها ...
↩️فعلا هو اللي مضايقه الكحة مش البلغم ف معندوش مشكلة ان البلغم يتراكم ف الرئة ف مقابل انه ميكحش

↩️بس ف نقطة صغيرة البلغم اللي بيتراكم ده بيكون بيئة خصبة جدا لنمو البكتيريا ف تخيل تدخل ف pneumonia بسبب انك اهملت البلغم واخدت علاج غلط

🔹️هتسألني طب يا دكتور مش البلغم كان ف ال dry cough حاجة حلوة و demulcent ليه هنا وحش؟

↩️المشكلة هنا مش ف البلغم نفسه ... المشكلة ف الكثافة البلغم طبيعته بيكون watery حاجة خفيفة لكن ف هو بيتحول ل phlegm وبيكون viscous ف بيلزق ع ال lining of inner membrane ف هنعيد الكرة بتاعت ال cough reflex وتفضل تتكرر ف امل انك تعرف تخرج البلغم ده ...

🔸️طب هو مش بيخرج ليه بالرغم من ان ممكن الانسان يكح بصورة شديدة لفترات طويلة؟
↩️لأن البلغم بيكون كثيف جدا ولازق sticky والمعلومة التانية ان حجمه صغير ف مش بيعترض الهوا ف ال Bronchial tree

ف كده لو قولتلك احنا نعالجه ازاي اظن هتبقى عرفت ان العلاج حاجة من اتنين يا اما حاجة بتقلل الكثافة واللزوجة ... او حاجة تزود حجمه ويا سلام لو الاتنين مع بعض

🔹️Mucolytic
↪️Decrease viscosity of phlegm "WITHOUT" affecting the amount
التعريف مهم جدا ... ان العيلة دي بتقلل الكثافة بس من غير ما تغير ف الحجم نفسه وهنعرف ليه قولنا كده
1️⃣Bromhexine
↩️وده اشهر مثالين له Mucophyllin و Bisolvon ... ال MOA اهه بيدخل ف ال formative phase ف بداية تكوين ال mucous ويمنع تكوين الخيوط المكونة لل meshwork ف يخليه
thin, watery and easy to expel
رفيع ... وخفيف وسهل الخروج

2️⃣Ambroxol
↩️زي ال bronchopro وال muco وخلافه ... هنا مش بيدخل ف ال formative phase لا هو بس بينشط ال surfactants ومش اي نوع لا ال type-II وده له وظيفة مهمة جدا وهي انه بمنع التصاق ال mucous ع جدار ال alveoli

3️⃣NAC "N-Acetyl Cysteine"
↩️كبير عيلة ال mucolytics ... ده شغلته بسيطة جدا ومهمة جدا جدا ... هو سأل يا جماعة هو ايه اللي بيخلي ال phlegm كثيف كده قالوله لان الخيوط بتاعت ال mucous بترتبط ببعضها عن طريق كباري وروابط من ال Disulfide bonds ... قال بس كده طب خلاص نطلع لها قرار هدم

ف يجي ع كل sulfur atom ويديها بروتون H ف يكسر ال bond ف تبقى خيوط متفرقة ملهاش شكل ف النتيجة ان هيطلع loose mucous

✨️بس لو سألتك وابن خالته ال CarboCysteine ده بيشتغل ازاي اوعى تقول زي ال NAC .. لا بالرغم انهم قرايب ومن عيلة واحدة بس هو بيشتغل زي شغل ال Bromhexine

🔸️Expectorants
↪️Increase water content of mucous--> Inc. Its volume

هنا الفكرة اننا بنزود حجم المياه ف ال mucous ف بنخليه loose و easy to expel
اشهر مثال ال Guaifenesin زي ال oplex

↩️عندنا ال Ivy leafs وامثلته كتير بس النقطة ان الناس بتطلع للكحة الناشفة ... يا جماعة الخير ده مادته عبارة عن
✨️Triterpene saponins
نرجع لذكريات الفايتو .. هتلاقيه بيقولك ان النوع ده ليه irritating and secretory properties دي الخواص بتاعته

