الشاعر احمد رزاق الأعرجي

بالغربه وحدي "



بالغربه وحدي ... حانت منيتي
بدموعي ابدي ... اكتب وصيتي
شـابـت رمـوش العـيـن
مـحـتـاره ابـدي مـنـيـن
اكتب وصيتي


كل واحـد يـوصّْـي وأِخـوِتـه يـمّْـه ... لـو حـانـت مـنيته
وآنه بغربتـي وگلبـي انذبح حلـمه ... ولا واحـد لگـيـتـه
كلامي غير أخُوتي ياهو اليْفهمه ... والـدمـع الـجـريـتـه
شفت طيف الحُسين وهوه مذبوح
من كل صوب جسمه ينزف جروح
بكثر سـحگـت ضلوعه كتله لتروح

گتله حياتي ... خلصـت يغاتي
كل أمنـياتي ... تحضـر وفاتي
ابلا نحره شفته حسين
مـحـتـاره ابـدي مـنـيـن

____1____

بين دموعي بين اللوعه والحسره ... أدوركـم يالاخـوان
أحشمكم تحـضروني وأهـل عـبره ... مـوتي گـرّب وحان
اليفگد أخْوِتهْ أوياهم فگد عمره ... بروحه بيت الأحزان
صرت شـمعه وعليه اتهب الارياح
أريـد بـموتـتـي بـشوفـتكـم أرتـاح
وتشيلون الدمع من عيني لو طاح

مشتاگه ألكم ... وأذكـر حـچيكم
يابعد أختكم ... ابقـى انتـخيـكم
عـيـنـي جـرت نـهـريـن
مـحـتـاره ابـدي مـنـيـن

____2____

وصيتي لو اموتن ماي لـترشـون ... زحمه حسين ضامي
وچفنوني بعباتي البيها دم امتون ... والسـبحه وهـيامي
وحچي هوايه يعيش بْگلب الاعيون ..مـااوصفه بكلامي
وأحـاچـي دمْعتـي لا مـا نسونـي
اخوتـي بـالـدرب هـسـا يـجـونـي
يشـيـلون النـعـش ويــشـيـعـوني

وفوگ اعله گبري ... رايــة تــرفــرف
خـلّـصـتـه عـمـري ... واحلامي تنزف
نـــار الْـفـــگِـد نــاريـــن
مـحـتـاره ابـدي مـنـيـن

____3____

أريد حسين يحضرني وأشوفنه ... واضمّـد كل جروحه
يسولـفلي وأسولفله واشـبگـنه ... وتحظن روحي روحه
بشوفي يرتوي وآنه اترتوي منه ... الحزن بعيوني لوحه
اجروحـي مستهلـهن كـاتـبـنّـه
الحوافر يوجعنـي ويـوجعـنّـه
أنشد دمعـي لـو يـاْهـوّه عـنّـه

بفـگـد الأحـبه ... عـشـت بـنيـاحـه
والغربه صعبه ... وماكو استراحـه
شـام وغُــرُب جـرحـين
مـحـتـاره ابـدي مـنـيـن

____4____

واريدن صاحب الرايه يجي ليّه ... أشـبكـنـه واحـاچـيه
واگلّـه يـا بعد أختك العلويه ... شـلونك" وابقى اصد ليه
اريـد احچـيلـه ضـيم اليخنگ الريه ... لا خـافـن ابـچـيه
أگـلّـه رايــتك خلـها اعلـه گبـري
مـتنـي يـنلـچـم بـالـگــبـر تــدري
من السوط احس مكسور ظهري

لا ما اگلّه ... كـل ظهري حدّب
دمعه يهلّه ... لـو تبـچـي زينب
بــعـده لـفــانـي الـبــين
مـحـتـاره ابـدي مـنـيـن

____5____


#رزقهم_سلام_الله_عليهم
#احمد_رزاق_الاعرجي

لأستشهاد مولاتي زينب بنت علي ابن ابي طالب عليه وعليها السلام عقيلة الطالبين فخر المخدرات


سلطانة الجرح
يوميه تـــنذبح
ظلت بلا صُـبح
مكـسورة الظهر

تــون ... تحـن ... وبـدمعـتها
حلم ... تشم ... صدر اخوتها
الجـمر ... عُمُر ... بعبـايـتـهـا
عاشت لوعة غرب

بگلب زينب كهف ظامي ... عله الهم
اذا شافت نـهر يــــجري ... عله الهم
مصايب شــافت ولوعـه ... علل هم
أمنهد مـا طبت ارض الغاضريه

التــفگد أخو بغرب
عليها السهل صعب
شــمـا ينبض الگلب
أيطلّع شيب الدهر
_____1ــــــــــــــــــــــــــــــــــــ
الدمـع ... شـمع ... يحرگ خدها
التعب ... شعب ... عايش عدها
الأمـل ... رحـل ... ما سـاعدهـا
وگالت بت فاطمه

الجروح بروحي ضلـن ... يوجعناي
الجرح لو ينسـمع چا ... يوجع الناي
ابو فاضــل كـفـيـلي ... يو جه عناي
اريــد الـفـاتـحـه يـقــره عــلـيـه

عاشـت كــــل الحزن
اشما حل مغرب تون
رادت وگـــت الـدفن
يحضر ليها الكمر
_____2ــــــــــــــــــــــــــــــــــــ
الهوه ... الضوه ... يم بت حيدر
ألـــم ... سـهــم ... فوگ المنحر
عـكـس .. أمـس ... كلشي أتغير
من قصة كربله

چبــيره بــــالعــــمر زينب ... يلمها
وفگد أخوتها كـل لحــظة ... يلمها
شريعه وچف أبو فاضــل ... يلمها
دموع الحره چـنـها المغربيه

ذبـلانــه والـتـعب
فوگ الوجن كِتب
نـار الـهـجـر لـهـب
وذاك العمر گصر
_____3ــــــــــــــــــــــــــــــــــــ
الـعـمـر ... يـُمـر ... خيط بشمعه
النبض ... يرض ... بنت البـضعه
هــوّت ... صفت ... بس الدمـعه
وذاك الحيل انسلب

العقيله بحـسره گالت ... ميّته آني
مثل موت الزرع من ... ماي يتاني
يموت اليفــگد اخـوه ... مـايـتاني
وتضل عيونه مصلوبه اعله جيه

وحتى الهـوه جمر
بــالـريـه مـن يـمـر
ماضل بعـد صـبـر
وما من اخو حضّر
_____4ــــــــــــــــــــــــــــــــــــ
الحزن ... مُدِن ... بارض الغربه
الصـبر ... جمر ... فـارش دربـه
الـشمع ... دمـع ... يحـرگ گـلبه
وخيط الشمعه العمر

اليجي والباقي بــالدنيا ... واليروح
لمصـايب زينب شــويـه ... واليروح
الهظم ساكن گلب زينب ... ولايروح
مثل چف الحمل راية أخيه

مــشتاگـه للأهل
زينب حيل وذبل
وتنظر باب الامل
ودم ينزف النظر
_____5ــــــــــــــــــــــــــــــــــــ
النـظر ... كِـسـر ... رمش عيونه
الگـلب ... درب ... ذابــل لـونـه
الـحلم ... سِـلـم ... بيهـا ضنونه
وزينب أم الحلم

على زينب مصـايب ... بعد اخوها
جرت واتحـملت هم ... بُعد اخوها
تفكر ضامـي چبـده ... بعده اخوها
وعلى صدره بعدها الاعوجيه ؟

وكت الدفن تون
واتـفـكـر بـحـزن
بآخر نفس تِـحن
لأخوتها وبقهر
_____6ــــــــــــــــــــــــــــــــــــ

#رزقهم_سلام_الله_عليهم
#احمد_رزاق_الاعرجي

السلام على زينب الحوراء ع



مـنتظـره يجـون أخـواني للتشيع
حـان الآن مـوعـد ساعـة التـوديع
مرسوم حنيني أخـوان تـجيني


هـاي أنـفاسي بـآخر سـاعه
مشتـاگـه لحـلوات اطبـاعه
حسـين اشتاگيـت لنـعـناعه
بحب حسيـن شگد طمـاعه

أريداً يحـضر وعيـني التـسولـفـلـه
ويـنـظر مـتـني لـونه بـي ألف علـه
وعــن رجـليـه مـچـويـات أگــلــلـه

واگـلـه الشـيب طـشر ديـرتـه بـراسـي
واسولفله على كلشي وعلى احساسي
ويهـود ونيني أخـوان تـجيني

___1_______

مشــتاگـه الـعـباس الهـيــبه
المـاعـثرت بـلـسانـه الغـيبه
زيـنـب تـارس بـالـه وجـيبه
وين الله ويم عيني يـجيبه

مااحجـيله عـن طبـتنـه نص الـسوگ
ولا راوي عــبـاتي وشعـري المحروگ
ولا اخـبره رقـيه مـنها شـي مــبـيوگ

أريـد أگـعد وأبــاوع وأشبـع هـوايـه
بـس مـحـتار أضـمـن ويـن الـعـبايـه
وشـلون اديـني أخـوان تجيني

___2______

يــعـگـوب بـحـالاتـه وصـبره
صبره الگـطره وآنــه المـطره
يـوسف رد لأحـضانه وعطره
وزينـب منـتظره ابـن الزهره

يامحـلـه الاخـو لـو يـحـضـر لاخـته
قبل لتموت وتشوف الـدمـع سـكتـه
وتـوصـي وتـشوفـه يگـض خاصرته

عشت عمري غريبه وبالغرب موتي
بس منتظره اخـوتي تشيل تابوتي
أفراح سنيني أخـوان تجـيني

___3______

أذكــر جـمـعـتــنه ولـمتـنه
وأذكـر يامحلاهـا اخوتنـه
غـير الـزهــــراء الـربـتـنـه؟ !!
چـانـت أم النـه وسبحتنه

يــا أمـاه ألحگـي لـزينـب عيـونـچ
فگدت كلشي منـها وماتت شلونچ
مـتونـي زرگـه يـمه تشـبه مـتونچ

