No Zero Days @nozerodays2022 Channel on Telegram

No Zero Days

@nozerodays2022

بسم اللّٰه.
مفيش حاجه في القناة خاصّة بيا أنا بس نقلتها من جروب الفيس وكون إني أنسب كل حاجه لصاحبها صعب عليا لضيق الوقت

No Zero Days (Arabic)

مرحباً بكم في قناة "No Zero Days" على تطبيق تليجرام! القناة تحمل هذا الاسم الذي يعني "لا أيام بدون تقدم" وهو شعار يحث على الاستمرارية والعمل الدؤوب نحو تحقيق الأهداف. يمكن العثور على القناة باسم المستخدم "nozerodays2022". القناة تهدف إلى توفير الدعم والتحفيز للأشخاص الذين يسعون لتحقيق أهدافهم وتحسين حياتهم اليومية. قد تكون ملهمة للذين يحتاجون إلى دفعة إيجابية للمضي قدماً نحو أحلامهم. مع تحديثات يومية ومحتوى ملهم ومفيد، تعد هذه القناة وجهة مثالية للعثور على الدفعة الإضافية التي تحتاجها لتحقيق أهدافك والابتعاد عن الأيام الخالية من التقدم. سارع بالانضمام إلى قناة "No Zero Days" اليوم وابدأ في تحقيق تقدم يومي واستثنائي نحو أفضل نسخة ممكنة من نفسك!

No Zero Days

22 Sep, 03:46

#الخميس 22 سبتمبر

مهمة اليوم :
صيام

واجب اليوم :
هتنزل بوست على جروب الفيسبوك بنتيجة تحدي الأسبوع

تحكيلنا فيه كواليس التحدي معاك وعملت إيه خلال أيام الأسبوع .. إيه الأفكار اللي نفذتها واوصف شعورك واحساسك بعد كل موقف منهم .. ويا سلام لو تجمع كل اللي عملته في فيديو واحد تشاركنا بيه أو مجموعة صور .. أكيد هتكون ملهمة ومفرحة بالنسبالنا إن شاء الله

#الأسبوع_الثامن_والثلاثون
29,289
No Zero Days

21 Sep, 07:54

#الأربعاء 21 سبتمبر

هنكرر تاني تاسك "vlog"
اللي كنت وعدتكم إنه يتكرر تاني كل شوية من كتر الإبداعات اللي شوفناها يومها والشعور الجميل اللي وصل لكل واحد شارك في اليوم ده ❤️

وعلشان اللي لسه منضم لينا جديد فبإختصار الـ vlog ده عبارة عن فيديو بتعمله بتدون فيه الأحداث والتفاصيل اللي بتحصل في يومك وبتحاول تخرجه بصورة مميزة وجذابه وملهمة لأي حد هيتفرج عليه

فكل المطلوب منك إنك تحاول توثق لحظات في يومك العادي سواء بصور أو فيديوهات (ومش لازم تظهر بصورتك فيهم) .. وتجمعهم في النهاية مع بعض ببرنامج مونتاج زي اللي شرحناه قبل كده على الموبايل وتضيف عليه شرح بصوتك أو تحط أي مؤثرات جذابة عليه تحسن من شكله النهائي وتشاركنا بالـ vlog ده على جروب الفيسبوك مهما كان بسيط لكن حاطط فيه روحك وتفاصيلك الصغيرة واللي أكيد هيكون ملهم ولذيذ بالنسبة لناس كتير إنها تتفرج عليه

وممكن نزود المرة دي إنك تحاول تحط قيمة معينة أو توصل رسالة أو معنى حلو في وسط الـ vlog بتاعك .. ده هيعمق الأثر منه وهيزود الاستفادة بيه بشكل كبير بإذن الله

#الأسبوع_الثامن_والثلاثون
28,151
No Zero Days

19 Sep, 23:52

📼 360p, 💾 8.2MB, @Gozilla_bot
21,341
No Zero Days

19 Sep, 23:48

#الثلاثاء 20 سبتمبر

هنسمي اليوم ده "حاجة غريبة"

مهمة اليوم :