ف تروح ع ال mucous glands تخليها تفرز mucous اكتر بس ميزته انه بيكون watery ... ف مينفعش اطلاقا يتوصف ف حاجة ال dry cough

#Respiratory
#cough

هو انا ازاي اخرج دوا كحة؟
احنا اتفقنا ع نقاط اساسية وفهمنا ال cough reflex والفسيولوجي بتاعته ومدة الكحة بناء ع المرض وهل الكحة ناشفة ولا ببلغم

🔹️انا دلوقتي الكحة ناشفة المفروض اعالجها ازاي؟
↩️ال cough reflex في جزء peripheral وهي ال receptors الموجودة ع الجهاز التنفسي و central وهي مراكز التنفس وبالاخص ال NTS

1️⃣Peripheral Anti-tussives
↩️احنا عندنا مشكلة مسببة irritaion لل receptors ف بتبعت اشارات لل NTS ان الحث في جسم غريب Foreign body عاوزين نطرده وده اللي بيخلينا نكح ... ف اول حاجة تيجي ع دماغك علشان نلغي ال irritaion ده نعمل ايه؟

↩️بالظبط حاجة يا اما يكون ليها demulcent effect ودي كتير واسهلها هو بخرا المياه steam ... استنشاق بخار المياه ف الحالة دي مفيد جدا لانه بيعمل حاجتين

-make a thin layer of water on the lining of bronchi --> dec. irritaion

-Stimulate mucous glands to secrete mucous --> demulcent effect

↩️وع فكرة بيستخدموه كتير جدا ف دول برا يعني ده ال 1st line خاصة ف الاطفال

✨️خلي بالك ان ال water vapour نفسه ف بعض الحالات خاصة للاطفال اللي عندهم asthma ممكن يعمل irritaion to the mucosa ويسبب كحة ودي من ضمن اسباب ان لا سفضل نستخدم مياه بدل محلول ملح ف جلسات الاستنشاق بس دي مش موضوعنا حاليا

🔸️تاني حاجة بس مبقتش مستخدمة ف مش هتعمق فيهل هي مادة مستخلصة من ال procaine ومن اسمها هي هتعمل تخدير موضعي لل mucosa ف متخليش ال receptors متحسش بال irritaion

طبعا وقفت من فترة طويلة لانهم وجدوا ان بعض الاطفال بيحصلهم مشاكل عصبية زي تشنجات وخلافه "مشاكل ال anesthetics"

2️⃣Central Anti-tussives
↩️طبعا بداية من الاب الروحي ال morphine بعد كده لقوه شديد شوية ع المريض عملوا له acetylation ف طلع اخونا Heroin وفضلت الناس تشرب هيروين وتعمل دماغ

↩️قالوا طب بلاها acetylation خلينا نعمل لل morphine عملية Methylation ف طلع الاخ الاصغر ال Codeine واستمرينا عليه فترة بس اكتشفوا حاجة صغيرة ان ف حالات كتير بيحصله metabolism ف الجسم ويتحول لمورفين ف كأننا معملناش حاجة

🔹️بغض النظر عن الادمان ايه المشكلة الاساسية؟
↩️احنا عاوزين دوا central يشتغل ع ال NTS ويعملها inhibition
بس للاسف هو بيضرب مراكز التنفس التانية اللي جنب ال NTS زي DRG و VRG و Apneustic center ف مع تراكم الجرعات

يحصل inhibition of respiratory centers والمريض يخش ف respiratory depression ويموت

↩️لحد ما توصلوا لتركيبة تعتبر codeine analogue وف نفس الوقت ملهاش ال euphoric properties of morphine "opoids"