مـن سـوط السبـي يايـمه متاذيه
مثلـي مـا أظـن متـأذيه عـلـويــه
تقرين جبـيني أخـوان تـجـيني

____4_____

شـما اذكـر طـف الـضـيـعـنا
چـم غـالي وغالي الـودعـنا
چـلمـات البيـها شگـد مـعنا
فشـل مـاي الشـط مـدمعنا

ياجـرح الأخذ كلشي بطفوف البين
أخـذ مـني أبـو فاضـل هـذاك الزين
والمـعـدل خـذاه والـد رقيه حسين

منتـظره ويـجوني كلهـم اخوانـي
يـشيـعوني وچـبير الخـوه دفانـي
يحظرون بنيني اخـوان تجيـني

____5______
تحضـر يمي اخواني اتمنـه
ويــشـيعـوني الحـد الـجـنه
بـشـوفـتـهـم ارتــاح اتــهنـه
مـا أيــس مـا أكــطـع ظـنـه

يجـيـبولـي چـفن بي ريحة الخوه
والمخيطه ابو فاضل ينگط مـروه
كون وياه علگ من رايـته الحـلوه

تابوتي بلايه أمتون أخوتي يميل
ياجـيتـهم الهـيــبه شـمـس باللـيل
قـرآن مـبـيـني أخوان تـجيني

___6______


#رزقهم_سلام_الله_عليهم
#احمد_رزاق_الاعرجي

لأستشهاد مولاتي الغريبة زينب عليها السلام


آني الـغـريبة ... هـا يخــواني ... محتاجتكم
بدمعة عيني ... بهاي اللحضه ... مــنتظرتكم
مخـنوگة بعـبره
يـــولاد الــزهره
بأنفاسي الجمره ... اني الغريبة

يخواني بآخر انـفاسي مشــتاگه الــلمّـتنـه هواي
من جنت اعـطش آنه اتذكر عباس بچفينه الماي
وحسين ابْحرّ الظهرية طـوله عليّه ايصــير فياي

اذكر لمتنه .. واذكر خيمتنه .. واذكر دمعتنه
اتفز بيه جروح
دمعاتي بعيني .. مذبوحه سنيني .. منهو ايوديني
لــخوان الروح

عيني بحرگة ... أتاني الـجية ... وشوگي بگلبي
امّـــن يــارب ... جيب اخواني ... ادعــي الربي
ذبحتني الحسرة
يــــــولاد الـزهرة
بأنفاسي الجـمره .. اني الغريبة
ـــــــــــــــــــــــــــــــــــــــــــ١ـــــــــــــــــــــــــــــــــــــــــــ
يخواني بحرگة اتنطركم وبعيني اتبات الدمعات
صوتي ينادي هـا يخواني حيهم يا أهل الفزعات
غربة ومحتاجتــكم يمـي بجيـتكم تهـده الونات

آخر انفاسي .. مجروح احساسي .. والشيب ابراسي
وتعبان الصوت
تابوتي ايتاني .. أمتون اخواني .. زينبكم آني
واصلني الموت

الفارگ أخوة .. عايـــش غــربـة .. وگلبه مشيب
نــار انــفاسه .. وطوله اتشوفه .. دوم امــحدب
هاي انـي الحره
يـــــولاد الزهره
بأنفاسي الجمره .. اني الغريبة
ـــــــــــــــــــــــــــــــــــــــــــــ٢ـــــــــــــــــــــــــــــــــــــــــــ
كل ذكرة ابگلبي اتچوّيني مثل النار بچف ازغير
بت حيدر وهمومي هوايه وما صح لزينب اي بير
المن اشكي بشام الغربة چيفن وحدي هيج يصير

وشلون اتصبّر .. ودلاّلي اتفطر .. وامصايب اكثر
صارن وياي
الشام اشخلالي .. ذابح دلّالي .. اشخله اباطفالي
جارحنه هواي

طشرنه احنه .. شلون السبحة .. واتـــــــباعدنه
قــــبل الفرگة .. بــــجـنة ربـنا .. أتــــــــــواعدنه
مابعـــــد السفرة
يــــــولاد الزهرة
بأنفاسي الجمرة .. اني الغريبة
ــــــــــــــــــــــــــــــــــــــــــــ٣ــــــــــــــــــــــــــــــــــــــــــ
بالطف لوعات شگد صارت والد سـكنة لمن طاح
سلبو خيماتي السلّابه وحرگوها وگضّيت اصفاح
واليذبحني موقف بالطف روس وصعدن روس ارماح

ومحترگة الخيمة .. واركض بالهيمة .. وماصحت غيمة
اگــــصد لا وين
وآنه اعله الـــــتله .. وتنداس القبلة .. وشلون اوصله
احسين احسين

اگبالي الحافر .. بيوم العاشر .. ينــــهش صدره
شگد ناديتــه .. اسحگ نحري .. واتـــرگ نحره
واسهام بــظهره
يــــــولاد الزهرة
بأنفاسي الجمرة .. اني الغريبة
ـــــــــــــــــــــــــــــــــــــــــــ٤ــــــــــــــــــــــــــــــــــــــــــ
اثار السوط اعله متوني بالطف سد صارن لزغار
ومثل امي اچفوفي مچواية ولسا باقي عليها اثار
جروح الفرگة البيّـه هوايه ودخان بأنفاسي ونار

زينب وحدها .. ياهو يساعدها .. والدمعه بخدها
ابطف الاحزان
وشمّاته شگدها .. ياهو الي ايردها .. وجروحي يشدها
بعد العطشان

شمـــا اتذكر .. يـوم العــاشر .. اتــــزيد آلامــي
فوگ الغبره .. ومــوذريــهـــا .. كــل احـــلامي
ياگلبــي وصبره
يــــولاد الزهــره
بأنفاسي الجمره .. اني الغريبة
ـــــــــــــــــــــــــــــــــــــــــــــ٥ـــــــــــــــــــــــــــــــــــــــــ

#رزقهم_سلام_الله_عليهم
#احمد_رزاق_الاعرجي

الله يـعــيـنـك مـولاي يـالـمـهـدي يـبن الـزهـره
جرحك ابروحك وايطيب لمّن تـِـقـوم ابـ ثوره

الله يعـينـك ســيدي بهاللـيلـه
ياهوّه يمك يـگعـد وتــشـكـيله
حيلك مثل شلال طايح حيـله
لجدك علي الهادي اليوم بجرحك تجي لسامره

يالمهدي من تمشي بهظم مشايه
تبـچـي دمــه لمـن تشــاهـد رايـه
وتصـيح يـالعبـاس راعـي الـثايـه
وتوگع على وجهه الگاع مثل الـيگض الجمـره

گلبك مصايب والجرح جم ديره
والشيب أِلِبراسك مصيبه چبيره
بعدك شباب وحزنك شگد حيره
خلاّك شــايـب مـتـعـوب مـن الألــم والحـسره

يالمهدي خدّامَـك وانــت قـائـد
وانت عشگنه والمجالس شاهد
نظره على الخدام واحد واحد
يالمهدي بيدك مولاي شافي المريـض بنـظره

مـاعـدنـه غـيرك سيـدي ونگـلـّه
صب الزمـان عـلـينه جـوره كـلّه
معگود امرنه وچفك انته ايْحلّه
للــشدّه انـت الـموجود چنـك علـي بـالــنـبره

ألــصــاحـب انـت للــتـعــوفـه ربــعـه
وانت الچفوف التركض اعله الدمعـه
والــخـير انـت الــينـزِل بـكـل جـمـعه
وانته المحنه والطيب حظنك فتحته حضره


#رزقهم_سلام_الله_عليهم
#احمد_رزاق_الاعرجي

قصيده للامام علي الهادي ع

[ يـاروح ]



ياروح يـالـذكـريـاتـچ كـربــله
ياروح ضامي الحسين اتأمله
ياروح ذبحو حروف البسمله ياروح

ياروحـي الـمـن ظلـتج وحســين داسو صــدره
هو الفگـد مـثلـه بــعـد چـا شنـهي ظـل بـعـمـره
المفروض نحري ينگطع ياروحي فدوه لنـحــره
الهـادي آنـه وعيشـتي بطـف ذكـريــات الـعـبـره


ودموع تـنزل لبـو اليـمـه بألـم
ودموع تطفي جهـنم والخيـم
ودموع ماحست برمشة سهم ياروح
_1_

ماشـفت خـيمـه تحـترگ وعيـالي تركــض بـالــبـر
ومـاداسـت الخيل الصدر وبالهيمه جسمي اتطشر
مــاشــفت أطـفـالـي بـحـبل الـعـثر مـنـهـم يـنـجر
ولا أخـت عندي ولاحرم ركضن حفي بذاك الحــر

ويلاه شحجي وشسولف قصتي
ويلاه زيـنــب تـــراهــا عــمــتــي
ويلاه تـرسـم مـصايـب دمـعــتي ياروح
__2__

يــومـيـه شـوغــات الــگــلـب بـالمـغربيـه يطـلـعـن
ودمـوعي تركـض عـالوجه لـو بالحـسـين يسـمـعن
والـنـبـض يلـچـم خـاطـري والـذكـريــات ايوجعن
وشـگـد مـواقـف كـربـلـه بـحـشاي احس أيگطعن

وجروح بيـه عشـيره لـخاطــره
وجروح تـفزز نــيـام الـمـگــبـره
وجروح لوالد رقـيه وخـنـصـره ياروح
_3_

لمـن يجـي فـرض الظـهـر اذكـر الـطـف والهـيـمه
مـن افـرش مـصـلايـتي أذكر أحـترگت خــيــمـه
ومن تلزم ايدي سبحتي تركض اشوف أيـتـيـمه
والـنار تـاكـل بـالـعـبـي وبـالسبعه ماكـو غـيــمـه

وأزغار ركضو حفايه أعله الجمر
وازغار سياط وشماته بكـل كـتر
وأزغار صـارو مثـل دعـوة فـجر ياروح
_4_