مشاهدة فيديو "عادات غريبة غالباً محدش بيعملها غيري"
من قناة خيري

مدة الفيديو : 6 دقائق

لينك الفيديو :

https://youtu.be/m7Dm9th6SGs

واجب اليوم :
كل واحد فينا عنده حاجات غريبة في حياته .. سواء كانت عادات غريبة بيعملها أو أو أكلات غريبة بياكلها أو أفكار غريبة بيفكر فيها أو طقوس غريبة ومش معتادة في عائلته الصغيرة أو الكبيرة أو تقليد وعُرف غريب في بلده أو حتى الحي اللي ساكن فيه

جميل لو تشاركنا ببوست على جروب الفيسبوك تحكيلنا أي حاجة غريبة في حياتك سواء كنت بتعملها بشكل شخصي (زي الفيديو بتاع خيري اللي حطيته كنموذج تشوفه) أو حاجات غريبة بتشوفها في الوسط اللي حواليك .. ويا سلام لو تحطيلنا معاها صور وفيديوهات معبرة عنها

عايزين يوم لتبادل الثقافات ومشاركة الحاجات الغريبة في حياة كل واحد مننا مهما كانت بسيطة

#الأسبوع_الثامن_والثلاثون
19,420
No Zero Days

19 Sep, 00:04

#الإثنين 19 سبتمبر

هنسمي اليوم ده "Top 5"

وهنعمل تجربة لذيذة هتفيد الكل إن شاء الله

وهيكون مطلوب منك إنك تمسك أي فئة تختارها (منتجات معينة - أدوات شخصية - شخصيات مؤثرة - كتب - جروبات - صفحات - قنوات يوتيوب - فيديوهات - applications - مواقع - كورسات - تاسكات الجروب - وغيرها وغيرها) وهتعمل قائمة مكونة من أفضل 5 من وجهة نظرك في الفئة اللي انت اختارتها

هتحدد الفئة وبعدها تقول في المركز الخامس كذا وتتكلم عنه شوية وليه اختارته يكون من قائمة الـ Top 5 بتاعتك .. وبعدها تدخل في المركز الرابع بنفس الكلام وهكذا لغاية المركز الأول وتقول ليه اختارته يكون المركز الأول

عايزين يوم مليان بوستات منوعة ومفيدة للجميع إن شاء الله ❤️

#الأسبوع_الثامن_والثلاثون
12,968
No Zero Days

18 Sep, 07:42

لينك موقع أراجيك :

https://www.arageek.com/

لينك موقع إضاءات :

https://www.ida2at.com/

لينك موقع الباحثون السوريون :

https://www.syr-res.com/

لينك موقع الباحثون المسلمون :

https://muslims-res.com/
10,864
No Zero Days

18 Sep, 07:42

#الأحد 18 سبتمبر

مهمة اليوم :

قراءة مقالة من إختيارك من أي موقع تحبه من اللي رشحناهم قبل كده زي "أراجيك" أو "إضاءات" أو "الباحثون السوريون" أو "الباحثون المسلمون" أو غيرها من المواقع اللي تحب تقرأ منها

واجب اليوم :
هنرجع تاني لمهارة تلخيص المقالات اللي وقفناها من فترة طويلة وهيكون مطلوب منك إنك تعمل ملخص للمقالة اللي انت قرأتها وتشاركنا بالملخص ده في بوست على جروب الفيسبوك

عايز تعمله في فيديو .. عايز تعمله على شكل خريطة ذهنية "mind map" تجمع فيها الأفكار الرئيسية بتاعة المقالة بشكل حلو .. عايز تكتب الملخص بخط إيدك وتصوره .. أو لو عايز تكتب الملخص في بوست عادي (لا يزيد عن 10 سطور) .. عيش حياتك وورينا إبداعاتك

وتبقى خد لفة سريعة على الجروب قبل ما تختار المقالة اللي هتلخصها علشان نقلل التكرار قدر الإمكان

#الأسبوع_الثامن_والثلاثون
8,675
No Zero Days

17 Sep, 03:30

📼 360p, 💾 51.8MB, @Gozilla_bot
7,151
No Zero Days

17 Sep, 03:29

#السبت 17 سبتمبر

هنسمي اليوم ده "ظرف صعب"