↩️وده اسمه Dextromethorphan آمن بشكل كبير مفيش منه ضرر حتى بالجرعات الكبيرة

✨️لكن ميتاخدش قبل سن ٤ سنين ويفضل ٦ وميتاخدش مع حاجة ليها anti-cholinergic effect "ف السن ده" وميتاخدش مع اطفال عندهم مشاكل نفسية او عصبية وماشين ع علاج ... لانه ليه Neuro-psychiatric effects

#Respiratory
#cough

بص هو عادل عيان ال Heart failure خاصة اللي عنده aortic stenosis هيجيلك بشكوى بسيطة بس مهمة هيقولك يا دكتور انا بنهج وبكح ... السؤال المحوري هنا هل بتنهج بعدها بتكح ولا بتكح بعدها بتنهج؟ هيقولك ايه الفرق ما الاتنين واحد

هترجع بضهرك ع الكرسي وتقول ازاي بس يا عادل انت عارف انك من زمان عندك تصلب ف صمام الشريان الاورطى.. يعني الضلفتين مش بيتفتحوا ع الاخر لما بيحصل انقباض لل left ventricle ف مش هيطلع دم كتير ف الاورطى ف هيقل ال Cardiac output ويجيلك dysnea و cyanosis مع اي مجهود ... هيقولك ايوة ايه برضو علاقة ده بالكحة والنهجان

ف تقوله ازاي بس يا عادل "تاني" - وتتعدل لقدام علشان التغيير - ما الدم اللي مطلعش من ال LV هيفضل موجود ف يزيد الحمل عليه عمال يحاول يطلعه ومفيش فايدة ف يحاول ي Compensate ف يعمل hypertrophy و hyperplasia ف يحصله thickening ويزود من ال contractility يقولك عادل فيه الخير والله القلب طب ما اه دي حاجة حلوة فين المشكلة

تقوله ما القلب ده مش شغال ف جميعة خيرية علشان يشتغل ببلاش ما هو هيصرف ع الخلايا الجديدة دي اكسجين ف كده ال demand اكتر من ال supply ف يحصله ischemia وحوار المهم ف الاخر يعني هيحصل left ventricular failure ف الدم يتكوم ف ال LV يجي ال left atrium علشان ينزل الدم ف ال LV يشغل حماقي وهو بيقوله عندك استنى دقيقة هتخنق منك شوفلي طريقة

ال LA ميلاقيش حل غير انه ياخد الاغنية ويروح ع ال pulmonary veins ويشغلهالهم ف الدم يقف ف ال veins ف الرئة تعوز تنزل الدم اللي اتفلتر جواها بس تلاقي ال Veins اخدت نفس الاغنية برضو ف تروح شاتمة حماقي ف سرها ويحصل lung congestion

يقوم عادل يقولك وانا مالي بحماقي دلوقتي انت مجاوبتش ع سؤالي ايه الفرق بين اني انهج بعدها اكح ولا اكح بعدها انهج؟

ف تقوله ازاي بس يا عادل "تالت مرة"، وهو ال LVF ايه غير ان المريض يحصله Lung congestion ف المياه تتراكم ف ال alveoli ميعرفش ياخد نفسه ف ينهج ف يحس ان في حاجة ف صدره "المياه" ف يكح

لكن لو انت مريض مثلا pulmonary embolism او ARDS هيحصلك برضو pulmonary congestion بس ساعتها هتكح يا عادل عارف ليه؟ يقولك لا ف ترد وتقوله علشان انت مريض رئة المشكلة ف الرئة يا عادل ف لازم تكح الاول

عادل هيجي يمشي من غير ما يدفع تمن الكشف ف تشغله نفس اغنية حماقي ف يقوم * وماشي

#CVS

انا لو جيت سألتك انت بتكح ازاي هتكون ايه الاجابة؟
هتقول الاول بملأ صدري هواء واكتمه للحظة بعد كده اخرجه بقوة
هو ده بالظبط اللي بيحصل

