Чӑваш ТВ

Чӑваш ТВ 5 ҫулта!

Чӑваш ТВ проекта 5 ҫул!

2024-мӗш ҫулта ҫырӑнакансен шучӗ +88 пин ытла ӳснӗ.

Паянхи кун Чӑваш ТВ ҫырӑнаканӗсен шучӗ 421 пин ытла.

Ҫуралнӑ кунпа - Чӑваш ТВ!

Ҫӗнӗ Ҫула кӗтсе илме хатӗр❤️

2024-мӗш ҫулӑн саманчӗсем. Пулса иртнишӗн тав туса 2025-мӗш ҫула ырӑпа кӗтсе илер, туссем!
Ҫитес Ҫӗнӗ Ҫулпа сире!

КРИТИКА.
Халӑх калаҫать.

Хамӑн шухӑша ҫырса пӗлтериччен чи малтан сиртен ыйтса пӗлес килет.

Юлашки ҫулсенче чӑваш эстрада юрӑҫисем хӑйсен ҫӗнӗ "хичӗсенче" чӑваш сӑмахне усӑ курма май пур пулсан та вырӑс сӑмахне кӗртсе яра пуҫларӗҫ. Паллах, кун пек йӑлана 10-15 ҫул каялла ҫырнӑ хӑш-пӗр юрӑсенче те тупма пулать, анчах паянхи кун "ни чӑвашла, ни вырӑсла мар" юрӑсен йышӗ ӳссех пырать.

Сӑмах май, сире паллаштарас тӗллевпе, Алексей Московский тата Данила Зайцев темиҫе кун каялла кӑна кӑларнӑ ҫӗнӗ юрӑн сыпӑкне итлесе пӑхма ыйтатӑп.

"Пуринчен малтан" ятлӑ телеграм-каналта ҫак юрра критикленӗ самантпа та паллаштарас терӗм.

Халӗ вара сирӗн шухӑшсене чӑтӑмсӑррӑн кӗтетӗп. Эсир мӗн шутлатӑр? Ҫак йышши юрӑсем кӑларни йӗркеллӗ-ши?
"Юрӑра ҫапла юрлаҫҫӗ пулсан капла калаҫма та юрать," - тесе тӑван чӗлхене тата ытларах сиен пулмӗ-ши?

Путешествие к Чувашам Башкортостана 2 - фильм тухрӗ
https://youtu.be/BWqZzIJSJzc

Раҫҫей Чӑваш Пики - 2024

Салам! Аван хыпар!

Паян, 18:00 сехетре Ютубра вырнаҫнӑ Чӑваш ТВ каналра "Путешествие к Чувашам Башкортостана 2" фильм куравӗ иртет.

Пушкӑртстана 2-мӗш хут кайнӑ вӑхӑтра ӳкернӗ материалтан пуҫтарнӑ фильм ку. Ҫак фильмра Миякин тӑрӑхӗнчи Ҫӗнӗ Хурамал ялӗнчи, Ҫтерлӗри тата Кӑчакух ялӗнчи чӑвашсемпе тӗл пулса калаҫатӑп.

Ҫак ссылкӑпа паян 18:00 сехетре фильм курма йыхравлатӑп:
https://youtu.be/BWqZzIJSJzc?si=RI8fqFAud8dckdtv

Булгарская теория происхождения чувашского языка с научной точки зрения самая обоснованная.

Эдуард Евгеньевич Лебедев - высококвалифицированный специалист по тюркской филологии, ведущий научный сотрудник филологического направления, кандидат филологических наук.

Интервью из серии, посвященной чувашской истории.
Выпуск 2. Чувашский суваризм. Перспектив нет.

Александр Савельев - лингвоисторик, исследователь и ученый, кандидат филологических наук, научный сотрудник высшей школы экономики.

Элтияр Александров - экс-младший научный сотрудник ИФЛ СО РАН, журналист.

Константин Доброхотов - видеограф, этноблогер.

