پست‌های تلگرام ПУРИНЧЕН МАЛТАН

❗️Шупашкарта наркотик сарнă 18 çулти хĕре тытса чарнă

Хайхискер пакунлисен аллине лекиччен Маршак, Чапаев, Афанасьев, Красин, Иванов, Герцен урамĕсенче вăрттăн 19 вырăна (пурĕ 80-е яхăн грамм) наркотик хума ĕлкĕрнĕ. Хăйĕн çумĕнче тата 29 чĕркем мефедрон (155 ытла грамм) пулнă.

✅ Пике тĕлĕшпе уголовлă ĕç пуçарнă, ăна ирĕксĕр хăварнă. Суд йышăнăвĕпе хĕре 20 çуллăха колоние ăсатма пултараççĕ.

❗Шупашкарти шеф-поварăн таварĕсене чикĕ леш енче туянаççĕ

Виктор Харнас Раççейри кăна мар, ют çĕршыври ресторансенче те ĕçлесе курнă. Тутлă та илемлĕ блюдо мĕнле хатĕрлемеллине никамран лайăх пĕлет.

✅ Вăл çимелли чечексене ятарлă технологипе типĕтет, унпа апата илемлетет. Патшалăх пулăшăвĕпе усă курса тавара чикĕ леш енне ăсатма тытăннă. Хальлĕхе типĕтнĕ чечексене Казахстана, Беларуçа ăсатнă. Çитес вăхăтра Китая ямалла.

🔴 Эсир типĕтнĕ чечекпе илемлетнĕ апат тутанса курнă-и?

❗Йывăр лару-тăрура пурăнакан тата сусăр ачасене велосипед парнеленĕ

Ыр кăмăллăх ĕçне хутшăнакансем — Патăрьел округĕнчи Турханти медик волонтерсем.

✅ Вĕсен ертÿçи Анатолий Кольцов хыпарланă тăрăх, пĕлтĕрхи çулла ачасем ялта килĕрен çÿресе 2 тонна ытла тимĕр-тăмăр пухнă, укçапа темиçе велосипед туяннă.

🔴 Маттурсем!

❗️Паян – Макçăм кунӗ

Халӑх сӑнанинчен:
▶️ Паянхи кун тÿпе янкăр пулсан çанталăк сивĕтĕ, анчах çу тухăçсăр пулĕ.
▶️ Хĕвел пăхсан çуркунне ăшшипе самай савăнтарĕ.
▶️ Паян уяр çанталăк пулсан çуркунне ир килĕ.
▶️ Уйăха тĕтре хупласан пахча çимĕç ăнса пулĕ.

🔴 Тунтикун тухăçлă ирттĕр.

❗️Çĕнĕ Шăмăршăри Марина Васильевăн çемье ферминчи пурăнаканĕсем.

🔴Илемлĕ вĕт?

❗️Иртнĕ çул Раççейрен Турцие 6 миллион та 700 пин çын канма кайнă

Статистика палăртнă тăрăх, пĕлтĕр, 2023 çулхипе танлаштарсан, пирĕн çĕршывран Турцие 6,3 процент нумайрах çын канма вĕçнĕ.

🔴 Эсир кăçал канмашкăн ăçта кайма палăртатăр?

❗️Шупашкарти хоккеистсемпе паллӑ актер тӗл пулнӑ

Ӗнер тӗп хулари пӑр катокӗ ҫинче «Медведи» тата «Богданка» командӑсем тупӑшнӑ.

Спортсменсене «Бой с тенью» трилогире, «Молодежка» сериалта ӳкерӗннӗ Денис Никифоров хавхалантарма килнӗ.

✅ Матч хыҫҫӑн актер «Спорт - кинематографра» пултарулӑх каҫне хутшӑннӑ. Унта хӑйӗн ӗҫӗ-хӗлӗ, спорт ҫинчен каласа кӑтартнӑ.

🔴 Эсир Денис Никифоров ӳкерӗннӗ фильмсене курнӑ-и?

😂Шÿтлеççĕ

Хĕрарăм тусне каласа кăтартать:
— Куç харшине, куç хăрпăкне, тутана, алă тата ура чĕрнисене сăрларăм. Чарăнаймарăм! Картише тухрăм та карта сăрларăм.

❗️Паян – Афанасий кунӗ

Халӑх сӑнанинчен:
▶️ Паянхи кун ула кураксем явӑнса вӗҫсен сивӗтет.
▶️ Ҫанталӑк ӑшӑтсан ҫулла уяр ҫанталӑк пулмӗ, ҫӗр улми тухӑҫӗпе савӑнтармӗ.
▶️ Ҫил-тӑвӑл алхасни - ҫуркунне вӑраха тӑсӑласса.
▶️ Кӑнтӑрла хӗвел пӑхсан ҫуркунне ир килет.

🔴 Эрнекун лайӑх ирттӗр!

🌟🌟🌟Ҫӗнӗ юрӑ🌟🌟🌟

Типшӗм Сашук тата Анжелика - «Чувашка»

✍️ Сӑвви - Ольга Савиновӑпа Александр Егоровӑн.
🎶 Кӗввипе аранжировки - Александр Павловӑн.
🎙️ Сасӑ ҫыртараканӗ - Виктор Дмитриев.