National University of Battambang - NUBB

សួស្តីប្អូនៗនិស្សិត និងមិត្តអ្នកអាន ថ្ងៃនេះបណ្ណាល័យនៃសាកលវិទ្យាល័យជាតិបាត់ដំបង បានដាក់សៀវភៅអានចម្រុះថ្មីៗបន្ថែមចំនួន២៣៦ក្បាលទៅក្នុងបណ្ណាល័យ។ អាស្រ័យហេតុនេះ សូមប្អូនៗនិស្សិត និងសាធារណៈជនចូលអាន និងប្រើប្រាស់សេវាកម្មនានារបស់បណ្ណាល័យដោយក្តីរីករាយ។

ដំណឹងល្អសម្រាប់សិស្ស- និស្សិត ! អាហារូបករណ៍ ឯកឧត្តមអភិសន្តិបណ្ឌិត ស សុខា ថ្នាក់ជាតិ សិក្សានៅសាកលវិទ្យាល័យជាតិបាត់ដំបង ថ្នាក់បរិញ្ញាប័ត្រ ចំនួន ២៥កន្លែង សម្រាប់ឆ្នាំសិក្សា ២០២៤-២០២៥

សម្រាប់ខ្លឹមសារលម្អិត និងលក្ខខណ្ឌផ្សេងៗ សូមជ្រាបសេចក្ដីជូនដំណឹងដូចមានភ្ជាប់ ៖

ថ្ងៃចន្ទដើមសប្តាហ៍ ថ្នាក់ដឹកនាំ មន្រ្តី លោកគ្រូ អ្នកគ្រូ និងបុគ្គលិកចូលរួមគោរពទង់ជាតិនៃព្រះរាជាណាចក្រកម្ពុជា។ ២១/១០/២០២៤

សូមគោរពជូនពរ សម្តេចមហាបវរធិបតី ហ៊ុន​ ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងឱកាសប្រកបដោយសិរីមង្គលថ្លៃថ្លានៃខួបចម្រើនជន្មាយុគម្រប់ ៤៧ឆ្នាំ ឈានចូល ៤៨ឆ្នាំ របស់​សម្តេចធិបតី នាថ្ងៃអាទិត្យ ៣រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែតុលា ឆ្នាំ២០២៤នេះ។ 🥰💐

ជួបគ្នាឆាប់ៗនេះនៅបាខែមបាត់ដំបង!!!

សួស្ដីប្រិយមិត្តបារខែមទាំងអស់គ្នា យើងត្រឡប់មកម្ដងទៀតហើយ នៅទឹកដីខេត្តបាត់ដំបង​ ដែលនឹងប្រព្រឹត្តទៅនៅថ្ងៃទី 25-26 ខែតុលា ឆ្នាំ 2024 ចាប់ពីម៉ោង 8:00 ព្រឹក ដល់ 5:00 ល្ងាច នៅសាកលវិទ្យាល័យជាតិបាត់ដំបង។

BarCamp Battambang 2024 គឺជាសន្និសីទបច្ចេកវិទ្យាឌីជីថល និងធុរកិច្ចថ្មីប្រចាំឆ្នាំដ៏ធំបំផុតនៅភាគពាយព្យនៃប្រទេសកម្ពុជា ដែលបានប្រមូលផ្តុំនិស្សិតសាកលវិទ្យាល័យ មន្ត្រីរាជការ ធុរកិច្ច និងអ្នកចូលចិត្តបច្ចេកវិទ្យា ដើម្បីចូលរួមចែករំលែកចំណេះដឹង បទពិសោធន៍ បច្ចេកវិទ្យា ការច្នៃប្រឌិត និងគំនិតអាជីវកម្ម។
តោះចាំអីទៀត ចូលរួមដោយសេរី ដោយចុះឈ្មោះតាម https://bit.ly/BarCampBTB24