You Tube - https://youtu.be/54Ldy4KzT9Y?si=g9t2oV1K87npkPNZ

ВК - https://vk.com/video-175721657_456239083

RUTUBE - https://rutube.ru/video/2f661c0035384d6ca828fb9715029105/

Одноклассники - https://ok.ru/video/8704542050984

Дзен - https://dzen.ru/video/watch/675a7fc510b3ac35a3a81b5b?share_to=link

Чувашский суваризм. Перспектив нет.

Полный выпуск смотрите уже в этот четверг🎬

Сейчас многие хотят научиться тому, как продвигать свой блог, создавать интересный контент

Приглашаю на Мастерскую молодежных медиа – форум в Чебоксарах для тех, кто мечтает прокачать свой аккаунт, запускать собственные тренды, а не следовать чужим.

Когда? 7 декабря с 10 до 16 часов
Участие бесплатное, требуется регистрация https://myrosmol.ru/event/166895

Участники получат актуальные знания и навыки для того, чтобы вести свой блог, создавать интересный качественный контент, который привлекает внимание.

Там будут выступать опытные спикеры: журналисты, блогеры, создатели видео и фото. Они расскажут про использование нейросетей, популярное направление этноблогинга, как снимать идеальное видео, продвигать свой контент.

На канале Мастерской молодежных медиа будет актуальная программа форума https://t.me/molforum21

Ҫак эрне кун Чӑваш драма театрӗнче "Аманнӑ шӑпа" спекталь пулать. Тӗп сӑнара выляканӗ - Чӑваш Енӗн тава тивӗҫлӗ артисчӗ Николай Васильевич Сергеев. Паянхи кун Николай Васильевичпа тӗл пулса пӗр-ик сӑмах калаҫма май пулчӗ. Итлесемӗр🥰
Ҫак эрне кун спектакль курма планлатӑп, кӑмӑллакансем - айтӑр пӗрле!)

Игорь Николаев - паллӑ артист чӑваш иккен. Унӑн аслашшӗ - Хыркасы ялӗнче ҫуралса ӳснӗ чӑваш.

Пӗр квас сире е иккӗ теприне?)
Чӑваш филологи уйрӑмӗнче вӗренекенсем☺️

Салам!
Начинаем серию выпусков про историю чувашского народа и языка!

Сегодня вышел 1-ый выпуск: «Булгарский язык и его современное состояние»

Смотрите полную версию на канале "Чӑваш ТВ"! Доступен на разных платформах! Ссылки прикрепил👇🏻

Ютуб - https://youtu.be/mAa1ZkEOFII?si=HY1eh6p613UJ4UKV

Рутуб - https://rutube.ru/video/d2b46d0a9e3c8dffa7e88c5b9cb9c0f6/

ВК - https://vk.com/video-175721657_456239076

Дзен - https://dzen.ru/video/watch/673ae0c73ce396427a3a6b60

ОК - https://ok.ru/video/8108289428136

Чӑваш пики - чи илемли💛💛❤️

Кукамай 77 ҫул тултарчӗ🫶❤️

Паян Элӗкре вырнаҫнӑ И.Я. Яковлев ячӗллӗ шкулта хӑнара пултӑм. "Навигаторы детства" проектра спикер пулса МЕДИА темӑпа чӑваш блогӗ тата видео ӳкерес ӗҫ ҫинчен каласа патӑм.

Элӗк шкулӗ ырӑ кӑмӑлпа кӗтсе илсе ӑшшӑн йышӑннӑшӑн тавах!

Ӗнерхи ҫавра сӗтел тавра чӑваш халӑхӗн кун-ҫулне тӗпчекенсем пуҫтарӑнчӗҫ. Халиччен кун пек пуху пулман.

Пирӗн чӑваш кӑна ӑнланманнипе, ҫак самантсене шута илменнипе ҫапла хӑйне хӑй сиен кӳрет.

Нумай япаласене ҫырса ӑнлантарса ларма вӑхӑчӗ ҫителӗксӗр пулни пӗлтерет.