1️⃣Inspiratory phase
بتملأ صدرك هوا عند طريق يحصل انقباض لل intercostal muscles فتشد القفص الصدري لبرا ... ولل diaphragm ف تشده لتحت ف يزيد ال intrathoracic cavity ف يتملي هوا ف يزيد ال intrathoracic pressure

2️⃣Compress phase
دي اللحظة اللي بتكتمه فيها ... ال glottis او لسان المزمار بيقفل ف يمنع خروج الهوا ف يزيد الضغط داخل الصدر اكتر وتنتهي بإن الاشارات المبعوتة من مراكز التنفس تنتهي فيتلاشى ال muscle contraction "لاحظ اني مقولتش انبساط".. فيرجع القفص الصدر لحجمه يعني يضغط لجوا وال diaphragm يطلع لفوق وده هيزود ال intrathoracic pressure جدا وده ينقلنا للمرحلة الاخيرة

3️⃣Expiratory phase
هنا ال glottis بتفتح ف تخرج الهوا بس forcefully يعني بقوة مش زي الزفير العادي واللي بيساعد ف ده ضغط الهوا الشديد جوا الرئة ف لو في foreign body هيتم طرده للخارج

🔸️ده بقى ميكانيزم الكحة عندك لازم يحصل ال٣ مراحل دول ف كل مرة بتكح "سبحان الخالق" ... محتاجين نفهم ال cough reflex بتحصل ازاي
ارجع كام سنة لورا ف محاضرات الفسيو ف ال ANS كان بيقول اي reflex arc بيتكون من afferent - center - efferent

🔹️عندنا ف الرئة ف كذا نوع receptor كان زمان مجازا بنقول عليهم cough receptors ... بس لا خلينا نفصل
-stretch receptors
↩️دول بيبعتوا اشارات لمراكز التنفس خاصة لل apneustic center ف ال pons وده بيتأكتف نتيجة التمدد او الشد اللي بيحصل ف عملية ال inspiration واللي يهمنا منهم التالي

-RAR/SAR
Rapid Adapting Receptor/ Slow Adapting Receptor
↩️ودول بنقول عليهم mechanical driven يعني لو ف جسم غريب سواء pollen او dust او mucous او cancer ف بيتأكتفوا ويبعتوا اشارات عن طريق ال vagus بيروح لمركز مهم جدا هنقوله تحت

-C fibers
↩️وده chemical driven بيتأكتف عن طريق المواد الكيميائية زي ال Leukotrienes و ال histamines ...الخ وبيحصل نفس اللي فوق

↩️تروح الاشارات عن طريق ال vagus nerve وده بالنسبة لنا هو ال Afferent nerve لمركز موجود ف ال medulla اسمه
✨️NTS - Nucleus Tractus Solitarius

↩️وده هو اللي بيبدأ او ب initiate رد الفعل عن طريق اللاعصاب دي
-Phrenic -Spinomotor -Laryngeal -Vagus

ودول ال efferent nerves ... يروحوا يشتغلوا ع ال efferent muscles
Intercostal - laryngeal - Bronchial smooth muscles

🔸️ويعملوا القصة اللي حكيناها فوق دي ... وده يفهمنا اننا لو عاوزين نوصف دوا يبقى لازم يشتغل ع حاجة من اتنين يا اما
Peripheral
ع الريسيبتورز دي و locally ع الرئة
يا اما
Central
يعمل inhibition للمركز ف المخ ... وبكده نقدر نتكلم ف ادوية الكحة ف البوست الجاي ومين بيشتغل peripheral ومين central

🔹️الجزئية دي لو اتفهمت اكاد اجزم انك مستحيل تخرج دوا كحة غلط ابدا هي متوسعة عن كدا بمراحل بس انا شايف يكفي جدا الكم ده انك تكون ع دراية باللي بيحصل جوا جسمك لما تيجي تكح

#Respiratory
#cough

السلام عليكم
بإذن الله ف مجموعة بوستات كده هتكلم عن الامراض اللي بنقابلها بكثرة ف الفترة اللي جاية بما ان الشتاء داخل ... بس هتكلم فيها بشيء من التعمق والتفاصيل .... بسم الله

