Alimoff のテレグラム投稿  

Тошкентда опий чекувчилар учун махсус жойлар бўлганми?

Бу сурат 1890-1910 йилларда Тошкентда олинган. Унда “Кўкнорхона” – яъни опий чекувчилар учун мўлжалланган жой акс этган.

Хитой ва бошқа шарқ давлатларида кенг тарқалган опий чекувчилик Туркистонда ҳам учраган. Россия империяси бу ерни ўз назоратига олганидан сўнг, XIX асрда опийга қарши кураш бошланган. Лекин бу жараён тизимли амалга оширилмаган, бундай жойлар одатда шаҳар четларида фаолият кўрсатган.

1920-йиллардан бошлаб, Совет ҳукумати опий ишлаб чиқариш ва тарқатишни чеклаш бўйича қонунлар қабул қилди. Фақат тиббий мақсадлар учун фойдаланишга рухсат берилди. Шунингдек, тарғибот ишлари олиб борилди ва чекувчилар учун мўлжалланган бундай жойлар ёпилди. XX аср ўрталарига келиб, опий истеъмоли минтақа бўйлаб анча камайди.

Сурат муаллифи: Ходжаев

Яшлар бизилиб кетишватти деб ўтиришган бўса керак братлар 😁0.5 баклажка ихтиро қилинмаган даврлар экан.

🧠@nurbekalimov

10 дан ортиқ компания Ўзбекистонда ўз ваколатхоналарини очиш ниятида

Рақамли технологиялар вазирлиги билан ҳамкорликда IT Park Uzbekistan томонидан ташкил этилган «Offshore Outsourcing Conference 2025» бўлиб ўтди.

Конференцияда 250 та компаниядан 280 нафар иштирокчи, шу жумладан 25 та давлатдан 39 та халқаро ташкилот иштирок этди. IT Парк Узбекистан бош директори бугунги кунда умумий даромади 1,6 миллиард долларни ташкил этувчи 2600 дан ортиқ компанияларни бирлаштирган IT Парк'нинг ютуқларини тақдим этди.

Конференция якунига кўра, 10 дан ортиқ компания Ўзбекистонда ўз ваколатхоналарини очиш ниятида эканлигини маълум қилди. Ҳозирда улар маҳаллий кадрлар салоҳияти ва офис бинолари вариантларини баҳоламоқда.

Икки компания — халқаро дастурий таъминот ишлаб чиқарувчиси «Midas Group» (Германия) ва ИТ-хизматларга ихтисослашган «TRON Enterprise Solution» (Руминия) тадбир давомида офислар очиш учун расмий ариза топширди.

Реклама

Трамп ва Зеленский журналистлар олдидаги учрашувда баҳслашиб кетишди

"Биз сизга 350 миллиард доллар бердик. Ҳозир оғир аҳволдасиз. Қўлингизда кучли қарталар йўқ. Биз мамлакатингизни қутқармоқчи ва урушни тўхтатмоқчимиз. Бизсиз қўлингизда ҳеч қандай кучли қарта йўқ. Ё биз ушбу битимни имзолаймиз, ё сиз ундан чиқасиз. Сизнинг кучли позициянгиз йўқ. Бизга миннатдор бўлишингиз керак. Аммо сиз шундай қилмаяпсиз. Бу ёмон," - деди Трамп.

Учрашувда Трамп ва Зеленский яна нималарни айтишди?

Трамп:

- Бугун минераллар бўйича шартномани имзолаймиз. Бу Украина билан жуда адолатли келишув ва АҚШ томонидан катта мажбурият. Томонлар Украинадаги ҳарбий ҳаракатларни ҳал қилиш бўйича келишувга "етарлича яқин".

- Зеленский муросага келиши керак. Биз ҳаммамиз бу уруш тезроқ тугашини кутмоқдамиз. Хавфсизлик кафолатлари ҳақида гапирмаяпмиз.

- Трамп ва Путин ўртасидаги муносабатлар "аъло даражада", музокарачилар аллақачон Украина бўйича бўлажак келишув шартларини муҳокама қилишга киришган. Шунингдек, Трамп Украинадаги уруш нотўғри йўналишда кетгани ва "Учинчи жаҳон урушига олиб келиши мумкинлигини" айтди.