بالـسجـن وأبـچـي ودمعـتـي بچـت عيون السـجـان
يــسـمـع أگـولــن كــربـلــه يالـخـذتـي كـل الـشـبـان
الـمايبـچـي لحـسين بـألـم هـذا اعتـقد مو انــســان
الـسـبعــه بـچـت مـن دم ألــه هــو نـقــاط الــقــرآن

ياحيف ظـل عـاري محد غسله
ياحيف راعي السـوالـف والهـله
ياحيف طـاح الفـرج للمـعـضـله ياروح
_5_

مـن أشـرب الماي أخـتنگ عـباس أذِكره وأنـحـب
عالشـاطي متبدي نهر مستحي يرد مـن زيـــنــب
خـطـار بعـيونـه السـهـم بس من چفوف اتـسـلـب
عبـاس للـخـوه وطــن وصـار الـوفـه بي يُـضــرب

تاريخ يشهـد لابو فاضل كفو
تاريخ سـجّل أيـا نعـم الاخـو
تاريخ بعـز البرد حـچـيه دفو ياروح
__6____


#رزقهم_سلام_الله_عليهم
#احمد_رزاق_الاعرجي

[ مولود الماي ]

الخاطرها سبعه الله سواها
أنْولْـدت أم المصـطفى طـهّ
بعيوني ... يامحــلـه الفرح


جمعتنه ... وفرحتنه ... وبسمتنه ... لوجه المصباح
للزهـره ... طش عطـره ... عالفـطره ... ورد الافراح
دنيانه خير وخير ... شعت شمس لـلآل
فاطمه نـور النـور ... فرحتها راحـة بال

كل الـملائك يم نـبي الرحـمه
مشتاگه تشتم ريحة العصمه
بـعيـوني ... يامـحـلـه الفـرح
_1___

احساسـي ... نبضـاتـــه ... دگــاتـه ... تنبض فاطم
بالمحـشـر ... يـتصــدر ... بـالـدفتر ... أسم الخادم

حتى الخضار أندار ... يستحي من المختار
حتى الورد خجلان ... مـن شــعـت الأنــوار

الليل سافر والضـوه شعـشع
والنده حاير يمشي لو يرجع
بعيـونـي ... يامحـلـه الفـرح
_2___

همساتي ... ونبضاتي ... وضحكاتي ... هاليوم هواي
وي ناسي ... واحساسي ... ماناسي ... مولود الماي

هيه الحياه والروح ... فاطمـه القديـسه
اعــظم تـره بهـواي ... من مريم وعيسه

كل انبياء الكره الارضـيه
فرحانه فرحتهم سماويه
بعيوني ... يامحله الفرح
_3___

حـوريـه ... أنـســيـه ... وعـلـويـه ... وبنـت الغالي
عبايتهـا ... وسبحتها ... وتـربـتـهـا ... مـن الــعـالي

الله نطاها الكـون ... بچـفوفها الافلاك
خادمها جبرائيـل ... مـابـيها أي اشراك

نفس النبي احمد وتفكيره
لو لا الزچيه تاهـت الديـره
بعيوني ... يامحـله الفـرح
_4___

كل شوفي ... وحروفي ... وچفوفي ... لفاطم ودها
اتوفـقـني ... وتــقـبـلني ... تسجـلني ... خادم عدها

طير وكسـير جـناح ... والدوه بـس هيه
اكثر من امي هواي ... تعـرف شنو البيه

أنـخـاهـا دوم ولا مـتـنســاني
بس نظره منها تموت احزاني
بعـيـوني ... يامحـلـه الـفـرح
_5___

#رزقهم_سلام_الله_عليهم
#احمد_رزاق_الاعرجي
#متباركين ❤️🍂

علي والقران

قَالَ أميرُ المُؤمِنينَ عَلِيٌّ (عَلَيهِ السَّلَامُ): واسْتَعِينُوا بِالصَّبْرِ فَإِنَّ بَعْدَ الصَّبْرِ النَّصْرَ مِنَ اللَّه عَزَّ وجَلَّ

( إِنَّ الأَرْضَ لِلَّه يُورِثُها مَنْ يَشاءُ مِنْ عِبادِه والْعاقِبَةُ لِلْمُتَّقِينَ )


المصدر: الكافي , ج ٥، ص 42

لاستشهاد مولاتي فاطمة الزهراء عليها السلام

بير اسراري لو احجيله عالصار
كل الماي بي چان اشـتعــل نار
ويمكن مايـضل ماي
بس هوّه البقه وياي
بير اسراري

همــــومي ياكثرها ••• وروحـي ياصـبرها
البير من احچيله قصتي يجف مايه
امصيبتي شعظمها ••• ودمعتي اشيضمها
الباب كاسر گلـبي وامـــحدّب گُـفايه
چــــــان همّي قلّه ••• هـسـّه وشـيـحملـه
شفت كسر الزهره لا مو عــن روايه

شفت النار ••• ابـــاب الدار ••• وچم فرعـون يـم بـابي
والنيــــران ••• ابكل امچان ••• ومحسن طاح باعتابي

اندفع باب الجذوع ابلا حميه
وبي مسمار طگ ظلع الزچيه
المنظر نـــــاره جوّاي
بس هوّه البقه اوياي
ــــــــــــــــــــــــــــــــــــــــــــ1ـــــــــــــــــــــــــــــــــــــــــــــ

بروحي چم مصيبه ••• الشيب مو عجيبه
لو ترس راسي واصيراً مثل الاهلال
علي آنـــه حيلـــــي ••• طايــــــح ابشليلي
صعبه والله المثلي يچّتف بالاحبال
بگلبي شايل حسره ••• ومختنـگ بالعــبـره
الصار بيه والله يكسر ظهر الاجـبال

يـــم الـبــاب ••• صار امصاب ••• ساوه انهاري وي ليلي
أم حسيـــن ••• حمره العين ••• وطگ منها الظـلع ويلي

نار الــباب تلسـع گـلبــي والــروح
بيه جروح بس مو مثل الاجروح
ودمـعي رســم بلواي
بس هوّه البقه اوياي
بير اسراري
ـــــــــــــــــــــــــــــــــــــــــــــــ2ــــــــــــــــــــــــــــــــــــــــــ

الباب بيــتـي انظــر ••• الگلبي حاله يكـسر
نار وارماد ودمــــــه وشايــل مصـايب
ظلوعي بيها كــسره ••• من سمعت الزهـره
فضه صاحت مو علي كل حيلي ذايب
گبالي محـسن ابني ••• گمت اســمعه چنّي
يصيح حضنك رايده مـــوش التـرايب

بابا ايصيح ••• چن تسبيح ••• وصـوته بأذني اسمعنه
گلـتله روح ••• بــعـد الروح ••• اتلمــنه باچــر الـجــنّـه

رايــــــــح لله وعيـونه علـــــينه
بعينه ايدير الي ولـ أمه الحنينه
وصوته يعيش بدماي
بــس هوّه البقه اوياي
بير اسراري
ــــــــــــــــــــــــــــــــــــــــــــ3ـــــــــــــــــــــــــــــــــــــــــــــ

الفرگه والله صــعبه ••• غربة غربة غربـــة
شلون اعيشاً والهوه يفارگني ياناس
الهَظُم روحي يـذبح ••• ألم بـــــــيه يشرح
افراگ أم بيتي عليه وخنگه الانفاس
كل هــجر مــصــيبه ••• ارويـحتي غريـبه
دون أُمّ الحــسن موت الهوه ينقاس

شگد مالـوم ••• بيّـه هموم ••• وروحي من الحزن ذابت
الدنيا جروح ••• تآذي الروح ••• وعني أم الحسن غابت

منين انـــدار الگه اگــبالي نــــــيران
الهوه الاشتمه احس متروس دخان
دمــعي يطيح بهداي
بس هوّه البقه اوياي
بير اسراري
ــــــــــــــــــــــــــــــــــــــــــــ4ـــــــــــــــــــــــــــــــــــــــــــــ

ايــدي لاگت ايــدي ••• ونار احس وريدي
راحت الملگه وتراب اعليها صـاير
ضحــْـكتي وحناني ••• وفــرحتي وأماني
بعد مــــا الگاهِــــن بدنيا الخنـاجر
راحـــــت الزچــــيه ••• والــــــحـزن عليه
داير شـلون السيوف اعله المناحر

ضاع الحيل ••• شـامــة بلـيل ••• ويانجــمة التضوّيلي
مـــامــرتــاح ••• بعدچ طــاح ••• گلبي ودمعتي وحيلي

انسولف بيـچ آنه وروحــــي بالدار
الهوه من دون وجهـچ چن لهب نار
صـــوتچ چان دنياي
بس هوّه البقه وياي
ـــــــــــــــــــــــــــــــــــــــــــ5ــــــــــــــــــــــــــــــــــــــــــــــ

#رزقهم_سلام_الله_عليهم
#احمد_رزاق_الاعرجي

قصيدة : السفر يذبح
لاستشهاد مولاتي فاطمة الزهراء عليها السلام





السفر يذبح ... تالـيتـه
علي فــارگ ... ام بيته
رد من الدفن شـايل چـم حسره
حگّه يـنحني فارگ علـي الزهره


رجع للـدار ... بدمع مدرار
ويشوف البيت نار بنار
يشوف الباب ... رِسم آثار
دم وارمــاد عالمـسمـار

حـيـاتـه وبـســمته وعـمـره
انگضت من صاحت الزهره
يـــافــضــه : الـحـگــيــلــي
كـل حـيلـه أنچـفـه بكـتـره

علي بروحه ... آلامــه
صفت ظلمه ... أيامـه
كـسر البلگـلب ماينجـبر كـسـره
حگّـه ينحني فارگ علي الزهره
____1____

دخـل ذبــلان ... عـلي وتعبان
او يـتوچّه عله الحـيطان
هظيمه هواي ... صفه نحـلان
انكسر ظهره مثل اغصان

اليـفـارگ يـوم محـبـوبـه
دمـعـتـه تـحـرگ بـثـوبــه
وكل جروحه مكشـوفات
وكل ضحـكاته مسـلـوبـه