مهمة اليوم :

مشاهدة فيديو "كيف تغير حياتك وتنجح في أصعب الظروف"
من قناة دوباميكافين

مدة الفيديو : 22 دقيقة

لينك الفيديو :

https://youtu.be/9gr7UUUk5Q0

فيديو جميل ومفيد بيشرح العادة الأولى والأهم من الكتاب الشهير "العادات السبع للناس الأكثر فاعلية"

واجب اليوم :

كلنا بنمر بظروف صعبة في حياتنا
سواء ظروف بتأثر علينا كلنا بشكل عام زي فترة الكورونا مثلاً أو الظروف الاقتصادية الصعبة اللي بيمر بيها العالم كله حالياً .. أو ظروف شخصية في حياة كل واحد مننا زي فقدان شخص عزيز عليه أو ضائقة مادية للأسرة أو إصابة بمرض معين أو سفر وغربة أو تفكك أسري أو فشل في جانب من جوانب حياتك .. وغيرها وغيرها من الابتلاءات

فالمطلوب اليوم ده إنك تشاركنا ببوست على جروب الفيسبوك تحكيلنا فيه ظرف صعب مر عليك سواء عام أو شخصي وتقولنا اتعاملت معاه ازاي وإزاي قدرت تتعايش وتتغلب عليه وإيه الدروس اللي اتعلمتها من الظرف ده وإيه اللي اتغير فيك بعدها .. يمكن كلمة واحدة تقولها توصل لشخص محتاجها في وقتها وتساعده بشكل كبير

#الأسبوع_الثامن_والثلاثون
6,819
No Zero Days

17 Sep, 03:29

📼 360p, 💾 9.8MB, @Gozilla_bot
5,125
No Zero Days

17 Sep, 03:28

وكالعادة هنبدأ بتحدي الأسبوع
وتحدي الأسبوع ده هيكون بعنوان "أسبوع نشر السعادة"

وهنبدأ التحدي بمشاهدة فيديو "أسعد غيرك تسعد أنت" للدكتور محمد راتب النابلسي من قناة إعرف الإسلام

لينك الفيديو :

https://youtu.be/fcov9IifSzc

وهيكون مطلوب منك إنك تدخل الأسبوع ده بنية إنك تفرح ناس كتير غريبة عنك خلال أيام الأسبوع إن شاء الله .. وحبيت أخليها تحدي أسبوع كامل مش تاسك يوم علشان تجرب تعيش بالروح دي طول الأسبوع مش يوم واحد بس وفي نفس الوقت يكون عندك براح في الوقت تفكر ممكن تعمل إيه ويكون قدامك فرص أكتر للتنفيذ

عايز تعمل رسائل فرحة وتوزعها على الناس في الشارع بشكل عشوائي .. عايز تجيب هدايا صغيرة وتوزعها على كل طفل تشوفه .. عايز تجيب ازايز ميه أو كابات مثلاً وتوزعها على عمال من اللي شغالين في الشمس والحر .. عايز تجيب شوية بونبوني وتوزعهم على سواقين التاكسي أو الميكروباص اللي هتركبه .. عايز توقف حد في الشارع تقوله كلمة حلوة أو تمدح حاجة فيه .. عايز تعرض المساعدة على حد غريب عنك .. عايز تبعت رسايل أو تكتب كومنتات لناس انت متعرفهاش شخصياً لكن من باب تشجيعهم وجبر خاطرهم .. عيش حياتك طول أيام الأسبوع من الأفكار دي وغيرها

وعايزك توثق كل حاجة هتعملها بصور أو فيديوهات وده هتعمله بنية تشجيعنا نقلدك وإدخال سرور على قلوبنا لما نشوفها فمتخليش الشيطان يخوفك من المشاركة لأي سبب لإن نشر السعادة والطاقة الإيجابية شئ مُعدي