Тӗн енчен илсен те ҫаплах. Ку тата тӗпӗр питӗ анлӑ , вӗҫӗ-хӗррисӗр тема. Кунта та тӗрӗс ӑнланманлӑхӗ чылай.

Сӑлтавӗсем питӗ нумай.
Кунта халь чӑваш халӑхӗ кемнин пӗр сӑлтавӗ ҫинчен ҫеҫ сӑмах пычӗ. Сӑлтавӗсем вара вӗсем тӗрлӗрен. Этногенетика, этнопсихологи, этноконфесси, этномедицина тата ытти енӗсемпе ҫыхӑннӑ сӑлтавӗсем те чылай. Каласа пӗтерме ҫук пӗр кунра.
Менталитетӑн ( чӑваш халӑхӗн наци характерӗн) уйрӑмлӑхӗ пирки хӑй пӗр калаҫу.
Урӑхла каласан, чӑваш халӑхӗ тӗлӗнмелле авалхи халӑх...


Ирина Витальевна Сухарева, доктор исторических наук, профессор

https://youtu.be/fI5cecXlrds?si=eqcXv7cGCG8qwUL-

Ырӑ кун пултӑр пурне, хисеплӗ ӗҫтешӗмӗрсем. Ҫак конференци питӗ актуаллӑ, вырӑнлӑ паянхи кун. Мӗншӗн тесен пирĕн халь халӑхӑмӑрӑн историне пӗлнӗ-пӗлмен пӑтратакан псевдоисториксем нумайланса кайнине кура, мӗнле кӑна сиен курмастпӑр пуль. Вӑхӑтӗнче хурав пама, ҫырса ӑнлантарма вӑхӑт ҫителӗксӗр пулнине кура тин ҫеҫ хуравлатӑп, хаклӑ ҫыннӑмӑрсем. Историре пӗр енчен тепӗр енне тайӑлса ҫӳрени вырӑнсӑр. Мӗнпур факторсене шута илсе пӗтӗмлетӳ тунипе килӗшме пулать , паллах. Вырӑсла каласан , "объективлӑ" пулмалла. Историре хӑйӗн методологи пур. Вӑл историри пулӑмсене тӗпчекен пӗтӗмӗшле методсемпе принципсен системинчен тӑрать. Принципӗсем вара чи вӑйлӑ самант, ӑна пӑхӑнман историкӑн ӗҫӗ нимӗн патне те илсе ҫитермест. Вырӑсла " это путь в никуда ". Пушӑ ӗҫ ,- тетпӗр ун пек ӗҫсене.
Хальхи саманара вӗсем купипе.
Ахальтен мар историксем , калӑпӑр, пахча-ҫимӗҫ ӳстӗрнӗ ҫӗртри, электроника ӗҫӗсӗмпе ҫыхӑннӑ
е нефтьпе газ сферинчи специалистсемпе пӗр тан ӗҫе ӗҫлеймеҫҫӗ.
Ҫаплах ытти сферӑра ӗҫлекенсем историксемпе танлашма пултарайманни , куҫкӗретех. Каҫарӑр та, истори факультетне пӗтернӗ ҫын ҫеҫ хронологи, палеографи, историографи, источниковедени, топографи , этнологи, археологи, петӗмӗшле каласан, унӑн методологи тата ытти професси шайӗнчи наукӑсен вӑртӑнлӑхӗсене алла илсе хӑйӗн тӗпчев ӗҫӗнче усӑланма пултарать. Ҫавӑнпа мӗн каласан та, профӗссионал мар ҫыннӑн пӗтӗмешле курӑмӗ те ҫакна ҫирӗплетсе парать.