كتير جدا يجي لك حد يقولك:
دكتور لو سمحت انا كنت عاوز دوا للكحة .. عندي كحة تعباني
فتسأله السؤال الفرعوني اللي مكتوب ف البرديات:
هي ناشفة ولا ببلغم

يا جماعة السؤال ده مينفعش يكون اول سؤال ابدا لازم يبقى ف دماغك approach او ترتيب تمشي بيه stepwise

هيقولك ناشفة ... هتطلع له حاجة anti-tussive وشكرا طب وبعدين
ما الكحة الناشفة دي ليها ١٠٠ سبب ... يعني لو مريض قلب وبياخد ACEI لو اخد دوا كحة من هنا للسنة الجاية مش هيخف لان السبب موجود ... ده مثال من امثلة كتير

طب ايه اول خطوة؟
1️⃣هتسأله الكحة دي من امتى وبناء عليه هنقرر
✨️Duration of Cough:

🔹Acute ️<3 weeks
اقل من ٣ اسابيع بنسبة كبيرة جدا ف هي نتيجة عدوى سواء bacterial or viral وطبعا مع باقي الاعراض هنقدر نتأكد

لو مش عدوى ف بتكون بسبب حاجة زي ال COPD او PULMONARY OEDEMA او extrapulmonary زي ال CHF

🔸️sub-acute 3:8 weeks
لو من ٣ ل ٨ اسابيع ف بنسأل المريض كان عندك دور برد الفترة اللي فاتت قال اه حتى لو من شهر ف دي حاجة بنسميها post infectious
لو قالك لا ف بندور ف اسباب تانية وغالبا بتتحول ل chronic علشان كده ف كتب مش بتكتب دي وبيقسموا acute و chronic بس

🔹️Chronic >8 weeks
هنا المدة بتكون اكبر من ٨ اسابيع وليها اسباب كتير
بس اولها واهمها علشان بتتنسي استخدام ال ACEI

-لو مكنش هو هنفكر ف ال Upper Airway Cough Syndrome او بمسماها العصري Post Nasal Drip

-طبعا لا ننسى ال Asthma واخوه الصغير NAEB
Non Asthmatic Eosinophilic Bronchitis

-والسبب اللي كتير من الناس بتغفل عنه ال GERD

بإذن الله هتكلم عن كل مرض ف بوست لوحده وازاي بيسبب عرض الكحة بس خليك فاكر
How to treat cough?
BE SPECIFIC
يعني لازم تعرف السبب وعالجه .. طب انا ف صيدلية يبقى اعرف السبب ووجه المريض للطبيب المختص ... طب بجانب السبب
ساعتها هقولك تقدر تعالج Non specific medicines او Symptomatic medicines

وده هيودينا للسؤال التاني:
✨️Type of Cough
نوع الكحة وهنا اه هنقول ناشفة او ببلغم بس ع فكرة ك معلومة ليها تصنيفات تاني زي ال whooping cough او ال croup او paroxysmal cough بس انا مش هتعمق فيهم ف يكفي السؤال ناشفة ولا ببلغم dry or wet cough

بس قبل ما اقولك الفرق ما بينهم وازاي نعالجهم محتاجين نفهم ال
Physiology of cough and cough reflex
وده هتكلم عنه ف البوست اللي جاي بإذن الله

#Respiratory
#cough

السلام عليكم ورحمة الله وبركاته
بما ان خلاص داخلين ع موسم الشتاء
ف بإذن الله هنتكلم Community شوية بس in depth
هبدأ ف مواضيع
Cough
Common cold
Post nasal drip
Allergic Rhinitis...etc
المواضيع اللي بتقابلنا ف الصيدلية والعيادة والمستشفى بشكل كبير خاصة الاطفال

بس من ناحية كلينيكال .. يعني مش مجرد كحة ناشفة طلع anti-tussive او ببلغم طلع mucolytic و expectorant