وهتيجي يوم الخميس الجاي إن شاء الله تشاركنا ببوست على جروب الفيسبوك تحكيلنا فيه كواليس التحدي معاك وعملت إيه خلال أيام الأسبوع .. إيه الأفكار اللي نفذتها واوصف شعورك واحساسك بعد كل موقف منهم .. ويا سلام لو تجمع كل اللي عملته في فيديو واحد تشاركنا بيه يومها أو مجموعة صور .. أكيد هتكون ملهمة ومفرحة بالنسبالنا إن شاء الله 😍

#تحدي_الأسبوع_الثامن_والثلاثون
5,369
No Zero Days

15 Sep, 22:26

#الجمعة 16 سبتمبر

هيكون يوم حُر

مش هيكون مطلوب منك مهمة معينة فيه .. انقذ يومك بأي حاجة على مزاجك تحب تعملها .. وادخل اكتب بوست على جروب الفيسبوك بأي حاجة عايز تقولها براحتك خالص .. قدامك مساحة تتكلم فيها زي ما انت عايز وتستفيد من هذا الجمع الجميل في أي حاجه تحبها

#الأسبوع_السابع_والثلاثون
3,891
No Zero Days

14 Sep, 22:52

#الخميس 15 سبتمبر

مهمة اليوم :
صيام

واجب اليوم :
هتنزل بوست على جروب الفيسبوك بنتيجة تحدي الأسبوع

تحكيلنا فيه كواليس التحدي معاك وعملت إيه .. هل كان الموضوع صعب عليك ولا طلع أسهل مما كنت متخيل؟ إيه الحاجات اللي سهلت الموضوع عليك وساعدتك على الالتزام؟ إيه الصراعات اللي كانت جواك واتغلبت عليها إزاي؟ وهل ناوي تكمل وتاخد خطوات أكتر مع سورة البقرة الفترة الجاية بإذن الله؟

ويا سلام لو ليك قصة شخصية مع سورة البقرة أو موقف معين مرتبط بيها أو بشخص تعرفه أو سمعتها من حد .. هيبقى جميل لو تشاركنا بيها بنية تشجيع الناس على الارتباط أكتر بالسورة العظيمة دي .. ولو مفيش خالص يبقى جميل لو شاركتنا تدبر آية استوقفتك منها أو تشرح سبب نزول آية منها أو قصة وردت فيها أو تحط فيديو مرتبط بيها

#الأسبوع_السابع_والثلاثون
3,831
No Zero Days

14 Sep, 12:03

#الأربعاء 14 سبتمبر

هنسمي اليوم ده "بالإيموچي"

وده يوم لذيذ هنفصل فيه في النص شوية وهيكون مطلوب منك إنك تكتبلنا جملة أو حكمة أو مثل أو رسالة أو مقولة أو بوست كامل بإستخدام الإيموچي والصور اللي ممكن تعبر عن كلمات

وعلينا ان احنا نخمن اللي انت تقصده في كومنتات على البوست بتاعك وهتدخل بعد ساعة من نزول البوست تقول الإجابة الصح وتشجع الناس اللي عرفت الصح

التاسك ده تشغيل دماغ حلو ليك
فجميل إنك تفكر بنفسك مش تنقل حاجة جاهزة من على النت 👊

#الأسبوع_السابع_والثلاثون
3,268
No Zero Days

13 Sep, 12:09

#الثلاثاء 13 سبتمبر

هنسمي اليوم ده "هكذا أرادوني"

وهنعمل تجربة إجتماعية كده بمشاركة والدك ووالدتك وبإذن الله تكون مفيدة للجميع

كنا عملنا قبل كده تاسك اسمه #هكذا_أريده
وطلبنا فيه من كل واحد إنه يشاركنا الصفات والحاجات اللي هيحب يغرسها في ابنه ويربيه عليها والمشاركات كلها كانت أجمل من بعض كالعادة ❤️

النهاردة بقى هنعكس الآية شوية
علشان والدك ووالدتك هما كمان كانوا في وقت ما بيحلموا وبيفكروا زيك بالظبط دلوقتي في الصفات اللي حابين يربوا عليها أولادهم وأكيد نجحوا في حاجات وقصروا في حاجات بعد السنين دي كلها