Чӑвашсен авалхи этногенезӗн тӗрлӗ тапхӑрӗсенче мӗн кӑна пулса иртмен. Унта чӑвашсен тӑхӑмӗсем ( тӑхӑмӗсем - предки) пирки каласан, унта алтай чӗлхисен ҫемьин (тӗрӗк халӑхӗсен) представителӗсемсӗр пуҫне индоевропа чӗлхисен ҫемьин ( вӗсӗн шутнех кӗреҫҫӗ шумерсем , скифсем, сарматсем, дахо- массагетсем тата ыттисем те - урӑхла каласан иран чӗлхеллӗ халӑхсем) представителӗсем те хутшӑнса ҫакӑн пек пуян чӗлхеллӗ халӑх пулса аталанма пултарнӑ пирӗн чӑвашсем. Ҫав историри аталану тапхӑрӗсенче эпир тӗрлӗ ятпа каланӑннӑ ( сӑмахран, чӑвашсене пӗр вӑхӑтӗнче пӗр тӗрлӗ, тепӗр вӑхӑтӗнче "сувар", "суваз" е "пугур", "пӑлхар" тесе чӗннӗ). Паянхи кун пирӗн халӑх "чӑваш" тесе каланӑнать. Ҫавӑнпа пӑтранни вырӑнсӑр.
Ытти халӑхсен те маларахри тапхӑрӗсенче урӑхла ячӗсем пулни паллӑ. Сӑмахран, ӗлӗкрех пулнӑ документсенче пушкӑртсен те, мари е удмурт халӑхӗсен те ячӗсем кусем - паянхисем пулман. Историри докуменчӗсенче пӗрремӗш пинҫуллӑх пуҫламӑшӗнче , калӑпӑр, мари ятлӑ халӑх ҫук, тупса пулмасть, пачах. Мӗншӗн тесен вӗсене урӑх ятпа ҫырса кӑтартнӑ - " черемисы", - тенӗ. Ҫаплах авалхи ингевонсем те, паян ун пек ятлӑ халӑх ҫук, халь вӗсем урӑхла каланаҫҫӗ. Удмуртсем те ҫаплах - ӗлӗкхи документсенче вӗсене "вотяксем",- тесе чӗннӗ .

Тӑвансем, пӑтратас мар тӗпчесе тупсӑмне тупнӑ темӑна. Пӑтранас та мар. Ҫырав (перепись) вӑхӑтӗнче те, урӑх чухне те. Мӗншӗн пирӗн халӑхӑмӑрӑн шучӗ кемнӗ? Мӗншӗн тесен ҫак пӑтранчӑклӑх пулнипе. Чӑвашсенчен нумайӑшӗ хӑйсене "эпир чӑваш мар, имӗш, эпир суварсем е пӑлхарсем",- тесе ҫыртарнипе те.

Тӗрӗс, эпир сӑвар, пӑлхарсем , анчах маларахри историри тапхӑрта. Халь эпир ЧӐВАШСЕМ. А пирӗн чӗлхере ытти чӗлхесен ҫемйинчи халӑхсен сӑмахӗсем пулни, сӑмах пӗрпеклӗхӗсем пулни, паллах, тепӗр хут эпир авалхи халӑх пулнине ҫирӗплетсе парать. Ахальтен мар пирӗн халӑхӑн этногенезӗпе ҫыхӑннӑ ҫичӗ ытла теори уҫса парать ҫак пулӑма.

❗❗❗Ҫакна тӗрӗс ӑнланмалла❗❗❗

Халь интернетра информаци пуррин ансатлӑхӗ те нумайӑшне хӑйсене истори тӗлӗшӗнчен хӑйне евӗрлӗ пӗтӗмлетӳсем тума ирӗк панине те куратпӑр. Анчах ҫакна та каласа хӑварас килет: шел пулин те, халь интернетра ырри, пахисӗр пуҫне питӗ нумай рецензи урлӑ иртмен суя материал нумай. Вӗсене шанса пулмасть. Вӗсем плагиат системине те иртме пултараймаҫҫӗ.