الحزن غيمه ... بـعـيـونـه
صعب ولـده ... أيشوفونه
المامره انحنه ظهره حنه ظهره
حگّه ينحني فارگ علي الزهـره
____2____

يـشـوف جــروح ... گــدامــه
وعلى وجهه الحزن شامه
شـبـــچ چـــفـه ... عله الهامه
اوتـذكـر كـسـرة احـلامـه

وأجـت يمـه الـعقـيله تـنوح
وأتـگـــلــه يـــبـعـد الــــروح
ويـــن أمـــنـــا تــرد لــو لا؟
وجوابه ابدمعتـه المـجروح

شـنو ايـگلها ... شگد صعبه
الوطن عايش ... بـالـغـربـه
وجـروحه چبـيره والألم جـمـره
حگّه ينحني فـارگ علـي الزهره
____3____

الحسن يمَّه ... أجه ايكلمه
ودمعته ترسم ال يمه
صـفه حلـمه ... يـريد أمّـه
خذاه بأحضانه ويشمه

الهضيمه حسين أجه وينحب
زغْـيـر وبـالـجــرح شــــيـيّـب
يــســكــته حــيــدره بـــيـمـن
وْيــشـوفـه امن الألــم حــدّب

رحـيــل الأم ... بدموعه
وجمر يـلهب ... بظلوعه
وجبريل انحنه وضل يهمل العبره
حگّه ينـحنـي فــارگ علي الزهـره
____4____

جـروح اشگد ... فلا تنـعـد
ويوميه تـصير ازيد
الحزن صاير ... على حيدر
عبادة زاهد ومعبـد

اليـعــثـر بـالـدمـع فــاگــد
الـمـغـرب دمعـه مـتواعـد
يـنـزل نــزلــت الــمـطــره
ومـن عـنده الألـم صـاعـد

جرح ينزف ... بأكتاره
علي يبچـي ... وفقاره
اجروح شگد على حيدر متوزره
حگّه ينـحني فارگ علـي الزهـره
____5____

جـراحـاتـه ... علي ودمعـه
ما حملنْـهن السـبعـه
تعب گلبـه ... وتعب حيـله
وأيده أملازمه ظلعه

الـدفع بـاب الكـفـر چـفـه
انـدفع بـابـه وعلـي كلفـه
علي باب الله بــس بـابـه
احترك عمـداً ولا صـدفـه

لـلـبـاري ... قـدّمـهـا
بـيبانـه ... وراسمها
للّه حيدره هو اللي دگ صـدره
حگّه ينحني فارگ علي الزهره
____6____

#رزقهم_سلام_الله_عليهم
#احمد_رزاق_الاعرجي

https://youtu.be/fiGGEt0fApE?si=mpBBQfSqSi9He95J

ولادة النبي الاكرم صلوات الله عليه واله

الله يحب محمد عاشـگـه هـواي
ومرات اسمـه عـند الله الـموفـق

محمد مره گال ألـ الله مـشـتـاگ
و رد الله عليه محـبوبك أشـوق


متباركين
#رزقهم_سلام_الله_عليهم
#احمد_رزاق_الاعرجي

ولادة الامام جعفر الصادق عليه السلام


شعت سماءُ المؤمنينَ بِنورِكُم
والنورُ مِْنكُمُ مخلوق
يابحر عِلمَ بني العُلى من هاشمٍ
اهلاً بِنورِكَ العيّوق
يا أيُّها الصادِقُ وارِثَ احمدٍ
يبن عليٍ الفاروق
الصدقُ صدقاً في صداقتِهِ ارتقى
فيكمْ غدا موثوق


متباركين
#رزقهم_سلام_الله_عليهم
#احمد_رزاق_الاعرجي

يـا أيُّها الشّـــــيْعيُّ غــنِّـيْ فَرَحــاً
لِــــ هـَــلاكِ شيَْـخُ الزُّمرةَ السُّفَهاءِ

وٱخۡلَعۡ سوادَ الثَّـوبِ فَـ الْيومَ غدا
عــــيدُ الإلـهِ وَفـــرحـةَ الــزَّهــراْءِ

.
.
.

#فرحة_الزهراء_عليها_السلام
#احمد_رزاق_الاعرجي
#رزقهم_سلام_الله_عليهم

يامولاي يبو الزهره

قال علي بسوح الوغى لو شد وطيس الموزمة
لذنا برسول الله وعلي قد قـالها حـامي الحـمة
ياسيد الحب والحرب وبكل حرب ماي وضـمة
ياكاسر خشوم الــزلم ياواضـــــح ابلا تــرجـمة

يا واحد يا اوحـد
يا حامـد يا احـمد ... يا سين الاسلام
يا والـــي يا عالي
يا محبوب وغالي ... يا ســر الاخيام

يا اشجع الناس ... يجمالك
ياعالم احساس ... يجمالك
ياغيرة الله فـــوگ الارض
عطرك وفه وياس

يامولاي يبو الزهره
____1____

بسوح الحرب لمن تطب تگلبها ياســيف العدل
كل فارس اكبالك وگف گلبه يطيح اويه العقل
يا ساحك ارگاب الكفر ماكو مـــــثيلك بالمِـثل
ياقوة الله وقـدرته ياصاحـب الـــــگول وفعل

يامنــبع ياصــــــافي
شما ارتّل بــــوصافي ... ماتوصل احذاك
شمحلاتك مـن تزعل
كلشي اكبالك يخجل ... طِيِب ربك اطاك

يا نــور العـــيون ... يجمالك
بيك هايم الكون ... يجمالك
من الله مولاي اصبح فرض
حبك على الناس

يامولاي يبو الزهره
____2____

يم اليتامه شگد ترف تگطر وفـه وضحگة ونده
يا ابو الزچيه وبالحرب چفك جحيم اعله العده
كل الرگب اسرى تره وسـيفك على الاعـدا حده
حرزك علي وتسبيحتك تحب اسمه دوم اتردّده

بوجهك ربك صـور
لون الزهره وحيدر ... يعني علي وياك
انت وحيـدر واحد
آيا اجمــــل قــــائد ... والدنــيا بحماك

يا قل هــو الله ... يجمالك
اسمك عشگناه ... يجمالك
وانصلي اعليك من ينعرض
اسمك بالاحساس

يامولاي يبو الزهره
____3____

بزرة هبل ياســـيدي الگالو هــــــجر عـنك تره
يا لوحة الله التـــــــنعشگ ياباطنه وياظاهره
ياهو الي مثلك سيدي بمعراجه للـــباري سره
گد مايعشگك خالقك حط جوه ايـدك حيدره

يانـــــــور بكل ديره
الفارگ وجهك حيره ... من يگـضي الايام
شوفة وجــهك جنّة
الماشافك يتــــــمنه ... ايشوفك بالاحلام

ايمر وجهك اعليه ... يجمالك
الناصـي تِـعـلّــــيه ... يجمالك
ياحرز الاسلام بــي ينحــفظ
من كلشي وسواس

يامولاي يبو الزهره
____4____

يا اجمل انسان انخلق يــــالتارس الدنيا ضــوه
رايح لچن عايف بشر عدها انته اغلى من الهوه
ماي الله ضامي ومن لمس چفينك ارتاح وروه
يالنـــــــظرتك ياسيدي للـ بي عِــلل تسوه الدوه

يالمـحني باحزانك
فارغ ضل مـچانك ... يالعايف ايتام
يــــــاكوثر للزهره
ياوالد للـــــــفقره ... ياحــبر الاقلام

ياحافظ الـــــدين ... يجمالك
يبو گلب الأحـنين ... يجمالك
ياگلب الاحسين وانته النبض
يا عطر الانفاس

يامولاي يبو الزهره
____5____



#رزقهم_سلام_الله_عليهم
#احمد_رزاق_الاعرجي

لاستشهاد النبي محمد صلوات الله عليه وعلى أهل بيته الاطهار



نور المـــدينة
راح من ادينه
الزهره وحيدر بحسرة
صاحـو راح ابو الفقرة
طــه وِلِيـــــنا

بارض المدينة النوح واصل لا وين
من جيل آدم لحد دمعات حـــسين
فاطمة وحيــدر بالحزن مهضومين
اسهام الزمن صابتهم ابـثــلم الدين

ناح الــــــشـجر ناح
وصاح الحجر صاح
وتبچـي كلوب مستعره
صاحــو راح ابو الفقرة
ـــــــــــــــــــــــــــــــــــــــ1ـــــــــــــــــــــــــــــــــــــ
حيدر وحيد وعينه چن بيت احزان
حگّــة انــحنه قـرآن فـارگ قـــــرآن
والـــحيل من الـمرتضى شگد ذبلان
متـــبدي مثل الماي فــوگ الــتربان

اجروحه جبيرة
واحــزانـه ديرة
واصحـــابه تِهل عبرة
صاحو راح ابو الفقرة
ــــــــــــــــــــــــــــــــــــ2ــــــــــــــــــــــــــــــــــــــــ
من الدفن من رد علـي حامــي الجار
شاف الزچيه ودمعــة يهمــل مــدرار
گلها يزهره بصدري مشــــــتعله النار
ماباقي شي ويصيب صدرج مـسمار

طـــــــه الــيه
وصه ابوصية
وچفي وسيفي شيصبره
صــــاحو راح ابو الفقرة
ــــــــــــــــــــــــــــــــــــ3ــــــــــــــــــــــــــــــــــــــــ
خبـّرني ابن عمي النبي ابهالاخبار
ابابك يحيدر تلتم اشـــــگد اشرار
من بعدي عالزهرا يشـــــبّون النار
وظلع الزچية ينكسر بالــــمـسمار

صبراً وصيته
بساعة منيته
وصوت املاك يالزهرة
صاحو راح ابو الفقـرة
ـــــــــــــــــــــــــــــــــــــ4ـــــــــــــــــــــــــــــــــــــــ
عــــينچ يــــــفاطم تنسطر من اجناب
ومحــسن يطيح امدمه فوگ الاعتاب
اثلث ميت واحد من يــحرگـون الباب
ايدفعوه عليچ وانتي من دون حجاب