فهيكون مطلوب منك تروح تسأل كل واحد لوحده "إيه الصفة اللي فيا طلعت أحسن مما كنت تتمنى ؟" و"إيه الصفة اللي مكنتش تتمنى تكون فيا ونفسك إني أغيرها ؟"

وجميل لو تفتحوا نقاش مع بعض (بكل هدوء ورغبة في الاستفادة من التجربة) في الأسباب اللي أدت للإجابتين من وجهة نظرهم وإيه خطوات التغيير اللي ممكن تبدأ بيها انت حالياً

وهتدخل تحكيلنا في بوست على جروب الفيسبوك كواليس التجربة والإجابات بتاعتهم على أسئلتك وإيه اللي اتفاجئت بيه وإيه اللي كنت متوقعه وإيه الأسباب اللي أدت لكده من وجهة نظرك وإيه الصفة اللي هتقرر إنك تمسكها وتشتغل على نفسك فيها وناوي تعمل إيه بالظبط

#الأسبوع_السابع_والثلاثون
11,284
No Zero Days

11 Sep, 22:09

#الإثنين 12 سبتمبر

هنسمي اليوم ده "10 خطوات"

وهيكون مطلوب منك إنك تشرحلنا أي حاجة مفيدة في 10 خطوات بالصور وتكتب الشرح لكل خطوة تحت كل صورة وتنزلهم بالترتيب في بوست على جروب الفيسبوك

10 خطوات علشان تنام كويس .. 10 خطوات علشان تكون سعيد في يومك .. 10 خطوات علشان تزود ثقتك في نفسك .. 10 خطوات علشان تسوق لنفسك .. 10 خطوات علشان تعمل مهارة معينة على الموبايل أو تستخدم app معين .. 10 خطوات علشان تذاكر بشكل فعال .. 10 خطوات علشان تستفيد أقصى استفادة من أي كتاب بتقرأه .. 10 خطوات علشان تتعلم مهارة معينة أو تصنع حاجة بإيدك .. 10 خطوات علشان تهتم بمظهرك .. 10 خطوات علشان تكتب محتوى مفيد وجذاب .. 10 خطوات علشان تكتسب عادة معينة .. وغيرها وغيرها

عيش حياتك واختار أي حاجة تحب تشرحها في 10 خطوات بصور مناسبة والشرح تكتبه تحت كل صورة .. عايزين يوم مليان إبداع وبوستات مفيدة بإذن الله 💪

#الأسبوع_السابع_والثلاثون
3,555
No Zero Days

11 Sep, 07:52

📼 360p, 💾 40.3MB, @Gozilla_bot
2,519
No Zero Days

11 Sep, 07:52

#الأحد 11 سبتمبر

هنسمي اليوم ده "لبدنك عليك حق"

مهمة اليوم :

مشاهدة فيديو "مثلث الصحة"
من برنامج خواطر 10 لأحمد الشقيري

مدة الفيديو : 19 دقيقة

لينك الفيديو :

https://youtu.be/UWDcoXtNCXg

واجب اليوم :
هيكون مطلوب منك في اليوم ده إنك تعمل أي حاجة لصحتك ولجسمك .. جانب قد يكون مهمل في حياتك أو مش محطوط من ضمن أولوياتك لكن حبيت أفكرك في اليوم ده إنك بتهمل في أكتر حاجة تستحق اهتمامك لإن أي خلل فيها قدام لا قدر الله هيمنعك من حاجات كتير في حياتك .. فاهتم بيها النهاردة بكامل إرداتك قبل ما تجبرك تهتم بيها غصب عنك !