Тата тепӗр самант: нихӑш халӑх та (пушкӑртсене илсен те, ыттисене илсен те) хӑйсен историне ҫапла пӑтратмаҫҫӗ. Пушкӑртсем эпир "остяксем" е "мад'ярсем" ( кусем вӗсен теорипе килӗшӳллӗн ӗлӗкхи ячӗсем), - тесе те ҫыртармаҫҫӗ ҫыравра ( перепись вӑхӑтӗнче). Ҫаплах мари е удмурт халӑхӗсем те
ҫырав ( перепись) вӑхӑтӗнче хӑйсене
ӗлӗкхи ятпа ҫыртарса пӗрре те арпашмаҫҫӗ.

Ку маншӑн вара кӗтменлӗх🙃 Ман ҫинчен сӑвӑ ҫырманччӗ-ха хальхи кунччен. Ытла мухтанипе пит те хӗрелсе кайрӗ, вуланӑ май😳😅

Чӑвашри чи чӑнкӑ ҫын.
Доброхотов Константин!
Блогерсем пирӗн пин-пин,
Вӑл ахӑр, номер один.

Арӑмӗ майсӑр хӳхӗм,
Хӑй,почти Орландо Блум.
Ӗлӗк ӑна пӗлеттӗм,
Халь хутшӑнма ҫитмест сум.

Чӑвашла ҫеҫ пӗтӗм пост.
Чӑвашла ҫеҫ пӗтӗм рилз.
Лайк пусмасӑр не пройдешь!
#врека кӗрет зашибись!

Модӑра халь чӑваш шрифт,
Пирӗн Кӗҫтука пула
Ачи чӑн та маттур пит,
-Сӑпаҫҫип,-тесе кала.

Савӑнаҫҫӗ чӑвашсем!
Ҫоккӑ тек Кӗҫтук пекки
Негрсем,бабуинсем
Илтнӗ унӑн блог пирки.

Чӑваш тумӗпе клуба,
Пырса кӗчӗ тӗк Кӗҫтук.
Ҫӳп пек хыҫҫӑн пур майра,
Ан ҫыпҫӑнӑр усси ҫук.

Тухсанах ҫӗнӗ айфон.
Ҫав куннех пур Кӗҫтукӑн.
Пур енӗпе чемпион.
Хайхи,Илон Маск хыҫҫӑн.

Арӑмӗ-пукане пек.
Ачисем ҫут шевле пек.
Амӑш те ҫӳрет,хӗр пек.
Юрӗ,мухтамастӑп тек.

Вӑт такойски этемсем,
Кукамайсен ялӗсем.
Шанмасан ҫырӑр ҫыру.
Доброхотов пӑнчӑ ru
31.10.2024
Шупашкар
Типшӗм Сашук

Хитре кунта

Ҫитрӗмӗр! 10 ҫул каяллахи салтак пурнӑҫӗ аса килчӗ! Питертан пурсӑра та салам вӗҫтеретӗп!

10 ҫул каялла эп вӗсемпе утса пыраттӑм

Ҫитрӗмӗр!

Питӗре 10 ҫул каялла пӗрремӗш хут кайнӑччӗ, анчах курма мар, салтака.

Унтанпа тек кайса курман. Пӗр чарӑнура 30 яхӑн салтак тумӗ тӑхӑннӑ ҫамрӑк яшсем кӗчӗҫ. Вӗсем ҫине пӑхса хама 10 ҫул каяллахине аса илтӗм.

Пуйӑспа Питӗре каятӑп. Интернет хутран-ситрен кӑна тыткалать, кӗнеке вулама халь тӗттӗм. Сӑвӑ ҫырасси анчах тӑрса юлчӗ те, ҫавӑнпа ҫыратӑп. Каҫарӑр ӗнтӗ, темиҫе те харӑс кӑлартӑм)

Эс пӗтсен тӗнче пӗтет

Вӑтӑр ҫул ҫӗр ҫинче пурӑнатӑп,
киленсе таврари илемпе.
Вӑтӑр ҫул эп сана юрататӑп,
Чӑваш Халӑхӗ - эс ман тӗнче!