ف بإذن الله المواضيع تعجبكم

لو ف حد عنده اقتراح او حابب حاجة معينة تتشرح بس ف المواضيع دي بإذن الله هضيفها ساعة ما اشرحها

الالدوستيرون بيعمل حاجتين كمان ف الحالة دي حد يعرفهم؟

بص هو القلب يزعل ف الشريان التاجي يجيله جلطة يحصل Myocardial infarction ف القلب يتعب ف يقل ضخ الدم وال CO يقل ف الكلى تزعل عليه وتقول بصوت ايهاب توفيق قلبي يا ابو القلوب مش هو ده ابو القلوب بتاع زمان

ف تحب توجب معاه تطلع Renin يروح ع الكبد ياخد ال angiotensinogen تحوله ل angiotensin1 اللي يعدي ع الرئة ف يتحول ب ال ACE ل Angiotensin2 اللي بيعمل انقباض كبير للاوعية الدموية علشان يعوض ضعف عضلة القلب ف القلب يجيله preload كبير والحمل يزيد ف يحاول يزود ال CO علشان يعرف يضخ الدم ده فيكبر الخلايا بتاعته ويزود عددها myocytes hypertrophy and hyperplasia.. ف ال demand يعلى عن ال supply ف يزود ال MI ف يقل ال CO ف الكلى تزعل ع القلب وتقوم تنادي ع ايهاب توفيق ذات نفسه ويقولها فعلا مش هو ده ابو القلوب

والله لمزودة ال Renin ف يعلى ف الدم فيقول حوار ال Ang2 مش نافع انا هعمل حاجة تاني هروح انشط ال Aldosterone
ف اخونا يقول حبيبي يا رينين عنك انت ف يحبس مياه وملح ف يزود حجم الدم ويزود الضغط .. الرينين تقوله يا عبيط كان غيرك اشطر ما ال Ang2 عمل زيك ورفع الضغط والدنيا عكت زيادة يقولها ماتربطيش حمارتك جنب حمارة العمدة

فيروح ع عضلة القلب نفسها يقول ما المشكلة كلها ان عضلة القلب ملهاش تمرين بس احنا هنخليها تتمرن فيروح ينشط شوية حاجات كده علشان يعمل more and more Hyperplasia and hypertrophy بس علشان الراجل ده مش تمام ف بيبوظ التصنيع بتاع ال myocytes ف بيبوظ ال elasticity ويخليها fibrous ودي non functioning ف القلب يتحول من عضلة شباب لحتة لحمة مسلوقة Myocardial fibrosis وده بالمناسبة المعنى الحرفي لل Myocardial remodelling ويدخل ف refractory heart failure والعيان يتكل ع الله

كل ده علشان من البداية الكلى حبت تساعد ... ف نصيحة اوعى تقبل مساعدة من ايهاب توفيق

بما ان شهر ١٠ جه وموسم الشتاء ع الابواب ف هتلاقي ف روشتات دكاترة الصدر والاطفال الصنف ده .. ف محتاجين نقول كلمتين

🔸️اولا هو عبارة عن ايه؟
↩️عبارة عن bacterial lysate... بقايا بكتيريا او بكتيريا ميتة او بكتيريا تم اضعافها ... الكلمة معناها واسع وشامل ... نفس فكرة الامصال

🔹️طب بيشتغل ازاي؟
↩️هو عبارة عن immunostimulant ... لكن انا افضل كلمة immunomodulant
ميزته انه بيتبلع ف بيحفز الMALT system اللي موجود ف ال GIT
Mucosal Associated Lymphoid tissue

↩️ودي شغالة بشكل اساسي انها تهاجم الاجسام الغريبة المعرضة ع سطح ال mucosa
وسلسلة من الاحداث ف الجهاز المناعي اخرها ان ال B lymphocyte تنتج IgA او اجسام مضادة مخصصة لل antigens دي