وحبيت أسيب المسألة مفتوحه علشان تفكر مع نفسك وتلاقي اختيارات كتير قدامك تعملها .. اختار أي جانب منهم واعمله وشاركنا كواليس اللي عملته ونصائح مرتبطة بيه في بوست على جروب الفيسبوك

عايز تمسك جانب النوم وتظبطه .. عايز تعمل في اليوم ده أكل صحي وتشاركنا صور منه وطريقته .. عايز تهتم بشرب الميه وتقولنا عملت إيه علشان تفتكر .. عايز تلعب رياضة معينة وتحكيلنا كواليسها ونصائح مرتبطة بيها .. عايزة يوم تعملي فيه روتين صباحي صحي أو روتين عناية بالبشرة والشعر عيشي حياتك .. عايز يوم تفصل فيه شوية وتريح وتبعد عن حاجة ضاغطاك وعاملالك توتر وصداع

عيش حياتك وتفنن في الاهتمام بصحتك في اليوم ده وادخل احكيلنا عملت إيه علشان تلهمنا وتشجعنا ونستفيد كلنا

#الأسبوع_السابع_والثلاثون
2,454
No Zero Days

09 Sep, 21:52

📼 360p, 💾 53.2MB, @Gozilla_bot
1,990
No Zero Days

09 Sep, 21:52

📼 360p, 💾 16.9MB, @Gozilla_bot
1,919

7,464

subscribers

212

photos

119

videos
Best Similar Channel
بوتات تليجرام | TG Bots 🤖 Telegram Channel
بوتات تليجرام | TG Bots 🤖
147,003 subscribers
@tg_rabie
zedniy Telegram Channel
zedniy
143,015 subscribers
@zedniiy
طفلي دنيتي 📚أ.منى السيد ((القناة الرسمية ولايوجد غيرها)) Telegram Channel
طفلي دنيتي 📚أ.منى السيد ((القناة الرسمية ولايوجد غيرها))
114,098 subscribers
@mona_alsayed92
لُطف || ♡ Telegram Channel
لُطف || ♡
90,456 subscribers
@lotf0
رياضة + نصائح Telegram Channel
رياضة + نصائح
46,378 subscribers
@fanarworkout
دواهي Telegram Channel
دواهي
34,974 subscribers
@daoihe
AtoZ Courses Telegram Channel
AtoZ Courses
29,839 subscribers
@atozcourse
القران الكريم Telegram Channel
القران الكريم
23,149 subscribers
@algrenilkrem
البرمجة من الألف إلى الياء Telegram Channel
البرمجة من الألف إلى الياء
20,769 subscribers
@programming4all
مَا وُلِدْنَا لِنَنْهَزِمَ┊ᥫ᭡  Telegram Channel
مَا وُلِدْنَا لِنَنْهَزِمَ┊ᥫ᭡ 
20,180 subscribers
@just_smile3
Random Similar Channel
عالَم النفط والغاز Telegram Channel
عالَم النفط والغاز
1,689 subscribers
@kraarshaker
الربط القرآني 1 Telegram Channel
الربط القرآني 1
2,004 subscribers
@rabtquraan
مكتبة المهندس العظيم النفطية (( تخطيط، حفر، انتاج، مكامن، كتب نفطية باللغة العربية)) Telegram Channel
مكتبة المهندس العظيم النفطية (( تخطيط، حفر، انتاج، مكامن، كتب نفطية باللغة العربية))
3,327 subscribers
@thegreatesteng
لن ننسي الحُلم ✨💚 Telegram Channel
لن ننسي الحُلم ✨💚
3,289 subscribers
@motivation_tahfez
وَأُنثى Telegram Channel
وَأُنثى
12,586 subscribers
@wa_ontha
مُنَبِّه الذِّكْر. Telegram Channel
مُنَبِّه الذِّكْر.
3,697 subscribers
@dhikr_allah0
ᵐʸ ˢᵒᵘˡروحـــــــــي Telegram Channel
ᵐʸ ˢᵒᵘˡروحـــــــــي
3,288 subscribers
@axza5857
نادي اسكول الديني 💎 Telegram Channel
نادي اسكول الديني 💎
1,073 subscribers
@sc_r_c
⇣❥ منبه 💜 الاستغفار ❥⇣ Telegram Channel
⇣❥ منبه 💜 الاستغفار ❥⇣
3,524 subscribers
@joo_sanani
كوتش مها الحربي 🗝 Telegram Channel
كوتش مها الحربي 🗝
11,874 subscribers
@mahawy_hhh

2024 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.