Тӗнчипе эсӗ сарӑлнӑ халӑх,
пур халь эсӗ кашни ҫӗршывра.
Пӗтес ҫук сан! - ҫапла эпӗ калӑп,
эс пӗтсен тӗнче пӗтӗ вара.

25.10.24. К.Д.

Чи хаклӑ парне

Кӑвакарчӑн вӗҫет кӑвакарчӑн,
янратса хӑй ҫунат сассипе.
Чуптӑватӑн, мана чуптӑватӑн,
сан туту пыл тутийӗ пекех.

Эп шанатӑп, сана эп шанатӑп,
яланах пулӑн эсӗ пӗрле.
Тав тӑватӑп, Турра тав тӑватӑп,
эсӗ манӑн чи хаклӑ парне.

25.10.24. К.Д.

Пурнӑҫа тухайман шухӑшсем

Ҫиччӗ виҫрӗм пӗрре те касмарӑм,
хӑяймарӑм пыма сан пата.
Ытлашши пуль нумай эп шутларӑм,
ахалех ирттерсе вӑхӑта.

Шухӑшран пурнӑҫа тухаймарӑн,
пӗр курмасӑр ҫак ҫут тӗнчене.
Лӗпӗш пек халь вӗҫсе эс ҫухалтӑн,
йӗр хӑварса манӑн пуҫ анинче.

25.10.24. К.Д.

Парнеле эс мана

Парнеле эс мана сар чечекӗм,
чӑн таса юрату парнеле.
Парнеле эс мана сар хӗвелӗм,
вут-кӑвар ӑшшуна парнеле.

Парнеле эс мана пирӗштиҫӗм,
сывлӑшна сывлама парнеле.
Парнеле эс мана ай савниҫӗм,
ӗмӗтсем пурӑнма парнеле.

Акӑшсем ав пӗччен пурнаймаҫҫӗ,
пингвинсем те вилеҫҫӗ пӗччен.
Мӑшӑрпа чӗрчунсем пурӑнаҫҫӗ,
мӑшӑрпах пулмалла та ҫынсен!

25.10.24. К.Д.

Паян

Вӑхӑта каялла ҫавӑраймӑн,
тавӑраймӑн пулса иртнине.
Яланах малалла эсӗ кайӑн,
упраса асунта юлнине.

Паяна эс паян пурӑнатӑн,
таврас ҫук тек паян пулнине.
Ыранхи вӑхӑта ав куҫатӑн,
пӗр сисмесӗр паян юлнине.

Паянхи пурнӑҫпа пурӑнасчӗ,
тиркемесӗр пулса иртнине.
Малаша ӗмӗтпе тултарасчӗ,
тав туса ҫак куна курнине.

23.10.24. К.Д.

Тӑванлӑх

Ӗлӗкрен тӑванпа тӑванла пурӑнса
пур ӗҫе те пикеннӗ йышпа.
Нимӗнрен хӑраман, яланах кар тӑрса
утма тӑрӑшнӑ пӗр сукмакпа.

Кунсем иртрӗҫ ӗнтӗ, ҫулсем иртрӗҫ ӗнтӗ,
шывӗ юхрӗ чылай унтанпа.
Халь ҫапла каласан йӑнӑш пулмӗ ӗнтӗ -
йӑли ҫук пурӑнма тӑванпа.

22.10.24. К.Д.

Самана

Эс итле-ха, тӑван, мӗншӗн- ши халь ҫапла,
тӗрӗсмарлӑх кашни шӑтӑкра?
Саккунсем ҫыракан пурӑнмасть пӑхӑнса,
вӑрлакан тӗрӗслет ыр ҫынна.

Юратма пӗлменни вӗрентет юратма,
уйрӑлни - кил-йыша сыхлама.
Телейне тупайман пулӑшать шырама,
чирлекен - сывлӑха упрама.

Ҫылӑхсем ӑшӗнче путакан шурлӑхра,
вӗрентет халь пире ав таса пурӑнма.
Ҫухалса каяс марччӗ хура чӑтлӑхра,
пурнӑҫа йӗркелесчӗ хамӑр ӑспа.