- Трампга "Украина ва Россия ўртасидаги воситачимисиз ёки Украина томонидасизми?" деган савол берилди. Трамп воситачи эканлигини ва ҳеч кимнинг томонини олмоқчи эмаслигини билдирди. "Мен Россия ва Украина ўртасидаман. Ҳеч ким ҳақида ёмон сўз айтмоқчи эмасман".

- Трампдан "агар сулҳ бўлмаса, Украинага яна қурол юборасизми?" деб сўрашди.

"Ҳа, яна қурол юборамиз. Лекин кўп қурол юбормасликни, урушни тезроқ тугатишни, бошқа ишлар билан шуғулланишни мўлжалламоқдамиз. Умуман олганда, саволингизга жавоб - ҳа, аммо кўп юборишга тўғри келмайди деб ўйлаймиз, чунки ҳаммаси тезда тугашига умид қиляпман," деди Трамп.

- Журналист Трампдан "Путин ва Зеленскийнинг учрашуви бўладими?" деб сўради.
"Улар бир-бирини ёқтирмайди," деб жавоб берди Трамп.

Зеленскийни айтганлари:

- Зеленский Трамп айтган ўт очишни тўхтатиш ва сулҳга қарши чиқди. "Биз ҳеч қачон фақатгина ўт очишни тўхтатишнигина қабул қилмаймиз. Россия уни барибир бузади," деди Зеленский.

- Зеленский, шунингдек, АҚШни Буюк Британия ва Францияга тинчликпарвар кучларни киритиш учун кафолат беришга чақириб, Американинг кафолатисиз европаликлар Украинага қўшин киритишни истамаслигини тасдиқлади. Аввалроқ Трамп буни қилишдан бош тортган эди.

- Зеленский "Путин Украинани тиклаш учун пул тўлаши керак" деди.

Суҳбат Зеленский ва Трамп ўртасидаги баҳс билан якунланди.

"Сиз мамлакатимизга ҳурматсизлик қиляпсиз. Гап учинчи жаҳон уруши ҳақида кетмоқда, сиз бу билан ўйнашишга ҳақингиз йўқ," деди Трамп Зеленскийга.

Кейин улар ичкарига кириб кетишди камераларсиз гаплашиш учун.

Ҳозир балки яккама якка солишишаётгандир😁

🧠@nurbekalimov

Си Цзиньпиннинг тарихий сиёсати ҳақида

Хитойда узоқ йиллар давомида Иккинчи япон-хитой уруши мавзу сифатида деярли муҳокама қилинмаган. Айниқса, 1970-80-йилларда Хитой ва Япония ўртасида Совет Иттифоқига қарши яқинлашув кузатилганди. Лекин 1980-йилларнинг иккинчи ярмидан бошлаб тарихга муносабат ўзгарди. Мао давридаги ғоявий бўшлиқни хитой миллий ғояси билан тўлдиришга ҳаракат қилишди. 1989 йилда Тяньанмэн воқеаларидан сўнг, Совет Иттифоқи йўқ бўлиб, Хитой АҚШ ва Япония билан сиёсий қарама-қаршиликка юз тутди. Бу жараёнда япон-хитой уруши ҳақидаги хотира нафақат икки давлат муносабатларидаги муаммога, балки Хитойнинг миллий ўзлигини шакллантирувчи омилга ҳам айланди.

Си Цзиньпин ҳокимиятга келгач, бу тарихий сиёсатни кучайтирди. 2017 йилда Хитой ҳукумати япон-хитой уруши муддатини 1937–1945-йиллар эмас, балки 1931 йилдан 1945 йилгача давом этган “14 йиллик уруш” сифатида расман тан олди. Шу билан бирга, Хитой “Иккинчи жаҳон уруши” тушунчасини “Жаҳон антифашистик уруши” деб номлашни фаол қўллаяпти.