ឆ្នាំនេះ សន្និសីទបច្ចេកវិទ្យាបារខែមនឹងផ្តោតក្នុងការឲ្យអ្នកចូលរួមទទួលបានអត្ថប្រយោជន៍កាន់តែច្រើនពីបច្ចេកវិទ្យាពួកគេប្រើប្រាស់ និងគំនិតអាជីវកម្មបែបផែនធុរកិច្ចថ្មីឌីជីថល ដែលពួកគេអាចរៀនបន្ថែមពីវាគ្មិនដែលមានជំនាញវិជ្ជាជីវៈ បទពិសោធន៍ និងអ្នកចាប់ផ្តើមធុរកិច្ចថ្មីឌីជីថល។

#BarCamp2024 #BattambangProvince #Cambodia

សិក្ខាសាលាចែករំលែកបទពិសោធន៍ស្ដីពីការសិក្សានិងការស្រាវជ្រាវថ្នាក់បរិញ្ញាបត្រជាន់ខ្ពស់
____________________
🎙ប្រធានបទគន្លឹះ
១. បទបង្ហាញស្តីពី «សក្ដានុពលនៃកម្មវិធីបណ្ដុះបណ្ដាលនៅសាលាក្រោយបរិញ្ញាបត្រ» ដោយលោកបណ្ឌិត ហ៊ុំ ចាន់ នាយកស្ដីទីសាលាក្រោយបរិញ្ញាបត្រ
២. បទបង្ហាញស្ដីពី«ការចែករំលែកបទពិសោធន៍ជោគជ័យក្នុងការសិក្សាថ្នាក់បរិញ្ញាបត្រជាន់ខ្ពស់ និងឱកាសទទួលបានការផ្លាស់ប្ដូរការសិក្សាទៅសាកលវិទ្យាល័យដៃគូនៅសហគមន៍អឺរ៉ុប» ដោយកញ្ញា ស៊ាង ម៉ីលី អតីតនិស្សិតថ្នាក់បរិញ្ញាបត្រជាន់ខ្ពស់
៣. បទបង្ហាញស្ដីពី«ការចែករំលែកបទពិសោធន៍ជោគជ័យក្នុងការសិក្សាថ្នាក់បរិញ្ញាបត្រជាន់ខ្ពស់ និងឱកាសទទួលបានការផ្លាស់ប្ដូរការសិក្សាទៅសាកលវិទ្យាល័យដៃគូនៅតំបន់អាស៊ី» ដោយកញ្ញា រឿន សុជឿន អតីតនិស្សិតថ្នាក់បរិញ្ញាបត្រជាន់ខ្ពស់
៤. បទបង្ហាញស្ដីពី«ការចែករំលែកបទពិសោធន៍ការបោះពុម្ពផ្សាយអត្ថបទស្រាវជ្រាវកម្រិតអន្តរជាតិ» ដោយលោក កែវ វីរៈ និស្សិតថ្នាក់បរិញ្ញាបត្រជាន់ខ្ពស់ ជំនាញបង្រៀនភាសាអង់គ្លេស

🗓 កាលបរិច្ឆេទ ៖ ១៩ តុលា ២០២៤ វេលាម៉ោង៨:៣០នាទីព្រឹក
🎓សិក្ខាកាមចូលរួម ៖ និស្សិតថ្នាក់បរិញ្ញាបត្រជាន់ខ្ពស់ ឆ្នាំទី១និងឆ្នាំទី២ ឆ្នាំសិក្សា២០២៤-២០២៥
☎️ លេខទូរសព្ទទាក់ទង ០៩៣ ២៥០ ៣៩៥