وهايه المصيبة
هــــا يـالحبيبة
جرحي وجرحج بكُبره
صاحو راح ابـو الفقرة
ـــــــــــــــــــــــــــــــــــــ5ـــــــــــــــــــــــــــــــــــــــ

#رزقهم_سلام_الله_عليهم
#احمد_رزاق_الاعرجي

https://youtu.be/-h8Zse8Mdqw?si=AHrcgGX-az2bzkUN

https://youtu.be/OK58xKCfZ8Q?si=5QQx7OTJnapHV9KW

https://youtu.be/qvZCiyXTVGM?si=6IEfdJKojgSRLo5Z

وصتني امي بهاي الاحجايه
لو رايـد الله امـشـي مـشايه
ودمع ... بعد
لحسين أهمل وارفع الرايـه

يـولـيـدي اوصـّيك ... گالت خادم ادريك ... ربـيـتـك بـديــه
كل خطوة عبادات ... لتـهم بالـمـسـافـات ... هم لابن الزچيه

يــبـنـي الـعـمـر مـثـل الـسـهـم مـابـي ابـد رجـعـه
أمـشـي مـشـي وأدعـي الـي وخـل تنـزل الدمـعه
ولا تـمـشي بـالْـفـي وانـچـوي للـمـنطـحن ظـلـعه

گـالتـلـي يـمُّـه أخلص بَعبَره
مارايده اتفشّل اويه الزهره
نـذر ... تـره
ناذرتـك آنـه لخـدمة العـترة
____1____

گـلـتـهـا شـتـوصّـيـن ... أغـلى منـچ حـسين ... علمـتني انـتـــي
أمشي وحيلي وياي ... حد ما يحني مگفاي ... ماابطل خدمتي

فـوگ الـمـتـن ويـلـوگ ألـي زنـجـيـلـي حـضـرتـه
وبـصـوت يـاسـين الـرمــيـثـي جـروح سـمّـعــتـه
لا بــاعــنـي مـــن زغــري يــمّــه ويــاي لا بـعـتــه

بهـدومي هاي السودة اتباهه
بـيوم القيامة هناك يم طاهه
وشرط ... بـعـد
بالجـنة يُـمّـه هـنـاكـه الگـاهه
____2____

گالت يمُّه هـيهات ... تتــرك هـالزيـارات ... وادريبك تحبها
خادم الهم ادريك ... بس أمك تهم بيك ... هذا الام گـلبـها

مـاتـســتـراح وادري يـبـنـي الـراحـه مـن تـتـعـب
الـمــهـدي يـمــشـي بـهـالـزيـاره ويـلـهـج بـزيـنـب
وبــگـلـبـه نـار الــطـف ابــد مـاتـنـطـفــي تــلـهـب

وآنه اسمع الها ودمعتي تجري
وتـگـلّـي يـمُّـه مـابـقـى بـعمري
وأبـو ... عـلي
امنيتي يحضر من اطب گبري
____3____

من زغري آنه وياچ ... امشـي ويّـه مـمـشاچ ... والـرايـه بِـدِيـنــه
قـرآن نـقـره ونـزور ... من نمشي الدمع نور ... يام روح الحنينه


صــورة ال عـلـي تـآخـذهـا امـي ومـاتـهـد چفها
طـول الـدرب بـالـصـورة تـنـظـر والـدمـع حـفـها
واســوالـف لـصــورة عـلـي بـفـطـرة تـسـولـفـهـا

وتـگـلّه جـبـتك يـاعـلي ويـانه
من بيـتـنه لـكـربـلـه مـمـشـانه
وعـلي ... ابـد
طول الدرب متگول عطشانه
____4____

الموكب ياهلا يصيح ... وأمي تگلّي تسبيح ... هالچلمة العجيبة
ماي وكلشي موجـود ... واخيام وهلا وزود ... بس زينب غريبة

گـالـت غـريـبـة مـن أجـت زينـب ومـحـنـيـة
بـهـذا الـدرب مـآذي الـعـطش علـويه علـويه
وصـلـن عـبــي وبـيـهـن جـمـر بـالاربـعـيـنيه

وتـگلّي مـآذيني الـوجع بيه
بهذا الدرب مارجعت ارقيه
صعب ... تــره
الوالد يلچمة افراگ الابنيه
____5____

شافت صورة لحسين ... هملت دمعـت العين ... صاحتله أجيناك
بـالطـف انـت مـولاي ... بس شو تمشي وياي ... واهنانـه لـگيناك

باست الصورة ومسحت الصورة اعله فطرتها
وگــعـدت وزارت صـورِتـه وكـمـلـت زيـارتـهـا
والـفـاطـمـة الـزهـــراء قُــربــه لـلــه أهــدتـهـا

تعبانه بـس بالمشي تسبگني
واتگـلّـي لاتـتـعـب ابـد يبني
العزم ... جبل
عدها وابد هالجبل مايحني
____6____

#رزقهم_سلام_الله_عليهم
#احمد_رزاق_الاعرجي

لمولاي الامام الحسن المجتبى عليه السلام

غيرة عدنان .. ابن القران .. ذل الفرسان
بالحومه
ابن الكرار .. من سيفه اتغار .. النار النار
بالحومه

شجاع
الحسن سيفه لو هد
برگــب والله ينــحد
العـــــدا بهايه تشهد
شجاع

ثگيل
الحسن من يــقاتل
گلب طه شــــــايل
بحرب من يــنازل
ثگيل

الجمل من ركضله .. منو الي عـرضله
بنو ضـبّه ولا واحــــد يواجـه ضرُبـْته
الفتن بيده ذابـــح .. وليـخزره طايح
مثل حيدر على اعداءه رعيده خزْرته

الينظر عيناه .. توگع يمناه .. فارس محلاه
بالحومه
____1____

امام
الرگب سيـفه يهوه
أبو محـــمد أهــوه
رحت لاسمه فدوه
امام

عجيب
الحرب من يطبها
يــدوس بگلــــبها
يــسهّل صــــعبها
عجيب

جمر سيفه بيده .. شبــيهه الصميده
مثل حيدر ولا يهتم عــساكر يـطرها
الشرد صوته لاحه .. ويموت بنياحه
الزلم گدامه ما تثبت تغيّر امــــــرها

تشهد صفين .. ويشهدله حسين .. قائم بالدين
بالحومه
____2____

نشوف
رسـول الامـامه
فصيح بكــلامه
رجوله وشهامه
نشوف

رسول
وصل ارض كوفان
وْعِزل اشعري كان
نــهض منها شبان
رسول

خطب خطبه بالناس ... بأرق وأجمل احساس
على الكوفه اجه استنهض بأودام صحيحه
بثبــــاته وهيــــــــــئـته .. ونـــــظرته وفطنته
بعشر تالاف أجه لحيدر خذو بالنـــــصحيه

وحيدر حيّاه .. وباسه بعيناه .. رافعله الواه
بالحومه
____3____

جمال
حيـــــاته قـِـــرينه
الكـــــرم بي لگينه
وشجاعه وسفينه
جمال

نظير
النبي يحيى هوه
بـــــده عـمره توّه
ونطق صوته قوّه
نظير

عشرـ واربع شهور .. حچه وتسمع النور
لأبو ســــــفيانِ ويگــلّــه تشهّد شـــهاده
الحُـــــــكم الله آتاه .. بزغــر سنه نلگاه
شبه جده النبي طه العــــــزيمه واراده

بتاريخه اسرار .. سبط المختار .. قائد مغوار
بالحومة
____4____

وريث
أبـوه بالـــــحرايب
يطــــش بالكتايب
الحسن والعجايب
وريث

رهيب
يطيح اليـــــخرزه
الحسن چفه جمره
يحرگه اليســـطره
رهيب


عواصف هــــــــجمته .. زلازل خــــطوته
يدوس اعله الجماجم والعـــــساكر تهابه
مُعلم بو فــاضل .. الحـــــــسن من يقاتل
الزلم مثل الخرز توگع لون حـــــل نگابه

سيفه الذباح .. منحر لو لاح .. قابض ارواح
بالحومه
____5____

كريم
الكرم رابي عنـــده
ولا شـــــــي يحدّه
السمه السبعه عدَّه
كريم

خيال
الابـــــيض فعـاله
الاســــــــود دِلاله
الحسن ياجــماله
خيال

كريم العــــــشيره .. وصل كلـشي خيره
الشمس منطينها من نوره حبيب الزچيه
الكمر ضــــــاوي منّه .. أصـــــــل للمحنّه
الحسن سيد شــــــباب الجنّة هو واخيّه

سيد عالناس .. رحمه واحساس .. غالب عفراس
بالحومة
____6____


#رزقهم_سلام_الله_عليهم
#احمد_رزاق_الاعرجي

تعالــــو هـنا .. اخير اوداع اودعكم
الحسن آني .. اريد اشبع نظر مـنكم
باجر نـعشي الـــــظُّلام
احجار يضربو واسهام
الحسن آني

احچي ودليلي ممتلي بالحسرات
وبعيني آيات الــــحزن والدمعات
أوياكم يخوتي هايه اخر ساعات
دمعاتكم انظرها مثل الشـــمعات

ذبــــل حيـلي ... واحس بروحي تتوذر
واحس چبدي ... بــده بــــهداي يتـفطّر
حسـره بگلبـــــي وآلام
احجار يضربو واسهام
الحسن اني
____1____

يحسين اشوفك منحني ودمعك طاح
مكسور خاطر والهــــــظم گـــلبك لاح
جبدي يخويه من الألم هاج وصــــاح
هذا اليــــحب درب الله لا ما يـــرتاح

يخوي حسين ... اشوف دموعك اتلالي
دمع عيـــنك ... مرد چبدي اوشِده بالي
باجــــر والـــــد جسام
احجار يضربو واسهام
الحسن آني
____2____

يحسين باجر كـربله اتــــريد نحور
وارماح بالطف حـضروها لعــاشور
باجر اخيامـك تـشـــتعل كالتــــنور
وزينب تـضل ابلا اخو بهيمة اتدور