22.10.24. К.Д.

Шӑпа

Кӗпе арки тӗрӗллӗ те
усалсенчен вӑл упрать.
Ҫак хӗр шӑпи паллӑ ӗнтӗ,
килес ҫулах качча каять.

Ҫитмӗл те ҫичӗ курӑкпа
вӗретнӗ шыв ав мунчара.
Ярать хӑй тӑрӑх алтӑрпа,
салхуллӑ шухӑшӗ пуҫра.

Ҫич юхан шыв умне ҫитсе те
шӑпу ҫавах тӑрса юлать.
Хӑв ҫылӑхна ҫӑвас тесен те
ҫак шывсемпе юхса каймасть.

Ак ҫу та ҫитрӗ, иртрӗ ҫимӗк,
ял тӑрӑх йышлӑ туй кӗрлет.
Шур кӗперен палӑрать ҫийӗ,
анне пулма вӑхӑт ҫитет.

Тин ҫеҫ кӗрлекен туй шӑпланчӗ,
урайӗнче пир ал шӑлли.
Пӗрлешнӗ мӑшӑр чӗркуҫленчӗ,
асламӑшӗ парать пехил:

Эй, ачамсем, мӑнукӑмсем,
сире Турри ӗнтӗ каҫартӑр.
Леш тӗнчери йӑх-несӗлсем,
ҫак тӗнчерех пурӑнма парӑр.

Йӑхран йӑха йӑх пынӑ та
хальхи кунччен те ав пӗтмен.
Хӗрпе каччи пӗр юнлӑ та
аслашшӗ ҫак туя килмен.

Мӗн авалтан пулнӑ йӑла,
качча каяс тӑк - ҫич юта!
Виҫ сыпӑкри тӑван пулсан,
шӑпу халь йывӑр пулӗ сан.

21.10.24. К.Д.

Таврӑнас ҫук халь каялла.

Ача чухне ялтаччӗ те
кӗтӳ кӗтме эпӗ тухаттӑм.
Вӑхӑт хӑвӑрт шумасчӗ те
куна эрне пекех туяттӑм.

Хӗвел ҫуттин пайӑркисем
куҫа хӗртессӗн ачашлатчӗҫ.
Тӳпе тулли шур пӗлӗтсем
пӗр чарӑнми таҫта шӑватчӗҫ.

Шур пӗлӗтсем шунӑ пекех
ҫулсем те шурӗҫ пулмалла.
Ачалӑх иртрӗ пуль, текех,
таврӑнас ҫук халь каялла...

20.10.24. 01:55. К.Д.

Йӑхран йӑха йӑх пынӑ,
ялан ялта пурӑннӑ.
Самани йӑлт улшӑннӑ та
Кӗҫтук хулана куҫнӑ.

Пурнать Кӗҫтук хулара,
арӑмӗ - чӑн-чӑн майра.
Ҫитӗнеҫҫӗ ывӑлсем,
Шупашкар паттӑрӗсем.

Ир пулать те, каҫ пулать,
Кӗҫтук ҫывӑрма выртать.
Тӗлӗрсе кӑна каять те
тӗлӗкре ялне курать.

Ах чунӑмҫӑм, чунӑмҫӑм та
канлӗх хулара ҫук-шим?
Ах Турӑҫӑм, Турӑҫӑм та
эпӗ йӑнӑш турӑм-шим?

Ҫулӗсем иртсе пыраҫҫӗ,
шак-шак-шак шаккать сехет.
Тӗлӗкре яла кайсассӑн
талт-талт-талт тапать чӗрем.

14.10.2024 К.Д.

Патӑрьел тӑрӑхӗ.
Кивӗ Ахпӳрт.
Паян.

Эпӗ паян 30-та
Атте-Анне - тавах сире!

ДОБРОХОТОВ сейчас #втренде
Глава города,известный блогер,директор автошколы.
Янравлӑ илтӗнет отнакӑ!