ការប្រកាសចាប់ផ្តើម “កម្មវិធីប្រកួតប្រកួតប្រជែងសំណេរច្នៃប្រឌិតដោយផ្អែកលើរូបភាពការធ្វើចំណាកស្រុកសុវត្ថិភាព”
សាកលវិទ្យាល័យជាតិបាត់ដំបង ដោយសហការជាមួយអង្គការ Caritas Switzerland បានប្រកាសវិញ្ញាសាសំណេរច្នៃប្រឌិតផ្អែកលើរូបភាពការធ្វើចំណាកស្រុកសុវត្ថិភាពទៅនិស្សិតឆ្នាំទី២ និងទី៣ គ្រប់ជំនាញដើម្បីចូលរួមក្នុងការប្រកួតប្រកួតប្រជែងសំណេរច្នៃប្រឌិតដោយផ្អែកលើរូបភាព ចាប់ពីថ្ងៃទី១៤ ខែតុលា ឆ្នាំ២០២៤ រហូតដល់ ថ្ងៃទី២៨ ខែតុលា ឆ្នាំ២០២៤។ ក្នុងកម្មវិធីនេះ និស្សិតឆ្នាំទី២ និងទី៣ ដែលចាប់អារម្មណ៍ ត្រូវសរសេរសំណេរច្នៃប្រឌិត ពី៣០០ ទៅ ៥០០ ពាក្យ ផ្អែកលើរូបភាព ការធ្វើចំណាកស្រុកសុវត្ថិភាព ដើម្បីទទួលរង្វាន់ជាកំព្យូទ័រ ថេប្លេត និងកាសស្តាប់ត្រចៀក សម្រាប់ជ័យលាភី លេខ ១ ដល់ លេខ ៥។ អាស្រ័យដូចនេះ សូមប្អូនៗនិស្សិត ឆ្នាំទី២ និងទី៣ អញ្ជើញចុះឈ្មោះចូលរួមប្រកួតប្រជែងតាមលីងដូចតទៅៈ https://forms.office.com/e/J7DCRtFsHW?origin=lprLink

ព្រះរាជពិធីគោរពព្រះវិញ្ញាណក្ខន្ធ ព្រះករុណាព្រះបាទ សម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា​ ឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ។
១៥ តុលា ២០១២ - ១៥ តុលា ២០២៤
(King Father's Commemoration Day)

សិក្ខាសាលាបើកដំណើរការ “កម្មវិធីប្រកួតប្រកួតប្រជែងសំណេរច្នៃប្រឌិតដោយផ្អែកលើរូបភាពការធ្វើចំណាកស្រុកសុវត្ថិភាព”
នាព្រឹកថ្ងៃទី១៤ ខែតុលា ឆ្នាំ២០២៤ ឯកឧត្តម សុខ ឃន សាកលវិទ្យាធិការនៃសាកលវិទ្យាល័យជាតិបាត់ដំបង បានអញ្ជើញជាអធិបតី និងបានប្រកាសចាប់ផ្តើម “កម្មវិធីប្រកួតប្រកួតប្រជែងសំណេរច្នៃប្រឌិតដោយផ្អែកលើរូបភាពការធ្វើចំណាកស្រុកសុវត្ថិភាព” ដែលនឹងប្រព្រឹត្តទៅចាប់ពីថ្ងៃទី១៤ ខែតុលា ឆ្នាំ២០២៤ រហូតដល់ ថ្ងៃទី២៨ ខែតុលា ឆ្នាំ២០២៤។ ក្នុងកម្មវិធីនេះ និស្សិតឆ្នាំទី២ និងទី៣គ្រប់ជំនាញនៃសាកលវិទ្យាល័យជាតិបាត់ដំបង ដែលចាប់អារម្មណ៍ ត្រូវសរសេរសំណេរច្នៃប្រឌិត ពី៣០០ ទៅ ៥០០ ពាក្យ ផ្អែកលើរូបភាព ការធ្វើចំណាកស្រុកសុវត្ថិភាព ដើម្បីទទួលរង្វាន់ជាកំព្យូទ័រ ថេប្លេត និងកាសស្តាប់ត្រចៀក សម្រាប់ជ័យលាភី លេខ ១ ដល់ លេខ ៥។ អាស្រ័យដូចនេះ សូមប្អូនៗនិស្សិត ឆ្នាំទី២ និងទី៣ អញ្ជើញចុះឈ្មោះចូលរួមប្រកួតប្រជែងតាមលីងដូចតទៅៈ https://forms.office.com/e/J7DCRtFsHW?origin=lprLink ។