Шунингдек, Хитойнинг урушдаги қурбонлари сони бўйича ҳам расмий позиция ўзгарди. Мао даврида 10 миллион ҳалок бўлган деб айтилган бўлса, 1980-йилларга келиб бу рақам 20 миллионга етди. 2010-йиллардан эса 35 миллион кишининг “ўлган ва яралангани” ҳақида гапирила бошлади. 2015 йилда илк марта 3 сентябрь – Япония устидан ғалаба куни муносабати билан Тяньанмэн майдонида ҳарбий парад ўтказилди.

Сўнгги йилларда Хитой АҚШ билан тарихий масалалар бўйича ҳам рақобатни кучайтиряпти. Япон-хитой уруши ҳақидаги кинофильмлар Си Цзиньпиндан олдин ҳам суратга олинган бўлса, 2020-йиллардан “Америка тажовузига қарши кураш ва Корея халқига ёрдам” мавзусидаги кинолар кўпайди. Бу жараён Хитойнинг ички маданий майдонда ҳам АҚШга қарши курашини кучайтиришга қаратилганини кўрсатади.

🧠@nurbekalimov

Депутатларнинг фикрича, популизм эмас, далиллар билан ишлаш керак

Ҳар бир депутатнинг қарори миллионлаб одамларнинг тақдирига таъсир қилади. Шунинг учун улар халққа ёқадиган баландпарвоз гапларга эмас, аниқ фактлар ва таҳлилларга суянишлари керак.

Популизм муаммоларни ҳал қилмайди. Масъулиятли раҳбар эмоциялар билан эмас, ҳақиқий муаммолар ва уларнинг ечимлари билан иш кўради. Қабул қилинадиган ҳар бир қарор жамоатчиликка фойда келтириши лозим.

Зафарбек ўртоғим бир ойлар аввал қатнашган Aksent подкастида депутатлар айнан шу ҳақида гапиришганди.

Эгейн тавсую: https://youtu.be/HRf2A-Llbyg

🧠@nurbekalimov

Леонардо да Винчи ва Шарқ алломалари

Леонардо да Винчи – Ғарб уйғониш даврининг энг буюк намояндаларидан бири. Аммо у илмий ишлари ва санъатда Шарқ олимларининг илмий меросидан илҳомланганини билармидингиз?

Яқинда Италиянинг таниқли олими ва дизайнери Марио Тедди ушбу масалада шов-шувли баёнот берди. Унинг таъкидлашича, да Винчи ўзининг кўплаб ғояларини Шарқ алломалари илмий меросидан олган. Бу илм-фан тарихида катта аҳамиятга эга бўлиши мумкин!

Марио Тедди Ўзбекистонга ташрифи чоғида Леонардо да Винчи ва Шарқ алломалари меросини бирлаштирган кўргазма ташкил этиш режаси борлигини ҳам маълум қилди. Мазкур кўргазмада Шарқ олимларининг илм-фанга қўшган улкан ҳиссаси намойиш этилади.

Бугунги кунда илм-фан нафақат тарихни ёритиш, балки янги инновацион лойиҳалар яратишда ҳам муҳим рол ўйнайди. Ўзбекистондаги Ислом цивилизацияси маркази Леонардо да Винчи ва бошқа буюк мутафаккирларнинг илмий меросини кашф этиш ҳамда уларни замонавий технологиялар ёрдамида жонлантиришни мақсад қилган.

🧠@nurbekalimov

Мурманскка қилинган энг катта бомбардимон ҳақида

Иккинчи жаҳон уруши даврида Мурманск Германия авиацияси томонидан энг кўп бомбардимон қилинган шаҳарлар қаторига кирди. Айниқса, 1942 йил 18 июнь куни шаҳар мисли кўрилмаган авиаҳужумга учради. Немис бомбардимончилари бир кунда 350 тонна бомба ташлади, жумладан, портловчи (фугасс) ва ёндирувчи (зажигательный) бомбалар қўлланди. Бу бомбалар шаҳар бўйлаб дахшатли ёнғинларни келтириб чиқарди.

Мурманскнинг кўп қисми ёғоч уйлардан иборат бўлгани сабабли ёнғин тез тарқалди ва шаҳар деярли бутунлай вайронага айланди. Немис қўмондонлиги Мурманскни қўлга кирита олмаганидан сўнг, уни осмондан йўқ қилишга қарор қилган эди. Уруш давомида шаҳар 792 марта ҳаводан ҳужумга учради ва умумий ҳисобда 185 минг бомба ташланди.