أخيتنه ... وعزيزتنه تطر صحره
تلم ازغار ... والخيـمات مستعره
وجسمك عالغبره يـنام
احجار يضربو واسهام
الحسن اني
____3____

هسه انتو يمي وبأخــــير الأنــــفاس
اتدفنوني باجر وبــلحد وباحـــساس
هينه السهام اعله النعش من الــناس
بس المصيبه حسين يبقـى ابلا راس

الجسد بالخيل ... يسحگه الحافر بقوّة
الگلــب يشلع ... وصدره بظهره يتسوّه
وعاري ايـــخلونه ايام
احجار يضربو واسهام
الحسن آني
____4____

باجر عطش باجر قهر خويه حسين
باجر يطيح الكـــــــافل ابلا چــفين
وينهشم راسـه وسهم يطفيله العين
وزينب تـنادي وين ابو فــاضل وين

الضعن باجر ... يشوفك عالثره طايح
بلا راســــك ... ويضحك يمهم الذابح
جرحك باجر رســــــّام
احجار يضربو واسهام
الحسن آني
____5____

بالطف اليعــلى راسك وبــس دخان
وهزّل يجيبــــــوها العدا للنــــسوان
وشمّات كثره ابلا وعي اولا وجدان
ينادون ابو سكينه ذبحنا عطـــشان

السبي يذبح ... وصعبه ميلة المحمل
الحرم هظمه ... عليهن ظالم اتمرجل
وكافـلهن الــبدر الــتام
احجار يضربو واسهام
الحسن اني
____6____

#رزقهم_سلام_الله_عليهم
#احمد_رزاق_الاعرجي

الشام آخ الشام ... صعبه والموقف صعب
يــارسـول الـلـه ... وانــظــر الـوادم غـرب
وين انطي وجـهي وين
وعالرمح راس الحُسين
صعبه صعبه

آنـه زيـنــب والـهـظـيـمـة ... صاعده فوگ الهزل
چان چفي فوگه مصحف ... هسه فوگاه الحـبل

دخـلت الشـام مـسـبـيه
يـجـدّي وحـيل ما بـيـه
شحال الشافت اخـوتها
چثـث عالـگـاع مرمـيـه

وعالرمـاح الـروس ... گبالي تگطـر بالدمـه
زيـن مــا طـاحـت ... جدي عالگاع السـمـه
بيـه غيمـة امـن الونـين
وعالرمح راس الحُسين
صعبه صعبه
____1____

الشام بي باب المصـيــبه ... بي الوف امن البشر
لـمن شفـته اعرفت هـذا ... بـاب سـاعـات القـهر

اهـل الشام عـرفـونـه
بحجر گامو يضربونه
وواحـد فـزّع الـثانـي
بماي الحار شـمـرونـه

والعلـيل الـنـوب ... گبالي مصـيوب بحجر
واليـتامه تصيح ... عـمّـه چـا ويـنه الكـمر
وعيـني تنـظـر للـحـنيـن
وعالرمح راس الحُسين
صعبه صعبه
____2____

يـارسـول الله الهـظيـمة ... كـل بناتـك تنـضـرب
نمـشي والـناگـه هـزيـله ... والحُفر طول الدرب

أخاف تـطـيـح عـلوية
وآنه چفـوفي مچـويه
ومچتوفه ودمع عيني
نـــار ويـنـزل اعـلــيـه

وحـرملـه بـالـسـوط ... يلفي ويطگله طفل
منين اجيب حسين ... آخ يـاريــتـه عــدل
الحـرمـله يـكـسـر اديـن
وعالرمح راس الحُسين
صعبه صعبه
____3____

النوگ تشرب ماي واحنه ... الـمـاي عنّـه ينـمنـع
اطفـالنـا گـد ماعطـاشـى ... يشربون من الدمـع

واذا واحــد يــــريـد أمـــه
يـجي شـامـت اله يهـظـمه
يجي وعبد الله راسه وياه
يــــهـزّه گـبـالـه ويـلـچـمـه

اسـمـع ايــگـلّـه ... لا يضل دمـعك يسـح
لا تـضـل تبچـي ... لا اذبـحــك بـالـرمـح
عــالـذبـح مـــتـعـوِّديـن
وعالرمح راس الحُسين
صعبه صعبه
____4____

آخ ياسـوگ الشمـاتـه ... مـوقـِـفـه مايــنوِصـف
منين ما انـدار غربـه ... وعـالـرمـح كـل العرف

دخلنه بسوگ كثره الناس
ونـظـرات الــزلـم حـراس
مـن صـاحو علـينه انـدار
ودخـن شـافـو الـعـبــاس

عـالـرمـح عـباس ... شيبه طش مثل الضوه
ودمّه يـنزل حـار ... والرُفـع رمـحـه انـچـوه
وينـظر احـنه مچتـفيـن
وعالرمح راس الحُسين
صعبه صعبه
____5____

حسين ثوبه انسلب منّـه ... بـالـرغـم مـامـنـذبـح
وهـوّه فـصّـل دم رگـبتـه ... ثوب وانطاه للرمـح

عجيبه يـنـذبح مـثـلـه
لان مـايــقــبـل ابــذلـه
سحگو صدره بالحافر
ولا عافوه .. سِبـو اهله

كـربـله والـشـام ... الـهــن اهـتـز الــعـرش
يـارســول الـلــه ... حـسين ما شاله نعش
ظلوع صـدره مكـسـرين
وعالرمح راس الحُسين
صعبه صعبه
____6____


#رزقهم_سلام_الله_عليهم
#احمد_رزاق_الاعرجي

لسان حال مولاتي زينب عليها السلام

بدرب السبي وروس اخْوِتي فوگاي
صـارن عـلـيّـه وعـالـيـتـامـه افـيـاي
تنگـط محـنه وروح مابـيها
طول الدرب نسمع بواچيها
صـارن عـلـيـه وعـالـيـتـامـه افـيـاي

بدرب السـبي عـالـهـزل ... مـتـكفــله بـ عيـالـي
وفـوگ الرمـــح كافـلي ... وعيــــونه تـــــبرالي
حتـى الـهـزيلـه بِـچـت ... مـن شـاهِـدت حـالـي
واتـوصي كــل الــهـزل ... من تمشي باطـفالــي

امــشـن بـهـيـده لا تـمــيـلـن حــيـل
لا طـفـل يــوگـع لـون نـاگـه تـمـيـل
والـحـره زيــنـب لا نِـأذّيـهـا
طول الدرب نسمع بواچيها
صـارن عـلـيـه وعـالـيـتـامـه افـيـاي
____1____

ذاك الألـــم بـــــــــالــدرب ... بـيـه صـبـح جـمـره
فـــوگ الـــرمـح شاهدت ... الـكافـل بچـه نحـره
بــيـنـي اوبــيـن الـگــمـر ... صـار السـهـم عثـره
ينـظـرلي صـعبه الاخـو ... وصارت علـيْ حسره

نـاديـــتـه شــوف الـحـال يـاعـبـاس
بعدك غريبـه وطحـت بـيـد ارجـاس
اليمك اميره احبال بـيديـها
طول الدرب نسمع بواچيها
صـارن عـلـيـه وعـالـيـتـامـه افـيـاي
____2____

امـشي اوجِـروح شـكــثر ... تنزف حزن سكـتـه
ويــم جفني سوط الـشمـر ... كلما بِچـه ايسكته
واشْـخله بـيـنـه العـطــش ... توجـعني سالفـتـه
والـمـاي فــوگ الـــرمـح ... مـتـفــطّـره شــفـتـه

اشما نعطش انصد عالرمح ونشوف
ينــظر علـينه بنـظره كلهـا : چفـوف
واعيونه من الدم محاچيها
طول الدرب نسمع بواچيها
صـارن عـلـيـه وعـالـيـتـامـه افـيـاي
____3____

بالليـل نمــشـي بجـرح ... والـســوط يـجـرحـنه
امدافع وصوت وشتم ... مـن الــهـضـم صـحـنه
اتـغـيـرنه مـن الـسـبي ... اوصرنه احنه مو احنه
والـحــبـل خنجـر صبح ... وبـهـيـده يـذبحـنــه

اشـمـا التـفـت الـگـه رقـيه تـصــيـح
الهـودج يميـل وخاف مـنه اتـطـيـح
يابـويه ارجـع كـل نـواعيها
طول الدرب نسمع بواچيها
صـارن عـلـيـه وعـالـيـتـامـه افـيـاي
____4____

السـجـاد يمـشـي وعـثر ... وعـــيـونـه دم تـــدّي
شما التـفت لـه أبـدمـع ... يم راس ابـوه يـحـدي
ويـتـعـكّـز بـكـل جــرح ... وكـل حـيـله مـتــبـدي
شــافـونــه هــاي البـشر ... أكــبر جـــرح عــنـدي

مـن كـربـلـه وصـار التـعب اضـعاف
واحـبال تمـشي عــالأرض نـنـشـاف
وسـكينـه لـمن انظـر اعليها
طول الدرب نسمع بواچيها
صـارن عـلـيـه وعـالـيـتـامـه افـيـاي
____5____

گـدامـي روسِ اخْـوِتـي ... عـالــرمــح أنْــظُـرهـا
وكل ساعة شامت يـجي ... بـحـجـار يـشْــمُـرهـا
والصعـبه حيل وعـلـي ... أيـهـز بـيـها ويْـفُــرهـا
كل هـذا حـتـى الحـرم ... بـأفـــعـالـه يــقْـهُـرهـا

جروح السبي صـارن عليـنه أحزام
سـوط وحـبل مـن كـربـلـه لـلــشـام
وضعـون هاشم من يباريها
طول الدرب نسمع بواچيها
صـارن عـلـيـه وعـالـيـتـامـه افـيـاي
____6____


#رزقهم_سلام_الله_عليهم
#احمد_رزاق_الاعرجي

لسان حال مولاي الامام علي السجاد عليه السلام


لوعات وحسرات ... يــم بـاب السـاعات
خيّر اهــل الـــشام اعلـــينه .. رشِّ الماي الـحار
گــــدام الاطــفال ... راس حسين انشال
ومن شعره ايشدونه بشجره.. ويشمرونه حجار