😅

https://youtu.be/DvuCOCAlg5U?si=l-wIYDMn8doatZ46

ШОРКИНЛА, АНАТ ЕНЧИ ТАКМАКСЕМ!
Константин Доброхотов, Виталий Адюков, Дмитрий Моисеев.

https://youtu.be/K5hKkdHwIZE?si=Cvs-HCaqPzL9Gbtu

Сире савӑнтарма ҫӗнӗ контент хатӗрлетпӗр!

Паян халӑх сасӑлавӗн юлашки кунӗ.
Тӗрлӗ регионсем хушшинче иртекен фестивальте Чӑваш Ен номинанчӗ пулса хутшӑнатӑп.

Маншӑн сасӑласа пулӑшакансене пысӑк тав! Сасӑласа ӗлкӗрейменсен паян ҫӗрле 23:59 сехетчен ҫак ссылкӑпа куҫса сасӑлама вӑхӑт пур.

https://award2024.kartageroev.ru/?search=Доброхотов&id=1#search

Пӗр-пӗрне ҫапла пулӑшса пурӑнмалла пултӑр, эсир мана ырӑ туни сирӗн патӑра каялла пин хут ӳссе ырӑпа таврӑнмалла пултӑр. Тав!

Ӗнер Кубӑран киле таврӑнтӑм) Кил-йыш ӑшшӑн кӗтсе илчӗ🥰

Туссем! Ыран халӑх сасӑлавӗн юлашки кунӗ. Чӑваш Еншӗн хутшӑнса ытти регионсен хушшинче малти вырӑна тухма май пур. Енчен те эсир маншӑн сасӑламан пулсассӑн ҫак ссылкӑпа куҫса сасӑлама ыйтатӑп. Вӑл тӳлевсӗр.
Сирӗнпе пӗрле мала тухма та пултарӑпӑр!
https://award2024.kartageroev.ru/?search=Доброхотов&id=1#search

Костя, эсир Кубӑна мӗнле лекнӗ? Ӗҫлеме е канма кайнӑ? Мӗн тума кайнӑ?
Ҫак постра(видеора) сирӗн ыйтусем ҫине хуравлатӑп😌

Университетра вӗреннӗ май пире - икӗ чӑваша Кубӑна икӗ эрнелӗхе командировкӑна ячӗҫ. Командировкӑн тӗп тӗллевӗ - Раҫҫейпе Куба туслӑ тата пӗр шухӑшлӑ пулнӑ май Куба ҫӗршывне ирӗклӗ пулӑшу парасси, Куба ҫӗршывӗн халӑхӗпе, пурнӑҫӗпе, культурипе, чӗлхипе паллашасси, хамӑрӑн тӑван ҫӗршывпа, халӑхпа, культурӑпа ытти ҫӗршыв халӑхӗсене паллаштарасси. Куба - йывӑр тапхӑрта пурӑнакан чухӑн ҫӗршыв. Икӗ эрне хушши май ҫитнӗ таран пулӑшма тӑрӑшрӑмӑр, вӗсем вара пире хӑйӗн ҫӗршывӗпе паллаштарчӗҫ.
Унсӑр пуҫне Кубӑра питӗ кирлӗ эмелсене хамӑр укҫа-тенкӗпе туянса гуманитари пулӑшӑвӗ илсе кайрӑмӑр.
Кубӑра Европӑри тӗрлӗ ҫӗршывсенчен килнӗ ҫынсем пуҫтарӑнчӗҫ. Раҫҫейрен вара эпир - икӗ чӑваш пултӑмӑр.
Ҫулҫӳревӗн спонсорӗ - Илья Николаевич Ульянов ячӗллӗ Чӑваш Патшалӑх Университечӗ. Чӑваш Енрен 10 пин ҫухрӑм аякра вырнаҫнӑ ҫӗршывра пулса курма май туса панӑшӑн юратнӑ университета пысӑк ТАВ сӑмахӗ калатпӑр!