Мурманскликлар матонат билан шаҳар мудофаасини сақлаб қолди. Бу қаҳрамонлик натижасида шаҳар бутунлай йўқ бўлиб кетмади ва уруш давомида стратегик аҳамиятини сақлаб қолди. Бугунги кунда Мурманск Иккинчи жаҳон урушидаги жасорати учун “Қаҳрамон шаҳар” унвонига эга.

Германияда эса уруш сўнгида Дрезден шаҳри ана шундай дахшатли бомбардимон қурбонига айланади. Бу энди бошқа пост.

🧠@nurbekalimov

Biznes uchun tezkorlik muhim. Hisob ochish, to‘lovlardan foydalanish, mablag‘larni boshqarish - barchasi kechikishlarsiz va byurokratiyasiz ishlashi kerak.

🚀 TBC Business quyidagilarni taqdim etadi:
- bir necha daqiqada onlayn hisob ochish - ERI va ortiqcha hujjatlarsiz.
- to‘lovlar va pul o‘tkazmalarini 24/7 amalga oshirish.
- xodimlar uchun kirish huquqini sozlash imkoniyati - jamoa bilan birgalikda hisoblarni boshqarish.

30-aprelgacha xizmat ko‘rsatish bepul: https://tbcbank.uz/uz/landing/business

Reklama

“Қўл ювиш” нима дегани?

“Мен қўлларимни ювдим” ибораси кўпинча масъулиятдан воз кечиш маъносини билдиради. Бу ибора ўз илдизларини Инжил ҳикояларидан олади. Ривоятга кўра, Понтий Пилат Исо Масиҳни қатл этишга ҳукм қилганида, жамоат босимига учраган. У ўзининг бегуноҳлигини таъкидлаш мақсадида, қўлларини омма олдида ювиб: “Мен бу кишининг қони тўкилишида айбсизман”, – деган. Бу ҳаракат унинг шахсан ҳеч қандай жавобгарликни ўз зиммасига олмаслигини кўрсатган.

Шундан буён “қўл ювиш” ибораси бирор иш ёки қарорда масъулиятни олишни истамаслик, оқибатлари учун ўзини жавобгар ҳис қилмаслик маъносини билдириб келяпти. Ҳар доим ҳам бундай ёндашув масъулиятдан халос қилиши мумкинмасдир, лекин у одамлар орасида ўз хатти-ҳаракатларини оқлаш усули сифатида сақланиб қолган. Бизда ҳам "Қўлини ювиб, қўлтиғига урди" ибораси мавжуд. Бу одатда бирор ишдан кўнгли совиб, ҳафсаласи пир бўлганлигини англатади.

🧠@nurbekalimov

Италиядаги Ўзбекистон маданий меросига оид дурдоналар Тошкентда намойиш этилади

Ўзбекистондаги Ислом цивилизацияси маркази Ахборот хизматининг хабар беришича, Италия музейлари вакиллари ва коллекционерлари Ўзбекистон тарихига оид ноёб экспонатларни пойтахтга олиб келар экан.

Бу кўргазма Давлат раҳбарининг мамлакатнинг бебаҳо маданий меросини қайта тиклаш ва оммалаштириш ташаббуси ортидан амалга оширилмоқда.

Жорий ой Ислом цивилизацияси маркази директори Фирдавс Абдухолиқов бошчилигидаги делегация Италияда бўлиб, бир қатор музейлари вакиллари ва коллекционерлари билан музокаралар ўтказган эди.

Тошкентда намойиш этиладиган экспонатлар орасида эпиграфик ёзувларга эга машҳур Афросиёб кулолчилик буюмлари, хусусий коллекциялардан Хуросон ва Мовароуннаҳрнинг ноёб ўрта аср металл буюмлари, шу жумладан, Қорахоний ҳукмдорларининг афсонавий косаси, шунингдек, ХIХ-XX аср бошларидаги ўзбек тўқимачилигининг ажойиб асарлари ўрин олган.