آنه العليل المنـــكسر .. مچتوف بحبال الأسر
ودم چفي ينزف مجروح
بالشام آلام وغصص .. ماصارت بكل القصص
واتعــلعــت بــــيها الروح

روس أهلي فوگ ارماح
رافـــــعــــــهـن الــذباح
ويم باب الساعات انـــظرله ايـــنزّلهن بــيـده
والتــذبح الاحـــــساس
راس الكـــــــمر عـباس
من شاله وخلاه عالشجره وي راس اعضيده

وعمّـاتي ابـــأحزان ... تنظـــر للــــوليان
روس اعله الشجره امعلگيهم .. والشمّات هواي
شامت گام يصيح ... هلبت راس يطيح
وشامت ثاني گبال الكــــافل .. گام يـبدي الماي
ـــــــــــــــــــــــــــــــــــ1ـــــــــــــــــــــــــــــــــــــــــ
شمّات نـــــــاداهم نذل.. ألتـمو مثل عين النمل
صيّح وهمّه يسمعون
گلهم حجر خلي نلم .. ونشمر على روس الزلم
بالروس لعبه ايسوون

شــــمرو عليها احجار
وراس الكــــفيل اندار
الراس حســين ودم بعيونه راد ايحاميله
شما أشگـف بيــــــمناي
يضربوني سوط اعداي
وحتى الروس بسوط انطگت گدام العيله

والدم مني يسيل ... أگبالي الروس تميل
شيب ودم يگطر من عدها .. وامنادس شمّات
والهضمة ايضحكون ... والصعبه ينادون
ذاك حــــــسين امعلّگ راسه .. شـوفن يبنيات
ـــــــــــــــــــــــــــــــــــ2ـــــــــــــــــــــــــــــــــــــــــ
اشگف حجر ويّ عمّتي .. عن روس اهلنا وشدتي
الجامعه اتريد امتـون
ثوبي ثـگل من الدمه .. وبيـــه الـجروح امحزّمه
وانلچم من ايشتمون

ملــــتمة كل النــاس
تنظر عـــلى العباس
واتريد اتجر سهم عيـــونه وتلچـــــمنا بهايه
والجربه كلها اسـهام
رفعوها وسط الشام
والصعبة نشاهد چف شامت هووس بالرايه

واعمامة عباس ... اتهوس بيها الناس
وحســــــين ايرتل ضل نـحره .. بـآيات القران
وبالسوط يضربوه ... يردون يسكتوه
ومايسكت صوت الحگ عالي .. گدام الطغيان
ـــــــــــــــــــــــــــــــــــ3ـــــــــــــــــــــــــــــــــــــــــ
شفايفنه كلها امفطره ... اعلينه العطش لازم سره
والسوط فوگانه يطيح
وعماتي انظرها بألــم ... تــنظر نحـر راعي العلم
واطفالنا اتون وتـصيح

دمعاتي وابلا صــــوت
صلـــن صلاة الــــموت
من شمرو گدامـي حجاره وبالكافل طاحت
والهظمة شوف العــين
يضربونه راس حسين
والحره انظـرها بلوعتـــها چم مــــره ماتت

عالشجره الدم طاح ... اواحد بيهم صاح
ماي الشجره لاتسگوها .. خــافن تروه الــروس
والسلاب نشوف ... بثوب حسين يطوف
وكدام النسوان يهوّس .. خُبث شگد مـــتروس
ـــــــــــــــــــــــــــــــــــ4ـــــــــــــــــــــــــــــــــــــــــ
ايهزّونها الشجره برمح ... وعمّــاتي كلــش تنجرح
خافن الروس ايطيحون
عبد الله ماعنده شعر ... شدوه شلون اعله الشجر
وعبدالله راسه زغيرون

الشاله برمح فرحان
من شـاهد الاغصان
طـگ غـصن ابچـفه وعلگ بي عبد الله بدمه
وشفت الرباب تنوح
شافت ابن مــذبوح
والشامت گام يلولــيله يحــــرگ گــــلب امه

ياهي امه ايصيحون ... وبراسه يشدّون
راح ايطيح الشامت ناده .. واهنا شـفنه الموت
شايب شفــته انــدار ... وبچفينه احجار
ويشامر عالروس اگبالي..ويضحك عالي الصوت
ـــــــــــــــــــــــــــــــــــ5ـــــــــــــــــــــــــــــــــــــــــ
الشام كاسرلي الظهر ... وطبت السوگ شگد قهر
والناس تنظـــر شـمّات
والنوگ هزله ونــوِّخت ... وبسياطهم گوّه مشت
ووگفت اباب الساعات

دخان بالأنفــــــاس
وارماد فوگ الراس
من أخيمنه البطف شبّت والحسره أچبيره
شمْرَت الْماي الحار
حرگة اوجوه ازغار
والناس ال البشام انظــرها ماعدهم غيره

هضمه تشوف العين ... علويات حــــسين
دم واتراب عليهن صــــــاير .. والدمـعات أثگال
أيشتمونه بأحقــــاد ... واعليـــنه الهم زاد
والناگة اتمـــــيل ويردوها .. توگـع منها اطفال
ـــــــــــــــــــــــــــــــــــ6ـــــــــــــــــــــــــــــــــــــــــ

#رزقهم_سلام_الله_عليهم
#احمد_رزاق_الاعرجي

راح انروح عنكم
مانحـضر دفنـكم
رميه اجـسادكم يابـعـد الاعـيون
روس اعله الرماح ويانـه ترحون
راح انروح عنكم


آنـه زيــنـب آنـه
يا أصــل هـوانه
ياخواني جـابو الـنوگ الهزيلـه
غربة يا عـزوتي
هظمة يا اخوتي
حرمله ينادي اصعدي يالعقيله

الخيم حرگوها والاطفال ضربوها
ورقـيـتـنا التـراچي مـنـها سلـبوها
شماته شماته

ويذبح سوط أميّة
عــذّبـهـا الــرقـــيّه
مــاي اگــبــالـهــا گـامـو يــبـدون
روس اعله الرماح ويانه ترحون
راح انروح عـنكم
__1__

العليل اشوفـه
بالحبل چفوفه
مجرحيـها والأشـد سـوط اعله متـنه
والحرم هظيمة
ابـيـنـهن يـتيمه
اتنادي ياعمه وعلي من الضرب متنه

گـبـل چـان الكـفــيل بــرايـته فـوگــاي
ومن اعطش اشوف ابچفه طاسة ماي
اخويه اخويه

وهسه كافلي مات
ياوسـفه وحرامات
والناس الـغرب بيـنه يـشـمتـون
روس اعله الرماح ويانه ترحون
راح انروح عـنـكم
__2__

رايحـة بمـسـيره
وعايفه الـعشيره
مـذبـحـيـها عــالتـرب ومـسلـّـبـيـها
والـهـزل شـفـتـها
للـسـبي اعـرفتها
وين ابو فاضل منو ايرچـبني بيها

صـحت يحسـين ترضه يا أبن أمي
النـاگة اصعدهـا والعـباس مـو يمي
هظيمة هظيمة

ومچتـوفات اديّه
بـحـبـال الـمـنـيـّه
وبـچعـب الرمـح بـينـه يدفعـون
روس اعله الرماح ويانه ترحون
راح انروح عنكم
__3__

عـــالـهـزل صـعـدنه
ونحـسب بـعـددنـه
خاف طفله طايحه من نوگ الألام
الحادي يمشي بينه
والــــدمــع جـرينـه
صحنا يعزاز الگلب روحتنه للـشام

الحادي بينه مر عالـشاطي والعبـاس
ابلايه چفوفه شفناه لا صدر لا راس
كفيلي كفيلي

بعيونه السـهم ضـال
شما تنظرله الاطـفال
يـبـچـون ويبـو فـاضـل ينـادون
روس اعله الرماح ويانه ترحون
راح انـروح عــنـكـم
__4__

عـالتـرب نـظـرتـه
أعرفته آنه اخيته
حسين حته الثوب منه امسلبينه
عاري شفته عاري
بــصـحرة البـراري
وفوگ الأسهام بحوافر طاحنيـنه

شسـولف من نظـرتـه چثـه مـدميه
صحت ياعين ريـتچ كـون مـعمـيه
يويلي يويلي

اهلـنا مذبـحــيها
چثثها مطشريها
وبـحافر الخيل اعليـها يمـشـون
روس اعله الرماح ويانه ترحون
راح انروح عنكم
__5__

يخوتي بدمـعتي
وبالنفس عثـرتي
الحادي يضرب ناگتي وتميل بيه
النوگ تمشي بينه
وروسـكـم حنيـنة
عالضعن عباس راسه فـيّ علـينه

مـذبوحـين بس تبـقــون خيـمـتــنا
يخـوتي بدونـكـم ماتـسوه دنيـتـنا
وعمرنه وعمرنه

ودعناها الاجساد
رحنه ارماد برماد
فوك ارماحكم روس وتـفـيـيـون
روس اعله الرماح ويـانه ترحون
راح انروح عنكم
__6__


#رزقهم_سلام_الله_عليهم
#احمد_رزاق_الاعرجي

https://youtu.be/Gp-QHdks5i4?si=wIEz92vS52hU99Lt

محرم الحرام 1446 هـ


يا ابو علي انت الذخـــــر وانت الهوية
ليك المفر يــوم الحــــشر يا ابــو رقية
يحسين يا أجمل نعمه
ابواب للــجنة الخدمة
يا ابو رقيه

خِدِمتك ... ثمـــينة
ولا يحصل مــثلها
نظرتك ... عظـيمة
يخيمة حُب اصلها

من ننــــصب عزا يحسين كل خادم يشد حيله
واليعثر ابهـــالدنيا بــــچــــــــفوفك اتچــــــيله
واليمشي بطريـــقك دوم لا مـايــــعرف الميـلة
الحلوة بخدمتك مولاي الخـادم انته تدعــــيله