وبما انه حفز ال MALT يبقى كده الاعضاء اللي فيها Mucosa هيكون موجود فيها الاجسام دي IgA طبعا اهمها ال
BALT - Bronchus associat.
NALT - Nasal associat.
↩️ودول ليهم دور جدا علشان الانفلونزا
وكمان ال urogenital mucosa وده فكرة ال uro-vaxom ف عدوى الجهاز البولي المتكررة

🔸️جرعته ايه؟
↩️قرص او كيس "بالنسبة للاطفال" مرة يوميا لمدة ١٠ ايام تكرر الجرعة كل شهر لمدة ٣ شهور

✨️السؤال اللي محدش بيسأله.. هو ليه؟اشمعنى الجرعة بالشكل ده! ليه ميبقاش قرص يوميا لمدة ٣ شهور او ايا يكن

↩️الدوا ده خاضع لنظام consolidation regimen وده بيكون طريقة بنعطي بيها الادوية المناعية خاصة ف حالة الاورام بعد ما يحصل remission للورم ... بتكون عبارة عن cycles او pulses ليه؟

↩️احنا بنحفز الجهاز المناعي وبنوجهه بأيدينا انه ينتج اجسام مضادة مخصوص للانواع دي ...والاجسام دي علشان تنتج بتحتاج من ٥ ل ١٠ ايام ف احنا بنعطي الجرعة لمدة ١٠ ايام بس ونسيب باقي الشهر انه يشتغل عادي قصاد اي بكتيريا او فيروس تاني ...
والسبب الاهم حتى لو بكتيريا ميتة ف هي ما زالت بكتيريا انت بتعمل load ع الجسم ف مينفعش يكون لمدة طويلة

↩️طب دي ال ١٠ ايام .. ليه بقى لمدة ٣ شهور ... ببساطة علشان موسم الشتاء متوسط ٣ شهور ف احنا بنكرر ال cycle شهريا

🔹️طب هو ليه استخدام تاني غير كده؟
↩️اه بيستخدم ف ال acute episodes of pneumonia وكمان بيستخدم ف ال rhinosinusitis وف ابحاث بتتكلم عن مدى فعاليته ف حالات ال COPD ... شايف كل الحالات دي برضو بيستخدم لمدة ١٠ ايام فقط ... مفيش حاجة اسمها قرص يوميا لمدة شهر علشان الواحد بيشوف العجب ف الروشتات

🔸️طب ينفع نستخدم معاه مضاد حيوي؟
↩️الابحاث بتقول ينفع عادي بس "بشرط" انه يبدأ المضاد الحيوي مع بداية ال broncho vaxom مينفعش يبدأ بعده

🔹️طيب ينفع يتاخد معاه امصال ايا كان نوعها؟
↩️مفيش كلام واضح ف النقطة دي الا ع مضض ان عادي تستخدم بس الافضل نبعد عن ال ١٠ ايام اللي بناخد فيهم الدوا

🔸️طب هل ينفع يستخدم مكان مصل الانفلونزا طالما نفس فكرته؟
↩️لا مينفعش نهائي ... هنا ده مجرد immunomodulant بيعدل ف الجهاز المناعي ويوجهه ان يشتغل ع انواع البكتيريا دي "علشان كده قلت افضل كلمة modulant مش stimulant"

لكن شغل ال vaccines مختلف خالص و specific ف لا يحل محله

🔹️طب الاطفال الصغيرة بيتكتب اكياس وهي ع طول ناقصة ايه الحل؟
↩️بسيطة هتجيب الكبسول بتاع ال children وتفضيه ع علبة زبادي بس بشرط انه ياكلها ف لحظتها مش تسيبه فترة
"طبعا مينفعش جرعة الكبار تتاخد للاطفال لانها الضعف"

بس كده تقدروا تشوفوا باقي البوستات ع الهاشتاج ده 👇👇
#marwan_crash_board
وع قناة التليجرام
https://t.me/placebo7393

#Respiratory