عالم الخدمة بالدمع كـلمن يـــجيله
اتشمْله برحمتك لو يحلفك بالعليلة
خدام لاجلك تتـسمّه
ابواب للجنة الخدمة
ياابو رقية
ـــــــــــــــــــــــــــــــــــ1ــــــــــــــــــــــــــــــــــــــــ

بدمـائك ... عـزائك
ثبت يا ابو المحـنّة
يــرايــة... وبـدايـة
الطريق الماكو منّه

العِگُل بالمجلس نشاهد تنــــحط بالرگب مولاي
وتتنگع چفـافـــــــينه مــــــن بـحر الدمع والراي
بس صوتك نسمعه هنا ضامي بس نشوفك ماي
حتى بمقتلك عـــــطشان لكن للـــــــــخدم روّاي

دنـــــيانه ظــــــلمة شــاهَدِت ياسيد النور
واصبح ضواها من الخيم في يوم عاشور
منحور راسم من دمّه
ابـواب للجنة الخدمة
ياابو رقيه
ــــــــــــــــــــــــــــــــــــ2ـــــــــــــــــــــــــــــــــــــــ

اعله بابك ... مـسائل
تحلها بكـل بــسـاطـة
هنـــــيـئاً ... يــعالــم
الـ بابو اليمة ارتباطة

التطيح دمــوعه بالمجلس وچفّه شايل الجمرة
شكبر حظه ودموعه تطيح بيد الزهرة والزهرة
الجرح يومين يتشافى واحنه جروحنه خضرة
لجل المنسـحك بالــطف واحدنـه لـــطم صدرة

مسلوب ثوبة بكـــربله وســـــاتر عــلينه
مذبوح لكن بالشـــــدد ننــــــخاه يجينه
وفّاي من فدوة الاسمه
ابواب للجنة الخدمة
ياابو رقيه
ـــــــــــــــــــــــــــــــــــــ3ــــــــــــــــــــــــــــــــــــــ

نعوفـك ... ونشاهد
تقــرّبنه الامــانــــك
يجرحك ... ذنبــنه
ويداوينة حـنانـــك

مــــثلك وين اكو يحــــسين كـل الوادم ترغـبك
ماتترك مُحبينك تـحب حـــتى الذي امتــــــعبك
شمسوي بعقول الناس وهــامت بــــيك وبحبك
طفل حاضن الك صورة وبيده المـــاي ويشربك

يالجـنِّـنَـته امحـــــبتك يا مــرجع الدين
ياآية الله العظمى يا مـــــولانا الحسين
قرآن وحروفك علمة
ابواب للجنة الخدمة
ياابو رقيه
ــــــــــــــــــــــــــــــــــــ4ـــــــــــــــــــــــــــــــــــــــ

يـدوحة ... مـشاعر
يبـــرهـــان الـمـودّة
اليعوفك ... ويردلك
ابــــد لا مـا تـِــــرِدّه

حنــين الــــــــوالـدة ذرة شـفنــاه ويّـه حنيتك
بيوت انطيــــــت للوادم وانت محــــترگ بيتك
وعوافي اتوزّع الهالناس وحــافر شال عافيتك
عاري بالشمس ضليت وامغـطــيــتنه خاچيتك

منطــينـه كلـشي ســـيدي يا رفعـة الـهام
لو ما طحت يا ابو علي چا طاح الاسلام
يالبيك تنزاح الـعتمة
ابواب للجنة الخدمة
ياابو رقيه
ــــــــــــــــــــــــــــــــــــ5ـــــــــــــــــــــــــــــــــــــــ

#احمد_رزاق_الاعرجي
#رزقهم_سلام_الله_عليهم

كعده
عن الخدمة الحسينية العظيمة


آمـنّــــه بهالخدمة آمـــنّـه
واليـشكر النعمة
ينـرزق بالخدمة
آمـنّــــه بهالخدمة آمـــنّـه

ياحســـــــين الخدمة ذله لغيرك وبس الك عزّه
اليحضر بــمجلس عزائك انته داعــــيله وتـعزّه
الدنيا منجم يبو سكينه وشكو خادم انته كنزه
آمنّه بــيك بكل ثـــقه
يادوحة الله المٌشرقه
وأسماء الله الناطقــه واليخدمك صـرت حرزه

ماصـرنه من دونك ماصـرنه
اليفدي الك دمّه
ينرزق بالخـدمة
آمـنّــــه بـــهالخدمة آمـــنّـه
____1____

ياحــــسين انت المحنة وللهدايه أنجعل گلبك
غالب الدنيا ابهـــدوئك ومـاگدر صـايح يغلبك
مـثل مـــــــا آمنّـــــه بالله بيك آمنّـــه ونحبك
بـــدمّك ثبت هذا الفلك
سلـــطان ربك جــاعلك
والما مشه بدربك هلك واحلى شي عند الله دربك

تسمعـنه وتنـظرنه تسـمعنه
واليخدم ابهمّـه
ينرزق بالخدمة
آمـنّــــه بــهالخدمة آمـــنّـه
____2____

مملكه الخدمة وعـظيمة والدخول الها بمدامع
المادخل بيها نشوفه بصحره حب الدنيا ضايع
يبــــــن آدم لا تفـكر أدخـل الممـــلــــ
كة سـارع
مبدأ الخدمة شگد سهل
يحتـاج دمعات وعقـــل
وهنياله كلــــمن ينـقبل واسمه عند حسين طالع

دمـعتنه شاهـدنه دمعـتنه
كل خادم وحلمه
يــنرزق بالخدمة
آمـنّــــه بهالخدمة آمـــنّـه
____3____


احنه ودام على الله وعــالمجالس احنه عشنه
نضـل دوم بتعـزياتك لــــما ننــــــشال بنـعشنه
مغـريات الدنيا عفنــــــه والك بالدمعه غُـبشنه
وانطيتنه أيد المدد
أيدك ولا نفــلت ابد
ويّاك نبــقى عالعهد دون چفـــــك چان طشنه

جامعنه ابكُل ايثار جامعنه
كل عاشگ وعزمه
يــــنرزق بالخدمة
آمـنّــــه بهــالخدمة آمـــنّـه
____4____

يا حسين أچفوف نرفع ردنه بس ترزقنه فطره
الله لا يــــــحرمنا منك يــــالحنين ارزقنا نظره
الخادم امنيته بعزائك ايموت وبكــبره تحضره
خدامك احنه بكل زمن
بالسر نخدمك والعــلن
كل خادم بــرغم الفتن امســـلّم ابأيديك امره

موطنّـه الـتعزيات موطـنّه
كلمن كتبت اسمه
ينرزق بالخـــدمة
آمـنّــــه بهالخدمة آمـــنّـه
____5____
بيت المصيبة

رضـــــا الباري ورضا گلبك يبو الاكبر مبــتغانه
احنه نتقدم بحـــــبك وماعـــــلينه الضل ورانه
درب الاخلاص ابمحبتك واليحبك عالي شـانه
قـــــــدمت للديــن النحر
واخيام واطفـــــال ودرر
وقدمت اخوك اعله النهر
وجسمك الحافر امطشره ومجلسك لمنه بحنانه

____6____


#احمد_رزاق_الاعرجي
#رزقهم_سلام_الله_عليهم

محرم الحرام 1446 هـ

السلامُ على الشيبِ الخضيب
السلامُ على الــخـــدِ الـتريب

السلامُ على من رأســــهِ الـرُّمْـحُ اعــتـلىٰ
السلامُ على سِبطَ النــــــبيْ خـــيـرِ الـملا
السلامُ على قــلـــبُ الـــــشـهيدِ بكــــربلا
السلامُ على الــــــراكِـــضــاتِ فــي الــفلا

السلامُ على الجسمِ الســليب
السلامُ على الــخـــدِ الـتريب
ــــــــــــــــــــــــــــــــــــــــــــ1ـــــــــــــــــــــــــــــــــــــــــــــــ

السلامُ على الشيـــــبِ المُـــــسجَّى بالدِما
السلامُ على نحــرٍ بــــهِ الـــــديِــنِ احتمىٰ
السلامُ على مــــن بالشهــــــــادةِ مُــــغرما
السلامُ على الحامي الحُسـينَ إبنُ الحِمىٰ

السلامُ على السِّـــرُ العــجيب
السلامُ على الــخـــدِ الـتريب
ــــــــــــــــــــــــــــــــــــــــــــ2ـــــــــــــــــــــــــــــــــــــــــــــــ

السلامُ على روحَ الحُــــسينِ الــصـابِرة
السلامُ على عـيـــــناهُ تِلكَ الْـمُـحــْــمرة
السلامُ على اضـــلاعِــــــهِ المُـنــكـسِـرة
السلامُ على خيْــــماتِــــهِ المُســــــتعِـرة

السلامُ على السبطِ الغـــريب
السلامُ على الــخـــدِ الـتريب
ــــــــــــــــــــــــــــــــــــــــــــ3ـــــــــــــــــــــــــــــــــــــــــــــــ

السلامُ على ساقي عطــــــاشى نينوىٰ
السلامُ على كــــفّيـــهِ صـــاحِبُ اللِوىٰ
السلامُ على عينٌ بها الســـهمُ استـوىٰ
السلامُ على العباسُ سُلـــطان الْـجَوىٰ

السلامُ على الصّدقِ الحـبيب
السلامُ على الــخـــدِ الـتريب
ــــــــــــــــــــــــــــــــــــــــــــ4ـــــــــــــــــــــــــــــــــــــــــــــــ

السلامُ على الحوراءِ بنــــتَ الطــــالبي
السلامُ على قلـبٌ حـــوى صــــــبرُ نبي
السلامُ على قُـــــــرآنَ تـــلٍّ زيــــنـبـــي
السلامُ على الصوتُ الالهي في الـسبي

السلامُ على الحقُ الـقــــريب
السلامُ على الــخـــدِ الـتريب
ــــــــــــــــــــــــــــــــــــــــــــ5ـــــــــــــــــــــــــــــــــــــــــــــــ


#احمد_رزّاق_الأعرجي
#رزقهم_سلام_الله_عليهم